Fondos
-
4. COMISIÓN PERMANENTE. COMISIÓN DE GOBERNO. XUNTA DE GOBERNO
2016-10-14_Ordinaria. Acta de sesión 2016/10/14_Ordinaria
Acta de sesión 2016/10/14_Ordinaria
Área de identificación
Código(s) de referencia ES.GA.36038.ADPO.1.1.4.9.43.840/1.2016-10-14_Ordinaria
Título Acta de sesión 2016/10/14_Ordinaria
Data(s) 2016 (Creación)
Volume e soporte 1 acta de sesión. 108 follas
Área de contexto
Institución arquivística Arquivo Deputación de Pontevedra
Área de contido e estrutura
Alcance e contido En Pontevedra, na Sala de Xuntas do Pazo Provincial, sendo as once horas e cinco minutos do día catorce de outubro do ano dous mil dezaseis, baixo a Presidencia da Ilma. Sra. Dna. Mª del Carmen Silva Rego, Presidenta da Deputación Provincial de Pontevedra, reuníronse as/os señoras/es deputadas/os, Dna. Consuelo Besada Lores, D. Juan Antonio González Pérez, D. Carlos López Font, D. David Regades Fernández, D. Santos Héctor Rodríguez Díaz, D. Xosé Cesáreo Mosquera Lorenzo e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto D. Carlos Cuadrado Romay, Secretario Xeral, e está presente o Sr. Interventor, D.Antonio Graña Gómez. Non asisten os seguintes deputados: Dna. Mª Montserrat Magallanes Álvarez e D. Uxío Benítez Fernández, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.24856.- APROBACIÓN DO PROTOCOLO DE ACTUACIÓN PARA A ADHESIÓN DOS CONCELLOS Ó PLAN COMPOST REVITALIZA E DAS BASES REGULADORAS DAS SUBVENCIÓNS CONVOCADAS PARA CONSOLIDAR DITO PLAN Visto o informe xurídico-proposta de resolución do xefe do Servizo de Asistencia Intermunicipal, de data 3 de outubro de 2016, que conta co conforme da xefa do Servizo de Medio Ambiente e o visto e prace do Vicepresidente da Deputación Provincial de Pontevedra, co seguinte teor literal: “O técnico que subscribe, no exercicio das competencias que ten asignadas e de acordo co disposto no artigo 83 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común, eleva a seguinte proposta: OBXECTO A presente proposta, de carácter administrativo, ten por obxecto emitir unha declaración de xuízo sobre a idoneidade de aprobar o protocolo de actuación para a adhesión dos Concellos ao PLAN COMPOST REVITALIZA da Deputación de Pontevedra e sobre a convocatoria dunhas bases que regulen o procedemento de concesión de dúas liñas de subvencións para consolidar dito plan. ANTECEDENTES DE FEITO E TRATAMENTO TÉCNICO As obrigas legais fixadas en diversos textos normativos de aproveitamento da fracción orgánica dos residuos municipais (en adiante FORM), están moi lonxe de poder cumprirse nas datas fixadas de manterse inmóbil a situación actual. O obxectivo de compostar, ao menos, o 25% da FORM antes do 2020 non se poderá acadar senón se dan xa pasos firmes e decididos nesta dirección. Neste sentido a Deputación de Pontevedra ten entre os seus obxectivos estratéxicos potenciar a área de Medio Ambiente, cunha aposta clara pola colaboración cos concellos a través do seu PLAN COMPOST REVITALIZA, no que aposta polos Compostadores Individuais (en adiante COIN), os Centros de Compostaxe Comunitaria (en adiante CCC) e polas Plantas Comarcais de Compostaxe (en adiante PCC). En relación aos CCC a Administración Provincial ven de instalar en 22 concellos da provincia un total de 46 con 221 Unidades Modulares de Compostaxe (en adiante UMA), con capacidade unitaria para tratar a FORM producida por entre 60 e 300 veciños, que será mesturada con estruturante para garantir un proceso capaz de levar á obtención final dun compost de tanto mais alta calidade canto mais limpa viñera a FORM tratada. Sen embargo, unha vez posto en marcha o PLAN COMPOST REVITALIZA nesa vertente resulta preciso, para poder seguir avanzando na súa efectividade, dotarse dun marco máis estábel para proceder a súa organización, cálculo de necesidades e demais aspectos; é dicir, faise necesario facer unha previsión realista, o mais aproximada á definitiva para: • Determinar as necesidades de persoal, tanto mestres composteiros como técnicos superiores ou de calquera outro tipo. • Determinar as necesidades de formación de persoal. • Precisar as necesidades de triturado para acadar economías de escala. • Facer previsións de dotacións económicas. • Dimensionar o Servizo correspondente na Deputación. • Elaborar os mecanismos de colaboración entre a Deputación e os concellos. • Dar estabilidade á colaboración da Deputación cos Concellos e determinar un marco de actuación definido e previsíbel. Para acadar a estabilidade e previsibilidade pretendida, entre os varios mecanismos e instrumentos barallados (consorcio, empresa pública,...) optouse pola opción máis sinxela e con menos carga burocrática, consistente na adhesión voluntaria dos concellos ao Plan Revitaliza, cun corpo mínimo de obrigas ben delimitadas e definidas por parte da Deputación e dos Concellos adheridos que permitan acadar os obxectivos fixados e determinar con precisión as necesidades futuras. En relación co anterior, tamén preténdese consolidar o PLAN COMPOST REVITALIZA mediante unha serie de axudas que permitan aos Concellos facer fronte aos sobrecustos derivados da posta en marcha, no período de tránsito do actual sistema de recollida e tratamento ao novo sistema baseado na compostaxe, en calquera das súas tres variables complementarias mencionadas anteriormente (COIN, CCC e PCC). En concreto, serán obxecto das axudas provinciais as seguintes liñas de subvención: Liña 1.- A asistencia técnica para a redacción dos Plans Municipais de Recollida e Tratamento de Residuos Domiciliarios por técnicos da Deputación Provincial de Pontevedra, coa colaboración municipal aportando toda a información/documentación precisa para a súa elaboración; e excepcionalmente a asistencia para o deseño técnico e planos acoutados das posíbeis PCC. Liña 2.- A adquisición dos COIN e CCC necesarios para a posta en marcha do novo sistema baseado na compostaxe, así como dos seus materiais complementarios para o seu bo funcionamento. As solicitudes para esta Liña 2 só poderán realizarse asociadas á solicitude da Liña 1, ou ben, coa elaboración municipal dun Plan de Recollida e Tratamento de Residuos Domiciliarios que responda aos criterios do PLAN COMPOST REVITALIZA baseado na compostaxe e que fixe obxectivos de tratamento da FORM en consonancia cos compromisos de Adhesión a dito Plan. En canto ao financiamento, as axudas da Liña 1 relativas á redacción dos Plans Municipais de Recollida e Tratamento de Resíduos Domiciliarios e, excepcionalmente, a asistencia para o deseño técnico e planos acoutados das PCC por técnicos da Deputación, serán sufragadas na súa totalidade pola Deputación. A liña 2 de subvención relativa á adquisición de composteiros individuais e comunitarios necesarios para a posta en marcha do novo sistema baseado na compostaxe asi como do seu material complementario necesario para o seu bo funcionamento – cuxa contratación corresponderá ao Concello ou Concellos solicitantes- estará dotada con 1.250.557,45 € e financiarase con cargo á aplicación 16/410.1623.762.49 do vixente orzamento provincial. A contía da cada subvención obterase da aplicación dun cociente á puntuación outorgada, tendo en conta que o máximo da subvención para cada proxecto non poderá exceder do 70 % do seu orzamento; non obstante, poderase acadar o 90% en función da dispoñibilidade orzamentaria sobrante, caso de existir, e das solicitudes seleccionadas. En canto aos criterios de concesión, respecto á liña 1 concederanse todas as solicitudes presentadas dando preferencia a aqueles concellos que pola súa dispersión da poboación, índice de ruralidade, baixa densidade, etc. permitan acadar-progresivamente-o tratamento do 100% da súa FORM vía COIN e/ou CCC segundo os estudios previos elaborados polos técnicos provinciais que lle serán facilitados aos Concellos que así o soliciten, e do aproveitamento óptimo dos recursos humanos da Deputación Na liña 2, as subvencións concederanse en réxime de concorrencia competitiva conforme aos criterios obxectivos establecidos nas bases obxecto da presente proposta. O prazo para presentar as solicitudes será de dous meses a contar desde o día seguinte ao da publicación da presente convocatoria no Boletín Oficial da Provincia. Esta iniciativa provincial enmarcase no ámbito competencial que a lexislación vixente en materia de réxime local encomenda ás Deputacións xa que logo deben dirixir a súa actividade á cooperación no fomento do desenvolvemento económico e social en toda a provincia e a asegurar a prestación integral e adecuada dos servizos de competencia municipal, entre os que se atopan a recollida e tratamento de residuos. Así mesmo, de acordo co disposto no artigo 26.2.a) da Lei 7/1985, de 2 de abril, reguladora das bases de réxime local, na redacción dada pola Lei 27/2013, de 13 de decembro, de racionalización e sostinibilidade da administración local, nos concellos de menos de 20.000 habitantes a Deputación coordinará a prestación dos servizos de recollida e tratamento de residuos; pola súa banda, o artigo 36.1.c) da citada Lei establece que é competencia da Deputación a prestación dos servizos públicos de carácter supramunicipal e, no seu caso, supracomarcal, e o fomento ou, no seu caso, a coordinación da prestación unificada de servizos dos concellos do seu respectivo ámbito territorial. En particular, asumirá a prestación do servizo de tratamento de residuos nos concellos de menos de 5.000 habitantes cando estes non procedan a súa prestación. Nesa mesma liña, o artigo 6 da Lei 10/2008, de residuos de Galicia, atribúe ás Deputacións competencia para adoptar as medidas oportunas para asegurar, conforme ao establecido na lexislación vixente en materia de administracións locais, a colaboración precisa aos concellos na prestación do servizo de recollida e xestión de residuos urbanos, incluíndo estes servizos como de carácter preferente nos plans provinciais de obras e servizos. Tamén o artigo 30 do Texto Refundido das Disposicións Legais Vixentes en materia de Réxime Local, aprobado polo Real Decreto Lexislativo 781/1986, de 18 de abril, establece que a Deputación cooperará á efectividade dos servizos municipais, preferentemente dos obrigatorios, aplicando a tal fin os medios económicos propios desta que se asignen ou as subvencións ou axudas de calquera outra procedencia. CONCLUSIÓN Á vista do anterior, infórmase favorablemente o protocolo de actuación para a adhesión dos Concellos ao PLAN COMPOST REVITALIZA da Deputación de Pontevedra e as bases que regularán o procedemento de concesión de dúas liñas de subvencións para consolidar dito plan nos termos antes expostos. Pontevedra, 3 de outubro de 2016 O Xefe do servizo de Asistencia Intermunicipal. Gabriel Rodríguez Alonso.” Vistos os informes da Secretaría e da Intervención xeral, de datas 6 e 10 de outubro de 2016, respectivamente, favorables á tramitación do presente expediente, reflectíndose neste último informe que na aplicación 16/410.1623.762.49 do vixente Orzamento provincial existe crédito adecuado e suficiente para facer fronte ós gastos derivados do mesmo, expedíndose ó respecto o documento RC nº 201600157061. Á vista do exposto, de conformidade co establecido no artigo 35 da Lei 7/1985, de 2 de abril, reguladora das bases de réxime local e en aplicación das bases aprobadas para a execución do orzamento, a Xunta de Goberno acorda por unanimidade: PRIMEIRO. Aprobar o protocolo de actuación para a adhesión dos Concellos ó “Plan Compost Revitaliza” da Deputación de Pontevedra, cuxo texto di como segue: “PROTOCOLO DE ACTUACIÓN ADHESIÓN Ó PLAN COMPOST REVITALIZA DA DEPUTACIÓN PROVINCIAL DE PONTEVEDRA ANTECEDENTES E OBXECTIVO As obrigas legais fixadas en diversos textos normativos de aproveitamento da fracción orgánica dos residuos municipais (en adiante FORM), están moi lonxe de poder cumprirse nas datas fixadas de manterse inmóbil a situación actual. O obxectivo de compostar, ao menos, o 25% da FORM antes do 2020 non se poderá acadar senón se dan xa pasos firmes e decididos nesta dirección. Neste sentido a Deputación de Pontevedra ten entre os seus obxectivos estratéxicos potenciar a área de Medio Ambiente, cunha aposta clara pola colaboración cos concellos a través do seu PLAN COMPOST REVITALIZA, no que aposta polos Compostadores Individuais (en adiante COIN), os Centros de Compostaxe Comunitaria (en adiante CCC) e polas Plantas Comarcais de Compostaxe (en adiante PCC). En relación aos CCC a Administración Provincial ven de instalar en 22 concellos da provincia un total de 46 con 221 Unidades Modulares de Compostaxe (en adiante UMA), con capacidade unitaria para tratar a FORM producida por entre 60 e 300 veciños, que será mesturada con estruturante para garantir un proceso capaz de levar á obtención final dun compost de tanto mais alta calidade canto mais limpa viñera a FORM tratada. Sen embargo, unha vez posto en marcha o PLAN COMPOST REVITALIZA nesa vertente resulta preciso, para poder seguir avanzando na súa efectividade, dotarse dun marco máis estábel para proceder a súa organización, cálculo de necesidades e demais aspectos; é dicir, faise necesario facer unha previsión realista, o mais aproximada á definitiva para: • Determinar as necesidades de persoal, tanto mestres composteiros como técnicos superiores ou de calquera outro tipo. • Determinar as necesidades de formación de persoal. • Precisar as necesidades de triturado para acadar economías de escala. • Facer previsións de dotacións económicas. • Dimensionar o Servizo correspondente na Deputación. • Elaborar os mecanismos de colaboración entre a Deputación e os concellos. • Dar estabilidade á colaboración da Deputación cos Concellos e determinar un marco de actuación definido e previsíbel. OPCIÓN ELIXIDA Para acadar a estabilidade e previsibilidade pretendida, entre os varios mecanismos e instrumentos barallados (consorcio, empresa pública,...) óptase pola opción máis sinxela e con menos carga burocrática, consistente na Adhesión Voluntaria dos concellos ao Plan Revitaliza, cun corpo mínimo de obrigas ben delimitadas e definidas por parte da Deputación e dos Concellos adheridos que permitan acadar os obxectivos fixados e determinar con precisión as necesidades futuras. OBRIGAS DE CADA PARTE Por parte da DEPUTACIÓN DE PONTEVEDRA, en relación aos Concellos adheridos: • Facilitar ós Concellos asesoramento técnico especializado. • Dotarse de persoal propio que sirva para botar a andar o proxecto por parte dos Concellos e para facer o asesoramento posterior. • Organización de cursos, conferencias, exposicións e outras accións formativas. • Elaboración de material impreso e audiovisual de soporte e comunicación. • Posta a disposición da maquinaria necesaria para o triturado de restos vexetais na cantidade necesaria para as necesidades de estruturante nas primeiras fases do proceso e, cando estea a funcionar a pleno rendemento, colaborar para que este triturado teña a escala suficiente para obter os custes mínimos. • Colaborar na captación de recursos externos para a mellora da financiación do proxecto. • Xestionar, ou colaborar na xestión cos Concellos adheridos, o tratamento da FORM destes coa busca e deseño de plantas comarcais, entre outras opcións. • Impulsar accións de sensibilización nos centros educativos relacionados coa compostaxe, en colaboración cos Concellos. • Impulsar liñas de investigación sobre as características e beneficios da composta. Por parte dos CONCELLOS ADHERIDOS, individualmente ou agrupados: • Reducir a menos dun 25% a FORM que non sexa: reutilizada (alimentación animal), reaproveitada (doazón a bancos de alimentos, comedores sociais, etc.), compostada (só de recollidas selectivas na orixe), ou bioestabilizada (se ven de recollidas non selectivas na orixe), no prazo de 4 anos. • Sen perxuízo do apartado anterior e a maiores del, acadar a compostaxe de como mínimo o 50% da FORM no prazo de 4 anos. • Elaborar de por sí un Plan municipal de actuación en materia de residuos que determine as medidas a adoptar para acadar os anteriores obxectivos, ou ben solicitar á Deputación o soporte técnico para colaborar nesa elaboración. Este Plan deberá estar redactado e aprobado no prazo de seis meses a partires do acordo de adhesión. • Achegar o persoal necesario para o funcionamento do Plan, directamente ou a través das convocatorias da Deputación. No caso de xestión indirecta pode substituírse por persoal da concesionaria debidamente formado. • Comprometerse a adoptar as medidas contempladas no Plan nos prazos que nel se fixen. • Achegar os datos a Deputación para o tratamento da información. • Permitir as inspeccións necesarias para o bo seguimento do proceso. • Realizar as achegas económicas que, no seu caso, se determinen. FORMA DE ADHESIÓN Por acordo do órgano competente da Corporación Municipal no formato que se adxunta como Anexo I. ANEXO I PROPOSTA DE ACORDO ASUNTO: ADHESIÓN Ó PLAN COMPOST REVITALIZA DA DEPUTACIÓN PROVINCIAL DE PONTEVEDRA Visto o protocolo de actuación relativo ao PLAN COMPOST REVITALIZA da Deputación Provincial de Pontevedra, de conformidade co establecido no artigo 21/22/23 * da Lei 7/1985, de 2 de abril, reguladora das bases de réxime local o Alcalde/Xunta de Goberno/ Pleno*, ACORDA Primeiro. A adhesión ao PLAN COMPOST REVITALIZA da Deputación Provincial de Pontevedra nos termos expresados no protocolo de actuación adxunto, co compromiso de cumprir e facer cumprir as obrigas municipais derivadas do mesmo. Segundo. Designar, a todos os efectos, como representante legal do Concello no PLAN COMPOST REVITALIZA a D/Dª** …. Terceiro. Trasladar o presente acordo de adhesión ao Servizo de Asistencia Intermunicipal da Deputación Provincial de Pontevedra aos efectos oportunos. En......................................., a ....... de ................................... de 20...... * Determinar o artigo en función do órgano competente para acordar a adhesión ao PLAN COMPOST REVITALIZA ** Especificar tamén o cargo ocupado no Concello” SEGUNDO. Aprobar as bases que regularán o procedemento para a concesión de dúas liñas de subvencións para consolidar dito plan, cuxo texto di como segue: “CONVOCATORIA DE SUBVENCIÓNS PARA A CONSOLIDACIÓN DO PLAN COMPOST REVITALIZA INTRODUCIÓN As obrigas legais fixadas en diversos textos normativos de aproveitamento da fracción orgánica dos residuos municipais (en adiante FORM), están moi lonxe de poder cumprirse nas datas fixadas de manterse inmóbil a situación actual. O obxectivo de compostar, ao menos, o 25% da FORM antes do 2020 non se poderá acadar senón se dan xa pasos firmes e decididos nesta dirección. Neste sentido a Deputación de Pontevedra ten entre os seus obxectivos estratéxicos potenciar a área de Medio Ambiente, cunha aposta clara pola colaboración cos concellos a través do seu PLAN COMPOST REVITALIZA, no que aposta polos Compostadores Individuais (en adiante COIN), os Centros de Compostaxe Comunitaria (en adiante CCC) e polas Plantas Comarcais de Compostaxe (en adiante PCC). En relación aos CCC a Administración Provincial ven de instalar en 22 concellos da provincia un total de 46 con 221 Unidades Modulares de Compostaxe (en adiante UMA), con capacidade unitaria para tratar a FORM producida por entre 60 e 300 veciños, que será mesturada con estruturante para garantir un proceso capaz de levala obtención final dun compost de tanto mais alta calidade canto mais limpa viñera a FORM tratada. Agora trátase de dar un paso máis ao obxecto de consolidar o PLAN COMPOST REVITALIZA mediante unha serie de axudas que permitan aos Concellos facer fronte aos sobrecustos derivados da posta en marcha, no período de tránsito do actual sistema de recollida e tratamento ao novo sistema baseado na compostaxe, en calquera das súas tres variables complementarias mencionadas anteriormente (COIN, CCC e PCC). Aínda que a implantación do novo sistema implicará unha forte diminución dos custes do servizo, nun primeiro momento que poderíamos denominar de transición, estes custes seguramente aumentarán, dificultando aos concellos a implantación do novo sistema polo que se ten considerado necesario abrir liñas de axudas da Deputación. Existindo a previsión de abrir novas convocatorias nos vindeiros exercicios, semella aconsellable limitar esta primeira convocatoria ás actuacións e aos concellos onde existan motivos razoables para concluír que os trámites para o paso ao novo sistema podan resultar máis áxiles e doados. Dada a complexidade de modificación dos contratos do servizo municipal de recollida de residuos domiciliarios xestionados a través de empresas privadas, as axudas económicas nesta primeira convocatoria (non así nas futuras) centraranse nos concellos con xestión directa do servizo, ou aqueles cuxos contratos actualmente en vigor sexan acordes aos compromisos de adhesión ao PLAN COMPOST REVITALIZA. Así mesmo, centrarase esta 1ª convocatoria nos COIN, CCC e os seus materiais complementarios, deixando en xeral para posteriores convocatorias as PCC, agás en eventuais casos excepcionais ben xustificados. Esta iniciativa provincial enmarcase no ámbito competencial que a lexislación vixente en materia de réxime local encomenda ás Deputacións xa que logo deben dirixir a súa actividade á cooperación no fomento do desenvolvemento económico e social en toda a provincia e a asegurar a prestación integral e adecuada dos servizos de competencia municipal, entre os que se atopan a recollida e tratamento de residuos. Así mesmo, de acordo co disposto no artigo 26.2.a) da Lei 7/1985, de 2 de abril, reguladora das bases de réxime local, na redacción dada pola Lei 27/2013, de 13 de decembro, de racionalización e sostenibilidade da administración local, nos concellos de menos de 20.000 habitantes a Deputación coordinará a prestación dos servizos de recollida e tratamento de residuos; pola súa banda, o artigo 36.1.c) da citada Lei establece que é competencia da Deputación a prestación dos servizos públicos de carácter supramunicipal e, no seu caso, supracomarcal, e o fomento ou, no seu caso, a coordinación da prestación unificada de servizos dos concellos do seu respectivo ámbito territorial. En particular, asumirá a prestación do servizo de tratamento de residuos nos concellos de menos de 5.000 habitantes cando estes non procedan a súa prestación. Nesa mesma liña, o artigo 6 da Lei 10/2008, de residuos de Galicia, atribúe ás Deputacións competencia para adoptar as medidas oportunas para asegurar, conforme ao establecido na lexislación vixente en materia de administracións locais, a colaboración precisa aos concellos na prestación do servizo de recollida e xestión de residuos urbanos, incluíndo estes servizos como de carácter preferente nos plans provinciais de obras e servizos. Tamén o artigo 30 do Texto Refundido das Disposicións Legais Vixentes en materia de Réxime Local, aprobado polo Real Decreto Lexislativo 781/1986, de 18 de abril, establece que a Deputación cooperará á efectividade dos servizos municipais, preferentemente dos obrigatorios, aplicando a tal fin os medios económicos propios desta que se asignen ou as subvencións ou axudas de calquera outra procedencia. En relación ao exposto confecciónanse as seguintes BASES REGULADORAS Primeira. OBXECTO O obxectivo desta convocatoria é o impulso do tratamento da FORM mediante a compostaxe, con axudas para facer fronte aos sobrecustes transitorios derivados da posta en marcha no período de cambio do actual sistema de recollida e tratamento ao novo sistema baseado na compostaxe, nas súas variantes complementarias COIN e CCC e, excepcionalmente, PCC coa seguinte orde de prelación: 1ª.- Compostaxe Individual (COIN). 2ª.- Centros de Compostaxe Comunitarias (CCC). 3ª.- Plantas Comarcais de Compostaxe (PCC). En concreto, poderán ser obxecto das axudas as seguintes liñas de subvención: Liña 1.- A asistencia técnica para a redacción dos Plans Municipais de Recollida e Tratamento de Residuos Domiciliarios que respondan aos criterios do PLAN COMPOST REVITALIZA por técnicos da Deputación Provincial de Pontevedra, coa colaboración municipal aportando toda a información/documentación precisa para a súa elaboración; e excepcionalmente, a asistencia para o deseño técnico e planos acoutados das posíbeis PCC. Liña 2.- A adquisición dos COIN e CCC necesarios para a posta en marcha do novo sistema baseado na compostaxe, así como dos seus materiais complementarios para o seu bo funcionamento. Segunda. BENEFICIARIOS Poderán presentar as solicitudes os Concellos cun censo de poboación inferior aos 50.000 habitantes, ben individualmente ou agrupados, para as actuacións necesarias para cambiar o actual sistema e pasar a outro baseado na compostaxe. Só poderán acollerse a estas axudas os Concellos adheridos ao PLAN COMPOST REVITALIZA da Deputación de Pontevedra. As solicitudes para a Liña 2 só poderán realizarse asociadas á solicitude da Liña 1, ou ben, coa elaboración municipal dun Plan de Recollida e Tratamento de Residuos Domiciliarios que responda aos criterios do PLAN COMPOST REVITALIZA baseado na compostaxe e que fixe obxectivos de tratamento da FORM en consonancia cos compromisos de Adhesión a dito Plan. Así mesmo para a Liña 2 terán preferencia os Concellos con xestión directa do servizo; opcionalmente e a continuación, consideraranse os demais Concellos que teñan actualmente en vigor, ou en previsión de inminente adxudicación, contratos de recollida dos residuos domiciliarios acordes cos compromisos adquiridos na adhesión ao Plan Compost Revitaliza. Terceira. FINANCIAMENTO As axudas da Liña 1 relativas á colaboración técnica para a redacción dos Plans Municipais de Recollida e Tratamento de Residuos Domiciliarios por técnicos da Deputación, e excepcionalmente, ao soporte técnico para o deseño e planos acoutados das posíbeis PCC, serán sufragadas na súa totalidade pola Deputación. A liña 2 de subvención relativa á adquisición dos COIN e CCC precisos para a posta en marcha do novo sistema baseado na compostaxe, así como dos seus materiais complementarios para o seu bo funcionamento, estará dotada con 1.250.557,45 € e financiarase con cargo á aplicación 16/410.1623.762.49 do vixente orzamento provincial. Cuarta. CRITERIOS DE CONCESIÓN En relación á Liña 1, concederanse todas as solicitudes presentadas dando preferencia a aqueles concellos que pola súa dispersión da poboación, índice de ruralidade, baixa densidade, etc. permitan acadar-progresivamente-o tratamento do 100% da súa FORM vía COIN e/ou CCC segundo os estudios previos elaborados polos técnicos provinciais que lle serán facilitados aos Concellos que así o soliciten, e do aproveitamento óptimo dos recursos humanos da Deputación. En relación a Liña 2, as subvencións concederanse en réxime de concorrencia competitiva entre as entidades que cumpran os requisitos de admisión establecidos na base segunda e en función da memoria explicativa á que se fai referencia na base sexta. Sobre un total de 100 puntos os criterios de selección son os seguintes: a. Solicitudes daqueles Concellos que polas súas características (dispersión da poboación, ruralidade, densidade etc..) permitan acadar progresivamente o tratamento do 100% da súa FORM vía COIN e/ou CCC segundo os estudios previos elaborados polos técnicos provinciais que lle serán facilitados aos Concellos que así o soliciten, ata 60 puntos. b. Pola amplitude e homoxeneidade do ámbito xeográfico obxecto de utilización do material subvencionado, ata 25 puntos. c. Pola achega de datos de produción e a solución dada para os produtores singulares de residuos orgánicos, ata 15 puntos. As solicitudes terán que respectar os umbrais máximos de número de COIN e CCC establecidos no estudio previo de necesidades elaborado polos técnicos provinciais e que se lle facilitará aos Concellos que o soliciten; en caso contrario, a Deputación estará facultada a limitar a subvención aos máximos establecidos en dito estudio previo. Así mesmo, as solicitudes que non cheguen ao 40% da puntuación en todos e cada un dos criterios serán eliminadas por entender que teñen fallos graves que farían inútil, disfuncional e contraproducente co Plan Revitaliza a súa posta en funcionamento. Na Liña 2, farase unha valoración das solicitudes presentadas de acordo a estes criterios e resultarán seleccionadas aquelas que obteñan a maior puntuación ata o límite orzamentario establecido na base terceira. A contía da cada subvención obterase da aplicación dun cociente á puntuación outorgada, tendo en conta que o máximo da subvención para cada proxecto non excederá do 70 % do seu orzamento; non obstante, poderase acadar o 90% en función da dispoñibilidade orzamentaria sobrante, caso de existir, e das solicitudes seleccionadas. Quinta. CONTRATACIÓN A contratación da adquisición e subministro dos COIN e CCC obxecto de subvención da Liña 2 corresponderá ao Concello ou Concellos solicitantes, debendo respectar ditos materiais as características técnicas establecidas polos técnicos provinciais no anexo I desta convocatoria. Dita adquisición farase preferentemente a través dun acordo marco que permita flexibilizar as necesidades reais posteriores de COIN e CCC respecto ás iniciais plantexadas. Poderán acollerse a estas subvencións as actuacións xa adxudicadas durante o ano 2016. Sexta. SOLICITUDES E DOCUMENTACIÓN Para a Liña 1, Redacción de Plans: • Solicitude do/a Alcalde/Alcaldesa xunto co acordo de aprobación da mesma por parte do órgano municipal competente do Concello ou Concellos solicitantes, neste último caso segundo o Convenio de colaboración subscrito ao respecto. • Certificación do acordo de adhesión do Concello ou Concellos solicitantes ao Plan Compost Revitaliza. • Definición escrita e gráfica do ámbito aproximado no que se pretende implantar o novo sistema, no caso de non ser en todo o Concello ou Concellos. Para Liña 2, adquisición de material: • Solicitude asinada polo Alcalde/Alcaldesa xunto co acordo de aprobación da mesma por parte do órgano municipal competente do Concello ou Concellos solicitantes, neste último caso segundo o Convenio de colaboración subscrito ao respecto. • Memoria explicativa en detalle do proxecto de cambio de sistema de recollida e tratamento de residuos que permita valorar cada un dos criterios de concesión da axuda definidos na base cuarta. • Certificación do acordo de adhesión do Concello ou Concellos solicitantes ao Plan Compost Revitaliza. • Certificación de que o Concello ou Concellos teñen xestión directa do servizo ou un contrato en vigor ou en previsión de adxudicación que recolla os compromisos adquiridos na Adhesión. • Descrición e orzamento aproximado, co IVE detallado aparte, do material que se pretende adquirir, con indicación se o IVE é deducible ou non. No orzamento especificaranse coa desagregación apropiada os materiais, subministros ou equipamentos a adquirir, detallando se é posible a súas características, con expresión das cantidades a adquirir, prezos unitarios e totais. Admitirase no seu caso factura proforma cos mesmos requisitos especificado para o orzamento e debidamente asinada polo alcalde. As memorias e orzamentos deberán presentarse debidamente asinados polo alcalde. Calquera falsidade nos datos presentados dará lugar á desestimación da petición, ademais doutras medidas que para o caso poida arbitrar o organismo provincial. • Copia da solicitude da Liña 1 ou compromiso suficiente de elaboración propia do Plan Municipal de Residuos. Para as dúas liñas tamén será necesario aportar certificado expedido polo funcionario público competente no que se faga constar o seguinte: a) Se o Concello obtivo ou solicitou calquera outra axuda ou subvención. b) Que o Concello non está incurso en causas de prohibición para a percepción de axudas públicas. c) Que está ao corrente coas obrigas tributarias e coa Seguridade Social. As agrupacións de Concellos que se constitúan para optar a estas axudas presentarán: • Acordo de solicitude de cada Concello da agrupación de Concellos. • Convenio de colaboración interadministrativa. • O nomeamento dunha persoa como representante legal para estes efectos. • Declaración de qué Concello vai recibir o importe da axuda e de que deberá presentar a documentación para o pagamento e xustificación. No caso de presentar incompleta a documentación á que se refire esta base requiriráselle ao interesado para que emende as faltas ou omisións no prazo máximo de 10 días hábiles, indicándolle que, de non o facer, se terá por desistido da súa solicitude, previa resolución que deberá ser ditada nos termos previstos no artigo 21 da Lei 39/2015, de 1 de outubro, de procedemento administrativo común das Administracións Públicas. Sétima. LUGAR E PRAZO DE PRESENTACIÓN As solicitudes irán dirixidas á Presidenta da Deputación de Pontevedra, e presentaranse no Rexistro Xeral da Deputación, no da súa sede en Vigo, ou a través de calquera das formas previstas no artigo 16.4 da Lei 39/2015, de 1 de outubro, de procedemento administrativo común das Administracións Públicas. Os horarios dos rexistros son os seguintes: - Rexistro xeral da Deputación de Pontevedra (Avda. Montero Ríos s/n – Pontevedra): de luns a venres: de 08:30 horas a 14:30 horas, e de 17:00 horas a 19:00 horas. Sábados: de 09:00 horas a 13:00 horas. - Rexistro da sede da Deputación en Vigo (Rúa Oporto 3 – 36201 Vigo): de luns a venres: de 09:00 horas a 13:00 horas. O prazo para presentar as solicitudes será de dous meses a contar desde o día seguinte ao da publicación da presente convocatoria no Boletín Oficial da Provincia. Oitava. INSTRUCIÓN E PROCEDEMENTO 1. A instrución do procedemento de concesión, que corresponde ao Servizo de Asistencia Intermunicipal, comprenderá as seguintes actividades ou fases: a. Unha vez presentadas as solicitudes realizarase o estudo e a súa comprobación por parte do servizo instrutor. b. O xefe do servizo ten a condición de órgano instrutor. As actividades do instrutor comprenderán: b.1. Petición de informes; o prazo de emisión será de 10 días, salvo que se autorice un maior. Se o órgano instrutor o considera necesario, sobre todo no caso de investimentos, poderá solicitar un informe dos servizos técnicos provinciais para comprobar o estado actual e posteriormente poder verificar a realización e valoración do investimento ou finalidade subvencionada. b.2. Informe-proposta do xefe de servizo no que se fará a valoración das solicitudes á luz dos criterios de concesión, explicando o sistema de valoración seguido, relacionando as solicitudes por orde decrecente de puntuación e sinalando a subvención que lles corresponde a cada un deles. Así mesmo, relacionaranse as solicitudes desestimadas, motivando as razóns das desestimacións. 2. Informe de fiscalización de Intervención de todos os expedientes e do informe - proposta. 3. Estudo do informe – proposta por parte da comisión de avaliación que no presente expediente estará formado por: Presidente: un xefe de Servizo ou Centro da Deputación de Pontevedra Vocais: un técnico en medio ambiente, un técnico do servizo de Asistencia Intermunicipal e un técnico do servizo de Intervención. Secretario: o da Deputación de Pontevedra ou funcionario/a de carreira con titulación superior en quen delegue. 4. Proposta de resolución definitiva. O órgano instrutor, á vista do expediente e do informe da Comisión, formulará a proposta de resolución definitiva que deberá expresar o solicitante ou a relación de solicitantes para os que se propón a concesión da subvención, e a súa contía. Tamén recollerá as solicitudes rexeitadas e os motivos do rexeitamento. 5. A proposta de resolución definitiva non crea dereito algún a favor do beneficiario proposto fronte á Administración, mentres non se lle notifique a resolución de concesión. Novena. RESOLUCIÓN 1. Unha vez aceptada, no seu caso, a proposta de resolución definitiva, o órgano competente resolverá o procedemento. 2. A resolución deberá motivarase quedando acreditados no procedemento os fundamentos da resolución que se adopte. 3. A resolución, ademais de conter o solicitante ou relación de solicitantes aos que se concede subvención, fará constar, no seu caso, de maneira expresa, a desestimación do resto das solicitudes. 4. Prazo máximo para resolver e notificar. A resolución do procedemento non poderá exceder de seis meses, salvo que unha norma con rango de lei estableza un prazo maior ou así veña previsto na normativa da Unión Europea. O prazo computarase a partir da publicación da correspondente convocatoria, salvo que a mesma pospoña os seus efectos a unha data posterior. O vencemento do prazo máximo sen haberse notificado a resolución lexítima aos interesados para entender desestimada por silencio administrativo a solicitude de concesión da subvención. Décima. XUSTIFICACIÓN E ABOAMENTO Os beneficiarios deberán ter executadas as actuacións ou instaladas ou en funcionamento as subministracións para as que se conceden as axudas antes do 31 de outubro de 2017; asemade deberán xustificalas no prazo de tres meses dende a súa finalización, e en todo caso antes do 31 de xaneiro de 2018. Para o cobro das subvencións concedidas compre presentar a seguinte documentación: 1. Xustificación do cumprimento da finalidade para a que se concedeu a subvención: a. Memoria explicativa e detallada da realización da finalidade con expresa mención dos resultados obtidos (comprensiva no seu caso do programa, cartel anunciador, fotografías e demais documentación gráfica elaborada para o desenvolvemento do proxecto ou actividade subvencionada). b. Xustificación do cumprimento das obrigas impostas. c. Indicación de si se cumpriron os obxectivos propostos, entre eles se o material obxecto de concesión da liña 2 está en funcionamento. 2. Xustificación dos gastos: Facturas orixinais ou fotocopias compulsadas, debendo corresponder o gasto coa actividade subvencionada e certificado da súa aprobación polo órgano competente. As facturas deberán conter os requisitos que lle dan validez e ser informados polos técnicos provinciais. A xustificación con facturas será polo importe de todo o investimento. 3. Acreditación da difusión da colaboración da Deputación na actuación ou subministro subvencionado. 4. Informe dos técnicos provinciais competentes relativo á adecuación do investimento realizado aos obxectivos propostos. Undécima. INCUMPRIMENTO Logo de vencido o prazo de xustificación sinalado na base décima sen que a entidade beneficiaria presentase a documentación xustificativa, o Servizo de Asistencia Intermunicipal requiriralle para que a presente no prazo improrrogable de quince días. A falta de presentación da documentación neste prazo suporá a perda da subvención e demais responsabilidades previstas na Lei 38/2003, de 17 de novembro, xeral de subvencións (LXS). Duodécima. DEVOLUCIÓN E REINTEGRO As subvencións concedidas deberán ser devoltas ou reintegradas nos seguintes casos: a. Por obtelas falseando as condicións requiridas. b. Por non aplicalas aos fins para os que foron concedidas durante a vida útil dos COIN e CCC. c. Por incumprir o beneficiario as obrigas asumidas e as condicións fixadas nestas bases. d. Os demais casos previstos no réxime xurídico das subvencións. Décimo terceira. NATUREZA E RÉXIME XURÍDICO As axudas que se concedan ao abeiro desta convocatoria teñen a natureza xurídica de subvencións, de acordo cos criterios establecidos na Lei 38/2003, de 17 de novembro, Xeral de Subvencións. O seu réxime xurídico axustase ao disposto nestas bases, na Lei 38/2003, de 17 de novembro, Xeral de Subvencións (LXS) e no seu Regulamento (Real Decreto 887/2006, de 21 de xullo), na Lei 9/2007, de 13 de xullo, de Subvencións de Galicia, (LSG), na Lei 7/1985, de 2 de abril, Reguladora das Bases do Réxime Local, (LRBRL), na Lei 39/2015, de 1 de outubro, de procedemento administrativo común das Administracións Públicas, nas Bases de execución do orzamento para o exercicio 2016, e demais normativa aplicable. Décimo cuarta. RECURSOS Contra o acordo da aprobación destas bases, que pon fin á vía administrativa, poderase interpoñer recurso potestativo de reposición ante o mesmo órgano que o ditou, no prazo dun mes a partir do día seguinte ao desta publicación (artigos 123 e 124 da Lei 39/2015, de 1 de outubro, de procedemento administrativo común das Administracións Públicas ben directamente recurso contencioso-administrativo perante o Xulgado do Contencioso-administrativo de Pontevedra segundo o disposto no artigo 8 da Lei 29/1988, de 13 de xullo, reguladora da xurisdición contencioso-administrativa, e todo iso no prazo establecido no artigo 46 da citada lei, sen prexuízo de que poida utilizar calquera outro recurso que se estime conveniente. ANEXO I “Características técnicas dos Centros de Compostaxe Comunitario (CCC) Característica fundamental das CCC • De tipo modular en base a Unidades Modulares de Compostaxe (en adiante UMC), idénticas entre si e susceptíbeis de ser mutuamente ensamblábeis entre elas por calquera dos seus laterais. • NOTA: Por cuestións puramente operativas considérase que a CCC de mínimo tamaño debería constar ó menos de 3 UMC (CCCMin3 UMA) e a CCC de máximo tamaño non debería exceder de 10 UMC (CCCMax10 UMA). Detallado de características desexábeis das UMC Volume útil aproximado da orde de 1 m3. Debe permitir carga superior. Debe permitir descarga lateral. Capacidade de operar tanto individualmente como colectivamente tras ser ensambladas unhas a outras, sempre polos seus laterais. Á ensamblaxe lateral debe permitir unha cómoda formación de conxuntos de crecente capacidade, sempre dende o mínimo até o máximo aconsellados (CCCMin3 UMC/CCCMax10 UMC). A apertura dos laterais é fundamental de cara a permitilo doado transvase do seu material, ben ó exterior, ben a calquera das UMC anexas. Deberán polo tanto contar con algún sistema de moi sinxelo e cómodo manexo para a apertura (total ou parcial) de tódalas súas paredes laterais. Preferibelmente fabricadas con materiais reciclados (plásticos, ou de calquera outro material), debendo obrigatoriamente presentar certificado do fabricante neste senso. Todas as súas compoñentes deberán estar exentas de CFC (clorofluorocarbonados). Os citados materiais reciclados deben ser resistentes fronte ás condicións de traballo dos procesos da compostaxe (temperaturas de até os 75ºC, atmosfera fortemente oxidante, humidades no punto de orballo, eventuais baixadas de pH até 5 ou menos, etc.). Os citados materiais reciclados deben ademais ser resistentes fronte ás condicións de traballo á intemperie (como referencia, dende os -5oC até os 45oC). Nas condicións de traballo indicadas, os materiais deben manter as características que garantan a súa operatividade por un mínimo de 6 anos. O espesor das paredes será o suficiente para garantir a estabilidade estrutural das UMC nas condicións de operación. Caso de presentar estruturas metálicas de reforzo deberán ser inoxidables ou incorporar un tratamento antioxidante con garantías. Debe contar cunha tapa superior practicable que permita a carga (aporte dos residuos) dunha forma cómoda, valorándose todo elemento que facilite o seu uso. Caso de ser de tipo pivotante, a tapa deberá permitir un grado de apertura non inferior a 60º. Sexa cal sexa o modo de apertura da tapa debe garantir que, a posíbel auga acumulada sobre ela (choiva, ou outras causas), sexa sempre baleirada cara ó exterior da propia UMC, ou das ensambladas a esta, nunca cara ó interior das mesmas. A tapa pechada debe impedir toda entrada de auga de choiva (ou de calquera elemento sólido) no seu interior. Valorarase positivamente se, nunha parte ou en toda a súa superficie, o material do que está feita a tapa fose permeábel fronte a oxíxeno, CO2 e vapor de auga. A base sobre a que se instalen ás UMC debe ser drenante (aconsellábel de tipo áridos silíceos ou similares) para garantila (eventual) libre percolación de líquidos dende a masa en proceso. Debe quedar garantida que a única posibilidade de saída dos posíbeis lixiviados sexa pola súa base e que estes percolen directamente ó chan sen posibilidade algunha de escorrentías laterais. Así mesmo a base debe contar con barreiras físicas que impidan toda posible entrada da fauna macroscópica do chan (insectos, roedores, etc.) cara ó material do interior en proceso de compostaxe. Todas as súas pezas deben quedar ensambladas de xeito que non sexa posible a perda de algunha delas por vento ou axentes atmosféricos. Debe indicarse o seu despece completo, sinalando dimensións, materiais e proceso de fabricación de cada tipo de pezas. Deben vir embaladas en plano ou, ao menos, empregando o menor embalaxe posible, sempre garantindo a seguridade no transporte e almacenamento. Valoraranse referencias dos lugares onde se teñan utilizado ou estean sendo utilizadas, indicando ano de instalación e entidade responsable da súa xestión. Lista de repostos dispoñibles con tarifas de prezos en vigor de, polo menos, 1 ano. Valorarase toda canta documentación técnica adicional se considere de interese con relación á calidade dos materiais utilizados, probas, ensaios, etc. Características técnicas dos Compostadores Individuais (COIN) O volume útil aconsellábel (aproximado) non debería ser inferior ós 300 litros, nin superior ós 700 litros. Debe permitir a sua carga superior. A superficie libre da súa boca superior aconséllase non sexa inferior á dun cadrado de 400x400 mm. (aproximadamente), ou ó seu equivalente noutras formas xeométricas (circular, elíptica, etc.). É aconsellábel que a súa altura estea comprendida entre un mínimo duns 1.000 mm. e un máximo duns 1.500 mm. (aproximadamente). Unha vez montada, as características das paredes deben garantila súa estabilidade estrutural nas condicións habituais de operación. É moi importante que a súa estrutura garanta que o material en proceso nunca poda abovedar apoiándose nas súas paredes. Debe permitir descarga pola parte inferior dun lateral polo menos. Debe permitir unhas doadas operacións de apertura/peche desa zoa para descarga. Valorarase que conte con algún sistema sinxelo e cómodo para a apertura (total ou parcial) de calquera das súas paredes laterais. Debe contar cunha tapa superior practicable cunhas moi doadas operacións de apertura/peche para a carga (aporte dos residuos) dunha forma cómoda, valorándose todo elemento que facilite o seu uso. A tapa pechada debe impedir toda entrada de auga de choiva (ou de calquera elemento sólido) no seu interior. Todas as súas pezas deben quedar ensambladas de xeito que non sexa posible a perda de algunha delas por vento ou axentes atmosféricos. Preferibelmente fabricadas con materiais reciclados (plásticos, ou de calquera outro material), debendo obrigatoriamente presentar certificado do fabricante neste senso. Todas as súas compoñentes deberán estar exentas de CFC (clorofluorocarbonados). Os citados materiais reciclados deben ser resistentes fronte ás condicións de traballo dos procesos da compostaxe (temperaturas de até os 75ºC, atmosfera fortemente oxidante, humidades no punto de orballo, eventuais baixadas de pH até 5 ou menos, etc.). Os citados materiais reciclados deben ademais ser resistentes fronte ás condicións de traballo á intemperie (como referencia, dende os -5oC até os 45oC). Nas condicións de traballo indicadas, os materiais deben manter as características que garantan a súa operatividade por un mínimo de 6 anos. Caso de presentar estruturas metálicas de reforzo deberán ser inoxidables ou incorporar un tratamento antioxidante con garantías. A base sobre a que se instale debe ser drenante para garantila (eventual) libre percolación de líquidos dende a masa en proceso. Debe quedar garantida que a única posibilidade de saída dos posíbeis lixiviados sexa pola súa base e que estes percolen directamente ó chan sen posibilidade algunha de escorrentías laterais. Así mesmo a base debe contar con barreiras físicas que impidan toda posible entrada da fauna macroscópica do chan (insectos, roedores, etc.) cara ó material do interior en proceso de compostaxe. Debe indicarse o seu despece completo, sinalando dimensións, materiais e proceso de fabricación de cada tipo de pezas. Deben vir embaladas en plano ou, ao menos, empregando o menor embalaxe posible, sempre garantindo a seguridade no transporte e almacenamento. Valoraranse referencias dos lugares onde se teñan utilizado ou estean sendo utilizadas, indicando ano de instalación e entidade responsable da súa xestión. Valorarase toda canta documentación técnica adicional se considere de interese con relación á calidade dos materiais utilizados, probas, ensaios, etc.” 2.24857.- ADXUDICACIÓN DO CONTRATO RELATIVO A UN ACORDO MARCO QUE REXERÁ A PRESTACIÓN DO SERVIZO PARA A “IMPLANTACIÓN, USO E SOPORTE DUNHA SOLUCIÓN DE ADMINISTRACIÓN ELECTRÓNICA PARA CONCELLOS” (Expte. nº 2016008622) A Deputación de Pontevedra, nestes últimos anos, levou a cabo un proceso de implantación de administración electrónica nos seus centros de traballo segundo o disposto na Lei 11/2007, de 22 de xuño, de acceso electrónico dos cidadáns ós servizos públicos. Estes procesos deben implantarse nos concellos da provincia e, na maior parte deles, debido o su tamaño, non contan cos recursos suficientes para levar a cabo a adaptación. Neste sentido, o xefe do Servizo de Novas Tecnoloxías, mediante informe emitido con data 28 de marzo de 2016 e co conforme do Deputado Delegado, solicita que se inicie a contratación da implantación, uso e soporte dunha solución de administración electrónica para concellos. No mencionado informe exponse que, neste caso, a Deputación de Pontevedra asume esta responsabilidade levando a cabo a presente contratación mediante a cal se executarán os traballos que teñen por obxecto a implantación, posta en marcha, formación e mantemento dunha plataforma de tramitación electrónica que permita aos concellos da provincia, de menos de 50.000 habitantes, dispoñer dunha sede electrónica personalizada para a relación cos cidadáns e ademais un portal de tramitación para propios empregados dos concellos que permitirá a xestión integral dos procedementos e expedientes por medios electrónicos. Asemade, o xefe do Servizo de Novas Tecnoloxías informa que a Deputación de Pontevedra non dispón dos medios humanos, materiais e técnicos necesarios para realizar o deseño, posta en marcha e xestión do mesmo. O custo estimado para a Deputación de Pontevedra establécese nun máximo, para os dous anos do acordo marco, de 700.000,00€, máis a cantidade de 147.000,00€ que se corresponden co 21% do IVE, o que fai un total de 847.000,00€. Realizados os trámites, a Xunta de Goberno, na sesión de data 27 de maio de 2016, adoptou o acordo de aprobar o dito expediente de contratación. Resultando que a cualifiación da documentación xeral efectuouse o día 28 de xuño de 2016, a cuxo efecto se reuniu a Mesa de Contratación para examinar a documentación presentada polas empresas. Nese mesmo acto público, a Mesa de Contratación indicou as plicas que foron cualificadas como non admitidas e admitidas, procedendo á apertura dos sobres B presentados polas mesmas, correspondentes á documentación técnica valorable mediante criterios non avaliables mediante fórmulas, a efectos de dar cumprimento ao establecido no artigo 27 do Rela Decreto 817/2009, de 8 de maio, polo que se desenvolve parcialmente o TRLCSP . Resultando que, con data 8 de setembro de 2016, O xefe do Servizo de Novas Tecnoloxías emite informe de valoración das ofertas técnicas presentadas polas empresas. O día 14 de setembro de 2016, reunida a mesa de contratación, dáse a coñecer a valoración da oferta técnica relativa á documentación presentada no sobre B polas empresas que participan no procedemento de referencia, indicándose as seguintes puntuacións para cada unha das empresas: Criterios non valiables mediante fórmulas (máximo 49 puntos) EMPRESAS LICITADORAS ABS Informática,S.L.U. (CIF:B59.383.596) Auloce, S.A. (espublico.com) (CIF:A50.878.842) Grupo Meana,S.A. (CIF:A33.234.717) Tecsidel, S.A. (CIF:A28.400.323) UTE Galileo Ingeniería y Servicios, S.A. (CIF: A38.096.475) – Open Canarias,S.L. (CIF: B38.437.166) Melloras propostas (máximo 19 puntos) 9,70 16,00 8,50 3,00 7,00 Xestión do servizo (máximo 15 puntos) 7,28 12,06 9,19 5,12 8,43 Obxecto e alcance (máximo 15 puntos) 9,05 11,02 8,84 5,37 10,16 TOTAL PUNTUACIÓN 26,03 39,08 26,53 13,49 25,59 Nese mesmo acto indicouse que non se procedería a apertura do sobre C da empresa ABS Informática, S.L.U. (CIF:B59.383.596) segundo o establecido no informe emitido polo xefe do Servizo de Novas Tecnoloxías, de data 8 de setembro de 2016. No citado informe indícase que a empresa licitadora, na páxina 18 da súa proposta, en concreto no apartado 2.3 “Alcance do proxecto” e subapartado “Alcance detallado da solución”, indica que se dará cobertura ao 100% dos requisitos especificados no prego. A dita empresa posteriormente pode comprobar que non se ofrece a cobertura necesaria sobre o conxunto total dos requisitos mínimos establecidos nos pregos, quedando isto presente ao revisar o apartado 7.2 “Adecuación da solución aos pregos”. Na oferta inclúe a seguinte táboa na que especifica as previsión de cumprimento: “O plan previsto polo cumprimento doutros requisitos do prego non cuberto inicialmente é o seguinte: Prazo % Cumprimento requisitos do prego T4-2016 85% 2017 95% 2018 100% Por tanto, tal e como indica o xefe do Servizo de Novas Tecnoloxías no apartado 2 “Exclusión” do informe de valoración das ofertas técnicas, a empresa ABS Informática,S.L.U. (CIF:B59.383.596) incumpre as condicións establecidas nos pregos. Indicouse igualmente que no se procedería a apertura do sobre C da empresa Tecsidel, S.A. (CIF: A28.400.323) a vista das puntuacións reflexadas no informe emitido polo Xefe do Servizo de Novas Tecnoloxías, mencionado anteriormente, debido a que a empresa non alcanza a puntuación mínima esixida nos pregos (puntuación superior a 25 puntos). A continuación procédese a apertura dos sobres C das empresas que obtiveron unha valoración superior a 25 puntos sobre os criterios non avaliables mediante fórmulas, e que por tanto continúan optando ao contrato. Os datos contidos no sobre C de cada unha das empresas son os seguintes: AULOCE, S.A. (ESPUBLICO.COM) (CIF: A50.878.842) 1. Prezos ofertados: Segmento de poboación Nº de concellos Cota anual (sen ive) Ata 5.000 habitantes 24 1.666,67€ De 5.001 a 7.500 habitantes 10 4.648,00€ De 7.501 a 10.000 habitantes 4 5.888,00€ De 10.001 a 15.000 habitantes 8 7.285,00€ De 15.001 a 20.000 habitantes 7 9.755,00€ De 20.001 a 30.000 habitantes 6 11.946,00€ De 30.001 a 40.000 habitantes 1 15.630,00€ 2. Mellora en dispoñibilidade da plataforma de 95,00% a 99,50% 3. Mellora en rendemento da plataforma de 5 segundos a 2 segundos. GRUPO MEANA, S.A. (CIF: A33.234.717) 1. Prezos ofertados: Segmento de poboación Nº de concellos Cota anual (sen IVE) Ata 5.000 habitantes 24 1.500,00€ De 5.001 a 7.500 habitantes 10 4.500,00€ De 7.501 a 10.000 habitantes 4 6.000,00€ De 10.001 a 15.000 habitantes 8 7.000,00€ De 15.001 a 20.000 habitantes 7 10.000,00€ De 20.001 a 30.000 habitantes 6 12.000,00€ De 30.001 a 40.000 habitantes 1 22.000,00€ 2. Mellora en dispoñibilidade da plataforma de 95,00% a 99,50% 3. Mellora en rendemento da plataforma de 5 segundos a 3 segundos. UTE GALILEO INGENIERÍA Y SERVICIOS, S.A. (CIF: A38.096.475) – OPEN CANARIAS, S.L. (CIF: B38.437.166) 1. Prezos ofertados: Segmento de poboación Nº de concellos Cota anual (sen IVE) Ata 5.000 habitantes 24 1.682,70€ De 5.001 a 7.500 habitantes 10 4.621,36€ De 7.501 a 10.000 habitantes 4 6.171,22€ De 10.001 a 15.000 habitantes 8 6.885,49€ De 15.001 a 20.000 habitantes 7 9.293,46€ De 20.001 a 30.000 habitantes 6 10.234,76€ De 30.001 a 40.000 habitantes 1 16.959,15€ 2. Mellora en dispoñibilidade da plataforma de 95,00% a 99,50% 3. Mellora en rendemento da plataforma de 5 segundos a 3 segundos. Reunida a Mesa de Contratación con data 21 de setembro de 2016, dáse a coñecer a valoración total das empresas licitadoras, sendo os resultados obtidos os seguintes: CRITERIOS EMPRESAS LICITADORAS Auloce, S.A. (espublico.com) (CIF: A50.878.842) UTE Galileo Ingeniería y Servicios, S.A. (CIF: A38.096.475) – Open Canarias, S.L. (CIF: B38.437.166) Grupo Meana, S.A. (CIF: A33.234.717) Tecsidel, S.A. (CIF: A28.400.323) ABS Informática, S.L.U. (CIF: B59.383.596) CRITERIOS NON AVALIABLES MEDIANTE FÓRMULAS (MAX. 49 PUNTOS) Melloras propostas (máx19 puntos) 16,00 7,00 8,50 3,00 9,70 Xestión do servizo (máx 15 puntos) 12,06 8,43 9,19 5,12 7,28 Obxecto e alcance (máx 15 puntos) 11,02 10,16 8,84 5,37 9,05 TOTAL SOBRE B 39,08 25,59 26,53 13,49 26,03 CRITERIOS AVALIABLES MEDIANTE FÓRMULAS (MAX. 51 PUNTOS) Menor prezo medio ofertado por cota anual en función do segmento de poboación (max 31 puntos) 23,26 25,52 8,49 *********** *********** Mellora en dispoñibilidade da plataforma (máx 10 puntos) 10,00 10,00 10,00 *********** *********** Mellora en rendemento da plataforma (máx 10 puntos) 10,00 7,00 7,00 *********** *********** TOTAL SOBRE C 43,26 42,52 25,49 *********** *********** TOTAL SOBRES B+C 82,34 68,11 52,02 *********** *********** En base as puntuacións totais acadadas, a Mesa de Contratación propón adxudicar o Acordo Marco que rexerá a prestación do servizo para a implantación, uso e soporte dunha solución de administración electrónica para concellos á empresa Auloce, S.A. (espublico.com) (CIF:A50.878.842), elevando a súa proposta ao Órgano de Contratación. Resultando que mediante Resolución Presidencial número 2016008622 de data 21 de agosto de 2016, e á vista da puntuación total obtida, requiriuse á empresa Auloce, S.A. (espublico.com) (CIF: A50.878.842) para que, dentro do prazo de dez días hábiles, a contar desde o día seguinte a aquel en que recibise o requirimento, presente a documentación de conformidade co disposto no Texto refundido da Lei de Contratos do Sector Público (modificada pola Lei 14/2013 de 27 de setembro de apoio o emprendedor). Resultando que a citada empresa presentou a documentación requirida entre a que atopa a constitución da garantía definitiva por importe de 35.000,00€, que figura depositada na Tesourería desta Deputación co número de operación 201600151903, polo que unha vez cumprimentados os trámites esixidos no artigo 151 do Real Decreto Lexislativo 3/2014, de 14 de novembro, polo que se aproba o Texto Refundido da Lei de Contratos do Sector Público (TRLCSP), procede adxudicar o contrato polo mesmo órgano dentro do prazo de cinco días hábiles. Considerando que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación con competencia respecto deste contrato de servizos, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratacións que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Adxudicar o contrato relativo a un acordo marco que rexerá na prestación do servizo para a implantación, uso e soporte dunha solución de administración electrónica para concellos á empresa Auloce,S.A. (espublico.com) (CIF: A50.878.842) de acordo ao seguinte detalle: - Prezos da cota anual por tipo de concello ofertados: Segmento de poboación Nº de concellos Cota anual por tipo de concello (sen IVE) Ata 5.000 habitantes 24 1.666,67€ De 5.001 a 7.500 habitantes 10 4.648,00€ De 7.501 a 10.000 habitantes 4 5.888,00€ De 10.001 a 15.000 habitantes 8 7.285,00€ De 15.001 a 20.000 habitantes 7 9.755,00€ De 20.001 a 30.000 habitantes 6 11.946,00€ De 30.001 a 40.000 habitantes 1 15.630,00€ - Mellora en dispoñibilidade da plataforma 99,50% - Mellora en rendemento da plataforma de 2 segundos. 2.- As obrigas derivadas do presente acordo marco, por importe máximo de 847.000,00€ euros, serán financiados de acordo ao seguinte: Anualidade Aplicación orzamentaria Importe total con IVE 2016 926.9260.227.06 141.166,67€ 2017 423.500,00€ 2018 282.333,33€ En tanto, os importes unicamente se establecen a efectos informativos e de previsión de gasto máximo, debido a que o tratarse dun acordo marco, as obrigas para a Deputación de Pontevedra serán as que resulten dos traballos realmente executados en cada Concello e que se axustarán aos prezos máximos ofertados polo adxudicatario. As obrigas derivadas do presente acordo marco, para os anos 2017e 2018 así como 2019 e 2020 en caso de prórroga, quedarán condicionados a existencia de crédito suficiente nos orzamentos provinciais correspondentes. A adxudicación do acordo marco formalizase cunha única empresa é coa súa formalización quedan fixadas todas as condicións para a implantación do servizo, polo que non procederá a posterior formalización de contratos derivados. As obrigas económicas para a Deputación de Pontevedra serán as que resulten das facturas derivadas do acordo marco. 3.- A duración do acordo marco será de 2 anos a contar desde a data de formalización do mesmo. O cumprimento da vixencia dará lugar a extinción do acordo marco e a dos contratos que se deriven do mesmo. Ningún contrato derivado superará a duración do acordo marco. 3.24858.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DA ORGANIZACIÓN, DESENVOLVEMENTO E EXECUCIÓN DO PROGRAMA “TECENDO LAZOS” ORGANIZADO POLA DEPUTACIÓN DE PONTEVEDRA PARA O ANO 2016 (Expte. nº2016033691) Mediante informe emitido con data 24 de agosto de 2016, a xefa de Sección do Servizo de Cohesión Social e Xuventude, co Vº e Prace da Deputada Delegada, propón a convocatoria da I Edición do programa “Tecendo Lazos”, dentro do ámbito dos programas do ámbito do tempo de lecer cuxa finalidade é fomentar nas persoas o envellecemento activo, mellorando a súa actividade física, cognitiva e social, e nas persoas mais novas, mellorando as súas habilidades sociais e a súa empatía de cara ao resto das xeracións, ofrecendo un espazo de encontro e intercambio de experiencias que potencien movementos de participación e cooperación social. Este programa, que poderá ter vixencia ata o 15 de xaneiro de 2017, será ofertado a tódo os concellos da provincia de Pontevedra de menos de 20.000 habitantes (53 concellos) en forma de talleres dentro de un dos catro catálogos de actividades englobadas nas seguintes áreas: “Risos en familia”, “Coas mans nos pucheiros”, “Album familiar”, “Brincadeiras de sempre” e “O noso son” que se levarán a cabo preferiblemente durante o mes de Nadal. Na procura destes obxectivos, a Coordinadora do Servizo de Cohesión Social e Xuventude, mediante informe emitido con data 24 de agosto de 2016, solicita que se inicien os trámites para a contratación dunha empresa que se encargue da organización, desenvolvemento e execución do programa “Tecendo Lazos” que porá en marcha a Deputación de Pontevedra para o ano 2016. Poderán participar deste programa persoas de todas as idades tendo preferencia aquelas que se anoten xuntas e pertenzan a diferentes xeracións (netas/os, avoas/ós, fillas/os, nais/pais…). Poderán presentar solicitude os/as mozos/as que estean empadroados noutros concellos, sempre que o fagan no rexistro xeral do concello no que se desexe realizar a actividade, existindo preferencia para as persoas propias do concello tal e como se recolle nas bases. Con data 5 de setembro de 2016, o xefe do Servizo de Contratación e Patrimonio emite informe de procedemento no que determina a natureza xurídica do presente contrato, sendo este un contrato administrativo especial de servizos, e xustifica a elección do procedemento de adxudicación do mesmo, o procedemento aberto por considerar que a solución é susceptible de ser mellorada por outras solucións. O feito de calificalo como un contrato administrativo especial de servizos realízase partindo de que o seu obxecto e o contido das prestaciones das partes, neste caso consisten na xestión, desenvolvemento e na execución dun programa que persegue unha finalidade pública que é a cooperación no fomento do desenvolvemento económico e social. Asemade, desde o Servizo de Contratación e Patrimonio, tal e como prevé o artigo 109 do Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP), se elabora un proxecto de prego de condicións económico-administrativas. Resultando que con data 7 de outubro de 2016, o Sr. Secretario Xeral informa favorable o devandito proxecto do prego e posteriormente se traslada o expediente de contratación o Servizo de Intervención para que fiscalice o mesmo nos termos previstos na lei 47/2003, de 26 de novembro. Resultando que polo servizo de Intervención se emite documento RC co número de operación 201600135988 mediante o cal se certifica a existencia de consignación orzamentaria para facer fronte as obrigas derivadas deste contrato con cargo á aplicación 16/231.2311.227.07 do vixente orzamento provincial. Visto o informe de fiscalización de data 10 de outubro de 2016 emitido polo Sr. Interventor. Considerando que a disposición adicional segunda do referenciado RDL 3/2011, no seu apartado 1, faculta á Ilma. Presidenta para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª.2 a) onde figura que lle compete á Xunta de goberno a disposición e autorización dos gastos precisos para a contratación de servizo que, sendo competencia da Presidencia, superen o importe dos contratos por razón de contía. A Xunta de Goberno acorda por unanimidade: 1.- Aprobar o expediente de contratación para a adxudicación mediante procedemento aberto, da organización, desenvolvemento e execución do programa “Tecendo Lazos” organizado pola Deputación de Pontevedra para o ano 2016, pola cantidade máxima de 60.000,00€, IVE incluído, de acordo ao seguinte detalle: - Prezo de licitación do contrato: Orzamento unitario por actividade (sen IVE) 935,60€ IVE (21%) 196,48€ Prezo do contrato (con IVE) 1.132,08€ O prazo de execución do contrato será de un mes e medio desde a súa formalización debendo desenvolverse preferiblemente as actividades obxecto do mesmo durante o mes de Nadal de 2016. O contrato poderá ser prorrogado como máximo ata a metade do prazo inicial. A prórroga deberá acordarse expresamente polo órgano de contratación, sen que poida producirse sen o consentimento tácito das partes. 2.- Aprobar os pregos de cláusulas económico-administrativas e técnicas que rexerán en dito procedemento aberto. 3.- Autorizar o gasto polo importe máximo de 60.000,00€ para o ano 2016 con cargo á aplicación 16/231.2311.227.07 do vixente Orzamento provincial. 4.- Designar como responsable do contrato á Coordinadora do Servizo de Cohesión Social ou persoa en quen delegue. 5.- Iniciar o procedemento de adxudicación para a devandita contratación, concedendo un prazo de quince días naturais para a presentación de proposicións, contados a partir do día seguinte a publicación do anuncio no Boletín Oficial da Provincia BOPPO, de conformidade co estipulado no artigo 159.2 do citado RDL 3/2011. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN NA CONTRATACIÓN, MEDIANTE PROCEDEMENTO ABERTO, DA ORGANIZACIÓN, DESENVOLVEMENTO E EXECUCIÓN DO PROGRAMA “TECENDO LAZOS” PARA O ANO 2016. Nº exp. 2016033691 1. OBXECTO O obxecto do contrato ó que se refire o presente prego é o servizo/s descrito/s no/s apartado/s 1 do/s anexo/s I, nos que se recollen as necesidades administrativas para satisfacer mediante o contrato, describindo as características do/s servizo/s e a forma de levar a cabo a prestación por parte do adxudicatario. No caso de que o procedemento aberto se divida por lotes haberá un anexo I por cada uns deles. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 2. FINANCIAMENTO E ORZAMENTO DE LICITACIÓN Este contrato financiarase da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego e inclúe na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 3. RÉXIME XURÍDICO O contrato o que se refire o presente prego ten a calificación de contrato administrativo especial segundo o disposto no artigo 19.1.b) do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público e de acordo co criterio emitido pola Xunta Consultiva de Contratación Administrativa, entre outros, no informe 47/99, de 21 de decembro de 1999, toda vez que a prestación do contratista non ten como destinatario directo a propia Administración senón o usuario. Por tanto, rexerase polo establecido no presente Prego e no de Prescricións Técnicas, polas normas contidas no TRLCSP, modificada pola Lei 14/2013, de 27 de setembro, de apoio ós emprendedores e á súa internacionalización, o Real decreto lexislativo 817/2009, de 8 de maio, polo que se desenvolve parcialmente a LCSP, no Real decreto 773/2015, de 28 de agosto polo que se modifican determinados preceptos do RDL 817/2009 e, no que sexa aplicable, no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada. Supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario estará obrigado ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. O procedemento será obxecto da tramitación ordinaria, de conformidade cos artigos 109 e seguintes do TRLCSP. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 do Real decreto lexislativo 3/2011, de 14 de novembro, polo que se aproba o texto refundido da lei de contratos do sector público, e na disposición adicional terceira da Lei 20/2013, de 9 de decembro, de garantía da unidade de mercado, a partir do 15 de decembro de 2014 a Deputación de Pontevedra publicará todas as noticias, avisos e documentación relativa os seus procedementos de contratación no Perfil do Contratante integrado na Plataforma de Contratación do Sector Público do Estado (www.contrataciondelestado.es). 6. XESTIÓN DE PREGUNTAS E RESPOSTAS DOS LICITADORES As preguntas que poidan xurdir aos licitadores respecto dos pregos que rexen na contratación deberan ser formuladas a través do Perfil do Contratante da Deputación de Pontevedra (www.depo.es) na Plataforma de Contratación do Sector Público para o que deberán estar rexistrados como usuarios na mesma. Para formular as consultas, os licitadores deberán: seleccionar o expediente e formular a súa consulta na sección denominada “Solicitar información” (para mais información poden consultar a Guía de xestión de Preguntas e Respostas dos Licitadores publicada en la Plataforma de Contratación del Sector Público). As respostas ás cuestións plantexadas ou ás posibles modificacións ou actualizacións de respostas serán publicadas na mesma sección polo Servizo de Contratación da Deputación de Pontevedra. 7. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, ademais de asumir o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se concrete a adxudicación); estas empresas serán responsables solidarias ante a Administración e deberán nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 8. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 9. INCUMPRIMENTO DO PRAZO Unha vez incumprido o prazo o contratista incorre automaticamente en demora, co que a Administración poderá optar entre a imposición de penalidades ou a resolución do contrato no caso de que estas alcancen o 5% do seu prezo. Os importes destas penalidades faranse efectivos mediante a súa dedución na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 10. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprilo, no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva depositarase exclusivamente na Caixa da Deputación. 11. PRESENTACIÓN DE PROPOSICIÓNS; LUGAR E FORMALIDADES; DOCUMENTACIÓN 10.1. Lugar e prazo de presentación: - Presentación no Rexistro Xeral ou auxiliares da Deputación de Pontevedra. As proposicións presentaranse no Rexistro xeral da Deputación, na sede de Pontevedra, de luns a venres, de 8:30 a 14:30 horas e de 17:00 a 19:00 horas ou na sede de Vigo, de luns a venres de 9:00 a 14:00 horas, (o horario nos meses de xullo e agosto na sede de Pontevedra de luns a venres, será de 8:30 a 14:30 horas, durante un prazo de quince días naturais (artigo 159.2 do TRLCSP), a contar desde o día seguinte á publicación do anuncio no Boletín Oficial da Provincia de Pontevedra (BOPPO). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos e anunciado o envío ao órgano de contratación nos termos indicados e transcorridos dez días desde a data de finalización do prazo para presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 16.4 da Lei 39/2015, de 01 de outubro, do procedemento administrativo común das administracións públicas. O depósito do envío deberá ser anunciado ao órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en sábado, domingo ou festivo prorrogarase o prazo ata o primeiro día hábil seguinte a este. 10.2. Formalidades: Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C). Poñer a letra en función do sobre correspondente. - Núm. de expediente No caso de que se coñeza. - Denominación do contrato. - Nome do licitador. - CIF - Dirección, correo-e e teléfono de contacto. - Número de inscrición no rexistro de contratistas (se é o caso). A documentación que se debe incluír nestes sobres detállase no apartado 4 do anexo I deste prego. 12. MESA DE CONTRATACIÓN Estará integrada polos seguintes membros: Presidente: Deputado delegado pola Presidencia. Vogais:- Un/ha Deputado/a do Grupo Provincial do PP - Un/ha Deputado/a do Grupo Provincial do BNG - O Deputado do Grupo Mixto - O secretario xeral - O interventor - O/A xefe/a do servizo xestor Secretario:- O xefe do Servizo de Contratación 13. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de Contratación e procederase á cualificación da documentación xeral achegada polos licitadores no sobre A. No caso de que sexa necesario o arranxo de erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente, a Mesa, ás once horas e trinta minutos do primeiro mércores seguinte ó día no que finalice o prazo sinalado para a presentación de plicas, sempre que transcorresen polo menos tres días hábiles desde a finalización do prazo, sinalará en acto público as que cualificasen como inadmitidas e admitidas e procederá á apertura do sobre B correspondente á documentación técnica valorable a través de criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. No caso de que non haxan transcorrido eses tres días hábiles desde a finalización do prazo de presentación de plicas, o acto da mesa de contratación realizarase o mércores da semana seguinte. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 14. REQUIRIMENTO DE DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, a cuxo efecto poderá solicitar cantos informes técnicos estime pertinentes, clasificaraas por orde decrecente e requiriralle á empresa que presentase a oferta máis vantaxosa que dentro do prazo de dez días hábiles entregue a seguinte documentación: 14.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013 de 27 de setembro de apoio ao emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1. Certificación positiva expedida pola Tesourería da Seguridade Social ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP que acredite que se atopa ó corrente do pagamento das súas obrigas tributarias. 3. Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. Sen prexuízo de acreditar a alta no imposto, no suposto de atoparse nalgunha das exencións previstas no artigo 82 do Real Decreto 2/2004, de 5 de marzo, polo que se aproba o texto refundido da Lei reguladora das Facendas Locais, deberá acreditarse, ben mediante certificación da exención outorgada polo órgano competente, ou ben mediante declaración responsable de atoparse exento segundo o establecido no artigo 82.1.c) da citada Lei. 4. Documentación acreditativa da efectiva disposición dos medios persoais e materiais que se comprometeu a adscribir á execución do contrato segundo o detallado no anexo I ao presente prego. Polo que respecta ós medios persoais, deberase concretar as persoas que se correspondan co número e perfiles dos integrantes do grupo de traballo ofertado, achegando o seu currículo, titulación e experiencia. Se forman parte do persoal da empresa, achegaranse os documentos TC2; noutro caso, achegarase un compromiso asinado polas partes de que, de resultar adxudicataria a empresa, se incorporarán ó equipo de traballo. 5. Documento que acredite a constitución da garantía definitiva. 6. Documento acreditativo do pagamento dos anuncios. 15. ADXUDICACIÓN O órgano de contratación terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R. d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 16. NOTIFICACIÓNS ELECTRÓNICAS Con base ó disposto no art. 41 da Lei 39/2015, de 1 de outubro, do Procedemento Administrativo Común das Administracións Públicas, e no artigo 25 do Capítulo VII do Regulamento da Administración electrónica da Deputación de Pontevedra, se practicará as notificacións relativas aos procedementos de contratación de xeito electrónico a través da Plataforma de Contratación del Sector Público (https://contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico onde queira que se lle comuniquen as notificacións. Para acceder á comunicación, deberá estar rexistrado na Plataforma de Contratación do Sector Público con esa mesma dirección de correo electrónico e dispor dun certificado dixital de persoa física aceptado pola plataforma de validación (como o DNI electrónico ou o emitido pola Fábrica Nacional de Moeda e Timbre). Cando un órgano de contratación lle envíe unha comunicación, vostede será informado desta circunstancia por medio dunha mensaxe de correo electrónico enviado á dirección que lle proporcionou a este efecto ao órgano de contratación. Ademais, cando acceda á Plataforma co seu usuario rexistrado mostraráselle un aviso na páxina de Inicio de que ten unha comunicación pendente de lectura. De conformidade co artigo 43 da Lei 39/2015, de 1 de outubro, do Procedemento Administrativo Común das Administracións Públicas, as notificacións entenderanse practicadas no momento no que se produza o acceso ó seu contido. Nembargante, transcorridos dez días naturais desde a posta a disposición da notificación sen que se acceda o seu contido, entenderase rexeitada, agás que, de oficio ou a instancia da persoa destinataria, poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. 17. SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se preveu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe abonar aos subcontratistas o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo se computará desde a data de aprobación polo contratista principal da factura emitida polo subcontratista ao subministrador, con indicación da súa data e o período que corresponda. A aprobación ou conformidade ou no seu caso os motivos de desconformidade deberán outorgarse nun prazo máximo de trinta días desde a presentación da factura. No caso de demora no pago ao subcontratista o subministrador terá dereito ao cobro dos intereses de demora e a indemnización polos custos de cobro nos termos previstos na Lei 3/2004 de 29 de decembro. O contratista poderá pactar cos subministradores ou subcontratistas os prazos de pago superiores respetando os límites previstos no artigo 4.3 da Lei 3/2001 de 29 de decembro polo que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaria no que os gastos de desconto e negociación sexan por conta do contratista. Adicionalmente o subministrador ou subcontratista poderá esixir que o pago se garantice mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán ao ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfecciones a súa participación, xunto con aquelas condicións de subcontratación da subministración de cada un deles que garde relación directa co prazo do pago, de conformidade co artigo 228 bis do TRLCSP. Asemade, deberán aportar, a solicitude do ente contratante, xustificante do cumprimento dos pagos aos subministradores ou subcontratistas, unha vez terminada a prestación dentro dos prazos de pago legalmente establecidos no artigo 228 e na Lei 3/2004 do 29 de decembro, e que non sexa de aplicación. Estas obrigas, que se incluirán nos anuncios de licitación, e nos correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efectos conteñan os pregos. 18. REGRAS ESPECIAIS CON RESPECTO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. Os licitadores ou licitadoras poderán ser requiridos para indicar o convenio colectivo que lle é de aplicación aos traballadores e traballadoras que desenvolvan a actividade obxecto do contrato antes da adxudicación do mesmo ou en calquera momento durante a súa execución. No caso de resultar adxudicatarios terán a obriga de aboar, durante toda a execución do mesmo, o salario recollido no convenio colectivo de aplicación segundo a categoría profesional que lle corresponda ás persoas traballadoras, sen que en ningún caso os salarios a aboar poidan ser inferiores a aquel. 4.A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 5. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 6. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a. Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b. Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c. Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d. Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e. Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 19. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte á notificación da adxudicación, constituíndo o devandito documento título suficiente para acceder a calquera rexistro público. No entanto, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do contrato sen a súa formalización previa. 20. OBRIGAS DO CONTRATISTA O contratista deberá cumprir cos deberes derivados das disposicións legais, regulamentarias e convencionais vixentes en materia de protección do emprego, condicións de traballo, prevención de riscos laborais e Seguridade Social. 21. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do adxudicatario, sen que poida imputárselle á Administración contratante ningún pagamento por tal concepto e sen que estes gastos superen os dous mil (2.000,00) euros. 22. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias para asegurar a correcta realización da prestación pactada. A designación ou non do responsable non eximirá o contratista da correcta execución do obxecto do contrato, salvo que as deficiencias sexan debidas a ordes directas deste, con expresa reserva escrita por parte do contratista, dirixida tanto ó propio responsable coma ó órgano de contratación. 23. EXECUCIÓN DO SERVIZO E RESPONSABILIDADE DO CONTRATISTA O contrato executarase segundo o establecido nas súas cláusulas e nos pregos, de acordo coas instrucións que para a súa interpretación lle dea ó contratista o órgano de contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizo sufrisen un atraso na súa recepción, sempre que non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora con respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Neste último suposto o órgano de contratación concederá a ampliación do prazo que estime necesario para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. 24. MODIFICACIÓNS DO CONTRATO O órgano de contratación, aos efectos establecidos nos artigos 219.1 e 306 do TRLCSP, ostenta a prerrogativa de modificar o contrato obxecto do presente prego segundo o disposto no artigo 210 do TRLCSP. As modificacións do contrato poderán producirse, en cumprimento dos artigos 210 e 219.1 do TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio de potestade de modificación do contrato regulado no artigo 211 do TRLCSP. No contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 do TRLCSP, de conformidade co disposto no artigo 105 do TRLCSP relativo aos supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nas que o órgano de contratación poderá facer uso desa potestade, o seu alcance e límites, indicando a porcentaxe do prezo do contrato ao que como máximo pode afectar a modificación, e no procedemento. b) Modificacións non previstas na documentación que rexe a licitación: O contrato se poderá modificar sempre que se xustifique suficientemente a concorrencia dalgunha das circunstancias dispostas no artigo 107 do TRLCSP, seguindo o procedemento establecido ao efecto na normativa. Cando, como consecuencia dunha modificación, experimente variación o prezo do mesmo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ao disposto no artigo 156 do TRLCSP. 25. GARANTÍA DOS SERVIZOS O prazo de garantía comezará a contar desde a data de recepción ou inicio do servizo. A garantía definitiva responderá dos seguintes conceptos: a. Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público e das sinaladas nos pregos que rexen a contratación. b. Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c. Da incautación que poida decretarse nos casos de resolución do contrato, de acordo co que no citado Real decreto lexislativo estea establecido. Así mesmo, se durante o prazo de garantía se acreditase a vixencia de vicios ou defectos dos bens fornecidos, a Administración terá dereito a lle reclamar ó contratista a reposición dos que resulten inadecuados ou a súa reparación fose suficiente. Durante este prazo de garantía o contratista terá dereito a coñecer e ser oído sobre a aplicación do servizo realizado. 26. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 308 do TRLCSP. 27. RECURSOS E XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa, deixando expedita a vía xurisdicional, contencioso-administrativa, a teor do disposto na Lei reguladora da devandita xurisdición.” Ditos anexos son como seguen: ANEXO I “CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN E OBXECTO DO CONTRATO Xestión, desenvolvemento e execución do programa “Tecendo Lazos” organizado pola Deputación de Pontevedra para o ano 2016. O programa, ao que poderán adherirse os concellos de menos de 20.000 habitantes, ten como finalidade desenvolver diferentes actividades a través das que poñer en contacto ás distintas xeracións favorecendo as relacións individuais, familiares, comunitarias e sociais entre os/as persoas participantes. Con este tipo de actividades búscase levar a cabo un intercambio de recursos e o aprendizaxe entre as diferentes xeracións participantes mentres comparten os seus talentos. O programa “Tecendo Lazos” comprenderá a impartición dun obradoiro por concello participante. Cada un terá unha duración de 16 horas lectivas e se desenvolverán preferiblemente durante o mes de Nadal. Poderán participar en cada obradoiro ata catro membros por familia, tendo preferencia aquelas persoas que estean empadroadas no concello e seguindo a orde establecida nas bases, asemade poderá ser beneficiaria do programa toda a poboación da provincia de Pontevedra. A Deputación non se compromete a contratar un número mínimo de actividades xa que este dependerá do número de solicitudes presentadas, sempre e cando non se supere o orzamento máximo previsto para o programa. 1.2. PROCEDEMENTO División en lotes: non Cualificación do contrato: servizos especial CPV: 92000000 (Servizos de esparcemento, culturais e deportivos) Categoría: 27 Anexo II do TRLCSP Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 15 días naturais (artigo 159.1 do RDL 3/2011), a contar desde o día seguinte a publicación do anuncio no Boletín Oficial da Provincia de Pontevedra (BOPPO). 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: Prezos unitarios por actividade: Orzamento unitario por actividade (sen IVE) 935,60€ IVE (21%) 196,48€ Prezo do contrato (con IVE) 1.132,08€ VALOR ESTIMADO PARA O TOTAL DO CONTRATO Valor estimado do contrato (sen IVE) 49.586,78€ IVE (21%) 10.413,22€ Prezo do contrato (con IVE) 60.000,00€ B) FINANCIAMENTO Cadro de financiamento: Anualidade Aplicación orzamentaria Importe total con IVE 2016 231.2311.227.07 60.000,00€ Revisión de prezos: Non procede en base a aplicación do novo réxime xurídico de revisión de prezos creado como consecuencia da disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. En aplicación do novo réxime xurídico, tamén se estará ao o disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. 1.4. PRAZO DE EXECUCIÓN O prazo de execución do contrato será de un mes e medio desde a súa formalización debendo desenvolverse preferiblemente as actividades obxecto do mesmo durante o mes de Nadal de 2016. O contrato poderá ser prorrogado como máximo ata a metade do prazo inicial. A prórroga deberá acordarse expresamente polo órgano de contratación, sen que poida producirse sen o consentimento tácito das partes. 1.5. RÉXIME DE PAGAMENTO Forma de pagamento: o pagamento á empresa adxudicataria realizarase contra a presentación da correspondente factura unha vez rematados os obradoiros do programa “Tecendo Lazos” co Vº e Prace da persoa responsable do Servizo de Cohesión Social. Para dar a conformidade á factura, a empresa adxudicataria deberá achegar unha memoria de cada un dos obradoiros realizados na que se recollan: 1. Un informe ou resumo estruturado do transcurso do obradoiro e as valoracións que este mereza. 2. Fotografías do obradoiro (no caso de non existir cesión dos dereitos de imaxe e, polo tanto, non existir fotografías do obradoiro, isto deberá quedar recollido no documento anterior). 3. Copia do CV da ou do docente. 4. Copia do contrato da ou do docente (no que se recolla a categoría profesional segundo o convenio colectivo aplicable e a cantidade neta e bruta que percibirá por este). 5. Relación de persoas participantes “aptas” e “non aptas”, na que se deixe constancia das “altas” e “baixas”, de ser o caso. 6. Documento escollido pola empresa para a entrega do material. 7. Documento escollido pola empresa para a cesión dos dereitos de imaxe. 8. Orixinais dos partes de asistencia. 9. Gráficos que reflictan o recollido nas avaliacións ou enquisas. 10. Orixinais das enquisas de satisfacción e control de calidade de cada obradoiro (concello, docente e participantes). Importante: Unha vez presentada a factura correspondente, no prazo máximo dun mes e medio, a empresa adxudicataria terá que presentar un xustificante de pago ao docente para achegar ao expediente de cada obradoiro e ter constancia así do correcto funcionamento do programa así como a Memoria Final do mesmo, que deberá incluír: - Un anexo fotográfico (en formato dixital). - Unha avaliación xeral baseada nas enquisas facilitadas ós alumn@s ó longo do curso así como nas avaliacións realizadas polas persoas participantes nos obradoiros á empresa. - Un anexo de incidencias complementado con un Anexo de “propostas de mellora” de cara a futuras edicións do programa. - Anexo coas gráficas que reflictan os resultados do programa baseadas nos resultados recollidos a través das enquisas e das avaliacións das persoas participantes. Lugar de presentación e forma da factura: As facturas de importe superior a 5.000,00 € deberán ser presentadas polo adxudicatario en formato electrónico a través da Sede Electrónica da Deputación de Pontevedra (sede.depo.es) en tempo e forma a efectos de que o órgano administrativo ao que corresponda, proceda a súa tramitación (máis información en https://sede.depo.es). Nas facturas deberase indicar os código DIR 3 que identifican o procedemento, o CIF e nº de expediente que se relacionan a continuación: Administración: L02000036 (CIF: P3600000H) Órgano xestor: LA0008004; Unidade Tramitadora: LA0006135; Oficina Contable: LA0006135 Nº Expediente: 2016033691 Se xunto coa factura o adxudicatario ten que presentar outros documentos xustificativos do traballo realizado, o fará achegando os documentos xustificativos a través do sistema de facturación da Deputación de Pontevedra. 1.6. GARANTÍAS Provisional: non se esixe. Definitiva: 5 % do prezo de adxudicación do contrato (IVE excluído). Prazo da garantía: a duración do contrato. 1.7. MODIFICACIÓNS DO CONTRATO Unha vez perfeccionado o contrato, o órgano de contratación poderá introducir modificacións por razóns de interese público, limitándose ás estritamente indispensables para acadar a satisfacción pretendida co obxecto do mesmo, non excedendo en ningún caso o importe do 10% do prezo de adxudicación. A Institución Provincial establece na convocatoria do presente programa unha oferta inicial de 53 obradoiros, un a cada un dos concellos de menos de 20.000 habitantes da provincia de Pontevedra. O número inicial de obradoiros poderá incrementarse, sen que o importe da modificación supere o valore estimado do contrato (60.000,00€), cando se dean algunha das seguintes circunstancias: - Cando, unha vez adxudicado o contrato para 53 obradoiros, quede crédito dispoñible. - Cando, exista nalgún dos concellos participantes demanda suficiente para realizar un segundo obradoiro. As referidas posibles modificacións non representan alteracións nas condicións esencias da licitación nin da adxudicación do contrato, unicamente introducirían variacións no número de obradoiros ofrecidos inicialmente (53), tendo en conta que os obradoiros que se poidan levar a cabo a maiores terán o mesmo valor económico que o ofertado para os 53 iniciais. 1.8. PENALIZACIÓNS No caso de incumprimento defectuoso da prestación obxecto do contrato ou para o suposto de incumprimentos dos compromisos ou das condicións especiais que se estableceron nos pregos conforme os artigos 64.2 e 118.1 do TRLCSP, así como as condicións ofertadas polo contratista, cando non proceda a resolución do contrato, implicará a aplicación das penalidades previstas no artigo 212 do TRLCSP que deberán ser proporcionais á gravidade do incumprimento, e a súa contía non poderá ser superior ao 10% do orzamento do contrato. Considéranse obrigas esenciais do contrato as seguintes: 1.- Pagos a subcontratistas e provedores, os deberes derivados das disposicións vixentes en materia de protección de emprego, as condicións de traballo e prevención de riscos laborais, de seguridade social e de seguridade e saúde no traballo. 2.- A subministración ás persoas participantes en cada obradoiro da totalidade dos materiais precisos para o seu óptimo desenvolvemento de acordo cos requiridos e descritos na ficha técnica proposta para cada un na oferta técnica. 3.- A asignación a cada actividade das propostas, das persoas docentes que contan coa titulación regulamentaria e/ou experiencia mínima de 2 anos de docencia de acordo cos cv, vida laboral e compromisos de adscrición concreta ó desenvolvemento de cada actividade proposta, presentados pola empresa na fase de requirimento. As persoas docentes unicamente poderán ser substituídas en caso de forza maior e/ou previamente autorizada por escrito polo Servizo de Cohesión Social da Deputación de Pontevedra. 4.- A alta no réxime da Seguridade Social do persoal docente como mínimo coa categoría laboral de profesor de taller (Segundo o convenio colectivo de ensinanza e formación non regrada), ou no caso de ser autónomo, a disposición por parte da empresa dos certificados de alta individualizados de cada un dos docentes. 5.- A entrega á Deputación de Pontevedra por parte da empresa adxudicataria do xustificante de pago aos docentes dentro do prazo máximo de un mes e medio desde a data de presentación da factura do programa. As penalidades faranse efectivas mediante a súa dedución da factura, respondendo a garantía definitiva, en todo caso, da súa efectividade. As infraccións clasificaranse en leves e graves, atendendo as circunstancias concorrentes ou á maior ou menor prexuízo que causen á administración. Para os incumprimentos do adxudicatario respecto das obrigas esenciais mencionadas anteriormente durante a execución do contrato, cando non proceda a súa resolución, poderanse interpoñer penalizacións de acordo ao seguinte: INFRACCIONS E PENALIZACIÓNS Considerase infracción calquera acción ou omisión por parte do contratista que supoña a vulneración das obrigas derivadas do presente contrato. As infraccións clasifícanse en leves e graves, atendendo as circunstancias concorrentes e ao maior ou menor prexuízo que se cause a administración. a) Faltas leves: Calquera circunstancia relacionada co incumprimento das condicións establecidas nos pregos ou na oferta do adxudicatario que despois do requirimento da administración non sexa atendida polo adxudicatario. A penalidade imposta determinarase mediante informe motivado do órgano de contratación a proposta do responsable do contrato e será do 3% do importe da factura correspondente. Para os incumprimentos das obrigas esenciais do contrato ou faltas graves a administración poderá optar entre a resolución do contrato ou a imposicións das penalidades previstas a continuación: b) Faltas graves: - Un incumprimento das condicións esenciais do contrato establecidas nos pregos: Pagos a subcontratistas e provedores, os deberes derivados das disposicións vixentes en materia de protección de emprego, as condicións de traballo e prevención de riscos laborais, de seguridade social e de seguridade e saúde no traballo. A subministración ás persoas participantes en cada obradoiro da totalidade dos materiais precisos para o seu óptimo desenvolvemento de acordo cos requiridos e descritos na ficha técnica proposta para cada un na oferta técnica. A asignación a cada actividade das propostas, das persoas docentes que contan coa titulación regulamentaria e/ou experiencia mínima de 2 anos de docencia de acordo cos cv, vida laboral e compromisos de adscrición concreta ó desenvolvemento de cada actividade proposta, presentados pola empresa na fase de requirimento. As persoas docentes unicamente poderán ser substituídas en caso de forza maior e/ou previa autorización do Servizo de Cohesión Social da Deputación de Pontevedra. A alta no réxime da Seguridade Social do persoal docente como mínimo coa categoría laboral de profesor de taller (Segundo o convenio colectivo de ensinanza e formación non regrada), ou no caso de ser autónomo, a disposición por parte da empresa dos certificados de alta individualizados de cada un dos docentes. A entrega á Deputación de Pontevedra por parte da empresa adxudicataria do xustificante de pago aos docentes dentro do prazo máximo de un mes e medio desde a data de presentación da factura do programa. A cesión en todo ou en parte do contrato baixo calquera modalidade ou título, sen previa autorización expresa do órgano de contratación. A modificación do contrato sen a previa autorización da administración. A penalidade imposta determinarase mediante informe motivado do órgano de contratación a proposta do responsable do contrato e será do 10% do importe da factura correspondente, podendo resolver o contrato. PROCEDEMENTO DE IMPOSICIÓN DE PENALIZACIÓNS As penalidades ou multas coercitivas impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 2. SOLVENCIA ECONÓMICA, FINANCIERIA E TÉCNICA (documentación que se debe presentar na fase de requirimento, segundo figura na cláusula 14.1 do prego económico administrativo) Clasificación: non se esixe. Acreditación da solvencia económica, financeira e técnica. A) Solvencia económica e financeira: Deberase acreditar un volume anual de negocios referido ao ano de maior volume de negocio dos tres últimos exercicios concluídos por un importe mínimo dunha vez e media do valor estimado do contrato. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva: - Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: Para acreditar a solvencia técnica o licitador deberá presentar os seguintes documentos: Relación dos principais servizos no curso dos cinco últimos anos relacionados co obxecto do contrato; nestes certificados indicaranse o importe, as datas e o destinatario, público ou privado, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V do presente prego). Os servizos efectuados acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior ao 70% do valor estimado do contrato ou da súa anualidade media se esta é inferior ao valor estimado do contrato. Nota: Considérase como valor estimado do contrato o importe total, sen incluír o Imposto sobre o Valor Engadido. C) Acreditación, mediante orixinal ou copia compulsada, da póliza subscrita e do aboamento dun seguro de Responsabilidade Civil por importe mínimo de 300.000,00€. A actividade descrita na póliza debe corresponderse coa actividade obxecto do contrato e ningunha exclusión debe limitar a súa cobertura en relación con esta. As persoas que participan nas actividades deben considerarse terceiros. D) Acreditación, mediante orixinal ou copia compulsada, dun Seguro de Accidentes, que cubra como mínimo, a asistencia sanitaria da totalidade das persoas participantes nos obradoiros. Requisito que debe cumprir todo o equipo humano que se adscriba á execución do contrato. E) Documentación acreditativa da efectiva disposición dos medios persoais e materiais suficientes e necesarios que a empresa se comprometeu a adscribir á axeitada execución do presente contrato segundo o detallado no anexo I ó presente prego. - Presentación das Certificacións negativas do Rexistro Central de Delincuentes Sexuais (orixinal ou copia compulsada), en cumprimento da Lei 26/2015, de 28 de xullo, de Modificación do Sistema de Protección da Infancia e adolescencia, de todo o equipo humano que se propón adscribir á execución do contrato. - Equipo humano proposto para a execución total do contrato: Persoa proposta para ocupar o porto de Responsable/Coordinadora do programa que será a encargada de levar a cabo as tarefas de xestión e coordinación do mesmo. Persoal de apoio preciso para o axeitado desenvolvemento do programa. - Equipo Humano. Persoal docente: 1 persoa docente para a impartición de cada un dos obradoiros propostos (mínimo de 10 docentes). Profesionais que contarán coa titulación regulamentaria e/ou experiencia mínima de 2 anos de docencia relativa aos contidos obxecto da actividade para a que sexan propostos. Este persoal docente figurará dado de alta no réxime da Seguridade Social como mínimo coa categoría laboral de profesor de taller (Segundo o convenio colectivo de ensinanza e formación non regrada) e no caso de ser autónomos, a empresa deberá dispoñer dos certificados de alta individualizados de cada un dos docentes. As persoas docentes unicamente poderán ser substituídas en caso de forza maior e/ou previa autorización do Servizo de Cohesión Social da Deputación de Pontevedra. Notas importantes respecto da acreditación dos medios humanos: o No caso de que sexan persoal pertencente á empresa proposta para adxudicar o contrato, acreditarase aportando o CV, os TC´s dos tres últimos meses e a Vida Laboral das persoas propostas. o No caso de que non sexa persoal pertencente á empresa, acreditarase a experiencia aportando un compromiso persoal asinado por ambas partes (empresa e persoa traballadora) na que ambas partes se comprometan a colaborar na execución do contrato “Tecendo Lazos 2016” desempeñando o posto de XX, un CV e a súa vida laboral. F) Acreditación do pago da póliza (e presentación da orixinal ou dunha copia compulsada) de seguro de responsabilidade civil por importe mínimo de 300.000,00€, adscrita á execución do contrato e cuxa actividade debe corresponderse coa actividade obxecto do contrato. Ningunha exclusión debe limitar a súa cobertura en relación con esta. G) Acreditación do pago da póliza (e presentación da orixinal ou dunha copia compulsada) do seguro de accidentes que cubra a asistencia sanitaria da totalidade dos mozos e mozas que participen nas actividades. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (sobre B): Os criterios non avaliables mediante fórmulas valoraranse cun máximo de 40 puntos, de conformidade co seguinte: - Deseño e implantación da proposta, ata un máximo de 20 puntos. - Equipo humano, ata un máximo de 15 puntos. - Protocolos de seguimento de actividades, ata un máximo de 5 puntos. 3.1.1. Deseño e implantación da proposta, ata un máximo de 20 puntos: Este criterio valorarase de acordo aos seguintes subcriterios: - Deseño da proposta, ata un máximo de 15 puntos. Valoraranse das ofertas presentadas polas empresas licitadoras: - Metodoloxía proposta. - Obxectivos xerais e individuais de cada actividade. - Duración que destinaría a cada unha das actividades. - Enumeración de todos os materiais que proporcionará para a realización das actividades e, se fose o caso, aqueles que deberá achegar o alumnado. - Perfil profesional do docente que impartiría o obradoiro ou actividade parcial dentro do mesmo. Valorarase positivamente o número de actividades a maiores que se oferten, así como o innovadoras que sexan e o seu grao de adecuación á finalidade do programa. - Melloras no Módulo “Historia do meu concello” a maiores do mínimo esixido, ata un máximo de 5 puntos. Valoraranse neste apartado outras propostas plantexadas polo licitador para o enriquecemento e mellora deste módulo transversal común a tódolos obradoiros, a maiores do mínimo esixido. 3.1.2. Equipo humano, ata un máximo de 15 puntos: - Valorarase no Equipo humano proposto para a xestión do programa (Responsable – coordinador e Persoal de apoio necesario para o correcto desenvolvemento do programa), a súa experiencia na xestión, coordinación e organización de programas de carácter social, lúdico, culturais e de esparcemento con nenos e con persoas de idade adulta cun máximo de 5 puntos. - Valoraranse melloras como o apoio de persoal cualificado para a atención a persoas con discapacidade e/ou mobilidade reducida aportadas a maiores pola empresa adxudicataria naqueles obradoiros nos que haxa polo menos unha persoa con discapacidade e/ou mobilidade reducida como por exemplo un/unha docente de apoio ó titular, ata 5 puntos. - Valoraranse outras melloras que representen un valor engadido na calidade dos obradoiros e que repercutan nunha atención máis individualizada ás persoas participantes como por exemplo a ampliación do número de docentes por obradoiro, ata 5 puntos. 3.1.3. Protocolos de seguimento de actividades, ata un máximo de 5 puntos: Valoraranse as melloras propostas pola empresa que afecten ós protocolos de seguimento e avaliación do programa e que supoñan unha mellora na eficiencia e axilidade da xestión como por exemplo: as reunión propostas, as reducións nos prazos de entrega de materiais e documentación, a eficiencia dos canais de comunicación propostos co Servizo de Cohesión Social ou a comunicación de incidencias. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C): Nota importante: só se procederá á apertura e valoración das propostas do sobre C das empresas que obteñan unha ponderación dos criterios avaliables mediante xuízos de valor que superen os 25 puntos. Os criterios avaliables mediante fórmulas valoraranse cun máximo de 60 puntos, de conformidade cos seguintes criterios: - Menor prezo ofertado, ata un máximo de 50 puntos. - Promoción e difusión do programa, ata un máximo de 10 puntos. 3.2.1. Menor prezo ofertado, ata un máximo de 50 puntos: Valorarase o menor prezo unitario ofertado por actividade, ata un máximo de 50 puntos. 3.2.2. Promoción e difusión do programa, ata un máximo de 10 puntos: Valoraranse as actuacións levadas a cabo en materia de publicidade e promoción propostas a maiores das mínimas esixidas conforme ó seguinte: - Cuñas de radio ofertadas a maiores das 4 esixidas, ata 5 puntos. - Carteis ofertados a maiores dos 150 esixidos no prego, ata 2,5 puntos. - Anuncios en prensa a maiores dos 4 esixidos, ata 2,5 puntos. Estes criterios valoraranse en función da fórmula establecida no anexo IV deste prego. Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A e de valoración técnica do sobre B. 4. DOCUMENTACIÓN QUE SE DEBE PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se adxunta no anexo III deste prego. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable, así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 3. Compromisos do licitador: 3.1. De achegar unha certificación negativa do Rexistro Central de Delincuentes Sexuais (orixinal ou copia compulsada), en cumprimento da Lei 26/2015, de 28 de xullo, de Modificación do Sistema de Protección da Infancia e adolescencia, de todo o equipo humano que se adscribirá á execución do contrato. 3.2. De dedicar ou adscribir á execución do contrato os medios persoais e materiais suficientes e necesarios para a debida execución do mesmo, aos que se refire o artigo 64.2 do TRLCSP. No compromiso deberá detallarse que como mínimo a empresa contará co seguinte equipo humano: - Equipo humano para a execución total do contrato: 1 persoa Responsable/Coordinadora do programa que será a encargada de levar a cabo as tarefas de xestión e coordinación do mesmo. Persoal de apoio preciso para o axeitado desenvolvemento do programa. -Equipo Humano. Persoal docente: 1 persoa docente para a impartición de cada un dos obradoiros propostos (mínimo de 10 docentes). Profesionais que contarán coa titulación regulamentaria e/ou experiencia mínima de 2 anos de docencia relativa aos contidos obxecto da actividade para a que sexan propostos. Este persoal docente figurará dado de alta no réxime da Seguridade Social como mínimo coa categoría laboral de profesor de taller (Segundo o convenio colectivo de ensinanza e formación non regrada) e no caso de ser autónomos, a empresa deberá dispoñer dos certificados de alta individualizados de cada un dos docentes. As persoas docentes unicamente poderán ser substituídas en caso de forza maior e/ou previa autorización do Servizo de Cohesión Social da Deputación de Pontevedra. Notas importantes: o A acreditación dos referidos medios humanos e materiais deberán achegarse antes da adxudicación do contrato. 3.3. Adscribir na execución do contrato dun seguro de responsabilidade civil por importe mínimo de 300.000,00€, a acreditación da póliza e pago da mesma deberase presentar na fase de requirimento. A actividade descrita na póliza debe corresponderse coa actividade obxecto do contrato e ningunha exclusión debe limitar a súa cobertura en relación con esta. As persoas que participan nas actividades deben considerarse terceiros. 3.4. Adscribir na execución do contrato dun seguro de accidentes, que cubra como mínimo, a asistencia sanitaria da totalidade dos mozos e mozas que participen nas actividades. Nota importante: Sen prexuízo de que a xustificación acreditativa de tales requisitos deba presentarse antes da adxudicación do contrato. 4. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. 5. Os empresarios que desexen concorrer integrados nunha unión temporal de empresas, deberán presentar unha Declaración Responsable (Anexo III) por cada unha das empresas, así como indicar por escrito os nomes e as circunstancias dos que a constitúan e a participación de cada un deles, así como o compromiso de constituír formalmente a unión temporal no caso de resultar adxudicatarios. 6. Declaración Xurada do licitador conforme se compromete a que a oferta que presenta en formato papel se corresponde exactamente coa que presenta en formato dixital. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS As ofertas deberán presentarse tanto en formato papel como en formato dixital. A oferta deberá estar paxinada e conter un índice detallado. O formato dixital deberá presentarse en soporte CD ou DVD, coa seguinte etiqueta: EMPRESA
NOME DOS FICHEIROS Oferta_Técnica.doc Oferta_Técnica.pdf A versión dixital entregarase nun único ficheiro cunha versión en formato PDF e outro DOC. O tipo de letra utilizado será Helvética 12, agás par aos títulos, onde será Helvética 14. Utilizarase un interliñado de 1,5 e o espazo entre parágrafos será de 6 puntos. A extensión máxima da proposta técnica non poderá exceder das 50 páxinas, sen contar anexos. Durante o proceso de valoración das ofertas non se terán en conta aquelas que non presenten toda a documentación no formato dixital indicado anteriormente. A exposición da oferta axustarase, como mínimo, e na mesma orde, aos apartados que se detallan a continuación: 1.- Índice: Débese incluír un índice no que se enumeren os contidos da proposta técnica. 2.- Deseño e implantación do programa: Neste apartado as empresas deberán presentar a súa proposta para o Deseño e Implantación do Programa “Tecendo Lazos” 2016. Nela incluirán unha proposta de Catálogo de actividades na que debe recollerse un mínimo de 10 obradoiros (2 –dous- por temática e obxectivos) atendendo ás guías de obradoiros expostas no Anexo I do Prego Técnico. Elaborarase unha ficha por cada obradoiro na que se detallarán os seguintes puntos: - Metodoloxía proposta. - Obxectivos xerais e individuais de cada actividade. - Duración que destinaría a cada unha das actividades. - Enumeración de todos os materiais que proporcionará para a realización das actividades e, se fose o caso, aqueles que deberá achegar o alumnado. - Perfil profesional do docente que impartiría o obradoiro ou actividade parcial dentro do mesmo. Valorarase positivamente o número de actividades a maiores que se oferten, así como o innovadoras que sexan e o seu grao de adecuación á finalidade do programa. Respecto do persoal docente do sobradoiros: Proporase 1 persoa docente para a impartición de cada un dos obradoiros propostos (mínimo de 10 docentes). Profesionais que contarán coa titulación regulamentaria e/ou experiencia mínima de 2 anos de docencia relativa aos contidos obxecto da actividade para a que sexan propostos. Este persoal docente figurará dado de alta no réxime da Seguridade Social como mínimo coa categoría laboral de profesor de taller (Segundo o convenio colectivo de ensinanza e formación non regrada) e no caso de ser autónomos, a empresa deberá dispoñer dos certificados de alta individualizados de cada un dos docentes. Os requisitos que deben cumprir os docentes a maiores do esixido no prego técnico, serán os que a empresa propoña axeitándose ós obxectivos xerais e individuais das temáticas dos obradoiros propostos para cada bloque dentro do catálogo que figura como Anexo ó Prego Técnico. Os docentes serán como mínimo 10, 1 por obradoiro. Presentación do Módulo “Historia do meu concello” e descrición de melloras propostas para o mesmo. 3.- Respecto do equipo humano responsable da execución do programa: Deberase detallar o perfil profesional e do equipo de traballo asignado á execución do programa que como mínimo deberá estar composto por: Equipo humano para a execución total do contrato: 1 persoa Responsable/Coordinadora do programa que será a encargada de levar a cabo as tarefas de xestión e coordinación do mesmo. Persoal de apoio preciso para o axeitado desenvolvemento do programa. O perfil profesional dos docentes dos obradoiros especificarase nas fichas dos obradoiros aportados no punto 2. Deseño e implantación do programa. Nota importante: o equipo humano e o persoal docente deberá estar formado por persoal que se axuste ós perfís profesionais propostos pola oferta adxudicataria previamente valorada pola Deputación de Pontevedra. Poderán, excepcionalmente, autorizarse cambios nesta composición desde o Servizo de Cohesión Social, sempre que: Se presente unha xustificación escrita detallada e suficientemente motivada na que se argumente o motivo do cambio. Se propoñan posibles candidatos cun perfil de cualificación igual ou superior ó da persoa a substituír. A proposta conte co Vº e Prace da persoa responsable do Servizo de Cohesión Social da Deputación de Pontevedra. - Indicarase si a empresa aporta (ou non) dun/dunha docente de apoio ó titular así como de e persoal de apoio cualificado para a atención de persoas con discapacidade e/ou mobilidade reducida naqueles obradoiros nos que haxa polo menos unha persoa con discapacidade e/ou mobilidade reducida. - Deberá presentarse unha relación detallada das melloras de melloras que representen un valor engadido na calidade dos obradoiros e repercutan nunha atención máis individualizada ás persoas participantes como por exemplo a ampliación do número de docentes por obradoiro. 4.- Protocolos de seguimento de actividades: - Deberán indicarse especificamente as melloras que afecten ós protocolos de seguimento e avaliación do programa e que supoñan unha mellora na eficiencia e axilidade da xestión. 5.- Información adicional: Calquera outra documentación relacionada co contrato que desexe a portar o licitador. 6. Deberase indicar a parte do contrato que o empresario ten eventualmente o propósito de subcontratar, de conformidade co establecido na cláusula 16 deste prego. Ademais da relación mínima de documentación o licitador poderá presentar todos aqueles documentos que considere oportunos para a perfecta definición do servizo, entendendo que, no caso de non indicarse un aspecto determinado, se cumpren os requisitos mínimos establecidos no prego. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta presentada nos criterios avaliables de forma automática (sobre C). O incumprimento deste requisito implicará a exclusión do procedemento. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición determinado no anexo II. Modelo de proposición deste prego, asinado e selado. Este modelo conterá a oferta económica que se realice. Non se aceptarán propostas que conteñan omisións, erros ou riscos que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese o orzamento base de licitación, variase substancialmente o modelo establecido, comportase erro manifesto no importe da proposición ou se existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Así mesmo, cando para a selección do contratista se atenda a unha pluralidade de criterios incluirase neste sobre a documentación relativa a aqueles criterios avaliables mediante fórmulas establecidas nos pregos.” ANEXO II “MODELO DE PROPOSICIÓN (SOBRE C) (Nome e apelidos) .................., maior de idade, veciño de ..............., con domicilio en .............., titular do DNI número ..................., expedido en data ..............., actuando en nome propio ou en representación da empresa ............... (CIF número.............) e con domicilio en ............., teléfono............, segundo declaro responsablemente, en coñecemento do anuncio para adxudicar mediante procedemento aberto a contratación dunha “Asistencia técnica para a execución e organización do programa "Tecendo Lazos 2016". Primeiro. Declaro que na execución do contrato se cumprirán coas disposicións legais, reglamentarias e convencionais vixentes e que resulten de aplicación en materia laboral, seguridade social, seguridade e saúde no traballo, de protección do emprego e prevención de riscos laborais. Segundo. Comprométome ó servizo, con estrita suxeición ós pregos de prescricións técnicas e condicións económico-administrativas, que aceptamos na súa totalidade, coas seguintes condicións: - Prezo unitario ofertado por actividade: Importe sen IVE: ……………………………..€ IVE (21%): ……………………………..€ Importe total (IVE incluído): ……………………………..€ - Promoción e difusión do programa: CUÑAS DE RADIO Mínimo esixido no prego Mellora ofertada a maiores do mínimo esixido Nº total 4 CARTEIS Mínimo esixido no prego Mellora ofertada a maiores do mínimo esixido Nº total 150 ANUNCIOS EN PRENSA Mínimo esixido no prego Mellora ofertada a maiores do mínimo esixido Nº total 4 …………………………., ….. de ………………… de ……….. (Lugar, data, sinatura e selo do licitador)” ANEXO III. DECLARACIÓN RESPONSABLE (SOBRE A) Nota: este modelo pode descargarse en formato PDF para cubrir na área de descargas do seguinte enderezo web: http://www.depo.es/web/edepo/contratacion1 ANEXO IV “FÓRMULAS PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) Entenderanse por ofertas admitidas todas aquelas que non quedaran excluídas unha vez realizado o exame da documentación administrativa contida no sobre A e de valoración técnica do sobre B. A) Menor prezo unitario ofertado por actividade, ata un máximo de 50 puntos: Para o cálculo da puntuación do prezo a fórmula a utilizar será a seguinte: • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que: 4. Fórmula completa para a valoración de ofertas 1. Definición de Wmax : 2. Definición de S: Se : , Se : 3. Valoración das ofertas cando bmax > . Para i=1,…..,n: Se entón , Se entón 4. Valoración das ofertas cando Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b1 > 25, entón a oferta 1 (única) é temeraria. • n = 2: supoñemos que . Se entón a oferta 2 é temeraria. Obsérvese que a condición equivale a porque: • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria. • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. B) Promoción e difusión do programa, ata un máximo de 10 puntos: Valoraranse as actuacións levadas a cabo en materia de publicidade e promoción propostas a maiores das mínimas esixidas conforme ó seguinte: B.1. Valorarase o número de cuñas de radio ofertadas a maiores das esixidas no prego (4 cuñas), ata 5 puntos. P = (M*(O-0) / (B-0)) Onde: P: Puntuación O: Oferta licitador B: Mellor oferta C: 0 cuñas M: Puntuación máxima establecida para este criterio B.2. Valorarase o número de carteis promocionais do programa ofertados a maiores dos esixidos no prego (150 carteis), ata 2,5 puntos. P = (M*(O-0) / (B-0)) Onde: P: Puntuación O: Oferta licitador B: Mellor oferta C: 0 carteis M: Puntuación máxima establecida para este criterio B.3. Valorarase o número de anuncios en prensa ofertados a maiores dos esixidos no prego (4 anuncios), ata 2,5 puntos. P = (M*(O-0) / (B-0)) Onde: P: Puntuación O: Oferta licitador B: Mellor oferta C: 0 anuncios M: Puntuación máxima establecida para este criterio” ANEXO V “MODELO DE ACREDITACIÓN DE SOLVENCIA TÉCNICA DOS SERVIZOS REALIZADOS ACREDITACIÓN DA SOLVENCIA TÉCNICA E PROFESIONAL RESPECTO DOS SERVIZOS REALIZADOS POR LA EMPRESA NOS ÚLTIMOS CINCO AÑOS TÍTULO DO CONTRATO Nº EXPEDIENTE Dª/D.………, con DNI núm. …….., en nome propio ou en representación da empresa…………, con NIF/CIF núm. ………DECLARA que a relación dos servizos obxecto do presente contrato realizados nos últimos cinco anos son os que se recollen na seguinte táboa: Título do Contrato Obxecto Data Importe do ano 2011 Importe do ano 2012 Importe do ano 2013 Importe do ano 2014 Importe do ano 2015 Importe total dos últimos 5 años Destinatario Inicio Fin TOTAIS ……………………………………., ….. de …………………… de ……….. (Lugar, data, sinatura e selo do licitador)” 4.24859.- APROBACIÓN DO PROXECTO MODIFICADO DA OBRA “EDIFICIO DE USOS NÁUTICO DEPORTIVOS NA ILLA DE AROUSA” (Expte. nº2015026805) Resultando.- Que a Xunta de Goberno na súa sesión ordinaria celebrada o día 19/06/2015 acordou aprobar un convenio de colaboración entra a Deputación de Pontevedra e o Concello da Illa de Arousa para levar a cabo as obras de construción dun edificio de usos náuticos-deportivos. Resultando.- Que o mesmo órgano na súa sesión ordinaria celebrada o día 27/11/2015 acordou adxudicar á empresa Ogmios Proyecto, S.L. (CIF B-15.886.328) o contrato para a execución da obra “Edificio de usos náutico-deportivos na Illa de Arousa”, por un importe de 1.275.001,20 € IVE incluido e un prazo de execución de dez meses. Resultando.- Que con data 03/02/2016 formalizouse a acta de comprobación de replanteo establecéndose nese intre como data para rematar a obra o día 03/12/2016. Resultando.- Que con data 21/03/2016 o Servizo de Arquitectura emitiu informe sobre a situación da realidade das obras, poñendo de manifesto que é preciso debido a diversas incidencias modificar o sistema construtivo, solicitando instrucións acerca do procedemento a seguir. Resultando.- Que con data 30/03/2016 o Servizo de Contratación emitiu informe poñendo de manifesto que se fai necesario tramitar a solicitude dun proxecto modificado xustificando ás circunstancias que provocan súa necesidade. Resultando.- Que con data 01/04/2016 asinouse acta de paralización parcial da obra debido á necesidade de redactar proxecto modificado. Resultando.- Que con data 06/05/2016 asinouse acta de paralización total da obra. Resultando.- Que con data 10/05/2016 o Arquitecto Provincial (director facultativo da obra) emite informe solicitando a redacción do proxecto modificado da obra “Edificio de usos náutico-deportivos na Illa de Arousa”, autorización que foi acordada pola Xunta de Goberno na súa sesión ordinaria celebrada o día 20/05/2016. Resultando.- Que mediante informe de data 22/09/2016 o director de obra remite ó Servizo de Contratación, proxecto modificado da obra “Edificio de usos náutico-deportivos na Illa de Arousa” cun orzamento de 1.372.966,37 €, cunha variación porcentual con respecto o proxecto inicial do 7,68%. As causas polas que o director facultativo ve necesario solicitar a aprobación do proxecto modificado son as seguintes: 1. Non execución da balsa-piscina recollida no proxecto e ampliación da porta traseira de acceso ó almacen de piragüismo. O representante do clube de piragüismo pon de manifesto que no é do seu interese a balsa-piscina contenplada no proxecto xa que xa non farían uso destas instalacións pois para o adestramento utilizan uns ergonómetros en substitución das balsas de auga o non ter que executar na súa totalidade certas partidas. Tamén manifesta á necesidade de ampliar a porta traseira de acceso ó almacen para facilitar a entrada de embarcacións de maiores dimensións aumentando o aumento de medición a partida de carpintería interior. Estes cambios foron autorizados pola comisión de seguimento na súa reunión mantida o 06/05/2016. Estes aumentos e disminucións de medición, non alteran as condicións esenciais de licitación e adxudicación. 2. Sobredimensionado das zapatas de sustentación das velas, pudendo adaptar as mesmas á normativa europea, pasando dun calculo inicial de 300 km/h de velocidade do vento a 250 km/h cumprindo a normativa europea. Isto permite reducir de forma considerable o formigón a utilizar o que provoca un axuste de medición das unidades das velas, producíndose unha diminución das mesmas. Estes cambios foron autorizados na reunión da comisión de seguimento de data 06/05/2016. Estas disminucións de medición, non alteran as condicións esenciais de licitación e adxudicación. 3. Nada mais iniciar a obra detectase un alto risco de derrubamento das paredes de escavación nos pozos de cimentación debido a que ó realizar catas en dúas zonas diferenciadas da planta da obra, constatouse a existencia de augas de nivel freático a niveis moi pouco profundos. O aumento de medición de achique provocaría que a medición de achique de auga na partida de escavación do terreo, non sería suficiente para poder executar con facilidade e total seguridade los pozos de cimentación calculados no proxecto. Estudando diferentes posibilidades, chegase á conclusión que por economía de obra, podería sopesarse unha solución construtiva alternativa que supón un cambio do procedemento de execución da cimentación por medio dunha máquina pilotadora de barrena de hélice cuberta o que evitaria o derrube das paredes de escavación no proceso de execución dos pozos de cimentación e de conter a entrada de auga subterránea. Esta modificación é englobada polo director de obra no suposto a) do artigo 107 do TRLCSP, e dicir, debido á inadecuación da prestación contratada para satisfacer as necesidades que pretenden cubrirse mediante o contrato debido a erros ou omisións padecidos na redacción do proxecto ou das especificacións técnicas. Asemade manifesta que estas modificacións son necesarias indispensables para realizar a cimentación dunha maneira mais segura, rápida, limpa e economica e non se alteran as condición esenciais da licitación nin adxudicación do contrato xa que non varían nin a localización, nin a xeometría ni o uso do edificio. Recolle igualmente o informe que estas modificacións non variarían as ofertas presentadas polos licitadores, xa que a modificación consiste nun cambio do proceso constructivo, co cal os licitadores non formularían ofertas diferentes, nin acadarían puntuacións distintas, nin sería susceptible de presentarse á licitación outras empresas diverxentes. 4. Observase presenza de auga no recheo controlado en mellora do terreo. Isto pode provocar unha diminución da capacidade portante do recheo o no poder asegurar os problemas asociados á erosión, meteorización disolución, expansión e colapso na fase de realización do recheo que se ve afectado por un nivel freático variable asociado ás mareas existentes. A solución a adoptar pasaría pola realización dunha capa base realizada mediante material pétreo. Esta circunstancia foi imposible predecila na fase de redacción do proxecto, polo que o director de obra xustifica esta modificación en base ó establecido no artigo 107.b) do TRLCSP, e dicir, a inadecuación do proxecto as especificación da prestación por causas obxectivas que determinen a súa falla de idoneidade, consistentes en circunstancias de tipo xeolóxico, hidrico, arqueolóxico, medioambiental ou similares, postas de manifesto con posterioridade á adxudicación do contrato e que non fosen previsibles con anterioridade aplicando toda a dilixencia requirida de acordo con unha boa practica profesional na elaboración do proxecto ou na redacción das especificación técnicas. O prezo desta partida adecúase os prezos de mercado. Esta modificación non altera as condicións esenciais de licitación nin adxudicación do contrato. Non se varían as características esenciais da prestación contratada. 5. No capítulo de instalacións a documentación que recolle o proxecto está incompleta, derivándose a necesidade de completar memorias, planos e orzamento dos capítulos correspondentes ás instalacións de electricidade, fontanería e ventilación para a súa mellor comprensión. Xustifica esta modificación en base ó recollido no artigo 107.a) do TRLCSP, e dicir, debido á inadecuación da prestación contratada para satisfacer as necesidades que pretenden cubrirse mediante o contrato debido a erros ou omisións padecidos na redacción do proxecto ou das especificacións técnicas. Non se varían as características esenciais da prestación contratada, xa que se trata de completar as definicións de aquelas que estean incompletas. Os prezos destas partidas adecúanse ós prezos de mercado e estes cambios son necesarios e indispensables para realizar as citadas instalacións. 6. Posteriormente á adxudicación da obra recíbese licenza da Consellería de Medio Ambiente e Ordenación do Territorio da Xunta de Galicia debendo incluír no proxecto modificado os planos definitivos que foron susceptibles de autorización, e dicir, os que transformaban o local dedicado a cafetería en aula. Isto provoca incluír estas modificacións, tanto en planos como en memorias de instalacións, como o reflectido no orzamento, xa que o proxecto foi tramitado con anterioridade á autorización. Estas modificacións estarían englobadas no recollido no artigo 107.e) do TRLCSP, e dicir, a necesidade de axustar a prestación a especificacións técnicas, medioambientais, urbanísticas, de seguridade ou de accesibilidade aprobadas con posterioridade á adxudicación do contrato. Os prezos destas partidas novas adecúanse os prezos de mercado. Estas modificacións non alteran as condicións esenciais da licitación e adxudicación, e son variacións estritamente indispensables para adaptarse á autorización da secretaría xeral de ordenación do territorio e urbanismo. Por último engade o director de obra que todas estas modificacións non alteran as condicións esenciais de licitación e adxudicación, que as ofertas presentadas polos licitadores non variarían nin formularían ofertas diferentes e que as modificacións supoñen un incremento económico dun 7,68% con respecto ó proxecto inicial, sendo o seu importe de 1.372.966,37 €, establecendo un prazo de execución de 8 meses dende a súa aprobación, e os prezos adecúanse ós prezos de mercado no momento da adxudicación de acordo co establecido no artigo 158.1 do R.D. 1098/2001. Resultando.- Que con data 22/09/2016 o Servizo de Contratación emite informe co seguinte contido: “...Os informes técnicos do servizo de arquitectura establecen a necesidade de introducir unhas variacións do proxecto inicial para que o mesmo se execute con arranxo ás características xerais e á finalidade que estaban previstas. Este apartado de conclusión do informe do servizo de contratación vén supeditada polos devanditos informes técnicos, en especial coas afirmacións referentes a que estas modificacións non alteran as condicións esenciais da licitación e definidas pola adxudicación. Esta afirmación é fundamental, xa que doutro xeito, consideraríase coma unha nova adxudicación e requiriría dun novo procedemento de contratación. As variacións no proxecto provoca a actuación do “ius variandi”, cuxa aplicación ten que examinarse dende un punto de vista restritivo, non se poderá engadir prestacións complementarias ás inicialmente contratadas, ampliar ó obxecto do contrato a fin de que poida cumprir finalidades novas non contempladas na documentación preparatoria do mesmo, ou incorporar unha prestación susceptible de utilización ó aproveitamento independente, se non que se realizarán unicamente as actuacións necesarias para executar ou proxecto como estaba previsto inicialmente. A modificación exposta parece estar motivada fundamentalmente por omisións padecidas na redacción do proxecto ou nas especificacións técnicas, e na diminución ou redución de unidades de obras, cuestións que son xustificadas de maneira individual no informe técnico. Tamén existe unha modificación derivada dunha visita de obra da empresa de control de calidade que pon de manifesto a existencia dun problema que pode conlevar a diminución da capacidade portante do recheo, polo que resulta necesario introducir unha nova partida para corrixilo, circunstancia que pode redirixirse perfectamente á causa establecida no apartado b do 107 TRCLSP para cuestións non previstas nos pregos. As unidades de obra introducidas, afírmase nos informes, son a prezos de mercado cumprindo co especificado no articulo 158 Real Decreto 1098/2001, de 12 de outubro, polo que se aproba o Regulamento xeral da Lei de Contratos das Administracións Públicas. Sendo o prazo de execución dende o reinicio das obras de oito meses. Podería entenderse conforme ó interese público proceder a aprobación deste proxecto e a modificación do contrato ós efectos de finalizar a obra cunha maior celeridade e cun menor custo económico que o que conlevaría resolver o contrato e proceder a unha nova contratación. Esta modificación debe considerarse unha circunstancia excepcional que debe evitarse cun maior coidado non estudo previo do proxecto. Para modificar o contrato será necesario aprobar o novo proxecto, e contar coa conformidade expresa do contratista co mesmo, cos novos prezos das unidades de obra engadida e co prazo para finalizar a obra. Non obstante, solicitarase informes o secretario e fiscalizarase ou expediente, e logo a Xunta de Goberno dá Deputación resolverá....” Resultando.- Que solicitado informe ó Sr. Secretario, este emite o mesmo na data 05/10/2016 co seguinte contido: “...Á vista do expediente enténdese, de conformidade co establecido no art. 160 do RD 1098/2001, de 12 de outubro, e sempre que se inclúan as variacións executadas no proxecto modificado, que iso en base ó interese público é posible. Por conseguinte, préstase conformidade ó informe do xefe do Servizo e infórmase favorablemente. Resultando.- Que solicitado informe o Sr. Interventor, este emite o mesmo na data 07/10/2016 co seguinte contido:”...Establécese un prazo de 8 meses desde a formalización do contrato modificado para a finalización das obras. Non obstante, non consta no proxecto programa de desenrolo dos traballos ou plan de obra. No caso de non existir exceso de medicións nas unidades de obra executadas ata o momento, debería facerse constar no expediente. Resta pendente o ingreso por parte do Concello da Illa de Arousa da cantidade correspondente á súa achega da anualidade 2016. Debería constituirse garantía complementaria correspondente...” Considerando.- Que no informe da memoria xustificativa do proxecto modificado se manifesta que no mesmo se reflicten todas as variacións de medicións detectadas. Asemade se achegou ó expediente plan de obra. Considerando.- Que o contratista mostrou a súa conformidade as modificacións introducidas no proxecto aceptando igualmente a acta de prezos contradictorios. Considerando.- Que o artigo 234.3 do Real Decreto Lexislativo 3/2011, de 14 de novembro, polo que se aproba o texto refundido da Lei de Contratos do Sector Público establece que: “... Cuando el Director facultativo de la obra considere necesaria una modificación del proyecto, recabará del órgano de contratación autorización para iniciar el correspondiente expediente...” Considerando.- Que o artigo 105.1 do mesmo texto legal establece que: “...1. Sin perjuicio de los supuestos previstos en esta Ley de sucesión en la persona del contratista, cesión del contrato, revisión de precios y prórroga del plazo de ejecución, los contratos del sector público sólo podrán modificarse cuando así se haya previsto en los pliegos o en el anuncio de licitación o en los casos y con los límites establecidos en el artículo 107...” Considerando.- Que para a aprobación dun proxecto modificado haberá que ter en conta o previsto nos artigos do Real Decreto 1098/2001, de 12 de outubro, polo que se aproba o Regulamento xeral da Lei de Contratos das Administracións Públicas, que se transcriben de seguido: Artigo 102: “...Cuando sea necesario introducir alguna modificación en el contrato, se redactará la oportuna propuesta integrada por los documentos que justifiquen, describan y valoren aquélla. La aprobación por el órgano de contratación requerirá la previa audiencia del contratista y la fiscalización del gasto correspondiente…” Artigo 158: “…Cuando se juzgue necesario emplear materiales o ejecutar unidades de obra que no figuren en el proyecto, la propuesta del director de la obra sobre los nuevos precios a fijar se basará en cuanto resulte de aplicación, en los costes elementales fijados en la descomposición de los precios unitarios integrados en el contrato y, en cualquier caso, en los costes que correspondiesen a la fecha en que tuvo lugar la adjudicación…” O artigo 160 do mesmo texto legal recolle que cando existan variacións sobre as unidades previstas no contrato, sexan disminucións ou excesos de medicións, as mesmas deberán contemplarse no caso que se redacte proxecto modificado. Artigo 162.2: “…Cuando sea necesaria la ejecución de unidades nuevas no previstas en el proyecto, el director de las obras elevará al órgano de contratación las propuestas de los precios nuevos y la repercusión sobre el plazo de ejecución del contrato. La conformidad por parte del contratista a los nuevos precios y a la variación del plazo total de la obra será condición necesaria para poder comenzar los trabajos correspondientes a las unidades nuevas…” Artigo 141.2: “…Si el órgano de contratación decide la modificación del proyecto ésta se tramitará con arreglo a las normas generales de la Ley y de este Reglamento, acordando la suspensión temporal, total o parcial de la obra, ordenando en este último caso la iniciación de los trabajos en aquellas partes no afectadas por las modificaciones previstas en el proyecto.” Considerando.- Que o 107.1 nos seus apartados “a)” “b” e “e)” do RDL 3/2011 de 14 de novembro, polo que se aproba o Texto Refundido da Lei de Contratos do Sector Público, que establece que: “Las modificaciones no previstas en los pliegos o en el anuncio de licitación solo podrán efectuarse cuando se justifique suficientemente la concurrencia de alguna de las siguientes circunstancias: a) Inadecuación de la prestación contratada para satisfacer las necesidades que pretenden cubrirse mediante el contrato debido a errores u omisiones padecidos en la redacción del proyecto o de las especificaciones técnicas. b) Necesidad de ajustar la prestación a especificaciones técnicas, medioambientales, urbanísticas, de seguridad o de accesibilidad aprobadas con posterioridad a la adjudicación del contrato. e) Necesidad de ajustar la prestación a especificaciones técnicas, medioambientales, urbanísticas, de seguridad o de accesibilidad aprobadas con posterioridad a la adjudicación del contrato. Considerando.- Que o artigo 156.3 do TRLCSP establece que: “…la formalización del contrato deberá efectuarse no más tarde de los quince días hábiles siguientes a aquél en que se reciba la notificación de la adjudicación a los licitadores y candidatos en la forma prevista en el artículo 151.4….” Considerando.- Que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Aprobar o proxecto modificado da obra “Edificio de usos náutico-deportivos na Illa de Arousa”. 2.- Modificar o contrato de execución da obra “Edificio de usos náutico-deportivos na Illa de Arousa”, establecendo o seu importe en 1.372.966,37 €, cunha variación porcentual con respecto o proxecto inicial do 7,68 % e unha variación cuantitativa de 80.962,95 € mais 17.002,22 € correspondentes o IVE. 3.- A empresa Ogmios Proyecto, S.L. (CIF B-15.886.328), deberá constituír unha garantía complementaria na parte proporcional á modificación, achegando a cantidade de 4.048,15 €, no prazo de dez días naturais, a contar dende o día seguinte á de notificación deste acordo. 4.- O contratista deberá proceder á formalización da modificación do contrato, no prazo de quince días hábiles, a contar dende o día seguinte á notificación deste acordo. A formalización do contrato quedará supeditada á previa constitución da garantía complementaria anteriormente referida. 5.- O director de obra e o contratista deberán formalizar acta de reinicio das obras o día seguinte á formalización do contrato. 6.- O prazo de execución do contrato será de oito (8) meses a contar dende a sinatura da acta de reanudación de obra. 5.24860.- INICIO DO PROCEDEMENTO DE RESOLUCIÓN DO CONTRATO DO SERVIZO DE LIMPEZA NO CENTRO PRÍNCIPE FELIPE DA DEPUTACIÓN DE PONTEVEDRA (Expte. nº 2015002964) Resultando.- Que a Xunta de Goberno da Deputación en sesión celebrada o día 6 de marzo de 2015, acordou aprobar o expediente de contratación e iniciar o procedemento aberto para a adxudicación do contrato do “Servizo de limpeza no centro Príncipe Felipe da Deputación de Pontevedra”. Resultando.- Que a Xunta de Goberno na súa sesión ordinaria celebrada o día 19 de xuño de 2015 acordou adxudicar á empresa Limpiezas del Noroeste, S.A.U. (LINORSA) (CIF:A36.621.464) o contrato para a prestación do servizo de limpeza no Centro Príncipe Felipe da Deputación de Pontevedra, prezo de 1.013.203,28 €, e un prazo de execución de 2 anos. Resultando.- Que con data 27/07/2015 formalizouse o contrato administrativo entra a Deputación e LINORSA, entrando en vigor o mesmo con data 01/08/2016. Resultando.- Que iniciado o contrato, por parte dos traballadores da empresa non se pon en coñecemento da Deputación de Pontevedra ningún incumprimento ata o mes de decembro de 2015. En dita data os traballadores manifestan oralmente ó Xefe de Sección do Centro Príncipe Felipe o impago da paga extra correspondente o mes de decembro e os atrasos estipulados por convenio. Resultando.- Que mediante auto ditado polo Xulgado do mercantil nº3 de Pontevedra de data 19/04/2016, declarouse en concurso con carácter voluntario a empresa Limpiezas del Noroeste, S.A.U. (CIF A-36.621.464), non solicitando o deudor a liquidación do seu patrimonio. Resultando.- Que mediante escrito de data 29/07/2016 o xefe de sección do centro Príncipe Felipe informa que durante o mes de xullo o contratista non procedeu a sustituir ás persoas que disfrutaban de vacación, motivo polo que non se puideron realizar as limpezas xerais nos Centros Escola Fogar e Centro Agarimo que habitualmente se fan durante a época estival. Resultando.- Que con data 04/10/2016 o Xefe do Servizo de Contratación emitiu informe co seguinte contido: “A declaración do concurso é unha das causas previstas para a resolución dos contratos, previstas no artigo 223 do TRLCSP, pudendo a Deputación continuar de forma potestativa co contrato mentres non se abra a fase de liquidación do concurso. Asemade outra das causas de resolución do contrato recollida no artigo 223 e o incumprimento das obrigas contractuais esenciais. É requisito imprescindible que o contratista garanta a prestación satisfactoria do servizo.Neste senso o contratista, como se recolle no informe do xefe de sección de Príncipe Felipe, deixou de realizar a prestación contratada no mes de xullo debido a que non substiuiu o persoal que estaba de vacacións. Coa finalidade de proporcionar unha vía de solución estable á prestación do servizo de limpeza nun centro tan especialmente sensible coma a Cidade Infantil Príncipe Felipe, se propón un expediente de resolución de contrato , se así o estima o órgano de contratación, procedendo a unha nova licitación polo trámite de urxencia. Polo dito anteriormente, e de conformidade co disposto no artigo 109.1.a) do Real Decreto 1098/2001 en relación co artigo 84 da Lei 30/92, debe iniciarse un procedemento de resolución de contrato, unha vez emitido este informe, dando audiencia ó contratista, para que no prazo de DEZ DÍAS NATURAIS, faga as alegacións que estime oportunas, pudendo aportar aqueles documentos ou elementos de xuízo que teña por convintes. Considerando.- Que o artigo 220 do Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público establece que o órgano de contratación ostenta a prerrogativa de interpretar os contratos administrativos acordar a súa resolución e determinar os efectos desta. Considerando.- Que o contrato formalizouse con data 27/07/2015, quedando vinculado ó adxudicatario ó contido contractual, debendo de cumprir a execución do contrato a tenor do disposto nas súas cláusulas e o prego de cláusulas administrativas e prescricións técnicas xerais e particulares, tal e como se dispón nos artigos 208 e 209 do Real Decreto Lexislativo 3/2011, de 14 de novembro, polo que se aproba o texto refundido da Lei de Contratos do Sector Público e a cláusula 21 do prego de condicións económico administrativas que rexeron esta contratación. Considerando.- Que tanto a Directiva 2004/18/CE do Parlamento Europeo e do Concello, de 31 de marzo de 2004, sobre coordinación dos procedementos de adxudicación dos contratos públicos de obras, de subministros e de servizos, como a nova Directiva 2014/24/UE do Parlamento Europeo e do Consello de 26 de febreiro de 2014 sobre contratación pública, permiten que os poderes adxudicadores poidan esixir nos pregos condicións especiais de execución do contrato en materia de emprego. Considerando.- Que a celebración de contratos por parte das Administracións Públicas requirirá a previa tramitación do correspondente expediente, tal e como recolle o artigo 109.3 do TRLCSP, debendo incorporarse o mesmo diversos documentos, entre eles o prego de cláusulas administrativas, sendo este un documento esencial xa que nel incluiranse os pactos e condicións definidores dos dereitos e obrigacións das partes do contrato, e as normas que regulan o procedemento de adxudicación do contrato. Considerando.- Que en virtude do artigo 150.2 TRLCSP os criterios que han de servir de base para a adxudicación do contrato determinaranse polo órgano de contratación e detallaranse no anuncio, nos pregos de cláusulas administrativas particulares. Considerando.- Que a cláusula terceira do prego de cláusulas economico-administrativas particulares que rexeron esta contratación, establece que o adxudicatario está obrigado ó cumprimento, baixo a súa responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. Considerando.- Que na cláusula 16, coa referencia “Regras especiais con respecto ó persoal laboral da empresa contratista, se establece que: “… asume la obligación de ejercer de modo real, efectivo y continuo, sobre el personal integrante del equipo de trabajo encargado de la ejecución del contrato, el poder de dirección inherente a todo empresario. En particular, asumirá la negociación y el pago de los salarios, la concesión de permisos, licencias y vacaciones, las obligaciones legales en materia de Seguridad Social, incluido el abono de cotizaciones y el pago de prestaciones, cuando proceda, las obligaciones legales en materia de prevención de riesgos laborales, el ejercicio de la potestad disciplinaria, así como cuantos derechos y obligaciones se deriven de la relación contractual entre empleado y empleador...” Considerando.- Que na cláusula 18 do prego de cláusulas económico-administrativas, no referente ás obrigas do contratista sinalase que: “el contratista deberá cumplir con los deberes derivados de las disposiciones vigentes en materia de protección del empleo, condiciones de trabajo y prevención de riesgos laborales según la legislación competente en esa materia…” Considerando.- Que na cláusula 21 do prego de cláusulas económico-administrativas, no referente á responsabilidade do contratista sinálase que : “…El contratista será el responsable de la calidad técnica de los trabajos que desarrolle y de las prestaciones y servicios realizados, así como de las consecuencias que se deduzcan para la Administración o para terceros de las omisiones, errores, métodos inadecuados o conclusiones incorrectas en la ejecución del contrato…” Considerando.- Que o apartado 1.7 do anexo I do prego establecese que no caso de incumprimento dos compromisos ou das condicións especiais da execución do contrato ofertados polo contratista, poderase optar entre a resolución do contrato ou a imposición de penalidades. Considerando.- Que As obrigas sociais e laborais recollidas nas causas referenciadas anteriormente son condicións e características na execución do servizo e polo tanto teñen a consideración de obrigas esenciais do contrato, tal e mo se prevé no anexo I do prego de condicións. Considerando.- Que a cláusula quinta do contrato administrativo establece que o contrato poderá extinguirse por calquera das causas de resolución enumeradas nos artigos 223 e 308 do TRLCSP. Considerando.- Que o artigo 223 do TRLCSP establece que son causas de resolución do contrato: b) A declaración de concurso ou a declaración de insolvencia en calquera outro procedemento. f) O incumprimento das restantes obrigas contractuais esenciais, cualificadas como tales nos pregos e no contrato. h) As establecidas expresamente no contrato.O artigo 109 do Real Decreto 1098/2001 recolle que a resolución do contrato se acordará polo órgano de contratación, de oficio ou a instancia do contratista debendo, entre outros, de darlle audiencia ó contratista. Considerando.- Que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1) Iniciar o expediente de resolución do contrato de Servizo de Limpeza no Centro Príncipe Felipe da Deputación de Pontevedra. 2) Requirir a Limpiezas del Noroeste, S.A.U. (LINORSA) (CIF: A36.621.464), para que no prazo de dez días naturais, faga as alegacións que estime oportunas, e concretamente se mostra a súa conformidade ou oposición á resolución do contrato, pudendo ademais aportar aqueles documentos ou elementos de xuízo que teñan por convenientes. 6.24861.- PRESTAR CONFORMIDADE Ó PROXECTO MODIFICADO ACHEGADO POLO CONCELLO DE O GROVE RELATIVO Ó INVESTIMENTO “ACCESIBILIDADE EN BEIRAMAR”, INCLUÍDO NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS (PUSIM/14) O Pleno da Deputación, na súa sesión de 28 de febreiro de 2014, acordou a aprobación das Bases Reguladoras do Plan Urxente de Mantemento de Servizos e Infraestruturas Municipais (PUSIM/14), que foron publicadas no Boletín Oficial da Provincia de Pontevedra (BOPPO) número 44, do 5 de marzo de 2014, sendo o seu obxecto, no marco da cooperación económica, a concesión de subvencións ás entidades locais da provincia para financiar a realización de investimentos e os gastos correntes nos que incorren na súa actividade como xestores públicos. Se ben se debe ter en conta a modificación do dito plan aprobado mediante acordo plenario do 30 de maio de 2014, publicado no BOPPO núm. 105, do 3 de xuño de 2014. Mediante acordo da Xunta de Goberno núm. 3.23887, de 13 de novembro de 2015, concedeuse subvención ó abeiro do PUSIM/14, por importe de 156.958,08 € ó Concello de O Grove co obxecto do financiamento do investimento “Accesibilidade en beiramar” cun orzamento polo mesmo importe. Esta subvención é froito dun cambio de aplicación por mor da renuncia do Concello do Grove a executar o investimento “Centro de investigación e desenvolvemento da carpintería de Ribeira”. A concesión foi publicada no BOPPO núm. 235 do 4 de decembro de 2015. En data 05/07/2016 ten entrada no rexistro xeral da Deputación, co número de rexistro 2016071231, escrito do Concello do Grove mediante o cal achega un proxecto modificado do investimento salientado no parágrafo anterior, dado que existe unha inadecuación da prestación contemplada inicialmente no proxecto ás necesidades que pretenden cubrir coa execución do investimento. Neste sentido, o concello o 29/07/2016, núm. de rexistro 2016078850, achega un escrito poñendo en coñecemento da Deputación que dito proxecto modificado foi aprobado pola Xunta de Goberno Municipal o día 26 de xullo de 2016. Fundamentación Xurídica: Normativa Examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do Procedemento Administrativo Común da Administracións Públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto Lexislativo 3/2011, de 14 de novembro, polo que se aproba o texto refundido da Lei de contratos do Sector Público. - Bases de execución do Orzamento Provincial para o ano 2016. - Bases reguladoras do PUSIM/14. Consideracións xurídicas: Instrución do expediente: - Base reguladora 10ª do PUSIM/14, relativa á instrución, procedemento e xustificación, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. Petición e evacuación de informes: - Artigo 80 Lei 39/2015, de 1 de outubro, de Procedemento Administrativo Común das Administracións Públicas, sobre a petición e a evacuación de informes. - Artigo 88.6 Lei 39/2015, de 1 de outubro, de Procedemento Administrativo Común das Administracións Públicas, que sinala que a aceptación de informes ou ditames servirá de motivación á Resolución cando se incorporen ó texto da mesma. Procedencia do modificado: - Base 14ª do PUSIM/14 que dispón que os modificados axustaranse ó disposto no TRLCSP de deberán comunicárselle a Deputación xunto co proxecto e o acordo do órgano competente. En concreto o artigo 107 do TRLCSP establece que as modificacións non previstas na documentación que rixe a licitación poderá efectuarse, entre outras, causas pola inadecuación da prestación contratada ás necesidades que pretenden cubrirse mediante o contrato debido a erros u omisión padecidos na redacción do proxecto. - Artigo 64 do RLXS que dispón que unha vez recaído un acordo ou resolución de concesión pódese solicitar unha modificación do seu contido, de acordo co disposto nas bases reguladoras da subvención. - Bases 25ª.5ª de execución do orzamento provincial para o exercicio 2016 que regula as obrigas dos beneficiarios en relación co disposto no artigo 14 da LXS, de xeito que estes quedan obrigados a comunicar calquera eventualidade ou circunstancia que altere ou dificulte o desenvolvemento da finalidade pretendida coa subvención, co obxecto de que, se sé estiman con suficiente anterioridade, poida procederse á modificación tanto do contido e contía do programa a subvencionar coma da súa forma e prazos de execución e xustificación dos correspondentes gastos. De acordo con todo o sinalado, no exercicio da competencias que atribúe o artigo 35 da lei 7/1985, de 2 de abril, reguladora das bases do réxime local, o artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2016, e visto o informe favorable de supervisión do proxecto modificado “Accesibilidade en beiramar” emitido pola xefatura dos servizos técnicos de mobilidade, de data 8 de setembro de 2016, da xefa do servizo de cooperación, de data 13 de setembro de 2016, que conclúe favorablemente a tramitación do modificado e o da Intervención Provincial de data 3 de outubro de 2016, a Xunta de Goberno acorda por unanimidade: - Prestar conformidade o proxecto modificado achegado polo Concello de O Grove, CIF.: P3602200B, relativo ó investimento “Accesibilidade en beiramar”, incluído no Plan urxente de mantemento de servizos e infraestruturas municipais 2014 (PUSIM/14). - Darlle traslado do acordo á Intervención Provincial, ó Servizo de Cooperación, ó Gabinete de Presidencia e ó Concello de O Grove. 7.24862.- ADDENDA Ó CONVENIO DE COLABORACIÓN ENTRE A DEPUTACIÓN PROVINCIAL DE PONTEVEDRA, O CONCELLO DE CANGAS E O ALONDRAS CLUB DE FÚTBOL, PARA O DESENVOLVEMENTO DAS NOVAS ACTUACIÓNS DERIVADAS DE “REMATE DA OBRA NOVA BANCADA NO CAMPO DE FÚTBOL DO ALONDRAS” Retírase da orde do día, pendente de mellor estudo, expediente relativo á “Addenda ó convenio de colaboración entre a Deputación provincial de Pontevedra, o Concello de Cangas e o Alondras Club de Fútbol, para o desenvolvemento das novas actuacións derivadas de “Remate da obra nova bancada no Campo de Fútbol do Alondras”. 8.24863.- APROBACIÓN DAS BASES QUE REGULAN A CONVOCATORIA DE “AXUDAS DE ESTUDOS PARA O CURSO 2016/2017” De conformidade co previsto no artigo 68 do V Acordo regulador para persoal funcionario e artigo 81 do I Convenio Colectivo para persoal laboral, a Xunta de Goberno acorda por unanimidade aprobar a convocatoria e bases das axudas de estudos correspondentes ó ano 2016/2017, elaboradas pola Comisión paritaria mixta en desenvolvemento do indicado no referido artigo. Estas axudas concederanse con cargo á consignación económica que se contemple no próximo orzamento provincial na aplicación 921.323.481.01, e segundo á táboa de módulos que se establece nas bases en función dos estudios cursados polos interesados e os grupos de clasificación do titular beneficiario das axudas. Ditas bases son como seguen: A) BASES PARA A CONCESIÓN DE AXUDAS DE ESTUDOS A FUNCIONARIOS CURSO 2016-2017 “De conformidade co disposto no V Acordo regulador para persoal funcionario e I Convenio Colectivo para persoal laboral da Deputación Provincial de Pontevedra, as axudas de estudos universitarios para ano 2016/2017, se rexerán polas seguintes BASES 1. BENEFICIARIOS/AS Poderán ser beneficiarios das axudas de estudos os funcionarios de carreira e do persoal laboral fixo da Deputación Provincial que se encontren en servizo activo antes da finalización do prazo de entrega das solicitudes. Quedan excluídos destas axudas os funcionarios de emprego, os funcionarios interinos, os bolseiros e os contratados temporais. 2. ESTUDOS Estas axudas, que se concederán para a realización de estudos en centros ou institucións docentes oficiais ou homologados polo Ministerio de Educación e Ciencia (MEC) ou pola Consellería de Educación da Xunta de Galicia, ou estudios realizados no estranxeiro que estean homologados, clasifícanse da seguinte forma: a) Estudos medios ou superiores, cursos de posgrao, cursos de práctica xurídica ou masters en domicilio. Tamén os estudos realizados na Universidade Nacional a Distancia (UNED). b) Estudos medios ou superiores, cursos de posgrao, cursos de práctica xurídica ou masters fóra do domicilio. c) Proxecto de fin de carreira. 3. INCOMPATIBILIDADES As axudas serán incompatibles con calquera outra concedida por institucións públicas ou privadas, bolsas de estudos, etc., salvo o sinalado no parágrafo terceiro desta base, incorrendo en responsabilidades legais os que faltasen á verdade na declaración que emitan a este respecto. Cando se soliciten axudas para cursar distintos estudos, tramitarase o de maior contía. Nos casos de exención de matricula por expediente académico ou familia numerosa, independentemente da contía de exención de taxas académicas, acreditarase o importe da axuda que corresponda, previa xustificación de tal condición. 4. CRITERIOS PARA A CONCESIÓN DAS AXUDAS Por cursar estudos contemplados no apartado 2 a), b) e c), aboarase o 50% do custo da matrícula e, de efectuarse en centros ou universidades privadas, a mesma porcentaxe equivalente a unha carreira ou materia similar dun centro público. A dita cantidade sumarase una axuda económica en función dos estudos cursados polos interesados e seus respectivos grupos de clasificación: ESTUDOS/GRUPOS FUNCIONARIOS A1 A2 C1 C2 E Cursos Medios, Superiores ou doutorado 90,00 € 100,00 € 110,00 € 120,00 € 130,00 € Por cada sobresaliente ou matrícula de honra nunha disciplina de estudos medios e superiores no curso anterior 2015/2016 (incluída a UNED) (cun máximo de 100,00 €). Finalizados os estudos, o aboo desta cantidade quedará supeditada a existencia de consignación orzamentaria. 20,00 € En todo caso o importe total da axuda non poderá superar os 800,00 €. 5. PRESENTACIÓN DE SOLICITUDES As solicitudes de estudos poderán presentarse en modelo oficial debidamente cuberto no Rexistro xeral da Deputación ata o día 15 de novembro de 2016, este incluído. En calquera caso, deberán achegar as solicitudes, segundo o caso, a seguinte documentación en orixinal ou fotocopia debidamente compulsada: a) Estudos medios ou superiores, cursos de posgrao, cursos de práctica xurídica, másters e estudos realizados na Universidade Nacional de Educación a Distancia (UNED): - Certificado que acredite curso completo ou folla de matrícula onde consten as materias que se vaian cursar ou a súa exención. - Xustificante do pagamento da matrícula. b) Proxecto fin de carreira: - Xustificación de matrícula e o seu pagamento. 6. DOTACIÓN ECONÓMICA De conformidade co establecido no V Acordo regulador e I Convenio colectivo, as axudas de estudos imputaranse á aplicación orzamentaria 921.3260.481.01. Por outra parte, en aplicación do previsto no artigo 109 do texto refundido da Lei Xeral da Seguridade Social, aprobado polo Real decreto lexislativo 1/1994, de 20 de xuño, en redacción dada pola disposición final terceira do Real decreto -lei 16/2013, do 20 de decembro, de medidas para favorecer a contratación estable e mellorar a empregabilidade dos traballadores, as cantidades que se abonen en concepto de axuda de estudos serán incluídas na base de cotización á seguridade social, estando excluídas as axudas destinadas a formación do persoal. 7. INTERPRETACIÓN DAS BASES Calquera dúbida que poida xurdir na aplicación e interpretación destas bases resolverase na Comisión paritaria mixta.” B) BASES PARA A CONCESIÓN DE AXUDAS DE ESTUDOS UNIVERSITARIOS CURSO 2016-2017 “De conformidade co disposto no V Acordo regulador para persoal funcionario e I Convenio Colectivo para persoal laboral da Deputación Provincial de Pontevedra, as axudas de estudos universitarios para o ano 2016/2017, se rexerán polas seguintes BASES 1. BENEFICIARIOS/AS Poderán ser beneficiarios das axudas de estudos: a) Os fillos dos funcionarios de carreira e o persoal laboral fixo da Deputación Provincial que se encontren en servizo activo antes da finalización do prazo de entrega das solicitudes. b) Os fillos das parellas de feito dos beneficiarios incluídos no apartado a), segundo o disposto no anexo V do Acordo-Regulador e do I Convenio Colectivo. c) Con carácter excepcional os fillos dos beneficiarios sinalados no apartado a), falecidos en servizo activo ata que finalicen os estudos. Quedan excluídos destas axudas os fillos dos funcionarios de emprego, os funcionarios interinos, os bolseiros e os contratados temporais, ademais dos fillos do persoal incluído no apartados a) que teñan máis de 30 anos cando finalice o prazo de entrega das solicitudes. 2. ESTUDOS Estas axudas, que se concederán para a realización de estudos en centros ou institucións docentes oficiais ou homologados polo Ministerio de Educación e Ciencia (MEC) ou pola Consellería de Educación da Xunta de Galicia, ou estudos realizados no estranxeiro que estean homologados, clasifícanse da seguinte forma: a) Estudos medios ou superiores, cursos de posgrao, cursos de práctica xurídica ou masters en domicilio. Tamén os estudos realizados na Universidade Nacional a Distancia (UNED). b) Estudos medios ou superiores, cursos de posgrao, cursos de práctica xurídica ou masters fóra do domicilio. c) Curso de adaptación pedagóxica, obtención do Diploma de Estudos Avanzados (DEA) e proxecto de fin de carreira. 3. INCOMPATIBILIDADES As axudas serán incompatibles con calquera outra concedida por institucións públicas ou privadas, bolsas de estudos, etc., salvo o sinalado no parágrafo terceiro desta base, incorrendo en responsabilidades legais os que faltasen á verdade na declaración que emitan a este respecto. De terse solicitada unha bolsa ó MEC non se procederá o pagamento da axuda en tanto non se xustifique a súa concesión ou desestimación presentando a correspondente notificación do Ministerio. En principio, non se atenderán as solicitudes onde se xustifique a petición doutra bolsa cando a contía supere o importe da axuda que a Deputación lle destina ó beneficiario, salvo que se acreditase a súa denegación. Cando se soliciten axudas para cursar distintos estudos, tramitarase o de maior contía. Nos casos de exención de matricula por expediente académico ou familia numerosa, independentemente da contía de exención de taxas académicas, acreditarase o importe da axuda que corresponda, previa xustificación de tal condición. 4. CONTÍA Con cargo á consignación económica prevista na aplicación 921.3260.481.01 do orzamento provincial, as axudas de estudos previstas no apartado 2. a), b) e c) concederanse conforme a seguinte escala, establecida en función dos estudos cursados polos interesados e os grupos de clasificación do titular beneficiario das axudas: ESTUDOS/GRUPOS A1 A2 C1 C2 E Estudos medios ou superiores, cursos de posgrao, de práctica xurídica ou masters en domicilio 391,40 € 442,90 € 473,80 € 525,30 € 561,35 € Estudos medios ou superiores, cursos de posgrao, de práctica xurídica ou masters fóra do domicilio 772,50 € 885,80 € 927,00 € 1.040,30 € 1.133,00 € Proxecto fin de carreira ou similar sen outra matricula 100,00 € 115,00 € 120,00 € 135,00 € 145,00 € Por cada sobresaliente ou matrícula de honra nunha disciplina de estudos medios e superiores, no curso anterior 2015/2016 (incluída a UNED) (cun máximo de 300,00 €) Finalizados os estudos, o abono desta cantidade quedará supeditada a existencia de consignación orzamentaria. 100,00 € Dado que é difícil valorar de antemán as peticións de cada un dos módulos e, por conseguinte, a montaxe total das axudas, en caso de superarse o crédito global existente ou de producirse excedentes na partida, a Comisión Paritaria Mixta revisará as cantidades sinaladas na táboa de módulos para axustalas á consignación orzamentaria. 5. CRITERIOS PARA A CONCESIÓN DAS AXUDAS 1. Tendo en conta a clasificación de axudas de estudos prevista no apartado 2, aboaranse os importes establecidos no apartado 4 conforme os seguintes criterios: a. Aplicando a totalidade do importe indicado na táboa de módulos da base 4, nos supostos de curso completo, seis ou máis materias de ensinanzas de primeira matrícula, ou 50 créditos nas materias de segunda e sucesivas matrículas. b. Aplicando o 50% do importe establecido na táboa de módulos da base 4, nos supostos dunha a cinco nas ensinanzas non REPETIDAS ou menos de 50 créditos nas REPETIDAS. No caso de que non se reflicta o pagamento de taxas, exención ou materias que se cursen, deberá presentarse un certificado ou expediente académico onde se fagan constar as materias de primeira, segunda e sucesivas matrículas, así como os seus créditos. 2. Consideraranse estudos no domicilio aqueles que se realicen en centros situados dentro do propio concello onde este situada a residencia da/o funcionaria/o ou traballador/a da Deputación nun radio igual ou inferior a dez (10) quilómetros. Consideraranse estudos fóra do domicilio todos os demais. Esta circunstancia acreditarase coa certificación do empadroamento do funcionario que solicita a axuda. 3. Exclúense destas bases os cursos de perfeccionamento, preparación e ingresos en academias privadas ou similares. 4. Todas as axudas increméntanse nun 100% no suposto de que o solicitante ou beneficiario estea afectado por unha grande invalidez física ou psíquica, nun grao igual ou superior ó 65% de minusvalía; ou nun 50% se é inferior, o que se acreditará cunha resolución xudicial ou administrativa que o recoñeza. 6. PRESENTACIÓN DE SOLICITUDES As solicitudes deberán presentarse en modelo oficial debidamente cuberto no Rexistro xeral da Deputación ata o 15 de novembro de 2016, este incluído debendo achegar, segundo o caso, a seguinte documentación en orixinal ou fotocopia debidamente compulsada: a) Estudos medios ou superiores, cursos de posgrao, cursos de práctica xurídica ou másters en domicilio. Estudos realizados na Universidade Nacional de Educación a Distancia (UNED): - Certificado que acredite curso completo ou folla de matrícula onde consten as materias que se vaian cursar ou a súa exención. - Xustificante do pagamento da matrícula. - Fotocopia do DNI do fillo/a beneficiario se é caso. b) Estudos medios ou superiores, cursos de posgrao ou másters fóra de domicilio: - Certificado de empadroamento do FUNCIONARIO. - Certificado que acredite curso completo ou folla de matrícula onde consten as materias que se vaian cursar ou a súa exención. - Xustificante do pagamento da matrícula. - Fotocopia do DNI do fillo/a beneficiario se é caso. c) Cursos de adaptación pedagóxica, de obtención de Diploma de Estudos Avanzados (DEA), de posgrao ou da Universidade de aulas de formación aberta: - Xustificación de matrícula e o seu pagamento. - Fotocopia do DNI do fillo/a beneficiario se é caso. De non figurar o documento esixido, será necesario presentar un certificado ou expediente académico onde se faga constar qué materias son de primeira matrícula e os seus créditos e cáles son de segunda e sucesivas matrículas. 7. DOTACIÓN ECONÓMICA De conformidade co establecido no V Acordo regulador e I Convenio colectivo, as axudas de estudos imputaranse á aplicación orzamentaria 921.3260.481.01. Por outra parte, en aplicación do previsto no artigo 109 do texto refundido da Lei Xeral da Seguridade Social, aprobado polo Real decreto legislativo 1/1994, de 20 de xuño, en redacción dada pola disposición final terceira do Real decreto-lei 16/2013, do 20 de decembro, de medidas para favorecer a contratación estable e mellorar a empregabilidade dos traballadores, as cantidades que se abonen por este concepto serán incluidas na base de cotización á seguridade social. 8. INTERPRETACIÓN DAS BASES Calquera dúbida que poida xurdir na aplicación e interpretación destas bases resolverase na Comisión paritaria mixta.” C) BASES PARA A CONCESIÓN DE AXUDAS DE ESTUDOS NON UNIVERSITARIOS CURSO 2016-2017 “De conformidade co disposto no artigo 68 do V Acordo regulador para persoal funcionario e I Convenio Colectivo para persoal laboral da Deputación Provincial de Pontevedra, as axudas de estudos non universitarios para o curso 2016/2017, se rexerán polas seguintes BASES 1. BENEFICIARIOS/AS Poderán ser beneficiarios das axudas de estudos: a) Os fillos dos funcionarios de carreira e do persoal laboral fixo da Deputación Provincial, que se encontren en servizo activo antes da finalización do prazo de entrega das solicitudes. b) Os fillos das parellas de feito dos beneficiarios incluídos no apartado a), segundo o disposto no anexo V do Acordo-regulador para persoal funcionario e do I Convenio Colectivo para persoal laboral. c) Con carácter excepcional os fillos dos beneficiarios sinalados no apartado a), falecidos en servizo activo ata que finalicen os estudos. Quedan excluídos destas axudas os fillos dos funcionarios de emprego, os funcionarios interinos, os bolseiros e os contratados temporais, ademais dos fillos do persoal incluído nos apartados a) e d) que teñan máis de 30 anos cando finalice o prazo de entrega das solicitudes. 2. ESTUDOS Estas axudas, que se concederán para a realización de estudos en centros ou institucións docentes oficiais ou homologados polo Ministerio de Educación e Ciencia (MEC) ou pola Consellería de Educación da Xunta de Galicia, ou estudios realizados no estranxeiro que estean homologados, clasifícanse da seguinte forma: a) Garderías, colexios infantís e xardíns de infancia. b) Educación infantil e primaria. c) ESO, cursos de acceso + 25 años, cursos de formación profesional. d) Formación profesional, Bacharelato, e estudos de ensinanzas artísticas, recollidas como tales no art. 45 da Lei orgánica 2/2006, de 3 de maio, de educación e) Escola oficial de idiomas e outros estudos de ensinanzas artísticas. 3. INCOMPATIBILIDADES Para manter o carácter exento no IRPF estas axudas serán incompatibles con calquera outra concedida por institucións públicas ou privadas, bolsas de estudos, etc., incorrendo en responsabilidades legais os que faltasen á verdade na declaración que emitan a este respecto. De terse solicitada unha bolsa ó MEC non se procederá o pagamento da axuda en tanto non se xustifique a súa concesión ou desestimación presentando a correspondente notificación do Ministerio. En principio, non se atenderán as solicitudes onde se xustifique a petición doutra bolsa cando a contía supere o importe da axuda que a Deputación lle destina ó beneficiario, salvo que se acreditase a súa denegación. Cando se soliciten axudas para cursar distintos estudos, tramitarase o de maior contía. Nos casos de exención de matricula por expediente académico ou familia numerosa, independentemente da contía de exención de taxas académicas, acreditarase o importe da axuda que corresponda. 4. CRITERIOS PARA A CONCESIÓN DAS AXUDAS 1. De acordo coa clasificación de axudas de estudos prevista no apartado 2, aboarase a cantidade establecida na táboa de módulos da base 5. 2. As axudas para garderías, colexios infantís e xardíns de infancia concederanse por fillos acollidos nalgún destes centros, cando así o xustifiquen mediante a correspondente matrícula. 3. Exclúense destas bases os cursos de perfeccionamento, preparación e matricula en academias privadas ou similares. 4. Todas as axudas increméntanse nun 100% no suposto de que o solicitante ou beneficiario estea afectado por unha grande invalidez física ou psíquica, nun grao igual ou superior ó 65% de minusvalía; ou nun 50% se é inferior, o que se acreditará cunha resolución xudicial ou administrativa que o recoñeza. 5. CONTÍA Con cargo á consignación económica prevista na aplicación orzamentaria 921.3260.481.01, as axudas de estudos concederanse conforme a seguinte escala, en función dos estudos cursados polos interesados e os grupos de clasificación do titular beneficiario das axudas: ESTUDOS/GRUPOS A1 A2 C1 C2 E Garderías, colexios infantís e xardíns de infancia 185,40 € 226,60 € 278,10 € 319,30 € 339,90 € Educación infantil, primaria 113,30 € 123,60 € 133,90 € 149,35 € 185,40 € ESO, cursos de acceso + 25 anos, + 45 anos e PCPI. 226,60 € 267,80 € 309,00 € 345,05 € 370,80 € FP e Bacharelato e Ensinanzas artísticas (*) 231,00 € 273,00 € 315,00 € 351,75 € 378,00 € Cursos da Escola Oficial de Idiomas e outras ensinanzas artísticas 113,30 € 123,60 € 133,90 € 149,35 € 185,40 € *Ensinanzas artísticas contempladas no artigo 45.2, b) y c) da LO 2/2006 de 3 de maio de educación. Por cada sobresaliente ou matrícula de honra nunha disciplina de estudos FP e Bacharelato (cun máximo de 150,00 €). Finalizados os estudos, o aboo desta cantidade quedará supeditada a existencia de consignación orzamentaria. 30,00 € Dado que é difícil valorar de antemán as peticións de cada un dos módulos e, por conseguinte, o montante total das axudas, en caso de superarse o crédito global existente ou de producirse excedentes na partida a comisión paritaria mixta revisará as cantidades sinaladas na táboa de módulos para axustalas á consignación orzamentaria. 6. PRESENTACIÓN DE SOLICITUDES As solicitudes deberán presentarse en modelo oficial debidamente cuberto no Rexistro xeral da Deputación, ata o 15 de novembro de 2016, este incluído, debendo achegar o xustificante de estar matriculado no curso 2016/2017 en orixinal ou fotocopia debidamente compulsada. En calquera caso, as solicitudes presentadas fóra de prazo serán desestimadas. 7. DOTACIÓN ECONÓMICA De conformidade co establecido no V Acordo regulador e I Convenio colectivo, as axudas de estudos imputaranse á aplicación orzamentaria 921.3260.481.01. Por outra parte, en aplicación do previsto no artigo 109 do texto refundido da Lei Xeral da Seguridade Social, aprobado polo Real decreto legislativo 1/1994, de 20 de xuño, en redacción dada pola disposición final terceira do Real decreto-lei 16/2013, do 20 de decembro, de medidas para favorecer a contratación estable e mellorar a empregabilidade dos traballadores, as cantidades que se abonen por este concepto serán incluidas na base de cotización á seguridade social. 8. INTERPRETACIÓN DAS BASES Calquera dúbida que poida xurdir na aplicación e interpretación destas bases resolverase na Comisión paritaria mixta.” 9.24864.- BAIXAS E NOVAS ADXUDICACIÓNS DE BOLSAS DE MOBILIDADE DO ALUMNADO PARTICIPANTE NO PROXECTO “PRÁCTICUM DEPO 2015” (PARTE DA 3ª MOBILIDADE) Por Resolución de data 22 de xuño de 2015 da Dirección del Servicio Español para la Internacionalización de la Educación (SEPIE), dependente do Ministerio de Educación, Cultura e Deporte, concédese á Deputación de Pontevedra unha subvención por importe de 1.139.952,00 €, para levar a cabo un proxecto de Erasmus+ de mobilidade de estudantes de ciclos medios de Formación Profesional (FP), que ten por obxecto realizar prácticas en empresas estranxeiras e facilitarlles o proceso de transición do ámbito da educación e a formación ó mercado laboral. O prazo establecido para levar a cabo este proxecto é de 2 anos, que computa do 1 de xuño de 2015 ó 31 de maio de 2017. A Deputación asinou co SEPIE o convenio a través do cal se acepta a subvención concedida e se asume o compromiso de executar o proxecto nos termos e condicións establecidos. De acordo co previsto na memoria do proxecto en cada un dos Centros de Formación Profesional constituíuse un Comité de Mobilidade, encargado da selección dos alumnos participantes, concreción do país de destino e data de inicio da prácticas. Á súa vez, a Deputación creou a oficina de mobilidade que, como instrumento executivo do comité de mobilidade, asesorará en materias xerais relativas á mobilidade do PRACTICUM DEPO 2015, as prácticas, seguros e viaxes, dando cobertura aos participantes e localizándolles a información necesaria para xestionar o desprazamento, a estancia así como calquera outra necesidade e imprevisto relacionado coas súas prácticas. Partindo das propostas, dos Centros de Formación Profesional e do Comité de mobilidade da Deputación, os alumnos distribuíronse en tres grupos: - O primeiro grupo comprendeu un total de 41 alumnos que realizaron as prácticas en empresas de Italia, Reino Unido e Irlanda. - O segundo grupo comprendeu un total de 26 alumnos, que iniciaron a Mobilidade en abril-maio do ano 2016, incorporándose a empresas de Italia e Reino Unido. - O terceiro grupo comprende un total de 56 alumnos, que inician as prácticas no mes de setembro-outubro de 2016, sendo os países de destino Irlanda, Reino Unido e Italia. A duración máxima das prácticas no país estranxeiro é de 196 días (aproximadamente 6 meses e 14 días), podendo ser inferior se durante este período se cumpre un ano para contar dende a finalización dos estudos, nese caso daranse por concluídas en tal data. O importe das bolsas vén determinado polo país de destino e os días de estancia, calculados en cada caso segundo a táboa de módulos do SEPIE e conforme se detalla en documento anexo. A Xunta de Goberno da Deputación de Pontevedra na súa sesión ordinaria do día 9 de setembro de 2016, adoptou, entre outros, o acordo 23.24769.- Adxudicación de corenta e seis bolsas de mobilidade ó alumnado participante no proxecto “Practicum Depo 2015” (parte da 3ª mobilidade). Con posterioridade a esta adxudicación e pagamento desta bolsa, e incluso ao inicio das mobilidades, tres alumnos renunciaron á mobilidade, presentando as correspondentes instancias coa renuncia a través do rexistro de entrada na Deputación de Pontevedra que constan no expediente e procedendo á devolución da totalidade da contía a través da realización dos ingresos correspondentes na conta corrente da Deputación de Pontevedra. Os alumnos que renunciaron á mobilidade son os seguintes: Nome 1º Apelido 2º Apelido Sector Destino Data Inicio Mobilidade Data Fin Mobilidade Total Días Total Axuda Individual Axuda Viaxe 80% da Bolsa 100% Axuda Individual+ Viaxe Francisco Simes Verde Aproveita-mento e conservación do medio natural Reino Unido 02/10/2016 15/04/2017 196 9.602 € 275 € 7.681,60 9.877 € Laura Aguín Álvarez Administra-ción e xestión Italia 02/10/2016 15/04/2017 196 7.934 € 275 € 6.347,20 8.209 € Irene Rodiño Dopazo Administra-ción e xestión Italia 02/10/2016 16/12/2016 76 7.934 € 275 € 6.347,20 8.209 € Esta situación abre a posibilidade de asignar a outros alumnos a esas prazas, para o que os centros educativos socios do proxecto xa tiñan as actas emitidas coa correspondente lista de reserva e que tamén constan no expediente. Neste sentido, resultan 2 alumnos previamente incluídos la lista de reserva e interesados na realización da bolsa Erasmus+ do proxecto Practicum Depo 2015. Normativa aplicable: Estas axudas axustaranse ó previsto nas Bases reguladoras da concesión da subvención: Convocatoria de propostas 2015 - EAC/A04/2014, Programa Erasmus+ (2014/C 344/10), publicada no Diario oficial da Unión Europea de 02/10/2014, así como ao disposto na Lei 38/2003, de 17 de novembro, Xeral de Subvencións, Real decreto 887/2006, de 21 de xullo, polo que se aproba o Regulamento desta Lei e as Bases número 16 e 24 e seguintes das de execución do orzamento para o ano 2016. A concesión destas axudas corresponde á Xunta de Goberno en virtude das facultades que lle atribúe a base 16.2ª de Execución do Orzamento para a anualidade de 2016. Por todo o exposto, en base aos antecedentes e normativa aplicable a este tipo de axudas, proponse que se dea de baixa ao alumnado mencionado no primeiro cadro e se acorde aprobar e declarar de aboo a favor do alumnado que participa neste proxecto Practicum Depo 2015 e que se relaciona no documento anexo, as cantidades que se detallan no mesmo en concepto de axuda por mobilidade, e que comprende o 80% da cantidade asignada pola estancia e o 100% da prevista para gastos de viaxe. Para parte desta 3ª mobilidade con destino a Italia, a contía ascende a 13.968,00 €, contía que xa se atopa dentro da operación total de 405.024,00 € que xa están retidos e dispoñibles dentro do RC nº 201600137764 da aplicación orzamentaria 16/240.2415.481.01/2015. A dita cantidade farase efectiva previa aceptación por parte do interesado destas cantidades co compromiso de cumprir cos obxectivos do programa e destinalos aos fins que se determinan mediante a sinatura do convenio de subvención. A axuda financeira ou parte dela será reembolsada se o participante non cumpre coas súas obrigas. Se o participante rescinde o convenio de participación antes do seu prazo de finalización ou se incumpre o establecido no mesmo, deberá proceder á devolución da cantidade da axuda que se lle aboou. En caso de rescisión do participante por causas de forza maior, isto é, debido a unha situación ou acontecemento imprevisible e excepcional alleo á vontade do participante e non atribuíble a erro ou neglixencia pola súa parte, o participante terá dereito a percibir a contía da axuda correspondente á duración real do período de mobilidade, e calquera fondo restante deberá ser devolto. Os participantes deberán garantir os eventuais reembolsos coa presentación dun escrito asinado por un familiar que se faga responsable da súa devolución, de ser o caso. O cálculo da axuda realízase en función do número de días e do país de destino, segundo vén establecido nas táboas de cálculo aprobadas regulamentariamente, polo que este cálculo podería verse modificado no suposto de que se produza unha variación no número de días. A Mobility Tool realiza o cálculo da contía correspondente de forma automática segundo as franxas de distancia establecidas. Considerando o anterior, a Xunta de Goberno acorda por unanimidade: 1.- Aceptar a baixa do alumnado participante no proxecto Erasmus+ Practicum Depo 2015 seguinte: - Francisco Simes Verde - Laura Aguín Álvarez - Irene Rodiño Dopazo 2.- Aprobar e declarar de aboo a favor do alumnado que participa neste proxecto Practicum Depo 2015 e que se relaciona no documento anexo, as cantidades que se detallan no mesmo en concepto de axuda por mobilidade, e que comprende o 80% da cantidade asignada pola estancia e o 100% da prevista para gastos de viaxe. Para parte desta 3ª mobilidade con destino a Italia, a contía ascende a 13.968,00 €, contía que xa se atopa dentro da operación total de 405.024,00 € que xa están retidos e dispoñibles dentro do RC nº 201600137764 da aplicación orzamentaria 16/240.2415.481.01/2015. 3.- Notificar este acordo ás partes interesadas. Dito anexo é como segue: ANEXO Nome 1º Apelido 2º Apelido Sector Destino Data Inicio Mobilidade Data Fin Mobilidade Total Días Total Axuda Individual Axuda Viaxe 80% da Bolsa 100% Axuda Individual+ Viaxe Noel Míguez Figueiras Electromecánica de vehículos automóbiles ITALIA 02/10/2016 15/04/2017 161 6.709 € 275 € 5.367,20 € 6.984 € Adrián Otero Moreira Instalacións frigoríficas e climatización ITALIA 02/10/2016 15/04/2017 161 6.709 € 275 € 5.367,20 € 6.984 € 10.24865.- AMPLIACIÓN DO NÚMERO DE BOLSAS DE 211 A 212 DO PLAN PRÁCTICA LABORAL NA DEPUTACIÓN E EN CONCELLOS DA PROVINCIA DE PONTEVEDRA 2016 E ADXUDICACIÓN Á BOLSEIRA SUPLENTE Mediante escrito do 25 de novembro de 2015 convócase a todos os concellos da provincia a participar no Plan de práctica laboral do ano 2016, en réxime de concorrencia competitiva e co fin de seleccionar e distribuír entre os solicitantes un total de 166 bolsas destinadas a titulados universitarios e de formación profesional. Por resolución presidencial do 15 de xaneiro de 2016, aprobase a lista definitiva de admitidos e excluídos especificando o número de bolsas e titulacións que se convocan. A Xunta de Goberno da Deputación de Pontevedra en sesión celebrada o 15 de xaneiro de 2016, aprobou o a convocatoria de 200 bolsas de práctica laboral na Deputación e nos concellos da provincia de Pontevedra, destinado a mozos titulados universitarios e de formación profesional, sen experiencia laboral previa, coa finalidade de promover e completar a súa formación académica en áreas de coñecemento ou actividades que poidan facilitar a súa futura incorporación ó mercado laboral. A referida convocatoria comprende un total de 200 bolsas, distribuídas por titulacións da seguinte forma: Titulados Importe S.Social Total Nº Meses Total Titulados Universitarios 800 € 35,24 € 835,24 € 150 12 1.503.432,00 € Ciclos Superiores de FP 700 € 35,24 € 735,24 € 50 12 441.144,00 € Total 200 12 1.944.576,00 € Dado que no Orzamento provincial do ano 2016 consignouse para este plan un total de 2.083.656,00 € nas aplicacións orzamentarias 16/240.2410.481.01 e 16/240.2410.160.03, sería posible tramitar unha ampliación do número de bolsas convocadas, con cargo ó crédito sobrante, que ascende a un total de 139.080,00 €. Na Xunta de Goberno celebrada o 13 de maio de 2016, con motivo das propostas do Servizo de Intervención, Cohesión Social e Xuventude, Promoción de emprego e desenvolvemento local, Servizos Lingüísticos, Servizo de Arquitectura e Servizo de Secretaría Xeral da Deputación de Pontevedra, acórdase a ampliación das bolsas polo que se pasa de 200 a 209 bolsas. Na Xunta de Goberno de 12 de agosto de 2016, con motivo da proposta do Servizo de Asistencia Intermunicipal, acórdase modificar o número de bolsas convocadas nos expedientes C52 e C59, pasando o cómputo total de 209 a 211 bolsas e adxudicar as dúas bolsas da ampliación ós bolseiros suplentes dos expedientes correspondentes. Con data do 3 de outubro a xefa do Servizo de Recursos Humanos e Formación presenta proposta de concesión dunha bolsa de práctica laboral con destino ó Servizo de Recursos Humanos e Formación. Servizo ou Centro da Deputación nº de bolsas solicitadas Expte. Titulación Recursos Humanos e Formación 1 C59 Licenciatura/Grao en Dereito O custo total da referida ampliación concrétase no seguinte cadro: Titulados Importe S.Social Total Nº Meses Total Titulados Universitarios 800 € 35,24€ 835,24 € 1 12 10.022,88 € Tendo en conta que nas aplicacións orzamentarias do Plan de práctica laboral en Deputación e Concellos 16/240.2410.481.01 e 16/240.2410.160.03 código de proxecto 16_BDPO existe crédito suficiente proponse a concesión dunha bolsa de licenciado ou graduado en dereito para a realización de prácticas no Servizo de Recursos Humanos e Formación. Fundamentos xurídicos: - Art. 36 e seguintes da Lei 38/2003 de novembro, xeral de subvencións. - Art. 109 da Lei 39/2015 de 01 de outubro. - Regulamento de Servizos das Corporacións Locais. - Acordo do Pleno de data 23 de xuño de 1983, polo que se delega na Xunta de Goberno o desenvolvemento das Bases que rexerán a concesión das distintas bolsas, conforme os principios establecidos polo Pleno, a adxudicación das mesmas e a súa prórroga. No Boletín Oficial da Provincia, número 11 de data 19 de xaneiro de 2016 publicouse a convocatoria de 200 bolsas de práctica laboral en Servizos da Deputación e Concellos da Provincia de Pontevedra 2016. Nas aplicacións orzamentarias do plan de práctica laboral en Deputación e Concellos 16/240.2410.481.01 e 16/240.2410.160.03 código de proxecto 16_BDPO existe crédito suficiente para a concesión dunha bolsa de licenciado ou graduado en dereito para a realización de prácticas no Servizo de Recursos Humanos e Formación. Polo exposto, considerando a nova proposta do Servizo de Recursos Humanos e Formación, e o informe de intervención de data 7 de outubro de 2016, a Xunta de Goberno acorda por unanimidade: 1º.- Ampliar o número de bolsas convocadas de 211 a 212 conforme se detalla a continuación: Servizo ou Centro da Deputación nº de bolsas solicitadas Expte. Titulación Recursos Humanos e Formación 1 C59 Licenciatura/Grao en Dereito. O custo total da referida ampliación concrétase no seguinte cadro: Titulados Importe S.Social Total Nº Meses Total Titulados Universitarios 800,00 € 35,24€ 835,24 € 1 12 10.022,88 € 2º.- Adxudicar a da ampliación á bolseira suplente do expediente C59 da titulación de Licenciatura/Grao en Dereito, segundo se detalla no seguinte cadro, con efectos do 17 de outubro de 2016 e por un período de 6 meses, podendo ser prorrogada por outros 6 por acordo da Xunta de Goberno, cumprindo o disposto na cláusula décima das bases e sempre que exista dotación orzamentaria. nº exp. Titulación 1º Apelido 2º Apelido Nome NIF Destino Data de Efectos Importe 2 C59 Licenciatura/Grao en Dereito Carracedo Picáns Raquel 77461659M Recursos Humanos e Formación 17/10/2016 800 €/mes As bolsas serán incompatibles con calquera outra actividade remunerada, calquera que sexa a súa natureza. O feito de aceptar e facer uso destas bolsas non xera ningunha relación laboral nin de servizos coa Deputación de Pontevedra nin cos Concellos nos que se desenvolvan as actividades da práctica laboral, polo que non implica, en consecuencia, ningún tipo de compromiso para un posterior contrato ou vencello con este organismo provincial nin cos demais centros de destino. O pagamento do importe da bolsa realizarase por mensualidades vencidas. As cantidades correspondentes estarán suxeitas ás retencións que procedan, de conformidade co previsto no R.d. 439/2007, de 30 de marzo, polo que se aproba o Regulamento do Imposto sobre a Renda das Persoas Físicas, así como na orde pola que se desenvolven as normas reguladoras da cotización á Seguridade Social para este ano 2016. Cun mes de antelación á data prevista de finalización da bolsa, o responsable do Servizo ou Centro do que dependan os bolseiros poderán solicitar, se procede, a prórroga á vista da memoria do bolseiro sobre o conxunto dos traballos realizados (especificando obxectivos conseguidos, metodoloxía empregada e principais resultados dos estudos practicados) e do informe de avaliación e proposta do titor. 11.24866.- PRÓRROGA DE 12 BOLSAS DE PRÁCTICA LABORAL PARA MESTRES COMPOSTEIROS NA DEPUTACIÓN DE PONTEVEDRA Por acordo nº 17.23816 adoptado na Xunta de Goberno da Deputación de Pontevedra, celebrada o 9 de outubro de 2015, aprobouse a convocatoria de 10 bolsas de práctica laboral para Mestres Composteiros, destinadas a persoas desempregadas coa finalidade de completar a súa formación na área de xestión dos residuos orgánicos de orixe doméstico cara á súa incorporación ó mercado laboral, que foi publicada no Boletín Oficial da Provincia, número 198 de data 14 de outubro de 2015. Por acordo nº 15.24306 adoptado na Xunta de Goberno da Deputación de Pontevedra, celebrada o 22/04/2016 aprobouse a ampliación de 10 a 12 o número das bolsas de práctica laboral para Mestres composteiros. Por acordo nº 16.24307 adoptado na Xunta de Goberno da Deputación de Pontevedra, celebrada o 22/04/2016, aprobouse a adxudicación das bolsas convocadas aos 10 aspirantes titulares e os 2 primeiros suplentes con efectos do 1 de maio de 2016 e por un período de 6 meses, podendo ser prorrogadas por outros 6 por acordo da Xunta de Goberno. Por acordo nº 36.24409 adpotado na Xunta de Goberno da Deputación de Pontevedra, celebrada o 13/05/2016, acordouse a ampliación de 12 a 18 o número bolsas e a adxudicación das 6 bolsas da ampliación aos Bolseiros suplentes por un período de 6 meses, podendo ser prorrogadas por outros 6 por acordo da Xunta de Goberno. Na base décima da convocatoria establécese que as bolsas terán unha duración de seis meses, contados desde a data na que a persoa adxudicataria comece o seu labor na empresa correspondente, e poderán ser prorrogadas por outros 6 meses máis por acordo da Xunta de Goberno, cumprindo o disposto na cláusula undécima destas bases e sempre que exista dotación orzamentaria. Na base undécima da convocatoria establécese que cun mes de antelación á data prevista de finalización, o responsable do Servizo ou Centro do que dependan os bolserios deberá presentar no Rexistro Xeral da Deputaicón provincial unha memoria dos Bolseiros sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados, e tamén un informe de avaliación do titor no que deberá indicar se procede ou non a prórroga. Mediante informe de avaliación e a vista da memoria presentadas os titores consideran que procede prorrogar as bolsas. De conformidade con todo o exposto, e en virtude das competencias conferidas polos artículos 35.2.b da Lei 7/1985, de 2 de abril, Reguladora das Bases do Réximen Local, e 105 da Lei 5/1997 de Administración Local de Galicia, e demais normativa de concordante aplicación, considerando o informe de intervención de data 06/10/2016 a Xunta de Goberno acorda por unanimidade prorrogar as bolsas concedidas ós bolseiros que se relacionan no ANEXO I, desde o 01/11/2016 ata o 30/04/2017. A dotación económica das bolsas ascende a un total de 1.400,00 €/mes por beneficiario, o que supón para o ano 2016, un total de 33.600,00 € sendo o custe da seguridade social de 35,24 €/mes por beneficiario, o que supón para o ano 2016 un total de 845,76 €. Estas cantidades imputaranse ás aplicacións orzamentarias segundo o seguinte desagregación, á aplicación 2016/410.1623.481.01 a cantidade de 33.600,00 € en concepto de retribucións e a aplicación 2016/410.1623.160.03, a cantidade de 845,76 € en concepto de cotización á Seguridade Social. Dito anexo é como segue: ANEXO I PRÓRROGA DAS BOLSAS DE PRÁCTICA LABORAL PARA MESTRES COMPOSTEIROS NA DEPUTACIÓN DE PONTEVEDRA APELIDO 1 APELIDO 2 NOME D.N.I. Lobelle Varela Mariña 32702975B Rúa Piñeiro Sofía 78735844J Pousada Capón Gonzalo Juan 76928993L Vázquez García Noemí 44091849K Vilariño Pájaro Francisco Javier 33270281E Alfonsín Moraña Estefanía 77409708B Pazó Calderón Ana 77406475K Vidal Portela Agustín 36143038X Iglesias Rodríguez Jesús 36131578G Fernández Lorenzo Beatriz 76819021X Pintos González Manuel Enrique 44083008N Pintos Estévez Carlos Manuel 35312102H 12.24867.- RATIFICACIÓN DA RESOLUCIÓN PRESIDENCIAL Nº2016018224 DE ADXUDICACIÓN DUNHA BOLSA DE PRÁCTICA LABORAL POR RENUNCIA DO TITULAR De conformidade co disposto nas bases da convocatoria do Plan de práctica laboral en deputación e concellos da provincia de Pontevedra 2016 a Xunta de Goberno acorda por unanimidade ratificar a seguinte Resolución Presidencial: Por Resolución Presidencial nº 2016018224 de data 29 de setembro de 2016, resólvese aprobar a adxudicación unha bolsa de práctica laboral que quedou vacante no Concello de Portas a Francisco Manuel Reguera Lage dende o 1 de outubro de 2016 ata o 16 de novembro de 2016 coa posibilidade de prórroga por seis meses. 13.24868.- RATIFICACIÓN DA RESOLUCIÓN PRESIDENCIAL Nº2016018513 DE ADXUDICACIÓN DUNHA BOLSA DE PRÁCTICA LABORAL POR RENUNCIA DO TITULAR De conformidade co disposto nas bases da convocatoria do Plan de práctica laboral en deputación e concellos da provincia de Pontevedra 2016 a Xunta de Goberno acorda por unanimidade ratificar a seguinte Resolución Presidencial: Por Resolución Presidencial nº 2016018513 de data 4 de outubro de 2016, resólvese aprobar a adxudicación unha bolsa de práctica laboral que quedou vacante no Concello de Gondomar a Elisabet Alonso Fernández dende o 1 de outubro de 2016 ata o 17 de novembro de 2016 coa posibilidade de prórroga por seis meses. 14.24869.- RECOÑECEMENTO EXTRAXUDICIAL DE CRÉDITOS A) Vista a relación de facturas con número 2016038086, que contén unha factura e por un importe de 2.373,49€, correspondendo á empresa Telefónica Móviles España, S.A., e visto o informe que formula a Intervención desta Deputación, de data 10 de outubro de 2016, e os xefes de servizo ou responsables dos centros Xestores no que se pon de manifesto que os gastos se fixeron con vicios de procedemento que implican a nulidade das obrigas, e que necesitan a súa aprobación polo sistema de recoñecemento extraxudicial de créditos, a Xunta de Goberno acorda por unanimidade aprobar: A relación de expedientes de referencia coa seguinte estrutura económica: Importe total 2.373,49 € Descontos do IRPF 0,00 € Descontos do IVE soportado deducible 0,00 € Descontos do honorarios técnicos externos 0,00 € Outros descontos 0,00 € Total líquido 2.373,49 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. B) Recoñecemento extraxudicial da obriga “Certificacion final da obra «Ampliación do museo de pontevedra e rehabilitación do edificio Sarmiento»” Resultando.- Que o Pleno da Corporación Provincial, na súa sesión ordinaria do día 30 de decembro do 2003, adxudicou o contrato da obra “Ampliación do Museo de Pontevedra e rehabilitación do Edificio Sarmiento” á empresa ACS Proyectos, Obras y Construcciones, S.A. (hoxe, DRAGADOS, S.A.), polo prezo ofertado de 12.889.292,32 €, IVE Incluído. Resultando.- A adxudicataria ofertou melloras valoradas no importe total de 88.615,43 €, nos seguintes puntos, que se detallan na propia oferta. 1. Control de iluminación. 2. Instalación de TV. 3. Instalación de voz e datos. 4. Instalación de seguridade. 5. Cámara web para control de obras. Resultando.- Que nembargantes, á vista do expediente, obsérvase unha contradición no importe destas melloras, que ascenden a cantidade de 122.324,74 €, segundo o informe de avaliación das ofertas achegado pola UP ARQUITECTOS, S.L.(Doc.3), e así aparecen no propio contrato. Resultando.- Que con data de 11 de maio de 2015 (Rexistro entrada núm. 2015057706), a empresa construtora presenta certificación final da obra (Doc. 5), polo importe de 243.401,51 €, acompañando a correspondente relación valorada para xustificar o importe das obras executadas ata o 14 de xaneiro de 2015, a factura e o certificado final de obra. Resultando.- Que no proceso de fiscalización desta certificación, o Servizo de Intervención solicita que, antes da súa aprobación, se emita un informe sobre a execución das melloras ofertadas pola empresa. Resultando.- Que en virtude desta petición, o Servizo de Contratación, con data de 11 de setembro de 2015 (Rexistro saída núm. 2015022139, de 11/09/2015), require á empresa DRAGADOS, S.A e ós directores da obra para que emitan o correspondente informe sobre a execución destas melloras. Resultando.- Que pola súa parte, DRAGADOS, S.A., con data de 24 de setembro de 2015 (Rexistro entrada 2015103172, de 2/10/2015), informa que, das melloras ofertadas, se executou o sistema de cámara web, avaliado na cantidade de 9.000,00 €, mentres que o resto das melloras non se executaron, por consideralas inconvenientes a Dirección facultativa, os responsables da xestión do Museo e/ou a Deputación. Asemade, informa que, en contraprestación a estas melloras non executadas, colaboraron executando outros traballos, a petición do Servizo de Arquitectura (avaliadas no importe de 48.599,35 €), da Dirección de xestión do Museo ou da súa Dirección Técnica (avaliadas no importe de 81.261,91 €) e da Dirección facultativa (avaliadas no importe de 10.557,97 €). Resultando.- Que á vista do informe achegado por DRAGADOS, S.A., o Servizo de Contratación, con data de 7 de outubro de 2015, solicita ó Servizo de Arquitectura e ó Director do Museo que indiquen se están conformes, respectivamente, co recollido no devandito informe sobre as correspondentes contraprestacións solicitadas. Resultando.- Que con data de 3 de novembro de 2015, o Servizo de arquitectura, en relación os traballos que DRAGADOS, S.A. indica que solicitou o devandito servizo, por valor de 48.599, 35 €, informa o seguinte: “...En canto á “Instalación de 4 pezas de chan técnico de madeira nas esquinas do claustro do edificio Sarmiento, para evitar caídas do público polo desnivel entre pavimento de pedra e superficie axardinada. 2.879,80 €”, sinalouse ó director da obra que existían defectos construtivos na devandita área que debían ser emendados. En canto á “Formación dun forxado sanitario, tipo cáviti, na planta sóutano 2 do 6º Edificio (baixo á rampa do garaxe), para conseguir unha superficie saneada e sen humidade e permitir a formación dun local de almacén. 6.659,35 €”, non poden asegurar se é unha mellora ou un aumento de medicións do proxecto orixinal, xa que esta área carecía do forxado sanitario que posúe o resto do sóutano do 6º Edificio. En canto ó “Reforzo do chan técnico de madeira nas dúas salas expositivas do Edificio Sarmiento tras a súa primeira musealización, que fora executado segundo as especificacións do proxecto, mediante o montaxe dunha subestrutura de perfís e llantas de aceiro para conferir maior rixidez ó pavimento trasladando cargas ós arcos de cantería. Deste xeito, obtívose a posibilidade de posicionar con maior liberdade os elementos da musealización nas devanditas salas. 34.557,60 €”, sinalouse ó director da obra que executouse defectuosamente e que debía ser emendado. En canto ás “Labores de selado e reparacións varias no lucernario do edificio do Arquivo da Deputación de Pontevedra, colindante co edificio Sarmiento e obra allea a Dragados. 4.502,60 €”, non recordan dar instrucións ningunhas á empresa DRAGADOS, S.A. para o selado do lucernario descrito...” Resultando.- Que en contestación a este requirimento, con data de 7 de outubro de 2015, o arquitecto director da obra D. Eduardo Pesquera González, informa que as devanditas melloras poden resumirse en tres grupos en función da súa conveniencia á obra proxectada. - Melloras axeitadas ó proxecto, nas que inclúe o sistema de cámara web para o control das obras, que, segundo este informe, se instalou e utilizou. - Melloras non axeitadas ó proxecto, nas que inclúe o sistema de control de iluminación que, segundo este informe, non se realizou. - Melloras axeitadas, pero que non cumprían coa complexidade demandada polo Museo, nas que inclúe a instalación de TV, seguridade e voz e datos, que, segundo este informe, non se realizaron, xa que foron executadas directamente pola Deputación. En dito informe establécese que as melloras “…no han sido incluidas en las certificaciones mensuales emitidas…”. Segundo o referido informe, a avaliación correspondente á instalación e utilización do sistema de cámara web ascende á cantidade de 9.000,00 €, polo que as melloras ofertadas e non executadas ascenden á cantidade de 113.324,74 €. Asemade, indica que, se realizaron outros traballos non contemplados nos documentos do proxecto sen que a dirección de obra realizase unha valoración de ditos traballos ó non ser solicitado, e entenderse segundo a súa opinión que estes traballos eran contraprestación das non realizadas. Estes traballos serían: A.- Os traballos referidos executados na FASE I á solicitude da propiedade –segundo o director de obra- os seguintes: 1. Pintado de todos os difusores de instalación de climatización ubicados no pavimento de sala de exposicións temporais, para adquirir o mesmo color que o pavimento de madeira. 2. Instalación de carpintería practicable en oco-ventana de conexión visual entre Sala de control e Sala de Actos. 3. Acabado interior de Cabina de Información e Control del Vestíbulo na mesma madeira de eucalipto blanqueada que o exterior, unha vez definido por parte da Propiedade o seu uso definitivo. 4. Suplemento a la instalación de Iluminación na sala de exposicións temporais para a súa inauguración con motivo da Bienal de Pontevedra. 5. Módulos conformados por paneis tipo DM revestidos e pintados na sala de exposicións temporais para a súa inauguración con motivo da Bienal de Pontevedra. 6. Diversos traballos de apoio na sala de exposicións temporais para a súa inauguración con motivo da Bienal de Pontevedra. Estes traballos e os dous anteriores (4 e 5) foron colaboracións da empresa construtora que foron recoñecidos como “Patrocinan” pola Propiedade nas publicacións da Bienal de Pontevedra, ó igual que o traballo realizado por esta direccion de obra para o deseño do motaxe da exposición. 7. Substitución do remate de pavimento municipal da calle Arcos con fachada do edificio, mediante execuciónde pavimento de granito. 8. Execución de solera tipo caviti en espazo sobrante baixo rampla en plante segundo soto, para habilitar espazo para posible futuro almacén. 9. Diversos traballos de limpeza e/ou reparacións en lucernario, cubertas, salas de instalacións, talleres,..., por humidades ocasionadas por falla de mantemento e limpeza tras a ocupación e uso por parte da Propiedade do edificio. 10. Suplemento á instalación de iluminación nas Salas de Restauración. B.- Os traballos referidos executados na Fase I á solicitude desta Dirección de Obra foron as seguintes: 1. Bancos de madeira de eucalipto blanqueada adosados á escaleira de edificio-vestíbulo que protexen a instalación de climatización tipo fan-coil, permitindo o seu rexistro de mantemento. 2. Pintado exterior da cara inferior das losas inferiores das dúas pasarelas de conexión co edificio Sarmiento. C.- Os traballos referidos executados durante a execución do Proxecto Complementario por motivos sobrevenidos por terceiros foron os seguintes: 1. Instalacións e obras provisionais á espera da intervención da Compañía de subministro eléctrico. 2. Retrasos notorios provocados polas obras a executar por terceiros (Compañía subministradora/Concello de Pontevedra). D.- Os traballos referidos executados na Fase II a solicitude da Propiedade foron –segundo o Director- os seguintes: 1. Diversos traballos de colaboración coa Propiedade para recoller as pezas de arqueoloxía de grande dimensión e peso que non se trasladaron por parte da Propiedade para executar os traballos de demolicións en planta baixa do edificio Sarmiento. Este feito ademais provocou retrasos na planificación da execución das obras. 2. Diversos traballos de desmontaxe, traslado, limpeza e posterior montaxe das instalacións auxiliares de obra, ubicadas ne área valada destinada a tal efecto, para posibilitar a realización de diversos actos públicos. Estes traballos realizáronse en al menos duas ocasións. 3. Diversos traballos de colaboración no traslado e montaxe de miliarios en Sala de miliarios, fundamentalmente a demolición e desescombro de restos de solera executada por empresa contratada por Propiedade para eses traballos. 4. Diversos traballos de limpeza e reparacións de pavimento de salas de exposicións de edificio Sarmiento, trala primeira ocupación parcial de ditas salas para a montaxe da exposición de motocicletas. 5. Diversos traballos de reparacións de pavimento de salas de exposición en planta primeira de edificio Sarmiento, trala ocupación de ditas salas para montaxe por parte da empresa contratada pola Propiedade da exposición permanente (sen atender os criterios expostos por esta Dirección de Obra). Traballos consistentes en desmontaxe completo de módulos de pavimento, reforzo da sua subestructura mediante pletinas de aceiro, reparación de módulos de madeira, montaxe e limpeza de pavimento de madeira. 6. Substitución de sub-base de grava d pavimento flotante de granito en base de miliarios (que permitía a ventilación de posibles humidades de esa zona afectada por non desmontarse os miliarios) por unha solera de formigón armado e pavimento de granito. Esta execución foi realizada –a petición do Director de Xestión do Museo- en contra da opinión técnica de esta Dirección de Obra. E.- Os traballos referidos executados na Fase II a solicitude da Dirección de obra foron os seguintes: 1. Diversos traballos pequenos remates de execución na rehabilitación de muros de mapostería e de remates de elementos de cantería, en unidades onde estes remates non estaban contemplados por inesperados nos documentos do proxecto. Resultando.- Que o xefe do Servizo de contratación emite informe de data 20 de novembro de 2015 no que conclúe o seguinte: 1. As melloras ofertadas e non executadas por DRAGADOS, S.A., constitúen prestacións non realizadas obxecto do contrato, que non darían dereito ó seu abonamento, atopándonos ante un incumprimento contratual, no caso de que a non execución destas melloras fora por causas imputables ó contratista, coas consecuencias que prevé a normativa en materia de contratación. 2. En ningún caso se tramitou expediente de modificación do contrato de conformidade co establecido no artigos 101 do TRLCAP. 3. As melloras recollidas no informe de DRAGADOS, non son más que unha valoración económica unilateral. 4. En canto á presunta contraprestación das melloras non executadas por outros traballos non previstos, non queda acreditado no expediente, quen deu as ordes para realizalas. 5. O que o contratista xustifica como melloras non responden directamente a aspectos relacionados co obxecto do contrato ou se complementa coa execución da obra. Resultando.- Que con data 2 de decembro de 2015 o Servizo de Intervención emite informe de fiscalización da referida certificación no que se manifesta que: “…dado que a empresa ofertou melloras por importe de 122.324,74€, obxecto de valoración na adxudicación do contrato, que unicamente se xustifica a execución destas por un importe de 9.000,00€, polo que as melloras ofertadas non executadas ascenden a 113.324,74€, e que non queda acreditado no expediente que a causa da falta de execución desas melloras non sexa imputable ó contratista, procédese a descontar esa cantidade da presente certificación. Do que resulta un orzamento de execución material de 55.715,83€, e un importe total, con gastos xerais, beneficio industrial e IVE, de 80.225,22€. Correspondendo percibir así pola presente certificación a cantidade de 66.321,04€, unha vez practicadas as retencións en concepto de dirección de obra e control de calidade”. Resultando.- Que na data 18 de decembro de 2015, o Secretario emite o seguinte informe: “…Hai que decir que o contratista ten dereito ó aboo da prestación realizada, nos termos establecidos na lei, no contrato e con arranxo ó prezo convido e ós efectos do pago, a Administración expedirá mensualmente certificacións que comprendan a obra executada durante dito período de tempo (art. 216.01 e2 do RDL3/2011, de 14 de novembro, TRLCSP). …Son pois ordes de pago vinculante para a Administración e responden a resultados parciais da obra realmente executados e permiten que unha vez realizada o contratista poida esixir o pago da mesma, polo que a Administración terá a obriga de aboar o prezo (art. 216.4 TRLCSP). É no obxecto do contrato, reflectido no prego de claúsulas , onde están determinadas as obras a realizar (1.273 C. Civil e 26.1c) e 131.1a) TRLCSP) que de realizarse deberá aboar a Administración, senón estaríase incorrendo nun enriquecimento inxusto por parte desta. …. A Administración no pode, pois, cobrarse o importe das melloras ofertadas e non realizadas polo adxudicatario con cargo ás certificacións de obra, pois para iso está o instituto da garantía definitiva (art. 95 TRLCSP). Tal actuación, unilateral da Administración, de realizarse, ó non terse esixido a súa execución , estaría a marxe do contrato. A posibilidade de aplicar a compensación como forma de extinción de obrigas (art. 1.156 C.civil) sería posible debido o rango supletorio do dereito privado (art. 19.2 TRLCSP). Agora ben, isto sería discutible ó estar a súa presentación fóra de prazo e ter que aprobrarse a mesma mediante o procedemento de recoñecemento extraxudicial de crédito." Resultando.- Que con data 12 de febreiro de 2016, remitiuse o expediente á Presidencia da Xunta de Galicia para que remitise a consulta ó consello consultivo para a emisión dun informe. Resultando.- Que o 9 de marzo de 2016 recíbese escrito da Secretaría Xeral da Presidencia da Xunta de Galicia na que sinala que entende que se trata dun asunto que entra de cheo nas materias sobre as que é posible elevar consulta á Xunta Consultiva de contratación e por tanto devólvese o expediente. Resultando.- Que mediante escrito de data 10/03/2016 solicitouse á Xunta Consultiva de Contratación Administrativa de Galicia informe, emitindo o mesmo na data 29/09/2016 recollendo entre outros o seguinte: “...O que non entendemos factible é a posiblidade de compensar directamente a contía das melloras ofertadas que non foron executadas cun desconto na cantidade a percibir no pagamento da última certificación. Neste punto, este órgano colexiado comparte o criterio plamado no informe 4/2015 da Xunnta consultiva de Aragón que fai referencia a un asunto moi similar ao que no ocupa, que, no punto IV, titulado “Inexecución de melloras. Efectos do contrato”, di o seguinte: “O concello consulta se as melloras ofertadas por un licitador que foron valoradas na adxucicación do contrato, poden finalmente non executarse, ou executarse parcialmente, destinándose “o aforro” derivado da súa execución a financiar parte da obra contratada (...). Agora ben, a Administración non pode, de forma unilateral, detraer (minorar) da certificación, o importe da mellora do prezo do contrato, cuia execución no fose esixida pola Administración, pois tal actuación estaría á marxe do contrato, e dos principios que rexen a execución do mesmo. Así pois, non é posible actuar na forma e sentido que suxire a petición de informe do Concello de Calanda; esto é, destinando “o aforro derivado da súa non execución a financiar a propia obra contratada”. ... 1º. Non lle corresponda á Xunta Consultiva de contratación emitir informes sobre expedientes concretos nin substituir as funcións que os preceptos legais atribúen a outros órganos, non obstante pódese emitir o informe dando resposta a consultas xurídicas do ámbito da contratación pública que revistan un interese xeral como é o que se deriva da solicitude de referencia. 2º.- Esta Xunta consultiva de contratación administrativa entende que a Administración non pode compensar a contía das melloras ofertadas pero non executadas cun desconto na cantidade a percibir no pagamento da última certificación, xa que tal actuación está á marxe do contrato. Iso non é óbice para que, no proceso de aprobación da certificación, en calquera das súas fases, non se poida manifestar desconformidade cos datos nela expostos requirindo a súa reelaboración ou corrección. 3º. Lembrar que o réxime de melloras como criterio de adxudicación débese axustar a que represente un valor adicional para o contrato sendo preciso que, posteriormente, se faga un control e seguimento da súa execución para asegurar o seu efectivo cumprimento e materialización tendo en conta que a inexecución deses melloras vulnera os principios de publicidade e transparencia dos procedementos, así como non discriminación e igualdade de trato dos candidatos proclamados nos artigos 1 e 123 do TRLCSP. 4º. Indicar finalmente que substituir unhas melloras por outras non previstas ou a súa eliminación debería ser obxecto dun expediente de modificación do contrato se así está previsto nos pregos. Doutra banda, se a inexecución desas melloras é por causa imputable ó contratista, estarase ante un incumprimento contractual...” Considerando.- Os informes do Sr. Secretario de data 18/10/2005 e da Xunta Consultiva de Contratación Administrativa da Xunta de Galicia de data 29/09/2016. Considerando.- O pregos de cláusulas económico-administrativas e o prego de prescripcións técnicas que rexeron esta contratación. Considerando.- Que o artigo 230.1 do TRLCSP que establece que: “...Las obras se ejecutarán con estricta sujeción a las estipulaciones contenidas en el pliego de cláusulas administrativas particulares y al proyecto que sirve de base al contrato y conforme a las instrucciones que en interpretación técnica de éste dieren al contratista el Director facultativo de las obras, y en su caso, el responsable del contrato, en los ámbitos de su respectiva competencia...” Considerando.- Que o artigo 232.2 do mesmo texto legal recolle en relación coas certificacións o seguinte: “...A los efectos del pago, la Administración expedirá mensualmente, en los primeros diez días siguientes al mes al que correspondan, certificaciones que comprendan la obra ejecutada durante dicho período de tiempo...” Consideranddo.- Que o artigo 216.1 do TRLCSP establece que: “...1. El contratista tendrá derecho al abono de la prestación realizada en los términos establecidos en esta Ley y en el contrato, con arreglo al precio convenido...” Considerando.- Que o informe 4/2015 da Xunta Consultiva de contratación administrativa de Aragón manifesta o seguinte: “...En principio e por definicion, as melloras ofertadas e admitidas pola Administración integraránse no contrato e non pode ser obxecto de modificación, salvo que a natureza das mesmas o permita, estea previsto no prego e ambas partes estean de acordo. As melloras formarán parte do contrato, e lles é de aplicación o principio xeral, que se contén no coñecido aforismo pacta sun servanta. No caso descrito as melloras foron valoradas e cuantificadas, e integradas na oferta económica do contratista, xunto co prezo e, así pois, constitúen un elemento esencial do contrato. Por elo a substitución das melloras por outras non previstas, ou a súa inexecución, se fose ou puidera ser, obxecto de modificación contractual, por cumprir cos presupostos habilitantes, debería tramitarse de conformidade coas previsións dos artigos 108 e 107 do TRLCSP, coa instrucción do procedemento contraditorio que a lei require. Non podería ser doutro modo, xa que, no caso contrario, se estaría alterando as condición da adxudicación; e liberando ao contratista de executar parte das melloras ofertadas, que foron cuantificadas e valoradas para seleccionar a oferta económicamente máis ventaxosa. Considerando.- Que o artigo 100 do R.D. 3/2011 establece que: “...la garantía responderá b) de la correcta ejecución de las prestaciones contempladas en el contrato, de los gastos originados a la Administración por la demora del contratista en el cumplimiento de sus obligaciones, y de los daños y perjuicios ocasionados a la misma con motivo de la ejecución del contrato o por su incumplimiento, cuando no proceda su resolución....” Considerando.- Que a disposición adicional segunda do TRLCSP faculta á Presidencia para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Autorizar o compromiso de gasto e o recoñecemento extraxudicial da seguinte obriga: Certificación final (2º Fase ) da obra “Ampliación do Museo de Pontevedra e rehabilitación do edificio Sarmiento” a favor da empresa DRAGADOS, S.A. (CIF A-15.139.314), con arranxo ó seguinte detalle: Empresa Aplicacion Orzamentaria Importe DRAGADOS, S.A. CIF A-15.139.314 16/333.3330.622.01.2015 243.401,51 € SUBTOTAL 243.401,51 € Taxa dirección obra (4 %) 6.761,62 € Control de Calidade (4%) 7.142,56 € Seguridade e saúde (0%) 0,00 € TOTAL LIQUIDO A PERCIBIR 229.497,33 € Os honorarios correspondentes ós técnicos, ingresaranse provisionalmente no concepto non orzamentario correspondente. 2.- Iniciar un procedemento de incautación de garantía para responder do incumprimento das condicións do contrato no referente á non execución das melloras. Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. C) Recoñecemento da obriga, polo procedemento extraxudicial de crédito, da xustificación achegada polo Concello de Vilagarcía de Arousa referida á actuación “Repintado da sinalización horizontal en vías de titularidade municipal (gasto corrente novo)”, incluída no Plan provincial de obras e servizos 2015 (PPOS/15) O Pleno da Deputación, na súa sesión de 30/12/2014, acordou a aprobación das Bases Reguladoras do Plan Provincial de Obras e Servizos 2015 (PPOS/15), que foron publicadas no Boletín Oficial da Provincia de Pontevedra (BOPPO) número 1, do 02/01/2015. Mediante acordo da Xunta de Goberno nº2.23094 do 20/02/2015, concedeuse subvención polo procedemento de concorrencia ó abeiro do PPOS/15, por importe de 21.780,00 € ó concello de Vilagarcía de Arousa co obxecto do financiamento da actuación “Repintado de sinalización horizontal en vías de titularidade municipal” (Ref.:PPOS/15/00989/201500017) No acordo de concesión se reflectía que a devandita actuación debería ser xustificadas antes do 31 de marzo de 2016. A concesión foi publicada no BOPPO núm. 72 do 17/04/2015. En data 31/05/2016, fóra do prazo establecido na convocatoria, ten entrada no Rexistro Xeral da Deputación, conta xustificativa do Concello de Vilagarcía de Arousa da actuación “Repintado de sinalización horizontal en vías de titularidade municipal” que importa 19.936,88 € e demais documentación necesaria para a xustificación da subvención referida no parágrafo anterior, así como certificado da Secretaria Xeral do concello, no que certifica que o 28/10/2015 efectuouse o aboamento de 19.936,88 € a Protección Vial, S.L. correspondentes ós traballos obxecto da subvención de “Repintado de sinalización horizontal en vías de titularidade municipal” (PPOS/15/00989/201500017). Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do procedemento administrativo común das administracións públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROFRJEL). - Bases de execución do Orzamento Provincial para o ano 2016. - Bases reguladoras do Plan Provincial de Obras e Servizos 2015 (PPOS/15) aprobadas por acordo do Pleno en sesión celebrada o 30 de decembro de 2014, e publicadas no BOPPO nº 1 de 02/01/2015. Consideracións xurídicas: Instrución do expediente: - Base reguladora 10ª do PPOS/15, relativa á instrución, procedemento e xustificación, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. - Base reguladora 17ª do PPOS/15, relativa á xustificación das actuacións incluídas na liña de acredores de gasto corrente novo deberán estar xustificadas na súa totalidade o 31/03/2016. Petición e evacuación de informes: - Artigo 80 da Lei 39/2015, de 1 de outubro, do procedemento administrativo común das Administracións Públicas, sobre a petición e a evacuación de informes. - Artigo 88.6 da Lei 39/2015, de 1 de outubro, do procedemento administrativo común das Administracións Públicas, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais, sobre o control e a fiscalización da xestión económica que lle corresponde realizar á Intervención. - Bases 47ª e 48ª das de execución do vixente Orzamento provincial, sobre o control e a fiscalización da xestión económica, que sinala a competencia da Intervención para realizar esta función. Procedencia do pago: - Artigos 34.3 LXS e 88 do RLXS que dispoñen que o pagamento da subvención realizarase previa xustificación, por parte do beneficiario, do gasto efectuado e na parte proporcional á contía xustificada da realización da actividade para a que se outorgou a subvención e nos termos establecidos nas bases reguladoras da subvención. - Artigos 32 da LXS e 84.1 do RLXS que sinalan que o órgano concedente comprobará a adecuada xustificación da subvención, así como a realización da actividade e o cumprimento da finalidade que se determine no acordo ou resolución de concesión, e con atención ó método contemplado nas bases reguladoras, a cuxo fin se revisará formal e materialmente a documentación que obrigatoriamente debera achegar o beneficiario. - Artigo 30.2 da LXS que dispón que a presentación da conta xustificativa (documentación xustificativa) constitúe un acto obrigatorio para os beneficiarios de subvencións. - Artigo 34.3 da LXS que dispón que é causa da perda do dereito ó cobro da subvención concedida a falta de xustificación ou a xustificación insuficiente, nos termos establecidos no artigo 30 de LXS, e no seu caso, nas normas reguladoras da subvención. - Setenza da Audiencia Nacional do 29/10/2003, que abre a posibilidade de que as xustificacións achegadas extemporáneamente poidan ser aceptadas, sempre e cando, fehacientemente, se verifique que a actuación realizouse na súa integridade dentro do prazo establecido nas bases reguladoras, que se cumpriu coa finalidade proposta e que exista crédito suficiente na aplicación prespuestaria para afrontar o pagamento. - Artigos 185 e 186 do TRLRFL que regulan as competencias en materia de xestión de gasto e ordenamento do pago. - Bases 25ª.10ª e 12ª de execución do orzamento provincial para o exercicio 2016 que regulan os procedementos de comprobación e o pagamento das subvencións por parte dos centros xestores e a intervención provincial. - Base 16ª das reguladoras do PPOS/15 que contempla a necesaria documentación para a xustificación dos investimentos acollidos no marco do citado programa. De acordo con todo o sinalado, no exercicio da competencias que atribúe o artigo 35 da lei 7/1985, de 2 de abril, reguladora das bases do réxime local, o artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2016, e visto o informe da xefa do Servizo de Cooperación, de data 16 de setembro, que conclúe a tramitación do expediente de xustificación do Concello de Vilagarcía de acordo coa premisa de “que os defectos formais deberían atenuarse baixo o prisma de determinar se o fin para o que se cumpriu a subvención foi cumprido no prazo regulado na convocatoria” , e visto o informe da intervención provincial de data 03/10/2016, a Xunta de Goberno acorda por unanimidade: - Prestar aprobación a documentación presentada polo Concello de Vilagarcía de Arousa, CIF.: P3606000B, ós efectos de xustificar a axuda económica concedida para a realización da actuación “Repintado da sinalización horizontal en vias de titularidade municipal (gasto corrente novo)” (Ref.. PPOS/15/00989/201500017), por importe de 19.936,88 €. - Recoñecer a obriga, polo procedemento extraxudicial de crédito, e ordenar o pagamento ó Concello de Vilagarcía de Arousa, CIF.: P3606000B, do importe de 19.936,88 €. O pagamento realizarase contra a aplicación 2016/942.9420.462.45.2015 do orzamento provincial. - Darlle traslado do presente acordo ó Concello de Vilagarcía de Arousa, á Intervención, ó Servizo de Cooperación e ó Gabinete da Presidencia. Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. D) Recoñecemento extraxudicial da obriga relativa á certificación nº1-final da obra “Mellora rede de drenaxe E.P.2201 Baiona-Bahina-Fontes P.K. 0+480 (Baiona)” Tendo en conta o informe de Intervención, de data 28/09/2016, relativo á certificación nº1-final, presentada pola empresa Ecogalaico Innovación, S.L. (CIF:B94109097), correspondente á obra “Mellora rede de drenaxe na E.P. 2201 Baiona-Bahina-Fontes P.K. 0+480 (Baiona)”, cuxo importe ascende a 18.134,86, no que se pon de manifesto a existencia de crédito suficiente na aplicación 16/456.4530.612.02, para facer fronte ó gasto, procede o recoñecemento extraxudicial da obriga, e de conformidade coa base 17ª.1.a) da execución do Orzamento provincial de 2016, a Xunta de Goberno acorda por unanimidade aprobar a autorización, o compromiso do gasto e o recoñecemento extraxudicial da seguinte obriga: Empresa Ecogalaico Innovación, S.L. CIF B94109097 Aplicación orzamentaria 16/456.4530.612.02 Importe 18.719,89 € Taxa dirección de obra (4% PEM) 520,03 € Control de calidade (0% PEM) 0,00 € Seguridade e saúde (0,5 % PEM) 65,00 € Líquido a percibir 18.134,86 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. 15.24870.- CORRECCIÓN DE ERRO NO ACORDO Nº11.24427ADOPTADO NA XUNTA DE GOBERNO DE DATA 20/05/2016, RELATIVO Á “APROBACIÓN DAS BASES QUE REGULAN A CONVOCATORIA DE LICENCIADO/A EN BIOLOXÍA, PARA O SERVIZO ESTACIÓN FITOPATOLÓXICA DO AREEIRO DA DEPUTACIÓN DE PONTEVEDRA” Por acordo nº 11.24427 adoptado na Xunta de Goberno da Deputación de Pontevedra, celebrada o 20 de maio de 2016, aprobouse as bases que regulan a convocatoria dunha bolsa de Licenciado/a ou Graduado/a en Bioloxía, para o servizo estación Fitopatolóxica do Areeiro da Deputación provincial de Pontevedra, que foron publicadas no BOPPO nº97 de data 23 de maio de 2016. Advertido un erro no punto 1º da base décima, que fai referencia a xustificación e renovación da bolsa, ó abeiro do establecido no art. 109.2 da Lei 39/2015, de 1 de outubro, a Xunta de Goberno acorda por unanimidade a rectificación do citado erro, no senso que: Onde di: -“Antes de que transcorran os últimos quince días do quinto mes do período de duración da bolsa a persoa beneficiaria estará obrigada a presentarlle á persoa titora unha memoria….” Debe dicir: -“Antes de que transcorran os últimos quince días do undécimo mes do período de duración da bolsa a persoa beneficiaria estará obrigada a presentarlle á persoa titora unha memoria….” 16.24871.- COMUNICACIÓNS Non houbo. 17.24872.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e trinta minutos do expresado día, dáse por rematada a sesión e dela esténdese a presente acta, que asina a Ilma. Sra. Presidenta, comigo, o Secretario que dou fe. A Presidenta, O Secretario,
Ãrea de notas
Nota