Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas do día dezaseis de decembro do ano dous mil dezaseis, baixo a Presidencia da Ilma. Sra. Dna. Mª del Carmen Silva Rego, Presidenta da Deputación Provincial de Pontevedra, reuníronse as/os señoras/es deputadas/os, D. Juan Antonio González Pérez, D. Carlos López Font, Dna. Mª Montserrat Magallanes Álvarez, D. David Regades Fernández, D. Santos Héctor Rodríguez Díaz, D. Uxío Benítez Fernández, D. Xosé Cesáreo Mosquera Lorenzo e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto D. Carlos Cuadrado Romay Secretario Xeral, e está presente o Sr. Interventor, D.Antonio Graña Gómez. Non asiste a deputada Dna. Consuelo Besada Lores, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.25025.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 2 de decembro de 2016 2.25026.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DO SERVIZO DE TRADUCIÓN, DESEÑO, MAQUETACIÓN E IMPRESIÓN DE MATERIAL DE INFORMACIÓN TURÍSTICA DE TURISMO RÍAS BAIXAS (Expte. nº2016038837) Turismo Rías Baixas ten como obxectivo principal a promoción dos recursos e da infraestrutura turística do destino Rías Baixas, sendo a atención o turista un dos eixes prioritarios do Turismo Rías Baixas, tanto a que se realiza nas oficinas de información propias, como nas oficinas de información municipais. O material de promoción turística será ademais dun medio informativo para o turista, a carta de presentación que invite ó turista a visitar un recurso concreto do destino Rías Baixas ou realizar unha ruta ó longo da provincia. Por este motivo a xefa do Servizo de Turismo Rías Baixas considera imprescindible a realización dunha nova edición do material de información turística acorde coa nova imaxe de turismo e da Deputación de Pontevedra, que terá dúas funcións principais: - Como instrumento básico de promoción do destino, con especial presenza en feiras/eventos, ou en puntos de ampla influencia de visitantes. - Como ferramenta de traballo dos informadores turísticos, dando soporte á información facilitada on line ou directamente ó visitante. Así mesmo informa que ante a insuficiencia de medios propios para levar a cabo a tradución, deseño, maquetación e impresión do material de promoción de Turismo Rías Baixas, é necesario a contratación dunha empresa externa especializada na prestación destes servizos. O custe total do servizo se estima en 180.000,00 € (IVE excluído). Visto o informe do Xefe do Servizo de Contratación de data 8 de novembro de 2016, no que determina a natureza xurídica do contrato e xustifica no expediente a elección do procedemento, sendo este un contrato administrativo de servizos. Resultando que polo Servizo de Contratación se elabora o proxecto do prego de condicións administrativas. Resultando que con data 17 de novembro de 2016 o Sr. Secretario Xeral informa o devandito proxecto de prego e posteriormente se traslada o expediente de contratación ó Servizo de Intervención para que fiscalice o mesmo nos termos previstos na Lei 47/2003, de 26 de novembro. Visto o informe de fiscalización do expediente, de data 28 de novembro de 2016, emitido polo Sr. Interventor no que se pon de manifesto a seguinte observación “ No informe da Xefa do Servizo de Turismo, de data 17 de novembro de 2016, recóllese a forma de estimación do prezo do contrato. Non obstante, debería determinarse o prezo con maior exactitude e acompañarse dunha memoria económica ou estudio para chegar a ese importe e xustificar que este é adecuado para o efectivo cumprimento do contrato”. Visto o informe emitido pola xefa do Servizo de Turismo Rías Baixas con data 7 de decembro de 2016, mediante o que se aclaran as observacións postas de manifesto no informe de fiscalización do expediente e que contén unha estimación dos custos do contrato así como a xustificación da súa adecuación para atender as necesidades que se pretenden cubrir. Considerando que a disposición adicional segunda do referenciado RDL 3/2011, no seu apartado 1, faculta á Presidencia para actuar como órgano de contratación con competencia respecto deste contrato, e tendo en conta o disposto no artigo 185 do RDL 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª.2a) a Xunta de Goberno acorda por unanimidade: 1.- Aprobar o expediente de contratación, para a adxudicación mediante procedemento aberto, do servizo de tradución, deseño, maquetación e impresión de material de información turística de Turismo Rías Baixas, que se detalla nos pregos, polo seguinte importe de licitación: Fase 1: Prezo sen IVE 100.000,00 € IVE 21.000,00 € Total 121.000,00 € Fase 2: Prezo sen IVE 30.000,00 € IVE 6.300,00 € Total 36.300,00 € Fase 3: Prezo sen IVE 50.000,00 € IVE 10.500,00 € Total 60.500,00 € 2.- Aprobar os pregos de cláusulas económico-administrativas e técnicas que rexerán en dito procedemento aberto. 3.- O contrato financiarase de acordo coa seguinte distribución: Anualidade Aplicación orzamentaria Importe 2017 17/433.4320.227.24 157.300,00 € 2018 18/433.4320.227.24 60.500,00 € Os importes correspondentes ós exercicios 2017 e 2018 quedarán condicionados á aprobación dos respectivos orzamentos e a existencia de crédito axeitado e suficiente nas correspondentes aplicacións orzamentarias. 4.- Iniciar o procedemento de adxudicación para a devandita contratación, concedendo un prazo de quince días naturais para a presentación de proposicións, contados a partir do día seguinte a publicación do anuncio no Boletín Oficial da Provincia, de conformidade co estipulado no artigo 159.2 do citado RDL 3/2011. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN A CONTRATACIÓN, MEDIANTE PROCEDEMENTO ABERTO, DO SERVIZO DE TRADUCCIÓN, DESEÑO, MAQUETACIÓN E IMPRESIÓN DE MATERIAL DE INFORMACIÓN TURÍSTICA DE TURISMO RIAS BAIXAS Nº exp. 2016038837 I. ELEMENTOS DO CONTRATO 1. RÉXIME XURÍDICO En todo o non previsto expresamente neste prego de condicións estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, modificada pola Lei 14/2013, de 27 de setembro, de apoio ós emprendedores e á súa internacionalización, o Real decreto lexislativo 817/2009, de 8 de maio, polo que se desenvolve parcialmente a LCSP e, no que sexa aplicable, no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada. Supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario estará obrigado ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 2. RECURSOS E XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa, deixando expedita a vía xurisdicional, contencioso-administrativa, a teor do disposto na Lei reguladora da devandita xurisdición. 3. OBXECTO O obxecto do contrato ó que se refire o presente prego é o servizo/s descrito/s no/s apartado/s 1 do/s anexo/s I, nos que se recollen as necesidades administrativas para satisfacer mediante o contrato, describindo as características do/s servizo/s e a forma de levar a cabo a prestación por parte do adxudicatario. No caso de que o procedemento aberto se divida por lotes haberá un anexo I por cada uns deles. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 4. FINANCIAMENTO E ORZAMENTO DE LICITACIÓN Este contrato financiarase da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego e inclúe na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 5. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 6. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, ademais de asumir o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se concrete a adxudicación); estas empresas serán responsables solidarias ante a Administración e deberán nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 7. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 TRLCSP, e na disposición adicional terceira da Lei 20/2013, de 9 de decembro, de garantía da unidade do mercado, desde o 15 de decembro de 2014 a Deputación de Pontevedra publicará todas as noticias, avisos e documentación relativa ós seus procedementos de contratación no Perfil de Contratante integrado na Plataforma de Contratación do Sector Público do Estado (www.contrataciondelestado.es). 8. XESTIÓN DE PREGUNTAS E RESPOSTAS DOS LICITADORES As preguntas que lles poidan xurdir ós licitadores respecto dos pregos que rexen na contratación, deberán formularse no Perfil do Contratante da Deputación de Pontevedra (www.depo.es), Plataforma de Contratación do Sector Público, para o que deberán estar rexistrados como usuarios nesta Plataforma. Para formular as consultas, os licitadores deberán seleccionar o expediente e formular a súa consulta na sección denominada “Solicitar información” (para máis información, poden consultar a Guía de xestión de Preguntas e Respostas dos Licitadores, publicada na Plataforma de Contratación do Sector Público). As respostas ás cuestións plantexadas ou ás posibles modificacións ou actualizacións de respostas serán publicadas na mesma sección polo Servizo de Contratación da Deputación de Pontevedra. 9. NOTIFICACIÓNS ELECTRÓNICAS Con base ó disposto no art. 41 da Lei 39/2015, de 1 de outubro, do Procedemento Administrativo Común das Administracións Públicas, e no artigo 25 do Capítulo VII do Regulamento da Administración electrónica da Deputación de Pontevedra, se practicará as notificacións relativas aos procedementos de contratación de xeito electrónico a través da Plataforma de Contratación del Sector Público (https://contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico onde queira que se lle comuniquen as notificacións. Para acceder á comunicación, deberá estar rexistrado na Plataforma de Contratación do Sector Público con esa mesma dirección de correo electrónico e dispor dun certificado dixital de persoa física aceptado pola plataforma de validación (como o DNI electrónico ou o emitido pola Fábrica Nacional de Moeda e Timbre). Cando un órgano de contratación envíelle unha comunicación, vostede será informado desta circunstancia por medio dunha mensaxe de correo electrónico enviado á dirección que lle proporcionou a este efecto ao órgano de contratación. Ademais, cando acceda á Plataforma co seu usuario rexistrado mostraráselle un aviso na páxina de Inicio de que ten unha comunicación pendente de lectura. De conformidade co artigo 43 da Lei 39/2015, de 1 de outubro, do Procedemento Administrativo Común das Administracións Públicas, as notificacións entenderanse practicadas no momento no que se produza o acceso ó seu contido. Nembargante, transcorridos dez días naturais desde a posta a disposición da notificación sen que se acceda o seu contido, entenderase rexeitada, agás que, de oficio ou a instancia da persoa destinataria, poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. II. ADXUDICACIÓN DO CONTRATO 10. PROCEDEMENTO O contrato adxudicarase por procedemento aberto atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. O procedemento será obxecto da tramitación ordinaria, de conformidade cos artigos 109 e seguintes do TRLCSP. 11. RENUNCIA E DESISTIMENTO O órgano de contratación poderá acordar a renuncia á celebración do contrato, por razóns de interese público debidamente xustificadas, ou o desestimento do procedemento, baseado nunha infracción non emendable das normas de preparación do contrato ou das reguladoras do procedemento de adxudicación, en ambos os dous casos, sempre antes da adxudicación do contrato. Esta circunstancia deberá ser notificada ós licitadores e comunicarse á Comisión Europea cando o contrato fose anunciado no Diario oficial da Unión Europea (artigo 155 TRLCSP). 12. PRESENTACIÓN DE PROPOSICIÓNS; LUGAR E FORMALIDADES; DOCUMENTACIÓN 12.1. Lugar e prazo de presentación. - Presentación no Rexistro Xeral ou auxiliares da Deputación de Pontevedra: As proposicións presentaranse no Rexistro Xeral da Deputación (Horario: na sede de Pontevedra, de luns a venres, de 8.30 a 14.30 horas, e de 17.00 a 19.00 horas; e na sede de Vigo, de luns a venres, de 9.00 a 14.00 horas. Nos meses de xullo e agosto, o horario será, na sede de Pontevedra, de luns a venres, de 8.30 a 14.30 horas), durante un prazo de quince días naturais (artigo 159.2 do TRLCSP), a contar desde o día seguinte á publicación do anuncio no Boletín Oficial da Provincia de Pontevedra (BOPPO). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío, e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos, e anunciado o envío ó órgano de contratación nos termos indicados, se transcorridos dez días desde a data de finalización do prazo para a presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas (as previsións relativas ó rexistro electrónico producirán efectos a partir do 2 de outubro do 2018). O depósito do envío deberá ser anunciado ó órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en sábado, domingo ou festivo, prorrogarase o prazo ata o primeiro día hábil seguinte a este. 12.2. Formalidades: Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C) Poñer a letra en función do sobre correspondente - Núm. de expediente No caso de que se coñeza - Denominación do contrato - Nome do licitador - CIF - Dirección, correo-e e teléfono de contacto - Número de inscrición no rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 12.3. Documentos e datos dos licitadores de carácter confidencial. Os documentos e datos presentados polas empresas licitadoras poden ser considerados de carácter confidencial cando a súa difusión a terceiros poda ser contraria a ós seus intereses comerciais lexítimos, prexudicar a leal competencia entre as empresas do sector ou ben estean comprendidos nas prohibicións establecidas na Lei de protección de Datos de Carácter Persoal. Non terá carácter confidencial a información que conste en rexistros públicos e que, ademais, sexa de acceso público. Tal como se prevé no artigo 140 TRLCSP, as empresas licitadoras terán que indicar, se é o caso, mediante unha declaración complementaria, qué documentos administrativos e técnicos e datos presentados son, ó seu parecer, constitutivos de ser considerados confidenciais, xustificando os motivos ou circunstancias en base os cales debe recoñecerse tal carácter. Esta circunstancia deberá reflectirse claramente (sobreimpresa, ó marxe ou de calquera outro xeito visible) no propio documento sinalado como tal. De non aportarse esta declaración considerarase que ningún documento ou dato posúe ese carácter, agás a documentación facilitada polas empresas para acreditar a solvencia, de entre a sinalada nos artigos 75 a 78 do TRLCSP. Non serán admisibles as declaracións xenéricas ou que declaren que todos os documentos e información facilitada na proposta ten carácter confidencial. 13. MESA DE CONTRATACIÓN Estará integrada polos seguintes membros: Presidente: - Deputado delegado pola Presidencia Vogais: - Un/ha Deputado/a do Grupo Provincial do PP - Un/ha Deputado/a do Grupo Provincial do BNG - O Deputado do Grupo Mixto - O secretario xeral - O interventor - O/A xefe/a do servizo xestor Secretario: - O xefe do Servizo de Contratación 14. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de Contratación e procederase á cualificación da documentación xeral achegada polos licitadores no sobre A. No caso de que sexa necesario o arranxo de erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente, a Mesa, ás once horas e trinta minutos do primeiro mércores seguinte ó día no que finalice o prazo sinalado para a presentación de plicas, sempre que transcorresen polo menos tres días hábiles desde a finalización do prazo, sinalará en acto público as que cualificasen como inadmitidas e admitidas e procederá á apertura do sobre B correspondente á documentación técnica valorable a través de criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. No caso de que non haxan transcorrido eses tres días hábiles desde a finalización do prazo de presentación de plicas, o acto da mesa de contratación realizarase o mércores da semana seguinte. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 15. REQUIRIMENTO DE DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, a cuxo efecto poderá solicitar cantos informes técnicos estime pertinentes, clasificaraas por orde decrecente e requiriralle á empresa que presentase a oferta máis vantaxosa que dentro do prazo de dez días hábiles entregue a seguinte documentación: 15.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013 de 27 de setembro de apoio ao emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado: Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 15.2. Documentación necesaria para a adxudicación do contrato. O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1. Certificación positiva expedida pola Tesourería da Seguridade Social ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP que acredite que se atopa ó corrente do pagamento das súas obrigas tributarias. 3. Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. Sen prexuízo de acreditar a alta no imposto, no suposto de atoparse nalgunha das exencións previstas no artigo 82 do Real Decreto 2/2004, de 5 de marzo, polo que se aproba o texto refundido da Lei reguladora das Facendas Locais, deberá acreditarse, ben mediante certificación da exención outorgada polo órgano competente, ou ben mediante declaración responsable de atoparse exento segundo o establecido no artigo 82.1.c) da citada Lei. 4. Documentación acreditativa da efectiva disposición dos medios persoais e materiais que se comprometeu a adscribir á execución do contrato, de conformidade co artigo 64.2 TRLCSP, segundo o detallado no anexo I ao presente prego. Polo que respecta ós medios persoais, deberase concretar as persoas que se correspondan co número e perfiles dos integrantes do grupo de traballo ofertado, achegando o seu currículo, titulación e experiencia. Se forman parte do persoal da empresa, achegaranse os documentos TC2; noutro caso, achegarase un compromiso asinado polas partes de que, de resultar adxudicataria a empresa, se incorporarán ó equipo de traballo. 5. Documento que acredite a constitución da garantía definitiva. 6. Documento acreditativo do pagamento dos anuncios. De non cumprimentarse adecuadamente o requirimento no prazo sinalado, entenderase que o licitador retirou a súa oferta, procedéndose nese caso a solicitar a mesma documentación ó licitador seguinte, pola orde en que queden clasificadas as ofertas (art. 151.2 TRLCSP). 16. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprilo, no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva depositarase exclusivamente na Caixa da Deputación. 17. ADXUDICACIÓN O órgano de contratación terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R. d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 18. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte á notificación da adxudicación, constituíndo o devandito documento título suficiente para acceder a calquera rexistro público. No entanto, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do contrato sen a súa formalización previa. 19. DEVOLUCIÓN DA DOCUMENTACIÓN As proposicións presentadas, tanto as declaradas admitidas, como as rexeitadas sen abrir, ou as desestimadas unha vez abertas, serán arquivadas no seu expediente. Nembargante, adxudicado o contrato e transcorridos os prazos para a interposición de recursos sen que se formularan, a documentación que acompaña as proposicións quedará a disposición dos interesados, agás a do adxudicatario. No caso de que a documentación non sexa retirada no prazo de 6 meses, entenderase que o interesado renuncia a ela, e o órgano de contratación quedará facultado para destruíla. III. EXECUCIÓN DO CONTRATO 20. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias para asegurar a correcta realización da prestación pactada. A designación ou non do responsable non eximirá o contratista da correcta execución do obxecto do contrato, salvo que as deficiencias sexan debidas a ordes directas deste, con expresa reserva escrita por parte do contratista, dirixida tanto ó propio responsable coma ó órgano de contratación. 21. EXECUCIÓN DO SERVIZO E RESPONSABILIDADE DO CONTRATISTA O contrato executarase segundo o establecido nas súas cláusulas e nos pregos, de acordo coas instrucións que para a súa interpretación lle dea ó contratista o órgano de contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizo sufrisen un atraso na súa recepción, sempre que non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora con respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Neste último suposto o órgano de contratación concederá a ampliación do prazo que estime necesario para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista con ata un importe do 10 % do orzamento (art. 212.1 do TRLCSP). O contratista responderá conforme ó artigo 214 do TRLCSP dos danos ocasionados a terceiros como consecuencia da execución do contrato. 22. SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe abonar aos subcontratistas o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo se computará desde a data de aprobación polo contratista principal da factura emitida polo subcontratista ao subministrador, con indicación da súa data e o período que corresponda. A aprobación ou conformidade ou no seu caso os motivos de desconformidade deberán outorgarse nun prazo máximo de trinta días desde a presentación da factura. No caso de demora no pago ao subcontratista o subministrador terá dereito ao cobro dos intereses de demora e a indemnización polos custos de cobro nos termos previstos na Lei 3/2004, de 29 de decembro. O contratista poderá pactar cos subministradores ou subcontratistas os prazos de pago superiores respectando os límites previstos no artigo 4.3 da Lei 3/2001 de 29 de decembro polo que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaría no que os gastos de desconto e negociación sexan por conta do contratista. Adicionalmente o subministrador ou subcontratista poderá esixir que o pago se garante mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán ao ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfecciones a súa participación, xunto con aquelas condicións de subcontratación da subministración de cada un deles que garde relación directa co prazo do pago, de conformidade co artigo 228 bis do TRLCSP. Asemade, deberán aportar, a solicitude do ente contratante, xustificante do cumprimento dos pagos aos subministradores ou subcontratistas, unha vez terminada a prestación dentro dos prazos de pago legalmente establecidos no artigo 228 e na Lei 3/2004 do 29 de decembro, e que non sexa de aplicación. Estas obrigas, que se incluirán nos anuncios de licitación, e nos correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efectos conteñan os pregos. 23. REGRAS ESPECIAIS CON RESPECTO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. Os licitadores ou licitadoras poderán ser requiridos para indicar o convenio colectivo que lle é de aplicación aos traballadores e traballadoras que desenvolvan a actividade obxecto do contrato antes da adxudicación do mesmo ou en calquera momento durante a súa execución. No caso de resultar adxudicatarios terán a obriga de aboar, durante toda a execución do mesmo, o salario recollido no convenio colectivo de aplicación segundo a categoría profesional que lle corresponda ás persoas traballadoras, sen que en ningún caso os salarios a aboar poidan ser inferiores a aquel. 4.A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 5. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 6. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b) Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c) Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d) Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e) Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 24. OBRIGAS DO CONTRATISTA 24.1. Obrigas relativas ós traballadores: O contratista deberá cumprir cos deberes derivados das disposicións legais, regulamentarias e convencionais vixentes en materia de protección do emprego, condicións de traballo, prevención de riscos laborais e Seguridade Social. 24.2. Deber de sixilo: O contratista deberá gardar sixilo respecto ós datos ou antecedentes que, non sendo públicos ou notorios, estean relacionados co obxecto do contrato e dos que teña coñecemento con ocasión deste, non pudendo, polo tanto, proporcionar información ningunha a terceiras persoas sobre a materia obxecto do contrato sen o consentimento previo do órgano de contratación. 24.3. Protección de datos de carácter persoal: O contratista responsabilízase, como encargado do seu tratamento, do acceso ós datos de carácter persoal que teña con ocasión do contrato, debendo respectar o establecido na Lei Orgánica 15/1999, de 13 de decembro, de Protección de Datos de Carácter Persoal, no Real Decreto 1720/2007, de 21 de decembro, polo que se aproba o seu Regulamento, na disposición adicional vixésimo sexta do TRLCSP, e na demais normativa aplicable. En particular: - Unicamente tratará estes datos conforme ás instrucións da Administración, responsable do ficheiro, comprometéndose a que o seu persoal garde secreto profesional en relación a eles. - Garantirá a adopción e implementación das medidas de seguridade correspondentes ó tipo de datos tratados, en atención ó disposto no Real Decreto 1720/2007. - Non os aplicará ou utilizará cunha finalidade distinta á derivada da natureza do contrato, nin os comunicará, aínda que sexa para a súa conservación, a outras persoas. Nembargante, o adxudicatario non incorrerá en responsabilidade cando, previa indicación expresa do responsable do tratamento, comunique os datos a un terceiro designado por aquel, que terá a consideración de encargado do tratamento e, polo tanto, deberá axustarse as instrucións do responsable do ficheiro. Unha vez cumprida a prestación contractual, os datos de carácter persoal deberán ser destruídos o devoltos á responsable do seu tratamento, do mesmo xeito que calquera soporte ou documento no que conste algún dato de carácter persoal obxecto do tratamento. Non procederá a destrución dos datos cando exista unha previsión legal que esixa a súa conservación; neste caso, procederase a súa devolución. No caso do incumprimento do estipulado, o adxudicatario e os técnicos que formen parte do equipo de traballo serán responsables das infraccións que se cometan. O órgano de contratación reservase o dereito a efectuar en calquera momento os controis e auditorías que considere apropiadas co fin de verificar o correcto cumprimento desta cláusula. 24.4. Propiedade intelectual e industrial: O contratista cédelle en exclusiva á Administración contratante a titularidade dos dereitos de propiedade intelectual, excepto os de carácter moral, así como os dereitos de propiedade industrial, sobre a totalidade das creacións resultado deste contrato. A Administración adquirirá a propiedade intelectual do traballo obxecto do contrato desde o seu inicio, sendo responsabilidade do contratista as perdas que se poidan derivar contra tal dereito de propiedade, por actuacións a el imputables. A cesión abarca todas as modalidades de explotación actualmente recoñecidas pola lexislación vixente, tales como edición, representación, gravacións e reproducións audiovisuais, informáticas, etc.; en calquera forma ou soporte legalmente admitido. Para tal efecto, o contratista terá que entregarlle ó órgano de contratación, en perfecto estado para o uso ó que se destinan, os soportes orixinais que conteñan as creacións que resulten do contrato. A cesión terá unha duración equivalente ó tempo máximo previsto na lexislación reguladora dos dereitos cedidos para a protección e uso destes. A cesión destes dereitos á Administración contratante non ten limitación ningunha en canto ó ámbito territorial para o exercicio de calquera dereito que desta derive. O prezo pola cesión destes dereitos atópase comprendido no da licitación, non estando obrigada a Administración contratante a aboar ningunha cantidade suplementaria pola cesión de tales dereitos ou pola entrega de soportes que conteñan as creacións derivadas do contrato. A execución do contrato comporta a cesión á Administración contratante do dereito de uso dos devanditos produtos, podendo esta, ademais, autorizar o seu uso ós entes, organismos e entidades pertencentes ó sector público a que se refire o artigo 3.1 do TRLCSP. 25. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do adxudicatario, sen que poida imputárselle á Administración contratante ningún pagamento por tal concepto e sen que estes gastos superen os dous mil euros(2.000,00 €). 26. MODIFICACIÓNS DO CONTRATO O órgano de contratación, aos efectos establecidos nos artigos 219.1 e 306 do TRLCSP, ostenta a prerrogativa de modificar o contrato obxecto do presente prego segundo o disposto no artigo 210 do TRLCSP. As modificacións do contrato poderán producirse, en cumprimento dos artigos 210 e 219.1 do TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio de potestade de modificación do contrato regulado no artigo 211 do TRLCSP. No contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 do TRLCSP, de conformidade co disposto no artigo 105 do TRLCSP relativo aos supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nas que o órgano de contratación poderá facer uso desa potestade, o seu alcance e límites, indicando a porcentaxe do prezo do contrato ao que como máximo pode afectar a modificación, e no procedemento. b) Modificacións non previstas na documentación que rexe a licitación: O contrato se poderá modificar sempre que se xustifique suficientemente a concorrencia dalgunha das circunstancias dispostas no artigo 107 do TRLCSP, seguindo o procedemento establecido ao efecto na normativa. Cando, como consecuencia dunha modificación, experimente variación o prezo do mesmo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ao disposto no artigo 156 do TRLCSP. 27. GARANTÍA DOS SERVIZOS O prazo de garantía comezará a contar desde a data de recepción ou inicio do servizo. A garantía definitiva responderá dos seguintes conceptos: a) Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público. b) Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c) Da incautación que poida decretarse nos casos de resolución do contrato, de acordo co que no citado Real decreto lexislativo estea establecido. Durante este prazo de garantía o contratista terá dereito a coñecer e ser oído sobre a aplicación do servizo realizado. 28. INCUMPRIMENTO DO PRAZO Unha vez incumprido o prazo o contratista incorre automaticamente en demora, co que a Administración poderá optar entre a imposición de penalidades ou a resolución do contrato no caso de que estas alcancen o 5% do seu prezo. Os importes destas penalidades faranse efectivos mediante a súa dedución na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 29. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 308 do TRLCSP.” Ditos anexos son como seguen: ANEXO I “CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN E OBXECTO DO CONTRATO O servizo de tradución, deseño, maquetación e impresión de material de información turística do servizo de Turismo Rías Baixas, que inclúe as seguintes publicacións divididas en dous bloques: Material cartográfico: - Mapa provincial - Rueiro de Pontevedra. - Rueiro de Vigo Guías temáticas: - Guía de turismo cultural. - Guía de patrimonio. - Guía de turismo de natureza. - Guía de gastronomía e enoturismo. - Guía de experiencias turísticas. - Políptico do Mosteiro da Armenteira. - Guía do Parque do Castelo de Soutomaior, incluído castelo e xardín. - Políptico do Castelo de Sobroso. - Políptico do Camiño de Santiago. - Guía de Arquitectura Contemporánea. - Guía de xardíns de camelias. O contrato executarase en tres fases: A fase 1 comprende os traballos de tradución e adecuación de contidos, deseño, maquetación e impresión. As fases 2 e 3 so comprenden a impresión ou tras realizar unha revisión a actualización de contidos e entrega de material que se efectuará a petición do servizo Turismo Rías Baixas. O material a entregar en cada unha das fases será o indicado na cláusula 4 do prego de prescricións técnicas. 1.2. PROCEDEMENTO División en lotes: non Cualificación do contrato: servizos (Categoría 15 Anexo II) CPV: 79820000 Servizos relacionados coa impresión. Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 15 días naturais (artigo 159.2 do R. D. L. 3/2011), a contar desde a publicación do anuncio do contrato no Boletín Oficial da Provincia de Pontevedra. 1.3. TIPO DE LICITACIÓN, VALOR ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: a tanto alzado Prezo de licitación para cada fase: Fase 1: Prezo sen IVE 100.000,00 € IVE 21.000,00 € Total 121.000,00 € Fase 2: Prezo sen IVE 30.000,00 € IVE 6.300,00 € Total 36.300,00 € Fase 3: Prezo sen IVE 50.000,00 € IVE 10.500,00 € Total 60.500,00 € B) VALOR ESTIMADO DO CONTRATO Valor estimado do contrato: 180.000,00 € C) FINANCIAMENTO Cadro de financiamento: Anualidade Aplicación orzamentaria Importe 2017 17/433.4320.227.24 157.300,00 € 2018 18/433.4320.227.24 60.500,00 € Os importes correspondentes os exercicios 2017 e 2018 quedarán condicionados a aprobación dos respectivos orzamentos e a existencia de crédito axeitado e suficiente. Revisión de prezos: Non procede en base a aplicación do novo réxime xurídico de revisión de prezos creado como consecuencia da disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. En aplicación do novo réxime xurídico, tamén se estará ao o disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. O obxecto do presente contrato non se atopa en ningunha das circunstancias previstas no parágrafo anterior, e polo tanto non se aplicará revisión de prezos durante a vixencia do mesmo. 1.4. PRAZO DE EXECUCIÓN O contrato executarase en tres fases de acordo co seguinte detalle: Os prazos máximos de execución dos traballos incluídos na fase 1 son os seguintes: -Tradución e adecuación de contidos: 30 días para a súa entrega desde a formalización do contrato. A empresa entregará os contidos traducidos e adecuados sen necesidade de ser maquetados, ao Servizo de Turismo Rías Baixas para a súa aprobación. O Servizo de Turismo Rías Baixas disporá dun prazo máximo de 8 días para a súa validación. Durante eses oito días se irán realizando as correccións sinaladas e se procederá a validación definitiva. -Deseño e maquetación: 20 días desde a validación definitiva da tradución e adecuación de contidos. Entregarase os deseños con probas preimpresión, que permita a Turismo Rías Baixas avaliar correctamente o resultado final para a súa validación. Turismo Rías Baixas disporá dun prazo máximo de 7 días para a validación. Durante eses 7 días iranse facendo as correccións sinalas e procederase a validación definitiva. -Impresión dos contidos incluídos na fase 1: 20 días desde a validación definitiva do deseño e maquetación. Todo o material incluído na fase 1 deberá estar plenamente dispoñible, é dicir, deseñado, maquetado, traducido ó inglés e francés e impreso nun prazo máximo de 85 días desde a formalización do contrato Cada unha destas actividades deberá ser validada por parte de Turismo Rías Baixas. As fases 2 e 3 so comprenden a impresión ou tras realizar unha revisión a actualización de contidos e entrega de material que se efectuará a petición do servizo Turismo Rías Baixas. A fase 2 realizarase aproximadamente os 5 meses despois da finalización da primeira fase e en todo caso como prazo máximo en outubro de 2017. A fase 3 levarase a cabo aproximadamente ós 6 meses despois da segunda fase e en todo caso co prazo máximo de maio de 2018. Inclúe polo tanto so os traballos de impresión tras realizala revisión ou actualización de contidos. 1.5. RÉXIME DE PAGAMENTO Forma de pagamento: Os pagamentos ao adxudicatario realizaranse nas seguintes fases e importes: Fase 1: Unha vez entregado o material deseñado nos formatos solicitados e conformado polo equipo técnico de Turismo Rías Baixas, se poderá realizar o pago previa emisión da factura, polo importe ofertado para a fase 1, que non poderá superar o importe máximo de 100.000,00 € (IVE non incluído). Fase 2: Unha vez entregada a reedición de material promocional, que corresponderá co fin da tempada alta (outubro de 2017), incluíndo a actualización de contidos se fose necesario e contando coa conformidade do Servizo de Turismo Rías Baixas, se poderá realizar o pago previa emisión da factura, polo importe ofertado para a fase 2 , quen no poderá superar o importe máximo de 30.000,00 € (IVE non incluído). Fase 3: Unha vez entregada a reedición de material promocional, que corresponderá co fin do contrato, incluíndo a actualización de contidos se fose necesario e contando coa conformidade do Servizo de Turismo Rías Baixas, se poderá realizar o pago previa emisión da factura, polo prezo ofertado para a fase 3 que non poderá superar o importe máximo de 50.000,00 € (IVE non incluído). As facturas deberán detallar o número de unidades subministradas e o prezo unitario de cada elemento. O material a entregar en cada unha das fases será o establecido na cláusula 4 do prego de prescricións técnicas. Non obstante as cantidades a imprimir nas fases 2 e 3 poderán sufrir variacións ou axustes nas cantidades de material a subministrar en función das necesidades do Servizo de Turismo Rías Baixas, sempre que non se supere a cantidade máxima de cada fase. Lugar de presentación e forma da factura: As facturas de importe superior a 5.000,00€ deberán ser presentadas polo adxudicatario en formato electrónico a través da Sede Electrónica da Deputación de Pontevedra (sede.depo.es) en tempo e forma a efectos de que o órgano administrativo ao que corresponda, proceda a súa tramitación (máis información en https://sede.depo.es). Os códigos DIR 3 que identifican ao presente procedemento e que se especificarán nas correspondentes facturas electrónicas son os seguintes: Administración: L02000036 Deputación Provincial de Pontevedra CIF: P3600000H Órgano xestor: LA0006122 Unidade Tramitadora: LA0006135 Oficina Contable: LA0006135 Se xunto coa factura o adxudicatario ten que presentar outros documentos xustificativos do traballo realizado, farao achegando os documentos xustificativos a través do sistema de facturación da Deputación de Pontevedra. 1.6. GARANTÍAS Período de garantía: 1 ano. Provisional: non se esixe Definitiva: 5% do importe de adxudicación (sen IVE) 1.7. PENALIZACIÓNS En caso de incumprimento dos compromisos ou das condicións especiais de execución do contrato ofertadas polo contratista poderase optar entre a resolución do contrato ou a imposición das penalidades establecidas. O cumprimento dos prazos de entrega do material obxecto desta contratación e das características técnicas do material, de conformidade co establecido nos pregos e na oferta da empresa adxudicataria, serán consideradas obrigas esenciais do contrato, aplicándose as penalidades previstas, ou, no seu caso, a resolución do contrato en caso do incumprimento das mesmas. As penalidades faranse efectivas mediante a súa dedución das facturas, respondendo a garantía definitiva, en todo caso, da súa efectividade. En caso de incumprimento das características técnicas e prazo de entrega do material establecidas nos pregos e na oferta da empresa adxudicataria, imporanse as seguintes penalizacións: En caso de retraso nos prazos de entrega imporase unha penalización por importe dun 5 % do importe unitario das unidades afectadas por cada día hábil de retraso. No caso de incumprimento das características do material de conformidade co establecido nos pregos e na oferta da empresa imporanse as seguintes penalizacións: - O primeiro apercibimento non suporá penalizacións para o contratista e concederase a empresa adxudicataria un prazo de 5 días para subsanar o incumprimento conforme ao establecido nos pregos. - O segundo apercibimento suporá unha penalización do 10 % das unidades defectuosas ao facer efectivo o seguinte pago. A empresa disporá logo dun prazo de 5 días para emendar o incumprimento. - A partir dun terceiro ou máis apercibimentos, polo mesmo incumprimento ou outros distintos, aplicarase unha penalización do 20%, acumulativa a anterior na facturación seguinte podendo acordarse a resolución do contrato. PROCEDEMENTO DE IMPOSICIÓN DE PENALIZACIÓNS As penalidades ou multas coercitivas impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 2. SOLVENCIA TÉCNICA (documentación que se debe presentar na fase de requirimento, segundo figura na cláusula 13.1 do prego económico administrativo) Acreditación da solvencia económica, financeira e técnica: A) Solvencia económica e financeira: Deberase acreditar un volume anual de negocios referido ao ano de maior volume de negocio dos tres últimos exercicios concluídos por un importe mínimo dunha vez e media o valor anual medio estimado do contrato. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva: - Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica Para acreditar a solvencia técnica o licitador deberá presentar os seguintes documentos: a) Relación dos principais servizos ou traballos realizados no curso dos cinco últimos anos relacionados co obxecto do contrato; nestes certificados indicaranse o importe, as datas e o destinatario, público ou privado, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V do presente prego). Os servizos ou traballos efectuados acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior ao 70% da anualidade media do valor estimado do contrato. Nota: Considérase como valor estimado do contrato o importe total, sen incluír o Imposto sobre o Valor Engadido. A empresa poderá acreditar a súa solvencia indistintamente mediante a súa clasificación no grupo ou subgrupo de clasificación correspondente o contrato ou ben acreditando os requisitos específicos de solvencia anteriormente indicados. Clasificación: Grupo M, Subgrupo 4 , Categoría 1 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (SOBRE B) Os criterios avaliables mediante xuízos de valor valoraranse cun máximo de 49 puntos, de conformidade cos seguintes criterios: 3.1.1.-Nome comercial ou slogan de cada temática do material promocional e estrutura do mesmo: 15 puntos. Valorarase neste apartado a calidade creativa dos nomes comerciais dos diferentes produtos, a orientación dos mesmos así como a súa organización temática. Prestarase especial atención a usabilidade, desde o punto de vista turístico e informativo para os visitantes. 3.1.2.- Proposta gráfica, ata un máximo de 25 puntos: Valorarase neste apartado a proposta gráfica desde un punto de vista creativo, en coherencia cos contidos propostos e coa identidade corporativa de Turismo Rías Baixas, así como a súa coherencia coas demais liñas de comunicación que mantén Turismo Rías Baixas noutros soportes (webs, redes sociais, feiras…). Desagréganse nos seguintes apartados: - Creatividade e orixinalidade da proposta, tendo en conta a súa portabilidade: pregado, formato de papel, etc, (ata un máximo de 15 puntos). - Coherencia coa identidade gráfica corporativa da Deputación de Pontevedra e Turismo Rías Baixas, nos seus aspectos “on” e “off line” (ata un máximo de 10 puntos). 3.1.3.- Melloras propostas polo licitador, ata un máximo de 9 puntos en conxunto): Valoraranse as seguintes melloras. -Achega de novos contidos polo licitador, a maiores da información facilitada por Turismo Rías Baixas. Non se trata dunha ampliación do contido que Turismo Rías Baixas aporta, senón de novos e innovadores contidos co fin de desenvolver outra guía, políptico ou similar que interese e contribúa a promoción do destino turístico Rías Baixas, ata un máximo de 2 puntos. -Mellora nas características técnicas do material a subministrar sobre as características establecidas nos pregos, ata un máximo de 2 puntos. - Achega, a maiores, do material fotográfico acorde á liña de deseño que se propón, ata un máximo de 3 puntos. Terase en conta para a valoración a calidade e a cantidade do material fotográfico a achegar. - Achega a maiores dunha liña e deseño innovador de merchandising acorde a liña da imaxe que o licitador propoña para o material promocional do destino, ata un máximo de 2 puntos. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C) Nota importante: só se procederá á apertura e valoración das propostas do sobre C das empresas que obteñan unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 51 puntos, de conformidade cos seguintes criterios: 3.2.1.- Prezo total ofertado, ata un máximo de 51 puntos: Este criterio valorarase de acordo coa fórmula establecida no Anexo IV do presente prego. Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A e de valoración técnica do sobre B. 4. DOCUMENTACIÓN QUE SE DEBE PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se adxunta no anexo III deste prego. A efectos informativos indícase que é posible a presentación do Documento europeo único de contratación electrónico (DEUC) en substitución da declaración responsable indicada neste punto. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable (ou DEUC), así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 3. Compromiso do licitador de dedicar ou adscribir ao contrato os medios persoais e materiais suficientes necesarios para a debida execución do mesmo, aos que se refire o artigo 64.2 do TRLCSP. O equipo de traballo será como mínimo de:  1 Director Técnico: Profesional con máis de catro anos de experiencia acreditada no sector, realizando labores de dirección, planificación, control e supervisión. Respecto os medios técnicos: o compromiso incluirá: - A relación de maquinaria, material ou técnicas que se disporán para a execución dos traballos, así como programas, aplicacións informáticas, acceso a bases de datos… - Memoria descritiva da metodoloxía empregada no desenvolvemento das traducións, deseño e maquetación cos seus respectivos niveis de revisión, corrección, etc. 4.- Un certificado ou declaración responsable de propiedade intelectual no que conste: • Que ten todos os dereitos de propiedade intelectual ou industrial necesarios sobre os contidos , para que poidan ser reproducidos e mostrados en calquera tipo de publicación, física ou dixital, de promoción turística. • Que os contidos non son ilícitos, extra-comercio ou lesivos de dereitos alleos nin atentan contra ningún dos bens xurídicos protexidos descritos no artigo 8 da Lei 34/2002 de 11 de xullo de servizos da sociedade da información e do comercio electrónico (LSSI). • Que se cede a Turismo Rías Baixas todos os dereitos de propiedade intelectual sobre os contidos subministrados co fin de ser mostrados vía web ou en publicacións para outros soportes coa finalidade de promoción turística. En concreto, os dereitos de explotación cedidos son os seguintes: o Dereito de realizar ou autorizar a reprodución total ou parcial dos contidos por calquera medio e baixo calquera forma, xa sexa permanente ou temporal. o Dereito a realizar ou autorizar a tradución, adaptación, arranxo ou calquera outra transformación dos contidos e a reprodución dos resultados de tales actos sen prexuízo da persoa que os transforme. o Dereito a realizar ou autorizar calquera forma de distribución e comunicación pública de ditos contidos. • Que responde pola licitude e veracidade dos contidos, así como da exactitude dos datos subministrados e que, indemnizará e manterá indemne a Turismo Rías Baixas fronte a calquera demanda, acción, reclamación ou xuízo iniciado por terceiros o por calquera outro prexuízo sufrido en relación con ditos contidos ou produtos do licitador. 5. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS As ofertas deberán presentarse tanto en formato papel coma en formato dixital. O formato dixital deberá presentarse en soporte CD ou DVD, coa seguinte etiqueta: EMPRESA NOME DE FICHEIROS Oferta_Tecnica.doc Oferta_Tecnica.pdf A versión dixital entregarase nun ficheiro en formato PDF e outro ficheiro en formato DOC. Durante o proceso de valoración das ofertas non se terán en conta aquelas que non presenten toda a documentación no formato dixital indicado anteriormente e seguindo as directrices estipuladas. As ofertas técnicas que presenten os licitadores deberán contemplar de maneira obrigatoria e exclusiva os seguintes puntos e na orde especificada a continuación. Non seguir esta estrutura ou engadir algún punto ós indicados será motivo de exclusión. ÍNDICE 1.- Descrición da metodoloxía proposta para a realización dos traballos. 2.- Proposta de nomes comerciais ou slogans de cada un dos materiais obxecto de licitación. 3.- Proposta creativa e de deseño gráfico: presentaranse propostas gráficas de polo menos catro dos materiais indicados. 4.- Descricións detallada das melloras propostas: - Achega de novos contidos a maiores da información facilitada por Turismo Rías Baixas. As empresas deberán achegar o tema innovador e o texto non é necesario que estea maquetado, pode ser un formato Word. - Melloras nas características técnicas do material a subministrar. As empresas achegarán unha memoria descritiva das melloras propostas de xeito que permita a súa valoración. - Achega a maiores de material fotográfico acorde a liña de deseño que se propón. - Achega a maiores dunha liña e deseño innovador de merchandising acorde a liña da imaxe que o licitador propoña para o material promocional do destino. As empresas deberán achegar graficamente, unha serie ou liña de elementos ou obxectos que de algún xeito sexan identificativos co destino “Rías Baixas” ou coas temáticas que se promocionan, seguindo a imaxe gráfica do material promocional obxecto desta contratación. 5.- Deberase indicar a parte do contrato que o empresario ten eventualmente o propósito de subcontratar de conformidade co establecido na cláusula 16 do presente prego. Ademais da relación mínima de documentación o licitador poderá presentar todos aqueles documentos que considere oportunos para a perfecta definición do servizo, entendendo que, no caso de non indicarse un aspecto determinado, se cumpren os requisitos mínimos establecidos nos pregos. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta presentada nos criterios avaliables de forma automática (sobre C). O incumprimento deste requisito implicará a exclusión do procedemento. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: 1.-Modelo de proposición determinado no anexo II. Modelo de proposición deste prego, asinado e selado. Este modelo conterá a oferta económica que se realice. Non se aceptarán propostas que conteñan omisións, erros ou riscos que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese o orzamento base de licitación, variase substancialmente o modelo establecido, comportase erro manifesto no importe da proposición ou se existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Na proposición indicaranse como partida independente o importe do IVE. Así mesmo, cando para a selección do contratista se atenda a unha pluralidade de criterios incluirase neste sobre a documentación relativa a aqueles criterios avaliables mediante fórmulas establecidas nos pregos.” ANEXO II “MODELO DE PROPOSICIÓN (SOBRE C) (Nome e apelidos) .........................................., maior de idade, veciño de ......................................., con domicilio en .............................., titular do DNI número ....................................., actuando en nome propio ou en representación da empresa ................................ (CIF número..........................) e con domicilio en ...................................., teléfono ....................................., segundo declaro responsablemente, en coñecemento do anuncio para adxudicar mediante procedemento aberto o contrato correspondente ó servizo (especificar denominación do servizo): Primeiro. Declaro que na execución do contrato se cumprirán os deberes derivados das disposicións vixentes en materia de protección do emprego, condicións de traballo e prevención de riscos laborais. Segundo. Comprométome ó servizo, con estrita suxeición ós pregos de prescricións técnicas e condicións económico-administrativas, que aceptamos na súa totalidade, coas seguintes condicións: 1.- Prezo ofertado: Prezo ofertado (sen IVE) IVE Prezo ofertado (IVE incluído) Fase 1 Fase 2 Fase 3 Total Os importes ofertados para cada unha das fases non poderán superar os tipos de licitación indicados na cláusula 1.3 do Anexo I do presente prego para cada unha das fases. 2.- Desagregación en prezos unitarios: Deberanse facilitar os prezos unitarios ofertados para cada un dos elementos. Para iso o licitador deberá achegar cumprimentada a Plantilla sobre C: Prezos unitarios. ……………………………., ….. de …………………… de ……….. (Lugar, data, sinatura e selo do licitador)” ANEXO III. DECLARACIÓN RESPONSABLE (SOBRE A) Nota: este modelo pode descargarse en formato PDF para cubrir na área de descargas do seguinte enderezo web: http://www.depo.es/web/edepo/contratacion1 “DOCUMENTO EUROPEO ÚNICO DE CONTRATACIÓN (DEUC E DEUC ELECTRÓNICO) 1. PRINCIPIOS BÁSICOS DO DEUC O DEUC é un documento creado para facilitar a participación na contratación pública que consiste nunha declaración formal e actualizada da empresa interesada, en substitución da documentación acreditativa que confirme a idoneidade, solvencia financeira e capacidade das empresas utilizada como proba preliminar en todos os procedementos de contratación pública que rebasan o umbral da Unión Europea. O DEUC está dispoñible en todas as linguas da Unión Europea (UE). A declaración permite comprobar que as empresas licitadoras non están incursas en ningunha das situacións nas que poderían resultar excluídas do procedemento e que cumpren os criterios pertinentes de exclusión e selección. Coa presentación do DEUC os licitadores non terán que proporcionar as probas documentais completas e diferentes formularios utilizados anteriormente na contratación pública da UE, o que significa unha considerable simplicación do acceso ás oportunidades de licitación transfronteirizas, por tanto, será o adxudicatario quen unicamente deberá presentar os certificados que se soliciten normalmente como proba. 2. ACCESO AO DEUC E O DEUC ELECTRÓNICO Con arranxo as novas Directivas sobre contratación pública, o DEUC facilitarase exclusivamente en formato electrónico a partir do 18 de abril de 2018, en tanto, a fin de posibilitar a transición en toda a UE, ata a data mencionada coexistirá a versión electrónica e a versión en papel dispoñibles de acordo ao seguinte: - Formato papel: Documento DEUC que figura no anexo II do Regulamento de Execución (UE) 2016/7 da Comisión, de 5 de xaneiro de 2016, polo que se establece o formulario normalizado do DEUC. Pódese visualizar na dirección web http://eur-lex.europa.eu - En formato electrónico a través do servizo en liña DEUC electrónico na seguinte dirección web https://ec.europa.eu/growth/tools-databases/espd O servizo en liña proporcionado pola Comisión Europea é gratuíto para os compradores, licitadores e demais partes interesadas en cumprimentar o documento de forma electrónica. O formulario en liña pode ser cumprimentado, impreso e posteriormente enviarse xunto coa oferta. Se o procedemento se realiza de forma electrónica, o DEUC presentado no marco dun procedemento de contratación pública anterior, pode reutilizarse sempre que a información siga sendo a correcta. As empresas que figuren inscritas en listas oficiais autorizadas, no caso de España o Rexistro Oficial de Licitadores e Empresas Clasificadas do Estado (ROLECE) ou o equivalente a nivel autonómico co alcance previsto no artigo 327.1 do TRLCSP, non estarán obrigadas a facilitar no formulario DEUC os datos e información que xa forme parte dos ditos rexistros, sempre e cando as empresas inclúan no DEUC a información necesaria para que o órgano de Contratación poida realizar o acceso correspondente (datos de identificación no rexistro, declaración de consentimento, dirección web, etc). Os licitadores poderán ser excluídos do procedemento ou ser obxecto de enxuizamento se a información contida no DEUC foi falseada, ocultada ou non pode completarse con documentos xustificativos. 3. COMO UTILIZAR O DEUC ELECTRÓNICO 3.1. Acceso a través de calquera navegador de internet: O DEUC electrónico funciona coas versións máis recentes dos navegadores máis habituais (Chrome, Internet, Explorer, Firefox, Safari e Opera). Débese ter en conta que certas funcións, como descargar un ficheiro, non é posible realizalas en teléfonos intelixentes ou tabletas. 3.2. Crear, importar e descargar o DEUC electrónico: O servizo en liña DEUC permite crear un modelo novo ou reutilizar un modelo xa utilizado nun procedemento anterior, por tanto o DEUC electrónico estará dispoñible por vía electrónica xunto cos demais documentos de licitación. A empresa licitadora procederá a importar o dito modelo, cumprimentar os datos necesarios, descargar e imprimir, no caso de que sexa necesario, presentando deste modo o DEUC cos demais documentos de licitación. 3.3. Descargar o DEUC electrónico en formato PDF: En Microsoft Windows o DEUC electrónico pode descargarse a través do Chrome (coa impresora que leva integrada). No caso doutros navegadores pode utilizarse calquera creador de documentos en PDF dispoñible en liña de forma gratuíta. No caso de Mac, OSX o Linux, o DEUC pode imprimirse desde calquera navegador. 3.4. Sinatura do DEUC electrónico: Para a sinatura electrónica deberase descargar o modelo en XML e utilizar a correspondente sinatura electrónica. Se non fora posible, deberase imprimir o DEUC en formato PDF e asinarse a man. 3.5. Impresión do DEUC electrónico: Pódese imprimir o DEUC electrónico desde o servizo en liña posto a disposición pola Comisión Europea. O formulario DEUC electrónico aparece tras pulsar o botón “Imprimir”. 3.6. Como cumprimentar automaticamente os datos sobre o procedemento que deben figurar na parte I do DEUC electrónico: O servizo DEUC electrónico que ofrece a Comisión Europea recolle automaticamente esta información sempre que se respecten as seguintes etapas: 1) Presentado o anuncio de licitación no TED (Tender Electronic Daily) 2) A empresa licitadora recibe un correo electrónico con un numero de identificación. 3) Introdúcese o número de identificación no servizo DEUC electrónico. Posteriormente, esta información se inserta automaticamente na parte I do DEUC electrónico. 3.7. Reutilización do DEUC electrónico: O servizo en liña do DEUC electrónico permite tanto aos compradores como as empresas licitadoras reutilizar o formulario do DEUC electrónico utilizado en procedementos de contratación anteriores. O formulario pode utilizarse mentres os datos sigan sendo correctos e pertinentes. 3.8. Presentación de probas orixinais: Será o adxudicatario do contrato quen deberá presentar as probas orixinais, en tanto, poderase solicitar en todo momento do procedemento a presentación de probas a fin de garantir a correcta execución do mesmo. No caso de que as probas, ou parte das mesmas, estean dispoñibles en bases de datos oficiais (En España ROLECE ou Rexistro autonómico equivalente), de forma gratuíta, as empresas poderán indicar onde poden encontrarse as probas solicitadas (nome do rexistro, identificación, etc), e por tanto, o solicitante obter as probas da fonte indicada, sen prexuízo das normas pertinentes en materia de protección de datos persoais). 4. ASPECTOS TÉCNICOS RELACIONADOS CO DEUC ELECTRÓNICO O servizo DEUC electrónico é unha aplicación en liña destinada a facilitar o proceso de elaboración do formulario do DEUC, non unha base de datos de preselección polo que non almacena ningún dato. O formulario se conserva sempre localmente no ordenador do usuario. No futuro será posible para a empresa licitadora ver directamente no DEUC electrónico que probas se poden utilizar para cumprir un criterio específico.” ANEXO IV “FÓRMULAS PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) Entenderanse por ofertas admitidas todas aquelas que non quedaran excluídas unha vez realizado o exame da documentación administrativa contida no sobre A e de valoración técnica do sobre B. A) Prezo total ofertado sen IVE, ata un máximo de 51 puntos: Para o cálculo da puntuación do prezo a fórmula a utilizar será a seguinte: • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que:. 4. Fórmula completa para a valoración de ofertas 1. Definición de Wmax : 2. Definición de S:  Se : ,  Se : 3. Valoración das ofertas cando bmax > . Para i=1,…..,n:  Se entón ,  Se entón 4. Valoración das ofertas cando  Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación - Dúas ofertas: unha das ofertas será anormal se a súa baixa porcentual é superior á doutra en máis de 20 unidades - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual) • n = 1: se b1 > 25, entón a oferta 1 (única) é temeraria • n = 2: supoñemos que . Se entón a oferta 2 é temeraria Obsérvese que a condición equivale a porque • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada.” ANEXO V “MODELO DE ACREDITACIÓN DE SOLVENCIA TÉCNICA DOS SERVIZOS REALIZADOS ACREDITACIÓN DE LA SOLVENCIA TÉCNICA Y PROFESIONAL RESPECTO DE LA REALIZACIÓN DOS SERVIZOS REALIZADOS POR LA EMPRESA NOS ÚLTIMOS CINCO AÑOS TÍTULO DO CONTRATO: Nº EXPEDIENTE: Dª /D.…………, con DNI núm. ……….., en nome propio ou en representación da empresa…………, con NIF/CIF núm. …….…DECLARA que a relación dos servizos obxecto do presente contrato realizados nos últimos cinco anos son os que se recollen na seguinte táboa: Do título contrato Obxecto Data Importe do ano 2011 Importe do ano 2012 Importe do ano 2013 Importe do ano 2014 Importe do ano 2015 Importe total dos últimos 5 años Destinatario Inicio Fin Totais ……………………………………., ….. de …………………… de ……….. (Lugar, data, firma e selo do licitador)” 3.25027.- PRÓRROGA DO CONTRATO RELATIVO Ó SERVIZO DE SEGURIDADE E VIXILANCIA DOS CENTROS DA DEPUTACIÓN DE PONTEVEDRA (Expte. nº2014000061) A Xunta de Goberno, na sesión do día 28 de novembro de 2014 adxudicou á empresa Eulen Seguridad, S.A. (CIF: A28369395) o contrato de seguridade e vixilancia nos centros da Deputación de Pontevedra coas seguintes condicións: 1. Centros nos que se presta o servizo: - Escola de Canteiros de Pontevedra - Centro Príncipe Felipe - Museo de Pontevedra, composto dos seguintes edificos:  Sexto Edificio  Edificio Sarmiento  Edificio Fernández López e ampliación  Edificio Castro Monteagudo  Edificio García Flórez  Ruinas de Santo Domingo O servizo préstase inicialmente nestes centros, no obstante, o dito servizo se pode solicitar, en caso de necesidade, para outros centros da institución provincial. 2. Prezo de adxudicación para 2 anos de duración do contrato foi o seguinte: Centro Importe dous anos (sen IVE) IVE (21%) Importe dous anos (IVE incluído) Museo de Pontevedra 990.000,00 € 207.900,00 € 1.197.900,00 € Centro Príncipe Felipe 127.680,00 € 26.812,80 € 154.492,80 € Escola de Canteiros 122.280,00 € 25.678,80 € 147.958,80 € Total 1.239.960,00 € 260.391,60 € 1.500.351,60 € O contrato entrou en vigor o 1 de xaneiro de 2015 cunha duración de dous años, e nas condicións do mesmo establecíase que a vixencia do contrato se podería prorrogar por dous anos máis.O contrato vence o 31 de decembro de 2016. Resultando que a empresa adxudicataria, mediante escrito presentado no Rexistro Xeral da Deputación de Pontevedra, expón, en relación a posible prórroga, que non é posible a continuación do contrato nas condiciones actuais debido aos incrementos do Convenio Colectivo Estatal de Empresas de Seguridade, en concreto indica os seguintes motivos: - Incremento de salario entre o ano 2015 e 2016 dun 2,48%. - Incremento da percepción salarial de antigüidade dun 0,55% anual adicional. - Incremento derivado do uso do scanner (“Plus de Radioscopia Básica”) de 0,17€ por hora efectiva de traballo. No dito escrito, Eulen Seguridad, S.A. (CIF: A28369395) sinala que o incremento total do custe, en función das horas de traballo, alcanza o 4,64%. A Deputación de Pontevedra, mediante escrito emitido, con data de rexistro de saída de 08 de novembro de 2016, á empresa Eulen Seguridade, S.A. (CIF: A28369395) expón que a Institución Provincial está iniciando os trámites relativos a un novo procedemento de adxudicación co fin de contratar a prestación do novo servizo obxecto deste contrato, no obstante, trátase dun servizo necesario nos centros e tendo en conta que a Deputación de Pontevedra na actualidade non conta con suficientes medios propios para a correcta prestación do mesmo, con excepción da prórroga descrita, e polo tanto, no escrito solicítase a Eulen Seguridad, S.A. (CIF: A28369395) a continuidade da prestación do servizo de seguridade e vixilancia ata que se produza a nova adxudicación aos efectos de non prexudicar o normal funcionamento dos servizos públicos. A prórroga proposta finalizará no momento que se adxudique o novo contrato e se realizará nas mesmas condicións nas que se adxudicou o contrato inicial. Resultando que a empresa Eulen Seguridad, S.A. (CIF: A28369395), mediante escrito emitido con data de Rexistro de entrada do día 14 de novembro de 2016, expón que aceptan a referida prórroga do contrato ata o momento no que sexa adxudicado o novo contrato. Considerando que o presente contrato réxese pola anterior normativa relativa ao procedemento administrativo común (Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común) ó adxudicarse antes da entrada en vigor da Lei 39/2015, de 1 de outubro, do Procedemento Administrativo Común das Administracións Públicas, de acordo co establecido na súa disposición transitoria terceira, no apartado a) dispón que “Aos procedementos xa iniciados antes da entrada en vigor da Lei non lles será de aplicación a mesma, rexéndose pola normativa anterior”. Resultando que a cláusula 1.4, Anexo I do prego de condicións económico-administrativas que rexeu o procedemento aberto para a contratación do servizo de seguridade e vixilancia nos Centros da Deputación de Pontevedra, establece que o prazo de duración do contrato é de dous anos, a contar desde a data de formalización do mesmo, prorrogable por dous anos máis; cláusula establecida de conformidade co disposto no artigo 23 do RDL 3/2011, polo que se aproba o Texto Refundido de Contratos do Sector Público Visto o informe favorable emitido con data, 25 de novembro de 2016, polo Xefe do Servizo de Contratación. Resultando que con data 28 de novembro de 2016, o Sr. Secretario Xeral informa favorablemente á dita prórroga. Resultando que trátase dunha tramitación anticipada e polo tanto o servizo de Intervención emite documentos RC/Fut con cargo as seguintes aplicacións orzamentarias: Anualidade Instalación Meses Aplicación orzamentaria Importe total con IVE Documento RC/Fut 2017 Centro Príncipe Felipe 12 232.2312.227.01 81.134,13€ 201600183429 2017 Escola de Canteiros 12 324.3243.227.01 77.699,99€ 201600183431 2017 Museo de Pontevedra 12 333.3330.227.01 630.000,00€ 201600183433 No obstante, o importe correspondente ao exercicio 2017 quedará condicionado a aprobación do respectivo orzamento e a existencia de crédito adecuado e suficiente na correspondente aplicación orzamentaria. Unha vez adxudicado o novo contrato, os importes retidos e autorizados na presente prórroga pasarán a integrarse no novo contrato. Visto o informe favorable de fiscalización de data 7 de decembro de 2016 emitido polo Sr. Interventor. Considerando que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación con competencia respecto deste contrato, e tendo en conta o disposto no artigo 185 do RDL 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para a contratación que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Aprobar a prórroga do contrato relativo a prestación do “Servizo de seguridade e vixilancia nos Centros da Deputación de Pontevedra” adxudicado á empresa Eulen Seguridad, S.A. (CIF:A28369395), de acordo o seguinte detalle: - Os custes para os 12 meses de contrato: Centro Importe anual (sen IVE) IVE (21%) Importe anual (IVE incluído) Museo de Pontevedra 495.000,00 € 103.950,00 € 598.950,00 € Centro Príncipe Felipe 63.840,00 € 13.406,40 € 77.246,40 € Escola de Canteiros 61.140,00 € 12.839,40 € 73.979,40 € Total 619.980,00 € 130.195,80 € 750.175,80 € O contrato prorrogase nos mesmos temos que a adxudicación inicial. 2.- O período de vixencia da prórroga será inicialmente de 12 meses (desde o 1 de xaneiro de 2017 ata o 31 de decembro de 2017), no obstante quedará resolto coa adxudicación do novo contrato. A resolución como consecuencia da nova adxudicación non implicará indemnización algunha a favor da empresa. 3.- Autorizar o financiamento, para o exercicio 2017 de acordo ó seguinte: Anualidade Instalación Meses Aplicación orzamentaria Importe total con IVE 2017 Centro Príncipe Felipe 12 232.2312.227.01 77.246,40€ 2017 Escola de Canteiros 12 324.3243.227.01 73.979,40€ 2017 Museo de Pontevedra 12 333.3330.227.01 598.950,00€ No obstante, o importes correspondente ao exercicio 2017 quedará condicionado a aprobación do respectivo orzamento e a existencia de crédito adecuado e suficiente na correspondente aplicación orzamentaria. Unha vez adxudicado o novo contrato, os importes retidos e autorizados na presente prórroga pasarán a integrarse no novo contrato. 4.25028.- ADDENDA DE PRÓRROGA Ó CONVENIO DE COLABORACIÓN ENTRE A DEPUTACIÓN DE PONTEVEDRA, O ARCEBISPADO DE SANTIAGO E O CONCELLO DE MEIS PARA LEVAR A CABO AS OBRAS DE “RESTAURACIÓN DA IGREXA DE SANTA MARÍA DO MOSTEIRO” Resultando.- Que con data de 13 de maio de 2015, a Deputación Provincial, o Arcebispado de Santiago de Compostela e o Concello de Meis asinaron un “Convenio de colaboración para a realización das obras de restauración da Igrexa de Santa María do Mosteiro”. Resultando.- Que o custo total do convenio ascende á cantidade de 250.000,00 € IVE incluídos, financiados na súa totalidade pola Deputación de Pontevedra. Resultando.- Que a cláusula sétima do citado convenio recolle que a vixencia do devandito acordo, esténdese dende a data da súa sinatura ata o 31 de decembro de 2015, pudendo prorrogarse, no caso de que non se rematasen as actuacións obxecto do mesmo, se ben a Deputación de Pontevedra, o Arcebispado de Santiago de Compostela e o Concello de Meis, con data 1 de febreiro de 2016, asinaron unha addenda de prórroga, con vixencia dende a súa sinatura ata o 31/12/2016. Resultando.- Que na actualidade non se executou na súa totalidade a finalidade pola que se asinou o convenio, polo que é previsible que as obras non se atopen rematadas no tempo de finalización da vixencia deste acordo. Resultando.- Que con data 23/11/2016 tivo entrada nesta Deputación, escrito do Alcalde do Concello de Meis manifestando á súa conformidade coa prórroga da vixencia deste convenio ata a liquidación do correspondente contrato de obras, ou en todo caso, ata o 31 de decembro de 2017, co obxecto de obter o tempo suficiente para que se rematen as actuacións previstas. Resultando.- Que con data 28/11/2016 o xefe de Servizo de Contratación emitiu informe co seguinte contido: “...O prazo de vixencia deste convenio está a piques de rematar. Debido a que non se executou na súa totalidade o obxecto recollido neste convenio, é previsible que as obras non se atopen rematadas o día 31/12/16, polo que, co obxecto de ter tempo suficiente para rematar as accións previstas sen que se produza a extinción do convenio, faise necesario prorrogar o mesmo ata a data de liquidación do correspondente contrato de obras, ou en todo caso ata o 31/12/2017....” Resultando.- Que con data 30/11/2016 o Secretario da Deputación emitiu informe co seguinte contido: “...En relación coa petición de informe do Xefe do Servizo de Contratación sobre a addenda de prórroga do “Convenio de colaboración entre esta Deputación, o Arcebispado de Santiago de Compostela e o Concello de Meis, para levar a cabo as obras de restauración da igrexa de Santa María do Mosteiro”, maniféstase que, toda vez que está vixente o convenio, infórmase favorablemente da mesma...” Considerando.- Que o artigo 49.h.2º) da Lei 40/2015 de 1 de outubro de Réxime Xurídico do Sector Público, establece no que se refire ó prazo de vixencia dos convenios, o seguinte: “…2.º En cualquier momento antes de la finalización del plazo previsto en el apartado anterior, los firmantes del convenio podrán acordar unánimemente su prórroga por un periodo de hasta cuatro años adicionales o su extinción….” Considerando.- Que o artigo 51 do mesmo texto legal, recolle que é causa de extinción dos convenios o transcurso do prazo de vixencia do mesmo sen acordase a súa prórroga. Considerando.- Que a disposición adicional segunda do TRLCSP, no seu apartado 1, faculta á Presidencia desta Deputación para actuar como órgano de contratación con competencia respecto deste contrato de obras, e tendo en conta o disposto no artigo 185 do RDL 2/2004, de 5 de marzo, polo que se aproba o Texto Refundido da Lei Reguladora das Facendas Locais e o establecido nas bases de execución do vixente orzamento provincial, concretamente na Base 16ª.2 c). A Xunta de Goberno acorda por unanimidade: 1. Aprobar a Addenda de Prórroga ó Convenio de colaboración entre a Deputación Provincial de Pontevedra, o Arcebispado de Santiago de Compostela e o Concello de Meis para levar a cabo as obras de “Restauración da Igrexa de Santa María do Mosteiro”. 2. Facultar á Sra. Presidenta da Deputación para a formalización da devandita Addenda de Prórroga mediante a súa sinatura. O texto da referida Addenda é o seguinte: “ADDENDA DE PRÓRROGA Ó CONVENIO DE COLABORACIÓN ENTRE A DEPUTACIÓN PROVINCIAL DE PONTEVEDRA, O ARCEBISPADO DE SANTIAGO DE COMPOSTELA E O CONCELLO DE MEIS PARA LEVAR A CABO AS OBRAS DE RESTAURACIÓN DA IGREXA DE SANTA MARÍA DO MOSTEIRO. No Pazo Provincial, a ….. de ……………. de 2016. REUNIDOS A Sra. Dª María del Carmen Silva Rego, na súa condición de Presidenta da Deputación Provincial de Pontevedra, actuando en virtude das competencias que lle atribúen o artigo 34.1.b) da Lei 7/1985, do 2 de abril, Reguladora das Bases de Réxime Local. O Rvdo. Sr. D. Dictino Maceira Fernández, Ecónomo Diocesano do Arcebispado de Santiago de Compostela, con domicilio para os efectos de notificación na praza da Inmaculada, 1, na cidade de Santiago de Compostela, actuando en nome e representación do Excmo. Sr. Arcebispo D. Julián Barrio Barrio, por delegación expresa de data 28 de abril de 2015. O Sr. D. José Luís Pérez Estévez, na súa condición de Alcalde-Presidente do Concello de Meis, actuando en virtude das facultades representativas que lle atribúe o artigo 21.1.b) da Lei 7/1985, de 2 de abril, Reguladora das Bases do Réxime Local. As partes recoñécense coa capacidade para formalizar a presente addenda ó convenio, en base ós principios de colaboración, cooperación, coordinación e eficacia que deben presidir as actuacións das Administracións Públicas. MANIFESTAN I.- Que con data de 13 de maio de 2015 asinouse o Convenio de colaboración entre a Deputación Provincial de Pontevedra, o Arcebispado de Santiago de Compostela e o Concello de Meis para levar a cabo as obras de restauración da Igrexa de Santa María do Mosteiro. II.- Que a cláusula sétima do citado convenio recolle que a vixencia do devandito acordo, esténdese dende a data da súa sinatura ata o 31 de decembro de 2015, pudendo prorrogarse, no caso de que non se rematasen as actuacións obxecto do mesmo, se ben a Deputación de Pontevedra, o Arcebispado de Santiago de Compostela e o Concello de Meis, con data 1 de febreiro de 2016, asinaron unha addenda de prórroga, con vixencia dende a súa sinatura ata o 31/12/2016. III.- Que as obrigacións asumidas entre as partes asinantes do devandito Convenio, enténdense vixentes desde a data da súa sinatura ata a data da súa extinción. IV.- Que é previsible que as obras contempladas no referido Convenio non se atopen rematadas ó tempo previsto para o seu vencemento, por estar pendentes da correspondente licenza municipal. V.- Que coa finalidade de dar continuidade á prestación obxecto do devandito Convenio, as partes asinantes desta Addenda de Prórroga estiman necesario continuar coa devandita colaboración ata a liquidación do correspondente contrato de obras e, en todo caso, ata o 31 de decembro de 2017, de conformidade coas seguintes CLÁUSULAS Primeira.- Subscribir a addenda de prórroga do “Convenio de colaboración entre esta Deputación, o Arcebispado de Santiago de Compostela e o Concello de Meis, para levar a cabo as obras de restauración da igrexa de Santa María do Mosteiro”, co obxecto de prorrogar a vixencia do convenio prevista na súa cláusula sétima. Segunda.- As partes asinantes acordan a prórroga ata a liquidación do correspondente contrato de obras e, en todo caso, ata o 31 de decembro de 2017, do Convenio de Colaboración subscrito con data de 13 de maio de 2015 entre a Deputación Provincial de Pontevedra, o Arcebispado de Santiago de Compostela e o Concello de Meis. Polo tanto, os efectos da presente Addenda a este Convenio de Colaboración, estenderanse, como máximo, ata o 31 de decembro de 2017. Terceira.- O resto do convenio permanecerá inalterable no seu clausulado, mentres non supoña contradición co disposto nesta addenda. E en proba de conformidade, e para que conste ós efectos oportunos, as partes asinan todas as follas por duplicado do presente Acordo de Prórroga, no lugar e data indicados no seu encabezamento. A Presidenta da Deputación de Pontevedra, O Ecónomo Diocesano do Arcebispado de Santiago de Compostela, O Alcalde do Concello de Meis, Sra. Dª María del Carmen Silva Rego. Rvdo. Sr. D. Dictino Maceira Fernández. Sr. D. José Luís Pérez Estévez.” 5.25029.- ADDENDA DE PRÓRROGA Ó CONVENIO DE COLABORACIÓN ENTRE A DEPUTACIÓN DE PONTEVEDRA E O CONCELLO DE VILA DE CRUCES PARA A EXECUCIÓN DA OBRA “REPOSICIÓN DE CÉSPEDE NO CAMPO DE FÚTBOL DE CAMBALLÓN (VILA DE CRUCES)” Resultando.- Que a Xunta de Goberno da Deputación, na súa sesión ordinaria celebrada o día 19/06/2015 acordou aprobar o convenio de colaboración entre a Deputación de Pontevedra e o Concello de Vila de Cruces para levar a cabo as obras de “Reposición de céspede no campo de fútbol de Camballón (Vila de Cruces)”. Resultando.- Que o custo total do convenio ascende a 208.165,71 €, IVE incluído, sendo achegados na súa totalidade pola Deputación de Pontevedra. Resultando.- Que na actualidade non se executou na súa totalidade a finalidade pola que se asinou o convenio, polo que é previsible que as obras non se atopen rematadas no tempo de finalización da vixencia deste acordo. Resultando.- Que a cláusula sétima deste convenio, recolle que a vixencia do devandito acordo esténdese dende a data da súa sinatura ata o 31 de decembro de 2016, pudendo prorrogarse, no caso de que non se rematasen as actuacións obxecto do mesmo. Resultando.- Que con data 28/11/2016 o xefe do Servizo de Contratación emitiu informe co seguinte contido: “...O prazo de vixencia deste convenio está a piques de rematar. Debido a que non se executou na súa totalidade o obxecto recollido neste convenio, é previsible que as obras non se atopen rematadas o día 31/12/16, polo que, co obxecto de ter tempo suficiente para rematar as accións previstas sen que se produza a extinción do convenio, faise necesario prorrogar o mesmo ata a data de liquidación do correspondente contrato de obras, ou en todo caso ata o 31/12/2017....” Resultando.- Que con data 30/11/2016 o Secretario da Deputación emitiu informe co seguinte contido: “...En relación coa petición de informe do Xefe do Servizo de Contratación sobre a addenda de prórroga do “Convenio de colaboración entre esta Deputación e o Concello de Vila de Cruces, para a execución da obra reposición de céspede no campo de fútbol de Camballón (Vila de Cruces)”, maniféstase que, toda vez que está vixente o convenio, infórmase favorablemente da mesma...” Considerando.- Que con data 9 de decembro de 2016, reuniuse a comisión de seguimento e control deste convenio, propoñendo ampliar o prazo de vixencia do convenio un ano mais, acordando o remate do mesmo o 31/12/2017, mostrando entre outros a súa conformidade o Alcalde e o Concelleiro de Deportes do Concello de Vila de Cruces Considerando.- Que o artigo 49.h.2º) da Lei 40/2015 de 1 de outubro de Réxime Xurídico do Sector Público, establece no que se refire ó prazo de vixencia dos convenios, o seguinte: “…2.º En cualquier momento antes de la finalización del plazo previsto en el apartado anterior, los firmantes del convenio podrán acordar unánimemente su prórroga por un periodo de hasta cuatro años adicionales o su extinción….” Considerando.- Que o artigo 51 do mesmo texto legal, recolle que é causa de extinción dos convenios o transcurso do prazo de vixencia do mesmo sen acordase a súa prórroga. Considerando.- Que a disposición adicional segunda do TRLCSP, no seu apartado 1, faculta á Presidencia desta Deputación para actuar como órgano de contratación con competencia respecto deste contrato de obras, e tendo en conta o disposto no artigo 185 do RDL 2/2004, de 5 de marzo, polo que se aproba o Texto Refundido da Lei Reguladora das Facendas Locais e o establecido nas bases de execución do vixente orzamento provincial, concretamente na Base 16ª.2 c). A Xunta de Goberno acorda por unanimidade: 1. Aprobar a Addenda de Prórroga do “Convenio de colaboración entre esta Deputación e o Concello de Vila de Cruces, para a execución da obra reposición de céspede no campo de fútbol de Camballón (Vila de Cruces)”. 2. Facultar á Sra. Presidenta da Deputación para a formalización da devandita Addenda de Prórroga mediante a súa sinatura. O texto da referida Addenda é o seguinte: “ADENDA DE PRÓRROGA Ó “CONVENIO DE COLABORACIÓN ENTRE ESTA DEPUTACIÓN E O CONCELLO DE VILA DE CRUCES, PARA LEVAR A CABO AS OBRAS DE REPOSICIÓN DE CÉSPEDE NO CAMPO DE FÚTBOL DE CAMBALLÓN (VILA DE CRUCES)” No Pazo Provincial, a ….. de …. de 2016. REUNIDOS A Sra. Dª. María del Carmen Silva Rego, na súa condición de Presidenta da Deputación Provincial de Pontevedra, actuando en virtude das competencias que lle atribúen o artigo 34.1.b) da Lei 7/1985, do 2 de abril, Reguladora das Bases de Réxime Local. O Sr. D. Jesús Otero Varela, na súa condición de Alcalde-Presidente do Concello de Vila de Cruces, actuando en virtude das facultades representativas que lle atribúe o artigo 21.1.b) da Lei 7/1985, de 2 de abril, Reguladora das Bases do Réxime Local. As partes recoñécense coa capacidade para formalizar a presente addenda ó convenio, en base ós principios de colaboración, cooperación, coordinación e eficacia que deben presidir as actuacións das Administracións Públicas. MANIFESTAN I.- Que con data de 22 de xuño de 2015 asinouse o Convenio de colaboración entre esta Deputación e o Concello de Vila de Cruces, para a execución da obra reposición de céspede no campo de fútbol de Camballón (Vila de Cruces). II.- Que a cláusula sétima deste convenio, recolle que a vixencia do devandito acordo esténdese dende a data da súa sinatura ata o 31 de decembro de 2016, pudendo prorrogarse, no caso de que non se rematasen as actuacións obxecto do mesmo. III.- Que as obrigacións asumidas entre as partes asinantes do devandito Convenio, enténdense vixentes desde a data da súa sinatura ata a data da súa extinción. IV.- Que é previsible que as obras contempladas no referido Convenio non se atopen rematadas ó tempo previsto para o seu vencemento, por estar pendentes da correspondente licenza municipal. V.- Que coa finalidade de dar continuidade á prestación obxecto do devandito Convenio, as partes asinantes desta Addenda de Prórroga estiman necesario continuar coa devandita colaboración ata a liquidación do correspondente contrato de obras e, en todo caso, ata o 31 de decembro de 2017, de conformidade coas seguintes CLÁUSULAS Primeira.- Subscribir a addenda de prórroga do “Convenio de colaboración entre esta Deputación e o Concello de Vila de Cruces, para a execución da obra reposición de céspede no campo de fútbol de Camballón (Vila de Cruces)” co obxecto de prorrogar a vixencia do convenio prevista na súa cláusula sétima. Segunda.- As partes asinantes acordan a prórroga ata a liquidación do correspondente contrato de obras e, en todo caso, ata o 31 de decembro de 2017, do Convenio de Colaboración subscrito con data de 22 de xuño de 2015 entre a Deputación de Pontevedra e o Concello de Vila de Cruces. Polo tanto, os efectos da presente Addenda a este Convenio de Colaboración, estenderanse, como máximo, ata o 31 de decembro de 2017. Terceira.- O resto do convenio permanecerá inalterable no seu clausulado, mentres non supoña contradición co disposto nesta addenda. E en proba de conformidade, e para que conste ós efectos oportunos, as partes asinan todas as follas por duplicado do presente Acordo de Prórroga, no lugar e data indicados no seu encabezamento. A Presidenta da Deputación de Pontevedra, O Alcalde do Concello de Vila de Cruces Sra. Dª María del Carmen Silva Rego. Sr. D. Jesús Otero Varela” 6.25030.- ADDENDA DE PRÓRROGA Ó CONVENIO DE COLABORACIÓN ENTRE A DEPUTACIÓN DE PONTEVEDRA E O CONCELLO DE SALVATERRA DE MIÑO PARA A EXECUCIÓN DA OBRA “CAMPO DE FÚTBOL DE CÉSPEDE SINTÉTICO DE FORNELOS-OURAL (SALVATERRA DE MIÑO)” Resultando.- Que con data 24 de xuño de 2015 asinouse o Convenio de colaboración entre a Deputación de Pontevedra e o Concello de Salvaterra de Miño para levar a cabo a execución da obra “Campo de fútbol de céspede sintético de Fornelos-Oural (Salvaterra de Miño)” Resultando.- Que o custo total do convenio ascende a 442.389,62 €, correspondendo achegar á Deputación 331.792,21 € ó Concello de Salvaterra de Miño a cantidade de 110.597,41 €. Resultando.- Que na actualidade non se executou na súa totalidade a finalidade pola que se asinou o convenio, polo que é previsible que as obras non se atopen rematadas no tempo de finalización da vixencia deste acordo. Resultando.- Que a cláusula sétima deste convenio, recolle que a vixencia do devandito acordo esténdese dende a data da súa sinatura ata o 31 de decembro de 2016, pudendo prorrogarse, coa conformidade expresa das partes intervenientes, no caso de que non se rematasen as actuacións obxecto do mesmo. Resultando.- Que con data 28/11/2016 o xefe do Servizo de Contratación emitiu informe co seguinte contido: “...O prazo de vixencia deste convenio está a piques de rematar. Debido a que non se executou na súa totalidade o obxecto recollido neste convenio, é previsible que as obras non se atopen rematadas o día 31/12/16, polo que, co obxecto de ter tempo suficiente para rematar as accións previstas sen que se produza a extinción do convenio, faise necesario prorrogar o mesmo ata a data de liquidación do correspondente contrato de obras, ou en todo caso ata o 31/12/2017...” Resultando.- Que con data 30/11/2016 o Secretario da Deputación emitiu informe co seguinte contido: “...En relación coa petición de informe do Xefe do Servizo de Contratación sobre a addenda de prórroga do “Convenio de colaboración entre esta Deputación e o Concello de Salvaterra de Miño, para a execución da obra Campo de fútbol de céspede sintético de Fornelos-Oural (Salvaterra de Miño)”, maniféstase que, toda vez que está vixente o convenio, infórmase favorablemente da mesma...” Considerando.- Que con data 2 de decembro de 2016 tivo entrada nesta Deputación escrito do Alcalde do Concello de Salvaterra de Miño mostrando a conformidade expresa co mantemento de colaboración obxecto deste convenio asinado entre a Deputación e o Concello de Salvaterra de Miño, ata a liquidación do correspondente contrato e en todo caso ata o 31 de decembro de 2017. Considerando.- Que o artigo 49.h.2º) da Lei 40/2015, de 1 de outubro, de Réxime Xurídico do Sector Público, establece no que se refire ó prazo de vixencia dos convenios, o seguinte: “…2.º En cualquier momento antes de la finalización del plazo previsto en el apartado anterior, los firmantes del convenio podrán acordar unánimemente su prórroga por un periodo de hasta cuatro años adicionales o su extinción….” Considerando.- Que o artigo 51 do mesmo texto legal, recolle que é causa de extinción dos convenios o transcurso do prazo de vixencia do mesmo sen acordase a súa prórroga. Considerando.- Que a disposición adicional segunda do TRLCSP, no seu apartado 1, faculta á Presidencia desta Deputación para actuar como órgano de contratación con competencia respecto deste contrato de obras, e tendo en conta o disposto no artigo 185 do RDL 2/2004, de 5 de marzo, polo que se aproba o Texto Refundido da Lei Reguladora das Facendas Locais e o establecido nas bases de execución do vixente orzamento provincial, concretamente na Base 16ª.2 c). A Xunta de Goberno acorda por unanimidade: 1. Aprobar a Addenda de Prórroga do “Convenio de colaboración entre esta Deputación e o Concello de Salvaterra de Miño, para a execución da obra Campo de fútbol de céspede sintético de Fornelos-Oural (Salvaterra de Miño)”, 2. Facultar á Sra. Presidenta da Deputación para a formalización da devandita Addenda de Prórroga mediante a súa sinatura. O texto da referida Addenda é o seguinte: “ADENDA DE PRÓRROGA Ó CONVENIO DE COLABORACIÓN ENTRE ESTA DEPUTACIÓN E O CONCELLO DE SALVATERRA DE MIÑO, PARA A EXECUCIÓN DA OBRA CAMPO DE FÚTBOL DE CÉSPEDE SINTÉTICO DE FORNELOS-OURAL (SALVATERRA DE MIÑO)”, No Pazo Provincial, a ….. de …. de 2016. REUNIDOS A Sra. Dª. María del Carmen Silva Rego, na súa condición de Presidenta da Deputación Provincial de Pontevedra, actuando en virtude das competencias que lle atribúen o artigo 34.1.b) da Lei 7/1985, do 2 de abril, Reguladora das Bases de Réxime Local. O Sr. D. Arturo Grandal Vaqueiro, na súa condición de Alcalde-Presidente do Concello de Salvaterra de Miño, actuando en virtude das facultades representativas que lle atribúe o artigo 21.1.b) da Lei 7/1985, de 2 de abril, Reguladora das Bases do Réxime Local. As partes recoñécense coa capacidade para formalizar a presente addenda ó convenio, en base ós principios de colaboración, cooperación, coordinación e eficacia que deben presidir as actuacións das Administracións Públicas. MANIFESTAN I.- Que con data de 24 de xuño de 2015 asinouse o Convenio de colaboración entre esta Deputación e o Concello de Salvaterra de Miño, para a execución da obra campo de fútbol de céspede sintético de Fornelos-Oural (Salvaterra de Miño). II.- Que a cláusula sétima deste convenio, recolle que a vixencia do devandito acordo esténdese dende a data da súa sinatura ata o 31 de decembro de 2016, pudendo prorrogarse, no caso de que non se rematasen as actuacións obxecto do mesmo. III.- Que as obrigacións asumidas entre as partes asinantes do devandito Convenio, enténdense vixentes desde a data da súa sinatura ata a data da súa extinción. IV.- Que é previsible que as obras contempladas no referido Convenio non se atopen rematadas ó tempo previsto para o seu vencemento, por estar pendentes da correspondente licenza municipal. V.- Que coa finalidade de dar continuidade á prestación obxecto do devandito convenio, as partes asinantes desta Addenda de Prórroga estiman necesario continuar coa devandita colaboración ata a liquidación do correspondente contrato de obras e, en todo caso, ata o 31 de decembro de 2017, de conformidade coas seguintes CLÁUSULAS Primeira.- Subscribir a addenda de prórroga do “Convenio de colaboración entre esta Deputación e o Concello de Salvaterra de Miño, para a execución da obra campo de fútbol de céspede sintético de Fornelos-Oural (Salvaterra de Miño)”, co obxecto de prorrogar a vixencia do convenio prevista na súa cláusula sétima. Segunda.- As partes asinantes acordan a prórroga ata a liquidación do correspondente contrato de obras e, en todo caso, ata o 31 de decembro de 2017, do Convenio de Colaboración subscrito con data de 24 de xuño de 2015 entre a Deputación de Pontevedra e o Concello de Salvaterra de Miño. Polo tanto, os efectos da presente Addenda a este Convenio de Colaboración, estenderanse, como máximo, ata o 31 de decembro de 2017. Terceira.- O resto do convenio permanecerá inalterable no seu clausulado, mentres non supoña contradición co disposto nesta addenda. E en proba de conformidade, e para que conste ós efectos oportunos, as partes asinan todas as follas por duplicado do presente Acordo de Prórroga, no lugar e data indicados no seu encabezamento. A Presidenta da Deputación de Pontevedra, O Alcalde do Concello de Salvaterra de Miño Sra. Dª María del Carmen Silva Rego. Sr. D. Arturo Grandal Vaqueiro” 7.25031.- AUTORIZACIÓN PARA O CAMBIO DE FINALIDADE DA ACTIVIDADE “FEIRA DE ARTESANAIS” PARA A ACTIVIDADE “CELEBRACIÓN DO SAMAÍN”, SOLICITADO POLO CONCELLO DE COVELO, INCLUÍDA NA LIÑA 3 DO PLAN DE OBRAS E SERVIZOS (PLAN CONCELLOS) 2016 O Pleno da Deputación, na súa sesión de 27 de novembro de 2015, acordou a aprobación das Bases Reguladoras do Plan de Obras e Servizos (Plan de Concellos) 2016, que foron publicadas no Boletín Oficial da Provincia de Pontevedra (BOPPO) número 233, do 2 de decembro de 2015, sendo o seu obxecto, no marco da cooperación económica, regular o procedemento de concesión, execución e xustificación das subvencións que se concedan con cargo a este plan. As finalidades subvencionables serán as que se sinalan nas bases e terán que ser de competencia municipal. Considerando os criterios de concesión que se regulan na base 5ª do Plan de Concellos 2016, elaborouse un reparto do crédito, a repartir polo procedemento de concorrencia non competitiva, que foi notificado ós concellos nos cinco primeiros días hábiles seguintes ó da publicación das bases no BOPPO. En data 05/01/2016 ten entrada no rexistro da Deputación co núm. 2016000590 petición do Concello de Covelo mediante a que solicita con cargo á Liña 3, actividades culturais, deportivas, sociais, turísticas e medioambientais, unha subvención por importe de 1.000,00€ con destino ó financiamento da actuación “Feira de artesanais”. Mediante acordo núm. 14.24107 do día 12 de febreiro de 2016 a Xunta de Goberno, polo procedemento de concorrencia non competitiva concede ó Concello de Covelo a subvención por importe de 1.000,00 € que se salienta no parágrafo anterior. En data 01/12/2016 ten entrada no rexistro da Deputación co núm. 2016121235 unha nova petición do Concello de Covelo, e mediante a mesma, solicita un cambio de finalidade de xeito que o crédito comprometido para o financiamento das actividades “Feira de artesanais” se aplique a financiar unha nova actividade denominada “Celebración do Samaín” cun orzamento por importe de 1.000,00 €, e motiva o cambio no feito de que a feira de artesanais que se viñan celebrando no pavillón municipal, debido as obras de mellora realizadas, non permiten pisar a pista ata mediados de decembro, circunstancia esta excepcional e descoñecida no momento da solicitude da subvención que non permite a súa realización nas datas previstas. Revisada a documentación da nova solicitude, esta cumpre os requisitos esixidos nas Bases reguladoras do Plan de Concellos 2016. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, de Procedemento Administrativo Común das Administracións Públicas. - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto Lexislativo 3/2011, de 14 de novembro, polo que se aproba o texto refundido da Lei de contratos do Sector Público. - Bases de execución do Orzamento Provincial para o ano 2016. - Bases reguladoras do Plan de Obras e Servizos (Plan Concellos) 2016. Consideracións xurídicas: Instrución do expediente: - Base reguladora 13ª do POS/16, relativa á instrución, procedemento e resolución, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. Petición e evacuación de informes: - Artigo 80 da lei 39/2015, de 1 de outubro, de Procedemento Administrativo Común das Administracións Públicas, sobre a petición e a evacuación de informes. - Artigo 88.6 da lei 39/2015, de 1 de outubro, de Procedemento Administrativo Común das Administracións Públicas, que sinala que a aceptación de informes ou ditames servirá de motivación á Resolución cando se incorporen ó texto da mesma. Procedencia do cambio de finalidade: - Artigo 22 LXS que dispón que a proposta de concesión formularase ao órgano concedinte a través do órgano instrutor. - Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención. - Artigo 62 do RLXS que establece que na resolución de concesión deberán quedar claramente identificados os compromisos asumidos polos beneficiarios. - Artigo 185 do TRLRFL que regula as competencias en materia de xestión de gasto. - Artigo 90 da LRXAP- PAC, que establece que todo interesado poderá desistir da súa solicitude, e sempre e cando non estea expresamente prohibido polo ordenamento xurídico, renunciar os seus dereitos. - Artigo 91 da LRXAP- PAC que dispón que tanto a renuncia como o desestimento poderán facerse por calquera medio que permita a súa constancia, e en principio, a Administración as aceptará de plano dando por concluso o procedemento salvo que, téndose persoado no mesmo terceiros interesados, instasen estes a súa continuación no prazo de dez días dende que foron notificados. Asemade, no seu apartado 3, sinálase que se a cuestión suscitada entrañase interese xeral ou fora conveniente substanciala para a súa definición ou esclarecemento, a Administración podería limitar os efectos do desestimento ou a renuncia. - Base reguladora 1ª do POS/16 que, en relación co disposto na base 8ª, define as liñas de subvencións das actuacións que poden ser obxecto de subvención. A base 8ª sinala que as propostas estarán relacionadas coas materias que os municipios han de exercer como competencias propias ou, en todo caso, atribuídas por delegación. - Base 14ª do POS/16 que dispón que regula as circunstancias que poden dar lugar a unha modificación do contido do acordo de concesión. Entre estas circunstancias atópase “ter prioridade no financiamento doutro gasto e non contar con crédito suficiente para levalo a cabo”. - Artigos 64 do RLXS que dispón que unha vez recaído un acordo ou resolución de concesión pódese solicitar unha modificación do seu contido, de acordo co disposto nas bases reguladoras da subvención, e sempre e cando non se prexudique dereitos de terceiros e se solicite antes de que conclúa o prazo para a realización da actividade. - Bases 25ª.5ª de execución do orzamento provincial que regula as obrigas dos beneficiarios en relación co disposto no artigo 14 da LXS, de xeito que estes quedan obrigados a comunicar calquera eventualidade ou circunstancia que altere ou dificulte o desenvolvemento da finalidade pretendida coa subvención, co obxecto de que, se sé estiman con suficiente anterioridade, poida procederse á modificación tanto do contido e contía do programa a subvencionar coma da súa forma e prazos de execución e xustificación dos correspondentes gastos. De acordo con todo o sinalado, no exercicio da competencias que atribúe o artigo 35 da lei 7/1985, de 2 de abril, reguladora das bases do réxime local, o artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2016, e visto o informe da xefa do Servizo de Cooperación, de data 9 de decembro de 2016, que conclúe favorablemente a aceptación do cambio de finalidade e o da Intervención Provincial de data 12 de decembro de 2016, a Xunta de Goberno acorda por unanimidade: - Aceptar o desestimento formulado polo Concello de Covelo a realizar a actividade “Feira de Artesanais” que foi subvencionada cunha axuda económica da Deputación con cargo ó Plan do Obras e Servizos (Plan Concellos) 2016- liña 3, aplicación 942.9425.462.45, por importe de 1.000,00 €, motivado na imposibilidade de realizar a actividade no pavillón municipal por mor das obra realizadas. - Declarar concluso o expediente e proceder ó seu arquivo. - Autorizar o cambio de finalidade, de xeito que o crédito destinado a financiar a actuación salientada ad supra se aplique a financiar a nova actividade proposta polo Concello denominada “Celebración do Samaín” cun orzamento por importe de 1.000,00€. O resto do contido do acordo núm. 14.24107, de 12 de febreiro de 2016, no relativo ós prazos e forma de xustificación permanecerá inalterable. - Darlle traslado do acordo ó Concello de Covelo, á Intervención Provincial, e ó Servizo de Cooperación. 8.25032.- CONCESIÓN DE PRÓRROGA PARA A XUSTIFICACIÓN DA SUBVENCIÓN CONCEDIDA A CAMPODEZA SOCIEDADES COOPERATIVA LIMITADA DO CONCELLO DE LALÍN, PARA “ACONDICIONAMENTO DA NAVE DO TALLER, ADQUISICIÓN DE TORO ELEVADOR E DE EQUIPOS INFORMÁTICOS”, NA XUNTA DE GOBERNO DE DATA 04/08/2016 Aprobada pola Xunta de Goberno desta Deputación provincial de data 04/08/2016 unha subvención a favor da entidade Campodeza Sociedade Cooperativa Limitada, con CIF:F.36.047058, do Concello de Lalín, por un importe de 16.164,00 €, para “Acondicionamento da nave do taller, adquisicion de toro elevador, e tamén, equipos informáticos”, con cargo á aplicación 16/240.2410.789.02. Recibido escrito da citada entidade, presentado no Rexistro Xeral con data 05/12/2016, no que solicitan unha prórroga para a súa xustificación ante a imposibilidade de rematar as obras e adquisicións no prazo previsto. Considerando o disposto no artigo 64 do Real Decreto 887/2006, de 21 de xullo, polo que se aproba o Regulamento Xeral de subvencións, e tendo en conta, que a solicitude de prorroga presentase antes de finalizar o prazo para realizar a actividade, e que a citada prorroga non perxudica os dereitos de terceiros. A Xunta de Goberno acorda por unanimidade a concesión dunha prórroga ata o 14 de marzo de 2017, para a realización das obras, e ata o 14 de abril do 2017 para entregar a documentación xustificativa da citada subvención. 9.25033.- CONCESIÓN DE PRÓRROGA PARA A XUSTIFICACIÓN DA SUBVENCIÓN CONCEDIDA A O RODO SOCIEDADE COOPERATIVA GALEGA DO CONCELLO DE RODEIRO, PARA “REFORMA DA TENDA DA COOPERATIVA E ADECUACIÓN DO ACCESO Á PARCELA”, NA XUNTA DE GOBERNO DE DATA 04/08/2016 Aprobada pola Xunta de Goberno desta Deputación provincial de data 04/08/2016 unha subvención a favor da entidade o Rodo Sociedade Cooperativa Galega, con CIF:F.36.100782, do Concello de Rodeiro, por un importe de 20.548,00 €, para “Reforma da tenda da cooperativa e adecuación do acceso á parcela” con cargo á aplicación 16/240.2410.789.02. Recibido escrito da citada entidade, presentado no Rexistro Xeral con data 01/12/2016, no que solicitan unha prórroga para a súa xustificación ante a imposibilidade de rematar as obras no prazo previsto. Considerando o disposto no artigo 64 do Real Decreto 887/2006, de 21 de xullo, polo que se aproba o Regulamento Xeral de subvencións, e tendo en conta, que a solicitude de prorroga presentase antes de finalizar o prazo para realizar a actividade, e comprobado que a citada prorroga non perxudica os dereitos de terceiros. A Xunta de Goberno acorda por unanimidade a concesión dunha prórroga ata o 14 de marzo de 2017, para a realización das obras, e ata o 14 de abril do 2017 para entregar a documentación xustificativa da citada subvención. 10.25034.- PRORROGA DE DÚAS BOLSAS DE FORMACIÓN, UNHA PARA TÉCNICOS SUPERIORES EN SAÚDE AMBIENTAL E OUTRA PARA TÉCNICOS SUPERIORES EN LABORATORIO CLÍNICO E BIOMÉDICO OU EN LABORATORIO DE DIAGNÓSTICO CLÍNICO, CON DESTINO Á ESTACIÓN FITOPATOLÓXICA DO AREEIRO DA DEPUTACIÓN Por acordo adoptado na Xunta de Goberno número 14.23995, en sesión celebrada o 17 de decembro de 2015, adxudicáronse dúas bolsas de formación, unha para técnicos superiores en saúde ambiental e outra para técnicos superiores en laboratorio clínico e biomédico ou en laboratorio de diagnóstico clínico, con destino ó Servizo Estación Fitopatolóxica do Areeiro da Deputación de Pontevedra a favor de Lúa Soto Baz a bolsa de Técnico Superior en Saúde Ambiental e a favor de Andrea Verde Baz a bolsa de Técnico Superior en Laboratorio Clínico e Biomédico ou en Laboratorio de Diagnóstico Clínico, con efectos 1 de xaneiro de 2016 e ata o 31 de decembro de 2016. Nas bases da convocatoria publicadas no BOPPO nº 200 de data 16 de outubro de 2015, establécese que, “As bolsas terán unha duración dun ano, contado desde a data na que as persoas adxudicatarias comecen o seu labor na Estación Fitopatolóxica de Areeiro, e poderán prorrogarse por un único período dun ano, á vista do informe favorable do responsable do Servizo e por acordo da Xunta de Goberno.” Mediante escritos de data 24 de novembro de 2016 o xefe do Servizo da Estación Fitopatolóxica de Areeiro solicita a prórroga das referidas bolsas polo período de un ano, do 1 de xaneiro de 2017 ata o 31 de decembro de 2017, informando que os bolseiros foron avaliados positivamente. De conformidade con todo o exposto, e en virtude das competencias conferidas polos artigos 35.2.b de la Lei 7/1985, de 2 de abril, Reguladora das Bases de Réxime Local, e 105 da Lei 5/1997 de Administración Local de Galicia, e demais normativa de concordante aplicación, considerando o informe de intervención a Xunta de Goberno acorda por unanimidade prorrogar as bolsas concedidas ás bolseiras e cos efectos que se relacionan a continuación, por un período dun ano: Apelidos e nome Titulación Efectos Soto Baz, Lúa Técnico Superior en Saúde Ambiental 01/01/2017 Verde Baz, Andrea Técnico Superior en Laboratorio Clínico e Biomédico ou en Laboratorio de Diagnóstico Clínico 01/01/2017 A dotación económica das bolsas para o ano 2017 ascende a 700,00 €/mes por beneficiaria, o que supón para o período comprendido entre o 1 de xaneiro de 2017 ata o 31 de decembro de 2017, un total de 16.800,00 €, sendo o custe da seguridade social a cota que se fixe na Orde de Cotización a Seguridade Social para o ano 2017, cantidades que se imputarán ás aplicacións orzamentarias 413.4123.481.01 e 413.4123.160.03. do Orzamento provincial. 11.25035.- MODIFICACIÓN DO ACORDO NÚM. 14.24696, ADOPTADO NA SESIÓN DA XUNTA DE GOBERNO DE DATA 04/08/2016 RELATIVO Á “DISTRIBUCIÓN, ASIGNACIÓN E DETERMINACIÓN DAS BOLSAS A CONVOCAR DENTRO DO PLAN DE PRÁCTICA LABORAL DA DEPUTACIÓN DE PONTEVEDRA 2016 EN EMPRESAS PRIVADAS, CORPORACIÓNS SECTORIAIS E ORGANIZACIÓNS NON GOBERNAMENTAIS DA PROVINCIA DE PONTEVEDRA” Por Acordo adoptado pola Xunta de Goberno desta Deputación Provincial con número 14.24696 na súa sesión do día 4 de agosto de 2016, aprobouse a distribución, asignación e determinación das bolsas a convocar dentro do Plan de práctica laboral 2016 da Deputación de Pontevedra, en función dos criterios da Comisión avaliadora e as titulacións solicitadas, entre as empresas privadas e as corporacións sectoriais e organizacións non gobernamentais da provincia de Pontevedra. No acordo de distribución das bolsas figura, entre outras, unha bolsa asignada as seguintes empresas: (…) Nº CIF Razón social Titulación asignada Concello Nº bolsas concedidas Proxecto de práctica Empregabilidade Total 285 B36591063 Prosem Consultoría Estratégica, S.L. Enxeñería Técnica en Informática de Sistemas Lalín 1 4 2 6,8 (…) 287 B94011665 Proyectos y Sinergias Empresariales, S.L. Enxeñería Técnica en Informática de Sistemas Lalín 1 3,75 1 6,55 (…) 323 A36000073 Sociedad Electricista de Tuy, S.A. Enxeñería Técnica en Informática de Xestión Tui 1 3,75 1 6,15 (…) Mediante correo electrónico de data 29 de novembro de 2016 as empresas, Prosem Consultoría Estratégica, S.L. con CIF B36591063 e Proyectos y Sinergias Empresariales, S.L. con CIF B94011665, comunican a modificación dos datos referentes a súa Razón Social que pasa a ser Avalop Servicios XXI, S.L. e Supernova Asistencias, S.L respectivamente. Mediante correo electrónico de data 25 de novembro a empresa Sociedad Electricista de Tuy,S.A. con CIF A36000073, comunica o cambio referente ó concello onde está ubicado o centro de realización da práctica laboral, que pasa a ser no Concello de Vigo. Conforme o establecido na base quinta, punto cinco da convocatoria do Plan de práctica laboral en empresas 2016 (publicada no BOPPO nº 71 de data 14/04/2016), onde se establece a obriga das empresas de comunicarlle á Deputación as modificacións substanciais que afecten a realización das prácticas, a Xunta de Goberno acorda por unanimidade a modificación do Acordo adoptado pola Xunta de Goberno na súa sesión do 4 de agosto de 2016 con número nº 14.24696 de distribución, asignación e determinación das bolsas a convocar dentro do Plan de práctica laboral da Deputación de Pontevedra 2016 en empresas privadas, corporacións sectoriais e organizacións non gobernamentais da provincia de Pontevedra, no referente a: 1º.- Razón social da empresa Prosem Consultoría Estratégica, S.L. con CIF B36591063 que pasa a ser Avalop Servicios XXI, S.L. e da empresa Proyectos y Sinergias Empresariales, S.L. con CIF B94011665 que pasa a ser Supernova Asistencias, S.L. 2º.- Concello onde está localizado o centro no que se realiza a práctica laboral da empresa Sociedad Electricista de Tuy, S.A, con CIF A36000073 que pasa a ser no Concello de Vigo. Quedando tal e como se detalla no seguinte cadro: (…) Nº CIF Razón Social Titulación asignada Concello Nº Bolsas concedidas Proxecto de práctica Empregabilidade Total 285 B36591063 Avalop Servicios XXI, S.L. Enxeñería Técnica en Informática de Sistemas Lalín 1 4 2 6,8 (…) 287 B94011665 Supernova Asistencias, S.L. Enxeñería Técnica en Informática de Sistemas Lalín 1 3,75 1 6,55 (…) 323 A36000073 Sociedad Electricista de Tuy, S.A. Enxeñería Técnica en Informática de Xestión Vigo 1 3,75 1 6,15 (…) 12.25036.- COMUNICACIÓNS Non houbo. 13.25037.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e vinte minutos do expresado día, dáse por rematada a sesión e dela esténdese a presente acta, que asina a Ilma. Sra. Presidenta, comigo, o Secretario que dou fe. A Presidenta, O Secretario,

Área de notas

• Nota

Puntos de acceso

Área de control da descrición