Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas do día nove de xaneiro do ano dous mil dezasete, baixo a Presidencia da Ilma. Sra. Dna. Mª del Carmen Silva Rego, Presidenta da Deputación Provincial de Pontevedra, reuníronse as/os señoras/es deputadas/os, Dna. Consuelo Besada Lores, D. Juan Antonio González Pérez, Dna. Mª Montserrat Magallanes Álvarez, D. David Regades Fernández, D. Santos Héctor Rodríguez Díaz, D. Xosé Cesáreo Mosquera Lorenzo e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto Dna. Sonia Mateos Escudero, Secretaria Acctal., e está presente o Sr. Interventor Acctal., D. José Fernández López. Non asisten os seguinte deputados: D. Carlos López Font e D. Uxío Benítez Fernández, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.25099.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 28 de decembro de 2016. 2.25100.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DO SERVIZO DE REDACCIÓN E ELABORACIÓN DO PLAN ESTRATÉXICO DE TURISMO DA PROVINCIA DE PONTEVEDRA (Expte. nº2016043796) O turismo é unha actividade cun importante peso no PIB e no emprego da provincia de Pontevedra, ata o punto de merecer a consideración do sector estratéxico, pero as novas tendencias socioeconómicas, demográficas, políticas, tecnolóxicas están modificando radicalmente os perfís dos turistas e os seus hábitos de consumo. O turismo, como actividade económica, se atopa en pleno proceso de transformación no que o consumidor ten un papel moito máis atractivo, actuando como prescriptor dos novos modelos de destino, e onde os novos canles de comunicación e comercialización están modificando as relacións tradicionais entre oferta e demanda. A oferta turística na provincia de Pontevedra deberá adaptarse aos novos modelo de negocio e ofrecer produtos axeitados a uns consumidores cada vez máis esixentes e informados, nun mercado globalizado cada vez máis competitivo e onde os activos tradicionais xa non son diferenciadores fronte a novos entrantes que obrigan aos destinos a reinventarse para manter a súa posición competitiva. A xefa do Servizo de Turismo Rías Baixas, mediante informe emitido con data 29 de novembro de 2016 e co visto e prace do Deputado delegado, informa de que en base ao anteriormente exposto, a Deputación de Pontevedra, no ano 2016, contratou a redacción do Plan de Impulso do Sector Turístico co obxecto de mellorar a imaxe turística do destino fixando as políticas que definirán o modelo turístico así como a visión, misión, organización e liñas de traballo entre as que se inclúe como principal conclusión a proposta de realización dun plan estratéxico de destino. No dito informe expón que co fin de proporcionar continuidade ao Plan de Impulso e iniciar un proceso de concertación entre o sector público e privado da provincia de Pontevedra, se considera necesario a redacción dun Plan Estratéxico mediante o cal se traballará para a implantación e desenvolvemento dun proceso de concertación e participación co sector turístico da provincia de Pontevedra. Así mesmo a xefa do Servizo de Turismo Rías Baixas informa que a Deputación de Pontevedra non conta cos medios propios para realizar este traballo polo que se fai necesaria a contratación de medios externos. Por todo o anterior, no mencionado informe, solicítase a contratación dun servizo que terá por obxecto a redacción e elaboración do Plan Estratéxico de Turismo da Provincia de Pontevedra. O custe estimado para esta contratación é de 65.000,00€, máis a cantidade de 13.650,00€ correspondente ó IVE, o que fai un total de 78.650,00€. O Servizo de Contratación, Facenda e Patrimonio, tal e como prevé o artigo 109 do RDL 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP), elabora un proxecto de prego de condicións económico-administrativas en base ao establecido polo xefe do Servizo de Contratación o cal, no informe de procedemento, xustifica no expediente o réxime xurídico do contrato, sendo este un contrato administrativo, a elección do procedemento, o aberto, e que se efectuará en atención a diversos criterios de valoración ao considerarse que a prestación é susceptible de ser mellorada por outras solucións. No dito informe indícase que o presente contrato ten a consideración de servizo, de conformidade co artigo 10 do RDL 3/2011, de 14 de novembro, polo que se aproba o Texto Refundido da Lei de Contratos do Sector Público, que cualifica como tales aqueles que teñen por obxecto unha prestación de facer consistente o desenvolvemento dunha actividade ou dirixida á obtención dun resultado distinto dunha obra ou unha subministración. Resultando que con data 21 de decembro de 2016, o Sr. Secretario Xeral informa favorablemente do devandito proxecto de prego e posteriormente se traslada o expediente de contratación ao Servizo de Intervención para que fiscalice o mesmo nos termos previstos na Lei 47/2003, de 26 de novembro. Visto o informe de fiscalización de data 28 de decembro de 2016 emitido polo Sr. Interventor no que se poñen de manifesto unha serie de observacións e recomendacións no que respecta aos criterios de valoración non automática propostos para a adxudicación e sobre a determinación con maior exactitude do prezo do contrato. Vistos os informes emitidos polo xefe do Servizo de Contratación, de data 28 de decembro de 2016, e da xefa de Turismo Rías Baixas, de data 3 de xaneiro de 2017, mediante o cal, o xefe do Servizo de Contratación, pola súa parte informa sobre o criterio de valoración relativo as características do equipo humano a tenor da normativa de aplicación en materia de contratación, e a xefa de Turismo Rías Baixas, informa sobre os criterios de valoración relativos a xestión e desenvolvemento do proceso de concertación e redacción do plan e sobre o relativo as características da solución proposta así como sobre a determinación do prezo estimado do contrato incluíndo unha estimación económica do mesmo. Resultando que o expediente se fiscalizou no ano 2016, polo que ao tratarse dunha tramitación anticipada nese momento, o servizo de Intervención emitiu documentos RC/Fut por importe de 78.650,00€ con cargo a aplicación 433.4320.227.06 do Orzamento provincial do ano 2017, quedando condicionado o gasto a existencia de crédito adecuado e suficiente no orzamento do ano 2017. No obstante, o expediente apróbase no ano 2017, estando o seu orzamento aprobado definitivamente e contando coa correspondente retención de crédito. Considerando que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación con competencia respecto deste contrato, e tendo en conta o disposto no artigo 185 do RDL 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para os contratación que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Aprobar o expediente de contratación, para a adxudicación mediante procedemento aberto, do “Servizo de redacción e elaboración do Plan Estratéxico de Turismo da Provincia de Pontevedra”, de acordo o seguinte detalle: - Prezo de licitación: Orzamento estimado Orzamento estimado sen IVE 65.000,00 € IVE (21%) 13.650,00 € Prezo do contrato (IVE Incluído) 78.650,00 € 2.- O período de vixencia do contrato será de 6 meses a contar desde a data de formalización do contrato. A duración de cada unha das fases do contrato non será superior a dous meses. 3.- Designar como responsable do contrato ó xefe do centro xestor ó que corresponde a aplicación orzamentaria ou persoa en quen delegue. 4.- Aprobar os pregos de cláusulas económico-administrativas e técnicas que rexerán en dito procedemento aberto. 5.- Autorizar o gasto por importe de 78.650,00€ con cargo á aplicación 17/433.4320.227.06 do vixente Orzamento provincial. 6.- Iniciar o procedemento de adxudicación para a devandita contratación, concedendo un prazo de quince días naturais para a presentación de proposicións, contados a partir do día seguinte a publicación do anuncio no Boletín Oficial da Provincia, de conformidade co estipulado no artigo 159.2 do citado RDL 3/2011. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN A CONTRATACIÓN, MEDIANTE PROCEDEMENTO ABERTO, DO SERVIZO DE CONSULTORÍA PARA A REDACCIÓN E ELABORACIÓN DO PLAN ESTRATÉXICO DE TURISMO DA PROVINCIA DE PONTEVEDRA Nº exp. 2016043796 ELEMENTOS DO CONTRATO 1. RÉXIME XURÍDICO En todo o non previsto expresamente neste prego de condicións estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, modificada pola Lei 14/2013, de 27 de setembro, de apoio ós emprendedores e á súa internacionalización, o Real decreto lexislativo 817/2009, de 8 de maio, polo que se desenvolve parcialmente a LCSP e, no que sexa aplicable, no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada. Supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario estará obrigado ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 2. RECURSOS E XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa, deixando expedita a vía xurisdicional contencioso-administrativa, a teor do disposto na Lei reguladora da devandita xurisdición. 3. OBXECTO O obxecto do contrato ó que se refire o presente prego é o servizo/s descrito/s no/s apartado/s 1 do/s anexo/s I, nos que se recollen as necesidades administrativas para satisfacer mediante o contrato, describindo as características do/s servizo/s e a forma de levar a cabo a prestación por parte do adxudicatario. No caso de que o procedemento aberto se divida por lotes haberá un anexo I por cada uns deles. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 4. FINANCIAMENTO E ORZAMENTO DE LICITACIÓN Este contrato financiarase da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego e inclúe na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 5. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 6. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, ademais de asumir o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se concrete a adxudicación); estas empresas serán responsables solidarias ante a Administración e deberán nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 7. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 TRLCSP, e na disposición adicional terceira da Lei 20/2013, de 9 de decembro, de garantía da unidade do mercado, desde o 15 de decembro de 2014 a Deputación de Pontevedra publicará todas as noticias, avisos e documentación relativa ós seus procedementos de contratación no Perfil de Contratante integrado na Plataforma de Contratación do Sector Público do Estado (www.contrataciondelestado.es). 8. XESTIÓN DE PREGUNTAS E RESPOSTAS DOS LICITADORES As preguntas que lles poidan xurdir ós licitadores respecto dos pregos que rexen na contratación, deberán formularse no Perfil do Contratante da Deputación de Pontevedra (www.depo.es), Plataforma de Contratación do Sector Público, para o que deberán estar rexistrados como usuarios nesta Plataforma. Para formular as consultas, os licitadores deberán seleccionar o expediente e formular a súa consulta na sección denominada “Solicitar información” (para máis información, poden consultar a Guía de xestión de Preguntas e Respostas dos Licitadores, publicada na Plataforma de Contratación do Sector Público). As respostas ás cuestións plantexadas ou ás posibles modificacións ou actualizacións de respostas serán publicadas na mesma sección polo Servizo de Contratación da Deputación de Pontevedra. 9. NOTIFICACIÓNS ELECTRÓNICAS Con base ó disposto no art. 41 da Lei 39/2015, de 1 de outubro, do Procedemento Administrativo Común das Administracións Públicas, e no artigo 25 do Capítulo VII do Regulamento da Administración electrónica da Deputación de Pontevedra, se practicará as notificacións relativas aos procedementos de contratación de xeito electrónico a través da Plataforma de Contratación del Sector Público (https://contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico onde queira que se lle comuniquen as notificacións. Para acceder á comunicación, deberá estar rexistrado na Plataforma de Contratación do Sector Público con esa mesma dirección de correo electrónico e dispor dun certificado dixital de persoa física aceptado pola plataforma de validación (como o DNI electrónico ou o emitido pola Fábrica Nacional de Moeda e Timbre). Cando un órgano de contratación envíelle unha comunicación, vostede será informado desta circunstancia por medio dunha mensaxe de correo electrónico enviado á dirección que lle proporcionou a este efecto ao órgano de contratación. Ademais, cando acceda á Plataforma co seu usuario rexistrado mostraráselle un aviso na páxina de Inicio de que ten unha comunicación pendente de lectura. De conformidade co artigo 43 da Lei 39/2015, de 1 de outubro, do Procedemento Administrativo Común das Administracións Públicas, as notificacións entenderanse practicadas no momento no que se produza o acceso ó seu contido. Nembargante, transcorridos dez días naturais desde a posta a disposición da notificación sen que se acceda o seu contido, entenderase rexeitada, agás que, de oficio ou a instancia da persoa destinataria, poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. ADXUDICACIÓN DO CONTRATO 10. PROCEDEMENTO O contrato adxudicarase por procedemento aberto atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. O procedemento será obxecto da tramitación ordinaria, de conformidade cos artigos 109 e seguintes do TRLCSP. 11. RENUNCIA E DESISTIMENTO O órgano de contratación poderá acordar a renuncia á celebración do contrato, por razóns de interese público debidamente xustificadas, ou o desestimento do procedemento, baseado nunha infracción non emendable das normas de preparación do contrato ou das reguladoras do procedemento de adxudicación, en ambos os dous casos, sempre antes da adxudicación do contrato. Esta circunstancia deberá ser notificada ós licitadores e comunicarse á Comisión Europea cando o contrato fose anunciado no Diario oficial da Unión Europea (artigo 155 TRLCSP). 12. PRESENTACIÓN DE PROPOSICIÓNS; LUGAR E FORMALIDADES; DOCUMENTACIÓN 12.1. Lugar e prazo de presentación: - Presentación no Rexistro Xeral ou auxiliares da Deputación de Pontevedra As proposicións presentaranse no Rexistro Xeral da Deputación (Horario: na sede de Pontevedra, de luns a venres, de 8.30 a 14.30 horas, e de 17.00 a 19.00 horas; e na sede de Vigo, de luns a venres, de 9.00 a 14.00 horas. Nos meses de xullo e agosto, o horario será, na sede de Pontevedra, de luns a venres, de 8.30 a 14.30 horas), durante un prazo de quince días naturais (artigo 159.2 do TRLCSP), a contar desde o día seguinte á publicación do anuncio no Boletín Oficial da Provincia de Pontevedra (BOPPO). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío, e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos, e anunciado o envío ó órgano de contratación nos termos indicados, se transcorridos dez días desde a data de finalización do prazo para a presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas (as previsións relativas ó rexistro electrónico producirán efectos a partir do 2 de outubro do 2018). O depósito do envío deberá ser anunciado ó órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en sábado, domingo ou festivo, prorrogarase o prazo ata o primeiro día hábil seguinte a este. 12.2. Formalidades. Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C) Poñer a letra en función do sobre correspondente - Núm. de expediente No caso de que se coñeza - Denominación do contrato - Nome do licitador - CIF - Dirección, correo-e e teléfono de contacto - Número de inscrición no rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 12.3. Documentos e datos dos licitadores de carácter confidencial. Os documentos e datos presentados polas empresas licitadoras poden ser considerados de carácter confidencial cando a súa difusión a terceiros poda ser contraria a ós seus intereses comerciais lexítimos, prexudicar a leal competencia entre as empresas do sector ou ben estean comprendidos nas prohibicións establecidas na Lei de protección de Datos de Carácter Persoal. Non terá carácter confidencial a información que conste en rexistros públicos e que, ademais, sexa de acceso público. Tal como se prevé no artigo 140 TRLCSP, as empresas licitadoras terán que indicar, se é o caso, mediante unha declaración complementaria, qué documentos administrativos e técnicos e datos presentados son, ó seu parecer, constitutivos de ser considerados confidenciais, xustificando os motivos ou circunstancias en base os cales debe recoñecerse tal carácter. Esta circunstancia deberá reflectirse claramente (sobreimpresa, ó marxe ou de calquera outro xeito visible) no propio documento sinalado como tal. De non achegarse esta declaración considerarase que ningún documento ou dato posúe ese carácter, agás a documentación facilitada polas empresas para acreditar a solvencia, de entre a sinalada nos artigos 75 a 78 do TRLCSP. Non serán admisibles as declaracións xenéricas ou que declaren que todos os documentos e información facilitada na proposta ten carácter confidencial. 13. MESA DE CONTRATACIÓN Estará integrada polos seguintes membros: Presidente: - Deputado delegado pola Presidencia Vogais: - Un/ha deputado/a do Grupo Provincial do PP - Un/ha deputado/a do Grupo Provincial do BNG - O deputado do Grupo Mixto - O secretario xeral - O interventor - O/A xefe/a do servizo xestor Secretario: - O xefe do Servizo de Contratación 14. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez rematado o prazo de presentación das proposicións, constituirase a Mesa de Contratación, e procederase á cualificación da documentación xeral achegada polos licitadores no Sobre A. Posteriormente, a Mesa reunirase en acto publico, ás once horas e trinta minutos do primeiro mércores seguinte ó día no que remate o prazo sinalado para a presentación das plicas, sempre que transcorreran, polo menos, tres días hábiles desde este prazo. Noutro caso, o acto da Mesa de Contratación celebrarase o mércores da semana seguinte. Neste acto, dará a coñecer o resultado da cualificación dos documentos presentados no Sobre A, indicando os defectos ou omisións que se observen na documentación, e declarando ás empresas como admitidas ou excluídas. A comunicación, no seu caso, dos defectos ou omisións que resulten emendables, realizarase verbalmente no referido acto, e publicarase no Perfil de Contratante da Deputación, para que, no prazo de tres días hábiles desde esta publicación, as empresas poidan presentar a documentación de xeito adecuado. Esta comunicación tamén se realizará mediante correo electrónico se, no seu caso, a empresa o facilitara, se ben entenderase cumprida coa súa realización no acto público da Mesa de Contratación e publicación no Perfil do Contratante. No caso de que a empresa non emende a documentación no prazo anteriormente indicado, se considerará excluída. Posteriormente, procederase á apertura dos Sobres B, correspondentes á documentación técnica, non avaliable mediante fórmulas, das empresas admitidas, tal e como prevé o artigo 27 do Real Decreto 817/2009, polo que se desenvolve parcialmente o TRLCSP. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 15. REQUIRIMENTO DE DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, a cuxo efecto poderá solicitar cantos informes técnicos estime pertinentes, clasificaraas por orde decrecente e requiriralle á empresa que presentase a oferta máis vantaxosa que dentro do prazo de dez días hábiles entregue a seguinte documentación: 15.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013 de 27 de setembro de apoio ao emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 15.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP: 1. Certificación positiva expedida pola Tesourería da Seguridade Social ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP que acredite que se atopa ó corrente do pagamento das súas obrigas tributarias. 3. Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. Sen perxuízo de acreditar a alta no imposto, no suposto de atoparse nalgunha das exencións previstas no artigo 82 do Real Decreto 2/2004, de 5 de marzo, polo que se aproba o texto refundido da Lei reguladora das Facendas Locais, deberá acreditarse, ben mediante certificación da exención outorgada polo órgano competente, ou ben mediante declaración responsable de atoparse exento segundo o establecido no artigo 82.1.c) da citada Lei. 4. Documentación acreditativa da efectiva disposición dos medios persoais e materiais que se comprometeu a adscribir á execución do contrato, de conformidade co artigo 64.2 TRLCSP, segundo o detallado no anexo I ao presente prego. Polo que respecta ós medios persoais, deberase concretar as persoas que se correspondan co número e perfiles dos integrantes do grupo de traballo ofertado, achegando o seu currículo, titulación e experiencia. Se forman parte do persoal da empresa, achegaranse os documentos TC2; noutro caso, achegarase un compromiso asinado polas partes de que, de resultar adxudicataria a empresa, se incorporarán ó equipo de traballo. 5. Documento que acredite a constitución da garantía definitiva. 6. Documento acreditativo do pagamento dos anuncios. De non cumprimentarse adecuadamente o requirimento no prazo sinalado, entenderase que o licitador retirou a súa oferta, procedéndose nese caso a solicitar a mesma documentación ó licitador seguinte, pola orde en que queden clasificadas as ofertas (art. 151.2 TRLCSP). 16. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprilo, no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva depositarase exclusivamente na Caixa da Deputación. 17. ADXUDICACIÓN O órgano de contratación terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R. d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 18. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte á notificación da adxudicación, constituíndo o devandito documento título suficiente para acceder a calquera rexistro público. No entanto, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do contrato sen a súa formalización previa. 19. DEVOLUCIÓN DA DOCUMENTACIÓN As proposicións presentadas, tanto as declaradas admitidas, como as rexeitadas sen abrir, ou as desestimadas unha vez abertas, serán arquivadas no seu expediente. Nembargante, adxudicado o contrato e transcorridos os prazos para a interposición de recursos sen que se formularan, a documentación que acompaña as proposicións quedará a disposición dos interesados, agás a do adxudicatario. No caso de que a documentación non sexa retirada no prazo de 6 meses, entenderase que o interesado renuncia a ela, e o órgano de contratación quedará facultado para destruíla. EXECUCIÓN DO CONTRATO 20. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias para asegurar a correcta realización da prestación pactada. A designación ou non do responsable non eximirá o contratista da correcta execución do obxecto do contrato, salvo que as deficiencias sexan debidas a ordes directas deste, con expresa reserva escrita por parte do contratista, dirixida tanto ó propio responsable coma ó órgano de contratación. 21. EXECUCIÓN DO SERVIZO E RESPONSABILIDADE DO CONTRATISTA O contrato executarase segundo o establecido nas súas cláusulas e nos pregos, de acordo coas instrucións que para a súa interpretación lle dea ó contratista o órgano de contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizo sufrisen un atraso na súa recepción, sempre que non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora con respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Neste último suposto o órgano de contratación concederá a ampliación do prazo que estime necesario para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista con ata un importe do 10 % do orzamento (art. 212.1 do TRLCSP). O contratista responderá conforme ó artigo 214 do TRLCSP dos danos ocasionados a terceiros como consecuencia da execución do contrato. 22. SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe abonar aos subcontratistas o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo se computará desde a data de aprobación polo contratista principal da factura emitida polo subcontratista ao subministrador, con indicación da súa data e o período que corresponda. A aprobación ou conformidade ou no seu caso os motivos de desconformidade deberán outorgarse nun prazo máximo de trinta días desde a presentación da factura. No caso de demora no pago ao subcontratista o subministrador terá dereito ao cobro dos intereses de demora e a indemnización polos custos de cobro nos termos previstos na Lei 3/2004, de 29 de decembro. O contratista poderá pactar cos subministradores ou subcontratistas os prazos de pago superiores respectando os límites previstos no artigo 4.3 da Lei 3/2001 de 29 de decembro polo que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaría no que os gastos de desconto e negociación sexan por conta do contratista. Adicionalmente o subministrador ou subcontratista poderá esixir que o pago se garante mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán ao ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfecciones a súa participación, xunto con aquelas condicións de subcontratación da subministración de cada un deles que garde relación directa co prazo do pago, de conformidade co artigo 228 bis do TRLCSP. Asemade, deberán aportar, a solicitude do ente contratante, xustificante do cumprimento dos pagos aos subministradores ou subcontratistas, unha vez terminada a prestación dentro dos prazos de pago legalmente establecidos no artigo 228 e na Lei 3/2004 do 29 de decembro, e que non sexa de aplicación. Estas obrigas, que se incluirán nos anuncios de licitación, e nos correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efectos conteñan os pregos. 23. REGRAS ESPECIAIS CON RESPECTO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. Os licitadores ou licitadoras poderán ser requiridos para indicar o convenio colectivo que lle é de aplicación aos traballadores e traballadoras que desenvolvan a actividade obxecto do contrato antes da adxudicación do mesmo ou en calquera momento durante a súa execución. No caso de resultar adxudicatarios terán a obriga de aboar, durante toda a execución do mesmo, o salario recollido no convenio colectivo de aplicación segundo a categoría profesional que lle corresponda ás persoas traballadoras, sen que en ningún caso os salarios a aboar poidan ser inferiores a aquel. 4.A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 5. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 6. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a. Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b. Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c. Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d. Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e. Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 24. OBRIGAS DO CONTRATISTA 24.1. Obrigas relativas ós traballadores: O contratista deberá cumprir cos deberes derivados das disposicións legais, regulamentarias e convencionais vixentes en materia de protección do emprego, condicións de traballo, prevención de riscos laborais e Seguridade Social. 24.2. Deber de sixilo: O contratista deberá gardar sixilo respecto ós datos ou antecedentes que, non sendo públicos ou notorios, estean relacionados co obxecto do contrato e dos que teña coñecemento con ocasión deste, non pudendo, polo tanto, proporcionar información ningunha a terceiras persoas sobre a materia obxecto do contrato sen o consentimento previo do órgano de contratación. 24.3. Protección de datos de carácter persoal: O contratista responsabilízase, como encargado do seu tratamento, do acceso ós datos de carácter persoal que teña con ocasión do contrato, debendo respectar o establecido na Lei Orgánica 15/1999, de 13 de decembro, de Protección de Datos de Carácter Persoal, no Real Decreto 1720/2007, de 21 de decembro, polo que se aproba o seu Regulamento, na disposición adicional vixésimo sexta do TRLCSP, e na demais normativa aplicable. En particular: - Unicamente tratará estes datos conforme ás instrucións da Administración, responsable do ficheiro, comprometéndose a que o seu persoal garde secreto profesional en relación a eles. - Garantirá a adopción e implementación das medidas de seguridade correspondentes ó tipo de datos tratados, en atención ó disposto no Real Decreto 1720/2007. - Non os aplicará ou utilizará cunha finalidade distinta á derivada da natureza do contrato, nin os comunicará, aínda que sexa para a súa conservación, a outras persoas. Nembargante, o adxudicatario non incorrerá en responsabilidade cando, previa indicación expresa do responsable do tratamento, comunique os datos a un terceiro designado por aquel, que terá a consideración de encargado do tratamento e, polo tanto, deberá axustarse as instrucións do responsable do ficheiro. Unha vez cumprida a prestación contractual, os datos de carácter persoal deberán ser destruídos o devoltos á responsable do seu tratamento, do mesmo xeito que calquera soporte ou documento no que conste algún dato de carácter persoal obxecto do tratamento. Non procederá a destrución dos datos cando exista unha previsión legal que esixa a súa conservación; neste caso, procederase a súa devolución. No caso do incumprimento do estipulado, o adxudicatario e os técnicos que formen parte do equipo de traballo serán responsables das infraccións que se cometan. O órgano de contratación reservase o dereito a efectuar en calquera momento os controis e auditorías que considere apropiadas co fin de verificar o correcto cumprimento desta cláusula. 24.4. Propiedade intelectual e industrial: O contratista cédelle en exclusiva á Administración contratante a titularidade dos dereitos de propiedade intelectual, excepto os de carácter moral, así como os dereitos de propiedade industrial, sobre a totalidade das creacións resultado deste contrato. A Administración adquirirá a propiedade intelectual do traballo obxecto do contrato desde o seu inicio, sendo responsabilidade do contratista as perdas que se poidan derivar contra tal dereito de propiedade, por actuacións a el imputables. A cesión abarca todas as modalidades de explotación actualmente recoñecidas pola lexislación vixente, tales como edición, representación, gravacións e reproducións audiovisuais, informáticas, etc.; en calquera forma ou soporte legalmente admitido. Para tal efecto, o contratista terá que entregarlle ó órgano de contratación, en perfecto estado para o uso ó que se destinan, os soportes orixinais que conteñan as creacións que resulten do contrato. A cesión terá unha duración equivalente ó tempo máximo previsto na lexislación reguladora dos dereitos cedidos para a protección e uso destes. A cesión destes dereitos á Administración contratante non ten limitación ningunha en canto ó ámbito territorial para o exercicio de calquera dereito que desta derive. O prezo pola cesión destes dereitos atópase comprendido no da licitación, non estando obrigada a Administración contratante a aboar ningunha cantidade suplementaria pola cesión de tales dereitos ou pola entrega de soportes que conteñan as creacións derivadas do contrato. A execución do contrato comporta a cesión á Administración contratante do dereito de uso dos devanditos produtos, podendo esta, ademais, autorizar o seu uso ós entes, organismos e entidades pertencentes ó sector público a que se refire o artigo 3.1 do TRLCSP. 25. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do adxudicatario, sen que poida imputárselle á Administración contratante ningún pagamento por tal concepto e sen que estes gastos superen os dous mil euros (2.000,00 €). 26. MODIFICACIÓNS DO CONTRATO O órgano de contratación, aos efectos establecidos nos artigos 219.1 e 306 do TRLCSP, ostenta a prerrogativa de modificar o contrato obxecto do presente prego segundo o disposto no artigo 210 do TRLCSP. As modificacións do contrato poderán producirse, en cumprimento dos artigos 210 e 219.1 do TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio de potestade de modificación do contrato regulado no artigo 211 do TRLCSP. No contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 do TRLCSP, de conformidade co disposto no artigo 105 do TRLCSP relativo aos supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nas que o órgano de contratación poderá facer uso desa potestade, o seu alcance e límites, indicando a porcentaxe do prezo do contrato ao que como máximo pode afectar a modificación, e no procedemento. b) Modificacións non previstas na documentación que rexe a licitación: O contrato se poderá modificar sempre que se xustifique suficientemente a concorrencia dalgunha das circunstancias dispostas no artigo 107 do TRLCSP, seguindo o procedemento establecido ao efecto na normativa. Cando, como consecuencia dunha modificación, experimente variación o prezo do mesmo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ao disposto no artigo 156 do TRLCSP. 27. GARANTÍA DOS SERVIZOS O prazo de garantía comezará a contar desde a data de recepción ou inicio do servizo. A garantía definitiva responderá dos seguintes conceptos: a. Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público. b. Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c. Da incautación que poida decretarse nos casos de resolución do contrato, de acordo co que no citado Real decreto lexislativo estea establecido. Durante este prazo de garantía o contratista terá dereito a coñecer e ser oído sobre a aplicación do servizo realizado. 28. INCUMPRIMENTO DO PRAZO Unha vez incumprido o prazo o contratista incorre automaticamente en demora, co que a Administración poderá optar entre a imposición de penalidades ou a resolución do contrato no caso de que estas alcancen o 5% do seu prezo. Os importes destas penalidades faranse efectivos mediante a súa dedución na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 29. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 308 do TRLCSP.” Ditos anexos son como seguen: ANEXO I “CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN E OBXECTO DO CONTRATO O obxecto do presente contrato é a redacción do plan estratéxico de turismo na provincia de Pontevedra. 1.2. PROCEDEMENTO División en lotes: non Cualificación do contrato: servizos CPV: 79421000 (Servizos de xestión de proxectos que non sexan os de construción) Categoría: 11 Anexo II do TRLCSP Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 15 días naturais (artigo 159.1 do R.d.l. 3/2011), a contar desde o día seguinte a publicación do anuncio no Boletín Oficial da Provincia de Pontevedra (BOPPO). 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: A prezo fixado Importe estimado (Sen IVE): 65.000,00€ IVE (21%): 13.650,00€ Prezo total estimado (IVE incluído): 78.650,00€ B) ORZAMENTO MAXIMO ESTIMADO DO CONTRATO Valor estimado (Sen IVE): …………………...65.000,00€ C) FINANCIAMENTO Cadro de financiamento: Anualidade Aplicación orzamentaria Importe total con IVE 2017 17/433.4320.227.06 78.650,00 € Revisión de prezos: Non procede en base a aplicación do novo réxime xurídico de revisión de prezos creado como consecuencia da disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. En aplicación do novo réxime xurídico, tamén se estará ao o disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. 1.4. PRAZO DE EXECUCIÓN O prazo total de execución do contrato será dun máximo de 180 días naturais e a duración de cada unha das fases do contrato non será superior a dous meses. Admite prórroga: non 1.5. RÉXIME DE PAGAMENTO Forma de pagamento: O pago do contrato realizarase contra a presentación da correspondente factura unha vez finalizados todos os traballos que constitúen o obxecto do contrato de conformidade co establecido nos pregos e na oferta da empresa adxudicataria e unha vez que estes sexan validados polo Servizo de Turismo Rías Baixas. Lugar de presentación e forma da factura: As facturas de importe superior a 5.000,00€ deberán presentarse polo adxudicatario en formato electrónico a través do Punto General de Entrada de Facturas Electrónicas de la Administración General del Estado FACe, ó que pode accederse dende a Sede Electrónica da Deputación de Pontevedra (sede.depo.es), no tempo e forma, a efectos de que o órgano administrativo ó que corresponde proceda a súa tramitación (máis información en https://sede.depo.es). Nas facturas deberase indicar os código DIR 3 que identifican o procedemento, o CIF e nº de expediente que se relacionan a continuación: Administración: L02000036 (CIF: P3600000H) Órgano xestor: LA0006122; Unidade Tramitadora: LA0006135; Oficina Contable: LA0006135 Nº Expediente: 2016009730 Se xunto coa factura o adxudicatario ten que presentar outros documentos xustificativos do traballo realizado, o fará achegando os documentos xustificativos a través do sistema de facturación da Deputación de Pontevedra. 1.6. GARANTÍAS Provisional: non se esixe. Definitiva: 5 % do prezo de adxudicación do contrato (IVE excluído). Prazo da garantía: a duración do contrato. 1.7. PENALIZACIÓNS No caso de incumprimento defectuoso das prestacións obxecto do contrato ou para o suposto de incumprimentos dos compromisos ou das condicións especiais que se estableceron nos pregos conforme os artigos 64.2 e 118.1 do TRLCSP, así como as condicións ofertadas polo contratista, cando non proceda a resolución do contrato, implicará a aplicación das penalidades previstas no artigo 212 do TRLCSP ou no presente prego que deberán ser proporcionais á gravidade do incumprimento e a súa contía non poderá ser superior ao 10% do orzamento do contrato. Considéranse obrigas esenciais do contrato as seguintes: 1.- Pagos a subcontratistas e provedores, os deberes derivados das disposicións legais, regulamentarias e convencionais vixentes en materia laboral, de protección de emprego, condicións de traballo, prevención de riscos laborais, de seguridade social e de seguridade e saúde no traballo. Os incumprimentos do adxudicatario tipificaranse como faltas leves, ou faltas graves atendendo as circunstancias concorrentes e ao maior ou menor prexuízo que cause a administración, de acordo co seguinte: a) Faltas leves: Será considerada falta leve calquera circunstancia relacionada co incumprimento das condicións establecidas nos pregos ou na oferta do adxudicatario que non teña a consideración de falta grave e que tras o requirimento da administración non sexan atendidas polo adxudicatario nun prazo máximo de 5 días hábiles. A penalidade en caso de falta leve será dun 5% do prezo total de adxudicación do contrato. b) Faltas graves: Será considerado falta grave o incumprimento polo adxudicatario das obrigas esenciais mencionadas anteriormente durante a execución do contrato ou a reiteración na comisión de máis dunha falta leve polo mesmo o por distinto incumprimento durante a execución do contrato así como as seguintes: 1.- Falsidade no nivel de coñecementos técnicos do persoal ofertado. A falsidade no nivel de coñecementos técnicos do persoal ofertado, deducida do contrato entre as características indicadas pola empresa adxudicataria na súa oferta e os efectivamente demostrados na execución dos traballos. 2.- Falta de ética profesional. A falta de ética profesional por parte dos traballadores da empresa adxudicataria relativos á realización de comentarios de ámbito laboral, persoal ou de calquera outra índole, actuacións ou comentarios que supoñan un desprestixio da empresa adxudicataria ou da Deputación de Pontevedra, faltas de confidencialidade ou de calquera outro comportamento que o equipo técnico considere prexudicial para o correcto desenvolvemento do proxecto. 3.- Plaxio ou reprodución non autorizada: O plaxio ou reprodución non autorizada de contidos así como en calquera documento elaborado a raíz desta adxudicación. A penalidade a impoñer en caso de falte grave será dun 10% do prezo total de adxudicación do contrato, ademais da posibilidade de resolver o contrato. PROCEDEMENTO DE IMPOSICIÓN DE PENALIZACIÓNS As penalidades ou multas coercitivas impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 2. SOLVENCIA ECONÓMICA, FINANCIERIA E TÉCNICA (Documentación que se debe presentar na fase de requirimento, segundo figura na cláusula 14.1 do prego económico administrativo) Clasificación: non se esixe. Acreditación da solvencia económica, financeira e técnica A) Solvencia económica e financeira: Deberase acreditar un volume anual de negocios referido ao ano de maior volume de negocio dos tres últimos exercicios concluídos por un importe mínimo dunha vez e media do valor estimado do contrato. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada. - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva: - Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: Para acreditar a solvencia técnica o licitador deberá presentar os seguintes documentos: B.1) Relación dos principais servizos no curso dos cinco últimos anos relacionados co obxecto do contrato; nestes certificados indicaranse o importe, as datas e o destinatario, público ou privado, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V do presente prego). Os servizos efectuados acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior ao 70% do valor estimado do contrato ou da súa anualidade media se esta é inferior ao valor estimado do contrato. Nota: Considérase como valor estimado do contrato o importe total, sen incluír o Imposto sobre o Valor Engadido. B.2) Efectiva disposición dos medios persoais que se deberán adscribir á execución do contrato, que como mínimo deben ser:  1 Coordinador de proxecto, será o responsable máximo por parte da empresa adxudicataria de dirixir o proceso de concertación e redacción do Plan Estratéxico e será o máximo responsable da interlocución coa Deputación. Deberá contar co seguinte requisito:  Titulación superior universitaria.  3 Consultores que se encargarán da execución dos traballos incluídos nos Pregos de Prescricións Técnicas. Deberán contar co seguinte requisito:  Titulación superior universitaria. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (sobre B) Os criterios non avaliables mediante fórmulas valoraranse cun máximo de 49 puntos, de conformidade co seguinte: 3.1.1.- Xestión e desenvolvemento do proceso de concertación e redacción do plan, ata un máximo de 27 puntos. a) Metodoloxía de xestión do proceso de concertación e redacción do plan: Valorarase tanto a metodoloxía de traballo proposta polo licitador así como a proposta organizativa e a súa aplicación ó destino. b) Plan de traballo e seguimento do proxecto: Valorarase a coherencia do plan de traballo proposto para o desenvolvemento de cada unha das tarefas obxecto do contrato: o cronograma global, as actividades, fases, tarefas, subtarefas, tempos estimados así como os perfiles asociados e a rigorosidade da metodoloxía de seguimento de proxecto proposto pola empresa. c) Entregables: Valoraranse os entregables que a empresa adxudicataria deberá proporcionar o servizo de Turismo en función dos obxectivos e fases establecidos para a execución do contrato así como a coherencia dos mesmos co plan de traballo. 3.1.2.- Características do equipo de traballo, ata un máximo de 10 puntos: Valorarase o equipo de traballo proposto pola empresa, que como mínimo será o esixido na solvencia da empresa. En concreto, para o coordinador de proxecto valorarase que teña coñecementos demostrables no sector turístico (para a valoración deberase achegar certificación xurada dos traballos prestados) e experiencia na realización de proxectos coa Administración Pública e no deseño, desenvolvemento e implantación de procesos participativos, xestión de equipos e subvencións europeas. No caso dos consultores valorase que teñan coñecementos demostrables do sector turístico (para a valoración deberase achegar certificación xurada dos traballos prestados) e experiencia na realización de proxectos coa Administración Pública no desenvolvemento e implantación de procesos participativos, xestión de equipos e financiamento comunitario. 3.1.3. Características da solución proposta, ata un máximo de 12 puntos: Valoraranse as características da solución proposta atendendo a súa coherencia co obxecto do contrato, a metodoloxía proposta pola empresa para o desenvolvemento de actividades e tarefas así como aqueles que a o seu xuízo sexan claves para a redacción do plan. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C): Nota importante: só se procederá á apertura e valoración das propostas do sobre C das empresas que obteñan unha ponderación dos criterios avaliables mediante xuízos de valor que superen os 25 puntos. Os criterios avaliables mediante fórmulas valoraranse cun máximo de 51 puntos, de conformidade cos seguintes criterios: 3.2.1. Menor prezo ofertado, ata un máximo de 40 puntos: Valorarase o menor prezo total ofertado polo licitador (sen IVE). 3.2.2. Redución do prazo de entrega, ata un máximo de 11 puntos: Estes criterios valorarase en función das fórmulas establecidas no anexo IV deste prego. Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A e de valoración técnica do sobre B. 4. DOCUMENTACIÓN QUE SE DEBE PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se adxunta no anexo III deste prego. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable, así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. A efectos informativos indícase que é posible a presentación do Documento europeo único de contratación electrónico (DEUC) en substitución da declaración responsable indicada neste punto. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable (ou DEUC), así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 3. Compromiso do licitador de dedicar ou adscribir ao contrato os medios persoais e materiais suficientes necesarios para a debida execución do mesmo, aos que se refire no artigo 64.2 do TRLCSP nos que se atoparán, como mínimo, os especificados nos pregos. Asemade, no compromiso débese especificar que se adscribirá, como mínimo, o seguinte equipo humano:  1 Coordinador de proxecto, será o responsable máximo por parte da empresa adxudicataria de dirixir o proceso de concertación e redacción do Plan estratéxico e será o máximo responsable da interlocución coa Deputación. Deberá contar como mínimo co seguinte requisito:  Titulación superior universitaria.  3 Consultores encargados da execución dos traballos que como mínimo contarán co seguinte requisito:  Titulación superior universitaria. Notas importantes: o A xustificación acreditativa de tales requisitos deberá presentarse antes da adxudicación do contrato. (No caso do equipo humano, a acreditación realizarase no sobre B) A administración poderá requirir, antes da adxudicación do contrato ou durante a execución do mesmo, o convenio colectivo que será de aplicación aos traballadores e traballadoras, así como a xustificación do cumprimento da obriga de presentar a información que acredite a aplicación efectiva do convenio aos ditos traballadores e traballadoras. o No caso de que a oferta dunha empresa se considere anormal ou desproporcionada (baixa temeraria) comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. 4. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS As ofertas deberán presentarse tanto en formato papel como en formato dixital. A oferta deberá estar paxinada e conter un índice detallado. O formato dixital deberá presentarse en soporte CD ou DVD, coa seguinte etiqueta: EMPRESA NOME DOS FICHEIROS Oferta_Técnica.doc Oferta_Técnica.pdf A versión dixital se entregará nun único ficheiro cunha versión en formato .pdf e outra en formato .doc. O tipo de letra utilizado será Arial 12, excepto para os títulos, que será Arial 14 e Arial 16. Utilizarase un interliñado a 1,50 e o espazo entre parágrafos será de 6 puntos. A extensión máxima da proposta técnica non poderá superar as 50 páxinas, excluídos os anexos, os cales non poderán superar as 50 páxinas.Os ficheiros de entrega da oferta nos dous formatos deberán contemplar o mesmo contido. Durante o proceso de valoración das ofertas non se terán en conta aquelas que non presenten toda a documentación no formato dixital indicado anteriormente e acorde coas especificacións deste apartado. Non seguir a estrutura ou engadir algún punto ademais dos indicados poderá ser motivo de exclusión. As ofertas técnicas que presenten os licitadores deberán contemplar de maneira obrigatoria e exclusiva os seguintes puntos, e na mesma orde dos especificados a continuación: INDICE 1. Introdución: Deberase realizar un pequeno resumo da oferta presentada polo licitador indicando os obxectivos, alcance esquema xeral da solución proposta. 2. Características da solución proposta: Neste punto a empresa deberá describir os seguintes aspectos: 2.1.- Enfoque global: describiranse todos aqueles aspectos propostos polo licitador indicando aqueles que a o seu xuízo sexan claves para a redacción do plan. 2.2.- Actividades e tarefas: describiranse de maneira detallada a metodoloxía a realizar para o desenvolvemento de todas as actividades e tarefas incluídas no alcance do contrato. 3. Xestión e desenvolvemento do proceso de concertación e redacción do plan: 3.1.- Metodoloxía de xestión do proceso de concertación e redacción do plan: Describirase a metodoloxía de traballo proposta polo licitador así como a proposta organizativa e a súa aplicación o destino. 3.2.- Plan de traballo e seguimento do proxecto: Describirase o plan de traballo detallado para desenvolver as tarefas solicitadas e debera incluír de maneira obrigatoria:  Cronograma global.  Descrición de actividades (diagrama de Gantt).  Descrición de fases, tarefas, subtarefas, tempos estimados e perfiles asociados.  Metodoloxía de seguimento do proxecto proposta polo licitador.  Descrición das actividades e documentos que se desprenderán de cada actuación para o correcto control do proxecto. 3.3 Entregables Información detallada da documentación que se entregará a Deputación no transcurso do contrato por cada unha das fases descritas no prego de prescricións técnicas. 4-. Equipo de traballo proposto. O licitador deberá detallar o equipo de traballo mínimo esixido proposto para a realización dos traballos incluídos no presente procedemento, indicando:  Perfís incluídos no proxecto e descrición das principais funcións a realizar dentro do mesmo.  Táboa que asigne persoas os perfiles solicitados.  Para cada perfil deberase indicar o número de recursos asignados ao proxecto e a porcentaxe de dedicación.  De cada un dos perfís deberá achegar: - Titulación requirida - Para valorar a súa experiencia deberanse achegar:  Currículum vitae  Certificación xurada de traballos prestados  Contratos e certificados de servizos prestados no caso de que o persoal traballara directamente para a Administración Pública  Declaración responsable emitida polo responsable legal da empresa no caso de que o persoal traballara en empresas privadas contratadas pola Administración Pública. Todos os aspectos incluídos na proposta técnica deberán especificarse con claridade e detalle para permitir a correcta valoración. 5. Información adicional: Calquera outra documentación relacionada co obxecto do contrato que desexe achegar o licitador. 6. Deberase indicar a parte do contrato que o empresario ten eventualmente o propósito de subcontratar, de conformidade co establecido na cláusula 16 deste prego. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta presentada nos criterios avaliables de forma automática (sobre C). O incumprimento deste requisito implicará a exclusión do procedemento. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición determinado no anexo II. Modelo de proposición deste prego, asinado e selado. Este modelo conterá a oferta económica que se realice. Non se aceptarán propostas que conteñan omisións, erros ou riscos que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese o orzamento base de licitación, variase substancialmente o modelo establecido, comportase erro manifesto no importe da proposición ou se existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Así mesmo, cando para a selección do contratista se atenda a unha pluralidade de criterios incluirase neste sobre a documentación relativa a aqueles criterios avaliables mediante fórmulas establecidas nos pregos.” ANEXO II “MODELO DE PROPOSICIÓN (SOBRE C) (Nome e apelidos) .................., maior de idade, veciño de .................., con domicilio en .........................., titular do DNI número ................, expedido en data ........, actuando en nome propio ou en representación da empresa ........... (CIF número...........) e con domicilio en ...........,teléfono.........., segundo declaro responsablemente, en coñecemento do anuncio para adxudicar mediante procedemento aberto o contrato correspondente ao servizo (especificar denominación da servizo): Primeiro. Declaro que na execución do contrato se cumprirán coas disposicións legais, regulamentarias e convencionais vixentes e que resulten de aplicación en materia laboral, seguridade social, seguridade e saúde no traballo, de protección do emprego e prevención de riscos laborais. Segundo. Comprométome ó servizo, con estrita suxeición ós pregos de prescricións técnicas e condicións económico-administrativas, que aceptamos na súa totalidade, coas seguintes condicións: 1.-Prezo ofertado: Prezo sen IVE € IVE € Total € 2.- Redución do prazo de entrega ……………………. días (Poderase ofertar unha redución dun máximo de 30 días respecto do prazo máximo de execución de 180 días establecido no presente prego). Nota: Terase en conta que o incumprimento do prazo ofertado levará consigo a aplicación das penalidades establecidas na cláusula 1.7 do Anexo I do presente prego. ……………………………., ….. de …………………… de ……….. (Lugar, data, sinatura e selo do licitador)” ANEXO III. DECLARACIÓN RESPONSABLE (SOBRE A) Nota: este modelo pode descargarse en formato PDF para cubrir na área de descargas do seguinte enderezo web: http://www.depo.es/web/edepo/contratacion1 “DOCUMENTO EUROPEO ÚNICO DE CONTRATACIÓN (DEUC E DEUC ELECTRÓNICO) 1. PRINCIPIOS BÁSICOS DO DEUC O DEUC é un documento creado para facilitar a participación na contratación pública que consiste nunha declaración formal e actualizada da empresa interesada, en substitución da documentación acreditativa que confirme a idoneidade, solvencia financeira e capacidade das empresas utilizada como proba preliminar en todos os procedementos de contratación pública que rebasan o umbral da Unión Europea. O DEUC está dispoñible en todas as linguas da Unión Europea (UE). A declaración permite comprobar que as empresas licitadoras non están incursas en ningunha das situacións nas que poderían resultar excluídas do procedemento e que cumpren os criterios pertinentes de exclusión e selección. Coa presentación do DEUC os licitadores non terán que proporcionar as probas documentais completas e diferentes formularios utilizados anteriormente na contratación pública da UE, o que significa unha considerable simplificación do acceso ás oportunidades de licitación transfronteirizas, por tanto, será o adxudicatario quen unicamente deberá presentar os certificados que se soliciten normalmente como proba. 2. ACCESO AO DEUC E O DEUC ELECTRÓNICO Con arranxo as novas Directivas sobre contratación pública, o DEUC facilitarase exclusivamente en formato electrónico a partir do 18 de abril de 2018, en tanto, a fin de posibilitar a transición en toda a UE, ata a data mencionada coexistirá a versión electrónica e a versión en papel dispoñibles de acordo ao seguinte: - Formato papel: Documento DEUC que figura no anexo II do Regulamento de Execución (UE) 2016/7 da Comisión, de 5 de xaneiro de 2016, polo que se establece o formulario normalizado do DEUC. Pódese visualizar na dirección web http://eur-lex.europa.eu - En formato electrónico a través do servizo en liña DEUC electrónico na seguinte dirección web https://ec.europa.eu/growth/tools-databases/espd O servizo en liña proporcionado pola Comisión Europea é gratuíto para os compradores, licitadores e demais partes interesadas en cumprimentar o documento de forma electrónica. O formulario en liña pode ser cumprimentado, impreso e posteriormente enviarse xunto coa oferta. Se o procedemento se realiza de forma electrónica, o DEUC presentado no marco dun procedemento de contratación pública anterior, pode reutilizarse sempre que a información siga sendo a correcta. As empresas que figuren inscritas en listas oficiais autorizadas, no caso de España o Rexistro Oficial de Licitadores e Empresas Clasificadas do Estado (ROLECE) ou o equivalente a nivel autonómico co alcance previsto no artigo 327.1 do TRLCSP, non estarán obrigadas a facilitar no formulario DEUC os datos e información que xa forme parte dos ditos rexistros, sempre e cando as empresas inclúan no DEUC a información necesaria para que o órgano de Contratación poida realizar o acceso correspondente (datos de identificación no rexistro, declaración de consentimento, dirección web, etc). Os licitadores poderán ser excluídos do procedemento ou ser obxecto de enxuizamento se a información contida no DEUC foi falseada, ocultada ou non pode completarse con documentos xustificativos. 3. COMO UTILIZAR O DEUC ELECTRÓNICO 3.1. Acceso a través de calquera navegador de internet O DEUC electrónico funciona coas versións máis recentes dos navegadores máis habituais (Chrome, Internet, Explorer, Firefox, Safari e Opera). Débese ter en conta que certas funcións, como descargar un ficheiro, non é posible realizalas en teléfonos intelixentes ou tabletas. 3.2. Crear, importar e descargar o DEUC electrónico O servizo en liña DEUC permite crear un modelo novo ou reutilizar un modelo xa utilizado nun procedemento anterior, por tanto o DEUC electrónico estará dispoñible por vía electrónica xunto cos demais documentos de licitación. A empresa licitadora procederá a importar o dito modelo, cumprimentar os datos necesarios, descargar e imprimir, no caso de que sexa necesario, presentando deste modo o DEUC cos demais documentos de licitación. 3.3. Descargar o DEUC electrónico en formato PDF En Microsoft Windows o DEUC electrónico pode descargarse a través do Chrome (coa impresora que leva integrada). No caso doutros navegadores pode utilizarse calquera creador de documentos en PDF dispoñible en liña de forma gratuíta. No caso de Mac, OSX o Linux, o DEUC pode imprimirse desde calquera navegador. 3.4. Sinatura do DEUC electrónico Para a sinatura electrónica deberase descargar o modelo en XML e utilizar a correspondente sinatura electrónica. Se non fora posible, deberase imprimir o DEUC en formato PDF e asinarse a man. 3.5. Impresión do DEUC electrónico Pódese imprimir o DEUC electrónico desde o servizo en liña posto a disposición pola Comisión Europea. O formulario DEUC electrónico aparece tras pulsar o botón “Imprimir”. 3.6. Como cumprimentar automaticamente os datos sobre o procedemento que deben figurar na parte I do DEUC electrónico. O servizo DEUC electrónico que ofrece a Comisión Europea recolle automaticamente esta información sempre que se respecten as seguintes etapas: 1) Presentado o anuncio de licitación no TED (Tender Electronic Daily) 2) A empresa licitadora recibe un correo electrónico con un numero de identificación. 3) Introdúcese o número de identificación no servizo DEUC electrónico. Posteriormente, esta información se inserta automaticamente na parte I do DEUC electrónico. 3.7. Reutilización do DEUC electrónico O servizo en liña do DEUC electrónico permite tanto aos compradores como as empresas licitadoras reutilizar o formulario do DEUC electrónico utilizado en procedementos de contratación anteriores. O formulario pode utilizarse mentres os datos sigan sendo correctos e pertinentes. 3.8. Presentación de probas orixinais Será o adxudicatario do contrato quen deberá presentar as probas orixinais, en tanto, poderase solicitar en todo momento do procedemento a presentación de probas a fin de garantir a correcta execución do mesmo. No caso de que as probas, ou parte das mesmas, estean dispoñibles en bases de datos oficiais (En España ROLECE ou Rexistro autonómico equivalente), de forma gratuíta, as empresas poderán indicar onde poden encontrarse as probas solicitadas (nome do rexistro, identificación, etc), e por tanto, o solicitante obter as probas da fonte indicada, sen prexuízo das normas pertinentes en materia de protección de datos persoais). 4. ASPECTOS TÉCNICOS RELACIONADOS CO DEUC ELECTRÓNICO O servizo DEUC electrónico é unha aplicación en liña destinada a facilitar o proceso de elaboración do formulario do DEUC, non unha base de datos de preselección polo que non almacena ningún dato. O formulario se conserva sempre localmente no ordenador do usuario. No futuro será posible para a empresa licitadora ver directamente no DEUC electrónico que probas se poden utilizar para cumprir un criterio específico.” ANEXO IV “FÓRMULA PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) Entenderanse por ofertas admitidas todas aquelas que non quedaran excluídas unha vez realizado o exame da documentación administrativa contida no sobre A e de valoración técnica do sobre B. A) Prezo ofertado, ata un máximo de 40 puntos Para o cálculo da puntuación do prezo a fórmula a utilizar será a seguinte: • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que: 4. Fórmula completa para a valoración de ofertas: 1. Definición de Wmax : 2. Definición de S:  Se : ,  Se : 3. Valoración das ofertas cando bmax > . Para i=1,…..,n:  Se entón ,  Se entón 4. Valoración das ofertas cando  Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b1 > 25, entón a oferta 1 (única) é temeraria. • n = 2: supoñemos que . Se entón a oferta 2 é temeraria. Obsérvese que a condición equivale a porque: • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. B) Redución do prazo de entrega, ata un máximo de 11 puntos. Valorarase de acordo coa seguinte fórmula: Onde: a= Menor redución do prazo de entrega a ofertar (a=0). b=Días de redución do prazo de entrega ofertado polo licitador obxecto de cálculo. c=Maior redución do prazo de entrega a ofertar (30 días). d= puntuación máxima outorgada o criterio (11 puntos).” ANEXO V “MODELO DE ACREDITACIÓN DE SOLVENCIA TÉCNICA DOS SERVIZOS REALIZADOS ACREDITACIÓN DA SOLVENCIA TÉCNICA E PROFESION Ó RESPECTO DA REALIZACIÓN DOS SERVIZOS REALIZADOS POLA EMPRESA NOS ÚLTIMOS CINCO AÑOS TÍTULO DO CONTRATO: Nº EXPEDIENTE: Dª /D.………, con DNI núm. ………….., en nome propio ou en representación da empresa……, con NIF/CIF núm. …………………DECLARA que a relación dos servizos obxecto do presente contrato realizados nos últimos cinco anos son os que se recollen na seguinte táboa: Título do contrato Obxecto Data Importe do ano 2012 Importe do ano 2013 Importe do ano 2014 Importe do ano 2015 Importe do ano 2016 Importe total dos últimos 5 años Destinatario Inicio Fin Totais ……………………………………., ….. de …………………… de ……….. (Lugar, data, sinatura e selo do licitador)” 3.25101.- BAIXAS DOS CONCELLOS ADHERIDOS Ó PROGRAMA “TECENDO LAZOS 2016” 1º.- A Xunta de Goberno, na sesión que tivo lugar o día 6 de outubro de 2016, aprobou as bases reguladoras do programa “Tecendo Lazos” do ano 2016, que teñen como obxecto: “Desenvolver obradoiros interxeneracionais, no ámbito do lecer e do tempo libre, a través dos que se pretenden crear estratexias, oportunidades e formas de creación de espazos para o encontro, a sensibilización, a promoción do apoio social e o intercambio recíproco, intencionado, comprometido e voluntario de recursos, aprendizaxes, ideas e valores encamiñados a producir entre as distintas xeracións lazos afectivos, cambios e beneficios individuais, familiares e comunitarios, entre outros, que permitan a construción de sociedades máis xustas, integradas e solidarias. Fomentarase nas persoas maiores o envellecemento activo, mellorando a súa actividade física, cognitiva e social, e nas persoas máis novas melloraranse as súas habilidades sociais e a empatía cara ao resto das xeracións. Todos os obradoiros contarán, ademais, cun módulo denominado “A historia do meu concello”, a través do cal se tratarán de recompilar as historias, lendas, contos, fotografías… dos concellos que se adhiran, co fin de publicar a información e documentación recollidas.” 2º.- No programa “Tecendo Lazos” para o ano 2016, poderán adherirse os concellos da provincia de Pontevedra de menos de 20.000 habitantes. Cada concello pode escoller unha actividade das que figuran no catálogo publicado na páxina web da Deputación de Pontevedra, divididas nas seguintes áreas: 1. Risos en familia. 2. Coas mans nos pucheiros. 3. Álbum familiar. 4. Brincadeiras de sempre. 5. O noso son. Cada unha delas terá unha duración de 16 horas e ofertaranse a través dunha empresa especializada na materia, responsable da execución, coordinación e avaliación do programa. O prazo fixado nas bases para a impartición de estes obradoiros deberá rematar antes do 31 de decembro de 2016, existindo previa solicitude por parte do Concello adherido e co informe favorable do Servizo de Cohesión Social e Xuventude, a posibilidade dunha prórroga de 15 días naturais. 3º.- Unha vez finalizado o prazo establecido nas Bases do programa “Tecendo Lazos 2016” publicadas no Boletín oficial da Provincia de Pontevedra (BOPPO) número 192 de data 6 de outubro de 2016, a Xunta de Goberno na súa sesión do venres 11 de novembro de 2016 aproba a adhesión dos seguintes Concellos: CONCELLO Obradoiro escollido 1 Agolada Brincadeiras de sempre 2 Arbo Brincadeiras de sempre 3 Baiona Risos en familia 4 Barro Brincadeiras de sempre 5 Bueu Coas mans nos pucheiros 6 Caldas de Reis Coas mans nos pucheiros 7 Cambados Risos en familia 8 Cotobade Coas mans nos pucheiros 9 Cuntis Coas mans nos pucheiros 10 Fornelos de Montes Brincadeiras de sempre 11 Gondomar Risos en familia 12 Grove, O Coas mans nos pucheiros 13 Guarda, A Brincadeiras de sempre 14 Illa de Arousa, A Risos en familia 15 Lama, A Coas mans nos pucheiros 16 Meaño Brincadeiras de sempre 17 Meis O noso son 18 Moaña Risos en familia 19 Mondariz Brincadeiras de sempre 20 Mondariz-Balneario Risos en familia 21 Moraña Coas mans nos pucheiros 22 Mos Coas mans nos pucheiros 23 Neves, As Brincadeiras de sempre 24 Nigrán Coas mans nos pucheiros 25 Oia Brincadeiras de sempre 26 Pazos de Borbén Coas mans nos pucheiros 27 Poio Brincadeiras de sempre 28 Ponte Caldelas O noso son 29 Pontecesures Coas mans nos pucheiros 30 Porriño Brincadeiras de sempre 31 Portas Álbum familiar 32 Ribadumia Album familiar 33 Rodeiro Brincadeiras de sempre 34 Rosal, O Coas mans nos pucheiros 35 Salceda de Caselas Coas mans nos pucheiros 36 Salvaterra de Miño Coas mans nos pucheiros 37 Sanxenxo Risos en familia 38 Silleda O noso son 39 Soutomaior Risos en familia 40 Tomiño Coas mans nos pucheiros 41 Tui Brincadeiras de sempre 42 Valga Brincadeiras de sempre 43 Vila de Cruces Risos en familia 44 Vilaboa Brincadeiras de sempre 4º.- Nas bases reguladoras do programa, en concreto na base oitava: Condicións do programa, se recolle no segundo parágrafo da mesma que as actividades deberán contar cun mínimo de 10 persoas participantes das cales un 40% serán menores (esta porcentaxe poderá variar nalgún caso por necesidades da actividade, previa comunicación á empresa adxudicataria). 5º.- Os seguintes Concellos solicitan por escrito a baixa do programa por non acadar o número mínimo de inscricións para poder impartir os obradoiros que solicitaron: CONCELLO 1 Agolada 2 Arbo 3 Baiona 4 Meaño 5 Neves, As 6 Ribadumia 7 Silleda 8 Soutomaior 9 Tomiño 10 Tui 11 Vilaboa 6º.- A base décimo primeira recolle no último parágrafo o seguinte: “No suposto de que o número total de obradoiros ofertados nesta convocatoria non quedase cuberto, esta institución resérvase o dereito a cubrilos con Concellos que teñan a suficiente demanda para realizar un segundo obradoiro a través dunha petición motivada dirixida á deputada de Cohesión Social e Xuventude” A Xunta de Goberno na súa sesión celebrada o 23 de decembro de 2016 aprobou a concesión dun segundo obradoiro para o Concello de O Rosal, que finalmente non se vai celebrar xa que non acada demanda suficiente. Normativa aplicable: a) Artigo 36 da Lei 7/1985, de 2 de abril, reguladora das bases do réxime local. b) Artigo 109.1 b) da Lei 5/1997 de 22 de xullo, de Administración Local de Galicia. c) Artigo 63 da Lei 13/2008 de 3 de decembro, de servizos sociais de Galicia. d) Orzamento provincial 2016. Bases Execución do Orzamento. e) Convocatoria e Bases do programa Tecendo Lazos 2016 (BOPPO nº192 do 6 de outubro 2016). De acordo con todo o exposto anteriormente, a Xunta de Goberno acorda por unanimidade: 1. A baixa do programa dos seguintes Concellos debido a que non teñen suficiente demanda para a realización dos correspondentes obradoiros: CONCELLO 1 Agolada 2 Arbo 3 Baiona 4 Meaño 5 Neves, As 6 Ribadumia 7 Silleda 8 Soutomaior 9 Tomiño 10 Tui 11 Vilaboa 2. Anular a aprobación da concesión dun segundo obradoiro para o Concello de O Rosal xa que non acada demanda suficiente para poder impartilo. Sendo finalmente os Concellos de Cerdedo-Cotobade e Nigrán os que impartan un segundo obradoiro dentro do programa “Tecendo Lazos” tal e como foi aprobado na sesión ordinaria da Xunta de Goberno celebrada o 23 de decembro de 2016. 4.25102.- DESESTIMACIÓN DAS ALEGACIÓNS PRESENTADAS POLO CONCELLO DE CAMPO LAMEIRO Á CONVOCATORIA EXTRAORDINARIA COMPLEMENTARIA Ó PLAN DE COFINANCIAMENTO DOS SERVIZOS SOCIAIS COMUNITARIOS MUNICIPAIS 1º.- Por Acordo da Xunta de Goberno, na súa sesión ordinaria de 4 de novembro de 2016, aprobou a Convocatoria Extraordinaria Complementaria ao Plan de cofinanciamento dos servizos sociais comunitarios municipais, para a ampliación da Subvención do Servizo de axuda no fogar (SAF) para o exercicio 2016. 2º.- A antedita Convocatoria foi publicada no BOPPO núm. 218 de 15 de novembro de 2016, publicándose o extracto no BOPPO núm. 219 de 16 de novembro de 2016. 3º. O prazo de presentación de solicitudes (15 días hábiles, rematou o pasado día 9 de decembro de 2016). Unha vez concluído o mesmo, presentan solicitude en tempo e forma os Concellos de Agolada, Caldas de Reis, Cambados, Catoira, Cerdedo-Cotobade, Forcarei, Fornelos de Montes, Gondomar, A Guarda, A Lama, Meis, Moaña, Moraña, Mos, As Neves, Pazos de Borbén, Poio, Ponte Caldelas, Pontecesures, O Porriño, Ribadumia, Rodeiro, Salceda de Caselas, Salvaterra de Miño, Tomiño, Vila de Cruces e Vilanova de Arousa. Os concellos de Mondariz, A Illa de Arousa e O Rosal presentan a súa solicitude en prazo, e proceden dentro do mesmo a corrixir as deficiencias de forma requiridas por este Servizo. 4º.- O Concello de Campo Lameiro presenta a súa solicitude fora de prazo. 5º.- A proposta de Acordo de ampliación da Subvención do Servizo de axuda no fogar (SAF) para o exercicio 2016, foi remitida e incluída nos asuntos a tratar na Xunta de Goberno do día 28 de decembro de 2016. 5º.- Na antedita proposta, proponse desestimar a solicitude presentada polo Concello de Campo Lameiro, o habela presentado fora de prazo (Entrada no Rexistro 13/12/2016). 6º.- Mediante escrito que tivo entrada no Rexistro Xeral da Deputación de Pontevedra o 22 de decembro de 2016, o Concello de Campo Lameiro, coñecedor de que a súa solicitude tivo entrada fora de prazo, alega o seguinte: - “(…) Que o retraso producido debeuse a causas alleas á propia tramitación administrativa, e por error da persoa encargada da súa remisión. O non telo feito a través do cauce do correo certificado para acreditar a entrada na oficina de correos. - A isto sumáronse as datas festivas incluídas na semana do 5 ao 10 de decembro de 2016, nas que a oficina de correos local non operou con normalidade. - Que o Concello aprobou a tramitación do expediente dentro dos prazos establecidos e con antelación suficiente (2/12/2016) - Que en atención á solicitude de subvención efectuada, comprometeu os seus gastos dentro do programa de axuda no fogar do 2016, contando coa subvención da Deputación. - Polo que solicita que se teñan en conta estas alegacións e se estime a concesión da subvención por importe de 3.592,39 € (…)” Consideracións Xurídicas: 1º.- De conformidade co establecido na Base Sexta da Convocatoria Extraordinaria complementaria ó Plan de Cofinanciamiento dos Servizos Sociais Comunitarios (BOPPO nº 218. 15/11/2016), “o prazo para a presentación das solicitudes empezará a partir do día seguinte o da publicación do extracto da convocatoria no BOPPO e finalizará no prazo de 15 días”. 2º.- O extracto da convocatoria foi publicado no BOPPO o 16/11/2016, polo que, de acordo co disposto no artigo 30.2 da Lei 39/2015 de Procedemento Administrativo Común das Administracións Públicas, “cando os prazos sinálanse por días entendese que estes son hábiles, excluíndose do cómputo dos mesmos os sábados, domingos e os declarados festivos.” 4º.- Así mesmo, tal e como se establece na Base Sexta, “En caso de enviarse por correo postal ao Rexistro da Deputación de Pontevedra, este deberá de ser certificado, co selo de Correos no formulario da solicitude, para garantir que a data de remisión está incluída dentro do prazo de presentación de solicitudes fixado na Convocatoria “, tal e como se establece na LPAC. Conclusión: Se ben o Concello de Campo Lameiro emite a remisión da certificación de Secretaría solicitando a ampliación de la subvención del servizo de axuda no fogar para 2016 en prazo, xa que consta como rexistro de saída o 2 de decembro de 2016, erros na tramitación imputables ao Concello, ademais dos sinalados, o dirixir a súa solicitude a Servizos Sociais e Promoción de Emprego, na Rúa Montecelo nº 12, e non ao Rexistro Xeral da Deputación de Pontevedra, estas circunstancias provocaron que a súa solicitude tivese entrada o 13 de decembro de 2016, e por tanto, fóra de prazo. O feito da existencia de festivos, alegada polo Concello, supuxo que se ampliase o prazo hábil de presentación, e no que este fose máis curto. Polo que, de acordo con todo o exposto, a Xunta de Goberno acorda por unanimidade desestimar as alegacións presentadas polo Concello de Campo Lameiro por ter presentado a súa solicitude fóra do prazo establecido na Convocatoria. 5.25103.- DESESTIMACIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR D.ANTONIO EDREIRA SÁNCHEZ EN REPRESENTACIÓN DE MAPFRE FAMILIAR, S.A. E DE DNA. SONIA MARIÑO RODRÍGUEZ POR DANOS EN VEHÍCULO NA E.P. 5003 A CAÑIZA-ARBO (A CAÑIZA) Dada conta que con data de rexistro 16/03/2016 (rex. núm. 2016026976) e 22/03/2016 (núm. rex. 2016029298) tiveron entrada nesta Deputación sendas instancias en solicitude de indemnización por responsabilidade patrimonial subscritas por D. Antonio Edreira Sánchez en representación de Mapfre Familiar, S.A. e de Dª Sonia Mariño Rodríguez, respectivamente (acumuladas mediante Resolución Presidencial nº 2016005799 de data 29/03/2016 con enderezo a efectos de notificacións na rúa Cristino Álvarez nº 1, 3ª planta de A Coruña, por danos en vehículo producidos a consecuencia dun desprendemento na E.P. 5003 A Cañiza-Arbo, no Concello de A Cañiza, o día 20/12/2015 e que cuantificou economicamente en 1.677,20 €. Resultando.- Que con data 20/05/2016 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172.2 do R.d. 2568/86, solicitouse informe ó Servizo de Mobilidade, que o emitiu na data 07/06/2016 co seguinte contido: “Primeiro.- Achégase informe da enxeñeira do Servizo Fátima Martínez Giráldez e documentación anexa”. Pontevedra, 7 de xuño de 2016 A Xefa dos Servizos Administrativos de Mobilidade Sonia Mateos Escudero------------------------------------------------------------------------------------------ Informe da Enxeñeira Fátima Giráldez de 6 de xuño de 2016: “O domingo 20 de decembro de 2015, tivo lugar o desprendemento de parte dun noiro situado a unha cota superior da estrada provincial E.P. 5003. As terras e árbores ocuparon ámbolos dous sentidos de circulación (DOC-2, páx. 27). A brigada de garda recibiu aviso do 112 e acudiron ao lugar do sinistro, adxúntase parte da saída e fotografías tomadas polo capataz da brigada Urbano Javier Costas (DOC-1, páx. 25 e DOC-2, páx. 27). O Director de Infraestruturas en funcións, D. Manuel González Juanatey deu a orde de reparar o noiro e construír un muro de pé para asegurar a estabilidade do mesmo. Posteriormente, D. Manuel Domínguez Domínguez, veciño de A Cañiza, reclamou a superficie de terreo que se desprendera como terreo expropiado. Contestóuselle que a superficie onde se actuara fóra a necesaria para estabilizar o noiro (DOC-4, páx. 39). CUESTIÓNS: a) Se o punto sinalado pertence á rede provincial de estradas. Sí trátase da E.P. 5003 CAÑIZA-ARBO, no P.Q. 4 + 200 b) Se ese Servizo tivo coñecemento deste accidente ou de outros similares en datas anteriores ou posteriores. O 112 trasladou aviso á Deputación (DOC-1, páx. 25). c) O tipo de sinalización existente na zona do accidente. A sinalización da estrada limita a zona do sinistro a 60 km/h. A sinalización do desprendemento, unha vez que acudiu a brigada de conservación á zona, foi cortar a estrada nese tramo e sinalizar un operario o desvío por un tramo antigo de dita estrada provincial. O tempo aproximado entre o aviso e a chegada ao punto do desprendemento foi de unha hora e media. d) A Qué puido deberse o desprendemento e se o mesmo estaba sinalizado. A explicación está no escrito de contestación a D. Manuel Domínguez Domínguez (2016001142) que se adxunta (DOC-4, páx. 39). Segundo o técnico responsable, D. Manuel González Juanatey, o desprendemento debeuse ao aumento de peso do propio noiro ocasionado pola perda de auga da levada veciñal que discorre no alto do mesmo (DOC-3, páx. 37). e) Calquera outro extremo que estime de interese. ---------------------------------------------------------- Fátima Martínez Giráldez Pontevedra, 6 de xuño de 2016---------------------------------------------------------------------- - Informe visita de inspección: VIGILANTE: Santiago. SOLICITANTE: Infraestructuras – Reclamación Patrimonial CARRETERA: E.P. 5003 Cañiza-Arbo CONCELLO: Cañiza P.K.: 4 + 200 CROQUIS DE SITUACIÓN: a) El punto señalado pertenece a la red provincial de carreteras de la Diputación. b) El Servicio tuvo conocimiento del accidente posteriormente. c) Ver croquis. d) Hubo un temporal de viento y mucha lluvia y desbordó el agua de una elevedad encima del talud. e) Hace dos años se desprendió parte del talud. FECHA Y FIRMA: 25/05/2016 - Escrito da Directora de Mobilidade, Isabel Pardo de Vera Posada, dirixido a D.Manuel Domínguez Domínguez en relación coa solicitude de expropiación por actuación en temporais na zona de influencia da E.P. 5003 A Cañiza-Arbo: “Visto o escrito presentado por D. Manuel Domínguez Domínguez, no Rexistro Xeral da Deputación de Pontevedra (nº 35404/ data 05.04.2016) sobre o asunto de referencia, poño no seu coñecemento o seguinte informe: Virada visita ao punto sinalado, o vixiante da zona puido comprobar que trátase dun noiro que sufriu un derrubamento nas datas dos derradeiros temporais. Segundo o director responsable das obras, esta actuación realizouse por motivos de urxencia, seguridade viaria e para evitar que os derrubamentos continuasen e fose maior o volume de terras afectado, tanto do noiro como da súa propiedade. As continuas enchentas ocorridas na levada de auga que discorre na cabeza do mesmo provocou filtracións no interior, arrastres e un aumento do peso do propio noiro na súa cabeza o que, segundo o técnico, propiciou o desestabilizamento e posterior derrubamento do noiro, provocando os danos que indica non sendo, por tanto, responsabilidade da actuación que levou a cabo este servizo xa que foi posterior e ademais fíxose para, exclusivamente, estabilizar e reparar, non para mellorar o trazado da estrada provincial, polo que non se trata dunha ocupación que haxa que expropiar. O técnico responsable indica que esta obra lle correspondería facela aos titulares da propiedade que o citado noiro contén e, se se realizou por este servizo foi polo inminente perigo que supoñía o estado do mesmo. Non se trata dun dano provocado pola Administración, senón causado polo excesivo caudal que non puido soportar a levada, é un tema entre a comunidade de regantes e os propietarios afectados polo derrubamento. A Deputación de Pontevedra, a través do Servizo de Mobilidade, levou a cabo as actuacións precisas para reparar os danos e evitar os riscos que xeraba o derrubamento do noiro que contén a súa propiedade. O que lle traslado aos efectos oportunos. Pontevedra, 12 de maio de 2016 A Dirección de Mobilidade, Isabel Pardo de Vera Posada----------------------------------------------------------------------------------- Resultando.- Que o día 21/12/2016 comparece na Asesoría Xurídica da Deputación, D.Urbano Javier Costas Rodríguez, capataz da brigada nº 5, con base en Ponteareas, para aclarar o seguinte: “Que encontrándose el domingo 20/12/2015 de guardia localizada en su domicilio, recibe llamada del garda xurado del Pazo Provincial por accidente en dicha carretera. Acude al lugar tardando 20 minutos en llegar desde Vigo a la base en Ribadetea a fin de coger el material necesario para el corte de carretera y señalización de la misma y en ella espera a que lleguen los operarios de guardia (algunos se encuentran a una hora de camino), dirigiéndose a continuación al lugar del accidente, realizando dicho trayecto en el camión de mantenimiento tardando en llegar a la Cañiza 35-40 minutos”. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93, en relación co 70, 30, 31.1 a) e 142.5 da Lei 30/92 (normativa vixente no momento de presentarse a reclamación e que agora procede invocar con fundamento na Disposición Transitoria Terceira da Lei 39/2015). Considerando.- Que non quedou acreditada a relación de causalidade (artigos 139.1 da Lei 30/92 e 13.2 do R.d. 429/93) co material probatorio aportado ó expediente, antes ó contrario, queda demostrada a non responsabilidade desta Deputación no evento lesivo, xa que o accidente sería imputable a un evento de forza maior, caracterizado doutrinalmente polos elementos de externalidade e irresistibilidade en síntese de imprevisibilidade e inevitabilidade, pois así se reflexa no informe do vixiante de zona de data 25/05/2016, no que di que houbo un temporal de vento e moita choiva e desbordou a auga dunha elevedad encima do talud. Considerando.- Que a maior abundamento, o atestado instruído pola Garda Civil, recolle que estaba a chover (lluvia débil), a superficie se atopaba con barro ou gravilla e sen luz natural nin artificial no lugar, factores concorrentes todos eles, que inducen a pensar que de terse adecuado a velocidade do vehículo ás circunstancias esixidas polo estado da estrada, o accidente podería non terse producido, o que fai descansar a responsabilidade no condutor do vehículo, vinculada coa forza maior. Así, segundo recolle o artigo 45 do R.d. 1428/03, de 21 de novembro, que aprobou o Regulamento Xeral de Circulación, “todo conductor está obligado a respetar los límites de velocidad establecidos y a tener en cuenta sus propias condiciones físicas y psíquicas, las características y el estado de la vía, del vehículo y de su carga, las condiciones meteorológicas, ambientales y de circulación y, en general, cuantas circunstancias concurran en cada momento, A FIN DE ADECUAR LA VELOCIDAD DE SU VEHÍCULO A LAS MISMAS, DE MANERA QUE SIEMPRE PUEDA DETENERLO DENTRO DE LOS LÍMITES DE SU CAMPO DE VISIÓN Y ANTE CUALQUIER OBSTÁCULO QUE PUEDA PRESENTARSE”. Asemade, o artigo 46 do citado Regulamento sinala que: “1. Se circulará a velocidad moderada y, si fuera preciso, se detendrá el vehículo cuando las circunstancias lo exijan, especialmente en los casos siguientes: g) (…) cuando pueda salpicarse o proyectarse agua, gravilla u otras materias a los demás usuarios de la vía”. Pola súa banda, a Lei 18/1989, de 25 de xullo, de Bases sobre Tráfico, Circulación de Vehículos a Motor e Seguridade Vial, no artigo 3.3 da base cuarta recolle o seguinte: “…los conductores quedarán especialmente obligados a circular de manera diligente…” En idénticos termos exprésase o xa referido R.d. 1428/2003 de 21 de novembro polo que se aproba o Regulamento Xeral de Circulación, que no seu articulado recolle: Artigo 3.1 “…Se deberá conducir con la diligencia y precaución necesarias para evitar todo daño propio o ajeno, cuidando de no poner en peligro, tanto al mismo conductor…” Artigo 18.1: “…El conductor de un vehículo está obligado a mantener su propia libertad de movimientos, el campo necesario de visión y la atención permanente a la conducción, que garanticen su propia seguridad…” Considerando.- Que a xurisprudencia sentada polo T.S. en supostos similares, fai descansar o título de imputación da responsabilidade á Administración -entre outros motivos-, na inoperancia, inacción, renuncia ou retardo na limpeza da vía máis aló dos 45-60 minutos a partir da chamada ou aviso para a súa limpeza, estándar escrupulosamente cumprido pois do testemuño de D. Urbano Javier Costas Rodríguez na acta de comparecencia do día 21/12/2016, se colixe que o tempo de desprazamento dende o Parque Comarcal de Maquinaria ó lugar do accidente foi como máximo de 40 minutos, pois ó tratarse dunha garda localizada en domicilio nun día festivo, non é esixible ó persoal da brigada a permanencia na base do parque comarcal, podendo neste senso invocarse “ad exemplum” as seguintes sentenzas: Sentenza do TS Sala 3ª de 11/02/87; sentenza do TS Sala 3ª de 07/10/97; sentenza do TS Sala 6ª de 03/12/02; sentenza do TS Sala 3ª de 24/02/03 F.J.1º; sentenza do TS Sala 3ª de 11/12/07 F.J.2º; sentenza do TSXG do 24/12/03 F.J.5º; sentenza do TSXG do 27/12/07; sentenza do TSXG de 04/10/07; ditame do Consello de Estado de 26/04/07; Sentenza da sección 8ª da Sala do contencioso-administrativo da Audiencia Nacional de 23/06/98; do Xulgado do contencioso-administrativo nº1 de Pontevedra, sentenzas números 121/04; 20/07; 140/08; 114/09; 123/11; do Xulgado do concencioso-administrativo nº2 de Pontevedra, sentenzas números 170/04; 212/04; 2/05; 183/06; 74/09; 124/10; e do Xulgado do contencioso-administrativo nº3 de Pontevedra, sentenzas números 179/04, 74/08 e 250/13. Considerando.- Que a sentenza 113/2012 ditada polo xulgado do contencioso-administrativo nº2 de Pontevedra e a 213/2012, do xulgado do contencioso-administrativo nº3 de Pontevedra, ambas sobre supostos similares (caída de árbore na estrada), eximiron de toda responsabilidade a esta Deputación. Considerando.- Que o desprendemento proviña dunha propiedade privada contra cuxo titular poderían esixir os interesados responsabilidade no eido da xurisdición civil en virtude do 1.902 do Código Civil. Considerando.- Que non se produciron mais accidentes pola mesma causa. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a solicitude de indemnización. 6.25104.- CONVOCATORIA DE TRES BOLSAS DE ENXEÑARÍA DE MONTES, LICENCIATURA OU GRAO EN BIOLOXÍA E ENXEÑARÍA AGRÓNOMA CON DESTINO Á ESTACIÓN FITOPATOLÓXICA DE AREEIRO Vista a proposta presentada polo xefe do Servizo Estación Fitopatolóxica do Areeiro interesando a convocatoria de tres bolsas de Enxería de Montes, Licenciatura ou Grao en Bioloxía e Enxeñería Agrónoma, na sección de fruticultura e ornamentais, na unidade de virus, bacterias e nematodos e na sección de fitopatoloxía, respectivamente, seccións que experimentaron un incremento importante no seu volume de traballo como consecuencia da necesidade de dar cumprimento ós servizos de análises demandados, así como polo desenvolvemento das actividades relativas ós proxectos de investigación que se levan a cabo no centro, con fundamento no artigo 35.2 b) da Lei 7/85 , de 2 de abril , reguladora das bases de réxime local e en virtude do disposto na Lei 38/2003, de 17 de novembro, xeral de subvencións e Real Decreto 887/2006, de 21 de xullo, polo que se aproba o regulamento da referida Lei, a Xunta de Goberno acorda por unanimidade aprobar a convocatoria de tres bolsas de Enxería de Montes, Licenciatura ou Grao en Bioloxía e Enxeñería Agrónoma na sección de fruticultura e ornamentais, na unidade de virus, bacterias e nematodos e na sección de fitopatoloxía, respectivamente para o Servizo da Estación Fitopatolóxica do Areeiro. Estas Bolsas terán unha asignación mensual de 800,00 €, sendo o custe da seguridade social a cota que se fixe na Orde de Cotización a Seguridade Social para o ano 2017, cantidades que se imputarán ás aplicacións orzamentarias 413.4123.481.01, e 413.4123.160.03. Outorgarase con efectos da data da adxudicación (previsión de inicio 01/03/2017) e por un período de un ano, podendo prorrogarse por períodos anuais, á vista do informe favorable do responsable do Servizo e por acordo da Xunta de Goberno, ata un máximo de catro anos. A cantidade total estimada para o exercicio 2017 ascende a 24.000,00 € e o custe da seguridade social a cota que se fixe na Orde de Cotización a Seguridade Social para o ano 2017. Ditas bases son como seguen: “CONVOCATORIA DE TRES BOLSAS PARA PERSOAS COA ENXEÑARÍA DE MONTES, LICENCIATURA UNIVERSITARIA OU GRAO EN BIOLOXÍA E ENXEÑARÍA AGRARIA CON DESTINO NA ESTACIÓN FITOPATOLÓXICA DE AREEIRO DA DEPUTACIÓN DE PONTEVEDRA Con fundamento no artigo 35.2.b da Lei 7/1985, de 2 de abril, reguladora das bases do réxime local, e de conformidade coa proposta do xefe do Servizo da Estación Fitopatolóxica de Areeiro, a Deputación de Pontevedra convoca tres bolsas de práctica laboral para persoas coa enxeñaría de montes, licenciatura universitaria ou grao en bioloxía e enxeñaría agraria con destino na Estación Fitopatolóxica de Areeiro da Deputación de Pontevedra, segundo as seguintes: BASES Primeira. Obxecto: Estas bases regulan o procedemento a seguir para a concesión de tres bolsas de práctica laboral relacionadas no anexo I, para persoas coa enxeñaría de montes, licenciatura universitaria ou grao en bioloxía e enxeñaría agraria con destino na estación Fitopatolóxica de areeiro da Deputación de Pontevedra, na sección de fruticultura e ornamentais, na unidade de virus, bacterias e nematodos e na sección de fitopatoloxía, respectivamente, seccións que experimentaron un incremento importante no seu volume de traballo nos proxectos de investigación que se levan a cabo no centro da Estación Fitopatolóxica de Areeiro. Segunda. Condicións dos aspirantes: Poderán ser beneficiarios destas bolsas aquelas persoas físicas que, con plena capacidade de obrar e sen estaren inhabilitadas para a obtención de axudas e subvencións públicas, reúnan os seguintes requisitos: a) Ter a nacionalidade española ou dalgún dos países membros da Unión Europea. b) Estar en posesión do título de enxeñaría de montes, licenciatura universitaria ou grao en bioloxía ou enxeñaría agraria ou estar en condicións de obtelo na data na que remate o prazo de presentación de solicitudes. c) Cumprir cos requisitos de acceso ao Doutorado establecido no R.D. 99/2011, do 28 de xaneiro polo que se regulan as ensiñanzas oficiais de doutorado, que teña relación coa bolsa solicitada. d) Non ter feitos os 35 anos na data en que remate o prazo de presentación de solicitudes. e) Non estar incapacitado fisicamente nin padecer ningunha enfermidade que poida impedir o desenvolvemento da actividade obxecto da bolsa. f) Non ser beneficiario anteriormente dunha bolsa na Deputación de Pontevedra nin nos seus organismos autónomos dunha duración superior a seis meses. g) Non ter experiencia laboral previa na profesión ou área de coñecementos, entendendo por tal estar contratado polos grupos de cotización correspondentes ós niveis formativos da titulación esixida ou estar dado de alta como autónomo por un período de tempo superior a seis meses. h) Estar inscrito nalgunha oficina do Servizo Público de Emprego de Galicia da provincia de Pontevedra como demandante ou en mellora de emprego. i) Acreditar o coñecemento de lingua galega, nivel Celga IV. j) Estar disposto a asumir os gastos de desprazamento ó centro de traballo de destino. k) Non estar incurso nalgunha das prohibicións sinaladas no artigo 13 da Lei 38/2003, de 17 de novembro, xeral de subvencións (LXS). Terceira. Dotación económica: A dotación económica das bolsas será de 800,00 € ó mes por beneficiario, cantidade que se imputará ás aplicacións orzamentarias 413.4123.481.01 e 413.4123.160.03. O pagamento das bolsas realizarase a partir da incorporación dos bolseiros, por mensualidades completas ou por fraccións, proporcional ó tempo que dure a bolsa para os casos nos que o beneficiario inicie ou finalice a súa relación nunha data que non coincida co mes natural. Esta cantidade será incompatible con calquera outra remuneración ou axuda por parte das administracións públicas ou entidades privadas a partir do momento no que sexa concedida. Cuarta. Presentación de solicitudes: As solicitudes de participación nesta convocatoria deberán presentarse da seguinte forma: 1. En primeiro lugar será necesario realizar unha preinscrición a través da páxina www.depo.es, do seguinte xeito: • Cubrir os datos solicitados na páxina web, correspondentes ao modelo oficial de solicitude anexo II, e premer o botón enviar. • Descargar e imprimir o xustificante electrónico xerado pola páxina web tras o envío. Este xustificante incluirá un “código único de preinscrición”. 2. A continuación deberase presentar o xustificante electrónico xerado durante o proceso de preinscrición, debidamente asinado, dentro do prazo establecido, no Rexistro xeral da Deputación en Pontevedra (avda. Montero Ríos, s/n, de luns a venres), no da súa sede de Vigo (rúa Oporto, 3, de luns a venres) ou a través dos medios previstos no artigo 16.4 da Lei 39/2015, de 01 de outubro, do Procedemento Administrativo Común das Administracións Públicas. As solicitudes que se presenten a través da oficina de Correos deberán entregarse nun sobre aberto para seren seladas e datadas polo funcionariado correspondente antes de ser certificadas. O prazo de presentación de solicitudes será de 20 días naturais, contados a partir do seguinte ó da publicación desta convocatoria no Boletín Oficial da Provincia de Pontevedra (BOPPO). Coa solicitude entregarase a seguinte documentación: a) Fotocopia do documento nacional de identidade en vigor ou de calquera outro que o substitúa. b) Documento acreditativo da titulación esixida ou de estar en condicións de obtela na data na que finalice o prazo para presentar as solicitudes. c) Certificado do expediente académico no que conste a nota media, calculada segundo o sistema establecido no R. d. 1125/03, de 5 de setembro, para a súa valoración na fase de concurso. d) Certificado acreditativo do coñecemento de lingua galega, nivel Celga IV. e) Currículo e documentación acreditativa deste. f) Fotocopia da tarxeta de demanda de emprego ou de mellora de emprego. g) Certificado de vida laboral da Tesourería Xeral da Seguridade Social actualizado, con data posterior ó día ó que se publica esta convocatoria (entregar todas as páxinas). h) Declaracións xuradas (ver modelo): • De non estar incapacitado fisicamente nin paceder ningunha enfermidade que poida impedir o desenvolvemento da actividade que constitúa o obxecto da bolsa. • De que o interesado se compromete a renunciar, en caso de ser seleccionado, a calquera tipo de actividade remunerada durante a vixencia da bolsa. • De non ser beneficiario con anterioridade de ningunha outra bolsa remunerada na Deputación de Pontevedra, nin nos seus extinguidos organismos autónomos, tal e como se establece nas bases. • De estar disposto a asumir os gastos de desprazamento ó centro de traballo de destino. Para a presentación das solicitudes os interesados estarán ó disposto no artigo 23, apartados 3, 4 e 5 da LXS, en todo o que sexa de aplicación, ademais do recollido no apartado primeiro desta cláusula. Quinta. Emendas: 1. Unha vez expirado o prazo de presentación de solicitudes a Deputación ditará unha Resolución na que declare aprobada a lista de admitidos e excluídos, especificando no seu caso os motivos de exclusión, que será publicada na páxina web e no taboleiro de anuncios da institución provincial. 2. Os aspirantes excluídos ou omitidos disporán dun prazo de cinco días hábiles, contados a partir do día seguinte ó da publicación da Resolución, para poder emendar, no seu caso, o defecto que motivase a súa exclusión. No suposto de se produciren reclamacións deberá ditarse unha nova Resolución estimándoas ou desestimándoas e aprobando a relación definitiva, que se publicará na web e no taboleiro de anuncios do organismo provincial. Sexta. Comisión de selección: Para a selección dos bolseiros constituirase unha Comisión, que estará integrada polos seguintes membros: - Presidente: O xefe do servizo ou centro ou un funcionario no que delegue. - Secretario: O da Deputación ou un funcionario de carreira con titulación superior no que delegue - Vogais: dous funcionarios técnicos superiores da Deputación e un representante da Universidade. Sétima. Selección dos bolseiros: 1. O proceso de selección desenvolverase en tres fases, mediante o sistema de valoración de méritos, exame tipo test sobre o temario proposto na convocatoria e entrevista persoal na que se formularán cantas preguntas sexan oportunas, sobre aspectos relacionados co desempeño da bolsa, e na que estes poderán facer a súa exposición curricular, co fin de determinar a idoneidade dos aspirantes. 2. Primeira fase: baremo de méritos. Os méritos acreditados polos interesados valoraranse segundo os seguintes criterios: a) Expediente académico: ata un máximo de 4,00 puntos, segundo a nota media calculada para as titulacións universitarias tal como se establece no R. d. 1125/03, de 5 de setembro. No caso de que a nota media non estea calculada pola referida norma ou esta non se especifique valorarase con 0,00 puntos. b) Por ter un doutoramento relacionado co contido da bolsa, 2 puntos. c) Por un segundo máster universitario relacionado co contido da bolsa, 0,50 puntos, ata un máximo de 2 puntos. d) Se transcorreron catro ou máis anos desde a finalización dos estudos universitarios: 1 punto. e) Se transcorreron entre tres e catro anos desde a finalización dos estudos universitarios: 0,90 puntos. f) Se transcorreron entre dous e tres anos desde a finalización dos estudos universitarios: 0,80 puntos. g) Se transcorreron menos de dous anos desde a finalización dos estudos universitarios: 0,70 puntos. h) Se transcorreu menos dun ano desde a finalización dos estudos universitarios: 0,60 puntos. i) Por posuír unha titulación académica distinta e relacionada coas prácticas que se han desenvolver, de nivel igual ou superior á esixida na convocatoria da bolsa á que opta, 0,50 puntos por título ata un máximo de 1 punto (neste apartado non se terán en conta as titulacións de nivel inferior que sexan necesarias para a obtención doutras de nivel superior). As persoas candidatas que accedan coa titulación de Licenciatura en bioloxía (título pre-Bolonia) terán unha puntuación de 0,50 puntos de Máster universitario por ser esta unha titulación que xa ten unha resolución oficial da súa correspondencia co nivel 3 MECES (Marco Español de Cualificación para a Educación Superior), sendo esta a resolución de 10 de febreiro, da Dirección Xeral de Política Universitaria publicada no Boletín Oficial do Estado o 19 de febreiro de 2016. As puntuacións outorgadas publicaranse na Resolución que aprobe a relación definitiva de persoas admitidas e excluídas e publicarase tanto no taboleiro de anuncios da institución provincial coma na súa páxina web, polo menos con tres días hábiles de antelación á data en que terá lugar a proba tipo test. 3. Segunda fase: proba tipo test. De carácter obrigatorio e non eliminatorio. Consistirá en contestar por escrito un test de 20 preguntas con catro respostas alternativas propostas polo tribunal e correspondentes ás seguintes materias nun tempo máximo de 20 minutos: 1. Especies vexetais (agrícolas, forestais, ornamentais) de maior cultivo na provincia de Pontevedra: - Cultivo - Sanidade vexetal - Fenoloxía - Variedades e cultivares. Esta proba valorarase de 0,00 a 3,00 puntos. A data e mais a hora na que deberá constituírse cada tribunal, ademais do día e a hora para a realización desta proba será determinada polo deputado delegado de Persoal mediante resolución, xuntamente coa aprobación da lista definitiva de persoas admitidas e excluídas e a composición do tribunal, que se publicará mediante anuncio en www.depo.es polo menos con 3 días hábiles de antelación. As persoas aspirantes convocaranse para esta proba nun único chamamento, quedando decaídas no seu dereito as que non comparezan a realizalo, agás nos casos debidamente xustificados, que resolverá o tribunal. Deberán presentarse para realizaren esta proba provistas do DNI ou doutro documento fidedigno acreditativo da súa personalidade a xuízo do tribunal. Na realización e corrección desta proba garantirase o anonimato, para o que o tribunal poderá empregar os medios que considere oportunos. Á puntuación obtida polas persoas aspirantes na proba tipo test sumaráselle a que corresponda á valoración de méritos, acadándose así a puntuación que determinará o acceso a terceira fase do proceso de selección. En caso de empate nas puntuacións das persoas aspirantes a orde de prelación determinarase pola maior puntuación acadada na nota media global do expediente académico. 4. Despois de rematar a proba tipo test, e no prazo máximo de 10 días hábiles, a Comisión publicará no taboleiro de anuncios e na páxina web da institución provincial as puntuacións outorgadas e a convocatoria para a fase da entrevista para cada unha das titulacións convocadas. 5. Terceira fase: entrevista persoal. Terá lugar unha vez concluída a valoración de méritos e o exame tipo test, e realizarase unicamente cos candidatos que acaden a maior puntuación total, sumadas as dúas primeiras fases do proceso, nunha porcentaxe que garanta un mínimo de tres candidatos por bolsa, aínda que se poderá ampliar esta porcentaxe no caso de estimarse conveniente. Por Resolución da Presidencia convocarase ós candidatos para a entrevista persoal, nun único chamamento, quedando decaídos no seu dereito aqueles que non comparezan no lugar e día sinalados. A entrevista versará sobre o seu currículo, obxectivos profesionais, dispoñibilidade e outros, e permitirá comprobar a preparación dos candidatos en materias correspondentes á súa titulación e relacionadas coas bolsas convocadas. Esta fase valorarase entre cero a un punto. En caso de empate nas puntuacións dos aspirantes a orde de prelación determinarase pola maior puntuación acadada na nota media global do expediente académico. 6. Despois de rematar as entrevistas, e no prazo máximo de 10 días hábiles, a comisión publicará no taboleiro de anuncios e na páxina web da institución provincial as puntuacións outorgadas e a proposta de adxudicación, indicando os candidatos seleccionados e os correspondentes suplentes. Oitava. Adxudicación das bolsas: O Servizo de Recursos Humanos e Formación, á vista da acta da Comisión seleccionadora, formularalle a proposta de adxudicación das bolsas convocadas á Xunta de Goberno da Deputación a favor dos aspirantes que considere máis idóneos e que acadasen a máxima puntuación, indicando os suplentes para os casos de renuncia, incumprimento de obrigas, incapacidade sobrevida ou calquera outra causa que implique a perda da condición de bolseiro. Contra este acordo poderase interpoñer un recurso potestativo de reposición, de conformidade co previsto nos artigos 112, 123 e 124 da Lei 39/2015, de 01 de outubro do Procedemento Administrativo común das Administracións Públicas ou, directamente, un recurso contencioso-administrativo, no prazo de dous meses, contados desde o día seguinte ó da notificación da Resolución, de conformidade coa Lei 29/1998, de 13 de xullo, reguladora da xurisdición contencioso-administrativa. Novena. Condicións xerais: Establécense as seguintes condicións xerais: a) As bolsas terán unha duración dun ano, contado desde a data na que os adxudicatarios comecen o seu labor na Estación Fitopatolóxica de Areeiro, e poderán prorrogarse por períodos anuais, á vista do informe favorable do responsable do Servizo e por acordo da Xunta de Goberno, ata un máximo de catro anos. b) As bolsas serán incompatibles con calquera outra actividade remunerada, sexa cal sexa a súa natureza. c) As persoas beneficiarias das bolsas comprometeranse a observar o horario de traballo e a disciplina do Servizo da Estación Fitopatolóxica de Areeiro co fin de non entorpecer o labor do persoal do centro. d) O feito de aceptar e facer uso destas bolsas non establece ningunha relación laboral nin funcionarial coa institución provincial, polo que non implica, en consecuencia, ningún compromiso para unha posterior incorporación ou vinculación do bolseiro a este organismo. e) O pagamento do importe das bolsas realizarase por mensualidades vencidas. As cantidades correspondentes estarán suxeitas ás retencións que procedan, de conformidade co previsto no R. d. 439/2007, de 30 de marzo, polo que se aproba o Regulamento do Imposto sobre a Renda das Persoas Físicas, así como na orde pola que se desenvolven as normas reguladoras para o ano correspondente. Décima. Xustificación e renovación da bolsa: 1. Antes de que transcorran os últimos quince días do décimo primeiro mes do período de duración da bolsa o beneficiario estará obrigado a presentarlle ó titor unha memoria sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados. O titor emitirá un informe de avaliación e proposta de prórroga, se procede, do que dará traslado xunto coa memoria para a súa tramitación, cun mes de antelación á data prevista de finalización, ó Servizo de Recursos Humanos e Formación. 2. A Xunta de Goberno, previo informe da xefa do Servizo de Recursos Humanos e Formación, resolverá esta solicitude, tendo en conta a dispoñibilidade orzamentaria e o aproveitamento demostrado polo bolseiro. Décimo primeira. Revogación e reintegro da bolsa. En calquera momento a Xunta de Goberno poderá, por proposta do xefe do Servizo da Estación Fitopatolóxica de Areeiro e mediante unha Resolución motivada, revogarlle a bolsa á persoa adxudicataria que non cumpra debidamente as condicións esixidas nestas bases ou as normas xerais de funcionamento do Servizo, aténdose ó establecido no artigo 36 e nos seguintes da LXS, e suspendendo o aboamento da bolsa. Neste sentido, daranse por finalizada as prácticas do bolseiro cando concorran algunha das seguintes causas: 1. Renuncia voluntaria por parte do bolseiro, que implicará a perda dos dereitos formativos e económicos que puidesen corresponderlle. 2. Baixa por incapacidade temporal de duración superior a 30 días. De concorrer algunha das causas previstas no artigo 37 da LXS poderá esixirse o reintegro total cando o beneficiario incumpra as condicións impostas para a concesión e a execución da bolsa. Décimo segunda. Suspensión: En caso de enfermidade ou accidente o bolseiro percibirá a prestación correspondente da Seguridade Social. En tal caso, a Deputación non complementará ningunha cantidade adicional á citada prestación. Esta situación non ocasionará a finalización das prácticas, salvo que a ausencia exceda os 30 días nos casos de enfermidade ou accidente e de seis semanas no caso de maternidade. No suposto de que se supere este prazo a institución provincial poderá dar por concluída a práctica laboral do bolseiro. Décimo terceira. Renuncia: No caso de que o bolseiro renuncie antes da finalización do período de prácticas deberá informar ó seu titor e presentar no Rexistro xeral do organismo provincial a correspondente solicitude, dirixida ó Servizo de Recursos Humanos e Formación, cunha antelación mínima de quince días á data da baixa. Nesta situación o Servizo da Estación Fitopatolóxica de Areeiro poderá solicitar que se cubra a bolsa que queda vacante polo tempo restante cun candidato suplente, segundo a orde de puntuación obtida no proceso de selección. Décimo cuarta. Obrigas e dereitos do bolseiro: Son obrigas dos bolseiros as seguintes: 1. Incorporarse na data sinalada. 2. Respectar, en todo momento, a normativa do Servizo. 3. Desenvolver unha actitude favorable para a súa integración no centro e aplicarse con total dilixencia e aproveitamento. 4. Observar e cumprir o horario das prácticas co fin de non entorpecer o labor do persoal do centro. 5. Cumprir as medidas de prevención que en cada caso se deban adoptar, pola súa propia seguridade e saúde e pola daquelas outras persoas ás que lles poida afectar a súa actividade a causa dos seus actos ou omisións. 6. Utilizar correctamente os medios e equipos de protección facilitados pola empresa, de acordo coas instrucións recibidas. 7. Manter absoluta reserva sobre as actividades e a información intercambiada durante o seu período de prácticas, de maneira que se compromete a non revelar, descubrirlle ou comunicarlle a calquera persoa que non estea autorizada, a información recibida durante este período, sexa de forma directa ou indirecta. 8. Devolverlle ó Servizo todo o material e documentación que se lle subministre para a realización desta actividade, salvo que fose destruído por necesidades de calquera das partes responsables ou que se manifestase expresamente que non é necesaria a súa devolución. 9. Manter absoluta reserva sobre os acontecementos, documentos e información de carácter sensible ós que teña acceso como consecuencia da súa formación en calquera das institucións ou actividades que se realicen. 10. Non transferir, duplicar ou reproducir toda ou parte da información fornecida polo Servizo sen a súa autorización previa por escrito. 11. Recoñecer expresamente, conforme á Lei orgánica 15/1999, de 13 de decembro, de protección de datos de carácter persoal e demais normativa concordante, que os datos de carácter persoal proporcionados para a realización das actividades formadoras son da exclusiva propiedade da institución provincial e, polo tanto, non poderá aplicalos ou utilizalos con fins distintos ós previstos, nin llelos ceder baixo ningún concepto a outras persoas ou entidades alleas, nin sequera para a súa conservación. 12. Gardar segredo profesional a respecto de todos os datos de carácter persoal que coñeza e ós que teña acceso durante a realización das prácticas. 13. Asistir ás accións formativas, relacionadas co contido da bolsa, que organice o centro dentro da xornada laboral. En caso de enfermidade ou accidente o bolseiro deberá comunicarlle a súa situación ó Servizo de Recursos Humanos e Formación, presentando o oportuno parte médico xustificativo. 14. En caso de renuncia o bolseiro quedará obrigado a comunicarllo ó Servizo ó que figura adscrito e ó Servizo de Recursos Humanos e Formación con tres días hábiles de antelación. 15. Achegar á Deputación unha copia da vida laboral actualizada logo de transcorridos tres meses desde a finalización das prácticas. Son dereitos dos bolseiros os seguintes: 1. Ser informados sobre a forma de proceder en caso de emerxencia, primeiros auxilios ou evacuación. 2. Recibir formación en materia de prevención de riscos laborais e sobre as instalación nas que se desenvolven as prácticas. 3. Gozar do permiso necesario para a realización de exames de carácter oficial, para o que se achegará a correspondente xustificación. 4. Gozar dun permiso de dous días hábiles de descanso por cada mes, que se poderán solicitar por meses ou de forma acumulada antes da finalización das prácticas, con independencia dos períodos mínimos de descanso semanal. Décimo quinta. Responsabilidades: Os beneficiarios destas bolsas estarán sometidos ás responsabilidades e ó réxime sancionador que, sobre infraccións administrativas en materia de subvencións, establecen os artigos do 52 ó 69 da LXS. Décimo sexta. Devolución de documentación: Transcorridos tres meses desde o final do proceso selectivo a documentación presentada, excepto a instancia, destruirase, polo que se lles recomenda ós interesados que a retiren no prazo referido. Décimo sétima. Dereitos supletorios: A convocatoria, a selección dos bolseiros e a realización dos traballos que dan dereito ás bolsas cinguirase ó previsto nestas bases, na LXS e na LPACAP.” ANEXO I Nº de expediente Titulacións Centro destino nº de bolsas 2017EFA01 Enxeñería de Montes Estación Fiotpatolóxica do Areeiro 1 2017EFA02 Licenciatura/Grao en Bioloxía Estación Fiotpatolóxica do Areeiro 1 2017EFA03 Enxeñería Agrónoma Estación Fiotpatolóxica do Areeiro 1 7.25105.- PERMISO E AXUDA ECONÓMICA PARA DESPRAZAMENTOS E ASISTENCIA A CURSOS A) Mediante escrito de data 10 de novembro de 2016 con número de rexistro de entrada 2016114885, a xefa do Servizo de Igualdade da Deputación de Pontevedra, Dna. Lucía Muradas Arcay expón que o día 22 de outubro de 2016 tivo lugar no Sexto Edificio do Museo Provincial de Pontevedra o “III Encontro de Mulleres Imparables” cuxo obxectivo é visibilizar o liderado da muller profesional nun plan anual de catro encontros imparables, a nivel nacional, onde sumar sinerxías e establecer vías de cooperación entre profesionais, mulleres e homes. A solicitude está conformada pola Deputada Delegada, Dna. Mª Isaura Abelairas Rodríguez, que autoriza a asistir en Comisión de Servizos. Por todo o exposto, solicita o aboo dos gastos ocasionados en concepto de inscrición das traballadoras que se detallan a continuación: Interesadas Aplicación orzamentaria Importe Inscrición Lucía Muradas Arcay 16/921.2210.165.00 25,00 € Ana Isabel Amoedo Garrido 16/921.2210.165.00 25,00 € Blanca Rodríguez Fernández 16/921.2210.165.00 25,00 € Total Gastos de Inscrición ………… 75,00 € Respecto ós gastos de inscrición, que ascenden a 75,00 €, faise constar que como a petición se encontra conformada pola Deputada Delegada para asistir en comisión de servizos procede o pago da cantidade total solicitada por este concepto. A efectos de fiscalización económica cuantifícase o importe total do gasto en 75,00 € en concepto de inscrición, cantidade que se imputará á aplicación orzamentaria 16/921.2210.165.00 gastos de inscrición. O expediente non se tramitou con antelación suficiente polo que procede a súa validación. A tal efecto remítese o expediente a Intervención para informe sobre a existencia de consignación orzamentaria. Normativa Aplicable: • RD 462/2002, do 24 de maio, sobre Indemnizacións por Razón do Servizo. • Orde do 8 de novembro de 1994, sobre xustificación das Indemnizacións por Razón do Servizo dos funcionarios públicos. • Bases de aplicación de retribucións do Orzamento provincial e IV Acordo Regulador para persoal funcionario da Deputación Provincial de Pontevedra. • Artigo 52 da 39/2015 de 1 de outubro de Procedemento Administrativo Común das Administracións Públicas. • Artigo 61.12 do ROF e artigo 105 da Lei 5/97, do 22 de xullo, de Administración Local de Galicia, polas que se atribúen á Presidencia a competencia nesta materia. • Resolución da Presidencia de data 22/07/2015 pola que se delega no Deputado as competencias en materia de persoal. En base aos feitos e consideracións normativas citadas anteriormente, a Xunta de Goberno acorda por unanimidade ó amparo do previsto no Artigo 52 da 39/2015 de 1 de outubro de Procedemento Administrativo Común das Administracións Públicas, validar o expediente e aboar ás traballadoras mencionadas anteriormente os gastos ocasionados en concepto de inscrición, que ascenden a un importe total de 75,00 € que se imputará á aplicación orzamentaria correspondente. Unha vez finalizada a viaxe, a interesada deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ó disposto no apartado 2.2.1 da Orde do 8 de novembro de 1994 sobre xustificación e anticipos de indemnizacións por razón do servizo. Respecto dos gastos de desprazamento, faise constar que cando o mesmo realícese por varios traballadores do mesmo ou distinto servizo, na mesma data, idéntico destino e no mesmo medio de transporte, só se aboarán os gastos a un traballador. Cando se trate de reunións de traballo ou xornadas técnicas, haberá que achegar a convocatoria e detallar claramente a hora de inicio e finalización. B) Mediante escrito de data 17 de novembro de 2016 e con número de rexistro de entrada 2016117293, o Director do Museo de Pontevedra, D. Xosé Carlos Valle Pérez, expón que os próximos 21, 22 e 23 de novembro de 2016, Dna. María Jesús Fortes Alén (Arquiveira Documental) debe trasladarse a Madrid, en comisión de Servizos, para asistir en calidade de invitada pola organización e como representante do Museo de Pontevedra, ás sesión do Congreso Internacional de Museología, dedicado á “Conferencia de Museos de 1934, en perspectiva”, que se celebrará no Salón de actos da Real Academia de Belas Artes de San Fernando. A solicitude está conformada polo Deputado Delegado de Cultura e Lingua D. Xosé Leal Fariña. Por todo o exposto, solicita autorización para asistir ó Congreso por estar directamente relacionado co posto de traballo que desenvolve, así como a validación dos gastos en concepto de locomoción e dietas, ascendendo a un total de 537,77 €, desagregado da seguinte maneira: Concepto LOCOMOCIÓN Aplicación orzamentaria Total Quilometraxe Pontevedra – Aeroporto Vigo – Pontevedra 63 km x 0,19 € 16/333.3330.231.20 11,97 € Peaxe 16/333.3330.231.20 7,20 € Aparcamento no aeroporto 16/333.3330.231.20 18,00 € Avión 16/333.3330.231.20 270,16 € Taxi, metro, bus 16/333.3330.231.20 5,00 € TOTAL…. 312,33 € Concepto DIETAS Aplicación orzamentaria Total 1 dieta enteira Grupo II – día 21/11/2016 16/333.3330.230.20 103,37 € 1 dieta enteira Grupo II – día 22/11/2016 16/333.3330.230.20 103,37 € ½ Manutención Grupo II – día 23/11/2016 16/333.3330.230.20 18,70 € TOTAL…. 225,44 € Respecto ós gastos, que ascenden a 537,77 €, faise constar que como a petición atópase conformada polo Deputado Delegado de Persoal, D. Carlos López Font, para asistir en comisión de servizos procede o pago da cantidade total solicitada. Para este efecto remítese o expediente a Intervención para informe sobre a existencia de consignación orzamentaria. Normativa Aplicable: • R.D. 462/2002, do 24 de maio, sobre Indemnizacións por Razón do Servizo. • Orde do 8 de novembro de 1994, sobre xustificación das Indemnizacións por Razón do Servizo dos funcionarios públicos. • Bases de aplicación de retribucións do orzamento Provincial e IV Acordo Regulador para persoal funcionario da Deputación Provincial de Pontevedra. • Artigo 52 da Lei 39/2015 do 1 de outubro, de procedemento administrativo común das administracións públicas. • Artigo 61.12 do R.O.F. e artigo 105 da Lei 5/97, do 22 de xullo, de Administración Local de Galicia, polas que se atribúen á Presidencia a competencia nesta materia. • Resolución da Presidencia de data 22/07/2015 pola que se delega no Deputado as competencias en materia de persoal. Conclusión: En base ós feitos e consideracións normativas citadas anteriormente, a Xunta de Goberno acorda por unanimidade, ó amparo do previsto no artigo 52 da Lei 39/2015 de 1 de outubro, de procedemento administrativo común das administracións públicas, validar o expediente e autorizar o desprazamento da traballadora citada anteriormente, así como o aboo dos gastos ocasionados, por razón de servizo, que ascenden a un importe total de 537,77 €, que se imputará á aplicación orzamentaria correspondente. Unha vez finalizado a viaxe, o interesado deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ao disposto no apartado 2.2.1 da Orde do 8 de novembro de 1994 sobre xustificación e anticipos de indemnizacións por razón do servizo. Así mesmo, deberá achegar tamén o cartón de embarque, billete ou algún documento acreditativo onde se especifique os horarios da viaxe. Así mesmo, e, de conformidade coa normativa 11ª do Acordo nº 9.14880 de data 9 de setembro de 2011, especifícase que non se aboarán os gastos de desprazamento en taxi entre o lugar de aloxamento e o Centro onde se imparte o curso, xornada, congreso, reunión ou seminario, debendo utilizarse as liñas de transporte regular (autobús, metro,…). C) Mediante escrito de data 14 de decembro de 2016, o xefe de Servizo de Asistencia Intermunicipal expón que “ (…) por Resolución Presidencial nº 2016001598 do 21 de xaneiro, atribuíuse temporalmente ao funcionario D. José Ramón Rodríguez Fernández, Administrativo adscrito ao Servizo de Patrimonio Documental e Bibliográfico, as funcións de apoio e colaboración no Servizo de Asistencia Intermunicipal, para executar o programa provincial de Compostaxe Comunitaria posto en marcha por esta Institución, polo que solicita que se autorice o abono dos gastos xerados en concepto de desprazamento ao devandito funcionario, xa que terá que desprazarse en vehículo propio desde o centro de traballo ata a Cidade Infantil Príncipe Felipe, polo menos dúas veces ao día, estimándose unha media de 400 km mensuais, desde o 1 de setembro ao 30 de novembro de 2016 (…)”. A solicitude é informada favorablemente o Vicepresidente. O importe estimado para o período comprendido entre o 1 e 31 de decembro de 2016, ascende a un total de 76,00 € (400 km x 0,19 €) que se imputarán á aplicación orzamentaria 16/923.9225.231.20. Normativa aplicable: • RD 462/2002, do 24 de maio, sobre Indemnizacións por Razón do Servizo. • Orde do 8 de novembro de 1994, sobre Xustificación das Indemnizacións por Razón do Servizo dos funcionarios públicos. • Bases de aplicación de retribucións do Orzamento provincial e Artigo 50 do I Convenio Colectivo para persoal laboral da Deputación Provincial de Pontevedra. • Artigo 61.12 do ROF e artigo 105 da Lei 5/97, do 22 de xullo, de Administración Local de Galicia, polas que se atribúen á Presidencia a competencia nesta materia. • Resolución da Presidencia de data 22/07/2015 pola que se delega no Deputado as competencias en materia de persoal. • Orzamento provincial 2016. Conclusión: En base aos feitos e consideracións normativas citadas anteriormente, a Xunta de Goberno acorda por unanimidade autorizar o desprazamento en vehículo propio do traballador citado anteriormente, así como o aboo dos gastos ocasionados, por razón de servizo, que ascenden a un importe total de 76,00 € que se imputará á aplicación orzamentaria correspondente, con efectos 1 e 31 de decembro de 2016. Respecto dos gastos de desprazamento en vehículo particular, faise constar que cando o mesmo realícese por varios traballadores dun mesmo servizo na mesma data e co mesmo vehículo só se autorizará o aboo ao titular do vehículo no que se despracen, considerándose para o cómputo dos quilómetros de distancia e como punto de partida e chegada o centro de traballo, non a residencia do traballador Pontevedra, 14 de outubro de 2016. D) Mediante escrito de data 28 de novembro de 2016 e con número de rexistro de entrada 2016119847, o xefe do Servizo de Xestión Catastral e Tributaria do IBI (ORAL), D. Miguel Nicieza Artiñano expón que os próximos 24 e 25 de novembro de 2016 terá lugar en Madrid as xornadas “Os valores catastrais e o Imposto sobre Bens Inmobles”. A solicitude está conformada polo Deputado Delegado. Por todo o exposto, solicita autorización para asistir ás Xornadas por estar directamente relacionadas co posto de traballo que desenvolve, así como a validación dos gastos en concepto de locomoción, dietas e inscrición, ascendendo a un total de 508,47 €, desagregado da seguinte maneira: Concepto LOCOMOCIÓN Aplicación orzamentaria Total Quilometraxe Pontevedra - Aeroporto Vigo – Pontevedra 60,4 km x 0,19 € 16/932.9320.231.20 11,48 € Peaxe 16/932.9320.231.20 7,20 € Aparcamento no aeroporto 16/932.9320.231.20 24,00 € Avión 16/932.9320.231.20 147,16 € Taxi, metro, bus 16/932.9320.231.20 31,95 € TOTAL…. 221,79 € Concepto DIETAS Aplicación orzamentaria Total ½ Manutención Grupo I – día 23/11/2016 16/932.9320.230.20 26,67 € 1 Manutención Grupo I – día 24/11/2016 16/932.9320.230.20 53,34 € ½ Manutención Grupo I – día 25/11/2016 16/932.9320.230.20 26,67 € TOTAL…. 106,68 € Concepto INSCRICIÓN Aplicación orzamentaria Total Inscrición 16/921.2210.165.00 180,00 € TOTAL…. 180,00 € Respecto ós gastos de inscrición, que ascenden a 508,47 €, faise constar que como a petición atópase conformada polo Deputado Delegado de Persoal para asistir en comisión de servizos procede o pago da cantidade total solicitada por este concepto. Para este efecto remítese o expediente a Intervención para informe sobre a existencia de consignación orzamentaria. Normativa Aplicable: • RD 462/2002, do 24 de maio, sobre Indemnizacións por Razón do Servizo. • Orde do 8 de novembro de 1994, sobre xustificación das Indemnizacións por Razón do Servizo dos funcionarios públicos. • Bases de aplicación de retribucións do Orzamento provincial e IV Acordo Regulador para persoal funcionario da Deputación Provincial de Pontevedra. • Artigo 52 da Lei 30/1992 do 1 de outubro, de procedemento administrativo común das administracións públicas. • Artigo 61.12 do ROF e artigo 105 da Lei 5/97, do 22 de xullo, de Administración Local de Galicia, polas que se atribúen á Presidencia a competencia nesta materia. • Resolución da Presidencia de data 22/07/2015 pola que se delega no Deputado as competencias en materia de persoal. Conclusión: En base ós feitos e consideracións normativas citadas anteriormente, a Xunta de Goberno acorda por unanimidade, ó amparo do previsto no artigo 52 da Lei 30/1992, de 1 de outubro, de procedemento administrativo común das administracións públicas, validar o expediente e autorizar o desprazamento do traballador citado anteriormente, así como o aboo dos gastos ocasionados, por razón de servizo, que ascenden a un importe total de 508,47 €, que se imputará á aplicación orzamentaria correspondente. Unha vez finalizado a viaxe, o interesado deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ao disposto no apartado 2.2.1 da Orde do 8 de novembro de 1994 sobre xustificación e anticipos de indemnizacións por razón do servizo. Así mesmo, deberá achegar tamén o cartón de embarque, billete ou algún documento acreditativo onde se especifique os horarios da viaxe. Así mesmo, e, de conformidade coa normativa 11ª do Acordo nº 9.14880 de data 9 de setembro de 2011, especifícase que non se aboarán os gastos de desprazamento en taxi entre o lugar de aloxamento e o Centro onde se imparte o curso, xornada, congreso, reunión ou seminario, debendo utilizarse as liñas de transporte regular (autobús, metro,…). 8.25106.- COMUNICACIÓNS A Xunta de Goberno queda enterada de: Escrito de D. Manuel Puga Pereira, de data 19/12/2016 (Rexistro nº2016128585, de data 28/12/2016), informando sobre o seu nomeamento como presidente da Fundación Penzol, substituíndo a D. Alfonso Zulueta de Haz, que pasa a ocupar o cargo de presidente de honra da mesma. 9.25107.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e vinte minutos do expresado día, dáse por rematada a sesión e dela esténdese a presente acta, que asina a Ilma. Sra. Presidenta, comigo, o Secretario que dou fe. A Presidenta, A Secretaria Acctal.,

Área de notas

• Nota

Puntos de acceso

Área de control da descrición