Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas do día vinte e sete de xaneiro do ano dous mil dezasete, baixo a Presidencia da Ilma. Sra. Dna. Mª del Carmen Silva Rego, Presidenta da Deputación Provincial de Pontevedra, reuníronse as/os señoras/es deputadas/os, Dna. Consuelo Besada Lores, D. Juan Antonio González Pérez, D. Carlos López Font, Dna. Mª Montserrat Magallanes Álvarez, D. David Regades Fernández, D. Santos Héctor Rodríguez Díaz, D. Uxío Benítez Fernández e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto D. Carlos Cuadrado Romay Secretario Xeral, e está presente o Sr. Interventor, D.Antonio Graña Gómez. Non asiste o Vicepresidente D. Xosé Cesáreo Mosquera Lorenzo, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.25134.- APROBACIÓN DAS BASES QUE REGULAN A CONVOCATORIA DE SUBVENCIÓNS DIRIXIDAS A ENTIDADES SEN FINS DE LUCRO PARA ACTUACIÓNS NO ÁMBITO DOS SERVIZOS SOCIAIS, SOCIOSANITARIOS E DA XUVENTUDE NA PROVINCIA DE PONTEVEDRA, ANO 2017 1º.- A Deputación Provincial de Pontevedra, elaborou a convocatoria e bases de subvencións dirixidas a entidades sen fins de lucro para actuacións no ámbito dos servizos sociais, sociosanitarios e da xuventude na provincia de Pontevedra no ano 2017, no marco das súas competencias, para prestarlle o seu apoio ás entidades de iniciativa social no ámbito dos servizos sociais especializados. Estas entidades teñen como obxectivo a realización de proxectos ou actividades dentro da provincia orientadas á intervención, asistencia, integración social e laboral, prevención e promoción do benestar daqueles colectivos que, atendendo ás súas especiais circunstancias, precisan dunha maior especificación técnica e interdisciplinar na súa intervención. De conformidade co establecido na Ordenanza reguladora das Subvencións da Deputación de Pontevedra , nas Bases de execución do Orzamento provincial, e demais normativa de pertinente aplicación, convócanse as subvencións destinadas a entidades sen fins de lucro para actuacións no ámbito dos servizos sociais, sociosanitarios e da mocidade na provincia de Pontevedra, que se rexerán polas seguintes bases. 2º.- Con data 12/01/2017 o Secretario da Deputación Provincial informa favorablemente as bases de subvencións dirixidas a entidades sen fins de lucro para actuacións no ámbito dos servizos sociais, sociosanitarios e da xuventude na provincia de Pontevedra no ano 2017. 3º.- O 13/01/2017 a xefa do Servizo de Fiscalización emite informe favorable sobre a tramitación do expediente para aprobación das citadas bases, e deixa constancia da existencia de crédito dispoñible por importe de 490.950,00 € para facer fronte ao gasto con cargo a aplicación orzamentaria 17/231.2313.480.02, emitindo o documento RC núm. 201700007051 polo citado importe. 4º.- O obxecto destas Bases é a regulación da concesión, en réxime de concorrencia competitiva, de axudas económicas a entidades e asociacións de carácter social sen ánimo de lucro para a realización de actividades na área dos servizos sociais, sociosanitarios e da xuventude na provincia de Pontevedra no ano 2017, dentro dos niveis de actuación que se establecen na LSSG e cumprindo os requisitos que se indican nestas Bases. 5º.- Considerando que o órgano competente para a aprobación da convocatoria e bases de subvencións dirixidas a entidades sen fins de lucro para actuacións no ámbito dos servizos sociais, sociosanitarios e da xuventude na provincia de Pontevedra no ano 2017, é a Xunta de Goberno, de conformidade co estipulado nas bases de execución do vixente Orzamento provincial. Polo exposto, a Xunta de Goberno acorda por unanimidade aprobar as bases que regulan a convocatoria de subvencións dirixidas a entidades sen fins de lucro para actuacións no ámbito dos servizos sociais, sociosanitarios e da xuventude na provincia de Pontevedra no ano 2017, que quedan redactadas da seguinte forma: “BASES QUE REGULAN A CONVOCATORIA DE SUBVENCIÓNS DIRIXIDAS A ENTIDADES SEN FINS DE LUCRO PARA ACTUACIÓNS NO ÁMBITO DOS SERVIZOS SOCIAIS, SOCIOSANITARIOS E DA XUVENTUDE NA PROVINCIA DE PONTEVEDRA, ANO 2017 Primeira. Obxecto e ámbito de aplicación: O obxecto destas Bases é a regulación da concesión, en réxime de concorrencia competitiva, de axudas económicas a entidades e asociacións de carácter social sen ánimo de lucro para a realización de actividades na área dos servizos sociais, sociosanitarios e da xuventude na provincia de Pontevedra no ano 2017, dentro dos niveis de actuación que se establecen na LSSG e cumprindo os requisitos que se indican nestas Bases. Segunda. Servizos, programas e actividades subvencionables: Serán subvencionables aqueles proxectos, programas e actividades de asociacións e entidades sen ánimo de lucro que se desenvolvan no ámbito territorial da provincia de Pontevedra e que se dirixan aos seguintes colectivos: A) Familia e infancia B) Persoas maiores C) Persoas con diversidade funcional D) Emigrantes, inmigrantes e minorías étnicas. E) Persoas en risco de exclusión social. F) Drogadiccións e outros trastornos aditivos. G) Xuventude. H) Sociosanitarios. I) Outros problemas que poidan ser obxecto de intervención social. Terceira. Gastos subvencionables: A título enunciativo e non taxativo, serán gastos subvencionables os custos directos e indirectos do programa, proxecto ou actividade subvencionada: • Custos directos: Entenderanse como custos directos aqueles que resulten imprescindibles para a posta en marcha do proxecto, vinculados á execución da intervención e que financien a consecución dos seus obxectivos. Para os efectos da concesión da axuda terase en conta: a) Materiais consumibles: considéranse os gastos consumibles en prazos inferiores a un ano, tales como material de escritorio, material informático, material de formación, materiais de reprografía e imprenta. b) Persoal: os gastos de persoal subvencionables poderán incluír salarios e seguros sociais do persoal afecto ao proxecto a cargo da entidade. c) Servizos técnicos e profesionais requiridos para a realización de análises de necesidades, diagnósticos, capacitacións, seminarios, informes etc. previstos para a execución do proxecto. A entidade poderá subcontratar a execución total ou parcial da actividade que constitúe o obxecto da subvención, de conformidade co previsto na normativa de subvencións. Non se admitirán como gastos subvencionables os gastos de manutención nin os de desprazamento, agás que a entidade solicitante especifique a necesidade e a adecuación dos devanditos gastos á finalidade que se pretende subvencionar. Neste caso deberán especificarse detalladamente os gastos polos anteditos conceptos. • Custos indirectos: Considéranse custos indirectos os gastos propios do funcionamento regular da entidade solicitante que resulten da formulación e execución do proxecto: gastos de material funxible; gastos de aluguer e mantemento de instalacións (luz, auga, teléfono etc.); o IVE, cando non sexa recuperable polo solicitante; así como os impostos necesarios para a posta en marcha da subvención, sempre que o beneficiario os aboe efectivamente. Non poderán superar o 5 % do orzamento total do proxecto. Estes gastos imputaranse á actividade subvencionada na parte que razoablemente corresponda de acordo cos principios e normas de contabilidade xeralmente aceptadas e, en todo caso, na medida en que tales gastos correspondan ao período en que efectivamente se realiza a actividade, debendo acreditarse a porcentaxe aplicada mediante unha declaración responsable. Esta porcentaxe solo será aplicable ás entidades que presenten proxectos e/ou programas específicos distintos á actividade ordinaria e habitual da entidade. Calquera outro gasto directo ou indirecto non especificado nos parágrafos anteriores, que garde relación directa coa actividade obxecto da subvención e así o xustifique a entidade beneficiaria. En ningún caso terán a condición de gastos subvencionables: • Os saldos debedores das contas bancarias. • Os impostos, recargas e sancións administrativas e penais. • Os gastos de procedementos xudiciais. • As amortizacións de bens inventariables. • Os gastos en atencións protocolarias (comidas, festas, recepcións, agasallos, flores, entradas a espectáculos etc.). Cuarta. Entidades beneficiarias e requisitos: Poderán obter a condición de beneficiarias as entidades sen ánimo de lucro que realicen as súas actividades de acordo co establecido na cláusula segunda, que soliciten unha única subvención con cargo a esta convocatoria e reúnan, á finalización do prazo de presentación de solicitudes, os seguintes requisitos: - Estar legalmente constituídas como entidades de iniciativa social antes da presentación da súa solicitude. - Ter o domicilio fiscal, sede, delegación ou oficina na provincia de Pontevedra e acreditar que as actividades obxecto da subvención se realizarán no ámbito territorial da provincia. - Estar ao corrente das súas obrigas coa facenda pública, coa Deputación e coa Tesourería Xeral da Seguridade Social. - Non estar incursas en ningunha das causas de incompatibilidade ou de incapacidade para ser beneficiarias ou percibir as subvencións da Administración pública previstas no artigo 13 da LXS. - Carecer de fins de lucro. - Acreditar que os seus fins e actividades sociais coinciden coa finalidade da convocatoria e co contido do proxecto presentado. - Estar rexistradas como entidade prestadora de servizos sociais no Rexistro Único de Entidades Prestadoras de Servizos Sociais da Xunta de Galicia (Decreto 254/11, de 23 de decembro, publicado no DOG de 20 de xaneiro de 2012). o No caso dos centros especiais de emprego sen ánimo de lucro deberán estar rexistrados no Rexistro de Centros Especiais de Emprego da Xunta de Galicia. No caso dos programas, centros de atención á infancia e a menores en situación de conflito ou desamparo e dos servizos complementarios regulados polo Decreto 329/2005, de 28 de xullo, polo que se regulan os centros de menores e os centros de atención á infancia, ludotecas, puntos de encontro familiar, centros de atención ás persoas maiores, con discapacidade e dependencia, centros residenciais para mulleres vítimas de malos tratos, centros de inclusión e emerxencia social e programas de axuda no fogar, tal e como se contempla na disposición transitoria primeira do Decreto 254/2011, de 23 de decembro, polo que se regula o réxime de rexistro, autorización, acreditación e inspección dos servizos sociais en Galicia; deberán contar coa correspondente autorización da Xunta de Galicia ou solicitala con anterioridade á finalización do prazo de presentación de solicitudes. No caso de subcontratación do programa ou servizo, a entidade que o execute deberá contar tamén con esta autorización. - Autorizar a Deputación para que utilice o material gráfico relativo ao proxecto na difusión daqueles que estean proxectos subvencionados. - Someterse aos procedementos de control ou de auditoría que realice a Intervención provincial, polos seus propios medios ou a través de empresas colaboradoras, e tamén, na súa condición de quen subscribe a conta, aos procedementos de control que poidan realizar o Consello de Contas de Galicia, o Tribunal de Contas ou calquera outro órgano de control interno ou externo, nacional ou europeo. Como resultado dos citados procedementos poderase esixir responsabilidade administrativa, de acordo co disposto na LXS, e, no seu caso, responsabilidade penal, de conformidade co Código penal. - As entidades beneficiarias para as que sexa de aplicación obrigatoria o Plan de contas adaptado ás entidades non lucrativas, en particular no que se refire ás súas obrigas contables, estarán ao disposto no Real decreto 1491/2011, de 24 de outubro. As restantes entidades beneficiarias deben levar os seguintes libros e rexistros: a. Libro diario de ingresos e gastos. b. Liquidación anual de ingresos e gastos. c. Libro de inventario. - O funcionamento da entidade deberá ser de carácter democrático, garantindo a participación das usuarias e dos usuarios. - Cando as entidades solicitantes sexan federacións e confederacións deberán facer unha lista de todas as entidades que a integran. Quinta. Exclusións: Só se poderá conceder unha subvención por cada entidade. Para estes efectos, consideraranse unha soa entidade todas aquelas nas que as socias e socios ou membros da Xunta Directiva sexan comúns nunha porcentaxe superior ao 50 %, e vinculadas, nos termos establecidos na LXS e nas súas normas de funcionamento e as que puidesen encaixar no concepto de grupo, nos termos dispostos no Código de comercio. Quedarán excluídas aquelas entidades que solicitasen ou teñan previsto solicitar axudas ao Servizo de Cohesión Social da Deputación de Pontevedra para actividades que se vaian realizar no mesmo exercicio, á marxe das contempladas nesta convocatoria. Sexta. Financiamento: A contía prevista para esta convocatoria de subvencións, con cargo á aplicación 17/231.2313.480.02 do Orzamento xeral da Deputación para o ano 2017, ascende a 490.950,00 euros, que representa o máximo de obrigas que se poden adquirir con cargo a esta convocatoria, sen prexuízo da súa eventual ampliación. Se se dese o caso ampliarase o crédito, tendo en conta o disposto no artigo 58 do RLXS. A contía máxima da subvención que pode percibir cada entidade non poderá exceder os seis mil euros (6.000,00 €). As contías de cada subvención serán aprobadas pola Xunta de Goberno tras a proposta previa da Comisión de valoración, de acordo cos criterios establecidos na base décimo primeira. Como regra xeral o importe máximo da subvención para cada proxecto non poderá exceder o 80 % do seu orzamento. Sétima. Obrigas das entidades beneficiarias: - Realizar en prazo a finalidade obxecto da subvención, así como presentar en forma e prazo a xustificación. - Levar a cabo as medidas de difusión do financiamento da Deputación na actividade subvencionada, que deberán ter a mesma relevancia que as medidas de difusión realizadas por outros entes cofinanciadores da mesma finalidade. - Comunicar calquera eventualidade ou circunstancia que altere ou dificulte o desenvolvemento da finalidade subvencionada, co obxecto de que, de estimarse con suficiente anterioridade, se poidan modificar tanto o contido como a contía da finalidade subvencionada, así como a forma e prazos de execución e xustificación dos correspondentes gastos. Oitava. Compatibilidade das subvencións: As subvencións ás que se refire esta convocatoria son compatibles coa percepción doutras subvencións, axudas ou ingresos para a mesma finalidade, procedentes de calquera das administracións e entes públicos ou privados, pero en ningún caso o conxunto das axudas recibidas poderá superar o 100 % do custo da actividade ou proxecto subvencionado. Neste caso, deberán de comunicalo, co obxecto de minorar o importe da subvención. As subvencións ás que se refire esta convocatoria son incompatibles coa percepción de subvencións de carácter nominativo. As actuacións que sexan subvencionadas de acordo co establecido nesta convocatoria non serán compatibles con outras concedidas por outros servizos do organismo provincial para a mesma finalidade no exercicio 2017. Novena. Solicitudes e documentación: As solicitudes formalizaranse nos modelos normalizados que se facilitarán no Rexistro xeral da Deputación, no da súa sede de Vigo ou na web www.depo.es. Dado que se establece un réxime de concorrencia competitiva para a concesión destas axudas e atendendo ao principio de igualdade, a non presentación da memoria explicativa e detallada do proxecto ou da actividade para a que se solicita a subvención, xunto á solicitude, no prazo establecido na base décima constituirá un defecto non emendable e comportará a inadmisión a trámite da solicitude. As solicitudes (mod. 231.066) deberán ir acompañadas da seguinte documentación: a) Proxecto descritivo da actividade para a que se solicita a subvención, asinada pola persoa representante da entidade. Debe ser claro e realista e ter unha extensión máxima de 10 folios a unha cara e tamaño de letra 12. Co fin de garantir a homoxeneidade das propostas dos solicitantes, constará polo menos dos seguintes puntos: - Denominación ou nome do proxecto. - Breve descrición xeral. - Xustificación. - Obxectivos e fins que persegue. - Ámbito territorial de actuación. - Persoas beneficiarias do proxecto. - Calendario de actividades. - Descrición detallada das actividades e cronograma destas. - Recursos humanos, técnicos e materiais dedicados ao proxecto. - Metodoloxía e difusión do proxecto. - Indicadores para a súa avaliación. Os proxectos que inclúan a programación de cursos de formación deben concretar os medios humanos e materiais que utilizarán en función do número de alumnas e alumnos, tendo en conta que as facturas xustificativas deberán axustarse a eses conceptos. b) Ficha técnica da entidade (mod. 231.067). c) Declaración responsable (mod. 231.068). d) Orzamento detallado de ingresos e gastos do proxecto obxecto de subvención, que impute a porcentaxe de salario que lle corresponda estritamente á execución, se fose o caso. (mod. 231.069). e) Certificación orixinal ou copia cotexada dos datos bancarios co nome da entidade peticionaria. f) Xustificante dos datos actualizados da inscrición no Rexistro Único de Entidades Prestadoras de Servizos Sociais da Xunta de Galicia. g) Documento que acredite a personalidade xurídica da persoa representante da entidade (DNI). h) Copia do cartón acreditativo do número de identificación fiscal da entidade (NIF). i) Memoria xeral explicativa das características substanciais da entidade solicitante para valorar a súa capacidade, que inclúa un organigrama, información sobre as persoas socias, as actividades realizadas no último ano e a previsión das actuacións do ano en curso. j) Se a entidade posúe certificados de calidade (ESO, EFQM, SGSI etc.) deberá presentalos xunto coa solicitude da subvención. Se a solicitude non reúne os requisitos que sinala o artigo 66 da LPAC, requiriráselle ao interesado que nun prazo de 10 días hábiles emende as faltas ou presente os documentos preceptivos. Transcorrido o prazo sen que a solicitude fose emendada, e previa resolución da Deputación de acordo co establecido no artigo 68 da LPAC, considerarase desistida. Décima. Lugar e prazo de presentación: Estas bases reguladoras publicaranse no Boletín Oficial da Provincia de Pontevedra (BOPPO) e, posteriormente, remitirase a convocatoria á Base de Datos Nacional de Subvencións (BDNS), que será a que traslade o seu extracto ao BOPPO, sen prexuízo da súa inserción na páxina www.depo.es e no taboleiro de anuncios. O prazo para a presentación de solicitudes empezará o día seguinte ao da publicación do extracto da convocatoria no BOPPO e finalizará no prazo dun mes natural. A presentación da solicitude implicará que se autoriza a Deputación para o tratamento automatizado de todos os datos contidos nela. As solicitudes presentadas fóra do prazo anteriormente establecido non serán admitidas nesta convocatoria. As solicitudes presentaranse no Rexistro xeral da Deputación ou en calquera das oficinas de rexistro da institución provincial. Tamén poderán entregarse no Rexistro Electrónico da Deputación de Pontevedra (sede.depo.es), de conformidade có establecido no art.16 da Lei 39/2015, de 1 de outubro, do procedemento administrativo común das administracións públicas. No caso de enviarse por correo postal (ao Rexistro da Deputación) este deberá ser certificado co selo de Correos no formulario da solicitude para garantir que a data de remisión está incluída no prazo de presentación de solicitudes desta convocatoria. As solicitudes remitidas por correo que non cumpran este requisito, teranse por presentadas a todos os efectos no mesmo día en que teñan entrada no Rexistro da Deputación, independentemente da data de presentación na oficina de Correos. Cando a solicitude se remita por correo postal deberase adiantar ao seguinte correo electrónico: cohesionsocialexuventude@depo.es. Décimo primeira. Valoración e criterios de concesión: A adxudicación das subvencións farase mediante concorrencia competitiva tendo en conta os principios de igualdade, transparencia, non discriminación e obxectividade. As puntuacións alcanzadas serán as que determina a subvención obxecto de concesión, tendo en conta que cada solicitude poderá ser valorada cun máximo de 100 puntos. As solicitudes que non obteñan unha puntuación superior a 40 puntos quedarán automaticamente excluídas da convocatoria. Os proxectos que cumpran os requisitos sinalados nestas Bases reguladoras serán avaliados tendo en conta os seguintes criterios: A.Criterios relacionados coa entidade: ata 40 puntos, desagregados da seguinte forma: 1. Antigüidade da entidade desde a súa constitución, que determinará a experiencia no sector (máximo 10 puntos): Máis de 15 anos 10 puntos Entre 14 e 10 anos 5 puntos Entre 9 e 4 anos 3 puntos Menos de 3 anos 1 punto 2. Número de persoas asociadas, afiliadas ou similar (máximo 5 puntos): Máis de 201 5 puntos Entre 151 e 200 4 puntos Entre 150 e101 3 puntos Entre 100 e 50 2 puntos Menos de 50 1 punto 3. Colaboración na execución da súa actividade con outras entidades de iniciativa social durante o exercicio 2016 (máximo 3 puntos): Con entidades públicas Máximo 2 puntos Con entidades privadas Máximo 1 punto 4. Persoal contratado pola entidade, de carácter indefinido, para a execución da súa actividade xeral (máximo 10 puntos). Técnico de grao superior ou grao medio, A1, A2 ou equivalente: Xornada completa 2 puntos Media xornada 1,5 puntos Auxiliar técnico, administrativo, auxiliar administrativo, C2, C1 ou equivalente: Xornada completa 1 puntos Media xornada 0,5 puntos 5. Valorarase a entidade que someta a súa xestión a controis e auditorías, de forma que acredite algún certificado de calidade (máximo 2 puntos, 1 punto por certificación). 6. Achega con fondos propios para o conxunto das accións levadas a cabo no exercicio anterior (ata 10 puntos): o A entidade non achega recursos propios (0 puntos). o A entidade achega con recursos propios ata o 20 % do importe da súa actividade xeral (2 puntos). o A entidade achega con recursos propios entre o 21 % e o 40 % do importe da súa actividade xeral (4 puntos). o A entidade achega con recursos propios entre o 41 % e o 60 % do importe da súa actividade xeral (6 puntos). o A entidade achega con recursos propios entre o 61 % e o 80 % do importe da súa actividade xeral (8 puntos). o A entidade achega con recursos propios máis do 80 % do importe da súa actividade xeral (10 puntos). B. Criterios relacionados co contido do proxecto: ata 60 puntos, desagregados da seguinte forma: 1. Coherencia e claridade na exposición do proxecto respecto da finalidade, dos obxectivos, das persoas beneficiarias, dos recursos, do cronograma, do orzamento etc. (ata 25 puntos). 2. Viabilidade técnica do proxecto presentado e grao de coherencia interna en relación cos recursos técnicos, materiais e financeiros aplicados á súa execución (ata 20 puntos): o Persoal técnico contratado que forma parte do proxecto (ata 10 puntos). o Locais e materiais precisos para a execución do proxecto dos que xa dispón a entidade (ata 5 puntos). o Achega económica que asumirá a asociación para a realización do proxecto (ata 5 puntos). 3. Alcance xeográfico do proxecto ou da actividade (ata 5 puntos): o Ámbito provincial, todos os concellos da provincia (5 puntos). o Ámbito comarcal, todos os concellos dunha determinada comarca (4 puntos). o Ámbito local, un ou varios concellos da provincia (2 puntos). 4. Duración das actividades que se van desenvolver no proxecto (ata 5 puntos): o Proxectos cuxo desenvolvemento da acción concreta coas persoas beneficiarias teña unha duración anual (5 puntos). o Proxectos cuxo desenvolvemento da acción concreta coas persoas beneficiarias teña unha duración semestral (4 puntos). o Proxectos cuxo desenvolvemento da acción concreta coas persoas beneficiarias teña unha duración trimestral (3 puntos). o Proxectos cuxo desenvolvemento da acción concreta coas persoas beneficiarias teña unha duración inferior a un trimestre (1 punto). 5. Promoción e apoio a colectivos en situación de risco de exclusión social que lle dean prioridade á inclusión destas persoas (ata 5 puntos). Décimo segunda. Procedemento de concesión: A instrución do procedemento de concesión de subvencións correspóndelle ao Servizo de Cohesión Social e Xuventude, que realizará de oficio cantas actuacións estime necesarias para a determinación, o coñecemento e a comprobación dos datos en virtude dos cales se debe formular a proposta de resolución, de conformidade co previsto no artigo 24 da LXS e na Ordenanza xeral de subvencións da Deputación de Pontevedra. A composición da Comisión de valoración será a seguinte: • Presidencia: a presidenta da Deputación ou a deputada provincial en quen delegue. • Vogais: - A persoa responsable do Servizo de Cohesión Social e Xuventude ou un membro do funcionariado en quen delegue. - A persoa técnica responsable do programa. • Secretaría: unha funcionaria ou funcionario do citado servizo, que actuará con voz e sen voto. A Comisión de valoración procederá ao exame e ao estudo das solicitudes de subvencións presentadas, conforme aos criterios sinalados anteriormente. A Comisión poderá solicitar, motivadamente, os informes que estime necesarios para resolver as peticións. O prazo de emisión será de 10 días hábiles. Así mesmo, poderá excluír da valoración as entidades que, de conformidade coa documentación presentada, sexan cualificadas como tecnicamente insolventes ou soliciten axudas para a realización de proxectos ou actividades inviables ou economicamente non xustificadas. O procedemento de concesión das axudas é o de concorrencia competitiva. A contía da subvención obterase de aplicarlle un cociente á puntuación que resulte na base décimo primeira, tendo en conta que a contía máxima da subvención, para cada proxecto, non poderá exceder o 80 % do seu orzamento total e que cada axuda concedida será como máximo de seis mil euros (6.000 €). A Comisión, unha vez avaliadas as solicitudes, á vista da dispoñibilidade orzamentaria e de acordo cos criterios de valoración previstos na convocatoria, realizará un informe no que se concretará o resultado da valoración efectuada, a relación das entidades solicitantes para as que se propón a concesión da subvención coa súa contía e, no caso das excluídas, o motivo de exclusión. As propostas de concesión de subvencións serán aprobadas pola Xunta de Goberno, que é o órgano competente. A resolución do procedemento notificaráselles, de conformidade co establecido no artigo 40 da LPAC. Sen prexuízo da obriga de resolver, de acordo co disposto nos títulos 21 e 22 da LPAC, transcorridos seis meses a partir do día seguinte ao de finalización do prazo de presentación da solicitude, sen que se lles notifique a resolución expresa aos interesados, considerarase desestimada, por silencio administrativo. As subvencións concedidas entenderanse aceptadas se os beneficiarios non se opoñen ou non as rexeitan expresamente no prazo de dez días hábiles contados desde a súa notificación. Décimo terceira. Modificación da resolución: Tal como se establece no artigo 64 do Regulamento da LXS, unha vez notificada a resolución da concesión, previa solicitude razoada, o beneficiario da subvención poderá solicitar a modificación do seu contido sempre que se manteña a súa finalidade, que se poderá autorizar cando non se danen dereitos de terceiros. A solicitude de modificación deberá presentarse no prazo dun mes, contado a partir do día seguinte ao da recepción da notificación da concesión e, previo informe da comisión avaliadora, será resolta pola Xunta de Goberno. A entidade beneficiaria poderá elaborar unha reformulación do proxecto coa condición de que os criterios de valoración establecidos na base 11 non se vexan afectados na nova execución da actividade subvencionable. Décimo cuarta. Xustificación: 1. Despois de notificada a aprobación das axudas concedidas e de ser realizada a actividade os beneficiarios deberán xustificalas antes do 31 de xaneiro de 2018 (incluído). 2. Se se producen circunstancias imprevistas que lles impidan aos beneficiarios/as finalizar ou xustificar en prazo os proxectos ou actividades estes poderán solicitar unha prórroga. Tanto a solicitude de prórroga como a decisión sobre a ampliación polo órgano competente deberán producirse, en todo caso, antes do final do prazo de xustificación da subvención (artigo 32 da LPAC). O órgano competente poderá outorgar unha ampliación do prazo de xustificación que non exceda da metade do prazo inicial e sempre que con iso non se prexudiquen dereitos de terceiros (artigo 70 do Regulamento da LXS). 3. Os gastos xustificados deberán axustarse aos conceptos establecidos no orzamento inicial, sen aboar máis que o importe xustificado co límite da subvención concedida. 4. Para cobrar a axuda concedida as entidades deberán estar ao corrente das súas obrigas coa Deputación, situación que determinará de oficio a propia institución provincial a través do Servizo de Intervención. 5. A entidade deberá presentar, no momento da xustificación, os certificados nos que conste que están ao corrente das súas obrigas con Facenda e coa Seguridade Social. 6. As entidades beneficiarias someteranse aos procedementos de control ou auditoría que realice este Servizo, polos seus propios medios ou a través de empresas colaboradoras. Como resultado deste procedemento poderáselles esixir responsabilidade administrativa. 7. Os gastos que figuren na conta xustificativa serán aboados preferiblemente polos beneficiarios antes da presentación da xustificación da subvención, pero en todo caso no prazo máximo dun mes desde a percepción dos fondos. O gasto non pago ou pago fóra deste prazo non se considerará subvencionable. 8. Os beneficiarios das subvencións provinciais deben utilizar, con carácter xeral, formas de pagamento a terceiros que poidan acreditarse mediante un documento expedido por unha entidade financeira, no que quede identificado o beneficiario, o importe e a data de pagamento (cartóns bancarios de crédito ou débito, talóns nominativos, transferencias bancarias etc.). Só excepcionalmente poderán utilizar o pagamento en metálico cando non sexa posible outra forma alternativa. O incumprimento desta disposición para algún gasto implicará que este se considere non subvencionable, de conformidade cos artigos 72.2, 75.2 e 89 do Regulamento da LXS, en relación cos artigos 31.2 e 37 da LXS, sempre que o gasto supere o importe de novecentos euros (900,00 €). 9. A entidade beneficiaria da subvención deberá pagar os seus gastos xustificativos antes do transcurso dun mes, contado a partir do día da percepción da subvención. Ademais, deberá presentar o correspondente xustificante bancario do devandito pagamento no Servizo de Cohesión Social e Xuventude da Deputación, para xuntar co expediente. En caso contrario, este gasto considerarase como non válido para os efectos de xustificación da subvención. 10. Facer constar a colaboración da Deputación de Pontevedra en toda a información (impresa, informática ou audiovisual) que se faga das actividades ou dos investimentos subvencionados e na súa páxina web. Débese achegar un documento probatorio: foto, folla de xornal ou captura de pantalla da web. As normas de imaxe institucional pódense consultar a través do seguinte enderezo de correo electrónico: cohesionsocialexuventude@depo.es. A difusión da orixe da subvención realizarase co mesmo tamaño e nas mesmas condicións de visibilidade que as dos outros financiadores. 11. Para percibir a subvención concedida as entidades deberán presentar a seguinte documentación: • Facturas ou documentos análogos con valor probatorio no ámbito mercantil e administrativo polo importe da subvención concedida, indicando en cada factura o número de unidades, os prezos unitarios destas e o custo total de cada unha. As facturas estarán debidamente conformadas co xustificante de recepción do beneficiario da subvención e co selo do acredor. • Conta xustificativa dos gastos polo importe total do orzamento presentado pola entidade, na que se determinará o custo ou o gasto total da actividade subvencionada. Poñerase de manifesto que os gastos que figuran na conta xustificativa foron aplicados á finalidade para a que foi concedida a axuda. Indicarase que o resto dos xustificantes da conta se atopan no domicilio da entidade beneficiaria á disposición da Deputación para o seu exame, tal e como se establece na base 25.8.2.c das bases de execución do vixente Orzamento provincial. • Documento probatorio da difusión da colaboración da Deputación na actividade subvencionada. • Memoria xustificativa do cumprimento das condicións establecidas na solicitude da subvención. Décimo quinta. Pagamento: Para pagar a subvención terase en conta:  No caso de que se xustifique o gasto polo 100 % do orzamento subvencionado aboarase a totalidade da subvención.  No caso de que se xustifique un gasto inferior ao 100 % do orzamento subvencionado aboarase a parte proporcional da subvención. O pagamento da subvención efectuarase por transferencia á conta bancaria indicada pola entidade. Décimo sexta. Incumprimento: Unha vez finalizado o prazo establecido nas bases para a xustificación da subvención e a prórroga concedida no seu caso sen que a entidade beneficiaria presentase a documentación xustificativa, o Servizo de Cohesión Social e Xuventude requiriralle á entidade beneficiaria que a presente no prazo improrrogable de 15 días hábiles, contados a partir do día seguinte ao da notificación. Neste requirimento notificaráselle que incorreu nunha infracción leve tipificada no artigo 56.a da LXS, que leva consigo unha multa de 75 a 900 euros. Do mesmo xeito, en caso de presentación incompleta ou defectuosa, o beneficiario só terá un período de emenda improrrogable de 10 días hábiles. A falta de presentación da documentación neste prazo supoñerá a perda da subvención e as demais responsabilidades previstas na LXS. Décimo sétima. Devolución e reintegro: As axudas concedidas deberán devolverse ou reintegrarse nos seguintes casos:  Ao obtelas falseando as condicións requiridas.  Ao non aplicalas para os fins para os que foron concedidas.  Ao incumprir o beneficiario as obrigas asumidas e as condicións fixadas nestas bases. Décimo oitava. Réxime xurídico aplicable: As Bases da convocatoria e cantos actos administrativos que se deriven delas e das actuacións da Comisión de valoración poderán ser impugnadas nos casos e na forma prevista na Lei 39/2015, de 1 de outubro, do procedemento administrativo común, así como pola Lei 29/1998, de 13 de xullo, reguladora da xurisdición contencioso-administrativa. Décimo novena. Dereito supletorio: O marco normativo polo que se rexerán as subvencións concedidas pola Deputación está constituído por todas aquelas normas que conteñan prescricións relativas ás subvencións ou sexan susceptibles de producir efectos no devandito ámbito, é en particular: - Lei 38/2003, de 17 de novembro, xeral de subvencións, e o Real decreto 887/2006, de 21 de xullo, polo que se aproba o seu regulamento. - Lei orgánica 15/1999, de 13 de decembro, de protección de datos de carácter persoal. - Lei 9/2007, de 13 de xuño, de subvencións de Galicia, e o Decreto 11/2009, de 8 de xaneiro, polo que se aproba o seu regulamento. Para o non disposto nesta convocatoria contemplarase o establecido nas Bases de execución do Orzamento xeral da Deputación de Pontevedra para o exercicio 2017, Ordenanza reguladora das subvencións, e demais normativa de aplicación.” 2.25135.- APROBACIÓN DAS BASES REGULADORAS DO PROGRAMA “CONECTADAS 2017” A Deputación de Pontevedra convoca para o ano 2017 unha nova edición do programa “Conectadas”, que ten por finalidade contribuír a mellora da empregabilidade das mulleres e o seu mantemento no mercado de traballo, superar os malestares das mulleres derivados da desigualdade de xénero, e reducir a brecha dixital mediante a utilización da información e as novas tecnoloxías como ferramenta de uso na vida cotiá. Para levar a cabo este programa o Servizo de Igualdade elaborou unhas bases para regular a concesión de axudas que van destinadas a asociacións e federacións sen animo de lucro e fundacións que teñan como obxectivo e ámbito de actuación a promoción das mulleres, que apoien o desenrolo das mesmas e da súa actuación, o empoderamento das mulleres e do seu tecido asociativo, e a paulatina consecución do obxectivo da igualdade de mulleres e homes. Resultando que con data do 5 de xaneiro de 2017 o Secretario, informa favorablemente as bases reguladoras do programa Conectadas para o exercicio 2017. Resultando que con data do 11 de xaneiro de 2017 a xefa do servizo de fiscalización emite informe favorable sobre a tramitación do expediente para aprobación das citadas bases, e deixa constancia da existencia de crédito dispoñible por importe de 324.000,00€, para facer fronte ao gasto con cargo a aplicación orzamentaria 17/250.2315.227.07, emitindo o documento RC núm. 201700006297 polo citado importe. Considerando que o órgano competente para a aprobación das bases reguladoras do Programa Conectadas para o exercicio 2017, e a Xunta de Goberno, de conformidade co estipulado nas bases de execución do Orzamento provincial. A Xunta de Goberno acorda por unanimidade: Aprobar as bases reguladoras do Programa “Conectadas” para o exercicio 2017, que quedan redactadas da seguinte forma: “BASES REGULADORAS DO PROGRAMA “CONECTADAS 2017” A Deputación de Pontevedra, a través do Servizo de Igualdade, creado ao inicio deste mandato corporativo, quere potenciar a participación e promoción das mulleres e favorecer as relacións interpersoais igualitarias, impulsando accións formativas e incorporando de maneira transversal os principios de igualdade, corresponsabilidade e conciliación da vida persoal, laboral e familiar. A igualdade como dereito está recollida nos artigos 9.2 e 14 da Constitución española, co obxectivo de alcanzar unha sociedade máis democrática, xusta e solidaria. O principio de igualdade de trato entre mulleres e homes supón a ausencia de calquera discriminación, directa ou indirecta, por razón de sexo en todos os ámbitos da vida, singularmente nas áreas económica, social, laboral, cultural e educativa. No artigo 2 da Lei orgánica 3/2007, para a igualdade efectiva de mulleres e homes, establécese que todas as persoas gozarán dos dereitos derivados do principio de igualdade de trato e da prohibición da discriminación por razón de sexo. Os poderes públicos deben adoptar as medidas oportunas para garantir o exercicio efectivo dos seus dereitos por parte de mulleres e homes en condicións de igualdade. Cando se fala de igualdade de oportunidades entre mulleres e homes faise referencia á necesidade de garantir o acceso de todos os membros da sociedade á participación nas distintas esferas e actividades: económica, política, de participación social, educativa, formativa, laboral, entre outras, sobre as bases da igualdade. Para que esta igualdade sexa real e efectiva a formación é un instrumento imprescindible. Un dos cambios máis destacados que experimentou a sociedade galega nos últimos anos foi no relacionado coa situación das mulleres. O seu nivel de formación constitúe un activo importantísimo para si mesmas, para as empresas e para a sociedade no seu conxunto. BASES Primeira. Obxecto: O obxecto destas bases é o de regular a convocatoria pública por parte da Deputación do programa “Conectadas”, que ten por finalidade mellorar a formación básica das mulleres na comunidade para favorecer as relacións interpersoais e o intercambio de experiencias, contribuír a mellorar a súa empregabilidade e o seu mantemento no mercado de traballo e reducir a brecha dixital mediante a utilización da información e as novas tecnoloxías. Segunda. Entidades destinatarias: A Deputación considera necesario fomentar o asociacionismo entre as mulleres, xa que precisamente son as asociacións, federacións e fundacións que teñen por obxecto favorecer as mulleres as que, coas súas actividades, poden incidir de forma directa na participación e a promoción destas na sociedade pontevedresa. Este programa irá destinado a asociacións, federacións e fundacións sen ánimo de lucro que teñan como obxectivo e ámbito de actuación a promoción das mulleres, que apoien o seu desenvolvemento e empoderamento, ao igual que o seu tecido asociativo, e a paulatina consecución do obxectivo da igualdade entre mulleres e homes. Quedarán excluídas desta convocatoria as entidades de maiores, pensionistas ou xubilados e xubiladas, entre outras (independentemente das súas vogalías), xa que existe un programa específico para este colectivo. As accións formativas estarán abertas a toda a poboación da provincia de Pontevedra, mais as mulleres terán preferencia. Reservarase só o 25 % do total das prazas para homes, agás no bloque de contidos “Súmate ao cambio”, no que a participación pode ser mixta, xa que se cubrirán as prazas ao 50 % (en caso de existiren vacantes poderá ampliarse esta porcentaxe). Terceira. Lugar e prazo de presentación de solicitudes: Cada entidade poderá presentar unha única solicitude, que se presentará no Rexistro xeral da Deputación ou en calquera das oficinas de rexistro da institución provincial. Pódense consultar as distintas oficinas existentes e os horarios na seguinte ligazón: http://www.depo.es/servizos-a-cidadania/centros/rexistro Tamén poderá entregarse no Rexistro electrónico sede.depo.es, de conformidade co establecido no artigo 16 da Lei 39/2015, de 1 de outubro, do procedemento administrativo común das administracións públicas. En caso de enviarse por correo postal (ao Rexistro da Deputación), o envío deberá certificarse co selo de Correos no formulario de solicitude para garantir que a data de remisión está dentro do prazo de presentación de solicitudes da orde da convocatoria. As solicitudes remitidas por correo que non cumpran este requisito teranse por presentadas a todos os efectos no mesmo día en que teñan entrada no Rexistro do organismo provincial, independentemente da data de presentación na oficina de Correos. As bases reguladoras publicaranse no Boletín Oficial da Provincia de Pontevedra (BOPPO) e posteriormente remitirase a convocatoria á Base de Datos Nacional de Subvencións (BDNS), que será a que lle dea traslado ao BOPPO do extracto desta, sen prexuízo da súa inserción na páxina www.depo.es e no taboleiro de anuncios. O prazo para a presentación de solicitudes será de 30 días naturais, contados a partir do día seguinte ao da publicación do extracto da convocatoria no BOPPO. Cuarta. Documentación: As solicitudes formularanse seguindo o modelo que se facilitará no Rexistro xeral da Deputación, no da súa sede de Vigo ou na web www.depo.es. A solicitude deberá ir acompañada da seguinte documentación: - Copia do DNI da presidenta ou presidente da entidade. - Copia do CIF da entidade. - Certificado acreditativo do cargo. - Memoria das actividades do ano 2016 na que se especifiquen detalladamente os traballos realizados no eido da muller e en prol da igualdade. Quinta. Condicións do programa: As accións formativas terán unha duración de 35 horas, repartidas entre dúas e tres horas semanais, e a entidade solicitante poderá escoller se estas se realizan no mesmo día ou en días alternos, dependendo das necesidades das persoas participantes. Ademais poderanse incrementar as horas semanais ata un máximo de catro en caso de se considerar oportuno pola actividade que se vaia desenvolver. En todas as accións formativas deberá incluírse de forma transversal nos seus contidos o tratamento da igualdade efectiva entre mulleres e homes. Ademais, impartirase un módulo de sensibilización na igualdade de oportunidades entre mulleres e homes de cinco horas de duración. O número máximo de prazas por cada acción formativa virá establecido no catálogo segundo a especialidade e poderá variar entre as 20 e 25. Para levar a cabo calquera acción formativa será necesario reunir un mínimo de 15 persoas. De non ser así a entidade deberá poñerse en contacto co Servizo de Igualdade do organismo provincial e procurar as opcións existentes antes de anular o curso. En caso de que as prazas se queiran ampliar debido á elevada demanda a entidade poderá solicitarllo á Deputación, sempre que as instalacións e o tipo de obradoiro o permitan. A institución provincial levará a cabo estas accións formativas a través dunha empresa especializada na materia, responsable da execución, da coordinación e da avaliación do programa. Os obradoiros deberán realizarse durante o ano 2017. Sexta. Entidades participantes: Cada entidade poderá escoller unha soa acción formativa do catálogo ofertado e aceptará as obrigas que correspondan para cada unha delas: - Características da aula (de non cumprirse deberán escoller outro obradoiro). - Material do que se debe dispoñer (acondicionamento mínimo, ver catálogo). - Material que debe ter o alumnado (ver catálogo). - Coñecementos mínimos (ver catálogo). Na elección da acción formativa deberán terse en conta as instalacións coas que conta a entidade, os equipamentos dos que dispón e as súas características específicas, ademais do material que deberá levar o alumnado, tendo en conta o que recolle o catálogo para cada acción formativa. Deberá utilizarse unha aula-obradoiro con espazo suficiente para a realización de actividades prácticas ou tarefas manuais, que estea debidamente acondicionada, con ventilación natural, iluminación suficiente, electricidade e toma de auga. Esta aula deberá estar equipada, ademais, con mobiliario (mesas e cadeiras) para a persoa docente e para as persoas participantes no obradoiro. A entidade solicitante autorizará a Deputación, ao se adherir a este programa, a publicar na páxina web os datos de contacto e o lugar no que se levará a cabo o obradoiro e a incorporar a relación de persoas participantes aos ficheiros informáticos da institución provincial. Os datos persoais recollidos serán incorporados e tratados en ficheiros inscritos na Axencia Española de Protección de Datos, coa finalidade de conter os datos das persoas que participan nos programas financiados pola Deputación. Así mesmo, as entidades participantes autorizarán a obtención de imaxes das instalacións onde se levará a cabo a acción formativa escollida co fin de poder verificar que o local recolle as condicións óptimas para o correcto desenvolvemento do obradoiro. Calquera anomalía que se advirta sobre o bo desenvolvemento do obradoiro deberá comunicárselle inmediatamente ao Servizo de Igualdade da institución provincial para así poder emendalo. As entidades participantes no programa non poderán esixir ningunha cota ou calquera outra contía superior a seis euros (6 €), estipulada nestas bases, ás persoas que realicen a acción formativa. En caso de calquera reclamación ou queixa por este motivo as entidades poden ser penalizadas coa non participación en edicións posteriores. Unha vez concedida a acción formativa e establecida a data de inicio a entidade solicitante deberá enviarlle a relación definitiva das persoas participantes á empresa adxudicataria, como mínimo cunha semana de antelación respecto ao día de comezo marcado. Nesta relación figurarán os nomes e apelidos, o número de DNI e mais o teléfono de contacto de cada participante. Sétima. Obrigas das persoas participantes: As persoas participantes en cada obradoiro deberán aboar a cantidade de seis euros (6 €) e serán responsables de levar os materiais esixidos en caso de que fose preciso (ver catálogo). Esta cantidade non se devolverá a non ser que a baixa na acción formativa sexa por causas de forza maior. O primeiro día a persoa responsable ou representante da empresa adxudicataria será a encargada de recoller a cota de seis euros (6 €) de cada persoa participante e de entregarlles a todas elas o xustificante correspondente. Unha vez comezado o curso será cada participante quen decida se quere ou non asinar a cesión de dereitos de imaxe, permitindo así a obtención de fotos durante a execución dos obradoiros para a difusión e a promoción do programa. O alumnado deberá levar o material requirido no catálogo para a acción formativa escollida, polo que é importante, á hora de elixir, ter en conta de que materiais deben dispoñer. Unha vez rematada a acción formativa entregaráselles un diploma acreditativo da boa execución e das horas de formación recibidas ás persoas participantes que cumprisen os requisitos de asistencia e entregasen unha copia do DNI previamente. Os diplomas poderán entregarse ao remate de cada acción ou á finalización do programa. Neste último caso realizarase unha clausura e entrega conxunta dos diplomas ás diferentes entidades participantes. Para a obtención do diploma non se poderá superar o 15 % de faltas inxustificadas nin o 25 % de faltas xustificadas. Oitava. Obrigas da empresa adxudicataria: A Deputación levará a cabo as accións formativas a través dunha empresa especializada na materia, responsable da execución, coordinación e avaliación do programa. A empresa adxudicataria achegará en cada acción formativa os seguintes elementos: • O persoal docente coa titulación regulamentaria e con experiencia suficiente na categoría profesional oportuna. • Os materiais precisos para a boa execución da actividade (ver catálogo). • Unha carpeta co programa, folios e un bolígrafo para cada participante. • Os manuais coa parte teórica. • Unha copia da póliza do seguro de responsabilidade civil. • Polo xeral as aulas deberán contar, segundo a acción formativa escollida, con equipos audiovisuais, informáticos ou utensilios de cociña. En caso de non contar con todo o equipamento mencionado achegarao a empresa adxudicataria, sempre e cando exista a posibilidade de que permaneza instalado na aula durante o tempo que dure a actividade sen risco de que o manipulen persoas alleas. A empresa adxudicataria será a responsable de coordinar coa presidencia da entidade o lugar onde se impartirá a acción formativa, do que deberá dispoñer a asociación. Tamén se encargará de solicitar a relación definitiva de persoas participantes e de realizar as comunicacións precisas para informar do día, da hora e do lugar de realización. Novena. Procedemento de concesión: A instrución dos expedientes corresponderalle, de acordo coa competencia para coñecer e resolver as solicitudes, ao Servizo de Igualdade, e a adxudicación corresponderalle á Xunta de Goberno. En caso de que o número de solicitudes exceda o número de accións formativas ofertadas terase en conta o rexistro de entrada das solicitudes debidamente cubertas e tamén que acheguen a documentación esixida no prazo estipulado. Se a solicitude non está debidamente cuberta ou non se achega a documentación esixida requiriráselle á entidade interesada que, nun prazo máximo e improrrogable de dez (10) días, emende a falta ou presente os documentos preceptivos coa advertencia de que de non presentalos se considerará desistida a súa petición. Décima. Orzamento: A contía consignada para o programa “Conectadas”, que se regula nesta convocatoria, ascende para o ano 2017 a trescentos vinte e catro mil euros (324.000,00 €), con cargo á aplicación orzamentaria 17/250.2315.227.07 do Orzamento ordinario da Deputación, sen prexuízo de que este crédito se amplíe. A institución provincial establece a convocatoria das accións formativas do programa “Conectadas”, no marco de actividades para mulleres, ofertando inicialmente un total de 270, que poderán incrementarse en base ao prezo definitivo da empresa adxudicataria. No suposto de que as accións ofertadas nesta convocatoria non quedasen cubertas o organismo provincial poderá abrir unha nova convocatoria. Décimo primeira. Publicidade: Débese facer constar a organización e a colaboración da Deputación de Pontevedra mediante a inclusión da súa imaxe institucional en toda a publicidade que se elabore, de conformidade co artigo 31 do Real decreto 887/2006, de 21 de xullo, polo que se aproba o Regulamento da Lei xeral de subvencións. Para as posibles consultas relacionadas con este tema está dispoñible o seguinte enderezo de correo electrónico: comunicación@depo.es. Décimo segunda. Prazo de vixencia: Este programa terá vixencia ata o 31 de decembro de 2017, prazo que poderá ampliarse para a súa boa execución. Décimo terceira. Lexislación aplicable: • Lei 38/2003, de 17 de novembro, xeral de subvencións. • Real decreto 887/2006, de 21 de xullo, polo que se aproba o Regulamento da Lei xeral de subvencións. • Lei orgánica 1/2004, de 28 de decembro, de medidas de protección integral contra a violencia de xénero. • Lei orgánica 3/2007, para a igualdade efectiva de mulleres e homes. • Decreto lexislativo 2/2015, de 12 de febreiro, polo que se aproba o Texto refundido das disposicións legais da Comunidade Autónoma de Galicia en materia de igualdade. • Lei 11/2007, de 27 de xullo, galega para a prevención e o tratamento integral da violencia de xénero • Lei 7/1985, de 2 de abril, reguladora das Bases do réxime local, modificada pola Lei 27/2013, de 27 de decembro, de racionalización e sustentabilidade da Administración local. • Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais. • Lei 39/2015, de 1 de outubro, do procedemento administrativo común das administracións públicas • Bases de execución do vixente Orzamento provincial.” 3.25136.- APROBACIÓN DAS BASES PARA A CONCESIÓN, POR CONCORRENCIA COMPETITIVA, DE PRÉSTAMOS SEN XUROS A MUNICIPIOS DA PROVINCIA DE PONTEVEDRA, 2017 Dáse conta das bases para a concesión por concorrencia competitiva de préstamos sen xuros a municipios da provincia de Pontevedra, 2017, sendo o seu obxecto facilitar ós concellos unha fonte de financiamento, ó menor custe posible, co que poder afrontar a execución de investimentos incluídos en plans provinciais ou municipais ou en programas de investimentos con outras administracións e, excepcionalmente, con destino ó financiamento de operacións de tesourería para facer fronte a desfases transitorios ou necesidades urxentes. Este programa configúrase coma un instrumento máis de planificación de políticas públicas que teñen por obxecto o fomento dunha utilidade pública ou interese social ou de promoción dunha finalidade pública. No escenario orzamentario vixente a cantidade prevista para este programa é similar á de exercicios anteriores. En todo caso os recursos son limitados e, en consecuencia, as bases elabóranse tratando de maximizar os beneficios dos recursos cos que se conta, que neste exercicio ascenden a 1.000.000,00 € dispoñibles na aplicación 2017/942.9420.821.20. Doutra parte, os investimento ou servizos ós que se destinan os préstamos sen xuros constitúen o ámbito material de competencias dos concellos, reguladas nos artigos 25 e 26 da Lei 7/85, do 2 abril, reguladoras das bases do réxime local; servizos e actuacións que se desenvolven baixo a iniciativa e responsabilidade dos Concellos que en ocasións asignan recursos orzamentarios propios ós mesmos fins e, noutros casos, os asignen ou non, teñen atribuídas competencias de execución e xestión. Canalizar os recursos públicos cara a potenciación de ditos investimentos ou servizos considerase preferible a acción directa da Deputación ou doutras administracións por canto o concellos como institución máis próxima ós cidadáns son coñecedores das necesidades dos veciños así como das infraestruturas que cómpre optimizar para mellorar a calidade de vida presente e futura dos mesmos. En canto ó contido das bases axustado a dereito sinálase no informe do secretario xeral que se xunta. Tendo en conta o que antecede e vistos os informes da Xefa do Servizo de Cooperación, de data 17 de xaneiro de 2017, da Secretaria Xeral, de data 16 de xaneiro de 2017, e da Intervención provincial, de data 19 de xaneiro de 2017, a Xunta de Goberno acorda por unanimidade aprobar as “Bases reguladoras para a concesión por concorrencia competitiva de préstamos sen xuros a municipios da provincia, 2017” cuxo texto se transcribe deseguido: “BASES REGULADORAS PARA A CONCESIÓN POR CONCORRENCIA COMPETITIVA DE PRÉSTAMOS SEN XUROS A MUNICIPIOS DA PROVINCIA DE PONTEVEDRA, ANO 2017 Primeira. Obxecto: Estas bases teñen por obxecto regular a concesión de préstamos a longo prazo, sen xuros, destinados a financiar os investimentos dos concellos que reúnan os requisitos e as condicións establecidos nelas e, excepcionalmente, a concesión de préstamos a curto prazo con destino ó financiamento de operacións de tesourería. Segunda. Natureza xurídica: A Deputación de Pontevedra subvenciona a totalidade dos xuros destes préstamos polo que, de acordo co disposto no artigo 2.4.h da Lei 38/2003, de 17 de novembro, xeral de subvencións (LXS), se rexerán por esta lei e terán a consideración xurídica de subvencións. Así mesmo, serán aplicables o seu Regulamento aprobado por Real Decreto 887/2006 de 21 de xullo (RLXS) e o Real decreto lexislativo 2/2004, de 5 de marzo, polo que se aproba o Texto refundido da lei reguladora das facendas locais (TRLRFL). Terceira. Beneficiarios: Poderán solicitar estes préstamos todos os concellos da provincia de Pontevedra cunha poboación inferior ós 50.000 habitantes, de acordo co último padrón ou actualización publicados polo INE. Ademais, concellos solicitantes deben cumprir os seguintes requisitos: - Ter aprobado o orzamento para o exercicio corrente ou, no caso de prórroga, cumprir co previsto no artigo 50 do TRLRFL. - Non ter pendentes de pagamento cotas de amortización de préstamos contraídos coa Deputación ou a comisión de formalización dalgún préstamo xa concedido. Cuarta. Financiamento: Para financiar este programa existe consignación na aplicación 942.9420.821.20 do Orzamento provincial para o exercicio 2017, cun crédito inicial de un millón de euros (1.000.000,00€). De non esgotarse este crédito, poderíase promover outra/s convocatoria/s con estrita suxeición a estas bases e, asemade, o crédito pode ser ampliado mediante os distintos expedientes de modificacións de crédito (artigos 58 e 59 do RLXS) Quinta. Finalidade para a cal se poden conceder os préstamos sen xuros: Con cargo a este programa pódense conceder préstamos sen xuros para as seguintes finalidades: - Liña 1.- Financiamento de Inversións: Con carácter preferente, para facerlle fronte á achega dos concellos ós investimentos incluídos nos plans provinciais de cooperación, ós investimentos financiados con fondos FEDER ou outros fondos comunitarios así como a outros investimentos cofinanciados pola Administración do Estado ou a Comunidade Autónoma e, tamén, para o resto de investimentos en obras e servizos municipais. - Liña 2.- Operacións de Tesourería: Para facerlles fronte a necesidades urxentes ou desfases transitorios, previo informe dos servizos de Cooperación e de Intervención da Deputación, cando o considere así o órgano competente para conceder. Sexta. Características dos préstamos: Os préstamos que concede a Deputación a través do Servizo de Cooperación terán as seguintes características: - Importe máximo que se pode conceder: o 90 % do custo do investimento, sen que supere os 400.000,00 €. En casos especiais o órgano competente para resolver poderá, motivadamente, incrementar o importe absoluto e/ou relativo. Así mesmo, cando tras a asignación, de acordo co límite anterior, haxa excedente de crédito poderánselles incrementar os importes inicialmente concedidos a todos os solicitantes ata o esgotamento do crédito sobrante ou proceder a unha nova convocatoria. - Xuros: os préstamos que se concedan non lle reportarán ós concellos xuros, nin comisións ou gastos doutro tipo. Sétima. Solicitude e documentación: As solicitudes formalizaranse nos modelos normalizados que se facilitarán no Rexistro xeral da Deputación en Pontevedra, na oficina periférica de Vigo, no Servizo de Cooperación ou na páxina web www.depo.es. As solicitudes que se presenten de modo telemático faranse a través da sede electrónica, no enderezo www.sede.depo.es. As Solicitudes presentaranse asinadas polo alcalde do Concello na que se indiquen con claridade o orzamento e o importe do préstamo que se solicita (anexo I) e asemade achegarase para cada liña de financiamento a seguinte documentación: Liña 1: - Proxecto do investimento que se vai realizar, cando sexa necesario segundo o previsto no RDL 3/2011, de 14 de novembro, polo que se aproba o Texto refundido da Lei de contratos do sector público (TRLCSP), no seu regulamento ou nas normas complementarias. En caso de non ser necesario, unha memoria explicativa e un orzamento detallado da obra ou o do servizo que se vai realizar. - Certificación do concello solicitante pola cal:  Se aproban as condicións do contrato do préstamo.  Se compromete a consignar nos seus orzamentos para os exercicios nos que estea vixente o préstamo, a cantidade necesaria para proceder á súa amortización (anexo III).  Se faculta á Deputación para reter ou compensar calquera saldo que teña ó seu favor con toda clase de débedas vencidas e pendentes de pagamento (anexo III). - Certificado de ter pagadas as cotas de amortización vencidas de préstamos contraídos coa Deputación e, no caso de que algunha delas venza antes da sesión de concesión do préstamo, o compromiso de proceder ó seu pagamento sen exceder esa data (anexo II). - Certificado do esforzo fiscal, do número de habitantes e de ter o orzamento municipal aprobado para o exercicio corrente ou, no seu defecto, de telo prorrogado de acordo co previsto no artigo 50 do TRLRFL (anexo II). - Certificación na que conste se se obtivo ou se solicitou calquera outra axuda, subvención, ingreso ou recurso que financie o investimento que se vai subvencionar, así como o compromiso de comunicarlle á Deputación os que se obteñan nun futuro (anexo II). - Compromiso de comunicarlle á Dirección Xeral de Política Financeira e Tesouro a solicitude da operación de crédito e, se é o caso, a súa concesión, así como calquera outro requisito establecido na normativa reguladora das operacións de crédito no ámbito local (anexo II). - Datos bancarios para, se é o caso, realizar o aboamento do préstamo (anexo II). - Certificado sobre o aforro neto, de acordo coa última liquidación do seu orzamento, e sobre a débeda viva pendente de amortizar na data da solicitude. Liña 2: - Breve memoria explicativa da necesidade do préstamo e das actuacións que se financian co mesmo. - Certificación do concello solicitante pola cal:  Se aproban as condicións do contrato do préstamo.  Se compromete a consignar nos seus orzamentos para os exercicios nos que estea vixente o préstamo, a cantidade necesaria para proceder á súa amortización (anexo III).  Se faculta á Deputación para reter ou compensar calquera saldo que teña ó seu favor con toda clase de débedas vencidas e pendentes de pagamento (anexo III). - Certificado de ter pagadas as cotas de amortización dos préstamos contraídos coa Deputación e, no caso de que algunha delas venza antes da sesión de concesión do préstamo, o compromiso de proceder ó seu pagamento sen exceder esa data (anexo II). - Certificado do esforzo fiscal, do número de habitantes e de ter o orzamento municipal aprobado para o exercicio corrente ou, no seu defecto, de telo prorrogado de acordo co previsto no artigo 50 do TRLRFL (anexo II). - Certificación na que conste se se obtivo ou se solicitou calquera outra axuda, subvención, ingreso ou recurso que financie o investimento que se vai subvencionar, así como o compromiso de comunicarlle á Deputación os que se obteñan nun futuro (anexo II). - Compromiso de comunicarlle á Dirección Xeral de Política Financeira e Tesouro a solicitude da operación de crédito e, se é o caso, a súa concesión, así como calquera outro requisito establecido na normativa reguladora das operacións de crédito no ámbito local (anexo II). - Datos bancarios para, se é o caso, realizar o aboamento do préstamo (anexo II). - Certificado sobre o aforro neto, de acordo coa última liquidación do seu orzamento, e sobre a débeda viva pendente de amortizar na data da solicitude. A documentación que se presente será orixinal ou, no caso de estar fotocopiada, deberá ir cotexada. Nos casos de defecto, erro ou ausencia na presentación da documentación á que se refire esta base ou de incumprimento do previsto no artigo 68 da Lei 39/2015, de 1 de outubro, do procedemento administrativo común das Administracións Públicas, requiriráselle ó interesado que emende as faltas no prazo máximo de 10 días hábiles, indicándolle que, de non o facer, se terá por desistido da súa solicitude, previa resolución, que deberá ditarse nos termos previstos no art. 21 da Lei 39/2015. Oitava. Forma e prazo de presentación: As presentes bases reguladoras serán publicadas no BOPPO e con posterioridade remitirase a convocatoria á Base de Datos Nacional de Subvencións (BDNS), que será quen lle dea traslado ó BOPPO do extracto da mesma, sen prexuízo da súa inserción na páxina web da Deputación e no taboleiros de anuncios. O prazo de presentación de solicitudes será de 20 días hábiles, contados a partir do día seguinte ó da publicación do extracto da convocatoria no Boletín Oficial da Provincia (BOPPO). As solicitudes presentadas fóra do prazo anteriormente establecidos non serán admitidas nesta convocatoria. Novena. Criterios de concesión e cuantificación dos préstamos: Os préstamos, que se concederan por concorrencia competitiva, outorgaranse de acordo coas seguintes normas: - Achegas a convenios ou investimentos incluídos en plans provinciais de cooperación, convenios e investimentos financiados con fondos FEDER ou outros fondos comunitarios, así como outros investimentos cofinanciados pola Administración do Estado ou da Comunidade Autónoma, valoraranse ata 15 puntos. - Investimentos en obras e servizos públicos contemplados nos artigos 25 e 26 da Lei 7/1985, de 2 abril, de bases de réxime local (LBRL), valoraranse ata 20 puntos. - Interese provincial, valorarase ata un máximo de 30 puntos segundo o seguinte detalle: • Proxectos que primen o desenvolvemento sostible, a eficiencia enerxética, o abastecemento e o saneamento da auga, valoraranse ata 10 puntos. • Proxectos que primen a xeración de infraestruturas valoraranse ata 10 puntos. • Proxectos que primen a creación de emprego, valoraranse ata 10 puntos. - Achega do Concello ó investimento, valorarase ata 10 puntos. - Esforzo fiscal per cápita, valorarase ata 5 puntos. - Número de habitantes do ente local, valorarase á inversa, ata 20 puntos. Décima. Instrución, comisión de valoración e resolución: A instrución do procedemento de concesión de préstamos sen xuros será realizada pola xefa do de servizo de cooperación que realizará de oficio cantas actuacións estime necesarias para a determinación, coñecemento e comprobación dos expedientes. Así mesmo, deberá elaborar un informe-proposta no que aplique os criterios de concesión e cuantificación establecidos na base novena. O informe-proposta, fiscalizado polo Servizo de Intervención, estudarao e avaliarao una Comisión de valoración que, ademais, poderá recabar cantos informes estime necesarios e emitirá unha proposta na que lle suxerirá motivadamente ó órgano competente a concesión e/ou desestimación das solicitudes de préstamos tramitadas. A Comisión de valoración é un órgano colexiado composto por: - Presidente: o da Deputación ou o deputado en quen delegue. - Vogais: o presidente da Comisión informativa de Cooperación Municipal e a xefa do Servizo de Cooperación. - Secretario: actuará como secretario, sen voto, un funcionario do Servizo de Cooperación. O procedemento de concesión destes préstamos é o de concorrencia competitiva. Despois de transcorrer seis meses a partir do día seguinte ó remate do prazo para presentar a solicitude sen que os interesados obteñan resposta expresa entenderase desestimada a petición. Décimo primeira. Modificación dos préstamos: Unha vez adoptado o acordo ou a resolución de concesión poderase solicitar un único cambio ou modificación do seu contido se concorren circunstancias excepcionais, segundo o establecido nas distintas normas desta convocatoria. Estas circunstancias poderán ser: - Recibir axudas ou subvencións doutros organismos públicos ou privados que cubran a totalidade do investimento. - Ter prioridade na realización doutro investimento que teña que acometer a entidade local e non conte con crédito suficiente para levalo a cabo. - Algún impedimento administrativo ou doutro tipo que impida a súa realización. O cambio de aplicación ou modificación da finalidade do anticipo deberase solicitar antes de que finalice o prazo de disposición. Décimo segunda. Publicidade: As entidades locais que sexan beneficiarias da concesión dun préstamo deberán darlle a adecuada publicidade ó financiamento obtido da Deputación. A publicidade débese facer poñendo anuncios na táboa de edictos, na páxina web do Concello e na prensa local, nos que se indique o financiamento da Deputación incluíndo, en todo caso, o logotipo da institución provincial nun lugar visible. Correspóndelle, en todo caso, ao departamento de Comunicación Institucional dar as instrucións que se deben seguir no relativo á imaxe institucional. Para estes efectos, na páxina web www.depo.es están os modelos normalizados dos logotipos, carteis, adhesivos e outras formas de publicidade que deben poñerse. Para dúbidas e/ou aclaracións pódese contactar co Servizo de Comunicación Institucional do organismo provincial a través do enderezo electrónico comunicacion@depo.es ou do teléfono 986 804 100. Décimo terceira. Xustificación e pagamento do préstamo: O pagamento das disposicións do préstamo farase a medida que se xustifique a realización dos investimentos que se financian con este; aboarase para cada xustificación que se presente a parte proporcional en relación co custo total do investimento. Para percibir o importe do préstamo, de acordo con estas bases, é necesario presentar ante a Deputación os seguintes documentos: - Conta xustificativa dos gastos (anexo IV) na que relacionarán as certificacións, facturas ou documentos con valor probatorio no tráfico mercantil e administrativo, identificando o provedor, CIF, número de factura ou certificación, concepto e importe. - Certificacións de obra, facturas orixinais ou cotexadas, debidamente dilixenciadas, cos requisitos que lles dean validez, aprobadas polo órgano competente do concello. - No caso de investimentos achegaranse o contrato e a acta de comprobación de replanteo cando este requisito sexa esixible de acordo co disposto no RDL 3/2011, de 14 de novembro; ademais, a última certificación acompañarase da acta de recepción. - Tratándose da adquisición de bens inmobles debe achegarse a escritura pública do contrato de compravenda. Neste caso, se así o solicita a Entidade Local, poderase anticipar o importe do préstamo e achegar a documentación xustificativa despois da súa disposición. - Declaración acreditativa de que os gastos que figuran na conta xustificativa son reais e se aplicaron á finalidade subvencionada, quedando á disposición da Deputación para o seu exame se esta entidade o considerase oportuno (anexo IV). - Proba gráfica conforme se lle deu a debida divulgación do financiamento obtido da Deputación con indicación dos medios onde se publicitou. A Deputación poderá comprobar, a través dos servizos de inspección, que se lle deu a adecuada publicidade; de non ser así non se procederá ó libramento do préstamo. - Declaración de que as axudas recibidas non superan o custo do investimento para o cal se concedeu o préstamo (anexo IV). - No caso operacións de tesourería, achegarase certificado do ingreso en contabilidade expedido polo Interventor ou Secretario do concello. Esixirase a xustificación do 100 % do orzamento ou do proxecto que serviu de base para a concesión do préstamo; en caso de xustificarse un gasto inferior ó 100 % aboarase a parte proporcional do mesmo. Non se procederá ó libramento no caso daqueles concellos que teñan pendentes de pagamento cotas de amortización de préstamos contraídos coa Deputación. O prazo para xustificar os préstamos concedidos dentro la liña 1 (investimentos) é de dous anos dende a sinatura do contrato o mesmo que para a súa disposición. O prazo para xustificar os préstamos que se concedan ó abeiro da liña 2 que será dun ano dende a formalización do contrato. Décimo cuarta. Disposición e amortización do préstamo: Teranse en conta as seguintes indicacións: - Disposición: Vincúlase ó carácter do préstamo:  Liña 1: Como máximo dous anos contados dende a sinatura do contrato. Só en casos especiais debidamente xustificados se poderá prorrogar por un período máximo dun ano.  Liña 2: Como máximo un ano dende a sinatura do contrato. - Amortización: O prazo máximo vincúlase ó carácter do préstamo.  Liña 1: Non poderá superar os 15 anos desde o seguinte ó da formalización do contrato  Liña 2: O prazo máximo é dun ano natural. - Así mesmo, agás para as operacións de tesourería (liña 2) , as entidades locais poderán solicitar un período de carencia que non excederá os tres anos desde a formalización do contrato. - Inicio da amortización: o ano seguinte ó da formalización do contrato, salvo para aquelas entidades locais que, despois de transcorrer este prazo, aínda non dispuxesen do préstamo, en cuxo caso a amortización comezará o ano seguinte a aquel no que se realice a primeira disposición e non poderá superar o prazo de quince anos. - O importe de cada amortización anual será o resultado de dividir o saldo disposto entre os anos que falten para finalizar a amortización. - As amortizacións serán por períodos naturais anuais e faranse efectivas na conta de Abanca número 2080.5401.57.3110106612. Décimo quinta. Compatibilidade con outras subvencións: Os préstamos son compatibles con calquera outra subvención ou axuda pública ou privada, nacional ou comunitaria, destinada a financiar o investimento, sempre e cando o importe agregado das subvencións e o anticipo non superen o custo total do investimento. No caso de que o importe agregado das subvencións e o préstamo superen o importe do custo do investimento recortarase o importe do préstamo. Décimo sexta. Réxime sancionador: Será de aplicación o réxime sancionador previsto na LXS, coas especificacións indicadas na súa disposición adicional décimo cuarta. Décimo sétima. Recursos: Contra estas bases poderá interpoñerse recurso contencioso-administrativo ante o Xulgado do Contencioso-Administrativo, tal e como se prevé no art. 8 da Lei 29/1998, de 13 de xullo, reguladora da xurisdición contencioso-administrativa, no prazo de dous meses. Contra as resolucións administrativas que se adopten na súa execución poderá interpoñerse un recurso de reposición ante o órgano que as ditou no prazo dun mes. Entenderase desestimado se transcorre outro mes sen que haxa contestación; así mesmo, contra esta resolución poderá interpoñerse directamente o antedito recurso contencioso-administrativo no prazo indicado. En todos os casos os prazos contarán a partir do día seguinte ó da recepción da correspondente notificación ou, se é o caso, á publicación no BOPPO ou á data na que o recurso de reposición se entenda desestimado. Décimo oitava. Dereito supletorio: Para o non previsto nestas bases contemplarase o establecido nas de execución do Orzamento xeral da Deputación de Pontevedra para o exercicio 2017, na LXS (BOE núm. 276, de 18 de novembro de 2003), no seu regulamento (BOE núm. 176, de 25 de xullo de 2006), na Lei 9/2007, de 13 de xuño, de subvencións de Galicia, no RDL 2/2004, de 5 de marzo, polo que se aproba o TRLRFL e nas demais disposicións vixentes que resulten de aplicación. ANEXOS DA CONVOCATORIA E MODELOS DE PRESENTACIÓN DA DOCUMENTACIÓN Todos os anexos referidos nestas bases ou os modelos normalizados para a solicitude destas subvencións facilitaranse no Servizo de Cooperación ou ben a través da páxina web www.depo.es.” 4.25137.- APROBACIÓN DO PROXECTO MODIFICADO QUE CUMPRIMENTA DOCUMENTALMENTE Ó PROXECTO DE DOTACIÓN DE SERVIZOS E EDIFICIO ANEXO Ó PAVILLÓN DE RIBADUMIA, CONCELLO DE RIBADUMIA (PPOS/15/00924/201500357), INCLUÍDO NO PLAN PROVINCIAL DE OBRAS E SERVIZOS 2015 (PPOS/15) O Pleno da Deputación, na súa sesión de 30 de decembro de 2014, acordou a aprobación das Bases Reguladoras do Plan Provincial de Obras e Servizos 2015 (PPOS/15), que foron publicadas no Boletín Oficial da Provincia de Pontevedra (BOPPO) número 1, do 2 de xaneiro de 2015, sendo o seu obxecto, no marco da cooperación económica, a concesión de subvencións ás entidades locais da provincia para financiar a realización de investimentos e os gastos correntes nos que incorren na súa actividade como xestores públicos. Se ben se debe ter en conta a modificación do dito plan aprobado mediante acordo plenario do 27 de febreiro de 2015, publicado no BOPPO núm. 41, do 2 de marzo de 2015. O Pleno da Deputación, na súa sesión do día 28 de decembro de 2016, acordou prorrogar, ata o 30 de setembro de 2017, tanto os prazos de concesión de subvención por cambios de aplicación ou modificacións do contido das resolucións xa recaídas, así como os de concesión de subvencións por reinvestimento de baixas, todos eles ao abeiro do PPOS/15. E o prazo de execución e xustificación do PPOS/15 ata o 31 de decembro de 2017, tanto dos investimentos como dos cambios de finalidade ou modificacións do contido das resolucións xa recaídas, así como do reinvestimento de baixas. Publicado no Boletín Oficial da Provincia de Pontevedra (BOPPO) número 249, do 30 de decembro de 2016. Mediante acordo de Xunta de Goberno de data 29/05/2015 (acordo núm. 26.23478), concedeuse unha subvención con cargo á cantidade reservada no Plan provincial de obras e servizos 2015 (PPOS/15) á concesión directa, libre disposición do presidente, por importe de 209.657,12 € ao Concello de Ribadumia, CIF P3604600A, para o financiamento do investimento “Dotación de servizos en edificio anexo ó pavillón de Ribadumia”, cun orzamento polo mesmo importe (209.657,12 €) (Ref.:PPOS/15/00924/201500357). En data 03/11/2016 ten entrada no rexistro xeral da Deputación co número de rexistro 2016112600 escrito do Concello de Ribadumia no que xunta documentación complementaria ó Proxecto de Dotación de servizos en edificio anexo ó pavillón de Ribadumia. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, de Procedemento Administrativo Común das Administracións Públicas. - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROFRJEL). - Real Decreto Lexislativo 3/2011, de 14 de novembro, polo que se aproba o texto refundido da Lei de contratos do Sector Público. - Bases de execución do Orzamento provincial vixente. - Bases reguladoras do PPOS 15. Consideracións xurídicas: Instrución do expediente: - Base reguladora 10ª do PPOS 15, relativa á instrución, procedemento e xustificación, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. - Base reguladora 12ª do PPOS/15, relativa os proxectos, que indica que a Deputación, procedera, en todo caso, a supervisión e control dos proxectos tendo en conta especialmente os prezos das distintas unidades de obra. Petición e evacuación de informes: - Artigos 80 da Lei 39/2016, de 1 de outubro, de Procedemento Administrativo Común das Administracións Públicas, sobre a petición e a evacuación de informes. - Artigo 88.6, da Lei 39/2016, de 1 de outubro, de Procedemento Administrativo Común das Administracións Públicas, que sinala que a aceptación de informes ou ditames servirá de motivación á Resolución cando se incorporen ó texto da mesma. Procedencia da autorización: - Artigo 151 do RDL 3/2011, de 14 de novembro, polo que se aproba o Texto Refundido da Lei Contratos do Sector Público relativo a adxudicación e clasificación dos contratos que establece que a adxudicación guiarase polos criterios de adxudicación establecidos nos pregos e de existir un único criterio este será a oferta economicamente máis vantaxosa. - Artigo 31 da Lei 38/2003, do 17 novembro, xeral de subvencións, que establece que son subvencionables aqueles gastos que respondan á natureza da actividade subvencionada e se realicen no prazo establecido nas bases reguladoras, sempre que os gastos se axusten a mercado. - Base reguladora 14ª do PPOS/15, relativa á licitación e modificación dos contratos de investimentos, indica que, os modificados dos proxectos axustaranse ó disposto no Texto refundido de Lei de contratos do sector público e deberán comunicárselle á Deputación xunto co proxecto e o acordo do órgano competente. - Acordo plenario de 28 de decembro de 2016 que prorroga, ata o 30 de setembro de 2017, tanto os prazos de concesión de subvencións por cambios de aplicación ou modificacións do contido das resolucións xa recaídas, así como os de concesión de subvencións por reinvestimento de baixas, todos eles ao abeiro do PPOS/15. De acordo con todo o sinalado, no exercicio das competencias recollidas no artigo 35 da lei 7/1985, de 2 de abril, reguladora das bases do réxime local, no artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2017, e visto o informe da xefa do servizo de Cooperación, de data 13 de xaneiro de 2017, que conclúe favorablemente a aprobación do modificado e o da Intervención Provincial de data 18 de xaneiro de 2017, a Xunta de Goberno acorda por unanimidade: - Aprobar o proxecto modificado que cumprimenta documentalmente o proxecto de “Dotación de servizos en edificio anexo o pavillón de Ribadumia” (PPOS/15/00924/201500357) do Concello de Ribadumia cun orzamento de execución por contrata de 209.657,12 €. - O investimento deberá estar executado e xustificado, na súa totalidade, o 31 de decembro de 2017. O incumprimento desta obriga poderá dar lugar á revogación da subvención concedida. - Darlle traslado do presente acordo ao Concello de Ribadumia, á Intervención Provincial, ó Servizo de Cooperación e ó Gabinete de Presidencia. 5.25138.- INICIO DO PROCEDEMENTO DE DECLARACIÓN DE PERDA DO DEREITO Ó COBRO DAS SUBVENCIÓNS CONCEDIDAS ÓS CONCELLOS DE GONDOMAR E BAIONA, DENTRO DO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS (PUSIM/14), CON DESTINO Ó FINANCIAMENTO DAS ACTUACIÓNS “SENDA SAN ROQUE A PEDRA NA PARROQUIA DE MORGADÁNS” E “REDACCIÓN DO PLAN ESPECIAL DE DOTACIÓN DE INFRAESTRUTURAS AS COSTEIRAS” O Pleno da Deputación, na súa sesión de 28 de febreiro de 2014, acordou a aprobación das Bases Reguladoras do Plan Urxente de Mantemento de Servizos e Infraestruturas Municipais (PUSIM/14), que foron publicadas no Boletín Oficial da Provincia de Pontevedra (BOPPO) número 44, do 5 de marzo de 2014, sendo o seu obxecto, no marco da cooperación económica, a concesión de subvencións ás entidades locais da provincia para financiar a realización de investimentos e os gastos correntes nos que incorren na súa actividade como xestores públicos. Se ben se debe ter en conta a modificación do dito plan aprobado mediante acordo plenario do 30 de maio de 2014, publicado no BOPPO núm. 105, do 3 de xuño de 2014. Mediante acordo plenario 5.6702 do 29 de decembro de 2015 acordase estender o prazo de xustificación dos investimentos acollidos no PUSIM/14 ata o 30 de agosto de 2016. Así mesmo, en data 29 de xullo de 2016, mediante acordo núm. 6.6807, o Pleno da Deputación autoriza unha segunda prórroga do Plan e estender o prazo de execución dos investimentos acollidos no devandito programa ata o 30 de novembro de 2016 e o de xustificación ata o 15 de decembro de 2016. Mediante acordo da Xunta de Goberno núm. 2.22799 de 21/11/2014, concedeuse subvención polo procedemento de concesión directa ao abeiro do PUSIM/14, por importe de 60.500,00 € ao Concello de Baiona para financiar a actuación “Redacción do plan especial de dotación de infraestruturas “As Costeiras” cun orzamento polo mesmo importe. Dita concesión foi publicada no BOPPO núm. 21 do 02/02/2015 e deuse conta á comisión informativa de cooperación do seu outorgamento na sesión celebrada o día 23/12/2014. En data 22/12/2015 ten entrada no Rexistro Xeral da Deputación, oficio do concello de Baiona que se axunta xustificación parcial (factura núm. 001) da actuación referida anteriormente e solicita o libramento do importe de 9.922,00 €. En data 09/02/2016, dítase a resolución presidencial núm. 2016002282, recoñecendo a obriga e o ordenando o pagamento do importe sinalado. Segundo se desprende da documentación achegada, o Concello de Baiona adxudica á UTE Pedro Souto@ Luque Asociados o contrato para a redacción para do Plan especial de dotación de infraestruturas “As Costeiras” previsto no Plan Xeral de Ordenación Municipal por un importe total de 49.610,00 €; constatándose, efectivamente, unha baixa que importa 10.890,00 €. No consta, formalmente, que o Concello de Baiona presentara documentación relativa ó gasto realizado polo importe restante e pendente de xustificar que, unha vez aplicada a baixa de adxudicación, ascendería a 39.688,00 €. Mediante acordo da Xunta de Goberno núm. 8.22418 de 08/08/2014, concedeuse subvención polo procedemento de concesión directa ao abeiro do PUSIM/14, por importe de 72.738,00 € ao Concello de Gondomar para financiar a actuación “Senda San Roque á pedra na parroquia de Morgadáns” cun orzamento polo mesmo importe. Dita concesión foi publicada no BOPPO núm. 211 do 31 de outubro de 2014 e deuse conta á comisión informativa de cooperación do seu outorgamento na sesión celebrada o día 23/12/2014. Non consta formalmente que o Concello de Gondomar presentara documentación xustificativa relativa ó desenvolvemento da actuación que se sinala no punto anterior nin solicitude de modificación do acordo de concesión por cambio de finalidade. Rematado o prazo sinalado por acordo do Pleno de data 29 de xullo de 2016 para presentar a xustificación do gasto efectuado, se lle requiriu formalmente a cada beneficiario, para que no prazo improrrogable de 15 días hábiles presentaran a devandita xustificación, advertíndolles expresamente que, unha vez transcorrido o prazo anterior, procederíase de oficio a iniciar o procedemento de decaemento no dereito ó cobro da subvención concedida. Transcorrido o prazo de 15 días hábiles non consta a presentación en prazo e forma da documentación requirida. As circunstancias de feito referidas constitúen causa de perda do dereito ó cobro da axuda económica concedida polo que se eleva a proposta de resolución de inicio de procedemento de perda do dereito ó cobro da subvención. Fundamentos xurídicos: Normativa examinada: a. Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). b. Lei 9/2007, de 13 de xuño, de subvencións de Galicia (LSG). c. Lei 7/1985, de 2 de abril, reguladora das bases do réxime local (LRBRL). d. Lei 39/2015, de 1 de outubro, de Procedemento Administrativo Común das Administracións Públicas. e. Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades Locais (ROFRXEL). f. Bases de execución do Orzamento Provincial. g. Bases reguladoras do Plan Urxente de Mantemento de Servizos e Infraestruturas Municipais 2014 (PUSIM/14). h. Acordo Plenario do 29 de xullo de 2016, que estende o prazo de execución dos investimentos acollidos no PUSIM/14 ata o 30 de novembro de 2016 e o de xustificación ata o 15 de decembro de 2015. Consideracións Xurídicas: a. Artigo 21 da LPACAP, sobre a obriga de resolver tódolos procedementos calquera que fora a forma de iniciación, con indicación das circunstancias concorrentes e indicación dos feitos e normas aplicables. b. Artigos 30.2 da LXS e 28.2 da LSG, que indican que a xustificación constitúe un acto obrigatorio do beneficiario, e que o seu o prazo ven determinado polas correspondentes bases reguladoras. c. Artigo 34.3 da LXS, que indica que producirá a perda do dereito ó cobro total ou parcial da subvención o suposto da ausencia de xustificación ou da concorrencia de algunha das causas previstas no artigo 37 da devandita Lei. d. Artigo 37 da LXS, que regula toda unha serie de supostos que operan como causa de reintegro ou de perda do dereito ó cobro total ou parcial da axuda económica concedida por producirse, neste caso, o incumprimento con anterioridade o cobro da subvención. Entre estes supostos atópase o incumprimento da obriga de presentar a xustificación no prazo sinalado nas bases reguladoras ou de habela presentado incompleta, incorrecta ou de forma insuficiente. e. Artigos 41 e ss da LXS sobre o procedemento de reintegro , asimilable o inicio do procedemento de declaración de perda do dereito ó cobro da subvención concedida. f. Artigo 92 do RLXS que establece que cando transcorrido o prazo outorgado para a presentación da xustificación, esta non se efectuara, acordarase o reintegro da subvención ou declararase a perda do dereito de cobro total ou parcial da subvención concedida, previo requirimento tal e como se recolle no apartado 3 do artigo 70 do citado regulamento. Réxime Competencial: En virtude das competencias recollidas no artigo 34.1 da LRBRL, no artigo 41 da LXS, nos artigos 61 e 63 do ROFRXEL, na base de execución 16ª.2ª.b) dos orzamentos provinciais e demais lexislación de aplicación, correspóndelle á Xunta de Goberno a competencia para iniciar o procedemento de reintegro para declarar a perda das subvencións previamente outorgadas, por incumprimento das condicións esixidas nas súas bases reguladoras e, en concreto das obrigas de xustificación. En consecuencia, tendo en conta as consideracións xurídicas expostas e visto o informe-proposta da xefa do Servizo de Cooperación, de data 19 de xaneiro de 2017, e a restante documentación que obra no expediente, a Xunta de Goberno acorda por unanimidade: 1º Iniciar o procedemento para declarar a perda do dereito ó cobro das subvencións concedidas ós Concellos de Gondomar e Baiona para o desenvolvemento dos investimentos “Senda san roque a pedra na parroquia de Morgadáns” e “Redacción do plan especial de dotación de infraestruturas as canteiras”, que importan 72.738,00 € e 39.688,00 € respectivamente, incluídas no PUSIM/14, por incumprimento das condicións esixidas nas súas bases reguladoras e, en concreto das obrigas de xustificación. 2º Conceder un prazo de quince días hábiles para que os beneficiarios poidan realizar cantas alegacións estimen oportunas. 3º No caso de non realizar alegacións no período sinalado no parágrafo anterior, este acordo elevarase automaticamente a definitivo, polo que transcorrido o dito prazo, levará consigo a perda ó dereito ó cobro das subvencións referidas de xeito definitivo e procederase ó arquivo dos expedientes, sen prexuízo da posibilidade de interposición dos recursos pertinentes contra actos administrativos que poñen fin á vía administrativa. 4º Notificar este acordo aos Concellos de Gondomar e Baiona, á Intervención Provincial, ó Servizo de Cooperación e ó Gabinete da Presidencia. 6.25139.- CONCESIÓN DE SUBVENCIÓNS Ó ABEIRO DO PLAN CONCELLOS 2017 CORRESPONDENTE Á LIÑA 3: EMPREGO PARA CONSERVACIÓN DE BENS E SERVIZOS MUNICIPAIS -2ª RELACIÓN O Pleno da Corporación Provincial, na súa sesión extraordinaria do día 28/12/2016, aprobou as “Bases reguladoras e convocatoria do Plan de Obras e Servizos” (Plan Concellos) 2017 que recolle os procedementos para conceder subvencións a 59 municipios da provincia para financiar actuacións e investimentos, propostas que deben estar relacionadas coas materias que os municipios exercen como competencias propias ou, en todo caso, as atribuídas por delegación, de conformidade co artigo 7 da Lei 7/1985, de 2 de abril, reguladora das bases do réxime local. Ditas bases foron publicadas no BOPPO nº 249 de 30/12/2016 e o extracto da convocatoria publicouse no BOPPO nº 1, do 02/01/2017. Este plan aprobado baixo o procedemento de concorrencia non competitiva, está dotado con 41,2 millóns de euros, que se reparten entre os concellos beneficiarios en función de tres criterios básicos: a poboación de cada concello, a súa superficie e os seus núcleos de poboación, segundo as porcentaxes indicadas nas Bases para cada grupo de concellos. Mediante Resolución Presidencial de 12/01/2017, núm. 2017000367 aprobáronse as cantidades asignadas a cada concello, se ben, unha vez comunicadas as débedas pendentes coa Deputación, poderase proceder de oficio á súa detracción polo que neses casos o importe definitivo será calculado tendo en conta a detracción que se efectúe. De conformidade coa base 5ª, as axudas e subvencións concedidas poderán destinarse ás seguintes liñas nos termos recollidos na base 8ª: liña 1 (Investimentos) ata un importe mínimo que resulte de aplicar a porcentaxe do 62,50% á cantidade total que lle corresponde ó concello; liña 2 (Amortización, pagamento de débedas e gastos correntes) ata un importe máximo do 15 % á cantidade total que lle corresponde ó concello; liña 3 (Emprego para conservación e funcionamento de bens e servizos municipais) ata un importe máximo do 22,50 % á cantidade total que lle corresponde ó concello. As cantidades que os concellos non utilicen das liñas 2 e 3, poderanas empregar para facer investimentos (liña 1), non obstante, o excedente nesta liña 1 non se pode aplicar ás restantes liñas. A liña 3 (Emprego para conservación e funcionamento de bens e servizos municipais) ten por obxecto regular as condicións polas que se rexerá a convocatoria pública das axudas e subvencións destinadas a financiar a prestación de servizos mínimos de competencia municipal mediante a contratación de persoas desempregadas. Comprobado dende o Servizo de Cooperación que todas as solicitudes desta relación cumpren os requisitos esixidos nas Bases reguladoras e achegan a documentación requirida, emítese informe da xefa do Servizo en relación a súa tramitación. As solicitudes dos concellos referenciados no anexo aparte respectan en todo caso o importe máximo de 22,50 % da cantidade que lle corresponde a cada concello (detraídas no seu caso as débedas contraídas coa Deputación). Na aplicación 2017/942.9425.462.03 (Plan de Cooperación cos Concellos_17. Emprego para conservación e funcionamento de bens e servizos) do vixente Orzamento Provincial existe crédito suficiente para facer fronte a este gasto. Xúntase a relación valorada das solicitudes en anexo aparte que comeza con A Guarda e remata en Vilaboa (total de: 5 concellos), calculándose o importe das axudas segundo a petición do beneficiario en base ao custo das contratacións e tendo en conta o número de traballadores, a duración das contratacións e o tipo de xornada a realizar (completa ou parcial). As axudas comprenden o custo salarial e a cotización á Seguridade Social, de persoas desempregadas (calquera que sexa a categoría profesional), respectando o Salario Mínimo Interprofesional por traballador (importe proporcional ás horas traballadas), complementando o concello, no seu caso, a cantidade que sexa necesaria ata acadar os salarios que correspondan por categoría profesional. Fundamentos xurídicos: Primeiro.- Réxime Xurídico: - Lei 38/2003, de 17 de novembro, Xeral de Subvencións (LXS). - Lei 7/1985, de 2 de abril, Reguladora das Bases do Réxime Local (LRBRL). - Lei 39/2015, de 1 de outubro, do Procedemento Administrativo Común das administracións públicas (LPACAP). - Lei 40/2015, de 1 de outubro, do Réxime Xurídico do Sector Público (LRXSP). - Lei 9/2007, de 13 de xuño, de Subvencións de Galicia (LSG). - Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, Xeral de Subvencións (RLXS). - Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRXEL). - Bases Reguladoras do Plan de Obras e Servizos (Plan Concellos) 2017. - Bases de execución do orzamento da Deputación. Segundo.- Consideracións xurídicas: I.- Instrución do expediente: - Base novena do Plan Concellos 2017, relativa ao procedemento que dispón que será o de concorrencia non competitiva; e asemade segundo o disposto na Base décimo terceira indícase que é o Servizo de Cooperación o encargado da tramitación dos expedientes, revisión das solicitudes e comprobación da documentación. II.- Petición e evacuación de informes: - Artigos 79 e 80 da LPACAP sobre a petición e a evacuación de informes. - Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención. - Bases 47ª e 48ª de execución do Orzamento provincial, sobre o control e a fiscalización da xestión económica, que sinala a competencia da Intervención para realizar esta función. - Artigo 24 da LXS que establece que as actividades de instrución comprenderán, entre outras, a petición de cantos informes estime necesarios para resolver ou que sexan esixidos polas normas que regulan a subvención. III.- Resolución do expediente: - Artigo 22 LXS que dispón que a proposta de concesión formularase ao órgano concedinte a través do órgano instrutor. - Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención. - Artigo 62 do RLXS que establece que na resolución de concesión deberán quedar claramente identificados os compromisos asumidos polos beneficiarios. - Artigo 185 do TRLRFL que regula as competencias en materia de xestión de gasto. - Bases de execución 25ª.2ª e 4ª do orzamento provincial que regulan o procedemento de concesión e o contido das solicitudes de subvención. - Base de execución 16ª.2ª do orzamento que sinala que o órgano competente para a autorización e disposición deste gasto é a Xunta de Goberno. - Base oitava e décima dentro da liña 3 do Plan Concellos 2017 que relaciona os requisitos dos servizos para os que se van contratar aos traballadores, así como a cantidade subvencionables (custo salarial e cotización á Seguridade social), co límite mínimo do Salario Mínimo Interprofesional por traballador (importe proporcional ás horas traballadas), que poderá ser superior se así o sinala o propio concello, e a necesaria documentación para a concesión da subvención. - Base quinta do Plan Concellos 2017 que consigna o crédito orzamentario, a porcentaxe e o límite máximo por liña. Conclusións: Primeiro.- Todas as solicitudes recollidas no anexo aparte (II Relación Plan Concellos 2017 (Liña 3): Plan de Conservación e Funcionamento de Bens e Servizos Municipais), foron presentadas en prazo, e achegan a documentación precisa para a súa valoración. Segundo.- En canto ás funcións para as que se contratarán ós traballadores, de acordo coas memorias achegadas, consisten, en servizos de interese xeral e social. O importe da subvención solicitada non excede do importe máximo de financiamento do plan nin a porcentaxe máxima da liña 3 segundo o disposto na base quinta (22,50 % da cantidade total correspondente a cada concello, incluídas neste importe, no seu caso, as detraccións notificadas das débedas contraídas coa Deputación por parte das entidades solicitantes). Terceiro.- As cantidades que resultan subvencionables calcúlanse en base ás solicitudes realizadas polos concellos, tendo en conta que os salarios deberán respectar o Salario Mínimo Interprofesional por traballador e tomando como referencia unha xornada completa de 37,5 horas semanais. No caso de que as contratacións de desempregados se efectúen por un importe inferior de horas das estipuladas para un contrato a xornada completa, o importe subvencionable mínimo reducirase proporcionalmente en función das horas traballadas. En consecuencia, son os interesados os que sinalan o importe a subvencionar na súa solicitude, que poderá exceder o SMI en razón das obrigas legais ou por convenio existentes. Os beneficiarios asumen o compromiso de afrontar a cantidade complementaria non subvencionada. Cuarto.- Unha vez concedida a subvención, os concellos poderán solicitar o pago anticipado segundo o establecido na base vixésima. Asemade, deberanse xustificar as axudas concedidas de conformidade ó establecido na base vixésima e tendo en conta o disposto na base décimo quinta en relación ás obrigas do beneficiario, especialmente en canto á publicidade. Por todo o exposto e a vista dos antecedentes, fundamentos de dereitos aplicables e a súa motivación razoada, e a concorrencia dos requisitos necesarios, a xefa do Servizo de Cooperación informa favorablemente os expedientes de subvención relacionados no anexo aparte (II Relación Plan Concellos 2017 (Liña 3): Plan de Conservación e Funcionamento de Bens e Servizos Municipais) e a concesión das subvencións solicitadas segundo os importes que figuran en dito anexo, por un importe total seiscentos dezaoito mil catrocentos noventa e tres euros con trinta e oito céntimos (618.493,38 €) con cargo á aplicación orzamentaria 2017/942.9425.462.03 Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime Competencial: En virtude do establecido na base 16ª.2ª c) das Bases de Execución do Orzamento provincial e de conformidade co disposto nos artigos 34 e 35 da Lei 7/1985, de 2 de abril, reguladora das bases do réxime local, e no artigo 17 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións, a competencia para resolver atribúeselle á Xunta de Goberno. Por todo o exposto, á vista da documentación que obra no expediente, do informe da xefa do Servizo de Cooperación e do informe de Intervención, a Xunta de Goberno acorda por unanimidade: 1. Conceder subvencións, polo procedemento de concorrencia non competitiva, aos concellos que figuran en anexo aparte (I Relación Plan Concellos 2017 (Liña 3:) Plan de Conservación e Funcionamento de Bens e Servizos Municipais) para a contratación dos traballadores e categorías laborais que se relacionan no mesmo, por un importe total de seiscentos dezaoito mil catrocentos noventa e tres euros con trinta e oito céntimos (618.493,38 €) con cargo á aplicación orzamentaria 2017/942.9425.462.03. As subvencións concédense con suxeición ás bases reguladoras do plan, e, en particular, ás condicións seguintes: a) A selección do persoal levarase a cabo a través dos Servizos Públicos de Emprego, entre persoas desempregadas e que reúnan os requisitos establecidos na Base oitava correspondente á liña 3. b) Todos os contratos poderán estar iniciados dende o 01/01/2017 sen que en ningún caso a subvencionabilidade dos contratos poida exceder o 31/12/2017. No caso de que algún dos traballadores contratados renuncie ó contrato antes da súa finalización o concello poderá formalizar un novo contrato para substituír o anterior polo tempo restante. A relación laboral xurdida entre a entidade beneficiaria e o traballador non vinculará á Deputación de Pontevedra. c) O pagamento da subvención concedida farase efectiva da seguinte forma: i. O 50% ó inicio da actividade (ou servizo), que se xustificará co documento acreditativo expedido polo órgano ou empregado público competente. Aboarase segundo o número de contratos formalizados ata esa data e deberán identificarse as persoas traballadoras, as datas de inicio dos seus contratos, a categoría profesional e a duración dos seus contratos ii. O 50% restante ó finalizar a metade do prazo de duración do contrato, previa achega de documento acreditativo expedido polo órgano ou empregado público competente sobre a continuidade da actividade no que se faga constar o número de contratos, a súa categoría profesional, a identificación das persoas traballadoras e as datas de inicio e fin do contrato. d) En canto a xustificación, no prazo máximo de dous meses a partir do día seguinte ó da finalización da obra ou servizo, cómpre presentar no Rexistro da Deputación os seguintes documentos: i. Memoria final sobre as actividades realizadas e práctica profesional adquirida polos traballadores contratados. ii. Certificación de fin de servizo e do cumprimento dos requisitos e criterios sinalados nestas bases. iii. Certificación expedida polo funcionario público competente de que os gastos se realizaron e se aplicaron á finalidade subvencionada, quedando a disposición da Deputación para o seu exame os xustificantes correspondentes. Nesta certificación deberanse concretar as cantidades aboadas en concepto de salario e cotización empresarial á Seguridade Social e as cantidades deducidas na liquidación de cotas a ese mesmo organismo (modelo TC1) en concepto de incapacidade temporal das traballadoras e traballadores contratados con cargo a esta subvención, cuxa contía deberá excluírse do cálculo do gasto total elixible realizado polo Concello e que, no seu caso, dará lugar á obriga de reintegro á institución provincial. iv. Acreditación da publicidade do financiamento pola Deputación de Pontevedra do obxecto da subvención e) A non xustificación ou a xustificación insuficiente dará lugar o reintegro da subvención percibida con correspondentes xuros de demora nos termos previstos no artigo 37 da Lei 38/2003, de 17 de novembro, xeral de subvencións. 2. Darlle traslado da presente resolución ós interesados, ó Servizo de Intervención Provincial e ó Servizo de Cooperación. II RELACION PLAN CONCELLOS 2017 (LIÑA 3): PLAN DE CONSERVACION E FUNCIONAMENTO DE BENS E SERVIZOS MUNICIPAIS Concello Nº traballadores Obxecto da subvención (número de contratos, tipo de xornada e duración) Importe concedido A Guarda 17 2 axudantes camión do lixo, 1 oficial albanel, 2 axudantes albaneis, 3 peóns de desbroce, 2 varredores e 1 auxiliar para o centro cultural a xornada completa durante 10 meses; 1 técnico informático a xornada completa durante 8 meses; 1 conserxe en xornada de 25 h/semanais durante 8 meses; e 4 operarios/axudantes de limpeza de praias en xornada de 25 h/semanais durante 5 meses 154.852,58 € Oia 12 1 mozo recollida do lixo, 1 condutor-operador de maquinaria forestal e 1 condutor-operador de retroescavadora a xornada completa durante 10 meses; 2 albaneis e 2 peóns forestais a xornada completa durante 7 meses; e 2 albaneis e 3 peóns forestais a xornada completa durante 5 meses 94.434,08 € O Rosal 14 4 oficiais para revalorización de espazos públicos, 4 peóns de limpeza viaria, recollida do lixo e desbroce forestal, 1 auxiliar de axuda no fogar e 1 peón de limpeza de edificios municipais a xornada completa durante 9 meses; 1 operario de maquinaria forestal a xornada completa durante 6 meses; e 3 oficiais para revalorización de espazos públicos a xornada completa durante 4 meses 122.875,92 € Vila de Cruces 11 1 auxiliar administrativo e 10 peóns de obras e/ou forestais a xornada completa durante 10 meses 134.770,60 € Vilaboa 10 3 peóns forestais, 1 peón de obras públicas, 1 albanel, 1 condutor, 1 carpinteiro, 1 pintor e 2 limpadoras a xornada completa durante 10 meses 111.560,20 € TOTAL 618.493,38€ 7.25140.- RESOLUCIÓN DO CONTRATO DE EXECUCIÓN DAS OBRAS “SUBSTITUCIÓN DE CUBERTA NA PISCINA DO COMPLEXO POLIDEPORTIVO O POMBAL (CAMBADOS)” (Expte. nº2015018380) Resultando.- Que A Xunta de Goberno da Deputación, na súa sesión ordinaria celebrada o día 30/04/2015, acordou aprobar un convenio de colaboración entre a Deputación de Pontevedra e o Concello de Cambados co obxecto de levar a cabo as obras de substitución da cuberta da piscina climatizada de Cambados, e no que se establecía que a Deputación licitaría a obra. Resultando.- Que polo mesmo órgano, na súa sesión ordinaria celebrada o día 09/10/2015, acordouse adxudicar á empresa Ogmios Proyecto, S.L. (CIF B-15.886.328) o contrato de obras “Substitución de cuberta na piscina do Complexo Polideportivo O Pombal (Cambados)”, por un prezo de 471.295,00 € IVE incluído e un prazo de execución de catro meses. Resultando.- Que para facer fronte á execución desta obra Ogmios Proyecto, S.L. constituíu garantía definitiva por importe de 19.475,00 € segundo consta en carta de pagamento nº201500152639 de data 28/09/2015. Resultando.- Que con data 03/12/2015 formalízase acta de comprobación de reformulo negativa devido a que a Alcaldesa de Cambados solicita o retraso no comezo das obras debido a que suporían un obstáculo para o desenvolvemento das actividades no complexo durante esas datas, comezando as obras na primavera. Resultando.- Que con data 30 de novembro de 2016 o Servizo de Arquitectura da Deputación emite informe recollendo entre outros: “...que o contratista fai chegar unha serie de dúbidas que lle xorden ó estudar con profundidade o proxecto da obra, dando a entender que a obra é de difícil execución sen a redacción dun proxecto modificado, debido ó procedemento construtivo reflectido e por indefinicións do proxecto. As dúbidas consultadas pola empresa adxudicataria son as seguintes: 1. Desmontaxe instalación. ¿Demólense as bancadas? 2. Demolición do pavimento ¿Vestíbulo previo? 3. Na excavación a medición está sen desglose. 4. ¿Pilotes CPI-4 de diámetro 35 mm? (no existen). Execución da cimentación, problemas de espazos entre edificios colindantes e vaso de piscina. A Pilotadora soe pesar 40 Tn, hai que ver este punto detidamente. 5. Panel sandwich de cuberta ¿Acabado? ¿No orzamento Acoustichoc?¿Protección cara interior de piscina? 6. Vidrio SENIN GLASS 4+4/12/4+4 SUNERGU. Non compre para as dimensións que veñen grafiadas nos planos. 7. ¿Cerramento exterior de zonas laterais?.¿Aluminio lacado? 8. Fachada de panel de sandwich. ¿Onde vai? 9. ¿Solera e pavimento de baldosa?¿Vestíbulo previo? 10. Non hai planos de climatización. 11. Montaxe de proxectores. ¿Nos laterais? ¿Cableado? 12. Non hai axudas albañilería. 13. Encontros fachada con cuberta e fachada con estrutura de madeira. Detalles Construtivos. Definicións de acabados. Noutra ocasión, a empresa facilita plano de cimentación recalculado, solicitando a redacción dun proxecto modificado, insistindo na dificultade de realizar o proxecto tal e como ven definido. A este punto cabería engadir que a modificación do proxecto adxudicado contemplaría a previa solicitude de redacción dun proxecto modificado onde se incluirían, entre outros, cambios no capitulo de demolicións, un novo reformulo e cambio do sistema de cimentación (que podería contemplarse mediante encepados de micropilotes en vez de cimentación profunda por pilotaxe que é sistema proxectado). Incluír estas modificacións suporía unha adaptación da estrutura e das partidas de carpintería, ademais de modificar os acabados, definir e ampliar as partidas de instalacións contempladas no proxecto. Estímase que estas actuación acadarían un custe superior á porcentaxe do 10 % do orzamento do proxecto adxudicado. Por todo isto conclúese que para poder levar a cabo o proxecto adxudicado para a execución da obra “Substitución da cuberta na piscina do complexo polideportivo O Pombal (Cambados)” precisaríase facer un proxecto modificado, no que se reflectirían as unidades novas a executar, acadaría unha porcentaxe superior ó 10% do importe de adxudicación primitivo. (..) As instalacións do complexo municipal non se atopan nun bo estado. O acceso á piscina á zona do spa, atópanse en deficiente estado de conservación, presuponse que por falta de cimentación da estrutura. A estrutura metálica que sostén a cuberta do corredor de conexión entre vestiarios e zonas húmidas está completamente corroída. Non existen sistemas efectivos de control de humidade nin de renovación de aire, polo que se observan de forma xeneralizada condensacións en superficies frías. O estado Xeral da unidade de control de ambientes da piscina principal non permite a súa reparación nin a súa reutilización. Na solución da cuberta proxectada, non se contemplan aspectos fundamentais para as instalacións da piscina... En xeral o proxecto adxudicado considérase de difícil execución nas solucións construtivas expostas e básico nas definicións dos acabados. O mais adecuado, dende o punto de vista técnico, entre as dúas solucións posibles sería facer un novo proxecto único no que se recollan as necesidades reais das instalacións municipais non so a renovación da envolvente da piscina, senón tamén da zona de acceso á piscina e spa, e débese contemplar a renovación das instalacións de control de ambientes adecuados ó edificio, conforme á normativa vixente...” Resultando.- Que con data 01/12/2016 o Xefe do Servizo de Contratación emitiu informe co seguinte contido: “...Non cabería a posibilidade de redactar un modificado xa que o mesmo estimase cun custe superior o 10%, o cal supera o limite establecido pola lei, sendo unha condición preclusiva que debe de cumprirse, e que ten un carácter obxectivo para que poida entenderse que non se alteran as condicións. Así mesmo, sen prexuízo disto, e tras examinar o informe técnico pódese colegir que as modificacións que habería que levar a cabo despréganse máis alla que dunha somera rectificación para poder executar a obra tal e como estaba proxectada, senón que parece inferirse que ten un nivel de profundidade que levaría a incumprir os requisitos 107.3 do TRLCSP para non ser considerado unha modificación substancial do contrato. Tendo en conta que non é posible modificar o contrato, e que existe a imposibilidade de executar a prestación nos termos inicialmente pactados debe procederse a resolución do contrato de conformidade co previsto no apartado g) do artigo 223 do TRLCSP. A resolución conleva o dereito do contratista a unha indemnización do 3% do importe da prestación deixada de realizar. (art. 225.5 TRLCSP) Ao tempo de incoarse o expediente administrativo de resolución do contrato pola causa establecida, poderá iniciarse o procedemento para a adxudicación do novo contrato, aínda que a adxudicación deste quedará condicionada á terminación do expediente de resolución. Aplicarase a tramitación de urxencia a ambos os procedementos...” Resultando.- Que solicitado informe ó Secretario da Deputación, este emitiu o mesmo na data 05/12/2016 co seguinte contido: “...préstase conformidade ó informe do Xefe do Servizo de Contratación de data 1 de decembro de 2016 e na súa consecuencia infórmase favorablemente...” Resultando.- Que de conformidade co artigo 109.1.a) do Real Decreto 1098/2001, de 12 de outubro, polo que se aproba o Regulamento Xeral da Lei de Contratos das Administracións Públicas, conferíuselle ó contratista un prazo de dez días para que fixera as alegacións que estimara oportunas e concretamente se mostraba a súa conformidade ou oposición á resolución do contrato, constando acuse de recibo da citada notificación na data 14 de decembro de 2016, sen que á data de hoxe o adxudicatario presentara escrito algún, polo que se entende que non presta oposición á citada resolución. Resultando.- Que solicitado informe ó Servizo de Intervención, este emite o mesmo na data 19/01/2017 co seguinte contido: “...Examinado o expediente, esta Intervención considera que a causa de resolución deste contrato é a recollida no artigo 223.g) do TRLCSP, tendo dereito o contratista a percibir por todos os conceptos unha indemnización do 3% do prezo de adxudicación (art. 239.3 do TRLCSP) que ascende á cantidade de 14.138,85 euros con cargo á aplicación orzamentaria 17/340.3420.652.00.2015 (proxecto de gasto 2015018380), Asemade, de acordo co artigo 120.1 do TRLCSP deberá devolverse a garantía unha vez declarada a resolución do contrato sen culpa do contratista...” Considerando.- Que entre as prerrogativas da Administración, recollidas no capítulo II do libro IV do TRLCSP, atópase a modificación dos contratos por razóns de interese público. Considerando.- Que Xunta Consultiva de Contratación Administrativa do Estado no seu informe 20/03 de 12 de marzo de 2004, onde recorda o carácter restritivo con que deben de interpretarse as facultades “que ostenta a Administración para a modificación dos contratos, afirmando, incluso, que unha vez celebrado o contrato mediante licitación pública, a oferta do adxudicatario en canto ó prezo e demais condicións, non pode ser alterada sustancialmente pola vía de modificación consensuada, por constituír un obstáculo ós principios de libre concorrencia e boa fe que deben presidir a contratación pública”. Considerando.- Que é unha condición preclusiva que debe de cumprirse, e que ten un carácter obxectivo para que poida entenderse que non se alteran as condicións esenciais e que resulta de que as modificacións deste proxecto non poderán igualar ou exceder, en mais ou en menos, ó 10 por cento do prezo de adxudicación do contrato; no caso de modificacións sucesivas, o conxunto delas non poderá superar este límite. Por todo iso, se considera que non cabería a posibilidade de autorizar a redacción dun modificado nestes termos. Considerando.- Que o artigo 223.g) do TRLCSP, recolle en relación coa resolución dos contratos, o seguinte: “g) A imposibilidade de executar a prestación nos termos inicialmente pactados ou a posibilidade certa de produción dunha lesión grave o interese público de continuarse executando neses temos, cando non sexa posible modificar o contrato conforme ó disposto no título V do libro I” Considerando.- Que o artigo 225.5 do TRLCSP, establece que: ” Cando a resolución se acorde polas causas recollidas na letra g) do artigo 223, o contratista terá dereito a unha indemnización do 3 por cento do importe da prestación deixada de realizar, salvo que a causa sexa imputable o contratista”. Considerando.- Que o artigo 225.6 do mesmo texto legal, recolle o seguinte: “ Ó tempo de incoarse o expediente administrativo de resolución do contrato pola causa establecida na letra g) O tempo de incoarse o expediente administrativo de resolución do contrato pola causa establecida na letra g) do artigo 223, poderá iniciarse o procedemento para a adxudicación do novo contrato, se ben a adxudicación deste quedará condicionada á terminación do expediente de resolución. Aplicarase a tramitación de urxencia en ambos procedementos”. Considerando.- Que o artigo 102.1 do TRLCSP establece que: “1. A garantía non será devolta ou cancelada ata que se producira o vencemento do prazo de garantía e cumprido satisfactoriamente o contrato de que se trate, ou ata que se declare a resolución deste sen culpa do contratista”. A Xunta de Goberno acorda por unanimidade: 1. Resolver o contrato de obras “Substitución de cuberta na piscina do Complexo Polideportivo O Pombal (Cambados)”, sen culpa do contratista. 2. Autorizar o gasto e declarar o aboo da cantidade de 14.138,85 € con cargo á aplicación orzamentaria 17/340.3420.625.00.2015, a favor de Ogmios Proyecto, S.L. (CIF B15886328) en concepto de indemnización do 3% do prezo de adxudicación da citada obra. 3. Devolver a garantía constituída por Ogmios Proyecto, S.L. (CIF B15886328) para facer fronte á execución da obra “Substitución de cuberta na piscina do Complexo Polideportivo O Pombal (Cambados)”, por importe de 19.475,00 € segundo consta en carta de pagamento nº 201500152639 de data 28/09/2015. 8.25141.- REINTEGRO DE CANTIDADE Ó CONCELLO DE VALGA RELATIVA Ó CONVENIO PARA A EXECUCIÓN DA OBRA “PAVIMENTACIÓN E DOTACIÓN DE SERVIZOS NA E.P. 8501 VALGA-MARTORES, P.K. 0+000 A 1+040 (VALGA)” (Expte. nº2014014742) Con data 30/09/2014 a Deputación de Pontevedra e o Concello de Valga asinaron convenio de colaboración para a execución da obra comprendida no proxecto “Pavimentación e dotación de servizos na E.P. 8501 Valga-Martores, dende o p.k. 0+000 ó p.k. 1+040 (Valga)”. Este convenio foi aprobado pola Xunta de Goberno na sesión ordinaria que tivo lugar o día 19 de setembro de 2014. O importe do citado convenio ascendeu á cantidade de 683.530,55 € dos que a Deputación achegaría 512.647,92 € e o Concello de Valga 170.882,63 €. A Xunta de Goberno da Deputación de Pontevedra, na súa sesión ordinaria celebrada o día 17/04/2015 acordou adxudicar á empresa Elsamex, S.A. o contrato de obras “Pavimentación e dotación de servizos na E.P. 8501 Valga-Martores, p.k. 0+000 a 1+040 (Valga)”, polo importe de 519.090,00 € IVE incluído, sendo o porcentaxe de baixa dun 24,058 % e un importe de 164.440,55 €. Con data 12/09/2016 formalizouse acta de recepción da obra. Mediante escrito de data 21/10/2016 o Concello de Valga solicitou que se procedera a transferir a ese concello o importe de 41.110,14 € que lle corresponde polo financiamento aportado en exceso á execución da obra “Pavimentación e dotación de servizos en E.P. 8501 Valga-Martores, p.k. 0+000 a 1+040 (Valga)”, en cumprimento do convenio asinado. Solicitado informe á Intervención este emite o mesmo na data 18/01/2017 co seguinte contigo: “... Tendo en conta a cláusula cuarta do citado convenio e considerando que con data 02 de decembro de 2016 realizouse o mandamento de pago á empresa construtora Elsamex por importe de 51.493,72 € correspondente á certificación final (de excesos de medición) corresponde reintegrar ó Concello de Valga a cantidade de 28.236,17 €, unha vez deducida a parte proporcional do Concello correspondente a ditos excesos. Na aplicación orzamentaria 17/456.453.612.02 existe crédito suficiente para facer fronte a este gasto, a cuxo efecto se emitiu o documento RC n 20170008877 por importe de 28.236,71 €. Considerando que a Xunta de Goberno foi o órgano que aprobou o convenio entre a Deputación de Pontevedra e o Concello de Valga para a execución da obra “Pavimentación e dotación de servizos na E.P. 8501 Valga-Martores, dende o p.k. 0+000 ó p.k. 1+040 (Valga)” e tendo en conta o establecido na cláusula cuarta do citado convenio, así como o informe de intervención de data 18 de xaneiro de 2017. A Xunta de Goberno acorda por unanimidade: 1. Reintegrar o Concello de Valga a cantidade de vinte e oito mil douscentos trinta e seis euros con setenta e un céntimos (28.236,71 €), en concepto de parte proporcional relativa á baixa de adxudicación da obra “Pavimentación e dotación de servizos na E.P. 8501 Valga-Martores, dende o p.k. 0+000 ó p.k. 1+040 (Valga)”. 2. A cantidade a reintegrar o Concello de Valga imputarase a aplicación orzamentaria 17/456.4530.612.02 do vixente Orzamento provincial (RC nº 201700008877). 9.25142.- DEVOLUCIÓN DE GARANTÍAS DEFINITIVAS a)Devolución de garantías definitivas á empresa Grupisa Infraestructuras, S.A. A empresa Grupisa Infraestructuras, S.A. (CIF A 28.423.853), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Subministración de material de sinalización e seguridade viaria diverso con destino á vías provinciais para o ano 2006”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de Banco Popular, por importe de dous mil catrocentos euros (2.400,00 €), para responder do contrato relativo á obra “Subministración de material de sinalización e seguridade viaria diverso con destino á vías provinciais para o ano 2006”, que foi depositada na Tesourería Provincial o 20/06/2006, segundo mandamento de ingreso con número de operación 200600055812. b)Devolución de garantías definitivas á empresa Construcións, Obras e Viais, S.A. (COVSA) A empresa Construcións, Obras e Viais, S.A.- COVSA (CIF A 36.008.886), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Mellora da capa de rodaxe e drenaxe superficial na E.P. Donas Mañufe, P.K. 0+000 a 3+300 (Gondomar)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do R.D.L. 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de Banco Popular, por importe de sete mil vinte e catro euros con setenta e nove céntimos (7.024,79 €), para responder do contrato relativo á obra “Mellora da capa de rodaxe e drenaxe superficial na E.P. Donas Mañufe, P.K. 0+000 a 3+300 (Gondomar)”, que foi depositada na Tesourería Provincial o 30/04/2014, segundo mandamento de ingreso con número de operación 201400052651. c)Devolución de garantías definitivas á empresa Suso Fernández, S.L. A empresa Suso Fernández, S.L. (CIF B 32.283.624), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Modificado do Pavillón Polideportivo de Beluso (Bueu)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de Banco Popular, por importe de cinco mil novecentos tres euros con noventa céntimos (5.903,90 €), para responder do contrato relativo á obra “Modificado do Pavillón Polideportivo de Beluso (Bueu)”, que foi depositada na Tesourería Provincial o 26/06/2007, segundo mandamento de ingreso con número de operación 200700052713. d)Devolución de garantías definitivas á empresa Xestión Cultural Áurea, S.L. A empresa Xestión Cultural Áurea, S.L. (CIF B 36.394.203), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Xestión, desenvolvemento e execución do programa social Pensa en Ti 2015”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do R.D.L. 3/2011, de 14 de novembro, ,polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de ABANCA, por importe de trece mil cincocentos noventa e cinco euros con catro céntimos (13.595,04 €), para responder do contrato relativo a “Xestión, desenvolvemento e execución do programa social Pensa en Ti 2015”, que foi depositada na Tesourería Provincial o 20/04/2015, segundo mandamento de ingreso con número de operación 201500055763. e)Devolución de garantías definitivas á empresa Áridos Ponteareas, S.L. A empresa Áridos Ponteareas, S.L. (CIF B 36.011.419), mediante escrito presentado perante esta Deputación, solicita a devolución das fianzas definitivas constituídas para responder do contrato de “Aluguer de maquinaria e vehículos de transporte e de aluguer de materiais para o ano 2011 (Lotes 60, 66 e ampliación do lote 66)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución das seguintes garantías: • A garantía definitiva constituída en valores, mediante aval de NOVACAIXAGALICIA, por importe de tres mil noventa e dous euros con cincuenta céntimos (3.092,50 €), para responder do contrato relativo a “Aluguer de maquinaria e vehículos de transporte e de aluguer de materiais para o ano 2011 (Lote 60)”, que foi depositada na Tesourería Provincial o 09/06/2011, segundo mandamento de ingreso con número de operación 201100047204. • A garantía definitiva constituída en valores, mediante aval de NOVACAIXAGALICIA, por importe de dous mil catrocentos noventa euros (2.490,00 €), para responder do contrato relativo “Aluguer de maquinaria e vehículos de transporte e de aluguer de materiais para o ano 2011 (Lote 66)”, que foi depositada na Tesourería Provincial o 09/06/2011, segundo mandamento de ingreso con número de operación 201100047202. • A garantía definitiva constituída en valores, mediante aval de NOVACAIXAGALICIA, por importe de dous mil catrocentos noventa euros (2.490,00 €), para responder do contrato relativo “Aluguer de maquinaria e vehículos de transporte e de aluguer de materiais para o ano 2011 (Ampliación do lote 66)”, que foi depositada na Tesourería Provincial o 09/11/2011, segundo mandamento de ingreso con número de operación 201100094798. 10.25143.- DESESTIMACIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR D.CARLOS E. BORRÁS DÍAZ DE RÁBAGO EN REPRESENTACIÓN DE DNA. BLANCA RODRÍGUEZ LÓPEZ POR CAÍDA NA BEIRARRÚA DA E.P. 4006 NO CONCELLO DE AS NEVES Dada conta que con data de rexistro 05/04/2016 (rex. núm. 2016034678) tivo entrada nesta Deputación instancia en solicitude de indemnización por responsabilidade patrimonial subscrita por D. Carlos E. Borrás Díaz de Rábago en representación de DªBlanca Rodríguez López, por lesións padecidas a consecuencia dunha caída ó tropezar cos restos dun tronco dunha árbore cortada no medio da beirarrúa da E.P. 4006 Ponteareas-As Neves, no Concello de As Neves, o día 10/07/2013 e que cuantificou economicamente en 38.763,45 €. Resultando.- Que con data 03/05/2016 en con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172.2 do R.d. 2568/86, solicitouse informe ó Servizo de Mobilidade da Deputación, que o emitiu na data 22/08/16 co seguinte contido literal: “PRIMEIRO.- A estrada E.P. 4006 PONTEAREAS-ASNEVES pertence á rede provincial de estradas. SEGUNDO.- O mantemento da estrada pertence ó Servizo de Mobilidade dentro da conservación rutineira das estradas provinciais. TERCEIRO.- Non nos constan avisos nin accidentes similares nese punto da estrada ó longo de todo o ano no que aconteceu. CUARTO.- Ao non ter coñecemento do perigo nese punto non había, por tanto, sinalización do mesmo. OUTRAS CONSIDERACIÓNS.- Non consta copia do atestado da Garda Civil nin parte de incidencia nesa estrada o día sinalado (achéganse copias dos partes ao longo do 2013 na estrada provincial). A E.P. 4006 PONTEAREAS-AS NEVES ten una lonxitude total de 12.90 metros lineais. O P.K. do accidente é aproximadamente o 12 + 800, cerca do Concello de As Neves e xa no seu núcleo urbano. A Enxeñeira de Mobilidade Belén Pampín Camino_____________________________________________ Resultando.- Que con data 26/08/2016 solicitouse informe complementario ó Servizo de Mobilidade acerca de a quén correspondía o mantemento da citada beirarrúa, contestando na data 29/09/2016 o seguinte: “Como se indicou no informe da data 19 de agosto, o mantemento da estrada E.P. 4006 PONTEAREAS-AS NEVES pertence ao servizo de Mobilidade dentro da conservación rutineira da rede provincial. É dicir, a beirarrúa nese tramo é atendida habitualmente pola brigada responsable da zona”. A Enxeñeira de Mobilidade Belén Pampín Camino_____________________________________________ Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31.1 a) e 142.5 da Lei 30/92 (vixentes no momento de presentarse a reclamación). Considerando.- Que non quedou acreditada a relación de causalidade (artigos 139.1 da Lei 30/92 e 13.2 do R.d. 429/93) co material probatorio aportado ó expediente, antes ó contrario, queda demostrada a non responsabilidade desta Deputación no evento lesivo, pois a forza causacional débese única e exclusivamente á actitude tórpida da accidentada, que posuíndo o control da situación no foi quen de evitar da caída. Así, do expediente despréndese o seguinte: - A reclamante non achega ningunha proba ó expediente que permita demostrar a veracidade do relatado, só aporta a súa manifestación subxectiva e interesada acerca do acaecido, acompañada de dúas testemuñas que segundo relata, ían con ela no momento da caída, sendo xurisprudencia reiterada do Tribunal Supremo a que establece a carga que incumbe á parte interesada de pór a disposición do instrutor do procedemento un mínimo principio probatorio, obriga obviada no presente caso. - A reclamante debeu presumir que dito alcorque cheo de herbas, como se aprecia nas fotografías achegadas xunto coa reclamación, podería ocultar baixo as mesmas algún perigo e polo tanto, debeu ter a precaución de non transitar por enriba do mesmo. - Segundo o relatado polas testemuñas do acaecido, aportadas pola reclamante xunto coa instancia, o sucedido tivo lugar sobre as 23:05 horas da noite, sendo deber das persoas a deambulación dilixente, máxime cando se trata de horas nocturnas, manifestando ditas testemuñas que “a zona a pesar de dispor de iluminación pública, ten bastante penumbra e dificulta a visibilidade”. - Nas fotografías aportadas pola reclamante obsérvase que, polo seu tamaño, o alcorque era perfectamente visible. - Existía mais espazo na beirarrúa para pasar e evitar transitar por riba de dito alcorque. Inidoneidade do alcorque como lugar de paso, tránsito ou deambulación. - Non se produciron mais caídas pola mesma causa. Nesta liña argumental entendérono precedentes similares, como os que se citan “ad exemplum”: “… El comportamiento humano implica soportar los pequeños riesgos que una eventual falta de cuidado y atención comporta…” Sentencia de 2 de marzo de 2006 da Sala Primeira (do Civil) do T.S., LA LEY JURIS 11410/2006; e na mesma liña: - Sentenza do 9 de maio de 2000 do T.S. - Sentenza do 26 de marzo de 2004 do T.S.X.G. - Sentenza do 10 de marzo de 2005 da Sala do Contencioso-Administrativo do T.S.J. de Canarias. - Sentenza do 30 de novembro de 2005, da Sección 14ª da Audiencia Provincial de Barcelona. - Sentenza do 23 de decembro de 2005 da Sala do Contencioso-Admistrativo, Sección 2ª, do T.S.J. de Castilla y León. - Sentenza do 3 de marzo de 2006 da Sala Primeira (do Civil) do T.S. - Sentenza do 9 de marzo de 2006, da Sección 1ª do T.S.J. de Andalucía. - Sentenza do 6 de abril de 2006, da Sección 3ª do T.S.J. de Andalucía. - Ditame do Consello Consultivo de Galicia 877/06. - Sentenza 262/2011 do Xulgado de Contencioso-Administrativo nº 1 de Pontevedra. - Sentenza 156/2010 do Xulgado do Contencioso-Adminstrativo nº 3 de Pontevedra: “…aún en el caso de reconocer ese déficit en las medidas, sea de seguridad sea de vigilancia, a adoptar respecto a la zona en obras, tampoco sería posible hablar de nexo casual directo (…). Al contrario, todo parece indicar que fue una desatención por parte del peatón en las condiciones de la vía la que originó el siniestro…” - Sentenza 20/2012 do Xulgado do Contencioso-Administrativo nº 2 de Pontevedra: “Por tanto, ni el estado de la acera en ese punto puede considerarse sorpresivo para el peatón, ni se puede considerar que fuese un obstáculo imprevisible e inevitable, pues se aprecia claramente por una persona con diligencia media con un deambular normal, existiendo más espacio en la acera para pasar, de forma que ha de considerarse que Dª. Victoria iba distraída y perdió el equilibrio cayendo en la acera (…) Se acredita la causa de exoneración consistente en culpa de la víctima, pues a esta tambien le es exigible la deambulación diligente, sin que quepa hacer del carácter objetivo de la responsabilidad patrimonial de la Administración Pública una especie de aseguradora universal de todos los daños que se produzcan…” - Sentenza 252/2013 do Xulgado do Contencioso-Administrativo nº 1 de Vigo: “…el daño ha de imputarse a la falta de atención y cuidado del peatón, daño que tenía el deber jurídico de soportar y que desde esta perspectiva, no puede calificarse como de antijurídico…” - Sentenza 150/2016 do Xulgado do Contencioso-Administrativo nº 1 de Pontevedra: “…Es exigible a cualquier viandante una mínima diligencia y cuidado cuando transita, que se concreta lógicamente en un deber de atención y cuidado”. - Sentenza 210/2016 do Xulgado Contencioso-Administrativo nº 3 de Pontevedra: “(…) Eventual falta de atención, comportamiento desatento, o falta de diligencia básica debida en el actuar de la peatón lesionada. Sumado a la evidente dificultad para mantener en un impecabilísimo estado de conservación todas las aceras y vías públicas … y a la falta de demostración de que Mª. Dolores sufriera algún tipo de dolencia, enfermedad o discapacidad física, que le impidiera asegurar el paso en términos más o menos razonables, así como de que en ese mismo lugar hubiera sufrido otra caída algún otro viandante en fechas cercanas, así como a la condición del punto concreto donde se encontraba el desnivel de zona por la que no tiene que transitar el peatón, en tanto se encuentra dentro del alcorque instalado para un árbol y en una acera de considerables dimensiones (lo cual dejaba un muy buen espacio libre para la deambulación de la peatón aquí lesionada) entiendo que impide tener por cierta la acreditación suficiente para este supuesto de la existencia de un nexo causal eficiente, directo, entre daño o lesión por el que se reclama y el funcionamiento de un servicio público municipal. Por lo dicho procede la desestimación del presente recurso”. Considerando.- Que en supostos con identidade de razón, caídas que tiveron lugar no Palacete das Mendoza, nas inmediacións do Sexto Edificio do Museo ou en diferentes beirarrúas, foron desestimadas as solicitudes de indemnización, sen que os reclamantes tiveran acudido á vía xudicial, conscientes de que hai accidentes que dependen unicamente da dilixencia na deambulación de quen os sufre, e que, atendendo á fundamentación e razoamentos do acordo notificado, declinaron interpoñer, xa non recurso na vía administrativa, senón nin sequera na orde contenciosa. Considerando.- Que non se produciron outras caídas na beirarrúa, o que incide nun comportamento tórpido da accidentada, máxime cando o lugar é moi transitado diariamente por tratarse da beirarrúa da fachada do instituto I.E.S. Pazo da Mercé, o que permite facer descansar, racional e razoablemente e de xeito exclusivo, a responsabilidade na reclamante. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do Rd 2568/86 e Rd 429/93 (normativa aplicable no momento de presentarse a reclamación e que agora procede invocar con fundamento na Disposición Transitoria Terceira da Lei 39/2015 de Procedemento Administrativo Común das Administracións Públicas). Considerando.- Que o presente acordo cumprimenta o establecido nos artigos 89.1 e 54.1 b) da Lei 30/92 en relación co 13.2 do Rd 429/93, referido á desestimación argumentada da reclamación. A Xunta de Goberno acorda por unanimidade desestimar a solicitude 11.25144.- DESESTIMACIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR D. SANTIAGO PALLARES FONTÁN POR DANOS EN VEHÍCULO NA E.P. 8101 PORTAS-ROMAI NO CONCELLO DE PORTAS Dada conta que con data de rexistro 03/08/2015 (rex .núm. 2015084493) o Concello de Portas da traslado a esta Deputación de instancia en solicitude de indemnización por responsabilidade patrimonial subscrita por D. Santiago Pallares Fontán, con enderezo a efectos de notificacións en Lugar A Rapeira nº 34, no Concello de Portas, por danos en vehículo padecidos pola perda de adherencia do mesmo a consecuencia do mal estado da calzada da E.P. 8101 Portas-Romai, no Concello de Portas, o día 18/07/2015 e que cuantificou economicamente en 2.648,44 €. Resultando.- Que na data 04/08/2015 e con fundamento nos artigos 82 e 83 da Lei 30/92, solicitouse informe ó Servizo de Infraestruturas, que o emitiu na data 11/08/2015 co seguinte contido: “Primeiro. A estrada E.P. 8101 Portas-Romai pertence á rede provincial de estradas. Segundo. Non nos constan avisos por parte do servizo de emerxencias 112-SOS GALICIA de accidentes similares nesa estrada nas datas próximas ao accidente acontecido. Terceiro. Ás 14.40 horas se nos comunica por parte do 112-SOS GALICIA a incidencia na nosa rede viaria. É entón cando a brigada de conservación e mantemento acude ao lugar para proceder á limpeza dos restos do accidente acontecido na estrada. Cuarto. Neste mesmo mes chega un escrito por parte do Concello de Portas advertindo dun problema nese punto quilométrico da estrada provincial, é por iso que se toma a decisión desde este servizo de realizar un estudio pormenorizado que permita resolver as posibles causas deste tipo de incidentes na vía”. Pontevedra, 11 de agosto de 2015 A Enxeñeira de Infraestruturas Belén Pampín Camino-------------------------------------------------------------------------------------------- Resultando.- Que con data 11/09/2015, e con fundamento no artigo 4.1 c) da Lai 30/92, solicitouse informe a Protección Civil de Portas acerca de se tiveron coñecemento deste sinistro ou doutros acaecidos pola mesma causa, se tiveron ocasión de comprobar o mal estado da calzada e, de ser o caso, se realizaron algunha tarefa de revisión ou mantemento da citada vía, contestando na data 18/09/2015 o seguinte: “Con data 16/08/2015 recibimos unha solicitude de informe desta Deputación Provincial de Pontevedra con nº de rexistro de saída 2015022143, onde se nos preguntaba o seguinte: 1.- (PREGUNTA) Si tiveramos coñecemento deste sinistro ou de outros acaecidos pola mesma causa. A contestación é sí. Tivemos constancia deste accidente concreto de D. Santiago Pallares Fontán, dado que asistímolo coa nosa presenza. Si tiveramos constancia doutros accidentes a resposta tamén é sí. Varios veciños do lugar dixéronnos que houbera mais saídas de vía no mesmo lugar, cos mesmos síntomas e no mesmo día, aínda que, iso sí, os danos foron menores. E nos mesmos xa temos asistido a outros accidentes en outros anos anteriores. 2.- (PREGUNTA) Si tiveramos ocasión de comprobar o mal estado da calzada. A resposta é sí, comprobamos in situ que o chan estaba esvaradío. 3.- (PREGUNTA) Se realizamos algunha tarefa de revisión ou mantemento da vía. A resposta é que nós non somos quén a facer labouras de mantemento deste tipo de viais por estes motivos. Somentes facemos as labouras puntuais de sinalización cando ocorre un sinistro e permanecendo as sinais ata que desapareza o perigo ou se faga cargo o servizo de vías e obras da propia Deputación Provincial de Pontevedra, onde nós pasamos a un segundo plano colaborando con estes para a rápida solución do problema. Tamén queremos dicir que cando notamos algo anormal en calquera dos viais que vertebran o noso Concello de Portas, sempre damos rápida conta do problema ó servizo de mantemento desta Deputación Provincial a través do 112 Galicia ou ó Servizo de obras do Concello de Portas, dependendo de quen sexa a competencia da actuación a realizar. Esperamos que as respostas satisfaceren o interese dese departamento xurídico, quedando así á espera de calquera outra pregunta da que poidamos dar nova conta. Asdo. Xefe de quenda José Miguel Rivas Alonso-------------------------------------------------------------------------------------”. Resultando.- Que con data 17/09/2015 solicitouse informe complementario ó Servizo de Infraestruturas desta Deputación para que informase acerca de se tiveron coñecemento das circunstancias concretas nas que tivo lugar o accidente e se a causa eficiente do mesmo coincidía co relatado pola reclamante na instancia, contestando na data 09/03/2016 o seguinte: “Non temos a información precisa para poder determinar as circunstancias concretas nas que aconteceu o accidente”. Resultando.- Que con data 15/02/2016, e debido á acumulación de tarefas no Servizo de Infraestruturas desta Deputación, ampliouse o prazo para resolver, pois estaba pendente a emisión por ese Servizo do informe relativo ó estudo pormenorizado ó que se referiu no informe de data 11/08/2015, transcorrendo varios meses ate a emisión do mesmo. Resultando.- Que con data 14/10/2016 o Servizo de Mobilidade da Deputación emite o seguinte informe complementario: “A estrada E.P. 8101 PORTAS-ROMAI pertence á rede provincial de estradas polo que fomos informados por parte do Concello de Portas dun problema no punto quilométrico 3 + 600 da estrada provincial. Tómase entón por parte deste Servizo a decisión de realizar un estudio que permita resolver as posibles causas deste tipo de incidencias na vía. PRIMEIRO Faise unha inspección visual por parte de servizo de vixilancia na que se determina que a limitación de velocidade nesta curva (50 km/h) é a axeitada neste punto. Cumpre coa ORDENANZA DE SEGURANZA VIARIA DA DEPUTACIÓN PROVINCIAL DE PONTEVEDRA (publicada no BOP de 23 de xuño de 2010) que establece uns límites máximos de velocidade en función da sección media da estrada e da existencia ou non de beiravías nelas, ademais de determinar a velocidade máxima nas travesías e vías urbanas. No seu Artigo 4 dedica unha atención especial ás velocidades máximas permitidas de xeito que minoren o risco de atropelos e que, no caso de se produciren, reduzan a súa gravidade. As características das vías determinarán estas velocidades máximas a fixar, tendo en conta especialmente a existencia ou carencia dunha banda practicable (beirarrúa, beiravía,…) para a circulación de peóns ou ciclistas. No apartado c) deste mesmo artigo indica “Estradas cuxa zona de circulación teña unha sección inferior aos 6 metros, con ou sen beiravías, a velocidade máxima será de 50 km/h”. Este apartado coincide coa sección da estrada provincial E.P. 8101PORTAS-ROMAI en toda a súa lonxitude. SEGUNDO Faise un levantamento topográfico do treito para estudar un posible erro no peralte do firme ou nas aliñacións que puidera orixinar esta clase de incidencias na rede. Comprobadas as características da vía en planta e alzado coas recomendacións para este tipo de estrada, verifícase que a curva está executada dentro dos parámetros teóricos óptimos (se achega planos en planta e perfil lonxitudinal cos valores sinalados). CONCLUSIÓN Para finalizar, aínda que as condicións da vía non sexan determinantes, temos que dicir que o estado do firme actual recomenda a súa rehabilitación polo que esperamos executar un proxecto de reforzo do firme así como unha mellora na sinalización vertical e horizontal no treito entre o punto quilométrico 3 + 150 ao 4 + 120 da estrada coa fin de mellorar en xeral a seguridade viaria da vía e minimizar en todo caso este tipo de incidencias (achégase plano da actuación). Pontevedra, 14 de outubro de 2016 A Enxeñeira de Mobilidade Belén Pampín Camino-------------------------------------------------------------------------------------------- Resultando.- Que con data 28/11/2016 solicitouse informe complementario ó Servizo de Mobilidade acerca do tempo que tardou a brigada, dende a chamada ou aviso, en chegar ó lugar do accidente para proceder á limpeza dos restos do mesmo, contestando na data 11/01/2017 o seguinte: “Actualmente o capataz responsable da brigada non se atopa en activo. Consultado cun dos traballadores de garda que acudiu a cubrir o incidente, sobre o tempo de resposta da brigada responsable, estimou que fora aproximadamente de 30-40 minutos, xa que nese intre estaban atendendo outra incidencia na rede provincial nun concello próximo. Pontevedra, 11 de xaneiro de 2017 A Enxeñeira de Mobilidade Belén Pampín Camino”------------------------------------------------------------------------------------------ Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31.1 a) e 142.5 da Lei 30/92 (normativa vixente no momento de presentación da reclamación e que agora procede invocar con fundamento na Disposición transitoria Terceira da Lei 39/2015). Considerando.- Que non quedou acreditada a relación de causalidade (artigos 139.1 da Lei 30/92 e 13.2 do R.d. 429/93) co material probatorio aportado ó expediente, antes ó contrario, queda demostrada a non responsabilidade desta Deputación no evento lesivo, pois a forza causacional reside nun vertido dunha sustancia deslizante na calzada que puidera provir dun terceiro que, precedentemente, utilizou esa vía e que de forma consciente ou non, a derramou, atopándonos ante un suposto de forza maior (caracterizado pola súa externalidade e imprevisibilidade, que motiva a súa irresistibilidade e consecuente inevitabilidade), ó que é alleo esta Deputación, polo que dificilmente se lle poden atribuír as consecuencias indemnizatorias, xa que a mera detentación material dunha infraestrutura, non a converte nunha aseguradora universal de todos os riscos. Considerando.- Que o atestado realizado por Protección Civil de Portas, achegado polo reclamante xunto co escrito de data 23/09/2015, sinala que puideron comprobar in situ que o chan estaba esvaradío, así como que a vía se atopaba semi-mollada, xa que orballara facía un par de horas, polo que de terse adecuado a velocidade do vehículo ás circunstancias esixidas pola vía, tendo en conta asemade que a limitación de velocidade nese punto é de 50 km/hora, o accidente non se tería producido, o que fai descansar a responsabilidade, concorrente coa la forza maior, no condutor do vehículo. Así, segundo recolle o artigo 45 do R.d. 1428/03, de 21 de novembro, que aprobou o Regulamento Xeral de Circulación, “todo conductor está obligado a respetar los límites de velocidad establecidos y a tener en cuenta sus propias condiciones físicas y psíquicas, las características y el estado de la vía, del vehículo y de su carga, las condiciones meteorológicas, ambientales y de circulación y, en general, cuantas circunstancias concurran en cada momento, A FIN DE ADECUAR LA VELOCIDAD DE SU VEHÍCULO A LAS MISMAS, DE MANERA QUE SIEMPRE PUEDA DETENERLO DENTRO DE LOS LÍMITES DE SU CAMPO DE VISIÓN Y ANTE CUALQUIER OBSTÁCULO QUE PUEDA PRESENTARSE”. Asemade, o artigo 46 do citado Regulamento sinala que: “1. Se circulará a velocidad moderada y, si fuera preciso, se detendrá el vehículo cuando las circunstancias lo exijan, especialmente en los casos siguientes: g) Al circular por pavimento deslizante o cuando pueda salpicarse o proyectarse agua, gravilla u otras materias a los demás usuarios de la vía”. k) En los casos de niebla densa, lluvia (…) Polo seu lado, a Lei 18/1989, de 25 de xullo, de Bases sobre Tráfico, Circulación de Vehículos a Motor e Seguridade Vial, no artigo 3.3 da base cuarta recolle o seguinte: “…Los conductores quedarán especialmente obligados a circular de manera diligente…” En idénticos termos se expresa o xa referido R.d. 1428/2003, de 21 de novembro, polo que se aproba o Regulamento Xeral de Circulación, que no seu articulado recolle: Artigo 3.1 “…Se deberá conducir con la diligencia y precaución necesarias para evitar todo daño propio o ajeno, cuidando de no poner en peligro, tanto al mismo conductor…” Artigo 18.1: “…El conductor de un vehículo está obligado a mantener su propia libertad de movimientos, el campo necesario de visión y la atención permanente a la conducción, que garanticen su propia seguridad…” Considerando.- Que a xurisprudencia sentada polo T.S. en supostos idénticos ou similares (outro tipo de sustancias vertidas), fai descansar o título de imputación da responsabilidade á Administración -entre outros motivos-, na inoperancia, inacción, renuncia ou retardo na limpeza da vía más aló dos 45-60 minutos a partir da chamada ou aviso para a súa limpeza, feito de modo real e probado, o que non se produce no presente suposto xa que os servizos de vixilancia e limpeza tardaron 30-40 minutos en chegar ó lugar do sinistro unha vez foron alertados, xa que nese intre estaban atendendo outra incidencia na rede viaria nun concello próximo, podendo neste sentido invocarse “ad exemplum” as seguintes sentenzas: Sentenza do T.S. Sala 3ª de 11/02/87; sentenza do T.S. Sala 3ª de 07/10/97; sentenza do T.S. Sala 6ª de 03/12/02; sentenza do T.S. Sala 3ª de 24/02/03 F.X.1º; sentenza do T.S. Sala 3ª de 11/12/07 F.X.2º; sentenza do TSXG de 24/12/03 F.X.5º; sentenza do TSXG do 27/12/07; sentenza do TSXG de 04/10/07; ditame do Consello de Estado de 26/04/07; Sentenza da sección 8ª da Sala do contencioso-administrativo da Audiencia Nacional de 23/06/98; do Xulgado do contencioso-administrativo nº1 de Pontevedra, sentenzas números 121/04; 20/07; 140/08; 114/09; 123/11; 77/12; 68/13 e 185/13; do Xulgado do contencioso-administrativo nº2 de Pontevedra, sentenzas números 170/04; 2/05; 183/06; 74/09; 112/14 e 264/14; e do Xulgado do contencioso-administrativo nº3 de Pontevedra, sentenzas números 179/04; 74/08; 250/13 e 112/14; abundancia de precedentes que, de interpoñerse recurso contencioso, facultaría á Deputación á solicitude de imposición de costas pola temeridade e mala fe na interposición da acción, considerando a pluralidade de precedentes e a identidade de razón entre eles e a “causa petendi” da presente reclamación. Considerando.- Que a maior abundamento, das sentenzas dos Xulgados do Contencioso-Administrativo de Pontevedra que se invocaron, cabe resaltar os seguintes parágrafos: - Da 170/04 do Xulgado do Contencioso-Administrativo nº 2 de Pontevedra: “…La mancha deslizante tuvo su origen en la intervención de un tercero lo que provoca la ruptura del nexo causal y por ende, exonera de responsabilidad a la Administración Provincial (STS de 9.5.2000). En ese orden de cosas, tampoco ha quedado demostrado que el servicio de vías y obras provinciales desatendiera su cometido de mantenimiento, en las debidas condiciones, de la vía por la que circulaba el recurrente de haber recibido el aviso de intervención correspondiente, con motivo de la presencia de una sustancia deslizante en una vía de su titularidad…” - Da 183/06 do Xulgado do Contencioso-Administrativo nº 2 de Pontevedra: “…No ha quedado probado que el mencionado servicio provincial de vías y obras hubiera desatendido su cometido de mantenimiento de la vía pública en las debidas condiciones de seguridad para la circulación ante un eventual aviso de intervención que, por otra parte, tampoco hay constancia de su formulación. (…) En conclusión, cabe indicar que no procede exigir la responsabilidad de la Administración Pública titular de la carretera…” - Da 74/2009 do Xulgado do Contencioso-Administrativo nº2 de Pontevedra: “…hay que señalar que la mancha de gasoil se tuvo que producir poco antes del siniestro pues de lo contrario se hubiese evaporado (S.T.S Justicia del País Vasco 30-112007), sin que conste que el servicio de vías y obras de la Diputación Provincial fuera requerido. (…) La S.T.S. de 11-2-1987 “la naturaleza del factor causante del accidente (…) y la posibilidad de que se hubiera producido poco antes del siniestro, hace que por muy estricto concepto que se tenga de la función de vigilar (las vías pública por la Administración titular de las mismas) no quepa imputar a la Administración un incumplimiento o cumplimiento defectuoso de dicho deber, derivado de no eliminar perentoriamente y con urgencia un obstáculo que ha podido aparecer de manera tan repentina como impensable…”. - Da 329/10 do Xulgado do Contencioso-Administrativo nº2 de Pontevedra: “…La obligación de la administración es proceder a la limpieza o reparación inmediata tras el aviso del problema, sin que en este caso hubiese aviso alguno (…) no puede exigirse de la administración de la vigilancia exhaustiva y en todo momento de las vías de su titularidad, siendo un suceso que no puede evitarse el de que otro usuario de la vía pueda derramar sobre ésta y de forma inmediata los demás usuarios se vean afectados, sin que de ello haya de derivarse responsabilidad patrimonial de la administración…” Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1 b) da Lei 30/92 en relación co 13.2 do R.d. 429/93, referidos á desestimación argumentada da reclamación. Considerando.- Os preceptos invocados e demais de xeral e pertinente aplicación. A Xunta de Goberno acorda por unanimidade desestimar a solicitude de indemnización. 12.25145.- INADMISIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR D.ELÍAS BARROS ESTÉVEZ EN REPRESENTACIÓN DE ZURICH SEGUROS POR DANOS EN VEHÍCULO PRODUCIDOS POR MOR DUNHA IRRUPCIÓN DUN XABARIL EN AS NEVES Dada conta que con data 29/12/2016 (núm. rex. 2016129010) tivo entrada nesta Deputación instancia en solicitude de indemnización por responsabilidade patrimonial subscrita por D. Elías Barros Estévez en representación de Zurich Seguros por danos en vehículo producidos a consecuencia da irrupción dun xabaril no PO-400 de Salvaterra do Miño (PO-403) a Filgueira (PO-801), no Concello de As Neves, o día 13/01/2016 e que cuantificou economicamente en 979,68 €. Resultando.- Que con data 10/01/2017 e con fundamento nos artigos 79, 80 e 81.1 da Lei 39/2015 e 172.2, último inciso, do R.d. 2568/86, solicitouse informe ó Servizo de Mobilidade, que o emitiu na data 10/01/2017 co seguinte contido: “PRIMEIRO.- O vial referido como PO-400 non pertence á rede provincial de estradas da Deputación Provincial de Pontevedra. Pontevedra, 10 de xaneiro de 2017 A Xefa dos Servizos Administrativos de Mobilidade Sonia Mateos Escudero------------------------------------------------------------------------------------------ Considerando.- Que a instancia se presenta cumprimentando os requisitos de capacidade, lexitimación activa e temporalidade (sen ter transcorrido o prazo de prescrición), descritos nos artigos 67, en relación co 66, 3 e 4.1, letra a), da Lei 39/2015. Considerando.- Que o teor do citado informe impide entrar sequera a valorar as circunstancias concorrentes no sinistro en cuestión, por canto non pode constituírse validamente a relación procedimental ó non resultar a Deputación Provincial pasivamente lexitimada para interpoñer perante dela ningunha reclamación que non se relacione directamente coa súa titularidade demanial. Considerando.- Que as Administracións Públicas se rexen en materia de responsabilidade patrimonial polos artigos 106.2 da Constitución Española, 32 e seguintes da Lei 40/2015, 54 da Lei 7/85 e 223 do R.d. 2568/86. Considerando.- Que en ningún caso pode esta Deputación Provincial facerse responsable de danos producidos no que non sexa da súa titularidade demanial. Considerando.- Que o presente acordo cumprimenta o establecido nos artigos 88.1 da Lei 39/2015 referido á inadmisión argumentada da reclamación. Considerando.- Que, así mesmo, o apartado 5 do artigo 88 da Lei 39/2015 establece que “En ningún caso podrá la Administración abstenerse de resolver so pretexto de silencio, oscuridad o insuficiencia de los preceptos legales aplicables al caso, aunque PODRÁ RESOLVER LA INADMISIÓN DE LAS SOLICITUDES (…) MANIFIESTAMENTE CARENTES DE FUNDAMENTO”. A Xunta de Goberno acorda por unanimidade inadmitir a trámite dita solicitude de indemnización. 13.25146.- PERMISO E AXUDA ECONÓMICA PARA DESPRAZAMENTOS E ASISTENCIA A CURSOS 1º.- Mediante escrito de entrada no Servizo de Recursos Humanos con data 11 de xaneiro de 2017, D. Marcos Galiñanes Varela, xefe do Parque Móbil, solicita autorización e validación do expediente para que D. Jesús Pombo Vidal, poida realizar o desprazamento en comisión de servizos e en vehículo oficial a Zamora para acompañar á Presidenta da Deputación de Pontevedra, Dna. María del Carmen Silva Rego, o día 14 e 15 de decembro de 2016 ás 16:00 h, regresando o 15 de decembro de 2016 ás 20:00 h. 2º.- O Interesado presenta a folla xustificativa (que se xunta a este informe), no que o custo total do devandito desprazamento ascende a un total de 90,16 € en concepto de aloxamento, cantidade que se imputará á aplicación orzamentaria 17/920.9200.230.20 de dietas. 3º.- A solicitude non foi presentada con antelación suficiente polo que procede a súa validación. 4º.- Para ese efecto remítese o expediente a Intervención para informe sobre a existencia de consignación orzamentaria. Normativa Aplicable: 1. RD 462/2002, do 24 de maio, sobre Indemnizacións por Razón do Servizo. 2. Orde do 8 de novembro de 1994, sobre xustificación das Indemnizacións por Razón do Servizo dos funcionarios públicos. 3. Bases de aplicación de retribucións do Orzamento provincial e IV Acordo Regulador para persoal funcionario da Deputación Provincial de Pontevedra. 4. Artigo 52 da Lei 39/2015, de 1 de outubro, do Procedemento Administrativo Común das Administracións Públicas. 5. Artigo 61.12 do ROF e artigo 105 da Lei 5/97, do 22 de xullo, de Administración Local de Galicia, polas que se atribúen á Presidencia a competencia nesta materia. 6. Resolución da Presidencia de data 22/07/2015 pola que se delega no Deputado as competencias en materia de persoal. Conclusión: En base aos feitos e consideracións normativas citadas anteriormente, a Xunta de Goberno acorda por unanimidade, ao amparo do previsto no artigo 52 da Lei 39/2015, de 1 de outubro do Procedemento Administrativo Común das Administracións Públicas, validar o expediente e autorizar o desprazamento en vehículo oficial de D. Jesús Pombo Vidal, así como o aboo dos gastos ocasionados, por razón de servizo, que ascenden a un importe total de 90,16 € en concepto de aloxamento, cantidade que se imputará á aplicación orzamentaria correspondente. 14.25147.- RENUNCIA DA ASOCIACIÓN MULLERES ARELA DE SAXAMNODE (REDONDELA) RELATIVA Á SUBVENCIÓN CONCEDIDA PARA O PROXECTO “AUTOEMPRENDEMENTO FEMENINO DESDE O RURAL” A Asociación Mulleres Arela de Saxamonde do Concello de Redondela solicitou a concesión dunha subvención por importe de 1.464,00 € para a realización do proxecto de “Autoemprendemento feminino desde o rural”. Esta subvención solicitouse o abeiro das bases reguladoras das subvencións dirixidas ás entidades de iniciativa social sen ánimo de lucro para o fomento da igualdade de oportunidades e a loita contra a violencia de xénero para o ano 2016, publicadas no Boletín Oficial da Provincia de Pontevedra número 73 de data 18 de abril de 2016. A Xunta de Goberno da Deputación de Pontevedra na súa sesión do día 04/08/2016, acordou concederlle á Asociación Mulleres Arela de Saxamonde, unha axuda económica por importe de 1.464,00 €, para o proxecto “Autoemprendemento feminino desde o rural”. Esta entidade, a través de escrito presentado no Rexistro Xeral da Deputación, o día de 22/12/2016, co número de entrada 2016127126, participa a renuncia á subvención concedida por importe de 1.464,00 € para o proxecto de “Autoemprendemento feminino desde o rural”, pola imposibilidade de poder desenvolvelo ó non reunir o número suficientes de mulleres interesadas. Considerando que o órgano competente para a adxudicación destas subvencións dirixidas ás entidades de iniciativa social sen ánimo de lucro para o ano 2016, foi a Xunta de Goberno de conformidade co estipulado na base décima das Bases reguladoras desta convocatoria de subvencións. Polo exposto, a Xunta de Goberno queda enterada do contido do escrito da Asociación Mulleres Arela de Saxamonde (Redondela), presentado no Rexistro Xeral da Deputación o día 22/12/2016, co número de entrada 2016127126, relativo a renuncia á subvención concedida por importe de 1.464,00 €, para o proxecto “Autoemprendemento feminino desde o rural”, o abeiro das bases reguladoras das subvencións dirixidas ás entidades de iniciativa social sen ánimo de lucro para o fomento da igualdade de oportunidades e a loita contra a violencia de xénero para o ano 2016. 15.25148.- RENUNCIA DA ASOC. O FAIADO DA MEMORIA DO CONCELLO DE VILAGARCÍA DE AROUSA, RELATIVA Á SUBVENCIÓN CONCEDIDA PARA A “COLOCACIÓN PLACAS DA MEMORIA”, APROBADA Ó SEU FAVOR NA XUNTA DE GOBERNO DE DATA 12/08/2016 Aprobada pola Xunta de Goberno desta Deputación provincial de data 12/08/2016 unha subvención a favor da Asoc. O Faiado da Memoria con CIF: G-36.585.214, do Concello de Vilagarcía de Arousa, por un importe de 2.106,00 €, para a “Colocación placas da memoria” con cargo á aplicación 16/330.3340.489.05, e recibido escrito, presentado no Rexistro xeral con data 26/12/2016 da citada Entidade renunciando á subvención concedida no seu día, a Xunta de Goberno queda enterada de dita renuncia. 16.25149.- RENUNCIA DO CONCELLO DE CERDEDO-COTOBADE, RELATIVA Á SUBVENCIÓN CONCEDIDA PARA A “CONSERVACIÓN DA PONTE DE SAN ANTÓN”, APROBADA Ó SEU FAVOR NA XUNTA DE GOBERNO DE DATA 04/08/2016 Aprobada pola Xunta de Goberno desta Deputación provincial de data 04/08/2016 unha subvención a favor do Concello de Cerdedo-Cotobade con CIF: P-3601100-E, por un importe de 4.765,47 €, para a “Conservación da Ponte de San Antón” con cargo á aplicación 16/330.3360.762.01, e recibido escrito, presentado no Rexistro xeral con data 19/01/2017 da citada Entidade renunciando á subvención concedida no seu día, a Xunta de Goberno queda enterada de dita renuncia. 17.25150.- RENUNCIAS PRESENTADAS POR DISTINTAS ENTIDADES BENEFICIARIAS DO PROGRAMA “CONECTADAS 2016” A Deputación de Pontevedra, a través do Servizo de Igualdade, convocou o programa Conectadas 2016, co fin potenciar a participación e promoción das mulleres e favorecer as relacións interpersoais en igualdade, impulsando accións formativas e incorporando de maneira transversal os principios de igualdade, corresponsabilidade e conciliación da vida persoal, laboral e familiar. A Xunta de Goberno na sesión que tivo lugar o día 17 de decembro de 2015 aprobou as bases reguladoras do programa “Conectadas 2016”, aparecendo publicadas no Boletín oficial da Provincia de Pontevedra (BOPPO) número 5 de data 11 de xaneiro de 2016. Nestas bases figura que as entidades beneficiarias do programa son as asociacións, federacións e fundacións sen ánimo de lucro que teñan como obxectivo e ámbito de actuación a promoción das mulleres, que apoien o seu desenvolvemento e actuación, o empoderamento das mulleres, ao igual que o seu tecido asociativo, e a paulatina consecución do obxectivo da igualdade de mulleres e homes; quedando excluídas as entidades de maiores, pensionistas ou xubilados, entre outros (independentemente das súas vogalías), xa que existe un programa específico para este colectivo. A Xunta de Goberno na sesión ordinaria do día 6 de maio adoptou, entre outros, o acordo de adxudicar un total de 332 accións formativas a distintas entidades da provincia como beneficiarias do programa Conectadas 2016. Posteriormente na Xunta de Goberno de 3 de xuño de 2016, aprobouse unha modificación desta adxudicación, engadindo 5 novas entidades adxudicatarias de ditas accións formativas. Resultando que durante o período de execución do Programa un total de 5 entidades presentan renuncia á acción formativa concedida dentro do programa Conectadas 2016, por diversos motivos entre os que destaca o non reunir o número mínimo de persoas participantes para a impartición da acción formativa. Considerando que o órgano competente para a adxudicación das acción formativas ás entidades beneficiarias do programa Conectadas para o exercicio 2016, foi a Xunta de Goberno, de conformidade co estipulado na base novena do programa, así como na base 16.2 de execución do vixente Orzamento provincial. Polo exposto, a Xunta de Goberno queda enterada das renuncias presentadas polas seguintes entidades: Concello Asociación CIF 1 Cotobade Asoc. Veciñal a Eirexiña G36206498 2 Marín Junta local A.E.C.C. de Marin G28197564 3 Mos Asoc. Veciñal cultural e deportiva Celado G36117315 4 Valga Asoc. Valga Bule (asociación de voluntariado tempo e lecer) G94066099 5 Vigo Asoc. de veciños de Coia. Camiño vello G36648186 18.25151.- RECOÑECEMENTO EXTRAXUDICIAL DE CRÉDITOS Vista a relación de facturas con número 2017000974, que contén vinte facturas e por un importe de 10.390,94 €, correspondendo a primeira á empresa Almacenes Celso Míguez, SA., por importe de 272,73 €, e a derradeira a Cistercienses Monasterio de Santa María, por importe de 338,80€, e visto o informe que formula a Intervención desta Deputación, de data 17 de xaneiro de 2017, e os xefes de servizo ou responsables dos centros Xestores no que se pon de manifesto que os gastos se fixeron en exercicios pechados, e que necesitan a súa aprobación polo sistema de recoñecemento extraxudicial de créditos, a Xunta de Goberno acorda por unanimidade aprobar: A relación de expedientes de referencia coa seguinte estrutura económica: Importe total 10.390,94 € Descontos do IRPF 0,00 € Descontos do IVE soportado deducible 0,00 € Descontos do honorarios técnicos externos 0,00 € Outros descontos 0,00 € Total líquido 10.390,94 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. 19.25152.- RECOÑECEMENTO EXTRAXUDICIAL DE FACTURAS DE DIRECCIÓN DE OBRA DE “INSTALACIÓNS E ACTUACIÓNS COMPLEMENTARIAS NA POUSADA DE MEAÑO” En data 7/12//2016, recíbese no servizo de Turismo a “Certificación nº 1 Instalacións e actuacións complementarias na Pousada de Meaño”, levada a cabo polo empresa Oreco S.A. (A-36614691), por importe de 368.786,90 € de data de 25/11/2016. En data 09/12/2016 a xefa do servizo de Turismo, informa da recepción do certificación e da aprobación de sendas transferencias de crédito con data 02/12/2016 pola Xunta de Goberno que dotan de orzamento as aplicacións correspondentes o proxecto de gasto Pousadas. Dado que esta obra non seguiu ningún tipo de procedemento pero como as unidades de obra que se certifican se executaron, procede a aprobación desta seguindo o procedemento de recoñecemento extraxudicial, que de acordo co establecido na base 17.1 aprobadas para a execución do Orzamento provincial de 2016 corresponde á Xunta de Goberno. A Xunta de Goberno, na súa sesión ordinaria do día 23/12/2016 adoptou, entre outros, o acordo de “Recoñecemento extraxudicial de crédito da certificación nº 1 Instalacións e actuacións complementarias na Pousada de Meaño”. O Pleno da Deputación Provincial en sesión celebrada o 27/02/1998 aprobou que a taxa da dirección técnica das obras era do 4% do OEM (orzamento de execución material) segundo a taxa por servizos facultativos que se prestan en obras provinciais, pero este proxecto segue unha dinámica diferente xa que se paga un importe superior pola dirección de obra que o aprobado no dito Pleno. Para levar a cabo as obras relativas á “Certificación nº 1 Instalacións e actuacións complementarias na Pousada de Meaño procedeuse á contratación”, teríase que proceder a contratar a correspondente dirección de obra e de execución de obra. Visto o informe de intervención de data 11/01/2017, en relación coas facturas emitidas polos servizos prestados en concepto de dirección de obra e dirección de execución da obra “Instalacións e actuacións complementarias na Pousada de Meaño”, e tendo en conta que pon de manifesto: “O pagamento dos gastos relativos a honorarios polos servizos prestados en concepto de dirección de obra e dirección de execución da obra ven realizándose con cargo con cargo ao importe retido ao contratista nas respectivas certificacións de obra expedidas. A cantidade resultante das retencións practicadas por ese concepto é ingresada no concepto non orzamentario correspondente, efectuándose o pagamento dos honorarios polos servizos prestados con cargo á conta non orzamentaria 419.08 (0910). Neste caso o importe retido en concepto de taxa de dirección de obra ascende a 10.244,79 €, cantidade que resulta suficiente para facer fronte ao gasto correspondente aos servizos facturados. Non obstante, pese a constar na factura a conformidade da responsable do Centro Xestor, non consta a existencia de nomeamento ou adxudicación algunha ao seu favor, nin autorización previa para a realización do gasto. E a súa conclusión: “A aprobación das facturas requirirá seguir o procedemento de recoñecemento extraxudicial do crédito do gasto pola Xunta de Goberno”. A Xunta de Goberno acorda por unanimidade a autorización, o compromiso de gasto e o recoñecemento extraxudicial das seguintes obrigas: Facturas polos servizos prestados en concepto de “Dirección de obra e de execución de obra correspondentes á Certificación nº 1 Instalacións e actuacións complementarias na Pousada de Meaño” por importe de 9.609,76 €, con arranxo ao seguinte detalle: Emisor Nº factura Data Concepto Importe (€) IRPF (15%) Líquido a percibir Mario Crecente y Asociados Consultores SLPU (B-15773609) 35_16 02/12/16 Dirección de obra 5.122,38 € - 5.122,38 € Beatriz Arca Naveiro (36026654-Y) 71/2014 25/11/16 Dirección de execución de obra 2.561,19 € 317,50 € 2.243,69 € Miguel Barriga García (53180584) 2016-06 25/11/16 Dirección de execución de obra 2.561,19 € 317,50 € 2.243,69 € TOTAL 10.244,76 € 635,00 € 9.609,76 € O pagamento das facturas realizarase con cargo á conta non orzamentaria 419.08 (0910). Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. 20.25153.- RATIFICACIÓN DAS RESOLUCIÓNS PRESIDENCIAIS RELATIVAS Á FINALIZACIÓN DE DÚAS BOLSAS DE PRÁCTICA LABORAL NA DEPUTACIÓN E EN CONCELLOS DA PROVINCIA DE PONTEVEDRA 2016 POR RENUNCIA DAS BOLSEIRAS NOS CONCELLOS DE CAMPO LAMEIRO E DE REDONDELA (RP Nº 2017000460 E Nº 2017000644) De conformidade co disposto nas bases da convocatoria do Plan de práctica laboral en deputación e concellos da provincia de Pontevedra 2016 a Xunta de Goberno acorda por unanimidade ratificar as seguintes Resolucións Presidenciais: - Por Resolución Presidencial nº 2017000460 de data 13 de xaneiro de 2017, resólvese dar por finalizadas as prácticas da bolseira Laura Oleaga González no Concello de Campo Lameiro con efectos do 20 de xaneiro de 2017. - Por Resolución Presidencial nº 2017000644 de data 17 de xaneiro de 2017, resólvese dar por finalizadas as prácticas da bolseira Noela Vázquez Ledo no Concello de Redondela con efectos do 13 de xaneiro de 2007. 21.25154.- RATIFICACIÓN DA RESOLUCIÓN PRESIDENCIAL RELATIVA Á CORRECCIÓN DE ERROS NAS BASES DA CONVOCATORIA DE TRES BOLSAS DE PRÁCTICA LABORAL NA ESTACIÓN FITOPATOLÓXICA DO AREEIRO (RP Nº 2017000840) De conformidade co disposto nas bases da convocatoria de tres bolsas de práctica laboral publicadas no BOPPO do 11 de xaneiro de 2017, a Xunta de Goberno acorda por unanimidade ratificar a seguinte Resolución Presidencial: - Por Resolución Presidencial nº 2017000840 de data 19 de xaneiro de 2017, resólvese corrixir as bases da convocatoria de tres bolsas de práctica laboral na estación Fitopatolóxica de areeiro da Deputación de Pontevedra, no senso que: Onde di: “…Enxeñaría Agraria…” Debe dicir: “…Enxeñaría Agrónoma…” 22.25155.- MODIFICACIÓN DO ACORDO Nº 9.23213 ADOPTADO NA SESIÓN DA XUNTA DE GOBERNO DE DATA 27/03/2015, SOBRE CONCESIÓNS DE SUBVENCIÓNS A DIVERSOS CONCELLOS DA PROVINCIA DE PONTEVEDRA PARA A REALIZACIÓN DE INVESTIMENTOS INCLUÍDOS NO PLAN PROVINCIAL DE OBRAS E SERVIZOS 2015 (PPOS/15), 6º RELACIÓN O Pleno da Deputación, na súa sesión de 30 de decembro de 2014, acordou a aprobación das Bases Reguladoras do Plan Provincial de Obras e Servizos 2015 (PPOS/15), que foron publicadas no Boletín Oficial da Provincia de Pontevedra (BOPPO) número 1, do 2 de xaneiro de 2015, sendo o seu obxecto, no marco da cooperación económica, a concesión de subvencións ás entidades locais da provincia para financiar a realización de investimentos e os gastos correntes nos que incorren na súa actividade como xestores públicos. Se ben se debe ter en conta a modificación do dito plan aprobado mediante acordo plenario do 27 de febreiro de 2015, publicado no BOPPO núm. 41, do 2 de marzo de 2015. O Pleno da Deputación, na súa sesión do día 28 de decembro de 2016, acordou prorrogar, ata o 30 de setembro de 2017, tanto os prazos de concesión de subvención por cambios de aplicación ou modificacións do contido das resolucións xa recaídas, así como os de concesión de subvencións por reinvestimento de baixas, todos eles ao abeiro do PPOS/15. E o prazo de execución e xustificación do PPOS/15 ata o 31 de decembro de 2017, tanto dos investimentos como dos cambios de finalidade ou modificacións do contido das resolucións xa recaídas, así como do reinvestimento de baixas. Publicado no Boletín Oficial da Provincia de Pontevedra (BOPPO) número 249, do 30 de decembro de 2016. Mediante acordo nº 9.23213 adoptado na Xunta de Goberno do día 27/03/2015, concedeuse unha subvención con cargo ó Plan provincial de obras e servizos 2015 (PPOS/15), por importe de 60.119,29 € ao Concello de Redondela, para o financiamento do investimento “Construción de muro de contención de pedra para ensanche do camiño do Cotiño de Reboreda, fronte a 42 ata o 56, Reboreda, Redondela”, cun orzamento polo mesmo importe (60.119,29 €) (Ref.: PPOS/15/00984/201500109). En data 29/09/2016 ten entrada no rexistro xeral da Deputación núm. 2016100634 escrito do Concello de Redondela no que achega xustificación do investimento salientado no parágrafo anterior e solicitude de aplicación da baixa producida na adxudicación da obra no financiamento da liquidación resultante do incremento de medicións. Entre a documentación achegada atópase as certificacións de obra nº 1 e 2 final – liquidación na que reflexa un orzamento de licitación por importe de 60.047,29€. Polo que o orzamento de licitación no coincide co importe do presuposto de contrata que consta na memoria descritiva enviada a Deputación para solicitar a subvención e que ascende a 60.119,29 €. En data 03/01/2017 ten entrada no rexistro xeral da Deputación núm. 2017000295 escrito do Concello de Redondela no que, a petición do servizo de Cooperación, remite informe do arquitecto técnico municipal e director da obra relativo ao aumento de medicións e o informe do interventor municipal no que se explica que a diferenza existente entre a cantidade total do presuposto de contrata que consta na memoria descritiva enviada a Deputación para solicitar a subvención e que ascende a 60.119,29€ e o orzamento de licitación que figura na certificación e que ascende a 60.047,29 €, débese a un erro no importe do capítulo II, 33.088,50 €, que aparece no resumo do presuposto e que debía ser realmente 33.038,50 € que e a que figura na desagregación do citado capítulo. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, de Procedemento Administrativo Común das Administracións Públicas. - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROFRJEL). - Real Decreto Lexislativo 3/2011, de 14 de novembro, polo que se aproba o texto refundido da Lei de contratos do Sector Público. - Bases de execución do Orzamento Provincial vixente. - Bases reguladoras do PPOS 15. Consideracións xurídicas: Instrución do expediente: - Base reguladora 10ª do PPOS 15, relativa á instrución, procedemento e xustificación, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. Petición e evacuación de informes: - Artigo 80 da Lei 39/2016, de 1 de outubro, de Procedemento Administrativo Común das Administracións Públicas, sobre a petición e a evacuación de informes. - Artigo 88.6, da Lei 39/2016, de 1 de outubro, de Procedemento Administrativo Común das Administracións Públicas, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención. - Bases de execución do Orzamento provincial para 2017, sobre o control e a fiscalización da xestión económica, que sinalan a competencia da Intervención para realizar esta función. - Artigo 24 da LXS que establece que as actividades de instrución comprenderán, entre outras, a petición de cantos informes estime necesarios para resolver ou que sexan esixidos polas normas que regulan a subvención. Resolución do expediente: - Artigo 22 LXS que dispón que a proposta de concesión formularase ó órgano concedinte a través do órgano instrutor. - Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención. - O artigo 109.2 da Lei 39/2015, de 1 de outubro, de Procedemento Administrativo Común das Administracións Públicas, establece que as Administracións públicas poderán rectificar en calquera momento, de oficio ou a instancia dos interesados, os erros materiais, de feito ou aritméticos existentes nos seus actos. - Artigo 185 do TRLRFL que regula as competencias en materia de xestión de gasto. Conclusións: Examinados os antecedentes e a motivación legal exposta, verificase que a modificación do acordo non afecta ó obxecto da subvención, pero se ao seu importe xa que este diminúe en 72,00 €. Asemade, coa modificación do acordo de concesión non se prexudican intereses de terceiros. Por todo o exposto e a vista do informe da Intervención Provincial de data 18/01/2017, informo favorablemente a modificación do acordo núm. 9.23213 adoptado na Xunta de Goberno do día 27/03/2015 da maneira que segue: Onde di: “Aprobar a concesión de subvencións ós concellos que se detallan na seguinte táboa, para os investimentos que se relacionan na mesma, por un importe total de setecentos setenta e cinco mil dezanove euros con sesenta e catro céntimos (775.019,64€)…” “ Concello beneficiario da subvención Denominación investimento Expte. Orzamento Importe da subvención Observacións a documentación presentada Redondela Construción de muro de contención de pedra para ensanche do camiño do Cotiño de Reboreda, fronte a 42 ata o 56, Reboreda, Redondela PPOS/ 15/00984/201500109 60.119,29 60.119,29 Non Total 775.019,64 ” Debe dicir: “Aprobar a concesión de subvencións ós concellos que se detallan na seguinte táboa, para os investimentos que se relacionan na mesma, por un importe total de setecentos setenta e catro mil novecentos corenta e sete euros con sesenta e catro céntimos (774.947,64€)…” “ Concello beneficiario da subvención Denominación investimento Expte. Orzamento Importe da subvención Observacións a documentación presentada Redondela Construción de muro de contención de pedra para ensanche do camiño do Cotiño de Reboreda, fronte a 42 ata o 56, Reboreda, Redondela PPOS/ 15/00984/201500109 60.047,29 60.047,29 Non Total 774.947,64 ” Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime Competencial: En virtude do establecido na base 16ª.2 c) das Bases de Execución do Orzamento provincial e de conformidade con disposto nos artigos 34 e 35 da Lei 7/1985, de 2 de abril, reguladora das bases de réxime local, e no artigo 17 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións, a competencia para resolver atribúeselle á Xunta de Goberno. Por todo o exposto a Xunta de Goberno acorda por unanimidade: - Modificar o acordo nº 9.23213 adoptado na Xunta de Goberno do día 27/03/2015, sobre concesións de subvencións a diversos concellos da Provincia de Pontevedra para a realización de investimentos incluídos no Plan Provincial de Obras e Servizos 2015 (PPOS/15) (6º relación) de xeito que: Onde di: “Aprobar a concesión de subvencións ós concellos que se detallan na seguinte táboa, para os investimentos que se relacionan na mesma, por un importe total de setecentos setenta e cinco mil dezanove euros con sesenta e catro céntimos (775.019,64€)…” “ Concello beneficiario da subvención Denominación investimento Expte. Orzamento Importe da subvención Observacións a documentación presentada Redondela Construción de muro de contención de pedra para ensanche do camiño do Cotiño de Reboreda, fronte a 42 ata o 56, Reboreda, Redondela PPOS/ 15/00984/201500109 60.119,29 60.119,29 Non Total 775.019,64 ” Debe dicir: “Aprobar a concesión de subvencións ós concellos que se detallan na seguinte táboa, para os investimentos que se relacionan na mesma, por un importe total de setecentos setenta e catro mil novecentos corenta e sete euros con sesenta e catro céntimos (774.947,64€)…” “ Concello beneficiario da subvención Denominación investimento Expte. Orzamento Importe da subvención Observacións a documentación presentada Redondela Construción de muro de contención de pedra para ensanche do camiño do Cotiño de Reboreda, fronte a 42 ata o 56, Reboreda, Redondela PPOS/ 15/00984/201500109 60.047,29 60.047,29 Non Total 774.947,64 ” Darlle traslado do presente acordo ao concello de Redondela, á Intervención Provincial, ó Servizo de Cooperación e ó Gabinete de Presidencia. 23.25156.- MODIFICACIÓN DA TÁBOA DE AMORTIZACIÓN DO PRÉSTAMO NÚM. 895/15 CONCEDIDO Ó CONCELLO DE NIGRÁN CON DESTINO Á “ADQUISICIÓN DUNHA PARCELA PARA A CONSTRUCIÓN DUN ALMACÉN MUNICIPAL” A Xunta de Goberno, na sesión ordinaria celebrada o día 22 de maio de 2015, e polo procedemento de concorrencia competitiva, acordou concederlle ó Concello de Nigrán, CIF.: P3603500D, un préstamo sen xuros por importe de 344.679,41€, contra a aplicación 942.9420.821.20, con destino á “Adquisición dunha parcela para a construción dun almacén municipal” O concello efectuou, en data 20 de xullo de 2015, o pagamento dos gastos de administración, que ascenderon a 6.893,58 €, en data 31 de xullo de 2015, procedeuse a sinatura do contrato. No contrato contémplase un prazo de disposición de dous anos dende a formalización e outro de amortización de 15 anos dende o seguinte ó da sinatura do contrato, de feito que a primeira cota, cuxo importe ascendía a 22.978,62€, tiña previsto o seu vencemento do día 1 de agosto de 2016. Resultando que, na data actual, o Concello de Nigrán aínda non dispuxo do préstamo núm. 895/15, e en data 13 de xaneiro de 2017, núm. rexistro de entrada 2017003371 do 17 de xaneiro de 2017, a entidade municipal, ó abeiro de recollido na base décimo cuarta das reguladoras para a concesión de anticipos no exercicio 2015, solicita, formalmente e por escrito, que a primeira cota de amortización non compute como débeda no exercicio 2016 para desta forma manter íntegra a contía que lle corresponde ó concello no Plan de Obras e Servizos (Plan Concellos) 2017. En atención ó escrito do Concello procede a adaptación da táboa de amortización ó prazo de disposición do préstamo 895/15, que necesariamente, salvo que o concello solicite formal e motivadamente unha prórroga, debe producirse no presente exercicio, tendo como data límite o 1 de agosto de 2017. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do procedemento administrativo común das Administracións Públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto Lexislativo 3/2011, de 14 de novembro, polo que se aproba o texto refundido da Lei de contratos do Sector Público. - Lei 58/2003, de 17 de decembro, xeral tributaria. - Bases de execución do Orzamento Provincial para o ano 2017. - Bases reguladoras de concesión de anticipos a municipios da provincia 2015. Consideracións xurídicas: Instrución do expediente: - Base reguladora 10ª de concesión de anticipos do exercicio 2015, relativa á instrución, valoración e resolución, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. Petición e evacuación de informes: - Artigos 79 e 80 da de 1 de outubro, do procedemento administrativo común das Administracións Públicas, sobre a petición e a evacuación de informes. - Artigo 88.6 de 1 de outubro, do procedemento administrativo común das Administracións Públicas que sinala que a aceptación de informes ou ditames servirá de motivación á Resolución cando se incorporen ó texto da mesma. Procedencia da modificación: - Artigos 65 e 82 da LXT que permiten, en xeral, o aprazamento e fraccionamento no pago das débeda sempre que as solicitudes de presenten en prazo e forma. - Base 14ª das reguladoras de concesión de anticipos 2015, relativa a amortización do préstamo que no seu parágrafo quinto dispón que a amortización se iniciará o ano seguinte ó da formalización do contrato, salvo para aquelas entidades locais que, despois de transcorrer este prazo, aínda non dispuxesen do préstamo, en cuxo caso a amortización comezará o ano seguinte aquel no que se realice a primeira disposición e non poderá superar o prazo de quince anos. - Bases 25ª.5ª de execución do orzamento provincial para o exercicio 2017 que regula as obrigas dos beneficiarios en relación co disposto no artigo 14 da LXS, de forma que estes quedan obrigados a comunicar calquera eventualidade ou circunstancia que altere ou dificulte o desenvolvemento da finalidade pretendida coa subvención, co obxecto de que, se sé estiman con suficiente anterioridade, poida procederse á modificación tanto do contido e contía do programa a subvencionar coma da súa forma e prazos de execución e xustificación dos correspondentes gastos. Tendo en conta todo o que antecede, visto o informe da xefa do Servizo de Cooperación, de data 17/01/2017, e da Intervención Provincial, de 19/01/2017, e en virtude das competencias que lle confiren os artigos 35 e 36 da Lei 7/85, de 2 de abril, Reguladora das Bases de Réxime Local, 30 do RDL 781/1986, de 18 de abril, e 16.2 das Bases de execución dos Orzamentos Provinciais e a restante normativa local vixente, a Xunta de Goberno acorda por unanimidade: - Modificar a táboa de amortización do préstamo núm. 895/15, concedido ó Concello de Nigrán con destino á adquisición dunha parcela para a construción dun almacén municipal, adaptándoa ó prazo de disposición do préstamo; disposición que ,salvo que o concello solicite formal e motivadamente unha prórroga, debe producirse no presente exercicio tendo como data límite o 01/08/de 2017 - A táboa de amortización do préstamo núm. 895/15 queda como segue: Anualidade Ano vencemento Data vencemento Total amortización 1ª 2018 01/08/2018 22.978,62€ 2ª 2019 01/08/2019 22.978,62€ 3ª 2020 01/08/2020 22.978,62€ 4ª 2021 01/08/2021 22.978,62€ 5ª 2022 01/08/2022 22.978,62€ 6ª 2023 01/08/2023 22.978,62€ 7ª 2024 01/08/2024 22.978,62€ 8ª 2025 01/08/2025 22.978,62€ 9ª 2026 01/08/2026 22.978,62€ 10ª 2027 01/08/2027 22.978,62€ 11ª 2028 01/08/2028 22.978,62€ 12ª 2029 01/08/2029 22.978,62€ 13ª 2030 01/08/2030 22.978,62€ 14ª 2031 01/08/2031 22.978,62€ 15ª 2032 01/08/2032 22.978,73€ TOTAL 344.679,41€ 24.25157.- COMUNICACIÓNS Non houbo. 25.25158.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e vinte minutos do expresado día, dáse por rematada a sesión e dela esténdese a presente acta, que asina a Ilma. Sra. Presidenta, comigo, o Secretario que dou fe. A Presidenta, O Secretario,

Área de notas

• Nota

Puntos de acceso

Área de control da descrición