Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas do día dezasete de febreiro do ano dous mil dezasete, baixo a Presidencia da Ilma. Sra. Dna. Mª del Carmen Silva Rego, Presidenta da Deputación Provincial de Pontevedra, reuníronse as/os señoras/es deputadas/os, Dna. Consuelo Besada Lores, D. Juan Antonio González Pérez, D. Carlos López Font, D. David Regades Fernández, D. Santos Héctor Rodríguez Díaz, D.Xosé Cesáreo Mosquera Lorenzo e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto D. Carlos Cuadrado Romay Secretario Xeral, e está presente o Sr. Interventor, D.Antonio Graña Gómez. Non asisten os seguintes deputados: Dna. Mª Montserrat Magallanes Álvarez e D. Uxío Benítez Fernández, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.25194.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 10 de febreiro de 2017. 2.25195.- APROBACIÓN DAS BASES REGULADORAS DAS SUBVENCIÓNS ÁS ENTIDADES SE ÁNIMO DE LUCRO PARA O APOIO AO DESENVOLVEMENTO DE ACTIVIDADES CULTURAIS ENMARCADAS DENTRO DO “ANO DO PATRIMONIO”, ANO 2017 A Deputación de Pontevedra, a proposta do Servizo de Cultura e Lingua, establece as bases reguladoras para a concesión de subvencións dirixidas a entidades para as actividades culturais “Ano do Patrimonio”, ano 2017, e fiscalizadas as bases polo Servizo de Secretaría así como informe favorable de Intervención, a Xunta de Goberno acorda por unanimidade aprobar as bases de subvención dirixidas a entidades para as actividades culturais “Ano do Patrimonio”, ano 2017. Ditas bases son como seguen: “BASES DE SUBVENCIÓNS DIRIXIDAS A ENTIDADES PARA AS ACTIVIDADES CULTURAIS DO ANO DO PATRIMONIO 2017 A Deputación de Pontevedra establece as bases reguladoras de concesión de subvencións públicas destinadas a promover e fomentar as actividades culturais enmarcadas dentro do Ano do Patrimonio que conmemora esta institución provincial, segundo os principios de obxectividade, concorrencia competitiva, publicidade e transparencia. Primeira. Obxecto: A Deputación concederá subvencións para promover, fomentar e difundir as actividades culturais que organicen as persoas físicas e xurídicas sen fins de lucro no seu ámbito territorial e excepcionalmente fóra deste, cando teñan relevancia para os intereses provinciais, durante o exercicio actual. Serán prioritarias nesta convocatoria as accións tendentes a mellorar a calidade de todas as manifestacións culturais, en especial, as actividades dirixidas á reivindicación e difusión do patrimonio material e inmaterial da provincia de Pontevedra, contribuíndo deste xeito á difusión, mantemento e recuperación da nosa cultura e tradicións. A Deputación de Pontevedra concederá, en réxime de concorrencia competitiva, axudas económicas dirixidas ás entidades culturais da nosa provincia para as actividades culturais do Ano do Patrimonio que se realicen entre o 1 de xaneiro e o 31 de decembro de 2017. Poderán ser obxecto de financiamento as seguintes actividades:  Xornadas e eventos relacionados coa memoria histórica.  Actividades relacionadas co patrimonio histórico-artístico, arqueolóxico e natural.  Actividades para a posta en valor do patrimonio inmaterial propio das vilas e comarcas da nosa provincia (costumes, tradicións, etnografía, crenzas e mitos).  Festivais, mostras, encontros e certames culturais.  Certames e actividades de posta en valor da pintura, escultura, arquitectura e banda deseñada.  Intercambios culturais para potenciar o patrimonio musical. Quedan excluídas desta convocatoria e, polo tanto, non serán obxecto de subvención, as seguintes actividades: • As actividades subvencionadas no mesmo exercicio a través doutras convocatorias de subvencións ou plans provinciais da Deputación. • Os gastos de funcionamento das entidades, os gastos correntes, os gastos de persoal da propia entidade e as actividades xerais que se realizan ao longo de todo o ano. • As viaxes de lecer, as excursións, as festas gastronómicas e as festas populares. • Os gastos gastronómicos, agás cando garden relación directa coa actividade e sexan necesarios para o seu desenvolvemento. • Actividades que conleven ou xustifiquen o maltrato de persoas ou animais. Segunda. Dotación económica: A concesión das subvencións estará suxeita á dispoñibilidade orzamentaria para o período comprendido entre o 1 de xaneiro e o 31 de decembro de 2017. Estas subvencións convócanse con cargo á aplicación 17/330.3340.489.05 do Orzamento da Deputación para o ano 2017 por un importe total de douscentos corenta e cinco mil euros (245.000,00€). Terceira. Beneficiarios: Poderán solicitar estas subvencións as persoas físicas e xurídicas que reúnan os seguintes requisitos: • Carecer de fins de lucro (feito que se debe acreditar cunha declaración responsable da persoa representante). • Desenvolver as súas actividades no ámbito territorial da provincia de Pontevedra ou, excepcionalmente, fóra deste cando versen sobre temas de interese para a provincia. • Non estar incursas en ningún dos supostos de incapacidade ou incompatibilidade para percibir subvencións públicas. • Non estar incursas en ningunha das prohibicións para percibir subvencións recollidas na lei. • Estar ao corrente coas obrigas tributarias, coa Seguridade Social, coa Facenda autonómica e coa Deputación. Non poderán beneficiarse destas subvencións as ANPA nin as asociacións que teñan pendentes de xustificar subvencións para actividades culturais concedidas no exercicio anterior. Cuarta. Solicitudes e documentación: Cada entidade pode presentar unha única solicitude para optar a esta convocatoria, na que se indicará a actividade concreta que se vai realizar. As solicitudes formalizaranse nos modelos normalizados que se facilitarán no Rexistro xeral da Deputación, no da súa sede de Vigo, no Servizo de Cultura e Lingua ou na páxina www.depo.gal achegando ademais a seguinte documentación: - Fotocopia da tarxeta de identificación fiscal da entidade, actualizada (con código electrónico), só no caso de que se denegue expresamente a súa consulta. - Fotocopia cotexada do DNI da persoa representante legal da entidade, só no caso de que se denegue expresamente a súa consulta. - Memoria explicativa dunha actividade concreta, asinada pola persoa representante. En ningún caso se subvencionarán as actividades que se realicen ao longo de todo o ano, sino unicamente unha actividade concreta, da que se terá que indicar o lugar e a data de realización. - Orzamento pormenorizado e totalizado (incluíndo as cantidades, os prezos unitarios e o IVE detallado) dunha actividade concreta e determinada, asinado pola persoa representante. - Declaración na que conste se se solicitaron outras subvencións, axudas, ingresos ou recursos que financien a actividade para a que se solicita a subvención. - Declaración de que a entidade non está incursa en causas de incapacidade ou incompatibilidade para percibir axudas ou subvencións públicas e de aceptar as bases da convocatoria. - Certificación ou declaración responsable de estar ao corrente das obrigas tributarias coa Axencia Estatal Tributaria, coa Seguridade Social e coa Facenda autonómica, só no caso de que se denegue expresamente a súa consulta. - Declaración do número de persoas socias da entidade. - Certificación orixinal dos datos bancarios ou copia cotexada co nome da entidade peticionaria. Se a solicitude non reúne os requisitos esixidos nestas Bases ou calquera dos previstos no artigo 66 da Lei 39/2015, de 1 de outubro, do procedemento administrativo común das administracións públicas (LPACAP), requiriráselle ao interesado, de conformidade co establecido no artigo 68 da citada lei, que nun prazo de 10 días hábiles emende as faltas ou presente os documentos preceptivos, indicándolle que no caso de non facelo se terá por desistido da súa solicitude, arquivándose sen máis trámites. Naqueles casos nos que, despois de requirirlle documentación, sigan sen completala, arquivarase a solicitude sen máis trámites. Quinta. Prazo, lugar e formas de presentación: Estas bases reguladoras publicaranse no Boletín Oficial da Provincia de Pontevedra (BOPPO) e con posterioridade remitiráselle a convocatoria á Base de Datos Nacional de Subvencións (BDNS), que será a que lle dea traslado ao BOPPO do seu extracto, sen prexuízo da súa inserción na páxina www.depo.gal e no taboleiro de anuncios. O prazo para a presentación de solicitudes empezará a partir do día seguinte ao da publicación do extracto da convocatoria no BOPPO e rematará o 31 de marzo de 2017. Co fin de minimizar erros e axilizar a mecanización dos datos das solicitudes deberase optar preferentemente pola presentación de solicitudes mediante formulario web, ao que se pode acceder en www.depo.gal: a) Presentación de solicitudes mediante formulario web: Para realizar a solicitude a través da web www.depo.gal seguiranse os seguintes pasos: 1.º Encher os datos do formulario oficial de solicitude e facer clic en “enviar datos”. 2.º Descargar e imprimir o xustificante xerado na web tras realizar o envío. Este xustificante incluirá un código único de solicitude. 3.º Presentar o xustificante xerado durante o proceso de solicitude, dentro do prazo establecido nestas. Bases, xunto coa documentación establecida na base cuarta, no Rexistro xeral da institución provincial: o Sede de Pontevedra: avda. Montero Ríos, s/n (de luns a venres). o Oficina de Vigo: rúa Oporto, 3 (de luns a venres). Ou de calquera das formas previstas no artigo 16.4 da LPACAP. b) Presentación de solicitudes mediante formulario impreso: No caso de non poder realizar a solicitude a través de www.depo.gal, a persoa solicitante poderá presentala, xunto coa documentación establecida na base cuarta, no Rexistro xeral da Deputación, en calquera das súas oficinas de rexistro ou a través de calquera das formas previstas no artigo 16.4 da LPACAP. No caso de enviarse por correo postal (ao Rexistro da Deputación) este deberá ser certificado co selo de Correos no formulario da solicitude para garantir que a data de remisión está incluída no prazo de presentación de solicitudes desta convocatoria. As solicitudes remitidas por correo que non cumpran este requisito teranse por presentadas a todos os efectos no mesmo día en que teñan entrada no Rexistro da Deputación, independentemente da data de presentación na oficina de Correos. A presentación da solicitude implicará que se autoriza a Deputación para o tratamento automatizado de todos os datos contidos nela. As solicitudes presentadas fóra do prazo anteriormente establecido non serán admitidas nesta convocatoria. Sexta. Autorizacións e consentimentos. A presentación da solicitude de subvención por parte da persoa interesada ou representante comportará a autorización ao órgano xestor para consultar automaticamente datos en poder das administracións públicas (CIF da entidade e DNI da persoa representante) e para solicitar as certificacións que deban emitir a Axencia Estatal da Administración Tributaria, a Tesourería Xeral da Seguridade Social e a consellería competente en materia de facenda da Xunta de Galicia, segundo o establecido no artigo 23.3 da Lei 38/2003, de 17 de novembro, xeral de subvencións (LXS). Non obstante, a persoa solicitante ou representante poderá denegar expresamente este consentimento, en cuxo caso deberá presentar a documentación necesaria e as certificacións nos termos previstos regulamentariamente. No caso de que algunha circunstancia imposibilite a obtención dos citados datos poderáselles solicitar ás persoas interesadas a súa presentación. Sétima. Valoración e concesión: A concesión das subvencións realizarase en réxime de concorrencia competitiva, tendo en conta para a adxudicación os seguintes criterios: 1) Difusión da actividade (de ámbito local, provincial, nacional ou internacional), ata 20 puntos. 2) Orzamento total da actividade, ata 40 puntos. 3) Porcentaxe solicitada de financiamento, ata 15 puntos. 4) Adecuación da actividade ao interese provincial, ata 25 puntos. Neste punto teranse en conta as persoas participantes e as que se beneficien da actividade, o fomento da lingua galega na súa realización, así como o fomento da igualdade entre homes e mulleres. A concesión destas subvencións é compatible con outras que se reciban para o mesmo fin, tendo en conta que o conxunto de todas elas en ningún caso poderá superar o 100 % do custo da actividade ou investimento que desenvolva a entidade beneficiaria. Oitava. Instrución do procedemento: A instrución do procedemento de concesión de subvencións correspóndelle ao xefe do Servizo de Cultura e Lingua, quen realizará de oficio todas as actuacións que estime necesarias para a determinación, coñecemento e comprobación dos datos en virtude dos cales fará un informe-proposta no que figure a valoración das solicitudes segundo os criterios sinalados na base sétima, explicando o sistema seguido, de conformidade co previsto no artigo 19 da Ordenanza xeral de subvencións da Deputación de Pontevedra e no artigo 24 da LXS. Posteriormente a Comisión de valoración das solicitudes de subvención realizará un estudo do informe-proposta do xefe do Servizo. Esta Comisión é un órgano colexiado composto por:  Presidencia: o deputado delegado da área de Cultura e Lingua.  Vogalía: dous membros do persoal técnico do Servizo de Cultura e Lingua e un membro do persoal técnico do Servizo de Intervención.  Secretaría: un membro do funcionariado do Servizo de Cultura e Lingua, que actuará sen voto. A Comisión de valoración poderá: • Acadar cantos informes estime necesarios para resolver. • Emitir un informe a respecto das solicitudes de subvención. O procedemento de concesión das subvencións é o de concorrencia competitiva. As propostas de concesión de subvencións someteranse á aprobación do órgano competente. A resolución do procedemento notificaráselles ós interesados conforme ao previsto no artigo 40 da LPACAP. Logo de transcorridos seis meses a partir do día seguinte a aquel no que remate o prazo de presentación da solicitude sen notificarse a resolución ós interesados estarán lexitimadas para entender como desestimada por silencio administrativo a solicitude de subvención. Novena. Modificación da resolución: Tal como se establece no artigo 64 do Regulamento da LXS (R. d. 887/2006, de 21 de xullo) e no artigo 16 da Ordenanza xeral de subvencións da Deputación de Pontevedra, unha vez notificada a resolución de concesión, despois da solicitude razoada, o beneficiario da subvención poderá solicitar a modificación do seu contido, que poderá autorizarse sempre que se manteña a finalidade da axuda e non se danen dereitos de terceiros. Esta solicitude de modificación deberá presentarse no prazo dun mes desde a notificación da concesión e será obxecto de Resolución da Presidencia logo da proposta previa da Comisión de valoración, que deberá ter en conta as seguintes circunstancias:  Se o orzamento da nova actividade é superior ou igual ao subvencionado inicialmente manteranse as condicións da subvención concedida en canto ao importe da subvención e orzamento subvencionado.  Se o orzamento da nova actividade é inferior ao subvencionado inicialmente a Comisión de valoración, logo do informe do Servizo de Cultura e Lingua, deberá determinar o novo orzamento subvencionado e o novo importe da subvención, que serán inferiores aos inicialmente establecidos. Décima. Xustificación: Unha vez notificada a aprobación das subvencións concedidas e realizada a actividade os beneficiarios deberán xustificalas antes do 30 de marzo de 2018.” Os gastos xustificados deberán axustarse aos conceptos establecidos no orzamento inicial e, con carácter xeral, non se admitirán como válidos os xustificantes referidos a alimentos e bebidas. Para cobrar a subvención as entidades deberán presentar a seguinte documentación: a. Orixinais ou copias cotexadas de facturas ou documentos análogos con valor probatorio no ámbito mercantil e administrativo polo importe da subvención concedida, indicando en cada unha o número de unidades, os prezos unitarios destas e mais o custo total. Non se admitirán as nóminas de persoal propio da entidade. As facturas presentadas para xustificar as subvencións con data posterior á finalización do prazo de xustificación en ningún caso terán carácter de gasto subvencionable. b. Conta xustificativa dos gastos na que se determinará o custo ou gasto total da finalidade subvencionada, detallando as facturas ou documentos con valor probatorio no ámbito mercantil e administrativo, na que se poña de relevo que os gastos que figuran na antedita conta xustificativa se aplicaron á finalidade para a que foi concedida a axuda, indicando que o resto dos xustificantes da conta se encontran no domicilio da entidade beneficiaria a disposición da Deputación para o seu exame, tal como se establece na base 25.8.2.c das de execución do vixente Orzamento provincial. c. Os gastos xustificados deberán axustarse no posible aos conceptos incluídos no orzamento inicial, sen que se aboe máis que o importe xustificado co límite da subvención concedida. d. Os gastos que figuren na conta xustificativa aboaránselles preferiblemente aos provedores antes da presentación da xustificación da subvención pero, en todo caso, deben aboarse no prazo máximo dun mes desde a percepción dos fondos. O gasto non pagado ou pagado fóra deste prazo non se considerará subvencionable. e. Os beneficiarios das subvencións provinciais deben empregar, con carácter xeral, formas de pagamento a terceiros que poidan acreditarse mediante un documento expedido por unha entidade financeira no que quede identificado o beneficiario, o importe e a data de pagamento (tarxetas bancarias de crédito ou débito, talóns nominativos, transferencias bancarias etc.), e só excepcionalmente poderá empregarse o pagamento en metálico cando non sexa posible outra forma alternativa. O incumprimento desta disposición para algún gasto implicará que este se considere non subvencionable, sempre que supere o importe de 900,00 euros. f. Declaración de que non se recibiron outras subvencións de administracións públicas ou entidades privadas para a finalidade subvencionada ou, no seu caso, detalle do financiamento obtido e declaración responsable de que os ingresos non superan o custo da finalidade subvencionada. g. Para cobrar a axuda concedida as entidades deberán estar ao corrente das súas obrigas fiscais coa Axencia Estatal Tributaria, coa Facenda autonómica, coa Seguridade Social e coa Deputación, situación que determinará de oficio a propia institución provincial. h. Memoria xustificativa do cumprimento das condicións establecidas na solicitude de subvención, debidamente asinada, na que se indique a actividade realizada e os resultados obtidos. i. Acreditar a debida difusión, polo menos en lingua galega, mediante soportes publicitarios, físicos ou telemáticos, do financiamento por parte do organismo provincial desta actividade mediante o logotipo “Deputación: Ano do Patrimonio”, que deberán descargar de www.depo.gal ou cuxo envío deberán solicitar ao departamento de Comunicación Institucional. Décimo primeira. Pagamento: Para pagar a subvención terase en conta o seguinte:  No caso de que se xustifiquen gastos polo 100 % do orzamento subvencionado aboarase a totalidade da subvención.  No caso de que se xustifiquen gastos inferiores ao 100 % aboarase a parte proporcional da subvención. O pagamento efectuarase por transferencia á conta bancaria indicada polo perceptor. Décimo segunda. Incumprimento: Logo de vencido o prazo de xustificación sinalado na base oitava sen que a entidade beneficiaria presentase a documentación xustificativa, o Servizo de Cultura e Lingua requiriralle que o faga no prazo improrrogable de quince días. A falta de presentación da documentación neste prazo suporá a perda da subvención e as demais responsabilidades previstas na LXS. Décimo terceira. Devolución e reintegro: As subvencións concedidas deberán ser devoltas ou reintegrarse nos seguintes casos:  Por obtelas falseando as condicións requiridas.  Por non aplicalas aos fins para os que foron concedidas.  Por incumprir o beneficiario as obrigas asumidas e as condicións fixadas nestas Bases. Décimo cuarta. Órgano de aprobación: De acordo co establecido na base 16.2 das de execución do Orzamento para o ano 2017 e cumprindo o establecido no artigo 18 da LXS o órgano competente para a aprobación destas Bases é a Xunta de Goberno. Décimo quinta. Recursos: Contra estas Bases e as resolucións administrativas que se adopten na súa execución poderá interpoñerse un recurso potestativo de reposición ante o órgano que a ditou no prazo dun mes, entendéndose como desestimado se transcorre este período de tempo sen contestar; nese caso poderá interpoñerse un recurso contencioso-administrativo ante o Xulgado do Contencioso-Administrativo, como se prevé no artigo 8 da Lei 29/1998, de 13 de xullo, da xurisdición contencioso-administrativa, no prazo de dous meses. Igualmente, contra esta resolución tamén poderá interpoñerse directamente o recurso contencioso-administrativo no prazo indicado. En todos os casos os prazos contaranse a partir do día seguinte ao da recepción da correspondente notificación ou da data na que o recurso de reposición se entenda desestimado. Décimo sexta. Dereito supletorio: Para o non disposto nestas Bases contemplarase o establecido na Ordenanza xeral de subvencións da Deputación, nas Bases de execución do Orzamento provincial para o exercicio 2017, na LXS e na demais lexislación de desenvolvemento. 3.25196.- APROBACIÓN DAS BASES REGULADORAS DO PROGRAMA “DEPOTERMAL” PARA O ANO 2017 A Deputación de Pontevedra, a través do Servizo de Cohesión Social e Xuventude, convoca unha segunda edición do plan “Depotermal” que ten por finalidade fomentar o envellecemento activo e mellorar a calidade de vida das persoas, establecendo novas relacións sociais e favorecendo a participación en actividades que melloran o seu estado anímico potenciando movementos de participación e cooperación social, promovendo espazos de encontro e intercambio de experiencias, co fin de evitar o illamento e as situacións de soidade que poidan levar á vulnerabilidade. Resultando que con data 26 de xaneiro de 2017, o Sr. Secretario informa favorablemente as bases reguladoras do programa “Depotermal 2017”. Resultando que con data 1 de febreiro de 2017, a xefa do Servizo de Fiscalización emite informe favorable sobre a tramitación do expediente para a aprobación das citadas bases, deixando constancia de que a aplicación orzamentaria proposta 17/231.2311.227.07, considérase correcta, e conta co crédito por importe de 102.000,00 € para este fin. Considerando que o órgano competente para aprobación das bases reguladoras do programa “DEPOTERMAL 2017”, é a Xunta de Goberno, de conformidade co estipulado nas bases de execución do orzamento provincial. A Xunta de Goberno acorda por unanimidade aprobar as bases reguladoras do Programa “Depotermal 2017”. Ditas bases son como seguen: “BASES REGULADORAS DO PLAN TERMAL “Depotermal 2017” No artigo 2 da Lei 13/2008, de 3 de decembro, de servizos sociais de Galicia, defínense os servizos sociais como un conxunto coordinado de prestacións, programas e equipamentos destinados a garantir a igualdade de oportunidades no acceso á calidade de vida e á participación social de toda a poboación galega, mediante intervencións que permitan o logro dos obxectivos marcados nesta lei. A Deputación de Pontevedra, a través do Servizo de Cohesión Social e Xuventude, convoca unha segunda edición do plan “Depotermal”. Trátase dun plan cun claro obxectivo social, xa que lles facilita o acceso ao turismo de saúde a persoas que doutro modo non poderían beneficiarse da súa dobre función, como período de vacacións e tamén como tratamento sanitario, pero que ofrece tamén bos resultados en termos de sustentabilidade económica para a provincia. Así mesmo pretende ser un plan dinamizador da economía da provincia, co que se impulsen a creación e o mantemento de postos de traballo no sector turístico durante os períodos de menor actividade, desestacionalizando a demanda. BASES Base primeira. Obxecto: Constitúe o obxecto destas bases a regulación da convocatoria pública, por parte da Deputación, do plan de termalismo social “Depotermal”, que ten por finalidade fomentar o envellecemento activo e mellorar a calidade de vida das persoas, establecendo novas relacións sociais e favorecendo a participación en actividades que melloran o seu estado anímico potenciando movementos de participación e cooperación social, promovendo espazos de encontro e intercambio de experiencias, co fin de evitar o illamento e as situacións de soidade que poidan levar á vulnerabilidade. Poderán adherirse a este plan todos os concellos da provincia de Pontevedra. O plan termal da Deputación “Depotermal” 2017 pon en marcha dous programas termais: a) Programa de asistencia diaria a balnearios durante cinco días consecutivos. b) Programa termal con pernocta. Base segunda. Persoas beneficiarias: 2.1. Poderán beneficiarse do plan termal as persoas empadroadas na provincia de Pontevedra que non padezan ningunha enfermidade ou patoloxía incompatible coa actividade do plan e que cumpran algún dos seguintes requisitos: a) Nacer antes do 1 de xaneiro de 1967, feito que se deberá acreditar cunha fotocopia do documento nacional de identidade (DNI) ou co número de identidade de estranxeiro (NIE), segundo o caso. b) No caso de nacer o 1 de xaneiro de 1967 ou con posterioridade, ter a condición de pensionista polos conceptos de xubilación, invalidez, viuvez ou outras pensións, para o que se deberá achegar unha fotocopia do certificado correspondente. c) No caso de nacer o 1 de xaneiro de 1967 ou nunha data posterior, ter recoñecido un grao de discapacidade igual ou superior ao 65 %, o que se acreditará coa tarxeta ou certificado de recoñecemento do grao de discapacidade. d) Precisar dun respiro familiar, o que se acreditará mediante o modelo de informe (poñer número de modelo) da traballadora ou traballador social dos servizos sociais comunitarios básicos. 2.2. No caso de parellas que desexen participar no plan de forma conxunta, é preciso que as dúas persoas cumpran os requisitos esixidos nestas bases. As persoas beneficiarias deben reunir ademais os seguintes requisitos: a. Non padecer alteracións de comportamento que poidan perturbar a normal convivencia nos establecementos, nin padecer unha enfermidade transmisible con risco de contaxio. b. Poder valerse de maneira autónoma para as actividades da vida diaria. Base terceira. Adhesión dos concellos: 3.1. Todos os concellos da provincia de Pontevedra poderán sumarse ao plan mediante un acordo de adhesión (modelo xxx) adoptado polo órgano competente, remitindo unha certificación expedida pola Secretaría do concello de que se trate. 3.2. As bases reguladoras publicaranse no Boletín Oficial da Provincia de Pontevedra (BOPPO) e, posteriormente, remitiráselle a convocatoria á Base de Datos Nacional de Subvencións (BDNS), que será a que lle dea traslado do seu extracto ao BOPPO, sen prexuízo da súa inserción na páxina www.depo.es e no taboleiro de anuncios. 3.3. O prazo para a presentación de solicitudes empezará o día seguinte ao da publicación do extracto da convocatoria no BOPPO e rematará en 15 días naturais. Se o último día do prazo coincidise en festivo este prorrogarase ata o seguinte día hábil. 3.4. Os concellos que se adhiran ao plan actuarán como entidades colaboradoras na súa xestión e deberán cumprir coas obrigas que se establezan nas bases reguladoras segundo o disposto na Lei 38/2003, de 17 de novembro, xeral de subvencións (LXS). Esta adhesión supón a obriga de rexistrar cada solicitude das persoas empadroadas no formulario web que a institución provincial habilitará para que cubran as e os profesionais responsables dos concellos, segundo o establecido na base sétima desta convocatoria. Así mesmo deberán determinar que usuarias e usuarios se beneficiarán daquelas prazas reservadas para persoas en situación ou risco de exclusión social, que se acreditará mediante valoración social da traballadora ou traballador social dos servizos sociais comunitarios municipais, de acordo co establecido na base quinta. Base cuarta. Descrición do plan. 4.1. O plan “Depotermal 2017” pon en marcha dous programas termais, cun total de 4.434 prazas: a) Programa termal de asistencia diaria a balnearios durante cinco mañás ou tardes consecutivas, que contará con 1.248 prazas. b) Programa termal con pernocta en réxime de pensión completa de domingo a venres, que contará con 3.186 prazas. a) Programa de asistencia diaria: Consiste en pasar cinco días consecutivos (de luns a venres), en quenda de mañá ou de tarde, utilizando durante un mínimo de dúas horas as instalacións dun balneario, talaso, spa ou outras instalacións de características similares da provincia de Pontevedra. Inclúense os traslados en autobús, con guía acompañante desde os concellos de orixe ata o establecemento escollido e viceversa. Os traslados en autobús só se prestarán no caso de que haxa un número mínimo de persoas por parada en cada concello, segundo se determine na oferta técnica da empresa adxudicataria. As persoas beneficiarias do programa poderán elixir indistintamente, no momento da solicitude, o establecemento que máis as satisfaga entre os ofertados pola empresa adxudicataria, entendendo que a asignación de prazas neste establecemento estará suxeita a dispoñibilidade. b) Programa termal con pernocta en réxime de pensión completa: Este programa caracterízase por ofrecer unha estancia de seis días e cinco noites nun hotel con balneario, talaso, spa ou outras instalacións de características similares da provincia de Pontevedra, en réxime de pensión completa e con actividades de animación sociocultural. O paquete inclúe, ademais da estadía e da pensión completa (coas bebidas incluídas), a utilización do spa, do balneario ou doutras instalacións de características similares un mínimo de dúas horas ao día, e os traslados en autobús desde os concellos de orixe ata o establecemento escollido e viceversa. Os traslados en autobús só se prestarán no caso de que haxa un número mínimo de persoas por parada en cada concello, segundo se determine na oferta técnica da empresa adxudicataria. A entrada no hotel será os domingos pola tarde e a saída será os venres despois do xantar. As persoas beneficiarias do programa poderán elixir indistintamente, no momento da solicitude, o establecemento que máis as satisfaga entre os ofertados pola empresa adxudicataria, entendendo que a asignación de prazas estará suxeita a dispoñibilidade. 4.2. A achega económica de cada persoa beneficiaria no establecemento elixido incluirá a asignación dun cuarto dobre, agás que por causas non imputables á persoa ou por circunstancias debidamente acreditadas documentalmente deba ocupar un cuarto individual. As persoas que demanden expresamente un cuarto individual deberán aboar o custo adicional que corresponda e que poderá variar segundo o establecemento de destino que determine a empresa adxudicataria do programa na súa proposta técnica. Base quinta. Orzamento e financiamento: 5.1. A contía consignada para este plan ascende, no ano 2017, a cento dous mil euros (102.000 €), con cargo á aplicación 17/231.2311.227.07 do Orzamento provincial, sen prexuízo de que o mencionado crédito sexa ampliado, para o que deberá terse en conta o disposto no artigo 58 do Regulamento da Lei xeral de subvencións (RLXS). 5.2. Poderán ser beneficiarias das prazas de reserva subvencionadas as persoas dos concellos adheridos que cumpran os requisitos establecidos na base segunda e carezan de recursos económicos suficientes para facerlle fronte ao custo do programa, e que o xustifiquen mediante valoración da traballadora ou traballador social dos servizos sociais comunitarios municipais, que reflicta esta circunstancia: situación ou risco de exclusión social, escasos recursos económicos e idoneidade do programa para a persoa usuaria solicitante. Este documento, e o informe de respiro familiar, se é o caso, remitiranse directamente desde os servizos sociais comunitarios municipais a este organismo provincial, segundo se establece na base sétima desta convocatoria, no prazo máximo de 15 días naturais desde a finalización do prazo de presentación de solicitudes para as persoas solicitantes. 5.3. As persoas dos concellos que non se adhiran ao “Depotermal 2017” e que estean interesadas en participar poderán entregar a solicitude en calquera das formas que se detallan na cláusula oitava e non poderán optar ás prazas de reserva para persoas en situación ou risco de exclusión social. 5.4. Para que neste plan poidan participar todas as persoas que cumpran os requisitos, independentemente da súa situación económica, a Deputación subvencionará prazas nos dous programas nos seguintes termos: a) No caso do programa de asistencia diaria: Das 1.248 prazas totais ofertadas nesta modalidade: o 1.000 prazas: a Deputación subvencionaranse 40 euros por praza, o que supón un total de 40.000 €. o 248 prazas(4 por concello adherido): a Deputación subvencionará 100 € por praza, o que supón un total de 24.800 euros, para os casos de situación ou risco de exclusión social, escasos recursos económicos e idoneidade do programa para a usuaria ou usuario solicitante. b) No caso do programa con pernocta: Das 3.186 prazas ofertadas nesta modalidade: o 3.000 prazas: las persoas beneficiarias aboarán a cantidade total resultante do prezo de adxudicación. o 186 prazas (3 por concello adherido): a Deputación subvencionará 200 € do custo total do programa, o que supón un total de 37.200 €, para os casos de situación ou risco de exclusión social, escasos recursos económicos e idoneidade do programa para a usuaria ou usuario solicitante. 5.5. Os prezos dos dous programas expoñeranse ao público na páxina www.depo.es e daranse a coñecer a través dos medios de comunicación unha vez se adxudique o programa. 5.6. No caso de que non se cubran as prazas para as persoas en situación de vulnerabilidade en cada modalidade do programa, o crédito retido para estas prazas pasará a incorporarse á concesión de prazas ordinarias. Base sexta. Documentación dos concellos adheridos: Os concellos participantes, logo de finalizado o prazo de presentación de solicitudes das persoas beneficiarias no seu concello, deberán remitirlle ao Servizo de Cohesión Social e Xuventude da institución provincial: a) Os xustificantes electrónicos de cada solicitante xerados durante o proceso de preinscrición no concello, xunto coa documentación requirida. Esta documentación remitiráselle ao Servizo de Cohesión Social e Xuventude, a través do Rexistro xeral da Deputación ou das oficinas de rexistro da institución provincial sinaladas na cláusula oitava destas bases. b) No caso das prazas reservadas subvencionadas deberán enviar a valoración social (modelo xxx) referida na base quinta. Esta debe xustificar a escaseza de recursos económicos e/ou a situación ou risco de exclusión social que faga adecuada a participación da persoa usuaria como beneficiaria das prazas de reserva subvencionadas, así como a idoneidade do programa para a usuaria ou usuario solicitante. No caso de existir máis solicitudes que prazas de reserva subvencionadas por concello adherido, deberá achegarse unha relación nominal (modelo xxx) que lles dea prioridade ás persoas usuarias que poden beneficiarse destas prazas, tendo en conta o seguinte baremo e reflectindo a puntuación obtida: 1. Persoas usuarias cuxa unidade de convivencia participe nalgún dos programas e servizos comunitarios básicos reflectidos no artigo 9 do Decreto 99/2012, de 16 de marzo, polo que se regulan os servizos sociais comunitarios e o seu financiamento: 4 puntos. 2. Por cada un dos membros da unidade de convivencia en situación laboral de desemprego: 2 puntos. 3. Por cada un dos membros da unidade de convivencia que reúna a condición de titular de pensión non contributiva ou RISGA: 3 puntos. 4. Por cada membro da unidade familiar afectado por discapacidade, dependencia recoñecida ou enfermidade: 2 puntos. 5. Por vivir só ou soa e carecer de familiares e/ou redes de apoio: 3 puntos. 6. Por pertencer a unha unidade de convivencia na que un dos membros teña a condición de muller vítima de violencia de xénero: 2 puntos. 7. Por ter a condición de persoa coidadora non profesional dunha ou dun familiar ata o terceiro grao por consanguinidade: 2 puntos. 8. Por renda per cápita (RPC) mensual da unidade de convivencia, referida ao indicador público de renda de efectos múltiples (IPREM) vixente: Inferior ao 30 % do IPREM 4 puntos Entre o 30 % e inferior ao 50 % do IPREM 3 puntos Entre o 50 % e inferior ao 75 % do IPREM 2 puntos Entre o 75 % e o 100 % do IPREM 1 punto No caso de obter igual puntuación terán preferencia aquelas solicitudes que teñan puntuada a renda per cápita máis baixa. Se persiste o empate atenderase aos seguintes criterios segundo esta orde: • Solicitudes con maior puntuación por membros afectados por discapacidade, dependencia recoñecida ou enfermidade. • Solicitudes con maior puntuación por membros da unidade de convivencia que reúnan a condición de titulares de pensión non contributiva ou RISGA. • A data de presentación da solicitude no Rexistro. Base sétima. Documentación das persoas participantes: As solicitudes deberán formularse seguindo o formulario web ou o modelo (xxx) que se facilitará no Rexistro xeral da Deputación, no da súa sede de Vigo ou na web www.depo.es. Deberanse cubrir todos os apartados da solicitude, sinalando só un establecemento termal para cada modalidade do programa. Así mesmo, deberase achegar unha copia do DNI ou NIE e, segundo o caso, o certificado da pensión, a tarxeta ou o certificado de recoñecemento do grao de discapacidade, ou o informe da traballadora ou traballador social dos servizos sociais comunitarios básicos para xustificar a condición de persoa beneficiaria do respiro familiar, tanto no caso da persoa solicitante coma da acompañante. No caso das prazas reservadas subvencionadas deberá remitirse a valoración social referida na base quinta nos termos establecidos nesta convocatoria. Cando o considere, o Servizo de Cohesión Social e Xuventude requirirá a documentación que sexa necesaria para completar o expediente. No caso de presentarse máis dunha solicitude, terase en conta só a data da primeira presentada no Rexistro xeral. Base oitava. Prazo e lugar de presentación de solicitudes das persoas beneficiarias: 8.1. O prazo de inscrición será de 30 días naturais a partir do día seguinte ao da publicación na web da lista de concellos adheridos. A publicación das datas de inscrición farase en www.depo.es. As solicitudes para participar nesta convocatoria deberán presentarse dunha das seguintes formas: a) Presentación de solicitudes mediante formulario web: 1.º Preinscrición a través da páxina da Deputación de Pontevedra (www.depo.es): Cubrir os datos do formulario oficial de solicitude e premer o botón “enviar”, a continuación descargar e imprimir o xustificante electrónico xerado pola páxina web tras realizar o envío. Este xustificante incluirá un código único de preinscrición. 2.º Presentar o xustificante electrónico xerado durante o proceso de preinscrición, xunto coa documentación establecida nesta mesma base, no Rexistro xeral da institución provincial ou en calquera das formas descritas dentro do prazo establecido nesta mesma base. Para as persoas participantes de concellos adheridos ao plan termal “Depotermal 2017” prégase que preferentemente se opte pola presentación mediante o formulario web acudindo ao departamento de servizos sociais do concello de residencia, no que lles axudarán a cubrir o formulario electrónico. Poderase consultar a lista de concellos adheridos na páxina da Deputación a partir da finalización do prazo de adhesións dos concellos definido nestas bases. b) Presentación de solicitudes mediante formulario impreso: No caso de non poder realizar a preinscrición a través de www.depo.es deberase presentar a solicitude a través do Rexistro xeral da institución provincial ou en calquera das formas descritas nesta base. Os modelos de solicitude estarán á disposición das persoas interesadas na Oficina de Información á Cidadanía da institución provincial, na súa oficina de Vigo e a través de www.depo.es. Tamén poderán entregarse no Rexistro electrónico sede.depo.es, de conformidade co establecido no artigo 16 da Lei 39/2015, de 1 de outubro, do procedemento administrativo común das administracións públicas. No caso de enviarse por correo postal (ao Rexistro da Deputación) o envío deberá ser certificado co selo de Correos no formulario da solicitude para garantir que a data de remisión estea incluída no prazo de presentación de solicitudes desta convocatoria. As solicitudes remitidas por correo que non cumpran este requisito teranse por presentadas para todos os efectos no mesmo día en que teñan entrada no Rexistro xeral da Deputación, independentemente da data de presentación na oficina de Correos. No suposto de que as prazas ofertadas non queden cubertas esta institución provincial reservarase o dereito a abrir un novo prazo de inscrición. Base novena. Procedemento de concesión das prazas: 9.1. A concesión destas prazas realizarase polo réxime de concorrencia competitiva. O órgano instrutor dos expedientes será, de acordo coa competencia para coñecer e resolver as solicitudes, o Servizo de Cohesión Social e Xuventude e a adxudicación corresponderalle á Xunta de Goberno. Excepcionalmente e por razóns de urxencia xustificada poderá autorizarse por Resolución da deputada delegada de área, que lle dará conta con posterioridade á Xunta de Goberno. 9.2. O procedemento de concesión levarase a cabo na seguinte orde: 1) Solicitantes das 434 prazas reservadas para persoas en situación e/ou risco de exclusión social dos concellos adheridos ao programa. 2) Solicitantes que acrediten a condición de pensionistas, con prioridade para os que teñan menor capacidade económica. No caso de igualdade de capacidade económica, terase en conta a idade, de maior a menor. 3) Solicitantes que precisen dun respiro familiar e que o acrediten. En caso necesario, se persiste a igualdade nesta epígrafe, terase en conta a idade das persoas solicitantes, de maior a menor. 4) Solicitantes residentes nos concellos adheridos ao programa. 5) De persistir o empate, a concesión será por orde de presentación de solicitudes. Para poder establecerse a prioridade como pensionista, nos casos de dúas persoas nunha mesma solicitude, ambas deberán presentar a xustificación de ingresos económicos e farase a media aritmética de ambas as contías. No caso de que unha das persoas solicitantes non perciba ingresos deberá xustificalo documentalmente. Así mesmo farase a media aritmética das idades da persoa solicitante e da acompañante. Base décima. Relación de persoas admitidas: A Xunta de Goberno aprobará a relación de persoas admitidas e excluídas, xunto coas causas da súa exclusión, que se publicará na web www.depo.es. Excepcionalmente e por razóns de urxencia xustificada, poderá ser aprobada por Resolución da deputada delegada de área, que lle dará conta con posterioridade á Xunta de Goberno. No modelo de solicitude do programa habilitarase un campo para que as persoas solicitantes que así o autoricen indiquen o número de teléfono móbil no que recibir avisos relacionados co programa a través do envío dunha mensaxe de texto. Base décimo primeira. Obrigas das persoas participantes: 11.1. As persoas participantes aboaranlle á empresa adxudicataria, unha vez confirmada a súa admisión no plan, a cantidade resultante do proceso de adxudicación para o balneario, spa ou instalación escollida ou similar, xa descontada a subvención da Deputación. 11.2. O aboamento da cantidade final farase do xeito que se determine por acordo coa empresa adxudicataria do programa, preferiblemente mediante transferencia bancaria, no prazo que fixe a empresa, se ben estará permitido calquera medio de pagamento admitido en dereito acordado entre ambas as partes, sempre que quede constancia do pagamento efectivo e do número de persoas participantes. Unha vez asignada a praza, deberán acordar coa empresa adxudicataria unha data de saída. Unha vez acordada a data, a empresa poderá solicitarlles ás persoas participantes o aboamento dunha parte do custo da praza en concepto de reserva. A contía restante será aboada, nos termos en que ambas as partes o acorden, antes da data de saída. No caso de que non se acade un acordo de data, tras realizar como mínimo tres chamadas telefónicas en dous meses distintos, anularase a concesión da praza. Esta cantidade só poderá ser reintegrada no suposto de que exista un motivo debidamente xustificado que lle impida á persoa participante asistir. Base décimo segunda. Desenvolvemento do programa: A Deputación ofertará o programa a través dunha empresa especializada na materia, responsable da súa execución, coordinación e avaliación e con persoal especializado. Nos autobuses irá unha ou un guía oficial responsable de lle entregar a cada persoa o bono de viaxe coas datas e as horas de recollida para toda a semana. Esta persoa informará tamén das coberturas do seguro para o programa e resolverá todas as dúbidas ao respecto. Tamén se dispoñerá dun servizo de atención ao público por vía telefónica para calquera dúbida que puidese xurdir. Calquera anomalía que se advirta sobre o bo desenvolvemento do programa deberá comunicárselle ao Servizo de Cohesión Social e Xuventude da institución provincial. Base décimo terceira. Protección de datos: De acordo co artigo 5 da Lei orgánica 15/1999, de 13 de decembro, de protección de datos de carácter persoal, infórmase de que os datos recollidos no modelo desta convocatoria resultan necesarios para a adxudicación das prazas dentro do plan “Depotermal 2017”. As entidades locais e as persoas solicitantes consenten, ao se adheriren a este plan, que os datos deste expediente queden incorporados aos ficheiros informáticos da institución provincial. Os datos persoais recollidos serán incorporados e tratados en ficheiros coa finalidade de conter a información das persoas que participan nos programas financiados pola Deputación. Serán inscritos na Axencia Española de Protección de Datos e poderán ser incluídos na páxina web. Co fin de lograr a efectiva difusión deste programa para as vindeiras convocatorias e co obxectivo de garantir os principios de transparencia, accesibilidade da información e veracidade (artigo 2 da Lei 1/2016, de 18 de xaneiro, de transparencia e bo goberno), recolleranse fotografías das instalacións e das persoas participantes, que poderán empregarse para noticias contidas en xornais e publicacións, e incluso divulgadas tanto a través de servizos da sociedade da información coma no sitio web da institución provincial. Coa sinatura da solicitude de participación autorízase a captura de imaxes das actividades que se realicen nos mencionados establecementos, que serán incorporadas ao ficheiro da Deputación, e a publicación destas imaxes para a promoción e difusión do propio programa de balnearios. Tamén se autoriza a utilización do teléfono móbil e do correo electrónico como forma de contacto, aviso e comunicación por parte da institución provincial coa persoa solicitante. Os dereitos de acceso, rectificación, cancelación e oposición aos datos persoais rexistrados neste ficheiro poderanse exercer ante as oficinas do Rexistro da Deputación nos termos establecidos nos artigos 15, 16 e 17 da citada lei orgánica. Base décimo cuarta. Publicidade: En toda a publicidade que se elabore deberanse facer constar a organización e a colaboración do organismo provincial mediante a inclusión da súa imaxe institucional, de conformidade co artigo 31 do Real decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións. Para todo o relacionado coa publicidade a empresa adxudicataria dirixirase ao correo electrónico cohesionsocialexuventude@depo.es. Base décimo quinta. Prazo de vixencia: As bases que regulan este plan terán vixencia ata o 31 de decembro de 2017. Base décimo sexta. Lexislación aplicable: . Lei 38/2003, de 17 de novembro, xeral de subvencións. . Real decreto 887/2006, de 21 de xullo, polo que se aproba o Regulamento da Lei xeral de subvencións. . Real decreto 1971/1999, de 23 de decembro, de procedemento para o recoñecemento, declaración e cualificación do grao de discapacidade. . Lei 13/2008, de 3 de decembro, de servizos sociais de Galicia. . Lei 10/2013, de 27 de novembro, de inclusión social de Galicia. . Lei 7/1985, de 2 de abril, reguladora das bases do réxime local. . Lei 39/2015, de 1 de outubro, do procedemento administrativo común das administracións públicas. . Lei 15/1999, de 13 de decembro, de protección de datos de carácter persoal. . Bases de execución do Orzamento provincial vixente.” 4.25197.- CONCESIÓN DE SUBVENCIÓNS Ó ABEIRO DO PLAN CONCELLOS 2017, CORRESPONDENTE Á LIÑA 3: EMPREGO PARA CONSERVACIÓN DE BENS E SERVIZOS MUNICIPAIS – 5ª RELACIÓN O Pleno da Corporación Provincial, na súa sesión extraordinaria do día 28/12/2016, aprobou as “Bases reguladoras e convocatoria do Plan de Obras e Servizos (Plan Concellos) 2017”, que recolle os procedementos para conceder subvencións a 59 municipios da provincia para financiar actuacións e investimentos, propostas que deben estar relacionadas coas materias que os municipios exercen como competencias propias ou, en todo caso, as atribuídas por delegación, de conformidade co artigo 7 da Lei 7/1985, de 2 de abril, reguladora das bases do réxime local. Ditas bases foron publicadas no BOPPO nº 249 de 30/12/2016 e o extracto da convocatoria publicouse no BOPPO nº 1, do 02/01/2017. Este plan aprobado baixo o procedemento de concorrencia non competitiva, está dotado con 41,2 millóns de euros, que se reparten entre os concellos beneficiarios en función de tres criterios básicos: a poboación de cada concello, a súa superficie e os seus núcleos de poboación, segundo as porcentaxes indicadas nas Bases para cada grupo de concellos. Mediante Resolución Presidencial de 12/01/2017, núm. 2017000367 aprobáronse as cantidades asignadas a cada concello, se ben, unha vez comunicadas as débedas pendentes coa Deputación, poderase proceder de oficio á súa detracción polo que neses casos o importe definitivo será calculado tendo en conta a detracción que se efectúe. De conformidade coa base 5ª, as axudas e subvencións concedidas poderán destinarse ás seguintes liñas nos termos recollidos na base 8ª: liña 1 (Investimentos) ata un importe mínimo que resulte de aplicar a porcentaxe do 62,50% á cantidade total que lle corresponde ó concello; liña 2 (Amortización, pagamento de débedas e gastos correntes) ata un importe máximo do 15 % á cantidade total que lle corresponde ó concello; liña 3 (Emprego para conservación e funcionamento de bens e servizos municipais) ata un importe máximo do 22,50 % á cantidade total que lle corresponde ó concello. As cantidades que os concellos non utilicen das liñas 2 e 3, poderanas empregar para facer investimentos (liña 1), non obstante, o excedente nesta liña 1 non se pode aplicar ás restantes liñas. A liña 3 (Emprego para conservación e funcionamento de bens e servizos municipais) ten por obxecto regular as condicións polas que se rexerá a convocatoria pública das axudas e subvencións destinadas a financiar a prestación de servizos mínimos de competencia municipal mediante a contratación de persoas desempregadas. Comprobado dende o Servizo de Cooperación que todas as solicitudes desta relación cumpren os requisitos esixidos nas Bases reguladoras e achegan a documentación requirida, emítese informe da xefa do Servizo en relación a súa tramitación. As solicitudes dos concellos referenciados no anexo aparte respectan en todo caso o importe máximo de 22,50 % da cantidade que lle corresponde a cada concello (detraídas no seu caso as débedas contraídas coa Deputación). Na aplicación 2017/942.9425.462.03 (Plan de Cooperación cos Concellos_17. Emprego para conservación e funcionamento de bens e servizos) do vixente Orzamento Provincial existe crédito suficiente para facer fronte a este gasto. Xúntase a relación valorada das solicitudes en anexo aparte que comeza con Caldas de Reis e remata en Rodeiro (total de: 6 concellos), calculándose o importe das axudas segundo a petición do beneficiario en base ao custo das contratacións e tendo en conta o número de traballadores, a duración das contratacións e o tipo de xornada a realizar (completa ou parcial). As axudas comprenden o custo salarial e a cotización á Seguridade Social, de persoas desempregadas (calquera que sexa a categoría profesional), respectando o Salario Mínimo Interprofesional por traballador (importe proporcional ás horas traballadas), complementando o concello, no seu caso, a cantidade que sexa necesaria ata acadar os salarios que correspondan por categoría profesional. Fundamentos xurídicos: Primeiro.- Réxime Xurídico: - Lei 38/2003, de 17 de novembro, Xeral de Subvencións (LXS). - Lei 7/1985, de 2 de abril, Reguladora das Bases do Réxime Local (LRBRL). - Lei 39/2015, de 1 de outubro, do Procedemento Administrativo Común das administracións públicas (LPACAP). - Lei 40/2015, de 1 de outubro, do Réxime Xurídico do Sector Público (LRXSP). - Lei 9/2007, de 13 de xuño, de Subvencións de Galicia (LSG). - Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, Xeral de Subvencións (RLXS). - Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRXEL). - Bases Reguladoras do Plan de Obras e Servizos (Plan Concellos) 2017. - Bases de execución do orzamento da Deputación. - Ordenanza xeral de subvencións, publicada no BOPPO do 30/12/2016. Segundo.- Consideracións xurídicas: I.- Instrución do expediente: - Base novena do Plan Concellos 2017, relativa ao procedemento que dispón que será o de concorrencia non competitiva; e asemade segundo o disposto na Base décimo terceira indícase que é o Servizo de Cooperación o encargado da tramitación dos expedientes, revisión das solicitudes e comprobación da documentación. II.- Petición e evacuación de informes: - Artigos 79 e 80 da LPACAP sobre a petición e a evacuación de informes. - Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención. - Bases 47ª e 48ª de execución do Orzamento provincial, sobre o control e a fiscalización da xestión económica, que sinala a competencia da Intervención para realizar esta función. - Artigo 24 da LXS que establece que as actividades de instrución comprenderán, entre outras, a petición de cantos informes estime necesarios para resolver ou que sexan esixidos polas normas que regulan a subvención. III.- Resolución do expediente: - Artigo 22 LXS que dispón que a proposta de concesión formularase ao órgano concedinte a través do órgano instrutor. - Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención. - Artigo 62 do RLXS que establece que na resolución de concesión deberán quedar claramente identificados os compromisos asumidos polos beneficiarios. - Artigo 185 do TRLRFL que regula as competencias en materia de xestión de gasto. - Bases de execución 25ª.2ª e 4ª do Orzamento provincial que regulan o procedemento de concesión e o contido das solicitudes de subvención. - Base de execución 16ª.2ª do orzamento que sinala que o órgano competente para a autorización e disposición deste gasto é a Xunta de Goberno. - Base oitava e décima dentro da liña 3 do Plan Concellos 2017 que relaciona os requisitos dos servizos para os que se van contratar aos traballadores, así como a cantidade subvencionables (custo salarial e cotización á Seguridade social), co límite mínimo do Salario Mínimo Interprofesional por traballador (importe proporcional ás horas traballadas), que poderá ser superior se así o sinala o propio concello, e a necesaria documentación para a concesión da subvención. - Base quinta do Plan Concellos 2017 que consigna o crédito orzamentario, a porcentaxe e o límite máximo por liña. Conclusións: Primeiro.- Todas as solicitudes recollidas no anexo aparte (V Relación Plan Concellos 2017 (Liña 3): Plan de Conservación e Funcionamento de Bens e Servizos Municipais), foron presentadas en prazo, e achegan a documentación precisa para a súa valoración. Segundo.- En canto ás funcións para as que se contratarán ós traballadores, de acordo coas memorias achegadas, consisten, en servizos de interese xeral e social. O importe da subvención solicitada non excede do importe máximo de financiamento do plan nin a porcentaxe máxima da liña 3 segundo o disposto na base quinta (22,50 % da cantidade total correspondente a cada concello, incluídas neste importe, no seu caso, as detraccións notificadas das débedas contraídas coa Deputación por parte das entidades solicitantes). Terceiro.- As cantidades que resultan subvencionables calcúlanse en base ás solicitudes realizadas polos concellos, tendo en conta que os salarios deberán respectar o Salario Mínimo Interprofesional por traballador e tomando como referencia unha xornada completa de 37,5 horas semanais. No caso de que as contratacións de desempregados se efectúen por un importe inferior de horas das estipuladas para un contrato a xornada completa, o importe subvencionable mínimo reducirase proporcionalmente en función das horas traballadas. En consecuencia, son os interesados os que sinalan o importe a subvencionar na súa solicitude, que poderá exceder o SMI en razón das obrigas legais ou por convenio existentes. Os beneficiarios asumen o compromiso de afrontar a cantidade complementaria non subvencionada. Cuarto.- Unha vez concedida a subvención, os concellos poderán solicitar o pago anticipado segundo o establecido na base vixésima. Asemade, deberanse xustificar as axudas concedidas de conformidade ó establecido na base vixésima e tendo en conta o disposto na base décimo quinta en relación ás obrigas do beneficiario, especialmente en canto á publicidade. Por todo o exposto e a vista dos antecedentes, fundamentos de dereitos aplicables e a súa motivación razoada, e a concorrencia dos requisitos necesarios, a xefa do Servizo de Cooperación informa favorablemente os expedientes de subvención relacionados no anexo aparte (V Relación Plan Concellos 2017 (Liña 3): Plan de Conservación e Funcionamento de Bens e Servizos Municipais) e a concesión das subvencións solicitadas segundo os importes que figuran en dito anexo, por un importe total oitocentos oitenta e sete mil setecentos setenta euros con corenta céntimos (887.770,40 €) con cargo á aplicación orzamentaria 2017/942.9425.462.03. Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude do establecido na base 16ª.2ª c) das Bases de Execución do Orzamento provincial e de conformidade co disposto nos artigos 34 e 35 da Lei 7/1985, de 2 de abril, reguladora das bases do réxime local, e no artigo 17 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións, a competencia para resolver atribúeselle á Xunta de Goberno. Por todo o exposto, á vista da documentación que obra no expediente, do informe da xefa do Servizo de Cooperación e do informe de Intervención, a Xunta de Goberno acorda por unanimidade: 1. Aprobar a concesión de subvencións, polo procedemento de concorrencia non competitiva, aos concellos que figuran en anexo aparte (V Relación Plan Concellos 2017 (Liña 3:) Plan de Conservación e Funcionamento de Bens e Servizos Municipais) para a contratación dos traballadores e categorías laborais que se relacionan no mesmo, por un importe total de oitocentos oitenta e sete mil setecentos setenta euros con corenta céntimos (887.770,40 €) con cargo á aplicación orzamentaria 2017/942.9425.462.03. As subvencións concédense con suxeición ás bases reguladoras do plan, e, en particular, ás condicións seguintes: a) A selección do persoal levarase a cabo a través dos Servizos Públicos de Emprego, entre persoas desempregadas e que reúnan os requisitos establecidos na Base oitava correspondente á liña 3. b) Todos os contratos poderán estar iniciados dende o 01/01/2017 sen que en ningún caso a subvencionabilidade dos contratos poida exceder o 31/12/2017. No caso de que algún dos traballadores contratados renuncie ó contrato antes da súa finalización o concello poderá formalizar un novo contrato para substituír o anterior polo tempo restante. A relación laboral xurdida entre a entidade beneficiaria e o traballador non vinculará á Deputación de Pontevedra. c) O pagamento da subvención concedida farase efectiva da seguinte forma: - O 50% ó inicio da actividade (ou servizo), que se xustificará co documento acreditativo expedido polo órgano ou empregado público competente. Aboarase segundo o número de contratos formalizados ata esa data e deberán identificarse as persoas traballadoras, as datas de inicio dos seus contratos, a categoría profesional e a duración dos seus contratos - O 50% restante ó finalizar a metade do prazo de duración do contrato, previa achega de documento acreditativo expedido polo órgano ou empregado público competente sobre a continuidade da actividade no que se faga constar o número de contratos, a súa categoría profesional, a identificación das persoas traballadoras e as datas de inicio e fin do contrato. d) En canto a xustificación, no prazo máximo de dous meses a partir do día seguinte ó da finalización da obra ou servizo, cómpre presentar no Rexistro da Deputación os seguintes documentos: - Memoria final sobre as actividades realizadas e práctica profesional adquirida polos traballadores contratados. - Certificación de fin de servizo e do cumprimento dos requisitos e criterios sinalados nestas bases. - Certificación expedida polo funcionario público competente de que os gastos se realizaron e se aplicaron á finalidade subvencionada, quedando a disposición da Deputación para o seu exame os xustificantes correspondentes. Nesta certificación deberanse concretar as cantidades aboadas en concepto de salario e cotización empresarial á Seguridade Social e as cantidades deducidas na liquidación de cotas a ese mesmo organismo (modelo TC1) en concepto de incapacidade temporal das traballadoras e traballadores contratados con cargo a esta subvención, cuxa contía deberá excluírse do cálculo do gasto total elixible realizado polo Concello e que, no seu caso, dará lugar á obriga de reintegro á institución provincial. - Acreditación da publicidade do financiamento pola Deputación de Pontevedra do obxecto da subvención e) A non xustificación ou a xustificación insuficiente dará lugar o reintegro da subvención percibida con correspondentes xuros de demora nos termos previstos no artigo 37 da Lei 38/2003, de 17 de novembro, xeral de subvencións. 2. Darlle traslado da presente resolución ós interesados, ó Servizo de Intervención Provincial e ó Servizo de Cooperación. V RELACION PLAN CONCELLOS 2017 (LIÑA 3): PLAN DE CONSERVACION E FUNCIONAMENTO DE BENS E SERVIZOS MUNICIPAIS Concello Nº traballadores Obxecto da subvención (número de contratos, tipo de xornada e duración) Importe concedido Caldas de Reis 10 1 condutor maquinista, 3 oficiais de 1ª albaneis, 4 peóns de obra pública e 2 peóns de limpeza en xornada de 30 h/semanais durante 10 meses 156.495,17 € Cambados 30 2 auxiliares de cultura en xornada de 35 h/semanais durante 10,5 meses; 2 auxiliares de cultura, 1 técnico de medio ambiente, 1 coidador/recolledor de cans, 1 auxiliar de contabilidade, 1 auxiliar de tesourería, 1 auxiliar de intervención, 1 auxiliar de contratación, 1 auxiliar de rexistro, 1 traballador social e 8 operarios en xornada de 25 h/semanais durante 10,5 meses; 4 operarios en xornada de 35 h/semanais durante 10 meses; e 6 operarios en xornada de 35 h/semanais durante 6 meses 207.565,98 € Mondariz Balneario 12 6 peóns da construción e 6 peóns forestais en xornada de 25 h/semanais durante 6 meses 54.614,88 € Mos 5 1 oficial de 1ª de albanelería, 2 oficiais de 2ª de albanelería e 2 operarios conservadores de parques e xardíns a xornada completa durante 10 meses 100.479,20 € Ponteareas 34 1 técnico superior en xestión forestal e medio natural, 3 auxiliares administrativos e 1 animador sociocultural en xornada de 32,5 h/semanais durante 10 meses; 1 técnico deportes (TAFAD), 1 ciclo superior proxectos, 1 auxiliar administrativo, 1 auxiliar de puericultura, 1 técnico superior en son para audiovisuais e espectáculos, 3 oficiais de servizos varios en xornada de 32,5 h/semanais durante 9 meses; 2 peóns de obras públicas en xornada de 37,5 h/semanais durante 8 meses; 4 oficiais albaneis en xornada de 37,5 h/semanais durante 7 meses; 4 peóns de medio ambiente en xornada de 37,5 h/semanais durante 7 meses; 1 técnico/a de turismo e 6 peóns medio ambiente en xornada de 32,5 h/semanais durante 6 meses; e 4 auxiliares de policía local en xornada de 37,5 h/semanais durante 4 meses 257.614,41 € Rodeiro 18 1 educador/a social en xornada de 20 h/semanais durante 10,5 meses; 1 mestre infantil en xornada de 35 h/semanais durante 8,4333 meses; 1 traballador social e 1 monitor de tempo libre en xornada de 35 h/semanais durante 7,6666 meses; 8 peóns de servizos básicos en xornada de 35 h/semanais durante 5,4 meses; 1 monitor de tempo libre en xornada de 35 h/semanais durante 3,7333 meses; 3 peóns de servizos básicos en xornada de 37,5 h/semanais durante 3,5333 meses; e 2 peóns de servizos básicos en xornada de 37,5 h/semanais durante 2,9333 meses 111.007,76 € TOTAL 887.770,40 € 5.25198.- CONCESIÓN DE SUBVENCIÓNS Ó ABEIRO DO PLAN CONCELLOS 2017, CORRESPONDENTE Á LIÑA 2: AMORTIZACIÓN, PAGAMENTO DE DÉBEDAS E GASTO CORRENTE – 1ª RELACIÓN O Pleno da Deputación, na súa sesión de 28/12/2016, acordou a aprobación das bases reguladoras e a convocatoria do Plan de Obras e Servizos (Plan de Concellos) 2017, que foron publicadas no Boletín Oficial da Provincia de Pontevedra (BOPPO) núm. 249, do 30/12/2016, sendo o seu obxecto, no marco da cooperación económica, regular o procedemento de concesión, execución e xustificación das subvencións que se concedan con cargo a este plan. As finalidades subvencionables serán as que se sinalan nas bases e terán que ser de competencia municipal. Considerando os criterios de concesión que se regulan na base 5ª do Plan de Concellos 2017, elaborouse un reparto do crédito, a repartir polo procedemento de concorrencia non competitiva, que foi notificado ós concellos nos cinco primeiros días hábiles seguintes ó da publicación das bases no BOPPO. Asemade mediante resolución presidencial de 12/01/2017 aprobouse o reparto definitivo unha vez detraídas as débedas pendentes coa Deputación, no seu caso, que foi notificado ós concellos, segundo o previsto na base 7ª do Plan de Concellos 2017. Segundo o disposto na base quinta, da cantidade total que lle corresponda a cada concello, estes poderán destinalo ata o importe máximo que resulte de aplicar a porcentaxe do 15% con cargo á liña 2 de subvención (amortización, pagamento de débedas e gastos correntes, así como os gastos derivados da realización de actividades culturais, deportivas, sociais…). Ó abeiro desta Liña 2 presentáronse varias solicitudes de subvención, que se relacionan a continuación por importe total de 209.933,10 €. RELACIÓN Nº 1 (LIÑA 2) Concello CIF Obxecto Orzamento € Subvención Solicitada € Catoira P3601000G Pagamento de acredores de gasto corrente 40.889,75 40.889,75 Portas P3604000D Amortización débeda Concello de Portas 2017 55.440,15 55.440,15 Vila de Cruces P3605900D Gasto corrente novo 96.663,20 96.663,20 Vilanova de Arousa P3606100J Actuación musical de verán na festa do mexillón e do berberecho 16.940,00 16.940,00 IMPORTE TOTAL 209.933,10 Ditas solicitudes presentáronse dentro do prazo recollido na convocatoria do Plan de Concellos 2017, achegan a documentación requirida para a válida concesión de subvención e o obxecto proposto adecúase dentro da tipoloxía das finalidades subvencionables reguladas na base 8ª - Liña 2. Amortización, pagamento de débedas e gastos correntes. Fundamentos xurídicos: Réxime xurídico: - Lei 38/2003, de 17 de novembro, Xeral de Subvencións (LXS), e seu Regulamento, aprobado por Real Decreto 887/2006, de 21 de xullo (RLXS). - Lei 7/1985, de 2 de abril, Reguladora das Bases do Réxime Local (LRBRL). - Lei 39/2015, de 1 de outubro, de Procedemento Administrativo Común das Administracións Públicas. - Lei 9/2007, de 13 de xuño, de Subvencións de Galicia (LSG). - Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRJEL). - Bases reguladoras do Plan de Obras e Servizos 2017 (Plan de Concellos 2017). - Bases de execución do vixente orzamento da Deputación. Consideracións Xurídicas: Instrución do expediente: - Base reguladora 13ª do Plan de Concellos 2017, relativa á instrución e procedemento que indica que correspóndelle ó Servizo de Cooperación realizar as actuacións necesarias para a determinación, coñecemento e comprobación dos expedientes, solicitando cantos informes considere convenientes. Asemade, establécese que o procedemento de concesión das axudas é o de concorrencia non competitiva. Petición e evacuación de informes: - Artigo 80 da Lei 39/2015, de 1 de outubro, sobre a petición e a evacuación de informes. - Artigo 88.6 de Lei 39/2015, de 1 de outubro, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención. - Bases 47ª e 48ª de execución do Orzamento Provincial 2017, sobre o control e a fiscalización da xestión económica, que sinalan a competencia da Intervención para realizar esta función. - Artigo 24 da LXS que establece que as actividades de instrución comprenderán, entre outras, a petición de cantos informes estime necesarios para resolver ou que sexan esixidos polas normas que regulan a subvención. - Base reguladora 13ª do Plan de Concellos 2017, que indica que as propostas de concesións de subvencións someteranse á aprobación do órgano competente, previo informe do técnico competente da Deputación, segundo a natureza do investimento, no seu caso, e de fiscalización do Servizo de Intervención. Resolución do expediente: - Artigo 22 LXS que dispón que a proposta de concesión formularase ó órgano concedinte a través do órgano instrutor. - Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención. - Artigo 62 do RLXS que establece que na resolución de concesión deberán quedar claramente identificados os compromisos asumidos polos beneficiarios. - Artigo 185 do TRLRFL que regula as competencias en materia de xestión de gasto. - Base de execución 25ª do orzamento provincial para o exercicio 2017 que recolle as normas xerais reguladoras das subvencións. - Bases reguladoras 1ª e 8ª do Plan de Concellos 2017 que definen o obxecto, tipoloxía e as finalidades subvencionables que poden acollerse a este plan. - Bases reguladoras 10ª e 11ª do Plan de Concellos 2017 que recollen a necesaria documentación para a concesión da subvención e o prazo para a súa presentación. De acordo con todo o sinalado, no exercicio das competencias recollidas no artigo 35 da lei 7/1985, de 2 de abril, reguladora das bases do réxime local, no artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2017, e visto o informe da xefa do servizo de Cooperación, de data 10/02/2017, que conclúe favorablemente a concesión de subvención polos importes solicitados e o da Intervención Provincial de data 13/02/2017, a Xunta de Goberno acorda por unanimidade: - A concesión de subvencións ós concellos que se detallan na seguinte táboa (Relación nº1 – Liña 2) para as actuacións que se relacionan na mesma, por un importe total de 209.933,10€. Estas axudas económicas concédense ó abeiro do Plan de Obras e Servizos (Plan dos Concellos) 2017, dentro da súa Liña 2, (amortización, pagamento de débedas e gastos correntes, así como os gastos derivados da realización de actividades culturais, deportivas, sociais…). RELACIÓN Nº 1 (LIÑA 2) Concello Exp. Obxecto Orzamento € Subvención concedida € Catoira P3601000G 2017003540 Pagamento de acredores de gasto corrente 40.889,75 40.889,75 Portas P3604000D 2017003528 Amortización débeda Concello de Portas 2017 55.440,15 55.440,15 Vila de Cruces P3605900D 2017003531 Gasto corrente novo 96.663,20 96.663,20 Vilanova de Arousa P3606100J 2017003539 Actuación musical de verán na festa do mexillón e do berberecho 16.940,00 16.940,00 IMPORTE TOTAL 209.933,10 - O importe das achegas imputarase contra a aplicación orzamentaria 17/942.9425.462.45 e 17/942.9425.762.45 do vixente Orzamento provincial na que existe crédito suficiente para facer fronte ó gasto. - As subvencións concédense para colaborar no financiamento das actuacións propostas, non podendo cambiarse o destino nin a contía das mesmas. - O pago das subvencións farase anticipadamente unha vez se aprobe a concesión, agás no relativo ó gasto corrente novo e gastos derivados da realización de actividades culturais, deportivas, sociais, nos que só procederá o libramento despois de que os beneficiarios acheguen a pertinente xustificación e a correspondente aprobación do gasto polo órgano competente. - A xustificación de todas as finalidades subvencionadas realizarase conforme ó previsto nas bases reguladoras do Plan de Obras e Servizos (Plan de Concellos) 2017, aprobadas en acordo plenario o 28 de decembro de 2016 e publicadas no BOPPO núm. 249 do 30 de decembro de 2016 (dispoñibles tamén na web www.depo.es) e a demais lexislación vixente en materia de subvencións. - Os concellos deberán xustificar as axudas concedidas no prazo dun mes dende o cobro da subvención e en todo caso antes do mes de decembro de 2017, agás no caso do gasto corrente novo e gastos derivados da realización de actividades culturais, deportivas, sociais no que deberá xustificarse antes do 31 de marzo de 2018. O incumprimento desta obriga determinará a revogación das subvencións, así como o reintegro das cantidades percibidas de acordo co disposto no artigo 37 da Lei 38/2003, do 17 de novembro, xeral de subvencións. - Darlle traslado da presente resolución ós Concellos beneficiarios, á Intervención Provincial, ó Servizo de Cooperación e ó Gabinete de Presidencia. 6.25199.- INICIO DO PROCEDEMENTO DE REINTEGRO POLO IMPORTE NON XUSTIFICADO DA SUBVENCIÓN CONCEDIDA Ó CONCELLO DE CRECENTE Ó ABEIRO DO PLAN CONCELLOS 2016, CORRESPONDENTE Á LIÑA 4: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS Primeiro.- Mediante acordo da Xunta de Goberno en sesión ordinaria celebrada o día 05 de febreiro de 2016, punto número 14.24087, acordouse a concesión de subvencións ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais-2ª Relación, mediante o procedemento de concorrencia non competitiva, cuxas Bases reguladoras foron aprobadas mediante aprobación do Pleno da Corporación Provincial, na súa sesión ordinaria do día 27/11/2015, e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Segundo.- No dito acordo da Xunta de Goberno concedéuselle ó Concello de Crecente, con CIF número P360140EI, unha subvención de 85.671,60 € para facer fronte ó pagamento do custo salarial ao abeiro do seguinte número de contratos, tipo de xornada e duración: 1 condutor para o camión do lixo a xornada completa durante 10 meses, 1 condutor para maquinaria pesada a xornada completa durante 10 meses, 2 peóns operarios de limpeza en xornada de 25 horas semanais durante 10 meses, 6 operarios/as de servizos múltiples en xornada de 30 horas semanais durante 10 meses (expediente número 2016003088). A concesión desta subvención publicouse no BOPPO núm. 47 do 09/03/2016. Terceiro.- Mediante resolucións presidenciais do 16/05/2016, núm. 2016009918 e do 25/11/2016, núm. 2016021834 aprobáronse os libramentos de sendos anticipos por un importe total de 85.671,60 €, dunha subvención concedida polo mesmo importe. Cuarto.- Finalizado o contrato dos traballadores seleccionados e contratados con cargo a este Plan, en data 20/01/2017 con núm. de rexistro 2016004558, recíbese no Rexistro Xeral da Deputación a documentación xustificativa final correspondente á subvención da liña 4- Emprego para conservación e funcionamento de bens e servizos municipais 2016, no marco do Plan de Concellos 2016. Na xustificación presentada certifícase un custo real da actuación de 85.237,21 €, sobre unha subvención concedida de 85.671,60 €. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LXSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do procedemento administrativo común das Administracións Públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROF). - Bases de execución do Orzamento Provincial. - Ordenanza xeral de subvencións da Deputación de Pontevedra (publicada no BOPPO do 30/12/2016). - Bases reguladoras do Plan de Obras e Servizos (Plan de Concellos) 2016 aprobadas no Pleno da Corporación Provincial, na súa sesión ordinaria do día 27 de novembro de 2015 e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Consideracións xurídicas: 1.- Instrución do expediente: - -Na base Décimo terceira das Bases reguladoras do Plan de Concellos 2016 a tramitación dos expedientes, revisión das solicitudes e comprobación da documentación correspóndelle ó Servizo de Cooperación. 2.- Petición e evacuación de informes: - Artigos 78 e 79 da LPACAP, sobre a petición e a evacuación de informes. - Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais, sobre o control e a fiscalización da xestión económica que lle corresponde realizar á Intervención. - Artigo 172 do ROF, que dispón que o xefe da Dependencia á que corresponda tramitar o expediente deberá emitir un informe, expoñendo os antecedentes e as disposicións legais ou regulamentarias en que funde o seu criterio. - Bases 47ª e 48ª das de execución do vixente Orzamento provincial, sobre o control e a fiscalización da xestión económica, que sinala a competencia da Intervención para realizar estas funcións. 3.- Procedencia do reintegro: - Artigos 32 da LXS e 84.1 do RLXS que sinalan que o órgano concedinte comprobará a adecuada xustificación da subvención, así como a realización da actividade e o cumprimento da finalidade que se determine no acordo ou resolución de concesión, e con atención ó método contemplado nas bases reguladoras, a cuxo fin se revisará formal e materialmente a documentación que obrigatoriamente debera achegar o beneficiario. - En materia de reintegros estarase ó disposto nos artigos 36 a 43 da LXS e 89 e do 91 a 101 do RLXS. - Artigo 37.3 da LXS que sinala que procederá o reintegro do exceso obtido sobre o custo da actividade subvencionada, conforme ó disposto no artigo 19.3 da LXS. - Artigos 29 e 30 da Ordenanza xeral de subvencións da Deputación de Pontevedra sobre os supostos do reintegro e o seu procedemento. - Na base Décimo oitava das Bases reguladoras do Plan de Concellos 2016, no referente á liña 4: Emprego para conservación e funcionamento de bens e servizos municipais, regúlase o pagamento e xustificación da subvención. - Na base Décimo novena das Bases reguladoras do Plan de Concellos 2016, sinálase que se procederá ó reintegro das subvencións outorgadas de conformidade con estas bases nos termos fixados na normativa de subvencións e, de modo particular nos artigos 32 e seguintes da LXS. Conclusións: Examinados os antecedentes e a motivación legal exposta, visto que o beneficiario achegou a regulamentaria documentación xustificativa, comprobouse a conformidade de dita xustificación. A subvención librada ascendeu a 85.671,60 € sobre unha subvención concedida de 85.671,60 €, mentres que o custo real da actuación segundo se desprende da certificación achegada polo concello foi de 85.237,21 €. Resultando que o concello declarou un custo total subvencionable inferior á subvención percibida, estímase procedente iniciar o procedemento para esixir o reintegro polo exceso non aplicado á finalidade subvencionada, que ascende a 434,39 €. Á vista do exposto e do informe de fiscalización da Intervención Provincial, de 01/02/2017, sobre a procedencia do reintegro e o seu importe, a xefa do Servizo de Cooperación Municipal informa favorablemente a aprobación da xustificación presentada e o inicio do procedemento de reintegro polo importe sinalado. Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude das competencias atribuídas no artigo 35 da lei 7/1985, de 2 de abril, reguladora das bases do réxime local, nas Bases 16ª.2ª e 25ª das Bases de execución do orzamento provincial, no artigo 30.2 da Ordenanza xeral de subvencións da Deputación e no artigo 41.1 da Lei 38/2003, de 17 de novembro, xeral de subvencións, correspóndelle á Xunta de Goberno a resolución sobre o reintegro da cantidade recibida e non xustificada. En consecuencia, e vista a documentación xustificativa achegada polo Concello de Crecente, CIF. P3601400I, relativa á contratación de dez traballadores ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais, por un importe total de 85.237,21 €, sobre unha subvención concedida de 85.671,60 €. Vistos o informe-proposta da Xefe do Servizo de Cooperación e o informe da Intervención Provincial segundo os cales procede o reintegro do importe de 434,39 € que non se aplicou á actividade subvencionada. Considerando que, en consonancia co disposto nos artigos 29 e 30 da Ordenanza xeral de subvencións da Deputación, o feito expresado está contemplado no artigo 37 da Lei Xeral de Subvencións como causa de reintegro. Por conseguinte, de conformidade ás competencias que lle confire a normativa local vixente, a Xunta de Goberno acorda por unanimidade: 1. Que, como consecuencia da obriga incumprida e posta de manifesto, o Concello de Crecente, CIF P3601400I, debe reintegrar á Deputación de Pontevedra o importe de catrocentos trinta e catro euros con trinta e nove céntimos (434,39 €) correspondentes á parte da subvención percibida que non foi aplicada á finalidade subvencionada. Este importe deberá ser ingresado na conta núm. ES17.2080.5401.57.3110106612 aberta na entidade ABANCA. 2. Notificar esta resolución ó interesado para que, se o considerase oportuno, nun prazo non superior a quince días, computados a partir do día seguinte ó que teña lugar a notificación deste acto, poida alegar e presentar os documentos que estime pertinentes, conforme o disposto no artigo 94.2 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións. Transcorrido dito prazo sen que se formulen alegacións a resolución devén firme. 3. Darlle traslado da presente resolución ó Concello de Crecente, ó Servizo de Intervención Provincial e ó Servizo de Cooperación. 7.25200.- INICIO DO PROCEDEMENTO DE REINTEGRO POLO IMPORTE NON XUSTIFICADO DA SUBVENCIÓN CONCEDIDA Ó CONCELLO DE CERDEDO-COTOBADE Ó ABEIRO DO PLAN CONCELLOS 2016, CORRESPONDENTE Á LIÑA 4: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS Primeiro.- Mediante acordo da Xunta de Goberno en sesión ordinaria celebrada o día 29 de xaneiro de 2016, punto número 9.24062, acordouse a concesión de subvencións ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais-1ª Relación, mediante o procedemento de concorrencia non competitiva, cuxas Bases reguladoras foron aprobadas mediante aprobación do Pleno da Corporación Provincial, na súa sesión ordinaria do día 27/11/2015, e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Segundo.- No dito acordo da Xunta de Goberno concedéuselle ó Concello de Cerdedo, con CIF número P360110E, unha subvención de 82.339,84 € para facer fronte ó pagamento do custo salarial ao abeiro do seguinte número de contratos, tipo de xornada e duración: 4 oficiais de primeira, 5 peóns forestais, 1 soldador e 1 mecánico en xornada de 35 h/ semanais durante 8 meses (expediente número 2016002301). A concesión desta subvención publicouse no BOPPO núm. 47 do 09/03/2016. Terceiro.- Mediante resolucións presidenciais do 11/04/2016, núm. 2016006746 e do 09/08/2016, núm. 2016015067 aprobáronse os libramentos de sendos anticipos por un importe total de 82.339,84 €, dunha subvención concedida polo mesmo importe. Cuarto.- Finalizado o contrato dos traballadores seleccionados e contratados con cargo a este Plan, en data 17/01/2017 con núm. de rexistro 2016003387, recíbese no Rexistro Xeral da Deputación a documentación xustificativa final correspondente á subvención da liña 4- Emprego para conservación e funcionamento de bens e servizos municipais 2016, no marco do Plan de Concellos 2016. Na xustificación presentada certifícase un custo real da actuación de 82.288,69 €, sobre unha subvención concedida de 82.339,84 €. Fundamentación Xurídica: Normativa Examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LXSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do procedemento administrativo común das Administracións Públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROF). - Bases de execución do Orzamento Provincial. - Ordenanza xeral de subvencións da Deputación de Pontevedra (publicada no BOPPO do 30/12/2016). - Bases reguladoras do Plan de Obras e Servizos (Plan de Concellos) 2016 aprobadas no Pleno da Corporación Provincial, na súa sesión ordinaria do día 27 de novembro de 2015 e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Consideracións Xurídicas: 1.- Instrución do expediente: - Na base Décimo terceira das Bases reguladoras do Plan de Concellos 2016 a tramitación dos expedientes, revisión das solicitudes e comprobación da documentación correspóndelle ó Servizo de Cooperación. 2.- Petición e evacuación de informes: - Artigos 78 e 79 da LPACAP, sobre a petición e a evacuación de informes. - Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais, sobre o control e a fiscalización da xestión económica que lle corresponde realizar á Intervención. - Artigo 172 do ROF, que dispón que o xefe da Dependencia á que corresponda tramitar o expediente deberá emitir un informe, expoñendo os antecedentes e as disposicións legais ou regulamentarias en que funde o seu criterio. - Bases 47ª e 48ª das de execución do vixente Orzamento provincial, sobre o control e a fiscalización da xestión económica, que sinala a competencia da Intervención para realizar estas funcións. 3.- Procedencia do reintegro: - Artigos 32 da LXS e 84.1 do RLXS que sinalan que o órgano concedinte comprobará a adecuada xustificación da subvención, así como a realización da actividade e o cumprimento da finalidade que se determine no acordo ou resolución de concesión, e con atención ó método contemplado nas bases reguladoras, a cuxo fin se revisará formal e materialmente a documentación que obrigatoriamente debera achegar o beneficiario. - En materia de reintegros estarase ó disposto nos artigos 36 a 43 da LXS e 89 e do 91 a 101 do RLXS. - Artigo 37.3 da LXS que sinala que procederá o reintegro do exceso obtido sobre o custo da actividade subvencionada, conforme ó disposto no artigo 19.3 da LXS. - Artigos 29 e 30 da Ordenanza xeral de subvencións da Deputación de Pontevedra sobre os supostos do reintegro e o seu procedemento. - Na base Décimo oitava das Bases reguladoras do Plan de Concellos 2016, no referente á liña 4: Emprego para conservación e funcionamento de bens e servizos municipais, regúlase o pagamento e xustificación da subvención. - Na base Décimo novena das Bases reguladoras do Plan de Concellos 2016, sinálase que se procederá ó reintegro das subvencións outorgadas de conformidade con estas bases nos termos fixados na normativa de subvencións e, de modo particular nos artigos 32 e seguintes da LXS. Conclusións: Examinados os antecedentes e a motivación legal exposta, visto que o beneficiario achegou a regulamentaria documentación xustificativa, comprobouse a conformidade de dita xustificación. A subvención librada ascendeu a 82.339,84 € sobre unha subvención concedida de 82.339,84 €, mentres que o custo real da actuación segundo se desprende da certificación achegada polo concello foi de 82.288,69 €. Resultando que o concello declarou un custo total subvencionable inferior á subvención percibida, estímase procedente iniciar o procedemento para esixir o reintegro polo exceso non aplicado á finalidade subvencionada, que ascende a 51,15 €. Á vista do exposto e do informe de fiscalización da Intervención Provincial, de 01/02/2017, sobre a procedencia do reintegro e o seu importe, a xefa do Servizo de Cooperación Municipal informa favorablemente a aprobación da xustificación presentada e o inicio do procedemento de reintegro polo importe sinalado. Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude das competencias atribuídas no artigo 35 da lei 7/1985, de 2 de abril, reguladora das bases do réxime local, nas Bases 16ª.2ª e 25ª das Bases de execución do orzamento provincial, no artigo 30.2 da Ordenanza xeral de subvencións da Deputación e no artigo 41.1 da Lei 38/2003, de 17 de novembro, xeral de subvencións, correspóndelle á Xunta de Goberno a resolución sobre o reintegro da cantidade recibida e non xustificada. En consecuencia, e vista a documentación xustificativa achegada polo Concello de Cerdedo-Cotobade, CIF.P3600048G (expediente do Concello de Cerdedo, CIF:P3601100E), relativa á contratación de once traballadores ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais, por un importe total de 82.288,69 € sobre unha subvención de 82.339,84 €. Vistos o informe-proposta da Xefe do Servizo de Cooperación e o informe da Intervención Provincial segundo os cales procede o reintegro do importe de 51,15 € que non se aplicou á actividade subvencionada. Considerando que, en consonancia co disposto nos artigos 29 e 30 da Ordenanza xeral de subvencións da Deputación, o feito expresado está contemplado no artigo 37 da Lei Xeral de Subvencións como causa de reintegro. Por conseguinte, de conformidade ás competencias que lle confire a normativa local vixente, a Xunta de Goberno acorda por unanimidade: 1. Que, como consecuencia da obriga incumprida e posta de manifesto, o Concello de Cerdedo-Cotobade, CIF P3600048G (antigo Concello de Cerdedo, CIF.: P3606100J), debe reintegrar á Deputación de Pontevedra o importe de cincuenta e un euros con quince céntimos (51,15 €) correspondentes á parte da subvención percibida que non foi aplicada á finalidade subvencionada. Este importe deberá ser ingresado na conta núm. ES17.2080.5401.57.3110106612 aberta na entidade ABANCA. 2. Notificar esta resolución ó interesado para que, se o considerase oportuno, nun prazo non superior a quince días, computados a partir do día seguinte ó que teña lugar a notificación deste acto, poida alegar e presentar os documentos que estime pertinentes, conforme o disposto no artigo 94.2 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións. Transcorrido dito prazo sen que se formulen alegacións a resolución devén firme. 3. Darlle traslado da presente resolución ó Concello de Cerdedo-Cotobade (antigo Concello de Cerdedo), ó Servizo de Intervención Provincial e ó Servizo de Cooperación. 8.25201.- INICIO DO PROCEDEMENTO DE REINTEGRO POLO IMPORTE NON XUSTIFICADO DA SUBVENCIÓN CONCEDIDA Ó CONCELLO DE VILANOVA DE AROUSA Ó ABEIRO DO PLAN CONCELLOS 2016, CORRESPONDENTE Á LIÑA 4: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS Primeiro.- Mediante acordo da Xunta de Goberno en sesión ordinaria celebrada o día 19 de febreiro de 2016, punto número 15.24129, acordouse a concesión de subvencións ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais-4ª Relación, mediante o procedemento de concorrencia non competitiva, cuxas Bases reguladoras foron aprobadas mediante aprobación do Pleno da Corporación Provincial, na súa sesión ordinaria do día 27/11/2015, e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Segundo.- No dito acordo da Xunta de Goberno concedéuselle ó Concello de Vilanova de Arousa, con CIF número P3606100J, unha subvención de 130.741,95 € para facer fronte ó pagamento do custo salarial ao abeiro do seguinte número de contratos, tipo de xornada e duración: 7 peóns de obra pública, 2 albaneis, 1 carpinteiro/a, 1 fontaneiro/a, 1 soldador/a, 1 chofer, 2 tractoristas, 1 palista, 2 conserxes e 1 animador/a en xornada de 30 h/ semanais durante 7,5 meses; 3 peóns de obra pública en xornada de 35 h/semanais durante 4 meses (expediente número 2016003512). A concesión desta subvención publicouse no BOPPO núm. 47 do 09/03/2016. Terceiro.- Mediante resolucións presidenciais do 16/05/2016, núm. 2016009915, do 25/08/2016, núm. 2016015970, do 24/10/2016, núm. 2016019662, e do 13/12/2016, núm. 2016022966 aprobáronse os libramentos de sendos anticipos por un importe total de 130.741,95 €, dunha subvención concedida de 130.741,95 €. Cuarto.- Finalizado o contrato dos traballadores seleccionados e contratados con cargo a este Plan, en data 13/01/2017 con núm. de rexistro 2016002811, recíbese no Rexistro Xeral da Deputación a documentación xustificativa final correspondente á subvención da liña 4- Emprego para conservación e funcionamento de bens e servizos municipais 2016, no marco do Plan de Concellos 2016. Na xustificación presentada certifícase un custo real da actuación de 121.463,98 €, sobre unha subvención concedida de 130.741,95 €. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LXSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do procedemento administrativo común das Administracións Públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROF). - Bases de execución do Orzamento Provincial. - Ordenanza xeral de subvencións da Deputación de Pontevedra (publicada no BOPPO do 30/12/2016). - Bases reguladoras do Plan de Obras e Servizos (Plan de Concellos) 2016 aprobadas no Pleno da Corporación Provincial, na súa sesión ordinaria do día 27 de novembro de 2015 e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Consideracións xurídicas: 1.- Instrución do expediente: - Na base Décimo terceira das Bases reguladoras do Plan de Concellos 2016 a tramitación dos expedientes, revisión das solicitudes e comprobación da documentación correspóndelle ó Servizo de Cooperación. 2.- petición e evacuación de informes: - -Artigos 78 e 79 da LPACAP, sobre a petición e a evacuación de informes. - -Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - -Artigos 213 e ss. do Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais, sobre o control e a fiscalización da xestión económica que lle corresponde realizar á Intervención. - -Artigo 172 do ROF, que dispón que o xefe da Dependencia á que corresponda tramitar o expediente deberá emitir un informe, expoñendo os antecedentes e as disposicións legais ou regulamentarias en que funde o seu criterio. - -Bases 47ª e 48ª das de execución do vixente Orzamento provincial, sobre o control e a fiscalización da xestión económica, que sinala a competencia da Intervención para realizar estas funcións. 3.- Procedencia do reintegro: - Artigos 32 da LXS e 84.1 do RLXS que sinalan que o órgano concedinte comprobará a adecuada xustificación da subvención, así como a realización da actividade e o cumprimento da finalidade que se determine no acordo ou resolución de concesión, e con atención ó método contemplado nas bases reguladoras, a cuxo fin se revisará formal e materialmente a documentación que obrigatoriamente debera achegar o beneficiario. - En materia de reintegros estarase ó disposto nos artigos 36 a 43 da LXS e 89 e do 91 a 101 do RLXS. - Artigo 37.3 da LXS que sinala que procederá o reintegro do exceso obtido sobre o custo da actividade subvencionada, conforme ó disposto no artigo 19.3 da LXS. - Artigos 29 e 30 da Ordenanza xeral de subvencións da Deputación de Pontevedra sobre os supostos do reintegro e o seu procedemento. - Na base Décimo oitava das Bases reguladoras do Plan de Concellos 2016, no referente á liña 4: Emprego para conservación e funcionamento de bens e servizos municipais, regúlase o pagamento e xustificación da subvención. - Na base Décimo novena das Bases reguladoras do Plan de Concellos 2016, sinálase que se procederá ó reintegro das subvencións outorgadas de conformidade con estas bases nos termos fixados na normativa de subvencións e, de modo particular nos artigos 32 e seguintes da LXS. Conclusións: Examinados os antecedentes e a motivación legal exposta, visto que o beneficiario achegou a regulamentaria documentación xustificativa, comprobouse a conformidade de dita xustificación. A subvención librada ascendeu a 130.741,95 € sobre unha subvención concedida de 130.741,95 €, mentres que o custo real da actuación segundo se desprende da certificación achegada polo concello foi de 121.463,98 €. Resultando que o concello declarou un custo total subvencionable inferior á subvención percibida, estímase procedente iniciar o procedemento para esixir o reintegro polo exceso non aplicado á finalidade subvencionada, que ascende a 9.277,97 €. Á vista do exposto e do informe de fiscalización da Intervención Provincial, de 01/02/2017, sobre a procedencia do reintegro e o seu importe, a xefa do Servizo de Cooperación Municipal informa favorablemente a aprobación da xustificación presentada e o inicio do procedemento de reintegro polo importe sinalado. Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude das competencias atribuídas no artigo 35 da lei 7/1985, de 2 de abril, reguladora das bases do réxime local, nas Bases 16ª.2ª e 25ª das Bases de execución do orzamento provincial, no artigo 30.2 da Ordenanza xeral de subvencións da Deputación e no artigo 41.1 da Lei 38/2003, de 17 de novembro, xeral de subvencións, correspóndelle á Xunta de Goberno a resolución sobre o reintegro da cantidade recibida e non xustificada. En consecuencia, e vista a documentación xustificativa achegada polo Concello de Vilanova de Arousa, CIF. P3606100J, relativa á contratación de vinte e dous traballadores ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais, por un importe total de 121.463,98 € sobre unha subvención de 130.741,95 €. Visto o informe-proposta da xefa do Servizo de Cooperación e o informe da Intervención Provincial segundo os cales procede o reintegro do importe de 9.277,97 € que non se aplicou á actividade subvencionada. Considerando que, en consonancia co disposto nos artigos 29 e 30 da Ordenanza xeral de subvencións da Deputación, o feito expresado está contemplado no artigo 37 da Lei Xeral de Subvencións como causa de reintegro. Por conseguinte, de conformidade ás competencias que lle confire a normativa local vixente, a Xunta de Goberno acorda por unanimidade: 1. Que, como consecuencia da obriga incumprida e posta de manifesto, o Concello de Vilanova de Arousa, CIF.: P3606100J, debe reintegrar á Deputación de Pontevedra o importe de nove mil douscentos setenta e sete euros con noventa e sete céntimos (9.277,97 €) correspondentes á parte da subvención percibida que non foi aplicada á finalidade subvencionada. Este importe deberá ser ingresado na conta núm. ES17.2080.5401.57.3110106612 aberta na entidade ABANCA. 2. Notificar esta resolución ó interesado para que, se o considerase oportuno, nun prazo non superior a quince días, computados a partir do día seguinte ó que teña lugar a notificación deste acto, poida alegar e presentar os documentos que estime pertinentes, conforme o disposto no artigo 94.2 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións. Transcorrido dito prazo sen que se formulen alegacións a resolución devén firme. 3. Darlle traslado da presente resolución ó Concello de Vilanova de Arousa, ó Servizo de Intervención Provincial e ó Servizo de Cooperación. 9.25202.- APROBACIÓN DO PROXECTO MODIFICADO “REMATE MELLORA RÚA VISTA ALEGRE”, CONCELLO DE VILAGARCÍA DE AROUSA, INCLUÍDO NO PLAN PROVINCIAL DE OBRAS E SERVIZOS 2015 (PPOS/15) REF.:PPOS/15/00989/201500058 O Pleno da Deputación, na súa sesión do 28 de novembro de 2014, acordou a aprobación das Bases Reguladoras do Plan Provincial de Obras e Servizos 2015 (PPOS 15), que foron publicadas no Boletín Oficial da Provincia de Pontevedra (BOPPO) número 1, do 2 de xaneiro de 2015, sendo o seu obxecto, no marco da cooperación económica, a concesión de subvencións ás entidades locais da provincia para financiar a realización de investimentos e os gastos correntes nos que incorren na súa actividade como xestores públicos. Se ben se debe ter en conta a modificación de dito plan aprobado mediante acordo plenario do 27 de febreiro de 2015, publicado no BOPPO núm. 41, do 2 de marzo de 2015, e a prórroga dos prazos de concesión e de execución e xustificación aprobado mediante acordo plenario do 28 de decembro de 2016, publicado no BOPPO núm. 249, do 30 de decembro de 2016. Mediante acordo da Xunta de Goberno desta Deputación Provincial 12.23178 de data 17/03/2015, concedeuse unha subvención ao abeiro do PPOS/15, por importe de 288.500,00 € ao Concello de Vilagarcía de Arousa, CIF P3606000B, para o financiamento do investimento “Remate mellora rúa Vista Alegre” (Ref.: PPOS/15/00989/201500058), cun orzamento polo mesmo importe (288.500,00 €). Procedemento de concesión concorrencia. A Secretaria Xeral do Concello de Vilagarcía de Arousa, en data 28/10/2015, certifica que a Xunta de Goberno Local, na sesión do día 13/10/2015 acorda aprobar a adxudicación do contrato denominado “Remate mellora Rúa Vista Alegre” por importe de 236.425,75 € (IVE incluído), documentación aportada coa xustificación do investimento correspondente a certificación de obra nº 1; resultando unha baixa de adxudicación por importe de 52.074,25€. Mediante Resolución Presidencial 2016018893 de data 10/10/2016, se autoriza ó Concello de Vilagarcía de Arousa o reinvestimento da baixa resultante da adxudicación da obra “Remate mellora da rúa Vista Alegre” no financiamento da actuación “Obras complementarias ao remate e mellora da rúa Vista Alegre” por importe de 52.073,98 €; e lémbraselle que, calquera modificación do contrato que supoña incremento no importe da execución das obras, unha vez autorizada a reinversión da baixa producida, será financiada exclusivamente polo Concello. En data 22/12/2016 ten entrada no rexistro da Deputación co número 2016127032 solicitude do Concello de Vilagarcía de Arousa de aprobación por parte da Deputación do proxecto Modificado “Remate mellora rúa Vista Alegre” facendo constar que a financiación do mesmo realizase con fondos propios do Concello por importe de 23.642,54 €. Con dita solicitude achega o proxecto modificado; a Secretaria Xeral do Concello certifica que a Xunta de Goberno Local, na sesión do día 30/05/2016 acorda aprobar a modificación contractual que supón un incremento de 23.642,54 € sobre o prezo de adxudicación. Revisada a documentación, a solicitude remitida cumpre os requisitos esixidos nas bases reguladoras do PPOS/15. Fundamentación xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, de Procedemento Administrativo Común das Administracións Públicas. - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLRFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROFRJEL). - Real Decreto Lexislativo 3/2011, de 14 de novembro, polo que se aproba o texto refundido da Lei de contratos do Sector Público. - Bases de execución do Orzamento Provincial para o ano 2017. - Bases reguladoras do PPOS 15. - Ordenanza Xeral de Subvencións da Deputación de Pontevedra. Consideracións xurídicas: Instrución do expediente: - Base reguladora 10ª do PPOS 15, relativa á instrución, procedemento e xustificación, que indica que correspóndelle ao Servizo de Cooperación as actuacións necesarias para a determinación, coñecemento e comprobación dos expedientes. - Base reguladora 12ª do PPOS/15, relativa os proxectos, que indica que a Deputación, procedera, en todo caso, a supervisión e control dos proxectos tendo en conta especialmente os prezos das distintas unidades de obra. Petición e evacuación de informes: - Artigo 80 da Lei 39/2015, de 1 de outubro, de Procedemento Administrativo, Común das Administracións Públicas, sobre a petición e a evacuación de informes. - Artigo 88.6 da Lei 39/2015, de 1 de outubro, de Procedemento Administrativo, Común das Administracións Públicas, que sinala que a aceptación de informes ou ditames servirá de motivación á Resolución cando se incorporen ó texto da mesma. Procedencia da autorización: - Artigo 151 do RDL 3/2011, de 14 de novembro, polo que se aproba o Texto Refundido da Lei Contratos do Sector Público relativo a adxudicación e clasificación dos contratos que establece que a adxudicación guiarase polos criterios de adxudicación establecidos nos pregos e de existir un único criterio este será a oferta economicamente máis vantaxosa. - Artigo 31 da Lei 38/2003, do 17 novembro, xeral de subvencións, que establece que son subvencionables aqueles gastos que respondan á natureza da actividade subvencionada e se realicen no prazo establecido nas bases reguladoras, sempre que os gastos se axusten a mercado. - Base reguladora 14ª do PPOS/15, relativa á licitación e modificación do proxecto, indica que, se durante a execución das obras xurde a necesidade de modificar o proxecto da obra o concello deberá tramitar o correspondente expediente de acordo co establecido no Texto refundido da Lei de contratos de sector público, e redactar un proxecto modificado que deberá ser aprobado polo Concello e pola Deputación. Non obstantes, só se admitirán a trámite modificacións que se poidan financiar co importe das baixas de adxudicación. - Acordo plenario de 28 de decembro de 2016 que estende o prazo de concesión de subvencións por cambios de aplicación ou modificacións do contido das resolucións xa recaídas, así como os de concesión de subvencións por reinvestimento de baixas dos investimentos acollidos ó PPOS/15 ata o 30 de setembro de 2017; e o prazo de execución e xustificación dos investimentos acollidos ó PPOS/15 ata o 31 de decembro de 2017. De acordo con todo o sinalado, no exercicio das competencias recollidas no artigo 35 da lei 7/1985, de 2 de abril, reguladora das bases do réxime local, no artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2017, e visto o informe da xefa do servizo de Cooperación de data 07/02/2017 e da Intervención Provincial de data 10/02/2017 que conclúe favorablemente a aprobación do proxecto modificado, a Xunta de Goberno acorda por unanimidade: - Aprobar o proxecto modificado das actuacións levadas a cabo para a realización do investimento denominado “Mellora remate rúa Vista Alegre” (PPOS/15/00989/201500058) do Concello de Vilagarcía de Arousa que supón un incremento no orzamento de adxudicación de 23.642,54 € e que se financiará con fondos propios do Concello. - O investimento deberá estar executado e xustificado, na súa totalidade, o 31 de decembro de 2017. O incumprimento desta obriga poderá dar lugar á revogación da subvención concedida. - Darlle traslado do presente acordo ao Concello de Vilagarcía de Arousa, á Intervención Provincial, ó Servizo de Cooperación e ó Gabinete de Presidencia. 10.25203.- DESESTIMACIÓN DAS ALEGACIÓNS FORMULADAS POLO CONCELLO DE MOAÑA Ó INICIO DO PROCEDEMENTO DE PERDA DO DEREITO Ó COBRO DA SUBVENCIÓN CONCEDIDA PARA O “DESENVOLVEMENTO DO TRANSPORTE ÁREA METROPOLITANA DE VIGO” (PPOS/15/00643/201500014) E ACORDO DEFINITIVO Primeiro: Ó abeiro das bases reguladoras do Plan de Obras e Servizos 2015, sección gasto corrente, a Deputación de Pontevedra concedeu, mediante acordo da Xunta de Goberno do 20 de febreiro de 2015, ó Concello de Moaña unha subvención por importe de 35.867,00 € co obxecto do financiamento da actuación “Desenvolvemento do transporte metropolitano de Galicia na área de Vigo”. A contía solicitada baseábase nas previsións reflectidas no anteproxecto do convenio de colaboración para a implantación do Plan de transporte metropolitano na área de influencia de Vigo; convenio que foi aprobado por acordo plenario do Concello de Moaña de 27 de xaneiro de 2015 e asinado o 4 de marzo de 2015. Este convenio na súa estipulación segunda 2.2,b) establece que no primeiro trimestre de cada ano, a Dirección Xeral de Mobilidade remitirá a cada unha das partes do convenio a liquidación do ano anterior, atendendo ás obrigas que efectivamente corresponderá abonar a cada administración. Segundo: En data 19 de novembro de 2015 consta entrada na Deputación escrito do Concello de Moaña (núm. de rexistro 2015118125) que achega documentación xustificativa parcial da actuación “Desenvolvemento do transporte metropolitano de Galicia na área de Vigo” e solicita o libramento do importe que ascende a 23.911,32 €. En data 2 de febreiro de 2016 dítase a resolución 2016001630 mediante a cal se recoñece a obriga e ordena o pagamento do importe referido. Terceiro: En data 22 de abril de 2016, a Xunta de Goberno provincial, mediante acordo núm. 11.24302, e ante a solicitude do Concello de Moaña motivada no feito de que non constaba comunicación expresa da Xunta de Galicia relativa a estimación do gasto pola prestación do servizo para o 4º trimestre do exercicio 2015, con carácter excepcional, acorda estender o prazo de xustificación da actuación “Desenvolvemento do transporte metropolitano de Galicia na área de Vigo” ata o 30 de setembro de 2016. Cuarto: Rematado o prazo de xustificación non consta entrada na Deputación da documentación xustificativa parcial relativa á actuación que se salienta en parágrafos anteriores. Quinto: En data 3 de outubro de 2016 (núm. rexistro de saída 2016018504 de 4 de outubro) se lle require formalmente ó Concello de Moaña para que presente a documentación acreditativa parcial do gasto efectuado, dándolle para isto un prazo improrrogable de 15 días hábiles, a contar dende o seguinte ó recibo da comunicación, e se lle apercibe de que transcorrido este prazo se iniciaría de oficio o procedemento de decaemento no dereito ó cobro da subvención concedida. Sexto: Transcorrido o prazo salientado no parágrafo anterior non consta entrada na Deputación da documentación xustificativa requirida. Sétimo: En data 18 de novembro de 2016 a Xunta de Goberno da Deputación, mediante acordo núm. 12.24943, acorda iniciar o procedemento de declaración de perda do dereito ó cobro da subvención concedida ó Concello de Moaña, por importe de 11.955,68 €, correspondentes á xustificación parcial da axuda económica concedida para a realización da actuación “Desenvolvemento do transporte metropolitano de Galicia na área de Vigo”. Oitavo: O acordo anterior é notificado ó Concello en data 5 de decembro de 2016 e no mesmo se recolle un prazo de 15 días hábiles para que o interesado formule cantas alegacións estime oportunas. Noveno: En data 22 de decembro de 2016 consta entrada na oficina do Oral de Cangas, do escrito de alegacións que xunta a documentación xustificativa parcial do gasto realizado extemporaneamente. Décimo: Fronte as alegacións formuladas, en data 30 de xaneiro de 2017, a aefa do Servizo de Cooperación emite un informe que literalmente di como segue: “Primeiro: Perante calquera institución xurídica o primeiro que debemos analizar é o seu réxime xurídico regulador, tendo en conta, neste caso, que o suxeito activo da actividade de fomento é unha corporación local. Para isto, debemos referirnos ás normas propias do noso ordenamento xurídico, para despois referirnos a aquelas outras que de carácter subsidiario poidan ser empregadas. A Lei 38/2003, de 17 de novembro, Xeral de Subvencións (LXS) e a Lei 9/2007, de 13 de xuño, de Subvencións de Galicia (LSG) constitúen a lexislación básica onde se regulan as disposicións comúns que definen os elementos subxectivos e obxectivos da relación xurídica subvencional, do réxime de coordinación da actuación das diferentes administracións públicas, determinadas normas de xestión e xustificación das subvencións, a invalidez da resolución de concesión, as causas e obrigados ó reintegro, o réxime material de infraccións e as regras básicas reguladoras das sancións administrativas na orde subvencional. O artigo 14 da LXS, regula cales son as obrigas que deberán ser cumpridas polos beneficiarios entre as que se atopa: “Xustificar ante o órgano concedinte ou a entidade colaboradora, o cumprimento dos requisitos e condicións, así como a realización da actividade e o cumprimento da finalidade que determinen a concesión ou disfrute da subvención”. Pola súa banda, o artigo 34.3 da citada Lei sinala como causa da perda do dereito ó cobro da subvención concedida, o incumprimento da obriga de xustificación ou a concorrencia dalgunha das causas previstas no artigo 37. Segundo: A Deputación de Pontevedra na súa sesión plenaria do 30 de decembro de 2014, no marco da cooperación cos concellos da provincia, aprobou as bases reguladoras do Plan de Obras e Servizos 2015, que foron publicadas no BOPPO núm. 1 do 2 de xaneiro de 2015, sendo o seu obxecto a regulación dos procedementos de concesión e xustificación de subvencións ás entidades locais da provincia para a realización de investimentos e os gastos correntes nos que incorren na súa actividade como xestores públicos. O concello de Moaña solicitou, formalmente e en prazo, e obtivo, dentro do PPOS/15 na liña adicada o financiamento de gasto corrente, unha subvención por importe de 35.867,00 euros con destino ó financiamento da actuación “Desenvolvemento do transporte metropolitano Galicia na área de Vigo”. Este gasto, ó abeiro do recollido na base sétima do Plan, debería estar xustificado na súa integridade antes do 31 de marzo de 2016. Xustificado parcialmente o gasto e, excepcionalmente, en atención a petición da entidade municipal, fundamentada no feito de que a actuación para a que se solicitaba subvención estaba supeditada a que outra Administración, en concreto a Xunta de Galicia, xirase unha liquidación indicando a obriga que efectivamente lle correspondía abonar ó Concello de Moaña, estendeuse o prazo de xustificación para a actuación “Desenvolvemento do transporte área metropolitana de Vigo” ata o 30 de setembro 2016. Rematado sobradamente este prazo e dado que non se constatou na Deputación a entrada da documentación xustificativa da actuación salientada e, trala oportuna notificación na que se require á entidade municipal a presentar a citada documentación dándolle un prazo de 15 días hábiles dende o seguinte ó da recepción da notificación para isto, iníciase o procedemento de perda do dereito ó cobro da subvención concedida. A Lei Xeral de Subvencións, establece claramente no seu artigo 2.1.b que: “se entende por subvención toda disposición de diñeiro (…), e que cumpra os seguintes requisitos: (…) b) Que a entrega estea suxeita ó cumprimento dun determinado obxectivo (…), debendo o beneficiario cumpri-las obrigas materiais e formais que se establecesen”. Polo tanto, con esta definición, a lei define os compromisos formais como auténticas obrigas. Ademais, no artigo 30.2 da LXS tamén se sinala que a rendición da conta xustificativa constitúe un acto obrigatorio do beneficiario ou da entidade colaboradora, na que se deben incluír, baixo a responsabilidade do declarante, os xustificantes de gasto ou calquera outro documento con validez xurídica que permitan acreditar o cumprimento da subvención pública. A forma da conta xustificativa e o prazo de rendemento da mesma virán determinados polas correspondentes bases reguladoras das subvencións públicas. Pola súa banda, a Lei 9/2007, de 13 de xuño, de subvencións de Galicia, en concordancia coa Lei Xeral de Subvencións, no seu artigo 28.1 dispón: “A xustificación das condicións impostas e da consecución dos obxectivos previstos no acto de concesión da subvención se documentará da maneira que se determine regulamentariamente (…), segundo se dispoña na normativa reguladora.” Asemade, o artigo 24 da Ordenanza xeral de subvencións da Deputación dispón que a xustificación do cumprimento da finalidade, da consecución dos obxectivos, da aplicación dos fondos e das demais obrigas impostas na concesión farase de conformidade co que se estableza nas bases reguladoras da convocatoria. A súa vez, o artigo 25.4 da citada ordenanza establece que: “Se, finalizado o prazo, non se presenta a xustificación, requirirase de forma inmediata á persoa beneficiaria para que a presente no prazo improrrogable de quince días, podendo suceder : (…) d) Se non se presenta neste prazo causará a iniciación do expediente de perda do dereito ó cobro da subvención e, no caso de pago anticipado, iniciarase o procedemento de reintegro.” Das estipulacións xurídicas que conteñen os artigos referidos, pódese desprender a natureza obrigacional da rendición en prazo da documentación xustificativa. Acreditación que ten unha dobre vertente que non debe ser confundida: ha de facerse en tempo e forma e con elo, tamén, demostrar que o cumprimento material das obrigas impostas levouse a cabo no termo previsto no acordo de concesión individual. Por outra banda, existe xurisprudencia suficiente, onde se destaca o carácter obrigatorio da xustificación en prazo e a imposibilidade de subsanación. Sirvan como exemplo: - Sentencia da Audiencia Nacional de 15 de abril de 2015 (Re. 311/2014): “debe salientarse que o manexo dos fondos públicos demanda unha rigorosa xustificación e acreditación da aplicación e destino a tales fondos, que garanta o correcto cumprimento dos fines que xustificaron a subvención. Por elo, a falta de cumprimento dos requisitos documentais determinados na norma convocante, determina como consecuencia que non se teña por xustificado e aplicado en forma o gasto.” - Sentencia do Tribunal Supremo de 7 de xullo de 2005 (RJ 2005/5170), que sinala: “han de cumprirse as condicións de fondo, pero tamén han de cumprirse as condicións formais que se establezan relativas ó tempo e forma da xustificación, e ese cumprimento incumbe acreditalo ó/á autor/a, que no caso dos autos, aínda que se acepte seu cumprimento respecto do fondo, non o fixo respecto dos requisitos formais.” Terceiro: Obxectivamente, por razóns obvias de seguridade xurídica e de igualdade e non discriminación, resulta imposible acomodar os prazos de execución e xustificación das subvencións concedidas ás peculiaridades e casuística de cada entidade municipal; todo máis cando existe un regulamento específico, aprobado por acordo Plenario, que regula os procedementos a seguir na concesión e xustificación das axudas públicas cuns prazos concretos e seguindo as determinacións ás que se fixo referencia anteriormente. Cuarto: Xunto co escrito de alegacións, o concello fai entrega da documentación xustificativa por importe de 11.955,68 euros que restaba por xustificar do total da subvención concedida. Comprobada esta documentación cos feitos precedentes ponse de manifesto a extemporaneidade da obriga de xustificación na que incorreu o Concello de Moaña por un período de case tres meses. A vista do que antecede, propoño a desestimación das alegacións formuladas polo Concello de Moaña, por incumprimento das obrigas materiais e formais a cuxo cumprimento se subordinou a entrega dos fondos públicos con independencia de se este incumprimento está motivado por causas imputables ó beneficiario ou por circunstancias alleas ó mesmo. Este e meu informe que non ten carácter vinculante sen prexuízo doutro máis axustado a dereito o que se estime máis conveniente ó interese xeral. 31 de xaneiro de 2017 A xefa do servizo de cooperación Marina Piñeiro Novo” Fundamentos Xurídicos: Réxime Xurídico:  Lei 38/2003, de 17 de novembro, Xeral de Subvencións (LXS).  Lei 7/1985, de 2 de abril, Reguladora das Bases do Réxime Local (LRBRL).  Lei 39/2015, de 1 de outubro, do Procedemento Administrativo Común das Administracións Públicas (LPACAP).  Lei 9/2007, de 13 de xuño, de Subvencións de Galicia (LSG).  Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, Xeral de Subvencións (RLXS).  Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRJEL).  Bases reguladoras do Plan Provincial de Obras e Servizos 2015 (PPOS/15).  Bases de execución do orzamento da Deputación para o exercicio 2017.  Ordenanza xeral de subvencións da Deputación de Pontevedra. Consideracións Xurídicas: Instrución do expediente:  Base reguladora 10ª do PPOS/15, relativa á instrución e procedemento que indica que correspóndelle a xefa do Servizo de Cooperación as actuacións necesarias para a determinación, coñecemento e comprobación dos expedientes. Asemade, establécese que procedemento ordinario de concesión das axudas é o de concorrencia. Petición e evacuación de informes:  Artigos 79 e 80 da LPACAP sobre a petición e a evacuación de informes.  Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma.  Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención.  Bases 47ª e 48ª de execución do Orzamento provincial para 2017, sobre o control e a fiscalización da xestión económica, que sinala a competencia da Intervención para realizar esta función. Resolución do expediente:  Artigo 29 da Ordenanza xeral de subvencións da Deputación que regula o procedemento de perda do dereito ó cobro da subvención concedida. No seu punto segundo dispón que producirase a perda do dereito ó cobro da subvención, total ou parcial, no suposto de falta de xustificación, ou pola concorrencia de toda unha serie de circunstancias, entre as que se atopan: o O incumprimento das obrigas establecidas con motivo da concesión da subvención. o O incumprimento das obrigas de xustificación. Asemade, no seu punto terceiro establécese que no procedemento para declarar a procedencia da perda do dereito ó cobro da subvención, débense cumprir os seguintes trámites: - Acordo de inicio. - Notificación con alegacións e reclamacións - Resolución de alegacións, se as houbese, e acordo definitivo. - Notificación con indicación de recursos. - Conclusións Das consideracións xurídicas expostas conclúese que as alegacións formuladas polo Concello de Moaña fronte ó inicio do procedemento de perda ó dereito ó cobro da subvención concedida para o “Desenvolvemento do transporte metropolitano de Vigo” foron presentadas en tempo e forma unha vez practicada a notificación e dentro do prazo de quince días hábiles computados dende o seguinte ó recibo da mesma. No relativo ó fondo da cuestión suscitada e de acordo co informe da xefa do Servizo de Cooperación, que se traslada literalmente, procede a desestimación das mesmas e a declaración firme da perda do dereito ó cobro da subvención concedida, por importe 11.955,68€, polo incumprimento das condicións formais establecidas nos acordos de concesión individuais e da obriga material dado que esta realízase fóra do prazo establecido en ditos acordos. De acordo con todo o sinalado, no exercicio da competencias que atribúe o artigo 35 da lei 7/1985, de 2 de abril, reguladora das bases do réxime local, o artigo 63 do Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais e as bases específicas de execución do orzamento para o exercicio 2017, a Xunta de Goberno acorda por unanimidade: Desestimar as alegacións formuladas polo Concello de Moaña ó inicio do procedemento de perda do dereito ó cobro da subvención concedida, no PPOS/15, para o “Desenvolvemento do transporte área metropolitana de Vigo” (Ref.: PPOS/15/0006438201500014). Elevar a definitivo o acordo núm. 12.24943, do 18 de novembro de 2016, de declaración de perda do dereito ó cobro da subvención concedida para o “Desenvolvemento do transporte metropolitano na área de Vigo”, por importe de 11.955,68 €, por incumprimento das obrigas formais e materiais establecidas nos acordos da xunta de goberno núm. 2.23094, do 20 de febreiro de 2015, e núm. 11.24302, do 22 de abril de 2016. Darlle traslado do presente acordo ó Concello de Moaña, á Intervención, á Infraestruturas, ó Servizo de Cooperación e ó Gabinete de Presidencia. 11.25204.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DUN ACORDO MARCO PARA A “SUBMINISTRACIÓN DE VEHÍCULOS SEN CONDUTOR EN RÉXIME DE ALUGUER PARA OS CENTROS E SERVIZOS DA DEPUTACIÓN DE PONTEVEDRA” (Expte. nº2017003404) A Deputación de Pontevedra buscando facer un uso óptimo e racional dos recursos públicos, considera axeitado levar a cabo procedementos centralizados de contratación de servizos e subministracións que lle permitan unificar criterios, mellorar o servizo recibido de parte dos provedores, realizar unha maior eficiencia na utilización dos recursos e controlar o gasto público ó tempo que se consegue un importante aforro económico. En consonancia co anterior, tomando en conta as necesidades postas de manifesto de parte das persoas responsables de diferentes centros xestores da institución provincial como son o traslado de persoal da institución provincial ó lugar no que ten que desenvolver as tarefas propias do seu posto de traballo (o persoal responsable do control e vixilancia das obras e estradas provinciais, os axentes catastrais adscritos ó Servizo de Xestión Catastral e Tributaria do IBI ou o equipo de traballo adscrito ó Programa Integral de posta en valor dos Xacementos Galaico – Romanos, adscritos ó Servizo de Turismo) ou para levar a cabo o transporte escolar e de persoas, e tendo feito unha análise pormenorizada das contratacións realizadas en exercicios orzamentarios anteriores, ponse de manifesto a necesidade de dispoñer de determinado tipo de vehículos, sen condutor, de xeito regular. Dado que a Deputación de Pontevedra non conta cos medios nin cos recursos propios para dar cobertura a esta necesidade, o Xefe do Servizo de Contratación, co Vº e Prace do Deputado Delegado propón, con data 21 de decembro de 2016, a incoación do expediente oportuno para levar a cabo a contratación da subministración de vehículos sen condutor, en réxime de aluguer, para os centros e servizos da Deputación de Pontevedra. Asemade, no seu informe de procedemento xustifica que o réxime xurídico do contrato é o administrativo, a elección do procedemento de adxudicación aberto atendendo a diferentes criterios de valoración (obxectivos e subxectivos), e indica que, tal e como prevé o artigo 109 do Real Decreto Lexislativo 3/2011 de 14 de novembro polo que se aproba o Texto Refundido da Lei de Contratos do Sector Público (TRLCSP), desde o Servizo de Contratación se elabore un proxecto do prego de condicións económico - administrativas. Resultando que no antedito informe de procedemento se indica que a presente contratación se articula como un Acordo Marco (Tipo 3 denominado “Contrato Marco por Homologación”) segundo o previsto no artigo 196 e seguintes do TRLCSP ante a imposibilidade de coñecer con antelación as necesidades concretas das subministracións que se van a precisar, podéndose unicamente establecer unhas necesidades estimadas. O Acordo Marco articulase en lotes, ao obxecto de facilitar a concorrencia dos licitadores. Polo secretario infórmase favorable o proxecto de prego de cláusulas económico administrativas con data 30 de xaneiro de 2017. Posteriormente trasládase o expediente de contratación ó Servizo de Intervención para que o fiscalice nos termos previstos na Lei 47/2003, de 26 de novembro. Resultando que polo Servizo de Intervención se emiten documentos RC por un importe total de 72.713,80€ polo que se certifica a existencia de consignación orzamentaria, para facer fronte as obrigas que se deriven dos contratos derivados que se formalicen con cargo ás aplicacións orzamentarias 232.2312.204.00 (Centro Príncipe Felipe. Lote 1), 433.3361.204.00 (Servizo de Turismo. Lote 2) e 932.9320.204.00 (Servizo de Xestión Catastral e Tributaria do IBI –ORAL- Lote 2) do vixente orzamento provincial. Visto o informe de fiscalización, de data 9 de febreiro de 2017, emitido polo Sr. Interventor. Considerando que a disposición adicional segunda do TRLCSP, no seu apartado 1, faculta á Presidencia para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para a contratación de subministracións que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Aprobar o expediente de contratación para a adxudicación mediante procedemento aberto dun “Acordo Marco para a subministración de vehículos sen condutor, en réxime de aluguer, para os centros e servizos da Deputación de Pontevedra” , de acordo aos seguintes prezos unitarios máximos: Lote Nº Tipo de Vehículo Prezo Máximo Mensual Unitario (IVE non Incluído) IVE (21%) Prezo Máximo Mensual Unitario (IVE Incluído) 1 Autobús (40 Prazas) 3.100,00€ 651,00€ 3.751,00€ 2 Furgoneta 5 Prazas 528,46€ 110,98€ 639,44€ Tipo 1: Furgoneta 5 Prazas Con gancho e remolque 831,79€ 174,68€ 1.006,47€ Tipo 2: Furgoneta 5 Prazas Con gancho de remolque 539,85€ 113,37€ 653,22€ Furgoneta 9 Prazas 910,87€ 191,29€ 1.102,16€ Turismo 5 Prazas 450,00€ 94,50€ 544,50€ A efectos informativos, e unicamente ó obxecto de determinar as normas que deberán rexer no procedemento de licitación e adxudicación do presente Acordo Marco, tomáronse en conta para o cálculo do seu importe, as necesidades existentes nos diferentes centros xestores e servizos da Deputación de Pontevedra para o ano 2017 e as previstas para o ano 2018. Importe sen IVE IVE (21%) Importe IVE incluído 163.595,31€ 34.355,02€ 197.950,33€ En todo caso, a Deputación de Pontevedra non se compromete a solicitar a subministración dun número de vehículos nin do uso dos mesmos polo tempo proporcional ós importes totais máximos previstos a efectos da determinación do valor estimado do contrato. As obrigas económicas para a Deputación de Pontevedra serán as que resulten das subministracións realizadas polas empresas adxudicatarias de cada Lote e deberán reflectirse nas facturas expedidas como resultado das adxudicacións dos correspondentes contratos derivados relativos ás peticións realizadas polos correspondentes centros xestores e servizos axustándose sempre ós prezos unitarios ofertados. Asemade indícanse, a efectos informativos, os orzamentos máximos estimados para cada lote para o ano 2017, na táboa que se detalla a continuación: Lote Importe sen IVE IVE (21%) Importe IVE incluído Lote nº 1 18.600,00€ 3.906,00€ 22.506,00€ Lote nº 2 41.494,05€ 8.713,75€ 50.207,80€ 2.-O prazo de duración do Acordo Marco será ata o 31 de decembro de 2018 a contar desde a súa data de formalización e poderá ser prorrogado anualmente por acordo do órgano de contratación ata un máximo de 4 anos. 3.- Autorizar o gasto por un importe máximo de 72.713,80€ (IVE incluído) que se financiará con cargo ás seguintes aplicacións orzamentarias conforme á seguinte distribución: Anualidade Centro Xestor Aplicación Orzamentaria Importe Total (IVE Incluído) 2017 Centro Príncipe Felipe 17/232.2312.204.00 22.506,00€ Servizo Turismo Rías Baixas 17/433.3361.204.00 40.406,8€ ORAL (Servizo de Xestión Catastral e Tributaria do IBI) 17/932.9320.204.00 9.801,00€ 4.- Designar como responsable do contrato ao xefe do centro xestor ao que corresponda cada aplicación orzamentaria ou a persoa en quen delegue. 5.- Aprobar os pregos de cláusulas administrativas e de prescricións técnicas que rexerán como lei fundamental. 6.- Iniciar o procedemento de adxudicación para a contratación, concedendo un prazo de 52 días naturais (artigo 159.1 do RDL 3/2011), a contar desde a data de envío do anuncio do contrato á Oficina de Publicacións Oficiais das Comunidades Europeas e que se especificará no anuncio que se publicará no Boletín Oficial da Provincia de Pontevedra (BOPPO) e no Boletín Oficial do Estado (BOE). Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN NA CONTRATACIÓN, POR PROCEDEMENTO ABERTO, DUN ACORDO MARCO PARA A SUBMINISTRACIÓN DE VEHICULOS DE TRANSPORTE SEN CONDUTOR EN RÉXIME DE ALUGUER PARA A DEPUTACIÓN DE PONTEVEDRA. Nº Expte. 2017003404 I. ESTIPULACIÓNS XERAIS 1.- RÉXIME XURÍDICO O Acordo Marco e os seus contratos derivados réxense, ademais de pola normativa sectorial que sexa de aplicación, polas normas xurídicas e os seguintes documentos: - Polo Real Decreto Lexislativo 3/2011, de 14 de novembro, polo que se aproba o texto refundido da Lei de Contratos do Sector Público (en adiante, TRLCSP). - Polo Real Decreto 817/2009, de 8 de maio, polo que se desenvolve parcialmente a Lei 30/2007, de 30 de outubro, de Contratos do Sector Público. - Polo Regulamento xeral de contratos das administracións públicas, aprobado polo Real decreto 1098/2001, de 12 de outubro (en adiante, RGLCAP), naquilo no que se opoña ó TRLCSP. - Pola Lei 14/2013, de 27 de setembro, de apoio ó emprendedor. - Polo prego de cláusulas administrativas particulares e o prego de prescricións técnicas, ambos de carácter contractual, de acordo cos artigos 115, 116 e 117 TRLCSP. - O Real Decreto 773/2015, de 28 de agosto polo que se modifican determinados preceptos do RGLCAP. - Polo resto do ordenamento xurídico administrativo, nos casos en que sexa aplicable a causa de falta dunha norma contractual específica. 2.- RECURSOS E XURISDICIÓN COMPETENTE As cuestións litixiosas que xurdan sobre interpretación, modificación, resolución e efectos do presente contrato, serán resoltas polo órgano de contratación cuxas resolucións esgotarán a vía administrativa deixando expedita a vía xurisdicional, contenciosa administrativa, a tenor do disposto na Lei Reguladora de dita Xurisdición. 3.- OBXECTO O obxecto do Acordo Marco ó que se refire o presente prego é o establecemento dos prezos unitarios de subministración/s que serán aplicados ós diferentes tipos de vehículos descritos no apartado 1 do anexo I, e dos termos completos e condicións que rexeran nos contratos derivados que formalice a Deputación de Pontevedra durante o período de vixencia do mesmo. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 4.- FINANCIAMENTO E VALOR ESTIMADO DO ACORDO MARCO Os contratos derivados do Acordo Marco serán financiados do xeito que se establece no apartado 1 do Anexo/s I e distribuído nas anualidades previstas. O valor estimado do Acordo Marco, calculado de conformidade co artigo 88.8 TRLCSP, ascende a cantidade expresada no apartado 1 do Anexo I do presente prego, incluíndo na devandita contía todos os factores de valoración e gastos que, segundo os documentos contractuais e a lexislación vixente son de conta do adxudicatario, así como os tributos de calquera índole. En todo caso, indicarase como partida independente, o importe do Imposto sobre o Valor Engadido (IVE). As proposicións que se presenten superando o valor estimado de licitación serán descartadas automaticamente. 5.- PRAZO DE VIXENCIA DO ACORDO MARCO O prazo de vixencia do Acordo Marco será o que figure no apartado 1 do Anexo I, sen que poda ter unha duración superior, incluídas as prórrogas, a catro anos, de conformidade co disposto no artigo 196.3 TRLCSP. Este prazo comezará a contar a partir da data establecida no documento en que se formalice. No caso de que no mesmo apartado se prevexa a posibilidade de prórroga ou prórrogas, estas deberán quedar formalizadas antes da finalización da vixencia inicial do Acordo, sendo obrigatorias para o adxudicatario se así se dispón no citado apartado. 6.- CAPACIDADE PARA CONTRATAR Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica que se dispoña no apartado 2 do Anexo I, nos termos que dispón o artigo 77 do TRLCSP e non se atopen incursas nalgunha das prohibicións que contempla o artigo 60 da mencionada norma. A efectos da licitación, os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); as devanditas empresas serán responsables solidarias ante a Administración, debendo nomear ante ela a un representante ou apoderado único da unión, con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 7.- PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 TRLCSP, e na disposición adicional terceira da Lei 20/2013, de 9 de decembro, de garantía da unidade do mercado, a partir do 15 de decembro de 2014 a Deputación de Pontevedra publicará todas as noticias, avisos e documentación relativa ós seus procedementos de contratación no Perfil de Contratante integrado na Plataforma de Contratación do Sector Público do Estado (www.contrataciondelestado.es). 8.- XESTIÓN DE PREGUNTAS E RESPOSTAS DOS LICITADORES As preguntas que lles poidan xurdir ós licitadores respecto dos pregos que rexen na contratación, deberán formularse no Perfil do Contratante da Deputación de Pontevedra (www.depo.es), Plataforma de Contratación do Sector Público, para o que deberán estar rexistrados como usuarios nesta Plataforma. Para formular as consultas, os licitadores deberán seleccionar o expediente e formular a súa consulta na sección denominada “Solicitar información” (para máis información, poden consultar a Guía de xestión de Preguntas e Respostas dos Licitadores, publicada na Plataforma de Contratación do Sector Público). As respostas ás cuestións plantexadas ou ás posibles modificacións ou actualizacións de respostas serán publicadas na mesma sección polo Servizo de Contratación da Deputación de Pontevedra. 9.- NOTIFICACIÓNS ELECTRÓNICAS Con base ó disposto no art. 41 da Lei 39/2015, de 1 de outubro, do Procedemento Administrativo Común das Administracións Públicas, e no artigo 25 do Capítulo VII do Regulamento da Administración electrónica da Deputación de Pontevedra, se practicarán as notificacións relativas aos procedementos de contratación de xeito electrónico a través da Plataforma de Contratación do Sector Público (www.contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico na que queren que se lle comuniquen as notificacións. Para acceder a elas, deberán estar rexistrados na Plataforma de Contratación do Sector Público coa mesma dirección de correo electrónico e dispoñer dun certificado dixital de persoa física aceptado pola plataforma de validación (como o DNI electrónico ou calquera outro emitido pola Fábrica Nacional de Moeda e Timbre). Cando un órgano de contratación lle envíe unha comunicación, será informado desta circunstancia por medio dunha mensaxe de correo electrónico na dirección que a tal efecto proporcionou ó órgano de contratación. Ademais, cando acceda á Plataforma de Contratación do Sector Público, utilizando o seu usuario, amosaráselle un aviso na páxina de Inicio indicando que ten unha comunicación pendente de lectura. De conformidade co artigo 43 da Lei 39/2015, de 1 de outubro, do Procedemento Administrativo Común das Administracións Públicas, as notificacións entenderanse practicadas no momento no que se produza o acceso ó seu contido. Nembargante, transcorridos dez días naturais desde a posta a disposición da notificación sen que se acceda o seu contido, entenderase rexeitada, agás que, de oficio ou a instancia da persoa destinataria, poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. II. ADXUDICACIÓN DO ACORDO MARCO 10.- NÚMERO MÁXIMO DE ADXUDICATARIOS DO PRESENTE ACORDO E PROCEDEMENTO O presente Acordo Marco soamente poderá adxudicarse a un único licitador. No suposto de que estivera previsto no apartado 1 do Anexo/s I do presente prego licitar por lotes, para cada un deles soamente poderá existir un único adxudicatario. O Acordo Marco adxudicarase polo procedemento aberto, atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 3 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. 11.- PRESENTACIÓN DE PROPOSICIÓN; LUGAR E PRAZO DE PRESENTACIÓN; FORMALIDADES; DOCUMENTACIÓN 11.1. Lugar e prazo de presentación: - Presentación no Rexistro Xeral ou auxiliares da Deputación de Pontevedra: As proposicións presentaranse no Rexistro Xeral da Deputación (Horario: na sede de Pontevedra, de luns a venres, de 8.30 a 14.30 horas, e de 17.00 a 19.00 horas; e na sede de Vigo, de luns a venres, de 9.00 a 14.00 horas. Nos meses de xullo e agosto, o horario será, na sede de Pontevedra, de luns a venres, de 8.30 a 14.30 horas), durante un prazo de cincuenta e dous días naturais (artigo 159.1 do TRLCSP), a partir da data do envío do anuncio do contrato á Oficina de Publicacións Oficiais das Comunidades Europeas e que se especificará no anuncio que se publicará no Boletín Oficial da Provincia de Pontevedra (BOPPO) e no Boletín Oficial do Estado (BOE). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos e anunciado o envío ao órgano de contratación nos termos indicados e transcorridos dez días desde a data de finalización do prazo para presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas (as previsións relativas ó rexistro electrónico producirán efectos a partir do 2 de outubro do 2018). O depósito do envío deberá ser anunciado ao órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en sábado, domingo ou festivo, prorrogarase o prazo ata o primeiro día hábil seguinte a este. 11.2. Formalidades: Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: Sobre (A, B ou C). Poñer a letra en función do sobre correspondente. - Lote nº … (Especificar o número do lote ó que se licita, no caso de que o procedemento se divida en lotes). - Nº Expediente No caso que se coñeza. - Denominación do contrato - Nome do licitador - CIF - Enderezo, e-mail e teléfono de contacto - Número de inscrición no rexistro de contratistas (se é o caso) *No caso de presentar ofertas a varios Lotes, o licitador deberá presentar un único sobre “A”, un único sobre “B” e un único sobre “C” para todos os Lotes. No sobre “C” cumprimentaranse os apartados que proceda no Modelo de proposición económica Anexo II. A documentación que se debe incluír nestes sobres detállase no apartado 4 do anexo I deste prego. 11.3. Documentos e datos dos licitadores de carácter confidencial: Os documentos e datos presentados polas empresas licitadoras poden ser considerados de carácter confidencial cando a súa difusión a terceiros poda ser contraria a ós seus intereses comerciais lexítimos, prexudicar a leal competencia entre as empresas do sector ou ben estean comprendidos nas prohibicións establecidas na Lei de protección de Datos de Carácter Persoal. Non terá carácter confidencial a información que conste en rexistros públicos e que, ademais, sexa de acceso público. Tal como se prevé no artigo 140 TRLCSP, as empresas licitadoras terán que indicar, se é o caso, mediante unha declaración complementaria, qué documentos administrativos e técnicos e datos presentados son, ó seu parecer, constitutivos de ser considerados confidenciais, xustificando os motivos ou circunstancias en base os cales debe recoñecerse tal carácter. Esta circunstancia deberá reflectirse claramente (sobreimpresa, ó marxe ou de calquera outro xeito visible) no propio documento sinalado como tal. De non aportarse esta declaración considerarase que ningún documento ou dato posúe ese carácter, agás a documentación facilitada polas empresas para acreditar a solvencia, de entre a sinalada nos artigos 75 a 78 do TRLCSP. Non serán admisibles as declaracións xenéricas ou que declaren que todos os documentos e información facilitada na proposta ten carácter confidencial. 12.- MESA DE CONTRATACIÓN Estará integrada da seguinte maneira: PRESIDENTE: - Deputado delegado pola Presidencia VOGAIS: - Un/ha Deputado/a do Grupo Provincial do PP - Un/ha Deputado/a do Grupo Provincial do BNG - O Deputado do Grupo Mixto - O Secretario xeral - O Interventor - O Enxeñeiro xefe do Servizo de Cooperación cos Municipios SECRETARIO: - O xefe do Servizo de Contratación. 13.- CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez rematado o prazo de presentación das proposicións, constituirase a Mesa de Contratación, e procederase á cualificación da documentación xeral achegada polos licitadores no Sobre A. No caso de que sexa necesario o arranxo de erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente, a Mesa, ás once horas e trinta minutos do primeiro mércores seguinte ó día no que finalice o prazo sinalado para a presentación de plicas, sempre que transcorresen polo menos tres días hábiles desde a finalización do prazo, sinalará en acto público as que cualificasen como inadmitidas e admitidas e procederá á apertura do sobre B correspondente á documentación técnica valorable a través de criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. No caso de que non haxan transcorrido eses tres días hábiles desde a finalización do prazo de presentación de plicas, o acto da mesa de contratación realizarase o mércores da semana seguinte. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 14.- REQUIRIMENTO PREVIO Á ADXUDICACIÓN DO ACORDO MARCO O órgano de contratación, unha vez avaliadas as propostas, para cuxo efecto poderá solicitar cantos informes técnicos estime pertinentes, clasificaraas por orde decrecente e requirirá á empresa coa oferta máis vantaxosa para que, dentro do prazo de dez días hábiles, presente a seguinte documentación: 14.1.- Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013, de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros). No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado: Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 14.2.- Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP: 1.-Certificación positiva expedida pola Tesourería da Seguridade Social, ó amparo dos artigos 14 e 15 do RGLCAP, que acredite que se atopa ó corrente no cumprimento das súas obrigas coa Seguridade Social. 2.- Certificación positiva expedida pola Axencia Estatal da Administración Tributaria, ó amparo dos artigos 13 e 15 do RGLCAP, que acredite que se atopa ó corrente do pagos das súas obrigas tributarias. 3.- Orixinal ou copia compulsada da alta no Imposto de Actividades Económicas no epígrafe correspondente ó obxecto do contrato, referida ó exercicio corrente, ou o último recibo acompañado dunha declaración responsable de non terse dado de baixa na matrícula do citado imposto. Sen prexuízo de acreditar a alta no imposto, no suposto de atoparse nalgunha das exencións previstas no artigo 82 do Real Decreto 2/2004, de 5 de marzo, polo que se aproba o texto refundido da Lei reguladora das Facendas Locais, deberá acreditarse, ben mediante certificación da exención outorgada polo órgano competente, ou ben mediante declaración responsable de atoparse exento segundo o establecido no artigo 82.1.c) da citada Lei. 4.-Documentación acreditativa da efectiva disposición dos medios persoais e materiais que se comprometeu a adscribir á execución do contrato segundo o detallado no anexo I do presente prego. Polo que respecta ós medios persoais, deberase concretar as persoas que se correspondan co número e perfiles dos integrantes do grupo de traballo ofertado, achegando o seu currículo, titulación e experiencia. Se forman parte do persoal da empresa, achegaranse os documentos TC2; noutro caso, achegarase un compromiso asinado polas partes de que, de resultar adxudicataria a empresa, se incorporarán ó equipo de traballo. Respecto dos medios materiais, achegarase copia compulsada do permiso de circulación e ficha técnica do vehículo co que levará a cabo os traballos obxecto da oferta coa que concorreu á licitación así como a documentación acreditativa do cumprimento das características técnicas ofertadas. 5.- Documento acreditativo do pagamento dos anuncios. De non cumprimentarse adecuadamente o requirimento no prazo sinalado, entenderase que o licitador retirou a súa oferta, procedéndose nese caso a solicitar a mesma documentación ó licitador seguinte, pola orde en que queden clasificadas as ofertas (art. 151.2 TRLCSP). 15.- GARANTÍA DEFINITIVA O seu importe será do 5 % do prezo de adxudicación dos contratos derivados que se formalicen (excluído o IVE) e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada (presentada por Rexistro) dentro dos dez días hábiles seguintes, contados desde o seguinte ó da notificación da adxudicación do contrato derivado correspondente. No caso de incumprir este requirimento no prazo sinalado, descontarase o seu importe da/s facturas relativas ó mesmo que proceda. A garantía definitiva ingresarase exclusivamente na Caixa da Deputación. 16.- ADXUDICACIÓN A mesa de contratación, tras a avaliación das ofertas, elevará ao órgano de contratación a proposta de adxudicación, en aplicación dos criterios de avaliación establecidos no presente prego quen terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. De conformidade co artigo 151 do TRLCSP, o órgano de contratación adxudicará a condición de provedor, de forma motivada, ó licitador que presentara a oferta que resulte máis vantaxosa, ou declarará deserto o procedemento no suposto de que ningunha oferta ou proposición sexa admisible de acordo cos criterios que figuran no prego. 17.- FORMALIZACIÓN DO ACORDO MARCO A Administración e o contratista non poderán formalizar o Acordo Marco antes de que transcorran quince días hábiles desde que se remita a notificación da adxudicación ós licitadores, ó ser este susceptible de recurso especial en materia de contratación. Transcorrido este prazo o órgano de contratación requiriralle ó adxudicatario que formalice o Acordo Marco nun prazo que non supere os cinco días, contados desde o seguinte ó que recibise o requirimento, unha vez transcorrido o prazo previsto sen que se interpoña un recurso que comporte a suspensión da formalización do contrato ou desde que se dite un acordo co levantamento da suspensión do acto de adxudicación. Nembargante, o contratista poderá solicitar que o acordo se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do Acordo Marco sen a súa formalización previa. 18. DEVOLUCIÓN DA DOCUMENTACIÓN As proposicións presentadas, tanto as declaradas admitidas, como as rexeitadas sen abrir, ou as desestimadas unha vez abertas, serán arquivadas no seu expediente. Nembargante, adxudicado o contrato e transcorridos os prazos para a interposición de recursos sen que se formularan, a documentación que acompaña as proposicións quedará a disposición dos interesados, agás a do adxudicatario. No caso de que a documentación non sexa retirada no prazo de 6 meses, entenderase que o interesado renuncia a ela, e o órgano de contratación quedará facultado para destruíla. III. EXECUCUÓN DO ACORDO MARCO 19.- RESPONSABLE DO ACORDO MARCO A Deputación poderá designar a un responsable do Acordo Marco e dos seus contratos derivados, vinculado a esta Institución, ó que lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. A designación ou non do responsable, non eximirá o contratista da correcta execución obxecto do contrato, salvo que as deficiencias sexan debidas á orde directa do responsable designado, con expresa reserva escrita por parte do contratista, tanto ó propio responsable coma ó órgano de contratación. 20.- SOLICITUDE DOS BENS OBXECTO DA SUBMINISTRACIÓN A conclusión do Acordo Marco non comporta para a Deputación de Pontevedra ningún tipo de obriga previa de adquirir un número determinado de unidades, xa que as devanditas entregas están subordinadas ás necesidades desta Administración. 21.- PRAZO DE ENTREGA E LUGAR DE RECEPCIÓN O prazo das entregas sucesivas e o lugar de recepción dos bens obxecto do Acordo Marco é o que se fixa no apartado 1 do Anexo I deste prego ou nos contratos derivados que se formalicen posteriormente. Salvo pacto contrario, os gastos da entrega e transporte dos bens obxecto da subministración ó lugar convido serán por conta do contratista. Se os bens non se atopan en estado de ser recibidos, farase constar así na acta de recepción e se darán as instrucións precisas ó contratista para que emende os defectos observados ou proceda a unha nova subministración de conformidade co pactado. 22.- SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe aboar aos subcontratistas ou subministradores o prezo pactado nos prazos fixados que non poderán ser mais desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo computarase desde a data de aprobación polo contratista principal da factura emitida polo subcontratista ou subministrador, con indicación da súa data e do período que corresponda. A aprobación ou conformidade o no seu caso os motivos da desconformidade deberán outorgarse nun prazo máximo de trinta días desde a presentación da factura. No caso de demora no pago o subcontratista ou subministrador terá dereito o cobro dos intereses de demora e a indemnización polos custos de cobro nos termos previstos na Lei 3/2004, de 29 de decembro. O contratista poderá pactar cos subministradores ou subcontratistas prazos de pago superiores respectando os límites previstos no artigo 4.3 da lei 3/2004 de 29 de decembro pola que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaría no que os gastos de desconto ou negociación sexan de conta do contratista. Adicionalmente o subministrador ou subcontratista poderá esixir que o pago se garante mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán o ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfeccione a súa participación, xunto con aquelas condicións de subcontratación do subministro de cada un deles que garde unha relación directa co prazo do pago, de conformidade co artigo 228 bis do TRLCSP. Así mesmo, deberán aportar, a solicitude do ente contratante, xustificante de cumprimento dos pagos os subcontratistas ou subministradores, unha vez terminada a prestación dentro dos prazos de pago legalmente establecidos no artigo 228 e na lei 3/2004 de 29 de decembro, e no que sexa de aplicación. Estas obrigas, que se incluirán nos anuncios de licitación, e no os correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efecto conteñan os pregos. 23.- REGRAS ESPECÍFICAS CON RESPETO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 4. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 5. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b) Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c) Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d) Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e) Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 24.- OBRIGAS DERIVADAS DO CUMPRIMENTO DO ACORDO MARCO conclusión do Acordo Marco non comporta para a Deputación de Pontevedra ningún tipo de obriga respecto de realizar unha utilización previa dos vehículos. O incumprimento defectuoso da subministración, tanto das obrigas derivadas do Acordo Marco, como dos seus contratos derivados, poderá dar lugar a imposición de penalidades, de conformidade co disposto no artigo 212 do TRLCSP e nos pregos que rexen na licitación. Obrigas relativas ós traballadores: O adxudicatario está obrigado o cumprimento das disposicións vixentes en materia fiscal, laboral, de seguridade social, de integración social de persoas con discapacidade, de prevención de riscos laborais, de protección do medio ambiente, e o cumprimento das disposicións vixentes para a igualdade efectiva entre traballadores e traballadoras. As empresas adxudicatarias deberán cumprir en todo momento coa normativa vixente, estar dadas de alta nos rexistros correspondentes e posuír ás autorizacións necesarias para o desenvolvemento dos traballos encomendados. Ante o incumprimento dos anteriores deberes, serán responsables. Deber de sixilo: O adxudicatario deberá gardar sixilo respecto ós datos ou antecedentes que, non sendo públicos ou notorios, estean relacionados co obxecto do Acordo Marco ou dos contratos derivados, e dos que teña coñecemento con ocasión destes, non pudendo, polo tanto, proporcionar información ningunha a terceiras persoas sobre a materia obxecto do contrato sen o consentimento previo do órgano de contratación. Protección de datos de carácter persoal: O adxudicatario responsabilízase, como encargado do seu tratamento, do acceso ós datos de carácter persoal que teña con ocasión do Acordo Marco ou dos seus contratos derivados, debendo respectar o establecido na Lei Orgánica 15/1999, de 13 de decembro, de Protección de Datos de Carácter Persoal, no Real Decreto 1720/2007, de 21 de decembro, polo que se aproba o seu Regulamento, na disposición adicional vixésimo sexta do TRLCSP, e na demais normativa aplicable. En particular: - Unicamente tratará estes datos conforme ás instrucións da Administración, responsable do ficheiro, comprometéndose a que o seu persoal garde secreto profesional en relación a eles. - Garantirá a adopción e implementación das medidas de seguridade correspondentes ó tipo de datos tratados, en atención ó disposto no Real Decreto 1720/2007. - Non os aplicará ou utilizará cunha finalidade distinta á derivada da natureza do Acordo Marco ou dos contratos derivados, nin os comunicará, aínda que sexa para a súa conservación, a outras persoas. Nembargante, o adxudicatario non incorrerá en responsabilidade cando, previa indicación expresa do responsable do tratamento, comunique os datos a un terceiro designado por aquel, que terá a consideración de encargado do tratamento e, polo tanto, deberá axustarse as instrucións do responsable do ficheiro. Unha vez cumprida a prestación contractual, os datos de carácter persoal deberán ser destruídos o devoltos á responsable do seu tratamento, do mesmo xeito que calquera soporte ou documento no que conste algún dato de carácter persoal obxecto do tratamento. Non procederá a destrución dos datos cando exista unha previsión legal que esixa a súa conservación; neste caso, procederase a súa devolución. No caso do incumprimento do estipulado, o adxudicatario e os técnicos que formen parte do equipo de traballo serán responsables das infraccións que se cometan. O órgano de contratación reservase o dereito a efectuar en calquera momento os controis e auditorías que considere apropiadas co fin de verificar o correcto cumprimento desta cláusula. 25.- GASTOS DO ACORDO MARCO O importe dos gastos de publicidade do presente Acordo Marco, tanto nos boletíns oficiais como, no seu caso, noutros medios de difusión, estímase nun máximo de 2.000,00 €. A empresa adxudicataria do Acordo Marco deberá formalizar o pago dos gastos de publicación do seu anuncio en prensa ou en diarios oficiais, no prazo de 15 días hábiles, a contar desde a data de notificación da adxudicación do Acordo Marco, ou, en calquera caso, antes da súa formalización. 26.- MODIFICACIÓN E ACTUALIZACIÓN DO ACORDO MARCO O obxecto do Acordo Marco está determinado pola subministración dos produtos que constitúen o obxecto da licitación e establece todos os termos da contratación. O órgano de contratación, ós efectos establecidos nos artigos 219.1 e 296 TRLCSP, ostenta a prerrogativa de modificar o contrato obxecto do presente prego segundo o disposto no artigo 210 TRLCSP. As modificacións do contrato poderán producirse, en cumprimento dos artigos 210 e 219.1 TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio da potestade de modificación do contrato regulado no artigo 211 TRLCSP. O contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 TRLCSP, de conformidade co disposto no artigo 105 TRLCSP relativo ós supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nos que se poderá facer uso desta potestade, o seu alcance e límites, indicando a porcentaxe do prezo do contrato ó que como máximo pode afectar a modificación, e o procedemento. En todo caso, o adxudicatario estará obrigado a comunicar ó responsable do Acordo Marco calquera oferta singularizada ou campaña que proxecte realizar, sexa para o sector público ou para o sector privado, que resultará directamente aplicable ós pedidos do órgano de contratación. b) Modificacións non previstas na documentación que rexe a licitación: O contrato poderá modificarse sempre que se xustifique suficientemente a concorrencia dalgunha das circunstancias dispostas no artigo 107 TRLCSP, seguindo o procedemento establecido ó efecto na normativa. Cando, como consecuencia dunha modificación do contrato, experimente variación o seu prezo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ó disposto no artigo 156 TRLCSP. No caso de que, unha vez adxudicado o contrato, a empresa adxudicataria non puidese subministrar os bens obxecto do mesmo, por causas alleas a esta debidamente xustificadas e libremente apreciadas pola Deputación de Pontevedra, deberá comunicar esta circunstancia e ofrecer alternativas de iguales ou superiores características e prestacións. Calquera modificación da configuración orixinal dos bens a subministrar deberá ser previamente avaliada e aceptada pola Deputación de Pontevedra. 27.- RESOLUCIÓN DO ACORDO MARCO O Acordo Marco poderá extinguirse por calquera das causas de resolución enumeradas nos arts. 223 e 299 do TRLCSP. A resolución do contrato tramitarase de conformidade co procedemento detallado nos artigos 109 se seguintes do RGLCAP e producirá os efectos sinalados nos artigos 225 e 300 TRLCSP. Cada vez que as penalidades por demora alcancen un múltiplo do 5% do prezo de adxudicación do Acordo Marco, o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Asemade, o Acordo Marco poderá resolverse polo órgano de contratación cando se produza o incumprimento reiterado no prazo de entrega fixado para a execución da subministración, sempre que o órgano de contratación non opte pola imposición das penalidades sinaladas no artigo 212.4 TRLCSP. No suposto de Unións Temporais de Empresas, cando algunha das súas integrantes se atope comprendida nos supostos do artigo 223.a) e b) TRLCSP, a Administración estará facultada para esixir o cumprimento das obrigas contractuais ó resto das empresas que constitúan a Unión Temporal ou acordar a resolución do contrato. No suposto de resolución do contrato marco, a Deputación reserva o dereito a iniciar o procedemento correspondente, polo que se declare a existencia da circunstancia de prohibición de contratar, de conformidade co disposto nos artigos 60 e 61 do TRLCSP.” Ditos anexos son como seguen: ANEXO I “CARACTERÍSTICAS DO ACORDO MARCO 1. DEFINICIÓN E CARACTERÍSTICAS DO ACORDO MARCO 1.1.- DEFINICIÓN E OBXECTO Subministración de vehículos de transporte sen condutor en réxime de aluguer para a Deputación de Pontevedra. 1.2.- PROCEDEMENTO División en lotes: Si Ofertar a un ou varios lotes: Si (cada lote é indivisible) Cualificación do contrato: Subministración CPV: • Lote 1: 34121000 (Autobuses e Autocares). • Lote 2: 34115200 (Vehículos de motor para o transporte de menos de 10 persoas), 34224100 (Partes de Remolques e Semiremolques) e 34223300 (Remolques). Trámite: ordinario Procedemento: aberto Órgano de Contratación: Xunta de Goberno Prazo de presentación de ofertas: 52 días naturais (artigo 159.1 do R. d. l. 3/2011), a contar desde a data de envío do anuncio do contrato á Oficina de Publicacións Oficiais das Comunidades Europeas e que se especificará no anuncio que se publicará no Boletín Oficial da Provincia de Pontevedra (BOPPO) e no Boletín Oficial do Estado (BOE). Os licitadores poderán optar a todos os lotes que integran o contrato, non obstante, unicamente poderán resultar adxudicatarios dun máximo de un lote por licitador coa finalidade de garantir unha maior concorrencia e posibilidade de acceso das PEMES á licitación. Un licitador unicamente poderá resultar adxudicatario de mais dun lote naqueles casos de lotes nos que sexa a única empresa licitadora e non haxa concorrencia. Neste último caso non poderá resultar adxudicatario dun Lote no que concorran varios licitadores. No caso de que a oferta presentada por un mesmo licitador resultase ser a oferta economicamente máis vantaxosa en máis dun lote, o criterio obxectivo que se deberá seguir é que unicamente poderá resultar adxudicatario dun, acordando o órgano de contratación adxudicarlle aquel lote no que obtivese a maior puntuación nos criterios avaliables mediante fórmulas (sobre C). No caso de que nalgún lote se presentasen dúas ou mais proposicións iguais que resultasen ser as do menor prezo, a súa adxudicación se decidirá mediante sorteo (artigo 87.2 do RDL 1098/2001). Funcionamento do Acordo Marco: Dentro dos Acordos Marcos determinados pola Deputación de Pontevedra, o presente contrato se clasifica dentro do Tipo 3 denominado “Contrato Marco por Homologación”, que é aquel no que todas as condicións se atopan perfectamente determinadas coa formalización do mesmo e non precisa máis que efectuar os correspondentes pedidos. Neste tipo de contratos non se procederá a levar a cabo unha segunda fase competitiva pero si a adxudicación dos correspondentes contratos derivados relativos a cada petición que se realice ao provedor adxudicatario. O presente Contrato Marco por Homologación formalizarase cunha única empresa por lote e a data de formalización será a que marque a data de inicio do mesmo. 1.3. TIPO DE LICITACIÓN. VALOR E ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN PARA CADA UN DOS LOTES A adxudicación de cada un dos Lotes do presente acordo marco farase en función dos prezos unitarios mensuais ofertados polas empresas licitadoras para cada un dos vehículos, sendo os prezos unitarios mensuais de licitación máximos os seguintes: Lote Tipo de Vehículo Prezo Máximo Mensual Unitario (IVE Non Incluído) IVE (21%) Prezo Máximo Mensual Unitario (IVE Incluído) 1 Autobús (40 Prazas) 3.100,00€ 651,00€ 3.751,00€ 2 Furgoneta 5 Prazas 528,46€ 110,98€ 639,44€ Tipo 1: Furgoneta 5 Prazas Con gancho e remolque 831,79€ 174,68€ 1.006,47€ Tipo 2: Furgoneta 5 prazas Con gancho de remolque 539,85€ 113,37€ 653,22€ Furgoneta 9 Prazas 910,87€ 191,29€ 1.102,16€ Turismo 5 Prazas 450,00€ 94,50€ 544,50€ As obrigas económicas para a Deputación de Pontevedra serán as que resulten das subministracións realizadas polas empresas adxudicatarias de cada Lote e deberán reflectirse nas facturas expedidas como resultado das adxudicacións dos correspondentes contratos derivados relativos ás peticións realizadas polos correspondentes centros xestores e servizos axustándose sempre ós prezos unitarios ofertados. B) VALOR ESTIMADO DO ACORDO MARCO A efectos informativos, e unicamente a efectos de determinar as normas que deberán rexer no procedemento de licitación e adxudicación do presente Acordo Marco, tomáronse en conta para o cálculo do valor estimado do seu importe as necesidades existentes nos diferentes centros xestores e servizos da Deputación de Pontevedra para o ano 2017 así como as necesidades previstas para o ano 2018. Importe sen IVE IVE (21%) Importe IVE incluído 163.595,31€ 34.355,02€ 197.950,33€ Os orzamentos máximos estimados para o ano 2017 para cada lote, son os que se indican, a efectos informativos, na seguinte táboa e calcúlanse tomando como base as necesidades existentes nos diferentes centros xestores e servizos da Deputación de Pontevedra para o ano 2017. Lote Importe sen IVE IVE (21%) Importe IVE incluído Lote nº 1 18.600,00€ 3.906,00€ 22.506,00€ Lote nº 2 41.494,05€ 8.713,75€ 50.207,80€ As necesidades existentes fan necesario que as empresas adxudicatarias deban ter dispoñibles ó inicio do contrato, como mínimo, a seguinte flota de vehículos: Lote Unidades de Vehículos Tipo de Vehículo Prezo Máximo Mensual Unitario (IVE Non Incluído) Prezo Máximo Mensual da Flota (IVE Non Incluído) 1 1 Autobús (40 Prazas) 3.100,00€ 3.100,00€ 2 2 Furgoneta 5 Prazas 528,46€ 1.056,92€ 1 Tipo 1: Furgoneta 5 prazas con gancho e remolque 831,79€ 831,79€ 2 Furgoneta 9 prazas 910,87€ 1.821,74€ 2 Turismo 5 prazas 450,00€ 900,00€ Prezo máximo mensual da flota sen IVE 7.710,45€ IVE (21%) 1.619,20€ Prezo máximo mensual da flota con IVE 9.329,65€ É posible que durante a execución do contrato xurdan novas necesidades de vehículos a maiores dos inicialmente previstos. Para elo estarase ao disposto na cláusula 1.8. do Anexo I do presente prego de condicións. En todo caso, a Deputación de Pontevedra non se compromete a solicitar a subministración do número total de vehículos anteriormente relacionados nin do uso dos mesmos polo tempo proporcional ós importes totais máximos previstos nos pregos xa que estes unicamente se establecen a efectos informativos. As solicitudes de subministración que se leven a cabo serán as que resulten das necesidades existentes nos correspondentes centros xestores e que figuren nos pedidos que se realicen. C) FINANCIAMENTO Anualidade Centro Xestor Aplicación Orzamentaria Importe Total (IVE Incluído) 2017 Centro Príncipe Felipe 17/232.2312.204.00 22.506,00€ Servizo Turismo Rías Baixas 17/433.3361.204.00 40.406,8€ ORAL (Servizo de Xestión Catastral e Tributaria do IBI) 17/932.9320.204.00 9.801,00€ Anualidade Centro Xestor Aplicación Orzamentaria Importe Total (IVE Incluído) 2018 Centro Príncipe Felipe 18/232.2312.204.00 33.759,00€ Servizo Turismo Rías Baixas 18/433.3361.204.00 53.875,73€ ORAL (Servizo de Xestión Catastral e Tributaria do IBI) 18/932.9320.204.00 13.068,00€ Servizo de Mobilidade 18/456.4530.204.00 24.533,79€ Revisión de prezos: Non procede en aplicación ao disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. Asemade, en base a disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. 1.4. PRAZO DE DURACIÓN DO ACORDO MARCO A duración do presente Acordo Marco será desde a data de formalización do mesmo ata o 31 de decembro de 2018. Admite prorroga: Si Poderase prorrogar anualmente por acordo do órgano de contratación ata un máximo de catro anos. O cumprimento da vixencia dará lugar a extinción do acordo marco, sen prexuízo de que, a duración dos contratos que se deriven do mesmo ou se celebren baixo a súa vixencia poidan superar dito prazo. 1.5. PRAZO DE ENTREGA E LUGAR DE RECEPCIÓN Os vehículos serán entregados polas empresas adxudicatarias no lugar indicado en cada caso pola persoa responsable do contrato para cada centro xestor, no prazo máximo de 10 días (ou o prazo ofertado pola empresa adxudicataria) desde a notificación da adxudicación do correspondente contrato derivado do presente Acordo Marco por Homologación, salvo que o Responsable do Acordo Marco para o centro xestor correspondente, por causas de interese público, estableza outro diferente. Coa entrega de cada un dos vehículos asinarase entre a Deputación de Pontevedra e a empresa adxudicataria unha ACTA DE ENTREGA DE VEHICULOS (Anexo VI do presente Prego de Cláusulas Administrativas) na que quedarán reflectidos os seguintes conceptos: Asistentes, modelo e matrícula do vehículo, cumprimento das condicións de adxudicación do acordo marco, lugar e data de entrega do vehículo. Os vehículos, que, para o Lote nº 1 o autobús non poderá contar cunha antigüidade superior a 4 anos desde a data de matriculación e, para o Lote nº 2 non poderán contar ningún deles con máis de 65.000 kms, serán entregados por parte das empresas adxudicatarias sen golpes, aboiaduras nin riscaduras e co equipamento esixido no prego de prescricións técnicas particulares así como cos elementos ofertados polo adxudicatario e as melloras. Así, no momento da entrega, con cada vehículo facilitarase unha relación da documentación e dos accesorios que leva cada un mesmo, relación que servirá de base para saber que contén cada vehículo e que será devolta pola Deputación de Pontevedra cando remate o contrato. Unha vez finalizado o contrato derivado, as empresas adxudicatarias faranse cargo dos vehículos recolléndoos (á súa costa) nos lugares que determine á Deputación de Pontevedra. Os gastos de entrega e transporte serán por conta do adxudicatario, tal como sinala o artigo 297 do RDL 3/2011 de 14 de novembro polo que se aproba o TRLCSP. 1.6. RÉXIME DE PAGAMENTOS Forma de pagamento: Os pagamentos á empresa adxudicataria realizaranse contra a presentación das correspondentes facturas en función das subministracións realizadas durante o mes polo que o pagamento realizarase de xeito fraccionado en función das subministracións. Tendo en conta o anterior, nos centros xestores nos que non se dispoña de tódolos vehículos previstos, pagarase unicamente por aqueles dos que se dispoña. No caso de que os centros xestores e servizos dispoñan dos vehículos por un prazo inferior a un mes completo, a facturación deberá ser calculada polas empresas adxudicatarias proporcionalmente para o período correspondente tomando como base os prezos unitarios polos que sexa adxudicado o Lote correspondente, considerando os meses de 30 días. Mediante a aceptación do presente prego o adxudicatario obrigase expresamente a non emitir, presentar e/ou rexistrar facturas ante a Deputación de Pontevedra sen o consentimento expreso do centro xestor e/ou do técnico responsable da Deputación. Lugar de presentación e forma da factura: Lugar de presentación e forma da factura: As facturas de importe superior a 5.000,00€ deberán presentarse polo adxudicatario en formato electrónico a través do Punto General de Entrada de Facturas Electrónicas de la Administración General del Estado FACe, ó que pode accederse dende a Sede Electrónica da Deputación de Pontevedra (sede.depo.es), no tempo e forma, a efectos de que o órgano administrativo ó que corresponde proceda a súa tramitación (máis información en https://sede.depo.es). Os códigos DIR 3 que identifican de xeito particular ós Centros Xestores correspondentes a cada un dos Lotes do presente procedemento, segundo o contemplado no Prego Técnico e que se teñen que especificar nas correspondentes facturas electrónicas son os seguintes: - Lote 1: Órgano Xestor: LA0006112 (Centro Príncipe Felipe). - Lote 2: Órgano Xestor: LA0006122 (Servizo de Turismo). Órgano Xestor: LA0006136 (Servizos Centrais ORAL). Órgano Xestor: LA0006123 (Servizo de Mobilidade). Unidade Tramitadora: LA0006135. Oficina Contable: LA0006135. Nº Expediente: 2016043202. Se xunto coa factura o adxudicatario ten que presentar outros documentos xustificativos do traballo realizado, o fará achegando os documentos xustificativos a través do sistema de facturación da Deputación de Pontevedra. 1.7. GARANTÍAS Provisional: non se esixe Definitiva: 5% do prezo de adxudicación do correspondente contrato derivado (sen IVE). Prazo de garantía: a duración do contrato derivado. 1.8. MODIFICACIÓNS DO ACORDO MARCO O acordo marco poderá ser ampliado o diminuído no seu importe anual máximo estimado sempre que exista proposta razoada do responsable do contrato, consignación no orzamento correspondente e informe favorable de Intervención, previa autorización do órgano de contratación, mantendo os prezos ofertados polas empresas. En todo caso, o incremento non poderá exceder o 50% do valor do acordo marco anual. Así mesmo poderán engadirse novos centros xestores da Deputación de Pontevedra ó presente Acordo Marco, autorizando para elo o gasto na correspondente aplicación orzamentaria. 1.9. PENALIZACIÓNS No caso de incumprimento defectuoso da prestación obxecto do contrato ou para o suposto de incumprimentos dos compromisos ou das condicións especiais que se estableceron nos pregos conforme os artigos 64.2 e 118.1 do TRLCSP, cando non proceda a resolución do contrato, implicará a aplicación das penalidades previstas no presente prego e cando así proceda as previstas no artigo 212 do TRLCSP que deberán ser proporcionais á gravidade do incumprimento e as súa contía non poderá ser superior ao 10% do orzamento do contrato. Considéranse obrigas esenciais do contrato as seguintes: 1.- Pagos a subcontratistas e provedores, os deberes derivados das disposicións legais, regulamentarias e convencionais vixentes en materia laboral, de protección de emprego, condicións de traballo, prevención de riscos laborais, de seguridade social e de seguridade e saúde no traballo. 2.- Cumprimento do prazo de substitución de vehículos establecido nos pregos. 3.- Cumprimento das características técnicas e de equipamento establecidas no apartado 2 do Prego Técnico e das condicións do alugamento establecidas no apartado 3 así como das ofertadas a maiores e como melloras. 4.- Dispoñibilidade durante toda a execución do Acordo Marco de vehículos de marcas e modelos equivalentes ós ofertados para dar cobertura ás necesidades que xurdan durante o mesmo. En caso contrario a Deputación de Pontevedra resérvase o dereito a rexeitar o/os modelos propostos e entender como incumpridas as condicións esenciais do contrato. As penalidades faranse efectivas mediante a súa dedución das facturas, respondendo a garantía definitiva, en todo caso, da súa efectividade. As infraccións clasificaranse en leves e graves, atendendo ás circunstancias concorrentes ao maior ou menor prexuízo que cause á administración. Para os incumprimentos do adxudicatario tipificaranse como faltas leves, ou faltas graves e impoñeranse as seguintes sancións: a) Faltas leves: Calquera circunstancia relacionada co incumprimento das condicións establecidas nos pregos ou na oferta do adxudicatario que tras o requirimento da administración non sexan atendidas polo adxudicatario. O incumprimento por parte das empresas adxudicatarias da obriga de entregar ó responsable de cada centro xestor/servizo da Deputación de Pontevedra xunto coa Acta de Recepción de Vehículos da documentación acreditativa da vixencia da póliza de seguro de cada vehículo durante un período mínimo de 6 meses así como o xustificante de aboamento da mesma NO ACTO DE ENTREGA DE VEHICULOS, será considerada especificamente como unha falta leve. A penalidade imposta se determinará mediante informe motivado do responsable do contrato ó órgano de contratación e será do 10% do importe mensual correspondente. b) Faltas graves: Para os incumprimentos do adxudicatario das obrigas esenciais mencionadas anteriormente durante a execución do contrato ou as tipificadas como faltas graves, cando non proceda a súa resolución, impoñeranse as seguintes sancións: b.1.) Faltas graves xerais: - Impagos a subcontratistas e provedores, incumprimento dos deberes derivados das disposicións legais, regulamentarias e convencionais vixentes en materia laboral, de protección de emprego, condicións de traballo, prevención de riscos laborais, de seguridade social e de seguridade e saúde no traballo. - A cesión en todo ou en parte do contrato baixo calquera modalidade ou título, sen previa autorización expresa do órgano de contratación. - A modificación do contrato sen a previa autorización da administración. - A comisión de dúas infraccións tipificadas como faltas leves, nun prazo de 2 meses, sobre as que tivese recaído resolución firme en vía administrativa. A penalidade imposta se determinará mediante proposta do responsable do contrato ó órgano de contratación e será do 30% do importe da seguinte factura mensual que corresponda, podendo resolverse o contrato. b.2) Retraso inxustificado na subministración dos vehículos. O cómputo do prazo para a subministración/entrega dos vehículos no lugar indicado pola persoa responsable do contrato en cada un dos centros xestores /servizos da Deputación de Pontevedra, tomarase en conta desde o día seguinte ó da notificación da adxudicación do correspondente contrato derivado do presente Acordo Marco por Homologación. Esta data será a que se teña en conta de ser precisa a aplicación de penalidades por retraso inxustificado na subministración de vehículos. O retraso inxustificado na subministración/entrega dos vehículos que se produza por causas imputables ó/ós contratista/s contabilizarase seguindo o establecido na seguinte táboa: PENALIDADE POR RETRASO NO TEMPO DE RESPOSTA Días Penalización por día De 1 a 3 días 100,00€ De 5 a 10 días 300,00€ A partir de 10 días 500,00€ PROCEDEMENTO DE IMPOSICIÓN DE PENALIZACIÓNS As penalidades impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 1.10. SEGUIMENTO E CONTROL DAS OBRIGAS DAS EMPRESAS ADXUDICATARIAS As empresas adxudicatarias terán as seguintes obrigas e responsabilidades respecto dos vehículos subministrados: • De asumir os custos de entrega e transporte dos bens obxecto de subministración ao lugar convido co persoal responsable dos centros xestores, así como a recollida dos vehículos nas instalacións do contratista con aviso previo dun mínimo de 24 horas. • De que os vehículos subministrados estean en todo momento perfecto estado para o seu uso, tanto funcional ou técnico como administrativo, de modo que sexa posible a súa normal e legal circulación, polo persoal adscrito ou autorizado para elo. • De asumir o mantemento integral dos vehículos obxecto de subministración en réxime de aluguer, que inclúe como mínimo: - Todas as revisións periódicas que estableza cada marca no libro de mantemento do vehículo, tanto repostos e líquidos como man de obra, con independencia de que se encontre ou non en garantía. - As reparacións de tódalas avarías que se produzan polo desgaste debido ao uso normal dos vehículos. - Un seguro a todo risco para cada un dos vehículos que conte, polo menos, coas seguintes coberturas: o Responsabilidade civil obrigatoria. o Responsabilidade civil voluntaria ilimitada. o Danos propios sufridos polo vehículo e todos os seus accesorios incluídos no contrato. o Danos por colisión. o Ocupantes, defensa penal, fianzas e reclamación de danos. o Roubo do vehículo e accesorios. o Rotura de lúas. o Incendio. o Sen franquía. o Asistencia en estrada 24 horas con cobertura mínima á comunidade autónoma de Galicia. o Vehículo de substitución das mesmas características. • Estar ó seguinte en canto ás sancións que lle podan ser impostas ós vehículos subministrados: - As derivadas dun estado deficiente do vehículo, da súa documentación administrativa ou da falta de revisións que impón a lexislación vixente, serán por conta do adxudicatario. - As derivadas da condución do vehículo, serán por conta do condutor. • En caso de que algunha das empresas licitadoras non poida contar nalgún momento da execución do presente Acordo Marco coas marcas e modelos dos vehículos específicos ofertados para a execución do mesmo, deberán dispoñer dun equivalente. Neste caso a Deputación de Pontevedra resérvase o dereito a rexeitar este modelo e entender como incumpridas as condicións esenciais do contrato. A Deputación de Pontevedra terá as seguintes obrigas e responsabilidades: • De inspeccionar e revisar os vehículos obxecto de aluguer en calquera momento durante a vixencia do Acordo Marco para velar polo cumprimento das obrigas e compromisos adquiridos polas empresas adxudicatarias. • De subministrar o combustible preciso para o seu funcionamento. • De solicitar, cando corresponda co libro de mantemento dos vehículos e coa antelación suficiente, as revisións do mesmo. • De facilitar, no seu caso, os desprazamentos dos vehículos ao taller designado polas empresas adxudicatarias para que poidan levarse a cabo as revisións ou reparacións que procedan, sempre que os vehículos o permitan. • De facilitar a vixencia das revisións e reparacións por conta das empresas adxudicatarias aos fins que considere oportunos. • De presentarse cando sexa requirida en calquera procedemento, como consecuencia de accidente, ben en calidade de denunciante, de demandante, de denunciado, de demandado, ou de testemuña segundo proceda. 2. SOLVENCIA ECONÓMICA, FINANCEIRA E TÉCNICA (documentación a presentar na fase de requirimento, segundo figura na cláusula 14 do prego económico administrativo) A) Solvencia económica e financeira: A.1.-Deberase acreditar un volume anual de negocios referido ao ano de maior volume de negocio dos tres últimos exercicios concluídos polos seguintes importes mínimos para cada un dos Lotes do presente Acordo Marco: - Lote 1: 46.500€ (Sen IVE) - Lote 2: 58.547,66€ (Sen IVE) Documentación a presentar: a) No caso de Entidades con personalidade xurídica propia (sociedades mercantís): - Contas Anuais dos tres últimos anos presentadas no Rexistro Mercantil ou no Rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos b) No caso de Titulares de actividades económicas no ámbito do imposto sobre a renda das persoas físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro rexistro de vendas e ingresos dos tres últimos anos. (Debendo estar debidamente legalizados para aqueles que teñan dita obriga). - Modelo 390 (Declaración resumen anual IVE) dos tres últimos anos e/ou modelo 100 (Documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva. - Libro rexistro de vendas e ingresos dos tres últimos anos e/o modelo 100 (Documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflexa a imaxe fiel da actividade económica da empresa. No caso de non dispoñer do libro de rexistro de vendas e ingresos, a declaración debe acreditar que o rendemento neto da actividade reflexa a imaxe fiel da actividade económica da empresa. B) Solvencia técnica: Para acreditar a solvencia técnica o licitador deberá presentar os seguintes documentos: B.1.) Relación das principais subministracións realizadas no curso dos cinco últimos anos relacionados co obxecto do Acordo Marco, estes certificados indicarán o importe, as datas e o destinatario, público ou privado, dos mesmos, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V). As subministracións efectuadas acreditaranse mediante certificados expedidos ou visados por un único órgano competente cando o destinatario sexa unha entidade do sector público ou por este, a fata do certificado, mediante unha declaración do empresario. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior aos seguintes importes para cada un dos Lotes do presente Acordo Marco: - Lote 1: 46.500€ (Sen IVE) - Lote 2: 58.547,66€ (Sen IVE) B.2.) Disposición dos vehículos obxecto da oferta coa que concorreu á licitación (relacionados no cadro que figura no apartado 1.3. B. do presente Anexo) precisos para a axeitada execución do presente Acordo Marco e para o cumprimento do prazo de entrega de vehículos esixido/ofertado. A disposición destes medios acreditarase aportando: copia compulsada do permiso de circulación e ficha técnica de cada un dos vehículos obxecto da oferta coa que concorreu á licitación así como a documentación acreditativa do cumprimento das características técnicas ofertadas para os mesmos. No caso do autobús, a antigüidade esixida acreditarase mediante a aportación da copia compulsada da ficha técnica do vehículo. Nota importante: No caso de que unha mesma empresa licite a mais dun Lote, a solvencia económica e técnica deberá ser a equivalente á suma do importe de todos os Lotes aos que presente proposta. 3. CRITERIOS DE ADXUDICACIÓN DO ACORDO MARCO Pluralidade de criterios: Si Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A. Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (SOBRE B) Os criterios avaliables mediante xuízos de valor valoraranse cun máximo de 40 puntos: - Características técnicas e equipamentos dos vehículos ofertados, ata un máximo 25 puntos. - Condicións do arrendamento, ata un máximo de 15 puntos. 3.1.1. Características técnicas e equipamentos dos vehículos ofertados, ata un máximo 25 puntos: Valoraranse as melloras respecto ás características técnicas e de equipamento dos vehículos respecto das condicións mínimas indicadas no prego técnico respecto ao motor, transmisión, dirección, freos, rodas, seguridade, interior e confort, accesorios e outros equipamentos. 3.1.2. Condicións do arrendamento, ata un máximo de 15 puntos. Valoraranse as melloras respecto ás condicións mínimas de arrendamento indicadas no prego respecto a impostos, seguros, reparacións, revisión e substitución temporal dos vehículos, ampliación do número de días de limpeza ó ano respecto das esixidas no prego, e outros aspectos que se axusten. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. *Os licitadores que non alcancen unha valoración mínima de 15 puntos na proposta técnica, serán descartados para a súa continuidade no procedemento aberto. 3.2. Enumeración dos criterios avaliables mediante fórmulas (sobre C): Nota importante: Unicamente se procederá á apertura e valoración das propostas do Sobre C das empresas que obteñan unha ponderación dos criterios avaliables mediante xuízos de valor que superen os 15 puntos. Os criterios avaliables mediante fórmulas valoraranse cun máximo de 60 puntos, de conformidade cos seguintes criterios: 3.2.1. Menor prezo unitario ofertado, ata un máximo de 50 puntos: Puntuarase en función da fórmula establecida no Anexo III tipo de valoración económica da Deputación de Pontevedra. 3.2.2. Mellora no tempo de entrega dos vehículos (máximo 10 puntos): Valorarase a proposta de mellora no tempo de subministración/entrega dos vehículos no lugar indicado pola persoa responsable de cada un dos centros xestores da Deputación de Pontevedra desde o día seguinte á notificación da adxudicación do correspondente contrato derivado do presente Acordo Marco por Homologación cun máximo de 10 puntos. O tempo máximo para a entrega é de 10 días e o mínimo de 1 día. 4. DOCUMENTACIÓN A PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2.- Declaración responsable subscrita pola persoa que asine a proposición, de acordo co modelo que se achega no Anexo IV. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable, así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 3.- Compromisos do licitador: • De dedicar ou adscribir ao contrato os medios persoais e materiais suficientes e necesarios para a debida execución do mesmo, aos que se refire o artigo 64.2 do TRLCSP. • Compromiso de dispoñer, trala notificación da adxudicación do/s Lote/s correspondente/s, dos vehículos correspondentes relacionados no cadro que figura no apartado 1.3. B. do presente Anexo, precisos para a axeitada execución do presente Acordo Marco. 4.- As empresas estranxeiras presentarán unha declaración de someterse a xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso ao foro xurisdicional estranxeiro que puidera corresponderlle o licitador. En todo caso as empresas estranxeiras presentarán os seus documentos debidamente traducidos de forma oficial ao castelán ou galego. 5.- Declaración Xurada do licitador conforme se compromete a que a oferta que presenta en formato papel se corresponde exactamente coa que presenta en formato dixital. SOBRE B: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Nota importante: No caso de presentar ofertas a varios Lotes, as empresas deberán achegar un único Sobre B no que inclúan as Ofertas Técnicas correspondentes. O licitador deberá presentar a oferta técnica por escrito e en formato dixital. A oferta do licitador deberá estar paxinada e conter un índice detallado. O formato dixital deberá entregarse en soporte CD ou DVD, coa seguinte etiqueta: EMPRESA Nome do ficheiro Oferta_Tecnica.doc Oferta_Tecnica.pdf A versión en dixital entregarase nun único ficheiro cun arquivo en versión .pdf e outro en formato .doc. O tipo de letra utilizado será Arial 12, excepto para os títulos, que será Arial 14 e Arial 16. Utilizarase interlineado a 1,5 e o espazo entre parágrafos será a 6 puntos. A extensión máxima da proposta técnica non poderá superar as 50 páxinas (enténdese por páxina cada unha das caras dun folio). Non serán valorados os documentos que se aporten unha vez superadas as 50 páxinas. (A portada e a contraportada non computarán como follas). No caso daqueles licitadores que liciten a mais dun lote, nas súas propostas as follas computarán de xeito independente para cada lote. Durante o proceso de valoración de ofertas non se terá en conta aquelas que non presenten toda a documentación no formato dixital indicado anteriormente. A proposta axustarase, como mínimo e no mesmo orde, ós diferentes apartados detallados a continuación: 1. Unha relación numerada de tódolos documentos incluídos neste Sobre. 2. Características técnicas e equipamento dos vehículos ofertados. Incluirase neste apartado a descrición de cada un dos vehículos ofertados, achegando fotografías e indicando para cada un deles a: marca, modelo, ficha técnica e as características axustadas ás sinaladas neste prego así como aquelas que os licitadores oferten como melloras. 3. Condicións do arrendamento: Indicarase neste apartado a descrición das condicións do arrendamento como son: os impostos, os seguros, as reparacións, revisións, os lavados e a substitución temporal dos vehículos e outros aspectos sinalados neste prego así como aquelas que os licitadores oferten como melloras. Xunto coa oferta os licitadores poderán presentar toda a documentación que consideren oportunas para a perfecta definición do contrato, entendendo que compren cos requisitos mínimos establecidos no prego. NOTA IMPORTANTE: En ningún caso se poderán incluír neste apartado, nin no Sobre B datos económicos nin ningún valor que sexa obxecto de valoración no Sobre C. SOBRE C: DOCUMENTACIÓN CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Nota importante: No caso de presentar ofertas a varios Lotes, as empresas deberán achegar un único Sobre C cumprimentando os apartados que proceda no Modelo de proposición económica Anexo II. Modelo de proposición: Seguindo o modelo determinado no Anexo II do prego de condicións, asinado e selado. Este modelo conterá a oferta económica que se realice. *Non se aceptarán aquelas propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese do orzamento base de licitación, variase substancialmente o modelo establecido, comportase erro manifesto no importe da proposición, ou existise recoñecemento por parte do licitador de que adoece de erro ou inconsistencia que a fagan inviable, poderá ser descartada pola Mesa de Contratación. Na proposición indicarase como partida independente o importe do Imposto sobre o Valor Engadido.” ANEXO II “MODELO DE PROPOSICIÓN (SOBRE C) (Nome e apelidos) .........., maior de idade, veciño de ................, con domicilio en ..........., titular do DNI número …......, expedido en data .........., actuando en nome propio ou en representación da empresa.......... (CIF número …..........) e con domicilio en ............, teléfono …...., segundo declaro responsablemente, Decatado do anuncio para adxudicar, mediante procedemento aberto, o “Acordo Marco para a subministración de vehículos sen condutor en réxime de aluguer para os centros e servizos da Deputación de Pontevedra”. Primeira.- Declaro que na execución do Acordo Marco se cumpriran as obrigas derivadas das disposicións vixentes en materia de protección do emprego, condicións de traballo e prevención de riscos laborais. Segundo.- Comprométome á subministración dos vehículos de acordo ós seguintes prezos unitarios, con estrita suxeición ó establecido nos pregos de prescricións técnicas e condicións económico-administrativas, que aceptamos na súa totalidade, coas seguintes condicións: Nota importante: No caso de presentar ofertas a varios Lotes, as empresas deberán achegar un único sobre C cumprimentando os apartados que proceda no presente Modelo de proposición económica (Anexo II). Os licitadores deberán cubrir na seguinte táboa unicamente as casillas correspondentes ós vehículos incluídos nos Lotes ós que presenten oferta/s. 1.- Prezos unitarios ofertados: Lote nº Tipo de Vehículo Prezo Unitario Mensual (Sen IVE) IVE (21%) Prezo Unitario Mensual (Con IVE) 1 AUTOBÚS (40 Prazas) ………€ …………€ ………€ Lote nº Tipo de Vehículo Prezo Unitario Mensual (Sen IVE) IVE (21%) Prezo Unitario Mensual (Con IVE) 2 Furgoneta 5 prazas ………€ ……€ ……€ Tipo 1: Furgoneta 5 prazas con gancho e remolque ………€ ……€ ……€ Tipo 2: Furgoneta 5 prazas con gancho de remolque ………€ ………€ ……€ Furgoneta 9 prazas ……… ……€ ……€ Turismo 5 prazas ………… ……€ ……€ SUMA DOS PREZOS UNITARIOS OFERTADOS PARA CADA UN DOS VEHÍCULOS: (*Dato “P” que se utilizará para aplicar a fórmula) Importe sen IVE: € IVE (21%): € Importe IVE incluído: € 2.- Os vehículos subministraranse no lugar indicado pola persoa responsable do correspondente centro xestor da Deputación de Pontevedra no prazo de ………… días contados desde o día seguinte á notificación da adxudicación do correspondente contrato derivado do presente Acordo Marco por Homologación. (O tempo máximo é de 10 días e o mínimo, de 1 día). *NOTA: Deben ofertarse valores numéricos, non entendéndose “inmediato” como valor cuantificable. …………………………………., ….. de …………………… de ……….. (Lugar, data, sinatura e selo do licitador)” ANEXO III “FÓRMULAS A APLICAR PARA A AVALIACIÓN DOS CRITERIOS AUTOMÁTICOS (SOBRE C) Entenderanse por ofertas admitidas todas aquelas que non quedaran excluídas unha vez realizado o exame da documentación administrativa contida no sobre A . Os criterios avaliables mediante fórmulas valoraranse cun máximo de 60 puntos. Nota importante: Unicamente se procederá á apertura e valoración das propostas do sobre C daquelas empresas que obteñan unha ponderación dos criterios avaliables mediante xuízos de valor que superen os 15 puntos. A) Menor prezo unitario ofertado, ata un máximo de 50 puntos. Utilizarase para a valoración deste criterio a seguinte fórmula: O dato “P” que se utilizará para aplicar a fórmula será a suma dos prezos unitarios ofertados para cada un dos vehículos de cada lote. • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que . 4. Fórmula completa para a valoración de ofertas 1. Definición de Wmax : 2. Definición de S:  Se : ,  Se : 3. Valoración das ofertas cando bmax > . Para i=1,…..,n:  Se entón ,  Se entón 4. Valoración das ofertas cando  Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No en tanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b1 > 25, entón a oferta 1 (única) é temeraria. • n = 2: supoñemos que . Se entón a oferta 2 é temeraria. Obsérvese que a condición equivale a porque: • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. B) Mellora no tempo de subministración dos vehículos (máximo 10 puntos): Valorarase a proposta de mellora no tempo de subministración/entrega dos vehículos no lugar indicado pola persoa responsable de cada un dos centros xestores da Deputación de Pontevedra desde o día seguinte á notificación da adxudicación do correspondente contrato derivado do presente Acordo Marco por Homologación cun máximo de 10 puntos. O tempo máximo para a entrega é de 10 días e o mínimo de 1 día. a= número de días da peor oferta (10 días) b= número de días do licitador obxecto de cálculo c= número de días da mellor oferta (1 día) d= puntuación máxima outorgada ANEXO IV.-DECLARACIÓN RESPONSABLE. Nota: este modelo pode descargarse, en formato pdf, na área de descargas do seguinte enderezo web: http://www.depo.es/web/edepo/contratacion1 “DOCUMENTO EUROPEO ÚNICO DE CONTRATACIÓN (DEUC E DEUC ELECTRÓNICO) 1. PRINCIPIOS BÁSICOS DO DEUC O DEUC é un documento creado para facilitar a participación na contratación pública que consiste nunha declaración formal e actualizada da empresa interesada, en substitución da documentación acreditativa que confirme a idoneidade, solvencia financeira e capacidade das empresas utilizada como proba preliminar en todos os procedementos de contratación pública que rebasan o umbral da Unión Europea. O DEUC está dispoñible en todas as linguas da Unión Europea (UE). A declaración permite comprobar que as empresas licitadoras non están incursas en ningunha das situacións nas que poderían resultar excluídas do procedemento e que compren os criterios pertinentes de exclusión e selección. Coa presentación do DEUC os licitadores non terán que proporcionar as probas documentais completas e diferentes formularios utilizados anteriormente na contratación pública da UE, o que significa unha considerable simplicación do acceso ás oportunidades de licitación transfronteirizas, por tanto, será o adxudicatario quen unicamente deberá presentar os certificados que se soliciten normalmente como proba. 2. ACCESO AO DEUC E O DEUC ELECTRÓNICO Con arranxo as novas Directivas sobre contratación pública, o DEUC facilitarase exclusivamente en formato electrónico a partir do 18 de abril de 2018, en tanto, a fin de posibilitar a transición en toda a UE, ata a data mencionada coexistirá a versión electrónica e a versión en papel dispoñibles de acordo ao seguinte: - Formato papel: Documento DEUC que figura no anexo II do Regulamento de Execución (UE) 2016/7 da Comisión, de 5 de xaneiro de 2016, polo que se establece o formulario normalizado do DEUC. Pódese visualizar na dirección web http://eur-lex.europa.eu - En formato electrónico a través do servizo en liña DEUC electrónico na seguinte dirección web https://ec.europa.eu/growth/tools-databases/espd O servizo en liña proporcionado pola Comisión Europea é gratuíto para os compradores, licitadores e demais partes interesadas en cumprimentar o documento de forma electrónica. O formulario en liña pode ser cumprimentado, impreso e posteriormente enviarse xunto coa oferta. Se o procedemento se realiza de forma electrónica, o DEUC presentado no marco dun procedemento de contratación pública anterior, pode reutilizarse sempre que a información siga sendo a correcta. As empresas que figuren inscritas en listas oficiais autorizadas, no caso de España o Rexistro Oficial de Licitadores e Empresas Clasificadas do Estado (ROLECE) ou o equivalente a nivel autonómico co alcance previsto no artigo 327.1 do TRLCSP, non estarán obrigadas a facilitar no formulario DEUC os datos e información que xa forme parte dos ditos rexistros, sempre e cando as empresas inclúan no DEUC a información necesaria para que o órgano de Contratación poida realizar o acceso correspondente (datos de identificación no rexistro, declaración de consentimento, dirección web, etc). Os licitadores poderán ser excluídos do procedemento ou ser obxecto de enxuizamento se a información contida no DEUC foi falseada, ocultada ou non pode completarse con documentos xustificativos. 3. COMO UTILIZAR O DEUC ELECTRÓNICO 3.1. Acceso a través de calquera navegador de internet: O DEUC electrónico funciona coas versións máis recentes dos navegadores máis habituais (Chrome, Internet, Explorer, Firefox, Safari e Opera). Débese ter en conta que certas funcións, como descargar un ficheiro, non é posible realizalas en teléfonos intelixentes ou tabletas. 3.2. Crear, importar e descargar o DEUC electrónico: O servizo en liña DEUC permite crear un modelo novo ou reutilizar un modelo xa utilizado nun procedemento anterior, por tanto o DEUC electrónico estará dispoñible por vía electrónica xunto cos demais documentos de licitación. A empresa licitadora procederá a importar o dito modelo, cumprimentar os datos necesarios, descargar e imprimir, no caso de que sexa necesario, presentando deste modo o DEUC cos demais documentos de licitación. 3.3. Descargar o DEUC electrónico en formato PDF: En Microsoft Windows o DEUC electrónico pode descargarse a través do Chrome (coa impresora que leva integrada). No caso doutros navegadores pode utilizarse calquera creador de documentos en PDF dispoñible en liña de forma gratuíta. No caso de Mac, OSX o Linux, o DEUC pode imprimirse desde calquera navegador. 3.4. Sinatura do DEUC electrónico: Para a sinatura electrónica deberase descargar o modelo en XML e utilizar a correspondente sinatura electrónica. Se non fora posible, deberase imprimir o DEUC en formato PDF e asinarse a man. 3.5. Impresión do DEUC electrónico: Pódese imprimir o DEUC electrónico desde o servizo en liña posto a disposición pola Comisión Europea. O formulario DEUC electrónico aparece tras pulsar o botón “Imprimir”. 3.6. Como cumprimentar automaticamente os datos sobre o procedemento que deben figurar na parte I do DEUC electrónico: O servizo DEUC electrónico que ofrece a Comisión Europea recolle automaticamente esta información sempre que se respecten as seguintes etapas: 1) Presentado o anuncio de licitación no TED (Tender Electronic Daily). 2) A empresa licitadora recibe un correo electrónico con un numero de identificación. 3) Introdúcese o número de identificación no servizo DEUC electrónico. Posteriormente, esta información se inserta automaticamente na parte I do DEUC electrónico. 3.7. Reutilización do DEUC electrónico: O servizo en liña do DEUC electrónico permite tanto aos compradores como as empresas licitadoras reutilizar o formulario do DEUC electrónico utilizado en procedementos de contratación anteriores. O formulario pode utilizarse mentres os datos sigan sendo correctos e pertinentes. 3.8. Presentación de probas orixinais: Será o adxudicatario do contrato quen deberá presentar as probas orixinais, en tanto, poderase solicitar en todo momento do procedemento a presentación de probas a fin de garantir a correcta execución do mesmo. No caso de que as probas, ou parte das mesmas, estean dispoñibles en bases de datos oficiais (En España ROLECE ou Rexistro autonómico equivalente), de forma gratuíta, as empresas poderán indicar onde poden encontrarse as probas solicitadas (nome do rexistro, identificación, etc), e por tanto, o solicitante obter as probas da fonte indicada, sen prexuízo das normas pertinentes en materia de protección de datos persoais). 4. ASPECTOS TÉCNICOS RELACIONADOS CO DEUC ELECTRÓNICO O servizo DEUC electrónico é unha aplicación en liña destinada a facilitar o proceso de elaboración do formulario do DEUC, non unha base de datos de preselección polo que non almacena ningún dato. O formulario se conserva sempre localmente no ordenador do usuario. No futuro será posible para a empresa licitadora ver directamente no DEUC electrónico que probas se poden utilizar para cumprir un criterio específico.” ANEXO V “MODELO DE ACREDITACIÓN DA SOLVENCIA TÉCNICA DAS SUBMINISTRACIÓNS REALIZADAS ACREDITACIÓN DA SOLVENCIA TÉCNICA E PROFESIONAL RESPECTO DAS SUBMINISTRACIÓNS REALIZADAS POLA EMPRESA NOS ÚLTIMOS CINCO ANOS TÍTULO DO CONTRATO: Nº EXPEDIENTE: D./Dna. …….…, con DNI nº …….,en nome propio ou en representación da empresa …………, con NIF/CIF nº …… DECLARA que a relación das subministracións obxecto do presente contrato realizadas nos últimos cinco anos, son as que se recollen na táboa seguinte: Título do contrato Obxecto Data Importe do ano 2012 Importe do ano 2013 Importe do ano 2014 Importe do ano 2015 Importe do ano 2016 Importe total dos últimos 5 anos Destinatario Inicio Fin Totais ……………………………………., ….. de …………………… de ……….. (Lugar, data, sinatura e selo do licitador)” DE PONTEVEDRA” .ANEXO VI “ACTA DE ENTREGA DE VEHÍCULOS (Expte. 2016043202) “ACORDO MARCO PARA A SUBMINISTRACIÓN DE VEHÍCULOS SEN CONDUTOR EN RÉXIME DE ALUGUER PARA OS CENTROS E SERVIZOS DA DEPUTACIÓN DE PONTEVEDRA”. ASISTENTES Ó abeiro do “Acordo marco para a subministración de vehículos sen condutor en réxime de aluguer para os centros e servizos da Deputación de Pontevedra”, D. ………., Técnico responsable da Deputación de Pontevedra e D. ………., Representante da empresa ……............., asinan a presente acta ó obxecto de proceder á entrega do vehículo que de seguido se relaciona: Detalle do vehículo e data do alugamento: Tipo de Vehículo Modelo Marca Matricula Cumprimento das condicións de adxudicación do Acordo Marco: SI _______ Non ______ Entrega da documentación acreditativa da póliza de seguro do vehículo así como do comprobante do pagamento para un período mínimo de 6 meses. OBSERVACIÓNS:………………………………………………………………………… Polas persoas asinantes faise constar que o vehículo subministrado cumpre as condicións, características e equipamentos establecidas como condicións do presente Acordo Marco formalizado así como coas ofertadas pola empresa adxudicataria, despois de ser comprobado pola persoa responsable do Servizo de __________ da Deputación de Pontevedra, En Pontevedra, o día ….…. de ……… de 2017, Representante da Deputación de Pontevedra Representante da empresa” 12.25205.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DA XESTIÓN, DESENVOLVEMENTO E EXECUCIÓN DO PROGRAMA DE TERMALISMO SOCIAL “DEPOTERMAL 2017” (Expte. nº2017000835) A xefa do Servizo de Cohesión Social e Xuventude co conforme da Deputada Delegada de dita area mediante informe de data solicita a contratación da xestión, desenvolvemento, promoción e difusión do programa de termalismo social “Depotermal 2017”, que ten como finalidade facilitarlle os veciños da provincia de Pontevedra o acceso a actividades de ocio saudable e envellecemento satisfactorio en establecementos hostaleiros como spas, talasos ou balnearios. O programa pretende ser un plan dinamizador da economía da provincia impulsando a creación e mantemento de postos de traballo no sector turístico durante os períodos de menor actividade, desestacionalizando a demanda e así mesmo, fomentar a contratación de persoas menores de trinta anos e persoas con diversidade funcional. Este programa cun claro obxectivo social conta con dúas liñas básicas de actuación: a) Programa de asistencia diaria a instalacións termais durante cinco tardes seguidas. b) Programa termal de pernoctación de domingo a venres. Visto o informe do xefe do Servizo de Contratación de data 25 de xaneiro de 2017, no que determina a natureza xurídica do contrato e xustifica no expediente a elección do procedemento, sendo este un contrato administrativo especial. Resultando que polo Servizo de Contratación se elabora o proxecto do prego de cláusulas económico-administrativas. Resultando que polo servizo de Intervención se emite documento RC mediante o cal se certifica e existencia de consignación orzamentaria para facer fronte as obrigas derivadas deste contrato con cargo a aplicación do vixente Orzamento provincial. Resultando que con data 30 de xaneiro de 2017 o Sr. Secretario Xeral informa o devandito proxecto de prego e posteriormente se traslada o expediente de contratación ó Servizo de Intervención para que fiscalice o mesmo nos termos previstos na Lei 47/2003, de 26 de novembro. Visto o informe de fiscalización, de data 9 de febreiro de 2017 emitido polo Sr. Interventor. Considerando que a disposición adicional segunda do referenciado RDL 3/2011, no seu apartado 1, faculta á Presidencia para actuar como órgano de contratación con competencia respecto deste contrato, e tendo en conta o disposto no artigo 185 do RDL 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación de servizos que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Aprobar o expediente de contratación, para a adxudicación mediante procedemento aberto da xestión, desenvolvemento e execución do programa de termalismo social “Depotermal 2017”,pola cantidade máxima de 102.000,00 €, IVE incluído, de acordo o seguinte detalle: a) Programa de asistencia diaria sen pernocta. Prezo de licitación unitario: 140,00€ por persoa (IVE incluído) Financiación/persoa Total Prazas Total/€ 40,00€ 1000 40.000,00€ 100,00€ 248 (4 por cada concello adherido, para persoas que carezan de recursos económicos suficientes para facer fronte o custo do programa e o acrediten mediante informe social da traballadora social dos Servizos Sociais municipais) 24.800,00€ TOTAL 64.800,00€ Os usuarios participantes pagarán a cantidade resultante de descontar do prezo de adxudicación segundo o establecemento escollido, a cantidade achegada pola Deputación. b) Programa termal de pernoctación: Prezo de licitación unitario:300,00 € por persoa (IVE incluído). Financiación/persoa Total Prazas Total/€ 200,00 € 186*(3 por cada concello adherido, para persoas que carezan de recursos e precisen dun respiro familiar atendendo ó informe social da traballadora social) 37.200,00€ TOTAL 37.200,00€ Os usuarios participantes que teñan dereito a unha praza subvencionada (*), pagarán a cantidade resultante de descontar do prezo de adxudicación segundo o establecemento escollido, a cantidade achegada pola Deputación. O resto das prazas (ata 3.000 prazas), serán abonadas na súa totalidade polo usuario. 2.- Aprobar os pregos de cláusulas económico-administrativas e técnicas que rexerán en dito procedemento aberto. 3.- Autorizar o gasto polo importe máximo de 102.000,00 € con cargo á aplicación 2017/231.2311.227.07 do vixente Orzamento provincial. 4.- Iniciar o procedemento de adxudicación para a devandita contratación, concedendo un prazo de quince días naturais para a presentación de proposicións, contados a partir do día seguinte a publicación do anuncio no Boletín Oficial da Provincia, de conformidade co estipulado no artigo 159.2 do citado RDL 3/2011. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN A CONTRATACIÓN, MEDIANTE PROCEDEMENTO ABERTO, DO SERVIZO DE XESTIÓN, DESENVOLVEMENTO E EXECUCIÓN PARA O PROGRAMA DE TERMALISMO SOCIAL “DEPOTERMAL 2017”. Nº exp.2017000835 ELEMENTOS DO CONTRATO 1. RÉXIME XURÍDICO En todo o non previsto expresamente neste prego de condicións estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, modificada pola Lei 14/2013, de 27 de setembro, de apoio ós emprendedores e á súa internacionalización, o Real decreto lexislativo 817/2009, de 8 de maio, polo que se desenvolve parcialmente a LCSP e, no que sexa aplicable, no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada. Supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario estará obrigado ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 2. RECURSOS E XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa, deixando expedita a vía xurisdicional, contencioso-administrativa, a teor do disposto na Lei reguladora da devandita xurisdición. 3. OBXECTO O obxecto do contrato ó que se refire o presente prego é o servizo/s descrito/s no/s apartado/s 1 do/s anexo/s I, nos que se recollen as necesidades administrativas para satisfacer mediante o contrato, describindo as características do/s servizo/s e a forma de levar a cabo a prestación por parte do adxudicatario. No caso de que o procedemento aberto se divida por lotes haberá un anexo I por cada uns deles. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 4. FINANCIAMENTO E ORZAMENTO DE LICITACIÓN Este contrato financiarase da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego e inclúe na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 5. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 6. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, ademais de asumir o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se concrete a adxudicación); estas empresas serán responsables solidarias ante a Administración e deberán nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 7. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 TRLCSP, e na disposición adicional terceira da Lei 20/2013, de 9 de decembro, de garantía da unidade do mercado, desde o 15 de decembro de 2014 a Deputación de Pontevedra publicará todas as noticias, avisos e documentación relativa ós seus procedementos de contratación no Perfil de Contratante integrado na Plataforma de Contratación do Sector Público do Estado (www.contrataciondelestado.es). 8. XESTIÓN DE PREGUNTAS E RESPOSTAS DOS LICITADORES As preguntas que lles poidan xurdir ós licitadores respecto dos pregos que rexen na contratación, deberán formularse no Perfil do Contratante da Deputación de Pontevedra (www.depo.es), Plataforma de Contratación do Sector Público, para o que deberán estar rexistrados como usuarios nesta Plataforma. Para formular as consultas, os licitadores deberán seleccionar o expediente e formular a súa consulta na sección denominada “Solicitar información” (para máis información, poden consultar a Guía de xestión de Preguntas e Respostas dos Licitadores, publicada na Plataforma de Contratación do Sector Público). As respostas ás cuestións plantexadas ou ás posibles modificacións ou actualizacións de respostas serán publicadas na mesma sección polo Servizo de Contratación da Deputación de Pontevedra. 9. NOTIFICACIÓNS ELECTRÓNICAS Con base ó disposto no art. 41 da Lei 39/2015, de 1 de outubro, do Procedemento Administrativo Común das Administracións Públicas, e no artigo 25 do Capítulo VII do Regulamento da Administración electrónica da Deputación de Pontevedra, se practicará as notificacións relativas aos procedementos de contratación de xeito electrónico a través da Plataforma de Contratación del Sector Público (https://contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico onde queira que se lle comuniquen as notificacións. Para acceder á comunicación, deberá estar rexistrado na Plataforma de Contratación do Sector Público con esa mesma dirección de correo electrónico e dispor dun certificado dixital de persoa física aceptado pola plataforma de validación (como o DNI electrónico ou o emitido pola Fábrica Nacional de Moeda e Timbre). Cando un órgano de contratación envíelle unha comunicación, vostede será informado desta circunstancia por medio dunha mensaxe de correo electrónico enviado á dirección que lle proporcionou a este efecto ao órgano de contratación. Ademais, cando acceda á Plataforma co seu usuario rexistrado mostraráselle un aviso na páxina de Inicio de que ten unha comunicación pendente de lectura. De conformidade co artigo 43 da Lei 39/2015, de 1 de outubro, do Procedemento Administrativo Común das Administracións Públicas, as notificacións entenderanse practicadas no momento no que se produza o acceso ó seu contido. Nembargante, transcorridos dez días naturais desde a posta a disposición da notificación sen que se acceda o seu contido, entenderase rexeitada, agás que, de oficio ou a instancia da persoa destinataria, poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. ADXUDICACIÓN DO CONTRATO 10. PROCEDEMENTO O contrato adxudicarase por procedemento aberto atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. O procedemento será obxecto da tramitación ordinaria, de conformidade cos artigos 109 e seguintes do TRLCSP. 11. RENUNCIA E DESISTIMENTO O órgano de contratación poderá acordar a renuncia á celebración do contrato, por razóns de interese público debidamente xustificadas, ou o desestimento do procedemento, baseado nunha infracción non emendable das normas de preparación do contrato ou das reguladoras do procedemento de adxudicación, en ambos os dous casos, sempre antes da adxudicación do contrato. Esta circunstancia deberá ser notificada ós licitadores e comunicarse á Comisión Europea cando o contrato fose anunciado no Diario oficial da Unión Europea (artigo 155 TRLCSP). 12. PRESENTACIÓN DE PROPOSICIÓNS; LUGAR E FORMALIDADES; DOCUMENTACIÓN 12.1. Lugar e prazo de presentación: - Presentación no Rexistro Xeral ou auxiliares da Deputación de Pontevedra: As proposicións presentaranse no Rexistro Xeral da Deputación (Horario: na sede de Pontevedra, de luns a venres, de 8.30 a 14.30 horas, e de 17.00 a 19.00 horas; e na sede de Vigo, de luns a venres, de 9.00 a 14.00 horas. Nos meses de xullo e agosto, o horario será, na sede de Pontevedra, de luns a venres, de 8.30 a 14.30 horas), durante un prazo de quince días naturais (artigo 159.2 do TRLCSP), a contar desde o día seguinte á publicación do anuncio no Boletín Oficial da Provincia de Pontevedra (BOPPO). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío, e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos, e anunciado o envío ó órgano de contratación nos termos indicados, se transcorridos dez días desde a data de finalización do prazo para a presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas (as previsións relativas ó rexistro electrónico producirán efectos a partir do 2 de outubro do 2018). O depósito do envío deberá ser anunciado ó órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en sábado, domingo ou festivo, prorrogarase o prazo ata o primeiro día hábil seguinte a este. 12.2. Formalidades: Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C) Poñer a letra en función do sobre correspondente - Núm. de expediente No caso de que se coñeza - Denominación do contrato - Nome do licitador - CIF - Dirección, correo-e e teléfono de contacto - Número de inscrición no rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 12.3. Documentos e datos dos licitadores de carácter confidencial. Os documentos e datos presentados polas empresas licitadoras poden ser considerados de carácter confidencial cando a súa difusión a terceiros poda ser contraria a ós seus intereses comerciais lexítimos, prexudicar a leal competencia entre as empresas do sector ou ben estean comprendidos nas prohibicións establecidas na Lei de protección de Datos de Carácter Persoal. Non terá carácter confidencial a información que conste en rexistros públicos e que, ademais, sexa de acceso público. Tal como se prevé no artigo 140 TRLCSP, as empresas licitadoras terán que indicar, se é o caso, mediante unha declaración complementaria, qué documentos administrativos e técnicos e datos presentados son, ó seu parecer, constitutivos de ser considerados confidenciais, xustificando os motivos ou circunstancias en base os cales debe recoñecerse tal carácter. Esta circunstancia deberá reflectirse claramente (sobreimpresa, ó marxe ou de calquera outro xeito visible) no propio documento sinalado como tal. De non aportarse esta declaración considerarase que ningún documento ou dato posúe ese carácter, agás a documentación facilitada polas empresas para acreditar a solvencia, de entre a sinalada nos artigos 75 a 78 do TRLCSP. Non serán admisibles as declaracións xenéricas ou que declaren que todos os documentos e información facilitada na proposta ten carácter confidencial. 13. MESA DE CONTRATACIÓN Estará integrada polos seguintes membros: Presidente: Deputado delegado pola Presidencia Vogais: - Un/ha Deputado/a do Grupo Provincial do PP - Un/ha Deputado/a do Grupo Provincial do BNG - O Deputado do Grupo Mixto - O secretario xeral - O interventor - O/A xefe/a do servizo xestor Secretario: O xefe do Servizo de Contratación 14. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez rematado o prazo de presentación das proposicións, constituirase a Mesa de Contratación, e procederase á cualificación da documentación xeral achegada polos licitadores no Sobre A. Posteriormente, a Mesa reunirase en acto público, ás once horas e trinta minutos do primeiro mércores seguinte ó día no que remate o prazo sinalado para a presentación das plicas, sempre que transcorreran, polo menos, tres días hábiles desde este prazo. Noutro caso, o acto da Mesa de Contratación celebrarase o mércores da semana seguinte. Neste acto, dará a coñecer o resultado da cualificación dos documentos presentados no Sobre A, indicando os defectos ou omisións que se observen na documentación, e declarando ás empresas como admitidas ou excluídas. A comunicación, no seu caso, dos defectos ou omisións que resulten emendables, realizarase verbalmente no referido acto, e publicarase no Perfil de Contratante da Deputación, para que, no prazo de tres días hábiles desde esta publicación, as empresas poidan presentar a documentación de xeito adecuado. Esta comunicación tamén se realizará mediante correo electrónico se, no seu caso, a empresa o facilitara, se ben entenderase cumprida coa súa realización no acto público da Mesa de Contratación e publicación no Perfil do Contratante. No caso de que a empresa non emende a documentación no prazo anteriormente indicado, se considerará excluída. Posteriormente, procederase á apertura dos Sobres B, correspondentes á documentación técnica, non avaliable mediante fórmulas, das empresas admitidas, tal e como prevé o artigo 27 do Real Decreto 817/2009, polo que se desenvolve parcialmente o TRLCSP. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 15. REQUIRIMENTO DE DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, a cuxo efecto poderá solicitar cantos informes técnicos estime pertinentes, clasificaraas por orde decrecente e requiriralle á empresa que presentase a oferta máis vantaxosa que dentro do prazo de dez días hábiles entregue a seguinte documentación: 15.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013 de 27 de setembro de apoio ao emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado: Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 15.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1. Certificación positiva expedida pola Tesourería da Seguridade Social ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP que acredite que se atopa ó corrente do pagamento das súas obrigas tributarias. 3. Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. Sen prexuízo de acreditar a alta no imposto, no suposto de atoparse nalgunha das exencións previstas no artigo 82 do Real Decreto 2/2004, de 5 de marzo, polo que se aproba o texto refundido da Lei reguladora das Facendas Locais, deberá acreditarse, ben mediante certificación da exención outorgada polo órgano competente, ou ben mediante declaración responsable de atoparse exento segundo o establecido no artigo 82.1.c) da citada Lei. 4. Documentación acreditativa da efectiva disposición dos medios persoais e materiais que se comprometeu a adscribir á execución do contrato, de conformidade co artigo 64.2 TRLCSP, segundo o detallado no anexo I ao presente prego. Polo que respecta ós medios persoais, deberase concretar as persoas que se correspondan co número e perfiles dos integrantes do grupo de traballo ofertado, achegando o seu currículo, titulación e experiencia. Se forman parte do persoal da empresa, achegaranse os documentos TC2; noutro caso, achegarase un compromiso asinado polas partes de que, de resultar adxudicataria a empresa, se incorporarán ó equipo de traballo. 5. Documento que acredite a constitución da garantía definitiva. 6. Documento acreditativo do pagamento dos anuncios: De non cumprimentarse adecuadamente o requirimento no prazo sinalado, entenderase que o licitador retirou a súa oferta, procedéndose nese caso a solicitar a mesma documentación ó licitador seguinte, pola orde en que queden clasificadas as ofertas (art. 151.2 TRLCSP). 16. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprilo, no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva depositarase exclusivamente na Caixa da Deputación. 17. ADXUDICACIÓN O órgano de contratación terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R. d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 18. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte á notificación da adxudicación, constituíndo o devandito documento título suficiente para acceder a calquera rexistro público. No entanto, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do contrato sen a súa formalización previa. 19. DEVOLUCIÓN DA DOCUMENTACIÓN As proposicións presentadas, tanto as declaradas admitidas, como as rexeitadas sen abrir, ou as desestimadas unha vez abertas, serán arquivadas no seu expediente. Nembargante, adxudicado o contrato e transcorridos os prazos para a interposición de recursos sen que se formularan, a documentación que acompaña as proposicións quedará a disposición dos interesados, agás a do adxudicatario. No caso de que a documentación non sexa retirada no prazo de 6 meses, entenderase que o interesado renuncia a ela, e o órgano de contratación quedará facultado para destruíla. EXECUCIÓN DO CONTRATO 20. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias para asegurar a correcta realización da prestación pactada. A designación ou non do responsable non eximirá o contratista da correcta execución do obxecto do contrato, salvo que as deficiencias sexan debidas a ordes directas deste, con expresa reserva escrita por parte do contratista, dirixida tanto ó propio responsable coma ó órgano de contratación. 21. EXECUCIÓN DO SERVIZO E RESPONSABILIDADE DO CONTRATISTA O contrato executarase segundo o establecido nas súas cláusulas e nos pregos, de acordo coas instrucións que para a súa interpretación lle dea ó contratista o órgano de contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizo sufrisen un atraso na súa recepción, sempre que non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora con respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Neste último suposto o órgano de contratación concederá a ampliación do prazo que estime necesario para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista con ata un importe do 10 % do orzamento (art. 212.1 do TRLCSP). O contratista responderá conforme ó artigo 214 do TRLCSP dos danos ocasionados a terceiros como consecuencia da execución do contrato. 22. SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe abonar aos subcontratistas o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo se computará desde a data de aprobación polo contratista principal da factura emitida polo subcontratista ao subministrador, con indicación da súa data e o período que corresponda. A aprobación ou conformidade ou no seu caso os motivos de desconformidade deberán outorgarse nun prazo máximo de trinta días desde a presentación da factura. No caso de demora no pago ao subcontratista o subministrador terá dereito ao cobro dos intereses de demora e a indemnización polos custos de cobro nos termos previstos na Lei 3/2004 de 29 de decembro. O contratista poderá pactar cos subministradores ou subcontratistas os prazos de pago superiores respectando os límites previstos no artigo 4.3 da Lei 3/2001 de 29 de decembro polo que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaría no que os gastos de desconto e negociación sexan por conta do contratista. Adicionalmente o subministrador ou subcontratista poderá esixir que o pago se garante mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán ao ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfecciones a súa participación, xunto con aquelas condicións de subcontratación da subministración de cada un deles que garde relación directa co prazo do pago, de conformidade co artigo 228 bis do TRLCSP. Asemade, deberán aportar, a solicitude do ente contratante, xustificante do cumprimento dos pagos aos subministradores ou subcontratistas, unha vez terminada a prestación dentro dos prazos de pago legalmente establecidos no artigo 228 e na Lei 3/2004 do 29 de decembro, e que non sexa de aplicación. Estas obrigas, que se incluirán nos anuncios de licitación, e nos correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efectos conteñan os pregos. 23. REGRAS ESPECIAIS CON RESPECTO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. Os licitadores ou licitadoras poderán ser requiridos para indicar o convenio colectivo que lle é de aplicación aos traballadores e traballadoras que desenvolvan a actividade obxecto do contrato antes da adxudicación do mesmo ou en calquera momento durante a súa execución. No caso de resultar adxudicatarios terán a obriga de aboar, durante toda a execución do mesmo, o salario recollido no convenio colectivo de aplicación segundo a categoría profesional que lle corresponda ás persoas traballadoras, sen que en ningún caso os salarios a aboar poidan ser inferiores a aquel. 4.A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 5. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 6. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b) Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c) Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d) Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e) Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 24. OBRIGAS DO CONTRATISTA 24.1. Obrigas relativas ós traballadores: O contratista deberá cumprir cos deberes derivados das disposicións legais, regulamentarias e convencionais vixentes en materia de protección do emprego, condicións de traballo, prevención de riscos laborais e Seguridade Social. 24.2. Deber de sixilo: O contratista deberá gardar sixilo respecto ós datos ou antecedentes que, non sendo públicos ou notorios, estean relacionados co obxecto do contrato e dos que teña coñecemento con ocasión deste, non pudendo, polo tanto, proporcionar información ningunha a terceiras persoas sobre a materia obxecto do contrato sen o consentimento previo do órgano de contratación. 24.3. Protección de datos de carácter persoal: O contratista responsabilízase, como encargado do seu tratamento, do acceso ós datos de carácter persoal que teña con ocasión do contrato, debendo respectar o establecido na Lei Orgánica 15/1999, de 13 de decembro, de Protección de Datos de Carácter Persoal, no Real Decreto 1720/2007, de 21 de decembro, polo que se aproba o seu Regulamento, na disposición adicional vixésimo sexta do TRLCSP, e na demais normativa aplicable. En particular: - Unicamente tratará estes datos conforme ás instrucións da Administración, responsable do ficheiro, comprometéndose a que o seu persoal garde secreto profesional en relación a eles. - Garantirá a adopción e implementación das medidas de seguridade correspondentes ó tipo de datos tratados, en atención ó disposto no Real Decreto 1720/2007. - Non os aplicará ou utilizará cunha finalidade distinta á derivada da natureza do contrato, nin os comunicará, aínda que sexa para a súa conservación, a outras persoas. Nembargante, o adxudicatario non incorrerá en responsabilidade cando, previa indicación expresa do responsable do tratamento, comunique os datos a un terceiro designado por aquel, que terá a consideración de encargado do tratamento e, polo tanto, deberá axustarse as instrucións do responsable do ficheiro. Unha vez cumprida a prestación contractual, os datos de carácter persoal deberán ser destruídos o devoltos á responsable do seu tratamento, do mesmo xeito que calquera soporte ou documento no que conste algún dato de carácter persoal obxecto do tratamento. Non procederá a destrución dos datos cando exista unha previsión legal que esixa a súa conservación; neste caso, procederase a súa devolución. No caso do incumprimento do estipulado, o adxudicatario e os técnicos que formen parte do equipo de traballo serán responsables das infraccións que se cometan. O órgano de contratación reservase o dereito a efectuar en calquera momento os controis e auditorías que considere apropiadas co fin de verificar o correcto cumprimento desta cláusula. 24.4. Propiedade intelectual e industrial: O contratista cédelle en exclusiva á Administración contratante a titularidade dos dereitos de propiedade intelectual, excepto os de carácter moral, así como os dereitos de propiedade industrial, sobre a totalidade das creacións resultado deste contrato. A Administración adquirirá a propiedade intelectual do traballo obxecto do contrato desde o seu inicio, sendo responsabilidade do contratista as perdas que se poidan derivar contra tal dereito de propiedade, por actuacións a el imputables. A cesión abarca todas as modalidades de explotación actualmente recoñecidas pola lexislación vixente, tales como edición, representación, gravacións e reproducións audiovisuais, informáticas, etc.; en calquera forma ou soporte legalmente admitido. Para tal efecto, o contratista terá que entregarlle ó órgano de contratación, en perfecto estado para o uso ó que se destinan, os soportes orixinais que conteñan as creacións que resulten do contrato. A cesión terá unha duración equivalente ó tempo máximo previsto na lexislación reguladora dos dereitos cedidos para a protección e uso destes. A cesión destes dereitos á Administración contratante non ten limitación ningunha en canto ó ámbito territorial para o exercicio de calquera dereito que desta derive. O prezo pola cesión destes dereitos atópase comprendido no da licitación, non estando obrigada a Administración contratante a aboar ningunha cantidade suplementaria pola cesión de tales dereitos ou pola entrega de soportes que conteñan as creacións derivadas do contrato. A execución do contrato comporta a cesión á Administración contratante do dereito de uso dos devanditos produtos, podendo esta, ademais, autorizar o seu uso ós entes, organismos e entidades pertencentes ó sector público a que se refire o artigo 3.1 do TRLCSP. 25. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do adxudicatario, sen que poida imputárselle á Administración contratante ningún pagamento por tal concepto e sen que estes gastos superen os dous mil euros(2.000,00 €). 26. MODIFICACIÓNS DO CONTRATO O órgano de contratación, aos efectos establecidos nos artigos 219.1 e 306 do TRLCSP, ostenta a prerrogativa de modificar o contrato obxecto do presente prego segundo o disposto no artigo 210 do TRLCSP. As modificacións do contrato poderán producirse, en cumprimento dos artigos 210 e 219.1 do TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio de potestade de modificación do contrato regulado no artigo 211 do TRLCSP. No contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 do TRLCSP, de conformidade co disposto no artigo 105 do TRLCSP relativo aos supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nas que o órgano de contratación poderá facer uso desa potestade, o seu alcance e límites, indicando a porcentaxe do prezo do contrato ao que como máximo pode afectar a modificación, e no procedemento. b) Modificacións non previstas na documentación que rexe a licitación: O contrato se poderá modificar sempre que se xustifique suficientemente a concorrencia dalgunha das circunstancias dispostas no artigo 107 do TRLCSP, seguindo o procedemento establecido ao efecto na normativa. Cando, como consecuencia dunha modificación, experimente variación o prezo do mesmo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ao disposto no artigo 156 do TRLCSP. 27. GARANTÍA DOS SERVIZOS O prazo de garantía comezará a contar desde a data de recepción ou inicio do servizo. A garantía definitiva responderá dos seguintes conceptos: a) Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público. b) Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c) Da incautación que poida decretarse nos casos de resolución do contrato, de acordo co que no citado Real decreto lexislativo estea establecido. Durante este prazo de garantía o contratista terá dereito a coñecer e ser oído sobre a aplicación do servizo realizado. 28. INCUMPRIMENTO DO PRAZO Unha vez incumprido o prazo o contratista incorre automaticamente en demora, co que a Administración poderá optar entre a imposición de penalidades ou a resolución do contrato no caso de que estas alcancen o 5% do seu prezo. Os importes destas penalidades faranse efectivos mediante a súa dedución na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 29. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 308 do TRLCSP.” Ditos anexos son como seguen: ANEXO I “CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1DEFINICIÓN E OBXECTO DO CONTRATO A xestión, desenvolvemento, promoción e difusión do programa Depotermal 2017, ten como finalidade facilitarlle os veciños da provincia de Pontevedra o acceso a actividades de ocio saudable e envellecemento satisfactorio en establecementos hostaleiros como spas, talasos ou balnearios, así mesmo, pretende ser un plan dinamizador da economía da provincia. Así mesmo, con este programa, preténdese fomentar a contratación de persoas menores de trinta anos e persoas con diversidade funcional. Este programa cun claro obxectivo social, conta con dúas liñas básicas de actuación: - Programa de asistencia diaria a instalacións termais durante cinco tardes seguidas. - programa termal de pernoctación de domingo a venres. O programa vai dirixido a persoas empadroadas na provincia de Pontevedra que cumpra algún dos seguintes requisitos: o Nacidos antes do 1 de xaneiro de 1966, feito que deberá acreditar cunha fotocopia do DNI ou NIE segundo o caso. o No caso de nacer o 1 de xaneiro de 1966 ou con posterioridade, ter a condición de pensionista polos conceptos de xubilación, invalidez, viuvez ou outras pensións, para o que deberán achegar unha fotocopia ou certificado correspondente. o No caso de nacer o 1 de xaneiro de 1966 ou en data posterior que teñan recoñecido un grao de discapacidade igual ou superior ao 65%, o que se acreditará coa tarxeta ou certificado de recoñecemento do grao de discapacidade. o Precisar dun respiro familiar, o que se acreditará mediante o modelo de informe do traballador/social dos servizos sociais comunitarios básicos. 1.2. PROCEDEMENTO División en lotes: non Cualificación do contrato: administrativo especial CPV: 63500000 Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 15 días naturais (artigo 159.1 do R.d.l. 3/2011), a contar desde o día seguinte a publicación do anuncio no Boletín Oficial da Provincia de Pontevedra (BOPPO). 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: Prezos unitarios; • Programa termal de asistencia diaria sin pernocta: Prezo de licitación unitario: 140 euros por persoa (IVE incluído). • Programa termal con pernocta: Prezo de licitación unitario: 300 euros por persoa (IVE incluído). B) FINANCIAMENTO Cadro de financiamento: Anualidade Aplicación orzamentaria Importe total con IVE 2017 231.2311.227.07 102.000,00€ Revisión de prezos: Non procede en base a aplicación do novo réxime xurídico de revisión de prezos creado como consecuencia da disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. En aplicación do novo réxime xurídico, tamén se estará ao o disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. Financiamento: • Programa termal de asistencia diaria sen pernocta: Prezo de licitación unitario: 140 € por persoa (IVE incluído).O Programa cofinanciarase pola Deputación de Pontevedra e os usuarios participantes de acordo coa seguinte distribución: • A Deputación subvencionará : Financiación/persoa Total Prazas Total/€ 40€ 1000 40.000 euros 100€ 248 (4 por cada concello adherido, para aquelas persoas que carezan de recursos económicos suficientes para facer fronte o custo do programa e acrediten documentalmente mediante informe social da traballadora social dos Servizos Sociais comunitarios municipais dita situación) 24.800 euros O programa de asistencia diaria, será financiado por este organismo cun máximo de 64.800€. Os usuarios participantes pagarán a cantidade resultante de descontar do prezo de adxudicación segundo o establecemento escollido, a cantidade achegada pola Deputación • Programa termal con pernocta: Prezo de licitación unitario :300 € por persoa (IVE incluído). O Programa cofinanciarase pola Deputación de Pontevedra e os usuarios participantes de acordo coa seguinte distribución: • A Deputación subvencionará: Financiación/persoa Total Prazas Total/€ 200 186*(3 por cada concello adherido, para persoas que carezan de recursos e precisen dun respiro familiar atendendo ó informe social da traballadora social do concello que acredite documentación de dita situación) 37.200€ O programa de pernoctación será financiado por este organismo cun máximo de 37.200,00€ Os usuarios participantes que teñan dereito a unha praza subvencionada(*), pagarán a cantidade resultante de descontar do prezo de adxudicación segundo o establecemento escollido, a cantidade achegada pola Deputación. O resto das prazas (ata 3.000 prazas), serán abonadas na súa totalidade polo usuario. O número total de prazas ofertadas no programa é de 4.434 prazas coa seguinte distribución. - 1248 prazas para o programa de asistencia diaria sen pernocta. - 3.186 prazas para o programa termal con pernocta de domingo a venres. Non obstante, a Deputación non se compromete a contratar un número mínimo de prazas xa que dependerá do número de persoas solicitantes. 1.4. PRAZO DE EXECUCIÓN A duración do contrato será de 8 meses, finalizando en todo caso, o 31 de decembro de 2017. Unicamente por motivos xustificados de interese público e sempre que non exista culpa por parte da empresa, o órgano de contratación poderá prorrogar o prazo de execución do contrato por catro meses e en todo caso, antes da finalización do prazo inicial. 1.5. RÉXIME DE PAGAMENTO Forma de pagamento: os pagamentos á empresa adxudicataria realizaranse contra a presentación da correspondente factura presentada necesariamente nos 15 primeiros dias do mes seguinte á realización da actividade, salvo autorización expresa do Servizo de Cohesión Social e Xuventude. Esta factura virá acompañada da seguintes documentación: - Orixinais das transferencias bancarias nas que conste o nome das persoas participantes, a cantidade aboada, a data, o establecemento de destino segundo o caso. - Información da saída cuberto polo responsable do programa da empresa. - Fotografías en grupo que inclúa as saídas e as actividades dentro do establecemento mínimo . - Fotografía do autocar ou autocares empregados. - Ficha técnica dos autocares utilizados na estadía (tamén deberán entregarse previamente por vía telemática antes da saída). Serán aboadas unha vez emitido o correspondente informe favorable ou de conformidade do responsable da unidade administrativa que reciba ou supervise o traballo, ou no seu caso, do designado polo órgano de contratación como responsable deste, expedida de acordo a normativa vixente. Lugar de presentación e forma da factura: Lugar de presentación e forma da factura: As facturas de importe superior a 5.000,00€ deberán presentarse polo adxudicatario en formato electrónico a través do Punto General de Entrada de Facturas Electrónicas de la Administración General del Estado FACe, ó que pode accederse dende a Sede Electrónica da Deputación de Pontevedra (sede.depo.es), no tempo e forma, a efectos de que o órgano administrativo ó que corresponde proceda a súa tramitación (máis información en https://sede.depo.es). Nas facturas deberase indicar os código DIR 3 que identifican o procedemento, o CIF e nº de expediente que se relacionan a continuación: Administración: L02000036 (CIF: P3600000H) Órgano xestor: LA00080004; Unidade Tramitadora: LA0006135; Oficina Contable: LA0006135 Nº expediente: 2017000835 Se xunto coa factura o adxudicatario ten que presentar outros documentos xustificativos do traballo realizado, o fará achegando os documentos xustificativos a través do sistema de facturación da Deputación de Pontevedra. 1.6. GARANTÍAS Provisional: non se esixe Definitiva: 5 % do orzamento estimado do contrato.(IVE excluído) Prazo da garantía: a duración do contrato 1.7. PENALIZACIÓNS No caso de incumprimento defectuoso da prestación obxecto do contrato ou para o suposto de incumprimentos dos compromisos ou das condicións esenciais que se estableceron nos pregos conforme os artigos 64.2 e 118.1 do TRLCSP, así como as condicións ofertadas polo contratista, cando non proceda a resolución do contrato, implicará a aplicación das penalidades previstas no presente prego e canda así proceda no artigo 212 do TRLCSP que deberán ser proporcionais á gravidade do incumprimento e a súa contía non poderá ser superior ao 10% do orzamento do contrato. Considéranse obrigas esenciais do contrato as seguintes: - Pagos a subcontratistas e provedores, os deberes derivados das disposicións legais, regulamentarias e convencionais vixentes en materia laboral, de protección de emprego, condicións de traballo, prevención de riscos laborais, de seguridade social e de seguridade e saúde no traballo. - O cumprimento das características dos establecementos, autocares, programas, equipo de traballo e demais características ofertadas. As penalidades faranse efectivas mediante a súa dedución das facturas, respondendo a garantía definitiva, en todo caso, da súa efectividade. As infraccións clasificaranse en leves e graves, atendendo as circunstancias concorrentes ao maior ou menor prexuízo que cause á administración. Para os incumprimentos do adxudicatario tipificaranse como faltas leves, ou faltas graves e impoñeranse as seguintes sancións: a)Faltas leves: Son faltas leves entre outras: - Calquera circunstancia relacionada co incumprimento das condicións establecidas nos pregos ou na oferta do adxudicatario que tras o requirimento da administración non son atendidas polo adxudicatario. - Non entrega a cada participante do material mínimo obrigatorio(gorro e chancletas), serigrafiado co logo da Deputación de Pontevedra, - Non ofrecer as actividades mínimas diarias esixidas (saída) e actividade alternativa. - A organización dos traslados debe ser da forma máis directa posible tal e como se indica no apartado de deseño e implantación que se contempla nos pregos de prescricións técnicas do programa, se isto non e así por causa imputable a empresa e sen consenso dos participantes será motivo de sanción. - Os retrasos imputables á empresa nos horarios de saída e ou comida, superiores a unha hora, sen razón xustificada. A penalidade imposta se determinará mediante informe motivado do responsable de contratación e será do 10% do importe mensual correspondente. b) Faltas graves: Para os incumprimentos do adxudicatario das obrigas esenciais mencionadas anteriormente durante a execución do contrato ou as tipificadas como faltas graves, cando non proceda a súa resolución. Son faltas graves entre outras: - Nos casos de desprazamento en autocares, a falta do acompañamento de guía. - O retraso inxustificado e/ou non autorizado da emprega da facturación e da memoria individual nos primeiros 15 dias do mes seguinte á realización da actividade. - A non realización e/ou remisión ao organismo provincial das 15 fotografías por grupo participante en cada quenda no prazo establecido no prego. - A non entrega das enquisas de satisfacción individuais realizadas a cada persoa participante así como o informe estruturado e traballado en Excel coas valoración e da memoria final do programa. - O incumprimento das actuacións propostas na oferta técnica en materia de publicidade e promoción do plan. - A elaboración e difusión de calquera material relacionado co programa sen a previa supervisión por parte da Deputación de Pontevedra. - A falta de comunicación de cambios na programación das saídas, do persoal técnico e dos protocolos de actuacións propostas pola empresa. - Calquera cambio nos establecementos, autocares, programas das saídas, do persoal técnico e dos protocolos de actuacións, non comunicados nin autorizadas polo órgano de contratación. Faltas graves xerais: - A comisión de dúas infraccións tipificadas como faltas leves, nun prazo de 2 meses, sobre as que tivese recaído resolución firme en vía administrativa. A penalidade imposta se determinará mediante informe motivado do responsable do contratación e será do 30% do importe da seguinte factura mensual que corresponda, podendo resolver o contrato. PROCEDEMENTO DE IMPOSICIÓN DE PENALIZACIÓNS As penalidades ou multas coercitivas impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 2. SOLVENCIA ECONÓMICA, FINANCIERIA E TÉCNICA (Documentación que se debe presentar na fase de requirimento, segundo figura na cláusula 14.1 do prego económico administrativo). Clasificación: non se esixe. Acreditación da solvencia económica, financeira e técnica A) Solvencia económica e financeira: Deberase acreditar un volume anual de negocios referido ao ano de maior volume de negocio dos tres últimos exercicios concluídos por un importe mínimo dunha vez e media do valor estimado do contrato. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva. - Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: Para acreditar a solvencia técnica o licitador deberá presentar os seguintes documentos: Relación dos principais servizos no curso dos cinco últimos anos relacionados co obxecto do contrato; nestes certificados indicaranse o importe, as datas e o destinatario, público ou privado, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V do presente prego). Os servizos efectuados acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior ao 70% do valor estimado do contrato ou da súa anualidade media se esta é inferior ao valor estimado do contrato. Nota: Considérase como valor estimado do contrato o importe total, sen incluír o Imposto sobre o Valor Engadido. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (sobre B) Os criterios non avaliables mediante fórmulas valoraranse cun máximo de 40 puntos, de conformidade co seguinte: 1.- Deseño e implantación do programa: máximo 15 puntos. 1.1. Establecementos propostos: Ata un máximo de 5 puntos 1.1.1. Valorarase o aumento do número de establecementos ofertados en cada un dos programas (diúrno e de pernoctación) ata un máximo de tres. Outorgarase 0,33 puntos por cada un dos establecementos ofertados a maiores en cada un dos programas, ata un máximo de 1.5 puntos. 1.1.2. Valorarase as características, comfortabilidade, servizos ofertados dos establecementos propostos pola empresa no programa termal de pernoctación, sempre que como mínimo cumpran o requirido nos pregos. Ata un máximo de 3,5 puntos. NOTA IMPORTANTE: Valoraranse as características de todos os establecementos que oferte a empresa, con independencia de que sexan os 5 obrigatorios ou os que a empresa oferte a maiores. A valoración efectuarase en función dascaracterísticas e calidade dos establecementos no seu conxunto sen ter en conta o número de establecementos ofertados. 1.2 Medios de locomoción e traslados. Ata un máximo de 3 puntos: • Valoraranse as características, elementos de seguridade e confort nos autobuses propostos. Ata un máximo de 1,5 puntos • Organización dos traslados: Valorarase a estratexia previa a seguir na organización dos traslados, o menor tempo de duración dos mesmos e que sexan o máis directos posibles. Ata un máximo de 1,5 puntos 1.3 Actividades complementarias: Ata un máximo de 7 puntos: 1.3.1. No programa termal con pernocta: A) Valoraranse as actividades complementarias ofertadas para cada un dos dias de estancia no establecemento hostaleiro: visitas guiadas, bailes, xogos, ximnasia, talleres etc... Ata un máximo de 2 puntos. B) Proporcionar unha revisión médica á chegar ó hotel. 1 punto se proporciona a revisión médica, senón 0 puntos. C) Flexibilidade dos horarios para o uso das instalacións termais ata un máximo de 1 punto. D) Oferta de tratamentos terapeúticos ata o máximo de 1 punto. 1.3.2. No programa diúrno: A) Excursións para os participantes do programa de asistencia diaria ata un máximo de 2 puntos. 2.- Recursos humanos para a execución do programa. Ata un máximo de 15 puntos. 2.1 Valorarase o incremento do número de persoal con respecto o mínimo esixido, características e calidades, do persoal encargado da execución do programa especialmente a inclusión de guías menores de 30 anos e persoas con diversidade funcional. Ata un máximo de 9.5 puntos. 2.2 Valorarase o incremento de máis dun guía acompañante. Ata un máximo de 2.5 puntos. 2.3 Valorarase o incremento dos recursos mínimos empregados para a comunicación coas persoas participantes e coa Deputación. Ata un máximo de 3 puntos. Nota.- Unicamente valoraranse aquelas características ou calidades que se acrediten documentalmente no sobre B. 3.- Coordinación, seguimento e avaliación da execución do programa. Ata un máximo de 10 puntos. Valorarase as condicións e características do establecemento de: 3.1 Protocolo de recollida, selección e colaboración coa sección de contidos web para a correcta subida á plataforma das fotografías. Ata un máximo de 4 puntos. 3.2 Protocolo de actuación en caso de accidentes ou outros contratempos. Ata un máximo de 2 puntos. 3.3 Protocolo para as persoas con diversidade funcional beneficiarias do programa. Valorarase especialmente a gratuidade para acompañantes de grupos e usuarios pertencentes a entidades de iniciativa social, que polas súas características especiais, sexa aconsellable o acompañamento dunha figura de referencia para a súa participación no plan. Ata un máximo de 2 puntos. 3.4 Protocolo de incidencias coas especificacións pertinentes de como se procedería e solucións propostas. Ata un máximo de 2 puntos. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C): Nota importante: só se procederá á apertura e valoración das propostas do sobre C das empresas que obteñan unha ponderación dos criterios avaliables mediante xuízos de valor que superen os 20 puntos. Os criterios avaliables mediante fórmulas valoraranse cun máximo de 60 puntos, de conformidade cos seguintes criterios: 3.2.1. Prezo medio unitario ata un máximo de 49 puntos. • Prezo medio unitario do programa termal de asistencia diaria ata un máximo de 24,5 puntos • Prezo medio unitario do programa termal con pernocta, ata un máximo de 24,5 puntos. Estes criterios valoraranse en función da fórmula establecida no Anexo IV. 3.2.2. Promoción e difusión do programa: Valorarase o incremento do material mínimo esixido, tendo en conta que a puntuación entre as opcións dos diferentes apartados, non é acumulable. Ata un máximo de 5 puntos: • Trípticos informativos: De 1501 a 3000 0.5 puntos De 3001 en adiante 1 punto • Anuncios en prensa local: De 4 a 6 1 punto De 7 en adiante 2 puntos • Cuñas de radio: De 51 a 80 1 punto De 81 en adiante 2 puntos 3.3.3. Antigüidade dos autobuses: Valorarase a antigüidade media dos autobuses propostos para a execución do programa. Ata 1 punto • Ata 3 anos de antigüidade media: 1 punto. • Antigüidade media de 3 a 5 anos: 0,25 puntos. (A antigüidade media calcularase como a media aritmética dos anos de antigüidade de todos os autobuses ata a data de finalización do prazo de presentación de ofertas) 3.3.4. Servizo dun refrixerio durante as viaxes ás persoas participantes. Se ofrecen refrixerio 1 punto. Se non cero puntos. 3.3.5. Proporcionar material útil para o plan (exemplo: chanclas e gorro de piscina. Sempre co visto e prace do Servizo de Cohesión Social e Xuventude). Se proporcionan el material (chanclas e gorro de piscina) 1 punto. Se non cero puntos. 3.3.6. Oferta dunha póliza de asistencia en viaxe para os asistentes ao programa coas coberturas mínimas que se detallan a continuación. Obterá 3 puntos a empresa que oferte a póliza coas coberturas mínimas indicadas. No caso de non ofertar ditas coberturas mínimas a puntuación será cero: • Gastos médicos o cirúrxicos por enfermidade ou accidente. Sen límite en centros concertados da aseguradora, e cun limite de 1.800 euros en centros de libre elección. • Gastos odontolóxicos e urxencia: Mínimo 30 euros. • Transporte sanitario de feridos e enfermos: engadido. • Desprazamentos de acompañantes en caso de hospitalización do asegurado por un período superior a 5 dias. • Aloxamento de acompañantes en caso de hospitalización do asegurado por un período superior a 5 dias. • Servizo 24 horas :engadido. • Traslado do asegurado falecido: engadido • Prestación en caso de falecemento e incapacidade permanente derivada de accidente: capital mínimo 1.500.00 euros. 4. DOCUMENTACIÓN QUE SE DEBE PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se adxunta no anexo II deste prego. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable, así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. A efectos informativos indícase que é posible a presentación do Documento europeo único de contratación electrónico (DEUC) en substitución da declaración responsable indicada neste punto. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable (ou DEUC), así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 3. Compromisos do licitador de dedicar ou adscribir ao contrato os medios persoais e materiais suficientes necesarios para a debida execución do mesmo, aos que se refire no artigo 64.2 do TRLCSP nos que se atoparán, como mínimo, os especificados nos pregos. Asemade, no compromiso débese especificar que se adscribirá, como mínimo, o seguinte equipo humano: o Unha persoa que exerza de coordinadora. o (4) persoas técnicas de xestión para a execución do programa. o (16) guías acompañantes. Estes profesionais deberán contar coa titulación regulamentaria esixida realizando labores de responsable de grupo en viaxes. Notas importantes: o A xustificación acreditativa de tales requisitos deberán presentarse antes da adxudicación do contrato. A administración poderá requirir, antes da adxudicación do contrato ou durante a execución do mesmo, o convenio colectivo que será de aplicación aos traballadores e traballadoras, así como a xustificación do cumprimento da obriga de presentar a información que acredite a aplicación efectiva do convenio aos ditos traballadores e traballadoras. o No caso de que a oferta dunha empresa se considere anormal ou desproporcionada (baixa temeraria) comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. 4. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. 5. Compromiso de adscribir a execución do contrato un seguro de responsabilidade civil por importe mínimo de 1.200.000 €. A acreditación da póliza subscrita e o comprobante de abono deberá presentarse na fase de requirimento. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS As ofertas deberán presentarse tanto en formato papel como en formato dixital. A oferta deberá estar paxinada e conter un índice detallado. O formato dixital deberá presentarse en soporte CD ou DVD, coa seguinte etiqueta: EMPRESA NOME DOS FICHEIROS Oferta_Técnica.doc Oferta_Técnica.pdf Cronograma.mpp A versión dixital se entregará nun único ficheiro cunha versión en formato .pdf e outra en formato .doc. O tipo de letra utilizado será Arial 12, excepto para os títulos, que será Arial 14 e Arial 16. Utilizarase un interlineado a 1,15 e o espazo entre parágrafos será de 6 puntos. A extensión máxima da proposta técnica non poderá superar as 50 páxinas, excluídos os anexos. Durante o proceso de valoración das ofertas non se terán en conta aquelas que non presenten toda a documentación no formato dixital indicado anteriormente. As ofertas técnicas que presenten os licitadores deberán contemplar de maneira obrigatoria e exclusiva os seguintes puntos, e na mesma orde dos especificados a continuación. Non presentar a seguinte estrutura ou engadir algún punto ademais dos indicados será motivo de exclusión. ÍNDICE 1. Deseño e implantación do programa: Describir de forma global a solución proposta polo licitador indicando aqueles aspectos que a xuízo deste, sexan clave para o cumprimento dos obxectivos do programa: 1.1. Número dos establecementos propostos pola empresa para cada unha das actuacións. 1.2. Características, comfortabilidade e servizos ofertados no programa de pernoctación. 1.3. Descrición e características dos medios de locomoción. 1.4. Organización dos traslados. 1.5. Descrición das actividades complementarias en cada un dos programas. 1.5.1. No programa termal con pernocta: Valoraranse as actividades complementarias ofertadas para cada un dos dias de estancia no establecemento hosteleiro: visitas guiadas, bailes, xogos, ximnasia, talleres etc... , proporcionar unha revisión médica á chegar ó hotel, flexibidade dos horarios para o uso das instalacións termais, tratamentos terapeúticos. 1.5.2. No programa diúrno: A realización de excursións para os participantes do programa de asistencia diaria. 2. Recursos humanos para a execución do programa: 2.1. Descrición do número de persoal, guías acompañantes e inclusión de guías menores de 30 anos e persoas con diversidade funcional. 2.2. Cumprimentar o anexo V deste prego. 3. Coordinación, seguimento e avaliación do programa: Descrición detallada dos seguintes Protocolos: 3.1 Protocolo de recollida, selección e colaboración coa sección de contidos web para a correcta subida á plataforma das fotografías. 3.2 Protocolo de actuación en caso de accidentes ou outros contratempos. 3.3 Protocolo para as persoas con diversidade funcional beneficiarias do programa. Valorarase especialmente a gratuidade para acompañantes de grupos e usuarios pertencentes a entidades de iniciativa social, que polas súas características especiais, sexa aconsellable o acompañamento dunha figura de referencia para a súa participación no plan. 3.4 Protocolo de incidencias coas especificacións pertinentes de como se procedería e solucións propostas. Nota importante.- Unicamente valoraranse aquelas características ou calidades que se acrediten documentalmente no sobre B. Deberanse achegar xunto co anexo anteriormente citado, os curriculums vitae de cada un deles. NOTA IMPORTANTE: O equipo humano deberá estar formado inicialmente polos compoñentes relacionados na oferta adxudicataria coa valoración previa da Deputación de Pontevedra. Non obstante, poderán autorizarse cambios nesta composición sempre que: - Se presente unha xustificación escrita detallada e suficiente na que se explique o motivo do cambio. - Se presenten posibles candidatos cun perfil de cualificación igual ou superior ó da persoa a substituír. O responsable por parte da Deputación de Pontevedra acepte a un dos candidatos propostos. Pola súa parte, se o adxudicatario que durante a execución do contrato propón o cambio dunha das persoas do equipo de traballo deberá facelo por escrito cun mes de antelación e expoñendo as razón que obrigan á devandita proposta. Información adicional: Calquera outra documentación relacionada co contrato que desexe a portar o licitador. Deberase indicar a parte do contrato que o empresario ten eventualmente o propósito de subcontratar, de conformidade co establecido na cláusula 16 deste prego. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta presentada nos criterios avaliables de forma automática (sobre C). O incumprimento deste requisito implicará a exclusión do procedemento. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición determinado no anexo III. Modelo de proposición deste prego, asinado e selado. Este modelo conterá a oferta económica que se realice. Non se aceptarán propostas que conteñan omisións, erros ou riscos que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese o orzamento base de licitación, variase substancialmente o modelo establecido, comportase erro manifesto no importe da proposición ou se existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Así mesmo, cando para a selección do contratista se atenda a unha pluralidade de criterios incluirase neste sobre a documentación relativa a aqueles criterios avaliables mediante fórmulas establecidas nos pregos.” ANEXO II “MODELO DE PROPOSICIÓN (SOBRE C) (Nome e apelidos) ......, maior de idade, veciño de ......, con domicilio en ......, titular do DNI número ......., expedido en data ........, actuando en nome propio ou en representación da empresa .... (CIF número.......) e con domicilio en ......,teléfono......., segundo declaro responsablemente, en coñecemento do anuncio para adxudicar mediante procedemento aberto o contrato correspondente ao servizo (especificar denominación da servizo): Primeiro. Declaro que na execución do contrato se cumprirán coas disposicións legais, regulamentarias e convencionais vixentes e que resulten de aplicación en materia laboral, seguridade social, seguridade e saúde no traballo, de protección do emprego e prevención de riscos laborais. Segundo. Comprométome ó servizo, con estrita suxeición ós pregos de prescricións técnicas e condicións económico-administrativas, que aceptamos na súa totalidade, coas seguintes condicións: 1.- Prezos ofertados para cada establecemento: Programa diúrno: Programa diúrno Nome do establecemento Prezo unitario por persoa IVE incluído 1 ...€ 2 ...€ 3 ...€ 4 ...€ 5 ...€ 6 ...€ 7 ...€ 8 ...€ Programa con pernocta: Programa con pernocta Nome do establecemento Prezo unitario por persoa IVE incluído 1 ...€ 2 ...€ 3 ...€ 4 ...€ 5 ...€ 6 ...€ 7 ...€ 8 ...€ 2.- Promoción e difusión do programa: Trípticos Informativos Sinalar cun X so unha das dúas opcións de cada apartado De 1501 a 3000 De 3001 en adiante Anuncios prensa Local De 4 a 6 De 7 en adiante Cuñas de radio De 51 a 80 De 81 en adiante 3.-Antigüidade media dos autobuses (sinalar cun X so unha das dúas opcións): Ata tres anos de antigüidade media Antigüidade media de 3 a 5 anos 4.- Servizo dun refrixerio durante as viaxes ás persoas participantes. (sinalar cun X so unha das dúas opcións): Se ofrecen refrixerio Non ofrecen refrixerio 5.- Material útil para o plan (chanclas e gorro de piscina). (sinalar cun X so unha das dúas opcións): Se proporcionan material Non proporcionan material 6.- Póliza de asistencia en viaxe para os asistentes ao programa coas coberturas mínimas que se detallan a continuación. • Gastos médicos o cirúrxicos por enfermidade ou accidente. Sen límite en centros concertados da aseguradora, e cun limite de 1.800 euros en centros de libre elección. • Gastos odontolóxicos e urxencia: Mínimo 30 euros. • Transporte sanitario de feridos e enfermos: engadido. • Desprazamentos de acompañantes en caso de hospitalización do asegurado por un período superior a 5 días. • Aloxamento de acompañantes en caso de hospitalización do asegurado por un período superior a 5 dias. • Servizo 24 horas :engadido. • Traslado do asegurado falecido: engadido. • Prestación en caso de falecemento e incapacidade permanente derivada de accidente: capital mínimo 1.500.00 euros. Sinalar cun X so unha das dúas opcións: Se achega póliza Non Nota importante: Sinalar cunha X a opción ofertada ……………………………., ….. de …………………… de ……….. (Lugar, data, sinatura e selo do licitador)” ANEXO III. DECLARACIÓN RESPONSABLE (SOBRE A) Nota: este modelo pode descargarse en formato PDF para cubrir na área de descargas do seguinte enderezo web: http://www.depo.es/web/edepo/contratacion1 “DOCUMENTO EUROPEO ÚNICO DE CONTRATACIÓN (DEUC E DEUC ELECTRÓNICO) 1. PRINCIPIOS BÁSICOS DO DEUC O DEUC é un documento creado para facilitar a participación na contratación pública que consiste nunha declaración formal e actualizada da empresa interesada, en substitución da documentación acreditativa que confirme a idoneidade, solvencia financeira e capacidade das empresas utilizada como proba preliminar en todos os procedementos de contratación pública que rebasan o umbral da Unión Europea. O DEUC está dispoñible en todas as linguas da Unión Europea (UE). A declaración permite comprobar que as empresas licitadoras non están incursas en ningunha das situacións nas que poderían resultar excluídas do procedemento e que compren os criterios pertinentes de exclusión e selección. Coa presentación do DEUC os licitadores non terán que proporcionar as probas documentais completas e diferentes formularios utilizados anteriormente na contratación pública da UE, o que significa unha considerable simplificación do acceso ás oportunidades de licitación transfronteirizas, por tanto, será o adxudicatario quen unicamente deberá presentar os certificados que se soliciten normalmente como proba. 2. ACCESO AO DEUC E O DEUC ELECTRÓNICO Con arranxo as novas Directivas sobre contratación pública, o DEUC facilitarase exclusivamente en formato electrónico a partir do 18 de abril de 2018, en tanto, a fin de posibilitar a transición en toda a UE, ata a data mencionada coexistirá a versión electrónica e a versión en papel dispoñibles de acordo ao seguinte: - Formato papel: Documento DEUC que figura no anexo II do Regulamento de Execución (UE) 2016/7 da Comisión, de 5 de xaneiro de 2016, polo que se establece o formulario normalizado do DEUC. Pódese visualizar na dirección web http://eur-lex.europa.eu - En formato electrónico a través do servizo en liña DEUC electrónico na seguinte dirección web https://ec.europa.eu/growth/tools-databases/espd O servizo en liña proporcionado pola Comisión Europea é gratuíto para os compradores, licitadores e demais partes interesadas en cumprimentar o documento de forma electrónica. O formulario en liña pode ser cumprimentado, impreso e posteriormente enviarse xunto coa oferta. Se o procedemento se realiza de forma electrónica, o DEUC presentado no marco dun procedemento de contratación pública anterior, pode reutilizarse sempre que a información siga sendo a correcta. As empresas que figuren inscritas en listas oficiais autorizadas, no caso de España o Rexistro Oficial de Licitadores e Empresas Clasificadas do Estado (ROLECE) ou o equivalente a nivel autonómico co alcance previsto no artigo 327.1 do TRLCSP, non estarán obrigadas a facilitar no formulario DEUC os datos e información que xa forme parte dos ditos rexistros, sempre e cando as empresas inclúan no DEUC a información necesaria para que o órgano de Contratación poida realizar o acceso correspondente (datos de identificación no rexistro, declaración de consentimento, dirección web, etc). Os licitadores poderán ser excluídos do procedemento ou ser obxecto de enxuizamento se a información contida no DEUC foi falseada, ocultada ou non pode completarse con documentos xustificativos. 3. COMO UTILIZAR O DEUC ELECTRÓNICO 3.1. Acceso a través de calquera navegador de internet: O DEUC electrónico funciona coas versións máis recentes dos navegadores máis habituais (Chrome, Internet, Explorer, Firefox, Safari e Opera). Débese ter en conta que certas funcións, como descargar un ficheiro, non é posible realizalas en teléfonos intelixentes ou tabletas. 3.2. Crear, importar e descargar o DEUC electrónico: O servizo en liña DEUC permite crear un modelo novo ou reutilizar un modelo xa utilizado nun procedemento anterior, por tanto o DEUC electrónico estará dispoñible por vía electrónica xunto cos demais documentos de licitación. A empresa licitadora procederá a importar o dito modelo, cumprimentar os datos necesarios, descargar e imprimir, no caso de que sexa necesario, presentando deste modo o DEUC cos demais documentos de licitación. 3.3. Descargar o DEUC electrónico en formato PDF: En Microsoft Windows o DEUC electrónico pode descargarse a través do Chrome (coa impresora que leva integrada). No caso doutros navegadores pode utilizarse calquera creador de documentos en PDF dispoñible en liña de forma gratuíta. No caso de Mac, OSX o Linux, o DEUC pode imprimirse desde calquera navegador. 3.4. Sinatura do DEUC electrónico: Para a sinatura electrónica deberase descargar o modelo en XML e utilizar a correspondente sinatura electrónica. Se non fora posible, deberase imprimir o DEUC en formato PDF e asinarse a man. 3.5. Impresión do DEUC electrónico: Pódese imprimir o DEUC electrónico desde o servizo en liña posto a disposición pola Comisión Europea. O formulario DEUC electrónico aparece tras pulsar o botón “Imprimir”. 3.6. Como cumprimentar automaticamente os datos sobre o procedemento que deben figurar na parte I do DEUC electrónico. O servizo DEUC electrónico que ofrece a Comisión Europea recolle automaticamente esta información sempre que se respecten as seguintes etapas: 1) Presentado o anuncio de licitación no TED (Tender Electronic Daily). 2) A empresa licitadora recibe un correo electrónico con un numero de identificación. 3) Introdúcese o número de identificación no servizo DEUC electrónico. Posteriormente, esta información se inserta automaticamente na parte I do DEUC electrónico. 3.7. Reutilización do DEUC electrónico: O servizo en liña do DEUC electrónico permite tanto aos compradores como as empresas licitadoras reutilizar o formulario do DEUC electrónico utilizado en procedementos de contratación anteriores. O formulario pode utilizarse mentres os datos sigan sendo correctos e pertinentes. 3.8. Presentación de probas orixinais: Será o adxudicatario do contrato quen deberá presentar as probas orixinais, en tanto, poderase solicitar en todo momento do procedemento a presentación de probas a fin de garantir a correcta execución do mesmo. No caso de que as probas, ou parte das mesmas, estean dispoñibles en bases de datos oficiais (En España ROLECE ou Rexistro autonómico equivalente), de forma gratuíta, as empresas poderán indicar onde poden encontrarse as probas solicitadas (nome do rexistro, identificación, etc), e por tanto, o solicitante obter as probas da fonte indicada, sen prexuízo das normas pertinentes en materia de protección de datos persoais). 4. ASPECTOS TÉCNICOS RELACIONADOS CO DEUC ELECTRÓNICO O servizo DEUC electrónico é unha aplicación en liña destinada a facilitar o proceso de elaboración do formulario do DEUC, non unha base de datos de preselección polo que non almacena ningún dato. O formulario se conserva sempre localmente no ordenador do usuario. No futuro será posible para a empresa licitadora ver directamente no DEUC electrónico que probas se poden utilizar para cumprir un criterio específico.” ANEXO IV “FÓRMULAS PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) Entenderanse por ofertas admitidas todas aquelas que non quedaran excluídas unha vez realizado o exame da documentación administrativa contida no sobre A e de valoración técnica do sobre B. A) Prezo medio unitario do programa termal de asistencia diaria, ata un máximo de 24,5 B) Prezo medio unitario do programa termal con pernocta, ata un máximo de 24,5 Para o cálculo utilizarase o prezo medio de todos os establecementos ofertados pola empresa ( que serán un mínimo de cinco e un máximo de oito). • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que: 4. Fórmula completa para a valoración de ofertas 1. Definición de Wmax : 2. Definición de S:  Se : ,  Se : 3. Valoración das ofertas cando bmax > . Para i=1,…..,n:  Se entón ,  Se entón 4. Valoración das ofertas cando  Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b1 > 25, entón a oferta 1 (única) é temeraria • n = 2: supoñemos que . Se entón a oferta 2 é temeraria. Obsérvese que a condición equivale a porque: • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada.” ANEXO VI “MODELO DE ACREDITACIÓN DO PERSOAL ENCARGADO DA EXECUCIÓN PROGRAMA (SOBRE B) NOME E APELIDOS: DATA DE NACEMENTO: TITULACIÓN: DATA DE EXPEDICIÓN DO TÍTULO: ANOS DE EXPERIENCIA: FUNCIÓN A DESEMPEÑAR NA EXECUCIÓN DO CONTRATO: Nome do contrato(1) Empresa Data de inicio Data final Duración do contrato Funcións desempeñadas no contrato relacionadas coa experiencia que se acredita DURACIÓN TOTAL DOS CONTRATOS (1) Citaranse exclusivamente aqueles contratos nos que o persoal realizara as funcións que acrediten a experiencia na materia requirida na solvencia e ordenados do máis antigo o menos antigo segundo a data de inicio.……………………., ….. de …………………… de ……….. Asdo.: (nome e apelidos da persoa que acredite a experiencia” 13.25206.- APROBACIÓN DO FINANCIAMENTO DO GASTO DE “SUBMINISTRACIÓN DE ENERXÍA ELÉCTRICA ÓS CENTROS DA DEPUTACIÓN DE PONTEVEDRA PARA O ANO 2017” (Expte. nº2013000071-2016001145) A Xunta de Goberno da Deputación de Pontevedra, na súa sesión ordinaria do día 30 de setembro de 2016, adoptou o acordo de aprobar o expediente de contratación para adxudicar, mediante procedemento aberto, o Acordo Marco para a “Subministración de enerxía eléctrica en media e baixa tensión dos centros, edificios e instalacións dependentes da Deputación de Pontevedra” (Expte. 2016001145). Así mesmo, acordouse autorizar o gasto polo importe máximo de 750.000,00 € para o ano 2017, con cargo ás seguintes aplicacións orzamentarias: CENTROS APLICACIÓNS ORZAMENTARIA Pazo Provincial 920.9200.221.00 922.1516.221.00 410.4100.221.00 Edificio Administrativo Piso “Príncipe Felipe” 1 232.2312.221.00 Piso “Príncipe Felipe” 2 Estación Fitopatolóxica Areeiro 413.4123.221.00 Parque de Maquinaria 456.4530.221.00 Turismo Rías Baixas 433.3360.221.00 Imprenta Provincial 926.9240.221.00 Escola de Canteiros 324.3243.221.00 Centro Vacacional “A Lanzada” 231.3370.221.00 Museo Provincial 333.3330.221.00 Castelo de Soutomaior 433.3360.221.00 Finca Mouriscade 411.4120.221.00 Viveiro de Empresas de Barro – Meis 942.4330.221.00 Viveiro de Empresas de Lalín Servizos Centrais ORAL 932.9320.221.00 Oficinas Periféricas Á vista de que se atopaba en trámite o expediente de contratación citado anteriormente e ante a proximidade da data de vencemento (31/12/2016) da primeira prórroga do contrato, a Xunta de Goberno da Deputación de Pontevedra, na súa sesión extraordinaria do día 23 de decembro de 2016, adopta, entre outros, o acordo de aprobación da segunda prórroga do contrato (Exp. 2013000071) para a subministración de enerxía eléctrica para os centros da Deputación de Pontevedra, coa empresa Gas Natural Comercializadora SA (CIF:A61797536), desde o 1 de xaneiro de 2017 ata a formalización do Acordo Marco, sendo o prazo máximo de duración da prórroga ata o 5 de maio de 2017, nas mesmas condicións que as establecidas no contrato inicial e polo seguinte prezo: Subministro en baixa tensión 0,134056 €/kw/h (sen IVE) Subministro en media tensión 0,128479 €/kw/h (sen IVE) Así mesmo, nese mesmo acordo, autorízase o gasto que leva consigo esta prórroga con cargo ás aplicacións orzamentarias do exercicio 2017 dos diferentes centros xestores que se detallan a continuación: CENTRO APLICACIÓN Pazo Provincial 17/920.9200.221.00 Centro A Lanzada 17/232.3370.221.00 Sede Deputación en Vigo 17/925.9200.221.00 Castelo de Soutomaior 17/433.3360.221.00 Parque de maquinaria 17/456.4530.221.00 Comunicación Institucional 17/924.9240.221.00 Estación Fitopatolóxica do Areeiro 17/413.4123.221.00 Finca de Mouriscade 17/411.4120.221.00 Museo Provincial de Pontevedra 17/333.3330.221.00 Turismo Rías Baixas 17/433.4320.221.00 Escola de Canteiros 17/324.3243.221.00 ORAL 17/932.9320.221.00 Estableceuse no mesmo acordo que o pago do prezo deste contrato efectuarase no exercicio 2017 contra a presentación das correspondentes facturas, con cargo ás aplicacións orzamentarias indicadas. Indicando, así mesmo, que o gasto para financiar as obrigas derivadas desta prórroga durante o exercicio 2017 quedaba condicionado á aprobación do respectivo orzamento provincial, e á existencia de crédito adecuado e suficiente nas aplicacións orzamentarias respectivas dos orzamentos de dito exercicio para facer fronte a ditos pagos, non considerando a Autorización de Gasto realizada para o antedito Acordo Marco. Considerando que é necesario proceder ao pago das facturas xeradas polo subministro de enerxía eléctrica aos centros da Deputación de Pontevedra e a vista de que o Acordo Marco para a “Subministración de enerxía eléctrica en media e baixa tensión dos centros, edificios e instalacións dependentes da Deputación de Pontevedra” (Expte. 2016001145) se encontra en fase de licitación, non é posible imputar as facturas do exercicio 2017 con cargo ás aplicacións orzamentarias sinaladas no citado Acordo Marco. Considerando que a disposición adicional segunda do TRLCSP, no seu apartado 1, faculta ao Ilma. Sra. Presidenta para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para a contratación de subministracións que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar a autorización e disposición do gasto polo importe de 750.000,00 € autorizado no expediente de contratación para adxudicar, mediante procedemento aberto, o Acordo Marco para a “Subministración de enerxía eléctrica en media e baixa tensión dos centros, edificios e instalacións dependentes da Deputación de Pontevedra”. (Expte. 2016001145) co obxecto de proceder a financiación e pago das facturas do contrato formalizado coa empresa Gas Natural Comercializadora S.A. para o subministro de enerxía eléctrica aos centros da Deputación de Pontevedra (Expte. 2013000071). Esta autorización finalizará coa formalización do Acordo Marco sinalado, e unha vez realizado este acto só se poderán imputar a esas partidas as facturas de consumo de meses anteriores que estivesen pendentes de pago. 14.25207.- DEVOLUCIÓN DE GARANTÍAS DEFINITIVAS a)Devolución de garantías definitivas á empresa Canalizaciones y Construcciones Salnés, S.L. A empresa Canalizaciones y Contrucciones Salnés, S.L. (CIF B 36.417.533), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Actuacións de mellora no Pavillón Castelao (Concello de Vilagarcía de Arousa)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de SOGARPO, por importe de cinco mil trescentos cincuenta e oito euros con setenta e un céntimos (5.358,71 €), para responder do contrato relativo á obra “Actuacións de mellora no Pavillón Castelao (Concello de Vilagarcía de Arousa)”, que foi depositada na Tesourería Provincial o 27/06/2014, segundo mandamento de ingreso con número de operación 201400083514. b)Devolución de garantías definitivas á empresa Construciones Abal, S.A. A empresa Construciones Abal, S.A. (CIF A 36.115.459), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Melloras no Parque da Xunqueira (Concello de Vilagarcía de Arousa)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCO SABADELL, por importe de trece mil cento setenta e dous euros con catro céntimos (13.172,04 €), para responder do contrato relativo á obra “Melloras no Parque da Xunqueira (Concello de Vilagarcía de Arousa)”, que foi depositada na Tesourería Provincial o 22/07/2014, segundo mandamento de ingreso con número de operación 201400095467. c)Devolución de garantías definitivas á empresa Icos, S.C.G. A empresa Icos, S.C.G. (CIF F 27.262.997), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Subministración para a alimentación do gando vacún da Finca Mouriscade (Lote 1- Fariña de soia e millo)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de ABANCA, por importe de tres mil trescentos trinta e sete euros con cincuenta céntimos (3.337,50 €), para responder do contrato relativo á “Subministración para a alimentación do gando vacún da Finca Mouriscade (Lote 1- Fariña de soia e millo)”, que foi depositada na Tesourería Provincial o 28/04/2016, segundo mandamento de ingreso con número de operación 201600059577. 15.25208.- DAR CONTA DOS CONTRATOS MENORES ADXUDICADOS E DATOS ESTATÍSTICOS DE CONTRATACIÓN DO ÚLTIMO TRIMESTRE DO ANO 2016 A Deputación de Pontevedra, en cumprimento do disposto no artigo 8 da Lei 19/2013, de 9 de decembro, de transparencia, acceso á información pública e bo goberno, ven publicando na sección de transparencia da súa páxina web desde o primeiro trimestre do ano 2015 a información relativa ós contratos menores adxudicados así como dos datos estatísticos sobre a porcentaxe en volume orzamentario dos contratos adxudicados a través de cada un dos procedementos previstos na lexislación de contratos do sector público segundo os datos existentes no seu Servizo de Contratación e Patrimonio. Así mesmo no art. 154 do RDL 3/2011, de 14 de novembro, polo que se aproba o Texto Refundido da Lei de Contratos do Sector Público, estes datos son completados coa publicación no Boletín Oficial da Provincia de Pontevedra (BOPPO) da formalización dos contratos de contía superior a 100.000€. Resultando, que á vista destes preceptos legais, o Servizo de Contratación e Patrimonio elaborou os informes: “Contratos menores adxudicados no último trimestre de 2016” e “Datos estatísticos sobre a porcentaxe en volume orzamentario dos contratos adxudicados a través de cada un dos procedementos previstos na lexislación de contratos do sector público durante o último trimestre do ano 2016” que se achegan. A Xunta de Goberno acorda por unanimidade: Primeiro.- Queda enterada do contido dos informes “Contratos menores adxudicados no último trimestre de 2016” e “Datos estatísticos sobre a porcentaxe en volume orzamentario dos contratos adxudicados a través de cada un dos procedementos previstos na lexislación de contratos do sector público durante o último trimestre do ano 2016”, de conformidade co disposto no artigo 8 da Lei 19/2013, de 9 de decembro, de transparencia, acceso á información pública e bo goberno. Segundo.- Ordena a súa publicación na sección de transparencia da páxina web da Institución Provincial. Ditos informes son como seguen: 16.25209.- ADXUDICACIÓN DE 5 BOLSAS DE MOBILIDADE ÓS DOCENTES PARTICIPANTES NO PROXECTO PRÁCTIUM DEPO 2016 O 20 de outubro de 2015 publicouse a convocatoria de propostas 2016 do programa ERASMUS+ (EAC/A04/2015, Diario Oficial da Unión Europea C347 do 20 de outubro de 2015) aprobada pola Dirección do Servicio Español para la Internacionalización de la Educación (SEPIE), ao abeiro do Regulamento (UE) Nº 1288/2013 do Parlamento Europeo e do Consello de data 11 de decembro do 2013, pola que se crea o programa “ERASMUS+”, programa de educación, formación, xuventude e deporte da Unión Europea. A Dirección do Servicio Español para la Internacionalización de la Educación (SEPIE), emitiu resolución asinada con data 06/06/2016 pola que se publican os listados de solicitudes seleccionadas, en lista de reserva, rexeitadas e excluídas de Proxectos de Mobilidade das persoas por motivos de aprendizaxe, Acción Clave 1, correspondentes á Convocatoria de Propostas do programa Erasmus+ 2016, concedendo unha axuda para a realización do proxecto “Practicum Depo 2016” por importe de 594.474,00 €. Por acordo nº 22.24561 da Xunta de Goberno de data do 23 de xuño de 2016 (Nº de rexistro 2016013061 de 30/06/2016) aprobouse o proxecto “Practicum Depo 2016” financiado pola Dirección do Servizo Español para a internacionalización da Educación (SEPIE), dentro da Acción Clave 1 (Key Action 1) “Mobilidade das persoas por motivo de aprendizaxe” que ten as seguintes características: - Obxectivo global: levar a cabo un programa de mobilidade de estudantes graduados de Formación Profesional de ciclos medios pertencentes a distintas familias profesionais co fin de colaborar na súa integración no mundo laboral, a través de prácticas laborais en empresas e institucións estranxeiras. Tamén se contempla a mobilidade de 5 docentes para a realización de tarefas de “Job shadowing” no estranxeiro. - Ámbito de actuación do proxecto: Reino Unido, Irlanda, Italia, Malta, Portugal, Países Baixos e Finlandia. - Nº participantes: 101 estudantes graduados de Formación profesional de ciclos medios pertencentes a distintas familias profesionais, e 5 docentes dos centros participantes, correspondentes a persoal para a formación. - Duración e prazo de desenvolvemento do programa: 24 meses (dende xuño de 2016 ata xuño de 2018. Estímase que as estadías dos estudantes faranse ao longo de dous períodos a concretar. A Dirección do Servicio Español para la Internacionalización de la Educación (SEPIE), emitiu resolución asinada con data 06/06/2016 pola que se publican os listados de solicitudes seleccionadas, en lista de reserva, rexeitadas e excluídas de Proxectos de Mobilidade das persoas por motivos de aprendizaxe, Acción Clave 1, correspondentes á Convocatoria de Propostas do programa Erasmus+ 2016, concedendo unha axuda para a realización do proxecto “practicum depo 2016” por importe de 594.474,00 €. Trátase dun proxecto plurianual (2016-2018) e para a anualidade 2016 realizáronse no seu día as operacións de xeración de crédito polo importe da subvención concedida polo SEPIE para ese exercicio. Por parte do financiamento propio realizáronse as correspondentes operacións de modificación de crédito co fin de que a Deputación de Pontevedra se comprometera ao financiamento do importe das anualidades do proxecto. O prazo establecido para levar a cabo este proxecto é de 2 anos, que computa do 1 de xuño de 2016 ao 30 de maio de 2018. Con data 07/07/2016, a Deputación asinou co SEPIE o convenio a través do cal se acepta a subvención concedida e se asume o compromiso de executar o proxecto nos termos e condicións establecidos. De acordo co previsto na memoria do proxecto en cada un dos Centros de Formación Profesional constituíuse un Comité de Mobilidade, encargado da selección dos alumnos e docentes participantes, concreción do país de destino e data de inicio da mobilidade. Á súa vez, a Deputación creou a oficina de mobilidade que, como instrumento executivo do comité de mobilidade, asesorará en materias xerais relativas á mobilidade do “Practicum Depo 2016”, as prácticas, seguros e viaxes, dando cobertura aos participantes e localizándolles a información necesaria para xestionar o desprazamento, a estancia así como calquera outra necesidade e imprevisto relacionado coas súas prácticas. Partindo das propostas, dos centros de Formación Profesional e do Comité de mobilidade da Deputación, os alumnos distribuíronse en 2 grupos: - O primeiro grupo comprendeu un total de 26 alumnos que en principio realizan as prácticas en empresas de Italia, Reino Unido, Irlanda, Malta e Alemaña. - O segundo grupo comprenderá un total de 75 alumnos, que iniciarán a mobilidade en setembro-outubro do ano 2017. A duración máxima das prácticas no país estranxeiro é de 182 días (aproximadamente 6 meses), podendo ser inferior se durante este período se cumpre un ano para contar dende a finalización dos estudos, nese caso daranse por concluídas en tal data. Ademais das mobilidades do alumnado, o proxecto Erasmus+ Practicum Depo 2016 tamén contempla as mobilidades de 5 docentes dos seguintes centros educativos e cos seguintes destinos e duración: - IES Salvaterra do Miño.- 10 días a Finlandia. Docente: Juan José Díaz López - IES Ricardo Mella (Vigo).- 5 días a Alemaña. Docente: Sonia Pérez Álvarez - IES Pintor Colmeiro (Silleda).- 5 días a Malta. Docente: Mª Helena González Lois - IES Chan do Monte (Marín).- 5 días a Irlanda. Docente: José Luis Noya Souto - Centro de Artes Plásticas y Diseño Atlántico (Vigo).- 5 días a Italia. Docente: José Carlos Pereira Calviño Os docentes destes centros realizarán tarefas de Job Shadowing, co fin de aprender os métodos didácticos que se utilizan no país de destino, ademais de comprobar in situ, como se organiza a formación e coñecer as persoas encargadas da dita actividade. As contías son as seguintes: País Días Axuda de Viaxe Axuda Individual TOTAL Irlanda 5 275,00 € 560,00 € 835,00 € Italia 5 275,00 € 490,00 € 765,00 € Malta 5 360,00 € 420,00 € 780,00 € Alemaña 5 275,00 € 420,00 € 695,00 € Finlandia 10 360,00 € 840,00 € 1.200,00 € TOTAL 4.275,00 € Os importes das bolsas veñen determinados polo país de destino e os días de estancia, calculados en cada caso segundo a táboa de módulos do SEPIE e dadas as contías aprobadas no proxecto concedido. Con data 25 de xaneiro de 2017 emitiuse informe – proposta para a adxudicación de 5 bolsas de mobilidade aos docentes participantes no proxecto “Practicum Depo 2016” asinado polo xefe do servicio de Promoción de Emprego e Desenvolvemento Local co visto e prace da Deputada Delegada en materia de emprego. Con data 3 de febreiro o secretario xeral emitiu informe xurídico favorable ao respecto. Con data 06/02/2017 o servizo de intervención emitiu informe de fiscalización favorable achegando o documento RC número 17/240.2417.481.01-2016 Normativa aplicable: Estas axudas axustaranse ao previsto nas Bases reguladoras da concesión da subvención: Convocatoria de propostas 2016 do programa ERASMUS+ (EAC/A04/2015, Diario Oficial da Unión Europea C347 do 20 de outubro de 2015), así como ao disposto na Lei 38/2003, de 17 de novembro, Xeral de Subvencións, Real decreto 887/2006, de 21 de xullo, polo que se aproba o Regulamento desta Lei e as Bases número 16 e 24 e seguintes das de execución do orzamento para o ano 2017. A concesión destas axudas corresponde á Xunta de Goberno en virtude das facultades que lle atribúe a base 16.2ª de Execución do Orzamento para a anualidade de 2017. Por todo o exposto, en base aos antecedentes e normativa aplicable a este tipo de axudas, proponse que se acorde autorizar o gasto a favor dos centros educativos cos seus correspondentes docentes que participan neste proxecto “Practicum Depo 2016”, as cantidades que se detallan anteriormente en concepto de axuda por mobilidade, e que comprende o 100% da cantidade asignada pola estancia e o 100% da prevista para gastos de viaxe. A dita cantidade farase efectiva previa aceptación por parte dos interesados destas cantidades co compromiso de cumprir cos obxectivos do programa e destinalos aos fins que se determinan mediante a sinatura dos respectivos convenios de subvención Erasmus+. A axuda financeira ou parte dela será reembolsada se o participante non cumpre coas súas obrigas. Se o participante rescinde o convenio de participación antes do seu prazo de finalización ou se incumpre o establecido no mesmo, deberá proceder á devolución da cantidade da axuda que se lle aboou. En caso de rescisión do participante por causas de forza maior, isto é, debido a unha situación ou acontecemento imprevisible e excepcional alleo á vontade do participante e non atribuíble a erro ou neglixencia pola súa parte, entrará en funcionamento o mecanismo autorizado polo SEPIE ao efecto, chegando a ter que devolver calquera fondo, no seu caso. O cálculo da axuda realízase en función do número de días e do país de destino, segundo vén establecido nas táboas de cálculo aprobadas regulamentariamente. As contías son as establecidas no proxecto aprobado polo SEPIE. Considerando o anterior, a Xunta de Goberno acorda por unanimidade: 1.- Autorizar o gasto a favor dos docentes que participan neste proxecto “Practicum Depo 2016” que se relaciona anteriormente, e que comprende o 100% da cantidade asignada pola estancia e o 100% da prevista para gastos de viaxe. Para esta mobilidade con destino a Irlanda, Italia, Malta, Alemaña e Finlandia a contía ascende a 4.275,00 €, que xa están retidos e dispoñibles dentro do RC nº 17/240.2417.481.01-2016 da aplicación orzamentaria 17/240.2417.481.01 do proxecto de gasto 1600004_PRACTICUM DEPO 2016-18 ERASMUS+ EAC/A04. 2.- Notificar este acordo ás partes interesadas. 17.25210.- COMUNICACIÓNS Non houbo. 18.25211.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e trinta minutos do expresado día, dáse por rematada a sesión e dela esténdese a presente acta, que asina a Ilma. Sra. Presidenta, comigo, o Secretario que dou fe. A Presidenta, O Secretario,

Área de notas

• Nota

Puntos de acceso

Área de control da descrición