Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A C T A Da sesión ordinaria, en primeira convocatoria, celebrada polo Pleno desta Deputación o día, 24 de novembro do 2017 No Salón de sesións da Deputación Provincial de Pontevedra, sendo as doce horas do día vinte e catro de novembro de dous mil dezasete, baixo a presidencia da Ilma. Sra. Presidenta Dona María del Carmen Silva Rego (PSdeG-PSOE), reuníronse as/os Señoras/es deputadas/os electos Dona María Isaura Abelairas Rodríguez (PSdeG-PSOE), Don Luis Aragunde Aragunde (PP), Don Javier Bas Corugeira (PP), Don Uxío Benítez Fernández (BNG), Dona Consuelo Besada Lores (PSdeG-PSOE), Don Jorge Canda Martínez (PP), Don Francisco Javier Dios Pomares (PSdeG-PSOE), Don José Fervenza Costas (PP), Don José Manuel Figueroa Vila (PP), Don Juan Antonio González Pérez (PSdeG-PSOE), Don Xosé Lois Jácome Enríquez (COALICIÓN ELECTORAL SON), Don Xosé Leal Fariña (BNG), Don Carlos López Font (PSdeG-PSOE), Dona María Monserrat Magallanes Álvarez (PSdeG-PSOE), Don Angel Moldes Martínez (PP), Don Xosé Cesáreo Mosquera Lorenzo (BNG), Dona Elena Muñoz Fonteriz (PP), Dona María Salomé Peña Muñiz (PP), Don David Regades Fernández (PSdeG-PSOE), Dona Digna Rosa Rivas Gómez (PSdeG-PSOE), Don Santiago Rodríguez Davila (PP), Don Santos Héctor Rodríguez Díaz (PSdeG-PSOE), Don Ramiro Varela Peón (PP), Dona María Belén Villar González (PP), e Dona Eva María Villaverde Pego (BNG), co obxecto de celebrar sesión ordinaria, do Pleno da Deputación, en primeira convocatoria, consonte á correspondente orde do día. Non asiste a deputada Dona Belén Cachafeiro Anta (PP). Da fe do acto o Secretario, D. Carlos Cuadrado Romay, e está presente o Sr. Interventor, D. Antonio Graña Gómez. Sra. Presidenta.- Bos días a todas e a todos, imos comenzar o pleno ordinario da Deputación de Pontevedra de 24 de novembro de 2017. Antes de comenzar coa orde do día hai unha petición de palabra da Asociación de Veciños de Laxedo, e vai a intervir, no seu nome, José Ignacio Touriño Paz. Ten a palabra por cinco minutos. Disculpe, un segundo, que va tener que volver a comenzar porque no se que pasa con el, con el sonido, espere un segundo. Si, está, a ver, traen otro, son as cousas do directo. Agora si, gracias, y disculpe. Intervención de D. José Ignacio Touriño Paz. Sra. Presidenta.- Muchas gracias Sr. Touriño Paz, i tamén a todos os representantes, homes e mulleres, da Asociación de Veciños de Laxedo. Certamente, o mundo só se pode cambiar si hai persoas que soñen con que se pode cambiar. O que vostede reclama, realmente, é unha parte moi relevante da nosa historia, non soamente da figura dun home senlleiro, que tanto aportou á nosa provincia, como tantos emigrantes que se foron e que cos seus recursos nos fixeron crecer e somos o que agora somos. A súa reclamación me parece totalmente xusta, eu creo que nos temos que dirixir aos responsables, aos competentes, neste caso concreto que vostede plantexa e, dende logo, eu collo o guante de que a Deputación de Pontevedra lidere que as administracións competentes tomen as decisións que teñan que tomar, para recuperar non só a memoria dun grande home da nosa provincia, sinón tamén do seu legado. Así que nos sentaremos e nos pondremos a traballar i traballaremos para esixir a quen lle corresponda que tome as decisións necesarias para recuperar ese legado. Lles agradezco moito que solicitaran participar neste pleno para poñer palabras a unha reclamación, esa é a democracia, que a xente poida vir a este pleno a poder reivindicar, a poder plantexar proxectos, que sin dúbida o que vostede plantexa é un proxecto de futuro, así que non o imos a deixar en olvido a súa reclamación, téñao vostede seguro que vai ser así. Porque ademais este é un compromiso que estamos adquirindo neste pleno da Deputación e senón o cumplimos vostedes podrán demandar que o fagamos. Así que remato dándolle de novo as gracias pola súa intervención, e mostrando a miña satisfacción de que vostede a nivel persoal se teña recuperado, de verdade que o digo dende o corazón. Gracias, moitas gracias. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.7032.- ACTAS ANTERIORES Sra. Presidenta.- Ben, iniciamos, entón, a orde do día do pleno da Deputación, de venres 24 de novembro de 2017. Na primeiro punto da orde do día, aprobación dos borradores das actas das anteriores sesións, extraordinaria, do día 22 de setembro e, ordinaria, do día 29 de setembro, de 2017. ¿Observacións?. Queda aprobado por unanimidade. Acórdase, por unanimidade, aprobar os borradores das actas das anteriores sesións, extraordinaria, do día 22 de setembro e, ordinaria, do día 29 de setembro, de 2017. a) Parte resolutiva: 2.7033.- DECLARACIÓN INSTITUCIONAL EN RELACIÓN CO DÍA INTERNACIONAL CONTRA A VIOLENCIA DE XÉNERO Sra. Presidenta.- Na parte resolutiva deste pleno, no punto dous, hai unha Declaración Institucional, que vai a ser leída por todos os grupos, grupos provinciais da Deputación de Pontevedra, saben vostedes que normalmente a Presidenta le as declaracións, pero, consideramos que é unha cuestión tan terrible como a violencia machista que ten levado por diante, neste 2017, a 51 mulleres, a última onte en Vinarós, Castellón, de 35 anos, embarazada, asasinada a balazos. É un compromiso global que temos que asumir toda a Corporación e, polo tanto, a lectura a van a facer membros dos catro grupos provincial, membros e membras, dos catro grupos provinciais. Logo, e, de rematar a lectura de esta declaración imos gardar un minuto de silencio por todas as vítimas das violencias machistas. Comenza a lectura a representante do Bloque Nacionalista Galego. Sra. Villaverde Pego.- Declaración Institucional 25 de Novembro. O 25 de Novembro é unha data referencial para dar visibilidade e reivindicar a necesidade de incrementar e mellorar a loita contra as violencias machistas. Dende o ano 1981, ao abeiro do primeiro encontro Feminista latinoamericano e do Caribe celebrado en Bogotá, nacera esta data como día internacional, nacerá esta data como día internacional da Non Violencia contra as Mulleres, en memoria das irmás Mirabal asasinadas no 1960 na República Dominicana a mans do ditador Trujillo, dende entón diferentes institucións internacionais recolleron, con desigual compromiso , esta data no seu calendario oficial. A violencia de xénero, no século XXI, asenta as súas raíces na histórica desigualdade que sufriron e aínda seguen sufrindo as mulleres, como consecuencia do patriarcado existente nas nosas sociedades, por iso é fundamental abordar a súa erradicación dende as políticas de igualdade, desde o feminismo, para favorecer unha cultura da igualdade fronte a unha cultura da submisión. A pesares da lexislación sectorial existente a nivel estatal e galego, e da sinatura dun Pacto estatal contra a Violencia de xénero e dun Pacto contra a violencia machista acadado este mesmo ano por unanimidade de todas as forzas políticas do Parlamento Galego, a realidade dinos que non é suficiente. Sra. Presidenta.- Intervén agora o Grupo Popular. Sra. Villar González.- Os datos oficiais correspondentes ás estatísticas da Delegación do Goberno para a Violencia de Xénero, que son públicos na páxina web do Ministerio de Sanidade, Servizos Sociais e Igualdade, amosan o número oficial de mulleres asasinadas por violencia de xénero, que en Galicia dende o ano 2010 ata día de hoxe é de 30 mulleres asasinadas e no Estado esta cifra ascende a 439. Cifra que aumentaría a 55 se temos en conta ás crianzas e asasinatos fóra do ámbito da parella. As galegas e galegos temos que implicarnos nunha denuncia colectiva, nunha maior concreción do pacto galego contra a violencia machista, para que se destinen os recursos suficientes en loitar contra todas as formas de violencia exercida contra as mulleres, con especial atención en aumentar os recursos destinados á asistencia e protección das súas crianzas. Porque non podemos limitar a Violencia machista á parella, pois estariamos a deixar fóra moitas casuísticas que tamén deben ser obxecto de prevención e erradicación, así como do seu cómputo e estudo. Así mesmo, é evidente que os informes e avaliacións que emanan do observatorio contra a violencia doméstica e de xénero do Consello Xeral do Poder Xudicial ilustra a resposta da Administración e Xustiza e as eivas do seu funcionamento e necesidades de mellora. Sirva como exemplo que dende o ano 2010, tan só 11 das 55 mulleres asasinadas tiñan presentado unha denuncia previa. Sra. Presidenta.- Intervén ahora o representante de SON. Sr. Jácome Enríquez.- Por iso facemos nosa tamén a demanda de que se establezan as medidas necesarias para garantir unha maior protección ás vítimas que deben incluír, polo menos, que se poña a disposición das vítimas persoal con formación especializada que as acompañen en todo o proceso xudicial ou unha cuestión tan sinxela como a existencia de espazos diferenciados para vítimas e agresores en dependencias xudiciais. Pero ademais destas melloras do marco lexislativo, para contribuír a erradicar a violencia machista precísase de máis medidas políticas e institucionais que enfocadas dende diferentes ámbitos institucionais incluído o local, aborden o problema de maneira integral. Compartimos que un dos alicerces fundamentais para a eliminación de toda forma de discriminación contra as mulleres e a consecución da igualdade real entre mulleres e homes, será sen dúbida, o deseño e a posta en marcha de programas preventivos e campañas de sensibilización dirixidas especificamente a toda a comunidade educativa, que visibilicen a desigualdade existente entre mulleres e homes e as múltiples formas que as perpetúan, e que á vez sexan capaces de dar resposta ás necesidades específicas das mulleres vítimas e ás das súas fillas e fillos, ás crianzas orfas, así como ás nais que sufriron o asasinato das súas fillas e fillos a mans das súas parellas ou exparellas. E para a posta en marcha desta resposta integral, as administracións locais son unha peza clave e xogan un papel fundamental. Sra. Presidenta.- Intervén ahora o Grupo Socialista. Sra. Abelairas Rodríguez.- Os Concellos pola súa propia definición como institución máis próxima á cidadanía e ás necesidades sociais, supoñen o primeiro estamento na prevención e sensibilización, así como a detección precoz e na atención a través de información, asesoramento, protección e acompañamento ás mulleres vítimas e ás súas fillas e fillos. Na provincia de Pontevedra, os concellos desenvolven desde hai anos numerosas accións cunhas liñas estratéxicas de actuación definidas, encamiñadas á erradicación da violencia machista na contorna máis próxima, sendo pioneiros na posta en marcha de ferramentas de coordinación como son as mesas locais de coordinación interinstitucional contra a violencia de xénero que contribuíron sen dúbida na mellora da atención integral. É necesaria a posta en marcha de maneira inmediata de todos os acordos lexislativos e económicos fixados no Pacto galego contra a violencia machista e no Pacto de estado en materia de Violencia de Xénero, para que realmente sexan unha prioridade das Administracións, establecéndose para iso todas e cada unha das modificacións lexislativas necesarias, e sobre todo a dotación económica suficiente. Por que temos claro que non se poderá avanzar na erradicación da violencia machista e na atención específica integral ás mulleres, se non se establecen os mecanismos de coordinación, necesarios e imprescindibles, entre as diferentes administracións e institucións con responsabilidade na materia, e que non se poderá seguir avanzando se non se dotan ás distintas administracións dos recursos económicos e de persoal especializado adecuados. Esta é a nosa xusta reivindicación unánime. Sra. Presidenta.- Pedimos agora un minuto de silencio. Gárdase un minuto de silencio. Sra. Presidenta.- Moitas gracias a todas e a todos por ter acadado un acordo unánime para esta Declaración Institucional. O Pleno acorda, por unanimidade, aprobar unha Declaración Institucional en relación co Día Internacional contra a violencia de xénero. Dita Declaración é a seguinte: “DECLARACIÓN INSTITUCIONAL 25 DE NOVEMBRO O 25 de Novembro é unha data referencial para dar visibilidade e reivindicar a necesidade de incrementar e mellorar a loita contra as violencias machistas. Dende que no ano 1981, ao abeiro do primeiro encontro Feminista latinoamericano e do Caribe celebrado en Bogotá, nacera esta data como día internacional da Non Violencia contra as Mulleres en memoria das irmás Mirabal asasinadas no 1960 na República Dominicana a mans do ditador Trujillo, diferentes institucións internacionais recolleron, con desigual compromiso, esta data no seu calendario oficial. A violencia de xénero, no século XXI, asenta as súas raíces na histórica desigualdade que sufriron e aínda seguen sufrindo as mulleres, como consecuencia do patriarcado existente nas nosas sociedades, por iso é fundamental abordar a súa erradicación desde as políticas de igualdade, desde o feminismo, para favorecer unha cultura da igualdade fronte a unha cultura da submisión. A pesares da lexislación sectorial existente a nivel estatal e galego, e da sinatura dun Pacto estatal contra a Violencia de xénero e dun Pacto contra a violencia machista acadado este mesmo ano por unanimidade de todas as forzas políticas do Parlamento galego, a realidade dinos que non é suficiente. Os datos oficiais correspondentes ás estatísticas da Delegación do Goberno para a Violencia de Xénero, que son públicos na páxina web do Ministerio de Sanidade, Servizos Sociais e Igualdade, amosan o número oficial de mulleres asasinadas por violencia de xénero, que en Galicia dende o ano 2010 ata o día de hoxe é de 30 mulleres asasinadas e no Estado esta cifra ascende a 439. Cifra que aumentaría a 55 se temos en conta ás crianzas e asasinatos fóra do ámbito da parella. As galegas e galegos temos que implicarnos nunha denuncia colectiva, nunha maior concreción do pacto galego contra a violencia machista, para que se destinen os recursos suficientes en loitar contra todas as formas de violencia exercida contra as mulleres, con especial atención en aumentar os recursos destinados á asistencia e protección das súas crianzas. Porque non podemos limitar a Violencia machista á parella, pois estariamos a deixar fóra moitas casuísticas que tamén deben ser obxecto de prevención e erradicación, así como do seu cómputo e estudo. Así mesmo, é evidente que os informes e avaliacións que emanan do observatorio contra a violencia doméstica e de xénero do Consello Xeral do Poder Xudicial ilustra a resposta da Administración de Xustiza e as eivas do seu funcionamento e necesidades de mellora. Sirva como exemplo que dende o ano 2010, tan só 11 das 55 mulleres asasinadas tiñan presentado unha denuncia previa. Por iso facemos nosa tamén a demanda de que se establezan as medidas necesarias para garantir unha maior protección ás vítimas que deben incluír polo menos que se poña a disposición das vítimas persoal con formación especializada que as acompañen en todo o proceso xudicial ou unha cuestión tan sinxela como a existencia de espazos diferenciados para vítimas e agresores en dependencias xudiciais. Pero ademais destas melloras do marco lexislativo, para contribuír a erradicar a violencia machista precísase de máis medidas políticas e institucionais que enfocadas dende diferentes ámbitos institucionais incluído o local, aborden o problema de maneira integral. Compartimos que un dos alicerces fundamentais para a eliminación de toda forma de discriminación contra as mulleres e a consecución da igualdade real entre mulleres e homes, será sen dúbida, o deseño e a posta en marcha de programas preventivos e campañas de sensibilización dirixidas especificamente a toda a comunidade educativa, que visibilicen a desigualdade existente entre mulleres e homes e as múltiples formas que a perpetúan, e que á vez sexan capaces de dar resposta ás necesidades específicas das mulleres vítimas e ás das súas fillas e fillos, ás crianzas orfas, así como ás nais que sufriron o asasinato das súas fillas e fillos a mans das súas parellas ou ex-parellas. E para a posta en marcha desta resposta integral, as administracións locais son unha peza clave e xogan un papel fundamental. Os Concellos pola súa propia definición como institución máis próxima á cidadanía e ás necesidades sociais, supoñen o primeiro estamento na prevención e sensibilización, así como a detección precoz e na atención a través de información, asesoramento, protección e acompañamento ás mulleres vítimas e ás súas fillas e fillos. Na provincia de Pontevedra, os concellos desenvolven desde hai anos numerosas accións cunhas liñas estratéxicas de actuación definidas encamiñadas á erradicación da violencia machista na contorna máis próxima, sendo pioneiros na posta en marcha de ferramentas de coordinación como son as mesas locais de coordinación interinstitucional contra a violencia de xénero que contribuíron sen dúbida na mellora da atención integral. É necesaria a posta en marcha de maneira inmediata de todos os acordos lexislativos e económicos fixados no Pacto Galego contra a violencia machista e no Pacto de Estado en materia de Violencia de Xénero, para que realmente sexan unha prioridade das Administracións, establecéndose para iso todas e cada unha das modificacións lexislativas necesarias, e sobre todo a dotación económica suficiente. Por que temos claro que non se poderá avanzar na erradicación da violencia machista e na atención específica integral ás mulleres, se non se establecen os mecanismos de coordinación necesarios entre as diferentes administracións e institucións con responsabilidade na materia, e que non se poderá seguir avanzando se non se dotan ás distintas administracións dos recursos económicos e de persoal especializado adecuados. Esta é a nosa xusta reivindicación unánime.” 3.7034.- APROBACIÓN DO REGULAMENTO DE ORGANIZACIÓN E FUNCIONAMENTO INSTITUCIONAL DO CENTRO PRÍNCIPE FELIPE Sra. Presidenta.- Seguindo coa orde do día do pleno pasamos ao punto terceiro. Aprobación do regulamento de organización e funcionamento institucional do Centro Príncipe Felipe. Para a súa explicación ten a palabra a Sra. Villaverde. Sra. Villaverde Pego.- Grazas Presidenta. Moi bo día a todos e a todas. Cando chegamos a este goberno e abordamos a cuestión de Príncipe Felipe tiñamos claro que era necesario facer un intenso labor de modernización e mellora na súa xestión. Mellora en canto á súa eficiencia, transparencia e incluso á prestación do servicio en todas as súas vertentes, interna, de cara ás persoas usuarias, e, modernización tamén dos diferentes recursos a utilizar e incluso da maneira de facelo. Cuestión, por certo, que nos parece unha obriga xa que estamos falando dun servizo público que ademais pretendemos que se preste con calidade. Pois ben, a elaboración deste regulamento de organización e funcionamento institucional de Príncipe Felipe, é consecuencia en grande parte de todo este proceso, durante, sobre todo estes dous últimos anos, lévase feito un inxente traballo de creación, tanto de órganos, de consulta, de, de informe, de, de traballo ordinario, de coordinación, como tamén un inxente traballo, como decía, de preparación de documentos e protocolos que permitan ter un funcionamento máis coordinado, homoxéneo, previsible e transparente. Algúns deles xa, xa foron aprobados, como pode ser o proxecto socioeducativo institucional, ou os procedementos de xestión de queixas e suxestións, ou, incluso, os procedementos de reclamacións en canto ós diferentes réximes de acollemento. I outros están a piques de facelo, en proceso de elaboración, como poden ser o protocolo de acoso e abuso sexual, o protocolo de maltrato institucional, de violencia entre persoas menores, de coordinación cos centros de escolarización ou ante casos de agresión a, de agresións a persoal. Foron, precisamente, tamén algúns destes documentos os que desembocaron na necesaria elaboración deste ROFI que traemos hoxe aquí. Non esquezamos que o último regulamento de réxime interior do que estaba dotado Príncipe Felipe, data do ano 2000, con todos os cambios normativos que houbo dende aquela e incluso nas demandas e necesidades a cubrir polo propio servizo de atención a menores. É decir, a necesidade deste regulamento vén dada dende dous ámbitos, o externo, e o feito de que esteamos ante un centro inscrito no rexistro de entidades prestadoras de servizos sociais da Xunta, neste caso un centro de fogares e implica que debemos axus, axustarnos, perdón, a unha ampla normativa, dada, como decía, con posterioridade ó ano dous mil, e tamén todos os cambios que viñeron, que se viñeron dando na prestación de servizos a menores con novas necesidades e métodos. É decir, necesitamos modernizarnos para mellorar a calidade e a transparencia nun organismo público como é Príncipe Felipe. E despois está o ámbito interno, todos e todas coñecedes aquí as peculiaridades de Príncipe Felipe, polas súas dimensións, tanto no número ou nas dimensións do persoal, como de orzamento, incluso na súa configuración i tamaño das, das, do propio centro e dos centros, consecuencia da propia orixe, da súa orixe, das posteriores adaptacións que houbo que ir facendo. Certo, é que estas características determinan un enorme esforzo de coordinación entre equipos técnicos, entre os diferentes centros de homoxeneización, de métodos de traballo ou de unificación de criterios de actuación que hasta este momento non existían. Tamén, desde un punto de vista do persoal traballador e das persoas usuarias é necesario transmitir conceptos de planificación, rigor, transparencia, dunha organización formal e previsible, incluso garantir o exercicio de dereitos e deberes por todas as partes e de rendición de contas. Por primeira vez, desde a existencia de Príncipe Felipe, incorporamos procesos de avaliación, por exemplo, cuestión que nos parece fundamental para prestar un servizo de calidade. En definitiva, o que presentamos hoxe aquí é un documento amplo, parece de entrada esaxerado, pero necesario, de máis de 340 artigos, que non é como un regulamento de réxime interior ó uso, que ten carácter unicamente restritivo, senón que pretende ser un documento vivo, pretende afondar, sobre todo no carácter socioeducativo de Príncipe Felipe, que a nós tanto nos importa e a súa razón de ser, i tamén ser o inicio dun proceso de mellora organizativa e funcional. Un documento, por certo, perfectamente coñecido, informado e participado por, os equipos de profesionais dos diferentes servizos de Príncipe Felipe e que confiamos que vaia a ser de grande utilidade para a Institución, o persoal traballador e tamén para as persoas usuarias. Sra. Presidenta.- Moitas gracias. Sinón hai máis intervencións someto a votación a aprobación do regulamento de organización e funcionamento institucional do Centro Príncipe Felipe. ¿Votos a favor?. ¿Votos en contra?. ¿Abstencións?. Queda aprobado por quince votos a favor e once abstencións. A Deputación de Pontevedra conta entre os seus bens co Centro Príncipe Felipe que é un recurso de acollemento residencial para a infancia e a adolescencia en idades comprendidas entre os 0 e 18 anos, de ambos sexos, en situación de risco, desamparo, ou circunstancias de especiais dificultades das familias. Resultando que o pleno da Deputación de Pontevedra, na sesión extraordinaria que tivo lugar o día 29 de decembro de 2000, adoptou o acordo de aprobar o Regulamento de Réxime Interno do Centro Príncipe Felipe, na procura do obxectivo de facilitar a convivencia harmónica na institución, mediante o coñecemento e cumprimento dos dereitos e deberes de cada sector, orientando a actividade xeral cara ao desenvolvemento dos principios de atención residencial a menores en calquera das súas modalidades e prestacións cara á consecución duns principios de calidade nos servizos existentes. Resultando que o Centro Príncipe Felipe na actualidade desenvolve un proxecto socioeducativo que dá un sentido integral á intervención cos menores e coas súas familias a través dun conxunto de tarefas e actividades que se complementan entre si. A Dirección do Centro Príncipe Felipe tendo en conta as modificacións normativas dos últimos anos e co fin de procurar que a función de protección e desenvolvemento integral que se leva a cabo na institución cumpra coas súas premisas elaborou un novo proxecto de Regulamento de Organización e Funcionamento Institucional do Centro Príncipe Felipe. Resultando que este novo Regulamento de Organización e Funcionamento do Centro Príncipe Felipe é un documento de xestión a medio prazo que pretende establecer un marco normativo xeral o cal regulamente os procedementos xerais de organización e actuación, os órganos de goberno, participación e coordinación dos membros da comunidade, ao tempo que defina os seus dereitos e os seus deberes e os procedementos que garanten o exercicio e cumprimento dos mesmos. Así mesmo, é un documento técnico para a organización e funcionamento do Centro Príncipe Felipe en xeral, polo que non contén cuestións de tipo económico. A súa finalidade é a de permitir, conforme ó proxecto socioeducativo institucional, existente na actualidade no Centro Príncipe Felipe, estruturar e organizar os recursos para responder ós obxectivos dos programas que desenvolve, establecendo as canles de comunicación, proposta e participación das persoas, así como as de decisión e coordinación interna e externa. Resultando que o novo Regulamento de Organización e Funcionamento Institucional do Centro Príncipe Felipe está constituído por doce títulos, divididos en capítulos e seccións, segundo os casos, trescentos corenta e catro artigos, e vinte disposicións, das cales catro son adicionais, dúas transitorias, dúas derrogatorias e doce finais. Considerando o establecido nos artigos 49 e 70.2 da Lei 7/1985, de 2 de abril, reguladora das bases do réxime local, así como no artigo 133 da Lei 39/2015, de 1 de outubro, do Procedemento Administrativo Común das Administracións Públicas, en relación ao procedemento a seguir na aprobación deste regulamento. Por todo o exposto, o Pleno de conformidade co ditame da Comisión Informativa de Economía, Facenda e Réxime Interno acorda por maioría, cos votos a favor do PSdeG-PSOE, do BNG e do Grupo Mixto (Coalición Electoral SON) e coas abstencións do PP: 1. A aprobación inicial do novo Regulamento de Organización e Funcionamento Institucional do Centro Príncipe Felipe que consta de doce títulos, divididos en capítulos e seccións, trescentos corenta e catro artigos, e vinte disposicións, das cales catro son adicionais, dúas transitorias, dúas derrogatorias e doce finais. 2. O expediente de aprobación inicial do novo Regulamento de Organización e Funcionamento Institucional do Centro Príncipe Felipe, exporase ó público por un prazo de trinta días hábiles mediante un anuncio no Boletín Oficial da Provincia de Pontevedra a efectos de reclamacións. Así mesmo, a efectos de dar cumprimento ao establecido no artigo 133 da Lei 39/2015, de 1 de outubro, do Procedemento Administrativo Común das Administracións Públicas publicarase na páxina web “www.depo.es”, o texto íntegro do mesmo. As reclamacións, reparos ou observacións que se presenten serán estudados, no seu caso, polos servizos técnicos da Deputación de Pontevedra e posteriormente pola Comisión Informativa de Economía, Facenda e Réxime Interno, que formulará ao Pleno a proposta de aprobación definitiva deste expediente. 3. Este acordo de aprobación inicial do novo Regulamento de Organización e Funcionamento Institucional do Centro Príncipe Felipe entenderase definitivamente aprobado no caso de que no prazo de exposición pública non se formulasen reclamacións contra o mesmo. 4. O novo Regulamento de Organización e Funcionamento Institucional do Centro Príncipe Felipe, unha vez aprobado definitivamente polo Pleno, entrará en vigor cando se publique integramente o seu texto no Boletín Oficial da Provincia de Pontevedra e transcorra o prazo previsto no artigo 65.2 da Lei 7/1985, de 2 de abril, reguladora das bases do réxime local. O texto íntegro do novo Regulamento de Organización e Funcionamento Institucional do Centro Príncipe Felipe é o seguinte: REGULAMENTO DE ORGANIZACIÓN E FUNCIONAMENTO INSTITUCIONAL DO CENTRO PRÍNCIPE FELIPE. TÍTULO PRELIMINAR CAPÍTULO ÚNICO Sección primeira. Definición e obxecto do Regulamento Artigo 1. Definición Artigo 2. Obxecto Sección segunda. Natureza da institución: Principios, servizos e modalidades de permanencia Artigo 3. Natureza da institución Artigo 4. Principios reitores da institución Artigo 5. Servizos e modalidades de permanencia Sección terceira. Características dos centros de acollemento. Convenio coa Consellería Artigo 6. Características dos centros Artigo 7. Convenio coa Consellería Sección cuarta. Fundamentación legal e ámbito de aplicación Artigo 8. Fundamentación legal Artigo 9. Ámbito de aplicación TÍTULO I. A COMUNIDADE SOCIOEDUCATIVA. PARTICIPACIÓN CAPÍTULO I. XENERALIDADES Artigo 10. Membros da comunidade Artigo 11. Obxectivos comúns Artigo 12. Dereitos Artigo 13. Exercicio dos dereitos Artigo 14. Deberes Artigo 15. Normas de convivencia xerais CAPÍTULO II. A ENTIDADE TITULAR Artigo 16. Competencias e funcións Artigo 17. Deberes Artigo 18. Representación CAPÍTULO III. CANLES DE PARTICIPACIÓN DOS DISTINTOS SECTORES E DISTRIBUCIÓN DE RESPONSABILIDADES Artigo 19. Características xerais e principios Artigo 20. Distribución de responsabilidades Sección primeira. Na institución Artigo 21. Ámbitos de participación Artigo 22. Ámbito individual Artigo 23. Ámbito dos órganos de participación institucional Sección segunda. Nos centros de acollemento Artigo 24. Ámbitos de participación Artigo 25. Ámbito individual Artigo 26. Ámbito dos órganos de participación e coordinación TÍTULO II. ESTRUTURA ORGÁNICA CAPÍTULO I. ÓRGANOS UNIPERSOAIS DE GOBERNO E XESTIÓN INSTITUCIONAIS Sección primeira. A dirección xerente Artigo 27. Definición e ámbitos de actuación Artigo 28. Funcións Artigo 29. Sistema de provisión. Nomeamento e cesamento Artigo 30. Duración do nomeamento Artigo 31. Réxime de suplencias Sección segunda. A Xefatura de Xestión Artigo 32. Definición e ámbitos de actuación Artigo 33. Funcións Artigo 34. Sistema de provisión. Nomeamento e cesamento Artigo 35. Duración do nomeamento Artigo 36. Réxime de suplencias CAPÍTULO II. ÓRGANOS INSTITUCIONAIS COLEXIADOS: DE PARTICIPACIÓN SECTORIAL E DE COORDINACIÓN Sección primeira. O Consello Socioeducativo Institucional Artigo 37. Definición Artigo 38. Finalidade Artigo 39. Concepto Artigo 40. Composición Artigo 41. Funcións Artigo 42. Funcionamento Artigo 43. Constitución e réxime de convocatorias Artigo 44. Quórum para a constitución Artigo 45. Adopción de acordos Artigo 46. Actas Artigo 47. Renovación de membros Sección segunda. O consello coordinador de centros de acollemento Artigo 48. Carácter e finalidade Artigo 49. Composición Artigo 50. Competencias e atribucións Artigo 51. Réxime de funcionamento Artigo 52. Renovación de membros CAPÍTULO III. ÓRGANO UNIPERSOAL DE GOBERNO DOS CENTROS: A DIRECCIÓN Artigo 53. Definición Artigo 54. Funcións Artigo 55. Sistema de provisión. Nomeamento e cesamento Artigo 56. Duración do nomeamento Artigo 57. Réxime de suplencias CAPÍTULO IV. ÓRGANOS INTERNOS DE COORDINACIÓN DOS CENTROS Sección primeira. A xunta educativa Artigo 58. Composición Artigo 59. Funcións Artigo 60. Réxime de funcionamento Sección segunda. O consello de centro Artigo 61. Composición Artigo 62. Funcións Artigo 63. Réxime de funcionamento Sección terceira. O equipo educativo Artigo 64. Composición Artigo 65. Funcións Artigo 66. Réxime de funcionamento Sección cuarta. O equipo técnico Artigo 67. Composición Artigo 68. Funcións Artigo 69. Réxime de funcionamento Sección quinta. A persoa titora Artigo 70. Características xerais Artigo 71. Actividades fundamentais Sección sexta. Creación doutros órganos Artigo 72. Requisitos para a creación Artigo 73. Réxime de funcionamento CAPÍTULO V. PERSOAL NOS CENTROS DE ACOLLEMENTO. FUNCIÓNS Sección primeira. Persoal educativo Artigo 74. Tipoloxía do persoal educativo Artigo 75. Persoal educador Artigo 76. Persoal técnico especialista en educación diúrna Artigo 77. Persoal técnico especialista en educación nocturna Sección segunda. Persoal técnico-profesional Artigo 78. Tipoloxía do persoal técnico-profesional Artigo 79. Persoal de traballo social Artigo 80. Persoal de psicoloxía CAPÍTULO VI. PRINCIPIOS E DEBERES DE ACTUACIÓN Artigo 81. Principios de actuación Artigo 82. Deberes de actuación CAPÍTULO VII. CANLES DE COORDINACIÓN ENTRE ÓRGANOS Artigo 83. A nivel institucional Artigo 84. A nivel de centros CAPÍTULO VIII. CRITERIOS DE TRANSPARENCIA E RIGOR Sección primeira. Principios xerais da institución Artigo 85. Principio de legalidade Artigo 86. Principio de imparcialidade Artigo 87. Principio de seguridade xurídica Artigo 88. Principio de sixilo e confidencialidade Artigo 89. Principio de conduta ética Sección segunda. Na adopción de decisións nos órganos e na atención realizada na institución e nos centros Artigo 90. Procedemento de convocatoria e rexistro de reunións Artigo 91. Admisión de menores procedentes de Deputación Artigo 92. Procedemento de xestión do sistema de queixas, suxestións e reclamacións Artigo 93. Información ás persoas usuarias dos servizos dos centros de acollemento Artigo 94. Publicidade e divulgación de documentos orgánicos e protocolos Artigo 95. Procedemento de aplicación de medidas correctoras Artigo 96. Avaliación institucional e de centros e servizos TÍTULO III. A ACCIÓN SOCIOEDUCATIVA CAPÍTULO I. NA INSTITUCIÓN Sección primeira. Principios Artigo 97. Acción socioeducativa institucional Artigo 98. Principios básicos da acción socioeducativa institucional Sección segunda. Instrumentos de planificación, xestión e rendición de contas Artigo 99. Proxecto socioeducativo institucional Artigo 100. Memoria anual institucional Artigo 101. Regulamento de organización e funcionamento institucional. Artigo 102. Programación anual institucional Artigo 103. Memoria anual de actividades (para enviar ao RUEPSS) CAPÍTULO II. NOS CENTROS DE ACOLLEMENTO Sección primeira. Principios Artigo 104. A acción socioeducativa nos centros de acollemento Artigo 105. Principios básicos da acción socioeducativa dos centros de acollemento Sección segunda. Instrumentos xerais de planificación, xestión e rendición de contas. Artigo 106. Proxecto educativo de centro Artigo 107. Memoria anual de centro Artigo 108. Regulamento de réxime interior Artigo 109. Plan de convivencia Artigo 110. Programación anual de centro Artigo 111. Rexistros e outra documentación dos centros Sección terceira. Instrumentos para a acción socioeducativa individualizada. Artigo 112. Expediente individual Artigo 113. O proxecto educativo individualizado (PEI) Artigo 114. Comunicación de faltas e rexistro de medidas correctivas Artigo 115. Informes de seguimento Artigo 116. Informe final de saída Artigo 117. Informe de non aceptación de visitas coa familia Artigo 118. Informe de incidencias sobre incumprimento de horarios no retorno ao centro Artigo 119. Información sobre o réxime de visitas, saídas e contactos telefónicos Artigo 120. Rexistro diario de incidencias Artigo 121. Protocolos da Consellería e rexistros asociados Artigo 122. Protocolos de acollida, saída, enfermidade ou accidente e ausencias inxustificadas Sección cuarta. Organización e desenvolvemento da actividade interna dos centros Artigo 123. Principios e ámbitos Artigo 124. No ámbito das persoas menores Artigo 125. No ámbito das familias Artigo 126. No ámbito do persoal Artigo 127. No ámbito das relacións coas Administracións TÍTULO IV. ORGANIZACIÓN XERAL E FUNCIONAMENTO CAPÍTULO I. ORGANIZACIÓN DE ESPAZOS, INSTALACIÓNS, SERVIZOS E RECURSOS MATERIAIS Sección primeira. Cuestións xerais Artigo 128. Uso das instalacións para actividades e permanencia de persoas alleas Artigo 129. Principios xerárquicos Sección segunda. Espazos e dependencias interiores ou anexas Artigo 130. Solicitude xeral de uso e autorización Artigo 131. Normas específicas de uso e coidado Sección terceira. Espazos exteriores Artigo 132. Espazos que conten con reserva previa Artigo 133. Zonas abertas e comúns CAPÍTULO II. RECURSOS MATERIAIS: Sección primeira. Dotacións e uso Artigo 134. Dotación de recursos materiais Artigo 135. Uso dos materiais Sección segunda. Adquisición ou reparación, responsabilidade de control e ubicación. Artigo 136. Adquisición ou reparación de materiais Artigo 137. Responsabilidade de control e ubicación do material Sección terceira. Plan de conservación de instalacións e materiais Artigo 138. Elaboración Artigo 139. Procedementos Artigo 140. Comunicacións de desperfectos Artigo 141. Rexistro e informes Artigo 142. Alcance do plan TÍTULO V. ACTIVIDADES INSTITUCIONAIS E DE CENTROS CAPÍTULO I. XENERALIDADES Artigo 143. Obxectivos Artigo 144. Tipoloxía CAPÍTULO II. ORGANIZACIÓN DAS ACTIVIDADES Artigo 145. Requisitos xerais Artigo 146. Requisitos específicos Artigo 147. Programación e avaliación - memoria das actividades Artigo 148. Uso das instalación para actividades. Criterios e condicións Artigo 149. Normas que regularán o desenvolvemento das actividades TÍTULO VI. INFORMACIÓN E COMUNICACIÓN CAPÍTULO ÚNICO Sección primeira. Obxecto e tipos de información e comunicación Artigo 150. Obxecto da comunicación e información Artigo 151. Tipos de comunicación e información Artigo 152. Comunicación e información interna institucional Artigo 153. Comunicación e información interna nos centros Artigo 154. Comunicación e información externa institucional Artigo 155. Comunicación e información externa dos centros Sección segunda. Canles de comunicación institucional. Axentes e destinatarios Artigo 156. Comunicación interna Artigo 157. Comunicación externa Sección terceira. Canles de comunicación dos centros. Axentes e destinatarios Artigo 158. Comunicación interna Artigo 159. Comunicación externa Sección cuarta. Responsabilidades e potestade comunicativa interna e externa Artigo 160. Comunicación interna Artigo 161. Comunicación externa Sección quinta. Lingua de uso nas comunicacións Artigo 162. Lingua de uso nas comunicacións internas Artigo 163. Lingua de uso nas comunicacións externas Artigo 164. Ámbito de aplicación de uso da lingua galega Artigo 165. Suxeición á normativa lingüística vixente TÍTULO VII. RELACIÓNS EXTERNAS CAPÍTULO I. PRINCIPIOS E ÁMBITOS DE RELACIÓN Artigo 166. Principios inspiradores das relacións externas institucionais Artigo 167. Ámbitos de relacións externas da institución CAPÍTULO II. CONCRECIÓN DAS RELACIÓNS Sección primeira. As familias Artigo 168. Principio fundamental Artigo 169. Relacións coas familias Artigo 170. Compromisos da institución nas relacións coas familias Sección segunda. Organismos e entidades administrativas Artigo 171. Servizo territorial de menores e Consellería competente en materia de menores Artigo 172. Equipos técnicos de menores Artigo 173. Inspección de servizos sociais (Familia e menores) Artigo 174. Concellos Sección terceira. Forzas de seguridade e órganos xudiciais Artigo 175. Forzas de seguridade Artigo 176. Órganos xudiciais Sección cuarta. Organismos e profesionais externos Artigo 177. Organismos responsables da saúde Artigo 178. Profesionais, asociacións e gabinetes específicos Sección quinta. Centros de escolarización de menores en acollemento Artigo 179. Fundamentación Artigo 180. Obxectivos da relación Artigo 181. Actividades de coordinación e relación Sección sexta. Outros tipos de relación colaborativa Artigo 182. Relación e colaboración cos centros situados dentro do recinto das instalacións Artigo 183. Estatus específico da Escola infantil 0-3 anos TÍTULO VIII. OUTROS ASPECTOS REGULAMENTADOS CAPÍTULO I. EN RELACIÓN CO PERSOAL Artigo 184. Formación Artigo 185. Persoal en prácticas, prácticas de máster, prácticas de FCT e figuras similares Artigo 186. Plan de substitucións do persoal. Coordinación Artigo 187. Actuacións en casos de accidentes ou indisposición (enfermidade) CAPÍTULO II. PERSOAS USUARIAS Sección primeira. Actividades derivadas da escolarización de menores Artigo 188. Actividades para menores non asistentes a clase (por enfermidade, expulsións ...) Artigo 189. Actividades de recuperación de materias non superadas Sección segunda. Actuacións que afectan á permanencia de menores Artigo 190. Protocolo de actuación ante casos de accidentes Artigo 191. Protocolo de fugas ou de non incorporación de menores Artigo 192. Comunicacións ao Servizo de Menores e á Fiscalía de Menores. Sección terceira. Información ás familias. Casos específicos Artigo 193. Exercicio da patria potestade Artigo 194. Proxenitores separados ou divorciados CAPÍTULO III. OUTRAS ACTUACIÓNS Artigo 195. Exposición de publicidade Artigo 196. Prevención de riscos laborais Artigo 197. Plan de autoprotección Artigo 198. Protección e seguridade no comedor Artigo 199. Seguridade do transporte institucional Artigo 200. Conservación de documentos internos e protección de datos Artigo 201. Prohibicións específicas de consumo e venda ou de actividades perigosas TÍTULO IX. AVALIACIÓN E CALIDADE CAPÍTULO I. SISTEMA DE CALIDADE Artigo 202. Principios Artigo 203. Indicadores Artigo 204. Ámbitos de avaliación Artigo 205. Instrumentos de avaliación Artigo 206. Axentes avaliadores Artigo 207. Calendario Artigo 208. Destinatarios do proceso avaliador CAPÍTULO II. RESPONSABILIDADES DA ADMINISTRACIÓN RESPECTO DOS USUARIOS Sección primeira. Responsabilidade patrimonial Artigo 209. Principios da responsabilidade Sección segunda. Responsabilidade civil e penal do persoal e autoridades ao servizo da Administración Pública Artigo 210. Concepto de responsabilidade penal e civil Artigo 211. Esixencia de responsabilidade Sección terceira. Asistencia xurídica ao persoal Artigo 212. Defensa en procedementos xudiciais Artigo 213. Exclusións TÍTULO X. DEREITOS E DEBERES CAPÍTULO I. DEREITOS E DEBERES das e dos menores. GARANTÍAS Sección primeira. Dos dereitos das e dos menores Artigo 214. Carácter dos dereitos e instrumentos legais ou normativos Artigo 215. Dereito á dignidade persoal Artigo 216. Dereito á privacidade Artigo 217. Dereito á confidencialidade Artigo 218. Dereito á propia imaxe Artigo 219. Dereito a ser oída ou oído Artigo 220. Dereito á información Artigo 221. Dereito á avaliación das necesidades e das aptitudes Artigo 222. Dereito a un plan de atención individualizada Artigo 223. Dereito á promoción e protección da saúde Artigo 224. Dereito á educación Artigo 225. Dereito á liberdade de expresión Artigo 226. Dereito de participación Artigo 227. Dereito á calidade do servizo Artigo 228. Dereito a presentar queixas e reclamacións Artigo 229. Dereito a realizar saídas ao exterior Sección segunda. Das obrigas das persoas menores Artigo 230. Carácter das obrigas e instrumentos legais ou normativos Artigo 231. Cumprimento da normativa de réxime interno Artigo 232. Cumprimento das medidas educativas correctoras Artigo 233. Respecto polas demais persoas Artigo 234. Respecto polas instalacións Artigo 235. Desenvolvemento das actividades Artigo 236. Recoñecementos e probas médicas Artigo 237. Seguridade, saúde e hixiene Artigo 238. Colaboración na vida interna do centro Sección terceira. Das garantías Artigo 239. Información Artigo 240. Irrenunciabilidade Artigo 241. Efectividade Artigo 242. Reclamacións, queixas e suxestións CAPÍTULO II. DEREITOS E DEBERES DAS FAMILIAS Sección primeira. Dos dereitos das familias Artigo 243. Carácter dos dereitos e instrumentos legais ou normativos Artigo 244. Dereito á información Artigo 245. Dereito de participación Artigo 246. Dereito a un trato respectuoso e personalizado Artigo 247. Dereito a presentar suxestións, queixas e reclamacións Artigo 248. Dereito a recibir apoio, orientación e formación Artigo 249. Dereito a relacións e visitas autorizadas Artigo 250. Dereito de consentimento e audiencia Sección segunda. Das obrigas das familias Artigo 251. Carácter das obrigas e instrumentos legais ou normativos Artigo 252. Cumprimento da normativa de réxime interno Artigo 253. Trato respectuoso ao centro, a menores e ao persoal Artigo 254. Implicación e colaboración co centro na intervención socioeducativa Artigo 255. Cumprimento de compromisos e responsabilidades adquiridas Artigo 256. Colaboración co centro en supostos de ausencia Sección terceira. Das garantías Artigo 257. Información Artigo 258. Irrenunciabilidade Artigo 259. Efectividade Artigo 260. Reclamacións, queixas e suxestións CAPÍTULO III. DEREITOS E DEBERES DO PERSOAL PSICOSOCIOEDUCATIVO Sección primeira. Dos dereitos do persoal psicosocioeducativo Artigo 261. Dereitos laborais Artigo 262. Dereito á información Artigo 263. Dereito á participación Artigo 264. Dereito a ser oído Artigo 265. Dereito a ser respectado Artigo 266. Dereito de formación e asesoramento técnico Artigo 267. Dereito de uso de equipamentos e instalacións Artigo 268. Dereito a un servizo de calidade Artigo 269. Dereito á protección legal e defensa xurídica Sección segunda. Dos deberes do persoal psicosocioeducativo Artigo 270. Obrigas laborais Artigo 271. Cumprimento da normativa Artigo 272. Cumprimento das normas de convivencia Artigo 273. Respecto ás persoas Artigo 274. Respecto ás instalacións Artigo 275. Obriga de comunicación Artigo 276. Obriga de avaliación de necesidades e aptitudes Artigo 277. Obriga de elaboración, aplicación e avaliación do PEI Artigo 278. Obriga de formación Artigo 279. Outras obrigas Sección terceira. Das garantías Artigo 280. Ordenamento xurídico Artigo 281. A nivel institucional CAPÍTULO IV. DEREITOS E DEBERES DO PERSOAL DOUTROS SERVIZOS Sección primeira. Dos dereitos do persoal Artigo 282. Dereitos laborais Artigo 283. Dereito á información Artigo 284. Dereito á participación Artigo 285. Dereito a ser oído Artigo 286. Dereito a ser respectado Artigo 287. Dereito de formación e asesoramento técnico Artigo 288. Dereito a un servizo de calidade Artigo 289. Dereito á protección legal e defensa xurídica Sección segunda. Dos deberes do persoal Artigo 290. Obrigas laborais Artigo 291. Cumprimento da normativa Artigo 292. Cumprimento das normas de convivencia Artigo 293. Respecto ás persoas Artigo 294. Respecto ás instalacións Artigo 295. Obriga de comunicación Artigo 296. Obriga de formación Artigo 297. Outras obrigas Sección terceira. Das garantías Artigo 298. Ordenamento xurídico Artigo 299. A nivel institucional TÍTULO XI. NORMAS DE CONVIVENCIA NO ÁMBITO DAS E DOS MENORES CAPÍTULO I. PRINCIPIOS XERAIS Artigo 300. Valor da convivencia. Axentes responsables Artigo 301. Alteración e corrección Artigo 302. Plans de convivencia. Obxecto, fins e principios Artigo 303. Incumprimento das normas de convivencia Artigo 304. Aplicación das medidas correctoras Artigo 305. Gradación de medidas educativas correctoras e medidas educativas disciplinarias CAPÍTULO II. CONDUTAS INAXEITADAS PARA A CONVIVENCIA. MEDIDAS CORRECTORAS Artigo 306. Ámbito de aplicación Artigo 307. Tipificación Artigo 308. Medidas educativas correctoras Artigo 309. Comunicación a representantes legais e outros órganos Artigo 310. Potestade na aplicación de medidas educativas correctoras Artigo 311. Constancia escrita e rexistro de medidas educativas correctoras Artigo 312. Reiteración de condutas contrarias á convivencia Artigo 313. Reparación de danos causados Artigo 314. Responsabilidade penal Artigo 315. Mecanismos para o seguimento da ou do menor con aplicación de medidas CAPÍTULO III. TIPOS DE CONDUTA E APLICACIÓN DE MEDIDAS CORRECTIVAS Artigo 316. Condutas leves Artigo 317. Medidas correctivas aplicables ás condutas leves Artigo 318. Condutas graves Artigo 319. Medidas correctivas aplicables ás condutas graves Artigo 320. Condutas moi graves Artigo 321. Medidas correctivas aplicables ás condutas moi graves CAPÍTULO IV. PROCEDEMENTOS DE CORRECCIÓN DE CONDUTAS GRAVES E MOI GRAVES Sección primeira. Disposicións xerais Artigo 322. Tipos de procedementos de corrección Artigo 323. Determinación do procedemento Artigo 324. Aspectos formais dos procedementos Artigo 325. Protección de datos. Artigo 326. Inicio do procedemento corrector Sección segunda. Procedemento conciliado Artigo 327. Obxectivo e ámbito de aplicación Artigo 328. Desenvolvemento do procedemento conciliado Artigo 329. Características do compromiso-acordo adquirido na conciliación Sección terceira. Procedemento común Artigo 330. Obxectivo e ámbito de aplicación Artigo 331. Desenvolvemento do procedemento común Sección cuarta. Terminación Artigo 332. Resolución do procedemento común Artigo 333. Reclamacións e recursos á resolución do procedemento común. Artigo 334. Execución de medidas do procedemento común Artigo 335. Remate do procedemento conciliado Artigo 336. Execución de medidas do procedemento conciliado Sección quinta. Temporización e fases do procedemento corrector Artigo 337. Fases do procedemento corrector común Artigo 338. Temporización do procedemento corrector común Artigo 339. Fases do procedemento corrector conciliado Artigo 340. Temporización do procedemento corrector conciliado Sección sexta. Proposta de cambio de centro Artigo 341. Principios xerais Artigo 342. Actuacións Sección sétima. Proposta de desinstitucionalización Artigo 343. Principios xerais Artigo 344. Actuacións DISPOSICIÓNS DISPOSICIÓNS ADICIONAIS DISPOSICIÓNS TRANSITORIAS DISPOSICIÓNS DERROGATORIAS DISPOSICIÓNS FINAIS TÍTULO PRELIMINAR CAPÍTULO ÚNICO Sección primeira. Definición e obxecto do Regulamento Artigo 1. Definición 1. O Regulamento de organización e funcionamento institucional (ROFI) é un documento de xestión a medio prazo que pretende establecer un marco normativo xeral que regulamente os procedementos xerais de organización e actuación, os órganos de goberno e a participación e coordinación dos membros da comunidade, ao tempo que define os seus dereitos e os seus deberes e os procedementos que garanten o exercicio e cumprimento destes. 2. O Regulamento de organización e funcionamento institucional (ROFI) constituirase en elemento fundamental de referencia para facilitar a convivencia na institución entre, os diferentes sectores que participan nela, a partir da participación e consenso, sen entrar en contradición co establecido na lexislación vixente. 3. O ROFI, ademais de cumprir cos preceptos legais, é un documento técnico para a organización e funcionamento da institución en xeral, coa finalidade de, conforme ó proxecto socioeducativo institucional, estruturar e organizar os recursos para responder aos obxectivos dos programas que desenvolve, establecendo as canles de comunicación, proposta e participación das persoas, e as de decisión e coordinación interna e externa. Artigo 2. Obxecto A finalidade do ROFI é facilitar a convivencia harmónica na institución mediante o coñecemento e cumprimento dos dereitos e deberes de cada sector, orientando a actividade xeral cara ao desenvolvemento dos principios de atención residencial a menores en calquera das súas modalidades e prestacións e cara á consecución duns principios de calidade nos servizos existentes. Sección segunda. Natureza da institución: Principios, servizos e modalidades de permanencia Artigo 3. Natureza da institución 1. O Centro Príncipe Felipe é un recurso de acollemento residencial para a infancia e a adolescencia de entre 0 e 18 anos, de ambos sexos, en situación de risco, desamparo ou circunstancias de especiais dificultades das familias, do que é titular a Deputación de Pontevedra. 2. A institución desenvolve un proxecto socioeducativo que, a través dun conxunto de tarefas e actividades que se complementan entre si, lle dá un sentido integral á intervención cos menores e coas súas familias. Artigo 4. Principios reitores da institución. Todas as actuacións establecidas neste Regulamento e as disposicións previstas nel estarán inspiradas e serán guiadas e orientadas polos seguintes principios: a) A promoción, respecto e defensa dos dereitos individuais e colectivos das e dos menores, recoñecidos nos tratados internacionais, na normativa estatal e na de ámbito autonómico. b) A primacía do interese do menor na toma de decisións e nas actuacións, por encima de calquera outro interese concorrente, por lexítimo que este sexa. c) Promoción de actuacións de prevención das situacións de desasistencia, indefensión, maltrato, inadaptación, marxinación, abandono ou desprotección que lle afecten ao benestar social da ou do menor. d) Cooperación, colaboración e coordinación entre as distintas Administracións públicas que actúen no ámbito da atención de menores. e) Integración social da ou do menor. f) Fomento nos menores dos valores de solidariedade, respecto, tolerancia e igualdade e, en xeral, dos principios democráticos de convivencia. g) Confidencialidade e reserva en relación con todas as actuacións que se leven a cabo en interese e defensa das e dos menores. Artigo 5. Servizos e modalidades de permanencia 1. A institución, ademais dos obxectivos fixados para dar cumprimento á función de protección e de desenvolvemento integral recollidos no Proxecto socioeducativo institucional, ofrece ás persoas usuarias os seguintes servizos: • Asesoramento e orientación a menores e familias. • Unha contorna espacial ampla e diversa, para a expansión. • Instalacións externas dispostas para o xogo e a recreación. • Organización de actividades nas diferentes áreas de intervención socioeducativa: saúde, escolar, ocio e lecer, familia e desenvolvemento persoal e social, etc. • Conexión coa cidade de Pontevedra con transporte propio. • Servizo médico-sanitario propio e hospital a curta distancia. • Servizo de psicoloxía e traballo social. • Unidades de convivencia para aloxamento e intervención socioeducativa, dotadas dos elementos necesarios para estas funcións. • Servizo de vixilancia e control. • Lavandería e roupeiro. • Servizo de mantemento das instalacións. • Centro escolar de infantil e primaria e centro de educación especial, ademais dun instituto e un centro de formación profesional, dentro do recinto. • Atención durante o curso lectivo ou durante todo o ano, segundo o programa que corresponda a cada menor. • Apoio e seguimento escolar. • Orientación psicoeducativa. • Cociña e comedor xerais e comedores particulares nas unidades. • Cafetería. • Persoal educativo para a atención a menores. 2. As modalidades de permanencia das e dos menores na institución responden, con carácter xeral, ao tipo de programas de atención que se presta nos centros de acollemento que a conforman. Así, pódese distinguir: • Permanencia en atención de día: as vías de ingreso desta modalidade son a Consellería competente en materia de menores e a Deputación de Pontevedra. • Permanencia en réxime residencial: as vías de ingreso desta modalidade son a Consellería competente en materia de menores e a Deputación de Pontevedra. • Permanencia en réxime de primeira acollida: a vía de ingreso desta modalidade é a Consellería competente en materia de menores e está indicada para aqueles casos de extrema urxencia e por un determinado período de tempo. Sección terceira. Características dos centros de acollemento. Convenio coa Consellería. Artigo 6. Características dos centros 1. A institución Príncipe Felipe conta cos seguintes catro centros de acollemento: • Centro materno-infantil. • Centro infanto-xuvenil Agarimo. • Centro infanto-xuvenil Escola Fogar. • Centro ou Unidade de primeira acollida. 2. O centro materno-infantil e os centros infanto-xuvenís Agarimo e Escola Fogar presentan como características comúns as seguintes: • Catalogación administrativa de “centros con fogares”. • Distribución das e dos menores en unidades de convivencia. • Impartición dos programas de atención de día e residencial básico. • Recibir ingresos de persoas menores procedentes da Consellería competente en materia de menores e da Deputación de Pontevedra. • Ingresar menores procedentes da Deputación, a través de convocatorias específicas para atención de día ou réxime residencial. • Contar con ingresos en función da idade: centro materno-infantil para menores de ata 8 anos, e centros infanto-xuvenís Agarimo e Escola Fogar para menores de 8 anos en diante ata os 18. • O seu número de prazas está regulamentado polas respectivas autorizacións de inicio de actividades e o correspondente convenio de colaboración coa Consellería competente en materia de menores. 3. O centro ou unidade de primeira acollida, que conta cunha capacidade total de 11 prazas para a admisión, recibe menores procedentes da Consellería competente en materia de menores ou por vía xudicial e policial, para aplicar un programa de atención de urxencia, por un período relativamente curto de tempo. 4. Os centros de acollemento, en xeral, contan con órganos directores, estruturas internas de coordinación, persoal (educadores e técnicos educativos) e servizos de psicoloxía e asistencia social (agás a UPA, que non conta con este último de asistencia social), así como coa participación e colaboración do persoal doutros servizos para a atención das e dos menores (lavandería, roupeiro, persoal de comedor, etc.) Artigo 7. Convenio coa Consellería 1. A Deputación de Pontevedra e a Consellería competente en materia de menores actualmente teñen subscrito un convenio de carácter administrativo cuxo obxecto é a atención a menores en tutela ou en situación de garda pola Xunta de Galicia na Cidade Infantil Príncipe Felipe da que é titular a Deputación de Pontevedra. As modalidades de atención ao menor que figuran no sinalado convenio son as de acollemento residencial e atención de día. 2. Para estes efectos, a distribución dos centros de acollemento establécese do seguinte modo: • Centro infantil: 3 unidades de convivencia e 2 unidades de atención de día, con capacidade para 30 prazas residenciais e 80 de atención de día. • Centro Infanto-Xuvenil Escola Fogar, con capacidade para 40 prazas residenciais e 25 prazas de atención de día. • Centro Infanto-Xuvenil Agarimo, con capacidade para 40 prazas residenciais e 25 prazas de atención de día. • Unidade de primeira acollida (UPA), cunha capacidade de ata 11 prazas. 3. As condicións acordadas son as que se sinalan no documento asinado polas partes. 4. O convenio que esta en vigor ten unha vixencia de carácter anual, por ano natural, e poderá ser prorrogado por acordo expreso das dúas partes e por períodos sucesivos non superiores a un ano. Igualmente, poderá ser resolto por incumprimento total ou parcial das súas cláusulas ou alteración esencial do seu sentido sen o consentimento de ambas as dúas partes e por mutuo acordo das partes. 5. A Deputación de Pontevedra e a Consellería competente en materia de menores, se así o acordan, poderán asinar un novo convenio de colaboración. Se este é o caso, as condicións pactadas quedarán reflectidas no novo documento. Sección cuarta. Fundamentación legal e ámbito de aplicación Artigo 8. Fundamentación legal do ROFI 1. O Decreto 243/1995 da Consellería de Familia, Muller e Xuventude indica no seu artigo 7 que un dos requisitos funcionais dos centros de menores é dispoñer dun Regulamento de réxime interno. Do mesmo xeito, a Orde do 1 de agosto de 1996 desta Consellería regulamenta os contidos mínimos e que deben quedar recollidos no mesmo todos os aspectos relativos a organización e funcionamento. Por outro lado, o artigo 7.1.b) do Decreto 254/2011, do 23 de decembro, da Consellería de Traballo e Benestar establece que é un requisito xeral dos centros e programas de servizos sociais de Galicia. 2. Ademais da lexislación recollida no apartado 2.2 do noso Proxecto socioeducativo institucional, a elaboración deste Regulamento fundaméntase, con carácter básico, na normativa seguinte: • Lei orgánica 1/1996, de 15 de xaneiro, de protección xurídica do menor (BOE de 17 de xaneiro de 1996). • Lei Orgánica 15/1999, do 13 de decembro, de protección de datos de carácter persoal (BOE do 14 de decembro de 1999). • Lei Orgánica 8/2015, de 22 de xullo, de modificación do sistema de protección da infancia e da adolescencia (BOE do 23 de xullo de 2015). • Lei 26/2015, de 28 de xullo, de protección á infancia e á adolescencia (BOE do 29 de xullo de 2015). • Orde do 1 de agosto de 1996 pola que se regulan os contidos mínimos do Regulamento de réxime interior e o proxecto educativo dos centros de atención a menores (DOG do 28 de agosto de 1996). • Decreto 406/2003, do 29 de outubro, polo que se modifica o decreto 42/2000, do 7 de xaneiro, polo que se refunde a normativa reguladora vixente en materia de familia, infancia e adolescencia (DOG do 14 de novembro de 2003). • Decreto 329/2005, do 28 de xullo, polo que se regulan os centros de menores e os centros de atención á infancia (DOG do 16 de agosto de 2005). • Decreto 143/2007, de 12 de xullo, de réxime de autorización dos programas e centros de servizos sociais (DOG do 31 de xullo de 2007). • Lei 13/2008, do 3 de decembro, de Servizos Sociais de Galicia (DOG do 18 de decembro de 2008). • Lei 3/2011, de 30 de xuño, de apoio á familia e convivencia (DOG do 13 de xullo de 2011). • Decreto 254/2011, de 23 de decembro, sobre o Rexistro, autorización, acreditación e inspección dos Servizos Sociais en Galicia (DOG do 20 de xaneiro de 2012). • Real Decreto 2817/1983, Regulamento Técnico Sanitario de Comedores Colectivos (BOE do 11 de novembro de 1983). • Real Decreto 443/2001, de 27 de abril, sobre condicións de seguridade no transporte escolar e de menores (BOE de 2 de maio de 2001). • Lei 1/2015, do 1 de abril, de garantía da calidade dos servizos públicos e da boa administración (DOG 30 abril 2015). • Lei 31/1995, de 8 de novembro, de Prevención de riscos laborais (BOE de 10 de novembro de 1995). • Lei 4/2011, do 30 de xuño, de convivencia e participación da Comunidade educativa en materia de convivencia escolar (DOG do 15 de xullo de 2011). • Decreto 8/2015, de 8 de xaneiro, polo que se desenvolve a Lei 4/2011 (DOG de 27 de xaneiro de 2015). • Lei 39/2015, do 1 de outubro, de procedemento administrativo común das administracións públicas (BOE de 2 de outubro de 2015). • Lei 40/ 2015, do 1 de outubro, de réxime xurídico do sector público (BOE de 2 de outubro de 2015). • Bases para a convocatoria de solicitude de prazas para centro de día da Deputación Provincial e normativa, de ser o caso, reguladora do réxime de internamento. 3. En canto ao funcionamento dos órganos de participación e de coordinación e nos aspectos de aplicación de procedementos atenderase ao establecido na Lei 40/2015, de réxime xurídico do sector público, e nas disposicións que a complementen ou desenvolvan. 4. No ámbito da calidade de prestación de servizos tomarase como referente a Lei 1/2015, do 1 de abril, de garantía da calidade dos servizos públicos e da boa administración. Artigo 9. Ámbito de aplicación do ROFI Este Regulamento aplicarase nos seguintes ámbitos: 1. Ámbito das persoas: O cumprimento das normas establecidas no presente ROFI afectaralles a: • Todas as persoas menores en acollemento, con independencia das vías de admisión, modalidades e tipos de prestación aos que estean suxeitas. • Todo o persoal educativo e psicosocial dos centros de acollemento, independentemente da súa categoría, función e relación laboral. • Todo o persoal administrativo, independentemente da súa categoría, función e relación laboral. • Todo o persoal de servizos, independentemente da súa categoría, función e relación laboral. • Calquera persoa que, independentemente da duración e relación laboral, desempeñe algún tipo de actividade no Centro Príncipe Felipe. • Tamén todos aqueles actos de menores realizados fóra da institución cando a súa orixe estea directamente relacionada coa actividade institucional ou lles afecte a membros da comunidade socioeducativa. 2. Ámbito dos espazos: O cumprimento das normas establecidas no presente ROFI afectaralles aos seguintes espazos: • Todas as dependencias internas. • Todos os centros de acollemento. • Todas as zonas externas da institución, con independencia do seu uso. • Calquera outro espazo alleo ás instalacións propias onde se desenvolva algunha actividade programada e autorizada que conte coa participación de persoal e menores ou de calquera outro usuario. TÍTULO I. A COMUNIDADE SOCIOEDUCATIVA. PARTICIPACIÓN CAPÍTULO I. XENERALIDADES Artigo 10. Membros da comunidade 1. O Centro Príncipe Felipe configúrase como unha comunidade socioeducativa integrada polo conxunto de persoas que, relacionadas entre si, comparten e cooperan na acción socioeducativa para o logro dos obxectivos comúns e dos principios reitores da institución. 2. A comunidade socioeducativa está composta polos seguintes sectores: a) A entidade titular, que actúa por medio das persoas representantes legalmente designadas. b) As e os menores que permanecen en acollemento nos diferentes centros destinados a este fin, en calquera das súas modalidades. c) O persoal educativo dos centros de acollemento e o persoal psicosocial. d) Os pais, nais ou representantes legais das e dos menores en acollemento. e) O persoal de administración e dos diferentes servizos. 3. Todos os integrantes da comunidade socioeducativa exercerán os seus dereitos e obrigas dentro dun marco de respecto recíproco. 4. No seo da comunidade socioeducativa as funcións e responsabilidades son diferenciadas en razón da achega que realizan ao proxecto socioeducativo: a entidade titular, as e os menores, o persoal educativo, os pais e nais ou representantes legais das e dos menores e o persoal de administración e doutros servizos. Artigo 11. Obxectivos comúns Todos os membros da comunidade socioeducativa do centro Príncipe Felipe se implican, dentro dos seus respectivos ámbitos de competencia e funcións, en interactuar para o logro dos seguintes obxectivos: a) O pleno desenvolvemento da personalidade e das capacidades das e dos menores en acollemento. b) A educación no respecto dos dereitos e liberdades fundamentais e no exercicio da tolerancia e da liberdade, dentro dos principios democráticos de convivencia. c) A educación na responsabilidade individual e nos valores do esforzo persoal. d) A colaboración para que as e os menores adquiran a capacitación necesaria para a súa integración social. e) O fomento e respecto polas normas establecidas nos plans de convivencia e nos correspondentes procedementos para a resolución de conflitos que alteren a convivencia. f) O respecto polos dereitos e o cumprimento dos deberes de todos os membros da comunidade socioeducativa. g) O logro dunha boa convivencia institucional e nos centros de acollemento que permita o desenvolvemento das funcións do persoal e a finalidade de acadar os obxectivos previstos. h) O respecto dos dereitos e o cumprimento dos deberes de todos os membros da comunidade socioeducativa. i) A transmisión dos valores que favorezan a liberdade persoal, a responsabilidade, a tolerancia e a xustiza. j) O desenvolvemento de actitudes que fomenten a igualdade efectiva entre homes e mulleres e a prevención da violencia de xénero. Artigo 12. Dereitos Todos os membros da comunidade socioeducativa do Centro Príncipe Felipe teñen os seguintes dereitos: a) Ser respectados nos seus dereitos e na súa integridade e dignidade persoal. b) Coñecer o Proxecto socioeducativo institucional e o Regulamento de organización e funcionamento institucional, ademais dos proxectos educativos e regulamentos internos dos centros de acollemento. c) Participar nos órganos correspondentes de coordinación e participación de carácter institucional, de acordo co disposto neste Regulamento e nas disposicións legais aplicables en cada caso. A participación nos órganos dos centros de acollemento e na vida destes concretarase nos correspondentes regulamentos, sen prexuízo do que neste mesmo documento se poida especificar. d) Realizar reunións dos respectivos sectores da institución para tratar asuntos da vida interna nos seus ámbitos de competencia, de acordo co disposto na lexislación e, de ser o caso, neste Regulamento ou coa autorización previa da entidade titular, tendo en conta as dispoñibilidades de espazo e sen que, en calquera caso, non interfira na actividade normal dos servizos. e) Presentar peticións, suxestións e queixas, formulándoas por escrito e asinadas, ante o órgano que en cada caso corresponda. f) Reclamar ante o órgano competente naqueles casos en que sexan conculcados os seus dereitos. g) Exercer aqueles outros dereitos recoñecidos na lexislación vixente e no presente Regulamento. Artigo 13. Exercicio dos dereitos O exercicio dos dereitos dos distintos sectores e membros da comunidade socioeducativa do Centro Príncipe Felipe no ámbito da organización, xestión e convivencia, implica o recoñecemento e o respecto dos restantes membros da comunidade socioeducativa. Artigo 14. Deberes Todos os membros da comunidade socioeducativa do Centro Príncipe Felipe están obrigados a: a) Respectar as competencias e funcións da entidade titular, os dereitos das e dos menores, do persoal educativo, do persoal psicosocial, do persoal de administración e doutros servizos, dos pais, das nais e dos representantes legais das e dos menores. b) Respectar o Proxecto socioeducativo institucional, os proxectos educativos dos centros de acollemento, o presente Regulamento de organización e funcionamento institucional e os regulamentos de cada centro. c) Respectar e promover a imaxe positiva da institución, dos centros de acollemento e dos diferentes servizos integrados na comunidade socioeducativa. d) Colaborar no desenvolvemento das actividades e servizos, seguindo os criterios establecidos para cada caso. e) Asistir e participar nas reunións dos órganos dos que formen parte. Artigo 15. Normas de convivencia xerais 1. O coñecemento e a participación da comunidade socioeducativa na elaboración, control do cumprimento e avaliación das normas xerais de convivencia a nivel institucional, así como os do persoal educativo e das e dos menores, en función das súas características, nos respectivos centros constitúe un dereito e un deber de todos os membros integrantes da comunidade socioeducativa. 2. As normas de convivencia, a nivel institucional, definen e enmarcan as características das condutas que deben promoverse en todos os ámbitos, moi especialmente nos centros de acollemento, para lograr: a) O desenvolvemento integral das persoas. b) Os fins socioeducativos da institución e dos centros de acollemento. c) O desenvolvemento pleno da comunidade socioeducativa. d) A creación dun ambiente afectivo e de boa relación. e) O respecto aos dereitos de todas as persoas que constitúen a comunidade socioeducativa. 3. Son normas básicas de convivencia, a nivel institucional, as seguintes: a) O respecto pola integridade física e moral e polos bens das persoas que forman a comunidade socioeducativa e das outras persoas e organismos que se relacionan coa institución con motivo da realización das actividades e servizos. b) A tolerancia ante a diversidade e a non discriminación. c) A corrección no trato social, en especial mediante o emprego dunha linguaxe correcta e educada. d) O interese por desenvolver o propio traballo e funcións con responsabilidade. e) O respecto polo traballo e as funcións de todos os membros da comunidade socioeducativa, polo que se evitará entorpecer o traballo dos demais. f) A cooperación nas actividades que se programen, sexan de carácter educativo ou convivenciais. g) A boa fe e lealdade no desenvolvemento da vida institucional. h) O coidado no aseo e imaxe persoal e a observancia das normas dos centros de acollemento establecidas para os efectos. i) A actitude positiva ante os avisos e correccións. j) A adecuada utilización das instalacións, mobiliario, material da institución ou dos centros, conforme ao seu destino e normas de funcionamento, así como o respecto á reserva de acceso a determinadas zonas da institución ou dos centros. k) O respecto ás normas de organización, funcionamento, convivencia e disciplina da institución e dos centros de acollemento. l) A prohibición do consumo, posesión ou venda de substancias que estean expresamente prohibidas pola lexislación vixente e polas normas da institución e dos centros, e tamén da realización de actividades que resulten perigosas. m) En xeral, o cumprimento dos deberes que se establecen na normativa vixente e no presente Regulamento para todos os membros da comunidade socioeducativa. 4. As normas de convivencia dos centros de acollemento recolleranse especificamente nos seus respectivos Regulamentos de Organización e Funcionamento ou de Réxime Interno. CAPÍTULO II. A ENTIDADE TITULAR Artigo 16. Competencias e funcións 1. A entidade titular do Centro Príncipe Felipe é a Deputación de Pontevedra, con personalidade xurídica, plena capacidade e autonomía recoñecidas na lexislación vixente. 2. Como tal entidade titular: a) Define a identidade e o estilo socioeducativo da institución, garantindo o respecto desta, dinamizando a súa efectividade, os membros da comunidade socioeducativa e os correspondentes estamentos da Administración autonómica, sen prexuízo da lexislación xerárquica superior que afecte á competencia sobre menores. b) Asume a última responsabilidade da institución ante a sociedade, a Administración competente en materia de menores, os pais e nais ou representantes legais das e dos menores, o persoal educativo, as e os menores en acollemento e o persoal de administración e de servizos. c) É a promotora e última responsable da actividade socioeducativa do Centro Príncipe Felipe, sen prexuízo dos compromisos adquiridos a través do convenio de colaboración coa Administración autonómica. d) Dispoñerá do Proxecto socioeducativo institucional, onde se definen as características propias da institución, e efectuará a súa aprobación polo medio que se considere máis pertinente. e) Promoverá a elaboración e propoñerá o Regulamento de organización e funcionamento institucional para a súa aprobación polos órganos pertinentes, ademais de establecer as súas normas de desenvolvemento e execución. f) Dirixirá a institución, ostentando a súa representación e asumindo a responsabilidade da súa organización e xestión. g) Ordenará, en cumprimento da normativa vixente, a xestión relativa ao acollemento de menores. h) Nomeará e cesará, de acordo co procedemento que corresponda, os órganos unipersoais de goberno e xestión. i) Incorporará, contratará, nomeará e cesará o persoal ao servizo da institución. j) Fixará, dentro das disposicións en vigor, a normativa de admisión de menores dentro das súas competencias, decidindo sobre a admisión e cesamento destes. k) Decidirá a subscrición dos convenios pertinentes nos casos previstos na normativa para estes efectos, e promoverá a súa modificación ou propoñerá a súa extinción. l) Velará para que os dereitos e deberes dos membros da comunidade socioeducativa sexan suficientemente coñecidos, correctamente exercidos e efectivamente garantidos, de acordo coa normativa correspondente. Artigo 17. Deberes Entre os deberes que asume a Entidade Titular con respecto ao Centro Príncipe Felipe, están: a) Dar a coñecer, polos medios que considere máis áxiles e eficaces, o Proxecto Socioeducativo Institucional e O Regulamento de Organización e Funcionamento Institucional. b) Responsabilizarse da prestación dun servizo de calidade na atención residencial a menores, así como dun funcionamento e xestión presididos polo principio de transparencia ante a sociedade en xeral e a comunidade socioeducativa, en particular. c) Cumprir coas normas reguladoras da autorización de actividades, da ordenación sobre menores e dos convenios de colaboración que se subscriban. Artigo 18. Representación A representación do Centro Príncipe Felipe corresponderá por orde xerárquica a: a) Presidencia da Deputación Provincial. b) Deputada ou Deputado en quen se delegue a representación institucional. c) A dirección xerente. CAPÍTULO III. CANLES DE PARTICIPACIÓN DOS DISTINTOS SECTORES E DISTRIBUCIÓN DE RESPONSABILIDADES Artigo 19. Características xerais e principios 1. A institución e os centros de acollemento establecen como obxectivo da participación de todos os sectores da comunidade socioeducativa a mellora continua das condicións na prestación dos seus servizos. 2. A participación, recoñecida e regulamentada nas diferentes normas que afectan ao funcionamento de institución e centros, debe traducirse nunha colaboración activa de todos os membros, fundamentada nos seguintes principios básicos: a) A participación garante a pluralidade da institución e dos centros de acollemento. b) As familias ou responsables legais das e dos menores poden desenvolver unha colaboración activa e eficaz no desenvolvemento das intervencións socioeducativas. c) As e os menores en acollemento deben participar na vida colectiva da institución e dos seus centros, co fin de favorecer o seu desenvolvemento integral. d) O persoal educativo debe participar activamente mediante o traballo en equipo, coordinado e compartido xunto con outros sectores da institución, de maneira que esta participación incida na mellora técnica do proceso socioeducativo. e) A participación dos demais servizos non estritamente educativos debe contribuír, desde o seu ámbito de actuación, a acadar os obxectivos e finalidades de integración e desenvolvemento persoal das e dos menores en acollemento. f) A participación da Administración debe ser activa, tanto porque proporciona a infraestrutura necesaria como pola dotación de medios e recursos esixibles para o funcionamento da institución e dos centros de acollemento, asegurando deste xeito o cumprimento da súa función primordial. Artigo 20. Distribución de responsabilidades 1. A nivel institucional, a responsabilidade de facer efectiva a participación de todos os sectores e servizos da comunidade socioeducativa corresponderalle á persoa que exerza o cargo de dirección xerente. 2. A nivel de centros de acollemento, a responsabilidade de facer efectiva a participación do seu propio persoal e das persoas usuarias corresponderalle á persoa que exerza o cargo de dirección do centro. Sección primeira. Na institución Artigo 21. Ámbitos de participación Para os efectos de participación dos sectores da comunidade socioeducativa, a nivel institucional, distínguense os seguintes dous ámbitos: • Ámbito individual. • Ámbito dos órganos de participación institucional. Artigo 22. Ámbito individual 1. Os órganos directivos da institución estarán abertos ás achegas e suxestións de todo o persoal e das persoas usuarias (menores e familias ou representantes legais), favorecendo todas as iniciativas que resulten en beneficio do funcionamento e xestión da institución en xeral, e dos centros de acollemento en particular. 2. Esta participación poderá realizarse tanto de forma presencial coma mediante a utilización da caixa de suxestións da institución ou presentando reclamacións. 3. A persoa responsable da dirección xerente da institución poderá establecer mecanismos complementarios de participación das e dos menores dos centros de acollemento a nivel institucional, para coñecer as súas achegas e suxestións á mellora xeral. Artigo 23. Ámbito dos órganos de participación institucional 1. O persoal da institución participará nas sesións do consello socioeducativo institucional, onde concorren representantes de todos os servizos e centros de acollemento da institución. 2. O persoal educativo dos centros de acollemento, así como o pertencente aos servizos de psicoloxía e traballo social participará nas sesións do consello coordinador de centros de acollemento. Sección segunda. Nos centros de acollemento Artigo 24. Ámbitos de participación Para os efectos de participación dos sectores da comunidade socioeducativa, a nivel institucional, distínguense os seguintes dous ámbitos: • Ámbito individual. • Ámbito dos órganos de participación e de coordinación. Artigo 25. Ámbito individual 1. As persoas responsables da dirección dos centros de acollemento estarán abertas ás achegas e suxestións de todo o persoal do seu centro e das persoas usuarias (menores e familias ou representantes legais), favorecendo todas as iniciativas que resulten en beneficio do seu funcionamento e xestión. 2. Esta participación poderá facerse efectiva de forma presencial ou mediante a utilización da caixa de suxestións ou libro de reclamacións que existirán en cada un dos centros. 3. A forma de participación e a posibilidade de presentar queixas, suxestións e reclamacións recollerase no regulamento de réxime interior de cada centro e informarase dela a menores e familias. Artigo 26. Ámbito dos órganos de participación e coordinación 1. A participación das familias ou representantes legais das e das e os menores en acollemento pode facerse efectiva a través das reunións que o centro convoque e das citas que se concerten con persoas concretas, en especial coa persoa titora ou cos servizos de psicoloxía e traballo social. 2. A participación das e dos menores dos centros de acollemento poderá facerse efectiva a través de asembleas xerais, consellos, titorías, etc., sen prexuízo doutros tipos de participación que o propio centro poida establecer. A forma de participación das e dos menores deberá recollerse no regulamento de réxime interior do propio centro. 3. A participación do persoal educativo e dos servizos de psicoloxía e de traballo social dos centros de acollemento farase efectiva a través dos órganos internos que o centro teña recoñecidos no seu regulamento de réxime interior: xunta educativa, consello de centro, equipo técnico, equipo educativo, etc. 4. A participación do persoal de servizos relacionado directamente con cada centro de acollemento establecerase no seu regulamento de réxime interior. TÍTULO II. ESTRUTURA ORGÁNICA CAPÍTULO I. ÓRGANOS UNIPERSOAIS DE GOBERNO E XESTIÓN INSTITUCIONAIS Sección primeira. A dirección xerente Artigo 27. Definición e ámbitos de actuación 1. A dirección xerente terá a máxima xerarquía no ámbito da institución, exercendo funcións organizativas, disciplinarias, de inspección, de supervisión e calquera outra que se derive do cargo de primeira xefatura e da supremacía xerárquica, a través de instrucións, ordes de servizo e notificacións internas e incluso verbais. 2. Os ámbitos de actuación da dirección xerente corresponderanse coas seguintes responsabilidades: a) Representación. b) Planificación e coordinación. c) Supervisión e control. d) Avaliación. Artigo 28. Funcións As funcións que lle corresponderá realizar á dirección xerente serán aquelas que estableza pola entidade titular para os efectos. Artigo 29. Sistema de provisión. Nomeamento e cesamento 1. O sistema de provisión do cargo de dirección xerente da institución será establecido pola entidade titular. 2. O sistema de nomeamento da dirección xerente da institución será establecido pola entidade titular, conforme o procedemento que se articule para a súa regulamentación. 3. O cesamento da dirección xerente da institución producirase polas causas previstas na lexislación vixente. Artigo 30. Duración do nomeamento A duración do nomeamento da persoa que exerza o cargo de dirección xerente da institución será a que a entidade titular estableza, en función do sistema de provisión que se articule para estes efectos, así como do mecanismo previsto para o seu nomeamento. Artigo 31. Réxime de suplencias 1. En caso de que se produza unha ausencia por diferentes motivos (vacacións, permisos, enfermidade etc.) a persoa titular da dirección xerente estará obrigada a establecer a correspondente delegación de funcións na persoa que exerza a Xefatura de Xestión (ou denominación equivalente) para evitar situacións de baleiro de responsabilidades, sen prexuízo de que poida propoñer outras candidaturas para a suplencia. En calquera caso, a deputada ou o deputado delegado da institución deberá ser informada cada vez que se produza esta delegación de funcións por ausencia ou enfermidade. Así mesmo, da suplencia da dirección xerente serán informadas as xefaturas de servizo e as direccións dos centros de acollemento. 2. En caso de producirse unha vacante, a entidade titular procederá á designación provisional doutra persoa para ocupar mencionado cargo vacante ata que, polo procedemento que se estime oportuno, se proceda a cubrir o posto. Para os efectos de designación provisional a entidade titular poderá solicitarlles información aos órganos que estime pertinentes na institución. Sección segunda. A Xefatura de Xestión Artigo 32. Definición e ámbitos de actuación A Xefatura de Xestión terá a responsabilidade de actuar na análise, planificación e xestión daqueles ámbitos ou asuntos relativos a: a) Organización. b) Réxime de persoal (en coordinación coa dirección xerente). c) Réxime administrativo e de contratacións. d) Réxime financeiro e de control orzamentario. e) Asesoramento. Artigo 33. Funcións As funcións que corresponderá realizar á Xefatura de Xestión (ou denominación equivalente) serán aquelas que estableza a entidade titular para estes efectos. Artigo 34. Sistema de provisión. Nomeamento e cesamento 1. O sistema de provisión do cargo de Xefatura de Xestión da institución será establecido pola entidade titular. 2. O sistema de nomeamento da Xefatura de Xestión da institución será establecido pola entidade titular, conforme o procedemento que se articule para a súa regulamentación. 3. O cesamento da Xefatura de Xestión da institución producirase polas causas previstas na lexislación vixente. Artigo 35. Duración do nomeamento A duración do nomeamento da persoa que exerza o cargo de Xefatura de Xestión institucional será a que a entidade titular estableza, en función do sistema de provisión que se articule para estes efectos, así como do mecanismo previsto para o seu nomeamento. Artigo 36. Réxime de suplencias 1. En caso de ausencia por diferentes motivos (vacacións, permisos etc.) ou enfermidade da persoa titular da Xefatura de Xestión (ou denominación equivalente) encargarase con carácter provisional das súas funcións a persoa que ocupe a praza de técnico de administración xeral recollida na Relación de Postos de Traballo ou, de ser o caso, a persoa que este propoña e a entidade designe para estes efectos, sen prexuízo das competencias que a entidade ten atribuídas a este respecto, co fin de evitar situacións de baleiro de responsabilidades. En calquera caso, a persoa que exerza o cargo de deputada ou deputado delegado da institución deberá ser informada cada vez que se produza esta asunción de funcións por ausencia ou enfermidade. Así mesmo, da suplencia da Xefatura de Xestión serán informadas as xefaturas de servizo e as direccións dos centros de acollemento. 2. En caso de vacante, a entidade titular procederá á designación provisional doutra persoa para ocupar o cargo vacante, ata que, polo procedemento que se estime oportuno, se proceda a cubrir o posto. Para os efectos de designación provisional, a entidade titular poderá solicitar información aos órganos que estime pertinentes na institución. CAPÍTULO II. ÓRGANOS INSTITUCIONAIS COLEXIADOS: DE PARTICIPACIÓN SECTORIAL E DE COORDINACIÓN Sección primeira. O Consello Socioeducativo Institucional Artigo 37. Definición Órgano interno de participación representativa de todo o persoal de Príncipe Felipe que estean directamente relacionados coa atención a menores acollidos na institución en calquera dos seus réximes e modalidades. Artigo 38. Finalidade Fomentar a participación do persoal de PF para contribuír a mellorar a organización e o funcionamento da institución e dos diferentes servizos que se prestan nela. Artigo 39. Concepto • Órgano con atribucións exclusivamente referidas ao funcionamento interno da institución. • Órgano de vixencia temporal restrinxida á duración da coordinación xeral/dirección xerente no desempeño das súas funcións e, polo tanto, non preceptivo nin con carácter administrativo. • Órgano participativo para actuar como canle de expresión dos diferentes sectores de traballadores na institución e lograr unha mellor calidade de servizo a través dun compromiso espontáneo e non impositivo. • Órgano representativo non substitutorio de ningún outro que estableza a representatividade dos traballadores no exercicio dos seus dereitos e na asunción dos seus deberes. Artigo 40. Composición 1. Ao abeiro do seu carácter participativo e tendo en conta o sistema de traballo por quendas, establécese unha modalidade de composición flexible, co fin de facilitar a participación de cada sector con independencia da quenda en que se produza a súa convocatoria, xa que se entende como participación de sectores e non só nominal. Para estes efectos, entenderase como participación do sector a presenza dos membros que teña atribuídos, con independencia dos seus nomes e de que dunha sesión a outra poidan variar os seus representantes por efecto do traballo por quendas en cada servizo. 2. A representación dos diferentes sectores encádrase nas seguintes áreas: a) Área de xerencia: dirección xerente. b) Área administrativa: Xefatura de Xestión e unha administrativa, administrativo ou auxiliar administrativo. c) Área de mantemento: xefatura de servizo e unha persoa representante de mantemento ou almacén. d) Área educativa. direccións de centros, unha ou un educador por cada centro e unha ou un técnico educativo por cada centro. e) Área de apoio: 1 representante do persoal de psicoloxía dos centros e 1 representante do persoal de traballo social dos centros; 1 representante do servizo médico-sanitario-dietista. f) Área de servizos: 2 representantes de comedor (xefatura de servizo e 1 representante), 3 representantes de cociña-despensa (xefatura de cociña e 2 representantes), 1 representante de lavandería, 1 representante de roupeiro, 1 representante de instalacións deportivas, 1 representante de parque móbil, 1 representante de vixilancia e control, 1 representante de cafetería. 3. Para proceder á composición do consello socioeducativo institucional, considerarase a seguinte división entre os seus membros: a) Membros natos: son membros natos do consello socioeducativo institucional a coordinadora ou coordinador xeral ou dirección xerente, a xefa ou xefe de xestión, a ou o responsable do servizo de infraestruturas-mantemento, as e os directores dos centros de acollida, a ou o responsable do servizo de cociña e a ou o responsable do servizo de comedor. Esta condición de membros natos poderá ser delegada, de non ser posible a súa asistencia a unha convocatoria, noutro membro do servizo que non pertenza xa ao órgano. Esta delegación noutro membro comunicarase o antes posible e sempre antes da sesión correspondente. b) Membros designados: naqueles casos en que sexa necesario establecer representantes, procederase á súa designación, segundo cada caso, entre os membros propios das áreas e servizos estipulados. Utilizarase o procedemento que se considere máis oportuno e eficaz (votación, proposta individual aceptada por unanimidade etc.). Naquelas áreas con presenza de membros natos, serán estes os que se encarguen de coordinar o proceso de designación e de informar á coordinación xeral/dirección xerente sobre o resultado desta. Tendo en conta que nalgúns servizos se aplica un sistema de quendas rotatorias e que as sesións de reunión serán preferentemente pola mañá, considérase necesario que por cada membro que lle corresponda a un servizo se proceda á designación de dúas persoas (unha da quenda de mañá e outra da de tarde), co fin de que o servizo estea debidamente representado con independencia dos cambios de persoal que puidesen xurdir por mor das quendas. A coordinación xeral/dirección xerente, á vista da información proporcionada sobre o proceso de designación, inscribirá, con carácter provisional e atendendo á posibilidade de delegación en función das quendas, ás persoas designadas como membros do órgano para a convocatoria das diferentes reunións en representación de cada sector. A composición deste órgano poderá ser modificada como consecuencia de calquera reestruturación que se efectúe nos servizos. Artigo 41. Funcións As funcións encomendadas ao Consello Socioeducativo Institucional son as seguintes: a) Coñecer a conformación e propoñer iniciativas para a elaboración do Proxecto socioeducativo institucional ou, de ser o caso, para a súa revisión e modificación. b) Coñecer a conformación e propoñer iniciativas para a elaboración do Regulamento de réxime interior institucional ou, de ser o caso, para a súa revisión e modificación. c) Coñecer a conformación e propoñer iniciativas para a elaboración da Programación xeral institucional ou, de ser o caso, para a súa revisión e modificación. d) Coñecer a conformación e propoñer iniciativas para a elaboración da Memoria xeral institucional ou, de ser o caso, para a súa revisión e modificación. e) Recibir información sobre o orzamento global da institución, das diferentes partidas ou capítulos e da súa asignación, e trasladarlle á coordinación xeral/dirección xerente, para o seu estudo e valoración, iniciativas de reparto en función das necesidades. f) Coñecer as actividades xerais da institución e promover a calidade e o rendimento dos servizos na súa organización, garantindo a súa coordinación. g) Promover iniciativas no ámbito da formación do persoal, coa finalidade de mellorar o desempeño da actividade encomendada a cada servizo. h) Participar na elaboración de plans de mellora da calidade na institución propoñendo iniciativas de carácter xeral ou particulares e procedendo á súa avaliación. i) Coñecer e avaliar o proxecto de dirección da coordinación xeral, propoñendo, de ser o caso, iniciativas para a súa implementación. j) Coñecer os informes de resultados sobre o rexistro de queixas e suxestións e, de ser o caso, reclamacións, así como dos cuestionarios de satisfacción laboral que se realicen. k) Presentar iniciativas respecto das necesidades de recursos en cada servizo. l) Presentar iniciativas respecto da proxección externa da institución. m) Presentar iniciativas para que sexan analizadas e valoradas polo órgano competente, respecto de convenios de colaboración con outras entidades ou administracións, sen prexuízo das competencias atribuídas a órganos superiores. n) Promover a conservación e renovación das instalacións e equipamentos da institución. o) Elaborar propostas e informes, a iniciativa propia e/ou a petición da Administración competente, sobre o funcionamento da institución e a mellora da calidade da xestión e calquera outro aspecto relacionado con ela. p) Propoñer medidas e iniciativas que favorezan a convivencia xeral na institución, a igualdade entre homes e mulleres, o respecto pola dignidade das persoas e pola función que desempeñan e a resolución pacífica de conflitos en todos os ámbitos da vida institucional. q) Calquera outra que, durante o exercicio do cargo, lle sexa atribuída pola coordinación xeral/dirección xerente, sempre que non supoña conflito de competencias con órganos superiores nin exceda os límites da finalidade deste órgano interno de participación. Artigo 42. Funcionamento Con carácter xeral, o consello socioeducativo institucional funcionará en pleno. Excepcionalmente, poderá constituírse no seu seo unha comisión específica para abordar un asunto concreto relacionado con algunha das funcións atribuídas. Artigo 43. Constitución e réxime de convocatorias 1. Na primeira convocatoria, que será realizada por escrito pola dirección xerente, a quen corresponderá a presidencia en todas as sesións, efectuarase a constitución do órgano e designarase a ou o secretario deste, que será quen a partir desa sesión realizará as convocatorias posteriores por orde da ou do presidente. A función da secretaría recaerá preferentemente en persoal da área administrativa. De non ser este o caso, actuará como tal a persoa de menor idade de entre os membros que constitúan o órgano. 2. O consello socioeducativo institucional reunirase con carácter ordinario, como mínimo, unha vez por trimestre lectivo, e serán preceptivas unha reunión nos principios de curso e outra no seu remate. Estas reunións ordinarias celebraranse preferentemente en sesión matutina, co fin de que interfira o menos posible no horario de atención a menores, unha vez iniciado o curso. 3. O consello socioeducativo institucional será convocado por orde da presidencia, adoptada por iniciativa propia ou mediante a solicitude de, polo menos, un tercio dos seus membros. 4. Para a realización das reunións ordinarias, a secretaria ou secretario, por orde da presidencia, convocará coa correspondente orde do día aos seus membro, cunha antelación mínima dunha semana, e poñerá á súa disposición, de ser o caso, a correspondente información sobre os puntos que se vaian tratar nela. Poderán realizarse, ademais, convocatorias extraordinarias cunha antelación mínima de corenta e oito horas cando a natureza urxente dos asuntos que haxa que tratar o aconselle así. Poderá solicitarse, coa debida antelación, a inclusión na orde do día dun determinado punto, previa petición das persoas representantes de calquera dos servizos, que será motivada. Artigo 44. Quórum para a constitución O quórum para a válida constitución do pleno do consello socioeducativo institucional será o da maioría absoluta dos seus compoñentes. De non existir ese quórum, constituirase en segunda convocatoria vinte e catro horas despois da data sinalada para a primeira, sendo suficiente para a mesma a asistencia da terceira parte dos seus membros. Artigo 45. Adopción de acordos 1. O consello socioeducativo institucional adoptará os acordos por maioría absoluta de votos. En caso de empate, decidirá o voto de calidade da presidencia. 2. Non poderá ser obxecto de acordo ningún asunto que non figure na orde do día, agás que estean presentes todos os membros do órgano e sexa declarada a urxencia do asunto polo voto favorable da maioría absoluta. 3. As votacións serán, con carácter xeral, secretas. Poderán non ser secretas (a man alzada) se non existe inconveniente por parte dalgún dos membros asistentes. Artigo 46. Actas 1. De cada sesión levantarase acta, que conterá os puntos principais de deliberación, os resultados de votacións e os acordos adoptados. 2. A acta será asinada pola secretaria ou secretario, que tamén se encargará da súa redacción e posterior custodia, visada pola presidencia e aprobada na sesión seguinte, a non ser que esta teña carácter extraordinario; en tal caso, a lectura e aprobación trasladarase á primeira que se celebre con carácter ordinario. 3. Existirá un libro de actas deste órgano en formato dixital (cartafol). Artigo 47. Renovación de membros Cada dous anos, contados a partir da primeira constitución do órgano procederase á renovación dos membros designados polos diferentes servizos para a representación do seu sector, así como tamén daquelas vacantes que, por diferentes motivos, poidan orixinarse. Sección segunda. O consello coordinador de centros de acollemento Artigo 48. Carácter e finalidade Órgano de carácter transversal destinado a establecer, verificar e avaliar as liñas de actuación para a organización e coordinación entre os centros de acollemento existentes na institución, coa función explícita de homoxeneizar procesos e garantir un servizo eficaz no seu funcionamento, en cumprimento da normativa existente. Artigo 49. Composición 1. O carácter transversal deste órgano e a súa función de catalizador das posibilidades de organización e funcionamento, así como das propostas e plans dos centros de acollemento, esixe unha representación plural de todos os sectores con responsabilidade neles, co fin de cubrir un espectro suficientemente amplo que lle permita ser receptor desa diversidade. Para facilitar a canalización desa pluralidade, establécese como sistema de representación para cada centro o seguinte: • Directora ou director. • 1 membro do persoal educativo (elixido entre todos os compoñentes no órgano correspondente do centro). • Psicóloga ou psicólogo. • Traballadora ou traballador social. 2. A presidencia do consello coordinador de centros de acollemento recaerá na persoa que desempeñe a función de coordinación xeral/dirección xerente da institución. 3. En función de circunstancias extraordinarias de inasistencia ás convocatorias de reunión, cada un dos membros compoñentes poderá delegar a súa representación noutra persoa, previa comunicación por escrito ao órgano, indicando a persoa en quen se delega. 4. Cando sexa obxecto de tratamento algún asunto que requira a presenza dunha persoa allea ao propio órgano para dispoñer dunha información máis ampla e axeitada sobre o tema en cuestión, a coordinadora ou coordinador xeral (director xerente) poderá autorizar a súa asistencia en calidade de convidada, sen ningunha outra condición. 5. A composición deste órgano poderá modificarase como consecuencia dunha adaptación á realidade de intervención dos centros de acollemento. Artigo 50. Competencias e atribucións 1. Competencias xerais • Recibir información sobre as actividades que se programen desde os diferentes centros, co fin de establecer as liñas de actuación necesarias para garantir a súa coordinación e realización, especialmente cando afecten a diferentes servizos. • Coñecer os acordos e propostas dos órganos internos de cada centro (xunta educativa, equipo educativo, consello de centro etc.) para o seu traslado ao órgano correspondente. • Transmitirlle ao coordinador xeral, para o seu coñecemento e valoración, as necesidades priorizadas de cada centro, referidas ao funcionamento deste na súa vertente educativa e socializadora. • Elevar á coordinación xeral/dirección xerente, para a súa análise e valoración, propostas motivadas de asignación económica no contexto das previsións orzamentarias xerais. • Coñecer as propostas e, de ser o caso, elaborar o plan de formación do persoal educador, en función das necesidades derivadas dos proxectos educativos, dos plans para desenvolver e das previsións das programacións anuais. • Trasladar propostas para a elaboración da Programación xeral institucional e proporcionar información para a conformación da Memoria anual institucional e outros documentos da entidade, a requirimento da coordinación xeral/dirección xerente. • Recibir información sobre os resultados do sistema de recollida de queixas e suxestións que afecten en particular ao funcionamento dos centros e adoptar as decisións correspondentes para enfrontar a mellora das deficiencias detectadas. • Fomentar a avaliación das actividades e proxectos, colaborar coas avaliacións que se leven a cabo por parte das administracións e impulsar, de ser o caso, os plans de mellora pertinentes. • Promover a dinamización dos equipos educativos, facilitando a elaboración dos seus proxectos e propoñendo actuacións para o seu desenvolvemento. • Promover a avaliación sobre o funcionamento e organización xerais dos centros no tocante a: persoal total, persoal por unidades de convivencia, sistema de quendas, xestión económica, proxectos e plans postos en marcha, etc. • Trasladarlle ao persoal educativo dos diferentes centros información sobre os asuntos, acordos e decisións que se adopten neste órgano mediante os mecanismos que se establezan para estes efectos. • Canalizar e mellorar as propostas emitidas desde a coordinación xeral/dirección xerente a partir do proxecto de dirección ou da planificación anual que se estableza. • Calquera outra que a coordinación xeral/dirección xerente, a iniciativa propia ou a instancias do propio órgano, considere oportuna. 2. Competencias específicas (relativas á organización dos centros) 2.1 No tocante a documentos de organización e planificación • Proxecto educativo de centro: a) Asegurar a coherencia entre o Proxecto socioeducativo institucional e os proxectos educativos de centro e, de ser o caso, propoñer a súa modificación. b) Verificar a configuración formal dos proxectos educativos segundo a normativa e protocolos vixentes e, de ser o caso, propoñer a súa modificación. c) Establecer os mecanismos de participación para a súa elaboración. d) Establecer as canles de publicidade e do seu coñecemento por parte de persoal e usuariado. • Proxecto educativo individualizado: a) Verificar a configuración formal de PEI, en función dos protocolos existentes. b) Promover as revisións oportunas e a verificación do cumprimento de prazos no seu seguimento, así como na emisión dos correspondentes informes. • Programación xeral anual de centro: a) Verificar a configuración formal e, de ser o caso, realizar propostas para a súa modificación e/ou homoxeneización, establecendo as liñas de actuación que permitan unha maior unificación formal na súa elaboración. b) Establecer os períodos temporais necesarios para a súa elaboración, así como fixar unha data para a súa entrega, tomando como referencia o que para estes efectos se recolla no Regulamento de Réxime Interior Institucional. c) Verificar a existencia de procedementos e períodos para a súa avaliación e revisión. d) Verificar a inclusión dos apartados relativos a actividades previstas e gastos derivados destas. e) Establecer as canles de publicidade oportunas para o seu coñecemento por parte do persoal e do usuariado. • Memoria anual de centro: a) Verificar a configuración formal e, de ser o caso, realizar propostas para a súa modificación e/ou homoxeneización, establecendo as liñas de actuación que permitan unha maior unificación formal na súa elaboración. b) Establecer os períodos temporais necesarios para a súa elaboración, así como fixar unha data para a súa entrega, tomando como referencia o que para estes efectos se recolla no Regulamento de réxime interior institucional. c) Verificar a inclusión do apartado de xestión económica (orzamento recibido, partidas destinatarias deste, relación de gastos, etc.). d) Verificar a existencia de avaliación da programación no tocante a logros acadados e non acadados, expresión de obxectivos consolidables ou cambios que se deben introducir na próxima Programación xeral anual de centro. e) Establecer as canles de publicidade oportunas para o seu coñecemento por parte do persoal e dos usuarios. • Regulamento de réxime interior (RRI) a) Asegurar a coherencia entre o Regulamento de réxime interior institucional e os respectivos regulamentos de réxime interior dos centros. b) Verificar a configuración formal dos Regulamentos de Réxime Interior dos centros, segundo a normativa vixente, e, de ser o caso, propoñer a súa modificación. c) Establecer os mecanismos de participación na súa elaboración. d) Establecer as canles de publicidade e de coñecemento por parte do persoal e dos usuarios. e) Promover e realizar propostas de homoxeneización entre os centros que compartan similitudes en canto á tipoloxía das e dos menores acollidos e ao seu réxime xeral de funcionamento, co fin de unificar criterios. 2.2 No relativo aos procedementos e protocolos de actuación Corresponderalle a este órgano a función de presentar propostas para organizar o funcionamento xeral dos centros, incluído o seguinte: a) Garantir a transparencia na xestión económica de cada centro, establecendo como criterios prioritarios a súa publicidade e traslado de información ao órgano correspondente no relativo aos orzamentos asignados, aos diferentes conceptos da asignación e á súa xustificación, sen prexuízo da obriga de recoller estes datos nos documentos preceptivos (memoria e outros) para constancia da institución. b) Determinar os protocolos de actuación que deben aparecer recollidos nos Regulamentos de réxime interior, con independencia dos prescritos pola normativa vixente. c) Establecer un protocolo escrito de bases para o procedemento de asignación de menores aos centros, ás unidades etc. Exclúese deste protocolo a UPA. d) Establecer nos RRI dos centros os momentos e órganos internos onde se dará conta do funcionamento e da transparencia na xestión económica. e) Propoñer, para a súa recollida nos respectivos RRI, unhas pautas para as reunións de calquera dos órganos existentes, coas preceptivas convocatorias escritas, orde do día, elaboración e aprobación de actas, rexistro no libro correspondente e publicidade de acordos e deliberacións. f) Realizar propostas para o procedemento de baremación e admisión nos réximes de internamento e centro de día. g) Realizar propostas para a elaboración das bases de admisión no centro de día e, de ser o caso, creación das de réxime interno. h) Establecer un procedemento homoxéneo para a adquisición, ao inicio de cada curso, de material destinado a menores escolarizados. i) Planificar, de acordo coas directrices da coordinación xeral/dirección xerente e da Xefatura de Xestión, a adquisición de vestiario das e dos menores afectados por esta prestación. j) Planificar e coordinar a atención sanitaria das e dos menores, tanto nas visitas internas como nas consultas externas. k) Promover a elaboración e/ou revisión de protocolos e pautas de actuación ante casos de TDAH, diabete, abuso sexual, accidentes, etc. 3. Atribucións Como consecuencia da súa conformación e da amplitude da representación sectorial, este órgano é competente para propoñer e actuar, sen prexuízo de normativa superior aplicable, como: • Comisión de baremación e admisión de menores nos diferentes réximes. • Comisión de avaliación e seguimento de altas e baixas de menores e incidencias de conduta, conforme o establecido no Convenio de colaboración coa Consellería de Política Social, sen prexuízo de delegar esta responsabilidade nunha comisión específica para cada caso e centro. Artigo 51. Réxime de funcionamento 1. O Consello Coordinador dos Centros de Acollemento funcionará en pleno. 2. Constitución e réxime de convocatorias. • Na primeira convocatoria, realizada por escrito pola coordinadora ou coordinador xeral (dirección xerente), efectuarase a constitución do órgano e nomearase a persoa que actuará como secretaria ou secretario, que será quen, a partir desa sesión, realizará as convocatorias posteriores por orde da presidenta ou presidente. A función da secretaría recaerá en primeiro lugar na persoa que se ofreza voluntariamente ou, de non existir voluntariedade, na persoa máis nova en idade de entre os membros que constitúan o órgano. • O Consello Coordinador reunirase con carácter ordinario trimestralmente, e serán preceptivas, como mínimo, unha reunión no inicio das actividades educativas e outra no seu remate. Estas reunións ordinarias celebraranse preferentemente en sesión matutina, co fin de interferir o menos posible no horario de atención a menores. • O Consello Coordinador será convocado por orde da presidencia, adoptada por iniciativa propia ou a instancias de, polo menos, un tercio dos seus membros. • Para a realización das reunións ordinarias, a secretaria ou secretario convocará coa correspondente orde do día aos seus membros cunha antelación mínima dunha semana e poñerá á súa disposición, de ser o caso, a correspondente información sobre os puntos que se vaian tratar nela. • Poderán realizarse, ademais, convocatorias extraordinarias cunha antelación mínima de corenta e oito horas, cando a natureza urxente dos asuntos que haxa que tratar o aconselle. • Poderá solicitarse, coa debida antelación, a inclusión na orde do día dun determinado punto, previa petición motivada de calquera membro. 3. Quórum para a constitución O quórum para a constitución válida do pleno do consello coordinador será o da maioría absoluta dos seus membros. De non existir ese quórum, constituirase en segunda convocatoria vinte e catro horas despois da data sinalada para a primeira, sendo suficiente para esta a asistencia da terceira parte dos seus membros. 4. Adopción de acordos • O consello coordinador adoptará os acordos, no ámbito das súas competencias e finalidade, por maioría. En caso de empate, decidirá o voto de calidade da presidenta ou presidente. • Non poderá ser obxecto de acordo ningún asunto que non figure incluído na orde do día, agás que estean presentes todos os membros do órgano e sexa declarada a urxencia do asunto polo voto favorable da maioría absoluta. • As votacións serán, con carácter xeral, secretas. Poderán non ser secretas e realizarse a man alzada cando non exista inconveniente por parte dalgún dos membros asistentes. 5. Actas De cada sesión levantarase unha acta, que conterá os puntos principais de información e deliberación, os resultados das votacións e os acordos adoptados, de ser o caso. A acta será asinada pola secretaria ou secretario, que tamén se encargará da súa redacción e posterior custodia, visada pola presidencia, e aprobada na sesión seguinte, a non ser que esta teña carácter extraordinario; en tal caso, a lectura e aprobación trasladarase á primeira que se realice con carácter ordinario. Existirá un libro de actas deste órgano en formato dixital (cartafol). Artigo 52. Renovación de membros Cada dous anos, contados a partir da primeira constitución do órgano, procederase á renovación dos membros designados polos centros para a representación do sector educativo, así como tamén das vacantes que poidan orixinarse por diversos motivos. CAPÍTULO III. ÓRGANO UNIPERSOAL DE GOBERNO DOS CENTROS: A DIRECCIÓN Artigo 53. Definición As directoras e os directores dos centros de acollemento son os máximos responsables dos respectivos centros e teñen como obriga o seu correcto funcionamento, asumindo a organización e coordinación destes. Artigo 54. Funcións As funcións que corresponderá realizar á dirección dun centro de acollemento serán aquelas que estableza a entidade titular para estes efectos. Artigo 55. Sistema de provisión. Nomeamento e cesamento 1. O sistema de provisión dos cargos de dirección dos centros de acollemento será establecido pola entidade titular. 2. O sistema de nomeamento das direccións dos centros de acollemento será establecido pola entidade titular, conforme o procedemento que se articule para a súa regulamentación. 3. O cesamento das directoras e dos directores dos centros de acollemento producirase polas causas previstas na lexislación vixente. Artigo 56. Duración do nomeamento A duración do nomeamento das persoas directoras de centros de acollemento será a que a entidade titular estableza, en función do sistema de provisión que se articule para estes efectos, así como do mecanismo previsto para o seu nomeamento. Artigo 57. Réxime de suplencias 1. En caso de que se produza unha ausencia por diferentes motivos (vacacións, permisos etc.) ou cando xurda unha enfermidade será a persoa que óbstente o cargo na dirección xerente a que asuma temporalmente as funcións de dirección nese centro. No obstante, a persoa titular da dirección do centro estará obrigada a propor, a nivel interno, a outro membro como persoa responsable co fin de que este sirva de referencia non só para os órganos directivos institucionais senón tamén para a representación do centro para os efectos de tramitacións básicas como por exemplo as visitas de órganos inspectores ou trasladar e recibir información das persoas usuarias. Para estes efectos deberá ser informada a dirección xerente da institución cada vez que se produza esta designación de funcións por ausencia ou enfermidade. A asunción de responsabilidades relativas a organización e funcionamento de cada centro serán asumidas, en todo caso, pola dirección xerente. No regulamento de organización e funcionamento de cada centro poderán especificarse as condicións relativas a asunción de responsabilidades por parte do membro, que, a nivel interno, fose proposto pola persoa titular da dirección do centro. 2. En caso de vacante a entidade titular procederá á designación provisional doutra persoa para ocupar o cargo vacante ata que, polo procedemento que se estime oportuno, se proceda a cubrir o posto. Para os efectos de designación provisional, a entidade titular solicitará información ou proposta da dirección xerente. CAPÍTULO IV. ÓRGANOS INTERNOS DE COORDINACIÓN DOS CENTROS Sección primeira. A xunta educativa Artigo 58. Composición A xunta educativa dos centros de acollemento de menores estará composta, de ser o caso, polos seguintes membros: • Directora ou director. • Educadoras ou educadores. • Técnicas ou técnicos educativos diúrnos e nocturnos. • Psicólogo ou psicóloga. • Traballadora ou traballador social. Artigo 59. Funcións 1. A xunta educativa dos centros de acollemento de menores contará, polo menos, coas seguintes funcións: • Establecer as pautas de elaboración do proxecto educativo de centro. • Establecer as pautas de elaboración da programación anual de centro. • Realizar o seguimento e a avaliación do nivel de cumprimento do Proxecto Educativo de Centro. • Realizar o seguimento e a avaliación da programación anual de centro. • Informar a memoria anual de centro. • Realizar propostas ás persoas titoras para a elaboración do proxecto educativo individualizado (PEI). • Realizar o seguimento e a avaliación dos respectivos proxectos educativos individualizados das persoas menores do centro. • Realizar propostas á dirección xerente para a elaboración e, de ser o caso, modificación dos proxectos de centro ou institucionais en calquera dos ámbitos de xestión que afecte ao acollemento de menores. 2. Ademais das mencionadas no punto anterior, no Regulamento de organización e funcionamento do centro poderán establecerse outras funcións inherentes ás características deste órgano. É requisito imprescindible non exceder o límite de coordinación de aspectos socioeducativos do centro e non entrar en contradición co proxecto socioeducativo institucional ou norma de rango superior. Artigo 60. Réxime de funcionamento 1. A xunta educativa dos centros de acollemento de menores reunirase, como mínimo, con carácter mensual, sen prexuízo de que no Regulamento de organización e de funcionamento de cada centro se poida propoñer un calendario alternativo en función das necesidades de organización do propio centro. En calquera caso, a xunta educativa reunirase preceptivamente unha vez por trimestre. 2. Nas reunións da xunta educativa, a persoa que exerza a dirección do centro actuará como presidenta ou presidente do órgano. En caso de enfermidade ou ausencia da persoa sobre a que recae a dirección poderá actuar como presidenta ou presidente do órgano aquela na que se delegue a función para estes efectos. A xunta educativa nas súas reunións contará tamén coa figura de secretaria ou secretario. No Regulamento de organización e funcionamento do centro establecerase o procedemento de delegación da dirección, así como o de designación e suplencia ou delegación da secretaria ou secretario, en caso de enfermidade ou ausencia. 3. As convocatorias deste órgano poderán ser ordinarias e extraordinarias, segundo o seu carácter, previsión e urxencia. No Regulamento de organización e de funcionamento do centro estableceranse as condicións, canles e requisitos para a realización destes dous tipos de convocatoria, sen prexuízo do cumprimento da normativa legal de procedemento administrativo vixente. A competencia de convocar as reunións correspóndelle á presidencia do órgano, e será a persoa que actúe de secretaria ou secretario quen materialice, polo medio que se determine, a convocatoria aos membros. A convocatoria deste órgano, ademais, tamén pode realizala a presidencia a instancias de, polo menos, un terzo dos seus membros compoñentes. 4. A convocatoria contará cos puntos da orde do día correspondentes a cada sesión e, de ser o caso, irá acompañada da documentación pertinente para poder abordalos. Ademais da orde do día, en cada convocatoria recolleranse, como mínimo, os seguintes aspectos formais: data, lugar e hora. No Regulamento de organización e funcionamento do centro determinarase, de ser o caso, o mecanismo e a antelación coa que se poderá solicitar a inclusión dalgún punto na orde do día dunha sesión ordinaria. 5. O quórum para a constitución válida da xunta educativa será o da maioría absoluta dos seus membros. De non existir ese quórum realizarase unha segunda convocatoria vinte e catro horas despois da data sinalada para a primeira, sendo suficiente para esta a asistencia da terceira parte dos seus membros. 6. No Regulamento de organización e funcionamento do centro establecerase o número necesario de votos favorables para a adopción dun acordo, e no poderá ser obxecto deste ningún asunto que non figure na orde do día agás que estean presentes todos os membros e sexa declarada a urxencia do tratamento do asunto. Así mesmo, no citado Regulamento fixarase o procedemento de votación que se realizará na adopción de acordos. 7. De cada sesión levantarase unha acta, que conterá os puntos principais de información e deliberación, os resultados das votacións e os acordos adoptados, de ser o caso. A súa elaboración corresponderalle á persoa que exerza como secretaria ou secretario, que a asinará e custodiará unha vez asinada pola presidencia e aprobada na correspondente sesión. No Regulamento de organización e funcionamento do centro determinarase o modo e soporte que se utilizará para o arquivo das actas. As persoas directamente afectadas polos acordos recollidos na acta poderán solicitar da secretaria ou secretario unha certificación dos realizados na sesión correspondente, motivando o seu interese. 8. A presidencia da xunta educativa, por iniciativa propia ou a instancia motivada doutros membros, poderá convocar determinadas persoas alleas ao órgano para tratar algún punto específico da sesión; esta participación sen dereito a voto na adopción de calquera acordo. 9. Calquera omisión ou dúbida referente ao funcionamento da xunta educativa resolverase mediante a aplicación da normativa legalmente vixente sobre procedemento administrativo. 10. Con carácter xeral, a xunta educativa funcionará en pleno. No Regulamento de organización e funcionamento do centro estableceranse os requisitos para que, de ser o caso, no seo da xunta educativa se poidan crear comisións específicas para abordar asuntos concretos. Os acordos destas comisións deberán ser aprobados pola xunta educativa na correspondente sesión. 11. A asistencia ás reunións da xunta educativa ten carácter obrigatorio para todos os membros que a conforman. 12. O calendario de reunións ordinarias da xunta educativa planificarase con carácter anual e recollerase na Programación Anual de Centro. Sección segunda. O consello de centro Artigo 61. Composición 1. O consello de centro, como estrutura encargada da coordinación xeral do centro e do establecemento das directrices de organización, estará composto, de ser o caso, polos seguintes membros: • Directora ou director. • Psicóloga ou psicólogo. • Traballadora ou traballador social. • Unha ou un representante do persoal educativo por unidade familiar. • Unha ou un representante do persoal de servizos do centro, de ser o caso. • Cando se aborden asuntos referidos ás ou aos menores poderá incorporarse unha ou un representante deste colectivo elixido entre as e os de máis de doce anos. 2. No Regulamento de organización e funcionamento do centro concretaranse os aspectos referidos á participación do persoal de servizos, así como a da representación de menores. Artigo 62. Funcións 1. O consello de centro contará, como mínimo, coas seguintes funcións: • Elaborar o Regulamento de organización e funcionamento do centro ou regulamento de réxime interior, para que sexa aprobado pola dirección xerente/coordinación xeral, sen prexuízo do pronunciamento de órganos xerárquicos superiores. • Deseñar o modelo de proxecto educativo individualizado, podendo utilizar para estes fins o protocolo elaborado pola Consellería competente en materia de menores. • Realizar propostas de actividades para que o persoal educativo poida acadar os obxectivos que se recollen no proxecto educativo individualizado. • Propoñer suxestións relativas a aspectos de carácter disciplinario das e dos menores. • Propoñerlle á dirección xerente as medidas que se estimen oportunas para mellorar o funcionamento do centro. 2. Ademais das mencionadas no punto anterior, no Regulamento de organización e funcionamento do centro poderán establecerse outras funcións inherentes ás características deste órgano. Será requisito imprescindible non exceder o límite das propias competencias e non interferir nas que son propias doutras estruturas organizativas nin entrar en contradición co proxecto socioeducativo institucional ou norma de rango superior. Artigo 63. Réxime de funcionamento 1. O consello de centro reunirase con carácter ordinario tantas veces como se estableza no regulamento de réxime interior de cada centro, previa convocatoria coa correspondente orde do día. En calquera caso, contará con reunións ordinarias preceptivas unha vez por trimestre. A convocatoria de sesións extraordinarias quedará sometida á urxencia dos asuntos que se vaian neste órgano. 2. Para todos os demais aspectos relacionados co réxime de funcionamento serán aplicables, coas modificacións e adaptacións pertinentes, os previstos para a xunta educativa dos centros de acollemento, en tanto que se trata dun órgano colexiado. Sección terceira. O equipo educativo Artigo 64. Composición Como estrutura básica da atención ás persoas menores, o equipo educativo estará conformado polos seguintes membros: • Todos os membros do persoal educativo que traballa directamente coas e cos menores nunha unidade de convivencia. • Con carácter excepcional, a dirección do centro asistirá ás correspondentes reunións, de ser requirida a súa presenza por razóns motivadas de urxencia ou necesidade no tratamento dos asuntos. Neste caso, a dirección exercerá a presidencia do órgano. Artigo 65. Funcións 1. O equipo educativo terá, como mínimo, as seguintes funcións: • Responsabilizarse da coordinación das actividades programadas. • Responsabilizarse do cumprimento dos horarios e normativa existente, en especial a dos regulamentos de organización e funcionamento e proxecto educativo de centro. • Coordinar a verificación, o cumprimento e a avaliación do PEI das persoas acollidas. • Velar polo cumprimento da Programación Anual de Centro e avaliar a súa incidencia na unidade. • Facilitar e informar dos dereitos e deberes das persoas menores acollidas e dos aspectos relativos aos regulamentos de organización e funcionamento que afecten á unidade de convivencia. • Trasladarlle á dirección do centro os informes precisos dentro do seu ámbito de actuación, en especial no referente a datos para a elaboración da Memoria anual de centro. • Avaliar e informar dos resultados do desenvolvemento xeral da permanencia e evolución das persoas menores acollidas. • Realizar suxestións de mellora sobre os servizos da unidade á dirección do centro e á dirección xerente. 2. Ademais das mencionadas no punto anterior, no Regulamento de organización e funcionamento do centro poderán establecerse outras funcións inherentes ás características deste órgano. Será requisito imprescindible non exceder o límite das propias competencias e non interferir nas que son propias doutras estruturas organizativas nin entrar en contradición co proxecto socioeducativo institucional ou norma de rango superior. Artigo 66. Réxime de funcionamento 1. Dos asuntos abordados nas reunións do equipo educativo informarase á dirección do centro, especialmente naqueles casos en que non estea presente nas reunións. 2. O equipo educativo reunirase con carácter ordinario conforme a periodicidade establecida no regulamento de réxime interior de cada centro, sendo preceptivas convocatorias ordinarias unha vez por trimestre. As convocatorias extraordinarias deste órgano estableceranse en función da urxencia e necesidade dos asuntos que se vaian tratar no mesmo. 3. A competencia para a convocatoria de reunións corresponderalle á persoa que desempeñe a función de titora ou titor, sen prexuízo das que poden ser convocadas a instancias da dirección do centro. Cando a convocatoria a realice outra persoa diferente á da dirección do centro esta deberá ser previamente informada dela e recibir, en calquera caso, información sobre os resultados das que se realizasen sen a súa presenza. 4. Para os demais aspectos relacionados co réxime de funcionamento serán aplicables, coas modificacións e adaptacións pertinentes, os previstos para a xunta educativa dos centros de acollemento, en tanto que se trata dun órgano colexiado. Sección cuarta. O equipo técnico Artigo 67. Composición O equipo técnico dos centros de acollemento, como estrutura responsable da coordinación da elaboración dos proxectos educativos individualizados, estará composto, polo menos, polos seguintes membros: • A dirección do centro, sempre que a situación o requira ou a persoa que exerza o cargo o considere necesario. • Psicóloga ou psicólogo. • Traballadora ou traballador social. • Persoa titora da ou do menor. • Persoal médico, de ser necesario. • Calquera membro do persoal educativo que, polas características do caso, se estime conveniente. Artigo 68. Funcións 1. O equipo técnico dos centros de acollemento contará, polo menos, coas seguintes funcións: • Realizar unha análise e seguimento individualizado de cada menor nos ámbitos de:  Situación familiar.  Integración no contexto residencial.  Ámbito educativo-laboral.  Programación de saídas e vacacións.  Propostas de baixas e traslados.  Axudas ás e aos menores en acollida. • Intercambiar e coordinar a información desde diferentes perspectivas. • Realizar propostas de actuación aos órganos superiores que contan coa capacidade de derivar persoas menores á institución. 2. Ademais das mencionadas no punto anterior, no Regulamento de organización e funcionamento do centro poderán establecerse outras funcións inherentes ás características deste órgano, sendo requisito imprescindible non exceder o límite das propias competencias e non interferir nas que son propias doutras estruturas organizativas nin entrar en contradición co proxecto socioeducativo institucional ou norma de rango superior. Artigo 69. Réxime de funcionamento 1. O equipo técnico reunirase, como mínimo, unha vez cada trimestre e, ademais, cando as necesidades das persoas menores en acollemento o demanden. 2. A competencia da convocatoria do equipo técnico recaerá sempre na persoa que exerza a dirección do centro, con independencia de que se requira a súa presenza ou non. Neste último caso trasladaráselle a información e os resultados da reunión celebrada. No caso de non requirirse a asistencia da dirección esta delegará a presidencia noutra persoa do órgano. 3. Para os demais aspectos relacionados co réxime de funcionamento serán aplicables, coas modificacións e adaptacións pertinentes, os previstos para a xunta educativa dos centros de acollemento, en tanto que se trata dun órgano colexiado. Sección quinta. A persoa titora Artigo 70. Características xerais 1. A persoa que exerza a función de titoría de menores en acollemento nunha unidade de convivencia será designada pola dirección do centro entre os membros do equipo educativo. Cada persoa menor debe contar cunha persoa titora de referencia e en cada unidade de convivencia debe aparecer por escrito a relación de persoas titoras, en función do número de menores acollidos. 2. No regulamento de organización e funcionamento estableceranse os criterios que vai utilizar o centro para proceder á designación de persoas titoras, así como para aqueles casos de substitución ou inexistencia accidental, especialmente en casos puntuais de transcendencia organizativa (acollida de menores, reunións en centros de escolarización, etc.). Artigo 71. Actividades fundamentais Entre as actividades que corresponde realizar á persoa titora de menores e con independencia das que lle corresponde como persoal educativo, pódense mencionar as seguintes: • Recibir e acoller ás e aos menores cando se incorporen ao centro. • Proporcionar ás persoas menores sobre as que exerce a función de persoa titora a información pertinente no tocante ás súas funcións. • Informar ás persoas menores sobre os seus dereitos, as súas obrigas, as normas xerais da institución e as particulares do centro e unidade, as normas de convivencia e as consecuencias do seu incumprimento, así como todos aqueles outros aspectos que contribúan a que as persoas menores teñan un coñecemento adecuado sobre a organización e funcionamento do centro. • Coñecer extensamente todos os aspectos que afectan á ou ao menor. • Realizar un seguimento sistemático das actividades cotiás da persoa menor. • Recoller e transcribir todos os datos informativos que se reflicten no PEI, ben a través de observacións, entrevistas, rexistros etc. ou ben por medio das informacións achegadas desde o ámbito familiar, desde os técnicos dos órganos institucionais con capacidade para o ingreso de menores, desde os técnicos da institución ou desde calquera dos membros do equipo educativo, cumprindo, deste xeito, a súa tarefa fundamental de manter contactos con todas as persoas implicadas na vida da ou do menor. • Programar os obxectivos, as actividades, os recursos, a metodoloxía que se vai seguir no proceso de desenvolvemento diario do PEI, así como a avaliación dos resultados. • Redactar informes referidos ás persoas menores sobre as que ostenta o cargo de titora ou titor. • Levar a cabo as accións necesarias para contribuír á mellora do clima de integración das persoas menores na unidade de convivencia, no centro e na institución. • Buscar respostas axeitadas ás necesidades de cada menor. • Solucionar os conflitos que poidan xurdir na unidade de convivencia. • Actuar con coordinación e coherencia en todo o proceso educativo das persoas menores. • Facilitar ás e aos menores información sobre as súas posibilidades e limitacións, asesorándose con outros membros do equipo educativo ou técnico. • Coordinarse co persoal titor dos centros de escolarización, atendendo á mellora do seu proceso educativo en todos os ámbitos. • Proporcionarlle ás familias ou persoas de referencia toda a información que sexa útil e necesaria para coñecer a vida da persoa menor no centro e na institución. Sección sexta. Creación doutros órganos Artigo 72. Requisitos para a creación 1. Os centros de acollemento, en función de necesidades organizativas motivadas e que respondan á procura dunha mellora na xestión, poderán constituír comisións específicas. 2. A finalidade desas comisións será exclusivamente a de abordar aspectos moi concretos de funcionamento e organización dos centros que esixan tratamento por parte dun grupo reducido de membros, así como unha profundidade que non se logre en órganos de composición máis extensa. 3. As comisións que se creen non poderán invadir nin atribuírse competencias que outros órganos estean a desempeñar sen dificultade. 4. Calquera comisión que se constitúa no seo dun órgano poderá estar conformada só por membros do órgano onde se constitúe. No caso de creación de comisións transversais, especificarase o motivo da creación e os órganos ou centros que afectados. 5. A creación dunha comisión esixe a autorización por parte da dirección do centro e dar conta deste extremo á dirección xerente da institución. 6. Con carácter xeral, poderán constituírse comisións de actividades e de convivencia. Calquera outra proposta distinta das anteriores deberá estar suficientemente motivada. Para estes efectos deberá especificarse o número de persoas que a conformarán, o obxecto de constitución, as funcións que vai desempeñar e a duración do seu funcionamento. Artigo 73. Réxime de funcionamento Para todos os aspectos relacionados co réxime de funcionamento das comisións que se creen conforme os requisitos establecidos no artigo precedente serán aplicables, coas modificacións e adaptacións que correspondan, os previstos para a xunta educativa dos centros de acollemento, en tanto que se trata dun órgano colexiado. CAPÍTULO V. PERSOAL NOS CENTROS DE ACOLLEMENTO. FUNCIÓNS Sección primeira. Persoal educativo Artigo 74. Tipoloxía do persoal educativo Na categoría de persoal educativo distínguense, en función das competencias e responsabilidades atribuídas, os seguintes tipos: a) Persoal educador. b) Persoal técnico especialista en educación diúrna. c) Persoal técnico especialista en educación nocturna. Artigo 75. Persoal educador 1. O persoal educador, como profesional da educación con atención directa ás persoas menores, desenvolve o seu traballo no marco da vida cotiá destas co obxectivo de favorecer o seu desenvolvemento integral e facilitarlles unha inserción social activa. 2. As funcións que lle corresponderá realizar ao persoal educador serán aquelas que estableza a entidade titular para estes efectos. Artigo 76. Persoal técnico especialista en educación diúrna 1. O persoal técnico especialista en educación diúrna, profesional da educación con atención directa ás persoas menores, participa e colabora co resto do persoal e desenvolve o seu traballo no marco da vida cotiá daquelas co obxectivo de favorecer o seu desenvolvemento integral e facilitarlles unha inserción social activa. 2. As funcións que lle corresponderá realizar ao persoal técnico especialista en educación diúrna serán aquelas que estableza a entidade titular para estes efectos. Artigo 77. Persoal técnico especialista en educación nocturna 1. O persoal técnico especialista en educación nocturna, profesional da educación, desenvolve o seu traballo en contacto permanente coas e cos menores durante o período nocturno, procurando o desenvolvemento da súa personalidade co obxecto de acadar a súa integración social completa. 2. As funcións que lle corresponderá realizar ao persoal técnico especialista en educación nocturna serán aquelas que estableza a entidade titular para estes efectos. 3. O persoal técnico especialista en educación nocturna forma parte da Xunta educativa do centro. 4. Sen prexuízo da adscrición do persoal técnico especialista en educación nocturna a un centro de acollemento concreto, esta poderá modificarse en función das necesidades organizativas e de normal funcionamento do servizo que xurdan. Sección segunda. Persoal técnico-profesional Artigo 78. Tipoloxía do persoal técnico-profesional Na categoría de persoal técnico-profesional distínguense, en función das competencias e responsabilidades atribuídas, os seguintes tipos: a) Persoal de traballo social. b) Persoal de psicoloxía. Artigo 79. Persoal de traballo social 1. O persoal de traballo social é un profesional que actúa como intermediario ou nexo de unión entre os diferentes axentes que participan indirecta ou directamente no proxecto de integración comunitaria das persoas menores e de conservación dos vínculos familiares, supoñendo un referente respecto das distintas áreas de intervención. 2. As funcións que lle corresponderá realizar ao persoal de traballo social serán aquelas que sexan estableza a entidade titular para estes efectos. 3. O persoal de traballo social estará asignado a un centro, realizando as súas atribucións prioritariamente nese contorno, sen prexuízo de poder actuar tamén a nivel institucional conforme as directrices das estruturas orgánicas da institución en función das necesidades organizativas e de normalidade na prestación do servizo xeral. 4. Xefatura de sección do departamento de traballo social. Ademais das funcións establecidas no punto 2 deste mesmo artigo, a persoa que exerza a xefatura de sección do departamento de traballo social cumprirá as seguintes: a) Representar o departamento cando e nas instancias onde se requira. b) Coordinar o traballo dos diferentes membros compoñentes do departamento de traballo social. c) Homoxeneizar a documentación xeral do departamento de traballo social nos diferentes centros. d) Informar das características do departamento ás persoas que se incorporen por primeira vez ao desempeño de funcións nel. e) Garantir o correcto funcionamento do departamento e establecer os mecanismos de organización necesarios para a súa prestación adecuada e eficaz nos centros e na institución. f) Elevar aos órganos directivos da institución e, de ser o caso, do centro, as propostas do departamento de traballo social para contribuír á mellora deste. Artigo 80. Persoal de psicoloxía 1. O persoal de psicoloxía é un profesional que realiza o seu traballo nun campo de interacción que afecta o centro, a familia e a persoa menor en acollida, e que no ámbito destas últimas se efectúa a través da avaliación, do seguimento durante a permanencia, da intervención en problemas específicos e no apoio técnico ao persoal educativo para contribuír ao mellor desenvolvemento da ou do menor. 2. As funcións que lle corresponderá realizar ao persoal de psicoloxía serán aquelas que estableza a entidade titular para estes efectos. 3. O persoal de psicoloxía estará asignado a un centro, realizando as súas atribucións prioritariamente neste contorno, sen prexuízo de poder actuar tamén a nivel institucional conforme as directrices dos órganos directivos da institución, en función das necesidades organizativas e de normalidade na prestación do servizo xeral. 4. Xefatura de sección da unidade de psicoloxía. Ademais das funcións establecidas no punto 2 deste mesmo artigo, a persoa que exerza a xefatura de sección da unidade de psicoloxía cumprirá as seguintes: a) Representar a unidade de psicoloxía cando e nas instancias onde se requira. b) Coordinar o traballo dos diferentes membros compoñentes da unidade de psicoloxía. c) Homoxeneizar a documentación xeral da unidade de psicoloxía nos diferentes centros. d) Dar coñecemento das características da unidade ás persoas que se incorporen por primeira vez ao desempeño de funcións no mesmo. e) Garantir o correcto funcionamento da unidade de psicoloxía e establecer os mecanismos de organización necesarios para a súa prestación adecuada e eficaz nos centros e na institución. f) Elevar aos órganos directivos da institución e, de ser o caso, do centro as propostas da unidade para contribuír á mellora deste. 5. A unidade de psicoloxía ten a catalogación administrativa de centro sanitario, expedida pola Consellería de Sanidade da Xunta de Galicia co seu correspondente número de rexistro. CAPÍTULO VI. PRINCIPIOS E DEBERES DE ACTUACIÓN Artigo 81. Principios de actuación Ademais do que se reflicte a este respecto no apartado 5.1 ("Funcións xerais da institución como dispositivo de acollemento residencial")do Proxecto socioeducativo institucional, entre os principios de actuación que a institución e os centros de acollemento establecen como garantes da atención ás persoas usuarias figuran os seguintes: • A primacía do interese da ou do menor sobre calquera outro interese. • A promoción, respecto e defensa dos dereitos individuais e colectivos das e dos menores, coas garantías e nas condicións establecidas no ordenamento xurídico e a eliminación dos obstáculos que impidan ou dificulten o seu exercicio. • O fomento da solidariedade e a sensibilidade social ante as dificultades que lle afecten á infancia e á adolescencia nas súas diferentes e variadas manifestacións. • O carácter eminentemente educativo e socializador de todas as medidas e actuacións que se adopten en relación coas e cos menores. • A obxectividade, imparcialidade e seguridade xurídica nas actuacións de atención e protección. • A confidencialidade e reserva en relación con todas as actuacións que se leven a cabo no interese e defensa das e dos menores. • A axilidade na toma de decisións nas actuacións que lles afectan. • A aplicación e asignación racional dos recursos, tanto comunitarios como especializados. • A cooperación, colaboración e coordinación de actuacións con todo tipo de organismos e institucións que interveñan na protección e defensa da infancia e da adolescencia. • A asunción da corresponsabilidade nas obrigas e no exercicio de competencias que o ordenamento xurídico lle atribúe á institución e aos centros de acollemento en materia de infancia e adolescencia. Artigo 82. Deberes de actuación A institución e os seus órganos de participación e coordinación, así como os centros de acollemento, coas súas estruturas organizativas de carácter unipersoal ou colexiadas, e o persoal de ambos terán os seguintes deberes de actuación en relación co servizo de atención e protección de menores: • Coñecemento, difusión e aplicación da normativa vixente en materia de protección e defensa da infancia e da adolescencia. • Aplicación dos acordos adoptados polos órganos internos do centro na atención ás e aos menores ingresados. • Aplicación dos principios de transparencia nos procesos, acordos e actuacións que lle afecten ao funcionamento dos centros en relación coas persoas usuarias. • Coordinación de actuacións dentro de cada centro que estean suxeitas aos principios normativos xerais e de aplicación dos documentos de carácter institucional, co fin de conseguir coherencia nas accións destinadas á atención de menores e doutras persoas usuarias. • Información sobre as características de funcionamento do centro ao persoal de nova incorporación. • Colaboración na responsabilidade de coordinación interadministrativa e cos órganos de supervisión. • Colaboración e coordinación na atención e traslado de información ás familias e menores no momento do ingreso e sempre que se adopten decisións que lles afecten, mantendo e promovendo a frecuencia e intensidade de contactos entre familia e menores, agás cando resulte contraindicado por resolución xudicial ou administrativa. • Responsabilidade na elaboración de documentación das e dos menores en todas as fases (ingreso, permanencia e saída), adaptando a intervención ao momento evolutivo de cada menor. • Responsabilidade na aplicación da normativa de protección de datos das persoas usuarias, observando estritamente o deber de sixilo e confidencialidade esixible no marco dos procedementos, actuacións e sesións de órganos colexiados. • Fomento da participación das persoas usuarias en todo o que lles afecte, coas únicas limitacións que sexan impostas pola normativa ou por decisións de órganos superiores. • Organización do persoal dos centros de maneira que se optimice o traballo dos diferentes profesionais, ao tempo que se garante unha adecuada atención ás e aos menores e ás súas familias, co obxecto de que o reparto e clarificación de funcións, tarefas e responsabilidades e a metodoloxía do traballo en equipo e a coordinación garantan a calidade na prestación do servizo. • Promoción da avaliación interna de cada centro como medida para a detección de disfuncións e realizar unha planificación de mellora, co fin de dispoñer dun modelo organizativo e de xestión claro e explícito que facilite a consecución dos obxectivos do servizo. • Elaboración, execución e avaliación de programas de mellora da calidade do servizo, contando coa participación directa de todo o persoal no seu deseño, execución e avaliación. • Elaborar un procedemento de suxestións e queixas e outro de reclamacións que ofrezan ás persoas menores, ás súas familias e ao persoal a posibilidade de opinar sobre o funcionamento do centro. • Prestación do servizo por persoal que conte coa formación, coñecementos, experiencia e cualidades precisos para desenvolver as funcións encomendadas. • Crear procedementos articulados para a prevención do maltrato institucional, maltrato entre iguais e abuso sexual, co obxecto de que se garanta a ausencia ou unha solución áxil no caso de detectarse algún caso ou situación de risco. CAPÍTULO VII. CANLES DE COORDINACIÓN ENTRE ÓRGANOS Artigo 83. A nivel institucional 1. As canles establecidas para garantir a coordinación entre os diferentes órganos a nivel institucional son: • A dirección xerente, que convocará as reunións necesarias coas correspondentes xefaturas de servizo e cos órganos de participación e coordinación. • As reunións do Consello Socioeducativo Institucional, no exercicio das súas competencias. • As reunións do Consello Coordinador de Centros de Acollemento, no exercicio das súas competencias. 2. Ademais dos órganos anteriores, utilizaranse como medios de coordinación e garantía informativa todos os mecanismos dispoñibles de comunicación interna, especialmente o correo electrónico. Artigo 84. A nivel de centros 1. As canles establecidas para garantir a coordinación entre os diferentes órganos, a nivel de centros, son: • A dirección do centro, no ámbito das súas funcións, responsabilidades e competencias. • As reunións dos diferentes órganos internos no exercicio das súas competencias: xunta educativa, consello de centro, equipo técnico, equipo educativo, persoa titora, comisións constituídas para o tratamento de aspectos concretos, etc. 2. A composición, competencias e funcionamento dos órganos de goberno e coordinación de cada centro, ademais do que se reflicta, de ser o caso, no proxecto socioeducativo institucional e neste regulamento de organización e funcionamento institucional, quedarán explicitadas nos respectivos regulamentos de réxime interior. CAPÍTULO VIII. CRITERIOS DE TRANSPARENCIA E RIGOR Sección primeira. Principios xerais da institución Artigo 85. Principio de legalidade 1. A institución e todos os seus órganos actuarán en todo momento, nos seus distintos ámbitos de responsabilidade, con suxeición á lei e ao Dereito, e aplicarán as normas e procedementos establecidos na normativa. 2. En particular, velarase para que os actos administrativos que poidan afectar dereitos e intereses lexítimos das e dos cidadáns estean baseados na lei e non sexan contrarios ao ordenamento xurídico. Artigo 86. Principio de imparcialidade A institución e todos os seus órganos actuarán de maneira imparcial, xusta e razoable en toda a súa actividade. Artigo 87. Principio de seguridade xurídica Toda actividade da institución e dos seus órganos tenderá a facilitar o exercicio dos dereitos das e dos cidadáns, no marco das disposicións legais e normativas vixentes. Artigo 88. Principio de sixilo e confidencialidade A institución e todos os seus órganos e membros integrantes manterán o deber de sixilo e de confidencialidade de todos os datos de tipo persoal aos que poidan ter acceso en cumprimento das súas atribucións e funcións. Artigo 89. Principio de conduta ética Todas as persoas que presten servizo na institución respectarán o ordenamento xurídico vixente e a súa actuación perseguirá a satisfacción dos intereses xerais das e dos cidadáns e usuarios e fundamentarase na obxectividade, imparcialidade e interese común á marxe de calquera factor que exprese posicións persoais, familiares, corporativos, clientelares ou calquera outro que colisione con este principio. Sección segunda. Adopción de decisións nos órganos e na atención realizada na institución e nos centros Artigo 90. Procedemento de convocatoria e rexistro de reunións 1. Todos os órganos formalmente constituídos a nivel institucional e de centros, así como as comisións que se creen ou, de ser o caso, se constitúan no seu seo para o desenvolvemento das atribucións que teñan conferidas, deberán ser convocados pola persoa que actúe como presidente, mediante comunicación expresa con indicación de, como mínimo, os seguintes puntos: data, lugar, hora e orde do día. 2. De cada reunión formalmente convocada deberá quedar constancia expresa mediante a elaboración dunha acta onde, como mínimo, se recollerán os membros asistentes, os puntos de deliberación e os acordos acadados. Esta acta deberá ser aprobada na sesión correspondente, arquivada segundo o procedemento que se determine e publicitarse suficientemente para que sexa a canle de información para os membros do órgano ou para calquera requirimento. 3. Os membros dos órganos de participación e coordinación teñen o dereito de acceso ás actas e aos documentos necesarios para calquera deliberación. A presidencia do órgano subministrará os medios físicos e informáticos necesarios para o exercicio do mencionado dereito. 4. O rigor e transparencia dos acordos e decisións adoptados nos órganos fundamentaranse no respecto pola normativa vixente e polos principios establecidos nos documentos internos de organización e funcionamento cos que a institución e os centros se dotaron. 5. Para calquera outra cuestión relacionada co procedemento de convocatoria e rexistro, así como para a constitución dos órganos, remitirase ao que se recolla nas disposicións normativas vixentes, especialmente na Lei 40/2015, de réxime xurídico do sector público, e na normativa que a desenvolva. Artigo 91. Admisión de menores procedentes de Deputación 1. No proceso de admisión de menores procedentes da Deputación as actuacións do órgano con atribucións na mesma atenderá aos seguintes principios: • Suxeición á normativa existente. • Valoración obxectiva e documentada. • Publicación da proposta de admisión e das datas de solicitude de revisión ou reclamación. • Sixilo e confidencialidade respecto dos datos persoais aos que se ten acceso. 2. Para os efectos de transparencia e información ás e aos posibles usuarios o proceso de admisión de menores procedentes da Deputación virá precedido da publicación das actuacións e do calendario do órgano responsable destas, sen prexuízo do reflectido na normativa das bases de admisión publicada para estes efectos. 3. Para garantir o exercicio dos dereitos dos solicitantes de praza, ademais da información emitida sobre o procedemento de solicitude, darase información e proporcionarase, de ser o caso, a axuda necesaria sobre o modo de actuar do solicitante en caso de non conformidade e reclamación. 4. Dos resultados das reunións convocadas para os efectos de admisión á que se refire este artigo quedará constancia na acta correspondente, para os requirimentos que se produzan. Artigo 92. Procedemento de xestión do sistema de queixas, suxestións e reclamacións 1. A nivel institucional contarase cunha caixa de suxestións e queixas (dotada dos correspondentes impresos) co fin de que as persoas usuarias e o persoal poidan exercer o seu dereito de presentación e formulación de melloras, así como cun procedemento de xestión destas. Do mesmo xeito, en caso de que unha persoa exprese o seu desexo de formular unha reclamación, poderá efectuala polos medios previstos pola entidade para estes efectos. 2. A nivel de centros de acollemento, en cada un existirá unha caixa de suxestións e queixas e un libro de reclamacións a disposición das persoas usuarias do servizo. Cada centro deberá determinar e informar do lugar onde se recollen os impresos de suxestións e queixas. 3. A existencia da caixa de suxestións e queixas, así como do libro de reclamacións, deberá ser convenientemente informada e divulgada mediante a rotulación conveniente e aviso visible. En calquera caso, esta información deberá proporcionárselle ás persoas usuarias no momento do ingreso ou nas convocatorias que se realicen para a acollida. 4. A institución elaborará un procedemento de xestión de queixas e suxestións, así como de reclamacións, que se aplicará nos centros de acollemento con carácter preceptivo e como garantía dos dereitos dos usuarios. Eses procedementos serán dados a coñecer a todo o persoal do centro e deberán figurar como anexos nos respectivos regulamentos de réxime interior, sen prexuízo das esixencias que con respecto a estes se deriven a nivel institucional. Artigo 93. Información ás persoas usuarias dos servizos dos centros de acollemento 1. Os centros de acollemento establecerán un procedemento de traslado de información ás persoas usuarias sobre as características deste, as súas normas de organización e funcionamento, os dereitos e deberes das persoas usuarias, os servizos que prestan, os horarios, os calendarios de visitas, as persoas titoras de cada menor e calquera outro aspecto que se considere relevante. Esta información poderá ser complementada cunha visita polas instalacións. 2. A información ás e aos menores ingresados proporcionarase no momento do ingreso. A información ás familias ou responsables legais proporcionarase na xornada de acollida ou, de ser o caso, a través de medios formalizados coa garantía de recepción por parte dos interesados. 3. Para estes efectos, os centros elaborarán un modelo de información que recolla todos os apartados necesarios e relevantes no tocante ao funcionamento e aos dereitos e obrigas das persoas usuarias, sen prexuízo de contar cun programa de acollida no que se reflictan todos os aspectos relacionados co ingreso de menores, entre eles os formulados no punto primeiro deste artigo. 4. No Regulamento de réxime interior de cada centro deberán establecerse as condicións e características da información que se proporcionará ás persoas usuarias. Artigo 94. Publicidade e divulgación de documentos orgánicos e protocolos 1. Co fin de garantir a o coñecemento de documentos orgánicos e protocolos, a nivel institucional, estableceranse mecanismos de publicidade e divulgación co obxecto de que todo o persoal e as persoas usuarias poida ter acceso a eles polo procedemento que se estableza. Para estes efectos, utilizaranse todas as canles de comunicación que resulten máis eficaces e inmediatas e indicarase o modo de acceso e consulta. 2. A nivel de centros, informarase ao persoal e persoas usuarias de todos aqueles documentos orgánicos e protocolos que afecten ao desenvolvemento das súas funcións e sexan garantía dos seus dereitos. Para estes efectos indicarase o modo de acceso e consulta, e determinarase o procedemento que se utilizará para a publicidade e divulgación da súa existencia. Artigo 95. Procedemento de aplicación de medidas correctoras 1. Cando, como consecuencia de incumprimentos das normas de convivencia do centro, se produza a aplicación de medidas correctivas ás persoas menores, estas deberán ser previamente informadas da falta cometida, das posibles medidas aplicables e do seu dereito a dar explicacións e formular alegacións. 2. As medidas correctivas que se apliquen deberán ter carácter educativo e recuperador, ser proporcionais á gravidade da conduta e atender á idade e ás circunstancias persoais, familiares e sociais da persoa menor. 3. Cando do incumprimento de normas de convivencia se derive a imposición de medidas correctoras informarase delas aos órganos correspondentes e aos responsables legais da persoa menor. 4. No procedemento para a aplicación de medidas correctivas garantirase o dereito de protección de datos da persoa afectada e, de ser o caso, dos seus responsables legais. 5. A imposición de medidas correctivas garantirá os dereitos fundamentais da persoa menor e non poderá implicar, directa ou indirectamente: a) Castigos corporais. b) Privación de alimentación, descanso ou outras necesidades básicas. c) Privación do dereito de visita dos familiares. d) Privación do dereito de comunicarse co equipo técnico da ou do menor, avogado ou avogada, xuíz ou xuíza e persoal de inspección de servizos sociais. e) Intervención das comunicacións orais ou escritas. f) Privación do dereito á educación obrigatoria. g) Privación do dereito á asistencia sanitaria. h) Atentado contra a dignidade da ou do menor. i) Illamento (diferenciándose de illamento como medida puntual de contención e da medida de separación do grupo). j) As saídas ao domicilio familiar (aínda que poden ser moduladas mediante acordos coa familia e coa comunicación ao ETM). Artigo 96. Avaliación institucional e de centros e servizos 1. Cando se realice un proceso de avaliación institucional ou a nivel de centros e servizos específicos, garantirase o coñecemento da posta en marcha deste por parte de todo o persoal afectado. 2. Na avaliación de documentos técnicos de carácter institucional ou de centros participarán os órganos internos correspondentes, sen prexuízo de que, a nivel individual, se poidan achegar e incorporar propostas. 3. No proceso avaliador facilitarase a participación das persoas usuarias, segundo os casos e posibilidades de exercela. 4. Os datos e a información que, de ser o caso, deriven da avaliación institucional ou de centros e outros servizos comunicaráselle a todas as persoas implicadas, co obxecto de garantir o coñecemento dos resultados por parte de todos, e trasladaráselles aos órganos superiores da entidade con responsabilidade directa na institución. 5. Nos demais aspectos referidos ao proceso avaliador, atenderase ao que para estes efectos se establece no proxecto socioeducativo institucional. TÍTULO III. A ACCIÓN SOCIOEDUCATIVA CAPÍTULO I. NA INSTITUCIÓN Sección primeira. Principios Artigo 97. Acción socioeducativa institucional Dentro do contexto de recurso de protección, enténdese por acción socioeducativa a nivel institucional o conxunto de actuacións deseñadas e executadas que teñen como principal obxectivo regulamentar, planificar e avaliar a prestación de servizos ás persoas usuarias, entendendo por tales as e os menores en acollemento e as súas familias ou responsables legais. Artigo 98. Principios básicos da acción socioeducativa institucional As tarefas socioeducativas da institución dirixiranse a lograr a formación integral das e dos menores en acollemento, apoiándose nos seguintes principios: 1. O respecto polos dereitos xerais das e dos menores, así como polos dereitos inherentes ás circunstancias de persoas suxeitas a medidas de protección e en condicións de acollemento. 2. A normalización e integración das e dos menores, cubrindo as súas necesidades (educativas, sanitarias, de lecer...) non só desde o ámbito propio da institución senón tamén desde ámbitos externos, co obxecto de que as condicións en que transcorre a súa vida non difira da de calquera menor da súa idade. 3. A prestación dunha atención adaptada ás características individuais e necesidades de cada menor. 4. A coordinación de actuacións, esforzos e recursos co fin de evitar inconexións, duplicidades e incoherencias que debiliten a planificación e organización da intervención. 5. A aplicación da normativa que rexe en materia de protección de menores. 6. A creación de todos os instrumentos necesarios para acadar os obxectivos básicos da atención a menores, en especial daqueles instrumentos que tendan á mellora da planificación, xestión e rendición de contas. Sección segunda. Instrumentos de planificación, xestión e rendición de contas Artigo 99. Proxecto socioeducativo institucional 1. O Proxecto socioeducativo institucional é un documento estratéxico de carácter global onde se describen as liñas básicas de actuación que, a nivel de institución, están destinadas á mellora da prestación de servizos relacionados coa atención a menores. Ao mesmo tempo, actuará como elemento vinculante das diferentes actuacións e como referente de calquera iniciativa ou plan organizativo, metodolóxico ou formativo. 2. A súa función primordial consiste en dotar a institución da identidade e unidade de acción necesarias, ademais d servir de marco de referencia no que deberán encadrarse os documentos e plans dos diferentes centros de acollemento e as respostas ás necesidades que se formulen desde os distintos servizos. 3. Entre os elementos prescriptivos que conformarán o Proxecto socioeducativo institucional figurarán, como mínimo, os seguintes: a) Marco legal no que se sustenta. b) Características contextuais. Sinais de identidade. c) Perfil da poboación atendida. d) Acción social e educativa. e) Obxectivos xerais e específicos da acción socioeducativa. f) Estrutura organizativa. Recursos materiais e humanos. g) Instrumentos de planificación e xestión. h) Procedementos de difusión, avaliación e modificación. 4. Ademais dos elementos prescriptivos mínimos que responden á lexislación autonómica, a Deputación poderá incluír aqueloutros que, sen entrar en conflito cos anteriores, identifiquen o seu modo de responder ás situacións que se presenten na institución, así como a organización e as estratexias ou instrumentos que se utilizarán para garantir que se aborde a mellora da calidade na prestación de servizos e as canles de participación e coordinación para a mellora do funcionamento. 5. A elaboración do proxecto socioeducativo institucional correspóndelle á persoa que desempeñe o cargo de directora ou director xerente, ademais da responsabilidade de propoñer e levar a cabo a súa modificación. Artigo 100. Memoria anual institucional 1. A Memoria anual institucional é un documento que abrangue o ciclo de planificación dun curso ou ano natural e posibilita coas súas conclusións iniciar o ciclo de planificación do curso ou ano seguinte. 2. Fronte á Programación anual institucional, de carácter eminentemente planificador e descritivo, a Memoria anual institucional ten un propósito de avaliación e valoración do planificado, polo que este documento representa un verdadeiro soporte da avaliación do Proxecto socioeducativo, da Programación anual institucional, dos diferentes plans anuais dos centros de acollemento e, de ser o caso, dos servizos existentes na institución. 3. A Memoria anual institucional abrangue unha perspectiva global e incluirá, por un lado, o enfoque da coordinación xeral/dirección xerente e, por outro, unha valoración a partir dos datos proporcionados a través dos instrumentos pertinentes, polos centros, órganos de coordinación e participación, procedementos de queixas e suxestións, enquisas que se realizasen e calquera outro que se estime oportuno. 4. A Memoria anual institucional será elaborada pola coordinación xeral/dirección xerente, que promoverá a participación nela dos membros dos diferentes sectores. Nun prazo non superior a un mes despois de rematado o período de análise (anual ou curso escolar) será dada a coñecer aos diferentes servizos. Un exemplar será enviado aos servizos que manifesten o seu desexo de contar con el, e articularase, por parte da coordinación xeral, o procedemento máis adecuado para darlle publicidade e facilitar o acceso a ela para a súa consulta, se así fose requirido polo usuariado. Un exemplar enviarase á Deputación. Ademais, como documento de carácter institucional, un exemplar será arquivado na institución para a súa conservación durante o período que se estableza no Regulamento de organización e funcionamento institucional ou Regulamento de réxime interior institucional. 5. No Regulamento de organización e funcionamento institucional estipularase a configuración deste documento, a metodoloxía para a súa realización e os diferentes apartados dos que debe constar. Ademais, con carácter xeral, deberá explicitar, como mínimo, as seguintes funcións ou apartados básicos: a) Recoller a avaliación interna nun documento institucional render contas ante o persoal e o usuariado, así como ante as persoas responsables da Administración de como se investiron e xestionaron os recursos e cales foron os resultados desa xestión. b) Valorar as actuacións realizadas, comparándoas cos obxectivos previstos, facendo explícitas as disfuncións ou desviacións e os logros máis significativos, establecendo o diagnóstico situacional da institución nese momento, do que poden derivarse ou non cambios para un futuro próximo. c) Realizar propostas de mellora referidas ás principais conclusións expresadas nos distintos informes ou plans de actuación das estruturas organizativas, presentando e dando a coñecer ante a comunidade de traballadores e usuarios a contribución da institución ao benestar social e educativo que ten encomendado. 6. A elaboración da memoria anual institucional correspóndelle á persoa que exerza o cargo de directora ou director xerente, coas achegas para estes efectos dos centros de acollemento e dos restantes servizos. Artigo 101. Regulamento de organización e funcionamento institucional. 1. Tamén coñecido como Regulamento de réxime interior institucional, é un documento que recolle o conxunto de normas que regulan a convivencia e establece a estrutura organizativa da institución dentro do marco xurídico vixente, fixando os principios xerais de funcionamento dos diferentes órganos, centros de acollemento ou servizos existentes nela, así como os recursos humanos, materiais e económicos postos en acción para a consecución dos obxectivos formulados. Este documento recollerá, pois, as normas que rexen a vida da institución e facilitan o clima organizativo e funcional que se precisa para acadar as finalidades xerais e as particulares dos diferentes ámbitos de actuación. 2. O Regulamento de organización e funcionamento institucional estará dirixido á totalidade de usuarios e traballadores e ofrecerá respostas ás necesidades comúns e diversas de todas as persoas ás que afecta o seu ámbito de aplicación. 3. Mediante este instrumento, que servirá de marco de referencia para os respectivos ROF dos centros de acollemento, así como para a elaboración doutros documentos oficiais, quedará establecido quen e como elaborar e modificar os instrumentos de planificación e de execución, e facer o seguimento e avaliación da súa posta en práctica. Todo isto sen prexuízo de que en cada centro se determinen aqueloutros instrumentos que se considere útiles para contribuír a realizar unha actividade máis ordenada e de fácil execución. 4. As metas que persegue o Regulamento de organización e funcionamento, a nivel institucional, son fundamentalmente: a) Establecer medidas que fomenten e permitan as capacidades de relación óptimas dentro da institución. b) Propiciar fórmulas organizativas adecuadas para o desenvolvemento do Proxecto Socioeducativo e da Programación Anual Institucional e favorecer a transparencia da xestión nos diferentes sectores. c) Activar os mecanismos necesarios para responder ás esixencias de funcionamento institucional, a nivel xeral, e dos diferentes servizos, en particular. 5. O Regulamento de organización e funcionamento institucional contemplará aspectos básicos da vida da institución, entre outros os seguintes: a) O uso das instalacións. b) A participación do persoal e das persoas usuarias. c) A transparencia na xestión e a rendición de contas. d) A convivencia. e) As canles de información e comunicación. f) Os recursos humanos, económicos e materiais. g) As relacións externas. 6. Para a súa elaboración deberanse ter en conta os seguintes principios: a) A participación e coñecemento de todos os sectores. b) A promoción da cooperación entre os distintos servizos. c) O máximo respecto pola personalidade e dereitos da ou do menor. d) O espírito de convivencia e respecto entre os membros da institución, tanto persoal como usuarias e usuarios. e) A asunción e recollida de aspectos non explicitados na lexislación vixente pero de transcendencia para o bo funcionamento e mellora da calidade na prestación de servizos. 7. Co fin de cumprir os principios establecidos no punto anterior, no Regulamento de organización e funcionamento institucional estableceranse e concretaranse as seguintes fases: a) Fase de presentación e información. b) Fase de elaboración. c) Fase de supervisión. 8. A elaboración do Regulamento de organización e funcionamento institucional correspóndelle á persoa que exerza o cargo de directora ou director xerente, coas achegas dos centros de acollemento e dos demais servizos. Artigo 102 Programación Anual Institucional 1. A Programación Anual Institucional é un documento estratéxico onde se concretan os obxectivos e principios xerais da institución e dos seus instrumentos a medio e longo prazo, para lograr unha maior operatividade ao longo dun período de tempo limitado (un ano ou curso escolar). 2. A súa función é garantir a actuación coordinada das estruturas organizativas, propiciar a participación e colaboración de todos os sectores e definir as tarefas e actividades para conseguir os obxectivos establecidos. 3. A estrutura que, como mínimo, deberá contemplar a Programación anual institucional incluirá os seguintes apartados: a) Modificacións, de ser o caso, do Proxecto socioeducativo institucional. b) Modificacións, de ser o caso, de documentos de ámbito institucional ou referidos aos centros de acollemento. c) Plans de traballo dos órganos de coordinación e participación. d) Plans de actuación dos diferentes servizos e dos centros de acollemento, de ser o caso. e) Plans de traballo da Coordinación xeral (concrecións do proxecto de dirección): obxectivos xerais e específicos. f) Plan xeral de actividades extraescolares. g) Temporalización e instrumentos para o seguimento e avaliación. 4. A súa conformación basearase nos seguintes elementos: I. Propostas de mellora recollidas na memoria do ano anterior. II. Propostas de mellora xurdidas desde os distintos servizos, centros de acollemento e órganos de coordinación e participación. III. Plan de actuacións previsto para o desenvolvemento do proxecto de dirección. 5. A coordinación xeral/dirección xerente establecerá un calendario de actuacións para a elaboración da Programación Anual Institucional, co fin de que todos os sectores e órganos poidan elaborar as súas propostas. A Programación Anual Institucional será elaborada pola coordinación xeral e será dada a coñecer nos órganos de participación e representación. 6. O prazo para a súa presentación será un mes, contado a partir do momento en que se inicien as actividades (poderá ser por ano natural ou por curso escolar, en función do que resulte máis pertinente e homoxéneo). Unha copia da PAI enviaráselle á Deputación. Cada servizo, se así o require, contará cunha copia desta, e darase a coñecer o mecanismo para que os usuarios e o persoal poidan acceder ao contido do documento nas propias instalacións da institución. Como documento institucional arquivarase un exemplar na propia institución para a súa conservación durante o período que se estableza no Regulamento de organización e funcionamento institucional ou Regulamento de réxime interior institucional. 7. De considerarse necesario, a elaboración e conformación deste documento será susceptible de experimentar modificacións, sen prexuízo de preservar a finalidade para a que foi concibido. Artigo 103. Memoria anual de actividades (para enviar ao RUEPSS) 1. A memoria anual é un documento que ten por obxecto a revisión e avaliación da programación anual elaborada polos centros e daquelas actuacións e incidencias non incluídas nesta. Facilitará a retroalimentación cos documentos técnicos do centro (Proxecto educativo, Regulamento de réxime interior etc.), co obxecto de que estes se vaian adaptando progresivamente ás necesidades da poboación atendida. Así mesmo, será a base para a elaboración da programación do ano seguinte. 2. A conformación estrutural da memoria anual de actividades, que será o documento que se envíe ao Rexistro único de entidades prestadoras de servizos sociais (RUEPSS), atenderá aos contidos mínimos que se establecen no protocolo correspondente da Consellería competente en materia de menores, sen prexuízo dos outros elementos que a entidade titular considere imprescindibles para realizar unha avaliación completa das actividades realizadas ao longo do período. A súa estrutura, con carácter xeral, incluirá os seguintes elementos: 1. DATOS IDENTIFICATIVOS DA ENTIDADE • Nome da entidade. • Titular da entidade. • Razón social. • Domicilio social. • Teléfono/fax/correo-e. • Data de autorización de inicio de actividades. • Núm. de rexistro de entidade prestadora de servizos sociais. • Códigos dos diferentes centros. 2. OBXECTIVOS E PRINCIPIOS XERAIS DE ACTUACIÓN DA ENTIDADE 2.1 Metodoloxía. 2.2 Obxectivos. 2.3 Misión da entidade. 2.4 Valores que transmite. 3. ORGANIGRAMA DE CONFORMACIÓN DA ENTIDADE 3.1 Organigrama estrutural. 3.2 Entidade prestadora de servizos sociais. 4. POBOACIÓN ATENDIDA NA ENTIDADE 4.1 Núm. total de poboación atendida ao longo do exercicio. 4.2 Núm. de poboación atendida por centro. 4.3 Mínimos e máximos de ocupación por centro. 4.4 Perfil e características da poboación atendida. 4.5 Procedencia territorial da poboación atendida. 4.6 Idades da poboación atendida. Idade media da poboación afectada. 4.7 Vías de ingreso. Motivos do ingreso. 4.8 Incidencias e fugas producidas. 4.9 Altas e baixas durante o exercicio. 4.10 Duración media das e dos menores no recurso. 4.11 Convivencia nos centros de escolarización. 4.12 Aproveitamento escolar por idades. 4.13 Aproveitamento escolar por sexo. 4.14 Tipoloxía das familias atendidas. 4.15 Problemática familiar. 4.16 Nivel socioeconómico. 4.17 Entrevistas do equipo educativo coas familias. 4.18 Saídas ao domicilio familiar. Visitas ao centro/no centro. Contactos telefónicos. 5. ORGANIZACIÓN INSTITUCIONAL: 5.1 Área de persoal. 5.1.1 Cadro de persoal por centro. Adscrición. 5.1.2 Perfil e características do persoal por centro. 5.1.3 Altas e baixas de persoal por centro durante o exercicio. 5.1.4 Núm. de accións formativas realizadas durante o exercicio. 5.1.5 Valoración da formación. 5.1.6 Propostas de mellora para o próximo ano nesta área. 5.2 Área de coordinación entre profesionais (por centro): órganos existentes. 5.2.1 Órganos de coordinación existentes e funcións. 5.2.2 Coordinación na entidade. 5.2.3 Propostas de mellora para o próximo ano nesta área. 5.3 Área de coordinación externa: profesionais, administracións etc. 5.3.1 Relacións institucionais. a) Reunións realizadas e motivos. b) Inspeccións realizadas. Resumo dos informes elaborados. 5.3.2 Implantación de sistemas de calidade. Auditorías externas. 5.3.3 Propostas de mellora para o próximo ano nesta área. 5.4 Área de recursos e estrutura organizativa (unidades de convivencia, aulas, etc.). 5.4.1 Recursos internos que ofrece a entidade: médico-enfermería, psicólogos, traballadores sociais, comedor, cociña, transporte, etc. 5.4.2 Recursos externos utilizados por centro: escolarización, especialistas, consultas médicas… 5.4.2.1 Recursos externos Centro Infantil. 5.4.2.2 Recursos externos Centro Agarimo. 5.4.2.3 Recursos externos Centro Escola Fogar. 5.4.2.4 Recursos externos UPA. 5.4.2.5 Recursos externos Escola Infantil 0-3. 5.4.3 Estrutura organizativa de cada centro e equipamento e espazos en cada dependencia 5.4.3.1 Estrutura e equipamento Centro Infantil. 5.4.3.2 Estrutura e equipamento Centro Agarimo. 5.4.3.3 Estrutura e equipamento Centro Escola Fogar. 5.4.3.4 Estrutura e equipamento UPA. 5.4.3.5 Estrutura e equipamento Escola Infantil 0 – 3. 5.4.4 Propostas de mellora para o ano próximo nesta área. 5.5 Área de recursos técnicos: Documentos de organización e funcionamento. 5.5.1 Recursos técnicos Centro Infantil. 5.5.2 Recursos técnicos Centro Agarimo. 5.5.3 Recursos técnicos Centro Escola Fogar. 5.5.4 Recursos técnicos UPA. 5.5.5 Recursos técnicos Escola Infantil 0 – 3. 5.5.6 Propostas de mellora para o próximo ano nesta área. 6. RESUMO-BALANCE DA MEMORIA ECONÓMICA: 6.1 Relación de ingresos e gastos. 6.2 Fontes de procedencia dos ingresos (convenios/contratos, cotas de socios, asignacións...). 6.3 Subvencións e donativos (contía, orixe e destino), de ser o caso. 6.4 Avaliación dos gastos realizados. Viabilidade dos proxectos emprendidos 7. ACTIVIDADES REALIZADAS POR CENTRO 7.1 Actividades realizadas a nivel educativo. 7.2 Actividades de xestión. 7.3 Actividades realizadas con profesionais externos doutros ámbitos (educativos, sanitarios, xudiciais...). 7.4 Novas actividades e técnicas de intervención introducidas, de ser o caso. 8. AVALIACIÓN DAS ACTIVIDADES REALIZADAS 8.1 Programa de atención residencial. 8.1.1 No tocante ao ámbito educativo. • Avaliación do deseño de actividades. a) Valoración e listaxe xeral das actividades por áreas. b) Avaliación dos resultados académicos/formativos. 8.1.2 No referente a organización e funcionamento (desempeño ou implementación). • Núm. de asistentes. • Valoración. 8.2 Programa de atención de día. 8.2.1 No tocante ao ámbito educativo. • Avaliación do deseño de actividades. a) Valoración e listaxe xeral das actividades por áreas. b) Avaliación dos resultados académicos/formativos. 8.2.2 No referente a organización e funcionamento (desempeño ou implementación). • Núm. de asistentes. • Valoración. 8.3 Outros programas (tipo e centro onde se realiza). 8.3.1 No tocante ao ámbito educativo. • Avaliación do deseño de actividades. a) Valoración e listaxe xeral das actividades por áreas. b) Avaliación dos resultados académicos/formativos. 8.3.2 No referente a organización e funcionamento (desempeño ou implementación). • Núm. de asistentes. • Valoración. 9. VALORACIÓN XERAL 9.1 Dos distintos programas, servizos, prestacións, actuacións, etc. 9.2 No referente a resultados obtidos respecto dos previstos inicialmente. 9.3 No tocante á satisfacción de usuarios: queixas/suxestións e reclamacións recibidas. 10. PROPOSTAS DE MELLORA PARA O EXERCICIO SEGUINTE 10.1 A nivel de centro. 10.1.1 Perspectivas de futuro e liñas de actuación para o ano seguinte. 10.1.2 Propostas de mellora. 10.2 A nivel de entidade. 10.2.1 Perspectivas de futuro e liñas de actuación para o ano seguinte. 10.2.2 Propostas de mellora. CAPÍTULO II. NOS CENTROS DE ACOLLEMENTO Sección primeira. Principios Artigo 104. A acción socioeducativa nos centros de acollemento Os centros de acollemento, como dispositivos de protección de menores, aplicarán como marca identificadora da súa acción socioeducativa as prácticas establecidas a nivel institucional, afondando no deseño e execución de medidas que teñan como obxectivo unha prestación de servizos planificada, regulamentada e sometida a criterios de avaliación en beneficio das persoas usuarias, entendendo por tales as e os menores en acollemento e as súas familias ou responsables legais. Artigo 105. Principios básicos da acción socioeducativa dos centros de acollemento Ademais de cumprir con todos aqueles que se contemplan a nivel institucional, os centros basearán a súa actuación nos seguintes principios: a) Garantir que se cubran as necesidades de cada menor, dando unha resposta educativa adecuada á identidade e características particulares. b) Promover o desenvolvemento integral de cada unha das áreas da súa personalidade, adoptando os mecanismos, instrumentos e estratexias que posibiliten a súa participación individual e colectiva e fomenten a responsabilidade respecto a si mesmos. c) Prever e corrixir os desaxustes que se poidan producir durante a súa permanencia, planificando e coordinando as actuacións necesarias sen deixar lugar á improvisación, e utilizando aqueles instrumentos educativos que mellor permitan o seu seguimento e avaliación continuada. d) Integrar a cada menor no marco máis amplo da sociedade, partindo do contorno territorial máis próximo, facilitando as pautas sociais necesarias que lle sirvan para a súa adecuación como membro activo. e) Potenciar e fomentar a intervención das familias ou responsables legais na consecución dos obxectivos de desenvolvemento integral. Sección segunda. Instrumentos xerais de planificación, xestión e rendición de contas. Artigo 106. Proxecto educativo de centro 1. O Proxecto educativo de centro (PEC) é o documento básico no que se reflicte a súa identidade, que define o seu ideario, finalidade, obxectivos xerais e estrutura organizativa, e desde o que se orientan as directrices e criterios fundamentais da acción socioeducativa con cada menor. 2. O proxecto educativo de centro, que ten como marco referencial o proxecto socioeducativo institucional, é un documento de uso sistemático para o persoal do centro, a partir do que se vai estruturar a súa vida cotiá, e que actuará como fonte global das formulacións educativas que definen e distinguen ao centro. 3. O proxecto educativo de centro debe ser elaborado coa participación, nos seus distintos niveis, de todos os membros do equipo de profesionais do centro. A súa elaboración correspóndelle á persoa que desempeñe o cargo de directora ou director do centro. 4. Co fin de garantir unha confección formal homoxénea, a dirección xerente da institución realizará unha proposta xenérica para que desde cada centro se proceda á súa elaboración, sen prexuízo das características particulares de cada centro. 5. Para a elaboración do proxecto educativo de centro, atenderase ao establecido na normativa vixente para os efectos, sen prexuízo das condicións que a entidade considere necesario incluír nel para o desenvolvemento das accións educativas. Como mínimo, en cada proxecto educativo de centro deberán aparecer os seguintes apartados: 1. Descrición do centro. 1.1 Datos identificativos. 1.2 Situación xeográfica. 1.3 Tipoloxía do centro. 1.4 Recursos do centro: infraestruturais, Humanos, materiais, financeiros. 1.5 Recursos do contorno. 2. Características da poboación atendida. 2.1 Características xerais. 2.2 Características específicas (problemáticas que atende). 2.3 Idades e sexos de atención e admisión. 3. Organización educativa. 3.1 Estrutura organizativa: Figuras profesionais e equipos de traballo, e función que desempeñan. 3.2 Relacións educativas con: Familia, outras institucións, outros profesionais. 4. Obxectivos da acción educativa. 4.1 Obxectivos xerais: Liñas de actuación educativa . 4.2 Obxectivos específicos: Referidos a cada unha das áreas de intervención educativa. 5. Áreas de desenvolvemento da acción educativa: actividades que se van desenvolver para a consecución dos obxectivos. 5.1 Área hixiénico-sanitaria. 5.2 Área de personalidade e actitudes. 5.3 Área escolar/laboral. 5.4 Área social e de convivencia. 5.5 Área familiar. 5.6 Área de lecer e tempo libre. 6. Metodoloxía da intervención educativa. 6.1 Recursos técnicos dispoñibles (que permitan o seguimento e avaliación da intervención). 6.2 Fases de intervención: 6.2.1 Recepción. 6.2.2 Intervención socioeducativa. 6.2.3 Inserción sociolaboral. 6.2.4 Reinserción e seguimento postinstitucional. 6.3 Sistema de seguimento e avaliación da intervención educativa nas distintas fases de intervención: inicio, proceso e resultados. 7. Sistema de avaliación arbitrado para a análise e mellora dos procesos de actuación e dos resultados. 8. Avaliación do proxecto educativo. 8.1 Criterios de avaliación. 8.1.1 Respecto da idoneidade do propio proxecto educativo. 8.1.2 Respecto da coherencia interna do propio proxecto educativo. 8.2 Axentes avaliadores. 8.3 Instrumentos de avaliación. 8.4 Temporización da avaliación. 6. O borrador do proxecto educativo de centro será tramitado á dirección xerente para a súa supervisión e información, conforme a súa adecuación ao proxecto socioeducativo institucional e ás disposicións legais vixentes. Posteriormente, procederase á súa aprobación e entrada en vigor. 7. Unha vez aprobado, procederase, segundo se estableza no propio documento, a realizar aquelas revisións que se estimen completamente necesarias, co fin de avaliar a súa validez ante cambios que se puidesen producir no tempo. O proxecto educativo de centro será revisado, polo menos, cada catro anos. Non obstante, a iniciativa da dirección xerente ou a petición do centro, poderanse realizar revisións e avaliacións da súa validez antes de cumprirse ese período de tempo en caso de que varíen as condicións ou circunstancias baixo as que foi redactado e aprobado. 8. Do proxecto educativo deberá existir , polo menos, unha copia en cada unidade de convivencia para coñecemento xeral das e dos usuarios e do persoal. Deste proxecto, o centro poderá elaborar unha versión reducida para ofrecerlles ás persoas que o demanden, así como publicitar e súa existencia. Ademais, todo o persoal do centro terá coñecemento sobre como poder proporcionarlle unha copia do proxecto educativo aos órganos inspectores, de ser requirida. Artigo 107. Memoria anual de centro 1. A Memoria anual de centro (MAC) é o documento onde se describen todas as actuacións que se realizaron no centro durante o ano inmediatamente anterior e a avaliación destas, proporcionando unha visión de conxunto do servizo que lle presta o centro ás persoas usuarias. 2. Esta memoria anual debe incluír a descrición e avaliación de todo o incluído na programación anual e daquelas actuacións e incidencias non incluídas nela pero que se desenvolveron como adaptacións ao proceso socioeducativo. 3. A memoria debe ser o suficientemente clara e concreta para facilitar a retroalimentación cos documentos técnicos do centro (proxecto educativo, regulamento de réxime interior...), co fin de que se vaian adaptando progresivamente ás necesidades da poboación atendida. Así mesmo, será a principal fonte na que se inspiren as programacións anuais sucesivas. 4. As memorias anuais dos centros elaboraranse conforme o que se establece no protocolo da Consellería e responderase cos apartados que aparecen estipulados na memoria anual de actividades (RUEPSS), xa que delas se extraerán os datos necesarios para poder elaborar a Memoria única da entidade que deberá enviarse ao Servizo de Inspección. Deste xeito, conseguirase a homoxeneidade formal do documento. 5. A Memoria anual de centro será elaborada pola persoa que exerza o cargo de directora ou director do centro, coas achegas que se realicen desde os profesionais que se ocupen da intervención cos menores. 6. Unha vez elaborada, será tramitada á dirección xerente para a súa supervisión e conformidade. Posteriormente, será volcada no modelo único para poder crear a da Entidade. 7. A memoria anual deberá ser informada, previamente ao envío á dirección xerente, polo órgano do centro competente para estes efectos. Deste trámite deberá quedar constancia na acta correspondente. 8. Da memoria anual quedará copia en cada centro, e desde a dirección xerente, con posterioridade, será enviada a cada centro unha copia da memoria única da Entidade para a súa constancia e coñecemento. En cada unidade de convivencia deberá existir unha copia (en formato papel ou electrónico) da memoria anual do centro, para que se poida presentar en caso de que o requira o servizo de inspección ou ser consultada. 9. A data de entrega das memorias por parte dos centros será establecida pola dirección xerente, atendendo aos períodos máximos recollidos no protocolo correspondente para o seu envío á inspección. Artigo 108. Regulamento de réxime interior. 1. O regulamento de réxime interior de centro ou regulamento de organización e funcionamento é o documento que regulamenta a vida cotiá das e dos menores no centro. Nel recolleranse todos os aspectos relativos á organización e funcionamento do centro, incluíndo os instrumentos e procedementos materiais, persoais e relacionais da intervención coas e cos menores acollidos no centro, incluíndo ademais, como mínimo, os dereitos e deberes das e dos menores e o réxime de saídas, visitas e comunicacións. 2. O regulamento de réxime interior ou de organización e funcionamento do centro deberá axustarse aos principios, criterios e directrices establecidos na normativa vixente e disposicións que a desenvolvan, sen prexuízo de que desde a entidade se dispoñan a inclusión e concreción doutros elementos que aseguren unha mellor percepción da organización e funcionamento do centro e da garantía do respecto aos dereitos das persoas usuarias e do establecemento das condicións de prestación e desenvolvemento do seu servizo, tal como se recolle no artigo 7.1.b do Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia. A responsabilidade da elaboración correspóndelle á persoa que exerza o cargo de directora ou director do centro, contando coas aportacións que se realicen desde os profesionais do centro que teñen intervención con menores. 3. Para os efectos da súa elaboración e coa finalidade de unificar formalmente a estrutura dos regulamentos de réxime interior dos diferentes centros de acollemento da institución, desde a dirección xerente proporcionarase un modelo de estrutura cos contidos mínimos establecidos na lexislación vixente, adaptado aos elementos que se anuncian nos protocolos da Consellería competente en materia de menores e coa introdución daqueles outros que se consideren imprescindibles para a transparencia na prestación do servizo. Os centros poderán concretar, ampliar, modificar ou introducir aqueles aspectos que consideren necesarios en función da súa tipoloxía, poboación atendida e programas. En calquera caso, conforme a lexislación vixente, aparecerán como contidos mínimos os seguintes: a) Definición do centro. Tipoloxía e poboación que atende. b) Dereitos e obrigas dos distintos compoñentes da comunidade:  Dereitos e obrigas das e dos menores  Dereitos e obrigas das familias  Dereitos e obrigas do persoal c) Estrutura organizativa: sistema de organización e funcións dos órganos de goberno e participación.  Órganos de goberno.  Outros órganos, de ser o caso.  Persoal do centro: descrición e funcións. d) Organización interna.  Organización dos protocolos de ingreso e acollida e saída do centro.  Sistema de altas e baixas.  Normas de convivencia.  Réxime de visitas, saídas e comunicacións.  Sistema de implicación das familias.  Relacións co contorno social.  Horarios xerais das actividades do centro, con criterios adaptados ás idades das e dos menores e que permitan desenvolver a súa normalización e inserción. e) Procedemento corrector. Réxime de condutas inaxeitadas e medidas adoptadas:  Tipificación de faltas.  Medidas correctoras. 4. Unha vez elaborado o regulamento de réxime interior de cada centro enviaraselle á dirección xerente para proceder á súa remisión ao órgano competente en materia de autorización e inspección de servizos sociais da Xunta de Galicia, co fin de realizar o seu visado e aprobación. 5. Unha vez aprobado o regulamento de réxime interior de cada centro será revisado cada cinco anos co fin de avaliar a súa validez. Non obstante, a iniciativa do propio servizo de autorización e inspección ou a petición do centro, poderá revisarse antes de cumprirse o período de tempo citado cando haxa razóns xustificadas para isto. 6. O regulamento de réxime interior de cada centro, unha vez aprobado, debe ser dado a coñecer a todas as persoas usuarias e persoal do centro polo procedemento que se considere máis áxil e efectivo. Para estes efectos, desde cada centro, sen prexuízo de que a nivel institucional se adopten procedementos que garantan a súa difusión e coñecemento, elaborarase unha planificación co fin de que todas as persoas usuarias e o persoal teñan constancia da súa existencia e coñezan os seus contidos. 7. Para os efectos do punto anterior, a dirección do centro e o persoal educativo serán os responsables da aplicación do regulamento de réxime interior e de comunicarlle o seu contido ás persoas usuarias no momento do ingreso, ademais de ao resto do persoal, en especial ao de nova incorporación. Para o cumprimento desta condición, en cada centro deberá existir un número suficiente de exemplares (en formato papel ou electrónico) a disposición de calquera persoa que o solicite ou desexe consultar, sen prexuízo de elaborar versións simplificadas que informen sobre os aspectos máis relevantes. Así mesmo, todo o persoal do centro terá coñecemento sobre como poder proporcionarlle unha copia deste documento aos órganos inspectores, de ser requirida. 8. Na elaboración do regulamento de réxime interior de cada centro participará o órgano interno competente, sen prexuízo das propostas que se poidan achegar desde outros órganos e persoas relacionadas con este. 9. Nos regulamentos de réxime interior de cada centro garantirase a existencia dun procedemento de recepción e xestión de queixas e suxestións e dun procedemento de recepción e xestión de reclamacións. Para estes efectos, desde a institución poderá proporcionarse un modelo para facer efectivos ambos procedementos. Artigo 109. Plan de convivencia 1. A nivel institucional e dos centros de acollemento, enténdese a convivencia como a capacidade das persoas para vivir unhas con outras nun marco de respecto mutuo e solidariedade recíproca, expresada na interrelación dos diferentes actores e estamentos da comunidade socioeducativa. 2. A convivencia na institución e nos centros de acollemento orientarase aos seguintes fins: • Garantir un ambiente de respecto mutuo. • Respectar os dereitos fundamentais, a igualdade de dereitos e oportunidades entre homes e mulleres e a igualdade de trato e non discriminación das persoas. • A prevención e o tratamento de situacións de maltrato, en calquera das súas diversas manifestacións. • O recoñecemento do papel do persoal educativo e de dirección para previr e corrixir as condutas inaxeitadas. • A corresponsabilidade das familias ou responsables legais no mantemento da convivencia, como un dos deberes fundamentais que lles corresponde en relación coa atención socioeducativa ás e aos menores. • A promoción da resolución pacífica de conflitos. • O fomento da implicación de todos os membros da comunidade socioeducativa na mellora da convivencia xeral e na específica de cada centro, como axentes responsables desta e que velarán pola aplicación das medidas encamiñadas ao seu fomento e mellora. 3. No regulamento de réxime interior de cada centro incluirase un plan de convivencia que desenvolva os fins e principios que a este respecto se establecen no Proxecto socioeducativo institucional e neste Regulamento de organización e funcionamento institucional, así como na normativa que regule os aspectos relacionados con esta materia (protocolos da Consellería e outros). 4. O Plan de convivencia é un documento que articula a convivencia e as liñas xerais do modelo de actuacións que se pretende implantar, os obxectivos xerais e específicos que é necesario acadar, as normas que a regulan e as pautas de intervención para a consecución dos obxectivos. Ademais, no plan de convivencia farase constar o principio de igualdade entre homes e mulleres e estableceranse, sobre a base dun diagnóstico, as necesidades, os obxectivos, as directrices básicas e as actuacións, e incluiranse medidas preventivas, reeducadoras e correctoras das condutas inaxeitadas. 5. Para a elaboración do Plan de convivencia, como elemento conformante do regulamento de réxime interior de cada centro, poderá constituírse unha comisión de convivencia, sen prexuízo das achegas e implicacións doutros órganos do centro nin da responsabilidade que na súa elaboración lle corresponde á persoa que exerza o cargo de directora ou director do centro. De ser o caso, na creación da comisión de convivencia deberán quedar establecidas a súa composición, funcións e réxime de funcionamento. 6. Como elementos mínimos para a elaboración dun plan de convivencia deberán terse en conta os seguintes: a. Análise da situación (diagnóstico da convivencia no centro): tipo e número de conflitos, causas e sectores implicados, instrumentos utilizados para a detección, clasificación dos conflitos, evolución comparativa, respostas empregadas e efectividade destas, aspectos de organización que poden influír na convivencia, etc.  Puntos fortes.  Puntos débiles. b. Obxectivos xerais e específicos do plan de convivencia (actitudes que se pretenden lograr ou favorecer). c. Plans de actuación e protocolos ante situacións de conflito:  Comisión de convivencia: composición, funcións e actuacións.  Normas xerais de convivencia do centro e normas específicas (unidades). Dereitos e deberes.  Participación das e dos menores (mecanismos previstos).  Medidas de prevención e detección de conflitos.  Procedemento de actuacións ante condutas inaxeitadas: establecemento de condutas contrarias á convivencia e das correccións que corresponden.  Actuacións para a integración de menores de novo ingreso.  Protocolos ante casos de maltrato, agresións, acoso...  Comunicación das situacións conflitivas a familias e responsables.  Instrumentos para a recollida e ordenación das incidencias en materia de convivencia. d. Necesidades de formación. e. Estratexias para realizar a difusión do plan de convivencia. f. Procesos de seguimento, avaliación e mellora do plan de convivencia. Artigo 110. Programación anual de centro 1. Cada centro deberá contar cunha programación anual como documento que actualiza e concreta as previsións de actuación durante o ano co fin de sistematizar o traballo que se vai desenvolver e poder avalialo ao remate de cada período. 2. Na programación anual de centro, que será un documento único, concretaranse as liñas xerais e específicas de actuación en coherencia cos respectivos proxectos educativos e os regulamentos de organización, tanto a nivel institucional como de centro, así como das propostas de mellora da memoria anual do período inmediatamente anterior. 3. A programación anual de centro terá como referencia mínima os diferentes programas que se executan e as áreas de intervención. Nela concretaranse os obxectivos xerais e específicos, así como os criterios de avaliación de cada obxectivo. 4. A programación anual de centro elaboraraa a persoa que exerza o cargo de directora ou director do centro coas achegas que, para estes efectos, se proporcionen as e os profesionais con intervención directa con menores. A responsabilidade da súa aplicación corresponderalle ao persoal implicado na intervención con menores e a verificación da aplicación á dirección do centro. 5. Para a elaboración das programacións anuais de centro atenderase ao explicitado no protocolo correspondente elaborado polos equipos técnicos de menores, sen prexuízo de que a entidade titular poida concretar aspectos relacionados coa mellora da organización e funcionamento. Con carácter xeral, a elaboración da programación anual realizarase no último trimestre do ano anterior ao inicio da súa efectividade e terá como tempo de vixencia un ano natural. 6. A data de entrega das programacións por parte dos centros estableceraa a dirección xerente atendendo aos períodos máximos recollidos no protocolo correspondente. A dirección xerente será o órgano responsable de supervisar a conformidade da elaboración co establecido no protocolo e de poñer a programación a disposición dos órganos de inspección correspondentes, se así se requirise, sen prexuízo da responsabilidade inherente á dirección de cada centro. 7. Para os efectos de seguimento e avaliación, así como para as súas revisións, a responsabilidade será do persoal implicado na atención a menores e da dirección do centro. En caso de producírense modificacións na programación anual deberá quedar constancia expresa e motivada da súa aprobación na acta correspondente do órgano interno competente para estes efectos. As modificacións que se produzan incorporaranse como anexos á programación previamente elaborada. 8. Da programación anual de centro deberá quedar unha copia no propio centro, como documento de organización, e en cada unidade e servizo deberá existir como mínimo un exemplar (en formato papel ou electrónico) para uso e coñecemento do persoal (especialmente para o de nova incorporación), así como para presentar ante o servizo de inspección en caso de que isto sexa requirido. Artigo 111. Rexistros e outra documentación dos centros 1. Nos propios centros de acollemento, ademais dos documentos de planificación, xestión e rendición de contas enumerados nos artigos precedentes desta sección segunda deberán existir orixinais, copias ou certificacións acreditativas, segundo cada caso, dos seguintes rexistros documentais:  Información ás persoas usuarias sobre o réxime de servizos que se presta e as súas condicións: horarios, períodos de funcionamento dos servizos, etc.  Caixa de suxestións e queixas a disposición das persoas usuarias, debidamente identificada e visible, así como información da súa existencia.  Procedemento que garanta a recepción e xestión das suxestións e queixas.  Libro de reclamacións a disposición das persoas usuarias, debidamente anunciado para coñecemento da súa existencia e uso por parte de quen o requira.  Procedemento que garanta a recepción e xestión das reclamacións, segundo as indicacións do órgano competente en materia de menores.  Libro de rexistro de persoas usuarias, coa documentación mínima necesaria e garantía da protección de datos.  Póliza de seguros de danos necesaria para garantir a reparación de sinistros do edificio. Para estes efectos poderá contarse cunha copia desa póliza ou, no seu defecto, cunha acreditación do servizo correspondente da entidade.  Póliza de seguros de responsabilidade civil. Para estes efectos poderá contarse cunha copia da póliza ou, no seu defecto, cunha acreditación do servizo correspondente da Entidade.  Exposición en lugar visible ao público da documentación que acredite as autorizacións de inicio de actividades.  Exposición en lugar visible ao público das normas de funcionamento.  Plan de autoprotección do centro. 2. Para os efectos de cumprimento do punto anterior, todo o persoal do centro terá coñecemento da existencia e modo de acceso aos rexistros e documentos mencionados, co fin de que, de ser requiridos, poidan ser proporcionados con carácter inmediato, especialmente nos casos de visitas da inspección. Sección terceira. Instrumentos para a acción socioeducativa individualizada. Artigo 112. Expediente individual 1. Cada centro deberá contar cun expediente individual da ou do menor ingresado. Este expediente é o documento de referencia do ou da menor para o equipo educativo e nel irase arquivando toda a documentación relativa ao itinerario do neno, nena ou adolescente no centro. No momento da súa chegada abriráselle o seu expediente, que conterá, cando menos, os seguintes apartados: Documentación administrativa: • Ficha de identificación do ou da menor. • Documentación xeral (DNI, pasaporte, partida de nacemento, libro de familia, certificado de empadroamento, permiso de residencia, permiso de traballo, conta bancaria etc., segundo proceda). • Resolucións administrativas. • Certificado que acredite a situación (tutela ou garda) do ou da menor e o carácter de gardador do centro. • Plan de caso, que inclúe o plan de traballo co neno, nena ou adolescente e o plan de traballo coa súa familia, acordos, compromisos acadados... • Informe proposta que deu lugar á resolución de internamento. • Plan de intervención familiar ou proposta de actuación. • Informes complementarios relevantes cuxo contido non fose incluído na proposta de actuación co menor ou ca menor. Documentación sanitaria: • Tarxeta sanitaria, certificado do núm. de afiliación á Seguridade Social (NUSS), cartilla de vacinacións, revisións médicas, partes médicos, probas médicas... Proxecto Educativo Individualizado (PEI) e seguimento: • PEI: informe inicial e revisións do PEI . • Documentación de seguimento. Documentación educativa: • Expediente académico-laboral: informes educativos do departamento de orientación e información (adaptacións curriculares, incidentes relevantes, nivel académico que cursa...) que sexa relevante para o seguimento e apoio ao neno, nena ou adolescente por parte do equipo educativo do centro. Outra documentación: outros documentos e rexistros xerados na aplicación dos diferentes procedementos de traballo no centro. 2. A documentación do expediente pode arquivarse en soporte papel ou dixital segundo sexa conveniente e a súa xestión debe realizarse de modo que se garanta o cumprimento dos requisitos de protección de datos aplicables á tipoloxía da actividade desenvolvida polo centro. 3. A dirección do centro arbitrará as medidas necesarias para que o persoal educativo do centro poida proporcionar os expedientes das e dos menores cando estes sexan requiridos polos órganos inspectores no seu labor de supervisión documental. Artigo 113. O proxecto educativo individualizado (PEI) 1. O Proxecto Educativo Individualizado (PEI) é un documento técnico que ten como función primordial a de facilitar e canalizar a atención individualizada de cada neno, nena ou adolescente. É un instrumento flexible e dinámico que ten que sistematizar progresivamente a acción social e educativa; debe ser revisado constantemente a fin de garantir unha resposta axustada á realidade de cada neno, nena ou adolescente, e ser susceptible de cambios e adaptacións permanentes. 2. O PEI será elaborado principalmente polo educador ou educadora, titor ou titora, tras o oportuno período de observación, asegurando a coordinación e participación do resto de profesionais do centro e tendo presente a información e as propostas facilitadas polo persoal do ETM, que estarán baseadas no plan do caso e a opinión de cada neno, nena ou adolescente, en función da súa capacidade e circunstancias. 3. Con respecto ao informe inicial, aos contidos, aos criterios de elaboración, ás orientacións para cubrilo, ao seu seguimento e actualización, á súa temporización e aos seus rexistros asociados, atenderase ao prescrito no protocolo de elaboración e seguimento desenvolvido polo equipo técnico de menores e actualmente vixente. Artigo 114. Comunicación de faltas e rexistro de medidas correctivas 1. Cada centro establecerá as canles de comunicación por escrito das faltas e medidas correctivas, aplicadas como consecuencia do incumprimento das normas de convivencia recollidas no regulamento de réxime interior e conforme o estipulado no protocolo sobre a materia elaborado polo equipo técnico de menores (ETM) e actualmente vixente. 2. Para estes efectos, conforme o establecido no correspondente protocolo, é necesario seguir as seguintes pautas e canles de rexistro e comunicación ante eliminar? incidencias relativas ao incumprimento do modelo de convivencia: a) Todas as condutas inaxeitadas con independencia da súa gradación e as medidas que se impoñan, deben facerse constar no rexistro de medidas correctivas. b) Deberánselle comunicar ao ETM todas aquelas condutas inaxeitadas que teñan a cualificación de moi graves e as medidas impostas. A comunicación farase por escrito, a través das canles que cada centro teña establecidas e de xeito inmediato (ou tan pronto como se teña coñecemento da situación). c) As condutas inaxeitadas que teñan a cualificación de graves e as medidas impostas poderán comunicárselle ao ETM no informe periódico e potestativamente tamén de xeito individualizado e inmediato cando a persoa que exerza a dirección do centro o considere axeitado. A comunicación realizarase por parte da persoa que exerza a dirección do centro ou polo persoal educativo da quenda. d) Débense comunicar ao Ministerio Fiscal todas as medidas correctivas impostas ás e aos menores. e) A comunicación ás familias das condutas graves e moi graves realizarase telefonicamente ou na seguinte visita da familia ao centro. f) As condutas delictuosas deben denunciarse, tendo en consideración que non todas as faltas graves ou moi graves son en si mesmas constitutivas de delicto. 3. As canles de comunicación previstas no apartado 1 deste artigo deberán estar homoxeneizadas nun modelo e responder a criterios formais de elaboración, remitíndose a datos observables e obxectivos, constatando todas as referencias de lugar, momento e testemuñas, establecendo o grao da conduta, as súas consecuencias e as medidas adoptadas, prescindindo de valoracións subxectivas. Artigo 115. Informes de seguimento 1. Periodicamente, segundo a temporización prevista no propio PEI (ou antes, se é necesario á vista das circunstancias), e como máximo cada 3 ou 6 meses, segundo a idade do neno ou da nena, elaboraranse e remitiranse ao ETM os informes de seguimento, nos que se enunciarán as áreas de intervención do PEI nas que se propoñen novos obxectivos ou actuacións. 2. Os informes periódicos de seguimento teñen como obxectivo establecer unha adecuada comunicación entre os diferentes profesionais que interveñen en cada caso e con cada menor, evitando contradicións e perdas de información e consensuando as súas informacións. 3. O modelo a seguir é o que aparece no protocolo elaborado polo equipo técnico da Consellería. Os datos deberán responder á estruturación ofrecida, co fin de permitir comentalos de forma ordenada e no ámbito que corresponden. 4. A terminoloxía que se utilice debe ser o máis precisa posible, co obxecto de evitar as confusións que poden xerar os termos vagos e imprecisos, que son por si mesmos pouco significativos para a finalidade avaliativa que ten o propio informe. 5. As afirmacións que se reflictan deben estar perfectamente xustificadas. A información deberá ser obxectiva evitándose xuízos de valor, sempre subxectivos, e deberán reflectirse sempre tanto os aspectos positivos como os negativos. 6. Evitarase facilitar datos de forma telegráfica, así como incorporar listaxes de rexistros previos, debendo, en todos os casos, ser comentados cada un deles pola persoa profesional que os elabore. Artigo 116. Informe final de saída Os responsables do centro elaborarán un informe final no que se fará unha valoración global de todo o traballo realizado co neno ou nena, adolescente, desde o seu ingreso no centro. No caso de baixas programadas, este informe entregarase 15 días antes de que esta se faga efectiva; no caso da baixas urxentes, deberá entregarse á maior brevidade posible (nun prazo non superior a unha semana). Artigo 117. Informe de non aceptación de visitas coa familia Os responsables do centro contarán cun modelo de informe para aqueles casos en que a ou o menor manifestase o seu desexo de non manter visitas coa súa familia ou con algún dos seus membros; esta circunstancia comunicarase por escrito, a través dese informe, ao servizo de familia, infancia e dinamización demográfica da xefatura territorial de menores para a súa valoración e adopción de medidas ao respecto. Artigo 118. Informe de incidencias sobre incumprimento de horarios no retorno ao centro Para os efectos de abordar a comunicación de non cumprimento de horarios de retorno ao centro naqueles casos en que as saídas non estean expresamente reguladas polos equipos técnicos de menores, os responsables dos centros contarán cun modelo de informe para elevar a incidencia, como responsables de velar polo cumprimento de horarios, ao ETM de referencia, engadindo, de ser o caso, a detección de situacións de desprotección ou a negativa da ou do menor a realizar as saídas. Artigo 119. Información sobre o réxime de visitas, saídas e contactos telefónicos Cada centro deberá contar cun modelo de comunicación escrita co que, na primeira entrevista coas familias ou responsables legais, se informe sobre o réxime de visitas, saídas e contactos telefónicos, así como dos dereitos e obrigas que as partes deberán ter en conta durante o transcurso destas. Para estes efectos, elaborarase unha folla informativa onde, ademais do anteriormente mencionado, consten os datos do centro: nome, enderezo, teléfono de contacto, persoa de referencia, horarios de visitas, chamadas etc. Esta información será facilitada polo responsable do centro ou pola persoa educadora. No regulamento de réxime interior dos centros especificarase o tratamento que se lle dará ao réxime de visitas, saídas e comunicacións das e dos menores en acollemento. Artigo 120. Rexistro diario de incidencias Todos os centros contarán cun rexistro diario de incidencias como instrumento de comunicación e de coordinación entre o persoal, sen prexuízo do seu uso como documento acreditativo das actuacións realizadas ou das decisións adoptadas no desenvolvemento da intervención socioeducativa. Artigo 121. Protocolos da Consellería e rexistros asociados 1. Os centros deberán contar cos protocolos vixentes, así como cos rexistros asociados de cada un, e utilizalos para o desempeño do seu labor socioeducativo, aténdose ás prescricións recollidas neles e cumprindo coas actuacións e prazos que se establecen. 2. As persoas responsables dos centros garantirán o seu coñecemento e uso por parte do persoal e verificarán a súa aplicación, sen prexuízo da intervención que, para estes efectos, se poida realizar desde a dirección xerente da institución. Artigo 122. Protocolos de acollida, saída, enfermidade ou accidente e ausencias inxustificadas 1. Os centros, co obxecto de planificar e desenvolver actuacións específicas, deberán elaborar protocolos de acollida de menores e familias, protocolos de saída de menores, protocolos ante casos de enfermidade ou accidente e protocolos de actuación ante ausencias inxustificadas (saídas non autorizadas, saídas sen retorno, etc.). 2. Para estes efectos, en cada un deles determinarase, segundo cada caso, a información que se ofrecerá, os axentes responsables de proporcionala, as actuacións que se levarán a cabo, os destinatarios da información e as medidas que se adoptarán. Así mesmo, poderá concretarse o formato en que se facilitará a información. 3. No regulamento de réxime interior do centro deberá figurar a elaboración destes protocolos que, de ser o caso, poderán incluírse como anexos ao propio regulamento. Sección cuarta. Organización e desenvolvemento da actividade interna dos centros Artigo 123. Principios e ámbitos 1. Os centros de acollemento orientan todas as súas actuacións como recursos de protección de menores cara á consecución eficaz e eficiente da mellora na prestación social do seu servizo, así como cara ao cumprimento responsable da normativa legal á que están suxeitos. 2. Concibidos como núcleos de convivencia nos que conflúe unha multiplicidade de intereses, os centros de acollemento organizarán a súa actividade tendo en conta a harmonización de criterios nos seguintes ámbitos: a. Menores. b. Familia ou responsables legais. c. Persoal dos centros. d. Administracións das que dependen ou coas que se relacionan. Artigo 124. No ámbito das persoas menores Como dispositivos de protección de menores, os centros de acollemento, na organización e desenvolvemento da súa actividade interna, fixarán como obxectivo da súa actuación a garantía dos dereitos desta poboación usuaria e para iso, como mínimo, atenderán a: • Dispoñer de información e facilitárllela ás e aos menores sobre as características de organización e funcionamento, as normas de convivencia e os dereitos e obrigas, mediante a elaboración dun protocolo de ingreso. • Asignar unha persoa responsable das intervencións socioeducativas (titora ou titor). • Situar nunha unidade de convivencia, coas condicións esixibles de habitabilidade, onde vai desenvolver a súa actividade durante un período de tempo. • Contar con procedementos e técnicas para a realización dunha avaliación inicial de necesidades das persoas menores ingresadas. • Establecer e informar dos mecanismos e das estratexias de participación das e dos menores, especialmente naqueles casos que as e os afectan persoalmente: elaboración, seguimento e avaliación do seu proceso educativo (segundo requisitos de idade e madureza), organización de actividades, normas de convivencia, etc. • Adoptar e dar a coñecer as medidas necesarias para o cumprimento da normativa vixente en materia de protección de datos de carácter persoal e respectando, en calquera caso, o dereito á intimidade e á confidencialidade. • Dispoñer de espazos e tempos para as visitas e recepción ou realización de chamadas telefónicas de ou a familiares e persoas significativas, así como dun protocolo para, de ser o caso, aplicar a situacións en que se contemple a supervisión das relacións. Este protocolo deberá ser coñecido polas persoas afectadas e polo persoal de atención directa ás ou aos menores. • No que respecta á saúde, estableceranse e coordinaranse a atención e seguimento sanitarios necesarios, así como o deseño de actividades de promoción da saúde e a educación afectivo-sexual. • No que se refire á área educativo-laboral, articularase o procedemento para a tramitación da maneira máis rápida posible da solicitude de escolarización ou, de ser o caso, doutras posibles accións ou alternativas formativas, xunto coa formalización das relacións cos centros de escolarización (reunións, titorías, intercambio de información, etc.), a existencia de rexistros de cualificacións e convivencia para o seguimento da evolución académica e de incidencias de actitude, e establecemento de períodos para o apoio escolar. • Programar as actividades de lecer e de relacións co contorno próximo e informar dos horarios xeral e específico (para determinadas actividades) do centro. • Contar con mecanismos e estratexias de prevención de relacións abusivas entre iguais e por parte de adultos, así como de transmisión, de ser o caso, aos órganos competentes. • Informar da existencia dun sistema de queixas e suxestións e contar cun procedemento de recepción e xestión destas. informar da existencia dun libro de reclamacións e contar cun procedemento de recepción e xestión destas. • Establecer un protocolo de saída da ou do menor, independentemente do motivo que a ocasione. Incluirase, como mínimo: documentación, equipaxe, actividades de despedida e información (á persoa que sae, ao resto de menores, ao persoal do centro e doutros centros, e á familia). Artigo 125. No ámbito das familias 1. A familia constitúe un elemento básico, tanto a nivel de institución como de centros, un elemento básico para a identidade persoal e para o adecuado desenvolvemento afectivo e emocional da ou do menor en acollemento. 2. A intervención coa familia estará sempre en función das necesidades e intereses de cada menor e terá a consideración de área fundamental dos centros en calquera dos seus obxectivos: reunificación ou preservar, dentro do posible, o contacto e identidade cando as e os menores teñan que integrarse nun contexto convivencial diferente. 3. Entre as accións que se poderán levar a cabo desde os centros para lograr a implicación e participación da familia pódense destacar as seguintes: • Contrapoñer razóns do ingreso no centro. • Adquisición e, de ser o caso, mellora das habilidades parentais ou procura dunha mellora na relación. • Coñecemento e orientación no uso dos recursos comunitarios e procedementos para abordar problemas específicos que dificulten o funcionamento familiar. 4. Para estes efectos, no regulamento de réxime interior dos centros establecerase un protocolo de intervención coas familias que poderá determinar as actuacións que se deben levar a cabo, atendendo, sen prexuízo de considerar outros criterios, ás seguintes fases: a. Atención previa ao ingreso: informarase sobre o funcionamento do centro, o tipo de programa de intervención, as persoas de referencia no centro, as normas máis importantes que garanten a organización e convivencia, os dereitos e obrigas das familias na súa relación co centro, os procedementos para garantir o exercicio de dereitos e o cumprimento de obrigas, as condicións nas que se vai desenvolver o réxime de visitas e comunicacións etc. Para cumprir estes requisitos os centros incorporarán no seu regulamento de réxime interior un protocolo de acollida e ingreso. b. Atención durante a permanencia: informarase sobre a situación emocional, o grao de convivencia e adaptación (relacións sociais, actitudes e comportamentos), a evolución do seu proceso socioeducativo, as posibles incidencias relacionadas coa saúde e o estado físico, os resultados do seguimento académico, os mecanismos para a participación (sempre que non exista contraindicación a este respecto) tanto na vida do centro como no réxime de atención que reciba a persoa acollida, os mecanismos para poder presentar suxestións, queixas ou reclamacións, etc. c. Atención no momento da saída: Informarase, como mínimo, sobre cuestións que a familia debe ir asumindo paulatinamente (seguimento escolar e médico, actividades de lecer que realizaba a persoa menor, horarios que seguía no centro...) e clarificaranse todas as dúbidas e todos aqueles aspectos necesarios en función do motivo da saída (reintegración familiar, acollemento en familia allea, etc.), proporcionando unha información clara e pertinente e un asesoramento adecuado. Artigo 126. No ámbito do persoal 1. Para a organización e o desenvolvemento da actividade interna dos centros no ámbito do persoal atenderase ao cumprimento dos obxectivos e medidas de actuación seguintes: a) Establecemento dun programa de coordinación, xeral e específico, que permita o traballo en equipo. Formularase unha programación de tempos, espazos e asuntos que se deberán abordar en cada caso e difundirase esta planificación no órgano competente para xeral coñecemento, sen prexuízo doutras medidas de carácter informativo que o centro poida adoptar. b) Participación do persoal na xestión e planificación da vida interna do centro. c) Información e verificación do coñecemento, por parte do persoal, dos instrumentos de acción socioeducativa para o adecuado desempeño das súas funcións. d) Existencia dun protocolo de información para o persoal de nova incorporación e, de ser o caso, para as persoas que estean exercendo labores de prácticas ou similares. e) Organización de quendas de traballo flexibles, equilibradas dentro do posible e equitativas. f) Coordinación cos equipos técnicos de menores e outros órganos competentes na materia. g) Colaboración cos centros de escolarización das e dos menores. h) Colaboración cos profesionais da saúde. i) Colaboración cos profesionais de servizos de Xustiza. 2. Para os efectos de determinar a colaboración con outros órganos ou profesionais, os centros, no seu regulamento de réxime interior, poderán establecer protocolos ou medidas de actuación, especialmente no referente a información ou documentación que se debe dar ou recibir. Artigo 127. No ámbito das relacións coas administracións 1. Enténdese por relación coas Administracións todas as actuacións, planificacións e avaliacións que os centros manteñan, como mínimo, con: • Entidade prestadora de servizos sociais (Deputación de Pontevedra). • Xefatura territorial da Consellería competente en materia de menores. • Equipos técnicos de menores. • Inspección de servizos sociais. • Fiscalía de Menores e órganos xudiciais. • Servizos comunitarios dos concellos da provincia. 2. Para os efectos da prestación dun servizo de calidade, as actuacións dos centros de acollemento da institución deberán responder a criterios de rigor e transparencia nas súas actuacións, ademais o centro deberá dispoñer de todos os mecanismos e protocolos que garantan o exercicio dos dereitos das persoas usuarias e ordenen dunha maneira eficaz a intervención socioeducativa. 3. No senso do punto anterior, e sobre a base de responder ás supervisións que os diferentes órganos administrativos teñen competencia para realizar, os centros de acollemento contarán para as súas actuacións con, polo menos, os seguintes elementos: a. Coñecemento e existencia da normativa vixente en materia de menores e rexerse por ela. b. Coñecemento, existencia e disposición de todos os protocolos ditados polo órgano correspondente da Consellería competente en materia de menores. c. Coñecemento, existencia e disposición de todos os rexistros asociados dos diferentes protocolos anteriormente mencionados, que actuarán como instrumentos de intervención e que estarán debidamente cubertos cando a situación o requira. d. Coñecemento, existencia e disposición daqueles outros protocolos que, a instancias do propio centro ou da institución, se elaboren co obxecto de actuar ante situacións concretas. e. Disposición e información sobre os mecanismos, estratexias e instrumentos que se van utilizar para facilitar a participación individual e colectiva das e dos menores. f. Determinación das persoas que actuarán como titoras das e dos menores co obxecto de orientar e guiar tanto desde o punto de vista persoal como social. g. Disposición dun plan de organización e estruturación dos momentos e situacións que se dan diariamente no centro para que teñan valor pedagóxico e se convertan en experiencias educativas. h. Actuacións organizativas realizadas conforme ao proxecto educativo do centro. i. Coñecemento, existencia e disposición de instrumentos para actuacións en casos de maltrato, en calquera das súas modalidades pero moi especialmente entre iguais e de adultos a menores. j. Coñecemento, existencia e disposición dos instrumentos xerais de planificación, execución e avaliación: proxecto educativo, regulamento de réxime interior (debidamente visado polo órgano competente), programación anual e memoria anual. k. Coñecemento, existencia e disposición de todos os instrumentos técnicos necesarios para a realización de actuacións socioeducativas con cada menor: PEI, informes, rexistros de actuacións, rexistros diarios de actividades e incidencias, etc. l. Disposición dun libro de rexistro de persoas usuarias cos elementos mínimos para a recollida de datos. m. Disposición dun mecanismo para a presentación de suxestións e queixas e contar cun procedemento para a recepción e xestión destas. A existencia deste mecanismo e deste procedemento debe ser informada a todas as persoas usuarias e a todo o persoal. n. Disposición dun libro de reclamacións e contar cun procedemento para a súa recepción e xestión. A existencia deste mecanismo e deste procedemento debe comunicárselle a todas as persoas usuarias e a todo o persoal. o. Disposición en sitio visible das normas de organización e funcionamento do centro. p. Disposición en sitio visible de todas as autorizacións e acreditacións de inicio de actividades esixibles pola normativa vixente. q. Información previa ás persoas usuarias sobre o réxime de servizos que prestan e as súas condicións. r. Traslado da información requirida á Administración, no exercicio das súas competencias, e á inspección no exercicio das súas funcións. s. Disposición das pólizas de seguro esixibles, mediante copia ou certificación acreditativa da xefatura correspondente da Entidade. TÍTULO IV. ORGANIZACIÓN XERAL E FUNCIONAMENTO CAPÍTULO I. ORGANIZACIÓN DE ESPAZOS, INSTALACIÓNS, SERVIZOS E RECURSOS MATERIAIS Sección primeira. Cuestións xerais Artigo 128. Uso das instalacións para actividades e permanencia de persoas alleas 1. O uso das instalacións da institución por asociacións, entidades, organizacións, etc., ademais de cumprir cos requisitos esixidos pola entidade, non poderá alterar o desenvolvemento normal das actividades realizadas nos centros de acollemento nin interferir co desenvolvemento das intervencións socioeducativas que lles son propias. 2. Nas solicitudes de uso de materiais, equipamentos ou enseres da institución daráselle sempre prioridade ás necesidades dos centros de acollemento para o desenvolvemento da súa intervención con menores e á organización coherente e ordenada dos servizos propios. 3. No uso das instalacións ou estanzas da institución por asociacións, grupos ou similares, atenderase non só ao escrupuloso respecto das normas específicas de cada un dos espazos senón tamén ás xerais de respecto polas instalacións, enseres e materiais que existen nelas, así como ao persoal e ás persoas menores usuarias destas. Para estes efectos teranse en conta o respecto polo exercicio dos dereitos e cumprimento de obrigas establecidos neste regulamento. Así mesmo, sempre deberá aparecer referenciado nas solicitudes un responsable da actividade co obxecto de poder requirirlle a satisfacción de calquera incumprimento. 4. O uso de vehículos dentro do recinto da institución estará sometido ás indicacións que ofreza o persoal de vixilancia e control, así como ao respecto polos sinais de límite de velocidade, e sempre tendo en conta que se deberán adoptar as medidas de prevención propias dun espazo onde hai menores. 5. O acceso a espazos que teñan entrada propia (campo de fútbol, pavillón) realizarase, con carácter xeral, por esta. Só en casos excepcionais e previa supervisión do persoal de vixilancia e control poderá autorizarse o acceso pola entrada xeral. 6. Ao recinto e instalacións da institución non se poderá acceder con animais nin portando ningún tipo de instrumento ou material que supoña perigo para as persoas usuarias. 7. No uso de espazos solicitados para realizar unha determinada actividade non se poderá realizar ningunha outra que non sexa aquela para a que se concedeu autorización. 8. No uso das instalacións por parte de calquera solicitante respectarase a lexislación vixente con respecto ao consumo de tabaco, así como todas aquelas normas que limiten ou impidan o consumo ou posesión de produtos prohibidos, fundamentalmente nun espazo reservado á protección de menores. 9. A entrada, saída e permanencia de persoas alleas á institución ou usuarias dos diferentes centros cando visiten a residentes estarán suxeitas ás indicacións do servizo de control e vixilancia. Artigo 129. Principios xerárquicos A Deputación, como entidade titular de Príncipe Felipe, ten atribuídas a competencia e autoridade para cambiar o uso ou finalidade de determinados espazos ou reestruturar a asignación destes a servizos concretos. Sección segunda. Espazos e dependencias interiores ou anexas Artigo 130. Solicitude xeral de uso e autorización 1. Para o uso de determinados espazos (aulas específicas, sala de vídeo, auditorio, residencia, etc.) por parte de persoas alleas á institución e á entidade titular será necesario presentar unha solicitude no Rexistro xeral da Deputación. Para a súa autorización posterior teranse en conta a non concorrencia de intereses con outros solicitantes ou a idoneidade da actividade coa natureza e finalidade do espazo que se solicita. Ás persoas ou organismos solicitantes comunicaráselles a autorización do uso do espazo solicitado ou, de ser o caso, a desestimación motivada da súa solicitude. 2. Quedan excluídas do requisito de presentación por Rexistro aquelas solicitudes de espazos que sexan formuladas por parte de servizos da Deputación, dos centros de acollemento, dos servizos da institución e, de ser o caso, dos centros educativos situados dentro do perímetro do recinto institucional. Non obstante, será necesario comunicar e informar a necesidade de uso e, posteriormente, agardar a conformidade e autorización dos órganos directivos da institución. Artigo 131. Normas específicas de uso e coidado 1. Os espazos que requiren a presentación de solicitude de uso por parte de persoas ou organismos externos só poderán ser utilizados para a actividade reseñada na solicitude e cumprirá co requisito de adecuarse á natureza e finalidade do espazo para o que se concedeu autorización. 2. As persoas ou organismos aos que se lles autorizase o uso de espazos que conten con normas específicas de uso e coidado estarán obrigadas a respectar escrupulosamente as condicións concretas de uso e a asumir as responsabilidades derivadas do seu incumprimento. 3. En calquera caso, deberán respectarse sempre as normas existentes sobre o uso e coidado das instalacións e dos enseres e útiles existentes, así como atender as indicacións e observacións que, a este respecto, realice o persoal da institución. Os desperfectos ou deterioros ocasionados por mal uso serán responsabilidade das persoas ou organismos solicitantes. Sección terceira. Espazos exteriores Artigo 132. Espazos que conten con reserva previa Aqueles espazos que conten cun uso preestablecido en determinados días e horarios por parte de persoas ou organismos alleos á institución (campo de fútbol, pavillón de deportes e, de ser o caso, piscinas) poderán ser utilizados fóra dese calendario polos centros de acollemento ou outros servizos institucionais para a realización de actividades, previos coñecemento e autorización dos órganos directivos da institución. Artigo 133. Zonas abertas e comúns 1. As zonas exteriores abertas e comúns da institución en xeral están reservadas prioritariamente para o uso das persoas usuarias dos centros de acollemento e persoal, sen prexuízo do cumprimento das normas de coidado e boa utilización destas. 2. En calquera outra situación deberá contarse co coñecemento e autorización dos órganos directivos da institución. CAPÍTULO II. RECURSOS MATERIAIS: Sección primeira. Dotacións e uso Artigo 134. Dotación de recursos materiais 1. Corresponderalle á institución, a través dos órganos directivos desta, proceder á dotación de recursos materiais de centros de acollemento e dos servizos conforme as prioridades que se establezan e a dispoñibilidade orzamentaria. Artigo 135. Uso dos materiais O uso dos materiais estará en consonancia coa súa natureza e finalidade e, para estes efectos, adoptaranse as medidas oportunas en cada servizo e centro para que sexan utilizados nas condicións debidas e polas persoas que corresponda. Sección segunda. Adquisición ou reparación, responsabilidade de control e ubicación. Artigo 136. Adquisición ou reparación de materiais 1. A adquisición de calquera material inventariable realizarase a través da Xefatura de Xestión de Príncipe Felipe, conforme os medios e procedementos oportunos e que estean previstos. 2. A reparación de calquera material inventariable, debido a avarías ou deterioro, será efectuada a través da Xefatura de Xestión de Príncipe Felipe, previa comunicación das xefaturas ou encargados do servizo e das direccións dos centros afectados. Artigo 137. Responsabilidade de control e ubicación do material A responsabilidade sobre o control de uso e a ubicación idónea do material inventariable adquirido ou reparado corresponderá á xefatura ou responsable do servizo e ás direccións dos centros. A responsabilidade sobre o bo uso do material faise extensiva a todo o persoal que o utilice. Sección terceira. Plan de conservación de instalacións e materiais Artigo 138. Elaboración 1. A institución contará cun plan de conservación de instalacións e materiais como instrumento para realizar un seguimento periódico do estado das instalacións e do equipamento dos servizos e centros de acollemento. 2. Esta planificación será elaborada polo servizo de mantemento, diferenciando unha fase de mantemento preventivo e unha fase de mantemento correctivo. Estableceranse as prioridades e a temporización das intervencións. 3. Desta planificación informarase á Xefatura de Xestión e á dirección xerente para a súa autorización. Artigo 139. Procedementos 1. Para a elaboración do plan e para proceder ás intervencións utilizaranse tres tipos de procedementos: a) Inspección periódica realizada polo propio servizo de mantemento. b) Comunicacións que os servizos e centros realicen sobre necesidades detectadas. c) As actas das diferentes inspeccións ou supervisións externas. 2. A planificación da fase preventiva periodizarase para aquelas instalacións, equipos ou servizos que pola súa especial importancia requiran dunha revisión periódica. 3. A xefatura do servizo de mantemento determinará a posibilidade de solución con medios internos ou a necesidade de contar con intervención externa, circunstancia da que dará traslado á Xefatura de Xestión e, de ser o caso, á dirección xerente. Artigo 140. Comunicacións de desperfectos Calquera persoa que traballe na institución poderá solicitar a reparación dos desperfectos ou avarías que se detecten. Será aconsellable, para evitar disfuncionalidades, que o rexistro o realice a persoa responsable do servizo ou centro. Esta comunicación deberá facerse a través do servizo de mantemento, que informará aos órganos directivos, sen prexuízo de que se lle poida realizar a solicitude directamente á Xefatura de Xestión ou Dirección Xerente. Artigo 141. Rexistro e informes 1. Co fin de establecer a prioridade e os tempos para a reparación de avarías e desperfectos ou a adquisición de equipamento, a xefatura de servizo de mantemento elaborará un informe periódico, detallando, de ser o caso, o importe económico e tipo de medios necesarios (internos ou externos) para que os órganos directivos, conforme a dispoñibilidade orzamentaria, autoricen as intervencións posibles. 2. A partir do rexistro das tarefas de mantemento realizadas e pendentes de execución elaborarase un informe que se tomará como referencia para a adopción de decisións relacionadas coa renovación e conservación das instalacións ou dos equipamentos. Artigo 142. Alcance do plan O plan de conservación de instalacións e materiais afectaralle ao seguimento do estado das zonas exteriores axardinadas e dos equipamentos que formen parte das zonas comúns exteriores. TÍTULO V. ACTIVIDADES INSTITUCIONAIS E DE CENTROS CAPÍTULO I. XENERALIDADES Artigo 143. Obxectivos As actividades que se realicen na institución e nos centros de acollemento responderán aos seguintes obxectivos: a) Acadar unha intervención socioeducativa integral das e dos menores e mellorar as súas capacidades cognitivas, motrices, de equilibrio persoal e relación social, así como a utilización sa do tempo de lecer. b) Facilitar as relacións entre os membros da comunidade socioeducativa nun ambiente máis distendido. c) Utilizar ao máximo as instalacións e dotacións da institución, rendibilizándoas e potenciando o seu uso. d) Facilitar a participación de todos os sectores que compoñen a comunidade socioeducativa. e) Crear e mellorar actitudes de solidariedade, respecto e valores positivos, evitando discriminacións e intransixencias e potenciando os valores humanos. f) Manter as actividades que acadaron éxito en experiencias anteriores, tanto no deseño como nos resultados esperados. g) Distribuír dunha maneira adecuada e proporcional as actividades ao longo do ano, evitando, dentro do posible, a simultaneidade entre elas e a súa concentración en momentos puntuais. Artigo 144. Tipoloxía Para efectos metodolóxicos de tratamento das actividades, distinguiremos entre: 1. Actividades de carácter institucional. a) Serán consideradas como tales aquelas que a institución organice, en cumprimento da súa función de dispositivo receptor de menores en acollemento, para a totalidade de menores ou para un grupo determinado. b) Entre este tipo de actividades poderán incluírse actos conmemorativos, celebracións de determinadas efemérides e actividades dirixidas a completar ou complementar a formación das e dos menores nos diferentes ámbitos do seu desenvolvemento persoal. c) Para estes efectos a institución favorecerá e potenciará aquelas actividades que supoñan unha participación transversal de menores en acollemento, sen prexuízo das dirixidas a un determinado grupo ou sector. 2. Actividades de centros. a) Serán actividades dos centros aquelas que estes organicen para as e os menores ingresados neles en acollemento e estean previstas no desenvolvemento da súa programación. b) Entre as actividades dos centros, sen prexuízo das que respondan a peculiaridades específicas, poderán incluírse: actos de fin de curso, festivais, conmemoracións, celebracións de centro, viaxes e saídas, excursións... c) Cando as circunstancias o aconsellen, os centros poderán realizar actividades conxuntas, co obxecto de ampliar a participación en interese e aproveitamento das e dos menores. Para estes efectos, esixirase a coordinación necesaria para a súa realización. d) Para efectos do seu tratamento, entre as actividades que realicen os centros distinguiranse: • Actividades internas, realizadas nas instalacións da institución (incluído o propio centro). • Actividades externas (con efectos fóra das instalacións da institución), que poderán ser de dous tipos: 1. Sen incluír pernoita. 2. Con pernoita. CAPÍTULO II. ORGANIZACIÓN DAS ACTIVIDADES Artigo 145. Requisitos xerais 1. Para acadar un funcionamento correcto das actividades é necesario establecer uns criterios comúns que optimicen os recursos e permitan a homoxeneidade nas actuacións. Algúns destes criterios serán: • Procurar utilizar ao máximo os recursos económicos, materiais e humanos dos que se dispón, intentando coordinar as diversas visitas ou saídas para evitar duplicacións. • Regular axeitadamente o número de saídas, tendo en conta os períodos académicos das e dos menores escolarizados. • A ratio persoal educativo/menor, especialmente nas actividades realizadas externamente, será a equivalente, como mínimo, á establecida na normativa vixente para o coidado e atención nos centros. En casos concretos en que a natureza da actividade o requira, poderá variarse esa ratio. • Con carácter xeral, só se admitirán excursións que estean previamente programadas. En casos excepcionais poderán autorizarse, previa valoración, actividades non incluídas nas programacións sempre que respondan a un interese formativo motivado. • O persoal educativo organizador da actividade poderá excluír da participación nunha determinada actividade a aquel ou aquela menor que teña unha conduta que altere de forma significativa, intencionada ou reiterativa a convivencia ou funcionamento do centro. Esta decisión deberá ser motivada debidamente e comunicada á dirección do centro. 2. Nos regulamentos de réxime interior de cada centro concretaranse estes aspectos e ampliaranse os que se consideren necesarios en función das propias características e recursos. Artigo 146. Requisitos específicos 1. Co obxecto de regular a súa organización e de homoxeneizar as formulacións de todos os centros de acollemento, no deseño e planificación de actividades teranse en conta, como mínimo, os seguintes aspectos: a) No comezo de cada período anual os centros confeccionarán un plan xeral de actividades, que incluirá todas aquelas que se teña previsto realizar, conforme os criterios xerais e os establecidos nos documentos de organización interna (proxecto educativo, regulamento de réxime interior,...). Esta planificación poderá alterarse, motivadamente, cando as circunstancias de oportunidade e interese colectivo aconsellen a planificación dalgunha outra actividade non incluída previamente. b) As actividades programadas polos centros estarán incluídas nas súas respectivas programacións, co fin de que sexan coñecidas pola dirección xerente para realizar un cuadrante temporal de todas as existentes na institución e valorar a súa viabilidade e coordinar a súa realización. c) Toda actividade deberá contar cun responsable-organizador (ou varios), que será quen asuma as tarefas de organización e información inherentes á actividade (notificación da actividade a menores e, de ser o caso, familias; autorizacións; e calquera outra actuación que sexa necesaria para garantir un correcto funcionamento), así como velar polo cumprimento do programado e, unha vez finalizada, realizar unha avaliación desta para trasladar á memoria anual do centro. d) No caso de actividades que se desenvolvan dentro do centro, procurarase que se realicen dentro dunha franxa horaria que permita o regreso das e dos menores de centro de día e non interfiran nos horarios de remate doutros servizos. En calquera caso, cando estas condicións non se poidan cumprir polo propio interese da actividade, adoptaranse as oportunas medidas de coordinación coas familias e co persoal afectado. e) As actividades programadas para ser desenvolvidas no centro, por responder a un carácter de intervención socioeducativa, consideraranse obrigatorias para as e os menores, agás casos que xustifiquen a súa inasistencia. f) As actividades programadas para desenvolverse fóra do centro e que non requiran pernoita deberán ter un interese específico na formación das e dos menores e, de ser o caso, requirirán a autorización expresa dos seus representantes legais. g) As actividades programadas para desenvolverse fóra do centro e que requiran pernoita deberán contar, ademais de coas condicións recollidas no apartado f deste artigo, coa autorización dos órganos directivos da institución, así como coa obriga, por parte do persoal educativo acompañante, de estar comunicados co centro ou institución para solucionar calquera problema que puidese xurdir. h) As actividades programadas para ser desenvolvidas fóra do centro e que requiran pernoita deberán estar restrinxidas a un máximo de días e as datas de realización escolleranse con criterios de mínimo prexuízo educativo para as e os menores. Para estes efectos, terán consideración específica os intercambios e as convocatorias específicas da Administración. i) Nas actividades que requiran pernoita os responsables destas terán en conta as medidas preventivas que se deben adoptar para asegurar a intimidade das e dos menores. Previo ao desenvolvemento de actividades con pernoita o responsable informará coa antelación debida a familias e menores sobre o lugar e horario de saída e chegada, as actividades que se van realizar, os obxectivos que se pretenden, as normas básicas de convivencia e os trámites necesarios para o desprazamento de menores. j) Para o desenvolvemento de actividades fóra do centro teranse en conta as necesidades de xestión de medio de transporte e o seu financiamento. Para estes efectos será imprescindible que os órganos directivos da institución teñan a información necesaria sobre elas co fin de coordinar e xestionar estes trámites. k) Especialmente nas actividades que se realicen fóra do centro adoptaranse as medidas de seguridade necesarias para evitar posibles accidentes das e dos menores participantes, incluídas as de verificación de bo estado e condicións do medio de transporte. En condicións similares, adoptaranse as medidas oportunas para que as e as e os menores que precisen medicación ou sufran algún tipo de alerxia ou deban cumprir cunha dieta específica poidan ser atendidos de acordo coas prescricións ou orientacións emitidas a este respecto. Para estes efectos, na listaxe de menores deberá incluírse a expresión de calquera circunstancia particular que conleve unha atención específica ou diferenciada. 2. Os centros de acollemento poderán recoller nos seus regulamentos de réxime interior a concreción ou ampliación dos criterios establecidos no punto anterior. Artigo 147. Programación e avaliación-memoria das actividades 1. A programación dunha actividade que se desenvolva fóra do centro/institución e que supoña financiamento institucional deberá cumprir cos seguintes requisitos mínimos: • Centro. • Título da actividade. • Tipo de actividade: saída, visita, concerto, exposición, concurso, certames... • Obxectivos que se pretenden. • Menores que participan. • Persoal educativo acompañante. • Data aproximada de realización e duración. • Lugar de realización. • Horario (de saída e regreso). • Orzamento (custo aproximado). Modo de financiamento. • Necesidade de uso de transporte e horario de saída. • Información ás familias e autorización, de ser o caso. 2. A memoria-avaliación das actividades referidas no punto anterior deberá incluír, como mínimo, os seguintes apartados: • Título da actividade e data de realización. • Valoración da actividade: a) Cumprimento de obxectivos. b) Comportamento das e dos menores (durante a actividade, no autobús, etc.). c) Valoración da empresa ou institución que prestou o servizo. d) Valoración efectuada polas e polos menores. • Incidencias disciplinarias ocorridas no desenvolvemento da actividade. • Conveniencia de repetir en ocasións vindeiras esta actividade. • Aspectos que deberían cambiarse para mellorar a actividade. Artigo 148. Uso das instalación para actividades. Criterios e condicións 1. No uso de espazos solicitados para realizar unha determinada actividade non se poderá realizar ningunha outra que non sexa aquela da que se informou e para a que se concedeu autorización. 2. O uso de espazos da institución para realizar actividades dos centros de acollemento só necesitará do coñecemento previo dos órganos directivos desta para proceder á súa organización. 3. Cando un centro de acollemento necesite un espazo da institución para realizar unha actividade terá prioridade absoluta na súa utilización no caso de concorrencia de intereses con outros solicitantes, agás que xa se lle fose concedida autorización a estes con anterioridade. 4. No caso de que para a realización de actividades dos centros de acollemento se necesite usar material, equipamentos ou enseres da institución será necesario solicitarllo aos órganos directivos desta. 5. Os centros educativos cos que, por razóns de proximidade e dependencia, a institución mantén unha colaboración máis frecuente terán, previa solicitude, prioridade no uso de espazos para a realización de actividades, sempre que non concorran na mesma data e horario solicitudes de uso dos mesmos espazos por parte dos centros de acollemento de menores. 6. No uso das instalacións por parte de calquera solicitante respectarase a lexislación vixente con respecto ao consumo de tabaco, así como todas aquelas normas que limiten ou impidan o consumo ou posesión de produtos prohibidos, fundamentalmente nun espazo reservado á protección de menores. Artigo 149. Normas que regularán o desenvolvemento das actividades. 1. As e os menores que participen en actividades, sexan estas nas instalacións ou fóra delas, deben comportarse con corrección, asistir a todos os actos programados e seguir as indicacións do persoal educativo acompañante. 2. As e os menores non poderán ausentarse do grupo ou da estanza sen a comunicación previa e autorización dos adultos acompañantes. 3. En caso de condutas inadecuadas considerarase agravante o feito de desenvolverse a actividade fóra do centro, por canto pode supoñer de comportamento insolidario co resto dos compañeiras e compañeiros, falta de colaboración co persoal educativo e incidencia negativa na imaxe do centro e da institución. No caso de danos causados por menores a persoas ou bens alleos, serán responsables as e os menores que os causaron. A reparación ou satisfacción dos danos realizarase conforme o tratamento que corresponda en cada caso, tras informar aos seus responsables legais. 4. Se a gravidade das condutas inadecuadas o requirise o responsable organizador poderá comunicar tal circunstancia á dirección do centro, que poderá decidir, de ser viable, o inmediato regreso das persoas protagonistas desas condutas. 5. Nas actividades que se realicen por parte dos centros, sexan dentro ou fóra deles, aplicarase o regulamento de réxime interior do centro ou, de ser o caso, da institución previsto para a corrección de condutas inaxeitadas, en función da súa gravidade. 6. As e os menores participantes en actividades non poderán utilizar ou alugar vehículos a motor diferentes aos previstos para o desenvolvemento da actividade, nin desprazarse pola súa conta a lugares distintos aos programados, nin realizar actividades deportivas ou doutro tipo que impliquen risco para a súa integridade física ou para a dos demais. TÍTULO VI. INFORMACIÓN E COMUNICACIÓN CAPÍTULO ÚNICO Sección primeira. Obxecto e tipos de información e comunicación Artigo 150. Obxecto da comunicación e información En toda organización socioeducativa recíbense, prodúcense e esténdense diversas informacións e de índole moi variada. A xestión desa información e a súa orientación cara á mellora do funcionamento institucional debe ser un principio de partida presidido polas seguintes finalidades: • Aumentar nos individuos o sentimento de pertenza á comunidade institucional e aos centros respectivos. • Incrementar a posibilidade de desenvolvemento e relevancia desa comunidade institucional e de centro. • Facer posible a participación de todos os membros pertencentes a esas comunidades. Artigo 151. Tipos de comunicación e información 1. Distínguense dous tipos de comunicación e información, segundo a relación co contexto: a) Comunicación e información interna. b) Comunicación e información externa. 2. Desde un punto de vista xerárquico, distínguense dous ámbitos informativos: a) Ámbito institucional. b) Ámbito dos centros de acollemento. Artigo 152. Comunicación e información interna institucional Considérase comunicación e información interna institucional aquela que, formalizada entre órganos, centros, servizos e membros da propia institución, afecta directamente á organización, planificación e xestión das actividades propias desta como xestora dos servizos encomendados, sen prexuízo da que por estes efectos se produza coa entidade titular. Artigo 153. Comunicación e información interna nos centros Considérase comunicación e información interna nos centros aquela que, formalizada entre órganos ou persoal integrante dos diferentes servizos destes, afecta directamente á organización, planificación e xestións das actividades socioeducativas encomendadas aos centros como dispositivos de acollemento e protección de menores. Artigo 154. Comunicación e información externa institucional Defínese a comunicación e información externa institucional como aquela que se realiza con organismos, entidades, institucións ou profesionais non dependentes organicamente da institución e que ten o obxecto de contribuír a un mellor desenvolvemento dos programas e da prestación de servizos aos usuarios e ás usuarias, sen prexuízo da que se estableza con quen teña intereses lexítimos na xestión desenvolvida como dispositivo de acollemento e protección de menores. Artigo 155. Comunicación e información externa dos centros Defínese a comunicación e información externa dos centros como aquela que, en función da xestión dos servizos ofrecidos, se realiza con organismos, entidades, institucións ou profesionais non dependentes organicamente da institución, sen prexuízo daqueles ou daquelas que teñan intereses lexítimos na acción desenvolvida como recursos de acollemento e protección de menores. Sección segunda. Canles de comunicación institucional. Axentes e destinatarios Artigo 156. Comunicación interna 1. Entre as canles de comunicación e información interna, a nivel institucional, figurarán como mínimo as seguintes: • Comunicados orais. • Taboleiros de anuncios. • Entrega directa de comunicacións, notas interiores, convocatorias, propostas, resolucións... • Partes de incidencias ou rexistros (servizos). • Informes. • Circulares informativas. • Solicitudes de utilización de espazos ou recursos. • Correo electrónico. • Correo postal e/ou fax. • Portal do empregado. • Caixa institucional de queixas e suxestións. • Páxina web da entidade. • Actas de órganos institucionais (de participación e de coordinación). 2. Na comunicación interna institucional, coa finalidade de que a información e comunicación se produza en sentido descendente e ascendente, considéranse axentes informativos e destinatarios das comunicacións: • A entidade titular. • Os órganos de dirección institucional. • As xefaturas de servizo. • As direccións dos centros de acollemento. • Os órganos de participación e coordinación existentes. • O persoal da institución. • As direccións dos centros de escolarización cos que a Deputación ten subscrito convenios. 3. Calquera información que repercuta no desenvolvemento dun servizo e, polo tanto, na propia institución debe ser coñecida e, de ser o caso, visada polo órgano xerárquico inmediatamente superior a quen a emita. 4. Ademais da comunicación vertical (ascendente e descendente), existirá unha comunicación de tipo horizontal entre os diferentes servizos que se prestan na institución co obxecto de fomentar a súa prestación e contribuír á coordinación entre eles e á mellora xeral. Para estes efectos, utilizaranse as canles máis áxiles e efectivas. 5. Toda información e comunicación interna institucional que teña efecto de cumprimento de prazos será emitida coa garantía correspondente da súa recepción en tempo e forma. Artigo 157. Comunicación externa 1. Entre as canles de comunicación e información externa que se poden utilizar, a nivel institucional, figurarán como mínimo as seguintes: • Comunicados orais. • Envío de convocatorias, solicitudes, propostas, resolucións... • Reunións. • Informes de xestión e control. • Correo electrónico. • Correo postal. • Fax. • Caixa institucional de queixas e suxestións. • Visitas in situ. • Libro de reclamacións. • Páxina web da entidade. 2. Na comunicación externa institucional consideraranse axentes e destinatarios: • As persoas usuarias dos servizos. • A Consellería competente en materia de menores e os órganos que a conforman e afectan á prestación de servizos institucional. • A fiscalía de menores. • Os órganos xudiciais. • Os corpos de seguridade (policía nacional, autonómica e local). • Os servizos sociais comunitarios. • Os diferentes organismos, asociacións, institucións, entidades e profesionais externos que poden contribuír ao desenvolvemento e mellora da prestación de servizos ás persoas usuarias. • Os centros de escolarización dos e das menores en acollemento. • Os medios de comunicación. • Calquera persoa física ou xurídica que teña intereses lexítimos nas actuacións da institución. 3. A emisión de comunicación externa institucional que teña efectos sobre o funcionamento dun servizo ou da institución en xeral debe ser previamente coñecida e, de ser o caso, visada polo órgano institucional xerarquicamente superior. 4. Toda información e comunicación externa institucional que teña efecto de cumprimento de prazos será emitida coa garantía correspondente da súa recepción polo destinatario. Sección terceira. Canles de comunicación dos centros. Axentes e destinatarios Artigo 158. Comunicación interna 1. Entre as canles de comunicación e información interna a nivel de centros figurarán como mínimo as seguintes: • Comunicados orais. • Taboleiros de anuncios. • Entrega directa de comunicacións, avisos, convocatorias, propostas, resolucións... • Partes de incidencias ou rexistros (servizos). • Informes. • Reunións ou asembleas (especialmente de menores) para difundir as normas de funcionamento e as características do acollemento nos seus diferentes ámbitos e fases de actuación. • Circulares informativas. • Correo electrónico. • Portal do empregado. • Caixa de queixas e suxestións do centro e, de ser o caso, das unidades de convivencia. • Páxina web da entidade. • Libro de reclamacións. • Actas de órganos internos do centro (de participación e de coordinación). 2. Na comunicación interna de centros, coa finalidade de que a información e comunicación se produza en sentido descendente e ascendente, considéranse axentes informativos e destinatarios das comunicacións: • A persoa responsable de dirección do centro. • Os órganos de coordinación e participación establecidos (xunta educativa, equipos educativos, comisións de avaliación etc.). • As xefaturas de servizo que se vexan afectadas polo funcionamento do centro. • O persoal do centro, con independencia do servizo ao que pertenza e sempre que exista unha relación de prestación dos seus servizos a ese centro. • As persoas usuarias, especialmente os e as menores en acollemento. 3. Toda información interna dos centros que lle afecte ao funcionamento institucional e poida repercutir no desenvolvemento de programas e servizos que ofrece a institución debe ser coñecida e, de ser o caso, visada polo órgano xerárquico inmediatamente superior a quen a emita. En calquera caso, deberá ser coñecida e valorada polos órganos directivos da institución. 4. Ademais da comunicación vertical (ascendente e descendente), existirá unha comunicación de tipo horizontal entre os membros dos diferentes equipos educativos co obxecto de fomentar a coordinación e a mellora na prestación do servizo socioeducativo. Para estes efectos utilizaranse as canles máis áxiles e efectivas. 5. Toda información e comunicación interna dos centros que teña efecto de cumprimento de prazos será emitida coa garantía correspondente da súa recepción polo destinatario. Artigo 159. Comunicación externa 1. Entre as canles de comunicación e información externa a nivel de centros figurarán como mínimo as seguintes: • Comunicados orais. • Envío de convocatorias, solicitudes, propostas, resolucións... • Reunións. • Informes de xestión e control. • Correo electrónico. • Correo postal. • Fax. • Caixa de queixas e suxestións de centro. • Visitas in situ. • Libro de reclamacións. • Páxina web da entidade. 2. Na comunicación externa de centros, consideraranse axentes e destinatarios: • As persoas usuarias dos servizos (familias). • A Consellería competente en materia de menores e os órganos que a conforman e afectan á prestación de servizos. • A fiscalía de menores. • Os órganos xudiciais. • Os corpos de seguridade (policía nacional, autonómica e local). • Os servizos sociais comunitarios. • Os diferentes organismos, asociacións, institucións, entidades e profesionais externos que poden contribuír ao desenvolvemento e mellora da prestación de servizos ás persoas usuarias. • Os centros de escolarización dos e das menores en acollemento. • Os medios de comunicación. 3. A emisión de comunicacións externas dos centros que teñan efectos sobre o funcionamento dun servizo ou da institución en xeral debe ser previamente coñecida e, de ser o caso, visada polo órgano institucional xerarquicamente superior. Quedan excluídas deste requisito previo as comunicacións que se teñan que realizar por razóns de urxencia e imperativo legal (fugas, accidentes, sinistros, etc.), das que se informará con posterioridade ao órgano competente coa maior celeridade posible. 4. Toda información e comunicación externa dos centros que teña efecto de cumprimento de prazos será emitida coa garantía correspondente da súa recepción polo destinatario. Sección cuarta. Responsabilidades e potestade comunicativa interna e externa Artigo 160. Comunicación interna 1. Con carácter xeral, a responsabilidade e potestade da comunicación e información internas a nivel institucional correspóndelle á persoa que exerza a dirección da institución, sen prexuízo das competencias que para este respecto ten atribuídas a entidade titular. 2. O órgano de dirección da institución, cando concorran circunstancias de maior axilidade e proximidade aos destinatarios, poderá delegar a responsabilidade de traslado de información e comunicación internas institucionais nas persoas que exerzan grao de representatividade a nivel organizativo, as xefaturas de servizo e direccións dos centros de acollemento. Esta delegación supoñerá o coñecemento previo da emisión de información por parte do órgano director institucional ou o correspondente traslado para coñecemento deste, en caso de recepción. 3. As direccións dos centros serán responsables da información e comunicación internas do propio centro respecto do persoal ao seu cargo e respecto das persoas usuarias dos servizos prestados polo mesmo. 4. As xefaturas de servizo serán responsables da comunicación e da información internas cos membros que conforman ese servizo, sen prexuízo de dar traslado da súa emisión aos órganos de dirección. 5. Da información e comunicación internas que poidan producir efectos de queixas ou reclamacións por parte das persoas afectadas debe quedar rexistro para a súa utilización en caso de requirimento. 6. Con independencia da natureza do órgano emisor toda comunicación ou información internas que repercuta, directa ou indirectamente, na institución deberá ser coñecida polo órgano director desta e, de ser o caso, supervisadas na súa emisión. Artigo 161. Comunicación externa 1. A responsabilidade e potestade da comunicación e información externas a nivel institucional correspóndelle á persoa que exerza a dirección da institución, sen prexuízo das competencias que para este respecto ten atribuídas a entidade titular. 2. As direccións dos centros de acollemento serán responsables da comunicación e información externas, no ámbito das súas competencias de prestación de servizos ás e aos menores , cando estas produzan efectos en persoas usuarias, organismos competentes en materia de menores, axentes colaboradores coa prestación de servizos (sanitarios, xudiciais, forzas de seguridade, deportivos, profesionais terapéuticos...), centros de escolarización das e dos menores, servizos comunitarios, etc. 3. As xefaturas de servizo responsabilizaranse da comunicación e da información externas, previo coñecemento e autorización do órgano xerárquico superior, cando concorran circunstancias técnicas e de inmediatez na resolución de problemas ou na satisfacción de necesidades derivadas dese servizo e do seu ámbito de actuación. 4. Das comunicacións e informacións externas que poidan producir efectos de queixas ou reclamacións por parte de persoas afectadas deberá quedar constancia escrita e rexistrada para poder utilizar en caso de requirimento. 5. Con independencia da natureza do órgano emisor a comunicación e información externas que repercutan, directa ou indirectamente, na institución e na súa imaxe deberán ser coñecidas polo órgano director desta e, de ser o caso, supervisadas na súa emisión. Sección quinta. Lingua de uso nas comunicacións Artigo 162. Lingua de uso nas comunicacións internas A lingua de uso nas comunicacións e informacións escritas de carácter interno, tanto a nivel de centros como de institucións, será o galego. Artigo 163. Lingua de uso nas comunicacións externas Con carácter xeral empregarase a lingua galega en todas as comunicacións e informacións escritas que teñan efectos fóra da institución, agás naqueles casos en que os efectos da comunicación ou información se produzan fóra da Comunidade Autónoma de Galicia. Artigo 164. Ámbito de aplicación de uso da lingua galega 1. A nivel de comunicación ou información escritas, utilizarase a lingua galega en todas as posibles manifestacións en que esa información ou comunicación poidan producirse no ámbito da institución e dos centros de acollemento. 2. As convocatorias de órganos internos, as actas dos órganos, os informes técnicos, as programacións, as memorias e os documentos de organización e funcionamento, tanto a nivel institucional como de centros de acollemento, estarán redactados en lingua galega. Artigo 165. Suxeición á normativa lingüística vixente Para aqueles casos en que xurda un conflito de intereses atenderase ao que prescribe a lexislación sobre o uso da lingua galega por parte da Administración pública en Galicia. TÍTULO VII. RELACIÓNS EXTERNAS CAPÍTULO I. PRINCIPIOS E ÁMBITOS DE RELACIÓN Artigo 166. Principios inspiradores das relacións externas institucionais 1. A institución Príncipe Felipe, pola súa propia natureza de recurso de acollemento de menores e portadora, xa que logo, do sinal de dispositivo socieducativo, debe estar integrada no contorno urbano e social no que se sitúa. Desde esta perspectiva, debe manter e, de ser o caso, incrementar as súas relacións externas co obxectivo de darlles respostas máis especificas ás necesidades das persoas usuarias, en especial das e dos menores en acollemento. 2. En grandes liñas, os principios que subxacen como inspiradores para incrementar as posibilidades de logro educativo, de seguridade, de atención personalizada e de integración social estarán os seguintes: a) Mellorar e consolidar a posición e valoración da institución e dos centros no seu contorno máis próximo, sen renunciar a que esa mellora e consolidación se estenda a contextos máis amplos. b) Aproveitar de maneira efectiva todas as posibilidades de relacións da institución e dos centros cara á consecución dos obxectivos e actuacións socioeducativas. c) Establecer canles efectivas, directas e bidireccionais cos recursos que a sociedade en xeral ofrece e cos membros da comunidade socioeducativa en particular. d) Acadar unha maior implicación nas actuacións e obxectivos que a institución e os centros teñen establecidos. e) Dar a coñecer o traballo que se está realizando na institución e nos centros e contribuír con el á mellora das condicións e á garantía dos dereitos das e dos menores. f) Asegurar o coidado, benestar e protección das persoas menores ingresadas na institución. g) Impulsar a presenza regular da institución e dos centros, promovendo a súa participación, naqueles ámbitos cos que as e os menores están máis directamente relacionados. h) Promover e manter un sistema de contactos periódico cos axentes externos que poidan contribuír á mellora da situación das e dos menores en acollemento. Artigo 167. Ámbitos de relacións externas da institución Entre os ámbitos de relación externa que a institución e os centros aspiran a manter e consolidar están, como mínimo, os seguintes: a) Familias. b) Organismos e entidades administrativas. c) Forzas de seguridade e órganos xurídicos. d) Organismos e profesionais externos. e) Centros de escolarización de menores en acollemento. CAPÍTULO II. CONCRECIÓN DAS RELACIÓNS Sección primeira. As familias Artigo 168. Principio fundamental Desde a institución considérase a familia como parte fundamental da vida da ou do menor como elemento básico da súa identidade e desenvolvemento. En atención a este principio, fomentarase e apoiarase a súa participación no proceso de intervención socioeducativa. Artigo 169. Relacións coas familias 1. Os contactos coas familias ou cos referentes significativos da ou do menor estarán suxeitos ás condicións do benestar deste e do seu propio interese. 2. Na concreción desa relación teranse presentes, en cumprimento do deber de protección, os ditames administrativos ou xudiciais que establezan restricións por razóns de risco para a persoa menor. 3. Para os efectos de concreción dos dous puntos anteriores, nos regulamentos de réxime interior dos centros de acollemento especificaranse, como mínimo, os seguintes apartados: a) A necesidade e conveniencia da relación coa familia ou cos referentes significativos da e do menor. b) O réxime de visitas e comunicacións. c) As restricións que, de ser o caso, impoñen os deberes de salvagardar o interese da ou do menor, previamente comunicadas. Artigo 170. Compromisos da institución nas relacións coas familias Conforme o principio de entender a familia como elemento fundamental para a persoa menor e de manter os vínculos afectivos para o seu desenvolvemento integral, desde a institución, a través do seu persoal, velarase para: a) Prever espazos e fixar tempos adecuados para as visitas. b) Proporcionar información sobre a ou o menor . c) Ofrecer información sobre as características organizativas do centro e as súas normas de funcionamento. d) Ser receptora de información significativa procedente da familia para contribuír á mellora do proceso de intervención e facela partícipe deste. e) Fomentar a asunción de esforzos por parte da familia para acadar os obxectivos previstos, así como dos compromisos que se determinen. f) Manter os vínculos e contactos da e do menor coa familia ou cos referentes significativos, agás aqueles que poidan resultar prexudiciais para o seu propio interese. g) Apoiar o fortalecemento das competencias parentais. h) Estimular e fomentar a relación entre irmáns cando estes non convivan no mesmo centro ou unidade familiar. Sección segunda. Organismos e entidades administrativas Artigo 171. Servizo territorial de menores e Consellería competente en materia de menores 1. A institución e os centros de acollemento que a conforman manterán co Servizo territorial de menores e coa Consellería competente en materia de menores as relacións e colaboración que esixan o cumprimento normativo e a aplicación de todas as medidas adoptadas para a atención aos menores nas diferentes fases de intervención. 2. A institución e os centros de acollemento que a conforman terán contactos periódicos co Servizo territorial de menores e coa Consellería para os efectos de informar de todas as incidencias que se presenten nos programas de atención a menores en acollemento, moi especialmente cando se dean situacións de carácter excepcional. Artigo 172. Equipos técnicos de menores 1. A institución e os centros de acollemento que a conforman manterán reunións e contactos frecuentes cos equipos técnicos de menores, co fin de contribuír á mellora da intervención socioeducativa e trasladar información sobre aquelas situacións que impliquen a adopción de novas medidas. 2. Os centros de acollemento da institución cumprirán coas medidas adoptadas en firme polos equipos técnicos de menores e cos tempos de remisión de informes a estes, en consonancia coa aplicación dos diferentes protocolos vixentes. Artigo 173. Inspección de servizos sociais (familia e menores) 1. A institución e os centros de acollemento que a conforman cumprirán co deber de colaboración entre administracións, facilitando o desempeño das funcións que ten atribuídas a inspección de servizos sociais como garante dos dereitos das persoas usuarias e como vixilante da idoneidade da prestación de servizos. 2. A institución e os centros de acollemento que a conforman cumprirán co deber de colaboración no proceso de elaboración de controis de legalidade, de memoria anual para o RUEPSS e de calquera documentación esixible a unha entidade autorizada. 3. A institución e, de ser o caso, os centros de acollemento que a conforman atenderán ás indicacións que se recollan nas diferentes actas que se deriven das inspeccións realizadas e darán parte ao órgano supervisor sobre as aclaracións, alegacións ou emendas que procedan no prazo estipulado. 4. A institución ou, de ser o caso, os centros de acollemento que a conforman poderán solicitar da inspección de servizos sociais un labor de asesoramento para a resolución de determinados problemas relacionados co cumprimento das correccións reflectidas en acta. Artigo 174. Concellos 1. As relacións que a institución, órgano dependente da Deputación, establecerá cos concellos da provincia, especialmente cos servizos sociais de base, serán as tendentes a coordinar e organizar a admisión de menores con dificultades económicas ou sociais nos programas que se imparten nos diferentes centros en que a Deputación conta con competencias para o seu ingreso. 2. Estas relacións serán executadas, en primeira instancia, polos membros do departamento de servizos sociais da institución, sen prexuízo das que, a nivel de difusión e publicidade de oferta e condicións, poida realizar a propia entidade ou órgano en quen delegue. 3. As relacións e colaboración cos concellos tamén estarán encamiñadas á participación das persoas menores da institución naquelas actividades promovidas desde as diferentes concellerías que benefician a súa formación integral. Sección terceira. Forzas de seguridade e órganos xudiciais Artigo 175. Forzas de seguridade 1. Como consecuencia da participación das forzas de seguridade no proceso de derivación de menores e da súa necesaria intervención naqueles casos en que se produza conflito ou se precise axuda para a recondución de condutas, a institución manterá con policía nacional, autonómica e local unhas relacións periódicas imprescindibles coa finalidade de que se garantan a seguridade e a protección das e dos menores, moi especialmente nos casos de fugas e presentación de denuncias. 2. A colaboración da institución neste apartado estenderase a todos os órganos que permitan organizar simulacros de incendios e accidentes que se concretarán conforme o plan de autoprotección. Artigo 176. Órganos xudiciais 1. Xulgados. Manteranse cos xulgados as relacións preceptivas e as derivadas de proporcionar información que se solicite e a presenza que se requira como consecuencia das actuacións derivadas da acción socioeducativa coas persoas menores da institución. 2. Fiscalía de menores. Coa Fiscalía de menores, a institución e os centros de acollemento que a integran manterán todas aquelas relacións tendentes ao cumprimento das obrigas contraídas, especialmente no relativo a: • Facilitar a función de vixilante das actuacións da Administración e dos centros de protección, así como as súas obrigas de comprobación periódica da situación das e dos menores en acollemento. • Colaborar coa prestación de información que se esixa cos expedientes de protección de menores, así como nas súas intervencións na defensa dos dereitos fundamentais dos menores. • Informar de todas as actuacións das e dos menores en acollemento que puidesen ser susceptibles de catalogarse como presunto delito ou calquera cuestión que afecte á protección e seguridade de menores. • Colaborar activamente nas visitas aos centros de protección co obxecto de examinar documentación, inspeccionar ocularmente as instalacións e entrevistar persoal e confidencialmente a menores ou membros do persoal. Sección cuarta. Organismos e profesionais externos Artigo 177. Organismos responsables da saúde As relacións da institución e dos centros de acollemento con aqueles organismos que se responsabilicen da saúde en xeral serán obxecto dun tratamento específico desde o punto de vista preventivo e de intervención en caso necesario, ao abeiro do principio recollido no Proxecto socioeducativo institucional consistente en responder con organismos e profesionais externos ás carencias que cada menor necesite satisfacer no ámbito da súa formación e protección integrais. Artigo 178. Profesionais, asociacións e gabinetes específicos As relacións da institución e dos centros de acollemento, cando as particularidades das e dos menores así o aconsellen, estenderanse a aqueles profesionais, asociacións ou gabinetes que dunha maneira específica aborden o tratamento de problemas aos que desde os recursos existentes na institución non podería dárselle unha resposta satisfactoria acorde coas necesidades da ou do menor. Sección quinta. Centros de escolarización de menores en acollemento Artigo 179. Fundamentación. A institución Príncipe Felipe, como dispositivo protector de menores, unha porcentaxe moi elevada delas e deles en idade de escolarización, debe contar con mecanismos formais que permitan unha coordinación efectiva e dinámica cos centros de escolarización, co obxecto de contribuír eficazmente ao seu desenvolvemento integral en todos os ámbitos, moi especialmente no ámbito socioeducativo. Artigo 180. Obxectivos da relación. Entre os obxectivos que se fixan para o tipo de relación mencionada no artigo anterior destacan: a) Mellorar as actuacións na atención educativa das e dos menores en acollemento no contexto escolar. b) Fixar as tarefas e responsabilidades da institución e dos centros de acollemento no ámbito da escolarización e educación das e dos menores ingresados. c) Contribuír ao coñecemento mutuo da organización e o seu funcionamento. d) Coordinar actuacións en relación co proceso educativo das e dos menores en acollemento. Artigo 181. Actividades de coordinación e relación. A institución e os centros de acollemento establecerán e perfilarán no seu Regulamento de réxime interior, especialmente no dos centros, os mecanismos e actividades de relación cos centros de escolarización, atendendo, como mínimo, aos seguintes aspectos: a) Asistencia a sesións de titoría (coordinación presencial). b) Coordinación non presencial: control de tarefas, supervisión do material escolar necesario, contactos telefónicos... c) Control de asistencia (absentismo escolar). d) Coordinación na adopción de medidas disciplinarias cando sexa necesario. e) Información ao centro escolarizador nos casos de remate de asistencia. f) Favorecer a participación das e dos menores nas actividades programadas polo centro. Sección sexta. Outros tipos de relación colaborativa Artigo 182. Relación e colaboración cos centros situados dentro do recinto das instalacións 1. O alcance deste artigo afecta a todos os centros que, situados dentro do recinto da Cidade Infantil, ocuparon ou seguen ocupando unhas instalacións pertencentes á Deputación de Pontevedra, con independencia da situación actual. Para estes efectos, serán centros cos que se manterá unha especial relación colaborativa os seguintes: • CEIP Príncipe Felipe. • Escola infantil 0-3. • Centro de educación especial. • IES Montecelo. • CIFP Carlos Oroza. 2. As relacións con estes centros estableceranse non só desde o punto de vista escolarizador e das relacións establecidas nos diferentes convenios subscritos pola Deputación coas institucións ou entidades das que depende cada un deles, senón tamén atendendo a criterios de colaboración para contribuír, dentro das posibilidades da institución, ao desenvolvemento dos seus respectivos proxectos educativos. Artigo 183. Estatus específico da Escola infantil 0-3 anos Dadas as especiais características da Escola infantil 0-3, a institución manterá con esta unha relación específica de prioridade, atendendo ás relacións de dependencia que mantén coa entidade, ao estar sometida aos mesmos principios de rexistro, inspección e supervisión da Consellería competente en materia de menores e á obrigada participación na entrega de documentos de organización interna para a conformación dos da propia institución. TÍTULO VIII. OUTROS ASPECTOS REGULAMENTADOS CAPÍTULO I. EN RELACIÓN CO PERSOAL Artigo 184. Formación En consonancia cos aspectos de formación do persoal establecidos no apartado 10.4 do Proxecto socioeducativo institucional, desde a institución e desde os centros de acollemento, así como desde os diferentes servizos, prestaráselle especial atención tanto á formación inicial como á formación permanente do persoal. a) No ámbito dos centros de acollemento. 1. A formación do persoal incluirá aqueles aspectos acordes coa evolución dos perfís das persoas menores atendidas, potenciando a adquisición de coñecementos sobre aqueles puntos que deben configurar unha formación específica mínima: • Sistema de servizos sociais na Comunidade Autónoma de Galicia. • Marco xurídico e normativo, a nivel estatal e autonómico, en relación cos servizos sociais e de protección de menores. • Situacións de desprotección. • Características xerais da poboación atendida nos dispositivos de protección de menores. • Técnicas de avaliación de necesidades, de programación do traballo socioeducativo e de planificación de actividades. • Educación afectivo-sexual e educación para a saúde. • Formación en materia de abuso sexual e maltrato en xeral. • Documentación técnica dos centros de acollemento: proxecto educativo, regulamento de réxime interior, protocolos, dereitos e obrigas, etc. 2. En previsión de que non todo o persoal poida contar cos coñecementos concretos establecidos para a súa formación inicial apostarase por unha formación permanente que veña a emendar as posibles carencias e a afianzar e actualizar a xa adquirida co obxecto dunha prestación máis eficaz. A formación continuada ou permanente será un dos obxectivos da institución e unha obriga da entidade, e axustarase á s necesidades evolutivas do servizo, ás demandas xurdidas do propio persoal e, dentro do posible, ás súas preferencias, e deberá abranguer, como mínimo, os seguintes contidos: • Actualización da formación inicial. • Coñecemento especializado relacionado coas funcións do persoal. • Habilidades de traballo en equipo e coordinación interprofesional. b) No ámbito dos outros servizos: Todos os servizos existentes na institución orientan a súa actividade cara a unha mellora da atención ás persoas menores en acollemento e, en consecuencia, do funcionamento en xeral da propia institución. Así, todos contribúen á eficacia institucional e, neste senso, é completamente necesario que exista unha formación de todo o persoal para lograr a unha prestación de servizos eficaz e adaptada ás necesidades de desenvolvemento de cada un. Con este obxectivo, desde a institución promoverase que os diferentes servizos existentes conten cunha formación continuada tendente ao coñecemento das técnicas propias de desenvolvemento das actividades e do cumprimento da lexislación específica que os regule, así como das medidas de protección e seguridade que se requiren no seu desempeño. Artigo 185. Persoas en prácticas, prácticas de máster, prácticas de FCT e figuras similares 1. Naqueles casos en que a entidade sexa o axente directo de contratación, na incorporación de persoas en prácticas, bolseiros ou alumnos en prácticas formativas destas características atenderase ás condicións estipuladas no contrato e aos requisitos que as disposicións vixentes esixen para o seu desempeño en recursos de protección de menores. En calquera caso, no momento da incorporación, o servizo ou centro correspondente informará sobre as normas de funcionamento e as esixencias ou exclusións que veñan derivadas das propias características do tipo de contratación. 2. No caso de mediar un convenio de colaboración por parte da entidade con outros organismos e institucións para a realización de prácticas de formación en servizos ou centros da institución atenderase ás condicións estipuladas no convenio e á esixencia do cumprimento do código deontolóxico correspondente. En calquera caso, no momento da incorporación, o servizo ou centro correspondente informará sobre as normas de funcionamento e as esixencias ou exclusións que veñan derivadas das funcións desempeñadas. No momento da incorporación o servizo ou centro correspondente informará sobre as normas de funcionamento e as esixencias ou exclusións que veñan derivadas das propias características do tipo de convenio. 3. Co fin de organizar a realización das actividades relacionadas coas prácticas de máster, formación en centros de traballo e similares, a institución elaborará un protocolo de atención co obxecto de homoxeneizar as actuacións nos diferentes servizos e centros, adaptándose posteriormente en cada un deles ás propias necesidades e finalidade. Os centros de acollemento concretarán e especificarán no seu regulamento de réxime interior as actuacións que se levarán a cabo neste ámbito. Artigo 186. Plan de substitucións do persoal. Coordinación 1. Co obxecto de responder a aqueles casos de ausencias puntuais ou de curta duración que non implican unha cobertura externa do posto de traballo ou, polo menos, mentres non se efectúe esta por parte do servizo de Recursos Humanos, os servizos xerais da institución e os centros de acollemento de menores planificarán as actuacións necesarias para cubrir estas ausencias con persoal propio dispoñible. 2. Para os efectos de elaborar a planificación do punto anterior entenderase por ausencias puntuais ou de curta duración as inasistencias imprevistas, as baixas de curta duración, as ausencias que, por diferentes motivos, estean programadas e se produzan durante a prestación de servizos e outras situacións similares. 3. No caso dos servizos xerais institucionais a responsabilidade e potestade de establecer e aplicar as pautas de substitución corresponderalle ás xefaturas correspondentes ou, no seu defecto, á Xefatura de Xestión institucional, que informará á dirección xerente. 4. No caso dos centros de acollemento, a responsabilidade e potestade de establecer e aplicar as pautas de substitución corresponderalle ás direccións destes, sen prexuízo de que se establezan acordos nos órganos internos correspondentes. Esta planificación, ou polo menos os criterios establecidos para efectuala, recolleranse no regulamento de réxime interior de cada centro. 5. As características comúns das planificacións ás que se refire este artigo terán como base: a) Utilización de criterios obxectivos b) Establecemento de prioridades, tendo en conta: • O sector ao que lle afecta a substitución: grao de necesidade (dependencia das persoas menores, idade etc.), tipoloxía da poboación atendida (necesidades específicas etc.) ou da prestación do servizo (non prorrogable) e calquera outra condición semellante. • O persoal que pode prestar ese servizo temporalmente sen alterar significativamente o que, de ser o caso, estivese prestando na súa área de atención. • As situacións de máis de 1 baixa ou ausencia. c) Información ao persoal dos servizos ou dos centros, segundo cada caso, sobre as características do plan de substitucións e a súa finalidade. 6. Para os efectos de reestruturación dun servizo ou unidade dun centro de acollemento no que se producise unha ausencia imprevista ou unha baixa de curta duración, as persoas responsables deberán elaborar un cuadrante segundo o persoal de cada servizo ou unidade en cada quenda de traballo co fin de ter prevista a capacidade de cubrir unha inasistencia con persoal desa mesma quenda ou recorrer a outro persoal dunha quenda diferente ou dun servizo con funcións complementarias ou conectadas co labor do servizo no que se debe cubrir a ausencia. 7. Para os efectos da elaboración do plan de substitucións por persoal dos centros de acollemento debe entenderse todo o que está prestando servizo nese centro, independentemente da unidade onde regularmente exerza as súas funcións, de tal maneira que, cando nunha unidade se produza unha ausencia, persoal doutra unidade poderá cubrila sempre que non implique alterar a ratio mínima desta polo tempo que dure a substitución. Sobre este último extremo tomará a decisión a persoa responsable da dirección que é quen debe adoptar as medidas oportunas para a atención xeral do centro. 8. Non se exclúe, para casos de necesidade excepcional, que a ausencia nun centro de acollemento se cubra con persoal dispoñible doutro dos centros de acollemento, sempre que se cumpran as condicións de idoneidade da medida expresadas no punto anterior. Ademais, neste caso, deberá contarse coa aceptación da dirección do centro afectado. Neste caso, daráselle traslado da decisión á dirección xerente para o seu coñecemento e autorización. 9. Para os efectos dos puntos anteriores, as xefaturas de servizo e das direccións dos centros terán en conta o tipo de condicións ás que está sometida a autorización de días de permiso por asuntos propios, especialmente cando haxa baixas sen cubrir que impidan un funcionamento normal. 10. Sempre que sexa preciso cubrir as necesidades do servizo nos distintos Centros con persoal doutros Centros ou Unidades en tanto non se proceda a contratación do persoal os ditos cambios non implicarán ningunha modificación na xornada laboral ou quendas de traballo do persoal. Artigo 187. Actuacións en casos de accidentes ou indisposición (enfermidade) Distinguiranse dúas situacións en función do lugar onde se produza o accidente ou indisposición do persoal dos diferentes servizos e centros de acollemento: 1. Dentro da institución. Cando se produza un accidente ou indisposición do persoal dentro das instalacións da institución procederase do seguinte xeito: a) Aviso ao responsable do servizo nese momento e, simultaneamente, á xefatura de persoal da institución e dirección xerente, previa adopción das medidas de auxilio inmediato necesarias. b) Aviso ao servizo médico institucional. Valoración inicial por parte deste e , de ser o caso, aplicación de curas ou, de ser un accidente grave ou moi grave, solicitude de presenza inmediata dos servizos de urxencia para o traslado a un centro hospitalario. Posteriormente avisarase a familia da persoa afectada. De ocorrer o accidente/indisposición nun momento en que non houbese servizo médico na institución acudirase, en función da gravidade, a un centro sanitario, solicitando se fose preciso a presenza dos servizos de urxencia e daráselle aviso á familia da traballadora ou traballador. En todo momento a persoa accidentada terá que estar acompañada doutra persoa do servizo ou da institución, especialmente se hai que proceder a un traslado a un centro hospitalario. c) Comunicación do suceso ao Servizo de Prevención de Riscos Laborais. 2. Fóra da institución. Cando se produza un accidente ou indisposición do persoal fóra da institución no exercicio das súas funcións laborais, a persoa que detecte o accidente ou que nese momento o estea acompañando, adoptará as medidas de auxilio inmediato necesarias e procederase do seguinte xeito: a) Aviso, de ser o caso, á persoa que nese momento estea ao frente da actividade externa. b) Aviso inmediato á persoa responsable da xefatura de persoal da institución e á dirección xerente. c) En función da gravidade, solicitude de presenza inmediata do servizo de urxencias no lugar onde ocorreu o accidente ou indisposición, ou traslado a un centro sanitario para a realización das primeiras curas e atencións. En ningún caso, a persoa accidentada poderá desprazarse soa a un centro sanitario. d) Información á familia da persoa accidentada. e) Reorganización ou suspensión da actividade que se estaba a realizar, se fose preciso. f) Traslado de información sobre o suceso ao Servizo de Prevención de Riscos Laborais por parte da xefatura de persoal institucional. O exercicio de accións e reclamacións de danos realizarase segundo o procedemento que a entidade teña establecido para os efectos de responsabilidade patrimonial derivada de accidentes laborais. CAPÍTULO II. PERSOAS USUARIAS Sección primeira. Actividades derivadas da escolarización de menores Artigo 188. Actividades para menores non asistentes a clase (por enfermidade, expulsións ...) 1. Os centros de acollemento con persoas menores en idade de escolarización, cando estas non poidan asistir ás clases por razóns de enfermidade prolongada ou expulsións temporais dos centros de escolarización, adoptarán as medidas necesarias para organizar a realización de actividades que corresponda co obxecto de contribuír a que non se interrompa o proceso educativo. 2. Para estes efectos solicitarase do centro escolarizador a relación de actividades que a persoa menor debe realizar, contactando co centro e coas persoas correspondentes. 3. No regulamento de réxime interior de cada centro de acollemento concretarase o tipo de medidas que se deben adoptar para responder á non interrupción do proceso educativo daquelas persoas menores que, por diferentes causas, non poidan asistir regularmente ás clases. Artigo 189. Actividades de recuperación de materias non superadas 1. Os centros de acollemento con persoas menores en idade de escolarización, cando estas estean suxeitas á recuperación de materias pendentes de superación durante o propio curso ou en convocatorias extraordinarias, planificarán un modelo de atención mediante o que se proporcionen tempos, espazos e apoios que permitan contribuír á preparación das probas. 2. Para estes efectos solicitarase do centro escolarizador toda a información necesaria (datas, horas, programas...) relativa ás características do desenvolvemento da proba que se debe superar. 3. No regulamento de réxime interior de cada centro de acollemento concretarase o tipo de actuacións que se levarán a cabo para contribuír á superación de materias pendentes das persoas menores escolarizadas. Sección segunda. Actuacións que afectan á permanencia de menores Artigo 190. Protocolo de actuación ante casos de accidentes Distinguiranse dúas situacións en función do lugar onde se produza o accidente ou indisposición das persoas menores ingresadas nos centros de acollemento: 1. Dentro da institución ou centros. Cando se produza un accidente ou indisposición dunha persoa menor dentro das instalacións da institución procederase do seguinte xeito: a) Aviso inmediato ao persoal educativo responsable. b) Prestación das medidas de auxilio inmediato necesarias. c) Valoración da situación da persoa accidentada. d) En caso de ser un accidente ou indisposición leve: primeiras curas no servizo médico da institución, aviso aos responsables legais da persoa menor e á dirección do centro, atención á evolución da persoa accidentada unha vez recibida a asistencia médica, rexistro no libro de incidencias e, en caso de agravamento, aviso ao servizo médico institucional (que avaliará a situación e adoptará as decisións oportunas) ou traslado, de ser o caso solicitando a presenza do servizo de urxencia, a un centro sanitario. Nesta última situación procederase a avisar aos responsables legais. e) En caso de accidente ou indisposición grave ou moi grave: valoración e intervención do servizo médico institucional; de ser o caso, aviso ao servizo de urxencias; aviso á dirección do centro e á dirección xerente; aviso aos responsables legais da persoa menor; traslado ao centro sanitario, acompañado de persoal do centro ou institución. f) En todos os casos procederase a manter informadas as persoas que deben ter coñecemento da situación e evolución da persoa accidentada ou indisposta. 2. Fóra da institución, como consecuencia de participar en actividades programadas e autorizadas. Cando se produza un accidente ou indisposición dunha persoa menor fóra da institución como consecuencia da realización dunha actividade externa programada e autorizada a persoa que detecte o accidente ou que nese momento o estea acompañando adoptará as medidas de auxilio inmediato necesarias e procederase do seguinte xeito: a) Aviso ao persoal educativo responsable da actividade. b) Valoración da situación da persoa accidentada. c) Aviso á dirección do centro e á dirección xerente. d) Aviso aos responsables legais da persoa menor accidentada ou indisposta. e) De tratarse dunha situación leve que pode ser atendida cos medios dispoñibles darase conta desta a todas as persoas previamente avisadas, procedendo no tempo posterior a prestar atención á evolución da persoa accidentada, que en caso de agravamento será inmediatamente trasladada a un centro hospitalario, requirindo a presenza do servizo de urxencias para tales efectos. Neste último caso procederase a avisar da situación a todas as persoas que deben ter coñecemento do cambio de situación (direccións e responsables legais). En calquera caso, o menor deberá ser acompañado por persoal educativo responsable da actividade. f) En caso de accidente ou indisposición grave ou moi grave: aviso ao servizo de urxencias; aviso á dirección do centro e á dirección xerente; aviso aos responsables legais da persoa menor; traslado ao centro sanitario acompañado de persoal educativo responsable da actividade. g) En todos os casos procederase a manter informadas ás persoas que deben ter coñecemento da situación e evolución da persoa accidentada ou indisposta. 3. Calquera accidente sufrido nas instalacións da institución durante as visitas por familiares das persoas menores ou referentes significativos destas será tratado segundo as pautas xerais de intervención e conforme os criterios que se deriven da responsabilidade patrimonial da Administración e do seguro de sinistros do edificio. 4. O exercicio de accións e reclamacións de danos realizarase segundo o procedemento que a entidade teña establecido para os efectos de responsabilidade patrimonial derivada de accidentes de persoas menores. 5. De dirixirse algún procedemento xudicial contra o persoal por actos ou omisións realizadas no exercicio do seu cargo ou ámbito laboral, cumprindo o ordenamento xurídico ou as ordes dos seus superiores, a persoa afectada contará con defensa letrada por parte da entidade. Artigo 191. Protocolo de fugas ou de non incorporación de menores 1. Distinguiranse dúas situacións diferenciadas: por un lado, fugas producidas desde os centros; por outro, as non incorporacións desde o ámbito sociofamiliar ou de actividades externas. a) Fugas producidas desde os centros, sen constancia nin autorización de saída por parte persoal do centro. Co obxecto de asumir as responsabilidades derivadas da situación de garda legal e reducir os riscos que pode ocasionar a ausencia dunha persoa menor usuaria, establécense as seguintes pautas de actuación cando se produza unha hipotética fuga desta desde os propios centros de acollemento da institución: • Adquire unha especial relevancia, polo risco que pode supoñer, a ausencia da persoa menor en momentos específicos: horario habitual de comida, cea e pernoita e os momentos habituais de regreso de clases. • Realizarase a busca da persoa menor nas instalacións do centro, realizando unha revisión xeral dos espazos do centro. • Efectuarase a comprobación de que a persoa menor non está no recinto residencial, coordinando a busca co persoal de vixilancia e control para poder verificar a situación de fuga. • Adquirir información sobre o posible paradeiro da persoa fugada a través doutras persoas residentes ou compañeiras, coñecidos, etc. • Verificada a situación de fuga, rexistrarase por escrito todas as actuacións realizadas para detectar o paradeiro da persoa fugada, anotando toda a información relevante (data, hora, medidas de busca, contactos establecidos, etc.) e, posteriormente, unha vez que se teñan indicios suficientes de fuga, informarase á dirección do centro e á dirección xerente (mediante o procedemento máis áxil de comunicación). Todas as anotacións sobre o caso realizaranse sen prexuízo de que estas sexan trasladadas ao libro de incidencias do centro. • Interposición de denuncia de desaparición perante a policía, subministrando todos os datos obtidos e as actuacións realizadas e rexistradas por escrito ata o momento da denuncia. Terase en conta, ademais, se se trata dunha reiteración de fugas (polo risco que pode supoñer para a persoa menor e polo coñecemento que se pode obter a partir da resolución de fugas anteriores) ou se se trata dun caso puntual. • Comunicación da fuga ao Servizo de Menores e á Fiscalía de Menores. De ser o caso, e sempre que non exista impedimento xudicial, informarase ás familias ou persoa de referencia. • En todos os casos de fuga realizarase un seguimento ata a súa resolución. De tratarse dunha fuga prolongada no tempo, periodicamente manteranse contactos desde o centro coa Consellería competente en materia de menores e co Ministerio Fiscal para coñecer a evolución da situación denunciada e, deste xeito, non incorrer en posibles imputacións por desamparo. • De producirse a incorporación da persoa menor ao centro daráselle aviso á policía e procederase á retirada da denuncia, ademais de comunicarllo ás persoas que deben ter coñecemento desta dentro da institución e, de ser o caso, tamén ás familias. Así mesmo, desde a dirección do centro ou, de ser o caso, desde a propia dirección xerente informarase da reincorporación á Fiscalía de Menores e ao Servizo de Menores. b) Fugas producidas pola non incorporación dunha persoa menor de actividades externas (visitas ao contexto sociofamiliar, clases en centros ordinarios, actividades extraescolares, actividades realizadas e programadas polo propio centro ou institución, etc.). Cando non se incorpore ao centro desde calquera tipo de actividade externa na data e hora previstas, abordarase esta situación desde as seguintes pautas de actuación: • Poñerse en contacto inmediato coas persoas ou centros onde se estaba realizando a actividade para coñecer a asistencia a esta da persoa menor e a hora de remate desta, así como calquera outra información útil que puidese obterse. • Tratar de averiguar o posible paradeiro da persoa fugada a través doutras persoas residentes ou compañeiras, coñecidos, etc. • No caso de que a non incorporación se producise desde o contexto sociofamiliar, contactarase inmediatamente con este co obxecto de recibir a información oportuna e, de ser o caso, advertir da responsabilidade que existe pola non incorporación, así como das actuacións que desde o centro se está obrigado a realizar, incluíndo a denuncia ante as forzas e corpos de seguridade. A responsabilidade familiar non exclúe que o centro ten de comunicar e, de ser o caso, denunciar a non incorporación por parte da persoa menor en datas e tempos establecidos para os efectos. • Verificada a situación de fuga, rexistrarase por escrito todo o tipo de actuacións realizadas para detectar o paradeiro da persoa fugada, anotando toda a información relevante (data, hora, lugar onde se produciu a fuga, medidas de busca, contactos establecidos, etc.) e, posteriormente, unha vez que se teñan indicios suficientes de fuga, informarase a dirección do centro e a dirección xerente (mediante o procedemento máis áxil de comunicación). Todas as anotacións sobre o caso realizaranse sen prexuízo de que estas se trasladen ao libro de incidencias do centro. • Interposición de denuncia de desaparición perante a policía, subministrando todos os datos obtidos e as actuacións realizadas e rexistradas por escrito ata o momento da denuncia. Terase en conta, ademais, se se trata dunha reiteración de fugas (polo risco que pode supoñer para a persoa menor e polo coñecemento que se pode obter a partir da resolución de fugas anteriores) ou se se trata dun caso puntual. • Comunicación da fuga ao Servizo de Menores e á Fiscalía de Menores. De ser o caso, e sempre que non exista impedimento xudicial, informarase ás familias ou persoa de referencia. • En todos os casos de fuga, realizarase un seguimento ata a súa resolución. De tratarse dunha fuga prolongada no tempo, periodicamente manteranse contactos desde o centro coa Consellería competente en materia de menores e co Ministerio Fiscal para coñecer a evolución da situación denunciada e, deste xeito, non incorrer en posibles imputacións por desamparo. • De producirse a incorporación da persoa menor ao centro daráselle aviso á policía e procederase á retirada da denuncia, ademais de comunicárselle ás persoas que deben ter coñecemento desta dentro da institución e, de ser o caso, tamén ás familias. Así mesmo, desde a propia dirección do centro ou, de ser o caso, desde a dirección xerente informarase da reincorporación á Fiscalía de Menores e ao Servizo de Menores. 2. Cando exista a sospeita ou indicios racionais de que a persoa fugada pode estar correndo risco físico ou psíquico este feito poñerase en inmediato coñecemento da policía, do Servizo de Menores e do Ministerio Fiscal, co obxecto de que non se incorra en supostos de abandono por parte do centro e da institución. 3. Nos regulamentos de réxime interior de cada centro establecerase un protocolo de fugas que terá como referencia o establecido neste artigo do Regulamento de organización e funcionamento institucional e que ampliará ou concretará as actuacións e decisións que se adoptarán en cada caso atendendo á casuística de tipoloxía de centro, tratamento de fugas reiteradas ou puntuais, existencia de risco grave para a persoa fugada ou para terceiras persoas, idade da persoa afectada, consecuencias posteriores que a fuga pode ter para a persoa con respecto ao centro etc. En todos os casos de fuga actuarase coa responsabilidade que esixe a pertenza dunha persoa menor ao centro e institución, pero estremaranse moi especialmente os coidados con aquelas persoas cuxa tutela ou garda a exerza a Administración pública. Artigo 192. Comunicacións ao Servizo de Menores e á Fiscalía de Menores. 1. En cumprimento da colaboración que a institución e os centros de acollemento deben ter cos órganos administrativos e xudiciais que velan pola protección de menores, as comunicacións coa Consellería competente na materia e co Ministerio Fiscal (Fiscalía de Menores) serán regulares e periódicas, en función das visitas programadas para a supervisión e inspección da entidade como axente prestador de servizos sociais dedicados á atención de menores, e produciranse, ademais, en todos aqueles casos en que se detecten situacións de risco para as persoas menores en acollida. 2. O servizo de Menores e a Fiscalía de Menores serán informadas con carácter inmediato en situacións de fuga, en situacións de aplicación de medidas correctoras (conforme o protocolo da propia Consellería) e en todos aqueles casos ou incidencias que, a xuízo da dirección dos centros ou da institución, resulten relevantes en interese das persoas menores. 3. A nivel institucional ou de centros de acollemento poderá elaborarse un modelo de informe para cada caso concreto, ou un xenérico, que garanta a homoxeneidade e formalidade do tratamento de datos, destacando a obxectividade e o rigor das observacións que se reflictan e prescindindo de calquera elemento subxectivo que perturbe a esencia da propia comunicación ou informe. Sección terceira. Información ás familias. Casos específicos Artigo 193. Exercicio da patria potestade 1. Agás aqueles casos en que unha resolución xudicial lle atribúa a un só dos proxenitores a patria potestade ou reparta dalgunha maneira entrambos os dous as funcións inherentes a esta, as intervencións nos procedementos poderán ser realizadas polos dous conxuntamente ou por un calquera deles, presumíndose a conformidade do outro, de acordo co previsto no artigo 156 do Código civil. 2. Nos procedementos de solicitude de admisión se algún documento non foi asinado polos dous proxenitores solicitarase a súa emenda por escrito. No caso de non efectuarse esta e se a decisión non admitise espera esixirase unha declaración xurada onde se especifique o motivo da ausencia de sinatura e o compromiso de informar ao proxenitor ausente das actuacións realizadas e facilitarlle ao centro/institución os datos de contacto do proxenitor ausente, sempre que non concorran circunstancias que o impidan. 3. Quen exerza a patria potestade ten dereito a estar informado e o centro ou institución están obrigados a garantir a duplicidade de información. En casos de garda e custodia non compartida o proxenitor non custodio solicitará por escrito a información que desexa recibir. Deste extremo informarase ao outro cónxuxe para que, de ser o caso, presente as alegacións que corresponda. De non presentarse no prazo de 10 días daráselle a información ao solicitante. Artigo 194. Proxenitores separados ou divorciados No caso de proxenitores separados ou divorciados, agás casos en que haxa resolución xudicial contraria, para os efectos de presentación de documentación e recepción de información atenderase ao que se expresa nos puntos 2 e 3 do artigo anterior. CAPÍTULO III. OUTRAS ACTUACIÓNS Artigo 195. Exposición de publicidade 1. Dado o carácter eminentemente socioeducativo da institución e a súa finalidade de atención e protección de menores, a exposición de calquera tipo de publicidade nas instalacións en xeral e nos centros de acollemento en particular estará suxeita ao cumprimento dos seguintes requisitos para ser autorizada: a) Adaptar a linguaxe e as mensaxes aos niveis de desenvolvemento dos colectivos aos que se dirixe. b) Non se admitirán mensaxes que establezan diferenzas ou discriminacións en razón do consumo do obxecto anunciado. c) Non se admitirán mensaxes que atenten contra a dignidade dun ou doutro sexo, a publicidade sexista, os estereotipos de sexo nin a difusión de ideas de inferioridade ou superioridade por razón de sexo. d) Non se admitirán imaxes publicitarias que inciten ao uso e consumo compulsivo de bens e servizos. e) Non se admitirán mensaxes publicitarias onde aparezan imaxes ou textos que induzan a actividades e consumos prohibidos ou que supoñan risco físico ou psíquico. f) Non se admitirán mensaxes publicitarias de bebidas alcohólicas, tabaco, estupefacientes, locais de xogo, espectáculos violentos, discriminatorios e pornográficos que induzan ao seu consumo ou práctica ou con outros contidos que poidan afectar ao desenvolvemento integral das e dos menores. 2. Nos regulamentos de réxime interior dos centros de acollemento concretaranse os aspectos relativos á exposición de publicidade e de calquera tipo de anuncios. Artigo 196. Prevención de riscos laborais 1. O Servizo de Prevención de Riscos Laborais da entidade titular da institución será quen garanta o dereito do persoal a unha adecuada protección da súa seguridade e saúde, así como o establecemento dos instrumentos para o seu control atendendo ás peculiaridades que para cada sector de actividade desenvolvida na institución lles afecten aos distintos factores de risco aos que están sometidas a saúde e integridade física. 2. O Servizo de Prevención de Riscos Laborais da entidade prestará o apoio e o asesoramento que a institución necesite en función dos tipos de risco existentes nela e no referente a: • Deseño, aplicación e coordinación de plans e programas de actuacións preventivas • Avaliación de factores de risco • Determinación de prioridades na adopción de medidas preventivas e vixilancia da súa eficacia • Información e formación do persoal • Determinación de medios para a prestación de primeiros auxilios e plans de emerxencia • Vixilancia da saúde do persoal en relación cos riscos derivados do traballo • Información e asesoramento aos órganos de participación e representación 3. Os órganos directivos da institución consultaranlle ás persoas traballadoras e facilitarán a súa participación no marco de todas as cuestións que afectan á seguridade e á saúde no traballo. O persoal ten dereito a efectuarlle propostas aos órganos directivos, así como aos órganos de participación e representación previstos na institución, dirixidas á mellora dos niveis de protección da seguridade e da saúde no traballo. 4. As propostas mencionadas no punto anterior deste artigo trasladaránselle de xeito inmediato ao servizo correspondente, sen prexuízo de que o persoal poida trasladarllas a outros órganos de representación da entidade ou recorrer á Inspección de Traballo e Seguridade Social se considera que as medidas adoptadas e os medios utilizados non son suficientes para garantir a seguridade e a saúde no traballo. Artigo 197. Plan de autoprotección 1. A institución, como local de pública concorrencia, está obrigada legalmente a estar organizada fronte ás emerxencias que poidan xurdir e, para iso, debe coñecer as condicións dos diferentes edificios que a conforman e planificar a evacuación adecuadamente. Para estes efectos, deberá contar cun plan de autoprotección. 2. O plan de autoprotección será elaborado pola entidade a través do servizo competente na materia. 3. Os obxectivos xerais do plan de autoprotección serán: • Coñecer os edificios e as súas instalacións, a perigosidade dos distintos sectores e os medios de protección dispoñibles, as carencias existentes segundo a normativa vixente e as necesidades que deben ser atendidas prioritariamente. • Garantir a fiabilidade de todos os medios de protección e as instalacións xerais. • Evitar as causas que orixinen as emerxencias. • Dispoñer de persoas formadas, organizadas e adestradas que garantan axilidade e eficacia nas accións para o control de emerxencias. • Ter informados a todos os ocupantes da institución sobre como deben actuar ante unha emerxencia e como previla. • Preparar a posible intervención de recursos e medios exteriores en caso de emerxencia (bombeiros, ambulancias, policía, etc.) 4. Unha vez elaborado e aprobado o plan de autoprotección, determinaranse as medidas de coordinación, información e implantación deste. Estableceranse, así mesmo, as obrigas e responsabilidades do persoal respecto da posta en práctica do plan. Nos órganos directivos da institución, nos dos centros de acollemento e nas xefaturas de servizo recaerá a responsabilidade de informar o persoal ao seu cargo e de realizar a valoración que se derive da realización de simulacros. Os resultados desta información e valoración serán trasladados aos órganos competentes para que, de ser o caso, realicen as correccións oportunas. Artigo 198. Protección e seguridade no comedor Na prestación do servizo de comedor, co obxecto de contar cunhas pautas de seguridade e protección das persoas usuarias e do persoal nos diferentes ámbitos competenciais, contarase como mínimo cos seguintes requisitos: • Normas de comportamento para as persoas usuarias do servizo. • Cumprimento da normativa de seguridade, salubridade e hixiene, tanto no espazo e menús servidos como no persoal que o atende. • Protocolo de actuacións ante un accidente ou indisposición do persoal ou das persoas usuarias. Para estes efectos poderán utilizarse con carácter supletorio as pautas establecidas para o persoal e persoas usuarias na sección segunda deste mesmo Título. Artigo 199. Seguridade do transporte institucional 1. Os medios de transporte institucional destinados a traslado de menores deberán contar cos requisitos de seguridade establecidos pola normativa vixente na materia: sistemas de retención, adaptación, documentación actualizada, mantemento e conservación adecuados, botiquín de primeiros auxilios e teléfono (substituíble polo da persoa condutora ou acompañante de menores). 2. Os medios de transporte institucional están destinados con carácter preferente ao traslado de persoas menores ingresadas nos centros de acollemento, coas excepcións de idade previstas na lexislación vixente na materia. 3. O transporte institucional contará cunhas normas de comportamento das persoas usuarias, que deberán ser coñecidas por estas, co obxecto de fomentar a seguridade. 4. O transporte institucional contará cun protocolo para actuar en casos de evacuación do vehículo e realizaranse simulacros periódicos para acadar a interiorización, por parte das persoas menores usuarias, de pautas en casos de emerxencia. 5. O transporte institucional, no traslado e recollida de menores escolarizados nos diferentes centros educativos, realizará as rutas establecidas desde a institución coas paradas que sexan asignadas en función da maior proximidade posible a cada centro, sempre que non existan razóns que o impidan. 6. En caso de accidente ou indisposición dunha persoa usuaria do transporte, ademais de adoptar as medidas de protección e atención oportunas, informarase inmediatamente do percance aos órganos directivos da institución. 7. O transporte institucional contará cun modelo de rexistro ou comunicación de todo tipo de incidentes ocorridos durante a prestación de servizos. Esta información será posta en coñecemento inmediato dos órganos directivos correspondentes da institución. Artigo 200. Conservación de documentos internos e protección de datos 1. A institución e os centros de acollemento velarán para que a conservación de documentos referidos ás persoas menores estea garantida coa máxima eficacia e medios dispoñibles e durante o tempo que estea establecido para estes efectos pola normativa vixente. 2. A institución e os centros de acollemento velarán para que existan as medidas suficientes para garantir a confidencialidade e protección dos datos persoais que se manexen como consecuencia da existencia de documentación de persoas usuarias, así como das deliberacións e acordos que sobre distintos extremos destas puidesen producirse nos órganos de coordinación e participación, tanto a nivel institucional como de centros de acollemento. Artigo 201. Prohibicións específicas de consumo e venda ou de actividades perigosas 1. En cumprimento das respectivas normas legais vixentes e por razóns de seguridade e protección, quedan prohibidas no recinto da institución as seguintes actividades ou comportamentos: a) O acceso con animais ás instalacións e aos centros de acollemento, por considerarse que son espazos indebidos desde o punto de vista hixiénico, sanitario e de benestar e seguridade, co obxecto de non vulnerar a protección da saúde, a tranquilidade e a seguridade de persoas usuarias e traballadoras. Queda excluída desta prohibición a utilización de cans-guía por persoas invidentes, que solicitarán a súa autorización. b) Calquera actuación ou comportamento que poida atentar contra as normas básicas de seguridade e hixiene. c) Calquera actuación ou comportamento que teña efectos nocivos ou poña en risco a saúde das persoas usuarias. d) A circulación de calquera tipo de vehículo a máis velocidade da autorizada e indicada nos sinais correspondentes. e) Calquera actividade de risco e ou violencia física. f) A venda, subministro e consumo de produtos legalmente prohibidos ou que poidan xerar dependencia (alcohol, tabaco, estupefacientes, etc.). g) Calquera actividade relacionada con xogos de azar ou apostas. h) Calquera actividade que supoña o uso de fogos artificiais ou pirotecnia, agás autorización expresa e control correspondente. i) A introdución de calquera tipo de arma ou dispositivo que poida ser utilizada como tal. j) Calquera actividade que supoña alterar a finalidade dun servizo ou espazo. 2. Nos regulamentos de réxime interior de cada centro de acollemento concretaranse aquelas actividades cuxa práctica estará prohibida por considerárense nocivas para as persoas usuarias e o persoal. 3. Na utilización de espazos concretos para a realización de determinadas actividades atenderase á normativa e condicións de uso específicas establecidas para os efectos. 4. As actividades e comportamentos prohibidos a nivel de institución e, de ser o caso, a nivel de centros de acollemento, fanse extensivas ao uso do transporte institucional. TÍTULO IX. AVALIACIÓN E CALIDADE CAPÍTULO I. SISTEMA DE CALIDADE Artigo 202. Principios No apartado 13 do Proxecto socioeducativo institucional establécese un sistema de avaliación da calidade institucional con carácter xeral, e dos centros de acollemento e dos demais servizos en particular. Os principios deste sistema son: 1. Ofrecer un servizo institucional eficaz que responda á verdadeira esencia da súa finalidade: a protección de menores. 2. Mellorar a acción e a atención ofrecidas aos menores beneficiarios do servizo prestado pola institución. 3. Implantar unha cultura da avaliación capaz de identificar, mediante a análise e reflexión, os puntos de intervención necesarios para a prestación dun servizo eficaz. 4. Responder co seu traballo ás necesidades e características das persoas usuarias. 5. Analizar e valorar as propias prácticas internas de organización e xestión para orientalas cara a unha prestación dun servizo profesionalizado e de calidade no ámbito da atención residencial a menores. 6. Prestixiar, a través do desenvolvemento coherente e tendente á mellora das prestacións, non só o traballo dos profesionais encargados dos diferentes servizos da institución, senón tamén á propia entidade titular, como responsable última das actividades realizadas na institución. Artigo 203. Indicadores 1. No ámbito dos centros de acollemento, os indicadores que se poderán empregar serán, con carácter xeral, os establecidos no apartado 13.2.5 do Proxecto socioeducativo institucional. 2. Con carácter específico, nos centros de acollemento prestarase especial atención a: a. Proceso de ingreso e acollemento: • Planificación do ingreso e preparación do acollemento. • Información dispoñible sobre o centro. b. Avaliación da situación do menor e definición do plan de intervención: • Avaliación do menor. • Definición e desenvolvemento do PEI. • Revisións de logros dos obxectivos establecidos no PEI. • Conservación das relacións e contactos coa familia. • Intervención coa familia. • Atención ás necesidades integrais de desenvolvemento do menor. • Participación da ou do menor. • Educación e proceso de escolarización do menor. c. Interacción do persoal do centro coas e cos menores. d. Seguridade e prevención de riscos. e. Rexistros. Sistema de documentación. Prazos . 3. Os centros de acollemento poderán recoller no seu regulamento a aplicación doutros indicadores, coa condición de ser coherentes co significado da avaliación previsto no Proxecto socioeducativo institucional. 4. Para a análise e avaliación da calidade na prestación doutros servizos, os indicadores que se utilizarán serán definidos en cada momento e terán como obxectivo fundamental a valoración dos seguintes aspectos: a. Dificultades no desenvolvemento das tarefas asignadas e cumprimento destas. b. Funcionamento de aparatos e utensilios de traballo. c. Establecemento de quendas de traballo, de ser o caso, ou reparto de funcións. d. Coordinación, de ser o caso, con outros servizos. e. Persoal necesario para o desenvolvemento do traballo encomendado. Artigo 204. Ámbitos de avaliación Poderán ser obxecto de avaliación: a) Os centros de acollemento. b) Os servizos de: mantemento-infraestruturas, cociña, comedor, roupeiro, lavandería, despensa, dietista e de sanidade. c) Calquera outro do que a dirección xerente considere necesario obter información sobre o seu funcionamento. Artigo 205. Instrumentos de avaliación 1. Con carácter xeral, utilizaranse como instrumentos para promover a avaliación e obter información: a) Os informes e actas de supervisión e inspección de centros. b) Os informes e actas de inspección de servizos. c) Os informes derivados do sistema de queixas e suxestións institucional e de centros. d) As enquisas de satisfacción que, de ser o caso, se realicen. e) As propostas presentadas desde os diferentes servizos e centros. 2. Con carácter específico, para abordar a avaliación os instrumentos que se utilicen requirirán as seguintes condicións: • Ser coherentes coa natureza da información que se pretende acadar. • Ser aplicables no tempo dispoñible para a súa execución. • Ser explícitos e concretos, así como intelixibles. 3. Poderán propoñer instrumentos de avaliación: a) A dirección xerente, con carácter xeral. b) Os centros de acollemento e os diferentes servizos no seu ámbito de análise. 4. Os instrumentos de avaliación empregados serán dados a coñecer aos centros e servizos afectados, así como, de ser o caso, aos órganos de coordinación e participación correspondentes, a nivel institucional e de centros. Artigo 206. Axentes avaliadores 1. A persoa responsable de promover e implantar o sistema de avaliación establecido no Proxecto socioeducativo institucional será a que desempeñe a función de dirección xerente da institución. 2. Serán axentes avaliadores, como mínimo, os seguintes: a) A dirección xerente, especialmente no ámbito institucional xeral, no marco de execución do proxecto de dirección e da xestión e organización xeral, así como, de ser o caso, nos plans de mellora que se implantasen. b) Os xefes dos respectivos servizos, no ámbito das súas competencias. c) As direccións dos centros de acollemento, a través dos órganos internos de coordinación e organización. d) As e os usuarios (menores e familias ou responsables legais), na medida en que o permitan as súas posibilidades. e) De ser o caso, as comisións designadas especificamente nos órganos de participación e coordinación establecidos a nivel institucional. 3. A dirección xerente, como principal responsable da institución, asumirá a competencia de realizar avaliacións parciais en diferentes ámbitos e nos distintos servizos e centros de acollemento, previa comunicación aos respectivos xefes e directores. Artigo 207. Calendario 1. Sen prexuízo do que se establece no apartado 13.2.7 do Proxecto socioeducativo institucional con respecto aos momentos en que se pode realizar a avaliación de determinados aspectos de organización e funcionamento de centros e de servizos, a dirección xerente está facultada para fixar temporalizacións ad hoc para proceder á avaliación. 2. A dirección xerente comunicará o proceso avaliador aos centros ou servizos correspondentes o proceso avaliador coa debida anticipación (non inferior a sete días). 3. Cando, pola súa urxencia ou necesidade, sexa indispensable a presenza in situ da dirección xerente para verificar o cumprimento de determinados aspectos de organización ou funcionamento de centros ou servizos non se esixirá o anuncio previo e será suficiente con avisar con carácter inmediato ao responsable directo destes ou á persoa en quen se delegase. Artigo 208. Destinatarios do proceso avaliador 1. Os destinatarios do proceso avaliador e, xa que logo, dos informes respectivos sobre o mesmo serán, segundo cada caso: • A entidade titular. • A Consellería competente en materia de menores e os seus órganos de supervisión. • Os centros ou servizos respectivos. • Os órganos directivos da institución. • De ser pertinente, os usuarios da institución. 2. O traslado dos resultados obtidos e as propostas de mellora para emendar as deficiencias detectadas serán incorporadas a un informe, que funcionará como instrumento de traslado aos órganos pertinentes e será incluído nas Memorias correspondentes. CAPÍTULO II. RESPONSABILIDADES DA ADMINISTRACIÓN RESPECTO DOS USUARIOS Sección primeira. Responsabilidade patrimonial Artigo 209. Principios da responsabilidade 1. Os particulares terán dereito a ser indemnizados pola Administración pública correspondente por toda lesión que sufran en calquera dos seus bens e dereitos, sempre que a lesión sexa consecuencia do funcionamento normal ou anormal dos servizos públicos, agás nos casos de forza maior ou de danos que o particular teña o deber de soportar segundo a lexislación vixente. 2. O dano alegado terá que ser efectivo, avaliable economicamente e individualizado con relación a unha persoa ou grupo de persoas. 3. Para facer efectiva a responsabilidade patrimonial os particulares esixiranlle directamente á Administración pública correspondente as indemnizacións polos danos e prexuízos causados polas autoridades e persoal ao seu servizo. Sección segunda. Responsabilidade civil e penal do persoal e autoridades ao servizo da Administración Pública Artigo 210. Concepto de responsabilidade penal e civil 1. Incórrese en responsabilidade penal cando o comportamento que ocasiona un dano constitúe delito ou falta. O artigo 116 do Código Penal establece que as persoas responsables dun delito ou falta tamén o son civilmente dos danos e prexuízos derivados deste. 2. Incórrese en responsabilidade civil cando o comportamento lesivo non constitúe delito ou falta, pero hai que indemnizar o dano (persoal, patrimonial ou moral) producido polo mencionado comportamento. Artigo 211. Esixencia de responsabilidade. 1. A responsabilidade penal do persoal e autoridades ao servizo da Administración pública, así como a responsabilidade civil derivada, esixirase segundo o previsto na lexislación correspondente. 2. A esixencia de responsabilidade penal do persoal e autoridades ao servizo da Administración pública non suspenderá os procedementos de recoñecemento de responsabilidade patrimonial, agás nos casos de esixencia xurisdicional para a fixación de responsabilidade patrimonial. 3. A responsabilidade civil esixirase sempre e cando concorran as causas previstas na lexislación vixente. Sección terceira. Asistencia xurídica ao persoal Artigo 212. Defensa en procedementos xudiciais 1. Nos procedementos xudiciais que se dirixan contra o persoal, sempre que se trate de actos ou omisións realizados no exercicio dos seus cargos e no ámbito da súa actividade laboral, cumprindo o ordenamento xurídico ou as ordes dos seus superiores, solicitarase asistencia xurídica. Tamén se poderá proporcionar asistencia xurídica naqueles procedementos interpostos polo persoal na defensa dos seus dereitos cando sufrisen danos na súa persoa ou bens no exercicio do seu cargo. 2. A defensa nos procedementos xudiciais poderá realizarse por: • Letrado do Gabinete Xurídico da Administración. • Letrado da aseguradora, segundo a póliza subscrita. • Letrado elixido polo interesado, de ser necesario e previa comunicación á Administración. 3. A solicitude de asistencia xurídica requirirá a existencia dos informes que a Administración estime convenientes para a súa execución, así como de probas e documentación para o esclarecemento dos feitos. Artigo 213. Exclusións Quedan excluídas as reclamacións de danos que sexan consecuencia do incumprimento dunha relación contractual específica entre os traballadores e o responsable destes, así como as reclamacións e demandas dos traballadores entre si. TÍTULO X. DEREITOS E DEBERES CAPÍTULO I. DEREITOS E DEBERES DAS E DOS MENORES. GARANTÍAS Sección primeira. Dos dereitos das e dos menores Artigo 214. Carácter dos dereitos e instrumentos legais ou normativos 1. Ademais dos dereitos recoñecidos na Lei 13/2008, de 3 de decembro, de servizos sociais de Galicia e na Lei 3/2011, de 30 de xuño, de apoio á familia e á convivencia de Galicia, as persoas menores en acollemento gozarán de todos os dereitos individuais e colectivos recoñecidos no ordenamento xurídico estatal, autonómico e internacional. 2. En consonancia coa lexislación aludida, así como co que a este respecto se recolle no apartado 8.4 do proxecto socioeducativo institucional, os dereitos das persoas menores na institución e nos centros de acollemento serán os que se establecen nos artigos seguintes, sen prexuízo de que nos regulamentos de réxime interior de cada centro se poidan realizar as concrecións ou adaptacións pertinentes. Artigo 215. Dereito á dignidade persoal O exercicio deste dereito por parte das persoas menores concrétase nos seguintes aspectos: • Recibir un trato sen ningún tipo de discriminación por calquera condición ou circunstancia persoal, económica ou social, respectando as súas orixes e conservando a súa bagaxe cultural e relixiosa. • Recibir un trato, por parte do persoal e demais membros residentes, co máximo respecto, corrección e comprensión, tanto nas relacións verbais como na asistencia física para realizar as actividades da vida cotiá. • Recibir unha atención individual e personalizada. • Atender ás condicións de seguridade e protección. Para estes efectos, ademais de que cada centro cumpra cos requisitos de idoneidade estrutural e dispoña das medidas de seguridade necesarias para evitar riscos, cada centro deberá contar cun protocolo de prevención de relacións abusivas entre iguais e de adultos a menores. • Non ser obxecto de medidas correctoras que impliquen maltrato físico ou moral. • Ter cubertas as necesidades básicas da vida cotiá. • Manter relacións coa familia ou persoas significativas e recibir visitas, agás que o seu interese aconselle o contrario ou exista algunha resolución administrativa ou xudicial en contra. Artigo 216. Dereito á privacidade 1. O exercicio deste dereito por parte das persoas menores concrétase nos seguintes aspectos: • Contar coas garantías de intimidade na vida cotiá do centro. • Ter un lugar para gardar as súas pertenzas e conservar os enseres propios. • Inviolabilidade da súa correspondencia. • Recibir e facer chamadas telefónicas, agás risco para a súa protección, nos horarios establecidos no regulamento de réxime interno do centro. 2. No regulamento de réxime interior do centro definiranse as situacións en que pode procederse ao rexistro de posesións, que só se poderá realizar en caso de perigo para si mesmo ou para outras persoas, quedando estes rexistros debidamente documentados e comunicados ao servizo territorial de menores. Artigo 217. Dereito á confidencialidade O exercicio deste dereito por parte das persoas menores concrétase en: • Contar coa garantía de reserva e obriga de segredo profesional na utilización de datos do expediente individual e de calquera outra documentación que afecte ás súas persoas. • Conservar os expedientes e rexistros administrativos coas condicións de seguridade esixibles pola lexislación. Artigo 218. Dereito á propia imaxe 1. As persoas menores teñen dereito a estar protexidas de ataques á súa imaxe ante calquera intromisión ilexítima na súa intimidade, honra ou reputación, ou contraria aos seus intereses. 2. A propia imaxe e o nome da persoa menor non poden ser obxecto de intromisión ilexítima por medio de calquera utilización destes nos medios de comunicación. 3. A institución e os centros velarán polo respecto deste dereito e protexerano fronte a posibles ataques de terceiros, poñendo en coñecemento do Ministerio Fiscal os feitos que poidan constituír unha intromisión ilexítima no honor, intimidade ou imaxe propia das persoas menores. 4. En ningún caso se autorizará ningún tipo de entrevista relacionada coa situación persoal ou familiar das persoas menores ou sobre os motivos ou circunstancias do seu acollemento ou da súa protección legal. 5. Velarase polo uso adecuado das redes sociais, co fin de que as persoas menores sexan conscientes e aprendan a facer un bo uso da súa imaxe e intimidade. En caso de detectarse un uso inadecuado da imaxe das persoas menores nas redes sociais tomaranse as medidas oportunas para impedilo ou cesalo e, de ser o caso, comunicarlo aos órganos competentes (Fiscalía e servizo de menores) para que adopten as medidas pertinentes. Artigo 219. Dereito a ser oída ou oído 1. As persoas menores, conforme a súa idade e o seu grao de madurez, terán dereito a ser escoitadas en calquera dos procedementos que lles afecten, xa sexan iniciados propiamente por elas ou conflitos con terceiras persoas por cuxa resolución se poidan ver afectadas. 2. Especialmente, este dereito concrétase en situacións de imposición de medidas correctivas, de instrución de procedemento corrector, de desconformidade con aspectos da intervención socioeducativa, de elaboración de actividades para o seu desenvolvemento persoal, de realización ou recepción de visitas, etc. 3. Este dereito de facerse oír en decisións de transcendencia que afecten ás persoas menores é efectivo a partir dos 12 anos de idade, aínda que poderá ser exercido por quen non a acadase se ten capacidade de comprensión suficiente. Artigo 220. Dereito á información 1. O exercicio deste dereito por parte das persoas menores concrétase nos seguintes apartados: • Ser informadas de forma clara e precisa, segundo a súa idade e capacidade para comprender, sobre: a) Os seus dereitos e obrigas. b) Os dereitos e obrigas das e dos profesionais que as atenden. c) As funcións do centro de acollemento. d) A organización e o funcionamento do centro de acollemento. e) As normas de convivencia. f) Os procedementos de queixas e suxestións e de reclamacións. • Ser avaliadas das súas necesidades e contar cun proxecto educativo individualizado que se axuste ao plan de caso realizado polo servizo territorial de menores. • Ser informadas dos resultados da avaliación de necesidades e das propostas de intervención. • Ser informadas do contido do seu expediente, sempre que o seu interese non aconselle o contrario, e sempre que non se vulnere o dereito á intimidade doutras persoas afectadas. 2. A información a que se refire o punto 1 deberá cumprir cos seguintes requisitos: a) Ser transmitida verbal, adecuada e detalladamente. b) Ser transmitida por escrito, mediante folletos redactados en linguaxe de fácil comprensión, así como noutros formatos ou soportes adaptados ás necesidades especiais que puidesen presentar as persoas menores. c) Ser transmitida, ademais de polo servizo territorial de menores, polas e polos profesionais responsables da atención no recurso de acollemento no momento do seu ingreso e durante a súa permanencia. Artigo 221. Dereito á avaliación das necesidades e das aptitudes As persoas menores terán dereito a que se realice unha avaliación das súas necesidades e das súas aptitudes nun prazo prudencial a partir do seu ingreso, así como a ser informadas, segundo a idade e capacidade, dos resultados desa avaliación. Artigo 222. Dereito a un plan de atención individualizada As persoas menores terán dereito a dispoñer dun proxecto educativo individualizado nun prazo prudencial a contar desde o seu ingreso, así como a participar na súa elaboración e ser informadas dos obxectivos e actuacións previstas, segundo a idade e capacidade. Artigo 223. Dereito á promoción e protección da saúde 1. As persoas menores terán dereito a que nos centros se establezan actuacións destinadas á promoción e a protección da saúde e recibirán a atención sanitaria e os tratamentos especializados que requiran as súas necesidades. 2. As persoas menores terán dereito a recibir información do seu estado de saúde e, de ser o caso, do tratamento ao que deban someterse, atendendo á súa idade e capacidade, sen prexuízo de que o persoal facultativo poida levar a cabo as intervencións clínicas indispensables en favor da saúde, conforme o establecido legalmente en situacións de risco. Artigo 224. Dereito á educación 1. As persoas menores terán dereito a que nos centros de acollemento se lles proporcione unha educación integral que procure o desenvolvemento da súa personalidade no respecto dos principios democráticos de convivencia e aos dereitos e liberdades fundamentais. 2. As persoas menores, sempre que sexa posible, terán dereito á escolarización e a recibir ensino mediante a súa asistencia aos centros docentes que lles corresponda conforme os recursos do sistema educativo. Para estes efectos, utilizaranse criterios baseados na mellor cobertura das súas necesidades particulares e facilidade para os desprazamentos. 3. As persoas menores que o requiran dispoñerán de atención en centros de educación especial, segundo os recursos do sistema educativo, e as adaptacións curriculares necesarias. 4. As persoas menores escolarizadas terán dereito a recibir nos centros de acollemento o apoio necesario para a realización das tarefas escolares. Artigo 225. Dereito á liberdade de expresión 1. As persoas menores gozarán na institución e nos centros de acollemento do dereito á liberdade de expresión nos termos previstos na Constitución e nas leis, e cos límites de respecto aos dereitos dos demais e de protección, de ser o caso, á intimidade e á imaxe das propias persoas menores e do persoal. 2. Este dereito implica, en especial, a posibilidade de que a persoa menor exprese e difunda libremente as súas ideas e opinións, así como informacións veraces, a través de calquera medio de comunicación. 3. Nos regulamentos de réxime interior de cada centro determinarase a forma e os espazos e instrumentos cos que se pode exercer o dereito de expresión de forma escrita. Artigo 226. Dereito de participación 1. O exercicio efectivo do dereito á participación implicará que as persoas menores, atendendo á súa idade e capacidade para comprender, poidan: • Participar na avaliación das súas necesidades. • Participar na elaboración do seu proxecto educativo individualizado. • Participar na elaboración ou modificación do regulamento de réxime interior ou normas de convivencia do centro. • Participar na programación e desenvolvemento das actividades do centro. • Intervir na organización e funcionamento do centro por medio das canles de participación existentes e por medio dos procedementos de suxestións, queixas e reclamacións. • Participar nos procedementos de inspección e de avaliación periódica da calidade do centro, especialmente nos realizados pola inspección de servizos sociais e pola fiscalía de menores. • Contar coa participación da familia ou representantes legais na súa atención e nas decisións que lles afecten, sempre que non sexa contrario ao seu propio interese. 2. O dereito de participación das persoas menores poderá concretarse, mediante as ampliacións ou adaptacións correspondentes, no regulamento de réxime interior de cada centro, atendendo ás características da poboación menor atendida nel. 3. A nivel institucional, o dereito de participación das persoas menores amplíase a aqueles casos en que se realicen avaliacións internas para a determinación da calidade do servizo prestado pola institución. Artigo 227. Dereito á calidade do servizo 1. As persoas menores en acollemento terán dereito a que os recursos de acollemento cumpran os requisitos técnicos materiais, funcionais e de persoal establecidos pola lexislación autonómica e a que as administracións públicas velen por este cumprimento no marco das súas competencias de xestión e das súas funcións de autorización, homologación, inspección, rexistro e avaliación. 2. A calidade do servizo residencial, en consonancia co establecido no apartado 13 do proxecto socioeducativo institucional ("Sistema de avaliación da calidade institucional") e co recollido no Título IX deste mesmo regulamento de organización e funcionamento institucional, concretarase nos seguintes aspectos: a) Protección e seguridade, así como satisfacción das necesidades fundamentais e acceso aos servizos básicos. b) Condicións de habitabilidade e seguridade das instalacións. c) Información adecuada e precisa sobre o contido, características e condicións dos bens e servizos. d) Trato transparente, equitativo e non discriminatorio ou abusivo. e) Existencia de procedementos de suxestións, queixas e reclamacións. f) Difusión e promoción dos dereitos das persoas usuarias. g) Atención profesional con competencia técnica e científica. h) Respecto pola ratio de atención profesional. i) Existencia de documentos organizativos, plans e programas e proxectos de organización na procura dunha calidade de xestión. Artigo 228. Dereito a presentar queixas e reclamacións 1. As persoas menores en acollemento terán dereito a expresar a súa desconformidade sobre calquera aspecto da atención residencial, incluído o trato recibido polo persoal, así como a recibir unha contestación expresa ao caso formulado. 2. As persoas menores poderán solicitar en calquera momento as follas de suxestións e o libro de reclamacións para poder cubrir, onde se expoñerá de forma clara e concisa o motivo da queixa ou reclamación ou o contido da suxestión, xuntando os datos e documentos que considere oportunos. 3. As persoas menores poderán formular directamente as súas queixas ante a dirección xerente da institución, ao servizo territorial de menores, ao equipo técnico, á inspección de servizos sociais, á Fiscalía de menores, ao Defensor do Pobo, sen prexuízo doutros órganos ou persoas con competencia sobre a queixa ou reclamación formulada. 4. Para o exercicio deste dereito a institución e os centros teñen o deber de proporcionarlle ás persoas menores información sobre o órgano a quen dirixirse e o procedemento que deben empregar en cada caso concreto. Artigo 229. Dereito a realizar saídas ao exterior As persoas menores en acollemento terán dereito a realizar saídas ao exterior nos termos e condicións expresados na normativa aplicable, salvo que o exercicio deste dereito estea limitado por resolución xudicial. Sección segunda. Das obrigas das persoas menores Artigo 230. Carácter das obrigas e instrumentos legais ou normativos 1. Ademais das obrigas recoñecidas na Lei 13/2008, de 3 de decembro, de servizos sociais de Galicia e na Lei 3/2011, de 30 de xuño, de apoio á familia e á convivencia de Galicia, as persoas menores en acollemento cumprirán todas as obrigas establecidas no ordenamento xurídico estatal, autonómico e internacional. 2. En consonancia coa lexislación aludida e co que a este respecto se recolle no apartado 8.4 do Proxecto socioeducativo institucional, as obrigas das persoas menores na institución e nos centros de acollemento, en función da súa idade e grao de desenvolvemento, serán as que se establecen nos artigos seguintes, sen prexuízo de que nos regulamentos de réxime interior de cada centro se poidan realizar as concrecións ou adaptacións pertinentes. Artigo 231. Cumprimento da normativa de réxime interno As persoas menores en acollemento terán a obriga de coñecer e cumprir as normas de organización e funcionamento, contidas no regulamento de réxime interno do centro e, de ser o caso, no seu plan de convivencia. Artigo 232. Cumprimento das medidas educativas correctoras As persoas menores en acollemento terán a obriga de cumprir as medidas educativas que lles sexan aplicadas como consecuencia de condutas inaxeitadas. Artigo 233. Respecto polas demais persoas 1. As persoas menores en acollemento terán a obriga de respectar todos os dereitos recoñecidos ás demais persoas da comunidade socioeducativa, moi especialmente polas compañeiras e aos compañeiros do recurso e ás persoas profesionais que as atenden, respectando a dignidade e función de cantas persoas vivan ou traballen no centro e na institución. Do mesmo xeito, respectarán as pertenzas e efectos persoais dos outros membros da comunidade socioeducativa. 2. As persoas menores en acollemento atenderán ás indicacións que lles realice o persoal do centro no exercicio lexítimo das súas funcións. 3. Esta obriga é igualmente válida para todas aquelas persoas coas que se relacione a ou o menor durante a realización de saídas ou actividades programadas. Artigo 234. Respecto polas instalacións As persoas menores en acollemento terán a obriga de respectar e utilizar correctamente o mobiliario, os utensilios, o equipamento e, en xeral, todas as instalacións do centro de acollemento e da institución. Artigo 235. Desenvolvemento das actividades 1. As persoas menores en acollemento terán a obriga de desenvolver as actividades escolares, laborais ou calquera outra orientada á súa formación, programadas no seu proxecto educativo individualizado, tanto internas como externas. 2. As persoas menores en acollemento respectarán os horarios do centro, permanecerán nos lugares indicados en cada momento e comunicaranlle ao persoal educativo calquera incidencia que se produza. Artigo 236. Recoñecementos e probas médicas Con carácter xeral, as persoas menores deberán someterse aos recoñecementos e probas médicas que sexan precisos para garantir o seu propio dereito á saúde e o de todas as persoas que viven ou traballan no centro. Artigo 237. Seguridade, saúde e hixiene 1. As persoas menores en acollemento terán a obriga de cumprir as normas de seguridade, saúde e hixiene nos centros de acollemento e na institución, considerando expresamente a prohibición de fumar, inxerir bebidas alcohólicas e consumir estupefacientes, así como as referentes a vestiario, alimentación e aseo persoal establecidas no centro co obxecto de conseguir unha convivencia saudable. 2. As persoas menores en acollemento non facilitarán sen autorización debida o acceso ás instalacións do centro a persoas alleas a este nin acompañarán a ninguén que accedese indebidamente. Artigo 238. Colaboración na vida interna do centro 1. As persoas menores en acollemento colaborarán para lograr unha actividade ordenada no interior do centro, para o que deberán realizar as tarefas persoais obrigatorias previstas nas normas de funcionamento interno do centro para manter a súa boa orde e limpeza. 2. Así mesmo, colaborarán para conseguir unha convivencia adecuada entre todas as persoas menores e adultas que residen no centro, comportándose de forma correcta e adecuada. Sección terceira. Das garantías Artigo 239. Información Os centros de acollemento informarán ás persoas menores e ás súas familias, desde o momento do ingreso, dos seus dereitos, así como das garantías existentes para o seu correcto exercicio. Artigo 240. Irrenunciabilidade As persoas menores en acollemento non poderán renunciar, conforme o ordenamento xurídico, aos dereitos que a Constitución e as leis ou normativa vixente lles recoñecen. Artigo 241. Efectividade 1. Os centros de acollemento garantirán que as persoas menores poidan exercer os seus dereitos sen máis limitacións que as establecidas no ordenamento xurídico, facilitándolles para iso a asistencia adecuada. 2. A dirección xerente da institución e as direccións dos respectivos centros velarán para que as actuacións desenvolvidas na intervención socioeducativa se orienten de forma que se lles ofrezan aos menores as canles adecuadas para o exercicio efectivo dos seus dereitos. Artigo 242. Reclamacións, queixas e suxestións 1. As persoas menores en acollemento e os seus familiares terán dereito a expresar a súa desconformidade con calquera aspecto da atención recibida mediante a presentación de queixas que se poderán formular no propio centro ou a través do sistema institucional, sen prexuízo das accións que consideren oportunas respecto da Entidade ou da Consellería competente en materia de menores. Ademais, terán dereito a recibir unha contestación expresa ao caso presentado. 2. As persoas menores e os seus familiares poderán facer uso, no momento que o desexen, do sistema de presentación de suxestións tanto a nivel de centro como a nivel institucional. 3. As persoas menores en acollemento terán dereito a facer uso, no momento en que o desexen, do libro de reclamacións e a recibir unha contestación expresa ao caso presentado. 4. As persoas menores en acollemento terán dereito, ademais, a formular as súas queixas ou reclamacións por desconformidade coas actuacións e intervencións socioeducativas perante a inspección de servizos sociais, a fiscalía de menores, o Defensor do Pobo, a Consellería competente en materia de menores e ante avogadas e avogados ou xuíces e xuízas ou aqueles outros organismos que estimen oportuno. Para estes efectos, os centros indicarán o procedemento establecido e facilitarán toda a información que se esixa a este respecto. CAPÍTULO II. DEREITOS E DEBERES DAS FAMILIAS Sección primeira. Dos dereitos das familias Artigo 243. Carácter dos dereitos e instrumentos legais ou normativos 1. Ademais dos dereitos recoñecidos na Lei 13/2008, de 3 de decembro, de servizos sociais de Galicia e na Lei 3/2011, de 30 de xuño, de apoio á familia e á convivencia de Galicia, as familias con persoas menores en acollemento gozarán de todos os dereitos individuais e colectivos recoñecidos no ordenamento xurídico estatal, autonómico e internacional. 2. En consonancia coa lexislación aludida, así como co que a este respecto se recolle no apartado 8.5 do proxecto socioeducativo institucional, os dereitos das familias con persoas menores na institución e nos centros de acollemento serán os que se establecen nos artigos seguintes, sen prexuízo de que nos regulamentos de réxime interior de cada centro se poidan realizar concrecións ou adaptacións pertinentes. Artigo 244. Dereito á información 1. Desde os centros de acollemento, sempre que non exista contraindicación ou limitación legal ao respecto, facilitaráselle á familia de cada menor toda a información necesaria e precisa, nos momentos e cuestións sinalados a continuación, das que debe quedar constancia nas sesións informativas realizadas: a) No momento do ingreso de cada menor ou nos días seguintes, facilitarase información sobre: • O funcionamento do centro, o programa de intervención que desenvolve e as normas máis importantes que rexen na organización e convivencia deste. • Os dereitos e obrigas respecto ao acollemento de menores no centro, así como dos procedementos existentes para garantir o exercicio daqueles. • As condicións en que se vai desenvolver o réxime de relacións familiares establecido e as visitas que se realicen no centro, os obxectivos e importancia destas e o que implican para cada menor. b) Nos casos en que estea prevista a reintegración, e sempre que se demande, o centro aportará información sobre: • O proceso de adaptación e integración da persoa menor no centro: situación emocional, grao de convivencia e relacións sociais, actitudes e comportamentos. • A evolución do seu proceso educativo conforme os criterios establecidos no seu PEI. • As posibles incidencias ou intervencións relacionadas coa saúde e o estado físico. • Os resultados do seguimento académico ou, de ser o caso, os da actividade desenvolvida por cada menor (motivación, capacidade, rendemento, etc.). 2. As familias de menores en acollemento, sempre que non haxa contraindicación ou prohibición expresa de tipo administrativo ou xudicial, terán o dereito de ser informadas das reunións que se efectúen nos centros, dos cambios que se produzan no proceso socioeducativo da persoa menor, así como de calquera intervención ou procedemento corrector que se inicie sobre a ou o menor. Artigo 245. Dereito de participación Os membros da familia terán dereito a que se lles preste o apoio adecuado e a contar cos mecanismos que posibiliten a súa participación, xunto a cada menor, sempre que lles estea permitido e non exista ningunha contraindicación a este respecto, tanto na vida do centro como no réxime de atención que reciba a persoa acollida, e, de forma moi especial, no proceso de adaptación desta ao centro, na adopción de decisións que lle afecten e no desenvolvemento daqueles contidos ou áreas contempladas no PEI establecido. Artigo 246. Dereito a un trato respectuoso e personalizado A familia de cada menor terá dereito a recibir do persoal da institución e do centro un trato adecuado e unha atención respectuosa para co seu honor, intimidade e valores culturais, relixiosos e étnicos, primando o segredo profesional e o interese superior da persoa protexida en función das circunstancias en cada caso. Artigo 247. Dereito a presentar suxestións, queixas e reclamacións 1. As familias de persoas menores en acollemento terán dereito a expresar a súa desconformidade sobre calquera aspecto da atención recibida mediante a presentación de queixas que se poderán formular no propio centro ou a través do sistema institucional, sen prexuízo das accións que consideren oportunas respecto da Entidade ou da Consellería competente en materia de menores. Así mesmo, terán dereito a recibir unha contestación expresa ao caso presentado. 2. As familias das persoas menores en acollemento poderán facer uso, no momento que o desexen, do sistema de presentación de suxestións tanto a nivel de centro como a nivel institucional. 3. As familias das persoas menores en acollemento terán dereito a facer uso, no momento en que o desexen, do libro de reclamacións e a recibir unha contestación expresa ao caso presentado. 4. As familias das persoas menores en acollemento terán dereito, ademais, a formular as súas queixas ou reclamacións por desconformidade coas actuacións e intervencións socioeducativas perante a inspección de servizos sociais, a fiscalía de menores, o Defensor do Pobo, a Consellería competente en materia de menores, e ante avogadas e avogados ou xuíces e xuízas ou aqueles outros organismos que estimen oportuno. Para estes efectos, os centros indicarán o procedemento establecido e facilitarán toda a información que se esixa a este respecto. Artigo 248. Dereito a recibir apoio, orientación e formación As familias das persoas menores en acollemento recibirán dos membros do equipo de profesionais do centro o apoio psicolóxico e emocional necesario, así como as orientacións e indicacións mínimas dirixidas a facilitar a súa participación e colaboración no réxime de atención que se presta ás persoas acollidas. Artigo 249. Dereito a relacións e visitas autorizadas 1. Sempre que non estea expresamente indicado, as familias das persoas en acollemento terán dereito a manter visitas e a relacionarse con cada menor, segundo a regulación establecida de relacións persoais. Para estes efectos o centro asignará o espazo máis adecuado, observando, en calquera caso, a resolución xudicial ou administrativa. 2. Levarase a cabo un seguimento, tanto das visitas como das saídas previamente reguladas de cada menor cos seus familiares ou persoas significativas, co fin de controlar as situacións de risco e de coñecer a evolución da relación familiar. 3. Nas visitas de familiares, segundo a necesidade, garantirase a protección da persoa menor, así como a intimidade necesaria para esta relación. Para estes e outros efectos o centro informará a familia de forma clara e comprensible dos requisitos das visitas, así como dos dereitos e obrigas das partes intervinientes que deberán terse en conta durante o transcurso destas. 4. Se a persoa menor en acollemento expresase o seu desexo de non manter visitas con determinados familiares ou manifestase emocións negativas respecto a estas o centro comunicaralle tal circunstancia ao órgano correspondente (ETM), que valorará a situación para poder adoptar as medidas oportunas de xeito fundamentado. 5. O centro rexistrará e anotará no expediente de cada menor os contactos e visitas cos familiares, así como o resultado que se deriven destes, dando coñecemento ao órgano competente. 6. Cada centro deberá recoller no seu regulamento de réxime interior o procedemento que se vai seguir, as persoas responsables e os contidos da información que se vai transmitir, por escrito e de forma verbal, ás familias de cada menor, así como as condicións en que estas poderán levar a cabo a participación e colaboración co centro, así como o desenvolvemento das visitas, establecendo un horario de acordo co establecido administrativa ou xudicialmente, ou para aquelas saídas que poida realizar a persoa menor ao exterior de forma non acompañada. 7. Non poderán impedirse as relacións entre unha persoa menor e os seus familiares ou persoas achegadas, agás resolución expresa que o prohiba. Artigo 250. Dereito de consentimento e audiencia 1. As familias das persoas menores, agás contraindicación ou prohibición expresa de tipo administrativo ou xudicial, terán dereito a dar ou non dar o seu consentimento para as avaliacións profesionais que o requiran. 2. As familias das persoas menores, agás impedimento administrativo ou xudicial, terán dereito a participar no trámite de audiencia derivado da aplicación de medidas correctoras. Sección segunda. Das obrigas das familias Artigo 251. Carácter das obrigas e instrumentos legais ou normativos 1. Ademais das obrigas recoñecidas na Lei 13/2008, de 3 de decembro, de servizos sociais de Galicia e na Lei 3/2011, de 30 de xuño, de apoio á familia e á convivencia de Galicia, as familias con persoas menores en acollemento cumprirán con todas as obrigas establecidas no ordenamento xurídico estatal, autonómico e internacional. 2. En consonancia coa lexislación aludida, así como co que a este respecto se recolle no apartado 8.5 do Proxecto socioeducativo institucional, as obrigas das familias con persoas menores na institución e nos centros de acollemento, en función das resolucións emitidas sobre as características de ingreso e permanencia, serán as que se establecen nos artigos seguintes, sen prexuízo de que nos regulamentos de réxime interior de cada centro se poidan realizar concrecións ou adaptacións pertinentes. Artigo 252. Cumprimento da normativa de réxime interno 1. As familias das persoas menores en acollemento deberán cumprir coa normativa de réxime interno tanto a nivel institucional como de centro. 2. Para os efectos do punto anterior, informarase ás familias das normas internas existentes e o modo en que poderán coñecelas. Artigo 253. Trato respectuoso ao centro, a menores e ao persoal A familia de cada menor, nos seus diferentes contactos e relacións co centro, deberá mostrar un trato respectuoso coas dependencias e equipamento deste, co resto das e dos menores e co persoal, tanto na súa dignidade individual como na súa tarefa profesional. Artigo 254. Implicación e colaboración co centro na intervención socioeducativa 1. A familia dunha persoa menor en acollemento, agás contraindicación administrativa ou xudicial, deberá prestar todos os apoios precisos para asegurar unha intervención efectiva, así como responder ás comunicacións e informacións que se lle fagan chegar e aportar a documentación que lle sexa solicitada. 2. Para estes efectos, o centro dirixirá os seus esforzos a propiciar a implicación familiar, especialmente a través da figura da persoa titora, que será quen se encargue de orientar as relacións, de procurar espazos para participar no proceso socioeducativo e de facilitar a orientación e os modelos adecuados sobre a atención. Artigo 255. Cumprimento de compromisos e responsabilidades adquiridas A familia da persoa menor en acollemento, agás prescrición en contra, deberá participar na toma de decisións que lles afecten, tanto no que se refire á ou ao menor en acollemento como a si mesma, a través dun conxunto de compromisos ou contratos, onde se precise o tipo de participación que se espera dela, podéndose concretar mediante a participación en actividades programadas, realización de tarefas de atención e coidado que se determinen para cada menor, o apoio aos seus progresos, a comunicación co centro e a colaboración para lograr os fins establecidos no PEI e a proposta, de ser o caso, de novos obxectivos. Artigo 256. Colaboración co centro en supostos de ausencia A familia deberá colaborar co centro favorecendo o reingreso da persoa menor, en caso de que se encontre ausente do centro, así como informar de maneira inmediata no caso de que a persoa menor se ausentase sen xustificación cando estea no ámbito familiar e se descoñeza o seu paradeiro. Sección terceira. Das garantías Artigo 257. Información Os centros de acollemento informarán as familias das persoas menores, desde o momento do ingreso, dos seus dereitos, así como das garantías existentes para o seu correcto exercicio. Artigo 258. Irrenunciabilidade As familias das persoas menores en acollemento non poderán renunciar, conforme o ordenamento xurídico, aos dereitos que a Constitución e as leis ou normativa vixente lles recoñecen. Artigo 259. Efectividade 1. Os centros de acollemento garantirán que as familias das persoas menores poidan exercer os seus dereitos sen máis limitacións que as establecidas no ordenamento xurídico, facilitándolles para iso a asistencia adecuada. 2. A dirección xerente da institución e as direccións dos respectivos centros velarán para que as actuacións desenvolvidas na organización, xestión e intervención socioeducativa se orienten de forma que se lles ofrezan ás familias das persoas menores as canles adecuadas para o exercicio efectivo dos seus dereitos. Artigo 260. Reclamacións, queixas e suxestións 1. As familias das persoas menores en acollemento terán dereito a expresar a súa desconformidade sobre calquera aspecto da atención recibida mediante a presentación de queixas que se poderán formular no propio centro ou a través do sistema institucional, sen prexuízo das accións que consideren oportunas respecto da entidade ou da Consellería competente en materia de menores. Así mesmo, terán dereito a recibir unha contestación expresa ao caso presentado. 2. As familias das persoas menores poderán facer uso, no momento que o desexen, do sistema de presentación de suxestións tanto a nivel de centro como a nivel institucional. 3. As familias das persoas menores en acollemento terán dereito a facer uso, no momento en que o desexen, do libro de reclamacións e a recibir unha contestación expresa ao caso presentado. 4. As familias das persoas menores en acollemento terán dereito, ademais, a formular as súas queixas ou reclamacións por desconformidade coas actuacións e intervencións socioeducativas perante a inspección de servizos sociais, a fiscalía de menores, o Defensor do Pobo, a Consellería competente en materia de menores, e ante avogadas e avogados ou xuíces e xuízas ou aqueles outros organismos que estimen oportuno. Para estes efectos, os centros indicarán o procedemento establecido e facilitarán toda a información que se esixa a este respecto. CAPÍTULO III. DEREITOS E DEBERES DO PERSOAL PSICOSOCIOEDUCATIVO Sección primeira. Dos dereitos do persoal psicosocioeducativo Artigo 261. Dereitos laborais As e os profesionais dos recursos de acollemento terán todos os dereitos que, no ámbito laboral e da función pública, lles sexan recoñecidos pola lexislación e os convenios correspondentes. Artigo 262. Dereito á información 1. As e os profesionais terán dereito a que, desde os diferentes organismos públicos, se lles ofreza toda a información necesaria para garantir a atención residencial máis adecuada e eficaz na intervención socioeducativa con menores. Para estes efectos, entenderase que a mencionada información será a recollida no plan individual de atención ou plan de caso. Na atención a menores que ingresan a través da Deputación arbitraranse as medidas oportunas en cada centro para que a información necesaria lles sexa ofrecida aos profesionais que traballan directamente con estas persoas menores. 2. Así mesmo, As e os profesionais terán dereito a que a Consellería competente en materia de menores ou, de ser o caso, a entidade da que dependa o recurso residencial lles remitan a información relativa a posibles modificacións na normativa reguladora que resulte de aplicación, así como calquera outra información que puidese afectar ao desenvolvemento do seu traballo. 3. As e os profesionais terán dereito a coñecer os documentos institucionais e os documentos técnicos de organización e de funcionamento dos seus centros, co obxecto de desempeñar máis eficazmente o seu labor de intervención. 4. As e os profesionais terán dereito a consultar as actas dos diferentes órganos constituídos tanto a nivel institucional como a nivel de centros. 5. As e os profesionais terán dereito a ser informadas das características de organización e funcionamento do seu centro de traballo. 6. As e os profesionais, no exercicio das súas funcións, terán dereito a ser informadas de queixas ou reclamacións que se presentasen polo seu desempeño e a presentar as alegacións pertinentes. Artigo 263. Dereito á participación As e os profesionais terán dereito á participación, e o exercicio deste dereito concrétase nos seguintes aspectos: a) Intervir na organización e funcionamento institucional por medio dos órganos de participación (consello socioeducativo institucional) e de coordinación (consello coordinador de centros de acollemento). b) Intervir na organización e funcionamento dos centros de acollemento a través dos órganos internos correspondentes. c) Participar nos procedementos de inspección e de avaliación de calidade dos servizos. d) Presentar suxestións, queixas ou reclamacións, tanto a nivel institucional como a nivel de centros de acollemento. Artigo 264. Dereito a ser oído As e os profesionais terán dereito a ser atendidas polos órganos directivos da institución e dos centros de acollemento para a formulación de propostas de mellora sobre a organización e funcionamento destes, así como sobre as características da intervencións socioeducativa practicada sobre as e os menores en acollemento. Artigo 265. Dereito a ser respectado As e os profesionais terán dereito a ser respectados na súa dignidade persoal e no exercicio das súas funcións e responsabilidades por todos os membros da comunidade socioeducativa. Artigo 266. Dereito de formación e asesoramento técnico 1. As e os profesionais terán dereito a contar cunha formación inicial destinada a facilitar a súa adaptación ás particulares características do recurso de acollemento e a beneficiarse dunha formación continuada durante a súa permanencia no posto de traballo. 2. As e os profesionais, en especial aquelas de nova incorporación, terán dereito a dispoñer de acompañamento e asesoramento técnico que lles sirva de apoio e facilite o contraste e a reflexión no desenvolvemento das súas funcións. Artigo 267. Dereito de uso de equipamentos e instalacións As e os profesionais, no exercicio das súas funcións socioeducativas, terán dereito a utilizar os espazos, instalacións, recursos e equipamentos da institución e do centro de acollemento, sempre que non exista contraindicación a este respecto e sen prexuízo de que estean reservados para outro uso. Artigo 268. Dereito a un servizo de calidade As e os profesionais terán dereito a dispoñer dos medios necesarios para garantir a prestación dun servizo de acordo cos requisitos materiais, funcionais e de persoal, regulados pola normativa autonómica e a que as administracións públicas velen polo cumprimento deste dereito. Artigo 269. Dereito á protección legal e defensa xurídica As e os profesionais, no exercicio das súas funcións, terán dereito ao asesoramento xurídico, á defensa legal e á protección por parte da Administración pública competente nos procedementos que se sigan ante calquera orde xurisdicional, así como á cobertura da responsabilidade civil en relación con feitos consecuencia do exercicio lexítimo das súas funcións ou cargos, agás nos casos de conflito coa propia Administración. Sección segunda. Dos deberes do persoal psicosocioeducativo Artigo 270. Obrigas laborais As e os profesionais dos recursos de acollemento terán todas as obrigas que, no ámbito laboral e da función pública, lles impoñan a lexislación e os convenios correspondentes, así como cumprir co regulamentado no Estatuto Básico do Empregado Público e normativa que o desenvolva ou complemente. Artigo 271. Cumprimento da normativa 1. As e os profesionais dos centros de acollemento terán a obriga de coñecer e cumprir a normativa vixente no ámbito da atención e protección á infancia e adolescencia, no ámbito dos servizos sociais e en materia de igualdade de mulleres e homes e, en particular, as normas reguladoras da organización e funcionamento dos recursos de acollemento nos que exercen a súa actividade. 2. Para estes efectos, deberán coñecer e cumprir coa normativa vixente de organización e funcionamento da institución, en particular do Proxecto socioeducativo e do Regulamento de organización e funcionamento institucional, sen prexuízo do coñecemento e cumprimento de plans , protocolos e normas específicas que se ditasen. Artigo 272. Cumprimento das normas de convivencia 1. As e os profesionais dos recursos de acollemento terán a obriga de gardar as normas de convivencia e respecto mutuo nos centros onde exercen a súa actividade e en calquera outro lugar relacionado co desempeño da súa actividade. 2. Para estes efectos, deberán observar tamén as normas de convivencia institucional expresadas neste mesmo regulamento e derivadas do proxecto socioeducativo institucional. Artigo 273. Respecto ás persoas As e os profesionais dos centros de acollemento terán a obriga de respectar todos os dereitos dos nenos, nenas e adolescentes, así como das familias e do resto dos profesionais, que se derivan deste regulamento, do Proxecto socioeducativo institucional e do conxunto do ordenamento xurídico vixente. Artigo 274. Respecto ás instalacións As e os profesionais dos recursos de acollemento terán a obriga de respectar e utilizar correctamente o mobiliario, os utensilios, os equipamentos e, en xeral, todas as instalacións dos centros onde prestan servizos, da institución e de calquera lugar relacionado coas súas actividades. Artigo 275. Obriga de comunicación 1. As e os profesionais dos centros de acollemento terán a obriga de informar á persoa responsable do centro ou da institución ou, se o estimasen necesario, ao correspondente servizo territorial de menores das irregularidades ou anomalías que observen no funcionamento, a organización ou as instalacións do recurso de acollemento, así como calquera sospeita de vulneración grave dos dereitos das persoas usuarias. 2. No último suposto do punto anterior, se non obtivesen contestación ou se, de obtela, considerasen que con esta non queda satisfeito o dereito que consideran vulnerado, comunicaranlle a situación ao Ministerio Fiscal. Artigo 276. Obriga de avaliación de necesidades e aptitudes As e os profesionais dos centros de acollemento terán a obriga de avaliar as necesidades e aptitudes das persoas menores ao seu cargo, co fin de garantir o seu acceso aos servizos e prestacións que resulten máis adecuados. Artigo 277. Obriga de elaboración, aplicación e avaliación do PEI 1. As e os profesionais terán a obriga, no ámbito das súas competencias, de elaborar e aplicar un PEI axustado ás necesidades e aptitudes das persoas menores, detectadas durante a avaliación e segundo as previsións contidas no plan de caso. 2. Así mesmo, terán a obriga de proceder á avaliación continua do PEI co obxecto de velar pola consecución dos obxectivos marcados no plan de caso. Artigo 278. Obriga de formación As e os profesionais dos centros de acollemento terán a obriga dunha formación continuada que responda ás áreas de traballo, tipoloxías de centros, así como á necesidade de utilizar diversas técnicas e instrumentos de planificación e intervención socioeducativa. Artigo 279. Outras obrigas As e os profesionais dos centros de acollemento terán, ademais, no exercicio das súas funcións, competencias e responsabilidades, as seguintes obrigas: a) Participar nas reunións ás que fosen convocadas. b) Coordinarse cos diferentes profesionais co obxecto de intercambiar a información necesaria que facilite unha mellor prestación na atención socioeducativa e na organización do centro. c) Dinamizar e promover actividades que favorezan o desenvolvemento das e dos menores en todas as áreas de intervención. d) Informar as familias e implicalas na vida do centro, como elemento fundamental da intervención e referencia preferente da persoa menor. e) Colaborar e facilitar a información que se esixa como consecuencia de supervisións e inspeccións no recurso. f) Manter o grao de reserva e a garantía de sixilo profesional e confidencialidade con respecto aos datos das persoas usuarias coas que desenvolven o seu traballo. Sección terceira. Das garantías Artigo 280. Ordenamento xurídico As e os profesionais dos centros de acollemento, no exercicio das súas responsabilidades, contarán con todas as garantías que ofrece a entidade titular en defensa dos seus traballadores, así como das que se derivan do ordenamento xurídico vixente. Artigo 281. A nivel institucional Para garantir o exercicio dos dereitos das e dos profesionais, a nivel de centros de acollemento e nas súas competencias e responsabilidades a nivel institucional, contarase coas seguintes garantías: a) Audiencia perante a dirección do centro. b) Audiencia perante a dirección da institución. c) Sistema de presentación de suxestións e queixas, tanto a nivel de centro como a nivel institucional, e contestación expresa ao seu caso. d) Sistema de presentación de reclamacións e contestación expresa ao seu caso. e) Posibilidade de emprender, a nivel individual ou colectivo, accións que se consideren oportunas ante os organismos competentes. CAPÍTULO IV. DEREITOS E DEBERES DO PERSOAL DOUTROS SERVIZOS Sección primeira. Dos dereitos do persoal Artigo 282. Dereitos laborais O persoal doutros servizos prestados na institución e nos centros de acollemento terá todos os dereitos que, no ámbito laboral e da función pública, lle sexan recoñecidos pola lexislación e os convenios correspondentes. Artigo 283. Dereito á información 1. O persoal doutros servizos prestados na institución e nos centros de acollemento terá dereito a que, desde a entidade titular, se lle ofreza toda a información necesaria para garantir un servizo máis adecuado e eficaz no exercicio das súas funcións. 2. Así mesmo, o persoal doutros servizos terá dereito a que a entidade lle remita a información relativa a posibles modificacións na normativa reguladora que resulte de aplicación, así como calquera outra información que puidese afectar ao desenvolvemento do seu traballo. 3. O persoal doutros servizos prestados na institución e nos centros de acollemento terá dereito a coñecer os documentos institucionais e técnicos de organización e de funcionamento do seu servizo co obxecto de desempeñar máis eficazmente o seu labor na prestación deste. 4. O persoal doutros servizos terá dereito a consultar as actas daqueles órganos constituídos a nivel institucional onde estea representado. 5. O persoal doutros servizos terá dereito a ser informado das características de organización e funcionamento do posto de traballo. 6. O persoal doutros servizos, no exercicio das súas funcións, terá dereito a ser informado de queixas ou reclamacións que se presentasen polo seu desempeño e a presentar as alegacións pertinentes. Artigo 284. Dereito á participación O persoal doutros servizos prestados na institución ou nos centros de acollemento terá dereito á participación e o exercicio deste dereito concrétase nos seguintes aspectos: a) Intervir na organización e funcionamento institucional por medio do órgano de participación (Consello Socioeducativo Institucional). b) Intervir na organización e funcionamento do seu servizo para contribuír á súa mellora. c) Participar nos procedementos de inspección e de avaliación de calidade dos servizos. d) Presentar suxestións, queixas ou reclamacións, tanto a nivel institucional como a nivel de centros de acollemento. Artigo 285. Dereito a ser oído O persoal doutros servizos prestados na institución ou nos centros de acollemento terá dereito a ser atendido polos órganos directivos da institución e dos centros de acollemento para a formulación de propostas de mellora sobre a organización e funcionamento destes. Artigo 286. Dereito a ser respectado O persoal doutros servizos prestados na institución ou nos centros de acollemento terá dereito a ser respectado na súa dignidade persoal e no exercicio das súas funcións e responsabilidades por todos os membros da comunidade socioeducativa. Artigo 287. Dereito de formación e asesoramento técnico 1. O persoal doutros servizos prestados na institución ou nos centros de acollemento terá dereito a contar cunha formación inicial destinada a facilitar a súa adaptación ás particulares características do posto de traballo e a beneficiarse dunha formación continuada durante a súa permanencia no mesmo. 2. O persoal doutros servizos prestados na institución ou nos centros de acollemento, en especial o de nova incorporación, terá dereito a dispoñer de acompañamento e asesoramento técnico que lle sirva de apoio e facilite o contraste e a reflexión no desenvolvemento das súas funcións. Artigo 288. Dereito a un servizo de calidade O persoal doutros servizos prestados na institución ou nos centros de acollemento terá dereito a dispoñer dos medios necesarios para garantir a prestación dun servizo de acordo cos requisitos de calidade que se esixe e a que as administracións públicas velen polo cumprimento deste dereito. Artigo 289. Dereito á protección legal e defensa xurídica O persoal doutros servizos prestados na institución ou nos centros de acollemento terá, no exercicio das súas funcións, dereito ao asesoramento xurídico, á defensa legal e á protección por parte da Administración pública competente nos procedementos que se sigan ante calquera orde xurisdicional, así como á cobertura da responsabilidade civil en relación cos feitos consecuencia do exercicio lexítimo das súas funcións ou cargos, agás nos casos de conflito coa propia Administración. Sección segunda. Dos deberes do persoal Artigo 290. Obrigas laborais O persoal doutros servizos prestados na institución ou nos centros de acollemento terá todas as obrigas que, no ámbito laboral e da función pública, lles impoñan a lexislación e os convenios correspondentes, ademais de cumprir co regulamentado no Estatuto Básico do Empregado Público e a normativa que o desenvolva ou complemente. Artigo 291. Cumprimento da normativa 1. O persoal doutros servizos prestados na institución e nos centros de acollemento terán a obriga de coñecer e cumprir a normativa vixente no ámbito do seu servizo, no ámbito dos servizos sociais naquilo que estea relacionado coas prestacións da súa competencia e en materia de igualdade de mulleres e homes. 2. Para estes efectos, deberá coñecer e cumprir coa normativa vixente de organización e funcionamento da institución, en particular do Proxecto socioeducativo e do Regulamento de organización e funcionamento institucional, sen prexuízo do coñecemento e cumprimento de plans, protocolos e normas específicas que se ditasen e que teñan repercusión sobre a súa actividade. Artigo 292. Cumprimento das normas de convivencia 1. O persoal doutros servizos prestados na institución e nos centros de acollemento terá a obriga de gardar as normas de convivencia e respecto mutuo na institución e en calquera outro lugar relacionado co desempeño da súa actividade. 2. Para estes efectos, deberán observar tamén as normas de convivencia institucional expresadas neste mesmo regulamento e derivadas do proxecto socioeducativo institucional. Artigo 293. Respecto ás persoas O persoal doutros servizos prestados na institución e nos centros de acollemento terá a obriga de respectar todos os dereitos dos nenos, nenas e adolescentes, así como das familias e do resto dos profesionais, que se derivan deste regulamento, do Proxecto socioeducativo institucional e do conxunto do ordenamento xurídico vixente. Artigo 294. Respecto ás instalacións O persoal doutros sevizos prestados na institución e nos centros de acollemento terá a obriga de respectar e utilizar correctamante o mobiliario, os utensilios, os equipamentos e, en xeral, todas as instalacións dos centros onde prestan servizos, da institución e de calquera lugar relacionado coas súas actividades. Artigo 295. Obriga de comunicación 1. O persoal doutros servizos prestados na institución e nos centros de acollemento terá a obriga de dar coñecemento á persoa responsable do seu servizo, do centro ou da institución ou, se o estimasen necesario, ao correspondente servizo territorial de menores das irregularidades ou anomalías que observen no funcionamento, a organización ou as instalacións, así como calquera sospeita de vulneración grave dos dereitos das persoas usuarias. 2. No último suposto do punto anterior, se non obtivesen contestación ou se, de obtela, considerasen que con esta non queda satisfeito o dereito que consideran vulnerado, comunicaranlle a situación ao Ministerio Fiscal. Artigo 296. Obriga de formación O persoal doutros servizos prestados na institución e nos centros de acollemento terá a obriga dunha formación continuada que responda ás áreas de traballo nas que realiza as súas funcións. Artigo 297. Outras obrigas O persoal doutros servizos terá, ademais, no exercicio das súas funcións, competencias e responsabilidades, as seguintes obrigas: a) Participar nas reunións ás que fose convocado. b) Coordinarse cos diferentes profesionais, co obxecto de intercambiar a información necesaria que facilite unha mellor prestación do servizo e unha maior eficacia na organización xeral. c) Colaborar e facilitar a información que se esixa como consecuencia de supervisións e inspeccións que se realicen no servizo e na institución en xeral. d) Manter o grao de reserva e a garantía de sixilo profesional e confidencialidade con respecto aos datos das persoas usuarias e da actividade cotiá dos centros e da institución en xeral. e) Custodiar, cando sexa obxecto das súas funcións, a documentación administrativa que corresponda. Sección terceira. Das garantías Artigo 298. Ordenamento xurídico O persoal doutros servizos prestados na institución e nos centros de acollemento, no exercicio das súas responsabilidades, contarán con todas as garantías que ofrece a entidade titular en defensa dos seu persoal, así como das que se derivan do ordenamento xurídico vixente. Artigo 299. A nivel institucional Para garantir o exercicio dos dereitos do persoal doutros servizos, nas súas competencias e responsabilidades a nivel institucional, contarase coas seguintes garantías: a) Audiencia perante a xefatura de servizo. b) Audiencia, de ser o caso, perante a dirección do centro. c) Audiencia perante a dirección da institución. d) Sistema de presentación de suxestións e queixas, tanto a nivel de centro como a nivel institucional, e contestación expresa ao seu caso. e) Sistema de presentación de reclamacións e contestación expresa ao seu caso. f) Posibilidade de emprender, a nivel individual ou colectivo, accións que se consideren oportunas ante os organismos competentes. TÍTULO XI. NORMAS DE CONVIVENCIA NO ÁMBITO DAS E DOS MENORES CAPÍTULO I. PRINCIPIOS XERAIS Artigo 300. Valor da convivencia. Axentes responsables 1. A convivencia é un obxectivo específico e fundamental de todo o proceso socioeducativo que conleva actitudes e comportamentos respectuosos, positivos e de consenso por parte de todos os sectores da comunidade socioeducativa. A súa finalidade, no ámbito das persoas menores, é dobre: a formación para unha vida social adulta e a mellora do clima do centro. 2. A garantía dos dereitos das persoas usuarias e do persoal esixe corresponsabilidade en estilos de vida coherentes e na organización dos procesos de todas as actividades cotiás do centro. 3. O respecto mutuo é o principio no que se deben basear as relacións persoais entre os membros da comunidade socioeducativa. Por isto, a convivencia entenderase como as actuacións dirixidas ao desenvolvemento de comportamentos adecuados para cohabitar nos mesmos espazos e resolver conflitos a través da participación, boas canles de comunicación e prevención de condutas inaxeitadas. 4. Para os efectos de plasmar o recollido nos puntos precedentes deste artigo, no regulamento de réxime interior de cada centro e no plan de convivencia, ademais das condutas inaxeitadas e a aplicación de medidas respecto destas, recolleranse os sistemas de reforzo das condutas axeitadas, que serán resaltadas e reforzadas co fin de que cada menor se sinta valorado polo simple feito de cumprir coas normas, ademais de facer primar o reforzo positivo sobre o exercicio da potestade de corrección. 5. Serán axentes responsables da convivencia, no ámbito das súas competencias: • A comunidade socioeducativa en xeral. • As direccións institucional e de centros. • Os órganos internos de participación e coordinación da institución. • Os órganos internos de coordinación e participación dos centros. Artigo 301. Alteración e corrección 1. A aplicación de medidas correctivas virá determinada pola aparición de condutas que supoñan unha alteración da convivencia no centro. 2. Dado o seu carácter esencialmente educativo e o seu efecto reparador e redutor de condutas inaxeitadas, a corrección das condutas realizadas por persoas menores nos centros de acollemento non poderán implicar, directa ou indirectamente: a) Castigos corporais. b) Privación da alimentación, descanso ou outras necesidades básicas. c) Privación do dereito de visita dos familiares, de xeito xeneralizado. d) Privación do dereito de comunicarse co equipo técnico do ou da menor, avogado ou avogada, xuíz ou xuíza, e persoal de inspección dos Servizos Sociais. e) Intervención das comunicacións orais ou escritas, de xeito xeneralizado. f) Privación do dereito á educación obrigatoria. g) Privación do dereito á asistencia sanitaria. h) Atentado contra a dignidade da ou do menor. i) Illamento (diferenciándose de illamento como medida puntual de contención e da medida de separación de grupo). j) A suspensión de saídas ao domicilio familiar (aínda que poden ser moduladas mediante acordos coa familia e coa comunicación ao Equipo Técnico do Xulgado de Menores ETM). Artigo 302. Plans de convivencia. Obxecto, fins e principios. 1. As normas de convivencia, que serán elaboradas polos centros, terán como obxectivo fundamental desenvolver unhas relacións positivas entre os diferentes membros da comunidade dos centros para lograr un clima adecuado que facilite o logro dos obxectivos socioeducativos xerais e das intervencións específicas. 2. As normas de convivencia de cada centro, segundo a tipoloxía, programas e características específicas de cada un, concretarán os dereitos e deberes das e dos menores e establecerán as condutas inaxeitadas e as correccións que correspondan polo seu incumprimento. Poderán, así mesmo, incluírse outras previsións, orientadas a que non se atente contra a dignidade persoal e non supoñan discriminación ou risco para a saúde ou integridade persoal das e dos menores ou dos demais membros da comunidade socioeducativa do centro nin impidan ou dificulten as actividades deste. Especificaranse, de ser o caso, prohibicións ou limitacións concretas no uso de dispositivos electrónicos. 3. Estas normas recolleranse no plan de convivencia e desde todos os órganos do centro velarase polo seu cumprimento. Corresponderalle aos responsables dos centros levar a cabo as actuacións necesarias para a difusión das normas de convivencia, así como das normas de organización e funcionamento do centro. 4. Para todos os demais efectos referentes aos plans de convivencia, remítese ao artigo 151 deste Regulamento. Artigo 303. Incumprimento das normas de convivencia O incumprimento das normas de convivencia será valorado antes da imposición da corrección, tendo en conta: • A idade. • A situación persoal, social e familiar. • O PEI. • O plan de intervención. • A valoración que o equipo educativo realice sobre a alteración. • O grao de perturbación causado no funcionamento do centro. • O grao de participación, a intencionalidade ou a neglixencia. • Os prexuízos causados ás demais persoas (residentes e persoal) ou aos bens ou instalacións do centro ou doutras persoas e da institución. • A incitación á actuación colectiva contraria ás normas de convivencia ou á organización do centro. • A reiteración da conduta. Artigo 304. Aplicación das medidas correctoras As medidas correctoras que, de ser o caso, se apliquen como consecuencia do incumprimento das normas de convivencia deberán atender aos seguintes requisitos: • Ter un contido e unha función de tipo educativo. • Garantir o respecto dos dereitos das persoas menores. • Contribuír a que a ou o menor afectados asuman o cumprimento das obrigas e mellorar as relacións co resto dos membros e a que se integren no centro. • Ser proporcionais á gravidade da conduta corrixida. Artigo 305. Gradación de medidas educativas correctoras e medidas educativas disciplinarias 1. Ante o incumprimento das normas de convivencia deberá observarse en todo momento o principio de proporcionalidade entre o incumprimento e a medida, así como a idade e madureza de cada menor. 2. Para a gradación das medidas correctoras tomaranse especialmente en consideración os seguintes criterios: • O recoñecemento do carácter incorrecto da conduta. • A existencia de intencionalidade ou reiteración nas condutas. • A difusión da conduta por calquera medio, incluídos os electrónicos. • A natureza dos prexuízos causados. • A vulnerabilidade da vítima. 3. Para os efectos dos puntos anteriores deste artigo consideraranse circunstancias paliativas e intensificadoras da conduta as seguintes: a. Circunstancias paliativas: • Recoñecemento espontáneo da conduta incorrecta e petición de escusas. • Reparación dos danos ocasionados. • Falta de intencionalidade. • Observación dunha conduta habitual positiva e favorecedora da convivencia. b. Circunstancias intensificadoras: • Premeditación e reiteración. • Que a conduta (dano, inxuria, ofensa) sexa dirixida cara ás persoas menores de inferior idade ou recén incorporadas ao centro. • Que a conduta implique violencia, discriminación, racismo, xenofobia ou menoscabo dos principios do carácter propio do centro. • Que a conduta fose difundida a través de calquera tipo de medio, incluídos os electrónicos. CAPÍTULO II. CONDUTAS INAXEITADAS PARA A CONVIVENCIA. MEDIDAS CORRECTORAS Artigo 306. Ámbito de aplicación 1. Corrixiranse as condutas das persoas menores que afecten á convivencia, que se produzan tanto dentro do recinto institucional ou no ámbito do centro como en calquera actividade externa que estea programada por responsables da institución ou de centro, así como condutas que se produzan durante os servizos de comedor e transporte. 2. Así mesmo, poderán corrixirse as condutas producidas fóra do recinto institucional que estean directamente relacionadas coa vida na institución ou nos centros de acollemento e lles afecten a outros membros da comunidade socioeducativa. 3. Cando as condutas que se teñan que corrixir lles afecten a menores de diferentes centros de acollemento, coordinaranse as medidas oportunas e dispoñerase dun mecanismo de actuación común. Artigo 307. Tipificación 1. Cada centro, no regulamento de réxime interior, e máis en concreto no seu plan de convivencia, deberá reflectir unha tipoloxía de condutas, conforme o establecido con carácter orientativo no protocolo correspondente elaborado pola Consellería competente en materia de menores, atendendo á clasificación seguinte: • Leves: condutas que non alteran de forma significativa a convivencia. • Graves: condutas que alteran de forma significativa ou intencionada a convivencia ou que se producen de forma reiterada aínda sen alterar significativamente a convivencia. • Moi graves: aquelas que prexudican gravemente a convivencia ou imposibilitan o funcionamento ordinario do centro. 2. Os centros, no seu regulamento de réxime interior, especialmente no plan de convivencia, poderán incluír en cada tipo de conduta mencionado anteriormente aquelas concrecións, modificacións ou ampliacións que consideren necesarias e cumpran os principios da normativa vixente. Artigo 308. Medidas educativas correctoras 1. Os centros, no seu regulamento de réxime interior, especialmente no plan de convivencia, determinarán as medidas de corrección que corresponde aplicar a cada conduta inaxeitada descrita na clasificación de leve, grave ou moi grave. 2. Para estes efectos, tomarase como modelo orientativo a división e a asignación que se establece no protocolo de reforzo educativo e medidas correctivas da Consellería competente en materia de menores, sen prexuízo das ampliacións ou concrecións que se estimen oportunas e cumpran os principios normativos vixentes. Artigo 309. Comunicación a representantes legais e outros órganos 1. Cando se produza algún incumprimento das normas de convivencia por parte de menores en acollemento informarase deste aos seus representantes legais, indicando o tipo de incumprimento e as posibles medidas correctoras aplicables segundo a conduta, así como a posibilidade de amosar o seu desacordo coa aplicación destas. 2. Para estes efectos seguiranse as canles e pautas de comunicación establecidas no protocolo de reforzo educativo e medidas correctivas da Consellería, e que son as seguintes: a. Deberánselle comunicar ao ETM todas aquelas condutas inaxeitadas que teñan a cualificación de moi graves e as medidas impostas. A comunicación farase por escrito, a través das canles que cada centro teña establecidas no seu regulamento de réxime interior e de xeito inmediato (ou tan pronto como se teña coñecemento da situación). b. As condutas que teñan a cualificación de graves e as medidas impostas deberán comunicárselle ao ETM no informe periódico e potestativamente tamén de xeito individualizado e inmediato cando a persoa que exerza a dirección do centro o considere necesario. Esta comunicación realizaraa a persoa que exerza a dirección do centro ou o persoal educativo da quenda. c. Débenselle comunicar ao Ministerio Fiscal todas as medidas correctivas impostas ás persoas menores. d. A comunicación ás familias das condutas graves e moi graves realizarase telefonicamente ou/e na seguinte visita da familia ao centro. Considerando que os centros contan con persoas menores en réxime de atención de día e residencial procedentes da Deputación, poderanse establecer no seu regulamento de réxime interior outros procedementos oportunos de comunicación ás familias ademais do xa mencionado. e. As condutas delituosas deben denunciarse, tendo en consideración que non todas as faltas graves ou moi graves son constitutivas de delito. Artigo 310. Potestade na aplicación de medidas educativas correctoras 1. No caso de condutas tipificadas como leves, a responsabilidade de impoñer as medidas correctivas correspóndelle ao persoal educativo de cada quenda. 2. No caso de condutas tipificadas como graves ou moi graves, para a súa corrección será preciso consultarlle á persoa que exerza a dirección do centro e ao equipo educativo. Estas establecerán a cualificación da conduta como grave ou moi grave. Serán competentes para decidir as correccións previstas o equipo educativo e a xunta educativa do centro, sen prexuízo do que lle corresponda á dirección do centro ou, de ser o caso, á persoa instrutora cando se incoe procedemento. Artigo 311. Constancia escrita e rexistro de medidas educativas correctoras 1. Deberá quedar constancia escrita de todas as medidas educativas correctoras, que estarán debidamente rexistradas. Para os efectos anteriores, os centros utilizarán, como mínimo o modelo da Consellería e, de ser o caso, para unha mellor precisión poderán elaborar os seus propios modelos de rexistro. 2. Nos casos en que a medida correctora aplicada correspondese a unha conduta tipificada como grave ou moi grave notificarase ao servizo de menores (ETM) e, de ser o caso, á familia ou responsables legais, expresando neste caso o dereito de revisión que os asiste. 3. Así mesmo, cando a idade e o grao de madurez da persoa menor o aconsellen, notificaráselle a esta, co recibo correspondente, a medida correctora aplicada, sen prexuízo de informar tamén aos seus responsables legais xunto coa comunicación sobre o resultado da revisión das decisións de aplicar medidas correctoras que, no seu caso, fosen reclamadas. 4. Todas as notificacións que se produzan en cumprimento do disposto neste artigo quedan amparadas polo principio de confidencialidade e polo deber de reserva. Artigo 312. Reiteración de condutas contrarias á convivencia 1. Con carácter xeral, considerarase unha conduta grave ou moi grave a acumulación de condutas leves ou graves, respectivamente, contrarias á convivencia que fosen obxecto dalgunha das correccións recollidas neste regulamento e modificadas ou ampliadas nos respectivos regulamentos de cada centro. 2. Os centros de acollemento determinarán no seu regulamento de réxime interior o número de condutas leves e graves que poden dar lugar á consideración de conduta grave ou moi grave, respectivamente, tomando en consideración, como mínimo, os seguintes criterios: a) Idade e grao de madurez da persoa menor. b) Circunstancias atenuantes e agravantes. c) Persistencia das condutas no tempo. d) De ser o caso, valoración da comisión de convivencia ou órgano competente. 3. Neste mesmo senso, os centros establecerán o número de incumprimentos de medidas correctoras por faltas leves ou graves para a súa consideración como graves ou moi graves, respectivamente. Artigo 313. Reparación de danos causados Cando se produzan danos ás instalación e materiais dos centros ou a bens doutros membros da comunidade socioeducativa, as persoas menores estarán obrigadas a reparalos ou facerse cargo do custo económico da súa reparación. Así mesmo, estarán obrigadas a restituír o substraído ou, de non ser posible, a indemnizar o seu valor. Para estes efectos, o centro determinará a viabilidade da aplicación desta medida e a quen remitir, en cada caso, a satisfacción de danos. Artigo 314. Responsabilidade penal 1. Cando se estime que a conduta ou feitos imputados poden ser constitutivos de delito ou falta penal, poñerase en coñecemento do Ministerio Fiscal (Fiscalía de Menores) e enviarase copia da notificación ao Servizo Territorial de Menores, sen prexuízo de que, de ser o caso, se informe ás familias ou responsables legais da persoa menor. 2. Tal comunicación non impedirá o inicio, e, de ser o caso, continuación e resolución da instrución do correspondente procedemento corrector do centro. Artigo 315. Mecanismos para o seguimento da ou do menor con aplicación de medidas 1. Os órganos competentes de cada centro (comisión de convivencia, equipo educativo, xunta educativa, etc.) realizarán o seguimento de compromisos e pautas de actuación adoptados coas persoas menores e avaliarán a eficacia das medidas. 2. Para estes efectos, nos regulamentos de réxime interior dos centros recolleranse os instrumentos, responsables e tempos para a verificación do cumprimento e as desviacións que se produzan. CAPÍTULO III. TIPOS DE CONDUTA E APLICACIÓN DE MEDIDAS CORRECTIVAS Artigo 316. Condutas leves 1. Con carácter orientativo, consideraranse leves as seguintes condutas: a) Faltarlle levemente ao respecto a calquera persoa dentro do centro. b) Manter un comportamento inadecuado, en relación con persoas, espazos e bens tanto públicos como privados. c) Causar danos e/ou prexuízos ás dependencias, materiais ou efectos do centro ou ás pertenzas doutras persoas, ou ser pouco dilixente na súa utilización. d) Alterar a orde da convivencia diaria. e) Facer uso de substancias ou obxectos non autorizados no interior do centro. f) Faltas de puntualidade sen xustificación. g) Negarse a facer, interromper ou realizar incorrectamente de forma intencionada as actividades programadas. h) Desobedecer puntualmente as indicacións do equipo educativo ou resistirse pasivamente a cumprilas. i) Calquera outra acción ou omisión que implique incumprimento das normas de funcionamento do centro e non teña consideración de falta grave ou moi grave. 2. Os centros de acollemento, no seu regulamento de réxime interior e/ou plan de convivencia, deberán establecer unha tipoloxía de condutas e poderán concretar, ampliar ou modificar a relación de condutas leves precedentes, co obxecto de adaptalas ás súas características particulares. Artigo 317. Medidas correctivas aplicables ás condutas leves 1. Con carácter orientativo, para aplicar a condutas leves establécense as seguintes medidas correctivas: a) Amoestación privada. b) Saír un tempo da actividade para analizar o seu comportamento. c) Pedirlles desculpas ás persoas afectadas. d) Realizar un traballo educativo analizando a causa da infracción. e) Reparación do dano. f) Por faltas de puntualidade reiterada ou pasividade nas actividades, recuperar ese tempo unha vez finalizado o horario estipulado. g) Restrición ou privación de participar en actividades lúdicas: saídas, informática, televisión… h) Realizar a actividade fóra do grupo. i) Privación de participar en todas ou algunhas das actividades grupais por un tempo non superior a un día. j) Prohibición de utilizar espazos e/ou materiais de ocio por un período non superior a un día. k) Relectura do RRI e comentario deste. l) Aquela que a persoa menor se autoimpoña e que o equipo educativo considere axeitada. 2. Os centros de acollemento, no seu regulamento de réxime interior e/ou plan de convivencia, deberán establecer unha tipoloxía de medidas correctivas e poderán concretar, ampliar ou modificar a relación das precedentes, co obxecto de adaptalas ás súas características particulares. Artigo 318. Condutas graves 1. Con carácter orientativo, consideraranse graves as seguintes condutas: a) Faltarlle grave ou reiteradamente ao respecto a calquera persoa dentro ou fóra do recurso. b) Desobedecer, de xeito reiterado, as indicacións do equipo educativo ou resistirse pasivamente a cumprilas. c) Introducir, posuír, usar ou consumir no recurso substancias ou obxectos non autorizados no interior. d) Marchar do centro sen autorización do equipo educativo ou non regresar sen causa xustificada. e) Causar danos de forma deliberada nas dependencias, materiais ou obxectos do recurso ou nas pertenzas doutras persoas. f) Acceder a espazos prohibidos dentro do recurso ou espazos de acceso restrinxido sen o permiso correspondente. g) Negarse a cumprir unha medida educativa correctora. 2. Os centros de acollemento, no seu regulamento de réxime interior e/ou plan de convivencia, deberán establecer unha tipoloxía de condutas e poderán concretar, ampliar ou modificar a relación de condutas graves precedentes, co obxecto de adaptalas ás súas características particulares. Artigo 319. Medidas correctivas aplicables ás condutas graves 1. Con carácter orientativo, para aplicar a condutas graves establécense as seguintes medidas correctivas: a) Realizar un traballo educativo analizando a súa actitude e o seu compromiso de cambio. b) Privación de participar en todas ou algunhas das actividades grupais. c) Prohibición de utilizar determinados espazos e/ou materiais por un tempo máximo de 3 días. d) Retirada de privilexios ou suspensión de gratificacións por un tempo non superior a unha semana. e) Privación das actividades de fin de semana de lecer ou de carácter lúdico, por un tempo máximo de 1 semana. f) Retención de parte da asignación económica que recibe con carácter periódico por un tempo máximo de 2 semanas. g) Contribución con parte da asignación económica que recibe con carácter periódico ou cun traballo específico á reparación dos danos causados ou á restitución dos obxectos subtraídos. h) Realización de tarefas que contribúan á mellora e ao desenvolvemento das actividades do centro por un período non superior a 15 días. i) Aquela que a persoa menor se autoimpoña e que o equipo educativo considere axeitada. j) Separación do grupo ata 24 horas. 2. Os centros de acollemento, no seu regulamento de réxime interior e/ou plan de convivencia, deberán establecer unha tipoloxía de medidas correctivas e poderán concretar, ampliar ou modificar a relación das precedentes, co obxecto de adaptalas ás súas características particulares. Artigo 320. Condutas moi graves 1. Con carácter orientativo, consideraranse moi graves as seguintes condutas: a) Agreder, ameazar ou coaccionar a calquera persoa dentro ou fóra do centro. b) Participar en pelexas, agresións, desordes colectivas ou instigar estas no caso de terse producido. c) Poñer en perigo a súa propia seguridade, a dos seus compañeiros e compañeiras ou a do propio centro. d) Resistirse de forma activa e grave no cumprimento das indicacións ou instrucións do equipo educativo no exercicio lexítimo das súas atribucións. e) Introducir, posuír e distribuír no centro calquera tipo de droga. f) Introducir ou posuír no centro armas ou obxectos que poidan ocasionarlles danos a outras persoas. g) Causar deliberadamente danos graves nas dependencias, materiais ou obxectos do recurso ou nas pertenzas doutras persoas. h) Subtraer ou ocultar obxectos, materiais ou efectos do recurso ou pertenzas alleas sen autorización. i) Negarse a cumprir unha medida educativa correctora aplicada pola realización dunha conduta inadecuada de carácter grave. j) Fuxir ou ausentarse sen permiso. 2. Os centros de acollemento, no seu regulamento de réxime interior e/ou plan de convivencia, deberán establecer unha tipoloxía de condutas e poderán concretar, ampliar ou modificar a relación de condutas moi graves precedentes, co obxecto de adaptalas ás súas características particulares. Artigo 321. Medidas correctivas aplicables ás condutas moi graves 1. Con carácter orientativo, para aplicar a condutas moi graves establécense as seguintes medidas correctivas: a) Privación de participar en todas ou algunhas actividades grupais por un tempo non superior a 5 días. b) Realización de tarefas que contribúan á mellora e desenvolvemento de actividades do centro ou á reparación dos danos causados, por un período máximo dun mes. c) Privación ou retención de parte da asignación económica que recibe con carácter periódico por un período máximo de 3 semanas. d) Contribución con parte da asignación económica que recibe con carácter periódico para a restitución dos obxectos substraídos. e) Privación de actividades de fin de semana de lecer ou lúdicas, por un tempo máximo dun mes. f) Retirada dos privilexios ou suspensión das gratificacións por un tempo non superior a un mes. g) Aquela que a persoa menor se autoimpoña e que o equipo educativo considere axeitada. h) Separación do grupo entre 24 e 48 horas. i) Cambio de centro. j) Desinstitucionalización (só para menores de Deputación). 2. Os centros de acollemento, no seu regulamento de réxime interior e/ou plan de convivencia, deberán establecer unha tipoloxía de medidas correctivas e poderán concretar, ampliar ou modificar a relación das precedentes, co obxecto de adaptalas ás súas características particulares. CAPÍTULO IV. PROCEDEMENTOS DE CORRECCIÓN DE CONDUTAS GRAVES E MOI GRAVES Sección primeira. Disposicións xerais Artigo 322. Tipos de procedementos de corrección A corrección de condutas graves e moi graves para a convivencia no centro require a instrución dun procedemento corrector e poderá realizarse mediante dous procedementos diferentes: a) procedemento conciliado b) procedemento común Artigo 323. Determinación do procedemento 1. Utilizarase un ou outro procedemento en función das características concretas da conduta que se vaia corrixir, das circunstancias en que se produza e da idade, da situación persoal, familiar ou social da persoa menor e os seus antecedentes en relación coa convivencia no centro ou na institución. 2. Correspóndelle á dirección do centro, despois de contar coa información necesaria e o asesoramento oportuno, decidir a instrución e o procedemento que se vai seguir en cada caso. Artigo 324. Aspectos formais dos procedementos 1. No exercicio das funcións de corrección de condutas graves ou moi graves contra a convivencia, a constatación de feitos deberá formalizarse por escrito. 2. O documento elaborado para a constatación dos feitos deberá conter como mínimo os seguintes datos: a) Lugar, data e hora da comisión da acción ou omisión que motiva o procedemento. b) Descrición da acción ou omisión que determina a incoación do procedemento. c) A norma que se estime infrinxida, sen que esta mención implique a cualificación definitiva da acción ou omisión que dá lugar ao procedemento. d) Nome, apelidos, enderezo e datos particulares da persoa menor incursa no procedemento, e, de ser o caso, tamén os datos identificativos das persoas proxenitoras ou representantes legais desta. e) No seu caso, identificación das persoas que tivesen presenciado a acción ou omisión que dá lugar ao procedemento ou que puidesen achegar datos de interese para a comprobación dos feitos. f) Identificación e sinatura da persoa que elabore o documento. 3. A incoación do procedemento notificaráselle á nai, pai, titora ou titor legal da persoa menor e a esta, segundo a idade e grao de madurez, con indicación da conduta que o motiva, as correccións que puidesen corresponderlle e o nome da persoa instrutora. Así mesmo, comunicaráselle á Fiscalía de Menores e ao Servizo Territorial de Menores. 4. Na incoación do procedemento corrector deberá garantirse a protección dos seguintes dereitos da persoa menor: a) Facerse oír, especialmente se tivese os 12 anos feitos e cando se estimase suficiente o seu grao de madurez aínda que non acadase esa idade. b) Achegar probas. c) Contar co asesoramento da persoa da súa confianza que se designe, sempre que a relación con esa persoa non sexa contraria ao seu interese. 5. O documento de incoación de procedemento corrector deberá contar, como mínimo, cos seguintes datos: a) Nome e apelidos da persoa menor. b) Feitos imputados. c) Data na que se produciron os feitos. d) Nomeamento da persoa instrutora e da posibilidade de recusación. e) Posibilidade de tomar as medidas de carácter provisional que, de ser o caso, acordase o órgano competente. f) Posibilidade, de ser o caso, de acollerse á terminación conciliada do procedemento. g) Dereito a presentar alegacións cando se lle traslade a proposta de resolución. 6. Para os efectos do establecido nos puntos 3 e 4 deste mesmo artigo, a incoación do procedemento corrector garantirá o dereito de comparecencia da persoa afectada e dos seus responsables legais ou persoa designada. Nesta comparecencia informarase en linguaxe clara e sinxela sobre os feitos obxecto do procedemento e do dereito de presentar alegacións no prazo establecido, advertindo que de non ser así o procedemento continuará ata a súa resolución. Artigo 325. Protección de datos. 1. Durante o desenvolvemento do procedemento corrector a persoa menor e, de ser o caso, os seus responsables legais, deben ter garantido o dereito de protección de datos, polo que todos os profesionais que interveñan deben cumprir coa obriga de confidencialidade e reserva sobre as circunstancias persoais e familiares e sobre todo o que afecte ao procedemento ata a súa resolución. 2. As persoas que teñan a condición legal de interesado no procedemento corrector teñen dereito a coñecer o seu contido en calquera momento da súa tramitación. 3. No centro quedará constancia da corrección de condutas graves ou moi graves coa finalidade de apreciar, de ser o caso, a reincidencia desas condutas, adoptando as debidas garantías que esixe a protección de datos persoais e familiares. Artigo 326. Inicio do procedemento corrector 1. Cando a dirección do centro teña constancia informada e motivada dunha conduta tipificada como grave ou moi grave, adoptará, previo asesoramento dos órganos competentes para a determinación da tipificación da conduta e das posibles medidas correctivas aplicables, a decisión de incoar un procedemento corrector. 2. A decisión do tipo de procedemento (conciliado ou común) adoptaraa a dirección do centro, previa consulta, de estimalo necesario, dos órganos competentes. Con independencia do procedemento de corrección que se vaia utilizar, existirá unha persoa encargada da súa instrución. 3. Da decisión de incoar un procedemento corrector informarase a todas as persoas interesadas e afectadas por el (tal como se indica no artigo 365), así como á persoa que desempeñe a función de titora educativa da ou do menor no centro e á dirección xerente da institución. 4. O inicio do procedemento realizarase, como máximo, no prazo de 3 días laborables contados a partir do de coñecemento dos feitos que o motivan. 5. Ao iniciarse o procedemento ou en calquera momento da súa instrución a dirección do centro, á vista das repercusións que a conduta da ou do menor puidese ter na convivencia xeral, poderá adoptar as medidas correctoras provisionais que considere convenientes. No regulamento de réxime interior de cada centro poderán especificarse as medidas cautelares que se deben adoptar, de ser o caso, en función das condutas e da súa repercusión para a convivencia no centro. 6. Con carácter xeral, a instrución do procedemento corresponderalle á persoa que exerza a dirección do centro. Por razóns motivadas, a dirección poderá delegar, mediante designación por escrito, noutro membro a función de instrución cumprindo esta delegación noutra persoa cos seguintes requisitos: a) Coñecer suficientemente o centro e a súa comunidade socioeducativa. b) De ser posible, contar con experiencia ou formación en convivencia escolar, mediación ou resolución de conflitos. 7. Para os efectos do punto anterior, correspóndelles aos centros de acollemento concretar no seu regulamento de réxime interior os criterios polos que se realizará a designación doutra persoa distinta á que exerza a dirección para a instrución do procedemento corrector. 8. As citacións que se realicen ás persoas menores ou ás persoas proxenitoras ou responsables legais destas realizaranse por calquera medio de comunicación inmediata que permita deixar constancia fidedigna de terse realizado e da súa data. A non comparecencia sen causa xustificada non impedirá a continuación do proceso de corrección. 9. A persoa que se encargue da instrución dun procedemento deberá cumprir coas seguintes funcións: a) Practicar as dilixencias necesarias para verificar a conduta da persoa menor e comprobar a súa gravidade e o seu grao de responsabilidade. Da información obtida deberá quedar constancia escrita. b) Custodiar os documentos postos á súa disposición durante a instrución. c) Propoñer, en caos de que non se realizasen xa, as medidas cautelares que considere pertinentes. d) Propoñer as medidas correctoras que vaian aplicarse e, se proceden, as medidas educativas reparadoras pertinentes. e) Propoñer o arquivo das actuacións se coas averiguacións realizadas estima que non procede corrixir a conduta. Sección segunda. Procedemento conciliado Artigo 327. Obxectivo e ámbito de aplicación 1. O procedemento conciliado pretende favorecer a implicación e o compromiso da persoa menor corrixida e, de ser o caso, da súa familia ou responsables legais, ofrecer a posibilidade de que a persoa agraviada se sinta valorada, axudar a consensuar as medidas correctoras e facilitar a inmediatez da corrección educativa. 2. O procedemento conciliado poderá aplicarse cando se cumpran os seguintes supostos: a) Que a persoa menor responsable dalgunha conduta grave ou moi grave recoñeza a gravidade desta, estea disposta a reparar o dano material ou moral causado e se comprometa a cumprir as medidas correctoras que correspondan. b) No caso de que haxa outros membros da comunidade socioeducativa afectados pola súa conduta, que estes mostren a súa conformidade a acollerse a este procedemento. Todo isto coa conformidade dos seus representantes legais. 3. O procedemento conciliado non se poderá aplicar nos seguintes casos: a) Cando se aprecie que a conduta presenta unha especial e notoria gravidade. b) Cando a persoa agraviada ou, no caso doutras persoas menores, os seus proxenitores ou representantes legais non comuniquen a súa disposición a acollerse ao procedemento conciliado. c) Cando a persoa autora da conduta ou, no seu caso, os proxenitores ou responsables legais non comuniquen a súa disposición a acollerse ao procedemento conciliado. d) Cando xa se fixese con anterioridade uso deste procedemento durante o mesmo ano e para corrixir unha conduta similar. 4. Os centros, no seu regulamento de réxime interior, poderán concretar, ampliar ou modificar as condicións de aplicación ou non aplicación do procedemento conciliado expresadas nos puntos 2 e 3 deste mesmo artigo. 5. O procedemento conciliado deberá ofrecérselle como solución ás partes afectadas, explicando as súas características e os compromisos derivados deste. Para estes efectos, na comunicación de inicio de procedemento indicarase un prazo para que se manifeste a disposición a aceptar este modelo de corrección. 6. O procedemento conciliado esixe a elaboración dun compromiso coas medidas correctoras que se deberán cumprir, especificando o tempo de cumprimento e as consecuencias de non cumprilas. Este compromiso afectará á persoa responsable da conduta e, de ser o caso, aos proxenitores ou responsables legais desta. Artigo 328. Desenvolvemento do procedemento conciliado 1. Cando se dean as circunstancias de poder adoptar un procedemento conciliado a dirección do centro convocará ás partes afectadas, así como, de ser o caso, á persoa designada como instrutora, a unha reunión no prazo máximo de 2 días laborables contados a partir do remate de prazo para a comunicación da opción elixida. 2. Na reunión, a persoa instrutora (sexa a dirección ou outra designada para estes efectos) informará aos afectados de que a participación neste tipo de procedemento supón a aceptación dos acordos que se deriven del, e que as declaracións das persoas menores ou dos seus representantes legais formarán parte do expediente do procedemento corrector no suposto de non alcanzarse a conciliación. 3. A persoa instrutora exporá e valorará a conduta que é obxecto da corrección e das consecuencias ocasionadas na comunidade socioeducativa e, unha vez oídas as partes, propoñerá posibles medidas correctoras. Escoitarase ás partes afectadas para que manifesten a súa opinión sobre a conduta que se pretende corrixir e realicen as oportunas consideracións sobre a súa corrección. 4. Os participantes no procedemento deberán acordar a medida correctora que consideren máis adecuada e, de ser o caso, as medidas reparadoras pertinentes. Deberá quedar constancia escrita da conformidade coas medidas correctoras fixadas, tanto por parte da persoa menor como, de ser o caso, dos seus representantes legais. 5. O incumprimento por parte da persoa menor das medidas correctoras acordadas dará lugar á corrección da súa conduta mediante o procedemento común. 6. No caso de non acadar un acordo continuarase a corrección mediante o procedemento común. 7. Do acordo ou desacordo resultante informarase ás instancias oportunas e deixarase constancia escrita. Artigo 329. Características do compromiso-acordo adquirido na conciliación 1. No compromiso educativo adquirido como consecuencia da aplicación dun procedemento conciliado a unha conduta grave ou moi grave deberá figurar de forma clara e detallada os puntos aos que se compromete a persoa menor afectada ou, de ser o caso, as persoas proxenitoras ou responsables legais desta, e as actuacións que deberá levar a cabo no ámbito da formación para a convivencia e de modificación de condutas, a nivel persoal ou mediante a intervención doutras persoas adecuadas. Igualmente, deberán constar os mecanismos de verificación e os prazos para efectuala. O compromiso de convivencia estará vixente desde o momento en que se asine polas partes afectadas e pola persoa encargada da instrución, así como visado pola dirección do centro. 2. Para os efectos de cumprimento do punto anterior, os contidos mínimos imprescindibles que deben figurar no documento escrito son os seguintes: a) Medidas adoptadas. b) Obrigas que se asumen por parte da persoa menor corrixida. c) Obrigas que se asumen por parte da familia, de ser o caso. d) Obrigas que se asumen por parte do centro. e) Obxectivos acordados. f) Constancia da posibilidade de modificación ou anulación do compromiso, en caso de incumprimento ou de que as medidas adoptadas non dean o resultado esperado. g) Duración do compromiso. h) Período de seguimento e canles de avaliación. i) Calquera outra circunstancia ou medida que se considere pertinente para o caso. 3. Cada centro de acollemento poderá concretar no seu regulamento de réxime interior, e especialmente no plan de convivencia, o procedemento para acordar coas persoas menores corrixidas ou, de ser o caso, coas persoas proxenitoras ou representantes legais estes compromisos para a convivencia, segundo o previsto neste artigo. Sección terceira. Procedemento común Artigo 330. Obxectivo e ámbito de aplicación O procedemento común utilizarase cando a dirección do centro estime que non se cumpren nin os requisitos nin as condicións necesarias para a aplicación do procedemento conciliado para a corrección dunha conduta grave ou moi grave ou cando non se acadase acordo entre as partes que optasen inicialmente polo procedemento conciliado, así como cando deste se derivase o incumprimento das medidas acordadas. Artigo 331. Desenvolvemento do procedemento común 1. O responsable da tramitación deste procedemento será a dirección do centro ou a persoa en quen delegue motivadamente para a súa instrución. 2. Unha vez iniciado o procedemento, a persoa que o instrúa daralle audiencia á ou ao menor e, de ser o caso, aos seus proxenitores ou representantes legais, e comunicaralles as condutas que se lle imputan e as medidas correctoras que se propoñen para corrixilas, co obxecto de que no prazo de 2 días laborables poidan presentar por escrito as alegacións que estimen oportunas. Para estes efectos, a persoa menor poderá contar coa axuda da persoa da súa confianza que designe para asesorala, tal como se recolle no artigo 365.4.c. 3. A persoa responsable da instrución deberá precisar no expediente o tipo de conduta da persoa menor, así como a corrección que corresponde en función dos feitos probados, das circunstancias concorrentes e do seu grao de responsabilidade. 4. A persoa instrutora, sexa a dirección do centro ou aquela en quen esta delegue, contará cun prazo de 5 días laborables, contados a partir da comunicación de incoación ou designación, para a presentación da proposta de medidas. Sección cuarta. Terminación Artigo 332. Resolución do procedemento común 1. A persoa instrutora do procedemento, sexa a que exerza a dirección do centro ou sexa unha designada para os efectos, unha vez practicadas as dilixencias oportunas e recollida e valorada a información pertinente, realizará unha proposta de resolución que deberá conter polo menos: a) Os feitos imputados. b) A tipificación que a estes feitos se pode atribuír. c) As alegacións e testemuños das persoas afectadas. d) A valoración da responsabilidade da persoa menor especificando, se procede, as circunstancias que poden agravar ou atenuar a súa acción. e) A medida correctora aplicable. f) A competencia da persoa que exerce a dirección do centro para resolver. 2. O procedemento finalizará mediante a resolución da dirección do centro que poderá contemplar a aplicación de medidas ou o sobresemento. 3. A resolución da dirección do centro deberá producirse e notificarse no prazo máximo de 15 días laborables desde a data de incoación deste e deberá contemplar, polo menos, os seguintes elementos: a) Feitos probados. b) Circunstancias atenuantes e agravantes, de ser o caso. c) Medidas aplicables. d) Posibilidade de solicitar, no prazo que se estipule desde a recepción da resolución, a revisión da medida correctora imposta, motivándoa por escrito, ante a dirección xerente da institución. 4. A resolución da dirección do centro será remitida á Fiscalía de Menores e ao Servizo Territorial de Menores, así como a dirección xerente da institución. Artigo 333. Reclamacións e recursos á resolución do procedemento común. 1. A persoa menor ou os seus representantes legais poderán solicitar, no prazo estipulado e motivándoa por escrito, a revisión das medidas impostas pola resolución da dirección do centro. Esta solicitude de revisión dirixirase á persoa que exerza o cargo de dirección xerente da institución, que, no prazo de 1 día contado a partir da recepción, reunirá os órganos competentes do centro para verificar a ratificación ou rectificación das medidas impostas. 2. No caso de ratificación, transmitiráselles o resultado da revisión á persoa menor e/ou aos seus representantes legais e enviaráselle a notificación á Fiscalía e Servizo de Menores. Á persoa menor e/ou aos seus representantes indicaráselles, de non estar conformes co resultado da revisión, a posibilidade de trasladar reclamación aos órganos competentes en materia de menores, ofrecendo a colaboración necesaria para este trámite. 3. No caso de que proceda a rectificación, comunicaráselle o resultado a todas as persoas e organismos afectados. Artigo 334. Execución de medidas do procedemento común As correccións que se impoñan por parte da dirección do centro en relación ás condutas graves ou moi graves serán inmediatamente executivas. Artigo 335. Remate do procedemento conciliado O procedemento conciliado finalizará unha vez obtido o acordo entre as partes. De non acadarse o acordo, continuarase a corrección por medio do procedemento común. Artigo 336. Execución de medidas do procedemento conciliado As medidas correctivas que resulten do acordo da corrección dunha conduta mediante o procedemento conciliado serán executivas desde a data en que se asine o compromiso polas partes e durará ata a verificación do seu cumprimento. Sección quinta. Temporización e fases do procedemento corrector Artigo 337. Fases do procedemento corrector común 1. O procedemento corrector común constará das seguintes fases: a) Actuacións iniciais. b) Proceso de instrución. c) Resolución. 2. Previas ás actuacións iniciais, realizaranse as de recollida de información pertinente para o proceso de avaliación da conduta que hai que corrixir. 3. Con posterioridade á emisión da resolución por parte da dirección do centro, na que se indicará o momento en que debe iniciarse a execución de medidas, atenderase, de ser o caso, ás posibles solicitudes de revisión ou impugnación practicadas polas persoas menores ou polos seus proxenitores ou responsables legais. Para estes efectos, terase en conta o prazo de presentación e valoración das revisións ou impugnacións co fin de establecer unha data efectiva de cumprimento das medidas correctoras impostas. Artigo 338. Temporización do procedemento corrector común 1. O procedemento corrector común terá un prazo máximo de 12 días laborables desde o seu inicio ata a emisión de resolución por parte da dirección do centro. 2. Para os efectos de orientación, a distribución de actuacións e prazos poderá responder aos que se formulan neste punto, sen prexuízo de que por razóns de inmediatez poidan reducirse os prazos máximos estimados: TEMPORIZACIÓN DO PROCEDEMENTO CORRECTOR COMÚN ACTUACIÓNS PRAZO MÁXIMO PRAZO MÁXIMO TOTAL ACTUACIÓNS INICIAIS: • Recollida previa de información-comunicación • Reunión da dirección cos órganos pertinentes para: a) Catalogación inicial da conduta b) Proposición inicial de medidas correctivas • Determinación do procedemento que se seguirá • Adopción de medidas provisionais, de ser o caso • Designación, de ser o caso, de persoa instrutora do procedemento • Notificación de inicio de procedemento a Servizo Territorial de Menores, Fiscalía de Menores e Dirección xerente da institución, onde se especificará, como mínimo, o seguinte: a) Tipo de conduta b) Medidas correctivas aplicables c) Oferta da posibilidade, de ser o caso, de acollerse ao procedemento conciliado, indicando prazo límite (2 días laborables) para a disposición por esta modalidade d) De ser o caso, designación da persoa instrutora do procedemento e posibilidade de recusación motivada desta (prazo de 2 días laborables) e) Data, lugar e hora establecidos para o trámite de audiencia á persoa menor e/ou familia-representantes legais. f) Posibilidade de designación dunha persoa do centro, de confianza para a persoa menor, para actuar como acompañante, orientador a asesor durante o procedemento (caso de que os representantes legais non poidan asistir). • Notificación ao menor e, de ser o caso, á súa familia ou representante legal (coas mesmas características que a notificación anterior) Prazo máximo de 3 días laborables a partir do coñecemento dos feitos 12 días laborables desde o inicio do procedemento PROCESO DE INSTRUCIÓN: • Actuacións previas: análise da información achegada, aclaración dos feitos (entrevistas, reunións, proposta de medidas provisionais, de non ser adoptadas anteriormente pola dirección, etc.) • Realización de audiencia á persoa menor e, de ser o caso, aos seus representantes legais. Desta reunión redactarase acta e nela recollerase a posibilidade de presentar alegacións no prazo de 2 días laborables contados a partir da data de audiencia • Proposta de resolución (arquivo das actuacións ou medidas correctoras). Prazo: 1 día contado a partir do de remate do prazo de alegacións. Prazo máximo de 8 días laborables contados a partir do da designación ou asunción da responsabilidade de persoa instrutora RESOLUCIÓN DA DIRECCIÓN • Resolución da dirección, na que se fará constar a posibilidade de solicitar revisión desta pola persoa menor ou polos seus representantes legais no prazo de 2 días laborables contados a partir da data da súa recepción. • Notificación da resolución da dirección aos órganos competentes: STM, FM, DX Prazo máximo de 1 día laborable contado a partir do de recepción da proposta da persoa instrutora OUTRAS ACTUACIÓNS POSTERIORES PRAZOS MÁXIMOS • Presentación de solicitude de revisión, perante a dirección xerente da institución 2 días laborables contados a partir da recepción da notificación de resolución • Notificación da revisión efectuada pola dirección xerente, con trámite a STM, FM, Entidade titular e dirección do centro. Expresarase a posibilidade de presentar recurso ante a Fiscalía e/ou ante a Consellería competente en materia de menores, sen prexuízo do carácter inmediatamente executivo das medidas adoptadas. • Para os casos específicos de medida de desinstitucionalización, atenderase ao establecido neste mesmo regulamento para esta medida concreta. 2 días laborables contados desde a recepción da solicitude de revisión Artigo 339. Fases do procedemento corrector conciliado Con carácter xeral, as fases do procedemento corrector conciliado correspóndense coas establecidas para o procedemento común. Artigo 340. Temporización do procedemento corrector conciliado 1. A temporización do procedemento conciliado será menor, con independencia de se hai acordo ou non o hai entre as partes, ao reducirse tamén a fase de instrución e a inexistencia de prazos para manifestar a desconformidade. 2. O remate do procedemento conciliado coincide co da data de acordo, emitida a proposta da persoa instrutora e asinado pola dirección do centro e as partes afectadas. 3. En calquera caso, a duración total non poderá ser superior á do procedemento común. Sección sexta. Proposta de cambio de centro Artigo 341. Principios xerais 1. A resolución de proposta de cambio de centro é unha situación excepcional que afectará unicamente ás persoas menores ingresadas a través da Consellería competente en materia de menores. 2. A aplicación desta medida correctora extraordinaria só poderá propoñerse como consecuencia da instrución dun procedemento corrector por conduta moi grave que ocasionase problemas extremos de convivencia no centro ou que xerase conflitos moi significativos na comunidade socioeducativa ou de carácter público. Artigo 342. Actuacións 1. Cando proceda, por parte da dirección do centro, adoptar unha resolución coa determinación de cambio de centro, a dirección deste comunicaralla inmediatamente á dirección xerente da institución, co obxecto de que nun prazo máximo de 2 días laborables se convoque a Comisión de avaliación prevista no Convenio de colaboración coa Consellería competente en materia de menores, por ser o órgano competente para a proposta de medidas máis adecuadas ante situacións de especial transcendencia para o desenvolvemento da convivencia. 2. No mesmo día en que sexa notificada a proposta de cambio de centro a dirección xerente daralle coñecemento deste asunto á Deputación, ao Servizo de Menores e á Fiscalía de Menores. 3. A proposta de cambio de centro, en caso de ser ratificada pola Comisión de avaliación, seralle inmediatamente trasladada aos órganos competentes mencionados no punto anterior. Para estes efectos, na Comisión realizarase unha avaliación da conduta da persoa menor afectada, as medidas adoptadas con anterioridade (de existir reiteración) e o seu fracaso ou incumprimento e os motivos que imposibilitan a permanencia da persoa menor no centro e na institución; sobre os extremos anteriores, recollerase a documentación pertinente e deixarase constancia en acta. 4. A Comisión, na súa avaliación, arbitrará os mecanismos oportunos co obxecto de xustificar adecuadamente o traballo levado a cabo coa persoa menor desde o seu ingreso en función do seu PEI, especialmente no referido ao tempo transcorrido desde o último informe de seguimento, así como as causas polas que non é posible acadar desde o centro os obxectivos fixados nel. 5. Analizaranse de xeito conxunto entre o ETM e a coordinación/dirección xerente do Centro Príncipe Felipe as propostas de cambio de centro motivadas na gravidade da conduta da persoa menor. Como consecuencia desta análise conxunta, adoptarase unha decisión, por parte do órgano competente para estes efectos, da que se informará nun prazo máximo de sete días, e, no caso de non considerarse axeitada a proposta, o órgano competente motivará de forma suficiente a súa decisión e a proposta doutra medida alternativa. Sección sétima. Proposta de desinstitucionalización Artigo 343. Principios xerais 1. A resolución de proposta de desinstitucionalización é unha situación excepcional que afectará unicamente ás persoas menores ingresadas a través da Deputación, con independencia da modalidade (atención de día ou atención residencial). 2. A aplicación desta medida correctora extraordinaria só poderá propoñerse como consecuencia da instrución dun procedemento corrector por conduta moi grave que ocasionase problemas extremos de convivencia no centro ou que xerase conflitos moi significativos na comunidade socioeducativa ou de carácter público. Artigo 344. Actuacións 1. Cando proceda, por parte da dirección do centro, adoptar unha resolución coa determinación de desinstitucionalización dunha persoa menor ingresada por Deputación, a dirección deste comunicaraa inmediatamente á dirección xerente da institución, co obxecto de que nun prazo máximo de 2 días laborables ordene convocar a Comisión de seguimento, por ser esta o órgano competente para a proposta de medidas máis adecuadas ante situacións de especial transcendencia para o desenvolvemento da convivencia. 2. No mesmo día en que sexa notificada a proposta de desinstitucionalización, a dirección xerente daralle coñecemento deste asunto á Deputación e á Fiscalía de Menores. 3. A proposta de desinstitucionalización, de ser ratificada pola Comisión de seguimento, será inmediatamente trasladada con carácter non vinculante de execución, senón exclusivamente informativo, aos órganos competentes mencionados no punto anterior, así como aos servizos sociais do concello correspondente (no caso de réxime de internamento) e á familia ou responsables legais da persoa menor afectada. Para estes efectos, na Comisión realizarase unha avaliación da conduta da persoa menor corrixida, as medidas adoptadas con anterioridade (de existir reiteración) e o seu fracaso ou incumprimento e os motivos que imposibilitan a permanencia da persoa menor no centro e institución; sobre os extremos anteriores, recollerase a documentación pertinente e deixarase constancia en acta. Na comunicación que se realice recollerase a mención explícita do prazo de 2 días laborables, contados a partir do de recepción desta, para solicitar motivadamente, perante a dirección xerente da institución, a revisión da medida imposta pola Comisión de seguimento. 4. A Comisión, na súa avaliación, deberá xustificar adecuadamente o traballo levado a cabo coa persoa menor desde o seu ingreso , especialmente o grao de cumprimento dos compromisos iniciais, así como as causas polas que non é posible acadar desde o centro os obxectivos fixados. Esta Comisión de seguimento elaborará, de forma motivada e achegando toda a documentación pertinente, unha proposta que a dirección xerente lle trasladará á persoa que desempeñe a función de deputada/o delegada/o, unha vez esgotado o prazo de presentación de solicitudes de revisión. 5. Nun prazo máximo de sete (7) días, a persoa coa función de deputada/o delegada/o, á vista dos informes emitidos e previa valoración destes, expresará por escrito a resolución definitiva, favorable ou desfavorable, con respecto á desinstitucionalización proposta. Esta resolución definitiva, de ser favorable, seralle trasladada ás direccións do centro e da institución, así como aos servizos sociais do concello correspondente e ás familias, expresándose nela o prazo e órgano perante o que se poderá presentar recurso, así como o período de resolución. De ser desfavorable, ademais dos requisitos de comunicación anteriores, estará motivada de forma suficiente e incluirá a proposta doutra medida alternativa. 6. A desinstitucionalización dunha persoa menor só será efectiva a partir da data fixada na Resolución presidencial definitiva. DISPOSICIÓNS DISPOSICIÓNS ADICIONAIS Primeira. Non discriminación nos termos utilizados. Todas as expresións contidas neste Regulamento de organización e funcionamento institucional referidas á definición dunha actividade ou condición (órganos de goberno, cargos de persoal etc.) son utilizadas no senso comprensivo de ambos os dous sexos. Segunda. Convocatorias de órganos. Os órganos establecidos neste Regulamento poderán ser convocados a través de medios electrónicos, así como tamén poderá ser enviada aos seus membros, polos mesmos medios, a información que vaia ser tratada nas diferentes sesións. Terceira. Réxime xurídico especial de persoal 1. As relacións laborais entre a entidade titular e o persoal funcionario ou contratado regularanse pola súa normativa específica. 2. No referente ao réxime disciplinario de todo o persoal que presta os seus servizos na institución, independentemente da súa situación administrativa e laboral, atenderase ao que a este respecto se estableza no ordenamento xurídico vixente nos diferentes ámbitos de actuación que corresponda. Cuarta. Facultades da Deputación Como entidade titular de Príncipe Felipe, a Deputación ten a facultade e as atribucións de órgano xerárquico superior para a creación, supresión ou modificación de postos de traballo, así como das funcións que lle corresponden a cada un deles. En caso de producírense cambios con respecto ao establecido neste Regulamento, serán inmediatamente asumidos por todas as persoas e servizos afectados, sen necesidade de proceder a unha revisión inmediata deste documento. Cando proceda unha modificación ou adaptación segundo o calendario establecido incorporaranse á nova redacción do Regulamento os aspectos pertinentes. DISPOSICIÓNS TRANSITORIAS Primeira. Adaptación normativa Os centros de acollemento contarán, a partir da data en que se aprobe este Regulamento de organización e funcionamento institucional, cun prazo de seis meses para a elaboración dos seus propios regulamentos de réxime interior ou de organización e funcionamento. Segunda. Supletoriedade En tanto non se elaboren os novos regulamentos de cada centro, poderán corrixirse os actos contrarios ás normas de convivencia que neles se produzan así como garantir o exercicio dos dereitos e deberes do persoal e das e dos usuarios mediante a aplicación correspondente do que neste Regulamento se establece para os efectos. DISPOSICIÓNS DERROGATORIAS Primeira. Derrogación de Regulamento anterior Coa aprobación deste Regulamento de organización e funcionamento institucional derrógase o anterior Regulamento de réxime interior da Cidade Infantil Príncipe Felipe, vixente desde o ano 2000. Segunda. Derrogación de prácticas e costumes Coa aprobación deste Regulamento de organización e funcionamento institucional quedan derrogadas todas as normas de inferior rango, así como calquera tipo de práctica ou costume, no que contradigan ou se opoñan ao disposto no presente Regulamento. DISPOSICIÓNS FINAIS Primeira. Supletoriedade A falta de disposición expresa recollida neste Regulamento, no ámbito administrativo aplicarase supletoriamente a Lei 39/2015, de 1 de outubro, do procedemento administrativo común das administracións públicas. Para aqueles aspectos relacionados co acollemento de menores atenderase, nesas mesmas circunstancias, ao que se determine nas disposicións de rango superior vixentes. Segunda. Interpretación A interpretación do presente Regulamento corresponde á Presidencia da Deputación de Pontevedra, á Deputada delegada e á dirección xerente, segundo a función xerárquica de competencias atribuídas en cada caso. Terceira. Habilitación normativa A entidade titular, ou o órgano no quen delegue, queda facultada para ditar cantas disposicións sexan precisas para o desenvolvemento deste Regulamento de Organización e Funcionamento Institucional. Cuarta. Aprobación A aprobación do Regulamento de organización e funcionamento institucional correspóndelle á entidade titular. Quinta. Entrada en vigor O presente Regulamento se publicará no Boletín Oficial da Provincia e non entrará en vigor ata que transcorra o prazo previsto no artigo 65.2 da Lei 7/1985, de 2 de abril. Sexta. Xerarquía Entenderase que calquera das normas establecidas no presente Regulamento queda sen efecto no caso de entrar en contradición con normativa vixente de rango superior que ordene as actuacións e intervencións desenvolvidas na institución. Sétima. Efectividade Todas as regulamentacións establecidas no presente documento serán efectivas ata o día da súa derrogación ou, de ser o caso, ata que se aproben polos órganos competentes as modificacións que se efectúen. Oitava. Modificacións do Regulamento As propostas de modificación do presente Regulamento de organización e funcionamento institucional realizaranse nos seguintes casos: cando sexa necesaria a adaptación a cambios normativos, cando as características dos servizos variasen de forma significativa e cando, como consecuencia das avaliacións realizadas, se derive a necesidade de corrixir incoherencias ou desviacións mediante a aplicación de plans de mellora. Novena. Procedemento de avaliación 1. A iniciativa de reforma total ou parcial deste Regulamento corresponderalle a: entidade titular, órganos de participación e coordinación institucionais e dirección xerente (por iniciativa propia ou a instancias de polo menos un terzo dos membros dos órganos de participación ou de coordinación). 2. A dirección xerente da institución establecerá un calendario de avaliación do Regulamento e procederá a designar, para estes efectos, un equipo avaliador que se encargará de analizar o documento e propoñer as modificacións ou actualizacións correspondentes. 3. A proposta de modificación ou actualizacións entrarán en vigor despois de ser informadas favorablemente polos órganos de participación e coordinación existentes a nivel institucional e aprobadas pola entidade titular. Décima. Aceptación e cumprimento 1. A admisión de menores nos centros de acollemento supón a aceptación e cumprimento do presente Regulamento por parte das familias ou titores legais, así como por parte das e dos menores admitidos ou de calquera outra persoa relacionada con eles. 2. Toda a comunidade socioeducativa da institución ten a obriga de coñecer e cumprir coas normas deste Regulamento, do mesmo xeito que todo o persoal que se incorpore por vez primeira a prestar servizos na institución. Undécima. Difusión e publicidade 1. Corresponderalle á dirección xerente establecer os medios e mecanismos de divulgación deste Regulamento. Para estes efectos, poderá contar co asesoramento dos órganos de participación e coordinación existentes. En calquera caso, estes órganos coñecerán os procedementos e medios que se articulen para a difusión e coñecemento do Regulamento de Organización e Funcionamento entre o persoal e as persoas usuarias. 2. Unha vez aprobado este Regulamento informarase á Consellería competente en materia de menores e, de ser o caso, enviaráselle. Duodécima. Características formais. O presente Regulamento de organización e funcionamento institucional está constituído formalmente por: • Doce títulos (o primeiro deles preliminar e os restantes denominativos), divididos en capítulos e seccións, segundo os casos. • Trescentos corenta e catro artigos. • Vinte disposicións: catro adicionais, dúas transitorias, dúas derrogatorias e doce finais. 4.7035.- EXPEDIENTE DE MODIFICACIÓN DE CRÉDITOS NÚMERO 2/2017 Sra. Presidenta.- Pasamos ó cuarto punto da orde do día. Expediente de modificación de créditos número 2/2017. Quero recordarlles que quen presenta as iniciativas as presenta e que logo as intervencións para fixar posición son de menor a maior, para que non volva a acontecer que se usen os turnos cando non corresponde. Polo tanto, agora vai a presentar o Sr. Font a explicación deste expediente de modificación e logo as intervencións teñen que ser de menor a maior, tanto na toma de, na posición como logo nas réplicas, polo tanto, o volvo a recordar. Así que, Sr. Font, agora si ten vostede a palabra. Sr. López Font.- (Non se escoita ó principio) … financiar esta modificación de crédito es por bajas de créditos que no perturban el equilibrio presupuestario y también por el ahorro, es decir, por remanentes, todo esto dentro de una legalidad absoluta. Bien, con los recursos que figuran en esta modificación de crédito tratamos de cumplir nuestros compromisos, y tienen que ver con tres objetivos fundamentales. Primero, y muy importante en estas fechas, una nueva política forestal; segundo, la promoción del empleo y de la economía de la provincia; y tercero, la movilidad en nuestras carreteras, en las estradas provinciales. Tiene dos vertientes, este montante, de 12,8 millones de euros. El primero es un expediente de crédito extraordinario que se eleva a 8,4 millones de euros y que, como dato importante y a resaltar, es destinado en un 76% a los concellos de menos de 20.000, y que incluye 6 millones para actuación de mejoras en equipamentos e infraestructuras, 300.000 euros para redactar programas de movilidad, y más de 2.000.000 de euros para financiar obras incluidas en el protocolo en el concello de Pontevedra, acceso a Montecelo y Príncipe Felipe. La segunda vertiente es un suplemento de crédito a diferentes partidas, que asciende a 4,4 millones de euros, y también aquí debemos de destacar de forma sobresaliente que se dedica el 90,4% de este suplemento de crédito a los concellos directamente. En este aspecto, como desglosaba en el anterior, los destinatarios son el área de Empleo, con 280.000 euros, para la cofinanciación de los programas DepoEmprende ..., PraticumDepo e DepoIntegra, para el área de Cooperación, son en torno a 358.000 euros; para la financiación de proyectos Estaee e In4.0, programas Visit Río Miño y SmartMiño y también para viveiros. La tercera área a la que se destina es el área de Medio Ambiente, y es en concreto para la financiación de convenio con la Universidad para dar cumplimiento a un objetivo que consideramos importantísimo que es el de avanzar cara a una nueva política forestal y también para la mejora de los montes. Finalmente, el área al que va destinada la cuarta área de este suplemento de crédito es el área de Movilidad, con tres millones y medio casi de euros, para convenios en las carreteras provinciales como decía. Bueno, con esta modificación de créditos se cumplen los objetivos de legalidad y se cumplen los objetivos de equilibrio presupuestario sin afectar en absoluto pero, desde luego, se cumplen los objetivos políticos que de siempre desde el primer momento nos hemos marcado de apoyos a, de apoyo a los concellos en sus necesidades básicas y actuales en este momento, a noviembre de este año. Quiero reiterar, pero resaltar, el que, de la primera, del expediente de crédito extraordinario el 76% de esta partida se destina a los concellos, de la misma forma que en el suplemento de crédito el 90,4% va destinado directamente a los concellos. Muchas gracias. Sra. Presidenta.- Gracias Sr. Font. Pois se non hai palabras someto a votación. Sr. Moldes ten a palabra. Sr. Moldes Martínez.- Bos días, moitas gracias Sra. Presidenta. Sr. Font, e, casi podríamos estar de acordo en todo, voulle a empezar lendo o que pon o informe de Intervención, nos vén a decir que este expediente de modificación en función das obrigas que se lle chegan a recoñecer ó longo do exercicio podería dar lugar na liquidación do orzamento ó incumprimento de dita Lei de estabilidade. Dito esto, que para nós ó mellor, pois non vai a ser o que máis protagonismo tiña que ter, a nós o que realmente nos transmite moita tristura e preocupación é o feito de que nunha das anulacións, por exemplo, haxa un proxecto como pode ser a carretera de Baión-András, unha obra que estaba, neste caso, licitada, unha obra que iba a beneficiar ós veciños, por exemplo, do concello de Vilanova. E por moito que vostede agora aquí veña a insistir en que unha amplía porcentaxe vai para os concellos, que esta pensado nos concellos, realmente, o que vén aquí é a quitarlle ós concellos de menos de 20.000 habitantes para firmar convenios cos grandes concellos. Desde o Partido Popular non temos nada en contra en que vostedes firmen convenios coas grandes cidades, non temos nada en contra, pero llo volvemos a repetir, o que non poden é firmar convenios coas grandes cidades enriba e en contra dos intereses dos concellos de menos de 20.000 habitantes. Logo, vostedes a día de hoxe foron incapaces de decir, e xa miraremos donde acaba todo isto, porque lle anularon esta obra ós veciños de Vilanova. Logo é inxusto, é inxusto, que vostedes de forma arbitraria se dediquen a dar baixas en concellos donde as obras estaban contratadas, en moitos casos licitadas e demais, simplemente por unha cuestión política. Logo, nós o que lle pedimos é que si vostedes queiren que sigan firmando convenios coas grandes cidades, pero o que non poden facer é paralizar obras que benefician ós distintos veciños, en este caso, pois, poñemos un exemplo que é estes veciños de Vilanova. Logo, por moito que se empeñen vostedes, e por moito que vostede nos queira transmitir que se preocupan dos concellos de menos de 20.000 habitantes, realmente, nesta actuación sólo se resume nunha cousa, estanlle quitando ós concellos de menos 20.000 habitantes para firmar convenios coas grandes cidades. E, non é xusto, porque si ten que haber algo estandarte desta Diputación e de todas é para que foron pensadas, que foron pensadas para os concellos de menos de 20.000 habitantes. E vostedes aquí, hoxe, cun documento, veñen a transmitir, e eu creo que algúns dos diputados que forman parte da súa bancada, do equipo de goberno, deberían de reflexionar o seu voto, porque realmente non están indo nin contra o alcalde de Vilanova, nin contra o Partido Popular de Vilanova, nin contra o Partido Popular da Deputación, están indo contra os intereses dos veciños de Vilanova. E vostedes van anular un proxecto que a día de hoxe tiña que estar executado, e que os veciños tiñan que disfrutar del, e, simplemente, por un término e unha cuestión política van anular un proxecto que tendría que beneficiar a todos estes veciños. Polo tanto, desde o Grupo Popular non podemos ser cómplices desa persecución que teñen vostodes cos concellos de menos de 20.000 habitantes. Moitas gracias. Sra. Presidenta.- (Non se escoita). Sra. López Font.- Sr. Moldes, no es que sean ustedes cómplices de nada, lo que están amparando es una ilegalidad, una ilegalidad. Creo que convendría que se informase suficientemente bien sobre esta obra y tuviese conocimiento de que toda su intervención sería el amparo de una ilegalidad. Claro, yo comprendo que en el modus operandi que ustedes tenían, cuando gobernaban aquí, se hacían los proyectos, no se hacían proyectos o se hacían mal, y por lo tanto lo más importante era prometer actuaciones, hablar de actuaciones y que quedase en el colectivo de la ciudad, de la localidad, que fuese el que se iba a realizar una obra. Pero sabe, en esta Diputación han cambiado muchas cosas y la primera que ha cambiado, literalmente, es el cumplimiento de la ilegalidad. Por lo tanto, me sorprende mucho su intervención, me sorprende mucho porque si a una modificación de crédito de 12,8 millones de euros, que va, tal y como he desglosado, dirigida a beneficiar a los ayuntamientos, ustedes lo único que tienen que alegar es que una obra, que es claramente ilegal, y que nosotros nunca podemos amparar, ni siquiera ser cómplices, desde luego amparar legalmente no lo vamos a hacer nunca; si esto es todo lo que ustedes tienen que decir ante una actuación tan importante, como la de 12,8 millones de euros, pues, ciertamente, entiendo que se queda en la anécdota, que se queda en hablar, permítamelo desde el cariño, en hablar por tener que hablar y por decir algo. Mire, nosotros no le quitamos nada a nadie para dárselo a otros, yo creo que ustedes deben de hacer un análisis riguroso de nuestros años de gobierno y de las cantidades, que por las distintas medidas que hemos tomado desde este gobierno, básicamente, Plan Concellos, han revertido en los ayuntamientos, y es el mejor ejemplo de equilibrio. Las grandes ciudades no tienen más de lo que les corresponde, seguro que menos, porque si hiciéramos, y los hemos hecho, los datos y los cálculos a conciencia esto se demostraría. Por lo tanto, este es un discurso muy hueco, Sr. Moldes, es un discurso muy falso, es un discurso en el que ustedes están habituados aquí a traer una confrontación de territorios, y malo es, malo es. Porque ustedes son los primeros que tendrían que analizar la objetividad de los convenios que se firman con las grandes ciudades, pero la objetividad del Plan Concellos. Concluyo, no vamos a hacer ninguna actuación ilegal y me sorprende muchísimo que ponga tanto énfasis en pedirnos que cometamos una ilegalidad. Sra. Presidenta.- Gracias Sr. Font. Sr. Mosquera tiene usted la palabra. Sr. Mosquera Lorenzo.- Gracias Sra. Presidenta. Bos días a todos e a todas. A verdá é que non pensaba, non pensaba intervir, pero é que escoitase cada cousa, ¿léronse o expediente realmente?, ¿si?, ¡ah!, porque hai que tal. Vén aquí co do Baión-András, esa obra está anulada hai moito tempo, e déixea estar, non remexa, ¿que quere?, que vaiamos pa atrás e levemos ó xulgado a quen adxudicou unha obra sen os permisos, sin os terreos a disposición, vostede sabe que eso é un fraude, é ilegal, ¿quere que vaiamos pa atrás?. Non home non, nós queremos mirar pa diante e deixalo, unha obra manifestamente ilegal, pero, á parte xa estaba anulada hai tempo, o sea, non sei a que vén agora sacar eso, non sei a que vén. Pero, pero en segundo lugar, mire, o gordo da modificación de crédito, o gordo da modificación de crédito, é seis millóns e pico de remanentes que incorporamos, ¿e donde os incorporamos basicamente?, en seis millóns para o Plan dos Concellos de menos de 20.000, e vennos a dicir que, que non lle damos ós de 20.000 cando é o gordo da, da modificación. É, que francamente non sei, non sei que, non sei que leu, unha cousa absolutamente sorprendente, porque pudo dicir outra cousa, porque non será polo convenio, non será polo convenio que está consignado desde o dous mil doce, ¿non? para o aceso a Montecelo, ¿non será? Porque eso xa foi na época do Sr. Louzán, ¿non será por eso?, digo, que ó fin e ó cabo o único que se fai é reaxustar e axustalo todo, non sei exactamente, o sea, o gordo da modificación vai para os concellos de menos de 20.000 o resto son quitar dun lado poñer doutro pero non. E vén aquí a contarnos que é en contra dos concellos de 20.000, de verdá, teremos que ir, a, non sei, a buscar un lector, ou non sei, pa que entendan o que está aí porque é clarísimo non hai ningunha dúbida. Sra. Presidenta.- Gracias Sr. Mosquera. Sr. Moldes, ten vostede a palabra. Sr. Moldes Martínez.- Gracias. Sr. Font, falaba vostede de datos obxectivos, un dato obxectivo é que vostedes levan executado do presuposto do período actual un 40,48%, non sei si pa ustede é un bo dato ou un mal dato, reflexione vostede, para min é para o grupo que represento é un mal dato. Fala vostede da insignificante, insuficiente, que nós lle demos protagonismo á carretera de Baión-András. Home, eu estou seguro que vostede cando fixo este comentario o fixo con todo o respecto hacia os veciños de Vilanova, estou seguro. Pero para nós esa actuación, para os veciños de Vilanova, non é nin inxustificada, nin insuficiente, nin insignificante, é moi importante, moi importante. Logo, igual a vostede lle sorprende que nós vaiamos, é que nós non temos nada en contra de que se invirtan en ciudades, falaba aí o Sr. Mosquera do aceso a Montecelo, non temos nada. Pero o que non lle vamos a permitir é que vostedes colen no medio de todo esto un regaliño que é anularlle unha inversión a un concello, neste caso, podía ser calquer outro, pero coincide, que é o concello de Vilanova. Decía o Sr. Mosquera ou amenazaba, que puideron ir ós xulgados, mire, foran vostedes, si vostedes miraron que había algo ilegal, foran vostedes, pero eu, o que sospeito é que ó mellor si que van a ir agora por anularlle a obra, si que van ir ós xulgados, ó mellor si que van a ir. Vostede nos amenaza ¿por que non foron vostedes?, pois, ó mellor si que igual van a ir. Logo, repetímoslle o mismo, vostedes están moi ben da palabrería, vostedes están aquí moi ben, por certo, que nos veñen a dar a razón, unha vez máis se demostra que o Plan Concellos é insuficiente, porque aquí vén outra modificación, cando nós lle decíamos que eran preto de 60 millóns os que había que invertir nos concellos de menos de 20.000 habitantes, vén outra modificación, porque os seus propios alcaldes lle están recriminando que o que lle invirtiron non chega. Logo, repetimos, levan executado un 40,48% do presuposto actual, di moi pouco do equipo de goberno, di moi pouco dos seus plans, porque a maioría nunca se cubre ó 100%, vostedes nunca pararon a reflexionar como vostedes poden quitar líneas de colaboración que nalgún caso sólo chega ó 30% as súas solicitudes, e que incluso sobran cartos. Por algo será, e non nos veñan a decir, como dixeron o outro día, e que somos tan bos que hasta dámoslle máis cartos dos que piden, ¡nooo!, vostedes saben ¿por que?, porque vostedes gobernan de espaldas ós concellos, de espaldas ós veciños. Logo, reflexionen, e por moito que digan aí está o dato, sólo levan executado o 40,48%, e nesta aprobación van a paralizar unha obra que estaba aprobada para os veciños de Vilanova, alá vostedes co seu voto e coa súa conciencia. Sra. Presidenta.- Gracias Sr. Moldes. Sr. Font, ten vostede a palabra para rematar o debate por dous minutos. Sr. López Font.- Bueno, muchísimas gracias Presidenta, otra vez. Mire, Sr. Moldes, a esta obra le faltaban los preceptivos informes de Patrimonio Histórico, y nosotros hacemos las cosas desde la legalidad y desde el equilibrio. Sobre la ejecución del presupuesto, ¡hombre!, ustedes no son los más indicados para dar lecciones a nadie porque lo que es evidente es que nuestra ejecución supera ampliamente la que tenían ustedes en el gobierno anterior. Pero le diré más, el Plan Concellos, que es un gran plan para los ayuntamientos, sí que está en una ejecución y en una concesión del 100%. Por lo tanto, estamos a 24 de noviembre, espere usted finalmente a la ejecución que tiene el presupuesto de esta Diputación y se encontrará, evidentemente, con que, primero, en la comparativa con ustedes es superior; segundo, se cumplen los objetivos que nos hemos marcado desde el primer momento, y claro, tiene que comprender que poco menos que me enfade de oírle hablar a usted de regalos. Mire, en esta Institución sólo ha habido regalos que eran los del Sr. Louzán con la libre disposición, y claro, a mí me sorprende que ustedes en el debate se permitan cuestiones como esta de hablar de regalos cuando ustedes han estado año tras año, millón tras millón, partida tras partida a quienes ustedes han querido y para cumplir labores partidistas asignándole el dinero que querían por la vía de la libre designación, asignación, esto no es palabrería, Sr. Moldes, esto es política de verdad para los concellos. Y, evidentemente, el Plan Concellos era bueno en su origen pero cuando las circunstancias presupuestarias lo permiten se mejora y es una pena que ustedes no estén contentos de esto. Sra. Presidenta.- Gracias Sr. Font, en todo caso no hay ninguna ampliación del Plan Concellos que lo que hay es un plan de reequilibrio específico para dotar de equipamientos y dotaciones… (non se escoita ) dotado con 15.000.000 de euros, do que agora adiantamos a 6.000.000 de euros, dígoo para que quede claro ¿non?, e así todos saibamos o que imos votar. Así que imos votar este expediente de modificación de crédito número 2/2017. ¿Votos a favor?. ¿Votos en contra?. ¿Abstencións?. Queda aprobado por 14 votos a favor, 1 abstención e 11 en contra. O Deputado Delegado de Economía, Facenda e Réxime Interior, a través de escrito de data 14 de novembro de 2017, propón ó Pleno a aprobación do expediente de modificación de crédito número 2/2017, por un importe total de 6.796.210,43 euros. Este expediente inclúe créditos extraordinarios por importe total de 8.368.878,96, suplementos de créditos por importe total de 4.394.071,11 euros, e baixas por anulación por importe total de 5.966.739,64 euros. A tramitación deste expediente está motivada pola necesidade de realizar gastos que non poden demorarse ata o exercicio seguinte. No caso dos créditos extraordinarios por non existir consignación no estado de gastos do orzamento corrente, no caso dos suplementos de créditos por ser insuficiente o crédito existente e no caso das baixas por anulación por estimarse reducibles os créditos das aplicacións orzamentarias 17/4530.612.02; 17/4530.612.02/2013; 17/4530.612.02/2014; 17/4530.612.02/2015; 17/410.1720.762.82/2016; 17/456.4530.612.02/2013; 17/456.4530.612.02/2014 17/456.4530.612.02/2015 e 17/456.4530.612.02/2016 sen que causen perturbacións nos respectivos servizos. Resultando que o Servizo de Intervención emite informe, de data 14 de novembro de 2017, no que indica que o expediente cumpre cos requisitos previstos na normativa de aplicación, tanto en relación cos gastos que se pretenden financiar como cos recursos que os financian, e que a súa tramitación respecta o equilibrio orzamentario. Considerando o disposto nos artigos 177, 179 e 180 do Real Decreto Lexislativo 2/2004, de 5 de marzo, polo que se aproba o Texto refundido da Lei reguladora das Facendas Locais; nos artigos 34 a 38 e 40 a 42 do Real Decreto 500/1990, de 20 de abril, nos artigos 2,3,11,27 e demais concordantes da Lei Orgánica 2/2012, de 27 de abril, de Estabilidade Orzamentaria e sustentabilidade financeira, e nas bases de execución do orzamento, en canto a competencia e tramitación a seguir para a aprobación do expediente de modificación de crédito número 2/2017. O Pleno, de conformidade co ditame favorable da Comisión Informativa de Economía, Facenda e Réxime Interno, acorda por maioría, cos votos a favor do PSdeG-PSOE e do BNG, cos votos en contra do PP e coa abstención do Grupo Mixto (Coalición Electoral SON): Primeiro: Aprobar o expediente de modificación de crédito número 2/2017 da Deputación de Pontevedra por un importe total de 6.796.210,43 euros. Este expediente inclúe créditos extraordinarios por un importe total de 8.368.878,96 euros, suplementos de créditos por importe total de 4.394.071 euros, e baixas por anulación por importe total de 5.966.739,64 euros, co seguinte detalle: Créditos Extraordinarios “EXT. 02/17”: APLICACIÓN DENOMINACIÓN IMPORTE 17/456-4530-652,09 INVESTIMENTOS XESTIONADOS, CONVENIOS CON CONCELLOS (Proxecto: D13_0005 Convenio con Pontevedra Acceso a Montecelo e Príncipe Felipe), [Financiado con baixas por anulación] 2.068.878,96 € 17/456-9420-762,10 A CONCELLOS, PROGRAMAS DE MOBILIDADE LOCAL, [Financiado con baixas por anulación] 300.000,00 € 17/942-9420-762,10 A CONCELLOS "<20.000 H.", PLAN DE MELLORA DE EQUIPAMENTOS E INFRAESTRUTURAS [(i)detalle dos proxectos adxunto] 6.000.000,00 € Total créditos extraordinarios... 8.368.878,96 € (i) DETALLE DOS PROXECTOS ENGADIDOS NO PLAN DE MELLORA DE EQUIPAMENTOS E INFRAESTRUTURAS CONCELLO DESCRIPCIÓN TOTAL SUBV. 2017 BARRO PISCINA PÚBLICA MUNICIPAL EN OUTEIRO 286.790,97 € 114.844,72 € BUEU CONSTRUCIÓN DE PISCINA MUNICIPAL CUBERTA EN BUEU 1.500.000,00 € 600.671,20 € CALDAS DE REIS EDIFICACIÓN PARA ESCOLA DE MÚSICA,ESCOLA TALLER E OUTROS USOS MUNICIPAIS,INCLUSO URBANIZACIÓN 794.062,39 € 317.980,28 € CAMPO LAMEIRO CENTRO DE ESTANCIA EN CAMPO LAMEIRO 367.003,71 € 146.965,73 € CAÑIZA, A URBANIZACIÓN DO PARQUE CENTRAL DO CONCELLO DE A CAÑIZA 306.573,72 € 122.766,67 € CATOIRA EQUIPAMENTO DO CENTRO DE ACTIVACIÓN CULTURAL TORRES DE OESTE 386.958,00 € 154.956,35 € COVELO PROXECTO DE MELLORA DA ACCESIBILIDADE E HUMANIZACIÓN DA PRAZA DE BARCIADEMERA 287.407,14 € 115.091,46 € CRECENTE EDIFICIO POLIDEPORTIVO, PISTAS DE PÁDEL E MELLORA DE ACCESOS E SERVIZOS RÚA GARCÍA NEIRA 370.403,35 € 148.327,08 € FORCAREI REFORMA DE ALBERGUE PARA XIMNASIO 312.000,00 € 124.939,61 € FORNELOS DE MONTES URBANIZACIÓN, XIMNASIO E PISTA DE PÁDEL 549.385,34 € 219.999,97 € GONDOMAR PROXECTO DE REFORMA DA PRAZA DE A PARADELA E DA SÚA CONTORNA 639.056,65 € 255.908,62 € GROVE, O PROXECTO DE AUDITORIO E ESCOLA DE MÚSICA 1.500.000,00 € 600.671,20 € ILLA DE AROUSA, A REHABILITACIÓN DAS VIVENDAS Nº1-3-5 DA R/MARQUÉS DE BRADOMÍN PARA EQUIPAMENTOS SOCIOCULTURAIS 1.500.000,00 € 600.671,20 € MEIS REFORMA E ADECUACIÓN DA PRAZA DE ESPAÑA DO MOSTEIRO 237.736,65 € 95.201,04 € MONDARIZ DOTACIÓN DE INFRAESTRUTURAS NOS CAMPOS MUNICIPAIS DE FÚTBOL DE A LAGOA. MONDARIZ 423.969,92 € 169.777,68 € MORAÑA PROXECTO BÁSICO DE REHABILITACIÓN E AMPLIACIÓN DE ANTIGO MERCADO MUNICIPAL PARA EDIFICIO SOCIO-CULTURAL MULTIUSOS 711.262,66 € 284.823,33 € NEVES, AS AMPLIACIÓN DO CENTRO CULTURAL DE RUBIÓS 399.566,20 € 160.005,27 € NIGRÁN NOVA BIBLIOTECA MUNICIPAL DE NIGRÁN 1.479.620,18 € 592.510,16 € PONTE CALDELAS HUMANIZACIÓN DA PRAZA DE ESPAÑA E DO PRIMEIRO TRAMO DA AVENIDA DE VIGO 305.698,76 € 122.416,29 € PONTECESURES RECUPERACIÓN DO ESPAZO PÚBLICO DE PONTECESURES CARA A RÍA 361.431,28 € 144.734,24 € PORRIÑO, O MÓDULO DE ATLETISMO EN O PORRIÑO 800.000,00 € 320.357,98 € RODEIRO MELLORA DO PAVILLÓN POLIDEPORTIVO E XIMNASIO MUNICIPAIS E A SÚA ADAPTACIÓN Á NORMATIVA VIXENTE 354.302,80 € 141.879,66 € SILLEDA CAMPO DE FÚTBOL DE BANDEIRA(FASE II) 706.136,93 € 282.770,75 € SOUTOMAIOR REMODELACIÓN DO CAMPO DE FÚTBOL MUNICIPAL DE ARCADE 281.678,72 € 112.797,53 € VILABOA REMODELACIÓN DO CLUBE DE PIRAGÜISMO VILABOA FASE II 122.193,26 € 48.931,98 € TOTAL 14.983.238,63 € 6.000.000,00 € Os créditos extraordinarios por importe global de 8.368.878,96 euros fináncianse con aforro propio procedente de exercicios anteriores, é dicir, con remanente líquido de tesourería para gastos xerais por importe de 6.000.000,00 euros e con baixas de crédito das aplicacións orzamentarias, 17/4530.612.02; 17/4530.612.02/2013; 17/4530.612.02/2014 e 17/4530.612.02/2015 por importe global de 2.368.878,96 euros, cuxas dotacións estímanse reducibles sen perturbacións nos respectivos servizos. Contabilizándose as seguintes operacións: CONCEPTOS DE INGRESO DENOMINACIÓN IMPORTE 931-870,01 Remanente de Tesourería - Aplicado para financiar Créditos Extraordinarios 6.000.000,00 € BAIXAS POR ANULACIÓN: APLICACIÓN DENOMINACIÓN IMPORTE 17/456-4530-612,02 INVESTIMENTOS - CONVENIOS EN ESTRADAS (Proxecto: D13_0005 Convenio con Pontevedra Acceso a Montecelo e Príncipe Felipe) -456.970,99 € 17/456-4530-612,02/2013 ESTRADAS E PROXECTOS 2013 (Proxecto: D13_0005 Convenio con Pontevedra Acceso a Montecelo e Príncipe Felipe) -1.027.400,12 € 17/456-4530-612,02/2014 ESTRADAS E PROXECTOS 2014 (Proxecto: D13_0005 Convenio con Pontevedra Acceso a Montecelo e Príncipe Felipe) -416.514,42 € 17/456-4530-612,02/2015 ESTRADAS E PROXECTOS 2015 (Proxecto: D13_0005 Convenio con Pontevedra Acceso a Montecelo e Príncipe Felipe) -167.993,43 € 17/456-4530-612,02/2015 ESTRADAS E PROXECTOS 2015 (Proxecto: D14_0014 EP9701 BAIÓN-ANDRÁS) -300.000,00 € TOTAL………... -2.368.878,96 € Suplementos de Crédito “SUP. 02/17”: APLICACIÓN DENOMINACIÓN IMPORTE 17/240-2416-221,15 Subministros, material técnico especial (DEPOESPAZOS O. EMPREGO) 8.000,00 € 17/240-2416-231,20 Locomoción (DEPOESPAZOS O. EMPREGO) 400,00 € 17/240-2416-623,01 Maquinaria, instal. e utillaxe (DEPOESPAZOS O. EMPREGO) 2.000,00 € SUMA PROXECTO: 1700009 DEPOESPAZOS.. 10.400,00 € 17/240-2418-120,51 SOLDO, F. INTERINOS SEN PRAZA, "DEPO-EMPRENDE 17-19" (P. EMPREGO) 7.000,00 € 17/240-2418-160,00 S. SOCIAL, F. INTERINOS SEN PRAZA, "DEPO-EMPRENDE 17-19" (P. EMPREGO) 4.765,54 € 17/240-2418-226,99 GASTOS DIVERSOS, "DEPO-EMPRENDE 17-19" (P. EMPREGO) 1.764,84 € 17/240-2418-227,06 ESTUDIOS E TRABALLO TÉCNICOS, "DEPO-EMPRENDE 17-19" (P. EMPREGO) 37.576,50 € SUMA PROXECTO: 1700001 DEPOEMPRENDE 17... 51.106,88 € 17/240-2419-481,01 AXUDAS E BECAS ALUMNOS E PROFESORADO "1700005 PRACTICUM_DEPO 2017" (P. EMPREGO) 97.785,87 € SUMA PROXECTO: 1700005 PRACTICUM_DEPO 2017... 97.785,87 € 17/240.2420,120,51 Soldo func. interinos sen praza (DEPOINTEGRA XOVEN) 5.677,00 € 17/240.2420.120,52 Trienios func. interinos sen praza (DEPOINTEGRA XOVEN) 405,50 € 17/240.2420.120,53 Paga extra func. interinos sen praza (DEPOINTEGRA XOVEN) 811,00 € 17/240.2420.120,90 O. Retribucións, Melloras, I.T. (DEPOINTEGRA XOVEN) 8,11 € 17/240.2420.121,51 C. Destino Func. Interinos sen praza (DEPOINTEGRA XOVEN) 3.244,00 € 17/240.2420.121,52 C. Específico Func. Interinos sen praza (DEPOINTEGRA XOVEN) 4.055,00 € 17/240.2420.160,00 Seguridade Social (DEPOINTEGRA XOVEN) 4.767,67 € 17/240.2420.224,03 Primas de seguros (DEPOINTEGRA XOVEN) 459,84 € 17/240.2420.226,99 Outros gastos diversos (DEPOINTEGRA XOVEN) 2.857,72 € 17/240.2420.227,06 Estudios e traballos técnicos (DEPOINTEGRA XOVEN) 83.758,03 € 17/240.2420.230,20 Axudas de custo (DEPOINTEGRA XOVEN) 405,50 € 17/240.2420.231,20 Locomoción (DEPOINTEGRA XOVEN) 405,50 € 17/240.2420.481,01 Axudas, becas e pensións alumnos e profesorado (DEPOINTEGRA XOVEN) 33.717,97 € 17/240.2420.226,02 Publicidade e propaganda (DEPOINTEGRA XOVEN) 3.244,00 € SUMA PROXECTO: 1700007 DEPOINTEGRA XOVEN ... 143.816,84 € 17/240.2421,120,51 Soldo func. interinos sen praza (DEPOEMPRENDE II) 2.433,00 17/240.2421.120,52 Trienios func. interinos sen praza (DEPOEMPRENDE II) 162,20 17/240.2421.120,53 Paga extra func. interinos sen praza (DEPOEMPRENDE II) 162,20 17/240.2421.121,51 C. Destino Func. Interinos sen praza (DEPOEMPRENDE II) 2.027,50 17/240.2421.121,52 C. Específico Func. Interinos sen praza (DEPOEMPRENDE II) 2.027,50 17/240.2421.160,00 Seguridade Social (DEPOEMPRENDE II) 2.128,87 17/240.2421.224,03 Primas de seguros (DEPOEMPRENDE II) 81,10 17/240.2421.226,99 Outros gastos diversos (DEPOEMPRENDE II) 1.260,09 17/240.2421.227,06 Estudios e traballos técnicos (DEPOEMPRENDE II) 23.834,88 SUMA PROXECTO: 1700006 DEPOEMPRENDE II ... 34.117,35 € 17/333-3330-689,01 ADQUISICIÓN DE OBRAS DE ARTE - MUSEO (Legado Pintos Fonseca) 60.000,00 € 17/410-1720-226,06 GASTOS DIVERSOS, REUNIÓNS E CONFERENCIAS -MEDIO AMBIENTE [Financiado con baixas por anulación] 15.000,00 € 17/410-1720-453,94 TRANSFERENCIAS, CONVENIOS UNIVERSIDADES -MEDIO AMBIENTE [Financiado con baixas por anulación] 60.000,00 € 17/410-1720-762,82 A CONCELLOS, MELLORA DOS MONTES -MEDIO AMBIENTE [Financiado con baixas por anulación] 81.933,00 € 17/456-4530-612,02 INVESTIMENTOS, CONVENIOS EN ESTRADAS -MOBILIDADE [Financiado con baixas por anulación] 3.440.927,68 € 17/942-1622-120,51 SOLDO, F. INTERINOS SEN PRAZA, "ESTRAE_1_E" (COOPERACIÓN) 3.333,34 € 17/942-1622-120,53 P. EXTRA, F. INTERINOS SEN PRAZA, "ESTRAE_1_E" (COOPERACIÓN) 795,75 € 17/942-1622-121,51 C. DESTINO, F. INTERINOS SEN PRAZA, "ESTRAE_1_E" (COOPERACIÓN) 3.333,33 € 17/942-1622-121,52 C. DESTINO, F. INTERINOS SEN PRAZA, "ESTRAE_1_E" (COOPERACIÓN) 3.333,33 € 17/942-1622-160,00 S. SOCIAL, F. INTERINOS SEN PRAZA, "ESTRAE_1_E" (COOPERACIÓN) 3.333,33 € 17/942-1622-230,20 AXUDAS DE CUSTO, "ESTRAE_1_E" (COOPERACIÓN) 333,33 € 17/942-1622-231,20 LOCOMOCIÓN, "ESTRAE_1_E" (COOPERACIÓN) 366,67 € 17/942-1622-220,00 MATERIAL DE OFICINA, ORDINARIO NON INVENTARIABLE, "ESTRAE_1_E" (COOPERACIÓN) 1.119,36 € 17/942-1622-226,99 GASTOS DIVERSOS, "ESTRAE_1_E" (COOPERACIÓN) 1.000,00 € 17/942-1622-227,06 ESTUDIOS E TRABALLOS TÉCNICOS, "ESTRAE_1_E" (COOPERACIÓN) 61.947,50 € 17/942-1622-652,00 INVESTIMENTOS XESTIONADOS PARA CONCELLOS, EQUIPAMENTO RAEE, "ESTRAE_1_E" (COOPERACIÓN) 30.534,38 € SUMA PROXECTO: 1710002 ESTRAE ... 109.430,32 € 17/942-4220-120,51 SOLDO, F. INTERINOS SEN PRAZA, "IN 4,0" (COOPERACIÓN) 1.175,00 € 17/942-4220-120,53 P. EXTRA, F. INTERINOS SEN PRAZA, "IN 4,0" (COOPERACIÓN) 250,00 € 17/942-4220-121,51 C. DESTINO, F. INTERINOS SEN PRAZA, "IN 4,0" (COOPERACIÓN) 1.000,00 € 17/942-4220-121,52 C. ESPECIFICO, F. INTERINOS SEN PRAZA, "IN 4,0" (COOPERACIÓN) 1.062,50 € 17/942-4220-160,00 S. SOCIAL, F. INTERINOS SEN PRAZA, "IN 4,0" (COOPERACIÓN) 1.200,00 € 17/942-4220-230,20 AXUDAS DE CUSTO, "IN 4,0" (COOPERACIÓN) 425,00 € 17/942-4220-231,20 LOCOMOCIÓN, "IN 4,0" (COOPERACIÓN) 425,00 € 17/942-4220-220,00 MATERIAL DE OFICINA, ORDINARIO NON INVENTARIABLE,"IN 4,0" (COOPERACIÓN) 500,00 € 17/942-4220-226,99 GASTOS DIVERSOS, "IN 4,0" (COOPERACIÓN) 1.253,13 € 17/942-4220-227,06 ESTUDIOS E TRABALLO TÉCNICOS, "IN 4,0" (COOPERACIÓN) 15.000,00 € SUMA PROXECTO: 1700008 IN 4,0... 22.290,63 € 17/942-4390-120,51 SOLDO, F. INTERINOS SEN PRAZA, "VISIT_RIO_MINHO_1_P" (COOPERACIÓN) 3.333,33 € 17/942-4390-120,53 P. EXTRA, F. INTERINOS SEN PRAZA, "VISIT_RIO_MINHO_1_P" (COOPERACIÓN) 870,00 € 17/942-4390-121,51 C. DESTINO, F. INTERINOS SEN PRAZA, "VISIT_RIO_MINHO_1_P" (COOPERACIÓN) 2.666,67 € 17/942-4390-121,52 C. DESTINO, F. INTERINOS SEN PRAZA, "VISIT_RIO_MINHO_1_P" (COOPERACIÓN) 2.666,67 € 17/942-4390-160,00 S. SOCIAL, F. INTERINOS SEN PRAZA, "VISIT_RIO_MINHO_1_P" (COOPERACIÓN) 3.333,33 € 17/942-4390-230,20 AXUDAS DE CUSTO, "VISIT_RIO_MINHO_1_P" (COOPERACIÓN) 316,67 € 17/942-4390-231,20 LOCOMOCIÓN, "VISIT_RIO_MINHO_1_P" (COOPERACIÓN) 333,33 € 17/942-4390-220,00 MATERIAL DE OFICINA, ORDINARIO NON INVENTARIABLE, "VISIT_RIO_MINHO_1_P" (COOPERACIÓN) 597,21 € 17/942-4390-226,99 GASTOS DIVERSOS, "VISIT_RIO_MINHO_1_P" (COOPERACIÓN) 1.333,33 € 17/942-4390-227,06 ESTUDIOS E TRABALLOS TÉCNICOS, “VISIT_RIO_MINHO_1_P” (COOPERACIÓN) 30.088,00 € SUMA PROXECTO: 1700004 VISIT_RIO_MINHO… 45.538,54 € 17/942-9432-120,51 SOLDO, F. INTERINOS SEN PRAZA, "SMART_MINHO_1_E" (COOPERACIÓN) 6.666,67 € 17/942-9432-120,53 P. EXTRA, F. INTERINOS SEN PRAZA, "SMART_MINHO_1_E" (COOPERACIÓN) 1.574,50 € 17/942-9432-121,51 C. DESTINO, F. INTERINOS SEN PRAZA, "SMART_MINHO_1_E" (COOPERACIÓN) 5.000,00 € 17/942-9432-121,52 C. DESTINO, F. INTERINOS SEN PRAZA, "SMART_MINHO_1_E" (COOPERACIÓN) 5.000,00 € 17/942-9432-160,00 S. SOCIAL, F. INTERINOS SEN PRAZA, "SMART_MINHO_1_E" (COOPERACIÓN) 8.333,33 € 17/942-9432-230,20 AXUDAS DE CUSTO, "SMART_MINHO_1_E" (COOPERACIÓN) 429,17 € 17/942-9432-231,20 LOCOMOCIÓN, "SMART_MINHO_1_E" (COOPERACIÓN) 433,33 € 17/942-9432-220,00 MATERIAL DE OFICINA, ORDINARIO NON INVENTARIABLE, "SMART_MINHO_1_E" (COOPERACIÓN) 1.000,00 € 17/942-9432-226,99 GASTOS DIVERSOS, "SMART_MINHO_1_E" (COOPERACIÓN) 2.986,18 € 17/942-9432-227,06 ESTUDIOS E TRABALLOS TÉCNICOS, "SMART_MINHO_1_E" (COOPERACIÓN) 49.750,82 € SUMA PROXECTO: 1700003 SMART_MINHO... 81.174,00 € 17/942-4330-226,06 REUNIÓNS, CONFERENCIAS E CURSOS, (Convenio coa Fundación EOI - Proxecto: MILLENIALS, fomento de emprego) 40.550,00 € 17/942-4330-622,00 EDIFICIOS E OUTRAS CONSTRUCIÓNS, COOPERACIÓN (Centro de Apoio Empresarial - Polígono Barro Meis) 80.000,00 € 17/942-9420-227,06 TRABALLOS R. OUTRAS EMPRESAS, ESTUDOS E TRABALLOS TÉCNICOS, COOPERACIÓN (Candidaturas de proxectos europeos) 20.000,00 € Total suplementos de créditos... 4.394.071,11 € Os suplementos de crédito por importe global de 4.394.071,11 euros, fináncianse con aforro propio procedente de exercicios anteriores, é dicir, con remanente líquido de tesourería para gastos xerais, por importe de 796.210,43 euros e coas baixas de crédito das aplicacións orzamentarias, 17/410.1720.762.82/2016; 17/456.4530.612.02/2013; 17/456.4530.612.02/2014; 17/456.4530.612.02/2015 e 17/456.4530.612.02/2016, por un importe global de 3.597.860,68 euros, cuxas dotacións estímanse reducibles sen perturbacións nos respectivos servizos, ó tratarse de proxectos rematados ou desistidos na súa execución. Contabilizándose as seguintes operacións: CONCEPTO DE INGRESO DENOMINACIÓN IMPORTE 931-870,02 Remanente de Tesourería - Aplicado para financiar Suplementos de Crédito 796.210,43 € BAIXAS POR ANULACIÓN: APLICACIÓN DENOMINACIÓN IMPORTE 17/410-1720-762,82/2016 A CONCELLOS , MELLORA DOS MONTES -156.933,00 € 17/456-4530-612,02/2013 ESTRADAS E PROXECTOS 2013 (PROXECTOS: D13_0098; 2013005514; D14_0006;) -31.567,13 € 17/456-4530-612,02/2014 ESTRADAS E PROXECTOS 2014 (PROXECTOS: D13_0093; D14_0008; D14_0009; 2014008917; 2015026347) -1.073.016,73 € 17/456-4530-612,02/2015 ESTRADAS E PROXECTOS 2015 (PROXECTOS: D12_0115; D13_0006; D13_0053; D13_0091; D14_0014; D15_0004; D15_0006; 2015025433; 2015025874;) -2.298.285,30 € 17/456-4530-612,02/2016 ESTRADAS E PROXECTOS 2016 (PROXECTOS: 2016000918; 2016001269) -38.058,52 € TOTAL... -3.597.860,68 € O Resumo das modificacións por capítulos é o seguinte: Capítulo 1º Gastos de persoal 97.936,17 € Capítulo 2º Gastos en bens correntes e servizos 409.236,03 € Capítulo 3º Gastos financeiros 0,00 € Capítulo 4º Transferencias correntes 191.503,84 € Capítulo 6º Investimentos reais -127.465,62 € Capítulo 7º Transferencias de capital 6.225.000,00 € Capítulo 8º Activos financeiros 0,00 € Capítulo 9º Pasivos financeiros 0,00 € TOTAL VARIACIÓNS POR CAPÍTULOS... 6.796.210,43 € Segundo: Este expediente de modificación de créditos número 2/2017, por importe de 6.796.210,43 euros, exporase ó público para os efectos de reclamacións, por un período de quince días hábiles, contados desde o día seguinte ao da publicación dun anuncio no Boletín Oficial da Provincia de Pontevedra (BOPPO). As reclamacións, reparos ou observacións que se presenten serán estudados, no seu caso, polos servizos técnicos da Deputación de Pontevedra e posteriormente pola Comisión informativa de Economía, Facenda e Réxime Interior, que formulará ao Pleno a proposta de aprobación definitiva deste expediente. Este acordo de aprobación inicial do expediente de modificación de créditos número 2/2017 entenderase definitivamente aprobado no caso de que no prazo de exposición pública non se formulasen reclamacións contra o mesmo. 5.7036.- PRÓRROGA DO PLAN DE OBRAS E SERVIZOS (PLAN CONCELLOS) 2016 Sra. Presidenta.- Pasamos ó seguinte punto da orde do día. Prórroga do plan de obras e servizos (Plan Concellos) 2016. ¿Observacións?. Si non hai observacións, señor, observacións, non hai observacións, si non hai observación o sometemos a votación. ¿Votos a favor da prórroga do plan de obras e servizos (Plan Concellos) 2016. ¿Votos a favor?. Queda aprobado pola unanimidade dos presentes. Neste caso si que quero subliñar que todos os alcaldes da provincia, de todos os partidos políticos, teñen solicitado esta prórroga de plan de obras e servicios, que foron os propios alcaldes e ningún deputado provincial de ningún grupo político, porque nos últimos días teño leido nas redes sociais que algún deputado plantexaba que el era o, era a persoa protagonista de que se ampliara este, a prórroga deste Plan Concellos 2016, e non, foron os alcaldes e as alcaldesas de todos os grupos políticos, e quería deixar claro para evitar que haxa malos entendidos. Resultando que, en virtude das competencias que lle atribúe a lexislación vixente, o Pleno da Deputación, na súa sesión de 27 de novembro de 2015, acordou a aprobación das Bases Reguladoras do Plan Provincial de Obras e Servizos 2016 (en adiante Plan Concellos 2016), que foron publicadas no Boletín Oficial da Provincia de Pontevedra (BOPPO) número 233, do 2 de decembro de 2015 (tendo en conta a corrección de erros publicada no BOPPO número 250 do 30 de decembro do 2015). Este plan elabórase nun momento de cambio do ciclo económico no que a Deputación quere colaborar cos concellos na prestación integral dos servizos públicos segundo o seu tamaño e a súa poboación. Trátase, polo tanto, de garantir os principios de solidariedade e equilibrio intermunicipal, asegurando para o conxunto dos veciños unha prestación axeitada e íntegra dos servizos de competencia municipal pero desde a base dunha maior eficacia, eficiencia e coordinación, tal e como se dispón na Lei 7/1985, de 2 de abril. O seu obxectivo é impulsar a xestión municipal, promovendo o desenvolvemento económico e a creación de emprego como bases fundamentais para o seu crecemento, especialmente dos máis pequenos, para o que é necesario garantir a sostibilidade financeira municipal para que poidan prestar os servizos e actividades da súa competencia, respectando o principio da autonomía local e concedendo unha ampla liberdade de decisión á hora de definir as prioridades de cada concello en función das súas necesidades reais e no marco xurídico competencial local. Resultando que, de conformidade co disposto nos artigos 32 e 33 do Texto refundido das disposicións vixentes en materia de réxime local, este Plan se concibe co propósito de cooperar cos concellos no financiamento dos investimentos necesarios para a efectiva prestación dos servizos propios e obrigatorios contemplados nos artigos 25 e 26 da Lei 7/1985, de 2 de abril, reguladoras das bases de réxime local, cumprindo así o disposto no artigo 36.1 desta lei, no que se establece como unha das competencias da Deputación a cooperación no fomento do desenvolvemento económico e social e na planificación no territorio provincial, así como a asistencia e a cooperación xurídica, económica e técnica cos concellos, especialmente cos de menor capacidade económica e de xestión. Resultando que para acometer estas medidas de apoio ós concellos da provincia de Pontevedra de menos de 50.000 habitantes se dotou inicialmente ó Plan Concellos 2016 con corenta millóns de euros nas diferentes liñas e cuxa tramitación administrativa é complexa, cunha casuística moi variada. Resultando que a implementación do Plan Concellos 2016 está suxeita á aparición de imprevistos e retrasos provocados pola complexa tramitación administrativa, que require da obtención necesariamente dos permisos, licenzas e autorizacións pertinentes esixidos para a execución dos investimentos subvencionados, así como as incidencias acontecidas na súa execución, o que provoca retrasos no desenvolvemento e execución dos investimentos, o que fai aconsellable estender o seu prazo de execución, co fin de garantir que os concellos dispoñan do tempo suficiente para xestionar a realización das actuacións subvencionadas cumprindo a legalidade vixente. Resultando que o plan recolle nas bases décimo cuarta e décimo sétima a posibilidade de modificar os acordos e resolucións de concesión das subvencións cando concorran circunstancias excepcionais, así como a posibilidade de reinvestimento das baixas producidas na mesma obra ou noutra distinta, de cuxa tramitación non se pode dar conta ata unha vez finalizados os procedementos de licitación ou, en algunhas ocasións, ata o inicio do procedemento de xustificación, e a tramitación de modificados nos proxectos, que pola súa natureza se producen de modo excepcional non podendo ser previstos no momento da concesión inicial, polo que todo isto implica un horizonte temporal máis longo do que se pode prever na concesión orixinal, tendo en conta, asemade, que estes casos conlevan unha tramitación idéntica ás concesións orixinais, polo que semella difícil que todas elas poidan realizarse, executarse e xustificarse no prazo previsto inicialmente no plan. Considerando que a finalidade, do plan é a entrega de axudas económicas ós concellos con destino ao financiamento de proxectos de obras e servizos, polo que a extinción da subvención, e do plan, debe producirse no momento que se realizou o investimento ou a actuación que fundamentou a concesión, en todo caso, de utilidade pública ou interese social. Considerando que o Plan se concibe no exercicio 2016, pero a súa execución esténdese durante o ano 2017, segundo se sinala no segundo parágrafo da súa Base Décimo Oitava “Os investimentos, incluídos aqueles que se produzan como consecuencia da aplicación das baixas, deberán estar executados e xustificados, na súa totalidade, o 31 de decembro de 2017”; polo que debe entenderse que o plan estende a súa vixencia á presente anualidade. Considerando que de acordo co disposto nos artigos 182 do Real Decreto lexislativo 2/2004, de 5 de marzo, e 34 e ss. do Real Decreto 500/1990, de 20 de abril, os créditos do Plan Concellos 2016 a 31 de decembro de 2017, poderíanse incorporar ó orzamento de 2018, previa tramitación do correspondente expediente de incorporación de remanentes de crédito, unha vez aprobada a liquidación do orzamento xeral de 2017. Considerando que, de conformidade co disposto na LRBRL, os plans de cooperación se conciben como instrumento de acción pública, respectuoso co principio de autonomía, que ten por obxecto corrixir os desequilibrios municipais en materia de infraestruturas e equipamentos, axudando ós concellos a dotarse da práctica totalidade dos servizos locais mínimos e obrigatorios recollidos no artigo 26 da citada Lei. Por conseguinte, segundo establece a Lei 38/2003, de 17 de novembro, xeral de subvencións, na súa disposición adicional oitava, as axudas que se outorgan ó abeiro destes plans réxense pola súa normativa específica, séndolles de aplicación supletoria as disposicións contidas en dita lei. Considerando que, cumprindo o recollido en puntos anteriores, debería permitirse a aplicación dos créditos comprometidos no Plan Concellos 2016 ata o cumprimento das actuacións/finalidades subvencionadas, sen exceder a data de 31 de decembro de 2018, dado que as circunstancias así o aconsellan e con elo non se prexudican dereitos de terceiros. Á vista dos antecedentes e considerandos expostos; en base á documentación relativa ó citado plan que obra no expediente; á vista do informe da xefa do Servizo de Cooperación e dos informes da Intervención provincial e do Secretario xeral; e visto o ditame da Comisión Informativa de Cooperación Municipal, emitido antes da súa elevación ó Pleno; de conformidade cos artigos 34 da Lei 7/1985, de 2 de abril, Reguladora das Bases do Réxime Local, e 70 do Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais, o Pleno da Corporación Provincial acorda por unanimidade: 1. PRORROGAR, de oficio, ata o 30 de setembro de 2018, tanto os prazos de concesión de subvencións por cambios de aplicación ou modificacións do contido das resolucións xa recaídas, así como os de concesión de subvencións por reinvestimento de baixas, todos eles ao abeiro do Plan Concellos 2016. 2. PRORROGAR, de oficio, o prazo de execución e xustificación do Plan Concellos 2016 ata o 31 de decembro de 2018, tanto dos investimentos como dos cambios de finalidade ou modificacións do contido das resolucións xa recaídas, así como do reinvestimento de baixas. 3. PUBLICAR o presente acordo no Boletín Oficial da provincia de Pontevedra. 6.7037.- RATIFICACIÓN DA MODIFICACIÓN DA BASE REGULADORA 14ª DO PLAN DE OBRAS E SERVIZOS (PLAN CONCELLOS) 2017 Sra. Presidenta.- No punto 6 da orde do día, ratificación, perdón, si, perdón, ratificación da modificación da base reguladora décimo catorce do plan de obras e servizos (Plan Concellos) 2017. ¿Observacións?. Sr. Mosquera, ten vostede a palabra. Sr. Mosquera Lorenzo.- Si, gracias Sra. Presidenta. Esto responde ó paquete de medidas que se anunciou cos incendios e supón que os concellos poidan cambiar a, as obras. No anterior non se interveu, ¿non?, por parte deste grupo, pero creo que non sobra unha reflexión, o sea, se aquí, se aquí hai algunha institución que ten unha flexibilidade cos concellos, incluso, sumamente esaxerada é esta, esta casa, ¿non?. Claro, despois hai pouca execución, claro, si se prórroga hai pouco gasto, pero é porque os concellos o demandan, claro, dígoo porque hai argumentos absolutamente contraditorios, por un lado o PP vota a favor de que se prorrogue, e polo tanto o gasto do 2016 inda non está executado a estas alturas, cando tiña que estar, e por outro lado di “que hai pouca execución”. Bueno, a ver, algo de coherencia porque senón non nos enteramos. Si fixeramos como a Xunta, que hai o prazo, non se xustifica ese día, acabouse, perdeu usté a subvención, a execución sería moito máis alta, obviamente, obviamente. Ben, era o que quería, era o que quería decir, e creo que esto facilita ós concellos o labor de, vamos, si ten algún, algunha urxencia cos incendios, pois, vamos, sería, pode, pode desvialo, que tamén é unha flexibilidade que normalmente en outras bases de outras administracións non hai. Sra. Presidenta.- Gracias Sr. Mosquera. Sr. Moldes, disculpe que non, non sei que lle pasa á pantalla que non vai, ten, ¡ah!, perdón, Sra. Muñoz, ten vostede a palabra. É que sigue aparecendo aquí a Sra. Arévalo, todavía, entón creí que iba a intervir o voceiro, pero ten vostede a palabra señora. Sra. Muñoz Fonteriz.- Vale, gracias Presidenta. Buenos días a todos y todas. Bueno, e, nosotros simplemente adelantar que vamos a votar a favor de esta modificación. Porque además esta modificación lo que entendemos es que lo que hace es darle la razón a lo que ha dicho el Partido Popular, de que lo que estamos aquí es ante, para hacer frente a los incendios y a los daños de los incendios, no hay ni un sólo euro nuevo, y como ha dicho el Sr. Moldes, el Sr. Mosquera, el propio Sr. Mosquera ha reconocido que esto es para dar la posibilidad a los concellos de cambiar los proyectos, es decir, ni un euro nuevo, donde antes iban a subvencionar una cosa ahora van a subvencionar otra, pero no hay ni un sólo euro a mayores para dar a los concellos para que palien los efectos de los, de los fuegos. Como ya se va a tratar de este tema en una moción posterior del Partido Popular simplemente que quede claro nuestra postura que, por supuesto, vamos a votar a favor, pero que entendemos que esto da la razón a que de esos 90 millones ni un euro a mayores para los concellos y que se les obliga a elegir entre proyectos. Nada más, gracias. Sra. Presidenta.- ... Ratificación da modificación da base reguladora décimo catorce do plan de obras e servicios (Plan Concellos) 2017. ¿Votos a favor?. Queda aprobada por unanimidade. ANTECEDENTES Primeiro.- O Pleno da Deputación, na súa sesión de 28 de decembro de 2016, acordou a aprobación das Bases Reguladoras e convocatoria do Plan de Obras e Servizos 2017 (en adiante Plan Concellos 2017), que foron publicadas no Boletín Oficial da Provincia de Pontevedra (BOPPO) núm. 249, do 30 de decembro de 2016, sendo o seu obxecto, no marco da cooperación económica, regular o procedemento de concesión, execución e xustificación de subvencións ós concellos de menos de 50.000 habitantes da provincia, con destino a finalidades de competencia municipal sinaladas nas bases. Segundo.- A vixencia do Plan está establecida ata 31/12/2018. Terceiro.- O pasado mes de outubro produciuse unha vaga de lumes en Galicia que afectou, segundo datos oficiais, a 49.171,59 hectáreas, das cales 20.085,86 corresponden á provincia de Pontevedra. Cuarto.- A fin de posibilitar que os concellos poidan reparar os danos causados polo lume nas infraestruturas municipais, bens, maquinaria e equipamentos municipais e infraestruturas locais de abastecemento de auga, aprobouse, mediante acordo da Xunta de Goberno núm. 35.26110, do 10 de novembro de 2017, a modificación da Base 14ª das reguladoras do Plan Concellos 2017; recolléndose expresamente este suposto como circunstancia excepcional que posibilite a modificación ou cambio do contido das subvencións. FUNDAMENTOS XURÍDICOS Réxime Xurídico:  Lei 38/2003, de 17 de novembro, Xeral de Subvencións (LXS), e o seu Regulamento aprobado por Real Decreto 887/2006, de 21 de xullo (RLXS).  Lei 7/1985, de 2 de abril, Reguladora das Bases do Réxime Local (LRBRL).  Lei 5/1997, de 22 de xullo, de Administración Local de Galicia (LALGA).  Lei 39/2015, de 1 de outubro, do Procedemento Administrativo Común das Administracións Públicas (LPAC).  Lei 9/2007, de 13 de xuño, de Subvencións de Galicia (LSG).  Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRJEL).  Bases reguladoras do Plan de Obras e Servizos 2017 (Plan Concellos 2017).  Ordenanza Xeral de Subvencións da Deputación de Pontevedra (Ordenanza Xeral).  Bases de execución do orzamento da Deputación para o exercicio 2017. CONSIDERACIÓNS XURÍDICAS Primeiro.- En relación á competencia da Deputación para a concesión de axudas ós concellos, e de acordo co artigo 101 da LALGA, en concordancia co artigo 31 da LRBRL son fins propios e específicos da Provincia garantir os principios de solidariedade e equilibrio intermunicipais, no marco da política económica e social, e en particular, asegurar a prestación integral e adecuada na totalidade do territorio provincial dos servizos de competencia municipal. Para dar cumprimento a estes fins, os artigos 36.2.a) do LRBRL e 101.1 da LALGA prescriben a aprobación anual dun plan provincial de cooperación ás obras e servizos de competencia municipal, competencia dentro da que se enmarca a aprobación do Plan Concellos 2017. Segundo.- O ámbito subxectivo do Plan Concellos circunscríbese de acordo coa súa base 1ª ós concellos da provincia con poboación de ata 50.000 habitantes. Terceiro.- O ámbito obxectivo das axudas ó abeiro do plan abrangue investimentos e actuacións referidas ás competencias e servizos recollidos nos artigos 25 e 26 da LRBRL. Cuarto.- Segundo o artigo 16 da Ordenanza Xeral, en concordancia co artigo 17.3 da LXS, as bases de concesión das subvencións concretarán, entre outros extremos, as circunstancias que, como consecuencia da alteración das condicións tidas en conta para a concesión da subvención, poderán dar lugar á modificación da resolución. Quinto.- A base reguladora 14ª do Plan, en concordancia co artigo 64 do RLXS e 16 da Ordenanza Xeral recolle as normas relativas á modificación das concesións de subvencións. A referida base contempla que deben concorrer unhas circunstancias excepcionais, e a estes efectos relaciona unha serie de supostos, establecendo que unicamente estes se considerarán circunstancias excepcionais que habiliten a modificación, sempre e cando non se prexudiquen intereses de terceiros e se solicite expresamente antes de que conclúa o prazo para a realización das actividades obxecto de subvencións. Sexto.- En base aos fundamentos expostos, mediante acordo da Xunta de Goberno do 10 de novembro de 2017, punto núm. 35.26110, adoptouse o seguinte acordo: “1º. MODIFICAR a base 14ª das reguladoras do Plan Concellos 2017 e introducir, como circunstancia excepcional que permita aos concellos solicitar o cambio ou a modificación do contido das subvencións outorgadas ao abeiro do Plan Concellos 2017, un novo apartado co seguinte teor literal: “- A Reparación dos danos causados pola vaga de lumes de outubro de 2017 dentro do termo municipal nos seguintes elementos: - Infraestruturas municipais - Bens, maquinaria e equipamento municipal - Infraestruturas locais de abastecemento de auga” 2º.- Elevar o presente acordo ó Pleno da Deputación de Pontevedra para a súa ratificación. 3º.- Ordenar a publicación do presente acordo no Boletín Oficial da Provincia (BOPPO) e na web da Deputación de Pontevedra www.depo.es.” Á vista do que antecede; vistos os informes da Secretaría Xeral, da xefa do Servizo de Cooperación e da Intervención Provincial; de conformidade co ditame da Comisión Informativa de Cooperación cos Municipios, o Pleno acorda, por unanimidade: 1º. RATIFICAR o acordo da Xunta de Goberno do 10 de novembro de 2017, punto núm. 35.26110, polo que se acorda modificar a base 14ª das reguladoras do Plan Concellos 2017 e introducir, como circunstancia excepcional que permita aos concellos solicitar o cambio ou a modificación do contido das subvencións outorgadas ao abeiro do Plan Concellos 2017, un novo apartado co seguinte teor literal: “- A reparación dos danos causados pola vaga de lumes de outubro de 2017 dentro do termo municipal nos seguintes elementos: - Infraestruturas municipais - Bens, maquinaria e equipamento municipal - Infraestruturas locais de abastecemento de auga” 2º.- CONVALIDAR as actuacións practicadas, polo que a modificación aprobada pola Xunta de Goberno terá efectos desde a publicación do acordo no Boletín Oficial da Provincia (BOPPO). 3º.- PUBLICAR o presente acordo no Boletín Oficial da provincia (BOPPO) e na páxina web da Deputación de Pontevedra: www.depo.es. 7.7038.- CONVENIO DE COLABORACIÓN ENTRE O EXCMO. CONCELLO DE VIGO E A EXCMA. DEPUTACIÓN DE PONTEVEDRA PARA A MELLORA DE INSTALACIÓNS DEPORTIVAS NO TERMO MUNICIPAL DE VIGO Sra. Presidenta.- Pasamos ó punto 7 da orde do día. Convenio de colaboración entre o Excmo. Concello de Vigo e a Excma. Deputación de Pontevedra para a mellora de instalacións deportivas no termo municipal… (Non se escoita). Sr. Regades Fernández.- Sra. Presidenta, le planteo una cuestión de orden, digo si el punto 7 y 8, si estamos de acuerdo todos los portavoces, se pueden debatir juntos. Sra. Presidenta.- Pois, si estamos de acordo, debatimos conxuntamente o punto 7 e o punto 8. O punto 8 era Convenio de colaboración entre o Excmo. Concello de Vigo e a Excma. Deputación de Pontevedra para o proxecto de implantación dunha vía ciclista entre Teis e Samil. Os debatiremos conxuntamente, logo os votaremos por separado. Ten a palabra Sr. Regades. Sr. Regades Fernández.- Moitas gracias Sra. Presidenta. Bos días a todas as diputadas e a todos. Aquí consiste en dous convenios, convenio de colaboración entre a Deputación Provincial de Pontevedra e o Concello de Vigo, un deles para mellora de instalacións deportivas no término municipal de Vigo, cun importe total de nove millóns e medio, no cal a Diputación de Pontevedra invertirá 5.520.000 e o Concello de Vigo 3.680.000, co cuál ten un reparto do 60-40%. Estas inversións consisten na adecuación tanto enerxética con cambio de alumeado, como cambio de tapete e cambio de eficiencia energética tamén nas caldeiras do campo municipal de Navia, do campo municipal de Bouzas, do campo de fútbol municipal do Meixoeiro, do campo de fútbol municipal da Bouza, do campo de fútbol municipal de Relfas, en Sárdoma-Moledo, no campo municipal da Guía e no campo de fútbol municipal de Candeán. Tamén nesta iniciativa vai unha nova instalación polideportiva na rúa Romil 77, unha antigua estrutura de hormigón que quedou inacabada fai moitos anos e que neste momento, pois, esa estrutura, colle a oportunidade de convertirse nunha instalación deportiva para usos deportivos minoritarios dentro da cidade de Vigo, o cal teñen moita demanda. Tamén neste convenio vai a renovación de dous instalacións, dous pabellóns deportivos, que están instalados debaixo da Grada de Río, que nestes momentos coa obra de integración do campo de Balaídos queda subsanada o seu problema de humedades e de goteras e con esta nova aportación, pois, cambiaranse os pavimentos, os vestuarios, a iluminación co xeito de mellorar a instalación deportiva dunha forma definitiva para uso de distintos deportes. Tamén vai incluído un novo pabellón polideportivo na zona de Sárdoma, o pabellón de Quirós, un pabellón novo, nunha parcela, comprendida 28 e 29 do plan parcial de Quirós. Unha parcela que estaba, que estaba catalogada para uso dotacional e que nestes momentos transformouse por parte do Concello de Vigo para uso dotacional deportivo e o que fai é unha nova instalación deportiva nunha demanda tan importante que ten a cidade. Co cuál, o investimento total, como decíamos antes, chega ós 9.000.201 euros, estes poyectos xa están redactados por parte do concello, co cuál podían salir a licitación neste mismo ano. Tamén, vai o convenio de colaboración entre a Deputación de Pontevedra e o Concello de Vigo para a implantación dunha vía ciclista entre Teis e Samil, que atravesa as rúas Travesía de Vigo, Pizarro, Venezuela, Camelias, Avenida de Castelao e Avenida de Europa. Esta é unha obra que ten un gasto anticipado, onde no orzamento está distribuído no ano 2018 e no ano 2019. Nestes momentos a redacción do proxecto xa está realizada e xa está aprobada, pola Xunta de goberno local do Concello de Vigo, co cuál un gasto anticipado pódese levar a licitación antes de final de ano e a obra estaría en construción no ano 2018, e finalizaríase, remataríase, no 2019. Este segue sendo o noso compromiso, por parte da Deputación de Pontevedra, de seguir mantendo e apostando polas enerxías alternativas. A bicicleta cada vez colle máis protagonismo na provincia de Pontevedra, colle máis protagonismo na, nas cidades da provincia de Pontevedra, e con este carril bici quérese dar tamén un carácter ejemplarizador, atraviesa, de forma transversal, toda a cidade de Vigo e o que fai é unha aposta non sólo para a bici, como un medio de ocio, sinón como un medio de transporte alternativo, que esto unido ca pista ciclista, que estes días vaise a encargar o proxecto da antigua vía do ferrocarril, co cuál neste proxecto xa leva tres unións con esa vía para a súa transversalidade e o fomento do uso da bicicleta como transporte convencional, pois, faría que a mobilidade en Vigo, a mobilidade en Pontevedra tamén faga unha aposta seria pola bicicleta. Sra. Presidenta.- Gracias Sr. Regades. Sra. Muñoz, ten a palabra. Sra. Muñoz Fonteriz.- Muchas gracias Presidenta. Vamos a debatir los dos convenios juntos y, la verdad que, bueno, quiero anticipar el voto a favor de estos convenios por parte de este grupo provincial. Por supuesto, que estamos a favor de que se invierta tanto en los campos de fútbol, como en las mejoras de instalaciones deportivas y en el carril bici pero, creo que a nosotros se nos suscitan varias dudas de estos, de estos convenios, que da la sensación que han sido hechos un poquito de prisa y corriendo, y que, bueno, nos plantean dudas, sobre todo el convenio que hace referencia al carril, al carril bici. Pero, en lo que se refiere al convenio de la renovación de los campos de fútbol, la verdad, señores del gobierno provincial, tenemos muchísimas dudas de que sean capaces de ejecutarlo en el año 2017 la anualidad que están ustedes poniendo, y me gustaría que en su turno el responsable, Sr. Regades, nos aclarara y nos certificara que, efectivamente, esos 2,8 millones de euros que la Diputación de Pontevedra ha puesto para el año 2017, estando como estamos a 24 de noviembre y acabando de reconocer el Sr. Regades que el Concello de Vigo todavía no ha licitado la obra, pues, las obras, pues, nos parece que es bastante optimista el pensar que esos 2,8 millones de euros van a poder ser ejecutados en el año, en el año 2017, con lo cuál, nos gustaría que nos lo aclararan porque nos parece bastante, bastante difícil. Y, en segundo lugar, el convenio de la vía ciclista, ya que acabamos de escuchar la gran preocupación que tiene el gobierno provincial por el cumplimiento estricto de la ley, la verdad que, nos suscita muchísimas, muchísimas dudas, porque ha dicho el Sr. Regades ahora que estamos ante una tramitación anticipada, es un, es un convenio en el que la Diputación no va a gastar ni un euro en el año dos mil diecisiete, el primer gasto es en el año dos mil dieciocho y, nosotros ya mostramos nuestras dudas, en la reunión de la Comisión Informativa y pedimos aclaraciones, porque si estamos hablando de una tramitación anticipada, la tramitación habitual, y de acuerdo con la normativa de subvenciones de la tramitación anticipada, dice que “tiene que acreditarse por lo menos tiene que haber un proyecto de presupuestos”, la Diputación no tiene presupuestos, no tenemos todavía el proyecto de presupuestos, vamos a aprobarlo la semana que viene. Por lo tanto, primera duda, si se puede tramitar anticipadamente este proyecto y, en segundo lugar, que si fuera así, nada consta en el expediente, por lo menos el expediente que nos han hecho llegar a nosotros, al grupo provincial, y que hemos visto y pedimos, insisto, aclaraciones en la Comisión Informativa, que no tuvimos, pues, en ningún sitio ni en el informe del Interventor ni en el propio convenio, porque es una subvención y hay obligatoriedad legal de recoger en el propio convenio que está condicionada la existencia de crédito adecuado y suficiente cuando se aprueben los presupuestos, aparece así. Por lo tanto, nos gustaría que se nos aclararan estas dudas, nos gustaría también que, si es posible, el Interventor aclarara expresamente estas dudas que tenemos sobre esta legalidad, sobre todo, lo que nos da la sensación es de que se ha hecho muy rápido, que a lo mejor había que haber esperado un poquito más, pero no sé por que a ustedes les ha entrado la prisa en traer estos, estos convenios y, por un lado, uno, por exceso de ejecución en el 17 y el otro por lo contrario, porque no hay ninguno en el 17 pero ni siquiera tenemos proyecto de presupuestos para el 18, da la sensación que hay cierta improvisación, que es bastante habitual en la forma de actuar de este gobierno provincial. Muchas gracias. Sra. Presidenta.- … Partido Popular como a lei lle da á Intervención dos órganos de administración local, a capacidade de fiscalizar todos os convenios e ten informe favorable, creo que non hai nada máis aclaratorio que responda o Interventor do Pleno, polo tanto, lle vou a dar a palabra o Sr. Interventor. Sin turno de tempo, Sr. Interventor, sexa, non, no, no, séxame vostede breve, séxame vostede breve. Para as cuestións de legalidade deben de falar os Interventores como di a lei. Sr. Interventor.- Menos mal que non sou Fidel Castro, que ese votaba discursos de seis horas. Sra. Presidenta.- Non, Sr. Interventor, interveña Sr. Interventor. Ten a palabra. Sr. Interventor.- En relación coa execución da anualidade do dezasete, ó ser créditos de inversión pódense incorporar sin ningún problema ó exercicio siguiente, entonces, en principio, por ese lado non habría problema. En cuanto á tramitación anticipada, pois o meu informe non é suspensivo, é que en todo caso hai unha tramitación anticipada de gastos plurianuales, e como xa suele suceder nos gastos plurianuales quedan condicionados á existencia de crédito en cada unha das anualidades, entonces, non lle vexo maior dificultad. Sra. Presidenta.- Agora, Sr. Regades, ... (Escóitanse voces e risas). Sr. Regades Fernández.- Te va a gustar lo que voy a decir, Sr. Figueroa. Pero, pero quiero hablar. Sólo quiero hablar para dar las gracias al Partido Popular por votar a favor de estos convenios que van a ser beneficiosos para la provincia de Pontevedra y para la ciudad de Vigo. Gracias. Sra. Presidenta.- … ¿Votos a favor?. Votos en contra non hai ¿Abstencións?. Queda aprobado, é que non sei cantos estamos, dos, tres, cinco, sete, por vinte e cinco votos a favor e unha abstención. Sra. Presidenta.- No punto nove da orde do día, concesión de subvención ao abeiro da convocatoria de subvencións para investimentos en equipamentos e dotacións singulares na mellora do reequilibrio territorial dos servicios, no, perdón, esto está mal. Si, perdón, si, que me, perdón, perdón, me equivoquei porque estamos votando o nove e non estamos no nove. No punto sete, agora, o que acabamos de votar é o punto oito, disculpen. No punto sete, convenio de colaboración entre o Concello de Vigo e a Deputación de Pontevedra para a mellora de instalacións deportivas no termo municipal de Vigo. ¿Votos a favor?. ¿Abstencións?. Queda aprobado por vinte e cinco votos a favor e unha abstención. Do exame do expediente quedan acreditados os seguintes antecedentes:  En data 20 de novembro de 2015, o Concello de Vigo e a Deputación de Pontevedra asinaron un protocolo de colaboración en orde a afondar na colaboración administrativa entre ambas institucións e, expresamente, na cooperación para a planificación e execución dos proxectos e actuacións sinalados na súa parte expositiva. Entre as actuacións a desenvolver estarían as encamiñadas a potenciar o deporte, como un elemento integrador que posibilite a consolidación das novas demandas sociais e o desenrolo das mesmas, concretaríase mediante a sinatura de convenios específicos, nos que deberán de especificarse as obrigas que asumiría cada unha das partes asinantes e os compromisos de financiamento que correspondan.  Para dar cumprimento ó obxectivo referido no parágrafo anterior, os servizos técnicos municipais elaboraron unha memoria valorada que servirá de base para o futuro desenvolvemento dos proxectos de mellora das instalacións deportivas no termo municipal de Vigo. Dita memoria estima que o custe total dos investimentos a realizar ascende a 9.201.496,61 euros (IVE incluído), dos cales 5.520.897,97 euros serán achegados pola Deputación de Pontevedra, nos exercicios 2017 e 2018, e 3.680.598,64 euros polo Concello de Vigo, nos exercicios 2018 e 2019.  Recibida a documentación necesaria para a formalización do convenio por parte do Concello de Vigo, a proposta de convenio infórmase pola xefa do Servizo de Cooperación e pola Secretaría Xeral da Deputación de Pontevedra. Pola súa banda, solicítase á Intervención Xeral provincial, logo de dar conta dos antecedentes e normativa de aplicación, a fiscalización e conformidade do expediente.  Previo a súa aprobación polo Pleno sométese ó ditame da Comisión Informativa de Cooperación cos Municipios a proposta de convenio de colaboración. FUNDAMENTOS XURÍDICOS Réxime Xurídico:  Lei 38/2003, de 17 de novembro, Xeral de Subvencións (LXS), e o seu Regulamento, aprobado por Real Decreto 887/2006, de 21 de xullo (RLXS).  Lei 7/1985, de 2 de abril, Reguladora das Bases do Réxime Local (LRBRL).  Lei 5/1997, de 22 de xullo, reguladora da Administración Local de Galicia (LALGA).  Lei 39/2015, de 1 de outubro, do Procedemento Administrativo Común das administracións públicas (LPACAP).  Lei 40/2015, de 1 de outubro, do Réxime Xurídico do Sector Público (LRXSP).  Lei 9/2007, de 13 de xuño, de Subvencións de Galicia (LSG).  Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRXEL).  Bases de execución do orzamento da Deputación para o exercicio 2017.  Ordenanza Xeral de Subvencións da Deputación de Pontevedra (Ordenanza Xeral). Consideracións Xurídicas: Petición e evacuación de informes:  Artigos 79 e 80 da LPACAP sobre a petición e a evacuación de informes.  Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma.  Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención.  Artigo 172 do ROFRXEL, que dispón que o xefe da Dependencia á que corresponda tramitar o expediente deberá emitir un informe, expoñendo os antecedentes e as disposicións legais ou regulamentarias en que funde o seu criterio.  Bases 47ª e 48ª de execución do Orzamento provincial para 2017, sobre o control e a fiscalización da xestión económica, que sinalan a competencia da Intervención para realizar esta función.  Artigo 24 da LXS que establece que as actividades de instrución comprenderán, entre outras, a petición de cantos informes se estime necesarios para resolver ou que sexan esixidos polas normas que regulan a subvención. Sobre a capacidade das entidades locais para celebrar convenios A celebración de convenios de colaboración entre as entidades de dereito público atópase prevista, con carácter xeral, nos artigos 47 e seguintes da Lei 40/2015, LRXSP, cuxo artigo 48.1. establece que: “As Administracións Públicas, os seus organismos públicos e entidades de dereito públicos vinculados ou dependentes e as Universidades Públicas, no ámbito das súas respectivas competencias, poderán asinar convenios con suxeitos de dereito público e privado sen que isto poida supoñer a cesión da titularidade da competencia. No que á Administración Local se refire, o artigo 57 LRBRL, dispón que “A cooperación económica, técnica e administrativa entre a Administración Local e as Administracións do Estado e das Comunidades Autónomas, tanto en servizos locais como en asuntos de interese común, se desenvolverá con carácter voluntario, baixo as formas e nos termos previstos nas leis, podendo ter lugar en todo caso, mediante consorcios e convenios administrativos que se asinen. Á súa vez, os artigos 86 da LPACAP, 111 do TRRL e 25 do TRLCSP, establecen que as Administracións Públicas poderán celebrar acordos, pactos e convenios ou contratos con persoas tanto de dereito público como privado sempre que non sexan contrarios ó ordenamento xurídico ou versen sobre materias susceptibles de transacción e teñan por obxecto satisfacer o interese público encomendado, co alcance, efectos e réxime xurídico específico que no caso prevea a disposición que o regule. Procedencia do convenio O convenio, que se xunta na presente proposta, destinado á mellora de instalacións deportivas no termo municipal de Vigo é froito do desenvolvemento do protocolo de colaboración entre a Deputación de Pontevedra e o Concello de Vigo, asinado con data 20 de novembro de 2015, para a execución de actuacións estratéxicas en infraestruturas e equipamentos deportivos, entre as que se atopan as encamiñadas a:  Consolidar, no concello de Vigo, unha rede de infraestruturas deportivas aberta á participación do maior número de cidadáns e de entidades deportivas.  E a optimizar os recursos das infraestruturas deportivas existentes na cidade, mellorando as condicións e a capacidade das mesmas. As entidades que subscribirán o convenio o fan no exercicio das súas competencias, é dicir, o aseguramento da prestación integral e adecuada dos servizos de competencia municipal (artigo 36 da LRBRL) no caso da Deputación e a promoción do deporte e instalacións deportivas (artigo 25.2.l da LRBRL) no caso do Concello de Vigo. O convenio cumpre os requisitos esixidos nos artigos 47 e ss. da LRXSP respecto dos convenios, de forma que contén as materias relacionadas no seu artigo 49 e as achegas financeiras contempladas nel non superan o custe derivado do convenio. Asemade, a achega da Deputación ten a consideración dunha subvención de acordo co disposto nos artigos 2 da Lei 38/2003, de 17 de novembro, Xeral de Subvencións, e 3 do seu regulamento quedando acreditado o motivo que xustifica a súa concesión directa en base á existencia de aplicación orzamentaria que ten designado como beneficiario ó concello de Vigo. Polo demais, tratándose dun convenio plurianual, a achega do exercicio 2017 financiarase contra a aplicación 2017/942.9420.762.14, na que existe crédito para tal fin e a do exercicio 2018 quedará, en todo caso, condicionada á tramitación do oportuno expediente de modificación de crédito. O expediente xustifica a conveniencia, oportunidade e o interese público do convenio e en canto o seu contido, axustado á lexislación vixente, sinálase no informe da Secretaría xeral obrante no expediente. RÉXIME COMPETENCIAL: De conformidade co disposto no artigo 10.4 da LXS, que sinala que a competencia para conceder subvencións nas corporacións locais correspóndelle ós órganos que teñan atribuídas tales funcións na lexislación de réxime local, en virtude do establecido no artigo 33 da LRBRL e nas bases específicas de execución do Orzamento provincial, compételle ó Pleno a aprobación do “Convenio de colaboración entre o Excmo. Concello de Vigo e a Excma. Deputación de Pontevedra para a mellora de instalacións deportivas no termo municipal de Vigo”. En consecuencia, tendo en conta todo o que antecede e á vista dos informes da xefa do Servizo de Cooperación, da Intervención Provincial e da Secretaría Xeral, e do ditame da Comisión Informativa de Cooperación, o Pleno acorda por maioría, cos votos a favor do PP, do PSdeG-PSOE e do BNG e coa abstención do Grupo Mixto (Coalición Electoral SON), aprobar o “Convenio de colaboración entre o Excmo. Concello de Vigo e a Excma. Deputación de Pontevedra para a mellora de instalacións deportivas no termo municipal de Vigo” cuxo texto literalmente transcrito di como segue: “CONVENIO DE COLABORACIÓN ENTRE O EXCMO. CONCELLO DE VIGO E A EXCMA DEPUTACIÓN DE PONTEVEDRA PARA A MELLORA DE INSTALACIÓNS DEPORTIVAS NO TERMO MUNICIPAL DE VIGO No Pazo Provincial, __ de novembro de 2017 REUNIDOS Dunha parte, Dª María del Carmen Silva Rego, quen actúa no nome e representación da Deputación Provincial de Pontevedra, en virtude do seu cargo como Presidenta deste organismo e en función das atribucións que lle confiren o artigo 34 da Lei 7/1985, de 2 de abril, reguladora das bases do réxime local, e o artigo 105 da Lei 5/1997, de 22 de xullo, de administración local de Galicia. Doutra, D. Abel Caballero Álvarez, quen actúa no nome e representación do Concello de Vigo, en virtude da súa condición de Alcalde-Presidente da citada Corporación, segundo o disposto no artigo 124 da Lei 7/1985, do 2 de abril, reguladora das bases de réxime local, no artigo 61.1 da Lei 5/1997, de administración local de Galicia e no artigo 41.1 do Real decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das entidades locais. Actúan D. Carlos Cuadrado Romay, en calidade de Secretario xeral da Deputación de Pontevedra, e Dª María Concepción Campos Acuña, en calidade de Secretaria do Concello de Vigo, dando fe do acto que se celebra. Ámbalas dúas partes actúan nas representacións expresadas e recoñécense reciprocamente capacidade bastante para o outorgamento e formalización deste convenio, con base nos principios de colaboración, cooperación, coordinación e eficacia que deben presidir as actuacións das Administracións Públicas e, a estes efectos, de común acordo, EXPOÑEN I.- A Deputación de Pontevedra e o Concello de Vigo comparten como criterio que os concellos, como administración democraticamente escollida, deben ser os axentes protagonistas e os eidos administrativos aos que ten que corresponder a decisión, o deseño e o impulso da acción local e do desenvolvemento das políticas locais; ao tempo que, as Deputacións, deben actuar como institucións que desenvolvan políticas, plans e actuacións que faciliten que concellos e cidadáns poidan acadaren os mesmos dereitos e servizos. II.- Que, no exercicio das súas respectivas competencias, a Deputación Provincial de Pontevedra e o Concello de Vigo, con data 20 de novembro de 2015, asinaron un protocolo de colaboración en orde a afondar na colaboración administrativa entre ambas institucións e, especialmente, para a cooperación na planificación e execución dos proxectos e actuacións que no propio convenio se sinalan; actuacións e proxectos entre os que se inclúen, no que ao presente convenio importa, as melloras de equipamentos e infraestruturas deportivas. III.- Que no devandito protocolo de colaboración se convén que as distintas actuacións nel previstas se desenvolverán a través de convenios específicos, cuxa execución administrativa, técnica e contractual corresponderá ao Concello de Vigo, que deberá observar os procedementos de avaliación e seguimento da execución dos convenios a establecer nestes. IV.- Que no exercicio das súas atribucións en materia deportiva, son obxectivos do Concello de Vigo:  Colaborar na consolidación dunha rede de infraestruturas deportivas aberta á participación do maior número de cidadáns e de entidades deportivas.  Optimizar os recursos das infraestruturas deportivas existentes na cidade, mellorando as condicións e a capacidade das mesmas. V.- Que o artigo 25. 2. l) da Lei 7/1985, de 2 de abril, reguladora das bases do réxime local atribúe ás Administracións Municipais competencia en materia de promoción do deporte e instalacións deportivas. Por outra banda, o art. 36.1) da Lei 7/1985, de 2 de abril, reguladora das bases do réxime local encomenda ás Deputacións o aseguramento da prestación integral e adecuada dos servizos de competencia municipal; competencia en relación coa cal a Deputación Provincial de Pontevedra ten previsto na súa planificación a mellora das infraestruturas dos equipamentos deportivos dos concellos da provincia. VI.- Que os convenios entre as Administracións Públicas constitúen o instrumento axeitado para desenvolveren a súa cooperación en cuestións de interese común, tal como establecen os artigos 47 e seguintes da Lei 40/2015, do 1 de outubro, do réxime xurídico do sector público, o artigo 57 da Lei 7/1985, de 2 de abril, reguladora das bases do réxime local, e os artigos 198 e seguintes da Lei 5/1997, de 22 de xullo, de administración local de Galicia. O convenio que nos ocupa, pola súa contía, deberá ser remitido ao Tribunal de Contas e ao Consello de Contas. VII.- Que, de acordo coas precedentes consideracións e en desenvolvemento do protocolo de colaboración arriba referido, que contempla como un dos seus obxectivos estratéxicos o apoio ás iniciativas de promoción do deporte e infraestruturas deportivas, o Concello de Vigo e a Deputación Provincial de Pontevedra, acordan aprobar o presente convenio de colaboración, que asinan agora os aquí comparecentes, con arranxo aos seguintes PACTOS PRIMEIRO.- OBXECTO DO CONVENIO 1- É obxecto deste convenio, establecer as pautas de colaboración entre o Concello de Vigo e a Deputación Provincial de Pontevedra para a realización das obras de renovación, actualización e mellora de diversas instalacións deportivas no termo municipal de Vigo. 2.- Os investimentos vinculados ao presente convenio serán definidos nos correspondentes proxectos técnicos que concretarán as actuacións a realizar en cada unha das instalacións deportivas. 3.- En todo caso, os proxectos dos investimentos a desenvolver terán relación directa coa:  Renovación das instalacións de céspede sintético en campos de fútbol municipais e mellora dos sistemas de alumeado artificial e instalacións técnicas, cun orzamento previsto de 2.900.000,00 euros.  A nova instalación deportiva cuberta na rúa Romil 77, cun orzamento previsto de 2.191.542,30 euros.  A renovación integral de dous pavillóns deportivos e a grada de río, cun orzamento previsto de 1.124.523,25 euros.  Construción pavillón deportivo cuberto e instalacións complementarias en Quirós, cun orzamento previsto de 2.985.431,06 euros. SEGUNDO.- IMPORTE E FINANCIAMENTO O importe ao que se refire o presente convenio ascende á cantidade total de nove millóns douscentos un mil catrocentos noventa e seis euros con sesenta e un céntimos (9.201.496,61 euros) que se distribuirán do seguinte xeito: A Deputación Provincial de Pontevedra comprométese a achegar, para a execución dos investimentos previstos no obxecto deste convenio, a contía de cinco millóns cincocentos vinte mil oitocentos noventa e sete euros con noventa e sete céntimos (5.520.897,97 euros). A financiación comprometida pola Deputación Provincial de Pontevedra terá carácter definitiva consonte á táboa que se inxire a continuación: Investimento Exercicio 2017 Exercicio 2018 Renovación das instalacións de céspede sintético en campos de fútbol municipais e a mellora dos sistemas de alumeado artificial e instalacións técnicas. 870.000,00 870.000,00 A nova instalación deportiva cuberta na rúa Romil 77 657.462,69 657.462,69 A renovación integral de dous pavillóns deportivos e a grada de río. 426.679,63 248.034,32 Construción pavillón deportivo cuberto e instalacións complementarias en Quirós. 895.629,32 895.629,32 TOTAL 2.849.771,64 2.671.126,33 O pagamento da anualidade do 2017 realizarase contra a aplicación 2017/942.9420.762.14 do vixente orzamento provincial- Concellos-Investimentos en Convenios (Vigo e Pontevedra). O pagamento da anualidade do 2018, que se realizará contra a aplicación destinada ó financiamento dos convenios cos concellos de Vigo e Pontevedra, quedará condicionada, en todo caso, á tramitación do oportuno expediente de modificación de crédito. Pola súa banda, o Concello de Vigo obrígase a achegar a contía de tres millóns seiscentos oitenta mil cincocentos noventa e oito euros con sesenta e catro céntimos (3.680.598,64 euros), desagregados da forma seguinte: Investimento Exercicio 2018 Exercicio 2019 Renovación das instalacións de céspede sintético en campos de fútbol municipais e a mellora dos sistemas de alumeado artificial e instalacións técnicas. 400.000,00 760.000,00 A nova instalación deportiva cuberta na rúa Romil 77 300.000,00 576.616,92 A renovación integral de dous pavillóns deportivos e a grada de río. 60.000,00 389.809,30 Construción pavillón deportivo cuberto e instalacións complementarias en Quirós. 600.000,00 594.172,42 TOTAL 1.360.000,00 2.320.598,64 A tal fin e para garantir a estabilidade do financiamento do convenio, o Concello de Vigo comprométese a dotar crédito nas aplicacións correspondentes. O pagamento das anualidades correspondentes aos exercicios 2018 e 2019 quedará condicionado, en todo caso, á aprobación dos orzamentos xerais de ditos exercicios de acordo coa seguinte aplicación orzamentaria: Investimento aplicación orzamentaria Exercicio 2018 Exercicio 2019 Renovación das instalacións de céspede sintético en campos de fútbol municipais e a mellora dos sistemas de alumeado artificial e instalacións técnicas. 3420.632.00.14 400.000,00 760.000,00 A nova instalación deportiva cuberta na rúa Romil 77. 3420.622.00.07 300.000,00 576.616,92 A renovación integral de dous pavillóns deportivos e a grada de río. 3420.632.00.09 60.000,00 389.809,30 Construción pavillón deportivo cuberto e instalacións complementarias en Quirós. 3420.622.00.06 600.000,00 594.172,43 TOTAL 1.360.000,00 2.320.598,64 TERCEIRO.- EXECUCIÓN DO CONVENIO 1.- A execución das actuacións e dos contratos a que o presente convenio se refire e o seu financiamento polas partes asinantes terá lugar durante os anos 2017, 2018 e 2019, nos importes que deseguido se indican: 2017 2018 2019 TOTAL Deputación de Pontevedra 2.849.771,64 2.671.126,33 5.520.897,97 Concello de Vigo 1.360.000,00 2.320.598,64 3.680.598,64 TOTAL CONVENIO 9.201.496,61 Non obstante, o eventual reaxuste das anualidades da execución dos ditos contratos, poderá dar lugar ao reaxuste das anualidades do presente convenio, a cuxo efecto o Concello de Vigo, previa proposta da Comisión de Seguimento do convenio, dará audiencia á Deputación Provincial no expediente que se inicie para o reaxuste das anualidades de calquera dos ditos contratos e da resolución que se dite. 2.- Aprobados os proxectos dos investimentos obxecto do presente convenio, o Concello de Vigo remitiraos á Deputación Provincial. A Deputación Provincial someterá os proxectos de obra á supervisión e comprobación dos seus servizos técnicos, e se o estima oportuno, poderano someter á aprobación do órgano de goberno que corresponda, coa finalidade de autorizar as actuacións previstas no mesmo. O Concello de Vigo tramitará para cada un dos proxectos, un expediente polo órgano de contratación ao que corresponda a adxudicación dos contratos, debendo acreditarse naquel a plena dispoñibilidade de todas as achegas. 3.- Formalizados os contratos de obras para a execución dos investimentos aos que se refire o pacto primeiro, remitirase copia dos mesmos á Deputación Provincial e comunicarase a esta, a data e hora en que terá lugar a comprobación do replanteo, á que asistirá, de consideralo procedente a Corporación provincial, un representante desta. A copia da acta que se levante será remitida á Deputación Provincial coa primeira certificación de obra que expida o director da mesma. 4.- O Concello de Vigo comunicará á Deputación Provincial a data e hora en que terá lugar, ao remate das obras, o acto de recepción destas, ao que asistirá, de consideralo procedente a Corporación provincial, un representante ou facultativo desta. A Administración municipal remitirá á provincial copia das actas dos actos de recepción e certificación das resolucións do órgano competente aprobatorias da recepción das obras executadas e da certificación final das mesmas. 5.- Formalizado, de selo caso, o contrato, ou contratos, de servizos para a contratación de asistencia técnica á dirección das obras, remitirase copia dos mesmos á Deputación Provincial así como dos abonos a conta que en execución dos mesmos se poidan producir. 6.- A Deputación Provincial poderá inspeccionar a execución das obras obxecto do presente convenio e as actuacións realizadas cando o teña por convinte, así como formular as observacións que estime pertinentes, sen prexuízo de que corresponda en exclusiva ao órgano de contratación e aos responsables dos respectivos contratos a emisión das ordes e instrucións que procedan. CUARTO.- XUSTIFICACIÓN E PAGAMENTO O Concello de Vigo asume a licitación, dirección, execución e recepción das obras contempladas nos proxectos técnicos e a súa xustificación perante a Deputación de Pontevedra. O Concello de Vigo poderá realizar xustificacións parciais, que responderán ao ritmo de execución dos investimentos, que se aboarán pola contía equivalente á/s xustificación/s presentada/s. O importe correspondente á/s xustificación/s achegada/s, será reembolsado ao Concello mediante transferencia bancaria, unha vez que conste na Deputación a seguinte documentación:  Contratos de adxudicacións das obras.  Actas de comprobación do replanteo.  Orixinal ou copias compulsadas da/s factura/s expedida/s polas empresas adxudicatarias dos traballos realizados.  Certificación/s de obra executada. Xunto coas primeiras certificacións se remitirá unha proba gráfica da difusión dada aos investimentos que se financian coa axuda da Deputación.  Certificacións ou actos de aprobación/conformidade dos gastos polo órgano municipal.  Nomeamento dos Directores de obra e coordinadores de seguridade e saúde.  Actas de recepción, unha vez rematados os investimentos.  Declaración do conxunto de axudas solicitadas, tanto as aprobadas ou concedidas como as pendentes de resolución, para a actividade obxecto deste convenio, das distintas administracións públicas competentes ou calquera dos seus organismos, entes ou sociedades.  Calquera outra documentación esixible pola normativa vixente para a correcta xustificación deste convenio ou que se considere necesaria para a comprobación da correcta execución do obxecto do convenio. As certificacións de obra, facturas ou documentos análogos acreditativos do gasto, e o resto da documentación xustificativa, serán verificadas polos servizos técnicos provinciais e fiscalizadas pola Intervención provincial antes de ser aprobadas e pagadas. Así mesmo, as actuacións realizadas estarán sometidas á comprobación explícita da execución das obras por parte dos servizos técnicos da Deputación Provincial. A comprobación material do investimento que se define no parágrafo anterior é un requisito imprescindible do que debe quedar constancia no expediente xustificativo. QUINTO.- MODIFICACIÓNS DOS PROXECTOS As partes asinantes do convenio, comprométense á estabilidade do financiamento comprometido con independencia das baixas que se produzan na adxudicación de cada un dos contratos dos proxectos dos investimentos que conforman o obxecto deste convenio. Así mesmo, calquera incidencia que poida xurdir no desenvolvemento das obras, por causas imprevistas, que obrigue a unha modificación dos proxectos derivada das necesidades de execución do proxecto contratado será asumida en relación as obrigas de financiación polo Concello de Vigo, do cal dará conta á comisión de seguimento. Calquera modificación sobre o ámbito das actuacións previstas inicialmente e sempre dentro dos importes máximos a aportar por cada administración deberán dar lugar á tramitación de addendas ao convenio, previo informe e proposta da comisión de seguimento. Se finalmente, os proxectos licitados teñen un custo inferior ao inicialmente previsto, e sempre que isto non supoña unha actuación deficiente dos mesmos, a contía das achegas das administracións reducirase proporcionalmente. SEXTO.- COMPROMISOS DAS PARTES O Concello de Vigo obrígase a:  Financiar ata o máximo do 40% da realización das obras, nos exercicios 2018 e 2019, de conformidade co previsto nos pactos segundo e terceiro. A tal fin dotará os recursos necesarios, nas aplicacións correspondentes, para o financiamento das actuacións previstas nos proxectos técnicos.  Coordinar un plan de actuación definitivo nas diferentes instalacións deportivas que constitúen o obxecto do presente convenio.  Redactar os correspondentes proxectos de obra e a aprobación dos mesmos, debendo constar un exemplar dos proxectos aprobados na Deputación Provincial.  Licitar cada un dos proxectos que conforman as actuacións deste convenio.  Executar, controlar e recibir as obras consonte aos correspondentes proxectos técnicos.  Contratar, de selo caso, as asistencias técnicas á dirección de obra e coordinación de seguridade e saúde.  Obter as correspondentes licenzas e tramitar ante outros organismos as autorizacións pertinentes que fosen precisas.  Dar a adecuada publicidade a este convenio, de tal xeito de que quede constancia de que as obras obxecto do presente convenio se levaron a cabo en colaboración coa Deputación de Pontevedra.  Levar a cabo o mantemento e conservación das infraestruturas deportivas obxecto do convenio, tendo a asunción da dita responsabilidade desde o día seguinte ao da formalización da acta de recepción de obras coas obrigas establecidas na normativa patrimonial das administracións públicas.  Destinar os fondos percibidos ao obxecto concreto para o que foron concedidos.  Comunicar á Deputación de forma inmediata, a obtención doutras subvencións ou axudas para a mencionada finalidade procedentes de calquera administración pública ou ente privado nacional ou internacional, con expresión da súa contía.  Prestar a colaboración e facilitar canta documentación lle sexa requirida no exercicio das funcións de fiscalización e control do destino das axudas que lle corresponden á Intervención Provincial, ao Tribunal de Contas e ao Consello de Contas. Asemade, o Concello de Vigo comprométese ao cumprimento das obrigas contidas na Lei 9/2007, do 13 de xuño, de subvencións de Galicia, e en especial as recollidas no artigo 11 da mesma. Tamén seralle de aplicación o recollido na Lei 38/2003, de 17 de novembro, xeral de subvencións e no seu Regulamento, aprobado polo Real Decreto 887/2006, de 21 de xullo. Pola súa banda, a Deputación de Pontevedra comprométese a:  Financiar a realización das obras nos exercicios 2017 e 2018, consonte ao previsto nos pactos segundo e terceiro.  Prestar a colaboración e facilitar canta documentación lle sexa requirida no exercicio das funcións de fiscalización e control do destino das axudas que lle corresponden ao Tribunal de Contas e ao Consello de Contas, tratándose asemade dun convenio cuxas achegas económicas exceden os 600.000,00 euros. SÉTIMO.- PUBLICIDADE En toda a documentación e informacións relativas ás actuacións obxecto deste convenio incluirase a imaxe corporativa que a este fin faciliten, en todos os formatos, a Deputación Provincial de Pontevedra e o Concello de Vigo, e nelas figurará de maneira destacada o financiamento das ditas actuacións por ambas administracións. En todo caso as accións a desenvolver ao abeiro do convenio, deberán garantir un alto impacto e visibilidade da colaboración entre o Concello de Vigo e a Deputación Provincial de Pontevedra. Por outra parte, en cumprimento do establecido na resolución de 10 de decembro de 2015, da Intervención Xeral da Administración do Estado pola que se regula o proceso de rexistro e publicación de convocatorias de subvencións e axudas no Sistema Nacional de Publicidade de Subvencións, e, en aplicación dos principios recollidos na Lei 19/2013, de 9 de decembro, de transparencia, acceso á información pública e bo goberno, a Base de Datos Nacional de Subvencións operará como sistema nacional de publicidade das subvencións. A tales efectos e para garantir o dereito dos cidadáns a coñecer todas as subvencións convocadas en cada momento e cara a contribuír aos principios de publicidade e transparencia, a Intervención Xeral da Administración do Estado publicará na súa páxina web as subvencións concedidas, segundo o establecido nos artigos 20.4 e 20.8.b da Lei 38/2003, de 17 de novembro, xeral de subvencións. OITAVO.- COMPATIBILIDADE CON OUTRAS SUBVENCIÓNS A achega económica prevista no presente instrumento, que ten carácter de subvención, será compatible con outras subvencións, ingresos ou recursos para a mesma finalidade, procedentes de calquera Administración ou entes públicos ou privados, nacionais, da Unión Europea ou de organismos internacionais. Porén, o importe da subvención en ningún caso poderá ser de tal contía que, illadamente ou en concorrencia con outras subvencións, axudas, ingresos ou recursos, supere o custo da/s contratación/s subvencionada/s. NOVENO.- COMISIÓN DE SEGUIMENTO Para o seguimento e coordinación da execución deste convenio e resolución das dúbidas que poidan producirse na súa interpretación crearase unha comisión integrada por tres representantes de cada unha das Administracións asinantes, un dos cales terá carácter técnico. Corresponderá á Comisión de Seguimento:  A puntual recepción de información sobre todas as actuacións que se produzan na execución dos contratos a que este convenio se refire.  A coordinación entre as administracións asinantes na execución e financiamento do convenio, ditando ao efecto as instrucións oportunas.  A resolución das dúbidas que presente a interpretación do convenio e, no seu caso, a emisión de informe se a dúbida ten que ser resolta polos órganos de goberno das administracións asinantes.  A emisión de informe en relación coa necesidade do reaxuste da anualidade do convenio e en relación con cantas incidencias se produzan na execución dos contratos a que este se refire.  A formulación das propostas que procedan en relación ás cuestións a que os seus informes se refiran. A Comisión de Seguimento reunirase cando o estime convinte o seu responsable, por decisión propia ou a petición de calquera dos seus membros. As súas reunións terán lugar na Casa do Concello de Vigo ou na Deputación de Pontevedra, segundo acorden as partes. Na súa reunión constituínte designarase ao responsable da mesma e ao seu secretario que levantará acta das súas reunións. DÉCIMO.- VIXENCIA O presente convenio producirá os seus efectos desde a data da súa sinatura ata a total execución dos contratos a que o mesmo se refire, fixándose en todo caso un prazo de límite de execución de catro anos, contados desde a súa sinatura. A vixencia do presente convenio poderá prorrogarse coa conformidade expresa das partes asinantes, no caso de que non se rematasen as obras obxecto do mesmo. DÉCIMO PRIMEIRO.- EXTINCIÓN DO CONVENIO O convenio extinguirase polo cumprimento das actuacións que constitúen o seu obxecto ou por incorrer en causa de resolución. Serán causas de resolución: 1º.- O transcurso do prazo máximo de vixencia do convenio. 2º.- O acordo unánime dos asinantes. 3º.- O incumprimento das obrigas e compromisos asumidos por parte dalgún dos asinantes. Neste caso, notificarase á parte incumpridora un requirimento para que, no prazo que se sinale, cumpra coas obrigacións ou compromisos que se consideran incumpridos. Este requirimento será comunicado tamén ao responsable da Comisión de Seguimento. Se transcorrido o prazo indicado no requirimento persistira o incumprimento, a parte que o dirixiu notificará á outra parte a concorrencia de causa de resolución e entenderase resolto o convenio. A resolución do convenio por esta causa poderá dar lugar á indemnización dos prexuízos causados. 4º.- Por decisión xudicial declaratoria da nulidade do convenio. 5º.- Por calquera outra causa distinta das anteriores prevista no convenio ou noutras leis. DÉCIMO SEGUNDO.- RÉXIME XURÍDICO O presente convenio ten natureza administrativa e rexerase pola Lei 38/2003, de 17 de novembro, xeral de subvencións e o Real Decreto 887/2006, de 21 de xullo, polo que se aprobou o seu regulamento, nos seus preceptos básicos; a lexislación básica do Estado en materia de réxime local; a Lei 9/2007, de 13 de xuño, de subvencións de Galicia; os preceptos non básicos da Lei 38/2003 e do Real Decreto 887/2006; polos pactos que se conteñen neste convenio; as Bases de Execución dos orzamentos das Administracións asinantes e as restantes normas de dereito administrativo, e no seu defecto, as normas de dereito privado. O Concello de Vigo e a Deputación Provincial de Pontevedra comprométense a resolver de maneira amigable calquera desacordo que poida xurdir no desenvolvemento deste convenio. Con todo, e no caso de aparición de discrepancias que non puideran resolverse a través da Comisión de Seguimento, será competente a Xurisdición Contencioso-Administrativa. E en proba de canto antecede, as partes que interveñen asinan o presente convenio por duplicado e a un só efecto no lugar e na data sinalados no seu encabezamento. O Alcalde-Presidente do Concello de Vigo Asdo.: Abel Caballero Álvarez A Presidenta da Deputación de Pontevedra Asdo.: Mª Carmen Silva Rego A Secretaria do Concello de Vigo, Asdo.: Mª Concepción Campos Acuña O Secretario Xeral da Deputación de Pontevedra, Asdo.: Carlos Cuadrado Romay”  FACULTAR á Presidenta para formalizar o devandito convenio mediante a súa sinatura. 8.7039.- CONVENIO DE COLABORACIÓN ENTRE O EXCMO. CONCELLO DE VIGO E A EXCMA. DEPUTACIÓN DE PONTEVEDRA PARA O PROXECTO DE IMPLANTACIÓN DUNHA VÍA CICLISTA ENTRE TEIS E SAMIL Sra. Presidenta.- Pois, si estamos de acordo, debatimos conxuntamente o punto 7 e o punto 8. O punto 8 era Convenio de colaboración entre o Excmo. Concello de Vigo e a Excma. Deputación de Pontevedra para o proxecto de implantación dunha vía ciclista entre Teis e Samil. Os debatiremos conxuntamente, logo os votaremos por separado. Ten a palabra Sr. Regades. ... Sra. Presidenta.- … ¿Votos a favor?. Votos en contra non hai ¿Abstencións?. Queda aprobado, é que non sei cantos estamos, dos, tres, cinco, sete, por vinte e cinco votos a favor e unha abstención. Do exame do expediente quedan acreditados os seguintes antecedentes:  En data 20 de novembro de 2015, o Concello de Vigo e a Deputación de Pontevedra asinaron un protocolo de colaboración en orde a afondar na colaboración administrativa entre ambas institucións e, expresamente, na cooperación para a planificación e execución dos proxectos e actuacións sinalados na súa parte expositiva. Entre as actuacións a desenvolver estarían, no que ó presente convenio importa, os encamiñados á transformación sostible da infraestrutura viaria municipal. O Concello de Vigo, continuando as amplas intervencións realizadas nos últimos anos nos viarios públicos, tanto na zona rural como no casco urbano, pretende executar unha vía ciclista continua entre Teis e Samil, cun percorrido de case dez quilómetros, que cubre practicamente toda a extensión urbana da cidade.  Para dar cumprimento ó obxectivo referido no parágrafo anterior, os servizos técnicos municipais elaboraron unha memoria xustificativa do alcance técnico e económico da actuación a executar que servirá de base para o futuro desenvolvemento do proxecto. Dita memoria estima que o custe total da obra a realizar ascende a 5.895.000,00 euros (IVE incluído), dos cales 3.537.000,00 euros serán achegados pola Deputación de Pontevedra, nos exercicios 2018 e 2019, e 2.358.000,00 euros polo Concello de Vigo, no exercicio 2019.  Recibida a documentación necesaria para a formalización do convenio por parte do Concello de Vigo, a proposta de convenio infórmase pola xefa do Servizo de Cooperación e pola Secretaría Xeral da Deputación de Pontevedra. Pola súa banda, solicítase á Intervención Xeral provincial, logo de dar conta dos antecedentes e normativa de aplicación, a fiscalización e conformidade do expediente.  Previo á súa aprobación polo Pleno sométese ó ditame da Comisión Informativa de Cooperación cos Municipios a proposta de convenio de colaboración. FUNDAMENTOS XURÍDICOS Réxime Xurídico:  Lei 38/2003, de 17 de novembro, Xeral de Subvencións (LXS), e o seu Regulamento, aprobado por Real Decreto 887/2006, de 21 de xullo (RLXS).  Lei 7/1985, de 2 de abril, Reguladora das Bases do Réxime Local (LRBRL).  Lei 5/1997, de 22 de xullo, reguladora da Administración Local de Galicia (LALGA).  Lei 39/2015, de 1 de outubro, do Procedemento Administrativo Común das administracións públicas (LPACAP).  Lei 40/2015, de 1 de outubro, do Réxime Xurídico do Sector Público (LRXSP).  Lei 9/2007, de 13 de xuño, de Subvencións de Galicia (LSG).  Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRXEL).  Bases de execución do orzamento da Deputación para o exercicio 2017.  Ordenanza Xeral de Subvencións da Deputación de Pontevedra (Ordenanza Xeral). Consideracións Xurídicas: Petición e evacuación de informes:  Artigos 79 e 80 da LPACAP sobre a petición e a evacuación de informes.  Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma.  Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención.  Artigo 172 do ROFRXEL, que dispón que o xefe da Dependencia á que corresponda tramitar o expediente deberá emitir un informe, expoñendo os antecedentes e as disposicións legais ou regulamentarias en que funde o seu criterio.  Bases 47ª e 48ª de execución do Orzamento provincial para 2017, sobre o control e a fiscalización da xestión económica, que sinalan a competencia da Intervención para realizar esta función.  Artigo 24 da LXS que establece que as actividades de instrución comprenderán, entre outras, a petición de cantos informes se estime necesarios para resolver ou que sexan esixidos polas normas que regulan a subvención. Sobre a capacidade das entidades locais para celebrar convenios A celebración de convenios de colaboración entre as entidades de dereito público atópase prevista, con carácter xeral, nos artigos 47e seguintes da Lei 40/2015, LRXSP, cuxo artigo 48.1. establece que: “As Administracións Públicas, os seus organismos públicos e entidades de dereito públicos vinculados ou dependentes e as Universidades Públicas, no ámbito das súas respectivas competencias, poderán asinar convenios con suxeitos de dereito público e privado sen que isto poida supoñer a cesión da titularidade da competencia. No que á Administración Local se refire, o artigo 57 LRBRL, dispón que “A cooperación económica, técnica e administrativa entre a Administración Local e as Administracións do Estado e das Comunidades Autónomas, tanto en servizos locais como en asuntos de interese común, se desenvolverá con carácter voluntario, baixo as formas e nos termos previstos nas leis, podendo ter lugar en todo caso, mediante consorcios e convenios administrativos que se asinen. Á súa vez, os artigos 86 da LPACAP, 111 do TRRL e 25 do TRLCSP, establecen que as Administracións Públicas poderán celebrar acordos, pactos e convenios ou contratos con persoas tanto de dereito público como privado sempre que non sexan contrarios ó ordenamento xurídico ou versen sobre materias susceptibles de transacción e teñan por obxecto satisfacer o interese público encomendado, co alcance, efectos e réxime xurídico específico que no caso prevea a disposición que o regule. Procedencia do convenio O convenio, que se xunta na presente proposta, destinado á implantación dunha vía ciclista entre Teis e Samil no termo municipal de Vigo, é froito do desenvolvemento do protocolo de colaboración entre a Deputación de Pontevedra e o Concello de Vigo, asinado con data 20 de novembro de 2015, que ten como un dos seus obxectivos estratéxicos a consolidación e transformación das redes viarias municipais cara a facelas máis accesibles e abertas ó uso dos veciños e integradoras e sostibles co medio urbano ou rural no que se circunscriben. As entidades que subscribirán o convenio o fan no exercicio das súas competencias, é dicir, o aseguramento da prestación integral e adecuada dos servizos de competencia municipal (artigo 36 da LRBRL) no caso da Deputación e as infraestruturas viarias e outros equipamentos de titularidade municipal (artigo 25.2.d da LRBRL) no caso do Concello de Vigo. O convenio cumpre os requisitos esixidos nos artigos 47 e ss. da LRXSP respecto dos convenios, de forma que contén as materias relacionadas no seu artigo 49 e as achegas financeiras contempladas nel non superan o custe derivado do convenio. Asemade, a achega da Deputación ten a consideración dunha subvención de acordo co disposto nos artigos 2 da Lei 38/2003, de 17 de novembro, Xeral de Subvencións, e 3 do seu regulamento quedando acreditado o motivo que xustifica a súa concesión directa en base á existencia de aplicación orzamentaria que ten designado como beneficiario ó concello de Vigo. Polo demais, tratándose dun convenio plurianual, a achega dos exercicios 2018 e 2019 realizarase contra a aplicación destinada ó financiamento dos convenios con Vigo e Pontevedra, quedando en todo caso, condicionada á aprobación dos orzamentos xerais para os referidos exercicios. O expediente xustifica a conveniencia, oportunidade e o interese público do convenio e en canto o seu contido, axustado á lexislación vixente, sinálase no informe da secretaría xeral obrante no expediente. RÉXIME COMPETENCIAL: De conformidade co disposto no artigo 10.4 da LXS, que sinala que a competencia para conceder subvencións nas corporacións locais correspóndelle ós órganos que teñan atribuídas tales funcións na lexislación de réxime local, en virtude do establecido no artigo 33 da LRBRL e nas bases específicas de execución do Orzamento provincial, compételle ó Pleno a aprobación do “Convenio de colaboración entre o Excmo. Concello de Vigo e a Excma. Deputación de Pontevedra para a implantación dunha vía ciclista entre Teis e Samil”. En consecuencia, tendo en conta todo o que antecede e á vista dos informes da xefa do Servizo de Cooperación, da Intervención Provincial e da Secretaría Xeral, e do ditame da Comisión Informativa de Cooperación, o Pleno acorda por maioría, cos votos a favor do PP, do PSdeG-PSOE e do BNG e coa abstención do Grupo Mixto (Coalición Electoral SON), aprobar o “Convenio de colaboración entre o Excmo. Concello de Vigo e a Excma. Deputación de Pontevedra para a implantación dunha vía ciclista entre Teis e Samil” cuxo texto literalmente transcrito di como segue: “CONVENIO DE COLABORACIÓN ENTRE O CONCELLO DE VIGO E A DEPUTACIÓN PROVINCIAL DE PONTEVEDRA PARA O PROXECTO DE IMPLANTACIÓN DUNHA VÍA CICLISTA ENTRE TEIS E SAMIL No Pazo Provincial, __ de novembro de 2017 REUNIDOS Dunha parte, Dª María del Carmen Silva Rego, quen actúa no nome e representación da Deputación Provincial de Pontevedra, en virtude do seu cargo como Presidenta deste organismo e en función das atribucións que lle confiren o artigo 34 da Lei 7/1985, de 2 de abril, reguladora das bases do réxime local, e o artigo 105 da Lei 5/1997, de 22 de xullo, de administración local de Galicia. Doutra, D. Abel Caballero Álvarez, quen actúa no nome e representación do Concello de Vigo, en virtude da súa condición de Alcalde-Presidente da citada Corporación, segundo o disposto no artigo 124 da Lei 7/1985, do 2 de abril, reguladora das bases de réxime local, no artigo 61.1 da Lei 5/1997, de administración local de Galicia e no artigo 41.1 do Real decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das entidades locais. Actúan D. Carlos Cuadrado Romay, en calidade de Secretario xeral da Deputación de Pontevedra, e Dª María Concepción Campos Acuña, en calidade de Secretaria do Concello de Vigo, dando fe do acto que se celebra. Ámbalas dúas partes actúan nas representacións expresadas e recoñécense reciprocamente capacidade bastante para o outorgamento e formalización deste convenio, con base nos principios de colaboración, cooperación, coordinación e eficacia que deben presidir as actuacións das Administracións Públicas e, a estes efectos, de común acordo, EXPOÑEN I.- A Deputación de Pontevedra e o Concello de Vigo comparten como criterio que os concellos, como administración democraticamente escollida, deben ser os axentes protagonistas e os eidos administrativos aos que ten que corresponder a decisión, o deseño e o impulso da acción local e do desenvolvemento das políticas locais; ao tempo que, as deputacións, deben actuar como institucións que desenvolvan políticas, plans e actuacións que faciliten que concellos e cidadáns poidan acadaren os mesmos dereitos e servizos. II.- Que, no exercicio das súas respectivas competencias, a Deputación Provincial de Pontevedra e o Concello de Vigo, con data 20 de novembro de 2015, asinaron un protocolo de colaboración en orde a afondar na colaboración administrativa entre ambas institucións e, especialmente, para a cooperación na planificación e execución dos proxectos e actuacións que no propio convenio se sinalan; actuacións e proxectos entre os que se inclúen, no que ao presente convenio importa, os encamiñados á transformación sostible da infraestrutura viaria municipal. III.- Que no devandito protocolo de colaboración se convén que as distintas actuacións nel previstas se desenvolverán a través de convenios específicos, cuxa execución administrativa, técnica e contractual corresponderá ao Concello de Vigo, que deberá observar os procedementos de avaliación e seguimento da execución dos convenios a establecer nestes. IV.- O Concello de Vigo, continuando as amplas intervencións realizadas nos últimos anos nas vías públicas, tanto na zona rural como no casco urbano, pretende desenvolver unha vía ciclista continua entre Teis e Samil, cun percorrido de case dez quilómetros de extensión, que cubre practicamente toda a extensión urbana da cidade. V.- Que o artigo 25. 2. d) da Lei 7/1985, de 2 de abril, reguladora das bases do réxime local atribúe ás Administracións Municipais a competencia en materia de infraestrutura viaria e outros equipamentos da súa titularidade. Por outra banda, o art. 36.1) da Lei 7/1985, de 2 de abril, reguladora das bases do réxime local encomenda ás deputacións o aseguramento da prestación integral e adecuada dos servizos de competencia municipal; competencia en relación coa cal a Deputación Provincial de Pontevedra ten previsto na súa planificación a mellora e a transformación sostible da infraestrutura viaria dos concellos da provincia. VI.- Que os convenios entre as Administracións Públicas constitúen o instrumento axeitado para desenvolveren a súa cooperación en cuestións de interese común, tal como establecen os artigos 47 e seguintes da Lei 40/2015, do 1 de outubro, do réxime xurídico do sector público, o artigo 57 da Lei 7/1985, de 2 de abril, reguladora das bases do réxime local, e os artigos 198 e seguintes da Lei 5/1997, de 22 de xullo, de administración local de Galicia. O convenio que nos ocupa, pola súa contía, deberá ser remitido ao Tribunal de Contas e ao Consello de Contas. VII.- Que, de acordo coas precedentes consideracións e en desenvolvemento do protocolo de colaboración arriba referido, que contempla como un dos seus obxectivos estratéxicos a consolidación dunha rede de infraestruturas integradoras, accesibles e abertas para o disfrute dos veciños, o Concello de Vigo e a Deputación Provincial de Pontevedra, acordan aprobar o presente convenio de colaboración, que asinan agora os aquí comparecentes, con arranxo aos seguintes PACTOS PRIMEIRO.- OBXECTO DO CONVENIO 1- É obxecto deste convenio, establecer as pautas de colaboración entre o Concello de Vigo e a Deputación Provincial de Pontevedra para desenvolver unha vía ciclista continua entre Teis e Samil. 2.- O investimento vinculado ao presente convenio será definido no correspondente proxecto técnico que concretará as actuacións a realizar en cada unha das zonas do percorrido que abarcaría, inicialmente, as seguintes rúas: • Travesía de Vigo (dende Isaac Peral) • Pizarro, • Venezuela, • Camelias, • Avda. Castelao, • Avda Europa, 3.- Para o desenvolvemento do investimento proposto cóntase cunha memoria técnica valorada, que ten carácter xustificativo do alcance tanto técnico como económico da actuación a desenvolver, cunha estimación orzamentaria de 5.895.000,00 €, a executar en dúas anualidades, 2018 e 2019. SEGUNDO.- IMPORTE E FINANCIAMENTO O importe ao que se refire o presente convenio ascende á cantidade total de cinco millóns oitocentos noventa e cinco mil euros, (5.895.000,00 euros) que se distribuirán do seguinte xeito: A Deputación Provincial de Pontevedra comprométese a achegar, para o desenvolvemento da vía ciclista obxecto deste convenio, a contía de tres millóns cincocentos trinta e sete mil euros (3.537.000,00 euros). O financiamento comprometido pola Deputación Provincial de Pontevedra terá carácter definitivo consonte á táboa que se inxire a continuación: INVESTIMENTO EXERCICIO 2018 EXERCICIO 2019 TOTAL CONVENIO CARRIL BICI TEIS - SAMIL. 1.400.000,00 2.137.000,00 3.537.000,00 O pagamento das anualidades do 2018 e 2019 se realizará contra a aplicación destinada ao financiamento dos convenios cos concellos de Vigo e Pontevedra, que serán, no seu caso, 2018/942.9420.762.14 e 2019/942.9420.762.14, quedando condicionadas á existencia de crédito e á aprobación dos orzamentos xerais para os referidos exercicios. Pola súa banda, o Concello de Vigo obrígase a achegar a contía máxima de dous millóns trescentos cincuenta e oito mil euros (2.358.000,00 euros), desagregados da forma seguinte: INVESTIMENTO EXERCICIO 2018 EXERCICIO 2019 TOTAL CONVENIO CARRIL BICI TEIS - SAMIL. 0,00 2.358.000,00 2.358.000,00 A tal fin e para garantir a estabilidade do financiamento do convenio, o Concello de Vigo comprométese a dotar crédito na aplicación correspondente, que será a 1532.609.00.02. Non obstante, o pagamento quedará condicionado, en todo caso, á aprobación dos orzamentos xerais do concello do ano 2019. TERCEIRO.- EXECUCIÓN DO CONVENIO 1.- A execución do contrato a que o presente convenio se refire e o seu financiamento polas partes asinantes terá lugar durante os anos 2018 e 2019, nos importes que deseguido se indican: 2018 2019 TOTAL Deputación de Pontevedra 1.400.000,00 2.137.000,00 3.537.000,00 Concello de Vigo 0,00 2.358.000,00 2.358.000,00 TOTAL CONVENIO 1.400.000,00 4.495.000,00 5.895.000,00 Non obstante, o eventual reaxuste das anualidades da execución do contrato, poderá dar lugar ao reaxuste das anualidades do presente convenio, a cuxo efecto o Concello de Vigo, previa proposta da Comisión de Seguimento do convenio, dará audiencia á Deputación Provincial no expediente que se inicie para o reaxuste das anualidades do contrato e da resolución que se dite. 2.- Aprobado o proxecto para o desenrolo dun vial bici entre Teis e Samil, obxecto do presente convenio, o Concello de Vigo remitirao á Deputación Provincial. A Deputación Provincial someterá o proxecto de obra á supervisión e comprobación dos seus servizos técnicos, e se o estima oportuno, poderano someter á aprobación do órgano de goberno que corresponda, coa finalidade de autorizar as actuacións previstas no mesmo. O Concello de Vigo tramitará un expediente polo órgano de contratación ao que corresponda a adxudicación do contrato, debendo acreditarse naquel a plena dispoñibilidade de todas as achegas. 3.- Formalizado o contrato de obra para a execución do investimento ao que se refire o pacto primeiro, remitirase copia do mesmo á Deputación Provincial e comunicarase a esta, data e hora en que terá lugar a comprobación do replanteo, á que asistirá, de consideralo procedente a Corporación provincial, un representante desta. A copia da acta que se levante será remitida á Deputación Provincial coa primeira certificación de obra que expida o director da mesma. 4.- O Concello de Vigo comunicará á Deputación Provincial a data e hora en que terá lugar, ao remate da obra, o acto de recepción desta, ao que asistirá, de consideralo procedente a Corporación provincial, un representante ou facultativo desta. A Administración municipal remitirá á provincial copia da acta do acto de recepción e certificación da resolución do órgano competente aprobatoria da recepción da obra executada e da certificación final da mesma. 5.- Formalizado, de selo caso, o contrato, ou contratos, de servizos para a contratación de asistencia técnica á dirección das obras, remitirase copia dos mesmos á Deputación Provincial así como dos abonos a conta que en execución dos mesmos se poidan producir. 6.- A Deputación Provincial poderá inspeccionar a execución da obra obxecto do presente convenio e as actuacións realizadas no marco do mesmo cando o teña por convinte, así como formular as observacións que estime pertinentes, sen prexuízo de que corresponda en exclusiva ao órgano de contratación e aos responsables dos respectivos contratos a emisión das ordes e instrucións que procedan. CUARTO.- XUSTIFICACIÓN E PAGAMENTO O Concello de Vigo asume a licitación, dirección, execución e recepción da obra contemplada no proxecto técnico e a súa xustificación perante a Deputación de Pontevedra. O Concello de Vigo poderá realizar xustificacións parciais, que responderán ao ritmo de execución do investimento, que se aboarán pola contía equivalente á/s xustificación/s presentada/s. O importe correspondente á/s xustificación/s achegada/s, será reembolsado ao Concello mediante transferencia bancaria, unha vez que conste na Deputación a seguinte documentación:  Contrato de adxudicación da obra.  Acta de comprobación do replanteo.  Orixinal ou copias compulsadas da/s factura/s expedida/s pola empresa adxudicataria dos traballos realizados.  Certificación/s de obra executada. Xunto coa primeira certificación se remitirá unha proba gráfica da difusión dada ao investimento que se financia coa axuda da Deputación.  Certificacións ou actos de aprobación/conformidade dos gastos polo órgano municipal.  Nomeamento do Director de obra e coordinador de seguridade e saúde.  Acta de recepción, unha vez rematado o investimento.  Declaración do conxunto de axudas solicitadas, tanto as aprobadas ou concedidas como as pendentes de resolución, para a actividade obxecto deste convenio, das distintas administracións públicas competentes ou calquera dos seus organismos, entes ou sociedades.  Calquera outra documentación esixible pola normativa vixente para a correcta xustificación deste convenio ou que se considere necesaria para a comprobación da correcta execución do obxecto do convenio. A/s certificación/s de obra, facturas ou documentos análogos acreditativos do gasto, e o resto da documentación xustificativa, serán verificadas polos servizos técnicos provinciais e fiscalizadas pola Intervención provincial antes de ser aprobadas e pagadas. Así mesmo, as actuacións realizadas estarán sometidas á comprobación explícita da execución das obras por parte dos servizos técnicos da Deputación Provincial. A comprobación material do investimento que se define no parágrafo anterior é un requisito imprescindible do que debe quedar constancia no expediente xustificativo. QUINTO.- MODIFICACIÓNS DOS PROXECTOS As partes asinantes do convenio, comprométense á estabilidade do financiamento comprometido con independencia das baixas que se produzan na adxudicación do contrato do proxecto do investimento obxecto deste convenio. Así mesmo, calquera incidencia que poida xurdir no desenvolvemento da obra, por causas imprevistas, que obrigue a unha modificación do proxecto derivada das necesidades de execución do proxecto contratado será asumida en relación ás obrigas de financiación polo Concello de Vigo, do cal dará conta á comisión de seguimento. Calquera modificación sobre o ámbito das actuacións previstas inicialmente e sempre dentro dos importes máximos a aportar por cada administración deberá dar lugar á tramitación de addendas ao convenio, previo informe e proposta da comisión de seguimento. Se finalmente, o proxecto licitado ten un custo inferior ao inicialmente previsto, e sempre que isto non supoña unha actuación deficiente do mesmo, a contía das achegas das administracións reducirase proporcionalmente. SEXTO.- COMPROMISOS DAS PARTES O Concello de Vigo obrígase a:  Financiar ata o máximo do 40% da realización da obra, no exercicio 2019, de conformidade co previsto nos pactos segundo e terceiro. A tal fin dotará os recursos necesarios, na aplicación correspondente, para o financiamento da actuación prevista no proxecto técnico.  Coordinar un plan de acción definitivo nas diferentes rúas que constitúen o percorrido do vial bici.  Redactar o correspondente proxecto de obra e a aprobación do mesmo, debendo constar un exemplar do proxecto aprobado na Deputación Provincial.  Licitar o proxecto que conforma a actuación obxecto deste convenio.  Executar, controlar e recibir as obras consonte ao correspondente proxecto técnico.  Contratar, de selo caso, as asistencias técnicas á dirección de obra e coordinación de seguridade e saúde.  Obter as correspondentes licenzas e tramitar ante outros organismos as autorizacións pertinentes que fosen precisas.  Dar a adecuada publicidade a este convenio, de tal xeito de que quede constancia de que a obra obxecto do mesmo se levou a cabo en colaboración coa Deputación de Pontevedra.  Levar a cabo o mantemento e conservación da infraestrutura viaria, tendo a asunción da dita responsabilidade desde o día seguinte ao da formalización da acta de recepción de obra coas obrigas establecidas na normativa patrimonial das administracións públicas.  Destinar os fondos percibidos ao obxecto concreto para o que foron concedidos.  Comunicar á Deputación de forma inmediata, a obtención doutras subvencións ou axudas para a mencionada finalidade procedentes de calquera administración pública ou ente privado nacional ou internacional, con expresión da súa contía.  Prestar a colaboración e facilitar canta documentación lle sexa requirida no exercicio das funcións de fiscalización e control do destino das axudas que lle corresponden á Intervención Provincial, ao Tribunal de Contas e ao Consello de Contas. Asemade, o Concello de Vigo comprométese ao cumprimento das obrigas contidas na Lei 9/2007, do 13 de xuño, de subvencións de Galicia, e en especial as recollidas no artigo 11 da mesma. Tamén seralle de aplicación o recollido na Lei 38/2003, de 17 de novembro, xeral de subvencións e no seu Regulamento, aprobado polo Real Decreto 887/2006, de 21 de xullo. Pola súa banda, a Deputación de Pontevedra comprométese a:  Financiar a realización da obra nos exercicios 2018 e 2019, consonte ao previsto nos pactos segundo e terceiro.  Prestar a colaboración e facilitar canta documentación lle sexa requirida no exercicio das funcións de fiscalización e control do destino das axudas que lle corresponden ao Tribunal de Contas e ao Consello de Contas, tratándose asemade dun convenio cuxas achegas económicas exceden os 600.000,00 euros. A colaboración, polas partes asinantes, na función fiscalizadora desenvolvida polo Tribunal e o Consello de Contas realizarase nos tres meses seguintes á subscrición do convenio e por razón da súa contía. SÉTIMO.- PUBLICIDADE En toda a documentación e información relativas ao obxecto deste convenio incluirase a imaxe corporativa que a este fin faciliten, en todos os formatos, a Deputación Provincial de Pontevedra e o Concello de Vigo, e nelas figurará de maneira destacada o financiamento da actuación por ambas administracións. En todo caso as accións a desenvolver ao abeiro do convenio, deberán garantir un alto impacto e visibilidade da colaboración entre o Concello de Vigo e a Deputación Provincial de Pontevedra. Por outra parte, en cumprimento do establecido na resolución de 10 de decembro de 2015, da Intervención Xeral da Administración do Estado pola que se regula o proceso de rexistro e publicación de convocatorias de subvencións e axudas no Sistema Nacional de Publicidade de Subvencións, e, en aplicación dos principios recollidos na Lei 19/2013, de 9 de decembro, de transparencia, acceso á información pública e bo goberno, a Base de Datos Nacional de Subvencións operará como sistema nacional de publicidade das subvencións. A tales efectos e para garantir o dereito dos cidadáns a coñecer todas as subvencións convocadas en cada momento e cara a contribuír aos principios de publicidade e transparencia, a Intervención Xeral da Administración do Estado publicará na súa páxina web as subvencións concedidas, segundo o establecido nos artigos 20.4 e 20.8.b da Lei 38/2003, de 17 de novembro, xeral de subvencións. OITAVO.- COMPATIBILIDADE CON OUTRAS SUBVENCIÓNS A achega económica prevista no presente instrumento, que ten carácter de subvención, será compatible con outras subvencións, ingresos ou recursos para a mesma finalidade, procedentes de calquera Administración ou entes públicos ou privados, nacionais, da Unión Europea ou de organismos internacionais. Porén, o importe da subvención en ningún caso poderá ser de tal contía que, illadamente ou en concorrencia con outras subvencións, axudas, ingresos ou recursos, supere o custo da contratación subvencionada. NOVENO.- COMISIÓN DE SEGUIMENTO Para o seguimento e coordinación da execución deste convenio e resolución das dúbidas que poidan producirse na súa interpretación crearase unha comisión integrada por tres representantes de cada unha das Administracións asinantes, un dos cales terá carácter técnico. Corresponderá á Comisión de Seguimento:  A puntual recepción de información sobre todas as actuacións que se produzan na execución dos contratos a que este convenio se refire.  A coordinación entre as administracións asinantes na execución e financiamento do convenio, ditando ao efecto as instrucións oportunas.  A resolución das dúbidas que presente a interpretación do convenio e, no seu caso, a emisión de informe se a dúbida ten que ser resolta polos órganos de goberno das administracións asinantes.  A emisión de informe en relación coa necesidade do reaxuste da anualidade do convenio e en relación con cantas incidencias se produzan na execución do contrato a que este se refire.  A formulación das propostas que procedan en relación ás cuestións a que os seus informes se refiran. A Comisión de Seguimento reunirase cando o estime convinte o seu responsable, por decisión propia ou a petición de calquera dos seus membros. As súas reunións terán lugar na Casa do Concello de Vigo ou na Deputación de Pontevedra, segundo acorden as partes. Na súa reunión constituínte designarase ao responsable da mesma e ao seu secretario, que levantará acta das súas reunións. DÉCIMO.- VIXENCIA O presente convenio producirá os seus efectos desde a data da súa sinatura ata a total execución dos contratos a que o mesmo se refire, fixándose en todo caso un prazo de límite de execución de catro anos, contados desde a súa sinatura. A vixencia do presente convenio poderá prorrogarse coa conformidade expresa das partes asinantes, no caso de que non se rematasen as obras obxecto do mesmo. DÉCIMO PRIMEIRO.- EXTINCIÓN DO CONVENIO O convenio extinguirase polo cumprimento das actuacións que constitúen o seu obxecto ou por incorrer en causa de resolución. Serán causas de resolución: 1º.- O transcurso do prazo máximo de vixencia do convenio. 2º.- O acordo unánime dos asinantes. 3º.- O incumprimento das obrigas e compromisos asumidos por parte dalgún dos asinantes. Neste caso, notificarase á parte incumpridora un requirimento para que, no prazo que se sinale, cumpra coas obrigacións ou compromisos que se consideran incumpridos. Este requirimento será comunicado tamén ao responsable da Comisión de Seguimento. Se transcorrido o prazo indicado no requirimento persistira o incumprimento, a parte que o dirixiu notificará á outra parte a concorrencia de causa de resolución e entenderase resolto o convenio. A resolución do convenio por esta causa poderá dar lugar a indemnización dos prexuízos causados. 4º.- Por decisión xudicial declaratoria da nulidade do convenio. 5º.- Por calquera outra causa distinta das anteriores prevista no convenio ou noutras leis. DÉCIMO SEGUNDO.- RÉXIME XURÍDICO O presente convenio ten natureza administrativa e rexerase pola Lei 38/2003, de 17 de novembro, xeral de subvencións e o Real Decreto 887/2006, de 21 de xullo, polo que se aprobou o seu regulamento, nos seus preceptos básicos; a lexislación básica do Estado en materia de réxime local; a Lei 9/2007, de 13 de xuño, de subvencións de Galicia; os preceptos non básicos da Lei 38/2003 e do Real Decreto 887/2006; polos pactos que se conteñen neste convenio; as Bases de Execución dos orzamentos das Administracións asinantes e as restantes normas de dereito administrativo, e no seu defecto, as normas de dereito privado. O Concello de Vigo e a Deputación Provincial de Pontevedra comprométense a resolver de maneira amigable calquera desacordo que poida xurdir no desenvolvemento deste convenio. Con todo, e no caso de aparición de discrepancias que non puideran resolverse a través da Comisión de Seguimento, será competente a Xurisdición Contencioso-Administrativa. E en proba de canto antecede, as partes que interveñen asinan o presente convenio por duplicado e a un só efecto no lugar e na data sinalados no seu encabezamento. O Alcalde-Presidente do Concello de Vigo Asdo.: Abel Caballero Álvarez A Presidenta da Deputación de Pontevedra Asdo.: Mª Carmen Silva Rego A Secretaria do Concello de Vigo, Asdo.: Mª Concepción Campos Acuña O Secretario Xeral da Deputación de Pontevedra, Asdo.: Carlos Cuadrado Romay”  FACULTAR á Presidenta para formalizar o devandito convenio mediante a súa sinatura. 9.7040.- CONCESIÓN DE SUBVENCIÓNS AO ABEIRO DA CONVOCATORIA DE SUBVENCIÓNS PARA INVESTIMENTOS EN EQUIPAMENTOS E DOTACIÓNS SINGULARES NA MELLORA DO REEQUILIBRIO TERRITORIAL DOS SERVIZOS. CONCELLOS DE MENOS DE 20.000 HABITANTES Sra. Presidenta.- Pasamos, agora si, desculpen, ao punto 9. Concesión de subvencións ao abeiro da convocatoria de subvencións para investimentos en equipamentos e dotacións singulares na mellora do reequilibrio territorial dos servicios. Concellos de menos de 20.000 habitantes. Para a súa defensa ten a palabra, Sr. Regades, Sr. Regades ten a palabra. Sr. Regades Fernández.- Moitas gracias Presidenta. Vamos a detallar como foi e en que consiste estas subvencións no abeiro da convocatoria de subvencións para investimentos e equipamentos de dotacións singulares e melloras de reequilibrio territorial dos servicios dos concellos de menos de 20.000 habitantes. Como xa dixo o meu compañeiro Font “a Constitución española reflexa que as Diputacións teñen que ter unha atención especial aos concellos de menos de 20.000 habitantes”. Na provincia de Pontevedra e esta nova Diputación quere facer un esforzo importante para apoiar a eses concellos de menos de 20.000 habitantes. As bases destas novas subvencións dan resposta á situación da falta de equilibrio entre os concellos da provincia de Pontevedra, por mor de decisións arbitrarias feitas polos anteriores gobernos do Partido Popular na Diputación. O Plan Concellos supuxo unha revolución, porque un dos argumentos que se levaron a cabo son os máis dos 80 millóns de euros que sempre garantizan o máximo respecto á autonomía local. Os protagonistas desta nova Diputación son os concellos, son as súas alcaldesas e os seus alcaldes, son os gobernos municipales no abeiro desa autonomía local que tanto respectamos. Pero, precisábamos impulsar un maior equilibrio entre os concellos debido a que desde o inicio da democracia, nesta provincia, as decisións non foron equitativas, non se tiñan en conta criterios obxectivos para o reparto dos fondos da Diputación. Por elo, e tendo en conta que a Administración responsable que somos, debemos traballar para impulsar a igualdade na distribución dos recursos públicos. E, presentamos fai máis de tres meses esta nova línea de subvencións para investimentos en equipamentos, en dotacións singulares, na mellora do equilibrio territorial dos concellos, cunhas bases obxectivas, cunhas bases equitativas, cunhas bases transparentes e claras e de concurrencia competitiva, para financiar un proxecto por cada concello con achegas ata un máximo dun 80% do orzamento, e un máximo de 1,5 millóns de euros por proxecto ou por concello. Estas subvencións están centradas nos concellos de menos de 20.000 habitantes, porque tal e como recolle a Constitución Española as Diputacións provinciales deben prestar servicios e garantir dereitos nestes concellos. Recordar que os novos fondos da Unión Europea, os novos fondos Feder, o Eduxi, exclúe ós concellos de menos de 20.000 habitantes, o que ocasiona que non poidan facer fronte a grandes proxectos, a grandes investimentos a proxectos singulares. Ás líneas xerais presentáronse, desta nova convocatoria de subvencións, 43 concellos, os cales 25, Catoira, Fornelos, As Neves, A Illa de Arousa, Campo Lameiro, Covelo, Barro, Crecente, Caldas, Vilaboa, Pontecaldelas, Pontecesures, Moraña, Forcarei, Silleda, Soutomaior, Bueu, O Grove, Mondariz, A Cañiza, Meis, Rodeiro, Gondomar, Nigrán e Porriño; once concellos gobernados polo Partido Socialista; dez concellos gobernados polo Partido Popular; tres concellos gobernados polo Bloque Nacionalista Galego; e un concello de outro partido. Se van a beneficiar destas achegas por valor de 15 millóns de euros para financiar 25 proyectos singulares; 6 millóns de euros xa están recollidos nos orzamentos do ano dous mil dezasete que acabamos de aprobar. Os proxectos van a estar centrados na ocupación do espacio público pola cidadanía, cambiando o modelo de tramo urbana, impulsando as humanizacións así como equipamentos e dotacións deportivas, dotacións culturais, dotacións sociais ou de lecer e de ocio, todos eles para uso e desfrute das mulleres e dos homes, das veciñas e dos veciños da provincia de Pontevedra. Todos eles eran proxectos, como di o Vicepresidente, maduros, proxectos avanzados, aprobados nos respectivos concellos con todos os informes en regra e prazos de execución claros, todos eles deben de estar en fase de licitación antes de xuño de 2018, e, executados antes de xuño do ano 2019, razóns pola que quedaron excluídos da convocatoria 18 concellos, porque presentaron ou ben proxectos que non estaban desenvolvidos, nin maduros, nin avanzados, por eso os proxectos que se rexeitaron todos incumprían as bases que tíñamos neste plan, neste plan de proxectos singulares. Sra. Presidenta.- Gracias Sr. Regades. Sr. Mosquera. Sr. Mosquera Lorenzo.- Gracias Sra. Presidenta. Estamos ante un, un plan que estaba previsto este tipo de actuación xa no, no pacto de goberno e que foi, digamos, un proceso como o que se está levando nesta Diputación, ¿non?, cunhas bases obxectivas, iguales para todo o mundo e co compoñente funcionarial, na hora de decidir. Polo que se está escoitando ou, ou vendo por aí, pois, parece que, si alguén non entrou nas bases ou, entonces non lle gustan ou non lle gusta o resultado. Eu xa advertín aquí neste Pleno hai, puf, ano e medio, que, viñeran, creo que tres expropiacións, que eran en tres concellos do PP, ninguén se puxo a contar si eran do PP ou eran do popo, eran necesidades, correcto, ben. As bases foron aprobadas neste pleno por unanimidade, bueno, polo menos co voto a favor do PP non sei si Marea, si Son votara, foron aprobadas por unanimidade, despois, e non foi casualidade, foi algo despois dun debate, incluso que si retiraba unha interpretación, si non se retiraba, non sei que, non sei canto, o sea, que foron aprobadas conscientemente e con toda por os, polo PP, ¿non?, ben. E a partir de aí quen valoraron os proxectos foron os funcionarios, correcto. ¿Queren saber a miña opinión?. Me parece que se colaron proxectos que non debían de entrar, pero, os funcionarios dixeron que había que metelos, ¿vale?. Como cando a miña opinión con respecto a si Cerdedo-Cotobade había que contalo, ¿non?, dobre ou non, a miña opinión era que loxicamente tiña que ser como un concello, bueno, os funcionarios dixeron que había que cambialo, que había que, que había que, o fixo poñerllo doble, e se lle puxo doble, punto. Entonces, claro, é moi sorprendente, mui, mui sorprendente, a reacción. ¡Hombre!, o que tamén é sorprendente, por exemplo, é que ningún concello do PP tuvera ningún proxecto, quitando Moraña, de unha enxundia potente, xa maduro, para presentar, entonces din, non, é que levaron menos cartos, ¡oiga, igual non quixeron cofinanciar, bueno, ¿que nos quere decir?, ¿que culpa temos nós de que non quixeran cofinaciar e ir a un proxecto de tres millóns e poñer o concello millón e medio, porque máis de un e medio non se lle poñía, vamos a ter nós a culpa, parece, de que chova e máis de que non chova. Creo que non hai discusión, as bases foron aprobadas aquí, por unanimidade, e foron despois tramitadas polos funcionarios, e xa digo, si fora a miña opinión sería bastante, incluso, quedarían atrás outros máis, ¿eh?, porque me parece que formalmente están maduros pero non están suficientemente maduros, que hai bastantes, bastantes dúbidas ou eu terías. Bueno, os funcionarios dixeron, pois, “para adiante”. Con esto creo que damos cumprimento a un compromiso, ¿eh?, de que, damos cumprimento a varios: un, que os concellos teñan unha financiación que xa saben máis ou menos e que vai a ser, cunha variación moi pequena, todos os anos, ¿eh?, e non como sucedía antes que anos, un ano iban 40 millóns, outro ano iban 15, bueno, podemos mirar o histórico, un ano iban 13, outro ano 26, outro ano 12, outro ano 40, o sea, os concellos saben máis ou menos. E segundo, para as actuacións excepcionais, pois, fixemos un fondo, porque pudemos, porque había recursos na Deputación, forzando o máximo para transferir ós concellos, e hoxe é este resultado que vén aquí do que, francamente, estamos mui satisfeitos e que creo, creo que, agardo, creo e agardo que vai marcar un antes e un despois no funcionamento da Deputación no sentido de que, e, mire, nos concellos si ten usted algo que pedir trabálleo, trabálleo, téñao preparado, téñao listo, pida todas as autorizacións, téñao aí, e no momento pida, non ó revés, ¿non?, pido os cartos e despois xa veremos. Claro, despois veñen eses problemas de execución, temos obras aquí, bueno, que son do ano 13, ano 14, ano 15, porque, despois resulta que non, non hai, o sea, se pon alí que están os terreos e non están, cousas desas, non, mire, hai que ir creando unha cultura de que para sacar un proxecto importante, sobre todo, hai que traballalo ben antes e non de repente cambialo a última hora, según conveña, en fin, según a última ocorrencia porque así non hai quen saque nada ben e ó final sale unha auténtica chafallada. Moitas gracias. Sra. Presidenta.- Gracias Sr. Mosquera. Sr. Moldes ten vostede a palabra. Sr. Moldes Martínez.- Moitas gracias Sra. Presidenta. Nós, no seu día xa dixemos que esto empezaba mal e avisámolo xa no seu día. O 11 do 8 vostedes aproban unhas bases, o 14 do 8 publican unha aclaración das bases, no sentido de que quedaban excluídos aqueles concellos que firmaran convenios por cantidades superiores ós 600.000 euros. O 7 do 9, o PP rexistra unha moción pedindo a ampliación deste plan; o 15 do 9, á falta de 3 días para que finalice o plazo, presentan proxectos e que modifican coas seguintes novedades, vostedes trouxeron aquí, que, en este caso, en canto ó obxecto da convocatoria aclaraban o que eran proyectos singulares e incluso admitían a cofinanciación privada. Se publican no BOPPO as modificacións das bases, e o 22 se celebra un pleno e cando nós decimos que aquí se está cometendo unha ilegalidade vostedes, en este caso, deixan sen afecto estas modificacións. Vostedes quitan un reparto de axudas para concellos para máis de, en este caso, para 52 concellos, de menos de 20.000 habitantes e sólo reciben axudas 25 concellos, dos 18 que destinan sólo se cubren 15. Logo, nós o que lle decimos, non vamos a facer as acusacións que fixo antes o Sr. Font que decía que, “anteriormente aquí se repartían por cuestións partidarias e partidistas as subvencións”. Nós sólo vamos a decir que esto coincide cun congreso de Partido Socialista e si facemos un resumen, de 12 concellos do Partido Socialista, 11 aprobados, de 22 do Partido Popular, 10 aprobados. O 60% vai para concellos do Partido Socialista, o 23 para o Partido Popular, gobernando maioritariamente estes concellos, e un 14%, neste caso, para concellos do BNG. Sorprendentemente, pedimos varias veces que queríamos a información de quen presentara no rexistro primeiro estes proxectos, non tuvemos esa posibilidade, onte ás dúas, agradecémosllo aquí ao Secretario desta Institución e ós funcionarios, pois por sorte tuvemos acceso, e bueno, non foi sorpresa, á primeira vistada que damos, efectivamente, coincide que casi todos os concellos que primeiro presentaron, como di o Sr. Mosquera “traballaron e traballaron”, igual tiñan información, xa tiñan todo elaborado, pero coincide que son Partido Socialista. Repito, desde o Grupo Popular non vamos a facer tal acusación que dixo o Sr. Font, “que anteriormente se repartían, en este caso, por cuestións políticas”, sólo decimos que esto coincide co congreso do Partido Socialista, sólo eso. Nós, como decía o Sr. Mosquera -que todo é boa voluntá-, lle vamos a pedir unha cousa polas boas, nós non estamos en contra de que lle den investimentos a alcaldes que sean do Partido Socialista nin a concellos, nin do BNG, non estamos en contra de ningún proxecto, nin claramente dos do Partido Popular, pero nos parece que é unha torpeza que habendo alcaldes que están facendo alegacións, reclamacións que sobraron cartos porque non se paraliza esto un momento se escoita a esa xente e evitamos uns problemas, porque ó final esto vai acabar no xulgado e vai a ser malo para todos, vai a ser malo para os que o teñen, vai a ser malo para quen non os teñen e vai a ser malo para quen aproben estas cantidades. Logo, por moito que digan vostedes, por moito que digan vostedes, nós vimos cunha proposta construtiva, vimos cunha proposta de evitar problemas, ¿o Partido Popular está a favor das inversións que se van a facer en concellos socialistas?. Si. ¿En concellos do BNG?. Si. ¿En concellos do Partido Popular?. Si. Pero hai que recordar que aquí hai xente que ten queixas, que presenta escritos, que veu aquí á Diputación a facer peticións, que din que a uns lle esixiron unha cousa e outros outra, hai concellos que se lle pediron plan de usos e a outros resulta que están aprobados cun plan xeral que está sin aprobar. Logo, todo eso era mellor darlle audiencia e contestar, e evitar problemas, é o único que lle pedimos. Logo, eu creo que vostedes fixeron un plan coincidindo co congreso do Partido Socialista, nada máis, nós non vamos a facer tal acusación que anteriormente nesta Diputación se repartían por cuestións políticas, nós no, sólo decimos que coincide cun congreso do Partido Socialista, e que se levan o 60% desta inversión, e que casi todos os concellos que levan un millón e medio de euros, todos son, en este caso, do Partido Socialista, só eso. Eran vostedes os que traian a transparencia a esta casa, a igualdade, que todo o mundo iba a ser co mismo equilibrio, pero os datos obxectivos, que estos nos inventa o Partido Popular, din o que din, e din que de 12, 11, quere decir que casi todos foron aprobados, e do PP de vinte e dous dez. Logo, non creo eu nin que os alcaldes de un partido sexan máis listos que outros, nin os outros máis torpes, nin tan sequera os funcionarios de todos os concellos que por, por outra, temos a casi todos os secretarios dos concellos ... Sra. Presidenta.- Rematou o seu tempo señor, rematou o seu tempo. Sr. Regades, ten vostede a palabra. Sr. Regades Fernández.- Moitas gracias Sra. Presidenta. O Partido Socialista gobierna y cogobierna 600.000 habitantes de la provincia de Pontevedra, el Partido Popular gobierna 200.000 habitantes, poco más de 200.000 habitantes, en la provincia de Pontevedra, casi una tercera parte de los habitantes de la provincia de Pontevedra que son gobernados por el Partido Socialista. Este pan, este Plan de reequilibrio hay 11 ayuntamientos del Partido Socialista, gobernados por el Partido Socialista, y 10 gobernados por el Partido Popular, y 3 gobernados por un alcalde del Bloque Nacionalista Galego y uno gobernado por un independiente. Vamos hacer algo de historia, en el año 2015 el Partido Popular gobernaba la Diputación de Pontevedra y se hizo un plan, poco objetivo, un plan arbitrario y un plan hecho a través de convenios con ayuntamientos, 21 convenios con ayuntamientos de la provincia de Pontevedra, 13 el Partido Popular, con alcalde o alcaldesa del Partido Popular, 1 gobernado por el BNG y 2 por el Partido Socialista, la diferencia, es como el anuncio, está en el algodón. Yo no voy a hablar si los alcaldes del Partido Socialista, el Partido Popular o del Bloque Nacionalista, quiénes son más inteligentes y quiénes no, eso lo tendrán que decir los ciudadanos y tendrán que darle la confianza con los votos, de momento 600.000 habitantes de la provincia de Pontevedra le dieron la confianza a un gobierno del Partido Socialista y 200.000 a los gobiernos del Partido Popular, con lo cuál, yo creo que la confianza de la provincia de Pontevedra es clara. Esto es un acuerdo anterior a este mismo año, es un acuerdo que ya llevábamos reflejado en el acuerdo de gobierno, Bloque Nacionalista Galego, Partido Socialista Obrero Español, Partido Socialistas de Galicia. Un compromiso cos concellos de menos de 20.000 habitantes, un compromiso que ya, que xa vén reflejado na Constitución, un compromiso co reequilibrio dos concellos que foron marginados e maltratados polos gobernos do Partido Popular, aqueles gobernos que facían vinte un convenios e deles o noventa por cento os facían con alcaldesas e alcaldes do Partido Popular, e dunha forma arbitraría, sen bases, sen bases transparentes, sen bases que foran de pública concorrencia, senón con un convenio directo, a dedo, arbitrario, dependendo da autonomía do seu Presidente. Os concellos que quedaron fóra non foron unha decisión política, foron unha decisión técnica porque presentaban ou ben proxectos que non estaban desenvolvidos, nin maduros, nin avanzados, ou ben porque eran proxectos que tiñan unha cuantía superior a 600.000 euros das bases, en definitiva, porque incumplían as bases. Sra. Presidenta.- Rematou o seu tempo Sr. Regades, rematou o seu tempo logo ten dous minutos para pechar, Sr. Regades rematou o seu tempo. Sr. Moldes ten, non, Sr. Mosquera, perdón, si, ten vostede a palabra. Sr. Mosquera Lorenzo.- Si, gracias Sra. Presidenta. Casi me dá ganas de decirlle a todos os nosos que se afilien o PSOE, sector Regades, para votar por el. ¡Home!, ¡hombre!, bueno no, senón, claro porque si resulta que se fan unhas bases os funcionarios tal e aínda así resulta, oye, esto é pura maxia, polo tanto, hai que sumarse os magos que igual nos arreglan, igual nos arreglan o problema ¿non?, e, mire, mire, e, díxenlle antes varios exemplos en que levou máis o PP, non hai trampa nin cartón, non o busquen en ningún lado, o tempo non inflúeo sábeno de sobra, non inflúeo, a orden de presentación. ¿Non?. Mire, si quere, e, os actos administrativos teñen uns trámites, e como puderon subsanar a documentación, agora poden reclamar, que reclamen, e atenderáselle se teñen razón, como se fixo outras veces, e se non a teñen non se lle dará e tal, punto, non pasa nada, agora, non, non, non, non, por eso, parar esto, e agora entrar en debates ou discusións para buscalo, para buscalo a, ¿non?, non se sabe que, está acabado o proceso, está acabado, ¡ben!, como se fora unha oposición, o tribunal dixo que eran eses. ¿Que alguén pode reclamar?. Claro, pero o que non pode frenar e decir vamos a discutir aquí a ver si, eso, eso non ten ningún sentido. Mire unha cousa, ustedes entraron aquí nesta casa, neste mandato na oposición, e non sei donde entraron, ¿non?, francamente, esto máis transparente imposible, hai un pacto de goberno, saben o que van a pasar, si queren información dáselle, algúns alcaldes seus ou alcaldesas, por certo, chaman ós funcionarios, chámanos a nós para ver o que vai a pasar, ou que previsións hai, dámoslle toda a información, igual que a calquera alcalde ou alcaldesa do PSOE ou do BNG, independiente do PP, calquera. Ben, ustedes parece que están moi ocupados en mover ós seus alcaldes a xuntalos aí, e facer protestas e non sei que, e igual se lle vai o tempo en dicirlle: “mire, preocúpense de facer esto ou esto é o que vai haber”. Bueno, será un problema interno seu, será un problema interno seu, non nos vote a culpa a nós, non nos vote a culpa, por favor, esto foi, repito, bases aprobadas aquí por unanimidade e os funcionarios que aplican as bases sobre a documentación presentada, requirindo as, vamos os, vamos, as correccións que houbera según o proceso e demais, e nos montan esta bulla, francamente non entendo nada. Sra. Presidenta.- Gracias Sr. Mosquera. Ten a palabra Sr. Moldes. Sr. Moldes Martínez.- Moitas gracias Sra. Presidenta. Sr. Regades, vostede que aspira a liderar o Partido Socialista en toda a provincia, lle vou a dar un dato porque seguramente lle vai a quitar unha boa conclusión, cando vostede falaba de tantos convenios é que por aquela época 42 concellos da provincia eran gobernados polo Partido Popular, era normal que se firmaran máis convenios con alcaldes do Partido Popular, é un dato que igual lle, lle vale a pena para o seu congreso. Dito esto, vostede falaba de facer historia, eu tamén lle invito a facer historia, pero vamos ir simplemente un día pa atrás, onte vostedes en Vigo facían unha rolda de prensa anunciando as inversións de Vigo, ou da Diputación en Vigo, e viñan decindo “que a Diputación agora está en Vigo e Vigo está na Diputación”, ben. Vostede falaba que o Partido Socialista goberna miles de persoas en toda a provincia, en este caso vostede votou man para contrarrestar concellos de menos de 20.000 habitantes, tuvo que votar man das cidades como Vigo. Eu lle digo unha cousa, onte vostedes mesmos ante as preguntas dos periodistas foron incapaces de contestar canto levan invertido en Vigo, pero non por descoñecemento, ¿eh?, simplemente porque vostedes saben que si dan ese dato este plan de reequilibrio territorial se queda en nada. Logo, está moi ben que vostedes nos veñan aquí a dar lección de que o Partido Socialista goberna non sei cantos miles de habitantes, perfecto, lexitimo, foron votados polos veciños e nós o respectamos, pero coidado, o partido máis votado da provincia, non se lle olvide, é o Partido Popular, ese é o partido máis votado da provincia, con datos obxectivos. E tampouco se olvide que non debemos de calificar ós veciños según donde vivan, son importantes todos, e vostede que quere ser Presidente do Partido Socialista ten que darse conta que tan importante é o voto dun veciño da Lama, dun veciño de calquer concello, como un do concello de Vigo. Logo, nós o único que lle decimos é que por moito que vostedes queiran, incluso que vostedes onte se negaron a dar ese dato, que eu lle invito a que o diga hoxe aquí no pleno, pero ante a pregunta dos periodistas cando lle dixeron si sabían o que se había invertido en Vigo, dixeron que era complicado polas, a cantidade de subvencións e demais. Pero, tamén lle vou a decir unha cousa, no único que cumpliron desde que chegaron a esta casa foi naquela famosa frase, “para Vigo cheque en blanco, cheque infinito”, eso foi un titular da Presidenta xunto co alcalde de Vigo, é o único, o único, porque si sumamos eso, multiplica por tres este plan de reequilibrio, logo, non nos veñan a presumir dun plan de reequilibrio, non nos veñan a presumir deso. Logo, para nós todo é importante, estamos de acuerdo que se invirta en Pontevedra, estamos de acuerdo que se invirta en Vigo, estamos de acuerdo que se invirta nos concellos de menos de 20.000 habitantes, dos de menos de 5.000, pero o que non queremos é que vostedes gobernen de espaldas ós alcaldes e ós concellos, e é o que están facendo, por eso todos os plans lle quedan en descuberto e sin cubrir, e por eso acaban ó final no xulgado cos alcaldes. Logo, lle pedimos que os escoite. Sra. Presidenta.- Rematou o seu tempo, Sr. Moldes. Sr. Regades, ten dous minutos, un segundo, perdón. Sr. Regades Fernández.- Eu, o tema de Vigo e o tema de Pontevedra, non o entendo, non sei si é moito se é pouco, porque dependendo do día e dependendo do sitio dicen “que é moitos cartos para Vigo”, outros días dicen “que poucos para Vigo”, outros días dicen “que non facemos nada en Vigo”, outros días dicen “que facemos moito en Vigo”, eu debe de ser unha cousa paranormal que terei que estudiar con máis tempo e con máis calma porque non son capaz de comprender. Pero, de todas formas eu lle invito, ¿non?, que a portavoz do Partido Popular en Vigo que faga estas declaracións alí e que así dunha vez por todas, pois teremos claro que é o que facemos en Vigo, si invertimos moito ou pouco, pero tamén pasa o mismo en Pontevedra, que tampouco me queda claro si o que facemos na cidade de Pontevedra é moito ou pouco, eu creo que ese día non estaba, non estaba na clase donde decían as cantidades, porque, porque non son capaz de entendelo. O que si, eu lle agradezco unha exposición que fixo ¿non?, nós, este goberno, estudiaremos, estudiaremos novos plans, novos plans porque creemos que é importante, que é importante seguir traballando nesta línea, estamos orgullosos, pero si que os novos plans serán como este, serán cunhas bases, objetivas e arbitrarias onde todos os concellos podan participar, non serán convenios a dedo con ningún concello, serán cunhas bases, transparentes, participativas, para todos os concellos iguais, como miramos neste, donde participan os mesmos concellos do Partido Popular e os mesmos concellos do Partido Socialista. Unha mentira dita moitas veces non é unha verdade, as últimas municipales na provincia de Pontevedra hubo un empate real do Partido Socialista co Partido Popular en número de votos, un empate real, e xa lle anuncio aquí, nas seguintes eleccións municipales o Partido Socialista quedará moi por riba do Partido Popular na provincia de Pontevedra. Inversión en Vigo pouco ou moito, eu xa deso, xa non vou a falar, participar, o Partido Popular miramos que está participando dunha forma activa e a creencia nos concellos de menos de 20.000 habitantes é un plan concellos como o que temos que non son capaces de renunciar, un plan concellos … Sra. Presidenta.- Rematou o seu tempo, Sr. Regades, rematou o seu tempo Sr. Regades, rematou o seu tempo. Eu son para todos igual, e, para que os alcaldes e alcaldesas da provincia de Pontevedra o saiban, bueno os alcaldes e as alcaldesas da provincia de Pontevedra o saben, creo que o Grupo Provincial do Partido Popular non. A lei establece con claridade que cando se aproba calquer tipo de proxecto, de plan, de subvención, se aproba no órgano competente, neste caso no pleno, e inmediatamente despois hai que darlle un plazo de audiencia a todos os alcaldes e alcaldesas, non é que vostede nos pida que lles demos unha audiencia, non, é que é obrigado. É que, hoxe mesmo, van a saír as cartas despois de aprobar este plan, porque antes de aprobalo non se pode dar audiencia a ninguén, porque non está aprobado, é decir, hai que coñecer o procedemento administrativo, é ben fácil sobre todo para nós, ¿non?, que levamos tanto tempo na política e que o coñecemos. Polo tanto, agora aprobamos este plan, vamos a ver si o aprobamos, o someteremos a votación. Unha vez que se aprobe, hoxe mesmo, saíran as cartas para os alcaldes que resultaron beneficiarios porque cumprían as prazas, cumprían as bases, e para os que non, porque non as incumprían, según informes técnicos, informes técnicos, e se lles dirá que teñen o prazo de audiencia legal, inmediatamente despois os mesmos técnicos estudiarán si as alegacións que fan os alcaldes, que según estes primeiros informes non cumprían as bases, pois, houbo algún erro ou teñen razón, si teñen razón non dubiden vostedes, non dubide ninguén que estaremos encantados, porque este plan tiña dezaoito millóns de euros e temos tres millóns de euros, como vostede moi ben di, e estaríamos encantados de darllos a todos os alcaldes e a todos os concellos. Polo tanto, non é unha cuestión de bonhomía darlles audiencia ou non, é a lei e nós cumplimos a lei, eso o primeiro. En segundo lugar, eu, de verdade, o teño decir, sinto moito, a verdá, que aquí se veñan a facer debates que nada teñen que ver con administración provincial, con que gobernamos, si congresos ou non congresos, si quen gaña as eleccións ou non as gaña, pero bueno, é moi propio de vostedes utilizar calquera cousa, por certo, a democracia que teñen algúns e que outros non, para embarrar todo. En terceiro lugar, si vostedes queren, e os alcaldes e alcaldesas, denunciar ante a Administración Xudicial calquera decisión, eso tamén o di a lei, é o seu dereito, é o dereito da cidadanía, é o dereito dos concellos, a cando non están de acordo con algunha decisión a poder, ante a administración de xustiza presentar todo os recursos que consideren, faltaría máis que non o puideran facer, eso si, a nós non nos van a levar ós xulgados por sobres B, a nós nos van a levar en todo caso porque non están de acordo con algunha decisión tomada polos técnicos e consideran que teñen dereito a, a que os seus dereitos, que cren que os tenga, poder reclamalos na Administración de Xustiza, eso é a normalidade democrática, ¿eh?, de verdá que temos que dar un curso de normalidade democrática, eso si, lle repito, por sobres B non nos van a levar, ¿eh?, nos van a levar, en todo caso, porque non están de acordo con decisións tomadas polos técnicos, polos técnicos, e si lle dan a razón os xulgados, inmediatamente, se toman as decisións que mandatan, porque é así o estado de dereito, hai tres poderes, o executivo, o lexislativo e o xudicial, así que ningún problema, tranquilidade absoluta. E por certo, a ver si vostede é capaz de demostrar en algún sitio que eu dixen, algunha vez, “que para algún sitio iba haber cheques en branco”, si vostede é capaz de ensinar un papel, periódico ou unha gravación de radio, onde eu teña dito “que hai cheques en branco”, eu non falo nunca de cheques, nin en branco nin en negro, e tampouco nunca saquei do bolsillo cheques para darlle ós clubes deportivos decindo “aquí teño un cheque que lle vou a dar a non sei que club deportivo”, eu non falo nunca de cheques, non me gustan os cheques. Xente que se senta con vostede, do Grupo Popular, si que sacaba cheques dos bolsillos para entregarlles os clubs deportivos, esta Presidenta non, nunca. Polo tanto, demostre vostede que eu dixen algunha vez “que hai cheques en branco para ninguén, para ninguén”, dígao, demóstreo, porque xa lle digo eu que é absolutamente falso. Polo tanto, rematado o debate deste punto e aclaradas todas as cuestións que se teñen planteado, sometemos a votación o punto 9, “Concesión de subvencións ao abeiro da convocatoria de subvencións para investimentos en equipamentos e dotacións singulares na mellora do reequilibrio territorial dos servizos. Concellos de menos de 20.000 habitantes”. ¿Votos a favor?. ¿Votos en contra?. ¿Abstencións?. Queda aprobado por catorce votos a favor e doce abstencións. Do exame do expediente quedan acreditados os seguintes antecedentes:  Mediante acordo núm. 20.25850 da Xunta de Goberno de 11/08/2017 aprobáronse as “BASES REGULADORAS DAS SUBVENCIÓNS PARA INVESTIMENTOS EN EQUIPAMENTOS E DOTACIÓNS SINGULARES NA MELLORA DO REEQUILIBRIO TERRITORIAL DOS SERVIZOS. CONCELLOS DE MENOS DE 20.000 HABITANTES”, sendo a súa finalidade a colaboración económica cos concellos de menos de 20.000 habitantes para o que se aproba unha convocatoria de axudas para equipamentos e dotacións municipais, concibida como unha liña máis de cooperación municipal co fin do reequilibrio da equidade na cooperación cos concellos. As referidas bases xunto co extracto da convocatoria publicáronse no Boletín Oficial da Provincia de Pontevedra núm. 156 de 16/08/2017, sendo o prazo de presentación de solicitudes dun mes a partir de dita publicación.  De acordo coas bases o procedemento de concesión é o de concorrencia competitiva, correspondéndolle a súa instrución á Xefa do Servizo de Cooperación. Finalizado o prazo de presentación de solicitudes, recibíronse 43 solicitudes. Asemade, finalizado o prazo para a presentación da documentación requirida nas bases, procedeuse a requirir a aqueles concellos que presentaron solicitudes incompletas. Unha vez finalizado o prazo de subsanación concedido, os concellos requiridos emendaron as súas solicitudes, agás o Concello de Tui, que en aplicación do artigo 68 da Lei 39/2015, de 1 de outubro, do Procedemento Administrativo Común das Administracións Públicas, debe entenderse desistido da súa solicitude.  En base ós criterios de concesión, os datos obrantes no servizo de Cooperación e o informe técnico do Enxeñeiro Xefe de Cooperación, a instrutora do procedemento elaborou unha proposta de puntuación con detalle da puntuación obtida por cada solicitude e para cada criterio, e relación dos concellos excluídos por non acadar a puntuación mínima necesaria; especificando asemade os concellos excluídos do reparto por non cumprir os requisitos da convocatoria, presentar proxectos técnicos incompletos ou defectuosos, ou non emendar as súas solicitudes.  De acordo co previsto nas bases reguladoras, o informe da instrutora xunto coa proposta de puntuación e a relación motivada de solicitudes a excluír, elevouse á Comisión de Avaliación, que formula valoración das solicitudes presentadas, recollidas na acta de 14/11/2017. Á vista desta valoración a instrutora formula o presente informe-proposta de concesión, previa fiscalización da Intervención provincial, para a súa elevación ante o órgano competente para a súa concesión.  Visto que o reparto en partes iguais supón que no ano 2019 algúns investimentos xa non percibisen ningún importe, e co fin de favorecer ós concellos, a distribución do crédito imputable ó plan realízase de xeito que durante os exercicios 2017 e 2018, repártense 6.000.000,00 euros en cada un, repartíndose o importe restante, 2.983.238,63 euros, no exercicio 2019. FUNDAMENTOS XURÍDICOS Réxime Xurídico:  Lei 38/2003, de 17 de novembro, Xeral de Subvencións (LXS), e o seu Regulamento, aprobado por Real Decreto 887/2006, de 21 de xullo (RLXS).  Lei 7/1985, de 2 de abril, Reguladora das Bases do Réxime Local (LRBRL).  Lei 39/2015, de 1 de outubro, de Procedemento Administrativo Común das Administracións Públicas (LPAC).  Lei 9/2007, de 13 de xuño, de Subvencións de Galicia (LSG).  Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRJEL).  Bases reguladoras das subvencións para investimentos en equipamentos e dotacións singulares na mellora do reequilibrio territorial dos servizos. Concellos de menos de 20.000 habitantes.  Bases de execución do vixente orzamento da Deputación.  Ordenanza Xeral de subvencións da Deputación de Pontevedra (Ordenanza Xeral). Consideracións Xurídicas Instrución do expediente:  Base reguladora 5ª da convocatoria, que establece que o procedemento de concesión das axudas é o de concorrencia competitiva, de acordo cos criterios de valoración recollidas nela.  Base reguladora 9ª da convocatoria, que indica que correspóndelle á Xefa do Servizo de Cooperación á instrución do procedemento de concesión. Asemade, establécese que o procedemento de concesión das axudas é o de concorrencia competitiva. Petición e evacuación de informes:  Artigos 79 e 80 da LPAC, sobre a petición e a evacuación de informes.  Artigo 88.6 de LPAC, que sinala que a aceptación de informes ou ditames servirá de motivación á Resolución cando se incorporen ó texto da mesma.  Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención.  Bases 47ª e 48ª de execución do Orzamento Provincial 2017, sobre o control e a fiscalización da xestión económica, que sinalan a competencia da Intervención para realizar esta función.  Artigo 24 da LXS que establece que as actividades de instrución comprenderán, entre outras, a petición de cantos informes estime necesarios para resolver ou que sexan esixidos polas normas que regulan a subvención.  Base reguladora 9ª da convocatoria, que indica que a instrutora do procedemento formulará informe-proposta de concesión, á vista da puntuación outorgada pola Comisión de Valoración a cada unha das solicitudes, indicando a subvención que lle corresponde a cada unha delas, xunto coa relación motivada das solicitudes cuxa desestimación se propón. Resolución do expediente  Artigo 22 LXS que dispón que a proposta de concesión formularase ó órgano concedente a través do órgano instrutor.  Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención.  Artigo 62 do RLXS que establece que na resolución de concesión deberán quedar claramente identificados os compromisos asumidos polos beneficiarios.  Artigo 185 do TRLRFL que regula as competencias en materia de xestión de gasto.  Base de execución 25ª do orzamento provincial para o exercicio 2017 que recolle as normas xerais reguladoras das subvencións  Base reguladora 1ª da convocatoria que define o obxecto e as finalidades subvencionables que poden acollerse a este plan.  Base reguladora 9ª da convocatoria que recolle a necesaria documentación para a concesión da subvención e o prazo para a súa presentación.  Base 7ª do programa, que segundo o disposto nos artigos 68.1 da LPAC, 23.5 da LXS, e 20.6 da LSG, prescribe que no caso de presentar incompleta a documentación á que se refire dita base, se requirirá ó interesado para que nun prazo máximo de 10 días hábiles, emende a falta e/ou omisións, con indicación de que non facelo, teráselle por desistido da súa solicitude, previa resolución ditada nos termos do artigo 21 da LPAC.  Artigos 23.5 da LXS e 20.6 da LSG, en concordancia co artigo 68.2 da LPAC, polos que o prazo de requirimento de emenda, ó abeiro dos procedementos de concesión en réxime de concorrencia competitiva, será improrrogable.  Artigo 21.1 da LPAC, polo que a administración está obrigada a ditar resolución expresa e a notificala calquera que sexa a forma de iniciación, que no caso da desistencia consistirá na declaración da circunstancia da súa concorrencia, con indicación dos feitos producidos e as normas aplicables.  Artigo 84.1 da LPAC, polo que porán fin ó procedemento a resolución, a desistencia, a renuncia ó dereito no que se funde a solicitude, cando tal renuncia non estea prohibida polo ordenamento xurídico, e a declaración de caducidade. De acordo con todo o sinalado, no exercicio das competencias recollidas no artigo 35 da LRBRL, no artigo 63 do ROFRJEL e as bases específicas de execución do orzamento para o exercicio 2017, e vistos os informes da Xefa do servizo de Cooperación, e do Enxeñeiro Xefe de Cooperación de data 09/11/2017, a acta de 14/11/2017 da Comisión de Avaliación, o informe da Intervención Provincial de data 14/11/2017, e o ditame da Comisión Informativa de Cooperación Municipal, de 17/11/2017, o Pleno acorda por maioría, cos votos a favor do PSdeG-PSOE e do BNG e coas abstencións do PP e do Grupo Mixto (Coalición Electoral SON):  APROBAR a concesión de subvencións para investimentos en equipamentos e dotacións singulares na mellora do reequilibrio territorial dos servizos, concellos de menos de 20.000 habitantes, segundo o procedemento de concorrencia competitiva, ós concellos beneficiarios, que figuran no Anexo I a este acordo (desde o Concello de Barro ata o Concello de Vilaboa), para a realización dos investimentos que se relacionan no mesmo, por un importe total de 14.983.238,63 euros. As demais solicitudes presentadas ó abeiro da convocatoria considéranse desestimadas polos motivos relacionados no Anexo II a este acordo.  AUTORIZAR e comprometer o gasto por importe de 6.000.000,00 de euros na aplicación 17/942.9420.762.10 do vixente orzamento provincial na que existe crédito suficiente para facer fronte ó gasto; así como, o crédito correspondente ás anualidades 2018 e 2019 que ascende a 6.000.000,00 de euros e 2.983.238,63 euros, respectivamente, e que se imputarán no seu caso ás aplicacións orzamentarias, 2018.942.9420.762.10 e 2019.942.9420.762.10, condicionadas á aprobación dos respectivos orzamentos para cada exercicio.  As presentes subvencións concédense con suxeición ás seguintes condicións: a) A efectividade do acordo de concesión quedará demorada ate que se tramite o correspondente expediente orzamentario, e ate a data da sinatura do correspondente convenio. b) As subvencións concédense para colaborar na execución das devanditas actuacións, non podendo cambiarse o destino nin a contía das mesmas. c) Convén lembrar que os beneficiarios deberán posuír tódalas autorizacións sectoriais necesarias así como as licenzas e permisos preceptivos para a execución dos investimentos ó abeiro do establecido nas bases reguladoras da presente convocatoria. d) Os procedementos de contratación para a execución dos investimentos financiados co presente Plan, deberán estar en fase de licitación antes do 30 de xuño de 2018. Os beneficiarios deberán ter executadas as actuacións para as que se conceden as axudas antes do 30 de xuño de 2019. Así mesmo, deberán xustificalas no prazo de tres meses desde a súa finalización e, en todo caso, antes do 30 de setembro de 2019. O incumprimento destas obrigas dará lugar á revogación da subvención. e) A licitación, execución e xustificación destes investimentos realizarase conforme ó previsto nas bases reguladoras da convocatoria de SUBVENCIÓNS PARA INVESTIMENTOS EN EQUIPAMENTOS E DOTACIÓNS SINGULARES NA MELLORA DO REEQUILIBRIO TERRITORIAL DOS SERVIZOS. CONCELLOS DE MENOS DE 20.000 HABITANTES, aprobadas por acordo da Xunta de Goberno de 11 de agosto de 2017 e publicadas no BOPPO núm. 156, de 16 de agosto de 2017 (dispoñibles tamén na web www.depo.es) e a demais lexislación vixente en materia de contratación e subvencións. f) Para o aboamento da subvención concedida, requirirase a presentación da documentación xustificativa prevista nas bases reguladoras, e previa comprobación por parte dos servizos técnicos provinciais, Cooperación e Intervención, de que se realizou o gasto para o fin e polo importe subvencionado e, ademais, de que se cumpriu coa finalidade e o obxecto da subvención.  DARLLE TRASLADO do presente acordo ós concellos beneficiarios, á Intervención, ó Servizo de Cooperación e ó Gabinete da Presidencia. CONCESIÓN DE SUBVENCIÓNS PARA INVESTIMENTOS EN EQUIPAMENTOS E DOTACIÓNS SINGULARES NA MELLORA DO REEQUILIBRIO TERRITORIAL DOS SERVIZOS. CONCELLOS DE MENOS DE 20.000 HABITANTES ANEXO I – RELACIÓN DE CONCESIÓN DE SUBVENCIÓNS CONCE-LLO DESCRIP-CIÓN ORZA-MENTO SOLICI-TUDE TO-TAL SUBVEN-CIÓN A CONCE-DER ANUALI-DADE 2017 ANUALI-DADE 2018 ANUALI-DADE 2019 CATOI-RA EQUIPA-MENTO DO CENTRO DE ACTIVA-CIÓN CULTURAL TORRES DE OESTE 483.697,50 386.958,00 91 386.958,00 154.956,35 154.956,35 77.045,30 FORNE-LOS DE MON-TES URBANIZA-CIÓN, XIMNASIO E PISTA DE PÁDEL 686.731,68 549.385,34 90 549.385,34 219.999,97 219.999,97 109.385,40 ILLA DE AROU-SA, A REHABILI-TACIÓN DAS VIVENDAS Nº1-3-5 DA R/MAR-QUÉS DE BRADOMÍN PARA EQUIPA-MENTOS SOCIOCUL-TURAIS 2.600.000,00 1.500.000,00 90 1.500.000,00 600.671,20 600.671,20 298.657,60 NEVES, AS AMPLIA-CIÓN DO CENTRO CULTURAL DE RUBIÓS 499.457,75 399.566,20 90 399.566,20 160.005,27 160.005,27 79.555,66 CAMPO LAMEIRO CENTRO DE ESTANCIA EN CAMPO LAMEIRO 517.003,71 367.003,71 82 367.003,71 146.965,73 146.965,73 73.072,25 COVELO, O PROXECTO DE MELLORA DA ACCESIBILIDADE E HUMANIZACIÓN DA PRAZA DE BARCIADEMERA 359.258,93 287.407,14 81 287.407,14 115.091,46 115.091,46 57.224,22 BARRO PISCINA PÚBLICA MUNICIPAL EN OUTEIRO 358.488,72 286.790,97 80 286.790,97 114.844,72 114.844,72 57.101,53 CALDAS DE REIS EDIFICA-CIÓN PARA ESCOLA DE MÚSICA, ESCOLA TALLER E OUTROS USOS MUNICI-PAIS, INCLUSO URBANI-ZACIÓN 992.577,99 794.062,39 80 794.062,39 317.980,28 317.980,28 158.101,83 CRECEN-TE EDIFICIO POLIDEPORTIVO, PISTAS DE PÁDEL E MELLORA DE ACCESOS E SERVIZOS RÚA GARCÍA NEIRA 463.004,19 370.403,35 80 370.403,35 148.327,08 148.327,08 73.749,19 VILABOA REMODELACIÓN DO CLUBE DE PIRAGÜIS-MO VILABOA FASE II 152.741,57 122.193,26 79 122.193,26 48.931,98 48.931,98 24.329,30 PONTE CALDE-LAS HUMANIZACIÓN DA PRAZA DE ESPAÑA E DO PRIMEIRO TRAMO DA AVENIDA DE VIGO 382.123,45 305.698,76 76 305.698,76 122.416,29 122.416,29 60.866,18 PONTE-CESURES RECUPERACIÓN DO ESPAZO PÚBLICO DE PONTE-CESURES CARA Á RÍA 451.789,10 361.431,28 76 361.431,28 144.734,24 144.734,24 71.962,80 FORCA-REI REFORMA DE ALBERGUE PARA GIMNASIO 390.000,00 312.000,00 75 312.000,00 124.939,61 124.939,61 62.120,78 MORAÑA PROXECTO BÁSICO DE REHABILI-TACIÓN E AMPLIA-CIÓN DE ANTIGO MERCADO MUNICIPAL PARA EDIFICIO SOCIO-CULTURAL MULTIUSOS 889.078,33 711.262,66 75 711.262,66 284.823,33 284.823,33 141.616,00 SILLEDA CAMPO DE FÚTBOL DE BANDEIRA (FASE II) 882.671,16 706.136,93 75 706.136,93 282.770,75 282.770,75 140.595,43 SOUTO-MAIOR REMODELACIÓN DO CAMPO DE FÚTBOL MUNICIPAL DE ARCADE 352.098,40 281.678,72 73 281.678,72 112.797,53 112.797,53 56.083,66 BUEU CONSTRU-CIÓN DE PISCINA MUNICIPAL CUBERTA EN BUEU 2.798.911,96 1.500.000,00 66 1.500.000,00 600.671,20 600.671,20 298.657,60 GROVE, O PROXECTO DE AUDITO-RIO E ESCOLA DE MÚSICA 4.318.266,85 1.500.000,00 64 1.500.000,00 600.671,20 600.671,20 298.657,60 CAÑIZA, A URBANIZA-CIÓN DO PARQUE CENTRAL DO CONCELLO DE A CAÑIZA 383.217,15 306.573,72 63 306.573,72 122.766,67 122.766,67 61.040,38 MONDA-RIZ DOTACIÓN DE INFRAES-TRUTURAS NOS CAMPOS MUNICIPAIS DE FÚTBOL DE A LAGOA. MONDARIZ 529.962,41 423.969,92 63 423.969,92 169.777,68 169.777,68 84.414,56 MEIS REFORMA E ADECUA-CIÓN DA PRAZA DE ESPAÑA DO MOSTEIRO 297.170,81 237.736,65 61 237.736,65 95.201,04 95.201,04 47.334,57 RODEIRO MELLORA DO PAVILLÓN POLIDEPORTIVO E XIMNASIO MUNICI-PAIS E A SÚA ADAPTA-CIÓN Á NORMATI-VA VIXENTE 442.878,50 354.302,80 60 354.302,80 141.879,66 141.879,66 70.543,48 GONDOMAR PROXECTO DE REFORMA DA PRAZA DE A PARADELA E DA SÚA CONTORNA 798.820,74 639.056,65 51 639.056,65 255.908,62 255.908,62 127.239,41 NIGRÁN NOVA BIBLIOTE-CA MUNICIPAL DE NIGRÁN 1.849.525,23 1.479.620,18 51 1.479.620,18 592.510,16 592.510,16 294.599,86 PORRI-ÑO, O MÓDULO DE ATLETISMO EN O PORRIÑO 1.000.000,00 800.000,00 50 800.000,00 320.357,98 320.357,98 159.284,04 TOTAL 25 22.879.476,13€ 14.983.238,63€ 14.983.238,63€ 6.000.000,00€ 6.000.000,00€ 2.983.238,63€ CONCESIÓN DE SUBVENCIÓNS PARA INVESTIMENTOS EN EQUIPAMENTOS E DOTACIÓNS SINGULARES NA MELLORA DO REEQUILIBRIO TERRITORIAL DOS SERVIZOS. CONCELLOS DE MENOS DE 20.000 HABITANTES ANEXO II – RELACIÓN DE SOLICITUDES EXCLUÍDAS CONCELLO DESCRIPCIÓN MOTIVO EXCLUSIÓN BAIONA PROXECTO DE REHABILITACIÓN E RESTAURACIÓN DE INMUEBLE DESTINADO A USOS ADMINISTRATIVOS (CASA CONSISTORIAL) O concello non emendou dentro do prazo sinalado o requirimento de subsanación da súa solicitude: a) Segundo as bases reguladoras descártanse aqueles proxectos que non acaden unha puntuación de 50 puntos; trala valoración do proxecto non acada a puntuación mínima. b) Segundo as bases reguladoras o importe da subvención será como máximo o 80% do custe da actuación. O importe solicitado excede do 80% sobre o orzamento consignado na solicitude, e asemade este non coincide co que figura nos anexos e proxecto. Na súa emenda o concello presenta unha nova solicitude co importe da subvención corrixido, 918.509,04€, mantendo o orzamento orixinal, 1.148.136,30€. O concello achega tamén corrección de erros da resolución de modificación da solicitude de subvención e declaración explicativa de non superar a subvención o 80% do orzamento, reflectindo en ambos documentos un orzamento de 1.148.163,30€, que non coincide co consignado na solicitude, polo que consignase un importe diferente en cada documento. (Bases 3ª e 7ª) CERDEDO-COTOBADE RECUPERACIÓN PATRIMONIAL ETNOGRÁFICA E PAISAXÍSTICA DOS BAÑOS DE S. XUSTO O concello non emendou dentro do prazo sinalado o requirimento de subsanación da súa solicitude: Segundo as bases reguladoras, debe achegarse a aprobación do proxecto técnico. Na contestación ó requirimento o concello envía o compromiso de aprobalo, en vez da aprobación. (Base 7ª) CUNTIS HUMANIZACIÓN VIARIO DO POLÍGONO INDUSTRIAL DE A RAN E VIVEIRO DE EMPRESAS EN MEIRA Segundo as bases reguladoras o obxecto da convocatoria son actuacións singulares en equipamentos socio-culturais, administrativos, deportivos, de ocio e lecer, ou en espazos libres ou de ocio locais, de uso para toda a cidadanía. O proxecto achegado describe distintas actuacións en varios espazos, polo que se incumpre o requisito dunha única actuación singular (Base 1ª) LAMA, A CENTRO DE DÍA CON ÁREA RESIDENCIAL RÚA IGLESIA-A LAMA O concello non emendou dentro do prazo sinalado o requirimento de subsanación da súa solicitude: Segundo as bases reguladoras o obxecto da convocatoria diríxese a execución de equipamentos e dotacións municipais, extremo que non queda acreditado na documentación achegada xunto coa solicitude. A estes efectos o concello remite acordo do pleno de solicitude da subvención na que non se fai referencia á competencia municipal para a execución da finalidade, e non se achega o Anexo II (que si recolle tal extremo) Na contestación ó requirimento o Concello achega Anexo II, segundo o cal acórdase solicitar subvención mediante resolución de alcaldía, cando na documentación achegada xunto coa solicitude realizábase mediante acordo do Pleno. Asemade, a data da resolución é de 24/10/2017, posterior ó prazo establecido nas bases para a súa aprobación, 30/09/2017. En consecuencia o Anexo II fai referencia a un órgano competente distinto do que aproba a solicitude de subvención e asemade resulta extemporáneo. (Bases 1ª e 7ª) MONDARIZ-BALNEARIO AXARDINAMENTO E RECUPERACIÓN DE ELEMENTOS HISTÓRICOS RECINTO GRAN HOTEL Segundo as bases reguladoras non se poderán acoller á convocatoria as solicitudes que non incorporen un proxecto xa redactado. A solicitude de 11/09/2017 non achegaba proxecto técnico. En data 28/09/2017 o concello achega proxecto técnico con data de sinatura electrónica 25/09/2017, posterior á súa propia solicitude. En consecuencia a solicitude debe considerarse extemporánea (Base 3ª) MOS REFORMA DE PAVILLÓN DEPORTIVO PENA DE FRANCIA Segundo as bases reguladoras quedan excluídos como beneficiarios os concellos que orzamentasen un importe superior a 600.000,00€ na execución de infraestruturas de mobilidade por medio de convenios específicos en execución, executados, aprobados ou formalizados dentro do presente mandato. De acordo co informe de mobilidade de 26/10/2017, consta convenio co concello para a execución do proxecto "Mellora da Seguridade Viaria da E.P. 2603 Puxeiros-Peinador (Mos)" cun orzamento de 632.857,31€. (Base 2ª) POIO PROXECTO SINGULAR DE RECUPERACIÓN DE ENTORNOS TRADICIONAIS Segundo as bases reguladoras o obxecto da convocatoria son actuacións singulares en equipamentos socio-culturais, administrativos, deportivos, de ocio e lecer, ou en espazos libres ou de ocio locais, de uso para toda a cidadanía. O proxecto achegado describe distintas actuacións en varios espazos, polo que se incumpre o requisito dunha única actuación singular (Base 1ª) PORTAS CAMPO DE FÚTBOL DE ROMAI Segundo as bases reguladoras o obxecto da convocatoria son actuacións singulares en equipamentos socio-culturais, administrativos, deportivos, de ocio e lecer, ou en espazos libres ou de ocio locais, de uso para toda a cidadanía. O proxecto achegado non cumpre co obxecto da convocatoria en canto á construción e desenvolvemento de proxectos de carácter definido e de referencia construtiva completa. O proxecto non supón unha mellora substancial no equipamento existente. Débese así mesmo lembrar que o concello de Portas xa dispón dun campo de fútbol dotado de céspede artificial e equipamentos necesarios para a práctica deste deporte. Este proxecto non inclúe melloras como construción de vestiarios, graderío (que puidera darlle un carácter de oferta completa, eficiencia enerxética por substitución posible de luminarias, etc.). En consecuencia o proxecto resulta tecnicamente inviable (Base 1ª) RIBADUMIA REFORMA, AMPLIACIÓN DE EQUIPAMENTOS PÚBLICOS E URBANIZACIÓN DO CONXUNTO Segundo as bases reguladoras o obxecto da convocatoria son actuacións singulares en equipamentos socio-culturais, administrativos, deportivos, de ocio e lecer, ou en espazos libres ou de ocio locais, de uso para toda a cidadanía. O proxecto achegado non cumpre co obxecto da convocatoria en canto á construción e desenvolvemento de proxectos de carácter definido e de referencia construtiva completa, e asemade non cumpre coas condicións mínimas de proxecto básico. O proxecto non supón unha mellora substancial nos equipamentos existentes, senón que se limita á súa reforma primando as necesidades do espazo público intersticial, de xeito que a intervención sobre os edificios existentes resulta desproporcionada fronte á mellora agardada. Polo tanto, a calidade e o impacto da intervención considéranse insuficientes. (Base 1ª) ROSAL, O MELLORA DE MOBILIDADE PEONIL ENTRE SAN MIGUEL DE TABAGÓN E VALDEMIÑOTOS Segundo as bases reguladoras o obxecto da convocatoria son actuacións singulares en equipamentos socio-culturais, administrativos, deportivos, de ocio e lecer, ou en espazos libres ou de ocio locais, de uso para toda a cidadanía. A actuación solicitada proxéctase sobre as redes viarias provincial e autonómica, polo que non se adecúa ó obxecto da convocatoria (Base 1ª) SALCEDA DE CASELAS PROXECTO DE MELLORA E ACONDICIONAMENTO DA PRAZA DE DEVESA NO CONCELLO DE SALCEDA DE CASELAS O concello non emendou dentro do prazo sinalado o requirimento de subsanación da súa solicitude: Segundo as bases reguladoras, debe achegarse acordo de aprobación da solicitude de subvención e certificado de titularidade ou de cesión de uso do ben obxecto do investimento. Na contestación ó requirimento o concello envía aprobación do proxecto técnico, mais non achega o acordo de aprobación da solicitude de subvención. Asemade, respecto da titularidade achégase resolución da alcaldía declarando a titularidade municipal, mais non se achega certificado ó respecto expedido polo funcionario público competente. (Base 7ª) SALVATERRA DE MIÑO ACONDICIONAMENTO DAS PISCINAS MUNICIPAIS Segundo a bases reguladoras resultan subvencionables cun orzamento superior ó que lle correspondeu ó concello solicitante na Liña1-investimentos- do Plan Concellos 2017. O orzamento do proxecto achegado ascende a 310.847,52€, mentres que a cantidade asignada na Liña 1-Investimentos- do Plan Concellos 2017 foi 449.174,25€ (Base 1ª) SANXENXO REFORMADO CENTRO SOCIOCULTURAL E DA TERCEIRA IDADE Segundo as bases reguladoras quedan excluídos como beneficiarios os concellos que orzamentasen un importe superior a 600.000,00€ na execución de infraestruturas de mobilidade por medio de convenios específicos en execución, executados, aprobados ou formalizados dentro do presente mandato. De acordo co informe de mobilidade de 26/10/2017, consta convenio co concello para a execución do "Proxecto integral de mobilidade da Avenida Luis Rocafort" cun orzamento de 1.650.759,28€. (Base 2ª) TOMIÑO BIBLIOTECA MUNICIPAL DE TOMIÑO Segundo as bases reguladoras quedan excluídos como beneficiarios os concellos que orzamentasen un importe superior a 600.000,00€ na execución de infraestruturas de mobilidade por medio de convenios específicos en execución, executados, aprobados ou formalizados dentro do presente mandato. De acordo co informe de mobilidade de 26/10/2017, consta convenio co concello para a execución do proxecto "Mellora da conexión entre a E.P. 3102 Tomiño-Sabarís e PO-344 ó seu paso polo núcleo urbano de Seixo (Tomiño)" cun orzamento de 1.650.759,28€. (Base 2ª) TUI SENDA FLUVIAL DO RÍO MIÑO O concello non emendou dentro do prazo sinalado o requirimento de subsanación da súa solicitude: Segundo as bases reguladoras as subvencións para cada actuación terán un límite de 1.500.000,00€, ascendendo o importe solicitado polo Concello a 1.842.484,32€. Asemade, as bases sinalan que xunto coa solicitude deberá achegarse certificación da titularidade ou de cesión do uso dos bens nos que se vai executar o investimento, declaración doutras axudas, compromiso de comunicar as que se reciban no futuro, e no seu caso, solicitude das autorizacións sectoriais correspondentes. Respecto do proxecto técnico as bases indican que se presentará tanto en formato papel como dixital xunto coa solicitude, incluíndo cronograma de actuación, tendo en conta que os investimentos deberán estar rematados a 30/06/2019. A estes efectos, o concello non remite proxecto en formato papel e o cronograma incluído excede da data límite de finalización fixada nas bases. Cumprido o prazo outorgado para a emenda das anteriores faltas/omisións non se recibiu contestación. (Bases 3ª e 7ª) VALGA REMATE EDIFICIO USOS ADMINISTRATIVOS E ACONDICIONAMENTO PRAZA VICENTE COUSIÑO Segundo as bases reguladoras o obxecto da convocatoria son actuacións singulares en equipamentos socio-culturais, administrativos, deportivos, de ocio e lecer, ou en espazos libres ou de ocio locais, de uso para toda a cidadanía. O proxecto achegado non cumpre co contido de proxecto básico. Non se presenta documentación da urbanización da praza, polo que non é posible a consideración do proxecto para a súa avaliación. O proxecto presentado non cumpre co obxecto da convocatoria en canto a construción e desenvolvemento de proxectos de carácter definido e de referencia construtiva completa. O proxecto non supón unha mellora substancial no equipamento existente, senón que se limita á súa redistribución e equipamento. A documentación técnica non define a solución da urbanización exterior, limitándose á súa mención nunha liña na memoria descritiva, sen reflectirse na documentación gráfica a súa configuración espacial nin construtiva. Polo que a proposta resulta incompleta e en consecuencia a súa avaliación técnica en conxunto non é posible. En consecuencia non se trata dun proxecto singular (Base 1ª) VILA DE CRUCES CONSTRUCIÓN DE PISCINA CLIMATIZADA E XIMNASIO O concello non emendou dentro do prazo sinalado o requirimento de subsanación da súa solicitude: a) Segundo as bases reguladoras o importe da subvención será como máximo o 80% do custe da actuación; a porcentaxe restante terá que ser achegada polos concellos solicitantes, ben dos seus fondos ou da contía que lles corresponda no Plan Concellos da Deputación. O importe solicitado excede do 80% do orzamento. Na súa emenda o concello achega modificación do acordo de solicitude de subvención rectificando o importe da subvención, sen que se indique como se cofinanciará a parte restante. b) Asemade, segundo as bases reguladoras non se poderán acoller á convocatoria as solicitudes que non incorporen un proxecto xa redactado. En data 28/09/2017 o concello achega proxecto modificado por mor da rectificación de marcas comerciais, xunto coa súa aprobación pola XGL. O proxecto aprobado constitúe un modificado, circunstancia non prevista polas bases, e posterior a solicitude de subvención. A estes efectos consta no expediente correo electrónico do concello no que indica que o proxecto achegado o 28/09/2017 non é o remitido inicialmente. c) O concello non acredita a dispoñibilidade dos terreos para a execución do investimento. Segundo o anuncio publicado no BOPPO núm.199 de 17/10/2017 e a documentación achegada coa solicitude, no momento do fin do prazo para achega da documentación, 30/09/2017, os terreos estaban cualificados como de uso educativo, sendo a finalidade do investimento deportiva, producíndose o cambio de uso con posterioridade. (Bases 3ª e 7ª) VILANOVA DE AROUSA CENTRO DE TALASOTERAPIA O concello non emendou dentro do prazo sinalado o requirimento de subsanación da súa solicitude: Segundo as bases reguladoras non se poderán acoller á convocatoria as solicitudes que non incorporen un proxecto xa redactado. Asemade segundo as bases deberán achegarse acordos de aprobación da solicitude de subvención e do proxecto. Na súa emenda o concello achega proxecto en formato papel de data 24/10/2017, e acordo de aprobación de solicitude de subvención e proxecto de mesma data. Asemade, modifícase o importe da subvención e orzamento respecto do inicialmente solicitado. Polo que, tanto o proxecto como a súa aprobación e a da subvención son posteriores ó prazo de presentación de solicitudes. (Bases 3ª e 7ª) TOTAL 18 10.7041.- DERROGACIÓN DA ORDENANZA REGULADORA DO USO E DEFENSA DAS ESTRADAS PROVINCIAIS Sra. Presidenta.- Pasamos o punto 10 da orde do día. Derrogación da ordenanza reguladora do uso e defensa das estradas provinciais. Señor, perdón, non sei que lle pasa hoxe, non son capaz de poñelo, agora. Sr. Benítez, ten vostede a palabra. Sr. Benítez Fernández.-Bo día a todos e a todas. Simplemente para explicar que o que traemos aquí é unha derrogación dunha ordenanza, unha ordenanza que aprobou este pleno, no ano 95, unha ordenanza reguladora do uso e defensa das estradas provinciais. I o motivo polo que traemos é porque estaba xerando certa inseguridade xurídica e certa problemática para os administrados o feito de ter ou posuír unha ordenanza provincial reguladora i ó mesmo tempo que, e o mesmo tempo ... un momento. Continúo. I existía unha, a Xunta, o Parlamento Galego aprobou unha lei de estradas i a lei de estradas no ano 2013, co posterior regulamento do 2016 que o que veu a facer nesa lei de estradas, non, así como non era na anterior lei de estradas o feito de que é de aplicación nas estradas provinciais. A lei de estradas de Galicia, aprobada no Parlamento Galego, impulsada pola Xunta é de aplicación nas estradas provinciais, eso, por certo, está xerando bastantes problemas a moitos dos alcaldes e alcaldesas que veñen pola, que veñen pola Deputación, pois, porque a efectos, por exemplo, de alineación a lei de estradas establece quince metros desde o dominio público, as alineacións, entón os concellos que non teñan no seu, no seu plan xeral as alineacións delimitadas será un problema bastante importante. Esa lei foi aprobada no, como decía antes, no ano 2013, i o regulamento que a desenvolve no ano 2016, i esa lei, o regulamento, a lei e o regulamento son suficientemente restritivos i están, o regulamento está suficientemente desenvolvido, co cal é máis restritivo ca nosa propia ordenanza e a nosa propia ordenanza carece de sentido, ¿non?. Tiña habido algunhas problemáticas no servizo de veciños e veciñas que existindo esa ordenanza decía “no, no, pero hai que someterse á ordenanza”, cando xa desde o propio servizo todos os funcionarios estaban seguindo, como ten que ser, unha lei superior que é a lei de estradas i é a que é de aplicación, ¿non?. Polo tanto, por esa problemática, por esa inseguridade xurídica que xeraba ás persoas, pois, se lle propuxo e se propón aquí ó pleno a derrogación desta ordenanza, porque xa carece de sentido ó ter que ser de aplicación a lei de estradas de Galicia. Sr. Presidente (Sr. Mosquera Lorenzo).- Grazas Sr. Benítez. ¿Algunha intervención máis?. Bueno, pois, procedemos á votación, eu estou afeito a facer ó revés, entonces, ¿votos en contra?. Ningún. ¿Abstencións?. Ningunha. ¿Votos a favor?, pois os que sean, apróbase por unanimidade dos presentes. Con data 16 de xaneiro de 1996, BOP nº 11, publícase o acordo plenario 27 de outubro de 1995 polo que se aproba a nova Ordenanza Reguladora do Uso e Defensa das Estradas Provinciais. Esta ordenanza viña de aprobarse como consecuencia da adecuación a entón nova Lei de Estradas de Galicia, Lei 4/94, de 14 de setembro. Despois de máis de vinte anos de aplicación, a día de hoxe, e ante a entrada en vigor da nova Lei 8/2013, do 28 de xuño, de Estradas de Galicia e o seu Regulamento de desenvolvemento, o Decreto 66/2016, ademais das novas Leis de Procedemento Administrativo das Administracións Públicas, Lei 39/2015 e de Réxime Xurídico, Lei 40/2015, a Ordenanza Reguladora do Uso e Defensa das Estradas Provinciais vén de resultar obsoleta pola súa inadecuación aos novos preceptos normativos. Dentro dos obxectivos da Lei 8/2013, tal e como se sinala no seu preámbulo, atópase a necesidade de homoxeneizar o tratamento das distintas estradas que transcorren polo territorio da Comunidade Autónoma de Galicia e que non están incorporadas a rede do Estado, como é o caso da Rede de Estradas da Deputación Provincial de Pontevedra. Asemade, preténdese redefinir o sistema de protección do dominio público viario coa harmonización das definicións e dimensións das zonas de protección e os seus usos autorizables establecendo novas distancias nas liñas límite de edificación e novos tratamentos nos treitos urbanos das estradas. De todo elo deriva que, ante a nova regulación, ante os cambios de conceptos e condicións do contido das autorizacións sectoriais, ante a nova reasignación de competencias Concellos/Deputacións nos treitos urbanos e, en definitiva, ante o novo réxime xurídico aplicable, a vixencia da Ordenanza Reguladora do Uso e Defensa das Estradas Provinciais e a súa aplicación xera contradicións no eido da hermeneútica xurídica de difícil resolución. É así que, coa finalidade de garantir a seguridade xurídica que debe presidir a actuación administrativa, entendemos que coa regulación actual da Lei de Estradas de Galicia 8/2013 e o seu regulamento de desenvolvemento, o Decreto 66/2016, ademais das leis de Procedemento Administrativo das Administracións Públicas, Lei 39/2015 e de Réxime Xurídico, Lei 40/2015, Ordenanzas Fiscais vixentes por autorizacións e aproveitamentos do dominio público e a Ordenanza de Seguridade Viaria, queda regularizada e actualizada toda a normativa aplicable en materia de estradas e dominio público viario e contemplados todos os supostos, pormenorizadamente, sen necesidade de desenvolvemento, a maiores, por parte desta Administración Local. Asemade, analizada a situación desde o punto de vista técnico, o mantemento da ordenanza actual, lonxe de constituír unha garantía, supón un elemento de confusión na práctica diaria. A este respecto, a Lei 8/2013 é moi clara, na súa parte expositiva, ao establecer a obrigatoriedade da súa aplicación por parte das Entidades Locais da Comunidade Autónoma e o seu carácter de normativa básica. Á vista de todo o exposto e ao abeiro dos antecedentes e fundamentos xurídicos do informe do Servizo de Mobilidade, de data 7 de novembro de 2017, así como do recollido no informe do Sr. Secretario, de data 9 de novembro de 2017, o Pleno acorda por unanimidade: Primeiro.- Aprobar inicialmente, en base á fundamentación recollida na parte expositiva, a derrogación da Ordenanza Reguladora do Uso e Defensa das Estradas Provinciais, publicada no BOP de data16 de xaneiro de 1996, BOP nº 11. Segundo.- Expoñer o acordo de aprobación inicial ao público durante o prazo de trinta días a partires da publicación do anuncio no BOPPO a fin de que os interesados e interesadas poidan examinar o expediente e formular as alegacións que consideren oportunas. Finalizado o período de exposición pública, adoptarase o acordo definitivo que proceda, resolvendo as reclamacións presentadas. No caso de que non se tiveran presentadas reclamacións, entenderase definitivamente aprobado sen necesidade de novo acordo plenario. 11.7042.- MOCIÓN DO GRUPO PROVINCIAL DO PARTIDO POPULAR (PP) SOLICITANDO Á DEPUTACIÓN LIÑAS DE AXUDAS ESPECÍFICAS PARA PALIAR OS DANOS DOS INCENDIOS Sr. Presidente (Sr. Mosquera Lorenzo).- Punto 11. Moción do Grupo Partido Popular solicitando á Deputación liñas de axudas específicas para paliar os danos dos incendios. Sr. Moldes. Sr. Moldes Martínez.- Si. Desde o Grupo Popular presentamos un pouco esta moción porque no seu día, pois, saíron en todos os periódicos, e incluso, foi portada en moitos sitios, que a Diputación iba a destinar a día de hoxe 90 millóns para os incendios. Vendo diante miña ó alcalde de Nigrán, sin ningún tipo de problema contra el, eu me pregunto, por exemplo, como o alcalde de Nigrán lle pode explicar ós veciños, si lle veñen a preguntar, ¿como fai e dónde están eses 90 millóns da Diputación?, ou ¿canto lle toca a Nigrán dos 90 millóns da Deputación?. Eu creo que vostedes despois de primeiro decir “que o único que iban a facer era criticar á Xunta para pedir colaboración polos incendios”, despois se viron presionados, entre a presión que fixemos nós como grupo, e entre a presión dos seus propios alcaldes que empezaron a decir “que tiña que facer algo máis a propia Diputación”, pois, se atopan e salen ante os medios decindo “que tiñan 90 millóns para incendios”, que meteron todo, hasta aí podía ir hasta campañas na calle, eu creo que non foi serio, vostedes saben que vostedes non teñen 90 millóns para incendios, vostedes o saben, vostedes saben que non, incluso, no próximo presuposto saben que tampouco van 90 millóns para incendios. Logo, como nós sabemos eso, o que lle vimos a propoñer é algo máis serio e máis concreto, que incluso nalgún concello, no propio concello de Redondela, me parece que o propio Bloque Nacionalista Galego presenta mocións casi pedindo cousas parecidas. Logo, nós o que lle pedimos é que colaboren, como outras administracións teñen que colaborar e o van facendo, cos afectados é o que lle pedimos, non lle pedimos que a Diputación asuma toda as competencias as propias, as impropias e que sea unicamente a Diputación, no, nós queremos que o Estado colabore, que a Xunta colabore, pero que a Diputación tampouco deixe abandonados ós concellos. Logo, nós, na nosa moción o único que lle pedimos, nin tan siquera lle poñemos cantidá, é que si vostedes van a destinar algo ós concellos que sexa unha línea independiente, que non sexa simplemente quitarlle o que xa lle toca, que é polo Plan Concellos, quitarllo para destinarllo ós incendios. Nós o que pedimos é unha línea independiente donde se poida acceder a ela sin verse, en este caso, e, influenciada ou afectada o que xa lle tocaba por lei que o mellor os alcaldes, pode ser o de Nigrán ou calquera outro alcalde, pois tiña destinada a saneamiento, ao que sexa. Logo nós, non lle poñemos nin tan sequera cantidade, non queremos facer demagoxia, sólo lle pedimos, si van a quitar unha línea de colaboración cos concellos o único que lle pedimos é que sexa clara e independente, e que non veñan na prensa decindo “temos 90 millóns para incendios”, porque vostedes saben que no, nin están agora no presuposto, nin van a facer ningunha modificación, nin tan sequera van a ir nos próximos presupostos. Porque, si somos obxectivos nos próximos presupostos falamos de cento cincuenta e sete millóns de euros non vamos a destinar noventa a incendios, non é serio. Lle pedimos que volvan a recuperar o PAC, ¿por que?, porque en moitos concellos víronse afectadas as traídas de augas, os depósitos e demais. E, antiguamente, este plan que solicitaban asociacións de particulares e demais era moi utilizado, e aí se demostra que en concellos como en Redondela o Bloque Nacionalista Galego fai unha proposta para recuperar traídas de augas e demais. Logo, entendemos que é algo necesario e que agora os veciños lle demandan ós concellos, logo, entendemos que sería unha boa formula para cooperar cos concellos afectados. Tamén lle propoñemos algo que xa trouxemos aquí cunha moción, e que xa outras diputacións fan, que os concellos base dos Ges, que están dando servicio a outras, outros concellos e demais, pois a ese concello base que colaboremos pagando os gastos de ese concello base que dá servicio a outros concellos. Logo, nós o que traemos aquí é unha proposta concreta, non vimos cun titular de prensa e seguro que maña non vamos a salir nas portadas como saíron vostedes decindo que “tiñan 90 millóns para os incendios” pero entendemos que o que traemos nós é máis realista, que está pensado en demanda real dos propios concellos e incluso de outros partidos. E sobre todo non é, en este caso, unha proposta que o que pretende é facer demagoxia, porque sinón pondríamos aquí unha cantidade e xa está, nin tan sequera lle puxemos cantidá, sólo lle pedimos que sexa unha línea independente ó Plan Concellos e que se trate dunha subvención directa, non que veñan neste caso a restar o que lle toca ós concellos polo Plan Concellos. Moitas gracias. Sr. Presidente (Sr. Mosquera Lorenzo).- Grazas Sr. Moldes. ¿Hai algunha?. Bueno, entonces por parte do BNG interveño eu. Empezando polo, polo final, mire, o PAC, o PAC aquí nesta Diputación non era política agraria común era o plan de acción caciquil ¿vale?, seguindo moitos anos e, á parte, o único que se utilizaba era para darlle subrepticiamente a algún alcalde seu ou ben para intentar minarlle ou segarlle a herba a algún alcalde ou alcaldesa que non era seu, ¿vale?. Porque, aplicado a competencias municipais o lóxico é que vaia a través dos concellos. Eu agardo que nunca tal plan se resucite, pero, en todo caso, ultimamente estaba medio moribundo porque en canto se puxeron as condicións das subvencións, de que había que xustificalas ben e demais, practicamente, a maioría desistiron, o sea, desistiron e non se cumpriron. Pero, con respecto ó fondo da cuestión, que non sei cal é porque dispara para todos os lados, pero bueno, supoñamos que sea as axudas ós concellos. Mire, hai unha cousa que, perdón me vou a poñer tempo senón vai parecer que falo o que ... e non é a miña intención falar o que non corresponde ... ¿Que?. Xa. Vamos a ver, mire, nós o que fixemos cando foi esto dos incendios foi analizar a situación e ver o que había. Entonces, si nós damos unha línea de axudas, como di usté, estaríamos creando dous problemas: Un, que os concellos non sabían se acollerse a esta da Xunta ou do Estado, ¡vale!, co cuál nós dicímoslle, “mire, usted mire por donde pode conseguir algunha axuda, si necesite vote a man do da Diputación e si non o necesite non”, o sea, quedou nas súas mans. Por certo, que á maioría dos concellos lle pareceu razonable, absolutamente razonable, porque o outro vai a ser un follón de… En segundo lugar, en segundo lugar, acordarse de Santa Bárbara cando trona, ¡eh!, non é unha boa política, polo tanto pensar que o problema dos incendios, a situación do monte é unicamente e exclusivamente dos que arderon este ano é estar algo de pan, se é que se pode supoñer que había, para agora, e fame para mañán, o sea, volverán a arder eses concellos ou outros dentro de tres, cinco, sete ou dez anos, ¿eh?. Polo tanto, si que é certo que poñemos a disposición dos concellos a cantidá que vostede dixo, po monte, para no, no, tal. O que queda nas mans dos concellos, con todo o asesoramento da Deputación, é que medidas adoptan para previr que poida suceder esto ou si suceda que faga moitos menos danos, explícome, por exemplo si a un concello se lle queimaron todos os contenedores de lixo ¿eh?, e resulta que ten que cambialos e poñer outros que non sean susceptibles de arder o que non queimou tamén pode facelo, e debería facelo, ¡claro!, se é que sucede eso ou colocalos de maneira que non ardan, non, dámoslle agora, o sea, a quen lle ardeu e demais, que xa pode conseguilo cambiando, repito, cambiando os cartos do, vamos, do Plan Concellos ou mediante as subvencións que poida conseguir da Xunta ou do que sea. Entonces, si realmente se quere actuar e nos sensibilizamos co asunto, tanto os concellos que lle ardeu coma os que non lle ardeu, é un problema universal non é un problema só dos que arderon, ¿está claro?, ¿non?. En Pontevedra ardeu hai, en esta zona, ardeu hai, no 2006, esta vez non ardeu, bueno, noutros arde ou non arde. Bueno, pois o que haberá é que ir dotando as infraestruturas e colocando, vamos, os servicios de maneira que non pase eso, si ten o alumbrado público inda con farolas de madeira ou que poidan arder, pois, quíteas pero tanto o que lle ardeu coma o que non lle ardeu, para que cando arda non pase eso, ¿vale?. Entonces, o que deixamos foi na man dos concellos ¿eh?, esta cantidá de recursos coa idea, á parte da, digamos dos específicos da Universidade e demais, coa idea de que poidamos mellorar a protección do noso territorio con respecto ós incendios, ¡no!, esa foi a idea. Entonces, ahora, andar a ver quen corre máis para decir; “ a ver ó afectado vámoslle dar”, xa hai unhas líneas, ¿non?, non corresponde a esta Diputación, ustedes sábeno, que non corresponde, xa o saben, ahora ós concellos deixámoslle, deixámoslle esa posibilidade, que creo que é, vamos, positiva e que pódolle dicir que eu vivín moi directamente o do 2006, como foron as subvencións e sei algo desto, e, desde logo, non é por aí por onde se arregla, ¿eh?, non é por aí, pode estar radicalmente seguro. ¿Algunha intervención máis?. Sr. López Font.- Gracias Presidente. Cada pleno que celebramos es una propuesta de factura por parte de ustedes. Cada pleno que celebramos pretenden el que se incrementen una serie de cantidades, en un pleno por un motivo, en otro pleno por otro motivo. El otro día iniciaba el sumatorio de lo que hubieran sido sus propuestas aquí, y la verdad es que se iba…, usted habla de cantidades reales, se iba a unas cantidades, ciertamente, desorbitadas, y, sorprende el que ustedes planteen aquí estas cuestiones con esta alegría y con esta falta de rigor, porque además, porque además, ustedes van de campeones de la contención del gasto, el Sr. Montoro y el Sr. Núñez Feijóo son los campeones del equilibrio presupuestario, y entonces aquí el Sr. Mosquera, Vicepresidente, tiene aquella frase “de la máquina de hacer dinero” y es absolutamente cierto, si a ustedes les hiciéramos caso pues estaríamos en 200, en 250 millones para el presupuesto de esta Institución. Mire, yo creo que el debate hay que centrarlo de otra manera más allá de decir que hay que establecer una línea diferente, porque las cosas cuestan dinero no se puede bajo el paraguas, tal y como ha hecho usted, de decir “no, no decimos cantidades, no nos importa”, no, no, hay que concretar, y entonces hay que concretar y creo que hay que atender muy bien a la propuesta que se hizo desde Presidencia y desde Vicepresidencia. Porque vamos a canalizar a los concellos absolutamente todos los recursos disponibles tanto para paliar los daños de los fuegos ocurridos como para actuar en la prevención, que es un tema ciertamente importante. Lo que ocurre es que ustedes siempre omiten un debate y es el debate de las competencias, y el debate de las competencias hay que centrar bien en a quién le corresponden las ayudas a los fuegos y a las situaciones que han ocurrido sobre las infraestructuras; y esto, ciertamente, corresponde al Gobierno Central y al Gobierno de la Xunta. Nosotros, se han anunciado unas actuaciones muy concretas, que son las que se deben de analizar, fuimos la primera administración, esta Diputación de Pontevedra, la que dijo que debería de ser declarada zona afectada gravemente, en Valencia, en la zona del levante español, en procesos semejantes tardaron 6 días, aquí hubo que esperar hasta el día 10 de noviembre, por lo tanto, si hemos hecho propuestas, si hemos hecho actuaciones concretas, y una de ellas la acabamos de aprobar en este pleno, es decir, hemos modificado la cláusula catorce de las bases del Plan Concellos 2017, para que aquellos concellos que hayan tenido daños en infraestructuras, en bienes, maquinarias, infraestructuras puedan cambiar las subvenciones y las asignaciones que tenían en este año. Por lo tanto, Sr. Moldes, aquí no se trata de hacer demagogias sobre si son 90 o si son no sé cuántos, serán los que sean, lo que si es cierto es que se puede llegar a una determinada cantidad. Pero claro, hay algo muy importante, y es que nosotros creemos en esa autonomía municipal en la que ustedes no creen, y hay una propuesta que se va a materializar y es que tanto el Plan Concellos de 2018 como el 2019 se pueda adelantar para el 2018, para aquellos ayuntamientos que hayan tenido una mayor incidencia y sobre todo que vayan y estén pensando en medidas de prevención. Y son los concellos los que deciden cuanto necesitan y en que infraestructuras. Pero es que también se dijo, se ha quedado usted con el titular de unos determinados millones y demás, es que también se manifestó y se hizo público sacar una segunda convocatoria del plano del parques forestales, con una dotación ampliada para los concellos de acuerdo con las comunidades de montes, para hacer labores de prevención. Aquí no sólo hay que analizar lo que ocurrió sino que también preocupa lo que puede ocurrir. Y luego hay, dos medidas muy concretas, en colaboración con la Universidad, al objeto de que expertos de reconocido prestigio mundial estén en jornadas para que podamos debatir sobre estas cuestiones, y algo también muy importante, y es poner en valor la concienciación y la formación sobre todo dirigido a los más jóvenes. Por lo tanto, esto es un conjunto de medidas que debe analizarse globalmente. Gracias. Sr. Presidente (Sr. Mosquera Lorenzo).- Ben medido aí, parece que …, non hai porque agotar os 5 minutos, ¿eh?, non, dígoo tamén por min, ¿eh?, todos, pero, mídelo planchado. Bueno, ¿algunha intervención?, Sr. Moldes. Sr. Moldes Martínez.- Sr. Font, independientemente que, que poidamos pertencer a partidos distintos e que aquí teñamos moitos debates, pois todo o meu respecto hacia a súa persoa e, incluso, hacia a súa capacidá. Fala vostede de competencias, podemos votar man da lei de emerxencias de Galicia, que vostedes mesmo aprobaron no goberno da Xunta, artículo 38, nos di, “las administraciones públicas colaborarán de forma recíproca en las tareas de restauración, rehabilitación y retorno a la normalidad, la Xunta de Galicia y las Diputaciones provinciales prestarán asistencia a los municipios” e sigue. Vostede di “que hai que falar de competencias” aí temos a lei que vostedes mesmo fixeron cando gobernaban na Xunta e que vostedes aprobaron, que supoño que vostede non estará en contra agora dela. Fala que a nosa proposta, que ó mellor non é seria, que tiña que concretar máis, mire, eu creo que a nosa proposta é bastante construtiva, porque nós hoxe poderíamos aquí vir cos titulares de prensa e empezar a dicirlle “a ver donde están os 90 millóns”, “que pasa cos 90 millóns”, estaríamos aquí toda a mañán con eso, pero non vimos con esa intención, nós non queremos utilizar eses titulares de prensa que utilizou vostede e o seu grupo e o Bloque Nacionalista Galego para decir que “invertían 90 millóns nos incendios”, imaxínense os que realmente son afectados ese momento de esperanza cando leen esa noticia, ¡home, temos noventa millóns!. Vostede imaxínese que outra administración di que o fondo de cooperación local, que si queren os alcaldes que os poden destinar ós incendios, e, podríamos falar de 150 millóns, de 200 e quedarían de marabilla. Non é serio. Si vostedes queren destinar a incendios un millón de euros, pois que sexa un millón, si queren destinar tres, que sexan tres, pero o que non poden decir é “non, temos aí a disposición 90 millóns”; non, vostede o que lle vén decindo ós alcaldes é, “mire, si vostede tiña pensado facer saneamento ou si tiña pensado facer a pavimentación dunha calle, si quere métea no tema forestal porque ten autonomía para facelo. Non é serio. Logo, si vostedes dentro das súas posibilidades e dentro desa execución do 40,498%, si teñen posibilidades. ¿Que queren destinar un millón de euros un millón?. Unha recomendación, si mo permite, fala vostede do plan forestal, non funcionou xa, si somos obxectivos o último algo, en algo falla, igual a idea de fondo pode estar ben pero hai que darlle unha volta, porque ó final sólo se utilizaron 400 e poucos mil euros. Logo, máis que incrementar a partida igual hai que en vez de gobernar de espaldas ás comunidades de montes ou ós concellos escoitalos oye ¿en que fallou esto para que vostedes non fixeran unha solicitude?, ¿dónde podemos mellorar?, ¿en que fallamos para que vostedes non concorriran neste apartado ou nesta subvención?, e non pasa nada, pero o peor é o que se fixo, por ansias de saír, de criticar á Xunta, salir en todos os medios, destinamos 90 millóns a incendios, vostede sabe que non van a ser nin catro, é mentira. Logo, vostedes ó final, o que lle faltaron foi o respecto a aquelas persoas que tuveron a esperanza de que eso lle podría beneficiar. Non é serio. É importante que canto antes salgan nos medios se lle diga, mire, non temos 90 millóns para os concellos afectados nin para os veciños afectados. Eso sería importante, para que todo o mundo soupera de donde parte. Sr. Presidente (Sr. Mosquera Lorenzo).- Gracias señor ... ¿Algunha intervención?. ¿Xa chegaría de debate?, non, non chegou, bueno, Sr. Font. Sr. López Font.- Muchísimas gracias Presidente, otra vez. Mire, la ley de emergencias es de Galicia, la ley de emergencias es de la Xunta de Galicia y a mi las lecturas parciales como las he escuchado muchas veces no me importa escucharlas pero, por mucho que lo repita, no se va a convertir en una verdad. Lo primero que dice la ley de emergencias de Galicia es que una vez que se han producido determinados acontecimientos y determinadas situaciones le corresponde a la Administración Autonómica reponer la situación a como estaba originariamente, esto es así, Sr. Moldes, entonces, me lo pueden contar veinte veces que veinte veces no les voy a aceptar el argumento. Y aquí, ustedes, que ha habido algún debate esta mañana en el que estamos simplemente y siempre en lo mismo, es decir, ustedes legislan, ustedes asignan el gasto a los demás, coloquialmente lo decimos muy fácil, y es la Xunta invita y los demás y los demás pagan. Pero mire, de constructivo esto tiene poco, de constructivo tiene poco, porque yo en todos los debates del Sr. Montoro y del Sr. Núñez Feijóo oigo siempre lo mismo, para meter en algún sitio hay que sacar de otro, y ustedes, como les decía al principio, permanentemente aquí, yo ya me lo temo, da lo mismo el tema que sea, que vienen con una factura determinada para añadir al Plan Concellos y para añadir al presupuesto. Y luego, bueno, me hizo mucha gracia el tema este de la crítica de la Xunta, si nos critica, si es que cada uno asuma sus competencias y ojalá ustedes como partido político lo asumieran e hicieran ejercicio de ello, y todavía me sorprende más el que quiera hacer un juego de palabras con el alcalde de Nigrán, con mi compañero el alcalde de Nigrán y demás. Mire, el alcalde de Nigrán está absolutamente indignado de lo que ustedes utilizan y de cómo utilizan la administración, ustedes tienen un sentido patrimonial de la administración, ustedes son tan osados a ir al Concello de Nigrán, al que, los ciudadanos de Nigrán han elegido a mi compañero como alcalde, para ofrecer la sede del Partido Popular como tramitador de las ayudas de la Xunta, ahí sí que hay ayudas de la Xunta, ahí le quieren explicar a los vecinos veinte mil cosas. Pero, como son tan osados y con tanta desvergüenza política para decir, su portavoz en el ayuntamiento de Nigrán, “que se ofrecen como contacto directo, que ofrecen la sede del Partido Popular para informar y para tramitar esto”. ¿A usted no le parece vergonzoso esto?. ¿A ustedes les parece normal el que un ayuntamiento, el que sea, en este caso es el de Nigrán, se lo salten ustedes, la autonomía municipal, y pasen por encima de los alcaldes?. El alcalde de Nigrán dirá lo que corresponda, pero a lo que está avergonzado es institucionalmente de como utilizan ustedes partidistamente las instituciones. Sr. Presidente (Sr. Mosquera Lorenzo).- Rematou o seu tempo, Sr. Font, tiña ganas de falar, está claro. Veña, Sr. Moldes. Sr. Moldes Martínez.- Sr. Font, que me disculpe o alcalde de Nigrán, pero eu invítolle a que vostede vaia co alcalde de Nigrán e lle faga unha reunión con tódolos veciños, que supuestamente foron enganados polo Partido Popular, que lle dixeron que lle, que canalizaran as bases, mira, o Partido Popular en Nigrán ou en calquera localidad ten a obligación de facer as reunións e explicar o que teña oportuno, pero vostede, vostede, eu invítoo, eu invítoo a vostede, a que vaia co alcalde de Nigrán e lle explique ós veciños afectados donde están os 90 millóns que lle ofrece a Diputación ós veciños de Nigrán. Porque vostede está metendo nun problema ó alcalde de Nigrán, porque mañán, cando lle vaian alí os veciños e lle digan, mira, ¿dos 90 millóns que saliron na prensa que daba a Diputación, canto lles toca a Nigrán?. Logo, vostede como é o que fai todo legal, que todo o fai ben, transparente, obxectivo, mañán, pasado, cando queira, vai vostede, en este caso, co alcalde de Nigrán, fai unha reunión cos veciños e lle di: veciños de Nigrán afectados polos incendios, saimos na prensa ofrecendo 90 millóns de euros, lle tocan ós veciños afectados de Nigrán, 40.000 euros, 30.000 ou 5.000, ¡no!, vostede o meteu nun problema porque lle pasa a responsabilidade ó alcalde de Nigrán, e lle di, mire, do que lle toca por lei do Plan Concellos, vostede destine o que vostede considere oportuno, pero nós invitámolos a que vostede vaia a Nigrán ou a outro concello calquera e lle diga: señores aquí están os 90 millóns de euros que ofrecemos para os concellos afectados, e vostede sabe que non pode ir porque mentiu, lle mentiu ós veciños de Nigrán e lle mentiu ós veciños de toda a provincia. Vostedes non teñen noventa millóns, o que é máis, invítoo a que poña vostede o cargo e os demais a disposición si é verdade ou mentira o que vostedes ofreceron, porque vostede sabe que lle mentiron a toda a provincia, non teñen 90 millóns para incendios, non os teñen. Sr. Presidente (Sr. Mosquera Lorenzo).- Gracias Sr. Moldes. Procedemos á votación, espera, xa che deixo. Eu, o único que me quedou claro é que non lle gustou que permitíramos ós concellos que eses 90 millóns os poidan instar ós incendios, do resto do debate non entendín nada, si era Nigrán, si era non sei que, si era …, non entendín nada pero igual é que estou atascado eu, ¡eh!. Dirixe a votación. Sra. Presidenta.- Moitas gracias. Sometemos a votación a moción do Grupo Provincial do Partido Popular solicitando á Deputación líneas de axudas específicas para paliar os danos dos incendios. ¿Votos a favor?. ¿Votos en contra?. ¿Abstencións?. Queda rexeitado por catorce votos en contra e once a favor e unha abstención. Rexéitase, por maioría de votos en contra do PSdeG-PSOE e do BNG, cos votos a favor do PP e coa abstención do Grupo Mixto (Coalición Electoral SON) a Moción do Grupo Provincial do Partido Popular (PP) solicitando á Deputación liñas de axudas específicas para paliar os danos dos incendios. 12.7043.- MOCIÓN DO GRUPO PROVINCIAL MIXTO (COALICIÓN ELECTORAL SON) EN RELACIÓN COA PROPOSICIÓN DE LEI DE FOMENTO DA IMPLANTACIÓN DE INICIATIVAS EMPRESARIAIS EN GALICIA Sra. Presidenta.- Pasamos ó punto 12 da orde do día. Moción do Grupo Provincial Mixto (Coalición Electoral Son) en relación coa proposta implantación de lei de fomento da implantación de iniciativas empresariais en Galicia. Ten a palabra para a súa defensa o Sr. Jácome Enríquez. Sr. Jácome Enríquez.- Recentemente o PP aprobou a Proposición de lei de fomento de iniciativas empresariais. Esta lei nomeada polos axentes sociais e grupos ecoloxistas como lei de depredación, modifica a lei sobre o sector eólico, mineiro e forestal, de cooperativas, de procedemento administrativo, taxas, extraccións, estradas, patrimonio e conservación da natureza. Estas leis precisaban modificacións e actualizacións pero, dende logo, non desta maneira. Estas modificacións precisan un debate moderado para avanzar nun modelo económico sustentable e sobre todo centrado no país e centrado en modelos económicos non extractivos. A inmensa maioría do negocio xerado en Galiza polas industrias extractivas, minas e enerxía, é facturado por empresas que teñen a súa sede fóra de Galiza, o 81%, unha porcentaxe que se mantivo estable nos últimos anos. É que é maior do 86% se só temos en conta as compañías de máis de 10 empregados. Son os datos publicados polo Instituto Galego de Estatística no seu estudio de multilocalización empresarial. E este é precisamente o modelo que prioriza, este é o modelo que favorece esta lei. Unha lei que non quere outra cousa que simplificar aspectos esenciais das normativas que regulan tanto os trámites ambientais do sector mineiro eólico e forestal como a ordenación do solo industrial de Galiza. Aspectos que deixan a protección dos espazos da rede natura en papel mollado. Unha medida que coa escusa de ser competitiva facilita que o solo industrial se abarate nun proceso de expropiación de terreos particulares, sen garantía algunha para as afectadas. Unha lei que fomenta un modelo forestal liberalizado, ó amparo dos monocultivos madeireiros e de biomasa, cultivos que aumentan o risco de incendio. Despois buscamos tramos terroristas que prenden os nosos montes. Se queren buscar motivos para os incendios forestais só hai que buscar neste texto. Esta norma modifica profundamente a Lei de minería de Galiza, colapsando trámites, reducindo prazos e dando á industria a capacidade para resolver un proxecto á marxe das consideracións dos concellos. Non é casualidade que a absorción de competencias sexa sempre no mesmo sentido, sempre buscando que os ámbitos de decisión estean o máis lonxe posible das persoas. O PP aposta por meter os cambios pola porta de atrás, pola vía de urxencia, co obxectivo de que non exista proxección social, coma noutros casos, coma Corcoesto ou o anteproxecto da Lei de acuicultura. O poder económico vai aprendendo da experiencia. Modifícase o artigo referido ás consultas as administracións e información pública, facendo que os informes preceptivos, medio ambiente, augas e costas deixen de ser determinantes. No artigo orixinal citábanse os órganos ambiental, urbanístico e agrario, como preceptivos e determinantes. Agora aínda que estes informes sexan contrarios, se o criterio de industria é outro o proxecto sigue adiante. O prazo para a admisión destes informes preceptivos baixa de dous meses a un mes, se os informes se reciben fóra de prazo non se terán en conta. Se os informes preceptivos non se reciben industria poderá requerirllos á órgano xerárquico superior do departamento que tería que emitilos, se aínda así non se reciben o procedemento continuará. Os concellos, unha vez máis, os grandes prexudicados. Vou ler só unhas emendas da oposición rexeitadas: “Emenda de substitución ó artigo 1: Constitúe o obxecto da presente lei o fomento da actividade económica combatible con respecto ó medio ambiente e á conservación dos valores propios do país, co obxectivo de que a utilización dos seus recursos naturais, ademais de ser substentable, teña como obxectivo o retorno social da riqueza xerada”. Ten toda a lóxica que este texto fose rexeitado pola PP. Coherencia non lles falto, neste caso, ó goberno da Xunta. Os prazos e as mecánicas das institucións son os que son. Hoxe, traemos esta proposta de rexeitamento da lei de depredación, non para que o goberno da Xunta dea marcha atrás, cousa que sabemos, non vai facer, senón para enviar unha mensaxe. Se na Xunta de Galiza a correlación de forzas fose diferente esta lei nunca tería sido aprobada nin con estes trámites nin con este contido. Moitas grazas. Sra. Presidenta.- Gracias Sr. Jácome. Se non hai máis palabras, ¡ah!, perdón, estéanme atentos. Sr. Font, ten a palabra. Sr. López Font.- Gracias Presidenta. Es una obviedad que la Xunta lleva mucho tiempo de espaldas a las necesidades y a los intereses de las empresas gallegas. Y es cierto que asistimos a una marcha de empresas de Galicia y el Presidente de la Xunta de Galicia se dedica exclusivamente a viajar a Oporto. Esta es una ley, es una norma bajo sospecha, es una norma para saltarse los informes de legalidad, y realmente es una ley de publicidad y propaganda no para atender a las necesidades de las empresas, y también es una ley, como otras, donde se decretan obligaciones, pero que paguen los demás. Como siempre y en este caso lo que nos afecta, invita la Xunta y decía anteriormente, pero pagan los concellos. Los socialistas ya desde el año 2009 reivindicamos un plan serio y no es este el que se presenta, y no es el que se presenta. Este plan no se ha concretado, la Xunta de Galicia se ha limitado única y exclusivamente a que toda su aportación para el mundo de la empresa es de 2,5 millones de euros en avales. Comunidades como Euskadi tienen planes concretos y por importe, en el caso concreto de Euskadi, de mil millones. La realidad, no hay que ocultarla, es que hay empresas que se fueron, que hablaron con el Conselleiro, y que falta, evidentemente, un plan y voluntad política porque sinó es evidente que la fuga de empresas y deslocalización se mantendrá. Nosotros vamos a votar a favor de esta moción, como ya hicimos en algún concello, de la anulación que se propone, no entramos en la valoración de la exposición de motivos, pero si estamos en desacuerdo con esta norma en concreto y por lo tanto demandamos su anulación. Gracias. Sra. Presidenta.- Gracias Sr. Font. Sra. Muñoz, ten a palabra. Sra. Muñoz Fonteriz.- Gracias Presidenta. La verdad que esta es una moción ya conocida, una moción que ya se presentó en el pleno del concello de Vigo, y vemos que están insistiendo por la misma línea y ademáis insistiendo con los mismos argumentos. Mire, esta es una ley, una ley extraordinariamente importante, para toda Galicia y también para la provincia de Pontevedra, una ley extraordinariamente importante, porque tenemos que estar preparados para combatir y, especialmente en la provincia de Pontevedra, con lo cerca que tenemos Portugal, tenemos que estar especialmente preparados, insisto, para combatir la competencia que en este momento supone Portugal con la normativa que tiene y con la capacidad que tiene de maniobra para atraer empresas. No es compatible criticar que las empresas se tengan que ir a Portugal y al mismo tiempo estar en contra de esta ley, no es compatible, hay que tener un poquito de coherencia. Y yo, sinceramente, pediría un poquito de coherencia, porque lo que hay que hacer es poner encima de la mesa soluciones para intentar evitar que nuestras empresas se vayan a otro sitio, pero claro, parece que lo que aquí queremos es poder criticar que se sigan marchando empresas porque siempre podremos criticar al Partido Popular y culpar al Partido Popular. No, no es así, no estamos aquí para eso, y, desde luego, lo que estamos aquí es para poner soluciones y para poner medidas concretas encima de la mesa, fuera de discursos apocalípticos y catastróficos, a los que, por cierto, estamos tan acostumbrados. Esta es una ley que le dice que si al crecimiento, que le dice que si a la actividad económica y que le dice que si, sobre todo, al empleo, porque lo que tenemos que priorizar es la creación de empleo, y son las empresas las que crean empleo, y lo que nos interesa es que se cree empleo en Galicia y que se cree empleo en Pontevedra. Y, lo que non nos gusta es que se repitan mil veces mentiras y mantras que no tienen nada que ver con la realidad, esta ley no restringe ni una sola garantía legal, ni una, todo lo contrario, las fortalece. Es una ley que va hacia la simplificación administrativa, a reducir trabas burocráticas, que es tan importante para intentar facilitar la creación de empresas y la implantación de empresas. Es una ley que da más facilidades para el acceso al suelo industrial, suelo industrial que es tan importante, tan importante para Galicia y para Pontevedra, para que se implante empresas; y es una ley que favorece los incentivos fiscales, precisamente, para eso. Y vuelvo a insistir, son las empresas las que crean puestos de trabajo y no queremos pobreza, queremos creación de puestos de trabajo. Además es una ley, que en contra de lo que acabamos de escuchar, está apoyando a nuestros sectores estratégicos, está apoyando al sector eólico, porque no reduce los derechos de la ciudadanía pero si que mejora las garantías. Es una ley que a diferencia de lo que se acaba de decir en ningún caso supone una liberalización caótica del sector sino todo lo contrario, una liberalización ordenada del sector para que siga siendo capaz de competir y para que tengamos un sector puntero, que es lo que necesitamos, ya que tenemos la mejor materia prima. Es una ley que apoya también al sector forestal, que fomenta la utilización y el uso y la protección de especies arbóreas autóctonas. Es una ley que no, que tampoco reduce las exigencias medio ambientales, ni en el ámbito eólico ni en el ámbito forestal, todo lo contrario, todo lo contrario, sigue extremando las precauciones para garantizar, garantizar el medio ambiente. Y es una ley también que en el sector minero no fomenta las expropiaciones forzosas, eso no es verdad, y si garantiza la posición del propietario y aporta seguridad y transparencia. Es una ley que, en definitiva, permite, permite una simplificación administrativa, pero también, insisto, garantiza las máximas, el máximo blindaje de garantías jurídicas y de garantías medio ambientales. Y, esa, es una realidad que sorprende que a ustedes no les interese ver, quizá lo que no quieren es contribuir a esa ley a través de esa figura que se crea, y que, por cierto, fue pactada con la FEGAMP, de concellos emprendedores, para que los concellos puedan bajar impuestos, facilitar la inversión empresarial en esos concellos y que así se puedan implantar empresas. Quizás es eso lo que a ustedes no les gusta, porque a ustedes, ya sabemos, que lo que les gusta es subir impuestos, ingresar más, para después ser incapaces de ejecutar el presupuesto como acabamos de ver en esta sesión con el nivel de ejecución que tienen en el presupuesto de la Diputación de Pontevedra. En definitiva, lo que estamos aquí hablando es de una ley que es necesaria, que es imprescindible, para nuestro sector empresarial, imprescindible para facilitar la implantación empresarial e imprescindible para la creación de empleo. Y, sorprende que el Partido Socialista, después de haber introducido muchísimas enmiendas a esta ley, haya votado en contra y quiera votar en contra aquí, también, en el Pleno de la Diputación. Sra. Presidenta.- Sr. Mosquera, discúlpeme, le voy a dar luego, voulle dar logo os tres minutos, porque, senón non cumpro co ... de menor a maior e ... Non creo, que sempre protestan en todos os plenos e teñen razón porque é o reglamento. Sr. Jácome, pulse para que lle poida dar, ¿vale?. Ten a palabra Sr. Jácome. Sr. Jácome Enríquez.- Si, moi brevemente. Resulta que reducir prazos de alegacións, simplificar trámites ambientais, favorecer sectores extractivos que non xeran emprego de calidade e si costes ambientais, resulta que é favorecer o desenvolvemento económico do país. En fin, tamén nós estamos un pouquiño cansados de escoitar sempre os mesmos argumentos. Por nós pasamos á votación. Sra. Presidenta.- Gracias Sr. Jácome. Sr. Mosquera. Ten a palabra. Sr. Mosquera Lorenzo.- Si, moi brevemente. Evidentemente, este é un debate máis do Parlamento que de aquí, pero, escoitando certas argumentacións e, bueno, é o que lin na normativa, recórdame, eu era moi pequeniño, aqueles polos de desarrollo do franquismo, aqueles plans e demais, que era moito máis importante, pois, houbo zonas que se libraron de milagro, zonas moi delicadas porque a argumentación era a mesma, postos de traballo, non sei que, desarrollo, non sei que. E a normativa e esa exportación xa sabemos o que son, xa sabemos o que son. Remato cun detalle, o sea, estanlle tirando as casas ou unha nave pequena, ¿verdade?, en solo rústico ou en costas, en costas, a pequenos empresarios ou incluso conserveiras e demais, pero despois, coa ley, moi parecida a esta, pois Ence segue aí, o sea, a conserveira non pode estar ó lado do mar pero Ence si, nunha concesión, claro, para eso se fan as leis e todos sabemos despois como funciona, ¿non?, ó pequeno raca, raca, e despois teñen outros teñen esa capacidade, ¿como é?, industrias estratéxicas, ou actividade estratéxica na lei, que bueno, definimos o que é estratéxica e tira para adiante. Vamos a votar a favor. Obviamente. Sra. Presidenta.- Gracias Sr. Mosquera. Sometemos a votación a ... ¡Ah!, señora, ten a palabra Sra. Muñoz. Sra. Muñoz Fonteriz.- Bueno, si, simplemente insistir, y después de la intervención del voceiro de SON, volver a insistir en que lo que no podemos es admitir que se falte a la realidad de lo que esta ley pretende y volver a insistir una vez más y lo seguiremos diciendo una y mil veces, que esta ley es absolutamente garantista con todos los procedimientos, y se ha tenido especial cuidado en las garantías medio ambientales, especialmente garantista, es una ley que habla de simplificación de trámites, de reducción de plazos en algunos informes, pero en ningún caso de reducción de garantías. Las garantías se mantienen e incluso se incrementan, e insisto en la necesidad de que todos estemos de acuerdo en que debemos de luchar contra la fuga de empresas, que lo que debemos de hacer es que las empresas, es facilitar que las empresas se asienten en nuestro territorio, y que lo que debemos hacer es ayudar a que esas empresas se asienten y eso se hace a través de la normativa y eso se hace a través de las facilidades que hay que dar y que se tienen que dar, no solamente desde la administración autonómica, sino también desde todos los concellos. Es un problema de todos y todos debemos de estar trabajando en la misma línea y sigue sorprendiendo la posición, desde luego, de algún grupo político. Porque es muy sencillo, es muy sencillo, o se está a favor o se está en contra de que se facilite y se simplifique administrativamente y de que se agilicen los tiempos de la administración para que las empresas se implanten en nuestro territorio, se está a favor o se está en contra. Nosotros, claramente, estamos a favor y ustedes lo que parece es que desgraciadamente están en contra. Se está a favor o se está en contra de que se bajen los impuestos para facilitar la actividad económica a las empresas, y que, insisto, generen puestos de trabajo, que es lo que hacen las empresas, generar puestos de trabajo, se está a favor o se está en contra. Nosotros, claramente, estamos a favor y parece que, tanto el Partido Socialista como el Bloque Nacionalista Galego, como las Mareas de Podemos, están en contra. En definitiva, hay que decir si se está a favor o si se está en contra de que las empresas se deslocalicen y de poner encima de la mesa medidas para luchar contra ello. Nosotros si que tenemos claro que ahí estamos en contra, en contra de que las empresas se deslocalicen, y por eso se ponen medidas concretas como esta ley encima de la mesa. Desgraciadamente es de lo que parece, de lo único que parece que están ustedes a favor, de que perdamos empresas, de que se pierda empleo, de que haya pobreza en la provincia y en la Comunidad Autónoma para seguir alimentando ese discurso catastrofista. Nosotros seguiremos trabajando a favor. Muchas gracias. Sra. Presidenta.- Ben, a verdade é que unha queda asombrada, ás veces, cando escoita algunhas cousas, verdade, porque neste país que se chama Galiza, leva o Partido Popular gobernando dende o inicio da democracia ininterrumpidamente, excepto con un bipartito catro anos e outro goberno de dous, e as empresas fuxiron para Portugal, gobernando o Partido Popular, e home, que se veñan a dar conta agora, despois de 40 anos de democracia, gobernando sempre o Partido Popular na Xunta de Galicia, con gobernos do Partido Popular do Sr. Feijóo e que foi cando Portugal foi capaz de ter un plan para, empresarial para Portugal, un Ministerio teñen, un Ministerio para simplificar o procedemento administrativo, e que veñan agora a darse conta de que vostedes o fixeron moi mal, e aproben unha lei, neste momento, despois de anos e anos e anos de permitir que as empresas fuxan fóra de Galicia, e que nos quera dar leccións, pois, a verdade, que un queda cando menos asombrado e sorprendido. Mire, para que quede claro tamén, Sra. Muñoz, xa sabemos que a dereita, os conservadores, nunca entenden que a única forma de redistribuír a riqueza son os tributos, son os impostos, é a política fiscal progresiva, é a que fai que se poida redistribuír. Vostedes, como non creen na redistribución pois teñen ese mantra de baixar os impostos, baixar os impostos, baixar os impostos, que significa que habería menos recursos para sanidade, para dependencia, para educación, para igualdade, para as infraestruturas. E ese mantra, claro, ¿que quere?, vostede seguramente sigue a liña económica de Chicago e eu sigo a de Keinnes e aí hai unhas pequenas diferencias. Sometemos a votación esta moción. Moción do Grupo Provincial Misto (Coalición Electoral SON) en relación coa Proposición de lei de fomento da ampliación de iniciativas empresariais en Galicia. ¿Votos a favor desta moción?. ¿Votos en contra?. Queda aprobada por 14 votos a favor e 11, perdón, 14 votos en contra e 11 a favor. Queda rexeitada polo tanto. Somos 14, perdón, a favor, si, a favor, perdón, Sr. Jácome, a favor e 11 en contra. Polo tanto, queda aprobada. O Pleno, visto o ditame da Comisión Informativa de Economía, Facenda e Réxime Interno, acorda por maioría, cos votos a favor do PSdeG-PSOE, do BNG e do Grupo Mixto (Coalición Electoral SON) e cos votos en contra do PP, aprobar a Moción do Grupo Provincial Mixto (Coalición Electoral SON), en relación coa proposición de lei de fomento da implantación de iniciativas empresariais en Galicia. Dita Moción é como segue: “EXPOSICIÓN DE MOTIVOS: Recentemente a Xunta de Galicia presentou pola vía de urxencia a Proposición de Lei de fomento da implantación de iniciativas empresariais en Galiza, impedindo así o seu debate e exposición pública. Esta PDL modifica a lo menos unha ducia de leis, entre elas están a dos sectores eólico, mineiro e forestal, pero tamén a de cooperativas, a de procedemento administrativo, a de taxas, prezos e extraccións, a de turismo, a de estradas, a de patrimonio cultural e a de conservación da natureza. Moita da regulación de estas leis precisa actualización e traballo para adecualas ó momento actual no que vivimos, pero non de esta forma, a través de Disposicións Derradeiras nunha nova lei. Precisan de debate cos sectores implicados, cos colectivos e axentes sociais e coa cidadanía. Teñen que debaterse públicamente, de forma transparente e teñen que ser participadas. A PDL de fomento da implantación de iniciativas empresariais en Galicia supón a redución á metade do tempo de exposición pública para os proxectos sectoriais urxentes. A eliminación do trámite de autorización administrativa para moitos aproveitamentos madeireiros, precisando soamente unha declaración responsable. Nesta lei, noméase tamén as administracións que van ter competencias administrativas, pero curiosamente a que falta é a que ten competencias en materia ambiental. En canto ó sector eólico, permítese a instalación en todo o solo, menos no espazo da Rede Natura 2000 (12% do territorio do país), deixando a porta aberta a que en zonas nas que existe protección ambiental, patrimonial ou cultural se podan instalar. Esta PDL supón a liberalización de sectores estratéxicos para Galiza como son o eólico, mineiro ou forestal, facilitando as iniciativas empresariais só a grandes empresas e non ás PEMES e autónomas, xa que a estas últimas non lles afectará esta PDL. Por todo o anteriormente exposto, a Coalición SON propón ao Pleno da Deputación instar á Xunta de Galicia a: 1. Demandar do Parlamento galego a anulación da Lei de Fomento de Iniciativas Empresariais, por ser contraria aos principios de sustentabilidade e protección do medio ambiente, da paisaxe e do patrimonio cultural, por alentar un modelo social desigual e inxusto, e por limitar o dereito das administracións locais e da cidadanía para participar na toma de decisión sobre proxectos empresariais de especial transcendencia económica e social. 2. Instar á Xunta de Galicia a planificar, programar e executar alternativas políticas e económicas sustentables que garantan a preservación dos bens naturais, paisaxísticos e patrimoniais de Galicia, xeren rendas ecolóxicas e sociais, que impulsen iniciativas económicas locais creadoras de emprego de calidade e que respecten a autonomía local nos aspectos que a lei comporta. 3. Dar traslado do presente acordo ao Parlamento de Galicia, Grupos Parlamentarios e Goberno da Xunta de Galicia”. 13.7044.- ASUNTOS FÓRA DA ORDE DO DÍA Sra. Presidenta.- No punto trece había asuntos fóra da orde do día, non hai. Pasamos á parte de información e control. Non houbo. b) Parte de información e control: 14.7045.- DAR CONTA DO INFORME DE INTERVENCIÓN DO PERÍODO MEDIO DE PAGO A PROVEDORES CORRESPONDENTE Ó MES DE OUTUBRO DE 2017 Sra. Presidenta.- No punto 14. Dar conta do informe de Intervención do período medio de pago a provedores correspondente ó mes do outubro de 2017. ¿Observacións?. Simplemente, en este punto eu quería sinalar que dende o informe elaborado, o último informe do Ministerio de Economía e Facenda, a Deputación de Pontevedra é a administración local que antes paga a provedores, e me parece que é unha obriga facelo, pero tamén quero mostrar a miña satisfacción de que esto sexa así. O Sr. Interventor da Deputación de Pontevedra con data 8 de novembro de 2017 elaborou un informe do período medio de pago a provedores da Deputación de Pontevedra, da Escola Universitaria de Enfermería e do Consorcio Provincial Contraincendios e Salvamento correspondente ó mes de outubro de 2017, cuxo contido é o seguinte: “A Lei Orgánica 2/2012, de 27 de abril, introduce o concepto de período medio de pago como expresión do tempo de pago ou retraso no pago da débeda comercial, de xeito que todas as Administracións Públicas, nun novo exercicio de transparencia, deberán facer público o seu período medio de pago que deberán calcular de acordo cunha metodoloxía común establecido no Real Decreto 635/2014, de 25 de xullo, polo que se desenvolve a metodoloxía de cálculo do período medio de pago a provedores das Administracións Públicas. O período medio de pago mide o retraso no pago da débeda comercial en termos económicos, como indicador distinto respecto do período legal de pago establecido no texto refundido da Lei de Contratos do Sector Público, aprobado por Real Decreto Lexislativo 3/2011, de 14 de novembro, e na Lei 3/2004, de 29 de decembro, pola que se establecen medidas de loita contra a morosidade nas operacións comerciais. O artigo 6 do Real Decreto 635/2014, de 25 de xullo, en relación á publicidade do período medio de pago a provedores establece que as comunidades autónomas e as corporacións locais remitirán ó Ministerio de Facenda e Administracións Públicas e publicarán periodicamente, de acordo co que se prevea na Orden HAP/2105/2012, de 1 de outubro, pola que se desenvolven as obrigas de subministro de información previstas na Lei Orgánica 2/2012, de 27 de abril, a información relativa ó seu período medio de pago a provedores referido, segundo corresponda, ó mes ou ó trimestre anterior: Á vista deste precepto legal o servizo de Intervención elaborou o informe do período medio de pago a provedores da Deputación de Pontevedra, da Escola Universitaria de Enfermería e do Consorcio Provincial Contraincendios e Salvamento correspondente ó mes de outubro de 2017 que se expón a continuación: INFORME DO PERÍODO MEDIO DE PAGO A PROVEDORES CORRESPONDENTE Ó MES DE OUTUBRO DE 2017 Entidade Mes Ratio Operacións Pagadas Importe Pagos Realizados Ratio Operacións Pendentes Importe Pagos Pendentes Período Medio de Pago Deputación de Pontevedra Outubro -18,6281050017 2.976.721,83 59,2742909631 48.457,63 -17,3802565584 Escola de Enfermería Outubro -4,3592240252 7.507,46 0,0000000000 0,00 -4,3592240252 Consorcio de Incendios e Salvamento Outubro -2,9988418966 219.410,46 0,0000000000 0,00 -2,9988418966 TOTAL 3.203.639,75 48.457,63 -16,3799212956 En base ós cálculos detallados neste informe ponse de manifesto que se cumpre co período medio de pago legalmente previsto”. A Comisión Informativa de Economía, Facenda e Réxime Interno, na sesión ordinaria do día 17 de novembro de 2017, tivo coñecemento do contido do informe do Servizo de Intervención sobre o período medio de pago a provedores correspondente ó mes de outubro de 2017 da Deputación Provincial de Pontevedra, da Escola Universitaria de Enfermería e do Consorcio Provincial Contraincendios e Salvamento. De conformidade co disposto na Lei Orgánica 2/2012, de 27 de abril, de Estabilidade Orzamentaria e Sostibilidade financeira e no Real Decreto 635/2014, de 25 de xullo, polo que se desenvolve a metodoloxía de cálculo do período medio de pago a provedores das Administracións Públicas, o Pleno queda enterado do contido do informe do Servizo de Intervención sobre o período medio de pago a provedores correspondente ó mes de outubro de 2017 da Deputación Provincial de Pontevedra, da Escola Universitaria de Enfermería e do Consorcio Provincial Contraincendios e Salvamento. 15.7046.- DAR CONTA DAS RESOLUCIÓNS PRESIDENCIAIS Sra. Presidenta.- No punto 15. Dar conta das Resolucións Presidenciais. ¿Observacións?. Queda dada conta. Queda enterado o Pleno das seguintes: - De extractos de Resolucións Presidenciais ditadas entre os días 24 de outubro e o 20 de novembro de 2017 e que foron trasladados ós Voceiros dos distintos grupos políticos. 16.7047.- ROGOS E PREGUNTAS Sra. Presidenta.- No punto dezaseis, rogos e preguntas. Pois, Sr. Alén, é que está, non cambiaron todavía os nomes, así que, discúlpeme, ten vostede a palabra. Sr. Canda Martínez.- Sra. Presidenta, gracias polas súas palabras aos meus veciños de Covelo, Laxedo, ayuntamiento da A Lama, porque ó mellor algún diputado, equivócase, Covelo co ayuntamiento de Covelo. ¿Me oye ahora?. Si. Agradecer as súas palabras ós meus veciños de Covelo, Laxedo, ¿eh?, i que conte co concello de A Lama para este tema. E, dicir que A Lama, porque algún diputado ó mellor non conoce A Lama, e equivócase co Covelo de outro ayuntamiento. Sin máis, nada, conte con nós pa ese tema porque, a verdá é que Manuel Barreiro Cabanelas foi un personaje para esta provincia e queremos tamén recuperar ese espacio. Estamos dispuestos a calquer, xa falei con usted no, na vez que me recibeu, entonces quero facer ese rogo. Sra. Presidenta.- Nós sempre contamos cos alcaldes que son os lexítimos gobernantes dos seus concellos, porque así o decidiron. As cuestións que se nos teñen solicitado nas que podemos apoiar o vamos a decir, eu tamén lle pido a vostede que reclamemos conxuntamente á Xunta de Galicia, que é a competente, que actúe neste proxecto tan importante para A Lama, que realmente era o obxectivo dos veciños que viñeron a comparecer, porque a Xunta de Galicia non está cumprindo coas súas competencias e obrigas. Todo aquelo que nós poidamos facer o imos facer con vostede, consultando con vostede, faltaría máis, vostede é o alcalde e o representante lexítimo do seu goberno, non teña ningunha dúbida. Sra. Muñoz ten a palabra. Sra. Muñoz Fonteriz.- Gracias Presidenta. Quería hacer un ruego y una pregunta. En primer lugar, el ruego sería pedir a este gobierno provincial que permitiera que los diputados pudiéramos utilizar, como se hacía antes, que estaba abierto para todos los diputados, independientemente de si estaban en el gobierno o no, la Sede Local de la Diputación de Pontevedra en Vigo, para utilizar la sala de prensa, para poder hacer allí ruedas de prensa, porque, bueno, hemos tenido alguna dificultad en el pasado, y viendo que ya se está activando la utilización, y que ayer mismo la Presidenta la utilizó, pues, queríamos rogar que también pudiéramos los diputados del Partido Popular utilizar esa Sede de Vigo para dar ruedas de prensa. Sra. Presidenta.- Vale. Sra. Muñoz Fonteriz.- Es el ruego. Sra. Presidenta.- Pregunta, ¿no?. Sra. Muñoz Fonteriz.- Si, la pregunta. Bueno, como saben en la Entidad Menor de Bembrive se está viviendo una situación absolutamente excepcional, en este momento carecen de Secretario y Interventor, y, por tanto, porque pidió excedencia, en tan sólo seis meses, la que estaba, la habilitada nacional que estaba. La Xunta de Galicia ha comunicado al Colegio de Secretarios-Interventores esta vacante para que sea cubierta por un habilitado nacional, pero, lamentablemente, y teniendo en cuenta la situación que en este momento se vive en la pedanía, no hay ningún habilitado nacional que de momento quiera, y tiene siempre que ser con el consentimiento del habilitado nacional que se cubra. Y, en este momento, pues, está regulado que en estos casos excepcionales, absolutamente excepcionales, sea la Diputación de Pontevedra la competente para enviar de forma excepcional un habilitado. Y digo esto porque, y digo esto porque en este caso hay empleados de la Entidad Local Menor que en este momento tienen miedo de no cobrar sus nóminas a fin de mes por carecer de un Secretario-Interventor. Por tanto, mi pregunta es, ¿si la Diputación de Pontevedra ante la ausencia de habilitado de Interventor, de Interventor o Secretario que pueda fiscalizar va enviar de forma excepcional, como así contempla la normativa, un habilitado para permitir que este personal cobre su nómina a fin de mes?. Muchas gracias. Sra. Presidenta.- Ben, no que se refire os seus rogos, Sra. Muñoz, nunca usou a oposición a Sede de Vigo para ter unha rolda de prensa, nunca, todo o contrario, o que si que ocurría que había unha porta que separaba a Sede da Deputación da Sede do Partido Popular e entonces era o mesmo todo. A Sede da Deputación de Pontevedra en Vigo e a Sede do Partido Popular era todo un gran espacio, unha porta que tapiaron uns días antes de perder a Deputación, e xa lle digo que os, que as sedes da Deputación de Pontevedra se usan como se establece en todas as administracións. Non se me ocurriría a min decirlle ó Sr. Presidente da Xunta que me deixe dar roldas de prensa na Sede do Goberno da Xunta de Galicia, ¿sabe vostede?. Polo tanto, non pretenda vostede montar lios de algo que sabe vostede que é simplemente para ver si facemos ruído. A Sede Local de Vigo a usa este goberno para xestionar como administración e ademais se lle ceden os locais a moitos colectivos para que poidan desenvolver as súas actuacións. No que se refire á Entidad Local Menor de Bembrive, xa me sorprende a min que vostede nos pida á Deputación, que somos unha entidade cos recursos que temos, cento cincuenta e seis millóns de euros, e que nós prestemos un servicio cando vostede mesma me di que non o pode facer a Xunta de Galicia, que a Xunta de Galicia, que é a competente para habilitar e para poder dar respostas a estas situacións, non o pode facer, e lle pide vostede á Deputación de Pontevedra. En todo caso, si que lle digo que non se preocupe, nós imos ver si é posible, non é fácil, nós temos un Interventor e un Secretario tamén, exclusivamente, polo tanto, tampouco temos recursos suficientes para poder prestar esta petición que vostede nos fai, pero eu non me nego a estudiar a posibilidade de facelo. Así que, o imos a estudiar e si é posible, pois, o intentaremos facer, pero xa lle digo que, tamén, igual que lle ocurre á Xunta de Galicia, temos dificultades moi serias. Algo non funciona na Administración do Estado e nas Administracións Autonómicas cando as Entidades Locais teñen unha carencia tan importante de Interventores, de Secretarios e de Tesoreros, algo se está facendo mal dende as Administracións competentes. E polo tanto, eu fago un chamamento tamén dende aquí a que as Administracións competentes aproben medidas e tomen decisións que permitan que as Entidades Locais, os Concellos e as Deputacións poidan ter recursos suficientes para poder prestar servicios tan importantes como o de Secretario e o de Interventor. Así que, tomo en conta a súa petición e a estudiaremos. Ben, pois, si non hai máis asuntos se levanta a sesión. E non habendo máis asuntos que tratar, pola Sra. Presidenta, sendo as catorce horas e cincuenta minutos do expresado día, dáse por rematada a sesión e dela esténdese a presente Acta, que asinará a Ilma. Sra. Presidenta comigo, o Secretario, que dou fe. A Presidenta, O Secretario, Asdo. María del Carmen Silva Rego Asdo. Carlos Cuadrado Romay

Área de notas

• Nota

Puntos de acceso

Área de control da descrición