Servicio de patrimonio documental e bibliográfico - Deputación de Pontevedra

Código(s) de referencia ES.GA.36038.ADPO.1.1.1

Título XEFE POLITICO. GOBERNADOR CIVIL

Data(s) 1834-1970 (Creación)

Volume e soporte 36 unidades de instalación; 480 agrupacións documentais

Nome do produtor Gobernador Civil-Pontevedra(1833-) O gobernador civil foi a autoridade política nas provincias en España a partir da creación destas por Javier de Burgos en 1833. Ten os seus antecedentes na figura dos xefes políticos como máxima autoridade provincial creado no artigo 324 da Constitución Española de 1812. Este cargo foi derrogado por Fernando VII en 1814, e restablecido durante o Trienio Liberal de 1820 a 1823. Foi creado por Real Decreto do 23 de outubro de 1833 en que se establece a figura de subdelegado de fomento, cuxas funcións versaban sobre agricultura, industria e comercio, minería, concellos, policía xeral, instrución pública, sociedades económicas, hospitais e establecementos benéficos, cárceres, irmandades e confrarías, bibliotecas, museos, teatros e espectáculos, caza, pesca, prevencións xerais, camiños, canles, etc. A estrutura administrativa era o subdelegado, un secretario, un oficial de primeira e outro de segunda, dúas de terceira e outros dous de cuarta e un porteiro. En1847 no Real Decreto do 29 de setembro vólveselle a denominar gobernador civil que é o que se mantivo até 1997 en que se creou a figura do subdelegado do goberno, para asignar a un por provincia. Ao longo destes anos producíronse varias modificacións legais que afectaban as responsabilidades do cargo. Así no Real Decreto do 14 de agosto de 1893 no que se suprimían as seccións de Fomento. En 1925 as súas funcións estaban establecidas na Administración Local e o Estatuto Provincial. O 10 de outubro de 1958 dotóuselles dun estatuto propio, outorgándolle ao cargo a máxima autoridade da provincia. O 14 de abril de 1997 desaparece para converterse en subdelegado do Goberno dependente do delegado do Goberno na comunidade autónoma.

Institución arquivística Arquivo Deputación de Pontevedra

Historia arquivística A institución de gobernador civil, unidade político administrativa provincial da organización territorial da Administración do Estado, xorde coa Constitución de 1812 a través da figura do xefe superior, que dirixirá o goberno das distintas provincias. Polo Real decreto do 30 de novembro de 1833 establécese a actual organización provincial e dáselle a autorización administrativa a un delegado de fomento que en 1834 pasou a denominarse gobernador civil como máxima autoridade e representación do goberno na provincia. Pola Lei de réxime foral de 1955 regulaméntanse as súas funcións e fortalécense en 1958 co Estatuto persoal dos gobernadores civís.Co regulamento de 1961 organízanse como unidades político-administrativas provinciais, dependentes do Ministerio da Gobernación. Ó longo dos séculos XIX e XX é a máxima autoridade político-administrativa, representante do goberno, coordinador da administración provincial, xefe dos servizos públicos provinciais, de orde pública e de policía. Desde 1977 depederán organicamente do Ministerio do Interior e, co desenvolvemento das autonomías, perderán competencias (regulamento de 1980) e convertiranse en delegados de goberno provinciais. En 1996 pasan a ser subdelegados de Goberno.