Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Folla: Da sesión ordinaria en primeira convocatoria, celebrada polo Pleno desta Excma. Deputación o día, 30 de xuño do 2000 No Salón de sesións da Excma. Deputación Provincial de Pontevedra, sendo as once horas do día trinta de xuño do ano dous mil, baixo a Presidencia do Vicepresidente D. Rafael Louzán Abal, reuníronse as Señoras/es Deputadas/os, Dona Isaura Abelairas Rodríguez, D. Xosé Antonio Araujo Quintas, D. Manuel Ramón Conde Romero, D. Juan Manuel Corral Pérez, D. Xosé Crespo Iglesias, D. José Fernández Rodríguez, D. Alberto García García, D. Emilio González Iglesias, D. Arturo Grandal Vaqueiro, D. Emilio Iglesias Álvarez, D. Telmo Martín González, Dona Clara Millán González, D. Xosé Cesáreo Mosquera Lorenzo, D. Constante Juan Muradas Ramos, D. Xesús Otero Varela, D. Xosé Carlos Pazos Docampo, D. Juan Luis Pedrosa Fernández, D. César Augusto Pérez Ares, D. David Raposeiras Correa, D. Juan Reboreda Enríquez, D. Rodrigo Santiago Novas, D. José Enrique Sotelo Villar, D. Henrique Viéitez Alonso e D. Manuel Ramón Vilar Márquez, co obxecto de celebrar sesión ordinaria da Deputación en Pleno, en primeira convocatoria, consonte á correspondente orde do día. Da fé do acto o Secretario Xeral, D. Rogelio Nicieza de la Cerra, e está presente o Sr. Interventor, D. Bautista Pérez Carnero. Non asisten o Ilmo. Sr. Presidente nin o Sr. Deputado D. Horacio Gómez Araujo quen excusan a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: Sr. Presidente.- Bos días a todos. Bueno, desculpa-la ausencia do Presidente, que por motivos persoais non pode estar agora aquí. Vamos a dar comezo ó Pleno ordinario de día 30 de xuño de 2000. 1.4489.- ACTA ANTERIOR Sr. Presidente.- Primeiro punto. Aprobación do borrador da acta da anterior sesión, ordinaria, do día 26 de maio do ano 2000. Apróbase a acta por unanimidade. Apróbase por unanimidade o borrador da acta da anterior sesión, ordinaria, do día 26 de maio do ano 2000. ------ Folla: 2.4490.- APROBACIÓN DEFINITIVA DO POL 2000 Sr. Presidente.- Punto número 2 da orde do día. Aprobación definitiva do POL/2000. Este asunto xa foi á Comisión pero para dar unha pequena explicación do propio asunto decir que o POL para este ano tivo un incremento considerable e importante, e polo tanto dende o equipo de goberno a decisión que se tomou é que esta cantidade, que nos foi comunicada dende Madrid, se invertise en estradas provinciais. Xa na Comisión Informativa de Cooperación se dou conta das estradas que se ían a incluir aí. Esta cantidade vai destinada con outra que aporta a Deputación a estradas provinciais. E pasamos polo tanto a ter un POL para este ano 2000 de 117.695.000 pesetas. Creo que xa tendes todos copia da relación das estradas que se van a incluir aí. ¿Algunha intervención?. Sr. Mosquera. Sr. Mosquera Lorenzo.- Bos días e moitas gracias. Nós vamos a mante-lo voto que se fixo na aprobación inicial e en todo caso facer a puntualización de que se os cartos a maiores este ano van para estradas provinciais, outros anos haberá que desquitalos. A Deputación tomou este ano a decisión de incorporalos a estradas provinciais e haberá que reducilos en exercicios vindeiros. O que dixen, vámonos abster, non vamos a darlle máis voltas con respecto ós repartos que se están facendo destes plans, que en todo caso en rogos e preguntas vou a facer unha pequena aclaración. Sr. Presidente.- Sr. González Iglesias. Sr. González Iglesias.- En el mismo sentido de cuando fue la aprobación inicial del Plan, el Grupo Socialista se opuso, votó en contra en aquel momento, porque entendía que los repartos de los diferentes planes no contemplan a todos los Ayuntamientos por igual. Y el tiempo, cada vez que se va desarrollando un plan, nos va dando la razón. De las peticiones de los Ayuntamientos, que las piden dentro de las normas del Plan Operativo Local, no tenemos nada que decir. Si tenemos algo que decir con que el incremento del POL vaya a carreteras provinciales, entre otras cosas porque entendemos, que la cantidad que iba dentro de este plan a carreteras provinciales, que eran más de 350 millones de pesetas más los planes propios de Diputación, a nosotros nos parece que deberían ser suficientes para el tema de carreteras provinciales. En todo caso y volviendo al discurso de siempre, se pueden estar planteando arreglos en carreteras provinciales sin ningún plan de prioridades. En el POL son cerca de 800 millones de pesetas hoy los que se van aprobar aquí para carreteras provinciales. Y nosotros siempre dudamos, y ahora más, de la fórmula que se está utilizando por parte del grupo de gobierno para el arreglo de estas carreteras. Cuando planteábamos la duda el grupo de gobierno siempre nos decía lo mismo, nos decía que con criterios de los técnicos y esos criterios eran mayor intensidad de tráfico, peor estado de las carreteras, etc., etc. Pero fíjese que zonas que hace tres, cuatro, cinco o seis años parece que tenían las carreteras en perfectas condiciones, y me refiero concretamente al Morrazo, de pronto, en el primer plan que aprueban ustedes aparecen más de 100 millones de pesetas. De golpe, en la zona del Morrazo se pusieron todas mal y aparecen más de 100 millones de pesetas de inversión en esas carreteras. Si coge otras zonas, y el Sr. Presidente en funciones coincidirá conmigo en coger alguna zona muy concreta del Salnés, entre Ribadumia, Meaño y tal, pues serán otros 100 millones de pesetas del plan. Y así puedo ir con dos zonas concretas más por ahí. Con la zona del interior, donde también pasa lo mismo. Y fíjese, que es curioso, analice usted por ejemplo las zonas de mayor población de la provincia, que en teoría deben ser las carreteras de mayor intensidad de tráfico, y esas, en proporción, se llevan menos dinero. Para que no nos sigan diciendo sistemáticamente lo mismo siempre, que esto se hace con criterios técnicos, acaben de una vez de hacer el Plan Provincial de Carreteras, y una vez hecho ese Plan Provincial de Carreteras y priorizado realmente con intensidad de tráfico y con mal estado de las carreteras, a partir de ahí podemos todos ponernos de acuerdo donde se tienen que hacer las inversiones. Y mientras, el resultado que da es este. No hay más. Por cierto, alguna carretera, y por poner una en concreto, Tortoreos-Estación das Neves, entre el Interreg, el no se que y tal, y ahora aparece con 69 millones del POL. Es decir, aquí una de dos, o se están haciendo auténticas autopistas, curiosamente con muy poca población, o no se entiende muy bien cuál es el reparto que se sigue aquí. Yo no entiendo que las carreteras de mayor intensidad de tráfico estén curiosamente en las zonas menos pobladas de la provincia. No lo entiendo. Claro, después uno pasa por algún Ayuntamiento y ve que esas carreteras provinciales realmente no sólo se le mejora el firme de la carretera, no sólo se le quitan curvas etc., etc., sino que además, aprovechando que pasan por la proximidad del casco urbano, se urbanizan también. A los demás Ayuntamientos se les dice que para entrar en el tema de urbanización que pongan el 50% y soliciten la asunción de la carretera. Lógicamente, con estos planteamientos nosotros vamos a seguir manteniendo el voto en contra y aparte echamos de menos algo que para nosotros sería importante. El POL en 6 años va a invertir del orden de 10.000 millones de pesetas en esta provincia entre los fondos estructurales, el Estado, la Diputación, los Ayuntamientos, etc., etc. Y nosotros seguimos echando en falta y seguimos echando de menos que dentro de esos 10.000 millones de pesetas no haya alguna obra importante para la provincia. Si se fijan ustedes también en lo que solicitan los Ayuntamientos, el 80% de las solicitudes se va a dedicar a temas de saneamiento, pero me da la sensación que se está dedicando a la red secundaria del saneamiento y no realmente a colectores estructurales que de alguna forma provoquen después el extender el saneamiento a toda la provincia y a todos los ciudadanos en cada municipio. Yo no entiendo muy bien que desde instituciones como la Diputación o la propia Xunta se esté haciendo red secundaria de saneamiento; eso lógicamente deberían hacerlo los Ayuntamientos coparticipando los vecinos y pagando y sería la fórmula de multiplicar las inversiones y de que realmente se hiciera un plan serio. Y por cierto, como uno de los baremos que se utiliza para obras incluidas en el Plan Operativo Local es la encuesta de infraestructura, yo creo que debería facilitársele a cada Ayuntamiento lo que figura en esa encuesta como déficit de servicios. Vamos a votar en contra como ya lo hicimos en la aprobación inicial y ahora a la vista del planteamiento del grupo de gobierno de incrementar la aportación a carreteras provinciales, nosotros entendemos que debía ser a Ayuntamientos. Y a la vista del reparto que se hace en esas carreteras provinciales seguimos manteniendo el mismo voto en contra. Nada más. Sr. Presidente.- Gracias Sr. González. Un momento. É un tema que creo que coñezo ben porque intento na medida do que podo, sobre todo no tema de carreteras, preocuparme da situación delas. Este ano, á parte do criterio que nós argumentábamos e que era certo, que era un criterio técnico para a selección de onde se facían as inversións, se lle pediu, como todos sabedes, nunha carta a cada un dos Alcaldes, onde invertir en cada unha das estradas provinciais. Algúns Concellos, a maioría, o 80%, contestaron; hai Concellos que aínda non contestaron hoxe. E creo que as actuacións que se fixeron en estradas provinciais coinciden todas coas que pediron os Alcaldes, foran de calquera grupo político. Polo tanto, auméntase un novo criterio e os Alcaldes de cada un dos municipios teñen que saber perfectamente cales son as súas necesidades, sobre todo nas estradas provinciais porque os veciños pasan por elas habitualmente. Polo tanto, nese sentido creo que maior transparencia imposible. Con respecto ó Morrazo, hai unha estrada na que está prevista a inversión de aproximadamente 80 millóns de pesetas, que é unha estrada en Moaña, Meira-Fraga. Levamos negociando con ela máis de catro anos, por eso sumará unha cantidade importante o Morrazo, e se chegou a un acordo hai aproximadamente un ano. Levamos negociando con eles hai catro anos para que se chegara a un ancho suficiente porque se trata dun tramo moi poblado e cunha densidade de casas importante. Eu pasei por ela hai dous días para ver como estaba a execución das obras. Esta estrada tiña necesidade desta mellora importante, na cal vai a colabora-lo Concello, e xa estábamos en contacto incluso co goberno anterior, o que pasa que non se chegou a acordo ata cando se chegou, por eso se decide esa inversión tan importante nesa estrada. As outras tamén son necesarias pero non son cantidades tan cuantiosas, son as mesmas que se levan facendo outros anos. No caso de Ribadumia, Meaño e esas zonas concretamente, unha delas é a que precisamente vai a dar salida a un dos polígonos industriais máis importantes que hai naquela comarca. Polo tanto creo que a necesidade o xustifica claramente. E ademais hai unha ponte que vamos a ensanchar e á parte se trata tamén dunha das estradas con maior densidade de tráfico da provincia, que é a estrada Noalla-Caldas, que atravesa Portas, Ribadumia, Meaño e Sanxenxo. Nos temas de urbanización, a Deputación Provincial de Pontevedra, cando se trata de urbanizar, o convenio se lle aplica a todo o mundo. Estamos de acordo na urbanización en tramos onde haxa un número de casas importante. Polo tanto aí vamos a convenios como fomos con todos os que no lo solicitaron. Estamos agora con Poio e con outros Concellos. Con Poio levamos creo que tres anos facendo convenios de urbanización, e polo tanto aí non hai ningún tipo de discriminación. No que se refiere ás obras propias do POL dos Concellos, a idea que plantexa o Sr. González me parece respetable, pero os Concellos saberán onde queren invertir o diñeiro. Se eles en principio establecen que o queren meter na rede secundaria, eles son quen teñen que priorizar. E con respecto á encuesta de infraestructura, sabemos que é unha encuesta que se actualiza tódolos anos, pero que ás veces os datos non se axustan evidentemente moito á realidade. Polo tanto, aí a nosa intención é que os Concellos expoñan cales son os seus problemas e tratar de actuar nos que nos expoñen e nos que eles cren que son de necesidade. Polo tanto, maior transparencia imposible. Cada ano se intensifica para que todo o mundo aporte na medida do posible os datos e en coincidencia tódalas administracións fagamos as inversións onde realmente se necesitan. E eso creo que está demostrado. Agora tiña a palabra o Sr. Conde. Sr. Conde Romero.- Foi, é, e vai sendo norma neste equipo de goberno non interferir no que queren os Concellos. É dicir, cada Concello sabe a súa problemática, cada Concello sabe a súa necesidade e polo tanto non vamos dende o equipo de goberno dicirlle onde e como deben de face-los investimentos que nesta casa se lle van facer. Vostede, Sr. González, goberna nun Concello e ben sabe que é así, propoñen vostedes as obras e dende esta casa ninguén lle di se están ben ou mal, son vostedes os que teñen a responsabilidade. E polo tanto no resto dos Concellos da provincia é igual e nós dende o equipo de goberno vamos a seguir actuando desa maneira. Fíxose unha distribución seria e responsable, partindo de 6.500.000 pesetas a cada Concello como mínimo e o resto nun 60% á poboación e nun 40% á extensión. Incluso hai catro Concellos que aínda así non chegarían ó mínimo que esixe que é as obras de 10.000.000 de pesetas e a Presidencia vai te-la xenerosidade de aporta-la Deputación esa diferencia. En definitiva eu só me resta dicir que é un plan serio, é un plan responsable, é un plan importante con 11.000 millóns en sete anos e estou seguro de que é un plan que vai repercutir en beneficio de toda a provincia de Pontevedra. E non quero terminar, Sr. González, sen estar de acordo con vostede nunha cousa. Certamente, no Morrazo algo cambiou. Dende hai un ano para acá cambiou e claro que cambiou, cambiou para ben de tódolos habitantes do Morrazo porque ten novos rexidores, novos rexidores que están incentivando a zona, e cando as zonas se incentivan loxicamente teñen máis tráfico, eso quere dicir que haberá que atender ás estradas neste momento do Morrazo que teñen bastante máis volume de tráfico. Moitas gracias Presidente. Sr. Presidente.- Gracias Sr. Conde. Sr. González. Sr. González Iglesias.- Home, Sr. Conde, polo que lle toque ó Concello de Marín, gracias. Pero mire, non vai por aí o tema. Eu, con toda a sinceridade do mundo, se formo parte do grupo de goberno desta casa lle digo a vostede que non fale, porque toda a argumentación do Presidente en funcións acaba de rematala vostede, absolutamente toda. O que acaba de dicir pode servir de risa para todo o mundo, e de feito serviu de risa para todo o mundo porque non o cre ninguén salvo vostede, que estou convencido de que cando di unha cousa é porque a cre. Non é que o dixera por facer un chiste. Vostede está convencido de que hai un incremento moi importante de tráfico no Morrazo dende hai un ano para acá e que ese incremento produxo que as estradas provinciais do Morrazo se estropearan todas nun ano. Nos anos anteriores estaban perfectamente. Mire, para calquera dos dous, se se dan conta as dúas argumentacións que fixeron son absolutamente contradictorias. Sr. Louzán, vostede di que un dos criterios que incorporan este ano é a petición do 80% dos Alcaldes, da maioría. Eso significa nada, por unha razón e ademais moi faciliña. Se vostede lle manda unha carta dicíndolle ós Alcaldes que estradas provinciais queren que se lle arranxen, dese 80% máis dun 50% no escrito fai figurar tódalas estradas que estean en malas condicións. Hai unha cousa que é moito máis obxectiva do que diga ningún Alcalde, ningún Deputado Provincial e o propio Presidente da Deputación. Esas cuestións obxectivas que vostedes presumían o ano pasado e o anterior e o anterior, de que así o estaban facendo, son estradas en mal estado, curvas perigosas e intensidade de tráfico. E eso é algo perfectamente medible. Non se fai unha obra mediante unha asamblea, senón, volvo a repetir, por criterios absolutamente obxectivos, como poden ser eses. E eu o que me extraña é que durante os anos anteriores vostedes estaban poñéndonos sempre enriba da mesa que o facían con eses criterios técnicos e nós discutíamos eses criterios técnicos, pero era a súa palabra contra a nosa e nós dicíamos ¿como se soluciona este tema?. Pois miren vostedes cun Plan Provincial de Estradas. E volvo a repeti-lo mesmo, é dicir, facer unha inversión de 2.000 millóns de pesetas este ano en estradas provinciais sen ter un plan aprobado e con prioridades me parece un absurdo, eso só se dá nesta Institución, non en ningunha outra. Despois di o Sr. Presidente en funcións que hai unha estrada en Moaña que só significan 80 millóns de pesetas. Entón non falo de 100 millóns, falo de 140 ou de 180. Me fago unha pregunta, por que ten aprobado esta casa e co compromiso do grupo de goberno de facelo xa, arranxar a ponte de Catoira e non se meten no tema, por exemplo. Podía ser unha obra tamén importante, por poñer unha concreta. Eu, con sinceridade, o día que vexa nesta casa un informe técnico onde se me digan as intensidades de tráfico e se nos poñan enriba da mesa, pois podemos empezar a discutir sobre criterios para arranxar estradas; mentras, a circunstancia que se dá é a que dicía o Sr. Conde, nin máis nin menos. Eran doutro signo político os alcaldes, castigados, non había ningún problema; cambia o signo político dos alcaldes, premiados. E o dixo o seu compañeiro, Presidente da Comisión. El dicía que é que se incrementara o tráfico moitisimo no último ano. Non é así. Loxicamente temos que seguir votando en contra, está clarisimo. Sr. Presidente.- Gracias Sr. González. Aproveitando que me fas a pregunta da ponte de Catoira dicirche que estamos traballando neso. E como tes aí un Alcalde, creo que é máis amigo que Alcalde, el sabe, porque tamén eu sei, que temos adxudicada unha estrada alí dende o ano pasado e aínda non a puidemos facer hoxe porque non remataron aínda unhas obras do Concello. E temos outra fase para face-lo proxecto, e aínda non puidemos face-lo proxecto, está previsto facela, el sábeo así porque está aí para poder dicilo, e non se pudo face-lo proxecto porque aínda non está feita a fase anterior. Polo tanto, tomen nota dos exemplos, e cando poñamos en práctica ou falemos de algo hai que falar sobre algo que se sepa, neste caso como é a ponte de Catoira ou obras en Catoira ou noutro municipio. Ou sexa hai que coñece-la realidade de cada un dos municipios e entón a partir de aí pois falar delas. Con respecto ó do Morrazo, coñezo perfectamente o tema de Meira-Fraga e os veciños, que non nos escoitan agora evidentemente, saben que aquilo é unha necesidade, porque se pasaches por alí é unha necesidade. As conversas con esta xente iniciáronse hai catro anos, non se chegou a acordo con eles porque había que te-las firmas e cesión dos terreos, e non se fixeron antes por ese motivo. Non hai ningún outro motivo nin político nin moito menos porque realmente a obra era necesaria e así o xustifica a inversión. Polo tanto, creo que está perfectamente claro que o Morrazo terá, coma todos outros Concellos que realmente o reivindiquen, as súas necesidades cumpridas por parte da Deputación na medida das posibilidades. Vostede dicía 2.000 millóns de pesetas de inversión en estradas provinciais; eu lle digo máis, van a ser case 4.000 este ano e ogallá foran máis aínda. E vostede dicía que o criterio de que antes era o criterio do equipo de goberno e dos técnicos, que non era suficiente. Agora ampliamos ó criterio dos Alcaldes e vostede di que non é suficiente tampouco. Entón non sei a quen lle vamos a pedir criterio para poder arranxa-las estradas provinciais. Eu creo que hai un organismo oficial, que é o Concello, sexa da cor política que sexa, que nos debe de informar da situación e se está cumprindo tal e como eles pediron. Ó mellor non chegamos á totalidade das súas necesidades, pero o que si intentamos é cumprir o que eles nos piden porque coincide plenamente co equipo de goberno e coincide cos criterios técnicos. Polo tanto, nese sentido eu creo que nada que dicir a eso. Pola nosa parte eu creo que non hai máis intervencións sobre este tema, creo que está perfectisimamente aclarado; os criterios son totalmente transparentes á hora das inversións nas estradas provinciais e informes técnicos dos propios Alcaldes e do equipo de goberno o xustifican. Polo tanto procedemos á votación do punto 2. ¿Votos en contra?. PSOE. ¿Abstencións?. O BNG. ¿A favor?. Partido Popular. Como consecuencia do escrito 2871 de 25 de maio de 2000 do Ministerio de Administracións Públicas, sobre o Programa Operativo Local Obxectivo I (2000-2006), o Pleno de conformidade co dictame da Comisión Informativa de Cooperación acorda, por maioría de votos a favor do Partido Popular e co voto en contra do PSOE e a abstención do BNG, aprobar definitivamente o Plan de obras que integran a anualidade 2000, manténdose na súa totalidade o acordo 5.4442, adoptado na sesión ordinaria do Pleno celebrada pola Corporación Provincial o 25 de febreiro de 2000, coa excepción, ademais da denominación das obras do Concello de Cotobade, do financiamento e do incremento de obras a executar pola Deputación Provincial, tanto no propio Programa, como no Programa de Actuacións Complementarias, que se contemplan nos listados de ordenador adxuntos, e quedando o seu financiamento como segue: FONDOS ESTRUCTURAIS: Administración Xeral do Estado 154.421.000 ptas. Deputación Provincial 963.274.000 ptas. TOTAL 1.117.695.000 ptas. ADMINISTRACIÓNS NACIONAIS: Administración Xeral do Estado 66.177.000 ptas. Deputación Provincial 379.810.558 ptas. Concellos 85.919.632 ptas. TOTAL 531.907.190 ptas. GASTO NON ELIXIBLE: Concellos 8.725.400 ptas. TOTAL 1.658.327.590 ptas. A maior aportación ó Programa é consecuencia da maior aportación da Deputación á obra número 77, na que se efectúan tódolos redondeos e do gasto non elixible aportado polos Concellos. O Concello de Cotobade pediu o cambio de actuacións do Plan Principal e Plan Complementario, sen varia-lo financiamento, e agora pasan a denominarse: - "Alcantarillado nos núcleos de Cutián e Vilanova". Plan Principal. - "Alcantarillado no núcleo de Almofrei". Plan Complementario. De acordo co informe de Intervención tramitarase a correspondente modificación de crédito, para suplementa-las partidas presupostarias afectadas. Seguiranse os trámites que prescribe a lexislación vixente. ------ Folla: 4.4492.- ACEPTACIÓN DE DELEGACIÓNS Ó ORAL POR CONCELLOS DA PROVINCIA, PARA A XESTIÓN DE RECURSOS LOCAIS Sr. Presidente.- Punto número 4 da orde do día. Aceptación das delegacións ó ORAL por Concellos da provincia para xestión de recursos locais. Sr. Pedrosa Fernández.- Si, gracias Sr. Presidente. Bien, la aceptación que se trae a este Pleno son as seguintes propostas polos Concellos que paso a relacionar: Concello de Cambados, delega no ORAL a recadación executiva de multas de tráfico; o Concello das Neves delega a recadación executiva do prezo público de subministro de auga, a taxa de expedición de licencias de apertura de establecementos e a taxa de expedición de licencias urbanísticas; o Concello de Vila de Cruces, revoca a delegación da recadación do prezo público de abastecemento de auga e o Concello de Vilanova de Arousa delega no ORAL a recadación executiva do prezo público por subministro de auga e das multas e infraccións urbanísticas. Sr. Presidente.- Perfecto. ¿Algunha intervención?. Non hai intervencións. ¿Votos en contra?. ¿Abstencións?. ¿A favor?. Vista a proposta que formula o ORAL, Organismo Autónomo Provincial de Xestión de Recursos Locais da Excma. Deputación Provincial de Pontevedra, de data 14 de xuño do corrente ano; e visto así mesmo o dictame favorable emitido pola Comisión de Economía e Facenda, o Pleno, de conformidade co dictame da Comisión Informativa de Economía e Facenda, acorda por unanimidade aceptar, de conformidade co previsto no art. 7.2 da Lei 39/1988, de 28 de decembro, reguladora das Facendas Locais, a revocación, a ampliación de delegacións xa efectuadas e as novas delegacións que en materia de xestión, liquidación, recadación e inspección de recursos locais, realizou, seguindo o establecido nos artigos 106.3 da Lei 7/1985, de 3 de abril, reguladora das Bases de Réxime Local, e 7 da citada Lei 39/88, na Deputación Provincial de Pontevedra-ORAL os Concellos da provincia que seguidamente se relacionan. Debéndose, así mesmo, proceder á publicación no Boletín Oficial da Provincia e no Diario Oficial de Galicia da presente aceptación de delegacións, tal como determina o meritado art. 7.2 "in fine". - CONCELLO DE CAMBADOS.- (Acordo do Pleno de 12-04-00). Delega a recadación executiva das multas de tráfico con efecto do 1 de xaneiro de 2000. - CONCELLO DAS NEVES.- (Acordo do Pleno de 27-06-98). Delega a recadación executiva dos seguintes recursos: - Prezo público por subministro de auga. - Taxa por expedición de licencias de apertura de establecementos. - Taxa por expedición de licencias urbanísticas. - CONCELLO DE VILA DE CRUCES.- (Acordo do Pleno de 16-10-99). Revoca a delegación da recadación do prezo público por abastecemento de auga. - CONCELLO DE VILANOVA DE AROUSA.- (Acordos do Pleno de 18-03-98 e 14-05-98). Delega a recadación executiva dos seguintes recursos: - Prezo público por subministro de auga. - Multas e infraccións urbanísticas. ------ Folla: 5.4493.- TERCEIRO EXPEDIENTE DE MODIFICACIÓN DE CRÉDITOS PARA CRÉDITOS EXTRAORDINARIOS E SUPLEMENTOS DE CRÉDITO, DENTRO DO VIXENTE PRESUPOSTO PROVINCIAL Sr. Presidente.- Punto número 5. Terceiro expediente de modificación de créditos para créditos extraordinarios e suplementos de crédito dentro do vixente Presuposto Provincial. Sr. González. Sr. González Iglesias.- Nós votamos en contra do Presuposto; aquí xa non se trata só do voto en contra do Presuposto, senón que a maior parte deste expediente vai dedicada á maior aportación que ten que face-la Deputación no Plan Operativo Local. Acabamos de votar en contra no punto segundo e loxicamente vamos a mante-lo voto. De 264 millóns de pesetas 160 van para financiar a aportación que ten que facer amais a Deputación no POL e 28 para cubri-la aportación dos Concellos, que sexan 188 de 264, polo tanto vamos a votar en contra. Sr. Presidente.- Gracias. Sr. Mosquera. Sr. Mosquera Lorenzo.- Moitas gracias. Son vostedes de piñón fixo e digo por que. Áparte que a modificación non sexa moi grande, 264 millóns, e que a maioría vaian para o POL que xa se discutiu antes, síguese poñendo para a Fundación San Rosendo, para o convenio ese que se quere facer, que o outro día retiraron da Comisión, e polo tanto non está decidido. Siguen contemplando os cartos, ou sexa que dan xa por decidido algo que vostedes mesmos retiraron para maior estudio. Tal como está este expediente, á parte do recurso ó orzamento do que nós non estivemos de acordo, vamos a votar en contra. Sr. Presidente.- Gracias. Bueno procedemos entón á súa votación. ¿Votos en contra?. O PSOE e o BNG. ¿Abstencións?. Non hai. ¿A favor?. Partido Popular. Visto o terceiro expediente de modificación de créditos para créditos extraordinarios e suplementos de crédito, dentro do vixente Presuposto Provincial, por un total de DOUSCENTOS SESENTA E CATRO MILLÓNS CENTO SETENTA E CATRO MIL DUASCENTAS VINTE PESETAS (264.174.220), sendo de dita cantidade para créditos extraordinarios 14.157.002 pesetas e para suplementos de créditos 250.017.218 pesetas, motivado á necesidade de ter que realizar gastos que non deben demorarse ata o exercicio seguinte, por non existir consignación no estado de gastos do vixente Presuposto, financiándose dito expediente con cargo ó remanente de Tesourería dispoñible, o Pleno, de conformidade co dictame da Comisión Informativa de Economía e Facenda, acorda, por maioría de votos a favor do PP e cos votos en contra do PSOE e do BNG, prestar aprobación a dita modificación presupostaria e ós recursos para o seu financiamento, sendo o detalle do expediente resumido por capítulos o seguinte: CAPÍTULO DENOMINACIÓN CRÉDITOS SUPLEMENTOS DE EXTRAORDINAIOS CRÉDITOS 1º Gastos de persoal 0 151.291 2º Gastos en bens correntes 282.002 34.188.619 4º Transferencias correntes 0 10.000.000 6º Inversións reais 1.375.000 177.426.906 7º Transferencias de capital 12.500.000 28.250.402 TOTAL 14.157.002 250.017.218 Os suplementos así como os créditos extraordinarios fináncianse con cargo ó remanente de Tesourería dispoñible. Este expediente presenta, resumindo por capítulos, o seguinte resultado: Capítulo 1º.- Gastos de persoal 151.291 Capítulo 2º.- Gastos en bens correntes e servicios 34.470.621 Capítulo 4º.- Transferencias corren-tes 10.000.000 Capítulo 6º.- Inversións reais 178.801.906 Capítulo 7º.- Transferencias de capital 40.750.402 Total expediente de modificación de crédito 264.174.220 Dito expediente, de conformidade co disposto no art. 158 en relación co 150 ámbolos dous da Lei 39/1988, de 28 de decembro, reguladora das Facendas Locais, expoñerase ó público por un período de quince días a efectos de reclamacións. ------ Folla: 6.4494.- COMUNICACIÓNS Sr. Presidente.- Punto 6 da orde do día. Comunicacións. Sr. Secretario.- Como es habitual y obligatorio darles cuenta de las Resoluciones de la Presidencia dictadas entre el día 22 de mayo y el 24 de junio de este año de las que ya se ha dado traslado a los grupos políticos. Nada más. Queda enterado o Pleno de extractos de Resolucións Presidenciais dictadas entre o día 22 de maio e o 24 de xuño deste ano e das que se dou traslado ós distintos grupos políticos. ------ Folla: 7.4495.- ROGOS E PREGUNTAS Sr. Presidente.- Punto 7 da orde do día. Rogos e Preguntas. Sr. Mosquera. Sr. Mosquera Lorenzo.- Si, é para facer non sei se un rogo, se unha pregunta ou unha constatación ou algo semellante. Houbo épocas nesta Deputación en que os plans e demais se repartían segundo un sistema homologado e universal, que era o sistema dixital, e chegou un momento en que ese propio sistema dixital lles creaba conflictos entre os propios Concellos e entón volveron atrás. Cando, digamos, as novas tecnoloxías ían pola dixitilización, vostedes cambiaron, foron uns avanzados neso, cambiaron e pasaron a repartir eses plans segundo uns criterios supostamente obxectivos e non sen ese recurso aberto e universal á dixitilización, a repartilas vía dixital segundo fora a cor política, e incluso dentro da mesma cor política se era máis amigo ou máis afin ou máis enemigo ou menos afín. E fago esta introducción en relación á algo que xa vin o outro día na Comisión e comentei. Creín que era un erro, pero ó final ninguén mo corrixiu, máis ben ó final da Comisión me dixeron que non era ningún erro con respecto ó reparto do PAM. O certo é que fixeron unhas contas, por exemplo o POL que acabamos de aprobar, pois seis millóns e medio o mínimo máis o 60% de poboación, o 40% extensión, sen quita-la poboación urbana, etc., etc., era un reparto. E no PAM resulta que fixeron un reparto, 60% extensión, 40% poboación, quitando a poboación urbana que debe ser que non ten os mesmos dereitos que ó resto da poboación, e sacan un reparto tan bárbaro como que leo algunhas cifras. Lalín se leva case 53 millóns, a Estrada leva 48, e Cotobade lévase 21 e medio e resulta que Pontevedra se leva 32,8 millóns, cando o ano pasado, no bienio 98-99 cun PAM semellante, este pode ser como moito un 20% inferior, se elevara a 50 millóns. Ese criterio non se utilizara no anterior. A pregunta igual responde ás declaracións que fixo o Presidente, que non está hoxe aquí, de que en Pontevedra non se fai nada. Non sei a que responde; se cadra estima que nos sobran os cartos ou que a poboación de Pontevedra ou de Marín, doutros lados onde é urbana, non ten os mesmos dereitos que o resto. En fin, é difícil de entender, é francamente difícil de entender. Porque se nos caera de novas, é dicir, bueno é que este ano se fixo o reparto, saiu así, pois bueno, un pode ver claro que a relación entre os cidadáns á hora de designa-los cartos é disparatada, pero bueno, foi un criterio que usaron, un deses criterios que usan agora dende que suprimiron a universalización da vía dixital, pois saiu así ou foi feito así, pero o que hai é o precedente dos anos anteriores en que case cos mesmos cartos e cos mesmos repartos, segundo vostedes, as cifras non coinciden. É malo de explicar, supoño que asumirán que é un erro ou senón supoño que o corrixirán. Esa é a pregunta, se teñen previsto algo para corrixir esto ou se non que nos expliquen por que un ano utilizan un criterio e outro ano utilizan outro. Sr. Presidente.- Sr. Conde Romero. Sr. Conde Romero.- Gracias Sr. Presidente. Sr. Mosquera, sempre medimos a tódolos veciños por igual, a todos. O que pasa é que vostede ten ese costume. O coñezo aquí fai dez ou doce anos e vostede segue igual, dicindo o mesmo que fai dez anos. Non lle dá resultado. Cambie. O outro día na Comisión pudo xurdi-la dúbida de se o funcionario que fixo os números podía terse equivocado. Non é verdade. Está ben, está ben. No POL está ben feita a distribución. Que si Lalín, a Estrada leva outro tanto, que non sei que, eso repítolle o mesmo que lle dixen fai un rato, é o mesmo que vostede leva dicindo antes, xa falou de Lalín fai dez anos, segue falando de Lalín hoxe, e seguirá falando vostede de Lalín dentro de vinte anos porque en Lalín seguirá gobernando o Partido Popular dentro de vinte anos. Non lle podo a vostede entende-lo por que sigue nesa postura. A capital, Pontevedra, ten o mesmo dereito que ten un veciño de calquera extremo da provincia de Pontevedra, o mesmo, e polo tanto está levando o que lle corresponde, non pretenderá vostede con eso de que Pontevedra é a capital que vaiamos a ser diferentes, temos que ser igual con todos, cos de Redondela, cos de Pontevedra, cos de Baiona, cos de Lalín, de calquera esquina da provincia de Pontevedra. O que pasa é que vostede dame a impresión de que tamén arrima a ascua á súa sardiña, e está dicindo o que lle interesa, pero eso non é a realidade. Sr. Mosquera, créame en serio que o criterio que se fai é un criterio que se vén facendo nesta casa fai moito tempo e que eu creo que manifestei xa aquí nun Pleno que pretendo que se vaia modificando gradualmente, e vostede sabe que eu o propuxen e espero que co apoio dos meus compañeiros se poida ir sacando eso adiante. Moitas gracias Sr. Presidente. Sr. Presidente.- Gracias. Sr. Mosquera Lorenzo. Sr. Mosquera Lorenzo.- Efectivamente ten exactamente os mesmos dereitos. O Concello de Cotobade cada habitante leva neste plan 4.100 ptas. por habitante e o de Pontevedra leva 400 ptas. por habitante. Ese é exactamente o mesmo dereito. Pero creo que é a primeira vez que falo dunha cuestión de Pontevedra; aquí estou como Deputado Provincial e non quero trae-las cuestións locais pero é que esto é tan sangrante, e á parte é o mesmo criterio que aplicaron sempre, por eso o ano pasado daban 50 millóns e este ano dan 32. Aplicando o mesmo criterio e a mesma vara de medir, segundo se estire a vara miden como lles parece ben e xa está. E pénseno, creo que a saída é absolutamente disparatada. O reparto fanno vostedes e polo tanto pouco podemos facer, pero eu creo que sería moi razonable dicir se realmente as poboacións, os Concellos con máis poboación urbana, onde se concentra máis poboación etc., saen prexudicados, vamos a intentar compensalos por outra vía, etc., etc.. Sería bastante máis sensato, ou engañámonos, podemos corrixilo para o ano que vén, pero dici-lo que acaba de dicir é que choca frontalmente co máis mínimo dato, non resiste ningunha crítica. Nada máis. Sr. Presidente.- En principio os criterios, tal e como dicía o noso Deputado, son 40% poboación e 60% extensión e ese reparto fixo sistematicamente o ordenador e polo tanto aí non hai ningún tipo de erro. Outra cousa é que se reivindique máis para cada un dos Concellos. Neste caso vostede reivindica máis para Pontevedra, o cal me parece lóxico e lexítimo, pero en principio se fixo un reparto para todos por un igual aplicando eses criterios. Tamén dicir que, como casco urbano e como Concello que vostede sabe é superior a 50.000 habitantes, Pontevedra xa ten outro tipo de plans que os Concellos pequenos evidentemente non teñen e do cal vostede é consciente. Creo que nese sentido está perfectamente aclarado ou ¿quere aclarar algunha cousa?. Bueno, pois aclare. Sr. Mosquera Lorenzo.- Claro é que Pontevedra ten acceso ó POL exactamente como acabamos de aprobar. Non entrou neste POL por ter máis de 50.000 habitantes, pero ó PAM, que eu sepa non hai ningún PAM, o PAM é único para provincia da Deputación, polo tanto non ten nada que ver. Pero xa o dixen antes; antes usaban a vía dixital e agora usan face-las contas nun ordenador para que salga o que queiran. ¿Como vai se-lo mesmo criterio que o ano pasado?. O ordenador o ano pasado dou 50 millóns, o quitaron do ordenador e este ano dá 32 porque entra no ordenador. Por favor, non intente convencer, saiulle así porque quixeron que saíra así e punto. Sr. Presidente.- A verdade é que canta máis transparecencia se lle queira dar ás cousas con vostedes é imposible convencelos, ou sexa, aínda que queiramos convencelos é que practicamente é imposible e queremos darlle cada vez máis transparencia a tódolos asuntos de repartos sobre todo, pero non hai posibilidade de convencelos porque non van a estar de acordo por sistema. ¿Máis rogos se hai?. Sr. Pazos Docampo.- Eu solicitaba que se me enviaran as convocatorias con tempo suficiente, porque sempre me chegan retrasadas e esta semana chegoume a convocatoria do CPAM ó día seguinte de celebrarse. É que é reiterado, chegan as convocatorias despois de celebrarse as xuntanzas. Nas que están establecidas non teño problema porque sei que as hai, pero as que non están establecidas chegan cando se quere. Sr. Presidente.- Gracias. Pediremos ó responsable neste sentido que non volva a suceder o tema de que non reciban as convocatorias en tempo e forma. Sr. Muradas Ramos. Sr. Muradas Ramos.- Yo quería preguntar si el PAM va a volver a ir a la Comisión Informativa otra vez. Sr. Conde Romero.- ¿Se referirá al POL?. Sr. Presidente.- Non ó PAM porque deixáchelo encima da mesa. Sr. Conde Romero.- Yo pretendo que vuelva otra vez. No hay prisa. Pretendo que vuelva a la Comisión. FÓRA DA ORDE DO DÍA, e previa declaración de urxencia adoptouse o seguinte acordo: ------ Folla: 8.4496.- RENUNCIA Ó CARGO DE DEPUTADO PROVINCIAL DE D. JUAN MANUEL CORRAL PÉREZ Sr. Presidente.- Fóra da orde do día hai un escrito de D. Juan Manuel Corral Pérez, Deputado Provincial, que ten o honor de expoñe-lo seguinte: Que por razóns de tipo meramente persoal renuncia con esta data ó cargo de Deputado Provincial para o que foi elixido nas pasadas eleccións, rogándose se expoña así a renuncia ó Pleno que terá lugar no día de hoxe e realícense os trámites oportunos perante a Xunta Electoral Central. Pontevedra, 30 de xuño de 2000. Sr. Corral Pérez.- Bueno, Sr. Presidente e Sras. e Sres. Deputados, como non son partidario das despedidas dou por reproducidas as cousas de contido emotivo que se di nestes casos, pero non podía deixar esta Corporación sen da-las gracias de corazón do moito que aprendín neste ano da calidade profesional, política e fundamentalmente humana de todas as señoras e señores Deputados. Un amigo meu que aprecio moito, é moi significativo para min, díxome un día nesas horas baixas pequenas que ás veces temos os que nos dedicamos á actividade pública, -"Corral la política es jodida"-, e eu dixen non, el non está dicindo que a política é eso, estase referindo a mínimas excepcións dalgúns. Por eso sempre falo ben da política e dos políticos, e cando a política me deixe, porque a política nos deixa, nós gustosamente nunca deixaríamos, esté xa retirado de toda actividade e cando estea na tertulia tomando un vaso, ou xogando ó dominó ou o padel, porque como todo o mundo sabe os do PP tamén somos moi bos neso, sempre falarei ben da política, dos políticos, das señoras Deputadas e Deputados, dos meus compañeiros do Concello de Vigo, dos Sres. Senadores tamén que me acompañan no Senado. Só teño que dicir unha aperta moi forte, gracias e un amigo aquí para todo e para sempre. Gracias. Sr. Presidente.- Gracias Juan. Sra. Abelairas Rodríguez.- Permítame o Sr. Presidente unha pequeniña broma pero que vai con todo o cariño. Dicirlle ó Sr. Corral que eu personalmente vouno votar de menos e vou votar de menos os chistes que me contaba sempre, e espero que pase a contarmos no Concello xa que agora non vai poder facelo aquí. Moitas gracias e que teña moita sorte. Sr. Presidente.- Gracias Isaura. Bueno, eu dicir, en nome propio e como Vicepresidente desta Deputación, que me correspondeu a min presidir este Pleno, en nome do noso Presidente Manuel Abeledo, e creo que de tódolos Deputados que conformamos esta Deputación Provincial, quero expresarche o noso agradecemento, dun lado polos servicios prestados a esta Institución no teu cargo de Deputado Provincial e Presidente da Comisión de Servicios Sociais e doutro pola amistade que sempre nos brindaches. Despedimos a un Deputado pero tamén a un compañeiro e amigo que sempre se distinguiu pola súa cordialidade e caballerosidade en tódalas súas actuacións e que nestes momentos decideu renunciar ó seu cargo de Deputado Provincial para así poder centrar a súa actividade política noutros ámbitos da súa responsabilidade. Amigo Juan, sabes que aquí deixas a uns amigos que compartimos responsabilidades neste último ano e que con estas sinceiras palabras queremos mostrarche o noso agradecemento e non che dicimos adeus senón ata sempre. Gracias. Non hai máis asuntos. Polo tanto damos por levantada a sesión. Resultando que por D. Juan Manuel Corral Pérez, Deputado Provincial polo Partido Popular, elixido en representación do Partido Xudicial de Vigo nas eleccións celebradas o pasado ano de 1999, preséntase renuncia ó cargo de Deputado Provincial por razóns de tipo meramente persoal. Considerando que a Xunta Electoral de Zona de Vigo proclamou no seu momento Deputados Provinciais suplentes polo Partido Xudicial de Vigo e en representación do Partido Popular a D. Angel Gregores Méndez, Dona María del Carmen Bianchi Valcarce e D. José Villar Pereira, respectivamente e pola indicada orde. Vistos os artigos 9.4 do Regulamento de Organización, Funcionamento e Réxime Xurídico das Entidades Locais, 73 da Lei 7/85 reguladora das Bases de Réxime Local e 208 da Lei Electoral Xeral de 19 de xuño de 1985, así como a Instrucción da Xunta Electoral Central de 19 de xullo de 1991. Acórdase por unanimidade acepta-la renuncia ó cargo de Deputado Provincial presentada por D. Juan Manuel Corral Pérez, agradecéndolle a colaboración prestada, remitindo certificación acreditativa do presente acordo á Xunta Electoral Central, coa indicación de que a xuízo da Corporación e á vista da acta da Xunta Electoral de Zona de Vigo, de data 8 de xullo de 1999, corresponde cubri-la vacante a D. Angel Gregores Méndez. E non habendo máis asuntos que tratar, polo Sr. Presidente, sendo as doce horas do expresado día, dase por rematada a sesión e dela exténdese a presente Acta, que asinará o Ilmo. Sr. Presidente comigo, o Secretario, que dou fe. ------

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

Área de control da descrición