Servicio de patrimonio documental e bibliográfico - Deputación de Pontevedra

Código(s) de referencia 1.1.3.2.1

Título CAMBADOS. NÚMERO 1

Data(s) 1933-1995 (Creación)

Volume e soporte 1280 unidades de instalación

Nome do produtor Xulgado de Primeira Instancia e Instrución de Cambados. Número 1(1835-) Creado o Xulgado de 1ª Instancia polo Regulamento da Administración de Xustiza de 1835 e consolidado, con funcións de primeira instancia no civil e instrución no penal, pola Lei Adicional de 1882, o Xulgado de 1ª Instancia e Instrución de Cambados abarca nas súas competencias os municipios de Vilagarcía de Arousa, Vilanova de Arousa, O Grove, Meis, Ribadumia, Sanxenxo e Meaño. Pola Lei 12/1982, do 31 de marzo, créase o partido xudicial de Vilagarcía de Arousa, do que pasan a formar parte, segregándose do de Cambados, os concellos de Vilagarcía e Vilanova de Arousa. Así mesmo, a Lei 28/1988, de Demarcación e Planta Xudicial, crea o Xulgado de 1ª Instancia e Instrución nº 2 de Cambados, que absorberá os asuntos dos suprimidos Xulgados de Distrito de Cambados e Sanxenxo, pasando o máis antigo a numerarse co nº 1.

Institución arquivística Arquivo Histórico Provincial de Pontevedra

Historia arquivística Debido á inauguración dunha nova sede xudicial, o Xulgado de 1ª Instancia e Instrución nº 1 solicitou o traslado ó A.H.P. dos expedientes de determinada antigüidade. En abril de 2003 tivo lugar o ingreso dos expedientes do Xulgado nº 1 nun local recentemente alugado e acondicionado pola Consellería de Cultura; estableceuse como data límite o ano 1990, co fin de liberar o máis posible o arquivo xudicial, e tendo en conta que é o ano no que deixan de funcionar os Xulgados de Distrito ( Cambados e Sanxenxo neste caso) e inicia a súa actividade o Xulgado de 1ª Instancia e Instrución nº 2.