Servicio de patrimonio documental e bibliográfico - Deputación de Pontevedra

Código(s) de referencia 1.1.5.1.2

Título VIGO. NÚMERO 1

Data(s) 1943-1984 (Creación)

Volume e soporte 844 unidades de instalación en soporte papel na súa totalidade

Nome do produtor Maxistratura de traballo de Vigo. Número 1(1938-1988) As Maxistraturas de Traballo créanse polo Decreto do 13 de maio de 1938, que suprime os Xurados Mixtos de Traballo e os Tribunais de Traballo. A Lei Orgánica do 17 de outubro de 1940 configúraas como "única instancia jurisdiccional contenciosa en la rama social del derecho", coa función de intervir nos conflitos individuais entre empresarios e traballadores e, a partir de 1963, nos litixios motivados pola aplicación do réxime da Seguridade Social. Estaban vinculadas, administrativa e disciplinariamente, ó Ministerio de Traballo, e as súas sentenzas podían ser recorridas perante o Tribunal Central de Traballo e a Sala do Social do Tribunal Supremo. A base territorial das Maxistraturas será a provincia, tendo a súa sede nas capitais; non obstante, a Orde do 25 de maio de 1938 estableceu que na provincia de Pontevedra a sede estivera na cidade de Vigo. A Maxistratura de Vigo será a única da provincia ata que, pola Orde do 22 de abril de 1953, se crea a Maxistratura de Pontevedra, que abranguerá o territorio dos partidos xudiciais de Caldas de Reis, Cambados, A Estrada, Lalín, Pontevedra, Pontecaldelas e Redondela, agás os concellos de Cangas, Moaña, Mos, Pazos de Borbén e Redondela que, xunto cos partidos xudiciais da Cañiza, Ponteareas, Vigo e Tui, seguirán dependendo da Maxistratura de Vigo. Pola Orde do 4 de xaneiro de 1973 crearase a Maxistratura de Traballo nº 2 de Vigo, e pola Orde do 8 de xaneiro de 1973 a nº 3. A Lei 6/1985, Orgánica do Poder Xudicial, manterá as Maxistraturas de Traballo ata a súa substitución definitiva polos Xulgados do Social coa entrada en vigor da "Ley de Planta y Demarcación Judicial", do 28 de decembro de 1988.

Institución arquivística Arquivo Histórico Provincial de Pontevedra

Historia arquivística A documentación da Maxistratura de Traballo nº 1 de Vigo ingresou en outubro de 1988 procedente do antigo edificio dos Xulgados de Vigo, xunto con outra documentación xudicial do partido, agrupada en atados desordenados. A meirande parte da documentación iníciase en 1955 xa que, segundo parece, a anterior fora eliminada nun expurgo realizado a consecuencia dun traslado desde un antigo local á sede xudicial na rúa do Príncipe.