Servicio de patrimonio documental e bibliográfico - Deputación de Pontevedra

Código(s) de referencia 1.7.2.1

Título CÁMARA OFICAL DA PROPIEDADE URBANA DE PONTEVEDRA

Data(s) ca.1961-2000 (Creación)

Volume e soporte 45 metros lineais

Nome do produtor Cámara Oficial da Propiedade Urbana de Pontevedra(1907-2000) Creadas como asociacións privadas de afiliación voluntaria mediante o Real decreto do 16 de xuño de 1907, as Cámaras Oficiais da Propiedade Urbana viron recoñecido, tal e como se establecía no art. 2º, o seu carácter oficial por Real decreto, previa solicitude da asociación da propiedade correspondente. No caso da Cámara de Vigo, concedéuselle tal carácter mediante o Real decreto do 5 de decembro de 1914 tendo que pasar trinta anos ata que, pola Orde do 8 de maio de 1944, pasou a ser comarcal. En 1919 experimentaron unha profunda transformación ó establecerse a colexiación obrigatoria dos propietarios de terreos urbanos nas cámaras mediante o Real decreto do 25 de novembro, contemplando, tamén, a súa creación nas pobacións o nas que non existían. Ó ano seguinte, en concreto, o 28 de maio de 1920, aprobouse por Real decreto o Regulamento provisional para a reorganización e funcionamento das cámaras, que se elevou a definitivo mediante o Real decreto-lei do 6 de maio de 1927, recollendo a ampliación da xurisdición das provinciais a todo o territorio da provincia, coa excepción do que correspondera ás locais que existisen dentro dela. Con posterioridade, a Lei do 9 de setembro de 1931 elevou este regulamento á categoría de lei, que se derrogou en 1941 mediante a Lei do 30 de maio. En 1950 a súa organización e funcionamento reguláronse por un novo regulamento aprobado polo Decreto do 10 de febreiro e modificado parcialmente en anos sucesivos. Con posterioridade, aprobouse mediante o Real decreto 1649/1977, do 2 de xuño, o proxecto de regulamento das cámaras, que pretendía dotalas da organización e autonomía que o momento requiría. Despois da asunción efectiva, por parte da Comunidade Autónoma de Galicia, da competencia exclusiva en materia de corporacións de dereito público, mediante o Real decreto 2577/1983, do 25 de agosto, sobre traspaso de funcións a esta Comunidade en materia de Cámaras Oficiais da Propiedade Urbana, suprimíronse como corporacións de dereito público polo Real decreto-lei 8/1994, do 5 de agosto, establecéndose o procedemento para a súa liquidación e extinción mediante o Decreto 46/1999, do 11 de febreiro.

Institución arquivística Arquivo Histórico Provincial de Pontevedra